10 – Papitaiso

Bea nae fuofuonoa a mamani mo lala; bea nae fakabouli ae fuga oe loloto. Bea nae oofaki ae Laumalie oe Otua ki he fukahi vai.

Koia ke mou kamu‘i ae kili o ho mou loto, bea oua te mou kei kia kekeva.

Ke ke fufulu aubito au mei he eku hia, mo fakamaa au mei he eku agahala:

Ke ke fakamaa au aki ae isobe, bea teu maa ai: fufulu au, bea teu hinehina lahi i he uha hinehina.

Fufulu akimoutolu, o gaohi ke mou maa; hiki ke mamao meiate au ae kovi o hoo mou faiaga; tuku ae fai kovi;

E Jelusalema, ke ke fakamaa ho loto mei he agahala, koeuhi ke ke moui. E fefe hono fuoloa ae nofo a hoo gaahi mahalo kovi iate koe?

Bea teu toki luluku aki akimoutolu ae vai maa, bea te mou maa: teu fakamaa akimoutolu mei hoo mou fakalielia kotoabe, bea mo ho mou gaahi tamabua. Teu foaki foki ha loto foou kiate kimoutolu, bea teu ai kiate kimoutolu ha laumalie foou; teu too o ave ae loto maka mei ho mou kakano, bea teu foaki kiate kimoutolu ae loto kakanoia. Bea teu tuku ki loto iate kimoutolu a hoku laumalie, bea teu fakaloto‘i akimoutolu ke aeva i he eku gaahi fekau, bea te mou tauhi aia oku ou tuutuuni, bea fai ki ai.

Bea nae toki alu kiate ia a Jelusalema, mo Jutea kotoabe, moe botu fonua kotoabe nae tuu ofi ki Joatani, Ke babitaiso iate ia i Joatani, o vete e nau gaahi agahala. Ka i he ene mamata kuo ha‘u ae toko lahi oe Falesi moe Satusi ki he ene babitaiso, nae behe eia kiate kinautolu, Ae fanau ae gata fekai, kohai naa ne valoki akimoutolu ke buna mei he houhau e ha‘u? Koia mou fakaha ae gaahi fua oku gali moe fakatomala:

Bea koeni, kuo tuku ae toki ki he tefito oe gaahi akau: koia, koe akau kotoabe oku ikai tubu ai ae fua lelei, e ta hifo ia, bea laku ki he afi. Koe mooni oku ou babitaiso akimoutolu aki ae vai ki he fakatomala: ka ko ia oku muimui iate au oku lahi ia iate au, oku ikai tāu mo au keu too hono tobuvae: bea e babitaiso eia akimoutolu aki ae Laumalie Maonioni moe afi. Oku i hono nima a hono i, bea te ne fakamaa aubito hono hahaaga, o tanaki a hono uite ki he feleoko; ka e tutu eia ae kafukafu aki ae afi taemate.

Bea toki ha‘u a Jisu mei Kaleli ki Joatani kia Jone, ke babitaiso iate ia. Ka nae taofi ia e Jone, o behe, Oku gali mo au keu babitaiso iate koe, bea oku ke ha‘u kiate au? Bea lea a Jisu kiate ia, o beheage, Tuku ke fai eni: he oku tāu mo kitautolu ke fai ki he maonioni kotoabe. Bea ne toki tuku ke fai ia. Bea kuo babitaiso a Jisu, nae alu hake leva ia mei he vai; bea vakai, kuo mavaeua ae lagi kiate ia, bea mamata ia ki he Laumalie oe Otua oku maliu hifo o hage koe lube, o tuu mai kiate ia: Bea iloage, koe le‘o mei he lagi, nae behe, Ko hoku Alo ofaaga eni, aia oku ou fiemalie lahi ai.

Bea lea a Jisu, o beheage kiate kinautolu, Teu fehui kiate kimoutolu foki ki he mea e taha, bea kabau te mou tala ia kiate au, teu tala foki kiate kimoutolu ae bule koia oku ou fai ai ae gaahi mea ni. Koe babitaiso a Jone, nae meife? mei he lagi, be mei he tagata? Bea nau fealeleaaki, o behe, Kabau te tau behe, Mei he lagi; bea e behe eia kiate kitautolu, Bea koeha nae ikai ai te mou tui kiate ia? Bea kabau te tau behe, Mei he tagata; oku tau manavahe ki he kakai; he oku lau kotoabe koe balofita a Jone. Bea nau talaage kia Jisu, o behe, Oku ikai te mau ilo. Bea behe eia kiate kinautolu, Bea e ikai teu tala kiate kimoutolu ae bule koia oku ou fai ai ae gaahi mea ni.

Koia ke alu akimoutolu, o fakalotu‘i ae gaahi buleaga kotoabe, o babitaiso akinautolu i he huafa oe Tamai, moe Alo, moe Laumalie Maonioni: O akonaki atu kiate kinautolu ke nau tokaga ki he gaahi mea kotoabe aia kuou fekau kiate kimoutolu: bea vakai, oku ou iate kimoutolu mau ai be, o a‘u ki he gataaga o mamani. Emeni.

Nae babitaiso e Jone i he toafa, mo ne malaga aki ae babitaiso oe fakatomala ki he fakamolemole oe agahala. Bea nae alu atu kiate ia ae fonua kotoabe ko Jutea, bea mo kinautolu o Jelusalema, o nau babitaiso kotoabe iate ia i he vaitafe ko Joatani, o vete e nau gaahi agahala. Bea nae kofu aki a Jone ae fulu-fulu‘i kameli, bea nonoo aki hono koga loto ae kili‘i manu; bea naa ne kai ae hee moe mea hua melie oe vao; Bea naa ne malaga, o behe, Oku muimui iate au ae toko taha oku lahi kiate au, koe nonoo oe tobuva‘e oona oku ikai tāu mo au keu bunou hifo o vevete. Koe mooni, kuou babitaiso aki akimoutolu ae vai: ka te ne babitaiso aki akimoutolu ae Laumalie Maonioni.

Bea i he gaahi aho koia, nae ha‘u a Jisu mei Nasaleti o Kaleli, bea babitaiso ia e Jone i Joatani. Bea alu hake leva ia mei he vai, bea ne mamata kuo mavaeua ae lagi, bea maliu hifo ae Laumalie kiate ia, o hage koe lube: Bea ogo mai ae le‘o mei he lagi, nae behe, Ko hoku Alo ofaaga koe, aia oku ou fiemalie lahi ai.

Bea lea a Jisu, o ne beheage kiate kinautolu, Teu fehui kiate kimoutolu foki ki he mea e taha, bea mou tala mai kiate au, bea teu tala atu ai kiate kimoutolu ae bule koia oku ou fai ai ae gaahi mea ni. Koe babitaiso a Jone, nae mei he lagi ia? be mei he tagata? Tala mai. Bea nae fealeleaaki akinautolu, o behe, Kabau te tau behe, Mei he lagi; bea e behe mai eia, Koeha nae ikai ai te mou tui kiate ia? Ka tau ka behe, Mei he tagata; oku tau manavahe ki he kakai: he oku nau behe kotoabe, koe balofita mooni a Jone. Bea ne nau lea, o beheage kia Jisu, Oku ikai te mau ilo. Bea lea a Jisu, o behe kiate kinautolu, Bea e ikai teu tala atu kiate kimoutolu ae bule koia oku ou fai ai ae gaahi mea ni.

Bea behe eia kiate kinautolu, Mou alu ki mamani kotoabe, o malaga aki ae ogoogolelei ki he kakai fulibe. Ko ia ia e tui mo babitaiso, e moui; ka ko ia ia e ikai tui, e malaia. Bea koe gaahi fakailoga eni e hoko kiate kinautolu oku tui: Te nau kabuji ae kau tevolo i hoku huafa; te nau lea aki ae gaahi lea foou;

Bea ha‘u ia ki he botu fonua kotoabe o ofi ki Joatani, o ne malaga aki ae babitaiso oe fakatomala ki he fakamolemole oe agahala:

Bea toki behe eia ki he kakai kuo aluage ke nau babitaiso iate ia, Ae fānau ae gata fekai, kohai ne ne valoki akimoutolu ke mou buna mei he houhau e ha‘u? Koia mou fakaha ae gaahi fua oku gali moe fakatomala, bea oua naa lau leva i ho mou loto, Oku mau tamai aki a Ebalahame: he oku ou tala atu kiate kimoutolu, Oku faa fai e he Otua ke fakatubu i he gaahi maka ni ae fānau kia Ebalahame. Bea koeni foki, kuo tuku ae toki ki he tefito oe gaahi akau: bea koia, ka iloga ae akau oku ikai tubu ai ae fua lelei e ta hifo ia, o laku ki he afi.

Bea ha‘u foki ae kau tanaki tukuhau ke babitaiso, o nau behe kiate ia, Eiki, koeha te mau fai?

Bea lea a Jone, o ne beheage kiate kinautolu kotoabe, Koe mooni oku ou babitaiso aki akimoutolu ae vai; ka oku ha‘u ae toko taha oku malohi iate au, bea oku ikai tāu mo au keu vete ae nonoo o hono tobuva‘e: bea e babitaiso aki eia akimoutolu ae Laumalie Maonioni moe afi: Oku i hono nima a hono fohe, bea te ne fakamaa aubito hono hahaaga, bea e tanaki ae uite ki hono feleoko; ka e tutu eia ae kafukafu aki ae afi taemate.

Bea kuo babitaiso ae kakai kotoabe, bea behe, ne babitaiso foki mo Jisu, bea i he ene lotu, ne matoo ae lagi, Bea maliu hifo ae Laumalie Maonioni kiate ia o hage koe jino oe lube, bea hoko mai moe le‘o mei he lagi, o behe, Ko hoku Alo ofaaga koe; oku ou fiemalie lahi iate koe.

Bea koe kakai kotoabe nae fanogo kiate ia, moe kau tanaki tukuhau, naa nau fakaha ae agatonu ae Otua, i he e nau babitaiso i he babitaiso a Jone. Ka koe kau Falesi, moe kau akonaki‘i he fono, naa nau fakataeaoga ae finagalo oe Otua kiate kinautolu, he nae ikai te nau babitaiso iate ia.

Bea fakamooni e Jone, o behe, Naaku mamata ki he Laumalie oku alu hifo mei he lagi o hage koe lube, o nofo kiate ia. Bea nae ikai teu ilo ia: ka ko ia naa ne fekau au ke babitaiso aki ae vai, nae behe eia kiate au, Ko ia te ke mamata e alu hifo ki ai ae Laumalie, o nofo ki ai, ko ia ia oku ne babitaiso aki ae Laumalie Maonioni. Bea naaku mamata, bea fakamooni koe Alo eni oe Otua.

Bea lea a Jisu, o beheage kiate ia, Koe mooni, koe mooni, oku ou tala kiate koe, Kabau e ikai fanau‘i foou ha tagata, e ikai aubito mamata ia ki he buleaga oe Otua. Bea behe e Nikotimasi kiate ia, E faa fanau‘i fefe‘i ae tagata oku motua? e toe faa hu ia ki he manāva o ene fa‘e, bea fanau‘i? Bea behe e Jisu, Koe mooni, koe mooni, oku ou tala kiate koe, Kabau e ikai fanau‘i ae tagata i he vai bea moe Laumalie, e ikai aubito faa hu ia ki he buleaga oe Otua. Ko ia kuo fanau‘i i he kakano, koe kakano ia; bea ko ia kuo fanau‘i i he Laumalie, koe laumalie ia. Oua te ke ofo i he eku tala kiate koe, Oku totonu ke mou fanau‘i foou.

Bea hili eni, nae ha‘u a Jisu mo ene kau akoga ki he fonua ko Jutea; bea nofo ai mo kinautolu, o fai babitaiso. Bea nae fai babitaiso a Jone foki i Enoni o ofi ki Selemi, koeuhi nae i ai ae vai lahi: bea nae ha‘u ae kakai, o babitaiso.

Bea nae kikihi ae kau akoga a Jone moe kau Jiu ki he fakamaa. Bea naa nau ha‘u kia Jone o nau pehe kiate ia, Labai, ko ia ia nae iate koe itua Joatane, aia naa ke fakamooni ki ai, vakai, oku fai babitaiso eia, bea oku aluage ae kakai kotoabe kiate ia. Bea leaage a Jone, e behe, Oku ikai faa ma‘u e ha tagata ha mea, ka i hono foaki ia kiate ia mei he lagi.

BEA koia, i he ilo e he Eiki kuo fanogo ae kau Falesi, oku ului bea babitaiso e Jisu ae kau akoga toko lahi ia Jone, (Ka nae ikai fai babitaiso e Jisu, ka ko ene kau akoga,) Nae mahui ia mei Jutea, bea toe alu ki Kaleli.

Kabau oku mou ofa kiate au, fai eku gaahi fekau.

Bea i he e nau fakataha mo ia, naa ne fekau kiate kinautolu ke oua te nau alu i Jelusalema, kae tatali ki he talaofa ae Tamai, aia, nae behe ai eia, kuo mou fanogo ai iate au. He nae babitaiso mooni e Jone aki ae vai; kae aho jii be, bea e babitaiso akimoutolu aki ae Laumalie Maonioni.

BEA kuo hokojia ae aho oe Benitekosi, kuo nau katoa o loto taha i he botu be taha. Bea fakafokifa nae ai ae uulu mai mei he lagi, o hage ha tuoni matagi malohi aubito, bea fakabito aki ae fale kotoabe naa nau nofo ai. Bea nae ha mai kiate kinautolu ae gaahi elelo magamaga o hage koe afi, bea nofo ia iate kinautolu taki taha. Bea nae fakabito aki akinautolu kotoabe ae Laumalie Maonioni, bea naa nau kamata lea aki ae lea kehekehe, o fakatatau ki hono fakalea‘i akinautolu e he Laumalie.

Bea toki behe e Bita kiate kinautolu, Fakatomala, bea mou taki taha babitaiso i he huafa o Jisu Kalaisi, ke fakamolemole ai ae agahala, bea te mou ma‘u moe foaki oe Laumalie Maonioni.

Bea ko kinautolu nae ma‘u fiefia ene lea, naa nau babitaiso: bea i he aho be koia nae ului ae kakai e toko tolu afe nai. Bea naa nau tuu mau i he akonaki ae kau abosetolo, moe feofoofani, moe tofi oe ma, moe fehufekina. Bea nae to ki he kakai kotoabe ae manavahe: bea nae lahi ae mea fakaofo moe mea mana nae fai e he kau abosetolo.

Ka kuo nau tui kia Filibe, i he ene malaga aki ae gaahi mea oe buleaga oe Otua, moe huafa o Jisu Kalaisi, bea nau babitaiso, ae tagata moe fefine. Bea toki tui foki mo Saimone: bea kuo babitaiso ia, bea nofo ia mo Filibe, o ofo i he ene mamata ki he gaahi mana moe mea fakaofo lahi naa ne fai.

Bea i he fanogo ae kau abosetolo i Jelusalema kuo tali e Samelia ae folofola ae Otua, naa nau fekau a Bita mo Jone kiate kinautolu: Bea i he e na hoko hifo, naa na hufia akinautolu, ke nau ma‘u ae Laumalie Maonioni: (He nae heeki ai to ia ki ha niihi iate kinautolu: ka kuo nau babitaiso be i he huafa oe Eiki ko Jisu.) Bea naa na toki hilifaki ho na nima kiate kinautolu, bea nau ma‘u ae Laumalie Maonioni.

Bea i he e na fonoga i he hala, naa na hoko ki he vai: bea behe e he iunoke, Vakai, koe vai; koeha oku taofi ke oua naaku babitaiso? Bea behe e Filibe, Oku lelei ia, o kabau oku ke tui aki ho loto kotoa. Bea ne leaage, o behe, Oku ou tui ko Jisu Kalaisi koe Alo oe Otua. Bea fekau eia ke tuu ae saliote: bea ne na o hifo fakatouoji ki he vai, a Filibe moe iunoke; bea ne babitaiso i ai. Bea kuo na o hake mei he vai, bea ave a Filibe e he Laumalie oe Eiki, bea nae ikai toe mamata e he iunoke kiate ia: bea fonoga ia i hono hala kuo fiefia. Ka nae ilo a Filibe i Asota: bea fonoga atu ia, mo malaga i he gaahi kolo kotoabe, o fai ki Sesalia.

Bea fetoki fakafokifa mei hono mata ae mea o hage koe uno‘i ika: bea a leva ia, bea tuu, o babitaiso.

E faa taofi e ha taha ae vai, ke oua naa babitaiso akinautolu ni, ka kuo nau ma‘u ae Laumalie Maonioni o hage ko kitautolu? Bea fekau eia ke nau babitaiso i he huafa oe Eiki. Bea naa nau kole kiate ia ke nofo mo kinautolu i he aho niihi.

Beau toki manatu ki he folofola ae Eiki, i he ene behe, Koe mooni nae babitaiso e Jone aki ae vai; kae babitaiso aki akimoutolu ae Laumalie Maonioni. Bea koeuhi kuo foaki e he Otua kiate kinautolu ae foaki, o hage ko kitautolu, nae tui ki he Eiki ko Jisu Kalaisi; bea kohai au, keu faa taofia ae Otua? Bea kuo nau fanogo ki he gaahi mea ni, naa nau fakalogobe, o fakamalo ki he Otua, o nau behe, Ta kuo tuku foki e he Otua ki he gaahi Jenitaile ae fakatomala ki he moui.

Bea kuo fokotuu ki Isileli e he Otua i he hako oe tagata ni ae Fakamoui ko Jisu, o hage koe talaofa: Ka nae fuofua malaga aki e Jone ae babitaiso oe fakatomala, ki he kakai kotoabe o Isileli, i he teeki ai ha‘u ia.

Bea nae fanogo ae toko taha, koe fefine nae fakatau mea kulokula, aia nae higoa ko Litea, bea koe faa lotu ia ki he Otua, mei he kolo ko Taiataila; bea nae matala e he Eiki hono loto ke ne tokaga ki he gaahi mea nae lea aki e Baula. Bea kuo babitaiso ia, mo hono fale, bea ne kole, o behe mai, Kabau oku mou behe mooni, oku ou tui mooni ki he Eiki, mou ha‘u ki hoku fale, o nofo ai. Bea naa ne fakaafe akimautolu.

Bea naa na behe, Tui ki he Eiki ko Jisu Kalaisi, bea te ke moui, mo ho fale. Bea ne na lea aki ae folofola ae Eiki kiate ia, mo kinautolu kotoabe i hono fale. Bea naa ne ave akinaua, o fufulu ho na lavea i he feituubo be koia; bea nae babitaiso ia, bea mo hono fale kotoabe.

Bea nae tui ki he Eiki a Kalisibo, koe bule lahi oe fale lotu, mo hono fale kotoabe; bea nae fanogo mo tui ae kakai Kolinito toko lahi, bea nae babitaiso akinautolu.

Bea ne behe kiate kinautolu, Kuo mou ma‘u ae Laumalie Maonioni talu hoo mou tui? Bea naa nau behe kiate ia, Oku heeki ai te mau fanogo be oku ai ha Laumalie Maonioni. Bea behe eia kiate kinautolu, Bea ne mou babitaiso ki he ha? Bea nau behe, Ki he babitaiso a Jone. Bea toki behe e Baula, Koe mooni nae babitaiso aki e Jone ae babitaiso ki he fakatomala, o ne behe ki he kakai, ke nau tui kiate ia e fakamuimui iate ia, aia, ko Kalaisi Jisu. Bea i he nau fanogo eni naa nau babitaiso i he huafa oe Eiki ko Jisu. Bea kuo hilifaki ae nima o Baula kiate kinautolu, bea hoko kiate kinautolu ae Laumalie Maonioni; bea naa nau lea aki ae lea kehekehe, mo nau kikite.

Bea koeha oku ke fakatuai ai? tuu, bea ke babitaiso, o fakamaa koe mei hoo agahala, bea ui ki he huafa oe Eiki.

Ikai oku mou ilo ko kitautolu kotoabe nae babitaiso kia Jisu Kalaisi, naa tau babitaiso ki he ene bekia? Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou. He kabau kuo tau to fakataha mo ia i he tatau o ene bekia, te tau i he tatau foki o ene toetuu: O ilo eni, ko ho tau motua tagata kuo tamate‘i fakataha mo ia, koeuhi ke fakaauha ae jino oe agahala, koeuhi ke oua naa tau toe tauhi ae agahala. He ko ia oku mate, kuo movete ia mei he agahala. Koeni, kabau oku tau mate fakataha mo Kalaisi, oku tau tui te tau moui fakataha foki mo ia:

Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi.

Bea kabau oku nofoia akimoutolu e Kalaisi, bea kuo mate mooni ae jino, koe mea i he agahala; kae moui ae laumalie, koe mea i he maonioni.

Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

He kuo tau babitaiso kotoabe i he Laumalie be taha ki he jino be taha, be ko ha kakai Jiu be ko ha kakai Jenitaile, ko ha bobula be ha tauataina; bea nae fakainu akitautolu kotoabe ki he Laumalie be taha.

Koia kabau oku ia Kalaisi ha taha, koe takatubu foou ia: kuo mole atu ae gaahi mea motua; vakai, kuo hoko o foou ae gaahi mea kotoabe.

He koe fānau ae Otua akimoutolu kotoabe i he tui kia Kalaisi Jisu. He ko kimoutolu kotoabe kuo babitaiso kia Kalaisi, kuo mou ai a Kalaisi.

BEA ko kimoutolu, naa mou mate i he gaahi talagataa moe agahala;

Io, lolotoga e tau mate i he gaahi agahala, kuo ne fakamoui akitautolu fakataha mo Kalaisi, (kuo mou moui i he ofa;) Bea kuo ne fokotuu hake fakataha, o ne fakanofo akitautolu i he gaahi botu fakalagi ia Kalaisi Jisu:

Oku taha be ae jino bea taha ae Laumalie, io, o hage kuo ui akimoutolu ki he amanaki lelei be taha o ho mou uiui‘ui; Koe Eiki be taha, koe tui be taha, koe babitaiso be taha,

Koeuhi ke ne fakatabu‘i mo fakamaa ia i he fufulu oe vai i he folofola, Koeuhi ke ne atu ia kiate ia koe jiaji kuo teuga lahi, bea ikai hano ila, be ha feufeu, be ha mea behe e taha; ka koeuhi ke maonioni bea tae hano mele.

Aia nae kamu ai foki akimoutolu i he kamu tae fai e he nima, i he jiaki oe jino oe gaahi agahala fakakakano i he kamu o Kalaisi: O tanu mo ia i he babitaiso, aia kuo mou toe tuu ai mo ia i he tui oku mei he gaue ae Otua, aia kuo ne foko-tuu hake ia mei he bekia.

KOIA foki, ke tuku ki mui ae gaahi uluaki akonaki a Kalaisi, ka tau fai atu ki he haohaoa; ke oua naa toe ai ae tuuga oe fakatomala mei he gaahi gaue mate, bea moe tui ki he Otua, Ae akonaki oe gaahi babitaiso, moe hilifaki oe nima, moe toetuu oe mate, moe fakamāu taegata. Bea te tau fai eni, o kabau e lelei ki he Otua.

Koia, e kaiga, koe mea i he ene abaabagofua e tau hu ki he botu tabu i he taataa o Jisu, I he hala foou bea moui, aia kuo ne fakatabu‘i moo tautolu, i he buibui, aia ko hono jino; Bea i he ai moe fugani taulaeiki ki he fale oe Otua; Ke tau unuunu atu i he loto mooni moe amanaki malohi oe tui, kuo luluku ho tau loto mei he atamai kovi, bea fakamaa mo ho tau jino aki ae vai maa.

Koe mea i hoo mou fakamaa ho mou laumalie, i he Laumalie, i hoo mou talagofua ki he mooni, ki he ofa taeloi oe kaiga, ke mou feofaaki aki ae loto maa mo fakamatoato: He kuo mou fanau‘i foou, kae ikai aki ae tega e auha, ka koia e taefaaauha, koe folofola ae Otua, aia oku moui bea tologa o taegata.

Bea ko hono tatau mooni, aia koe babitaiso, oku ne fakamoui eni akitautolu, (ikai koe jiaki oe uli oe kakano, ka koe fakamooni oe atamai lelei ki he Otua,) i he toetuu a Jisu Kalaisi:

Oku monuia akinautolu oku fai ene gaahi fekau, koeuhi ke gofua kiate kinautolu ae akau oe moui, bea nau hu i he gaahi mataba ki he kolo.