11 – Isono

Njalo uJehova uNkulunkulu wamlaya umuntu wathi, “Ukhululekile ukudla loba yisiphi isihlahla esivandeni; kodwa ungadli isihlahla sokwazi okuhle lokubi, ngoba ungaze usidle uzakufa ngempela.”

Kwathi owesifazana ngokubona ukuthi izithelo zesihlahla leso zaziyikudla okuhle njalo zibukeka emehlweni, njalo zisweleka ukuzuza ukuhlakanipha, wakha ezinye wadla. Wapha njalo ezinye indoda yakhe eyayilaye khonapho, layo yadla.

Kwathi amehlo abo bobabili avuleka, basebenanzelela ukuthi babenqunu; yikho base bethungela ndawonye amahlamvu omkhiwa bazenzela izambatho ngawo. Kwathi indoda lomkayo bezwa umsindo kaJehova uNkulunkulu ehamba esivandeni umkhathi usupholile, yikho basebemcatshela uJehova uNkulunkulu phakathi kwezihlahla zesivande. Kodwa uJehova uNkulunkulu wayimemeza indoda wathi, “Ungaphi?” Yaphendula yathi, “Ngikuzwile esivandeni, ngesaba ngoba benginqunu; yikho ngasengicatsha.” Wasesithi, “Ngubani okutshelileyo ukuthi unqunu? Usudlile yini isihlahla engalilaya ukuthi lingasidli?”

Indoda yathi, “Umfazi owambeka lapha lami  —  ungiphile ezinye izithelo zesihlahla ngazidla.” Yikho uJehova uNkulunkulu wathi kowesifazana, “Kuyini lokhu osukwenzile na?” Owesifazana wathi, “Inyoka ingikhohlisile, ngadla.”

Njalo uJehova uNkulunkulu wathi, “Umuntu manje usenjengomunye wethu, usekwazi okuhle lokubi. Kangavunyelwa ukuthi elule isandla sakhe akhe njalo isihlahla sokuphila adle, aphile laphakade.” Yikho uJehova uNkulunkulu wamxotsha eSivandeni sase-Edeni ukuthi asebenze umhlabathi ayethethwe kuwo. Esemxotshile umuntu wamisa ngempumalanga kweSivande sase-Edeni amakherubhi kanye lenkemba ebhebhayo, iphazima isiyale lale ukulinda indlela eya esihlahleni sokuphila.

kodwa kamthokozelanga uKhayini lomnikelo wakhe. Yikho uKhayini wazonda kakhulu, lobuso bakhe bahloba. UJehova wasesithi kuKhayini, “Uzondeleni na? Kungani ubuso bakho buhlobile? Kambe ungaze wenze okulungileyo, kawuyikwamukelwa yini? Kodwa nxa ungenzi okulungileyo, isono sicwathile emnyango wakho; sitshisekela ukukuthumba, kodwa kumele usahlule.” Kwathi uKhayini wathi kumfowabo u-Abela, “Kake sihambe siye egangeni.” Kwathi bekhonale egangeni uKhayini wamhlasela umfowabo u-Abela wambulala.

UNkulunkulu wabona ukuthi ukuxhwala kwabantu kwasekukukhulu kanganani emhlabeni, njalo lokuthi zonke izinkanuko zeminakano yezinhliziyo zabo zaziyibubi kuphela sonke isikhathi.

UJehova wasesithi kuye, “Insolo ngeSodoma leGomora inkulu kakhulu njalo isono sakhona siyesabeka

“Ungabi labanye onkulunkulu ngaphandle kwami. “Ungazenzeli izithombe ezifana lezinto ezisezulwini kumbe phansi emhlabeni kumbe ngaphansi kwamanzi. Ungakhothameli izithombe, njalo ungazikhonzi. Ngoba mina Jehova uNkulunkulu wakho nginguNkulunkulu olobukhwele, ojezisa abantwana ngenxa yezono zaboyise kuze kube yisizukulwane sesithathu lesesine salabo abangizondayo, kodwa ngilothando olungapheliyo ezizukulwaneni zabangithandayo begcina imithetho yami.

“Ungaliphathi ngeze igama likaJehova uNkulunkulu wakho ngoba uJehova kasoze amxolele wonke oliphatha ngeze igama lakhe.

“Ungabulali. “Ungafebi. “Ungebi. “Ungafakazi amanga ngomakhelwane wakho. “Ungahawukeli indlu kamakhelwane wakho. Ungahawukeli umfazi kamakhelwane wakho, loba isisebenzi sakhe sesilisa loba esesifazana, lenkabi yakhe, lobabhemi wakhe loba yini ekamakhelwane wakho.”

UMosi wathi, “Lingesabi, uNkulunkulu uzelilinga ukuze limesabe lokuze lingoni.”

“Wonke umuntu ohlasela uyise kumbe unina kumele abulawe. “Wonke umuntu othumba omunye abesemthengisa kumbe aficwe elaye kumele abulawe. “Wonke umuntu othuka uyise kumbe unina kumele abulawe.

“Wonke umuntu olala lenyamazana kumele abulawe.

“Ungahambi ukhuluma izindaba zamanga. Ungahlanganyeli lomuntu ongalunganga ngokuba ngufakazi olomona.

“ ‘Loba aluba ngubani olecala ngenxa yalezindlela, kumele aveze ukuthi wone ngandlela bani

“ ‘Ungalali lomfazi kamakhelwana wakho ngoba uyazingcolisa ngaye.

“ ‘Unganikeli loba nguwuphi wabantwabakho ukuthi babe ngumhlatshelo kunkulunkulu uMoleki, ngoba akufanelanga ukuthi ungcolise ibizo likaNkulunkulu wakho. Mina nginguJehova.

“ ‘Ungalali lendoda njengendoda ilala lomfazi; lokhu kuyisinengiso.

“ ‘Ungafebi lenyamazana uzingcolisa ngalokho. Owesifazana angafebi lenyamazana lokhu kuyisinengiso.

“ ‘Loba ngubani owenza lezizinto ezenyanyekayo lowo muntu kumele axotshwe ebantwini bakibo.

“ ‘Lingebi. “ ‘Lingaqambi amanga. “ ‘Lingakhohlisani.

“ ‘Lingaphindiseli loba ligodle isikhwili komunye wabantu bakini, kodwa thandani umakhelwane wenu njengalokhu lizithanda lina. Mina yimi uJehova.

“ ‘Lingasebenzisi izilinganiso zokuqilibezela nxa lilinganisa ubude, isisindo loba umthamo. Sebenzisani izilinganiso eziqotho, i-efa elilungileyo lehini eliqotho. Mina yimi uJehova uNkulunkulu wenu owalikhupha eGibhithe.

“ ‘Zingcweliseni libe ngcwele ngokuba mina nginguJehova, uNkulunkulu wenu.

Yitsho kwabako-Israyeli uthi, ‘Loba ngubani othuka uNkulunkulu wakhe uzakuba lesono. Loba ngubani othuka iBizo likaJehova uzabulawa. Ibandla lonke kumele limgongode ngamatshe. Loba kungowezizweni kumbe oyinzalo yelizwe lakini angahlambaza iBizo likaJehova kumele abulawe.

Olimaza umakhelwane wakhe, loba ngayiphi indlela, kumele kwenziwe lakuye, kube yikwephuka ngokwephuka, ilihlo ngelihlo lezinyo ngezinyo. Njengoba elimaze omunye, ngokunjalo laye kumele alinyazwe.

“ ‘Kodwa bangavuma izono zabo lezono zaboyise  —  inkohliso abayenza kimi, lokumelana kwabo lami,

“Tshono kwabako-Israyeli uthi: ‘Nxa indoda loba umfazi onele omunye loba ngayiphi indlela etshengisele ukungathembeki kuJehova, lowomuntu ulomlandu

Abantu baya kuMosi bathi, “Sonile ngokukhuluma kwethu kubi ngoJehova langokukhuluma kwethu ngawe. Akukhuleke ukuthi uJehova asuse izinyoka lezi phakathi kwethu.” Ngakho wabakhulekela abantu.

“Kodwa lingehluleka ukwenza lokhu, lizabe lonile phambi kukaJehova; njalo yazini ukuthi isono senu sizalifumana.

“Ungabi labanye onkulunkulu ngaphandle kwami. “Ungazenzeli isithombe ngesimo saloba yini esezulwini phezulu loba emhlabeni phansi loba emanzini ngaphansi. Ungazikhothameli loba ukuzikhonza; ngoba Mina, uJehova uNkulunlunkulu wakho, nginguJehova olobukhwele, ojezisa abantwana ebajezisela izono zaboyise kuze kube yisizukulwane sesithathu lesesine sabangizondayo, kodwa ngitshengisela uthando kuzizukulwane eziyinkulungwane zalabo abangithandayo njalo abagcina imilayo yami.

“Ungalisebenzisi ngeze ibizo likaJehova uNkulunkulu wakho, ngoba uJehova kayi kumyekela olecala lokusebenzisa ibizo lakhe ngeze.

“Ungabulali. “Ungafebi. “Ungantshontshi. “Ungafakazi amanga ngomakhelwana wakho. “Ungafisi umfazi kamakhelwana wakho. Ungahawukeli indlu kamakhelwana wakho loba isiqinti sakhe, isisebenzi sakhe sesilisa loba esesifazana, inkabi yakhe loba ubabhemi wakhe loba kuyini okukamakhelwana wakho.”

Ngakho nanzelelani lenze lokho uJehova uNkulunkulu wenu alilaya ngakho; lingaphambukeli yiloba kwesokudla loba kwesenxele.

Izithombe zabonkulunkulu bazo lizazitshisa ngomlilo. Lingahawukeli isiliva legolide eliphezu kwezithombe, lingazigcineli lona, ngoba lizabe selizibambisile emjibileni ngalo, ngoba liyisinengiso kuJehova uNkulunkulu wenu. Lingalethi okunengisayo ezindlini zenu, ngoba lani njengakho lokho lizakhethelwa ukubhujiswa. Kwenyanyeni linengeke ngakho, ngoba kumiselwe ukutshabalaliswa.

Ungabokuba lezilinganiso zesisindo ezimbili emgodleni wakho ezahlukeneyo  —  esinye esinzima lesinye esilula. Ungabi lezilinganiso ezimbili ezehlukeneyo endlini yakho esinye esikhulu lesinye esincinyane. Kumele libe lezilinganiso eziqondileyo leziqotho loba ngezesisindo loba ngezobukhulu, ukuze libe lempilo ende elizweni uJehova uNkulunkulu wenu alinike lona. Ngoba uJehova uNkulunkulu wenu uyanengeka ngomuntu owenza lezizinto, yiloba ngubani owenza izinto zobuqili.

“Kaqalekiswe umuntu obaza isithombe loba isithombe esibunjiweyo  —  into eyisinengiso eNkosini, umsebenzi wezandla zomuntu olobungcwethi  —  asimise ensitha.” Ngakho abantu bonke bazakuthi, “Ameni!”

“Kaqalekiswe umuntu ovimbela ukuthonisiswa ngokulunga kowezizweni, longelayise kanye lomfelokazi.” Ngakho abantu bonke bazakuthi, “Ameni!”

Kaqalekiswe umuntu obulala umakhelwana wakhe ensitha.” Ngakho abantu bonke bazakuthi, “Ameni!”

“Kaqalekiswe umuntu owamukela isivalamlomo ukuze ayebulala umuntu ongelacala.” Ngakho abantu bonke bazakuthi, “Ameni!”

“Kaqalekiswe umuntu ongalaleli amazwi okumlaya ngokuwenza.” Ngakho bonke abantu bazakuthi, “Ameni!”

Kodwa-ke, uba lingayikumlalela uJehova uNkulunkulu wenu futhi lingalandeli yonke imilayo yakhe ngonanzelelo kanye lezimiso zakhe engilinika zona lamuhla, zonke leziziqalekiso zizakuba phezu kwenu zilehlele:

Bambangela ubukhwele ngabonkulunkulu babo bezizweni bamthukuthelisa ngezithombe zabo ezinengekayo. Benza imihlatshelo kuwo kumadimoni, wona angayisuye uNkulunkulu  —  onkulunkulu ababengazange babazi, onkulunkulu ababesanda kuvela, onkulunkulu ababengakhonzwa ngoyihlo.

Kodwa abako-Israyeli bathi kuJehova, “Senze isono. Yenza kithi lokho okubona kulungile kuwe, kodwa ake usihlenge khathesi nje.”

Ngalezonsuku u-Israyeli wayengelankosi; umuntu wonke ezenzela ayekubona kulungile kuye.

Lesisono samajaha sasisikhulu kakhulu emehlweni kaJehova, ngoba babephatha umnikelo kaJehova ngokwedelela.

Ngoba ukuhlamuka kufana lesono sokuhlahlula, lobuqholo bufana lobubi bokukhonza izithombe. Ngokuba ilizwi likaJehova ulalile. Usekwalile njengenkosi.”

“Nxa bonile phambi kwakho  —  ngoba kakho ongoniyo  —  ubathukuthelele ubanikele ezitheni zabo, bathunjwe babe yizigqili zezizwe emazweni azo, kude laseduzane;

Benza umhlatshelo ngamadodana lamadodakazi abo emlilweni. Babevumisa njalo besenza ubuthakathi, bazinikela ekwenzeni okubi phambi kukaJehova bamthukuthelisa. Ngakho uJehova wabathukuthelela abako-Israyeli wabaxotsha kuye. Isizwana sakoJuda yiso kuphela esasalayo,

ngakho wena osezulwini, endaweni yakho yokuhlala, akuzwe imikhuleko yabo lokuncenga kwabo, ubamele. Njalo ubathethelele abantu bakho, bona abakoneleyo.

Wanikela amadodana akhe emlilweni eSigodini saseBheni Hinomi, wenza imilingo, ukuvumisa, lokuthakatha njalo wayahlahlula lakwabalemimoya. Wenza okubi kakhulu phambi kukaJehova, wamthukuthelisa.

Sinjalo isiphetho sabo bonke abakhohlwa uNkulunkulu; litshabalala kanjalo ithemba lalowo ongakholwayo.

Aluba ngona, ngabe wawungikhangele wawungezukuyekela ukona kwami kungajeziswa.

Kodwa lina lingigcona ngamanga; lonke liyizinyanga ezingelamsebenzi!

Sengenze iziphambeko lezono ezinganani na? Ngitshengisa isiphambeko sami lesono sami.

“Umuntu uyini ukuthi abe ngohlanzekileyo na, lozelwe ngowesifazana ongaba ngolungileyo?

Kuthi-ke abesebuya ebantwini athi, ‘Ngenza isono, ngahlanekela okulungileyo, kodwa kangisazuzanga obekungifanele. Wawuhlenga umphefumulo wami ukuze ungayi egodini, ngakho ngizaphila ukuze ngikholise ukukhanya.

Ubusisiwe umuntu ongahambi ngezeluleko zababi; ongemiyo endleleni yezoni; ongahlaliyo esihlalweni sabaklolodayo.

Ababi kabanjalo! Banjengamakhoba aphetshulwa ngumoya. Ngakho ababi kabayikuma ekwahlulelweni, noma izoni enkundleni yabalungileyo. Ngokuba uJehova uyayilinda indlela yabalungileyo, kodwa indlela yababi izabhubha.

Koze kube nini, we bantu, inkazimulo yami liyenza ihlazo? Koze kube nini lithanda inkohliso njalo lidinga onkulunkulu bamanga?

Iziqholo ngeke zime phambi kwakho; uyabazonda bonke abenza okubi. Uyababhubhisa labo abaqamba amanga; abomele igazi labakhohlisayo uJehova uyabenyanya.

Ngobuqholo bakhe umuntu omubi uzingela ababuthakathaka, abayengeka ngamacebo awakhayo. Uzikhukhumeza ngezinkanuko zenhliziyo yakhe; ubusisa abayizihwaba athuke uJehova. Ngenxa yokuzigqaja kwakhe omubi kamdingi uJehova; kuyo yonke imicabango yakhe akulandawo kaNkulunkulu.

Umlomo wakhe ugcwele inhlamba lamanga lezisongo; ulimi lwakhe luqukethe uhlupho lobubi.

Kumqondisi wokuhlabela. ElikaDavida Isiwula sithi enhliziyweni yaso, “AkulaNkulunkulu.” Baxhwalile, izenzo zabo zingamanyala; kakho owenza okuhle.

Khangela ukukhathazeka kwami lokuhawula kwami, ususe zonke izono zami.

ElikaDavida. Ubusisiwe lowo oziphambeko zakhe zithethelelwe, ozono zakhe zisibekelwe.

Lapho-ke ngasengisivuma isono sami kuwe angabe ngisasibekela ububi bami. Ngathi, “Ngizazivuma iziphambeko zami kuJehova”  —  walithethelela icala lesono sami.

Amazwi omlomo waso abolile alenkohliso; kasiselakho ukuhlakanipha lokulunga.

Xwayana lokuzonda njalo ufulathele intukuthelo; ungakhathazeki, kukhokhelela ebubini kuphela.

Ngiyabuvuma ububi bami; ngiyakhathazeka ngesono sami.

Ngathi, “O Jehova ake ungihawukele; ngisilisa, ngoba ngonile kuwe.”

Kumqondisi wokuhlabela. Ihubo likaDavida. Kwakufike umphrofethi uNathani kuye uDavida owayefebile loBhathisheba. Ake ungihawukele, hawu Nkulunkulu, ngenxa yothando lwakho olungaphuthiyo; ngenxa yesihawu sakho esikhulu yesula iziphambeko zami. Hlanza wonke amanyala ami ungihlambulule esonweni sami. Phela ngiyazazi iziphambeko zami, isono sami sihlezi siphambi kwami. Ngenzile isono kuwe, wena wedwa, ngenza okubi phambi kwakho, ukuze kukhanye ukuthi wena uqondile nxa ukhuluma njalo kube kufanele nxa usahlulela.

Ngeqiniso ngavele ngazalwa ngilesono, ngaba yisoni ngiqalisa esiswini sikamama.

Fihla ubuso bakho esonweni sami ucitshe nya wonke amanyala ami. Dala phakathi kwami inhliziyo ehlanzekileyo, uvuselele ngaphakathi kwami umoya othembekileyo. Ungangilahli ebusweni bakho kumbe ususe kimi uMoya oNgcwele.

Ulimi lwakho luceba incithakalo; lunjengensingo eloliweyo, wena owenza inkohliso.

Kumqondisi wokuhlabela. Ngendlela yemahalathi. Imasikili kaDavida. Isiwula sithi enhliziyweni yaso, “AkulaNkulunkulu.” Bangcolile, lezindlela zabo zibolile; kakho loyedwa owenza okulungileyo. UNkulunkulu uyakhangela esezulwini abone amadodana abantu ingabe bakhona yini abalengqondo, abangabe bayamdinga uNkulunkulu. Bonke baphambukile, bonke bangcolile; kakho owenza okulungileyo, kakho lamunye.

Ngenxa yezono zemilomo yabo, ngenxa yamazwi ezindebe zabo, kababanjwe belokhu bezigqaja benjalo. Ngenxa yezethuko lamanga abawaqambayo,

Uyabazi ubuthutha bami, wena Nkulunkulu; isono sami kasifihlakalanga kuwe.

kabasigcinanga isivumelwano sikaNkulunkulu, bala ukuphila ngomthetho wakhe.

Kodwa baqhubeka besona phambi kwakhe, bamhlamukela enkangala yena oPhezukonke.

Ungawethesi thina umlandu wabokhokho; sengathi isihawu sakho singeza masinyane ukuzasivikela, ngokuba sesisebunzimeni obubi. Sisize, hawu Nkulunkulu Msindisi wethu, ngenxa yobukhosi bebizo lakho; sikhulule uthethelele izono zethu, ngenxa yebizo lakho.

Usubuchayile ububi bethu phambi kwakho, izono zethu zensitha wazichaya ekukhanyeni kobukhona bakho.

Akuthi bonke abamthandayo, uJehova, bazonde okubi, ngoba uyazilinda izimpilo zabathembekileyo bakhe abakhulule esandleni sababi.

Kakho othanda ukwenza inkohliso ozahlala endlini yami; kakho okhuluma amanga ozakuma phambi kwami.

kasiphathi ngokufanele izono zethu kumbe asijezise ngokulingene iziphambeko zethu. Ngokuba njengokuphakama komkhathi ngaphezu komhlaba, lukhulu kangako uthando lwakhe kulabo abamesabayo; njengobukhatshana bempumalanga kuyo intshonalanga kanjalo ususile iziphambeko zethu kithi.

Sonile, njengalokho abakwenzayo okhokho bethu; senzile okubi senza izinto ezimbi.

kodwa baphithikana labezizwe bathatha imikhubo yazo. Bakhonza izithombe zazo, kwaba yisithiyo kubo. Benza imihlatshelo ngamadodana abo lamadodakazi abo kumadimoni. Bachitha igazi elalingelacala, igazi lamadodana lamadodakazi abo, abenza ngabo imihlatshelo yezithombe zaseKhenani, ilizwe langcola ngegazi labo. Bazingcolisa ngalokho abakwenzayo; ngezenzo zabo baziphatha njengeziphingi.

Babusisiwe labo abandlela zabo zingelansolo, abahamba ngomthetho kaJehova.

Ilizwi lakho ngilifihlile enhliziyweni yami ukuze ngingenzi isono kuwe.

Uyabalahla bonke labo abaphambuka ezimisweni zakho, ngoba ukukhohlisa kwabo kuyize.

Imifula yezinyembezi iyajuluka emehlweni ami, ngokuba umthetho wakho kawulalelwa.

Ngihlola, O Nkulunkulu, uyazi inhliziyo yami; ngizama ukuze wazi ukunqineka kwemicabango yami. Ake ubone ingabe kulendledlana embi kimi, ungihole ngendlela yaphakade.

Ndodana yami, aluba izoni zikuhuga, ungaze wavuma.

Isigangi lesixhwali esihamba sikhuluma amanyala, esiqhweba ngelihlo sitshengise ngezinyawo zaso njalo sitshengise ngeminwe yaso, esiceba ububi ngenkohliso enhliziyweni yaso  — sithanda ukuvusa inkani kokuphela.

Ziyisithupha izinto uJehova azizondayo, eziyisikhombisa eziyisinengiso kuye: amehlo atshengisa ukudelela, ulimi oluqamba amanga, izandla ezichitha igazi elingelacala, inhliziyo egaya izibozi, izinyawo eziphangisa ukuya ebubini, ufakazi wamanga, okhuluma inkohliso lomuntu oletha ukuxabana kubazalwane.

Ukwesaba uJehova yikuzonda ububi; ngiyakuzonda ukuzazisa lobuqholo, ukuziphatha kubi lenkulumo ebolileyo.

UJehova uyabazonda abantu abelenhliziyo embi, kodwa uyathokoza ngalabo abandlela zabo zilungile. Kodwa yazi lokhu ukuthi ababi bazajeziswa kodwa abalungileyo bazahlala bekhululekile.

Kukhona indlela ebonakala ilungile emuntwini, kodwa isiphetho sayo siyikufa.

UJehova uyayizonda imicabango yababi, kodwa leyo eyabalungileyo iyamthabisa. Indoda eyisihwaba iluhlupho kwabendlu yayo, kodwa lowo ozonda ukufunjathiswa uzaphila.

UJehova uyabazonda bonke abazikhukhumezayo. Ngempela kabayikuphepha ukujeziswa.

Umuntu ongelangqondo udaza inkani, njalo lomuntu onyeyayo wehlukanisa abangane.

Nxa umuntu ephindisela okuhle ngobubi, ububi kabusoze basuka endlini yakhe.

Ukukhulula olecala lokugweba omsulwa  — uJehova uyakuzonda kokubili.

Ufakazi wamanga uthola isijeziso, lalowo ohutshuza amanga kayikuphunyuka.

Amacebo obuwula ayisono, njalo abantu bayasizonda isideleli.

Ulimi oluqamba amanga luyabazonda labo olubalimazayo, lomlomo okhohlisayo uletha incithakalo.

Loba ngubani ongawulaleliyo umthetho, lemikhuleko yakhe izakuba yisinengiso.

Lowo ofihla iziphambeko zakhe kayikuphumelela, kodwa lowo ozivumayo azitshiye ufumana umusa. Ubusisiwe umuntu ohlala emesaba uJehova, kodwa lowo oyenza lukhuni inhliziyo yakhe uwela enkathazweni.

Nxa umbusi elalela amanga, zonke izikhulu zakhe ziba zimbi.

labo abazibona belungile ikanti kabahlambululwanga emanyaleni abo;

Ungaphangisi ukufuthelana ngaphakathi, ngokuba ulaka luhlezi lugonwe yiziwula.

Akulamuntu loyedwa olungileyo emhlabeni owenza okulungileyo ongazake enze isono.

Manje-ke konke sekuzwakele; Nansi isiphetho sendaba; Mesabe uNkulunkulu ugcine imiyalo yakhe, ngoba lo yiwo wonke umlandu womuntu. Ngoba uNkulunkulu uzazahlulela zonke izenzo, lalokho okufihliweyo loba kuhle loba kubi.

gezani libe ngabahlambulukileyo. susani izenzo zenu ezimbi phambi kobuso bami. Yekelani ukwenza okubi,

“Wozani khathesi nje, sibonisane sikanye,” kutsho uJehova. “Lanxa izono zenu zibomvu gebhu, zizakuba mhlophe nke njengongqoqwane.

Kodwa abahlamuki lezoni bazachithwa, lalabo abalahla uJehova bazabhubha.

Ukukhangeleka kobuso babo kufakaza kubi ngabo; babukisa izono zabo njengeSodoma; kabazifihli. Maye kubo! Bazilethele incithakalo phezu kwabo.

Maye kulabo abathi okubi kuhle bathi okuhle kubi, ababeka umnyama esikhundleni sokukhanya; ukukhanya esikhundleni somnyama; ababeka okubabayo esikhundleni sokumnandi, okumnandi esikhundleni sokubabayo. Maye kulabo abahlakaniphileyo emehlweni abo njalo besile ekuboneni kwabo.

Ngakho-ke, njengalokhu umlilo utshisa izinhlanga, utshani obomileyo buphelela phakathi kwamalangabi, ngokunjalo izimpande zabo zizabola. Lamaluba abo aphephuke njengothuli; ngoba bawalile umthetho kaJehova uSomandla balidelela ilizwi loNgcwele ka-Israyeli.

Umhlaba ngizawujezisa ngenxa yobubi bawo, lababi ngenxa yezono zabo. Ngizaqeda ukukloloda kwabazikhukhumezayo ngehlise ukuzigqaja kwabalesihluku.

Laba ngabantu abangabahlamuki, abantwana abangabakhohlisi, abantwana abangafuniyo ukulalela imfundiso kaJehova.

Ngoba isithutha sikhuluma ubuwula, ingqondo yaso isebenza ububi: Senza imisebenzi yenkohlakalo, siqambe amanga ngoJehova; abalambayo kasibaniki lutho, abomileyo sibancitsha amanzi okunatha. Izindlela zesigangi zimbi, senza amacebo amabi ukuba sichithe abayanga ngamanga, lanxa isikhalazo sabaswelayo siqotho.

“Mina, mina uqobo, nginguye owesula iziphambeko zakho ngenxa yami, ngingabe ngisazikhumbula futhi izono zakho. Ngikhangelela isikhathi esedlulayo, kasiphikisane ngaleyondaba.

Kodwa wagwazwa ngenxa yeziphambeko zethu, wachobozwa ngenxa yokona kwethu, ukuhlutshwa kwakhe kwasilethela ukuthula, njalo sasiliswa ngamanxeba akhe. Thina sonke njengezimvu, silahlekile, lowo lalowo wethu uphambukele endleleni yakhe; njalo uJehova ubeke phezu kwakhe ukona kwethu sonke.

Bayizinja ezihalalela ukudla, ezingasuthiyo. Bangabelusi abangaqedisisiyo, bonke bazazenzela abakufunayo, lowo lalowo udinga inzuzo yakhe.

Ngubani elimklolodelayo na? Ngubani elimtshilela imilomo limkhuphela izindimi zenu? Kalisinzalo yabahlamuki, labantwana babaqamba amanga na?

Kodwa ububi benu sebulahlukanise loNkulunkulu wenu; lezono zenu sezisithe ubuso bakhe kini ukuze angezwa. Ngoba izandla zenu zingcolisiwe ngegazi, leminwe yenu ingcoliswe yibubi. Izindebe zenu zikhulume amanga lolimi lwenu luhlebeza izinto ezimbi. Kakho odinga ukwahlulela okuhle, kakho okhuluma ecaleni lakhe ngobuqotho. Bathembe ukuphika ngeze bekhuluma amanga; bemula uhlupho, bazale ububi.

Sonke sesaba njengomuntu ongcolileyo, lemisebenzi yethu yokulunga yonke injengezidwedwe ezingcolileyo, sonke siyabuna njengehlamvu, lanjengomoya izono zethu zisiphephulela khatshana.

Lanxa ugeza ngesoda usebenzisa lesepa enengi, ichatha lobubi bakho lilokhu likhona phambi kwami,” kutsho uJehova Wobukhosi.

Vuma icala lakho nje kuphela  —  wahlamukela uJehova uNkulunkulu wakho, uhlakazelele umusa wakho kubonkulunkulu bezizweni ngaphansi kwezihlahla zonke eziluhlaza, njalo kawaze wangilalela,’ ” kutsho uJehova.

Kasilaleni phansi silenhloni, siphathwe lihlazo lethu. Ngoba sonile kuJehova uNkulunkulu wethu, thina sonke kanye labokhokho bethu; kusukela ebutsheni bethu kuze kube lamhla, kasimlalelanga uJehova uNkulunkulu wethu.”

We Jerusalema, geza ububi obusenhliziyweni yakho usile. Koze kube nini ugcine imicabango emibi na?

Bayayangeka na ngokuziphatha kwabo okwenyanyekayo? Hatshi, bavele kabalazo izinhloni lokuyangeka kabakwazi. Ngakho bazawela phakathi kwabawileyo; bazakwehliselwa phansi lapho sengibajezisa,” kutsho uJehova.

Zwana, wena mhlaba: ngiletha umonakalo phezu kwabantu laba, izithelo zamaqhinga abo, ngoba kabawalalelanga amazwi ami njalo bawalile lomthetho wami.

Kodwa khangelani, lina lithemba amazwi akhohlisayo angasizi lutho. “ ‘Kambe lizantshontsha njalo libulale, lifebe, lifunge amanga, litshisele uBhali impepha njalo lilandele abanye onkulunkulu elingakaze libazi, beselisizakuma phambi kwami kuyonale indlu, eleBizo lami, lithi, “Sivikelekile”  —  livikeleka ukuba lenze zonke lezizinto ezenyanyekayo na?

Pho kungani abantu laba bedukile? Kungani iJerusalema lihlala liseduka? Bayanamathela enkohlisweni; bayala ukuphenduka.

Ngilalele ngesineke, kodwa kabatsho okulungileyo. Kakho ophenduka ebubini bakhe, esithi, “Kuyini engikwenzileyo na?” Yilowo lalowo ulandela indlela yakhe njengebhiza lizithela empini.

Benza izindimi zabo zilunge njengedandili ukuba batshoke amanga; ukuthi bayanqoba elizweni akusikho ngeqiniso. Basuka kokunye ukona baye kokunye; kabangamukeli,” kutsho uJehova. “Qaphela abangane bakho; ungabathembi abafowenu. Ngoba wonke umfowenu ungumkhohlisi; njalo wonke umngane ungumhlebi. Umngane ukhohlisa umngane, njalo kakho okhuluma iqiniso. Sebafundisa izindimi zabo ukuqamba amanga; bayazidinisa ngokona.

Ulimi lwabo lungumtshoko olobuthi, lukhuluma inkohliso. Lowo lalowo ukhuluma kuhle ngomlomo wakhe lomakhelwana wakhe, kodwa enhliziyweni yakhe emthiya ngomjibila.

UJehova wathi, “Kungenxa yokuthi sebelahle umthetho wami engababekela wona; kabangilalelanga lomthetho wami kabawulandelanga. Esikhundleni salokho, bona balandele ubulukhuni bezinhliziyo zabo; balandele oBhali, njengokufundiswa kwabo ngoyise.”

Lanxa izono zethu zifakaza kubi ngathi, O Jehova, ake wenze okunye ngenxa yebizo lakho. Ngoba ukuhlehlela kwethu emuva kunengi; sonile kuwe.

Awu Jehova, siyakuvuma ukona kwethu kanye lokona kwabokhokho bethu; impela sonile kuwe.

Inhliziyo iyakhohlisa okudlula izinto zonke njalo imbi kakhulu. Ngubani ongayizwisisa na?

Lakubaphrofethi baseJerusalema sengibone into eyesabekayo: Bayafeba baphile ngamanga. Baqinisa izandla zabenza okubi, ukuba kungabi khona oguquka ebubini bakhe. Kimi bonke banjengeSodoma; abantu baseJerusalema banjengeGomora.”

Ngathuma izinceku zami, abaphrofethi, njalonjalo ezathi, ‘Lingayenzi into le enengisayo engiyizondayo!’

Kwathi uJehova engaselakho ukubekezelela izenzo zenu ezimbi lezinto ezinengisayo elazenzayo, ilizwe lenu laba yinto yokuqalekiswa logwadule oluphundlekileyo olungahlali muntu njengoba kunjalo lalamhla.

Kodwa indlu ka-Israyeli kayifuni ukukulalela ngoba kabafuni kungilalela, ngoba yonke indlu ka-Israyeli ilukhuni njalo ilenkani.

Nanku okutshiwo nguJehova Wobukhosi: Njengoba wachitha inotho yakho waveza lobunqunu bakho ebuwuleni bakho lezithandwa zakho, njalo ngenxa yazo zonke izithombe zakho ezinengayo, langenxa yokuthi wazipha igazi labantwana bakho,

“ ‘Isono sikadadewenu uSodoma sasiyilesi: Yena lamadodakazi akhe babezigqaja, badla bedlulisa njalo bengakhathali; kababasizanga abayanga labaswelayo.

Ngoba yonke imiphefumulo ephilayo ngeyami, uyise kanye lendodana  —  bobabili ngokufanayo ngabami. Umphefumulo owonayo yiwo ozakufa.

Umphefumulo owonayo yiwo ozakufa. Indodana kayiyikuba lecala likayise, loba uyise abe lecala lendodana. Ukulunga komuntu olungileyo kuzabalelwa kuye, lobubi bomubi buzamelana laye.

“Kodwa uma umuntu omubi ephenduka kuzo zonke izono azenzayo njalo agcine izimiso zami zonke enze okufaneleyo lokuqondileyo, uzaphila impela, akayikufa. Akukho kona kwakhe okuzakhunjulwa. Ngenxa yezinto ezilungileyo azenzileyo uzaphila. Ngiyathokoza na ngokufa komuntu omubi? kutsho uJehova Wobukhosi. Esikhundleni salokho, kangithabi na nxa bephenduka ezindleleni zabo njalo baphile?

“Kodwa uma umuntu olungileyo eguquka ekulungeni kwakhe enze izono njalo enze zona kanye izinto ezinengayo ezenziwa ngumuntu omubi, kambe uzaphila na? Akukho okwezinto ezilungileyo azenzayo okuzakhunjulwa. Ngenxa yecala lokungathembeki langenxa yezono azenzayo, uzakufa.

Uma umuntu olungileyo eguquka ekulungeni kwakhe enze izono, uzakufela lokho; ngenxa yezono azenzileyo uzakufa.

Kodwa uma umuntu omubi ephenduka ebubini abenzileyo enze okufaneleyo lokuqondileyo, uzasilisa ukuphila kwakhe. Ngokuba ucabanga konke okubi akwenzayo aphenduke kukho, uzaphila impela; akayikufa.

“Ngakho-ke wena ndlu ka-Israyeli, lowo lalowo ngizamahlulela ngokumayelana lezindlela zakhe, kutsho uJehova Wobukhosi. Phendukani! Tshiyani ububi benu bonke; ngalokho isono kasiyikuba yikufa kwenu. Zikhululeni kukho konke okubi elikwenzileyo, lizuze inhliziyo entsha lomoya omutsha. Kungani na uzakufa, wena ndlu ka-Israyeli? Ngoba angithokozi ngokufa loba ngokukabani, kutsho uJehova Wobukhosi. Phendukani liphile!

Khonapho-ke lizakhumbula ukuziphatha kwenu lazo zonke izenzo elizingcolise ngazo, njalo lizazenyanya ngenxa yobubi bonke elibenzileyo.

Uma umuntu olungileyo eguquka ekulungeni kwakhe enze okubi, uzakufela lokho. Njalo uma umuntu omubi ephenduka ebubini bakhe enze okufaneleyo lokulungileyo, uzaphila ngenxa yokwenzanjalo.

Lithembe inkemba yenu, lenza izinto ezenyanyekayo, njalo omunye lomunye wenu ungcolisa umfazi kamakhelwana wakhe. Kambe lingaba ngabanikazi belizwe na?’

“Kulokuthuka kuphela, lokuqamba amanga lokubulala, lokuntshontsha kanye lobufebe; benza ububi bonke, njalo ukuchithwa kwegazi kulandela ukuchithwa kwegazi.

Nanku okutshiwo nguJehova: “Ngenxa yezono ezintathu zikaJuda loba ngenxa yezine, kangiyikulunqanda ulaka lwami, ngoba bawalile umthetho kaJehova kabaze bagcina lezimiso zakhe, ngoba badukiswe ngonkulunkulu bamanga, onkulunkulu abalandelwa ngokhokho babo.

Ngizamkhulula yini ecaleni umuntu olezilinganiso zobuqili, lesaka lezilinganiso zamanga na? Abantu bakhona abanothileyo balochuku; abantu bakhona ngabaqambi bamanga, lezilimi zabo zikhuluma inkohliso.

“Ngakho ngizasondela kini ukuzakwahlulela. Ngizaphangisa ukufakaza okubi ngezangoma, ngeziphingi, labafungela amanga, lalabo abadlelezela izisebenzi ngomholo wazo, labo abacindezela abafelokazi lezintandane, abangahluleli kuhle abezizweni, kodwa abangangesabiyo mina,” kutsho uJehova uSomandla.

Uzabeletha indodana ozayetha ibizo uthi nguJesu, ngokuba uzasindisa abantu bakhe ezonweni zabo.”

Abantu baqubuka baya kuye bevela eJerusalema lakulo lonke eleJudiya lommango wonke waseJodani. Wababhaphathiza eMfuleni iJodani, bevuma izono zabo.

“Selezwa ukuthi kwathiwa kwabasendulo, ‘Ungabulali; lowo obulalayo uzagwetshwa.’ Kodwa ngilitshela ngithi loba ngubani ozondela umfowabo uzakwahlulelwa emthethwandaba. Njalo lowo othi kumfowabo, ‘Silima ndini,’ uzathonisiswa eMphakathini. Kodwa lowo othi, ‘Wena siwula!’ uzakuba sengozini yomlilo wesihogo.

“Selezwa ukuthi kwathiwa, ‘Ungaphingi.’ Kodwa ngilitshela ukuthi lowo okhangela owesifazana amfise usephinge laye enhliziyweni yakhe. Nxa ilihlo lakho lokunene likwenzisa isono likhuphuluze ulikhuphe ulilahlele khatshana. Kungcono kuwe ukuthi ulahlekelwe ngesisodwa isitho somzimba wakho kulokuthi umzimba wakho wonke uphoselwe esihogweni somlilo. Njalo nxa isandla sakho sokunene sikwenzisa isono, siqume usiphosele kude. Kungcono kuwe ukuthi ulahlekelwe ngesisodwa isitho somzimba wakho kulokuthi umzimba wakho wonke uye esihogweni somlilo.

“Kwathiwa, ‘Lowo olahla umfazi wakhe kamuphe incwadi yesahlukaniso.’ Kodwa mina ngilitshela ngithi lowo olahla umfazi wakhe, ngaphandle kokuba efebile, umenza afebe, njalo lowo othatha umfazi olahliweyo uyafeba.

Ngakho wobani ngabapheleleyo njengalokhu uYihlo wenu wasezulwini ephelele.

Ungasikhokheleli ekulingweni, kodwa usisindise koMubi.’

Phela uma libaxolela abantu nxa belonile uYihlo osezulwini laye uzalixolela. Kodwa uma lingabaxoleli abantu izono zabo uYihlo kayikulixolela izono zenu.

Kanjalo sonke isihlahla esihle sithela izithelo ezinhle, kodwa isihlahla esibi sithela ezimbi. Isihlahla esihle ngeke sithele izithelo ezimbi njalo lesihlahla esibi kasitheli izithelo ezinhle. Zonke izihlahla ezingatheli izithelo ezinhle ziyaganyulwa ziphoselwe emlilweni. Ngakho-ke lizabazi ngezithelo zabo.

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini. Abanengi bazakuthi kimi ngalolosuku, ‘Nkosi, Nkosi, kasiphrofethanga ngegama lakho na, njalo ngegama lakho sakhupha amadimoni senza lezimangaliso?’ Lapho-ke ngizabatshela kakuhle ngithi, ‘Ngivele kangilazi. Xekani kimi, lina benzi bobubi!’

Yikho ngiyalitshela ngithi siphi lasiphi isono lesithuko sizathethelelwa, kodwa ukuthuka uMoya akuyi kuthethelelwa. “Lowo okhuluma okubi ngeNdodana uzathethelelwa, kodwa lowo okhuluma okubi ngoMoya oNgcwele akazukuthethelelwa kuleli iphakade lasephakadeni elizayo.

Kodwa ngiyalitshela ukuthi abantu bazamele baziphendulele ngosuku lokwahlulelwa ngawo wonke amazwi obutshapha abawakhulumayo. Ngokuba lizakhululwa mayelana lamazwi enu njalo lizalahlwa ngokumayelana lamazwi enu.”

Ngokuba enhliziyweni kuphuma imicabango emibi, ukubulala, ukufeba, ukuphinga, ubusela, ukufakaza amanga lokunyeya.

Kuzamsiza ngani umuntu uma ezuza wonke umhlaba, kodwa alahlekelwe ngumphefumulo wakhe na?

Kodwa loba ngubani owenza omunye walaba abancinyane abakholwa kimi ukuthi enze isono, kungaba ngcono kuye ukuthi kulengiswe entanyeni yakhe ilitshekazi lokuchola agaluliswe enzikini yolwandle.

Aluba isandla sakho loba unyawo lwakho lukwenzisa isono kuqume ukulahle. Kungcono kuwe ukuba ungene ekuphileni uyingini kumbe ugogekile kulokuba lezandla ezimbili kumbe izinyawo ezimbili ujinge uphoselwe emlilweni waphakade. Aluba ilihlo lakho likwenzisa isono, likopole ulilahle. Kungcono kuwe ukungena ekuphileni ulelihlo elilodwa kulokuba lamehlo amabili kodwa uphoselwe emlilweni wesihogo.

“Uma umfowenu esenza okubi kuwe, yana kuye umtshengise isiphambeko sakhe lilodwa lobabili. Uma ekulalela usumzuzile umfowenu. Kodwa nxa engalaleli biza omunye loba ababili ukuze indaba yonke ivele obala ilabofakazi ababili loba abathathu. Uma esala ukubalalela tshela ibandla; uma esala ukulilalela lalo ibandla mthatheni njengongakholwayo kumbe njengomthelisi.

UPhethro weza kuJesu wabuza wathi, “Nkosi, umfowethu ngizamthethelela kangaki nxa elokhu engona na? Kuze kube kakhombisa na?” UJesu waphendula wathi, “Ngithi, hatshi kakhombisa, kodwa okwezikhathi ezingamatshumi ayisikhombisa lesikhombisa.

“Yiyo le indlela uBaba osezulwini azaphatha ngayo lowo lalowo wenu uma lingathetheleli umfowenu kuphuma enhliziyweni.”

Ngilitshela ukuthi lowo olahla umkakhe, ngaphandle kokuba efebile, athathe omunye umfazi uyaphinga.”

Kweza enye indoda kuJesu yabuza yathi, “Mfundisi, ngenzeni okulungileyo ukuze ngizuze ukuphila okungapheliyo na?” UJesu waphendula wathi, “Ungibuzelani ngokulungileyo na? Munye kuphela olungileyo. Uma ufuna ukungena ekuphileni, landela imilayo.” Indoda yabuza yathi, “Yiphi na?” UJesu waphendula wathi, “ ‘Ungabulali, ungaphingi, ungebi, ungafakazeli amanga, hlonipha uyihlo lonyoko,’ njalo ‘thanda umakhelwana njengoba uzithanda wena.”

“Maye kini, bafundisi bomthetho lakini baFarisi, lina bazenzisi! Lihlambulula ingaphandle yenkomitshi lomganu, kodwa phakathi zigcwele ubuhwaba lokuzisuthisa.

Ngenxa yokwanda kobubi, uthando lwabanengi luzaphola,

Leli ligazi lami lesivumelwano elichithelwe abanengi ukuthethelelwa kwezono.

Lindani likhuleke ukuze lingaweli ekulingweni. Umoya uyathanda kodwa umzimba ubuthakathaka.”

Kwasekufika uJohane ebhaphathiza emmangweni wasenkangala etshumayela ukubhaphathiza kokuphenduka ukuze kuthethelelwe izono. Ummango wonke waseJudiya kanye labantu bonke baseJerusalema baphuma beza kuye. Bavuma izono zabo, wababhaphathiza eMfuleni uJodani.

Wathi, “Isikhathi sesifikile. Umbuso kaNkulunkulu ususeduze. Phendukani likholwe izindaba ezinhle!”

Waqhubeka wathi: “Okuphuma phakathi komuntu yikho okumenza ‘ongahlanzekanga’. Ngokuba okusuka ngaphakathi, okusuka enhliziyweni, kuphuma imicabango emibi, ukufeba, ukweba, ukubulala, ukuphinga, ubuhwaba, umona, ubuqili, ukuxhwala, umhawu, ukugcona, ubuqholo lobuthutha. Zonke lezi izono ziphuma ngaphakathi zenze umuntu abe ‘ngongahlanzekanga.’ ”

Aluba isandla sakho sikwenzisa ukona, siqume. Kungcono kuwe ukuthi ungene ekuphileni ungungini kulokuya esihogweni ulezandla ezimbili, lapho umlilo wakhona ongacimiyo, ( lapho impethu yakhona engafiyo lomlilo kawucimi).

Njalo uma unyawo lwakho lukwenzisa isono, luqume. Kungcono kuwe ukuthi ungene ekuphileni uyisilima kulokuthi ulezinyawo ezimbili uphoselwe esihogweni ( lapho impethu yakhona engafiyo lomlilo wakhona kawucimi.)

Njalo uma ilihlo lakho likonisa, likhuphuluze liphume. Kungcono kuwe ukungena umbuso kaNkulunkulu ulelihlo elilodwa kulokuba lamehlo amabili kodwa uphoselwe esihogweni, lapho “ ‘impethu yakhona kayifi, lomlilo kawucimi.’

UJesu wathi esesuka ehamba, indoda yagijimela kuye yafika yazilahla ngamadolo phambi kwakhe. Yabuza yathi, “Mfundisi olungileyo, ngingenzani ukuze ngizuze ilifa lokuphila kwaphakade na?” UJesu waphendula wathi, “Ungibizelani ngokuthi ngilungile na? Kakho olungileyo ngaphandle kukaNkulunkulu yedwa. Uyayazi imilayo: ‘Ungabulali, ungafebi, ungebi, ungafungeli ubufakazi bamanga, ungadlelezeli, hlonipha uyihlo lonyoko.”

Njalo uma lisima likhuleka, nxa lilesikhwili komunye, mthetheleleni, ukuze uYihlo ezulwini alithethelele izono zenu.

Kodwa nxa lingathetheleli, loYihlo osezulwini kazukulithethelela izono zenu.”

Lindani likhuleke ukuze lingaweli ekulingweni. Umoya uyathanda, kodwa umzimba ubuthakathaka.”

ukunika abantu bayo ukwazi insindiso ngokuthethelelwa kwezono zabo,

Wawuhamba wonke ummango waseJodani, etshumayela ubhaphathizo lokuphenduka ukuze izono zithethelelwe.

UJesu wabaphendula wathi, “Kakusibo abaphilayo abaswela umelaphi, kodwa ngabagulayo. Kangilandanga ukubiza abulungileyo, kodwa ukubiza izoni ukuba ziphenduke.

Yikho-ke ngiyakutshela ukuthi izono zakhe ezinengi sezithethelelwe  —  ngokuba utshengise uthando olukhulu. Kodwa lowo othethelelwe okuncinyane uthanda kancinyane.” UJesu wasesithi kowesifazana, “Izono zakho sezithethelelwe.” Ezinye izethekeli zasezibuzana zisithi, “Ungubani kanti yena lo oze athethelele izono na?”

Labo abasedwaleni yibo abemukela ilizwi ngentokozo nxa belizwa, kodwa kabalampande. Bayakholwa okwesikhatshana, kodwa kuthi ngesikhathi sobunzima bagudluke.

Sithethelele izono zethu, ngokuba lathi siyabathethelela bonke abasonayo thina. Njalo ungasiholeli ekulingweni.’ ”

Ngilitshela ukuthi ngaleyondlela kuzakuba lokuthokoza ezulwini ngokuphenduka kwesoni esisodwa okudlula labobantu abalungileyo abangamatshumi aficamunye lesificamunye abangasweli ukuphenduka.

Ngiyalitshela ukuthi ngaleyondlela kulokuthokoza phambi kwezingilosi zikaNkulunkulu ngesoni esisodwa nxa siphenduka.”

“Sathi, ‘Hatshi, baba Abhrahama, kodwa aluba kusuka umuntu kwabafileyo aye kubo bazaphenduka.’ “Wathi kuso, ‘Nxa bengalaleli uMosi labaPhrofethi, kabasoze bavume loba omunye angaze avuke kwabafileyo.’ ”

Ngakho lina ziqapheleni. “Aluba umfowenu esenza isono, mkhuze, kuthi nxa ezisola, mthethelele. Aluba esona kuwe kakhombisa ngosuku lulunye, eze kuwe kakhombisa esithi, ‘Ngiyaxolisa,’ mthethelele.”

“Kodwa umthelisi wema laphayana kude laye. Wesaba kanye lokukhangela ezulwini, kodwa wazidutshuza esifubeni wathi, ‘Nkulunkulu, woba lesihawu kimi engiyisoni.’

Umbusi othile wambuza wathi, “Mfundisi olungileyo, ngenzeni ukuze ngizuze impilo engapheliyo na?” UJesu waphendula wathi, “Ungibizelani ngokuthi ngilungile na? Kakho olungileyo  —  ngaphandle kukaNkulunkulu kuphela. Uyayazi imilayo; ‘Ungafebi, ungabulali muntu, ungebi, ungaphi ubufakazi bamanga, hlonipha uyihlo lonyoko.’ ”

njalo ukuphenduka lokuthethelelwa kwezono kuzatshunyayelwa ebizweni lakhe ezizweni zonke, kuqaliswa eJerusalema.

Ngelanga elilandelayo uJohane wabona uJesu esiza kuye wathi, “Khangelani, nansi iMvana kaNkulunkulu esusa isono somhlaba!

NjengoMosi waphakamisa inyoka enkangala, ngokunjalo iNdodana yoMuntu imele iphakanyiswe, ukuze kuthi lowo lalowo okholwayo kuyo abelokuphila okungapheliyo. “UNkulunkulu walithanda ilizwe waze wanikela iNdodana yakhe iyiyo yodwa ukuze kuthi loba ngubani okholwa kuyo angabhubhi kodwa abe lokuphila okungapheliyo. Ngokuba uNkulunkulu kathumanga iNdodana yakhe emhlabeni ukuba iwulahle umhlaba, kodwa ukuba umhlaba usindiswe ngayo. Loba ngubani okholwa kuyo kalahlwa, kodwa ongakholwayo uvele uselahliwe ngokuba kakholwanga ebizweni leNdodana eyiyo yodwa kaNkulunkulu. Nanku ukuqunywa kwecala: Ukukhanya sekufikile emhlabeni, kodwa abantu bathanda ubumnyama kulokukhanya ngokuba imisebenzi yabo yayimibi. Wonke umuntu owenza ububi uyakuzonda ukukhanya, njalo kezi ekukhanyeni ngoba esesaba ukuthi izenzo zakhe zizadalulwa. Kodwa loba ngubani ophila ngeqiniso uyeza ekukhanyeni ukuze kubonakale kamhlophe ukuthi lokho akwenzileyo ukwenze ngoNkulunkulu.”

Muva kwalokho uJesu wayifumana ethempelini indoda leyo wathi kuyo, “Khangela-ke usuphila njalo. Khawula ukwenza isono funa okubi okudlulayo kungakwehlela.”

bathi kuJesu, “Mfundisi, owesifazana lo ukhandwe ephakathi kwakho ukuphinga. EMthethweni uMosi wasilaya ukuthi abesifazana abanjalo kabakhandwe ngamatshe. Manje wena uthini?” Umbuzo lo wawungumjibila wabo ukuze bazuze izaba lokumbeka icala. Kodwa uJesu wakhothama waseloba phansi ngomunwe. Kwathi ngoba belokhu bephikelela ngokumbuza walulama wathi kubo, “Nxa ekhona phakathi kwenu ongelasono kaqalise lowo ukuphosa ilitshe.” Waphinda wakhothama waloba phansi emhlabathini. Esetsho lokho labo abezwayo baqalisa ukunyomuka ngamunye bahamba, kuqalisa ngabadala bakhona, kwaze kwasala uJesu yedwa lowesifazana lowo elokhu emi khonapho. UJesu walulama wambuza wathi, “Mama, kanti sebeye ngaphi? Kasekho yini okwethesa icala?” “Kakuselamuntu, mnumzana,” kulandula owesifazana. “Lami-ke kangikulahli,” kusitsho uJesu. “Zihambele, kodwa ungaphindi wenze isono njalo.”

Ngilitshelile ukuthi lizafela ezonweni zenu; uma lingakholwa ukuthi nginguye engithi nginguye, ngempela lizafela ezonweni zenu.”

UJesu waphendula wathi, “Ngiqinisile ngithi wonke owenza isono uyisigqili sesono.

Siyakwazi ukuthi uNkulunkulu kazilaleli izoni. Ulalela umuntu olobunkulunkulu owenza intando yakhe.

Ukhona umahluleli walowo ongalayo, ongawemukeliyo amazwi ami; lona lelolizwi uqobo engalikhulumayo lizamlahla ngosuku lokucina.

Uma lingithanda lizakwenza lokho engiliyala khona.

Uzakuthi angafika uzatshengisa umhlaba ukuthi ulahlekile ngesono langokulunga langokwahlulelwa: ngokwesono, ngokuba abantu kabakholwa kimi; ngokulunga, ngokuba ngiya kuBaba, lapho elingasayi ukungibona khona njalo; njalo ngokwehlulelwa, ngokuba umbusi walo umhlaba usemiselwe ukulahlwa.

UPhethro waphendula wathi, “Phendukani libhaphathizwe lonke, ebizweni likaJesu Khristu ukuze lithethelelwe izono zenu. Lani lizakwamukela isipho soMoya oNgcwele.

Yikho, phendukani, libuyele kuNkulunkulu, ukuze izono zenu zesulwe, ukuze kufike izikhathi zokuhlambulula okuvela eNkosini,

“Lina ziqholo zabantu, abanhliziyo zingasokanga lezindlebe zingakleklanga! Lifuze oyihlo: Lihlezi lijamelene loMoya oNgcwele!

Phenduka kulobububi uthandaze eNkosini. Mhlawumbe izakuthethelela ngokuthi ulomcabango onje enhliziyweni yakho.

Pho usalindeleni? Sukuma, ubhaphathizwe, ugeze kusuke izono zakho, ubiza ibizo lakhe.’

Ulaka lukaNkulunkulu luyabonakaliswa luvela ezulwini kukho konke ukungakhonzwa kukaNkulunkulu kanye lobubi babantu abacindezela iqiniso ngobubi babo,

Ngakho uNkulunkulu wabanikela esonweni sezinkanuko zezinhliziyo zabo zokungesabi ukujeziselwa ubufebe bokuhlazisana imizimba yabo omunye lomunye. Benana iqiniso likaNkulunkulu ngamanga, badumisa bekhonza izinto ezadalwayo kuloMdali odunyiswa kuze kube nini lanini. Ameni. Ngenxa yalokhu, uNkulunkulu wabanikela ezinkanukweni ezilihlazo. Labesifazana bakibo benana ukuphathana kwemvelo ngokungasikho kwemvelo. Ngokufanayo abesilisa labo badela ukuphathana kwemvelo labesifazana batshiseka ngokukhanukana. Abesilisa benza izenzo ezilihlazo lamanye amadoda, bazilethela isijeziso esifanele ukuxhwala kwabo.

Phezu kwalokho, njengoba bengazange bacabange ukuthi kufanele bagcine ukumazi uNkulunkulu, wabanikela engqondweni yokuxhwala, ukuba benze okungamelanga kwenziwe. Sebegcwele ngokonakala konke, ububi, lobuhaga kanye lokuxhwala. Bagcwale umhawu, lokubulala, lengxabano, lenkohliso kanye lolunya. Bangabanyeyi, labahlebi, labazonda uNkulunkulu, leziqholo, labazigqajayo kanye labazikhukhumezayo; baphemba izindlela zokwenza okubi; badelela abazali babo; kabalangqondo, kabalakholo, kabalazwelo balesihluku. Lanxa besazi isimiso esilungileyo sikaNkulunkulu sokuthi labo abenza izinto ezinje bafanele ukufa, kabaqhubeki nje kuphela besenza zona kanye lezizinto kodwa bayavumelana njalo lalabo abazenzayo.

Ngakho-ke kawulakho ukuxolisa wena owahlulela omunye, ngoba loba kungaphi owahlulela khona omunye, uyazigweba wena ngokwakho, ngoba wena owahlulelayo wenza izinto ezifanayo.

Kodwa labo abazinqinekelayo abala iqiniso balandele ububi, kuzakuba lolaka lokuthukuthela. Kuzakuba lokuhlupheka losizi emuntwini wonke owenza okubi: kuqala kumJuda kulandele kowezizweni,

Lokhu kuzakwenzakala ngosuku uNkulunkulu azakwahlulela izimfihlo zabantu ngoJesu Khristu, njengokutsho kwevangeli lami.

Pho sizaphetha ngokuthini na? Kambe sesingcono na? Hatshi akunjalo! Sesitshilo ukuthi umJuda lowezizwe bonke ngokufanayo bangaphansi kwesono. Njengoba kulotshiwe ukuthi: “Kakho olungileyo, kakho loyedwa; Kakho ozwisisayo, kakho odinga uNkulunkulu. Bonke baphambukile, bonke kabasasizi ngalutho; kakho owenza okuhle, kakho loyedwa.”

“Ukumesaba uNkulunkulu akukho emehlweni abo.” Siyakwazi ukuthi loba kuyini okutshiwo ngumthetho, ukutsho kulabo abangaphansi komthetho, ukuze imilomo yonke ithuliswe lomhlaba wonke ube lomlandu kuNkulunkulu.

Ngakho-ke kakho okuzathiwa ulungile emehlweni akhe ngokugcina umthetho; kodwa ngomthetho siba lakho ukwazi isono.

ngoba bonke bonile njalo bayasilela enkazimulweni kaNkulunkulu, njalo benziwa babe ngabalungileyo ngesihle ngomusa wakhe ngensindiso eyeza ngoKhristu uJesu. UNkulunkulu wambeka njengomhlatshelo wenhlawulo, ngokukholwa egazini lakhe. Wenza lokhu ukuze abonakalise ukulunga kwakhe, ngoba ngokubekezela kwakhe wayekela izono ezenziwe ngaphambili kungekho kujeziswa  —

“Babusisiwe labo abaziphambeko zabo zithethelelwe, abazono zabo zembesiwe.

Kodwa uNkulunkulu ubonakalisa uthando lwakhe kithi ngalokhu: Siseseyizoni, uKhristu wasifela. Njengoba khathesi sesilungiswe ligazi lakhe, pho sizasindiswa kakhulu kangakanani elakeni lukaNkulunkulu ngaye!

Ngakho-ke njengalokhu isono sangena emhlabeni ngomuntu oyedwa, lokufa ngesono, njalo ngale indlela ukufa kwafika ebantwini bonke, ngoba bonke benze isono  — ngoba umthetho ungakabi khona, isono sasikhona emhlabeni. Kodwa isono kasibalwa nxa umthetho ungekho.

Umthetho wabekwa ukuze isiphambeko sande. Kodwa lapho okwanda khona isono, umusa wanda kakhulukazi, ukuze kuthi njengoba isono sabusa ekufeni, kuthi ngokunjalo umusa lawo ubuse ngokulunga ukuba ulethe ukuphila okungapheliyo ngoJesu Khristu iNkosi yethu.

Ngakho, sizakuthini na? Sizaqhubeka sisenza isono ukuze umusa wande na? Akunjalo! Safa ngenxa yesono; pho singaphila kanjani kuso futhi na? Kumbe njalo kalazi yini ukuthi sonke thina esabhaphathizelwa kuKhristu uJesu sabhaphathizelwa ekufeni kwakhe na?

Ngakho sangcwatshwa laye ngokubhaphathizelwa ekufeni, ukuze kuthi njengoba uKhristu wavuswa kwabafileyo ngobukhosi bukaYise, lathi singaphila ukuphila okutsha. Uma sihlanganiswe laye kanje ekufeni kwakhe, ngempela sizahlanganiswa laye futhi ekuvukeni kwakhe. Ngoba siyakwazi ukuthi ubuntu bethu obudala babethelwa laye ukuze umzimba wesono ulahlwe, ukuze singabi yizigqili zesono futhi  — ngoba lowo osefile usekhululwe esonweni.

ngoba lowo osefile usekhululwe esonweni. Uma safa loKhristu, siyakholwa ukuthi sizaphila laye. Ngoba siyazi ukuthi njengoba uKhristu wavuswa kwabafileyo, angeke afe futhi; ukufa akuselawo amandla phezu kwakhe. Ukufa akufayo wakufela bonke kanye ngenxa yesono; kodwa ukuphila akuphilayo, ukuphilela uNkulunkulu. Ngokufanayo, zibaleni lingabafileyo esonweni kodwa abaphilayo kuNkulunkulu ngoKhristu uJesu.

Ngakho lingavumeli isono ukuba sibuse imizimba yenu efayo ukuba livumele izinkanuko zaso ezimbi. Linganikeli izitho zemizimba yenu esonweni, njengezikhali zobubi, kodwa zinikeleni kuNkulunkulu, njengabavuswe kwabafileyo balethwa ekuphileni; linikele izitho zemizimba yenu kuye njengezikhali zokulunga. Ngoba isono kasiyikuba ngumbusi wenu, ngoba lina kalikho ngaphansi komthetho, kodwa ngaphansi komusa.

Pho-ke? Sizakwenza isono ngokuba kasikho ngaphansi komthetho kodwa ngaphansi komusa na? Akunjalo! Kalazi yini ukuthi nxa lizinikela komunye umuntu ukuba limlalele njengezigqili, liyizigqili kulowo elimlalelayo  —  langabe liyizigqili zesono, okuholela ekufeni, loba ezokulalela, okuholela ekulungeni na?

Kodwa-ke kabongwe uNkulunkulu ngokuthi lanxa laliyizigqili zesono, layilalela ngezinhliziyo ezipheleleyo indlela yemfundiso elabekwa kuyo. Lakhululwa esonweni laselisiba yizigqili zokulunga. Lokhu ngikubeka ngamazwi abantu ngoba libuthakathaka ngokwemvelo yobuntu benu. Njengoba lalinikela izitho zemizimba yenu ngobugqili emanyaleni lekuxhwaleni okwandayo, ngakho khathesi zinikeleni ngobugqili ekulungeni okuholela ebungcweleni.

Lapho laliyizigqili zesono, lalikhululekile emandleni okulunga. Ngumvuzo bani elawutholayo ngalesosikhathi ezintweni eseliyangeka ngazo khathesi? Lezozinto ziphetha ngokufa!

Kodwa njengoba khathesi selikhululwe esonweni laba yizigqili kuNkulunkulu, umvuzo eliwutholayo uholela ebungcweleni, lesiphetho yikuphila okungapheliyo. Ngoba umvuzo wesono yikufa, kodwa isipho sikaNkulunkulu siyikuphila okungapheliyo kuKhristu uJesu iNkosi yethu.

Ngoba sisabuswa yimvelo elesono izinkanuko zesono ezavuswa ngumthetho zazisebenza emizimbeni yethu, okwenza sathelela ukufa izithelo. Kodwa khathesi, ngokufela kulokho okwake kwasibopha, sesikhululiwe emthethweni ukuze sikhonze ngendlela entsha yoMoya hatshi ngendlela endala yezimiso ezilotshiweyo.

Ngakho sizakuthini na? Umthetho uyisono na? Ngempela kawusiso! Ngeqiniso mina ngangingasoze ngazi ukuthi isono siyini ngaphandle kwangawo umthetho. Ngoba ngangingayikwazi ukuthi ukuhawukela ngempela kuyini aluba umthetho wawungatsho ukuthi, “Ungahawukeli.” Kodwa isono, sithatha ithuba elilethwa ngumlayo, saveza kimi izinhlobo zonke zenkanuko yokuhawukela. Ngoba ngaphandle komthetho, isono sifile. Mina ngake ngaphila ngaphandle komthetho; kodwa kwathi ekufikeni komlayo, isono savuka saphila, mina ngafa. Ngathola ukuthi wona lowo umlayo owawuhlose ukuletha ukuphila kodwa waletha ukufa. Ngoba isono, sithatha ithuba elalethwa ngumlayo, sangikhohlisa, kwathi ngomthetho sangibulala.

Kodwa isono, sithatha ithuba elilethwa ngumlayo, saveza kimi izinhlobo zonke zenkanuko yokuhawukela. Ngoba ngaphandle komthetho, isono sifile.

Kanti lokho okuhle kube yikufa kimi na? Akunjalo! Kodwa ukuze isono sibonakale siyisono, saletha ukufa kimi ngalokho okwakukuhle, ukuze kuthi ngomlayo isono sibe yisono esipheleleyo.

Siyakwazi ukuthi umthetho ungokomoya; kodwa mina kangisuwomoya, ngathengiswa esonweni njengesigqili. Engikwenzayo angikuzwisisi. Ngoba lokho engifuna ukukwenza angikwenzi, kodwa lokho engikuzondayo ngiyakwenza. Ngakho uma ngisenza lokho engingakufuniyo ukukwenza, ngiyavuma ukuthi umthetho ulungile. Njengoba kunje, akuseyimi uqobo okwenzayo, kodwa isono esihlala kimi. Ngiyakwazi ukuthi akulalutho oluhle oluhlala kimi, okutsho imvelo yami elesono. Ngoba ngilesifiso sokwenza okuhle, kodwa angingeke ngikufeze. Ngoba engikwenzayo akusikho okuhle engifuna ukukwenza; hatshi, okubi engingafuniyo ukukwenza  —  lokhu ngiqhubeka ngikwenza. Uma ngisenza engingafuniyo ukukwenza, akuseyimi okwenzayo, kodwa yisono esihlala kimi esikwenzayo.

Ngakho ngithola umthetho lo usebenza ukuthi: Lapho ngifuna ukwenza okuhle, okubi kulami khonapho. Ngoba ebuntwini bami bangaphakathi ngiyathokoza ngomthetho kaNkulunkulu; kodwa ngibona omunye umthetho usebenza ezithweni zami, usilwa lomthetho wengqondo yami ungenza ngibe yisibotshwa somthetho wesono osebenzayo ezithweni zami. Yeka isinothongwana esengiyiso sona. Ngubani ozangihlenga kulo umzimba wokufa? Kabongwe uNkulunkulu  —  ngoJesu Khristu iNkosi yethu! Ngakho-ke mina, engqondweni yami ngiyisigqili somthetho kaNkulunkulu, kodwa ngemvelo elesono ngiyisigqili somthetho wesono.

Ngakho, khathesi akusekho ukulahlwa kulabo abakuKhristu uJesu, ngoba ngoKhristu uJesu umthetho woMoya wokuphila wangikhulula emthethweni wesono lokufa. Ngoba lokho umthetho owawungelamandla okukwenza ngokuba waxegiswa yimvelo elesono, uNkulunkulu wakwenza ngokuthuma iNdodana yakhe ngesimo somuntu olesono ukuba ibe ngumnikelo wesono. Ngakho isono yasilahla emuntwini olesono, ukuze izimiso ezilungileyo zomthetho zipheleliswe kithi, thina esingaphili ngokwemvelo yesono kodwa ngokoMoya. Labo abaphila ngokwemvelo yesono izingqondo zabo zigxile kulokho okufiswa yileyomvelo, kodwa labo abaphila ngokumayelana loMoya izingqondo zabo zigxile kulokho okufiswa nguMoya. Ingqondo yomuntu olesono yikufa, kodwa ingqondo ebuswa nguMoya yikuphila lokuthula; ingqondo yesono iyamzonda uNkulunkulu. Kayiwuvumi umthetho kaNkulunkulu, njalo ayingeke yenze njalo. Labo ababuswa yimvelo yesono abangeke bamthokozise uNkulunkulu.

Ngakho-ke, bazalwane, silomlandu  —  kodwa kawungabi yimvelo yesono, ukuba siphile ngokwawo. Ngoba uma liphila ngokwemvelo yesono, lizakufa; kodwa uma kunguMoya libulala izenzo ezimbi zomzimba, lizaphila,

Lesi yisivumelwano sami labo lapho ngizisusa izono zabo.”

Uthando kumele lube qotho. Zondani okubi libambelele kokulungileyo.

Imilayo ethi, “Ungafebi,” “Ungabulali,” “Ungebi,” “Ungahawukeli” kanye leminye imilayo engabe ikhona ihlanganiswa ngumthetho lo othi: “Thanda umakhelwane wakho njengoba uzithanda wena.”

Kasiziphatheni kuhle, njengasemini, hatshi emadilini okuminza lokudakwa, hatshi ekuxhwaleni kokufeba lentokozo yobugangi, hatshi ngokuxabana langomona. Kodwa zigqokiseni iNkosi uJesu Khristu, njalo lingacabangi ngokuthokozisa inkanuko yemvelo yenu yokona.

Pho wena, kungani usahlulela umzalwane wakho na? Loba kungani useyisa umzalwane wakho na? Ngoba sonke sizakuma phambi kwesihlalo sikaNkulunkulu sokwahlulela.

Kodwa umuntu olokuthandabuza uyalahlwa uma esidla, ngoba ukudla kwakhe akuveli ekukholweni; njalo konke okungaveli ekukholweni kuyisono.

Ngiyalincenga, bazalwane, ukuba libaqaphele labo abadala ukwahlukana bebeka izivimbelo endleleni yenu, okuphambene lemfundiso elayifundayo. Baxwayeni. Ngoba abantu abanjalo kabakhonzi Nkosi yethu uKhristu, kodwa izinkanuko zabo. Ngenkulumo emnandi langobuqili bakhohlisa izingqondo zabantu abayiziphukuphuku.

Kanti kalazi yini ukuthi lina ngokwenu lilithempeli likaNkulunkulu kanye lokuthi uMoya kaNkulunkulu uhlala phakathi kwenu? Uma umuntu echitha ithempeli likaNkulunkulu, uNkulunkulu uzamchitha; ngoba ithempeli likaNkulunkulu lingcwele, njalo lina liyilelothempeli.

Ngalilobela encwadini yami ukuba lingahlanganyeli labantu abayizixhwali zezifebe  — ngingatsho abantu bakulo umhlaba abagangileyo, loba abayizihwaba lamaqili, loba abakhonza izithombe. Uma kunjalo kuzamele liwutshiye umhlaba lo. Kodwa khathesi ngililobela ukuba lingahlanganyeli lomuntu ozibiza ngokuthi ngumzalwane kodwa exhwalile eyisifebe loba isihwaba, umkhonzi wezithombe loba umnyeyi, isidakwa loba iqili. Umuntu onjalo lingadli laye. Kungumlandu wami na ukuba ngahlulele abangaphandle kwebandla? Akumelanga lahlulele labo abaphakathi na? UNkulunkulu uzakwahlulela labo abangaphandle. “Mxotsheni umuntu omubi phakathi kwenu.”

Kalazi yini ukuthi abaxhwalileyo kabayikudla ilifa lombuso kaNkulunkulu? Lingakhohliswa. Akulazifebe ezixhwalileyo loba abakhonza izithombe loba iziphingi loba amawule esilisa loba abesilisa abaphinganayo loba amasela loba izihwaba loba izidakwa loba abanyeyayo loba amaqili azakudla ilifa lombuso kaNkulunkulu. Njalo lokho yikho abanye benu ababe yikho. Kodwa selageziswa, selangcweliswa, selalungiswa ngebizo leNkosi uJesu Khristu langoMoya kaNkulunkulu wethu.

Balekelani ukuxhwala kobufebe. Zonke ezinye izono umuntu azenzayo zingaphandle komzimba wakhe, kodwa lowo owenza isono sobufebe wenza isono emzimbeni wakhe. Kalazi yini ukuthi umzimba wenu ulithempeli likaMoya oNgcwele, ophakathi kwenu, elamamukela kuNkulunkulu na? Kalisibo benu, lathengwa ngentengo. Ngakho-ke dumisani uNkulunkulu ngemizimba yenu.

Akumelanga senze ukuxhwala kobufebe njengokwenziwa ngabanye babo  —  njalo ngosuku olulodwa kwafa ababo abayizinkulungwane ezingamatshumi amabili lantathu. Akumelanga silinge iNkosi njengokwenziwa ngabanye babo  —  babulawa zinyoka. Lingakhononi, njengokwenziwa ngabanye babo  —  babulawa yingilosi ebhubhisayo. Izinto lezi zenzakala kubo njengezibonelo njalo zalotshwa njengezixwayiso kithi, osekufike kubo ukugcwaliseka kwezikhathi. Ngakho uma licabanga ukuthi limi liqinile, qaphelani ukuba lingawi.

Akulazilingo ezilehleleyo ngaphandle kokwejwayelekileyo ebantwini. Njalo uNkulunkulu uthembekile; akayikuvumela ukuba lilingwe ngokwedlula lokho elingakumela. Kodwa lapho lilingwa, uzalinika indlela yokuphunyuka ukuze limelane lakho.

Ngoba engakwamukelayo lami ngakudlulisela kini njengokuqakatheke kakhulu: ukuthi uKhristu wafela izono zethu mayelana lemibhalo, lokuthi wangcwatshwa, lokuthi wavuswa ngosuku lwesithathu mayelana lemibhalo,

Lingedukiswa: “Abangane ababi bayasona isimilo esihle.” Khumbulani ngezingqondo zenu njengokumele likwenze, licine ukwenza izono; ngoba kulabanye abangamaziyo uNkulunkulu  —  ngitsho lokhu ukuba liyangeke.

Udonsi lokufa yisono, lamandla esono ngumthetho.

Ngoba sonke kumele sime phambi kwesihlalo sokwahlulela sikaKhristu, ukuze lowo lalowo amukele okumfaneleyo okwezinto azenzayo esemzimbeni, langabe ngezinhle loba ezimbi.

UNkulunkulu wamenza waba yisono owayengelasono ngenxa yethu, ukuze kuthi kuye sibe yikulunga kukaNkulunkulu.

Njengoba silezithembiso lezi, bazalwane abathandekayo, kasizihlambululeni ezintweni zonke ezingcolisa umzimba lomoya, siphelelise ubungcwele ngokwesaba uNkulunkulu.

Ngoba ngiyesaba ukuthi ekufikeni kwami angiyikulifica liyilokho engifuna libe yikho, mhlawumbe lani lingangifumani ngiyilokho elifuna ngibe yikho. Ngiyesaba ukuthi kungaba khona ukuxabana, lomona, lokuthukuthela, lemibango, lesinyeyo, lokuhleba, lokuzikhukhumeza, kanye lokuphithizela. Ngiyesaba ukuthi ekufikeni kwami futhi uNkulunkulu wami uzangidumaza phambi kwenu, njalo ngizakuba lusizi ngabanengi abenze izono ngaphambili njalo bengaphendukanga kulokhokungcola, isono sokufeba kanye lamanyala abangena kuwo.

Kodwa umbhalo uyatsho ukuthi umhlaba wonke uyisigqili sesono, ukwenza ukuthi okwakuthenjisiwe, kunikwa ngokukholwa kuJesu Khristu, kunikwe labo abakholwayo.

Ngakho ngithi, philani ngoMoya, kaliyikuthokozisa izinkanuko zenu zemvelo elesono. Ngoba imvelo yesono ikhanuka okuphambene loMoya, loMoya okuphambene lemvelo yesono. Kuyaphikisana, ukuze lingenzi elikuthandayo. Kodwa uma likhokhelwa nguMoya, kalikho ngaphansi komthetho.

Izenzo zemvelo yesono zisobala: ubufebe, lokungesabi ukujeziswa, lokuxhwala; ukukhonza izithombe lobuthakathi; inzondo, lokuxabana, lomona, lentukuthelo, lobuhwaba, lokungezwani, lokungavumelani kanye lomhawu; ukudakwa, lokuzitika ngamanyala kanye lokunye okunjalo. Ngiyalixwayisa, njengoba ngenza ngaphambili, ukuthi abaphila kanje kabayikulidla ilifa lombuso kaNkulunkulu.

Labo abangabakaKhristu sebayibethela esiphambanweni imvelo yabo yesono lokufutheka kwayo kanye lezinkanuko. Njengoba siphila ngoMoya, kasenzeni okuhambelana loMoya.

Bazalwane, uma umuntu ehilelwe yisono esithile lina abomoya kumele limbuyise kakuhle. Kodwa lizinanzelele; lani futhi lingalingwa.

Lingakhohliswa: UNkulunkulu angeke ahlekwa. Umuntu uvuna lokho akuhlanyelayo. Lowo ohlanyela ukuthokozisa imvelo yakhe yesono, kuleyomvelo uzavuna ukuchitheka; lowo ohlanyela ukuthokozisa uMoya, kuMoya uzavuna ukuphila okulaphakade.

Kuye silokuhlengwa ngegazi lakhe, lokuthethelelwa kwezono, ngokumayelana lengcebo yomusa kaNkulunkulu

Lina lalifile kuziphambeko zenu lasezonweni, elaliphila kuzo lapho lalilandela izindlela zalo umhlaba lezombusi wombuso wasemoyeni, umoya osebenzayo lakhathesi kulabo abangalaleliyo. Lathi sonke sake saphila phakathi kwabo ngesinye isikhathi, sithokozisa izinkanuko zemvelo yethu yesono silandela lezifiso zayo kanye lemicabango. Njengabanye, ngemvelo sasiyizinto zolaka.

Ngakho ngilitshela lokhu, ngikugcizelela eNkosini, ukuba akumelanga liphile njengabezizweni, emicabangweni yabo eyize. Kubamnyama ekuqedisiseni kwabo njalo behlukene lokuphila kukaNkulunkulu ngenxa yokungazi kwabo okungenxa yobulukhuni bezinhliziyo zabo. Sebelahlekelwe yisazela sonke, sebezinikele ekuthokoziseni umzimba ukuze benze izinhlobo zonke zokuxhwala, inkanuko iqhubeka ifuna okunengi.

Mayelana lendlela yenu yakuqala yokuphila, lafundiswa ukuba lilahle uqobo lwenu oludala, olonakaliswa yizinkanuko zalo zenkohliso; lenziwe libe batsha esimeni sezingqondo zenu; lifake ubumina obutsha, obadalelwa ukuba njengoNkulunkulu ekulungeni okuqotho lobungcwele.

Susani yonke inzondo, lokuthukuthela, lolaka, lokuxabana lesinyeyo, kanye lobubi bonke.

Kodwa phakathi kwenu akungabi khona lokuncane ukuxhwala kobufebe, loba yikuphi ukungcola, loba okobuhwaba, ngoba lezizinto kazifanelanga ebantwini abangcwele bakaNkulunkulu. Njalo akumelanga kube lenhlamba, lenkulumo zobuthutha loba ubuphoxo, okuyizinto ezingafanelanga, kodwa kakube lokubonga. Ngoba kuliqiniso ukuthi: Akulamuntu oyisixhwali, longcolileyo loba oyisihwaba  —  umuntu onjalo ukhonza izithombe  —  olelifa embusweni kaKhristu lokaNkulunkulu. Lingavumi ukukhohliswa ngumuntu ngamazwi ayize, ngoba ngenxa yezinto ezinje ulaka luka-Nkulunkulu lwehlela phezu kwalabo abangalaleliyo.

Lingahlanganyeli ezenzweni zobumnyama ezingelazithelo, kodwa lizihlazulule. Ngoba kulihlazo lokukutsho okwenziwa yizigangi ensitha.

Lingadakwa liwayini, okuletha ukonakala. Kodwa gcwaliswani ngoMoya.

Lina lake laba ngabehlukane loNkulunkulu liyizitha ezingqondweni zenu ngenxa yokuziphatha kwenu okubi. Kodwa khathesi uselibuyisile ngomzimba kaKhristu uqobo lwawo ngokufa ukuze alimise lingcwele ebusweni bakhe, lingelasici njalo limsulwa  —

Ngakho kubulaleni konke okungokwemvelo yenu yasemhlabeni: ukuxhwala kobufebe, ukungcola, inkanuko, izifiso ezimbi kanye lobuhwaba, okuyikukhonza izithombe. Ngenxa yalezizinto ulaka lukaNkulunkulu luyeza. Lalijwayele ukuhamba kulezizindlela, empilweni elake layiphila. Kodwa khathesi zilahleni zonke izinto ezinjengalezi: ulaka, ukuthukuthela, inzondo, ukunyeya lenkulumo ebolileyo. Lingaqambelani amanga, njengoba selihlubule uqobo lwenu oludala lezenzo zalo

Loba ngubani owenza okubi uzaphindiselwa ububi bakhe, njalo akukho bandlululo.

Kuyintando kaNkulunkulu ukuba libe ngcwele: ukuba lixwaye ukuxhwala kobufebe; ukuba omunye lomunye wenu kumele afunde ukuthiba umzimba wakhe ngendlela engcwele lehloniphekayo,

Ngoba uNkulunkulu kasibizelanga ukuba sibe ngabangcolileyo, kodwa ukuba siphile impilo engcwele. Ngakho-ke lowo owalayo umlayo lo kalimuntu kodwa uNkulunkulu, yena olinika uMoya wakhe oNgcwele.

Hlolani izinto zonke. Bambelelani kokulungileyo. Xwayani konke. Sengathi uNkulunkulu uqobo, uNkulunkulu wokuthula, angalingcwelisa ngokupheleleyo. Sengathi umoya wenu wonke, lomphefumulo kanye lomzimba kungalondolozwa kungelasici ekufikeni kweNkosi yethu uJesu Khristu.

Izabajezisa labo abangamaziyo uNkulunkulu njalo bengalilaleli ivangeli leNkosi yethu uJesu.

Siyakwazi lokuthi umthetho kawenzelwanga abantu abalungileyo, kodwa wenzelwa abeqa imithetho labahlamuki, abangamaziyo uNkulunkulu labayizoni, abangengcwele labangakholwayo; wenzelwa ababulala oyise labonina, lababulali, lezifebe, kanye lezixhwali, abathengisa izigqili labaqamba amanga kanye labafungela amanga  —  kanye lokunye okuphambene lemfundiso eqotho

Nansi isitsho esiqotho esifanele ukwamukelwa esithi: UKhristu uJesu weza emhlabeni ukuba asindise izoni  —  mina ngingesibi kakhulu sazo. Kodwa ngenxa yasonalesi isizatho ngenzelwa isihawu, ukuze kuthi ngami, isoni esibi kakhulu, uKhristu abonakalise ukubekezela kwakhe okungelamkhawulo njengesibonelo kulabo abakholwa kuye bamukele lokuphila okungapheliyo.

Abenza izono kumele bakhuzwe phambi kwabantu, ukuze labanye baxwayiseke.

Izono zabanye abantu zisobala, zifika endaweni yokwahlulela kuqala kulabo; kodwa abanye ezabo izono zilandela ngemuva kwabo.

Abantu abafuna ukunotha bawela ezilingweni lasemijibileni lasezinkanukweni ezinengi zobuthutha ezilimazayo eziwisela abantu ekufeni lasekubhujisweni. Ngoba ukuthanda imali kuyimpande yezinhlobo zonke zobubi. Abanye abantu, ngokutshisekela imali, baphambuka ekukholweni bazibangele izinsizi ezinengi.

Abantu bazakuba ngabazithandayo, labathanda imali, labazikhukhumezayo, labazigqajayo, labathukayo, labangalaleli abazali babo, labangabongiyo, labangcolileyo, abangelathando, labangathetheleliyo, labahlebayo, labangazikhuziyo, labalesihluku, labangakuthandiyo okuhle, labalamacebo amabi, labacaphuka ngeze, labaziphakamisayo, labathanda injabulo kulokuthanda uNkulunkulu  — belesimo sokukholwa kuNkulunkulu kodwa belandula amandla akho ukukholwa. Ungahlanganyeli labo. Yibo laba abahahabela emakhaya bazuze amandla phezu kwabesifazana ababuthakathaka, abasindwa yizono njalo bebuswa yizinhlobo zonke zezinkanuko ezimbi, behlezi befunda kodwa benganelisi ukwamukela iqiniso.

kukanti abantu ababi labakhohlisi bazakonakala ngokudlulisayo, bekhohlisa labo bekhohliswa.

Bathi uNkulunkulu bayamazi, kodwa ngezenzo zabo bayamphika. Bayenyanyeka, bayadelela njalo kabafanelanga ukwenza loba kuyini okuhle.

Ngesinye isikhathi lathi sake saba yiziwula, singalaleli, sikhohliswa njalo sithunjwe yizinhlobo zonke zezinkanuko kanye lezinjabulo. saphila phakathi kwenzondo lomhawu, sizondwa njalo sizondana.

Njengoba laye wahlupheka lapho elingwa, uyanelisa ukubasiza abalingwayo.

Kodwa khuthazanani izinsuku zonke kusabizwa ngokuthi lamhla, ukuze angabikhona owenu oba lukhuni ngenxa yokukhohliswa yisono.

Njengoba kutshiwo: “Lamhla, uma lisizwa ilizwi lakhe, lingazenzi zibe lukhuni izinhliziyo zenu njengelakwenzayo ekuhlamukeni.”

Ngoba kasilamphristi omkhulu onganelisiyo ukuzwela ubuthakathaka bethu, kodwa silaye oseke walingwa ngezindlela zonke njengathi kodwa akaze aba lesono.

ngoba ngomhlatshelo owodwa usephelelise nini lanini labo abenziwayo ukuba ngcwele. LoMoya oNgcwele uyafakaza kithi ngalokho. Kuqala uthi: “Lesi yisivumelwano engizasenza labo emva kwalesosikhathi, kutsho iNkosi. Ngizafaka imithetho yami ezinhliziyweni zabo ngiyilobe lasezingqondweni zabo.” Wabuya wengeza wathi: “Izono zabo lezenzo zokungabi lamthetho, angiyikukukhumbula futhi.” Nxa lezi sezithethelelwe, kawusekho umhlatshelo wesono.

Uma siqhubeka sisenza izono ngabomu emva kokuba iqiniso sesilazi, kawusekho umhlatshelo wezono, kodwa umlindelo kuphela owesabekayo wokwahlulelwa kanye lomlilo ovuthayo ozaqothula izitha zikaNkulunkulu. Owawalayo umthetho kaMosi wafa kungekho sihawu ngobufakazi babafakazi ababili kumbe abathathu. Pho licabanga ukuthi ufanele ukujeziswa kakhulu okungakanani umuntu owanyathela iNdodana kaNkulunkulu ngaphansi konyawo, ophathe igazi lesivumelwano elamenza waba ngcwele njengento engangcwele, lohlambaza uMoya womusa na? Ngoba thina siyamazi lowo owathi, “Ukuphindisela ngokwami; ngizabuyisela,” njalo wathi, “INkosi izakwahlulela abantu bayo.” Kuyinto eyesabekayo ukuwela ezandleni zikaNkulunkulu ophilayo.

Ngakho-ke, njengoba sihanqwe lixuku elikhulu kangaka labofakazi, kasikulahleni konke okusivimbelayo kanye lesono esihilela lula, njalo kasigijimeni ngokubekezela kulo umjaho ophawulelwe thina.

Ekulweni kwenu lesono, kalimelananga laso okufika ebangeni lokuchitha igazi lenu.

Zamani kakhulu ukuhlalisana ngokuthula labantu bonke lokuba ngcwele; kungekho bungcwele kakho ozayibona iNkosi.

Ukuthathana kumele kuhlonitshwe ngumuntu wonke, kuthi lombheda wokuthathana uhlale ungangcoliswanga, ngoba uNkulunkulu uzakwahlulela isifebe labo bonke abayiziphingi.

Ubusisiwe umuntu oqiniselayo ekulingweni, ngoba lapho esephumelele ekuhlolweni, uzaphiwa umqhele wokuphila, ukuphila uNkulunkulu akuthembisa labo abamthandayo. Ekulingweni, kakho omele athi, “UNkulunkulu uyangilinga.” Ngoba uNkulunkulu angeke alingwe yibubi, kumbe alinge umuntu; kodwa lowo lalowo ulingwa yinkanuko yakhe embi, lapho edonselwa kude ehugwa. Ngakho nxa inkanuko isiyemule izala isono; njalo isono lapho sesikhulile okugcweleyo, sizala ukufa. Lingakhohliswa, bazalwane bami abathandekayo.

Ngakho-ke lahlani amanyala wonke lobubi obande kangaka, lilamukele ngokuthobeka ilizwi elahlanyelwa kini, elingalisindisa. Lingalaleli ilizwi nje kuphela, beselizikhohlisa ngalokho. Yenzani lokho elikutshoyo.

Ngoba loba ngubani ogcina umthetho wonke kodwa akhubeke endaweni eyodwa, ulecala lokuwephula wonke.

Kuyini okubangela ukulwa lezingxabano phakathi kwenu na? Kakuveli ezinkanukwenu zenu ezilwayo phakathi kwenu na? Lifuna ulutho oluthile kodwa kalilutholi. Liyabulala njalo lihawukele, kodwa kalingeke likuthole lokho elikufunayo. Liyaxabana lilwe. Kalilalutho ngoba kaliceli kuNkulunkulu.

Lina zifebe zabantu, kalikwazi yini ukuthi ubungane lomhlaba kuyikuzonda uNkulunkulu na? Umuntu okhetha ukuba ngumngane womhlaba uba yisitha sikaNkulunkulu. Kumbe licabanga ukuthi umbhalo utsho kungelasizatho ukuthi umoya awenza ukuba uhlale phakathi kwethu ugebela ebukhweleni, kodwa yena usinika umusa owengeziweyo. Yikho nje umbhalo usithi, “UNkulunkulu umelana labazigqajayo kodwa abanike umusa abathobekileyo.” Ngakho-ke zehliseni kuNkulunkulu. Menqabeni uSathane, uzalibalekela. Sondelani phansi kukaNkulunkulu laye uzasondela kini. Gezani izandla zenu lina zoni, lihlambulule lezinhliziyo zenu, lina abangqondombili. Dabukani, lilile, likhale. Guqulani ukuhleka kwenu kube yikukhala, kuthi ukuthokoza kwenu kube yikudana. Zithobeni phambi kweNkosi, izaliphakamisa.

Bazalwane, lingachothozani. Umuntu okhuluma kubi ngomzalwane wakhe, loba amahlulele, ukhuluma kubi ngomthetho awahlulele. Lapho lisahlulela umthetho, kaliwugcini, kodwa liyawahlulela. KuloMenzi wemithetho loMahluleli oyedwa kuphela, lowo olamandla okusindisa lokubhubhisa. Kodwa lina  —  lingobani ukuba lahlulele omakhelwane benu na?

Ngakho loba ngubani okwaziyo okulungileyo okumele akwenze kodwa angakwenzi, wenza izono.

khumbulani lokhu: Lowo onqanda isoni ekoneni kwaso uzasisindisa ekufeni, agubuzele izono ezinengi.

Njengabantwana abalalelayo lingavumeli izinkanuko ezimbi elalilazo lingakazi. Kodwa njengoba lowo owalibizayo engcwele, ngakho yibani ngcwele kukho konke elikwenzayo; ngoba kulotshiwe ukuthi: “Yibani ngcwele ngoba mina ngingcwele.”

Ngakho lahlani ububi bonke lenkohliso yonke, lokuzenzisa, lomona, kanye lesinyeyo senhlobo zonke.

Bangane abathandekayo, ngiyalincenga, njengabezizweni lezihambi emhlabeni, ukuba lizile izinkanuko zesono ezilwa lemiphefumulo yenu.

Yena ngokwakhe wathwala izono zethu emzimbeni wakhe esiphambanweni ukuze siphephe ezonweni njalo siphilele ukulunga; lisilisiwe ngamanxeba akhe. Ngoba lina lalinjengezimvu ezilahlekileyo, kodwa khathesi selibuyele kuMalusi loMbonisi wemiphefumulo yenu.

Ngoba uKhristu wafela izono zenu kwaba kanye, olungileyo efela abangalunganga, ukuze alise kuNkulunkulu. Wabulawa emzimbeni kodwa wavuswa nguMoya,

Ngakho, njengoba uKhristu wahlupheka emzimbeni wakhe, lani hlomani ngesimo esifanayo, ngoba lowo owahluphekayo emzimbeni wakhe usehlule isono. Ngakho-ke, ukuphila kwakhe kwasemhlabeni okuseleyo kakuphileli izinkanuko ezimbi zabantu, kodwa intando kaNkulunkulu. Ngoba selichithe isikhathi esaneleyo ngaphambili lisenza lokho abahedeni abakhetha ukukwenza  —  impilo yobudlova, inkanuko, lokudakwa, ukuzitika, ukuzivusa amadlabuzane kanye lezithombe eziyisinengiso.

Ngobugovu babo abafundisi laba bazakwenza inzuzo ngani ngezinganekwane zokuzibumbela. Ukulahlwa kwabo kubengamile, lokubhujiswa kwabo akuzange kukhohlakale. Ngoba uma uNkulunkulu engaziyekelanga izingilosi ekwenzeni kwazo isono, kodwa wazisa egehena, wazifaka emigodini emnyama ukuba zigcinelwe ukwahlulelwa;

uma lokhu kunjalo, uNkulunkulu uyakwazi ukuhlenga abantu abamesabayo ekulingweni kanye lokugcinela abangalunganga usuku lokwahlulela, eqhubeka ngokujeziswa kwabo. Lokhu kuliqiniso ikakhulu kulabo abalandela izinkanuko zokonakala ezemvelo yabo yesono njalo beseyisa umthetho. Ngesibindi lokuzikhukhumeza, abantu laba kabakwesabi ukuhlambaza izidalwa zasezulwini;

Ngamehlo agcwele ubufebe kabayekeli ukwenza isono; baxhwalisa abangaqinanga; bazingcitshi zobugovu  —  inzalo eqalekisiweyo!

Izaga ziqinisile ngabo ukuthi: “Inja iyabuyela emahlanzweni ayo,” njalo ukuthi, “Ingulube egezisiweyo iyabuyela iyozibhixa edakeni.”

Kuqala, kumele liqedisise ukuthi ngezinsuku zokucina kuzafika abaklolodayo baklolode belandela izinkanuko zabo ezimbi.

Uma sisithi silokuhlanganyela laye kodwa sihambe ebumnyameni, siqamba amanga, njalo leqiniso kasilenzi. Kodwa uma sihamba ekukhanyeni, njengoba esekukhanyeni, silokuhlanganyela omunye lomunye, legazi likaJesu, iNdodana yakhe, liyasihlambulula ezonweni zonke. Uma sisithi kasilasono, siyazikhohlisa, njalo kasilaqiniso. Uma sivuma izono zethu, yena uthembekile njalo ulungile, uzasithethelela izono zethu asihlambulule kukho konke ukungalungi kwethu. Uma sisithi akulasono esasenzayo, simenza abe ngumqambi wamanga, njalo ilizwi lakhe kalilandawo kithi.

Bantwabami abathandekayo, ngililobela incwadi le ukuze lingenzi izono. Kodwa uma umuntu enze isono, silaye osikhulumelayo kuBaba esivikela  —  uJesu Khristu oLungileyo. Ungumhlatshelo wenhlawulo yezono zethu, kungasizono zethu kuphela kodwa lezono zomhlaba wonke. Singaba leqiniso ukuthi siyamazi uma silalela imilayo yakhe. Umuntu othi, “Ngiyamazi,” kodwa angagcini imilayo yakhe uqamba amanga, leqiniso kalalo. Kodwa uma umuntu elalela ilizwi lakhe, uthando lukaNkulunkulu luyapheleliswa sibili kuye. Nanku esazi ngakho ukuthi sikuye: Lowo othi uhlala kuye kumele aphile njengokwenziwa nguJesu.

Kodwa lowo ozonda umzalwane wakhe usebumnyameni njalo uyazula ebumnyameni; kakwazi lapho aya khona, ngoba ubumnyama sebumenze waba yisiphofu.

Ngiyalilobela, bantwana abathandekayo, ngoba izono zenu zithethelelwe ngenxa yebizo lakhe.

Lingawuthandi umhlaba loba olunye ulutho olusemhlabeni. Uma umuntu ethanda umhlaba, uthando lukaBaba kalukho kuye. Ngoba izinto zonke ezisemhlabeni  —  izinkanuko zabantu abalezono  —  ukulangazela kwamehlo abo kanye lokuzigqaja ngezimpahla  —  akuveli kuBaba kodwa emhlabeni. Umhlaba lezinkanuko zawo kuyadlula, kodwa umuntu owenza intando kaNkulunkulu uphila kuze kube nininini.

Umuntu wonke owenza izono wephula umthetho; ngempela, isono yikungabi lomthetho. Kodwa liyakwazi ukuthi wabonakala ukuze asuse izono zethu. Njalo kuye akulasono. Kakho ohlala kuye oqhubeka esenza izono. Kakho oqhubeka esenza izono owambonayo kumbe omaziyo. Bantwana abathandekayo, lingavumeli muntu eledukisa. Lowo owenza okulungileyo ulungile, njengaye olungileyo. Lowo owenza izono ngokaSathane ngoba uSathane wenza izono kusukela ekuqaleni. INdodana kaNkulunkulu yabonakala ukuze ichithe imisebenzi kaSathane. Kakho ozelwe nguNkulunkulu ozaqhubeka esenza izono, ngoba ezelwe nguNkulunkulu. Sibazi kanje ukuthi abantwana bakaNkulunkulu ngobani kanye lokuthi abangabantwana bakaSathane ngobani: Lowo ongenzi okulungileyo kasuye mntakaNkulunkulu; loba lowo ongamthandiyo umfowabo.

Lowo ozonda umzalwane wakhe ungumbulali, njalo liyakwazi ukuthi akulambulali olokuphila okungapheliyo kuye.

Uma umuntu enothile abone umzalwane wakhe oswelayo kodwa angabi lesihawu kuye, uthando lukaNkulunkulu lungaba kuye kanjani na?

Lolu luthando: kungayisikuthi sasimthanda uNkulunkulu, kodwa ukuthi yena wasithanda wathumela iNdodana yakhe njengomhlatshelo wenhlawulo yezono zethu.

Lapho umuntu ebona umzalwane wakhe esenza isono esingakhokheleli ekufeni, kumele akhuleke, uNkulunkulu uzamnika ukuphila. Ngitsho kulabo abasono sabo kasikhokheleli ekufeni. Kulesono esikhokhelela ekufeni. Kangitsho ukuthi akhuleke ngaleso. Konke ukwenza okubi kuyisono, njalo kulesono esingakhokheleli ekufeni. Siyakwazi ukuthi umuntu ozelwe nguNkulunkulu kaqhubeki esenza izono; lowo owazalwa nguNkulunkulu uyamvikela, loSathane kamthinti.

Lowo odlulela phambili angabe esaqhubeka ngemfundiso kaKhristu kalaye uNkulunkulu; lowo oqhubekayo ngemfundiso uloBaba leNdodana. Uma umuntu esiza kini engalethi imfundiso le, lingamngenisi ezindlini zenu njalo lingamamukeli. Lowo omamukelayo uyahlanganyela emisebenzini yakhe emibi.

ukwahlulela abantu bonke, lokubalahla ngamacala bonke abangamesabiyo uNkulunkulu ngenxa yezenzo zabo zonke zokweyisa uNkulunkulu abazenzayo ezindleleni zabo zokwedelela uNkulunkulu, langenxa yamazwi wonke alukhuni izoni ezingamesabiyo uNkulunkulu ezawakhuluma kubi ngaye.”

Abantu laba bangabakhononi labachothozi; balandela izinkanuko zabo ezimbi; bayazikhukhumeza, bancome abanye okwamanga ukuze bathole inzuzo.

Ngakho-ke phenduka! Hlezi ngize kuwe ngilwe labo ngenkemba yomlomo wami.

Ngimnike isikhathi ukuba aphenduke ekuxhwaleni kwakhe, kodwa kafuni.

Ngiyazazi izenzo zakho, ukuthi kawuqandi njalo kawutshisi. Ngifisa ukuthi ngabe uyilokhu loba uyilokhuyana. Ngakho njengoba ubuthukuthuku  —  ungatshisi njalo ungaqandi  —  sekuseduze ukuba ngikukhafule emlonyeni wami.

Njalo kabaphendukanga ezenzweni zabo zokubulala, lasebuthakathini babo, ekuxhwaleni kwabo kobufebe loba ebuseleni babo.

Ngabuya ngezwa elinye ilizwi livela ezulwini lisithi: “Bantu bami, phumani kuyo, ukuze lingahlanganyeli ezonweni zayo, ukuze lingehlelwa yizifo zayo; ngoba izono zayo ziyinqwaba efika ezulwini, njalo uNkulunkulu usekhumbule amacala ayo.

Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho. Ngasengibona abafileyo, abancane labakhulu, bemi phambi kwesihlalo sobukhosi, kwasekuvulwa izincwadi. Kwavulwa enye incwadi, eyincwadi yokuphila. Abafileyo bahlulelwa mayelana lalokho ababekwenzile okwakulotshwe ezincwadini.

Kodwa amagwala, labangakholwayo, labaxhwalileyo, lababulali leziphingi, labathakathi, labakhonza izithombe labo bonke abaqamba amanga  —  indawo yabo izakuba sechibini lomlilo wesolufa ovuthayo. Lokhu yikufa kwesibili.”

Akulalutho olungcolileyo oluzake lungene kulo, loba ngubani owenza okulihlazo kumbe inkohliso, kodwa labo kuphela abalamabizo abo alotshwe encwadini yokuphila yeWundlu.

Owenza okubi kaqhubeke esenza okubi; oxhwalileyo kaqhubeke ngokuxhwala; olungileyo kaqhubeke esenza okulungileyo; njalo ongcwele kaqhubeke engcwele.”

Ngaphandle kulezinja, labo abenza imisebenzi yobuthakathi, izifebe ezixhwalileyo, lababulali, labakhonza izithombe labo bonke abathanda inkohliso njalo beyenza.