09 – Fakatomala

Bea nae fekau e Jihova koe Otua ki he tagata, o behe, E gofua a hoo kai mei he akau kotoabe oe goue, Ka koe akau oe ilo oe lelei moe kovi, e ikai te ke kai mei ai: he koe aho koia te ke kai ai, koe mooni te ke mate.

Oku fakafoou e Jihova ae fuakava. 5 Oku faka kehe ae higoa o Ebalame koe fakailoga oe tabuaki lahi hake. 10 Oku tuutuuni ae kamu. 15 Oku fakakehe ae higoa o Selai, bea oku tabuekina ia. 17 Oku fakailo a Aisake. 23 Oku kamu a Ebalahame mo Isimeli. BEA i he hivagofulu ma hiva ta‘u oe motua o Ebalame nae ha mai a Jihova kia Ebalame, o ne behe kiate ia, Ko au, koe Otua Mafimafi; ke ke eveeva i hoku ao, bea ke haohaoa.

Bea talaage e Mosese ki he kakai, Oua e manavahe; he kuo haele mai ae Otua, ko ho mou ahiahi‘i, bea ke i ho mou ao ene manavahe, ke oua naa mou fai agahala.

Nae tuu ai a Mosese i he mataba oe abitaga, o ne behe, Kohai oku kau mo Jihova? ke ha‘u ia kiate au. Bea koe gaahi foha kotoabe o Livai, naa nau fakataha kiate ia.

Bea te ne hilifaki hono nima ki he ulu oe feilaulau tutu; bea e ma‘u ia mei ai koeuhi ke fai aki ae fakalelei maana.

Bea e behe, i he ene halaia i ha taha oe gaahi mea ni bea oku totonu a ene vete ene hala i he mea koia:

Bea e fai e he taulaeiki ae fakalelei maana i he ao o Jihova: bea e fakamolemole kiate ia i he mea kotoabe koia kuo ne fai hala ai.

Bea te ne fai ha fakalelei koeuhi koe botu maonioni, koe mea i he tae maa ae fānau a Isileli, bea koe mea i he e nau gaahi talagataa moe nau gaahi agahala: bea e fai behe eia ki he fale fehikitaki oe fakataha, aia oku tuu iate kinautolu i he lotolotoga oe nau gaahi mea tae maa.

Koeuhi e fai e he taulaeiki ke fakalelei ma amoutolu, ke fakamaa akimoutolu, koeuhi ke mou maa mei hoo mou gaahi agahala i he ao o Jihova.

He koe moui ae kakano koe toto: bea kuou tuku ia kiate kimoutolu ki ho mou feilaulauaga ke fai ae fakalelei maa ho mou laumalie; he koe toto oku ne fai ae fakalelei ma ae laumalie.

Koia mou fakamaonioni‘i akimoutolu, bea ke mou maonioni: he ko au ko Jihova ko ho mou Otua.

Bea e ikai te mou fai ha gaue i he aho koia: he koe aho ia oe fakalelei, ke fai ai ae fakalelei maa moutolu i he ao o Jihova ko ho mou Otua. He koia oku ikai fakamamahi‘i ia i he aho koia, e motuhi ia mei hono kakai.

Kabau te nau vete e nau gaahi hia, bea moe hia ae nau gaahi tamai, moe nau gaahi fai hala aia kuo nau agahala ai kiate au, bea behe mai foki, kuo nau alu o agatuu kiate au;

Ke ke fakaha ki he fānau a Isileli, Oka fai e ha tagata be e ha fefine ae agahala oku fai e he kakai, ke fai ha talagataa kia Jihova, bea halaia mooni ae toko taha koia;

Koia nae ha‘u ai ae kakai kia Mosese, o behe, Kuo mau agahala he kuo mau lāuga kia Jihova, bea mo koe; ke ke lotu kia Jihova, ke ne ave ae faga gata ni iate kimautolu. Bea nae hufia e Mosese ae kakai.

Ka koeni, kabau te ke kumi mei ai a Jihova ko ho Otua, te ke ilo ia, kabau oku ke kumi ia aki ho loto kotoa mo ho laumalie kotoa. Oka moua koe i he mamahi, bea kuo hoko ae gaahi mea ni kotoabe kiate koe, io i he gaahi aho amui, kabau te ke tafoki kia Jihova ko ho Otua, bea ke fai talagofua ki hono le‘o; (He ko Jihova ko ho Otua, koe Otua aloofa;) e ikai te ne liaki koe, be fakaauha koe, be fakagalo‘i ae fuakava a hoo gaahi tamai aia naa ne fuakava ai kiate kinautolu.

Koia ke mou tokaga o fai ia o hage koe fekau a Jihova ko ho mou Otua kiate kimoutolu: oua naa mou tafoki ki he nima toomatau be ki he toohema.

Bea te ke ofa kia Jihova ko ho Otua aki ho loto kotoa, mo hoo moui kotoa, mo ho malohi kotoa. Bea koe gaahi lea ni, aia oku ou fekau kiate koe he aho ni, e i ho loto ia: Bea te ke faa ako aki ia ki hoo fānau, bea te ke talanoa aki ia oka ke ka nofo i ho fale, bea oka ke ka alu i he hala, bea oka ke ka tokoto hifo, bea oka ke ka tuu hake. Bea te ke nonoo ia ki ho nima koe fakailoga, bea e hoko ia koe bale i he vahaa o ho mata. Bea te ke tohi ia ki he gaahi bou o ho fale, bea ki ho gaahi mataba.

Ke ke manavahe kia Jihova ke ho Otua, o tauhi ia, bea ke fuakava i hono huafa.

He te nau fakatafoki ho foha mei he muimui iate au, ke nau tauhi ae gaahi otua kehe: koia e tubu ai ae houhau o Jihova kiate kimoutolu, ke fakaauha fakafokifa be koe. Ka te mou fai behe kiate kinautolu; ke mou maumau‘i ho nau gaahi feilaulauaga, bea feji‘i hifo e nau gaahi mea fakatātā, bea ta hifo e nau gaahi vao tabu, bea tutu ho nau gaahi tamabua i he afi. He koe kakai maonioni koe kia Jihova ko ho Otua: kuo fili koe e Jihova ko ho Otua ke hoko koe kakai ofeina kiate ia, i he kakai kotoabe oku i he fuga o mamani.

Ke ke agatonu koe kia Jihova ko ho Otua.

Bea e kamu‘i ho loto e Jihova ko ho Otua, moe loto o ho hako, ke ke ofa kia Jihova ko ho Otua aki ho loto kotoa, bea i ho laumalie kotoa, koeuhi ke ke moui.

Bea nae behe e he fānau a Isileli kia Jihova, Kuo mau fai agahala: ke ke fai ekoe aia oku lelei kiate koe kiate kimautolu: ka oku mau kole kiate koe ke ke fakamoui akimautolu he aho ni.

Naaku agatonu foki i hono ao, bea kuou taofi au mei he eku hia aaku.

Bea nae valoki a Tevita e hono loto hili a ene lau ae kakai. Bea nae behe e Tevita kia Jihova, Kuou fai agahala lahi i he mea aia kuou fai: bea koeni, E Jihova, oku ou kole kiate koe ke ave ae hia a hoo tamaioeiki; he kuou fai vale lahi aubito.

Bea naa ne behe, E Jihova koe Otua o Isileli, oku ikai ha otua ke hage ko koe, i he lagi i oluga, be i he mama ki lalo ni, akoe oku ke tauhi ae fuakava moe aloofa ki hoo kau tamaioeiki oku eveeva i ho ao aki a ho nau loto kotoa:

Iloga ae lotu moe kole e fai e ha tagata e toko taha, be e he kakai kotoabe o Isileli, i he ene ilo taki taha e he tagata ae kovi o hono loto oona, bea ne mafao mai a hono nima ki he fale ni: Ke ke toki fanogo ekoe i he lagi ko ho afioaga, bea fakamolemole, bea ke gaue, mo foaki ki he tagata taki taha o fakatatau ki he ene aga, aia oku ke afio‘i a hono loto; (he ko koe, io, ko koe be toko taha, oku ke ilo ae loto oe fānau kotoabe ae tagata;)

Ke hiva kia Jihova, a mamani katoa; fakahāhā atu i he aho kotoabe a ene fakamoui.

Bea ko koe, E Solomone ko hoku foha, ke ke ilo ekoe ki he Otua o hoo tamai, bea ke tauhi kiate ia aki ho loto katoa, bea i he loto fie fai: he oku hakule e Jihova ae loto kotoabe, bea oku ne ilo‘i ae filioi moe fakakaukau kotoabe: kabau te ke kumi kiate ia, te ke ilo ia ekoe; bea kabau te ke jiaki ia, te ne jiaki koe o lauikuoga.

Kabau te nau agahala kiate koe, (he oku ikai ha tagata oku tae ha agahala,) bea te ke houhau kiate kinautolu, mo ke tukuage akinautolu ki he fili, bea nau fetuku akinautolu koe kau bobula ki he fonua oe fili, be koe mamao be koe ofi; Bea kabau te nau toe fakatokaga‘i ho nau loto i he fonua koia kuo ave bobula ki ai akinautolu, mo nau fakatomala, mo fakakolekole kiate koe mei he fonua oe nau bobula, o nau behe, Kuo mau agahala, bea kuo mau fai talagataa, kuo mau fai ae kovi; Bea kabau te nau tafoki mai kiate koe aki a ho nau loto katoa, bea mo ho nau laumalie kotoa, i he fonua o ho nau bobula, aia nae ave bobula akinautolu ki ai, bea nau lotu kiate koe o haga ki ho nau fonua, aia naa ke foaki ki he e nau gaahi tamai, ae kolo koia kuo ke fili, bea moe fale aia kuou laga ki ho huafa: Ke ke toki fanogo ekoe mei he lagi ko ho afioaga ki he e nau lotu moe nau kole, bea ke tokonia akinautolu i he mea totonu, bea ke fakamolemole a hoo kakai aia kuo agahala kiate koe.

Bea nae ha mai a Jihova kia Solomone i he bo, mo ne behe kiate ia, Kuou fanogo ki hoo lotu, bea kuou fili ae botu ni mooku koe fale ke fai ai ae failaulau. Kabau teu tabuni ae lagi ke oua naa ai ha uha e to, bea kabau teu fekau‘i ae faga hee maumau ke keina ae fonua, bea kabau teu tuku ae mahaki fakaauha ki he lotolotoga o hoku kakai; Bea kabau e fakavaivai mai a hoku kakai oku ui aki a hoku huafa, bea nau lotu, mo nau kumi ki hoku fofoga, bea nau tafoki mei ho nau gaahi hala kovi; behe, teu toki fanogo mei he lagi, bea teu fakamolemole e nau agahala, bea teu fakamoui a ho nau fonua. Koeni, e a a hoku mata, bea e tokaga a hoku teliga ki he lotu e fai i he botu ni.

Bea naa nau alea fakataha o fai ae fuakava ke nau kumi kia Jihova koe Otua oe nau gaahi tamai aki ho nau loto kotoa mo ho nau laumalie kotoa:

Bea i he eku fanogo ki he mea ni, naaku hae hoku kofu mo hoku bulubulu, beau fuji hoku gaahi fulufulu‘i ulu mei hoku ulu, bea mo eku kava, beau nofo ki lalo o tafuua. Bea nae katoa kiate au akinautolu taki taha kotoabe nae tetetete ki he gaahi folofola ae Otua o Isileli, koe mea i he talagataa okinautolu nae fetuku fakabobula: beau nofo tafuua be o a‘u ki he feilaulau fakaefiafi. Bea i he feilaulau fakaefiafi neu tuu hake mei he eku māfajia; beau hae hoku kofu mo hoku bulubulu, beau tuulutui i hoku tui, beau mafao atu hoku nima kia Jihova ko hoku Otua,

BEA i he hili ae lotu a Esela, bea hili ene vete, o tagi mo fakatomabee ia i he mata fale oe Otua, nae ha‘u kiate ia mei Isileli ae fuu kakai toko lahi oe kau tagata moe kau fefine moe fānau: he nae tagi mamahi aubito ae kakai.

Bea i he eku fanogo ki he gaahi lea ni, naaku nofo hifo o tagi, bea fai fakamamahi i he aho niihi, beau aukai, mo lotu ki ke Otua oe lagi, O behe, Oku ou kole kiate koe e Jihova koe Otua oe lagi, koe Otua lahi mo fakamanavahe, oku ke tauhi ae fuakava moe agaofa ma anautolu oku ofa kiate ia bea tokaga o fai ki he ene gaahi fekau; Koeni ke tokaga a ho teliga, bea a ho fofoga, koeuhi ke ke fanogo ki he lotu a hoo tamaioeiki, aia oku ou lotu ai i ho ao ni, i he aho moe bo, koeuhi koe fānau a Isileli, aia kuo mau fai o agatuu kiate koe; ko au moe fale o eku tamai kuo mau fai agahala. Kuo mau fai kovi lahi kiate koe, bea nae ikai te mau tauhi a hoo gaahi fekau, be ko hoo gaahi tuutuuni, mo hoo gaahi fakamāu, aia naa ke fekau i hoo tamaioeiki ko Mosese.

Bea ko hono toe oe kakai, koe kau taulaeiki, moe kau Livai, moe kau leo mataba, moe k u hiva, moe kau Netenimi, mo kinautolu kotoabe naa nau fakamavae akinautolu mei he kakai oe gaahi fonua ki he fono ae Otua, mo ho nau gaahi unoho, mo ho nau gaahi foha, mo ho nau gaahi ofefine, akinautolu kotoabe nae ma‘u ae ilo, moe loto boto; Naa nau kau mo ho nau gaahi kaiga, ko ho nau houeiki, o nau fai ae tuki mooni, bea moe fuakava, ke alu i he fono ae Otua, aia nae foaki ia Mosese koe tamaioeiki ae Otua, ke tokaga mo fai ae gaahi fekau kotoabe a Jihova ko ho tau Eiki, mo ene gaahi fakamāu mo ene gaahi tuutuuni;

Oku fiha eku gaahi hia mo eku agahala? fakailo mai kiate au eku talagataa mo eku agahala. Koeha oku ke fufu ai ho fofoga, mo ke lau au ko ho fili?

Bea ka oji hoku kili bea maumau hoku jino, ka teu mamata i hoku kakano ki he Otua:

Tuku ke fakamamafa au i he mea fakatatau totonu, koeuhi ke ilo e he Otua a eku agatonu.

Oku ne vakai ki he kakai, bea ka behe e ha taha, kuou agahala, bea fakakehe aia oku totonu, bea kuo taeaoga ia kiate au; E fakahaofi eia a hono laumalie ke oua naa alu hifo ki he luo, bea e mamata ene moui ki he māma.

Kuou fanogo kiate koe i he fanogo oe teliga: ka koeni kuo mamata e hoku mata kiate koe. Koia oku ou fehia ai kiate au, o fakatomala i he efu moe efuefu.

Ka mou ilo kuo vahe‘i e Jihova maana aia oku agalelei: e fanogo e Jihova o kau ka kole kiate ia.

Ka e moui mau ai be a Jihova: kuo ne teu‘i hono afioaga ki he fakamāu. Bea te ne fakamāu a mamani i he maonioni, e atu eia ae fakamāu ki he kakai i he agatonu.

Bea ko kinautolu oku ilo ki ho huafa te nau falala kiate koe: he ko koe, E Jihova, nae ikai te ke jiaki akinautolu oku kumi kiate koe.

Ka kuou falala ki hoo aloofa; e fiefia hoku loto i hoo fakamoui.

Bea naaku agatonu foki i hono ao, bea neu taofi au mei he eku hia.

Tataki au i hoo mooni, mo akonaki‘i au: he ko koe koe Otua o eku moui; oku ou tatali kiate koe i he aho kotoa.

Oua naa ke manatu‘i ae gaahi agahala i he eku kei jii, mo eku gaahi talagataa: ka ke manatu kiate au, E Jihova, o fakatatau ki hoo aloofa koeuhi ko hoo agalelei.

Ke ke afio ki hoku mahaki mo eku mamahi; bea fakamolemole eku agahala kotoabe.

Tuku kia Jihova ae fakaabaaba oku tāu mo hono huafa; hu kia Jihova i he teuga matamata lelei oe maonioni.

Oku ou tuku atu hoku laumalie ki ho nima: kuo ke huhui au, E Jihova koe Otua oe mooni.

OKU monuia ia aia kuo fakamolemole a ene talagataa, bea kuo ufiufi ene agahala.

Naaku vete eku agahala kiate koe, bea nae ikai teu fufu eku hia. Naaku behe, teu vete eku gaahi talagataa kia Jihova: bea naa ke fakamolemole ae hia o eku agahala. Sila.

Ke manavahe a mamani kotoabe kia Jihova: ke maluia ae kakai kotoabe o mamani kiate ia.

Oku afio mau ae fofoga o Jihova ki he kakai maonioni, bea oku ogo‘i e hono teliga e nau tagi. Oku houhau ae fofoga o Jihova kiate kinautolu oku fai kovi, ke motuhi ho nau fakamanatu‘i mei mamani. Oku tagi ae maonioni, bea ogo‘i e Jihova, o ne fakamoui akinautolu mei he e nau gaahi mamahi kotoabe. Oku ofi a Jihova kiate kinautolu oku loto mafeji; oku ne fakamou akinautolu oku laumalie mafofoa.

Oku huhui e Jihova ae laumalie o ene kau tamaioeiki: bea e ikai malaia ha toko taha okinautolu oku falala kiate ia.

He teu fakaha eku hia; beau mamahi koeuhi ko eku agahala.

Naaku behe, E Jihova, ke ke aloofa mai kiate au: fakamoui hoku laumalie; he kuou fai agahala kiate koe.

ALOOFA mai kiate au, E Otua, o fakatatau ki hoo manavaofa: ke ke tamate‘i eku gaahi agahala o fakatatau ki hono lahi o hoo gaahi aloofa ogogofua. Ke ke fufulu aubito au mei he eku hia, mo fakamaa au mei he eku agahala: He oku ou fakamooni eku gaahi talagataa: bea oku tuu mau ai be i hoku ao eku agahala. Naaku fai agahala kiate koe, io, kiate koe be kuou fai ae kovi ni i ho ao; koeuhi ke tonuhia be akoe oka ke ka folofola, bea maonioni oka ke ka fai ae fakamāu.

Ke ke fakamaa au aki ae isobe, bea teu maa ai: fufulu au, bea teu hinehina lahi i he uha hinehina.

Ke ke fufu ho fofoga mei he eku agahala, mo ke tamate‘i eku gaahi hia kotoabe. E Otua, ke ke fakatubu iate au ae loto maa; mo ke fakafoou iate au ha laumalie tuu mau. Oua naa ke liaki au mei ho ao; bea oua naa ke too iate au ho laumalie maonioni.

E Otua, oku ke ilo‘i eku vale; bea oku ikai lilo iate koe eku gaahi agahala.

He koe Otua ko hoku Tu‘i talu mei mua, oku ne fai ae fakamoui i he lotolotoga o mamani.

Nae ikai te nau fai ki he fuakava ae Otua, bea nae ikai jii te nau loto ke aeva i he ene akonaki;

Oua naa ke fakamanatu kiate kimautolu e mau gaahi muaki hia: tuku ke tokoni vave akimautolu e hoo aloofa ogogofua: he kuo o hifo ki lalo aubito akimautolu. E Otua ko ho mau fakamoui, ke ke tokoni akimautolu, koeuhi koe ogoogolelei o ho huafa: bea fakahaofi akimautolu, o fakamaa ke oji e mau gaahi agahala, koeuhi ko ho huafa.

He ko koe, E Eiki oku ke agalelei, bea faa fakamolemole; bea mohu aloofa kiate kinautolu kotoabe oku ui kiate koe.

Oku manavaofa mo agalelei a Jihova, oku faa kataki, bea mohu aloofa.

Nae ikai fai eia kiate kitautolu o fakatatau moe tau gaahi agahala; be totogi kiate kitautolu o fakatatau moe tau gaahi hia. Kae hage ko hono maoluga oe lagi ki mamani, oku behe hono lahi o ene aloofa kiate kinautolu oku nau manavahe kiate ia. Oku hage ko hono va mamao oe botu hahake mei he botu luluga, oku behe hono mamao o ene ave e tau gaahi agahala iate kitautolu.

Ka koe aloofa a Jihova oku talu mei mua o a‘u o taegata kiate kinautolu oku nau manavahe kiate ia, bea ko ene maonioni ki he fānau ae fānau; Kiate kinautolu oku nau tauhi ene fuakava, bea mo kinautolu oku nau manatu ki he ene gaahi fekau ke fai ki ai. Kuo teuteu e Jihova hono afioaga i he gaahi lagi; bea oku bule hono buleaga ki he mea kotoabe.

Ko kimautolu moe mau gaahi tamai kuo mau fai agahala, kuo mau fai ae gaahi hia, kuo mau fai kovi.

Koe manavahe kia Jihova koe kamataaga ia oe boto: oku boto akinautolu kotoabe oku fai ki he ene fekau: oku tologa o taegata ae fakamalo kiate ia.

OUA naa tuku kiate kimautolu, E Jihova, oua naa tuku kiate kimautolu, ka ki ho huafa ae ogoogolelei, koeuhi ko hoo aloofa, bea mo hoo mooni.

Oku fakaha e he same ni ae gaahi lotu, moe gaahi fakamalo, bea moe gaahi fakailoga oe talagofua. OKU monui ae haohaoa i he hala, aia oku eveeva i he fono a Jihova. Oku monui akinautolu oku tauhi ene gaahi fakamooni, bea kumi kiate ia aki ho nau loto kotoabe. Oku ikai foki te nau fai ha kovi: oku nau aeva i hono gaahi hala.

Kuou fufu hoo folofola i hoku loto, koeuhi ke oua naaku agahala kiate koe.

Oku tafe hifo ae gaahi vaitafe i hoku mata, koeuhi oku ikai te nau tokaga ki hoo fono.

Ke amanaki a Isileli kia Jihova: he oku ia Jihova ae aloofa, bea oku iate ia ae huhui lahi.

Oku fiefia a Jihova iate kinautolu oku nau manavahe kiate ia, iate kinautolu oku nau amanaki ki he ene aloofa.

Koe manavahe kia Jihova koe kamataaga ia oe ilo: ka oku fehia ae vale ki he boto moe akonaki.

Falala kia Jihova aki ho loto kotoa; bea oua naa ke faaki ki ho boto oou. Ke ke fakaogoogo kiate ia i ho hala kotoabe, bea e fakatonutonu eia ho gaahi aluaga. Oua naa ke behe i ho mata oou, oku ke boto: ka ke manavahe kia Jihova, bea tafoki mei he kovi.

Oua naa ke alu atu ki he hala oe agahala, bea oua naa eveeva i he aluaga oe kakai agakovi. Fakaehiehi mei ai, oua naa ke ofi ki ai, tafoki mei ai, bea alu atu be.

Koe manavahe kia Jihova, koe fehia ia ki he kovi: koe fielahi, moe fakabuhobuha, moe agakovi moe gutu kovi, oku ou fehia ki ai.

Ko ia oku fakatafoki hono teliga ke oua naa ne fanogo ki he fono, e hoko ene lotu aana koe mea fakalielia.

E ikai monuia ia aia oku ufiufi ene gaahi agahala: ka ko ia oku vete ia mo liaki e ma‘u eia ae aloofa. Oku monuia ae tagata oku manavahe mau ai be: ka e to ki he kovi aia oku fakafefeka hono loto.

He oku ikai i mamani ha tagata agatonu oku fai lelei, bea tae halaia.

Ke tau fanogo ki he fakaoji oe gaahi mea ni kotoabe: Ke ke manavahe ki he Otua, bea ke fai ki he ene gaahi fekau: he oku katoa i he mea ni ae gaue totonu ae tagata. Koeuhi e omi e he Otua ae gaue kotoabe ki he fakamāu, moe mea fufu kotoabe, be ko ha mea lelei ia be kovi.

Fufulu akimoutolu, o gaohi ke mou maa; hiki ke mamao meiate au ae kovi o hoo mou faiaga; tuku ae fai kovi;

Oku behe e Jihova, Mou ha‘u, bea ke tau alea fakataha: he ne ogo ae tatau o hoo mou agahala moe kulaahoaho, e hoko ia ke hinehina o hage koe uha hinaekiaki; kabau oku kulokula ia o hage koe kulamumu, e tatau ia moe fulufulu‘i sibi.

E malaia akinautolu oku ui ae kovi koe lelei, moe lelei koe kovi; oku ui ae bouli koe māma, moe māma koe bouli; oku ui ae kona koe melie, moe melie koe kona! E malaia akinautolu oku boto i ho nau mata onautolu, mo kinautolu oku behe oku nau fai fakabotoboto!

Bea naa ne ai ia ki hoku gutu, mo ne behe, vakai kuo tau ae mea ni ki ho lougutu; bea kuo too o ave hoo hia, bea kuo fakamaa hoo agahala.

Ko au ko Jihova naaku ui koe i he maonioni, bea teu buke ho nima, bea tauhi koe, bea foaki koe koe fuakava oe kakai, koe māma ki he gaahi Jenitaile;

Ko au, io ko au ia, aia oku tamate‘i hoo gaahi hia koeuhi ko au, bea e ikai teu manatu hoo gaahi agahala. Fakamanatu‘i au: ke tau fefakamāuaki: fai hoo fakamatala, koeuhi ke ke tonuhia.

Kuou tamate‘i hoo gaahi hia, o hage koe ao matolu, bea hage koe ao, a hoo gaahi agahala: tafoki mai kiate au; he kuou huhui koe. Hiva, akimoutolu ae gaahi lagi; he kuo fai ia e Jihova: kalaga, akimoutolu ae gaahi botu maulalo o mamani: ke ba ho mou hiva, ae gaahi mouga, akoe koe vao akau, bea moe akau kotoabe i ai: he kuo huhui e Jihova a Jekobe, bea kuo ne fakaogoogolelei ia i Isileli.

Mou tala, bea omi ke ofi akinautolu, io, tuku ke nau fakakaukau fakataha: kohai kuo ne fakaha ae mea ni mei he kuoga i mua? Kohai kuo ne tala ia mei he kuoga koia? ikai ko au ko Jihova? bea oku ikai mo ha Otua mo au; koe Otua agatonu bea koe Fakamoui; oku ikai ha taha mo au. Jio mai kiate au bea mou moui ai, ae gaahi gataaga kotoabe o mamani: he ko au be koe Otua, bea oku ikai mo ha taha.

Koia, e toe foki mai ae kakai kuo huhui e Jihova, bea ha‘u moe hiva ki Saione; bea e i ho nau ulu ae fiefia o taegata: te nau ma‘u ae fiefia moe nekeneka; bea e buna atu ae mamahi moe tagi.

Ka nae lavea ia koeuhi koe tau gaahi agahala, nae fakavolu ia koeuhi koe tau gaahi hia: nae iate ia ae tautea koeuhi ke tau fiemalie; bea i hono gaahi ta oku tau moui ai. Kuo tau he kotoabe o hage koe faga sibi; kuo tau afe taki taha kotoabe ki hono hala; bea kuo hilifaki kiate ia e Jihova ae hia atautolu kotoabe.

Mou kumi kia Jihova i he lolotoga oku faa ilo ia, ui kiate ia i he ene kei ofi: Tuku ke liaki e he agahala hono hala, moe tagata taemaonioni ene gaahi mahalo: bea tuku ke ne foki kia Jihova, bea te ne aloofa kiate ia; bea ki ho tau Otua, he te ne fakamolemole o lahi aubito. He oku behe e Jihova oku ikai ko hoo mou gaahi mahalo a eku mahalo, bea oku ikai ko ho mou gaahi hala a hoku gaahi hala. He oku hage oku maoluga hake ae gaahi lagi mei he mamani, oku behe hono maoluga o hoku gaahi hala, bea mo eku mahalo i hoo mou gaahi mahalo.

He oku behe e he Toko Taha lahi mo maoluga aia oku afio i he taegata, ko hono huafa koe Maonioni; Oku ou nofo i he botu maoluga mo maonioni, bea iate ia foki oku loto fakatomala mo agavaivai, ke fakamoui ae loto okinautolu oku fakatomala.

OKU iate au ae Laumalie oe Eiki ko Jihova; koeuhi kuo fakanofo au e Jihova keu malaga aki ae ogoogolelei ki he agamalu; kuo ne fekau au ke nonoo ae loto mafeji, ke fakaha ae tauataina ki he kau bobula, bea ke fakaava ae fale fakabobula kiate kinautolu kuo haijia; Ke fakaha ae ta‘u lelei o Jihova, bea koe aho oe houhau o ho tau Otua; ke fakafiemalie‘i akinautolu kotoabe oku mamahi; Ke atu ae fiefia kiate kinautolu oku mamahi i Saione, ke atu kiate kinautolu ae hoihoifua koe fetogi oe efuefu, ae lolo oe fiefia koe fetogi oe mamahi, ae kofu oe fakamalo koe fetogi oe laumalie kuo mafeji; ke ui akinautolu koe gaahi akau oe maonioni, nae to e Jihova koeuhi ke ogoogolelei ai ia.

Oku mau tatau kotoabe moe tae maa, bea oku tatau e mau maonioni kotoabe moe gaahi koga holoholo fakalielia; bea oku mau mae kotoabe o hage koe louakau; bea koe mau gaahi hia, o hage koe matagi, kuo ne avea akimautolu.

He oku behe e Jihova, koe gaahi mea na kotoabe nae gaohi e hoku nima, bea kuo i ai be ae gaahi mea koia: ka teu vakai ki he tagata ni, io kiate ia oku majiva bea oku loto fakatomala mooni, bea oku tetetete i he eku folofola.

Ke vete be hoo hia, aia kuo ke fai kia Jihova ko ho Otua, bea moe fakauli a hoo ulugaaga moe kau muli i he lolo akau mata kotoabe, bea oku behe e Jihova, nae ikai te mou talagofua ki hoku le‘o.

Oku tau tokoto i he ma, bea oku ufiufi akitautolu e he fakama: koeuhi kuo tau fai kovi kia Jihova ko ho tau Otua, ko kitautolu moe tau gaahi tamai, talu e tau kei jii o a‘u ki he aho ni, bea nae ikai te tau talagofua ki he le‘o Jihova ko ho tau Otua.

E Jelusalema, ke ke fakamaa ho loto mei he agahala, koeuhi ke ke moui. E fefe hono fuoloa ae nofo a hoo gaahi mahalo kovi iate koe?

Fanogo, e mamani: vakai, teu omi ae kovi ki he kakai ni, koe fua oe nau gaahi mahalo, koeuhi nae ikai te nau fanogo ki he eku gaahi lea, be ki he eku fono, ka kuo nau jiaki ia.

Bea naaku fakafanogo bea ogo‘i, ka nae ikai te nau lea totonu: nae ikai ha tagata kuo fakatomala i he ene kovi, o ne behe, Koeha kuou fai? kuo taki taha foki ki he ene aga aana, o hage koe oho ae hose ki he tau.

Bea oku behe e Jihova, Koeuhi kuo nau liaki eku fono aia naaku tuku i ho nau ao, bea oku ikai te nau talagofua ki hoku le‘o, be eveeva ai; Ka kuo nau muimui ki he mahalo a ho nau loto, bea ia Beali, aia nae ako e he e nau gaahi tamai kiate kinautolu.

E Jihova, ne ogo kuo talatalaaki‘i akimautolu e mau agahala, ke ke gaue koe koeuhi ko ho huafa: he kuo lahi e mau fakaholomui; kuo mau fai kovi kiate koe.

E Jihova, oku mau vete e mau agahala, bea moe hia ae mau gaahi tamai: he kuo mau fai agahala kiate koe.

E Jihova, ke ke faitoo kiate au, bea teu moui; fakamoui au, bea teu moui: he ko koe oku ou fakafetai ki ai.

Bea teu foaki kiate kinautolu ha loto ke nau ilo‘i au, koeuhi ko au ko Jihova: bea te nau hoko ko hoku kakai, bea teu hoko ko ho nau Otua: he te nau tafoki kiate au aki ho nau loto kotoa.

Koe mea i he aloofa a Jihova oku ikai te tau auha, koeuhi oku ikai ke gata ene manavaofa. Oku foou ia i he bogibogi kotoabe, oku lahi hoo agatonu.

Kuo oji ae fiefia a ho mau loto kuo liliu ae mau mee koe mamahi. Kuo to ae tatā fakatu‘i mei ho mau ulu. Oiaue akimautolu! he kuo mau fai agahala. Koeuhi koe mea ni oku vaivai ho mau loto; koeuhi koe gaahi mea ni oku nenefu ho mau mata.

Vakai, oku aaku ae laumalie kotoabe; hage oku aaku ae laumalie oe tamai, oku behe foki ae laumalie oe foha oku aaku ia: koe laumalie oku agahala e mate ia.

Koe laumalie koia e agahala, e mate ia. E ikai fua e he foha ae fai kovi a ene tamai, bea e ikai fua e he tamai ae fai kovi ae foha: koe maonioni ae maonioni e iate ia be, bea koe fai kovi ae agahala e iate ia be.

Ka koeni, kabau e tafoki ae agahala mei he agahala kotoabe kuo ne fai, bea tauhi eia eku gaahi fekau, mo ne fai aia oku lelei mo totonu, koe mooni e fakamoui ia, e ikai jii mate ia. Ko ene gaahi agahala kotoabe aia kuo ne fai, e ikai toe lau ia kiate ia: e moui be ia, koe mea i he ene maonioni aia kuo ne fai. He oku ou ma‘u ha momoi fiemalie jii i he mate ae agahala? Oku behe e Jihova koe Otua, ka e ikai mua, ke tafoki ia mei hono hala, bea moui?

Ka i he liliu ae maonioni mei he ene maonioni mo ne fai agahala, bea ne fai o tatau moe fakalielia kotoabe aia oku fai e he tagata agahala, e moui ia? Ko ene maonioni kotoabe aia kuo ne fai, e ikai ha lau ki ai: i he fai kovi kuo ne fai, moe agahala, kuo ne agahala ai, e mate be ia i ai.

Ka oku mou behe, Oku ikai fai tatau ae aga a Jihova. Koeni, fanogo, e fale o Isileli: Ikai oku tatau a eku aga? Ikai ko hoo mou aga amoutolu oku fai kehekehe?

Oka liliu ae tagata maonioni mei he ene maonioni o ne fai agahala, bea mate ai ia; ko ene agahala kuo ne fai, koia ia te ne mate ai.

Bea behe, oka liliu ae tagata agahala mei he ene agahala aia kuo ne fai, mo ne fai aia oku lelei mo totonu e fakamoui eia a hono laumalie ke moui. Koeuhi kuo ne tokaga, mo liliu mai mei he ene agahala kotoabe aia naa ne fai, e moui mooni ia, e ikai aubito te ne mate.

Ka oku behe be e he fale o Isileli, Oku ikai fai tatau ae mea a Jihova. E fale o Isileli, Ikai oku fai tatau a eku aga? Ikai ko hoo mou aga amoutolu oku fai kehekehe?

Koia teu fakamāu ai akimoutolu, e fale o Isileli, o fakatatau ki ho mou hala taki taha, oku behe e Jihova koe Otua. Fakatomala bea fakatafoki akimoutolu mei hoo mou gaahi agahala; koia e ikai hoko ai hoo mou agahala ko ho mou auhaaga. Liaki meiate kimoutolu a hoo mou agahala kotoabe, aia kuo mou fai hala ai; bea gaohi kiate kimoutolu ae loto foou bea moe laumalie foou: he koeha te mou fie mate ai e fale o Isileli? He oku ikai teu fiemalie i he mate oia oku mate, oku behe e Jihova koe Otua: koia fakatafoki akimoutolu, bea mou moui.

Bea te mou manatu i ai ki ho mou gaahi hala, bea mo hoo mou faiaga, aia kuo mou fakalielia ai; bea te mou fehia kiate kimoutolu i ho mou ao be omoutolu, koeuhi koe gaahi kovi aia kuo mou fai.

Oka tafoki aia oku maonioni mei he ene maonioni, mo ne fai hala, e mate mooni ai ia. Ka koe agahala oka tafoki mai ia mei he ene agahala, mo ne fai eia aia oku totonu mo lelei, e moui ai ia.

Bea teu toki luluku aki akimoutolu ae vai maa, bea te mou maa: teu fakamaa akimoutolu mei hoo mou fakalielia kotoabe, bea mo ho mou gaahi tamabua. Teu foaki foki ha loto foou kiate kimoutolu, bea teu ai kiate kimoutolu ha laumalie foou; teu too o ave ae loto maka mei ho mou kakano, bea teu foaki kiate kimoutolu ae loto kakanoia.

Bea neu haga hoku mata kia Jihova koe Otua, ke kumi i he lotu moe gaahi kole moe aukai moe ai ae tauagaa moe efuefu. Bea neu lotu kia Jihova, ko hoku Otua, bea neu fai eku vete, bea neu behe, E Jihova, koe Otua lahi mo fakamanavaheia, oku iate ia ae fuakava moe aloofa ma anautolu oku ofa kiate ia, bea kiate kinautolu oku ma‘u ene gaahi fekau: Kuo mau agahala, bea kuo mau fai agahala mo fai kovi, bea kuo mau talagataa, io i he e mau he mei hoo gaahi fekau bea mo hoo gaahi fakamāu: Bea nae ikai te mau fanogo ki hoo kau tamaioeiki ae kau balofita, akinautolu nae lea i ho huafa ki ho mau gaahi tu‘i, mo ho mau houeiki moe mau gaahi tamai, bea moe kakai kotoabe oe fonua.

E Eiki oku amautolu ae ma oe mata, a ho mau gaahi tu‘i, mo ho mau houeiki, bea moe mau gaahi tamai, koeuhi kuo mau fai agahala kiate koe.

Oku ia Jihova ko ho mau Otua ae gaahi aloofa moe fakamolemole, ka naa mau agatuu kiate ia; Bea nae ikai te mau talagofua ki he le‘o o Jihova ko ho nau Otua, ke alu i hono gaahi fono aia naa ne fokotuu i ho mau ao, i he ene kau tamaioeiki koe kau balofita.

Bea lolotoga eku kei lea, mo lotu, mo fakaha eku hia, moe hia a hoku kakai ko Isileli, mo eku kei atu eku kole i he ao o Jihova ko hoku Otua, koeuhi koe mouga tabu o hoku Otua;

Bea e a ae toko lahi okinautolu oku mohe i he efu o mamani, koe niihi ki he moui taegata, moe niihi ki he ma moe manuki taegata.

E ISILELI, tafoki kia Jihova ko ho Otua; he kuo ke to ki lalo i hoo hia.

Oku behe e Jihova, Bea koeni foki, mou tafoki kiate au aki ho mou loto kotoa, bea i he aukai, bea i he tagi, moe tagilāulāu: Bea mou haehae ho mou loto, kae ikai ko ho mou kofu be, bea tafoki kia Jihova, ko ho mou Otua: he oku ne agalelei mo aloofa, o tuotuai ki he houhau, bea oku ne agaofa lahi, bea oku ne fakatomala i he kovi.

Koe fuu toko lahi, koe fuu toko lahi i he telea oe fakamāu: he oku ofi ae aho o Jihova i he telea oe fakamāu.

Koia nae tui ai ae kakai o Ninive ki he Otua, bea fanogonogo ae aukai, mo nau ai ae tauagaa, o fai mei he kakai maoluga o a‘u kiate ia nae jii hifo taha iate kinautolu. He nae omi hono fakaha ki he tu‘i o Ninive, bea ne tuu hake ia mei hono nofoaga, o ne too hono kofu tōtōlōfa mo ne kofu aki eia ae tauagaa, bea nofo kilalo i he efuefu. Bea naa ne fekau ke fanogonogo mo fakaha i Ninive, Kuo fono ae tu‘i mo ene houeiki, o behe, Oua naa kamata ha mea e ha taha be e ha manu, e he tauhi be e ha faga manu: oua naa nau kai be te nau inu ha vai: Kae tuku ke kofu aki ae tauagaa e he tagata, bea moe manu, bea tagi fakamanavahe ki he Otua: io ke tafoki taki taha kotoabe mei hono hala kovaaa, bea mei he fakamalohi oku i ho nau nima. Kohai oku ilo, naa e liliu, bea fakatomala ae Otua mo ne fakatafoki atu ae kakaha o hono houhau, koeuhi ke oua naa tau auha? Bea nae afio e he Otua ki he e nau gaue, kuo nau tafoki mei ho nau hala kovi: bea nae liliu ae Otua mei he kovi aia naa ne behe te ne fakahoko kiate kinautolu; bea nae ikai te ne fai ia.

Teu kataki ae houhau o Jihova he kuou fai agahala kiate ia, ke oua ke ne fakamatala maaku, mo fai ae fakamāu koeuhi ko au; te ne omi au ki he māma, bea teu mamata ki he ene maonioni.

Kohai ha Otua oku hage ko koe, ke fakamolemole ae hia, bea ke laka atu i he agahala i he toega o hono tofia? oku ikai te ne ma‘u a hono houhau o taegata, he oku ne fiefia i he aloofa. E toe foki mai ia, te ne manavaofa kiate kitautolu; te ne ikui e tau gaahi hia; bea te ke li e nau gaahi agahala kotoabe, ki he loloto oe tahi.

Bea te ne faele‘i ae tama, bea te ke ui hono huafa, ko JISU: koia ia te ne fakamoui hono kakai mei he e nau gaahi agahala.

O behe, Mou fakatomala: he oku ofi ae buleaga oe lagi.

Bea nae toki alu kiate ia a Jelusalema, mo Jutea kotoabe, moe botu fonua kotoabe nae tuu ofi ki Joatani, Ke babitaiso iate ia i Joatani, o vete e nau gaahi agahala.

Ka i he ene mamata kuo ha‘u ae toko lahi oe Falesi moe Satusi ki he ene babitaiso, nae behe eia kiate kinautolu, Ae fanau ae gata fekai, kohai naa ne valoki akimoutolu ke buna mei he houhau e ha‘u? Koia mou fakaha ae gaahi fua oku gali moe fakatomala:

Bea koeni, kuo tuku ae toki ki he tefito oe gaahi akau: koia, koe akau kotoabe oku ikai tubu ai ae fua lelei, e ta hifo ia, bea laku ki he afi. Koe mooni oku ou babitaiso akimoutolu aki ae vai ki he fakatomala: ka ko ia oku muimui iate au oku lahi ia iate au, oku ikai tāu mo au keu too hono tobuvae: bea e babitaiso eia akimoutolu aki ae Laumalie Maonioni moe afi. Oku i hono nima a hono i, bea te ne fakamaa aubito hono hahaaga, o tanaki a hono uite ki he feleoko; ka e tutu eia ae kafukafu aki ae afi taemate.

Bea toki ha‘u a Jisu mei Kaleli ki Joatani kia Jone, ke babitaiso iate ia. Ka nae taofi ia e Jone, o behe, Oku gali mo au keu babitaiso iate koe, bea oku ke ha‘u kiate au? Bea lea a Jisu kiate ia, o beheage, Tuku ke fai eni: he oku tāu mo kitautolu ke fai ki he maonioni kotoabe. Bea ne toki tuku ke fai ia.

Koe kakai nae nofo i he bouli, kuo mamata ki he māma lahi; bea kuo tubu hake ae māma kiate kinautolu nae nofo i he telea moe ata oe mate. Bea nae fua malaga a Jisu i he kuoga koia, o behe, Mou fakatomala, he oku ofi ae buleaga oe lagi.

Oku monuia ae agavaivai: he oku o nautolu ae buleaga oe lagi. Oku monuia akinautolu oku tagi: he te nau ma‘u ae fiemalie. Oku monuia ae agamalu: he te nau ma‘u ae fonua. Oku monuia akinautolu oku fiekaia mo fieinua ki he maonioni: he te nau fonu ai. Oku monuia ae manavaofa: he te nau ma‘u ae ofa. Oku monuia ae loto maa: he te nau mamata ki he Otua. Oku monuia ae faa fakalelei: e ui ai akinautolu koe fanau ae Otua. Oku monuia akinautolu kuo fakataga‘i koeuki koe maonioni: he oku o nautolu ae buleaga oe lagi.

He oku ou tala mooni kiate kimoutolu, E tomua mole ae lagi moe fonua ka e ikai mole ha kihi‘i koga jii mei he fono, ka e fakamooni kotoabe. Ko ia te ne liaki ha fekau jii i he gaahi fekau ni, bea akonaki behe ki he kakai, e ui ia koe jii hifo i he buleaga oe lagi: ka ko ia te ne fai ia, mo akonaki aki ia, e ui ia koe lahi i he buleaga oe lagi. He oku ou tala atu kiate kimoutolu, Kabau e ikai lahi hake hoo mou maonioni i he maonioni oe kau tagata tohi moe Falesi, e ikai aubito te mou hu ki he buleaga oe lagi.

Bea kabau oku fakahala‘i koe e ho mata toomatau, kabe‘i ia, o liaki ia iate koe: he oku aoga kiate koe ke auha ho koga e taha, kae oua naa li ho jino kotoa ki heli. Bea kabau e fakahala‘i koe e ho nima toomatau, tutuu ia, o liaki ia iate koe; he oku aoga kiate koe ke auha ho koga e taha, kae oua naa li ho jino kotoa ki heli.

Koia ke haohaoa akimoutolu he oku haohaoa a hoo mou Tamai oku he lagi.

Koia ke behe ni hoo mou lotu: Ko e mau Tamai oku i he lagi, Ke tabuha ho huafa. Ke hoko mai hoo bule. Ke fai ho finagalo i mamani, o hage i he lagi. Ke foaki mai he aho ni haa mau mea kai. Bea fakamolemole e mau agahala, o hage ko e mau fakamolemolea akinautolu kuo fai agahala kiate kimautolu. Bea oua naa tuku akimautolu ki he ahiahi, kae fakamoui akimautolu mei he kovi: He oku oou ae bule, moe malohi, moe nāunāu, o taegata. Emeni.

He kabau te mou fakamolemole ae agahala ae kakai, e fakamolemolea akimoutolu e hoo mou Tamai i he lagi. Bea kabau e ikai te mou fakamolemole ae agahala ae kakai, bea e ikai fakamolemolea e hoo mou Tamai hoo mou agahala.

Koe māma oe jino koe mata: koia kabau oku lelei ho mata, e fonu ho jino kotoa i he māma. Bea kabau oku kovi ho mata, e fakabouli ho jino kotoa: koia kabau kuo fakabouli ae māma oku iate koe, e fefe hono lahi oe fakabouli koia!

Oku ikai faa tauhi e ha tagata ae eiki e toko ua: he te ne fehia ki he toko taha, kae ofa ki he toko taha; bea te ne kau moe toko taha, kae jiaki ae toko taha. E ikai te mou faa tauhi ae Otua moe Koloa.

Ka mou fuofua kumi ae buleaga oe Otua, mo ene maonioni; bea e fakalahi aki ae gaahi mea ni kotoabe kiate kimoutolu.

Mou hu i he mataba fajii: he oku falahi ae mataba, mo ataatā ae hala, oku fakatau ki he mate, bea oku hu ai ae toko lahi. Koeuhi oku fajii ae mataba, mo laujii ae hala, oku fakatau ki he moui, bea oku ilo ia e he toko jii be.

Bea behe, oku tubu i he akau lelei kotoabe ae fua lelei; kae tubu i he akau kovi ae fua kovi. E ikai faa tubu i he akau lelei ae fua kovi, be tubu i he akau kovi ae fua lelei. Koe akau kotoabe oku ikai tubu ai ae fua lelei oku ta hifo, bea laku ki he afi. Koia te mou ilo akinautolu i ho nau gaahi fua.

E ikai hu ki he buleaga oe lagi akinautolu kotoabe oku behe mai kiate au, Eiki, Eiki, ka ko ia oku ne fai ae finagalo o eku Tamai oku i he lagi. E behe kiate au e he toko lahi i he aho koia, Eiki, Eiki, ikai naa mau akonaki i ho huafa? bea i ho huafa naa mau kabuji kitua ae kau tevolo? bea i ho huafa naa mau fai ae gaahi mea mana lahi? Bea teu toki fakaha kiate kinautolu, Nae ikai aubito teu iloa akimoutolu: alu iate au akimoutolu oku fai kovi.

Bea e fehianekina akimoutolu i he kakai kotoabe koeuhi ko hoku higoa: ka ko ia e kataki o a‘u ki he gataaga e moui ia.

Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli.

Bea ko ia ia e fakaha au i he ao oe kakai, teu fakaha foki ia i he ao o eku Tamai oku i he lagi. Ka ko ia te ne liaki au i he ao oe kakai, teu liaki foki ia i he ao o eku Tamai oku i he lagi.

Ko ia oku ofa lahi hake ki he tamai be koe fa‘e iate au, oku ikai tāu mo ia ke ne ma‘u au: bea ko ia oku ofa lahi hake ki hono foha be ofefine iate au, oku ikai tāu mo ia ke ne ma‘u au. Bea ko ia oku ikai too hake ene akau māfajia o muimui iate au, oku ikai tāu mo ia ke ne ma‘u au. Ko ia oku kalofaki ene moui, e mole ia iate ia: ka ko ia oku mole ene moui koeuhi ko au, e ma‘u eia ia.

Bea toki kamata valoki eia ki he gaahi kolo nae fai lahi ai ene gaahi gaue mana, koeuhi ko e nau tae fakatomala:

He oku ha‘u mei he loto ae mahalo kovi, moe fakabo, moe tono fefine, moe feauaki, moe kaihaa, moe fakamooni loi, moa lea kovi:

He koeha hono aoga ki he tagata, o kabau te ne ma‘u a mamani kotoabe, kae mole ai hono laumalie oona; be koeha e foaki e ha tagata ke fetogi aki hono laumalie?

O ne behe, Oku ou tala mooni atu kiate kimoutolu, Kabau e ikai liliu akimoutolu, ke tatau moe tamaiki iki, e ikai te mou hu ki he buleaga oe lagi.

Ka ko ia te ne fakahala‘i ha toko taha iate kinautolu ni oku jii oku tui kiate au, e lelei hake kiate ia o ka ne taubuga‘i aki ia ae maka momoji i hono kia, bea lomaki‘i ia i he loto moana.

Koia, kabau oku fakahala‘i koe e ho nima be ko ho va‘e, tutuu ia, o liaki ia iate koe: oku lelei kiate koe hao hu ki he moui oku ke ketu be nima mutu, i hoo mau ae nima e ua moe va‘e e ua, kae li koe ki he afi taegata. Bea kabau oku fakahala‘i koe e ho mata, kabe‘i ia, o liaki iate koe: oku lelei kiate koe hao hu ki he moui oku ke mata taha, i hoo ma‘u ae mata e ua, kae li koe ki he afi o heli.

Bea nae toki ha‘u ai a Bita kiate ia, o ne behe, Eiki, e liuga fiha ae agahala a hoku tokoua kiate au mo eku fakamolemole ia? ke liuga fitu? Bea behe e Jisu kiate ia, Oku ikai teu behe kiate koe, Ke liuga fitu be: kae liuga fitugofulu lau e fitu.

E fai behe foki e he eku Tamai i he lagi kiate kimoutolu, o kabau e ikai te mou taki taha fakamolemolea mei hono loto ae gaahi agahala o hono kaiga.

Bea ko ia fulibe kuo ne liaki ae fale, be ae kaiga, be koe tuofefine, be koe tamai, be koe fa‘e, be koe unoho, be ae fānau, be ae fonua, koeuhi ko hoku higoa, te ne ma‘u o taki teau, bea te ne ma‘u moe moui taegata.

Io, o hage koe Foha oe tagata, nae ikai ha‘u ia ke tauhia ia, ka ke tauhi, bea ke foaki ene moui koe huhui oe toko lahi.

He nae ha‘u a Jone kiate kimoutolu i he hala oe maonioni, bea nae ikai te mou tui kiate ia: ka nae tui kiate ia ae kau tanaki tukuhau moe kau faa feauaki: bea hili hoo mou mamata ki ai, nae ikai te mou fakatomala ai, ke mou tui kiate ia.

Bea i he ha‘u ae tu‘i ke mamata ki he kakai, naa ne ilo‘i ae tagata kuo ikai i ai ha kofu taane. Bea behe eia kiate ia, Kaiga, nae fefe‘i hoo hu mai ki heni oku ikai hao kofu taane? Bea fakalogobe ia. Bea toki behe e he tu‘i ki he kau tamaioeiki, Ha‘i hono va‘e moe nima bea ave, o li ia ki he bouli ituaa: bea e i ai ae tagi moe fegaiitaki oe nifo. He oku ui ae toko lahi, ka oku fili ae toko jii.

Bea tala e Jisu kiate ia, Ke ke ofa kia Jihova ko ho Otua aki ho laumalie kotoa, mo hoo moui kotoa, mo ho loto kotoa. Koe uluaki bea koe lahi ia oe fekau. Bea ko hono ua oku tatau mo ia, Ke ke ofa ki ho kaugaabi o hage be ko koe. Koe fekau ni e ua oku tautau ai ae fono kotoa moe kau balofita.

Ka ko ia e faa kataki o a‘u ki he gataaga, ko ia ia e moui.

BEA e toki tatau ae buleaga oe lagi moe kau tāuboou e toko hogofulu, naa nau too e nau gaahi tūhulu, o alu atu ke fakafetaulaki ki he tagata taane. Nae boto ho nau toko nima, kae vale ae toko nima. Ko kinautolu nae vale nae ave e nau tūhulu, ka nae ikai ave mo haa nau lolo: Ka nae ave e he boto ae lolo i he e nau gaahi ibu, bea mo e nau tūhulu. Bea i he tuai mai ae tagata taane, naa nau tulemohe kotoabe o mohe. Bea tuuabo malie mo ene ba mai ae kalaga, Vakai, oku ha‘u ae tagata taane; mou alu atu o fakafetaulaki kiate ia. Bea toki tuu hake ae kau tāuboou kotoabe koia, o teuteu e nau tūhulu. Bea lea ae vale ki he boto, Foaki mai ma amautolu i hoo mou lolo; he oku tei mate e mau tūhulu. Ka nae lea ae boto, o beheage, Ka koeuhi naa jii ia kiate kimautolu mo kimoutolu: ka mou alu kiate kinautolu oku fakatau, o fakatau maa moutolu. Bea lolotoga e nau alu ke fakatau, mo ene ha‘u ae tagata taane, bea ko kinautolu nae teuteu nae hu mo ia ki he taane: bea tabuni ae mataba. Hili ia, mo ene ha‘u foki ae kau tāuboou nae alu, o nau behe, Eiki, Eiki, too kiate kimautolu. Ka nae lea ia, o beheage, Oku ou tala mooni atu kiate kimoutolu, oku ikai teu iloa akimoutolu.

Oka ha‘u ae Foha oe tagata i hono nāunāu, moe kau agelo maonioni kotoabe mo ia, e toki nofo ia i he nofoa o hono nāunāu: Bea e fakakatoa i hono ao ae gaahi kakai kotoabe: bea e vahe ua eia akinautolu, o hage koe vahe‘i e he tauhi‐sibi a ene sibi mei he koji: Bea e tuku eia ae faga sibi ki hono nima toomatau, ka koe faga koji ki he toohema. Bea e toki behe e he Tu‘i kiate kinautolu i hono nima toomatau, Ha‘u, akimoutolu kuo monuia i he eku Tamai, o ma‘u ae buleaga kuo teu moo moutolu talu mei he kamataaga o mamani: He naaku fiekaia, bea naa mou foaki ae mea kai kiate au: naaku fieinua, bea naa mou foaki ae inu kiate au: koe muli au, bea naa mou fakaafe‘i au: Telefua, bea naa mou fakakofu‘i au: nāaku mahaki, bea naa mou aahi mai kiate au: naaku i he fale fakabobula, bea naa mou ha‘u kiate au. Bea e toki lea ae maonioni, o beheage kiate ia, Eiki, naa mau mamata kiate koe anefe oku ke fiekaia, bea mau fafaga‘i koe? bea fieinua, bea mau foaki ae inu kiate koe? Naa mau mamata kiate koe anefe koe muli, bea mau fakaafe‘i koe? be telefua, bea mau fakakofu‘i koe? Bea naa mau mamata kiate koe anefe oku ke mahaki, be i he fale fakabobula, bea mau alu atu kiate koe? Bea e lea ae Tu‘i, o beheage kiate kinautolu, Ko eku tala mooni atu kiate kimoutolu, Koe mea i hoo mou fai ia ki ha taha oku kihii jii hifo i hoku kaiga ni, ko hoo mou fai ia kiate au. Bea e toki tala eia foki kiate kinautolu i hono nima toohema, Alu iate au, akimoutolu kuo malaia, ki he afi taemate, nae teu ki he tevolo mo ene kau agelo: He naaku fiekaia, bea nae ikai te mou foaki ha mea kai kiate au: naaku fieinua, bea nae ikai te mou foaki ha inu kiate au: Koe muli au, bea nae ikai te mou fakaafe‘i au: telefua, bea nae ikai te mou fakakofu‘i au: mahaki, bea i he fale fakabobula, bea nae ikai te mou iahi kiate au. Bea e toki lea ai akinautolu kiate ia foki, o beheage, Eiki, naa mau mamata kiate koe anefo oku ke fiekaia, be koe fieinua, be koe muli, be telefua, be mahaki, be i he fale fakabobula, kae ikai te mau tauhi koe? Bea e toki lea ia kiate kinautolu, o behe, Ko eku tala mooni atu kiate kimoutolu, Koe mea i hoo mou tae fai ia ki ha toko taha oku kihii jii hifo iate kinautolu ni, ko hoo mou tae fai ia kiate au. Bea e alu atu akinautolu ni ki he malaia taegata: ka koe maonioni ki he moui taegata.

He ko hoku toto eni oe fuakava foou, aia oku liligi ke fakamolemole ai ae agahala ae toko lahi.

Leo mo lotu, telia naa lava‘i akimoutolu e he ahiahi: koe mooni oku fie fai e he laumalie, ka oku vaivai ae kakano.

Bea kuo hili ae toe tagi le‘o lahi a Jisu, naa ne tuku hake hono laumalie. Bea vakai, kuo mavaeua leva ae buibui oe fale lotu lahi, mei he botu i oluga o a‘u ki lalo; bea galulu ae fonua, bea mafahifahi ae gaahi maka;

Koia ke alu akimoutolu, o fakalotu‘i ae gaahi buleaga kotoabe, o babitaiso akinautolu i he huafa oe Tamai, moe Alo, moe Laumalie Maonioni:

Nae babitaiso e Jone i he toafa, mo ne malaga aki ae babitaiso oe fakatomala ki he fakamolemole oe agahala. Bea nae alu atu kiate ia ae fonua kotoabe ko Jutea, bea mo kinautolu o Jelusalema, o nau babitaiso kotoabe iate ia i he vaitafe ko Joatani, o vete e nau gaahi agahala.

O ne behe, Kuo hokojia ae kuoga, bea oku ofi ae buleaga oe Otua: mou fakatomala, bea tui ki he ogoogolelei.

Bea ko kinautolu e ikai ma‘u akimoutolu, be fanogo kiate kimoutolu, oka mou ka alu ai, mou tutui ae efu i ho mou va‘e, koe fakamooni kiate kinautolu. Koe mooni oku ou tala kiate kimoutolu, E katakigofua a So-toma mo Komola i he aho fakamāu, i he kolo koia. Bea naa nau alu atu, o malaga ke fakatomala ae kakai.

Bea behe eia, Koia oku ha‘u mei he tagata, koia ia oku fakauli‘i ae tagata. He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo, Moe kaihaa, moe manumanu, moe agahala, moe kākā, moe aga fakalielia, moe mata kovi, moe lea kovi, moe laukau, moe vale: Koe gaahi mea kovi ni kotoabe oku ha‘u mei he loto, oku fakauli‘i ae tagata.

Bea kuo ui eia ae kakai mo ene kau akoga foki, bea ne behe kiate kinautolu, Ko ia ia oku loto ke muimui iate au, ke ne jiaki eia ia, kae too ene kavega, o muimui iate au. He ko ia ia oku loto ke kalofaki ene moui, e mole ia: ka ko ia ia e mole ene moui koeuhi ko au moe ogoogolelei, e ma‘u eia ia. He koeha hono aoga ki ha tagata, o kabau e ma‘u eia a mamani kotoabe, kae mole hono laumalie oona? Be koeha e foaki e ha tagata ke fetogi aki hono laumalie?

Ko ia ia e ma kiate au, mo eku gaahi lea, i he toutagata feauaki mo agahala ni, e ma foki ae Foha oe tagata iate ia, oka ha‘u ia i he nāunāu o ene Tamai, moe kau agelo maonioni.

Bea kabau e fakahala‘i koe e ho nima, tutuu ia: oku lelei kiate koe ke ke hu ki he moui oku ke nima mutu, i hoo ma‘u ae nima e ua, kae alu ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi.

Bea kabau e fakahala‘i koe e ho va‘e, tutuu ia: oku lelei kiate koe ke ke hu ki he moui oku ke ketu, i hoo ma‘u ae va‘e e ua, kae li koe ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi.

Bea kabau e fakahala‘i koe e ho mata, kabe‘i ia: oku lelei kiate koe ke ke hu ki he buleaga oe Otua moe mata be taha, i hoo ma‘u ae mata e ua, kae li koe ki he afi o heli; Aia oku ikai mate ai ho nau uaga, bea ikai faa tamate‘i ae afi.

Koe mooni oku ou tala atu kiate kimoutolu, Ko ia ia e ikai te ne ma‘u ae buleaga oe Otua o hage ko ha tamajii jii, e ikai hu ia ki ai.

He nae ikai ke ha‘u ae Foha oe tagata ke tauhia ia, ka ke tauhi, bea ke foaki ene moui koe huhui oe toko lahi.

Bea oka mou ka tuu o lotu, fakamolemole, o kabau oku mou koviia i ha taha; koeuhi ke fakamolemolea e hoo mou Tamai oku i he lagi hoo mou gaahi hia.

Bea ka ikai te mou fakamolemole, bea e ikai fakamolemolea e hoo mou Tamai oku i he lagi hoo mou gaahi agahala.

Bea e fehianekina akimoutolu i he kakai fulibe koeuhi ko hoku huafa: ka ko ia e kataki o a‘u ki he ikuaga, ko ia ia e moui.

Bea behe eia kiate kinautolu, Ko hoku toto eni oe fuakava foou, aia oku liligi koeuhi koe toko lahi.

Bea behe eia, Aba, Tamai, oku faa fai ekoe ae mea kotoabe; ke ke ave ae ibu ni iate au: kae oua naaku faiteliha au, ka ko koe be.

Mou leo bea lotu, telia naa lava‘i akimoutolu e he ahiahi. Koe mooni oku fie fai e he laumalie, ka oku vaivai ae kakano.

Ko ia ia e tui mo babitaiso, e moui; ka ko ia ia e ikai tui, e malaia.

Bea oku iate kinautolu oku manavahe kiate ia a ene aloofa mei he toutagata ki he toutagata.

I he maonioni moe agatonu i hono ao, i he aho kotoabe oe tau moui.

Ke fakailo ae fakamoui ki hono kakai i he fakamolemole oe nau hia,

Bea ha‘u ia ki he botu fonua kotoabe o ofi ki Joatani, o ne malaga aki ae babitaiso oe fakatomala ki he fakamolemole oe agahala:

Bea toki behe eia ki he kakai kuo aluage ke nau babitaiso iate ia, Ae fānau ae gata fekai, kohai ne ne valoki akimoutolu ke mou buna mei he houhau e ha‘u? Koia mou fakaha ae gaahi fua oku gali moe fakatomala, bea oua naa lau leva i ho mou loto, Oku mau tamai aki a Ebalahame: he oku ou tala atu kiate kimoutolu, Oku faa fai e he Otua ke fakatubu i he gaahi maka ni ae fānau kia Ebalahame. Bea koeni foki, kuo tuku ae toki ki he tefito oe gaahi akau: bea koia, ka iloga ae akau oku ikai tubu ai ae fua lelei e ta hifo ia, o laku ki he afi.

Bea ha‘u foki ae kau tanaki tukuhau ke babitaiso, o nau behe kiate ia, Eiki, koeha te mau fai?

Bea kuo babitaiso ae kakai kotoabe, bea behe, ne babitaiso foki mo Jisu, bea i he ene lotu, ne matoo ae lagi,

Oku iate au ae Laumalie o Jihova, koeuhi kuo ne fakanofo au keu malaga aki ae ogoogolelei ki he majiva; kuo ne fekau au ke fakamoui ae loto mafeji, ke malaga aki ae huhui ki he kau bobula, moe fakaa oe kui, ke veteage akinautolu kuo lavea,

Bea kuo mamata a Saimone Bita, bea fakatomabee ia ki he tui o Jisu, o ne behe, E Eiki, alu iate au; he koe tagata agahala au.

Koia mou manavaofa, o hage foki koe manavaofa a hoo mou Tamai. Oua e fakamāu, bea e ikai fakamāu‘i akimoutolu: oua naa fakahalaia, bea e ikai fakahalaia akimoutolu: mou fakamolemole, bea e fakamolemolea akimoutolu:

Ka koe kau Falesi, moe kau akonaki‘i he fono, naa nau fakataeaoga ae finagalo oe Otua kiate kinautolu, he nae ikai te nau babitaiso iate ia.

Nae ikai te ke bani aki hoku ulu ae lolo: ka kuo tākai e he fefine ni a hoku va‘e aki ae lolo. Koia oku ou tala atu ai kiate koe, Ko ene agahala, aia oku lahi, kuo fakamolemole ia; koia oku lahi ai ene ofa: ka ko ia oku jii hono fakamolemole, oku jii ene ofa. Bea behe eia kiate ia, Kuo fakamolemole hoo gaahi agahala.

Bea ne behe kiate kinautolu kotoabe, Kabau e muimui ha taha kiate au, tuku ke jiaki ia eia, bea too hake ene akau māfajia i he aho kotoabe, bea muimui iate au. He ko ia e kalofaki ene moui, e mole ia; ka ko ia e mole ene moui koeuhi ko au, ko ia be e ma‘u ia. He koeha hono aoga ki he tagata, o kabau e ma‘u eia a mamani kotoabe, kae mole ia, be liaki ia?

He ko ia e ma iate au mo eku gaahi lea, e ma ai ae Foha oe tagata, oka ha‘u ia i hono nāunāu oona, mo ene Tamai, bea moe kau agelo maonioni.

Bea behe e Jisu kiate ia, Oku ikai ha taha kuo ai hono nima ki he huo toho, kae jio ki mui, e aoga ki he buleaga oe Otua.

Bea ne behe kiate kinautolu, Oka mou ka lotu, mou behe, Ko e mau Tamai oku i he lagi, Ke tabuhā ho huafa. Ke hoko mai hoo bule. Ke fai a mamani ki ho finagalo, o hage i he lagi. Ke foaki mai kiate kimautolu haa mau mea kai i he aho kotoabe. Bea ke fakamolemole kiate kimautolu e mau agahala; he oku mau fakamolemole foki akinautolu kotoabe oku agahala mai kiate kimautolu. Bea oua naa tuku kimautolu ki he ahiahi; kae fakamoui akimautolu mei he kovi.

Oku ou tala foki kiate kimoutolu, Ko ia ia te ne fakaha au i he ao oe kakai, e fakaha foki ia e he Foha oe tagata i he ao oe kau agelo ae Otua. Ka ko ia oku ne jiaki au i he ao oe kakai, e jiaki ia i he ao oe kau agelo ae Otua.

Bea folofola a Jisu, o beheage kiate kinautolu, Oku mou mahalo nae agahala lahi ae kau Kaleli koia i he kakai Kaleli kotoabe, koeuhi nae hoko ae mea behe kiate kinautolu? Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki. Be koe toko hogofulu ma toko valu koia, nae taomia i he holo ae fale leo o Seiloame, bea mate ai akinautolu, oku mou mahalo koe kau agahala lahi taha be akinautolu i he kakai fulibe nae nofo i Jelusalema? Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki.

Oku ou tala atu kiate kimoutolu, E behe fiki ae fiefia i he lagi o lahi i he fakatomala ae agahala e toko taha, i he agatonu e toko hivagofulu ma toko hiva, oku ikai aoga ke nau fakatomala.

Oku ou tala atu kiate kimoutolu, Oku behe ae fiefia i he ao oe kau agelo ae Otua i he fakatomala ae agahala e toko taha.

Bea behe eia, Nae ai ae tagata nae toko ua hono foha. Bea behe e he ki mui ki he ene tamai, Tamai, tuku mai haku tufakaga i he koloa oku aaku. Bea ne vaeua kiate kinaua a ene mea. Bea hili ae gaahi aho jii, nae tanaki e he foha ki mui a ene mea kotoabe, o fonoga ki he fonua mamao, o maumau‘i ai ene koloa i he ene moui agakovi. Bea kuo fakaoji eia kotoabe, nae to ae hoge lahi ki he fonua koia; bea hoko ia o fiekaia. Bea alu ia o nofo ki he tagata e toko taha oe fonua koia; bea ne fekau ia ki hono botu fonua ke tauhi ae faga buaka. Bea nae feiga ia ke fakamakona aki ia ae geeji nae kai e he faga buaka: he nae ikai ha taha e foaki kiate ia. Bea kuo boto ia, bea ne behe, Oku toko fiha ae kau tamaioeiki totogi a eku tamai kuo lahi mo toe e nau ma, ka oku ou mate i he fiekaia! Teu tuu hake o alu ki he eku tamai, bea teu behe kiate ia, Tamai, kuou fai agahala ki he lagi, bea i ho ao; Bea oku ikai teu kei aoga ke ui ko ho foha; ka ke tuku au keu tatau mo ha taha i hoo kau tamaioeoiki totogi. Bea nae tuu hake ia, o alu ki he ene tamai. Ka i he ene kei mamao aubito, nae mamata a ene tamai kiate ia, bea manavaofa, mo lele, bea faufua ia, o uma kiate ia. Bea behe e he foha kiate ia, Tamai, kuou agahala ki he lagi, bea i ho ao, bea oku ikai teu kei aoga ke ui ko ho foha. Ka nae behe e he tamai ki he ene kau tamaioeiki, Omi ae bulubulu fugani lelei, o ai kiate ia; bea ai moe mama ki hono nima, moe tobuva‘e ki hono va‘e: Bea omi ki heni ae uhiki bulu jino, o tamate‘i ia; bea ke tau kai, mo fiefia: He ko hoku foha eni nae mate, bea kuo toe moui; nae mole ia, bea kuo ilo‘i. Bea naa nau kamata fiefia. Bea nae i he goue a hono uluaki foha; bea i he ene ha‘u o ofi ki he fale, nae fanogo ia ki he mea faiva moe mee. Bea naa ne ui ki ha taha oe kau tamaioeiki, o ne fehui ki hono uhiga oe gaahi mea ni. Bea ne tala kiate ia, Kuo ha‘u ho tehina; bea kuo tamate‘i e hoo tamai ae uhiki bulu jino, koeuhi kuo ne ma‘u ia oku moui lelei be. Ka nae ita ia, bea ikai alu ki ai: koia nae ha‘u ai kitua a ene tamai, o fakakolekole kiate ia. Bea lea ia, o beheage ki he ene tamai, Vakai, koe gaahi ta‘u lahi ni mo eku tauhi‘i koe, bea nae ikai teu talagataa ki hoo fekau i ha mea e taha: ka nae ikai jii te ke foaki kiate au ha uhikii koji, koeuhi keu fakafiefia ai mo hoku kaiga. Ka kuo ha‘u leva ho foha ko eni, aia nae maumau‘i hoo koloa moe kau faa feauaki, bea ke tamate‘i maana ae uhiki bulu jino. Bea ne behe kiate ia, Foha, oku ta nofo ma‘u mo au, bea koia kotoabe oku aaku oku aau ia. Nae tāu e mau fakafiefia mo nekeneka: he ko ho tehina eni nae mate, ka kuo toe moui ia; bea nae mole, ka kuo ilo ia.

Bea behe eia, E ikai, e tamai ko Ebalahame, ka oka alu ha taha mei he mate kiate kinautolu, te nau fakatomala. Bea behe mai eia kiate ia, Kabau e ikai te nau fanogo kia Mosese moe kau balofita, e ikai te nau tui o kabau e toe tuu ha taha mei he mate.

Mou vakai kiate kimoutolu: Kabau e fai agahala kiate koe e ho kaiga, valoki ia; bea kabau e fakatomala, fakamolemole ia. Bea kabau e fai agahala eia kiate koe o liuga fitu i ha aho, kae tafoki ia kiate koe o liuga fitu i ha aho, mo behe eia, Oku ou fakatomala; ke ke fakamolemole ia.

Ka nae tuu mamao atu ae tanaki tukuhau, bea ikai faa haga hake hono mata ki he lagi, ka nae ji fatafata ia, mo behe, E Otua, ke ke aloofa mai kiate au koe agahala.

He kuo ha‘u ae Foha oe tagata ke kumi mo fakamoui aia kuo mole.

Bea too eia ae ma, o ne fakafetai, mo tofitofi ia, o ne atu kiate kinautolu, o behe, Ko hoku jino eni, aia kuo foaki koeuhi ko kimoutolu: fai eni i he fakamanatu kiate au. Bea hili ae ohomohe nae too foki eia ae ibu, o behe, Koe ibu ni koe fuakava foou i hoku toto, aia oku liligi koeuhi ko kimoutolu.

Bea kuo hoko ia ki he botu, bea ne behe kiate kinautolu, Mo lotu ke oua naa mou higa ki he ahiahi.

O ne behe, E Tamai, kabau ko ho finagalo, ave ae ibu ni iate au: kae oua naa fai hoku loto, ka koe finagalo oou.

Bea nae manuki kiate ia ae toko taha oe ogo fai kovi nae tautau, o ne behe, Kabau koe Kalaisi koe, fakamoui koe mo kimaua. Ka nae leaage a hono toko ua, o ne valoki ia, o behe, Ikai, te ke manavahe koe ki he Otua, he oku ke malaia foki? Bea oku totonu kiate kitaua, he koe totogi totonu oe ta gaue: ka nae ikai ha kovi e fai e he tagata ni. Bea behe eia kia Jisu, Eiki ke ke manatu‘i au, oka ke ka hoko ki ho buleaga. Bea beheage e Jisu kiate ia, Oku ou tala mooni kiate koe, Te ta i Bala-taisi mo au he aho ni.

O ne behe kiate kinautolu, Kuo behe ae tohi, bea oku tāu mo Kalaisi ke mamahi behe, bea toetuu mei he mate i hono aho tolu: Bea ke malaga aki ae fakatomala, moe fakamolemole oe agahala i hono higoa, i he buleaga kotoabe, o fuofua fai i Jelusalema.

Ka ko ia kotoabe nae ma‘u ia, naa ne foaki kiate kinautolu ae monuia ke hoko koe fānau ae Otua, kiate, kinautolu be nae tui ki hono huafa: Aia nae ikai fanau‘i i he toto, be i he loto oe kakano, be i he loto oe tagata, ka i he Otua.

Bea koe aho naa na feholo‘i, nae mamata a Jone kia Jisu oku aluage kiate ia, bea ne behe, Vakai ki he Lami ae Otua, aia oku ne ave ae agahala a mamani.

Bea lea a Jisu, o beheage kiate ia, Koe mooni, koe mooni, oku ou tala kiate koe, Kabau e ikai fanau‘i foou ha tagata, e ikai aubito mamata ia ki he buleaga oe Otua.

Bea behe e Jisu, Koe mooni, koe mooni, oku ou tala kiate koe, Kabau e ikai fanau‘i ae tagata i he vai bea moe Laumalie, e ikai aubito faa hu ia ki he buleaga oe Otua. Ko ia kuo fanau‘i i he kakano, koe kakano ia; bea ko ia kuo fanau‘i i he Laumalie, koe laumalie ia. Oua te ke ofo i he eku tala kiate koe, Oku totonu ke mou fanau‘i foou.

Bea hage nae hiki hake e Mosese ae gata i he toafa, e behe hono hiki ae Foha oe tagata ki oluga: Koeuhi ko ia kotoabe oku tui kiate ia ke oua naa auha ia, kae ma‘u ae moui taegata. He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata. He nae ikai fekau e he Otua hono Alo ki mamani ke fakamalaia a mamani: ka koeuhi ke moui a mamani iate ia. Ko ia oku tui kiate ia, oku ikai fakamalaia ia: ka ko ia oku ikai tui, oku fakamalaia ni ia, koeuhi oku ikai tui ia i he huafa oe Alo be taha nae tubu i he Otua. Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue. He ko ia fulibe oku fai kovi oku fehia ki he māma, bea oku ikai ha‘u ia ki he māma, telia naa fakaha ai ene gaahi gaue. Ka ko ia oku fai ki he mooni, oku ha‘u ia ki he māma, koeuhi ke fakaha ai ene gaahi gaue, oku fai ia i he Otua.

Bea hili eni, nae ha‘u a Jisu mo ene kau akoga ki he fonua ko Jutea; bea nofo ai mo kinautolu, o fai babitaiso.

Ko ia oku tui ki he Alo, oku ne ma‘u ae moui taegata: bea ko ia oku ikai tui ki he Alo, e ikai te ne mamata ki he moui; ka oku nofo be kiate ia ae houhau oe Otua.

Koe Otua koe Laumalie: bea ko kinautolu oku hu kiate ia, oku totonu ke hu i he laumalie moe mooni.

Hili ia, nae ilo ia e Jisu i he fale lotu lahi, o ne behe kiate ia, Vakai, kuo fakamoui koe: oua naa ke toe fai agahala, telia naa to kiate koe ha kovi lahi hake.

Koe mooni, koe mooni, oku ou tala kiate kimoutolu, Ko ia oku fanogo ki he eku lea, o tui kiate ia naa ne fekau au, oku iate ia ae moui taegata, bea e ikai fakamalaia ia; ka kuo hao mei he mate ki he moui.

Oua te mou ofo ai: he oku ha‘u ae aho, e fanogo ai ki hono le‘o akinautolu kotoabe oku i he gaahi tanuaga, Bea te nau alu atu; ko kinautolu nae fai lelei, ki he toetuu oe moui; mo kinautolu nae fai kovi, ki he toetuu oe fakamalaia.

Koia kotoabe oku foaki e he Tamai kiate au, e ha‘u ia kiate au; bea ko ia oku ha‘u kiate au, e ikai aubito teu jiaki.

Bea koe finagalo eni o la naa ne fekau au, koeuhi ko ia fulibe oku mamata ki he Alo, bea tui kiate ia, ke ne ma‘u ae moui taegata; bea teu fokotuu ia i he aho fakamui.

E ikai ha tagata e faa ha‘u kiate au, o kabau e ikai tohoaki ia e he Tamai aia naa ne fekau‘i au: bea teu fokotuu ia i he aho fakamui. Kuo tohi i he kau balofita, Bea e akonekina akinautolu kotoabe i he Otua. Koia koe tagata kotoabe kuo fanogo, bea kuo akonekina i he Tamai, oku ha‘u ia kiate au.

Koe mooni, koe mooni, oku ou tala kiate kimoutolu, Ko ia oku tui kiate au, oku iate ia ae moui taegata.

Ko au koe ma moui kuo alu hifo mei he lagi: kabau e kai e ha tagata ae ma ni, e moui taegata ia: bea koe ma oku ou foaki ko hoku jino, aia teu foaki ke moui ai a mamani.

Bea lea a Jisu kiate kinautolu, Koe mooni, koe mooni, oku ou tala kiate kimoutolu, Kabau e ikai te mou kai ae jino oe Foha oe tagata, mo inu hono toto, oku ikai ha moui iate kimoutolu. Ko ia oku ne kai hoku jino, mo inu hoku toto, oku iate ia ae moui taegata; bea teu fokotuu ia i he aho fakamui. He ko hoku jino koe mea kai mooni, bea ho hoku toto koe inu mooni. Ko ia oku kai hoku jino, mo inu hoku toto, oku nofo ia iate au, mo au iate ia. O hage oku moui ae Tamai naa ne fekau au, bea oku ou moui i he Tamai: oku behe, ko ia oku ne kai iate au, ko ia be e moui iate au. Ko eni ae ma koia nae alu hifo mei he lagi: o ikai tatau moe kai ae mana e hoo mou gaahi tamai, bea nau mate: ko ia oku kai ae ma ni, e moui ia o taegata.

Bea toe lea ai a Jisu kiate kinautolu, o behe, Ko au koe māma o mamani: ko ia oku muimui iate au, e ikai alu ia i he bouli, ka e iate ia ae māma oe moui.

Koia naaku lea ai kiate kimoutolu, te mou mate i hoo mou agahala: he kabau oku ikai te mou tui ko au ia, te mou mate be i hoo mou agahala.

Bea behe ai e Jisu ki he kau Jiu nae tui kiate ia, Kabau te mou nofo mau i he eku lea, bea ko eku kau akoga mooni akimoutolu; Bea te mou ilo ae mooni, bea e fakatauataina‘i akimoutolu e he mooni.

Oku tau ilo oku ikai ogo‘i e he Otua ae kau agahala: ka oka lotu ha tagata ki he Otua, bea fai hono finagalo, oku ne ogo‘i ia.

Bea oku ai mo eku faga sibi kehe, oku ikai i he loto a ko eni: teu omi akinautolu foki, bea te nau fanogo ki hoku le‘o; bea e ai ae loto a be taha, moe tauhi be taha.

Ka oku ikai te mou tui, koeuhi oku ikai i he eku faga sibi akimoutolu. Oku fanogo eku faga sibi ki hoku le‘o, o hage ko eku tala kiate kimoutolu: bea oku ou iloa akinautolu, bea oku nau muimui iate au: Bea oku ou foaki kiate kinautolu ae moui taegata; bea e ikai aubito te nau auha, be e ikai ha taha te ne hamuji akinautolu mei hoku nima.

Bea talaage e Jisu kiate ia, Ko au koe toetuu, moe moui: ko ia oku tui kiate au, ka ne mate ia, e moui be ia: Bea ko ia oku moui mo tui kiate au, e ikai aubito mate ia. Oku ke tui ki ai? Bea ne behe kiate ia, Io, Eiki: oku ou tui koe Kalaisi akoe, koe Alo oe Otua, aia nae totonu ke ha‘u ki mamani.

Ko ia oku ofa ki he ene moui, e mole ia iate ia; bea ko ia oku fehia ki he ene moui i he mamani, te ne ma‘u ia ki he moui taegata.

Bea nae tui kiate ia ae toko lahi i he kau bule foki; ka koe mea i he kau Falesi, nae ikai te nau fakaha ia, telia naa kabuji akinautolu mei he fale lotu: He nae lahi e nau manako ki he fakamalo ae tagata i he fakamalo ae Otua.

Kuou ha‘u au koe māma ki mamani, koeuhi ko ia e tui kiate au ke oua naa nofo ia i he bouli.

Ko ia oku ne liaki au o ikai ma‘u eku gaahi lea, oku ai ha taha oku fakamāu‘i ia: koe lea kuou lea aki, ko ia te ne fakamāu‘i ia i he aho fakamui.

Bea talaage e Jisu kiate ia, Ko au koe hala, moe mooni, bea moe moui: oku ikai h‘au ha tagata e taha ki he Tamai, kae iate au.

Kabau oku mou ofa kiate au, fai eku gaahi fekau.

Ko eku fekau eni, Ke mou feofaaki kiate kimoutolu, o hage ko eku ofa kiate kimoutolu. Oku ikai ha tagata e lahi hake ene ofa i he mea ni, ke ne foaki ene moui koeuhi ko hono kaiga.

Bea ka ha‘u ia, te ne valoki a mamani i he agahala, bea i he maonioni, bea i he fakamāu: I he agahala, koe mea i he ikai te nau tui kiate au; I he maonioni, koe mea i he eku alu ki he eku Tamai, bea e ikai te mou toe mamata kiate au; I he fakamāu, koe mea i he fakamāu‘i ae eiki o mamani.

Fakatabu‘i akinautolu i hoo mooni: ko hoo folofola koe mooni ia.

Bea talaage e Jisu kiate ia, Tomasi, koe mea i hoo mamata kiate au, koia kuo ke tui ai: oku monuia akinautolu oku ikai mamata, kae tui. Bea nae fai mooni e Jisu moe gaahi fakailoga kehekehe i he ao o ene kau akoga, aia kuo ikai tohi i he tohi ni: Ka kuo tohi eni, koeuhi ke mou tui koe Kalaisi a Jisu, koe Alo oe Otua; bea ke mou ma‘u i hoo mou tui ae moui i hono huafa.

Bea e behe, ko ia e ui ki he huafa oe Eiki, e fakamoui ia.

Bea toki behe e Bita kiate kinautolu, Fakatomala, bea mou taki taha babitaiso i he huafa o Jisu Kalaisi, ke fakamolemole ai ae agahala, bea te mou ma‘u moe foaki oe Laumalie Maonioni.

Bea ko kinautolu nae ma‘u fiefia ene lea, naa nau babitaiso: bea i he aho be koia nae ului ae kakai e toko tolu afe nai. Bea naa nau tuu mau i he akonaki ae kau abosetolo, moe feofoofani, moe tofi oe ma, moe fehufekina.

Koia ke mou fakatomala, bea liliu, ke fakamolemole ai hoo mou agahala, koeuhi ke hoko mai ae gaahi aho oe fakamoui mei he ao oe Eiki;

Bea oku ikai ha fakamoui i ha taha kehe: he oku ikai ke tuku mo ha higoa ki he kakai i lalo lagi, ke tau moui ai.

Bea kuo hakeaki‘i ia e he Otua aki hono nima toomatau koe Eiki moe Fakamoui, ke foaki ae fakatomala ki Isileli, moe fakamolemole oe agahala.

Ka kuo nau tui kia Filibe, i he ene malaga aki ae gaahi mea oe buleaga oe Otua, moe huafa o Jisu Kalaisi, bea nau babitaiso, ae tagata moe fefine. Bea toki tui foki mo Saimone: bea kuo babitaiso ia, bea nofo ia mo Filibe, o ofo i he ene mamata ki he gaahi mana moe mea fakaofo lahi naa ne fai.

Koia ke ke fakatomala i hoo agahala ni, bea hu ki he Otua, hei ilo e fakamolemole kiate koe ae mahalo o ho loto.

Bea i he e na fonoga i he hala, naa na hoko ki he vai: bea behe e he iunoke, Vakai, koe vai; koeha oku taofi ke oua naaku babitaiso? Bea behe e Filibe, Oku lelei ia, o kabau oku ke tui aki ho loto kotoa. Bea ne leaage, o behe, Oku ou tui ko Jisu Kalaisi koe Alo oe Otua.

Bea fetoki fakafokifa mei hono mata ae mea o hage koe uno‘i ika: bea a leva ia, bea tuu, o babitaiso.

Bea toki mafaa ae gutu o Bita, o ne behe, Koe mooni oku ou ilo ni oku ikai filifilimanako ae Otua ki he kakai: Ka oku ne ma‘u maana aia oku manavahe kiate ia, mo fai totonu, i he buleaga kotoabe.

Bea naa ne fekau kiate kimautolu ke mau malaga ki he kakai, mo fakamooni ko ia ia kuo fakanofo e he Otua koe Fakamāu ki he moui moe mate. Bea oku fakamooni kiate ia ae kau balofita kotoabe, ko ia fulibe e tui kiate ia, e ma‘u ae fakamolemole oe agahala i hono huafa.

Bea fekau eia ke nau babitaiso i he huafa oe Eiki. Bea naa nau kole kiate ia ke nofo mo kinautolu i he aho niihi.

Bea kuo nau fanogo ki he gaahi mea ni, naa nau fakalogobe, o fakamalo ki he Otua, o nau behe, Ta kuo tuku foki e he Otua ki he gaahi Jenitaile ae fakatomala ki he moui.

Bea kuo fokotuu ki Isileli e he Otua i he hako oe tagata ni ae Fakamoui ko Jisu, o hage koe talaofa: Ka nae fuofua malaga aki e Jone ae babitaiso oe fakatomala, ki he kakai kotoabe o Isileli, i he teeki ai ha‘u ia.

Koia ke ilo ekimoutolu, ae kau tagata koe kaiga, oku malaga aki kiate kimoutolu i he tagata ni ae fakamolemole oe agahala: Bea koe mea iate ia, ko kinautolu kotoabe oku tui, oku fakatonuhia‘i mei he mea kotoabe, aia nae ikai faa fakatonuhia mei ai e he fono a Mosese.

O na tokoni‘i ae loto oe kau akoga, bea akonaki ke nau tuu ma‘u i he tui, koeuhi kuo tonu ke tau hu ki he buleaga oe Otua i he mamahi lahi.

O ne omi akinaua kitua, mo ne behe, Ogo eiki, koeha teu fai keu moui ai? Bea naa na behe, Tui ki he Eiki ko Jisu Kalaisi, bea te ke moui, mo ho fale. Bea ne na lea aki ae folofola ae Eiki kiate ia, mo kinautolu kotoabe i hono fale. Bea naa ne ave akinaua, o fufulu ho na lavea i he feituubo be koia; bea nae babitaiso ia, bea mo hono fale kotoabe.

Bea nae ikai fie afio‘i e he Otua ae gaahi kuoga oe vale ni, ka oku ne fekau eni ki he kakai kotoabe, i he botu kotoabe, ke nau fakatomala: Koeuhi kuo ne kotofa ae aho, te ne fakamāu maonioni ai a mamani, i he tagata kuo ne fakanofo; bea kuo ne fakababau ia ki he kakai kotoabe, i he ene fokotuu ia mei he bekia.

Bea nae tui ki he Eiki a Kalisibo, koe bule lahi oe fale lotu, mo hono fale kotoabe; bea nae fanogo mo tui ae kakai Kolinito toko lahi, bea nae babitaiso akinautolu.

Bea toki behe e Baula, Koe mooni nae babitaiso aki e Jone ae babitaiso ki he fakatomala, o ne behe ki he kakai, ke nau tui kiate ia e fakamuimui iate ia, aia, ko Kalaisi Jisu. Bea i he nau fanogo eni naa nau babitaiso i he huafa oe Eiki ko Jisu.

Bea nae ha‘u ae toko lahi nae tui, ke vete mo fakaha e nau gaahi faiaga.

O fakababau atu ki he kakai Jiu, bea moe kakai Kiliki foki, ae fakatomala ki he Otua, moe tui ki ho tau Eiki ko Jisu Kalaisi.

Koia ke mou vakai kiate kimoutolu, bea moe faga sibi kotoabe, aia kuo fakanofo akimoutolu e he Laumalie Maonioni ko hono kau tauhi, ke mou fafaga ae jiaji ae Otua, aia naa ne fakatau aki hono taataa.

Bea koeha oku ke fakatuai ai? tuu, bea ke babitaiso, o fakamaa koe mei hoo agahala, bea ui ki he huafa oe Eiki.

Ke fakaa ho nau mata, mo fakatafoki akinautolu mei he bouli ki he māma, bea mei he malohi o Setani ki he Otua, koeuhi ke nau ma‘u ae fakamolemole oe agahala, moe tofia fakataha mo kinautolu kuo fakamaonioni‘i i he tui kiate au.

Koia ke mou ilo eni, kuo fekau atu ki he kakai Jenitaile ae fakamoui ae Otua, bea e fanogo ai akinautolu.

He oku ikai teu ma i he ogoogolelei o Kalaisi: he koe malohi ia oe Otua ki he fakamoui kiate kinautolu kotoabe oku tui; o muomua ki he Jiu, bea ki he Kiliki foki.

Bea i he ikai te nau loto ke ilo‘i ae Otua, nae fakatukutuku‘i akinautolu e he Otua ki he loto kovi, ke fai ae gaahi mea koia oku ikai gali; Kuo fakafonu aki ae taemaonioni kotoabe, moe feauaki, moe agakovi, moe manumanu, moe fakafajifaji; o fonu i he meheka, moe fakabo, moe feiteitani, moe kākā, moe fajituu; Koe kau fefanafanahi kovi, moe kau fakakovi, moe kau fehia ki he Otua, moe fakamalohi, moe laukau, moe kau bolebole, moe kau fakatubu oe gaahi mea kovi, moe talagataa ki he mātua: Koe taeboto, koe kau maumau fuakava, mo taema‘u ae ofa fakafeo-foofani koe agafakamolokau, moe taemanavaofa: Akinautolu oku nau ilo ae tuutuuni ae Otua, kuo totonu ke mate akinautolu oku fai ae gaahi mea behe, bea oku ikai ke gata i he e nau fai behe be, ka oku nau kau malie foki mo kinautolu oku fai ia.

Ka oku tau ilo bau oku tāu moe fai totonu ae fakamāu ae Otua kiate kinautolu oku fai ae gaahi mea behe. Bea ko koe, e tagata, oku ke fakamāu‘i akinautolu oku fai ae gaahi mea behe, ka oku ke fai behe be ekoe, oku ke mahalo te ke hao koe mei he fakamāu ae Otua? Be oku ke loto manuki ki he lahi faufau o ene agalelei, moe faa kataki, moe kataki ofa; o ikai te ke ilo koe agalelei ae Otua koe mea ke tataki koe ki he fakatomala? Ka i ho loto fefeka moe taefakatomala, oku ke fokotuu ai maau ae houhau ki he aho oe houhau, moe fakaha oe fakamāu totonu ae Otua; Aia te ne atu ai ki he tagata taki taha o fakatatau ki he ene gaahi gaue: Koe moui taegata kiate kinautolu oku kumi ki he ogoogo lelei, moe hakeaki‘i, moe moui taemate, i he fakakukafi mau ai be i he fai lelei: Ka koe mamahi moe houhau kiate kinautolu oku agatuu, bea ikai talagofua ki he mooni, kae talagofua ki he taemaonioni, Koe tautea moe feiga ki he laumalie oe tagata kotoabe oku fai kovi, o muomua ki he Jiu, bea ki he Jenitaile foki; Ka koe ogoogo lelei, moe hakeaki‘i, moe fiemalie, ki he tagata kotoabe oku fai lelei, o muomua ki he Jiu, bea ki he Jenitaile foki: He oku ikai i he Otua ha filifilimanako ki he tagata.

I he aho e fakamāu ai e he Otua ia Jisu Kalaisi ae gaahi mea fufu i he kakai, o fakatatau ki he eku ogoogolelei.

O hage koia kuo tohi, Oku ikai ha toko taha oku maonioni, oku ikai aubito ha taha: Oku ikai ha taha oku ne ilo‘i, oku ikai ha taha oku kumi ki he Otua.

Bea oku ikai ha manavahe ki he Otua i ho nau ao. Koeni, oku tau ilo koia kotoabe oku fakaha i he fono, oku fakaha ia kiate kinautolu oku moulaloa ki he fono: koeuhi ke mabuni ae gutu kotoabe, kae nofo a mamani kotoabe kuo halaia i he ao oe Otua.

Koia e ikai fakatonuhia‘i ha toko taha i hono ao e he gaahi gaue oe fono: he oku mei he fono ae ilo‘i oe agahala.

He kuo fai agahala kotoabe, bea tomui i he fakamalo mei he Otua. Bea oku fakatonuhia‘i koe ofa mataataatā be i he ene aloofa, koeuhi koe totogi huhui aia oku ia Kalaisi Jisu: Aia kuo fakaha atu e he Otua koe feilaulau fakalelei ia, i he tui ki hono taataa, koeuhi ke fakaha ene maonioni i he fakamolemole oe agahala kuo fai, koe mea i he faa kataki ae Otua;

Koia oku mau tuku bau eni, oku fakatonuhia‘i ae tagata e he tui, o tae kau ai ae gaahi gaue ae fono.

O behe, Oku monuia akinautolu kuo fakamolemolea e nau gaahi taemaonioni, bea kuo ufiufi e nau gaahi agahala.

Aia nae takuage koeuhi koe tau gaahi agahala, bea nae fokotuu hake ia koeuhi ko ho tau fakatonuhia.

Koe fakatonuhia akitautolu i he tui, oku tau ma‘u ai ae melino moe Otua, 2 moe fiefia i he e tau amanaki lelei, 8 koeuhi i ke fakalelei akitautolu i hono taataa, i he e tau nofo fakafili. 10 e ajili ai e tau moui hili hono fakalelei akitautolu. 12 He nae hoko ae agahala moe mate ia Atama, 17 ka koe maonioni moe moui lahi hake aubito ia Jisu Kalaisi. 20 Koe tubulekina lahi hake aubito ae ofa i he lahiaga oe agahala. KOIA i he fakatonuhia‘i akitautolu e he tui, oku tau melino ai moe Otua i ho tau Eiki ko Jisu Kalaisi: Aia oku tau ma‘u ai foki ae huaga i he tui ki he monuia ni oku tau tuu ai, bea fiefia i he amanaki lelei ki he hakeaki‘i mei he Otua. Bea oku ikai ke gata ai, ka oku tau vikiviki i he gaahi mamahi foki: i he e tau ilo oku tubu mei he mamahi ae faa kataki; Bea mei he faa kataki, ae ilo; bea mei he ilo, ae amanaki lelei: Bea oku ikai fakama e he amanaki lelei; he koeuhi kuo liligi ae ofa ae Otua ki ho tau loto i he Laumalie Maonioni, aia kuo foaki kiate kitautolu.

Ka oku fakaha e he Otua ene ofa kiate kitautolu i he mea ni, lolotoga koe kau agahala akitautolu, ne bekia a Kalaisi maa tautolu. Bea ka koia, bea e ajili ae fakamoui o kitautolu mei he houhau iate ia, he kuo fakatonuhia‘i akitautolu i hono taataa. He kabau ne fakalelei akitautolu ki he Otua i he bekia a hono Alo, ka koe gaahi fili akitautolu, bea ta e ajili ho tau fakamoui i he ene moui, he kuo tau fakalelei. Bea oku ikai gata ai, ka oku tau fiefia foki i he Otua i ho tau Eiki ko Jisu Kalaisi, aia kuo tau ma‘u ai ae fakalelei.

Ka nae fakahu mai ae fono, bea tubulekina be ae agahala. Ka koia nae tubulekina ai ae agahala, kuo lahi aubito ai hono tubulekina oe ofa: Koeuhi ke hage koe bule ae agahala o a‘u ki he mate, ke behe ae bule oe ofa i he fakatonuhia o a‘u ki he moui taegata i ho tau Eiki ko Jisu Kalaisi.

BEA ka koia, bea te tau behe koeha? Te tau kei fai agahala kae tubu-laki ae ofa? E ikai aubito. E fefe e tau kei moui i he agahala ka kuo tau mate ki ai? Ikai oku mou ilo ko kitautolu kotoabe nae babitaiso kia Jisu Kalaisi, naa tau babitaiso ki he ene bekia?

Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou. He kabau kuo tau to fakataha mo ia i he tatau o ene bekia, te tau i he tatau foki o ene toetuu: O ilo eni, ko ho tau motua tagata kuo tamate‘i fakataha mo ia, koeuhi ke fakaauha ae jino oe agahala, koeuhi ke oua naa tau toe tauhi ae agahala. He ko ia oku mate, kuo movete ia mei he agahala.

He ko ia oku mate, kuo movete ia mei he agahala. Koeni, kabau oku tau mate fakataha mo Kalaisi, oku tau tui te tau moui fakataha foki mo ia: I he e tau ilo kuo fokotuu a Kalaisi mei he bekia, bea e ikai toe bekia ia; e ikai toe bule‘i ia e he mate. He ko ene mate, koe mate tuo taha be koeuhi koe agahala: ka ko ene moui, koe moui ia ki he Otua. Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi.

Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi. Koia ke oua naa tuku ke bule ae agahala i ho mou jino mategofua, ke mou talagofua ki ai i hono gaahi holi. Bea oua naa mou atu ho mou gaahi kubu‘i jino koe mea gaue aki i he taemaonioni ki he agahala: kae atu akimoutolu ki he Otua, o tāu mo kinautolu kuo hao mei he mate, bea mo ho mou gaahi kubu‘i jino koe mea gaue aki i he maonioni ki he Otua. He koeuhi e ikai bule‘i akimoutolu e he agahala: he oku ikai te mou moulaloa ki he fono, ka ki he ofa.

Naa mou nofo koe kau tamaioeiki ki he agahala, kae fakafetai ki he Otua, i hoo mou talagofua mei he loto ki he aga oe akonaki nae atu kiate kimoutolu. Koia koe mea i he fakatauataina mei he agahala, kuo mou hoko ai o talagofua ki he maonioni. Oku ou lea o hage be koe tagata, koe mea i he vaivai o ho mou kakano: o hage naa mou tukuage ho mou gaahi kubu‘i jino koe kau tamaioeiki ki he aga fakalielia, bea moe fai agakovi ke fai kovi; ke behe eni hoo mou tuku atu ho mou gaahi kubu‘i jino koe kau tamaioeiki ki he agatonu ke fai maonioni.

Ka koeni, i hono fakatauataina akimoutolu mei he agahala, bea hoko koe kau tamaioeiki ki he Otua, kuo ai ho mou fua koe maonioni, bea ko hono gataaga koe moui taegata. He koe totogi oe agahala koe mate; ka koe moui taegata koe foaki ofa ia ae Otua ia Jisu Kalaisi ko ho tau Eiki.

He nae lolotoga e tau i he aga fakakakano, koe gaahi holi oe agahala, aia nae mei he fono, ne gaue ia i ho tau gaahi kubu‘i jino, ke fakatubu ae fua ki he mate. Ka koeni, kuo fakahaofi akitautolu mei he fono, he kuo mate ia ne tau moua ki ai; koeuhi ke tau tauhi i he fakafoou oe loto, kae ikai i he matai tohi kuo motua.

Ka koe agahala, i he ene mea gaue aki ae fono, ne fakatubu iate au ae gaahi holi kovi kotoabe. He nae mate ae agahala i he ikai ai ae fono.

He oku tau ilo oku fakalaumalie ae fono: ka oku ou fakakakano, kuo fakatau au ke moulaloa ki he agahala. He koia oku ou fai, oku ikai teu loto ki ai: bea koia oku ou loto ki ai, koia oku ikai teu fai; ka koia oku ou fehia ki ai, koia ia oku ou fai. Bea kabau oku ou fai aia oku ikai teu loto ki ai, oku ou fakamooni ki he fono oku lelei ia. Bea koeni, oku ikai ko au oku kei fai ia, ka koe agahala oku ne nofoia au. He oku ou ilo oku ikai ha mea lelei e nofoia au i hoku kakano: oku iate au ae loto fiefai; ka ko hono mafai o ia oku lelei oku ikai teu ilo‘i. He koe lelei oku ou loto ki ai, oku ikai teu fai: ka koe kovi oku ikai teu loto ki ai, koia ia oku ou fai. Bea koeni, kabau oku ou fai aia oku ikai teu loto ki ai, bea oku ikai ko au be oku kei fai ia, ka koe agahala oku ne nofoia au.

Koia oku ou ilo‘i ha fono iate au, koeuhi o kau ka fie fai lelei, oku ofi kiate au ae kovi. He oku malie ae tagata i loto iate au i he fono ae Otua: Ka oku ou mamata ki he fono e taha i hoku gaahi kubu‘i jino, oku ne tau‘i ae fono o hoku loto, mo ne fakabobula‘i au ki he fono oe agahala aia oku i hoku gaahi kubu‘i jino. Oiaue, ko au, koe tagata malaia! kohai te ne fakamoui au mei he jino oe mate ni? Oku ou fakafetai ki he Otua ia Jisu Kalaisi ko ho tau Eiki. Bea koeni, oku ou tauhi e au aki ae loto ae fono ae Otua; ka koe fono oe agahala aki ae kakano.

BEA koia oku ikai ai ha fakamalaia kiate kinautolu oku ia Kalaisi Jisu, akinautolu oku ikai ke muimui ki he kakano, ka ki he Laumalie. He koe fono oe Laumalie oe moui ia Kalaisi Jisu, kuo ne fakatauataina au mei he fono oe agahala moe mate. He koia nae ikai mafai e he fono, koe mea i hono vaivai i he kakano, kuo fai e he Otua, i he ene fekau hono Alo oona i he tatau oe kakano agahala, bea koe feilaulau ki he agahala, bea ne fakavaivai ae agahala i he kakano: Koeuhi ke fakamooni ki he maonioni oe fono ekitautolu, oku ikai ke muimui ki he kakano, ka ki he Laumalie. He ko kinautolu oku oe kakano, oku nau tokaga ki he gaahi mea oe kakano; ka ko kinautolu oku oe Laumalie, ki he gaahi mea oe Laumalie. He koe loto fakakakano, koe mate ia; ka koe loto fakalaumalie, koe moui ia moe melino. Koeuhi koe loto fakakakano, koe taufehia ia ki he Otua: he oku ikai ke moulaloa ia ki he fono ae Otua, bea oku ikai aubito faa fai ke behe. Koia ko kinautolu oku i he kakano, oku ikai te nau faa fai ke fiemalie ae Otua.

Ka oku ikai i he kakano akimoutolu, ka i he Laumalie, o kabau oku nofoia akimoutolu e he Laumalie oe Otua. Bea koeni, kabau oku ikai ma‘u e ha tagata ae Laumalie o Kalaisi, oku ikai aana ia. Bea kabau oku nofoia akimoutolu e Kalaisi, bea kuo mate mooni ae jino, koe mea i he agahala; kae moui ae laumalie, koe mea i he maonioni. Bea kabau oku nofoia akimoutolu e he Laumalie o ia naa ne fokotuu a Jisu mei he bekia, bea ko ia naa ne fokotuu a Kalaisi mei he bekia, te ne fakaake foki mo ho mou jino mategofua aki hono Laumalie oku nofoia akimoutolu.

Koia, e kaiga, koe kau fai totogi akitautolu, kae ikai ki he kakano, ke tau moui ki he kakano. He kabau te mou moui ki he kakano, te mou mate: ka oka mou ka tamate‘i ae gaahi aga oe kakano aki ae Laumalie, te mou moui. He ko kinautolu oku takiekina e he Laumalie oe Otua, koe gaahi foha akinautolu oe Otua. He oku ikai ke ma‘u ekimoutolu ae laumalie oe bobula, ke mou toe manavahe; ka kuo mou ma‘u ae Laumalie oe ohi, aia oku tau tagi ai, Aba, Tamai. Bea oku fakamooni e he Laumalie be koia mo ho tau laumalie, koe fānau ae Otua akitautolu: Bea kabau koe fānau, bea ta koe kau hoko; koe kau hoko ki he Otua, bea koe kau hoko fakataha mo Kalaisi; o kabau te tau mamahi mo ia, koeuhi ke tau ma‘u ae hakeaki‘i fakataha mo ia.

He oku ou behe, oku ikai gali ke fakatatau ae gaahi mamahi oe moui ni ki he nāunāu aia e fakaha kiate kitautolu. He koe holi lahi oe mamani, oku tatali ia ki he fakaha ae fānau ae Otua.

Ko ia ia nae ikai te ne mamae ki hono Alo oona, ka ne tukuage ia koeuhi ko kitautolu kotoabe, bea fefe, e ikai te ne foaki fiemalie foki mo ia ae gaahi mea kotoabe kiate kitautolu? Kohai te ne talalaaki‘i ae kakai kuo fili e he Otua? Koe Otua ia oku ne fakatonuhia‘i. Kohai ia oku ne fakahalaia? Ko Kalaisi ia nae bekia, io, bea kuo toe tuu hake, aia oku i he nima toomatau oe Otua, bea oku ne fai ae hufekina foki maa tautolu. Kohai te ne fakamavae akitautolu mei he ofa a Kalaisi? Ae mahaki, be koe mamahi, be koe fakataga, be koe hoge, be koe telefua, be koe tuutamaki, be koe heleta? O hage koia kuo tohi, Koeuhi ko koe oku tamate‘i akimautolu i he aho kotoabe; bea lau akimautolu o hage koe faga sibi ki he tamate‘i. Ka i he gaahi mea ni kotoabe oku tau ikuna bea malohi lahi iate ia nae ofa kiate kitautolu.

He nae behe eia kia Mosese, Teu aloofa kiate ia oku ou loto ke aloofa ki ai, bea teu agaofa kiate ia oku ou loto keu agaofa ki ai. Bea koia, oku ikai meiate ia oku loto, be meiate ia oku lele, kae mei he Otua oku fakaha ae aloofa.

He koe mea i he e nau taeilo ki he fakatonuhia‘i e he Otua, naa nau alu fano ke fokotuu mau ae maonioni anautolu, kuo ikai ai ke fakavaivai akinautolu ki he fakatonuhia mei he Otua. He koe fakahaohaoa oe fono a Kalaisi ki he fakatonuhia kiate kinautolu kotoabe oku tui.

Koeuhi kabau te ke fakaha aki ho gutu ae Eiki ko Jisu, bea ke tui i ho loto kuo fokotuu ia e he Otua mei he mate, e fakamoui koe. He oku tui ae tagata aki ae loto ki he fakatonuhia; bea oku fakaha aki ae gutu ae fakamoui. He oku behe ae tohi, Ko ia ia e tui kiate ia, e ikai ma ia. He oku ikai ha fai kehekehe ki he Jiu moe Kiliki: he koe Eiki be ko ia oe kakai kotoabe oku mohu agalelei ki he kakai kotoabe oku ui kiate ia. He ko ia ia e ui ki he huafa oe Eiki, e fakamoui ia.

Koia, oku mei he fanogo ae tui, moe fanogo mei he folofola ae Otua.

Ka koeha ae folofola nae tali aki ia e he Otua? Kuou fakatoe kiate au ae kau tagata e toko fitu afe, kuo ikai te nau tuulutui kia Beali. Bea koeni, oku behe foki i he kuoga ni, oku ai ae toega o fakatatau ki he fili i he ofa.

He kabau nae ikai mamae ae Otua ki he gaahi vaa totonu, vakai naa ikai te ne mamae kiate koe. Koia vakai ki he agalelei moe houhau oe Otua: koe houhau kiate kinautolu nae higa; ka koe agalelei kiate koe, o kabau te ke tuu mau i he agalelei: ka ikai, bea e motuhi ai foki mo koe.

He ko eku fuakava eni mo kinautolu, okau ka ave e nau gaahi agahala.

Koe gaahi agaofa ae Otua oku totonu ene ue‘i akitautolu ke tau ofa kiate ia. 3 Oua naa mahalo lelei lahi e ha tagata kiate ia, 6 kae tokaga na tagata kotoabe ki he faiva koia kuo tuku ia ki ai. 9 Oku totonu ke ai ae ofa moe gaahi gaue kehekehe iate kitautolu. 19 Oku taofi totonu ae fakafajifaji. KOENI, e kaiga, oku ou kole ai kiate kimoutolu, koe mea i he gaahi aloofa ogogofua ae Otua, ke mou atu ho mou jino koe feilaulau moui, mo maonioni, mo lelei ki he Otua, aia koe gaue oku tāu mo kimoutolu ke fai. Bea oua naa fakatatau akimoutolu ki he mamani: ka ke matuaki liliu akimoutolu i he fakafoou o ho mou loto, koeuhi ke mou ilo bau ae finagalo koia oe Otua, a hono lelei, mo hono aoga, mo hono haohaoa.

Oua naa ikuna koe e he kovi, kae ikuna ae kovi aki ae lelei.

Bea ajili be i hoo mou ilo ae kuoga, kuo hokojia aubito ae feituulaa ke a ai mei he mohe: he oku ofi lahi eni ho tau fakamoui, i he e tau tomua tui.

Ka ke ai ekimoutolu ae Eiki ko Jisu Kalaisi, bea oua naa tokonaki ma ae gaahi holi oe kakano.

Ka koeha oku ke fakamāu ai ho tokoua? bea koeha oku ke manuki ai ki ho tokoua? he te tau tutuu kotoabe i he fakamāuaga o Kalaisi. He kuo tohi, Oku behe e he Eiki, Ko au oku ou moui, e beluki ae tui kotoabe kiate au, bea e vete ae elelo kotoabe ki he Otua. Koia te tau fakamatala atu taki taha kotoabe ia ki he Otua.

Bea koeni, ofa ke fakafonu akimoutolu e he Otua oe amanaki lelei, aki ae fiefia moe melino i he tui, koeuhi ke mou mohu amanaki lelei, i he malohi oe Laumalie Maonioni.

Aia te ne fakatuu mau akimoutolu foki o a‘u ki he gataaga, koeuhi ke mou taehala i he aho o ho tau Eiki ko Jisu Kalaisi.

He koe malaga aki ae akau nae tutuki ia ki ai koe vale ia kiate kinautolu oku malaia: ka koe malohi ia oe Otua kiate kitautolu kuo fakamoui.

Ke oua naa vikiviki ha toko taha i hono ao. Ka koe mea iate ia oku mou ia Kalaisi Jisu, aia kuo hoko ai ia mei he Otua kiate kitautolu, koe boto, moe fakatonuhia, moe maonioni, moe huhui:

Ikai oku mou ilo koe fale tabu oe Otua akimoutolu, bea oku nofoia akimoutolu e he Laumalie oe Otua? Kabau e maumau e ha taha ae fale tabu oe Otua, e maumau ia e he Otua; he koe fale tabu oe Otua oku maonioni, bea koe fale tabu koia akimoutolu.

Ka kuou tohi eni kiate kimoutolu, ka ai ha taha oku ui koe kaiga, ka oku feauaki, be manumanu, be tauhi tamabua, be koe manuki, be koe kona, be koe fakamalohi; oua naa fakataha mo ha taha behe, bea oua naa kai mo ia. He kohai au keu fakamāu akinautolu oku ituaa? ikai oku mou fakamāu akinautolu oku i lotoa be? Ka ko kinautolu oku ituaa oku fakamāu‘i e he Otua. Koia ke tukuage iate kimoutolu ae tagata agahala koia.

Ikai oku mou ilo, e ikai hoko e he tae fai totonu ki he buleaga oe Otua? Oua naa kākā‘i akimoutolu: koe kau feauaki, moe kau tauhi tamabua, moe kau tonofefine, moe kau moui fakafiemalie, moe kau fefai fakalieliaaki iate kinautolu, Moe kau kaihaa, moe manumanu, moe kau faa kona, moe kau lea kovi, moe kau fakamalohi, e ikai te nau lava‘i ae buleaga oe Otua. Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

Buna mei he feauaki. Koe agahala fulibe oku fai e he tagata, oku itua i he jino, ka ko ia oku fai feauaki, oku fai agahala ia ki hono jino oona. Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu? He kuo fakatau akimoutolu aki ae totogi: koia ke fakaogolelei ae Otua i ho mou jino, bea i ho mou laumalie, aia oku oe Otua.

Oku ikai aoga ae kamu, bea oku ikai aoga ae taekamu, ka koe fai oe gaahi fekau ae Otua.

Kuo fakatau akimoutolu aki ae totogi: oua naa mou tamaioeiki ki he tagata.

Bea oua naa tau fai feauaki, o hage koe fai e ho nau niihi, bea to ai i he aho be taha ae toko ua mano moe toko tolu afe. Bea oua naa tau ahiahi kia Kalaisi, o hage koe ahiahi o ho nau niihi, bea tamate‘i akinautolu aki ae faga gata. Bea oua naa mou lāuga, o hage koe lāuga a ho nau niihi, bea nau auha i he fakaauha. Bea nae hoko ae gaahi mea ni kotoabe kiate kinautolu koe gaahi fakailoga: bea kuo tohi ia ko ho tau akonaki‘i, akitautolu kuo hoko ki ai hono gataaga oe kuoga. Bea ko ia oku mahalo oku ne tuu, ke vakai telia naa higa ia.

Oku ikai ha ahiahi e to kiate kimoutolu ka koia oku faa hoko ki he tagata: ka oku mooni ae Otua, bea e ikai te ne tuku ke lahi hono ahiahi‘i akimoutolu i he mea te mou faa fai; ka i he ahiahi e tofa foki eia ae hala ke hao ai koeuhi ke mou faa kataki ia.

He kuo tau babitaiso kotoabe i he Laumalie be taha ki he jino be taha, be ko ha kakai Jiu be ko ha kakai Jenitaile, ko ha bobula be ha tauataina; bea nae fakainu akitautolu kotoabe ki he Laumalie be taha.

He koe uluaki oe mea naaku aau atu kiate kimoutolu, aia naaku ma‘u foki, Koe bekia a Kalaisi i he e tau gaahi agahala, o fakatatau ki he gaahi tohi; Bea nae fai ia, bea nae toetuu hake ia i hono tolu oe aho, o fakatatau ki he gaahi tohi:

Oua naa kākāia akimoutolu: koe gaahi talanoa kovi oku fakahala‘i ae gaahi aga oku lelei. A hake ki he maonioni, bea oua naa fai agahala; ke oku teeki ma‘u e he niihi ae ilo‘i ae Otua: oku ou lea aki ia ko hoo mou fakama.

Koe huhu oe mate koe agahala; bea koe malohi oe agahala koe fono.

Bea kabau kuo fakabulou e mau ogoogolelei, kuo fakabulou ia kiate kinautolu oku malaia: Akinautolu kuo fakakui ho nau loto taetui e he otua o mamani, telia naa ulo mai kiate kinautolu ae māma oe ogoogolelei fakamonuia o Kalaisi, aia ko hono tatau oe Otua.

O fafa fano mau ai be i ho mau jino ae mate a ho tau Eiki ko Jisu, koeuhi ke fakaha ai foki ae moui a Jisu i ho mau jino. He ko kimautolu oku moui, oku tukuage mau ai be ki he mate koeuhi ko Jisu, koeuhi ke fakaha ai foki ae moui a Jisu i ho mau kakano mategofua.

He ko ho mau mamahi maamaa ni, aia oku ojigofua, oku fakatubu maa mautolu ae lelei oku lahi hake faka-manavahe aubito aubito bea mamafa mo taegata; Kae ikai i he e mau jiofia ae gaahi mea oku ha mai, ka koe gaahi mea oku ikai ha mai: he koe gaahi mea oku ha mai, oku ojigofua; ka koe gaahi mea oku ikai ha mai, oku taegata ia.

He kuo bau e fakaha akitautolu kotoabe i he ao oe nofoaga fakamāu o Kalaisi; koeuhi ke ma‘u taki taha kotoabe ae gaahi mea o fakatatau ki he mea naa ne fai i he jino, be ko ha lelei ia be ko ha kovi.

Bea nae bekia ia ma ae kakai kotoabe, koeuhi ko kinautolu oku moui, ke oua naa nau toe moui kiate kinautolu, ka kiate ia nae bekia maa nautolu, bea toe tuu hake.

Koia kabau oku ia Kalaisi ha taha, koe takatubu foou ia: kuo mole atu ae gaahi mea motua; vakai, kuo hoko o foou ae gaahi mea kotoabe.

Bea koeni, koe kau faifekau akimautolu koeuhi ko Kalaisi, o hage oku fakakolekole ae Otua iate kimautolu: oku mau kole koe fetogi o Kalaisi, mou fakalelei moe Otua. He naa ne gaohi ia, aia nae ikai haane agahala, koe feilaulau i he agahala koeuhi ko kitautolu; kae hoko ai akitautolu koe maonioni ae Otua iate ia.

(He oku behe eia, Kuou ogo‘i koe i he kuoga tuutuumalie, bea i he aho fakamoui kuou tokoni‘i koe: vakai, ko eni ae kuoga tuutuumalie; vakai, ko eni ae aho oe fakamoui.)

Oua naa mou kau fakataha moe kakai taetui: he oku feohi fefe ae maonioni moe taemaonioni? bea oku feohi fefe ae māma moe bouli?

Oku behe e he Eiki, Koia mou ha‘u meiate kinautolu, bea ke ataatā akimoutolu, bea oua naa ala ki he taemaa; bea teu ma‘u akimoutolu: Oku behe e he Eiki Mafimafi, Teu iate kimoutolu koe Tamai, bea ko hoku gaahi foha moe gaahi ofefine akimoutolu.

KOIA, e kaiga ofeina, i he e tau ma‘u ae gaahi talaofa ni, ke tau fakamaa akitautolu mei he uli kotoabe oe kakano moe laumalie, o fakahaohaoa ae maonioni i he manavahe ki he Otua.

Ka koeni, oku ou fiefia, oku ikai i ho mou fakamamahi, ka i ho mou mamahi ki he fakatomala: he naa mou mamahi o tāu moe Otua, ke oua naa mou majiva i ha mea e taha iate kimautolu. He koe mamahi oku tāu moe Otua oku ne lagaki ae fakatomala ki he fakamoui, e ikai toe fakatomala ai: ka koe mamahi fakamama, oku ne lagaki ae mate. Vakai eni ki he mea ni be, a hoo mou mamahi o tāu moe Otua, ki he faa fai naa ne fakatubu iate kimoutolu, io, ae fakaataatā okimoutolu, ae fakai-seisa, ae manavahe, ae holi lahi, io, ae fai feiga, ae tautea! kuo mou fakaha aki ia kotoabe a hoo mou ataatā i he mea ni.

Bea i he fakamooni oe tokoni ni, oku nau fakamalo ki he Otua i hoo mou talagofua oku fakaha ni ki he ogoogolelei a Kalaisi, bea i hoo mou tufaki lahi kiate kinautolu, bea ki he kakai kotoabe;

He oku ou manavahe, telia i he eku hoko atu, e ikai teu ilo akimoutolu o tāu mo hoku loto, bea te mou ilo‘i au o taetāu mo ho mou loto: telia naa oku ai ae fakakikihi, ae femehekaaki, ae feiteitani, ae fekeikei, ae felauiaki, ae fefanafanahi, ae fakamofutofuta, ae maveuveu: Bea telia naa i he eku toe hoko atu e fakavaivai‘i au e hoku Otua iate kimoutolu, bea teu tagilaulau i he toko lahi kuo nau fai agahala bea oku teeki ai ke nau fakatomala i he gaue uli moe feauaki moe agafakalielia aia kuo nau fai.

Eke kiate kimoutolu, be oku mou i he tui; ahiahi‘i akimoutolu. Ikai oku mou ilo, oku nofoia akimoutolu e Jisu Kalaisi, o kabau kuo ikai ahiahi‘i me jiaki akimoutolu?

Oku tau ilo oku ikai fakatonuhia ha tagata e he gaahi gaue oe fono, ka i he tui a Jisu Kalaisi, kuo tau tui kia Jisu Kalaisi, koeuhi ke fakatonuhia akitautolu e he tui a Kalaisi, kae ikai i he gaahi gaue oe fono: he oku ikai fakatonuhia‘i ha toko taha e he gaahi gaue oe fono.

Kuo tutuki au ke mate o hage ko Kalaisi: ka oku ou moui; ka oku ikai ko au, ka ko Kalaisi oku moui iate au: bea ko eku moui eni i he kakano, oku ou moui i he tui ki he Alo oe Otua, aia nae ofa kiate au, o ne foaki ia eia koeuhi ko au.

Nae huhui akitautolu e Kalaisi mei he malaia oe fono, ko ene hoko koe malaia koeuhi ko kitautolu: he kuo tohi, Oku malaia kotoabe oku tautau ki he akau:

Bea koia ko ho tau takiaki‘i ae fono kia Kalaisi, koeuhi ke fakatonuhia akitautolu e he tui.

He ko kimoutolu kotoabe kuo babitaiso kia Kalaisi, kuo mou ai a Kalaisi.

Ka i he hokojia mai hono kakato oe kuoga, nae tuku atu ai e he Otua hono Alo, ke fanau‘i e he fefine, bea fanau‘i ia o moulaloa i he fono, Ke huhui akinautolu nae moulaloa ki he fono, koeuhi ke tau ma‘u ai ae ohi oe gaahi foha.

Ka oku ou behe, Mou aeva i he Laumalie, bea e ikai te mou fai ai ki he holi oe kakano. He oku holi tuu ae kakano ki he Laumalie, moe Laumalie ki he kakano: bea oku fai kehekehe akinaua ni, koe taha ki he taha: koia oku ikai ai te mou faa fai aia oku mou loto ki ai. Kabau oku takiekina akimoutolu e he Laumalie, oku ikai te mou moulaloa ki he fono.

Bea oku ha mai ae gaahi gaue ae kakano, ko eni ia; Koe tono fefine, moe feauaki, moe taemaa, moe fakalielia, Moe tauhi tamabua, moe fie mana, moe taufehia, moe fekeikei, moe fefie-lahiaki, moe lili, moe feiteitani, moe mavahevahe, moe gaahi he, Moe femehekaaki, moe fefaka-boaki, moe faa kona, moe gaahi katoaga kai, moe gaahi mea behe ni: aia oku ou tomua tala ni kiate kimoutolu, o hage ko eku tala i he kuoga kuo hili, ko kinautolu oku fai ae gaahi mea behe, e ikai te nau lava‘i ae buleaga oe Otua.

Ka koe fua oe Laumalie, koe ofa, moe fiefia, moe melino, moe kataki fuoloa, moe agavaivai, moe agalelei, moe tui, Moe agamalu, moe taekona: bea oku ikai ha fono ke taofi eni.

Bea ko kinautolu oku a Kalaisi, kuo nau tutuki ki he akau ae kakano mo hono gaahi ofa mo hono gaahi holi. Kabau oku tau moui i he Laumalie, ke tau aeva foki i he Laumalie.

Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki. He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

He oku ikai aoga jii ia Kalaisi Jisu ae kamu, be ae taekamu, ka koe faka-foou.

Fakafetai ki he Otua koe Tamai a ho tau Eiki ko Jisu Kalaisi, aia kuo ne tabuaki aki akitautolu ae gaahi tabuaki fakalaumalie kotoabe i he gaahi botu fakalagi ia Kalaisi: O fakatatau ki he ene fili akitautolu iate ia i he teeki ai fakatubu a mamani, koeuhi ke tau maonioni mo taehalaia i hono ao i he ofa: Aia naa ne tuutuuni akitautolu ki he ohia oe fānau kiate ia ia Jisu Kalaisi, o fakatatau ki he agaofa o hono finagalo, Ke ai ha fakafetai i he ene ofa ogoogo lelei, aia kuo ne ma’u ai akitautolu i he Ofeina. Aia oku tau ma’u ai ae huhui i hono taataa, koe fakamolemole oe gaahi agahala, o fakatatau mo hono lahi aubito o ene ofa; Aia kuo ne fonu lahi aubito ai kiate kitautolu, i he boto kotoabe moe ilo-ilo;

Aia kuo mau ma’u ai foki ae tofia, he kuo ne tuutuuni akimautolu o fakatatau ki he faiteliha o ia oku fai ae gaahi mea kotoabe o fakatatau ki he boto o hono finagalo. Koeuhi ke ogoogo lelei ene agalelei iate kimautolu nae tomua falala kia Kalaisi, Mo kimoutolu foki, i he hili hoo mou fanogo ki he folofola oe mooni, koe ogoogolelei o ho mou fakamoui: aia foki i hoo mou tui, nae fakailoga aki akimoutolu ae Laumalie Maonioni oe talaofa, Aia koe fakamooni ia o ho tau tofia, kae oua ke huhui ae tofia kuo fakatau, ke fakaogolelei ai ene agalelei.

BEA ko kimoutolu, naa mou mate i he gaahi talagataa moe agahala; Aia naa mou aeva ai i mu’a o fakatatau ki he aluga oe mamani, o tāu moe eiki oe malohi oe atā, ae laumalie oku gaue ni i he fānau talagataa: Aia naa tau fai fakataha ai kotoabe i mu’a, i he gaahi holi kovi a ho tau kakano, o fai ki he gaahi holi oe kakano moe loto; bea i he ulugaaga koe fānau oe houhau, o hage koe kakai kotoabe. Ka koe Otua, aia oku mohu aloofa, i he ene ofa lahi naa ne ofeina ai akitautolu, Io, lolotoga e tau mate i he gaahi agahala, kuo ne fakamoui akitautolu fakataha mo Kalaisi, (kuo mou moui i he ofa;) Bea kuo ne fokotuu hake fakataha, o ne fakanofo akitautolu i he gaahi botu fakalagi ia Kalaisi Jisu: Koeuhi i he gaahi kuoga e ha’u ke ne fakaha hono lahi aubito aubito o ene ofa i he ene agalelei kiate kitautolu ia Kalaisi Jisu. He oku mou moui i he ofa be i he tui; bea oku ikai meiate kimoutolu ia: ka koe foaki ae Otua: Oku ikai i he gaahi gaue, telia naa bolebole ai ha tagata. He ko ene gaue akitautolu, kuo fakatubu ia Kalaisi Jisu ki he gaahi gaue lelei, aia kuo tomua tuutuunie he Otua ke aeva ai akitautolu.

Bea koe mea i he ulugaaga motua, ke mou jiaki ae tagata motua, aia oku fakalielia, bea tatau moe gaahi holi kovi fakakākā; Bea ke fakafoou akimoutolu i he tefito o ho mou loto; Bea ke ai ekimoutolu ae tagata foou, aia oku fakatubu ke tatau moe Otua i he agatonu moe maonioni mooni.

Bea oua naa fakamamahi ki he Laumalie Maonioni oe Otua, aia kuo fakailoga aki akimoutolu ki he aho oe huhui.

Kae feagaleleiaki akimoutolu kiate kimoutolu, o manavaofa, o fefakamolemoleaki akimoutolu, o hage koe fakamolemolea akimoutolu e he Otua koeuhi ko Kalaisi.

Ka koe feauaki, moe uli kotoabe, moe manumanu, ke oua naa lea tuo taha ki ai iate kimoutolu, o hage koia oku tāu moe kaiga maonioni; Bea koe fakalielia, moe talanoa launoa, moe fie gutuhua, aia oku ikai lelei: kae lelei lahi ae fakafetai. He oku mou ilo eni, oku ikai ha feauaki, be ha taha uli, be ha tagata manumanu, aia koe tauhi tamabua, te ne ma‘u ha tofia i he buleaga o Kalaisi moe Otua. Oua naa kākā‘i akimoutolu e ha toko taha aki ae gaahi lea launoa: he koeuhi koe gaahi mea ni oku hoko ai ae houhau oe Otua ki he fānau talagataa.

Koeuhi ke ne fakatabu‘i mo fakamaa ia i he fufulu oe vai i he folofola, Koeuhi ke ne atu ia kiate ia koe jiaji kuo teuga lahi, bea ikai hano ila, be ha feufeu, be ha mea behe e taha; ka koeuhi ke maonioni bea tae hano mele.

Oku ou ilo bau ae mea ko eni, koeuhi ko ia kuo ne kamata ae gaue lelei iate kimoutolu, te ne fakahaohaoa ia o a‘u ki he aho o Jisu Kalaisi:

O fakatatau ki he eku holi lahi moe amanaki lelei, ke oua naa ai ha mea teu ma ai, ka i he fai malohi lahi, ke hage koia i mu‘a, ke behe eni foki, ae fakaogolelei a Kalaisi i hoku jino, i he moui, be i he mate. He koe moui kiate au ko Kalaisi ia, ka e aoga lahi ae mate.

He kuo tuku kiate kimoutolu koeuhi ko Kalaisi, ke oua naa gata i he tui be kiate ia, ka ke mou mamahi foki koeuhi ko ia;

Koia, e hoku kaiga ofeina, o hage ko hoo mou talagofua mau ai be, o ikai i hoku ao be, kae lahi aubito eni i he eku mamao, mou gaue ke lava‘i hoo mou moui a moutolu i he manavahe moe tetetete.

He koe kamu akitautolu, oku tauhi ki he Otua i he laumalie, mo fiefia ia Kalaisi Jisu, bea oku ikai ke tau falala ki he kakano.

(He oku aeva ae toko lahi, akinautolu kuo liuga lahi eku lea ai kiate kimoutolu, bea oku ou toe lea ai eni mo tagi, koe kau fili akinautolu ki he akau o Kalaisi: Ko ho nau gataaga koe auha, oku nau otua aki ho nau kete, o vikiviki i he mea fakama, o nau moua ki he mea fakamama.) He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi: Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.

Oku ou faa fai ae gaahi mea kotoabe ia Kalaisi oku ne fakamalohi‘i au.

Aia kuo ne fakamoui akitautolu mei he malohi oe bouli, bea kuo ne hiki akitautolu ki he buleaga o hono Alo ofaaga: Aia oku tau ma‘u ai ae huhui i hono taataa, koe fakamolemole oe gaahi agahala:

Bea ko kimoutolu, nae āuhe koe gaahi fili i mu‘a i loto i he gaahi gaue kovi, ka ko eni kuo ne fakalelei I he jino o hono kakano, i he mate, koeuhi ke ne atu akimoutolu oku mou maonioni mo taemele mo taevalokiia i hono ao:

Aia nae kamu ai foki akimoutolu i he kamu tae fai e he nima, i he jiaki oe jino oe gaahi agahala fakakakano i he kamu o Kalaisi: O tanu mo ia i he babitaiso, aia kuo mou toe tuu ai mo ia i he tui oku mei he gaue ae Otua, aia kuo ne foko-tuu hake ia mei he bekia. Bea ko kimoutolu, nae mate i hoo mou gaahi agahala moe taekamu o ho mou kakano, kuo ne fakamoui fakataha mo ia, i he ene fakamolemole hoo mou gaahi agahala kotoabe;

Mou faa tokaga ki he gaahi mea i oluga, kae ikai ki he gaahi mea i mamani. He kuo mou mate, bea oku fufu hoo mou moui mo Kalaisi i he Otua. Oka fakaha mai a Kalaisi, koe tau mouiaga, te mou toki ha ai mo ia foki i he nāunāu.

Koia mou tamate‘i ho mou gaahi kubu oku i mamani; koe feauaki, moe gaue uli, moe fakalielia, moe holi kovi, moe manumanu, aia koe tauhi tama-bua: He koeuhi koe gaahi mea behe oku hoko ai ae houhau oe Otua ki he fānau talagataa: Aia naa mou aeva ai foki i mu‘a, i hoo mou moui ki ai. Ka koeni oku mou jiaki aeni kotoabe foki; ae ita, moe lili, moe fakafajifaji, moe kabekabe, moe lea uli mei ho mou gutu. Oua naa mou felohiaki, he kuo mou jiaki ae tagata motua mo ene gaahi gaue;

Koia ko kimoutolu, koe maonioni moe ofeina, mou ai, o tāu moe kakai fili ae Otua, ae manavaofa, moe agalelei, moe loto agavaivai, moe agamalu, moe kataki fuoloa; O fetoutou fekatakiaki be, mo fefakamolemoleaki be, o kabau oku ai ha taha oku koviia ia ki ha taha: o hage koe fakamolemole e Kalaisi akimoutolu, ke behe be akimoutolu. Bea ke ufiufi aki ae gaahi mea ni kotoabe ae ofa, aia koe noo oe haohaoa.

Ka ko ia oku fai taetotonu, te na ma‘u o hage koe taetotonu kuo ne fai i bea oku ikai ha filifilimanako ki he kakai.

Koeuhi ke ne fokotuu mau o taehalaia ho mou loto i he maonioni, i he ao oe Otua, koe tau Tamai, i he haele mai a ho tau Eiki ko Jisu Kalaisi mo ene kau maonioni kotoabe.

He koe finagalo eni oe Otua, ke mou maonioni, bea ke mou tabu mei he feauaki: Ke mou taki taha ilo ke tauhi hono ibu i he aga fakamaonioni, moe faka-abaaba;

He nae ikai tuutuuni akitautolu e he Otua ki he houhau, ka ke tau ma‘u ae fakamoui i ho tau Eiki ko Jisu Kalaisi.

Ahiahi‘i ae gaahi mea kotoabe; buke ke mau aia oku lelei. Taofi akimoutolu mei he matamata kovi kotoabe. Bea ofa ke fakamaonioni haohaoa akimoutolu e he Otua oe melino: bea ofa ke fakatologa taehalaia akimoutolu a ho mou laumalie kotoa, mo ho mou loto, mo ho mou jino, o a‘u ki he haele mai a ho tau Eiki ko Jisu Kalaisi.

Ka oku totonu e mau fakafetai mau ai be ki he Otua koeuhi ko kimoutolu, e kaiga ofeina i he Eiki, koeuhi kuo fili akimoutolu e he Otua talu mei he kamataaga ki he fakamoui i he fakamaonioni’i e he Laumalie, moe tui ki he mooni:

O ilo eni, nae ikai gaohi ae fono ki he tagata maonioni, ka ki he kau liaki fono, moe talagataa, moe taelotu, moe kau agahala, ki he taemaa, moe manuki, ki he kau tamate‘i oe tamai moe tamate‘i oe fa‘e, moe kau tamate‘i oe tagata, Ki he kau feauaki, kiate kinautolu oku fefakauliaki akinautolu moe kakai, ki he kau kaihaa tagata, ki he kau loi, ki he kau fuakava loi, bea moia kotoabe oku tuu kehe moe akonaki totonu;

Koe tala mooni eni, bea oku tāu moe kakai kotoabe ke ma‘u ia, nae haele a Kalaisi Jisu ki mamani ke fakamoui ae kakai agahala; bea ko hono fugani au. Ka koe mea ni naaku ma‘u ai ae aloofa, koeuhi ke fakaha atu e Jisu Kalaisi iate au, koe fugani, ae kataki ofa kotoabe, bea keu hoko koe fakai-loga kiate kinautolu e tui kiate ia amui ki he moui taegata.

Aia oku finagalo ke fakamoui ae kakai kotoabe, bea ke lava‘i ae ilo‘i oe mooni.

He oku taha be ae Otua moe faka-laloa be taha i he vahaa oe Otua moe kakai, koe tagata ko Kalaisi Jisu; Aia naa ne foaki eia ia koe totogi huhui ma ae kakai kotoabe, aia e fakamooni i hono kuoga totonu.

KA oku lea fakabatonu mai ae Laumalie, e he ae niihi mei he tui i he gaahi kuoga fakamui, o tokaga ki he gaahi laumalie fakahala, moe gaahi akonaki oe kau tevolo; I he malualoi o kinautolu oku lea loi; kuo hunuhunu ho nau atamai aki ae ukamea vela;

Bea koe gaahi mea ni ke ke fekau aki koeuhi ke nau taehalaia.

Ke ke tauhi ae fekau ni o taemele, bea taevalokia, o a‘u ki he fakaha mai a ho tau Eiki ko Jisu Kalaisi:

Koia ke oua naa ke ma koe ki he fakamooni a ho tau Eiki, be kiate au ko ene bobula: ka ke kau koe i he gaahi mamahi oe ogoogolelei o tāu moe malohi oe Otua; Aia kuo ne fakamoui o ne ui akitautolu i he uiui‘i maonioni, o ikai fakatatau moe tau gaahi gaue, ka oku fakatatau mo ene tuutuuni, moe aloofa aia nae foaki kiate kitautolu ia Kalaisi Jisu i he heeki ai tuu a mamani, Ka kuo ha eni i he fakaha a ho tau Fakamoui ko Jisu Kalaisi, aia kuo ne ikuna ae mate, bea kuo ne fakaha i he māma ae moui moe taemate i he ogoogolelei:

Koia oku ou faa kataki ai ae mea kotoabe koeuhi ko kinautolu kuo fili, koeuhi ke nau ma‘u foki ae fakamoui aia oku ia Kalaisi Jisu moe hakeaki‘i taegata. Koe tala mooni eni: He kabau kuo tau mate mo ia, te tau moui foki mo ia: Kabau oku tau faa kataki, te tau bule foki mo ia: kabau te tau liaki ia, te ne liaki akitautolu foki:

Ka oku tuu mau be ae tuuga oe Otua, oku i ai ae fakailoga ni, Oku ilo e he Eiki akinautolu oku aana; bea, Ke iloga ia oku ne hua aki ae huafa o Kalaisi, ke afe ia mei he agahia.

Bea oku ikai lelei ke fakakikihi ae tamaioeiki ae Eiki; ka ke agavaivai ia ki he kakai kotoabe, o faa ako, mo faa kataki, O akonekina i he agamalu akinautolu oku agatuu; hei ilo e foaki ai e he Otua kiate kinautolu ae fakato-mala ke nau tui ki he mooni; Bea nau fakahaofia akinautolu mei he tauhele ae tevolo, akinautolu kuo ne moua o fakabobula‘i ko ene faiteliha be.

Koeuhi e ofa ae kau tagata kiate kinautolu be, o manumanu, mo bole-bole, mo laukau, mo lea kovi, mo tala-gataa ki he mātua, mo taefakafetai, mo taemaonioni, O taema‘u ae ofa oku gali moe kaiga, o liaki ae lea fakababau, koe kau lohiaki, koe kau holi kovi, koe kau aga malohi, koe kau manuki kiate kinautolu oku lelei, Koe kau lavaki, o aga ohonoa, mo loto fielahi, koe kau ofa lahi hake ki he gaahi malie fakamama i he e nau ofa ki he Otua; Oku nau ma‘u hono geeji oe lotu, ka oku nau liaki a hono malohi: ke ke afe mei he kakai behe.

Io, bea ko kinautolu kotoabe oku loto ke moui aga faka-Otua kia Kalaisi Jisu, te nau ilo ae fakataga.

Oku foaki mai ae Tohitabu kotoabe i he fakamanava ae Otua, bea oku aoga ia ki he akonaki, moe valoki, moe fakatonutonu, moe fakaboto ki he maonioni: Koeuhi ke haohaoa ae tagata oe Otua, bea kakato hono teuteu ki he gaahi gaue lelei kotoabe.

Gata ai, kuo hilifaki mooku ae bale oe maonioni, aia e foaki mai kiate au i he aho koia e he Eiki, koe Fakamāu maonioni: bea ikai kiate au be, ka kiate kinautolu kotoabe foki oku ofa ki hono fakaha mai.

Bea e fakahaofi au e he Eiki mei he gaue kovi kotoabe, bea te ne fakamoui o a‘u ki hono buleaga i he lagi: ke iate ia ae ogoogo lelei o taegata bea taegata. Emeni.

I he amanaki lelei ki he moui taegata, aia nae fakailo e he Otua, aia oku ikai aubito loi, i he teeki ai tuu a mamani;

He koe aloofa ae Otua, aia oku ne omi ae fakamoui ki he kakai kotoabe, kuo ha mai ia, O ne akonekina akitautolu, ke jiaki ae aga taefaka‐Otua moe gaahi holi fakamama, ka tau moui aga fakabotoboto, mo maonioni, mo aga faka‐Otua, i he mamani; O tatali ki he amanaki fakamo-nuia koia, moe fakaha i he nāunāu oe Otua lahi, ko ho tau Fakamoui ko Jisu Kalaisi; Aia naa ne foaki eia ia koeuhi ko kitautolu, koeuhi ke ne huhui akitautolu mei he hia kotoabe, bea fakamaonioni ha kakai lelei lahi maana, oku fai velega ae gaahi gaue lelei.

Nae ikai i he gaahi gaue oe maonioni naa tau fai, kae fakatatau mo ene ofa mataataatā be, kuo ne fakamoui akitautolu, i he fufulu oe fakatubu foou, moe fakafoou e he Laumalie Maonioni;

Koeuhi i he fakatonuhia akitautolu i he ene ofa, e gaohi ai akitautolu koe fānau hoko, o tāu moe amanaki lelei, ki he moui taegata.

KOE mea ia oku totonu ke ajili ai e tau tokaga lahi ki he gaahi mea kuo tau fanogo ki ai, telia naa tau tukuage mei ai i ha aho. He kabau nae tuu mau ae lea nae lea aki e he kau agelo, bea koe maumau‘i moe talagataa kotoabe nae ma‘u hono totogi totonu; E hao fefe akitautolu, o kabau te tau taetokaga ki he fakamoui lahi koia? aia nae fuofua fakaha e he Eiki, bea nae fakamooni ia kiate kitautolu ekinautolu nae fanogo kiate ia;

He koe mea i he ene mamahi aana i hono ahiahi‘i, oku ne faa fai ke tokoni‘i akinautolu oku ahiahi‘i.

Tokaga, e kaiga, telia naa ai i ha mou toko taha ha loto kovi o taetui, he mavahe mei he Otua moui.

Ka ke feakonakiaki akimoutolu i he aho kotoabe, oku lolotoga hono ui, Koe aho ni; telia naa mataila ha mou toko taha i he fakakākā‘i e he agahala.

Bea lolotoga oku behe, Koe aho ni, o kabau te mou fanogo ki hono le‘o, oua naa fakafefeka ho mou loto, o hage koia i he fakahouhau.

Bea oku ikai ha mea e taha oku tae ha mai i hono ao: ka oku telefua bea tokaimaanaga ae mea kotoabe ki he fofoga o ia aia te tau fakamāu ki ai. Koia i he e tau ma‘u ae fugani taulaeiki lahi, aia kuo hu atu i he lagi, ko Jisu koe Alo oe Otua, ke tau buke mau ae tau lotu. He oku ikai ke tau ma‘u ae fugani taulaeiki oku taemanavaofa ki he e tau gaahi vaivai; ka nae ahiahi‘i tatau be ia i he mea kotoabe, ka nae ikai haane agahala. Koia ke tau ha‘u malohi ai ki he afioaga oe aloofa, koeuhi ke tau ma‘u ae aloofa, bea ilo moe foaki ofa, ke tokoni mai i he aho e aoga ai.

He koeuhi e ikai aubito mafai kiate kinautolu nae muaki māmagia, mo nau kamata ae foaki mei oluga, bea nau ma‘u moe Laumalie Maonioni, Bea kuo nau kamata ae folofola lelei ae Otua, moe gaahi malohi oe mama e ha‘u, Bea kuo nau higa atu, e ikai mafai ke toe fakafoou akinautolu ki he fakatomala; he oku nau toe tutuki ki he akau ekinautolu be ae Alo oe Otua, o fai fakahāhā be a hono fakama‘i.

Koia foki oku ne faa fai ai ke fakamoui haohaoa akinautolu oku ha‘u ki he Otua iate ia, koe mea i he ene moui mau ai be ke hufaki‘i akinautolu.

He ko eni ae fuakava aia teu fai moe fale o Isileli oka hiliage ae gaahi aho koia, oku behe e Jihova; Teu ai eku gaahi fekau ki ho nau loto, bea tohi ia i ho nau laumalie: bea teu hoko ko ho nau Otua, bea e hoko akinautolu ko hoku kakai:

He teu aloofa ki he e nau taemaonioni, bea koe nau gaahi agahala moe nau hia, e ikai teu kei manatu‘i.

Bea nae ikai i he toto oe faga koji moe uhiki‘i bulu, a ene hu o liuga taha be ki he botu tabu, ka i hono taataa oona, kuo ne lava‘i ae huhui taegata.

Bea koe mea eni kuo hoko ai ia koe fakalaloa oe fuakava foou, kae fai i he bekia ae totogi ki he gaahi agahala nae fai i he uluaki fuakava, bea ma‘u ekinautolu kuo ui ae talaofa oe nofoaga taegata.

Bea kuo mei oji ae mea kotoabe i hono fakamaa aki ae toto o fakatatau ki he fono; bea ka ikai liligi ae toto oku ikai ha fakamolemole.

Bea hage kuo bau ke mate o tuo taha ae kakai, kae hili ia koe fakamāu: Bea behe foki, kuo feilaulau aki a Kalaisi o liuga taha, ke ne fua ae gaahi hia ae toko lahi; bea e fakaha ia ko hono liuga ua, kiate kinautolu oku amanaki kiate ia, ki he fakamoui, ka e ikai ke ave ae agahala.

Bea koe finagalo koia oku fakamaonioni‘i ai akitautolu, i he feilaulau aki ae jino o Jisu Kalaisi o Iiuga taha be.

Ka ko ia, kuo hili ene atu ae feilaulau e taha koeuhi koe agahala, bea nofo ia o taegata i he nima toomatau oe Otua;

He koe feilaulau be taha kuo ne fakahaohaoa ai o taegata akinautolu kuo fakamaonioni‘i. Aia oku fakamooni e he Laumalie Maonioni kiate kitautolu: he kuo hili ene muaki lea mai, Koe fuakava eni aia teu fai mo kinautolu oka hili ae gaahi aho koia, bea oku behe e Jihova, Teu ai eku gaahi fekau ki ho nau loto, bea teu tohi ia i ho nau laumalie; Bea koe nau gaahi agahala moe nau gaahi hia, e ikai teu kei manatu‘i. Bea koia oku i ai ae fakamolemole o ia, e ikai ha kei feilaulau koeuhi koe agahala.

Koia, e kaiga, koe mea i he ene abaabagofua e tau hu ki he botu tabu i he taataa o Jisu, I he hala foou bea moui, aia kuo ne fakatabu‘i moo tautolu, i he buibui, aia ko hono jino; Bea i he ai moe fugani taulaeiki ki he fale oe Otua; Ke tau unuunu atu i he loto mooni moe amanaki malohi oe tui, kuo luluku ho tau loto mei he atamai kovi, bea fakamaa mo ho tau jino aki ae vai maa.

He kabau te tau agahala ko ho tau loto, ka kuo hili e tau ma‘u ae ilo oe mooni, oku ikai kei toe ha feilaulau koeuhi koe agahala, Ka koe amanaki fakailifia ki he fakamāu moe houhau vela, aia e fakaauha aki ae gaahi fili. Ko ia naa ne maumau’i ae fono a Mosese, nae mate taefakamolemolea i he fakamooni e toko ua be toko tolu: Bea oku mou behe, e fefe hono lahi hake oe tautea e tāu ke hoko kiate ia, kuo ne malaki hifo ae Alo oe Otua, bea ne ui ae taataa oe fuakava, aia nae fakamaa aki ia, koe mea taemaa, bea kuo ne fai fakamamahi ki he Laumalie oe aloofa? He oku tau ilo ia aia kuo ne behe, Oku behe e Jihova, Oku aaku ae tautea, teu totogi eau. Bea toe behe, E fakamāu e Jihova a hono kakai. Koe mea fakailifia ke to ki he nima oe Otua moui.

Hono uhiga oe tui. 6 Ka ikai ae tui, bea ikai aubito ie tau faa fakafiemalie ki he Otua. 7 Koe fua lelei oe tui i he kau mātua i mu‘a. Ko eni, koe tui koe tuuga ia oe gaahi mea oku amanaki lelei ki ai, koe fakamooni oe gaahi mea tae ha mai.

Ka i he taema‘u ae tui oku ikai mafai hono fakafiemalie‘i: he ko ia oku ha‘u ki he Otua, oku totonu ke ne tui oku ai ia, bea oku ne totogi kiate kinautolu oku kumi lahi kiate ia.

Koe eginaki ke tui mau ai be, ke faa katahi, bea aga faka‐Otua. 22 Koe fakaogolelei ae fuakava foou e he fuakava motua KOIA, koe mea i he kabu‘i akitautolu e he ao oe kau fakamooni toko lahi behe, ke tau jiaki foki ae mea mamafa kotoabe, moe agahala oku tau mouagofua ki ai, bea tau felele‘i i he fakakukafi ae fakabuebue kuo tofi i hotau ao.

Oku heeki ai ke mou fekuki o a‘u ki he mate, i he fekuki moe agahala.

Tuli ke mou melino moe kakai kotoabe, bea ki he maonioni, aia ka ikai ma‘u e ikai mamata e ha tagata e toko taha ki he Eiki:

He oku mou ilo i he hili ia, bea ne fie ma‘u ae tabuaki, nae teke‘i ia: he nae ikai te ne ilo ke liliu aki hono loto, ne ogo a ene kumi ia i he feiga moe loimata.

Koe fakamau unoho moe mohega taeuli‘i, oku telei ia ki he kakai kotoabe: ka koe kau feauaki moe kau tono fefine e fakamāu e he Otua.

Koia ke tau atu iate ia ae feilaulau oe fakafetal ki he Otua o mau ai be, aia koe fua oe lougutu oka atu ai ae fakafetai ki hono huafa.

Ko eni, koe Otua oe monuia, naa ne toe omi mei he bekia a ho tau Eiki ko Jisu, koe Tauhi lahi oe faga sibi, i he taataa oe fuakava taegata.

Ka ai ha mou taha oku majiva i he boto, ke kole eia ki he Otua, aia oku ne foaki lahi ki he kakai kotoabe, bea oku ikai valoki‘i; bea e foaki ia kiate ia.

Oku monuia ae tagata oku ne kataki ae ahiahi: he oka ilo ia oku lelei, e ma‘u eia ae bale oe moui, aia kuo talaofa ki ai ae Eiki kiate kinautolu oku ofa kiate ia. Ke oua naa behe e ha taha oka ahiahi kovi‘i ia, Kuo ahiahi kovi‘i au e he Otua: he oku ikai faa ahiahi‘i ae Otua e he kovi, bea oku ikai ahiahi kovi‘i eia ha toko taha:

Ka kuo ahiahi kovi‘i ae tagata, aia kuo takiekina, bea fakaoloolo, e he ene holi aana. Bea oka tuituia ae holi kovi, oku fanau‘i koe agahala: bea ka kakato ae agahala, oku fanau‘i ai ae mate.

Koia mou liaki ae uli kotoabe bea mo hono lahi fau oe agahala, bea tali i he agavaivai ae folofola kuo to, aia oku malohi ke fakamoui ho mou laumalie. Ka ke fai ekimoutolu ki he folofola, bea oua naa gata i he fanogo, o mou kākā‘i akimoutolu.

He ko ia te ne fai kotoabe ae fono, kae hala i hono mea e taha, oku halaia ia i hono mea kotoabe.

E hoku kaiga, ne ogo oku behe e ha taha oku iate ia ae tui, ka oku ikai i ai moe gaahi gaue, koeha hono aoga? e fakamoui ia e he tui be? Kabau e telefua bea fiekaia i he aho kotoabe ha tokoua be koe tuofefine, Bea behe e ho mou toko taha ki ai, Alu o ke fiemalie, bea ke mafana, bea ke makona: kae ikai jii te mou atu ki ai ae gaahi mea oku aoga ki he jino; koeha hono aoga? Oku behe foki ae tui, kabau oku ikai i ai ae gaahi gaue, oku mate ia, bea oku tuu taha be ia.

Koeni, oku mou mamata oku fakatonuhia ae tagata e he gaahi gaue, kae ikai i he tui be.

He oku hage oku mate ae jino tae i ai ae laumalie, oku behe ae tui tae i ai ae gaahi gaue, oku mate foki ia.

Ae kau tono fefine moe kau tono tagata, ikai te mou ilo koe feofoofani mo mamani koe taufehia ia ki he Otua? bea ko ia ia oku loto ke kaiga mo mamani koe fili ia oe Otua. He oku mou mahalo oku behe noabe ae lea i he tohi tabu; Oku holi ki he meheka ae laumalie oku nofoia akitautolu? Ka oku ne foaki ae ofa lahi hake. Koia oku behe eia, Oku teke‘i e he Otua ae laukau ka oku ne foaki ae ofa ki he agavaivai. Koia mou fakavaivai‘i akimoutolu ki he Otua. Teke‘i ae tevolo, bea e buna atu ia meiate kimoutolu. Unuunu atu ki he Otua, bea e unuunu mai ia kiate kimoutolu. Fakamaa ho mou nima, ae kau agahala; bea fakamaa mo ho mou loto, ae kau lotolotoua. Mou mamahiia, bea to‘eto‘e, mo tagi: ke liliu hoo mou kata koe to‘eto‘e, bea ko hoo mou fiefia koe māfajia. Fakavaivai‘i akimoutolu i he ao oe Eiki, bea e hakeaki‘i eia akimoutolu.

Ko ia ia oku ne ilo ke fai lelei, ka oku ikai ke fai, koe agahala ia kiate ia.

Bea koe lotu i he tui, e fakamoui eia ae mahaki, bea e fokotuu ia e he Eiki; bea kabau nae fai eia ha agahala, e fakamolemolea ia. Ke fetoutou feveteaki hoo mou gaahi agahala kiate kimoutolu, bea felotuaaki akimoutolu, ke mou moui. Koe lotu fakamatoato oe tagata maonioni oku aoga lahi.

E kaiga, kabau e hē ha mou toko taha mei he mooni, bea fakafoki mai ia e ha taha; Ke ilo eia, ko ia oku ne fakafoki mai ae agahala mei hono hala hehe, oku ne fakamoui ha laumalie mei he mate, bea oku ne ufiufi foki ae gaahi agahala lahi.

Fakafetai ki he Otua koe Tamai a ho tau Eiki ko Jisu Kalaisi, aia kuo ne fakatubu foou akitautolu, o fakatatau ki he ene aloofa lahi, ki he amanaki moui i he toetuu a Jisu Kalaisi mei he bekia, Ki ha tofia taefaaauha, bea taeuli, o taefaamae, oku tauhi‘i i he lagi maa tautolu, Akitautolu oku leohi e he malohi oe Otua i he tui ki he fakamoui kuo teu ke fakaha i he kuoga ki mui.

Aia oku mou fiefia lahi ai, ka ko eni i he aho jii be, i he ene aoga ke behe, oku mou māfajia i he gaahi ahiahi lahi: Koeuhi i he ahiahi a hoo mou tui, aia oku mahuiga lahi i he koula oku auha, ka kuo ahiahi ia aki ae afi, ke ilo ia oku iku ki he fakamaloia moe ogoogo lelei meo nāunāu i he fakaha mai o Jisu Kalaisi: Aia oku teeki te mou mamata, ka oku mou ofa ki ai; bea oku ikai be te mou mamata ki ai, ka i hoo mou tui, oku mou fiefia aki ae fiefia taefaalaua bea fugani lelei: O ma‘u ae gataaga o hoo mou tui, koe fakamoui o ho mou laumalie.

Ke mou gali moe fānau talagofua, ke oua naa fakatatau akimoutolu ki he gaahi holi i mu‘a hoo mou taeilo: Kae hage oku maonioni aia kuo ne uiui‘i akimoutolu, ke maonioni foki akimoutolu i hoo mou moui kotoabe; He kuo tohi, o behe, Mou maonioni; he oku ou maonioni.

Bea kabau oku mou hu ki he Tamai, aia oku ne fakamāu o taefilifili-manako ki he kakai, kae fakatatau ki he gaue ae tagata taki taha, mou fai ke fakaoji ae gaahi aho o hoo mou aunofo i he manavahe: Koeuhi oku mou ilo nae ikai ke huhui akimoutolu mei hoo mou moui taeaoga, i he talatubua mei hoo mou gaahi tamai, aki ae gaahi mea e auha, koe siliva moe koula; Ka i he taataa maogooga o Kalaisi, o hage ha lami tae hano ila, bea tae hano mele:

Koe mea i hoo mou fakamaa ho mou laumalie, i he Laumalie, i hoo mou talagofua ki he mooni, ki he ofa taeloi oe kaiga, ke mou feofaaki aki ae loto maa mo fakamatoato: He kuo mou fanau‘i foou, kae ikai aki ae tega e auha, ka koia e taefaaauha, koe folofola ae Otua, aia oku moui bea tologa o taegata. He oku hage koe mohuku ae kakano kotoabe, bea koe nāunāu kotoabe oe tagata oku tatau moe fiji‘i mohuku. Oku mae ae mohuku, bea ko hono fiji oona oku gagana: Ka oku tologa o taegata ae folofola ae Eiki. Bea koe folofola eni aia oku malaga aki i he ogoogolelei kiate kimoutolu.

Aia naa ne fua toko taha be i hono jino oona e tau gaahi hia ki he akau, koeuhi i he e tau tauataina mei he agahala, ke tau moui ki he maonioni: bea koe mea i hono gaahi ta kuo mou moui. He naa mou tatau moe faga sibi alu hehe be; ka kuo mou foki mai eni ki he Tauhi moe Leohi o ho mou laumalie.

He nae mamahi foki o tuo taha be a Kalaisi koeuhi koe gaahi agahala, koe agatonu ma ae taeagatonu, koeuhi ke ne omi akitautolu ki he Otua, kuo fakabogi ia i he jino, kae fakaake e he Laumalie:

Bea ko hono tatau mooni, aia koe babitaiso, oku ne fakamoui eni akitautolu, (ikai koe jiaki oe uli oe kakano, ka koe fakamooni oe atamai lelei ki he Otua,) i he toetuu a Jisu Kalaisi: Aia kuo alu ki loto lagi, bea oku ne i he nima toomatau oe Otua; kuo fakamoulaloa kiate ia ae kau agelo moe gaahi bule moe gaahi malohi.

BEA koe mea i he mamahi a Kalaisi i he jino koeuhi ko kitautolu, ke teuteu akimoutolu foki aki ae loto be koia: he ko ia kuo mamahi i he jino, kuo tuku eia ae agahala; Koeuhi ke oua naa moui ia i hono toe oe gaahi aho i he jino ki he holi oe tagata, ka ki he finagalo oe Otua. He kuo lahi kiate kitautolu ae kuoga kuo hiliage oe tau moui ke fai ai ae loto oe kakai Jenitaile, aia naa tau aeva ai i he aga fakalielia, moe gaahi holi kovi, moe inu lahi i he uaine, i he gaahi katoaga kai, moe gaahi katoaga inu uaine, moe fakalielia oe tauhi tamabua:

Ka kuo ofi ae gataaga oe mea kotoabe: koia mou fai fakabotoboto, mo leo ke lotu. Bea jino oe mea ke mou ma‘u ae ofa vēla iate kimoutolu: he oku ufiufi e he ofa ae gaahi agahala lahi.

E kaiga, oua te mou ofo i he ahiahi vela aia e ahiahi aki akimoutolu, o hage kuo hoko ha mea foou kiate kimoutolu: Kae fiefia, koe mea i hoo mou kau i he gaahi mamahi a Kalaisi; koeuhi oka fakaha mai hono nāunāu, te mou fiefia foki aki ae fiefia lahi aubito.

He koe kuoga eni ke fuofua fai ae tautea ki he fale oe Otua: bea ka kamata kiate kitautolu, bea e fefe ae gataaga o kinautolu oku ikai talagofua ki he ogoogolelei oe Otua? Bea kabau kuo meimei ikai hao ae maonioni, e ha kife ae taelotu moe agahala?

Koia ke iloga akinautolu oku mamahi o tāu moe finagalo oe Otua, ke tuku bau ho nau laumalie i he fai lelei, o hage ki he Tubui‐Otua oku fai agatonu.

Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani. Ka koe Otua oe aloofa kotoabe, kuo ne uiui‘i akitautolu ki hono nāunāu taegata ia Kalaisi Jisu, oka hili hoo mou kataki jii be, ke fakahaohaoa, mo faka-tuu mau, mo fakamalohi, mo fokotuu mau akimoutolu.

Koia, e kaiga, ke ajili ai hoo mou fai feiga ke fakatuu mau ho mou ui mo ho mou fili: he kabau te mou fai ae gaahi mea ni, e ikai aubito te mou higa: He koia e tuku ai kiate kimoutolu o lahi aubito ae huaga ki he buleaga taegata o ho tau Eiki moe Fakamoui ko Jisu Kalaisi.

Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea:

Oku ikai fakatuotuai e he Eiki ki he ene talaofa, o hage koe lau ae niihi koe tuotuai; ka oku kataki fuoloa kiate kitautolu, o ikai finagalo ke auha ha toko taha, ka koeuhi ke hoko o fakatomala kotoabe.

Koia, e kaiga, koe mea i hoo mou amanaki ki he gaahi mea behe, mou hagahaga fai be koeuhi ke ilo eia akimoutolu oku mou melino tae ha ila, mo taehalaia.

Kabau oku tau behe, oku tau feohi mo ia, kae aeva i he fakabouli, oku tau loi, bea ikai fai ki he mooni: Bea ka tau ka aeva i he māma, o hage oku i he māma ia, oku tau feohi mo ia, bea koe taataa o Jisu Kalaisi ko hono Alo oku ne fakamaa akitautolu mei he agahala kotoabe. Kabau te tau behe, oku ikai haa tau agahala, oku tau kākā‘i akitautolu, bea oku ikai iate kitautolu ae mooni. Kabau te tau vete e tau gaahi agahala, oku mooni mo agatonu ia ke fakamolemolea e tau gaahi agahala, mo fakamaa akitautolu mei he taemaonioni kotoabe. Kabau te tau behe, nae ikai te tau agahala, oku tau lohiaki‘i ia, bea oku ikai nofoia akitautolu e he ene folofola.

A EKU fānau ofeina, oku ou tohi ae gaahi mea ni kiate kimoutolu, ke oua naa mou agahala. Bea kabau e agahala ha taha, oku ai ho tau fakalelei ki he Tamai, ko Jisu Kalaisi koe maonioni: Bea koe feilaulau totogi ia i he e tau gaahi agahala: bea ikai a tautolu be, ka koeuhi ko mamani kotoabe. Bea ko eni oku tau ilo ai oku tau ilo ia, o kabau oku tau fai ene gaahi fekau. Ko ia oku ne behe, Oku ou ilo ia, ka oku ikai fai ene gaahi fekau, koe loi ia, bea oku ikai iate ia ae mooni. Ka ko ia oku ne fai ki he ene folofola, kuo fakahaohaoa mooni iate ia ae ofa ae Otua: ko eni ia oku tau ilo ai oku tau iate ia. Ko ia ia oku ne behe, oku nofo ia kiate ia, oku totonu ke ne eveeva foki o hage ko ene eveeva aana.

Oku ou tohi kiate kimoutolu, ae fānau ofeina, koeuhi kuo fakamolemolea hoo mou agahala koeuhi ko hono huafa.

Oua naa ofa ki mamani, be ki he gaahi mea i he mamani. Kabau oku ofa ha taha ki mamani, oku ikai iate ia ae ofa ae Tamai. He koe mea kotoabe oku i he mamani, koe holi oe kakano, bea moe holi oe mata, moe laukau oe moui, oku ikai oe Tamai, ka oku oe mamani ia. Bea oku moleage a mamani, bea moe holi o ia: ka ko ia oku ne fai ae finagalo oe Otua, oku nofo mau ia o taegata.

Kuo ikai teu tohi kiate kimoutolu, koeuhi oku ikai te mou ilo‘i ae mooni, ka koeuhi oku mou ilo‘i ia, bea oku ikai ha loi e tubu i he mooni. Kohai ia oku loi, ka ko ia oku ne fakafijiga oku ikai koe Kalaisi a Jisu? Koe fili o Kalaisi ia, aia oku ne fakafijiga i he Tamai moe Alo. Ko ia kotoabe oku ne fakafijiga i he Alo, oku ikai iate ia ae Tamai.

Bea ko eni ae talaofa, aia kuo ne talaofa ai kiate kitautolu, koe moui taegata. Koe gaahi mea eni kuou tohi kiate kimoutolu, koeuhi ko kinautolu oku kākā‘i akimoutolu.

Bea koeni, e fānau ofeina, mou nofo be kiate ia; koeuhi, oka ha mai ia, ke tau ma‘u ai ae malohi, bea ikai ma i hono ao, i he ene haele mai. Kabau oku mou ilo oku maonioni ia, oku mou ilo foki, ko ia kotoabe oku ne fai maonioni, kuo fanau‘i ia iate ia.

Bea ko ia kotoabe oku ne ma‘u ae amanaki lelei ni iate ia, oku ne fakamaa ia, o hage koe maa aana.

Ko ia kotoabe oku ne fai agahala, oku ne maumau‘i foki ae fono: he koe agahala, koe maumau oe fono. Bea oku mou ilo, nae fakaha ia ke ne ave e tau gaahi agahala: bea oku ikai iate ia ha agahala. Ko ia ia oku nofo mau kiate ia, oku ikai fai agahala ia: ko ia kotoabe oku fai agahala, oku ikai mamata ia kiate ia, be ilo‘i ia. E fānau ofeina, ke oua naa kākā‘i akimoutolu e ha taha: ko ia oku ne fai maonioni, koe maonioni ia, o hage koe maonioni aana. Ko ia oku ne fai agahala, oku oe tevolo ia; he nae agahala ae tevolo talu mei he kamataaga. Ka koe mea eni nae fakaha ai ae Alo oe Otua, koeuhi ke ne fakaauha ae gaahi gaue ae tevolo. Ko ia kotoabe kuo fanau‘i mei he Otua, oku ikai fai agahala ia; he oku mau iate ia ene tega: bea oku ikai ke faa agahala, koeuhi kuo fanau‘i ia mei he Otua. Koe mea ni oku ha ai ae fānau ae Otua, bea moe fānau ae tevolo: ko ia kotoabe oku ikai fai maonioni, bea mo ia oku ikai ofa ki hono tokoua, oku ikai oe Otua ia.

Bea koia kotoabe oku tau kolea, oku tau ma‘u meiate ia, koeuhi oku tau fai ene gaahi fekau, bea fai moe gaahi mea oku lelei i hono ao.

Bea ko ene fekau eni, Ke tui akitautolu ki he huafa o hono Alo ko Jisu Kalaisi, bea tau feofaaki, o tāu mo ene fekau kiate kitautolu. Bea ko ia oku ne fai ene gaahi fekau, oku nofo ia kiate ia, bea mo ia iate ia. Bea koe mea eni oku tau ilo ai ene nofoia akitautolu, koe Laumalie, aia kuo ne foaki kiate kitautolu.

E kaiga ofeina, ke tau feofaaki kiate kitautolu: he oku mei he Otua ae ofa; bea ko ia kotoabe oku ofa, kuo fanau‘i ia i he Otua, bea oku ne ilo‘i ae Otua. Ko ia oku ikai ofa, oku ikai ilo‘i eia ae Otua; he koe Otua koe ofa.

Ko ia ia te ne fakaha koe Alo oe Otua a Jisu, oku nofo ae Otua iate ia, bea mo ia i he Otua.

Kabau e behe e ha taha, Oku ou ofa ki he Otua, ka oku fehia ki hono tokoua, koe loi ia: he ko ia oku ikai ofa ki hono tokoua kuo ne mamata ki ai, e fefe ene ofa ki he Otua nae ikai te ne mamata ki ai? Bea koe fekau ni oku tau ma‘u meiate ia, Ko ia ia oku ofa ki he Otua, ke ofa foki ia ki hono tokoua.

KO IA ia oku tui koe Kalaisi a Jisu, kuo fanau‘i ia i he Otua: bea ko ia fulibe oku ofa kiate ia oku ne faka-tubu, oku ofa foki ia kiate ia kuo tubu meiate ia. Ko eni oku tau ilo ai oku tau ofa ki he fānau ae Otua, i he e tau ofa ki he Otua, moe fai ki he ene gaahi fekau. He ko eni ae ofa ki he Otua, koe tau fai ki he ene gaahi fekau: bea oku ikai fakamamahi a ene gaahi fekau. He ko ia kotoabe kuo fanau‘i i he Otua, oku ne ikuna a mamani: bea ko eni ae malohi oku ne ikuna aki a mamani, koe tau tui. Kohai ia oku ne ikuna a mamani, ka ko ia oku tui koe Alo oe Otua a Jisu?

Ko ia oku tui ki he Alo oe Otua, oku iate ia be ae fakamooni: ko ia oku ikai ke tui ki he Otua, oku ne lohiaki‘i ia; koeuhi oku ikai ke tui ia ki he fakamooni aia kuo fakaha e he Otua ki hono Alo. Bea ko eni ae fakamooni, kuo foaki e he Otua ae moui taegata kiate kitautolu, bea koe moui ni oku i hono Alo. Ko ia oku ne ma‘u ae Alo, oku ne ma‘u moe moui; bea ko ia oku ikai te ne ma‘u ae Alo oe Otua, oku ikai te ne ma‘u ae moui.

Kuou tohi ae gaahi mea ni kiate kimoutolu oku tui ki he huafa oe Alo oe Otua, koeuhi ke mou ilo oku a moutolu ae moui taegata, bea ke mou tui ki he huafa oe Alo oe Otua.

Bea ko eni ae malohi aia oku tau ma‘u kiate ia, koeuhi, ka tau ka kole ha mea o fakatatau ki hono finagalo, oku ne ogo‘i akitautolu:

Oku tau ilo, ko ia kotoabe kuo fanau‘i i he Otua, oku ikai agahala ia; ka ko ia kuo fanau‘i i he Otua oku ne taofi ia eia, bea oku ikai alaji ia e he toko taha kovi koia.

Ko ia ia oku fai hala, bea ikai nofo mau i he akonaki a Kalaisi, oku ikai ma‘u eia ae Otua. Ko ia ia oku nofo i he akonaki a Kalaisi, oku ma‘u eia fakatouoji ae Tamai bea moe Alo. Kabau e alu atu ha taha kiate kimoutolu, kae ikai omi ae akonaki ko eni, oua naa tali ia ki ho mou fale, bea oua naa tokoni ki ai: He ko ia oku tokoni ki ai oku kau ia i he ene gaahi gaue kovi.

O tauhi‘i akimoutolu i he ofa ae Otua, mo amanaki ki he ofa mataataatā be a ho tau Eiki ko Jisu Kalaisi ki he moui taegata. Bea ke manavaofa ki he niihi, o fai kehekehe. Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano. Bea koeni, ke iate ia oku faa fai ke taofi akimoutolu ke oua naa mou higa, bea ke atu akimoutolu taehalaia i he ao o hono nāunāu moe fiefia lahi aubito,

Bea mei a Jisu Kalaisi, koe Fakamooni agatonu, moe uluaki fakatubu mei he mate, moe Eiki oe gaahi tu‘i o mamani;

Ka oku ai ae mea oku ou koviia ai kiate koe, koeuhi kuo ke mahui mei hoo uluaki ofa. Koia ke ke manatu‘i aia kuo ke higa mei ai, bea fakatomala, bea fai ae gaahi uluaki gaue; ka ikai, bea teu ha‘u tootoo kiate koe, o hiki hoo tuuga māma mei hono botu, o kabau e ikai te ke fakatomala.

Fakatomala; ka ikai, bea teu ha‘u tootoo kiate koe, bea teu tau‘i akinautolu aki ae heleta o hoku fofoga.

Bea neu tuku kiate ia ae kuoga ke fakatomala ai i he ene feauaki; ka nae ikai fakatomala ia.

Ko ia ia e ikuna, ko ia e fakakofu aki ae kofu hinehina; bea e ikai teu tamate‘i hono higoa mei he tohi oe moui, ka teu fakaha hono higoa i he ao o eku Tamai, bea moe ao o ene kau agelo.

Oku ou ilo‘i hoo gaahi gaue, oku ikai te ke momoko be vela: amujiage eau oku ke momoko be vela. Koia koeuhi oku ke mamafana be, o ikai momoko be vela, teu buaki koe mei hoku gutu.

Koeuhi oku ke behe, Oku ou koloaia, bea kuou fakama‘umea‘i au, bea oku ikai teu majive i ha mea; ka oku ikai te ke ilo oku ke kovi lahi, bea malaia, bea majiva, bea kui, bea telefua. Oku ou akonaki‘i koe ke ke fakatau iate au ae koula kuo ahiahi i he afi, koeuhi ke ke koloaia ai; bea moe kofu hinehina, koeuhi ke ke kofu aki, ke oua naa ha mai ae ma o hoo telefua: bea ke tulu‘i ho mata aki ae mea tulu‘i mata, koeuhi ke ke a ai. Ko kinautolu oku ou ofa ai, oku ou valoki‘i mo taute‘i: koia ke ke fai feiga, mo fakatomala.

Vakai, oku ou tuu i he mataba, mo tukituki: kabau e fanogo e ha taha ki hoku le‘o, mo too ae mataba, teu hu atu kiate ia, bea te ma keinaga fakataha mo au.

Ko ia ia e ikuna, teu foaki ki ai ke nofo mo au i hoku nofoa fakaeieiki, o hage foki ko eku ikuna, beau nofo mo eku Tamai i hono nofoa fakaeieiki.

Bea neu behe kiate ia, Eiki, he‘i ilo koe. Bea ne behe mai kiate au, Ko kinautolu eni nae ha‘u mei he mamahi lahi, bea kuo nau fo ke hinehina ho nau kofu tōtōlōfa i he taataa oe Lami.

Bea naa nau ikuna ia aki ae taataa oe Lami, moe lea oe nau fakamooni; bea nae ikai te nau mamae ki he e nau moui ka nau mate.

Bea nae ikai ilo ha kākā i ho nau gutu, he oku nau tae halaia i he ao oe afioaga oe Otua.

Ko eni ae faa kataki ae kakai maonioni: ko eni akinautolu oku fai ae gaahi fekau ae Otua, moe tui kia Jisu.

Kohai e taemanavahe kiate koe, e Eiki, mo tae fakahikihiki‘i ho huafa? he ko koe be oku maonioni: he koeuhi e ha‘u o hu i ho ao ae gaahi buleaga kotoabe; he kuo fakaha a hoo gaahi fakamāu.

Bea neu mamata ki he nofoa fakaeieiki oku lahi bea hinehina, mo ia nae nofo ai, aia nae buna mei hono ao ae fonua moe lagi; bea nae ikai ilo ha botu ki ai. Bea neu mamata ki he bekia, ae iki moe lalahi, nae tutuu i he ao oe Otua; bea moe folahi oe gaahi tohi: bea folahi moe tohi e taha, aia koe tohi oe moui: bea nae fakamāu‘i ae bekia mei he gaahi mea nae tohi i he gaahi tohi, o fakatatau ki he e nau gaahi gaue.

Bea e holoholo e he Otua ae loimata kotoabe mei ho nau mata; bea e ikai kei ai ha mate, be ha ogojia, be ha tagi, bea e ikai kei ai ha mamahi: he kuo mole atu ae gaahi mea mu‘a. Bea ko ia nae nofo i he nofoa fakaeieiki nae behe eia, Vakai, oku ou fakafoou ae gaahi mea kotoabe. Bea ne behe mai kiate au, Tohi: he oku mooni mo totonu ae gaahi lea ni. Bea ne behe mai kiate au, Kuo fai ia. Ko au koe Alifa mo Omeka, koe kamataaga moe gataaga. Teu foaki taetotogi mei he matavai moui kiate ia oku fieinu. Ko ia ia e ikuna, e ma‘u eia ae gaahi mea kotoabe; bea teu hoko ko hono Otua, bea e hoko ia ko hoku foha. Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.

Ko ia oku taeagatonu, tuku ia ke taeagatonu ai be: bea ko ia oku uli, tuku ia ke uli ai be: bea ko ia oku agatonu, tuku ia ke agatonu ai be: bea ko ia oku maonioni, tuku ia ke maonioni ai be.

Oku monuia akinautolu oku fai ene gaahi fekau, koeuhi ke gofua kiate kinautolu ae akau oe moui, bea nau hu i he gaahi mataba ki he kolo.

Bea oku behe e he Laumalie moe taahine, Ha‘u. Bea ke behe mo ia oku ne fanogo, Ha‘u. Bea mo ia oku fieinua, ke ha‘u ia. Bea ko ia oku loto ki ai, ke ne too taetotogi eia ae vai oe moui.

He oku ou fakaha ki he kakai kotoabe oku fanogo ki he gaahi lea oe kikite i he tohi ni, Kabau e fakalahi e ha tagata ki he gaahi mea ni, e fakalahi e he Otua kiate ia i he gaahi malaia kuo tohi i he tohi ni: Bea kabau e too e ha tagata mei he gaahi lea oe tohi oe kikite ni, e too e he Otua a hono inaji mei he tohi oe moui, bea mei he kolo maonioni, bea moe gaahi mea kuo tohi i he tohi ni.