08 – uJesu

Njalo ngizafaka ubutha phakathi kwakho lowesifazana, laphakathi kwenzalo yakho leyowesifazana; uzahlifiza ikhanda lakho, njalo wena uzamnqanda isithende sakhe.”

u-Isaka wakhuluma wambuza uyise u-Abhrahama wathi, “Baba?” “Yebo, ndodana yami?” kusabela u-Abhrahama. “Umlilo lenkuni nanku kukhona,” kusitsho u-Isaka, “kodwa kanti lingaphi izinyane lomnikelo wokutshiswa?” U-Abhrahama waphendula wathi, “Ndodana yami, uNkulunkulu ngokwakhe uzasipha izinyane lomnikelo wokutshiswa.” Baqhubeka bobabili bahamba.

UNkulunkulu wathi kuMosi, “NGINGUYE ENGINGUYE. Lokhu yikho ozakutsho kwabako-Israyeli ukuthi, ‘UNGINGUYE ungithumile kini.’ ”

“Nxa umuntu angona abesesenza lokho okungavunyelwayo emlayweni kaJehova, lanxa engakwazi, uyabe elecala njalo uzakwetheswa umlandu. Uzaletha kumphristi njengomnikelo wecala inqama engelasici ezavela emhlambini, njalo elesilinganiso esamukelekayo. Ngalokhu umphristi uzamenzela indlela yokubuyisana ngesiphambeko sakhe angasenzanga ngabomo, njalo uzaxolelwa.

Ngiyazi ukuthi uMhlengi wami uyaphila, lokuthi ekupheleni uzakuma emhlabeni.

Kumqondisi wokuhlabela. Kulandela itshuni ethi, “Impalakazi yekuSeni.” Ihubo likaDavida. Nkulunkulu wami, Nkulunkulu wami, kungani usungidelile na? Kungani ukhatshana kangaka kokungisindisa, khatshana kangaka kwamazwi okububula kwami?

Ngiyathululeka njengamanzi, njalo amathambo ami wonke akhumukile. Inhliziyo yami isiphenduke yaba yingcino; isincibilikile ngaphakathi kwami. Amandla ami asetshile qhu ingathi ludengezi, lolimi lwami luyanamathela olwangeni lwami; uyangilalisa othulini lokufa. Izinja sezingihanqile; ixuku labantu ababi selingihonqolozele, sebengigwaze izandla lezinyawo. Ngingawabala wonke amathambo ami; abantu bayanginyonkoloza bangiklolodele. Behlukaniselana izambatho zami njalo benze inkatho ngezigqoko zami.

Ezandleni zakho nginikela umphefumulo wami; ngihlenga, O Jehova, Nkulunkulu weqiniso.

Uyawavikela wonke amathambo akhe, kungephuki loba lalinye.

Lomngane wami osekhwapheni, ebengimthembile, obekade ecupha lami emganwini, usengifulathele.

Sengathi ibizo lakhe lingema njalo laphakade, kalibe khona lanini nxa lilokhu lisekhona ilanga. Zonke izizwe zizabusiswa ngaye, zizakuthi ubusisiwe.

Njalo ngizakummisa abe lizibulo lami, inkosi ephakeme ngaphezu kwawo wonke amakhosi omhlaba.

Ilitshe abalilahlileyo abakhi seliyilona litshe lesisekelo;

Ngubani oseke waya ezulwini waphinda wehla na? Ngubani oseke wafumbatha umoya ngesandla sakhe na? Ngubani oseke wagoqela amanzi ngesigqoko sakhe na? Ngubani omise yonke imikhawulo yomhlaba na? Lingubani ibizo lakhe, lebizo lendodana yakhe na? Ngitshela uma usazi!

Ngomnyaka inkosi u-Uziya eyafa ngawo, ngabona uJehova ehlezi esihlalweni sobukhosi esiphezulu esiphakemeyo, injobo yesambatho sakhe igcwele ithempeli. Ngaphezu kwakhe kwakulamaserafi, elinye lelinye lilezimpiko eziyisithupha. Ayegubuzele ubuso bawo ngezimpiko ezimbili, egubuzele izinyawo zawo ngezimbili, ephapha ngezimbili. Elinye lamemezela kwelinye lisithi: “Ungcwele, ungcwele, ungcwele uJehova uSomandla, Umhlaba wonke ugcwele inkazimulo yakhe.”

Ngakho-ke uJehova yena ngokwakhe uzanika isibonakaliso: Intombi emsulwa izathatha isisu izale indodana ezayetha ibizo ithi ngu-Imanuweli. Uzakudla amasi loluju lapho eselolwazi olwaneleyo ukuba ale okubi akhethe okulungileyo. Kodwa-ke umfana engakazi okwaneleyo ukuba ale okubi akhethe okulungileyo, ilizwe lamakhosi amabili owesabayo lizachithwa.

Abantu abahamba emnyameni sebebone ukukhanya okukhulu; kulabo abahlala elizweni lethunzi lokufa ukukhanya sekukhanyisile.

Ngoba sizalelwe umntwana, siphiwe indodana, umbuso uzakuba phezu kwamahlombe akhe. Uzabizwa ngokuthi uMeluleki Omangalisayo, uNkulunkulu uSomandla, uBaba Waphakade, iNkosana yokuThula. Ukwanda kombuso wakhe lokuthula akuyikuba lomkhawulo. Uzabusa esihlalweni sobukhosi sikaDavida laphezu kombuso wakhe, ewumisa njalo ewuqinisa ngokufaneleyo langokulunga, kusukela ngalesisikhathi kusiya phambili, kuze kube nininini. Ukutshisekela kukaJehova uSomandla kuzakufeza lokhu.

Ihlumela lizavela esidindini sikaJese; uGatsha oluhlume ezimpandeni zakhe luzathela izithelo. UMoya kaJehova uzakuba phezu kwakhe  —  uMoya wokuhlakanipha lowokuqedisisa, uMoya wokweluleka lowamandla, uMoya wokwazi lowokwesaba uJehova  —

Abayikulimaza loba badilize kuyo yonke intaba yami engcwele ngoba umhlaba uzakuba usugcwele ulwazi lukaJehova njengamanzi egcwele ulwandle. Ngalolosuku iMpande kaJese izakuma njengophawu ebantwini; izizwe zizabuthana kuye, indawo yakhe yokuphumula izakuba lodumo.

Lapho-ke amehlo eziphofu azavuleka, lezindlebe zezacuthe zivuleke. Lapho-ke abaqhulayo bazakweqa njengempala, izimungulu zihlabele ngokuthokoza. Amanzi azampompoza ogwaduleni, izifula zigeleze enkangala.

“Nansi inceku yami engiyisekelayo, okhethiweyo wami, engithokoza ngaye. Ngizabeka umoya wami phezu kwakhe, uzaletha ukulunga ezizweni.

“Nanku akutshoyo uJehova  —  iNkosi loMhlengi ka-Israyeli, uJehova uSomandla: Mina ngingowokuqala njalo ngingowokucina; ngaphandle kwami kakho uNkulunkulu.

Nganikela umhlana wami kulabo ababengitshaya, lezihlathi zami kulabo abacutha izindevu zami; ubuso bami angibufihlanga ekugconweni lekukhafulelweni.

Khangelani, inceku yami izakwenza ngokuhlakanipha, izaphakanyiswa ikhwezwe, iphiwe lodumo olukhulu. Njengoba babebanengi abanengwayo yiyo  —  ubuso bayo babulimele okudlula okwabantu bonke, lesimo sayo sonakele singase njengesomuntu  — ngakho-ke izachela izizwe ezinengi, amakhosi azavala imilomo yawo ngenxa yayo. Ngoba lokho abangakutshelwanga bazakubona, labangakuzwanga, bazakuqedisisa.

Ngubani olikholiweyo ilizwi lethu, njalo amandla kaJehova abonakaliswe kubani na? Wakhula phambi kwakhe njengehlumela, lanjengempande emhlabathini owomileyo. Wayengelabuhle lobukhosi ukuba asikhange, kungelalutho esimeni sakhe olungenza simfune. Weyiswa njalo waliwa ngabantu, umuntu wezinsizi, njalo ekujayele ukuhlupheka. Lowo abantu abangafuniyo ukukhangelana laye. Weyiswa, asimhloniphanga. Ngempela wathatha ubucubi bethu wathwala izinsizi zethu, kodwa thina sathi utshaywe nguNkulunkulu, ebethwe nguye, njalo uhlutshiwe. Kodwa wagwazwa ngenxa yeziphambeko zethu, wachobozwa ngenxa yokona kwethu, ukuhlutshwa kwakhe kwasilethela ukuthula, njalo sasiliswa ngamanxeba akhe. Thina sonke njengezimvu, silahlekile, lowo lalowo wethu uphambukele endleleni yakhe; njalo uJehova ubeke phezu kwakhe ukona kwethu sonke. Wacindezelwa wahlutshwa, kodwa kawuvulanga umlomo wakhe; wakhokhelwa ukuya bulawa njengewundlu, njalo njengemvu ithule phambi komgundi wayo, laye kawuvulanga umlomo wakhe. Ngokucindezelwa langokwahlulela wathathwa. Ngubani ongakhuluma ngesizukulwane sakhe na? Ngoba wasuswa elizweni labaphilayo; watshaywa ngenxa yeziphambeko zabantu bami. Wabelwa ingcwaba kanye lababi, kanye labanothileyo ekufeni kwakhe, lanxa kungeladlakela alwenzayo njalo kungekho inkohliso emlonyeni wakhe. Ikanti kwakuyintando kaJehova ukumchoboza lokumenza ahlupheke, njalo lanxa uJehova esenza ukuphila kwakhe umnikelo wecala, uzabona inzalo yakhe, andise izinsuku zokuphila kwakhe, lentando kaJehova izaphumelela ngaye. Emva kokuhlupheka komoya wakhe, uzabona ukukhanya kokuphila asuthiseke; ngokwazi kwayo inceku yami elungileyo izalungisa abanengi, ithwale izono zabo. Ngakho-ke ngizamnika isabelo phakathi kwabakhulu, njalo uzakwabelana impango labalamandla ngoba wanikela ukuphila kwakhe ekufeni, wabalwa ndawonye lezoni; ngoba wathwala izono zabanengi, wancengela izoni.

Umoya kaJehova Wobukhosi uphezu kwami, ngoba uJehova ungigcobile ukuba ngitshumayele izindaba ezinhle kubayanga. Ungithumile ukuba ngibophe izinhliziyo ezidabukileyo, ngimemezele ukukhululwa kwabathunjiweyo, lokukhululwa kwezibotshwa emnyameni, ukumemezela umnyaka womusa kaJehova, losuku lokuphindisela kukaNkulunkulu wethu; ukududuza abalilayo, lokunakekela labo abadabukileyo eZiyoni  —  ukubapha umqhele wobuhle esikhundleni somlotha, amafutha okujabula esikhundleni sokulila, lengubo yokudumisa esikhundleni somoya wokulahla ithemba. Bazabizwa ngokuthi ngama-okhi okulunga, ahlanyelwe nguJehova ukuba abonakalise inkazimulo yakhe.

“Izinsuku ziyeza,” kutsho uJehova, “lapho uDavida ngizamvusela uGatsha olulungileyo, iNkosi ezabusa ngokuhlakanipha, yenze okulungileyo, lokufaneleyo elizweni.

“Isikhathi siyeza,” kutsho uJehova, “lapho engizakwenza khona isivumelwano esitsha lendlu ka-Israyeli kanye lendlu kaJuda futhi. Kasiyikuba njengesivumelwano engasenza labakhokho babo lapho ngababamba ngesandla ukubaholela ngaphandle kweGibhithe, ngoba bephula isivumelwano sami, lanxa ngangingumyeni wabo,” kutsho uJehova. “Isivumelwano engizasenza lendlu ka-Israyeli ngemva kwalesosikhathi yilesi,” kutsho uJehova. “Ngizafaka umthetho wami ezingqondweni zabo, ngiwulobe lasezinhliziyweni zabo. Ngizakuba nguNkulunkulu wabo, bona bazakuba ngabantu bami. Umuntu kasayikufundisa umakhelwana wakhe, kumbe umuntu afundise umfowabo esithi, ‘Yazi uJehova,’ ngoba bonke bazangazi, kusukela komncane wabo kusiya komkhulukazi,” kutsho uJehova. Ngoba ngizabathethelela ububi babo, ngingazikhumbuli futhi izono zabo.”

“Ngalesosikhathi samakhosi lawo uNkulunkulu wasezulwini uzabeka umbuso ongasoze wabhidlizwa lanini njalo ongasoze utshiyelwe abanye abantu. Uzayibhidliza yonke leyomibuso iphele, kodwa wona uzakuma laphakade.

Khonapho inkosi uNebhukhadinezari wathi lothu ngokumangala, wabuza abacebisi bakhe wathi, “Kanti angithi abemathathu amadoda esiwabophileyo sawaphosela emlilweni na?” Baphendula bathi, “Liqiniso lelo, O nkosi.” Wathi, “Khangelani! Ngibona amadoda amane ehambahamba phakathi komlilo, engabotshwanga njalo engalinyazwanga lutho, njalo owesine lowo ukhangeleka njengendodana yabonkulunkulu.”

“Ngisakhangele, “kwabekwa izihlalo zobukhosi, uSimakade wahlala kwesakhe. Izigqoko zakhe zazimhlophe njengeqhwa; izinwele zekhanda lakhe zimhlophe njengoboya bezimvu. Isihlalo sakhe sasilavuka umlilo, lamavili aso wonke evutha umlilo. Kwakugeleza umfula womlilo, uphethuka ngaphambi kwakhe. Izinkulungwane lezinkulungwane zazimkhonza; izinkulungwane ezilitshumi ziphindwe ngezinkulungwane ezilitshumi zema phambi kwakhe. Inkundla yokwahlulela yahlala phansi, kwasekuvulwa izincwadi.

“Embonweni wami ebusuku ngakhangela kwabonakala khonapho phambi kwami lowo owayefana lendodana yomuntu esiza ngamayezi ezulu. Yasondela kuSimakade yesiwa phambi kwakhe. Yaphiwa amandla lobukhosi lamandla okubusa; bonke abantu, lezizwe zonke labantu bendimi zonke bamkhonza. Ubukhosi bakhe yibukhosi obungapheliyo obungayikwedlula, lombuso wakhe kawusoze uchithwe.

“Yazi njalo uzwisise lokhu: Kusukela ekukhutshweni kwesimemezelo sokuthi kuvuselelwe njalo kwakhiwe kutsha iJerusalema kuze kufike umbusi ongo-Gcotshiweyo kuzakuba ‘lezikhombisa’ (amaviki) eziyisikhombisa ‘lezikhombisa’ ezingamatshumi ayisithupha lambili. Lizakwa-khiwa libe lemigwaqo lomgelo, kodwa kuyi-zikhathi zohlupho. Ngemva ‘kwezikhombisa’ lezo ezingamatshumi ayisithupha lambili oGcotshiweyo uzaqunywa afe engelalutho. Abantu bombusi ozakuza bazalibhidliza idolobho lendlu yenkonzo. Ukuphela kuzafika njengesikhukhula: Impi izaqhubeka kuze kube sekupheleni, sekumenyezelwe izincithakalo.

“Kodwa wena Bhethilehema Efratha, lanxa umncinyane phakathi kwezizwana zakoJuda, kuwe ngizavelelwa ngozakuba ngumbusi wako-Israyeli, omdabuko wakhe ngowasekadeni, kusukela ezikhathini zendulo.”

Uzakuma eluse umhlambi wakhe ngamandla kaJehova, ngobukhosi bebizo likaJehova uNkulunkulu wakhe. Bazahlala ngokuvikeleka, ngoba lapho udumo lwakhe luzafika emikhawulweni yomhlaba.

‘Inkazimulo yale indlu yakhathesi izakuba nkulu kuleyendlu yakuqala,’ kutsho uJehova uSomandla. ‘Njalo indawo le ngizayipha ukuthula,’ kutsho uJehova uSomandla.”

Thokoza kakhulu, wena Ndodakazi yaseZiyoni! Memeza, Ndodakazi yaseJeresalema! Khangela, inkosi yakho iyeza kuwe, iza ilungile ilensindiso, imnene, ihamba ikhwele ubabhemi, iphezu kwethole, inkonyane kababhemi.

UJehova wasesithi kimi, “Yiphosele kumbumbi”  —  imali engaka ababengilinganisele yona! Ngasengizithatha lezozinhlamvu zesiliva ezingamatshumi amathathu ngaziphosela endlini kaJehova kumbumbimbiza.

“Ngizathululela phezu kwendlu kaDavida laphezu kwabakhileyo eJerusalema umoya womusa lobubele. Bazakhangela kimi, mina abamgwazayo, bangililele njengomuntu elilela umntanakhe ozelwe yedwa, bamkhalele kabuhlungu njengomuntu ekhalela indodana yakhe elizibulo.

Aluba ebuzwa kuthiwe, “Ngawani amanxeba la asemzimbeni wakho?” Uzaphendula athi, ‘Ngamanxeba engawazuza endlini yabangane bami.’ Umalusi Utshayiwe, Zahlakazwa Izimvu “Vuka, wena nkemba, vukela umalusi wami, uvukele umuntu osekhwapheni lami!” kutsho uJehova uSomandla. “Tshaya umalusi, izimvu zizahlakazeka, njalo ngizaphendula isandla sami ngitshaye ezincinyane.

Umbhalo wosendo lukaJesu Khristu indodana kaDavida, indodana ka-Abhrahama:

uJakhobe enguyise kaJosefa, umkaMariya, owazala uJesu obizwa ngokuthi nguKhristu.

Kanjalo-ke kwakulezizukulwane ezilitshumi lane sezizonke kusukela ku-Abhrahama kusiya kuDavida, ezilitshumi lane kusukela kuDavida kusiya ekuthunjweni eBhabhiloni, njalo ezilitshumi lane kusukela ekuthunjweni kusiya kuKhristu.

UJesu Khristu wazalwa kanje: Unina uMariya wayethembisane loJosefa ukuthi bazatshada, kodwa kwathi bengakahlangani wabonakala esezithwele, kwenziwe ngoMoya oNgcwele.

Uzabeletha indodana ozayetha ibizo uthi nguJesu, ngokuba uzasindisa abantu bakhe ezonweni zabo.” Konke lokhu kwenzakala ukugcwalisa okwakutshiwo yiNkosi ngomphrofethi ukuthi: “Intombi epheleleyo izakhulelwa izale indodana, bayibize ngokuthi ngu-Imanuweli  —  okutsho ukuthi, uNkulunkulu ulathi.”

Kodwa kazange embathe laye waze wabeletha indodana. Wayetha ibizo wathi nguJesu.

UJesu esezelwe eBhethilehema laseJudiya ngesikhathi sokubusa kweNkosi uHerodi kwafika eJerusalema iZazi zivela empumalanga, zabuza zathi, “Ungaphi lowo ozalelwe ukuba yinkosi yamaJuda na? Sayibona inkanyezi yakhe empumalanga ngakho size ukuzamkhonza.” Kwathi iNkosi uHerodi isikuzwile lokhu yakhathazeka kanye leJerusalema lonke njengaye. Kwathi esebizele ndawonye bonke abaphristi abakhulu lezazi zomthetho, wababuza ukuthi uKhristu wayezazalelwa ngaphi. Baphendula bathi, “EBhethilehema laseJudiya, ngokuba yilokhu okwalotshwa ngumphrofethi ukuthi: “ ‘Lawe Bhethilehema, elizweni lakoJuda, kawumncinyane kulabo bonke ababusi bakoJuda; ngokuba kuzavela umbusi kuwe ozakuba ngumalusi wabantu bami u-Israyeli.’ ”

Zangena endlini zambona umntwana lonina uMariya, zakhothama zamkhonza. Zasezivula izimpahla zazo eziligugu zamkhunga ngezipho zegolide lempepha lemure.

“Mina ngilibhaphathiza ngamanzi, kubonisa ukuphenduka. Kodwa ngemva kwami kuzakuza olamandla kulami, njalo kakungilingananga ukuthwala amanyathelo akhe. Uzalibhaphathiza ngoMoya oNgcwele langomlilo. Isitsha sakhe sokwela sisesandleni sakhe, njalo uzathanyela isiza sakhe, abuthele wonke amabele esiphaleni, kuthi amakhoba awatshise ngomlilo ongacimiyo.”

Kwafika uJesu evela eGalile weza eJodani ukuba abhaphathizwe nguJohane. Kodwa uJohane wazama ukumvala ngokuthi, “Yimi engiswela ukubhaphathizwa nguwe, kanti pho ungeza njani kimi?” UJesu waphendula wathi, “Yekela kube njalo okwalesi isikhathi; kufanele ukuba sikwenze lokhu ukuze sanelise konke ukulunga.” Ngakho uJohane wasevuma. Masinyane nje uJesu eqeda ukubhaphathizwa waphuma emanzini. Khonokho nje kwavuleka izulu wasebona uMoya kaNkulunkulu esehla njengejuba esehlela phezu kwakhe. Ilizwi lisuka ezulwini lathi, “Lo yiNdodana yami engiyithandayo; ngiyathokoza kakhulu ngayo.”

UJesu waseholwa nguMoya umusa enkangala waselingwa ngumoya omubi. Wazila ukudla okwezinsuku ezingamatshumi amane, lobusuku obungamatshumi amane, wacina eselambile kakhulu.

Kusukela kulesosikhathi uJesu waqalisa ukutshumayela esithi, “Phendukani ngokuba umbuso wezulu ususondele.”

UJesu wahamba kulo lonke iGalile efundisa emasinagogeni abo, etshumayela izindaba ezinhle ezombuso, esilisa zonke izifo lemikhuhlane ebantwini. Udumo lwakhe lwanda kulo lonke elaseSiriya, abantu babaletha kuye bonke ababegula belezifo ezahlukeneyo, labo ababesebuhlungwini obukhulu, abaphethwe ngamadimoni, abalesithuthwane labayizilima, bonke wabasilisa. Amaxuku amakhulu evela eGalile, eDekhapholi, eJerusalema, eJudiya lasemmangweni ongaphetsheya kweJodani amlandela.

“Lingacabangi ukuthi ngilande ukudiliza uMthetho labaPhrofethi. Kangilandanga ukubadiliza kodwa ukubaphelelisa.

“Yikho ngiyalitshela ukuthi linganqinekeli ukuphila kwenu, ukuthi lizakudlani loba lizanathani; kumbe ngomzimba wakho, ukuthi uzavunulani. Impilo kayiqakathekanga okudlula ukudla na, lomzimba okudlula izigqoko na?

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini.

UJesu waphendula wathi, “Amakhanka alemilindi lezinyoni zezulu zilezidleke, kodwa iNdodana yomuntu kayilandawo yokubeka ikhanda layo.”

Amadoda amangala abuza athi, “Ngumuntu bani lo? Uze alalelwe ngumoya kanye lamagagasi!”

Esazi imicabango yabo uJesu wathi kubo, “Kungani licabanga izinto ezimbi ezinhliziyweni zenu na?

Kodwa ukuze lazi ukuthi iNdodana yoMuntu ilamandla okuthethelela izono emhlabeni … ” Wasesithi kowome izitho, “Sukuma, thatha icansi lakho uhambe uye ekhaya.”

UJesu wanquma kuwo wonke amadolobho lemizi efundisa emasinagogeni abo, etshumayela izindaba ezinhle ezombuso njalo eselapha zonke izifo lemikhuhlane.

UJesu wabizela ndawonye abafundi bakhe abalitshumi lambili wabapha amandla okukhupha imimoya emibi lokusilisa zonke izifo lemikhuhlane.

Bonke abantu bazalizonda ngenxa yami, kodwa lowo omayo aqine kuze kube sekupheleni uzasindiswa.

“Loba ngubani ongivuma phambi kwabantu lami ngizamvuma phambi kukaBaba ezulwini. Kodwa lowo ongiphikayo phambi kwabantu lami ngizamphika phambi kukaBaba ezulwini.

“Lingakhumbuli ukuthi ngilethe ukuthula emhlabeni. Kangizanga ukuletha ukuthula kodwa inkemba. Ngoba ngize ukuxabanisa ‘indoda loyise, indodakazi lonina umalokazana loninazala  —

“Lowo othanda uyise loba unina kulami kangifanelanga; lowo othanda indodana yakhe loba indodakazi yakhe kulami kangifanelanga; njalo lowo ongathathi isiphambano sakhe angilandele kangifanelanga.

INdodana yoMuntu yafika yadla yanatha, bathi, ‘Nansi isidli lesidakwa, umngane wabathelisi le“zoni.” Kodwa-ke ukuhlakanipha kuyaziveza ukuqonda kwakho ngezenzo zakho.”

“Zonke izinto zethulwe kimi nguBaba. Kakho oyaziyo iNdodana ngaphandle kukaBaba, njalo kakho omaziyo uBaba ngaphandle kweNdodana lalabo iNdodana ekhethe ukuba ibembulele yena.

“Wozani kimi lina lonke elikhatheleyo lelisindwayo, ngizaliphumuza. Zithwaliseni ijogwe lami, lifunde kimi, ngokuba ngimnene ngithobekile enhliziyweni, njalo lizazuza ukuphumula kwemiphefumulo yenu. Ngokuba ijogwe lami lilula lomthwalo wami kawusindi.”

Phela iNdodana yoMuntu iyiNkosi yeSabatha.”

Izizwe zizabeka ithemba lazo ebizweni layo.”

Basebeletha kuye indoda eyayiledimoni, eyayiyisiphofu njalo iyisimungulu. UJesu wayisilisa yakwazi ukukhuluma lokubona. Bonke abantu bamangala bathi, “Kambe lo angabe uyiNdodana kaDavida na?”

UJesu wayeyazi imicabango yabo wasesithi kubo, “Yilowo lalowo umbuso owehlukene phakathi kawumi.

Kodwa uma ngikhupha amadimoni ngoMoya kaNkulunkulu, kutsho ukuthi umbuso kaNkulunkulu usufikile kini.

NjengoJona owahlala izinsuku ezintathu lobusuku obuthathu esiswini senhlanzi enkulu, kanjalo iNdodana yoMuntu izahlala izinsuku ezintathu lobusuku obuthathu emathunjini omhlabathi.

Ngoba ingqe ngubani owenza intando kaBaba osezulwini ungumfowethu, ungudadewethu njalo ungumama.”

Indodana yoMuntu izathuma izingilosi zayo zicente konke okubanga isono embusweni wayo labo bonke abenza ububi.

Wasetshela abantu ukuthi kabahlale phansi etshanini. Wasethatha izinkwa zonhlanu lezinhlanzi zombili wakhangela ezulwini wabonga, wasehlephula izinkwa. Waseziqhubela abafundi, abafundi labo bazinika abantu. Bonke badla basutha, abafundi bakhe babutha imvuthu ezasalayo bagcwalisa izitsha ezilitshumi lambili. Inani lalabo abadlayo lalingaba ngamadoda ayizinkulungwane ezinhlanu, ngaphandle kwabesifazana labantwana.

Ngesikhathi somlindo wesine ebusuku uJesu waya kubo ehamba phezu kwechibi. Kwathi abafundi bembona ehamba phezu kwechibi besaba kakhulu. “Lithonga,” batsho, bekhala ngokwesaba.

Kwathi labo ababesesikepeni bamkhonza bathi, “Ngempela uyiNdodana kaNkulunkulu.”

Kwathi abantu bakuleyondawo sebemnanzelele uJesu bathumela ilizwi kuwo wonke ummango wakulelo. Abantu babaletha bonke abagulayo babo kuye bamncenga ukuthi avumele labo abagulayo ukuthi bathinte nje umphetho wesigqoko sakhe, kwathi bonke labo abamthintayo basiliswa.

Kweza kuye amaxuku amakhulu abantu beletha abaqhugezayo, iziphofu, izigoga, izimungulu labanye abanengi bababeka phambi kwakhe; wabasilisa.

Wasethatha lezozinkwa eziyisikhombisa lezinhlanzi, kwathi esebongile, wazihlephula waziqhubela abafundi, labo bazinika abantu. Bonke badla basutha. Ngemva kwalokho abafundi babutha imvuthu kwagcwala izitsha eziyisikhombisa. Inani lalabo abadlayo laliyizinkulungwane ezine, ngaphandle kwabafazi labantwana.

Waphendula uSimoni Phethro wathi, “UnguKhristu iNdodana kaNkulunkulu ophilayo.”

Waseqonqosela abafundi bakhe ukuba bangatsheli muntu ukuthi wayengu-Khristu.

Kusukela ngalesosikhathi uJesu waqalisa ukuchazela abafundi bakhe ukuthi wayemele aye eJerusalema ayehlupheka ngezinto ezinengi ezandleni zabadala, abaphristi abakhulu labafundisi bomthetho, njalo lokuthi wayemele abulawe kuthi ngelanga lesithathu avuswe aphile.

Phela iNdodana yoMuntu izakuza ngobukhosi bukaYise kanye lezingilosi zakhe, ibisivuza umuntu ngamunye mayelana lalokho akwenzileyo.

Khonapho waguquka isimo emehlweni abo. Ubuso bakhe bakhazimula njengelanga lezigqoko zakhe zaba mhlophe njengokukhanya.

Esakhuluma, iyezi elikhazimulayo labasibekela, ilizwi laphuma eyezini lathi, “Lo yiNdodana yami engiyithandayo; ngiyathokoza kakhulu ngayo. Yilaleleni!”

Bathi sebebuthene eGalile wathi kubo, “INdodana yoMuntu izanikelwa ezandleni zabantu. Bazayibulala, kuthi ngosuku lwesithathu izavuselwa ekuphileni.” Abafundi badabuka kakhulu.

“Nanzelelani ukuthi lingeyisi lamunye walaba abancinyane. Phela ngilitshela ukuthi izingilosi zabo ezulwini zihlezi zibubona ubuso bukaBaba ezulwini. ( INdodana yoMuntu yalanda ukusindisa okwakulahlekile.)

Ngoba lapho okuhlangana khona ababili loba abathathu ngebizo lami, ngizabe ngikhona labo lami.”

UJesu waphendula wathi, “Aluba ufuna ukuthi uphelele, thengisa yonke inotho yakho uphe abayanga, lapho-ke uzakuba lenotho ezulwini. Usungeza ungilandele.”

“Sesisiya eJerusalema lapho iNdodana yoMuntu ezanikelwa khona kubaphristi abakhulu labafundisi bomthetho. Bazayigwebela ukufa bayinikele kwabeZizwe ukuba iyangiswe, itshaywe njalo ibethelwe. Ngosuku lwesithathu izavuswa iphile!”

njengeNdodana yoMuntu engezelanga ukuzakhonzwa, kodwa ukukhonza, lokunikela ukuphila kwayo kube lihlawulo labanengi.”

Ixuku elikhulu labantu lendlala izingubo zalo endleleni. Amaxuku ayehamba phambi kwakhe lalawo ayelandela amemeza athi, “Hosana kuyo iNdodana kaDavida!” “Ubusisiwe yena ozayo ngebizo leNkosi!” “Hosana phezulu kwaphezulu!”

UJesu wangena esigcawini sethempeli wabaxotsha bonke ababethenga lababethengisa khona. Wagenqula amatafula alabo ababentshintshela abanye izimali lezihlalo zabathengisa amajuba. Wathi kubo, “Kulotshiwe ukuthi, ‘Indlu yami izabizwa ngokuthi yindlu yokukhuleka,’ kodwa lina seliyenza ‘ubhalu lwabaphangi.’ ” Iziphofu labaqhugezelayo beza kuye ethempelini wabasilisa. Kodwa kwathi abaphristi abakhulu labafundisi bomthetho bebona izimanga ayezenza labantwana bememeza esigcawini sethempeli besithi, “Hosana kuyo iNdodana kaDavida,” banengeka.

UJesu wathi kubo, “Kalibalanga yini eMibhalweni ukuthi: “Ilitshe elaliwe ngabakhi seliyilona insika yegumbi; yiNkosi ekwenzileyo lokhu, yikho kuyamangalisa ngokubona kwethu?’ “Ngakho ngiyalitshela ukuthi umbuso kaNkulunkulu lizawuthathelwa uphiwe abantu abazathela izithelo zawo. Lowo ozawela phezu kwalelilitshe uzacubuzeka, kodwa lowo elizawela phezu kwakhe uzahlifizwa.”

Kwathi abaFarisi behlangene ndawonye uJesu wababuza wathi, “Lithini ngoKhristu na? Uyindodana kabani?” Baphendula bathi, “Yindodana kaDavida.” Wathi kubo, “Kungani pho uDavida wathi ekhuluma ngoMoya umbiza athi ‘Nkosi’? Ngoba uthi, “ ‘INkosi yathi eNkosini yami: “Hlala ngakwesokunene sami ngize ngibeke izitha zakho ngaphansi kwezinyawo zakho,” ’ Pho, uma uDavida esithi kuye, ‘Nkosi’, angaba yindodana yakhe njani?” Kakho loyedwa owaba lelizwi lokumphendula. Kwathike kusukela ngalolosuku kakho owaqunga isibindi sokumbuza eminye imibuzo.

Njalo lingabizwa lithiwe ‘mfundisi,’ ngokuba liloMfundisi oyedwa, uKhristu.

“Lapho lizanikelwa ukuba lihlutshwe njalo libulawe, futhi lizazondwa yizizwe zonke ngenxa yami.

Ngoba njengombane osuka empumalanga uhle ubonakale lasentshonalanga, kuzakuba njalo ukufika kweNdodana yoMuntu.

“Kulesosikhathi isiboniso seNdodana yoMuntu sizavela emkhathini, kuthi zonke izizwe zomhlaba zilile. Zizabona iNdodana yoMuntu isiza ngamayezi esibhakabhakeni, ilamandla lobukhosi obukhulu.

Izulu lomhlaba kuzadlula, kodwa amazwi ami kasoze edlule lanini.

“Nxa iNdodana yoMuntu isisiza ngenkazimulo yayo, ikanye lezingilosi zonke, izahlala esihlalweni sayo sobukhosi ilenkazimulo yasezulwini. Zonke izizwe zizabuthaniswa phambi kwayo, ibe isisahlukanisa abantu omunye komunye njengomalusi esahlukanisa izimvu ezimbuzini. Izabeka izimvu ngasekunene kwayo lezimbuzi ngasekhohlo. Lapho-ke iNkosi izakuthi kulabo abangasekunene kwayo, ‘Wozani, lina elibusisiweyo nguBaba; thathani ilifa lenu, umbuso owalungiselwa lina kulokhu kwadalwa umhlaba.

Bathi besadla uJesu wathatha isinkwa wabonga, wasihlephula wasipha abafundi bakhe esithi, “Thathani lidle; lokhu kungumzimba wami.” Wasethatha inkomitshi wabonga, waseyedlulisela kubo esithi, “Nathani kuyo lonke. Leli ligazi lami lesivumelwano elichithelwe abanengi ukuthethelelwa kwezono. Ngiyalitshela angisayikuphinda ngisinathe lesisithelo sevini kusukela manje kuze kube yilolosuku lapho engizalinatha kabutsha lani embusweni kaBaba.”

Wasesithi kubo, “Umphefumulo wami ugajelwa lusizi kuze kuthi ngife. Hlalani lapha lilinde lami.”

Ucabanga ukuthi ngingaze ngacela kuBaba, masinyane nje angiphe amaviyo alitshumi lambili ezingilosi? Kodwa phela ibingagcwaliseka kanjani imiBhalo ethi kumele kwenzeke ngale indlela na?”

Kodwa uJesu wala elokhu ethule. Umphristi ophezulu wathi kuye, “Ngiyakulaya, ngimfunga uNkulunkulu ophilayo ngithi: Sitshele ingabe unguKhristu, iNdodana kaNkulunkulu.” “Yebo,” kuphendula uJesu. “Kunjengoba usitsho. Kodwa ngithi kini lonke: Ngesikhathi esizayo lizayibona iNdodana yoMuntu ihlezi kwesokunene sikaMninimandla isehla ngamayezi ezulwini.”

Basebemkhafulela emehlweni njalo bammuhluza ngenqindi. Abanye bammakala bathi, “Phrofetha kithi, Khristu. Ngubani okutshayileyo?”

Ngalesosikhathi uJesu wamiswa phambi kombusi, umbusi wasebuza wathi, “Uyinkosi yamaJuda na?” “Yebo, kunjengoba usitsho,” kuphendula uJesu.

Kuthe abantu sebebuthene uPhilathu wababuza wathi, “Nguwuphi elifuna ngilikhululele yena na: uBharaba, loba uJesu othiwa nguKhristu?”

“Ngenzeni, pho, ngoJesu othiwa nguKhristu?” wabuza uPhilathu. Bonke bamphendula bathi, “Mbethele!”

Bamkhumula izigqoko zakhe bamgqokisa ijazi elibomvu, basebeseluka umqhele wameva bamethesa wona. Bamphathisa intonga kwesokunene sakhe baguqa phambi kwakhe bamhoza. Bathi, “Bayethe, Nkosi yamaJuda!” Bamkhafulela, bamthathela leyontonga bamtshaya baphindaphinda ekhanda. Sebemhozile, bamhlubula ijazi bamgqokisa ezakhe. Basebemqhuba besiya mbethela.

Ngaphezu kwekhanda lakhe babeka umbhalo wecala lakhe usithi: LO NGUJESU, INKOSI YAMAJUDA.

Ngokunjalo abaphristi abakhulu, labafundisi bomthetho kanye labadala bamhoza. Bathi, “Wasindisa abanye, kodwa uyehluleka ukuzisindisa yena! UyiNkosi yako-Israyeli! Kehle manje esiphambanweni ukuze simkholwe. Uthembele kuNkulunkulu. UNkulunkulu kamlamlele phela manje nxa emfuna, ngoba wathi, ‘NgiyiNdodana kaNkulunkulu.’ ”

Ngehora lesificamunye uJesu wamemeza ngelizwi elikhulu wathi, “Eloyi, Eloyi, lamasabakthani?”  —  okutsho ukuthi, “Nkulunkulu wami, Nkulunkulu wami, kungani usungidelile na?”

UJesu esephindile ukumemeza ngelizwi elikhulu, umoya wakhe waphuma. Kusonaleso isikhathi ikhetheni lethempeli laqhekezeka kabili kusukela phezulu kusiya phansi. Umhlaba wazamazama lamatshe aqhekezeka. Amathuna avuleka, izidumbu zabanengi abantu abangcwele abafayo zavuswa baphila. Baphuma emathuneni, kwathi ngemuva kokuvuka kukaJesu baya edolobheni elingcwele bavela ebantwini abanengi. Kwathi ukuba induna yekhulu kanye lalabo eyayilinde uJesu labo bebona ukuzamazama komhlaba kanye lakho konke okwakwenzakele, besaba kakhulu, bababaza bathi, “Ngeqiniso ube eyiNdodana kaNkulunkulu!”

Kwaba lokuzamazama okukhulu komhlaba ngoba ingilosi yeNkosi yehla ivela ezulwini, yaya ethuneni yaligiqela eceleni ilitshe yahlala phezu kwalo. Ukubonakala kwayo kwakunjengombane, lezigqoko zayo zimhlophe nke njengongqoqwane. Abalindi bayesaba baze bathuthumela baba njengabafileyo. Ingilosi yathi kwabesifazana, “Lingesabi, ngoba ngiyazi ukuthi lidinga uJesu owabethelwayo. Kakho lapha; usevukile njengoba watsho. Wozani libone indawo abelele kuyo. Selizahamba masinyane liyotshela abafundi bakhe lithi: ‘Usevukile kwabafileyo, usehamba phambi kwenu ukuya eGalile. Kulapho elizambona khona. Mina sengilitshelile manje.’ ”

Khonokho uJesu wahlangana labo. Wathi, “Salibonani.” Beza kuye, bamnamathela ngezandla ezinyaweni zakhe bamkhonza. UJesu wasesithi kubo, “Lingesabi. Hambani liyotshela abafowethu ukuthi baye eGalile; kulapho abazangibona khona.”

UJesu weza kubo wathi, “Wonke amandla ezulwini lasemhlabeni aphiwe mina. Ngakho hambani lenze abafundi ezizweni zonke, libabhaphathize ebizweni likaBaba, leleNdodana lelikaMoya oNgcwele, njalo libafundise ukulalela konke engililaye ngakho. Ngempela ngilani kokuphela, kuze kube sekucineni kwesikhathi.”

Ukuqalisa kwevangeli ngoJesu Khristu, indodana kaNkulunkulu.

Mina ngilibhaphathiza ngamanzi, kodwa yena uzalibhaphathiza ngoMoya oNgcwele.”

Kusona lesosikhathi uJesu weza evela eGalile wabhaphathizwa nguJohane eJodani. UJesu ephuma emanzini wabona izulu livuleka uMoya esehlela phezu kwakhe enjengejuba. Kwafika ilizwi livela ezulwini lathi: “Wena uyiNdodana yami engiyithandayo; ngiyathokoza kakhulu ngawe.” Masinyane uMoya wamthumela enkangala, wahlala khona enkangala izinsuku ezingamatshumi amane elingwa nguSathane. Wayehlala lezinyamazana zeganga, ekhonzwa yizingilosi.

Baya eKhaphenawume, kwathi sekufike iSabatha uJesu waya esinagogini waqalisa ukufundisa. Abantu bamangaliswa yikufundisa kwakhe ngoba wayefundisa njengomuntu ololwazi, hatshi njengabafundisi bomthetho. Khonokho nje indoda eyayisesinagogini labo eyayiphethwe ngumoya omubi yamemeza yathi, “Ufunani kithi, Jesu waseNazaretha? Ulande ukuzasibhubhisa na? Ngiyakwazi ukuthi ungubani  —  ungoNgcwele kaNkulunkulu!” “Thula!” kukhwaza uJesu. “Phuma kuye!” Umoya omubi wayidlukuluza ngamandla indoda waphuma kuyo unqongoloza. Abantu bamangala baze babuzana bathi, “Kuyini lokhu? Yikufundisa okutsha  —  okulokwazi! Futhi ulaya imimoya emibi imlalele.” Izindaba ngaye zamemetheka ngokuphangisa kuwo wonke ummango waseGalile.

uJesu wasilisa abanengi ababelezifo ezehlukeneyo. Njalo wakhupha amadimoni amanengi, kodwa kaze awavumela amadimoni ukuthi akhulume ngoba ayemazi ukuthi ungubani.

Kodwa wasuka wahle wavula isifuba sakhe wayisakaza indaba. Ngenxa yalokho uJesu wayengabe esangena obala edolobheni kodwa wasehlala ngaphandle ezindaweni ezingelabantu. Loba kunjalo abantu babelokhu bethululeka besiza kuye beqhamuka inxa zonke.

Loba wayengaze aye ngaphi  —  emizini, emadolobheni loba emaphandleni  —  babeka abagulayo ezindaweni zokuthengisela. Bamncenga ukuthi abavumele bathinte nje umphetho wesigqoko sakhe, kwathi bonke labo abamthintayo basila.

Wasebabuza wathi, “Kodwa lina-ke? Lithi ngingubani?” UPhethro waphendula wathi, “UnguKhristu.”

Waqalisa ukubafundisa ngokuthi iNdodana yoMuntu imele ihlupheke kakhulu yaliwe ngabadala, labaphristi abakhulu labafundisi bomthetho lokuthi kwakumele ibulawe kuthi ngemva kwezinsuku ezintathu ivuke njalo.

ngokuba wayefundisa abafundi bakhe. Wathi kubo, “INdodana yoMuntu izanikelwa ezandleni zabantu. Bazayibulala, kuthi ngemuva kwezinsuku ezintantu izavuka.”

Babesendleleni besiya eJerusalema, uJesu ekhokhele, abafundi bedidekile, kwathi labo ababelandela babesesaba. Waphinda njalo wathatha abalitshumi lambili wabadonsela eceleni wabatshela lokho okwakuzakwenzakala kuye. Wathi, “Siya eJerusalema, iNdodana yoMuntu izanikelwa kubaphristi abakhulu labafundisi bomthetho. Bazayigwebela ukufa bayinikele kwabeZizwe, abazayiyangisa bayikhafulele, bayitshaye njalo bayibulale. Ngemuva kwezinsuku ezintathu izavuka.”

Ngoba leNdodana yoMuntu kayizelanga ukuzakhonzwa, kodwa ukuzakhonza, njalo ukunikela impilo yayo ibe yinhlawulo yabanengi.”

Bathi befika eJerusalema uJesu wangena egcekeni lethempeli wafika wabaxotsha labo ababethenga lababethengisa khona. Wagenqula amatafula abantshintshi bezimali lezihlalo zababethengisa amajuba, kaze avumela muntu ukungenisa okuthengiswayo ezindlini zethempeli. Wathi esabafundisa wathi, “Kakulotshwanga yini ukuthi: “Indlu yami izabizwa ngokuthi yindlu yokukhuleka okwezizwe zonke’? Kodwa lina seliyenze ubhalu lwabaphangi.” Abaphristi abakhulu labafundisi bomthetho bakuzwa lokhu basebeqalisa ukudinga indlela yokumbulala, ngokuba babemesaba ngoba ixuku lonke lalimangaliswa yikufundisa kwakhe.

Kwathi uJesu efundisa emagumeni ethempeli wabuza wathi, “Kungani abafundisi bomthetho besithi uKhristu uyindodana kaDavida na?

Bonke abantu bazalizonda ngenxa yami, kodwa lowo omayo aqine kuze kube sekupheleni uzasindiswa.

“Kuleso isikhathi abantu bazayibona iNdodana yoMuntu isiza emayezini ilamandla amakhulu lenkazimulo.

Izulu lomhlaba kuzakwedlula, kodwa amazwi ami kawayikwedlula lanini.

Bathi belokhu besidla uJesu wathatha isinkwa, wabonga, wasihlephula, wasipha abafundi bakhe esithi, “Sithatheni; lo ngumzimba wami.” Wasethatha inkezo, wabonga wasebaqhubela, bonke banatha kuyo. Wathi kubo, “Leli ligazi lami lesithembiso elichithelwa abanengi.

Kodwa uJesu wala elokhu ethule kazaba lampendulo. Umphristi ophezulu waphinde wambuza wathi, “Unguye uKhristu, iNdodana yoBusisiweyo na?” UJesu wathi, “Nginguye. Njalo lizayibona iNdodana yoMuntu ihlezi kwesokunene salowo Olamandla isehla ngamayezi ezulu.”

UPhilathu wambuza wathi, “Uyinkosi yamaJuda na?” UJesu waphendula wathi, “Yebo, njengoba usitsho nje.”

Bamgqokisa ijazi eliyibubende, base beseluka umqhele wameva bamethesa wona. Basebememeza besithi kuye, “Bayethe, nkosi yamaJuda!” Bamtshaya ekhanda ngomqwayi baphindaphinda, bamkhafulela. Baguqa phansi ngamadolo bamkhonza. Sebemhozile, bamhlubula ijazi eliyibubende bamgqokisa ezakhe izigqoko. Basebephuma laye bamqhuba ukuba bayombethela.

Umbhalo owaphanyekwayo owecala lakhe wawusithi: INKOSI YAMAJUDA. Babethela kanye laye abaphangi ababili, omunye ekunene kwakhe, omunye kwesokhohlo. ( Kwagcwaliseka umbhalo othi, “Wabalwa ndawonye lezephulamthetho.”)

Ake kuthi uKhristu lo, iNkosi le yako-Israyeli, yehle esiphambanweni ukuze sibone, sikholwe.” Lalabo ayebethelwe kanye labo, labo babemhlambaza.

Kwathi ngehora lesificamunwe munye uJesu wakhala ngelizwi elikhulu wathi, “Eloyi, Eloyi, lamasabakithani?”  —  okutsho ukuthi, “Nkulunkulu wami, Nkulunkulu wami, usungitshiyelani na?”

UJesu wahlaba umkhosi, wasuphuma kuye umphefumulo. Ikhetheni lethempeli ladabuka kabili lisuka phezulu kusiya phansi. Kwathi induna yekhulu eyayimi khonapho phambi kukaJesu isizwa ukukhala kwakhe njalo ikubonile ukuthi ufe kanjani yathi, “Ngeqiniso indoda le ibe iyiNdodana kaNkulunkulu!”

Bathi bengena ethuneni babona ijaha ligqoke isigqoko esimhlophe lihlezi ngasekunene, bethuka kakhulu. Lathi, “Lingaze lethuka. Lidinga uJesu umNazarini obebethelwe. Usevukile! Kakho lapha. Bonani, nansi indawo lapho bebembeke khona. Kodwa hambani liyotshela abafundi bakhe loPhethro lithi, ‘Usehamba phambi kwenu ukuya eGalile. Lizambona khonale, njengoba walitshela.’ ” Abesifazana baphuma bethuthumela njalo bedidekile bebaleka ethuneni. Kabazange batsho ulutho lakubani ngokuba babesesaba.

Ngemva kokuba iNkosi uJesu esekhulume labo, wathathwa wakhwela waya ezulwini wahlala ngakwesokunene sikaNkulunkulu. Abafundi bahamba bayatshumayela ezindaweni zonke, iNkosi yasebenza labo yaqinisa ilizwi layo ngezibonakaliso ezazilisekela.

Uzakhulelwa uzale indodana, uyethe ibizo uthi nguJesu. Uzabangumuntu omkhulu abizwe ngokuthi yiNdodana yoPhezukonke. INkosi uNkulunkulu izamupha isihlalo sikayise uDavida, njalo uzabusa phezu kwendlu kaJakhobe laphakade; umbuso wakhe kawuyikuphela.”

UMariya wayibuza ingilosi wathi, “Lokho kuzakwenzakala kanjani njengoba mina ngimsulwa ngingayazi indoda?” Ingilosi yaphendula yathi, “UMoya oNgcwele uzakwehlela phezu kwakho, lamandla akhe oPhezukonke azakusibekela. Ngakho ongcwele ozazalwa uzathiwa yiNdodana kaNkulunkulu.

wazibula ngendodana. Wayigoqela ngamalembu wayilalisa emkolweni wokudlela izifuyo ngokuba babengelandawo endlini yezihambi.

Lamuhla lizalelwe uMsindisi emzini kaDavida; unguKhristu iNkosi. Lokhu kuzakuba yisiboniso kini: Lizafumana umntwana egoqelwe ngamalembu elele esibayeni.” Masinyane kwaqhamuka ixuku lebandla lasezulwini likanye lengilosi lidumisa uNkulunkulu lisithi, “Inkazimulo kuNkulunkulu phezulu kwaphezulu, emhlabeni ukuthula ebantwini abathokozelwa nguye.”

USimiyoni wasebabusisa, wathi kuMariya unina: “Umntwana lo umiselwe ukuwa lokuvuka kwabanengi ko-Israyeli, lokuba yisibonakaliso esizagconwa, ukwenzela ukuthi imicabango yabanengi ivele obala. Njalo inkemba izawugwaza umphefumulo wakho lawe.”

Kwathi bonke abantu bebhaphathizwa, loJesu laye wabhaphathizwa. Wathi ekhuleka izulu lavuleka uMoya oNgcwele wehlela kuye elesimo sejuba. Kweza ilizwi livela ezulwini lathi: “Wena uyiNdodana yami engiyithandayo; ngiyathokoza kakhulu ngawe.”

UJesu wabuyela eGalile elamandla kaMoya, izindaba ngaye zanda kuwo wonke ummango. Wafundisa emasinagogeni abo, abantu bonke bambabaza.

Umgoqwancwadi yomphrofethi u-Isaya wedluliselwa kuye. Wawutshombulula wafumana indawo okulotshwe khona kwathiwa: “UMoya weNkosi uphezu kwami, ngokuba ingigcobile ukutshumayela izindaba ezinhle kubayanga. Ingithumile ukumemezela ukukhululwa kwezibotshwa lokusiliswa kweziphofu zibone, ukukhululwa kwabacindezelweyo, ukumemezela umnyaka womusa weNkosi.” Umgoqwancwadi lo wasewugoqa, wawubuyisela esikhonzini, wahlala phansi. Amehlo abo bonke esinagogeni athi njo kuye, waseqalisa ngokuthi kubo, “Lamhla umbhalo usugcwalisekile lizizwela.”

Bamangaliswa yikufundisa kwakhe ngoba intshumayelo yakhe yayilesisindo. Esinagogeni lapho kwakulendoda eyayiphethwe lidimoni, umoya ongcolileyo. Yaklabalala ngelizwi layo lonke yathi, “Hawu! Ufunani kithi, Jesu waseNazaretha? Ulande ukuza sibhubhisa na? Ngiyakwazi ukuthi ungubani  —  ungoNgcwele kaNkulunkulu!” “Thula!” watsho ngolaka uJesu. “Phuma kuye!” Idimoni layilahla phansi indoda phambi kwabo bonke laphuma lingayilimazanga indoda. Bonke abantu bamangala kakhulu bakhulumisana bathi, “Yikufundisa bani lokhu? Ulaya imimoya emibi ngegunya langamandla layo iphume!”

Phezu kwalokho, amadimoni aphuma kwabanengi ememeza esithi, “Wena uyiNdodana kaNkulunkulu!” Kodwa wawakhuza kazawavumela ukuthi akhulume ngokuba ayemazi ukuthi unguKhristu.

Eseqedile ukukhuluma wathi kuSimoni, “Gwedla ungene emanzini atshonayo ucwilise amambule akho ukuze ubambe inhlanzi.” USimoni waphendula wathi, “Nkosi, sisebenze gadalala ubusuku bonke kodwa kasibambanga lutho. Kodwa njengoba usitsho njalo sengizawehlisa amambule.” Kwathi sebenze njalo babamba izinhlanzi ezaba zinengi kwaze kwaqalisa ukudabuka amambule. Base bebiza abakhula babo kwesinye isikepe ukuthi bazobelekelela. Beza abakhula babo kwesinye isikepe ukuthi bazobelekelela. Beza bazigcwalisa zombili izikepe zathi phamu zaze zaqalisa ukutshona. Kwathi uSimoni Phethro ekubona lokhu wazilahla phansi phambi kukaJesu wathi, “Suka kimi, Nkosi; ngingumuntu oyisoni!”

UJesu wayekwazi abakucabangayo wasebuza wathi, “Kungani linakana izinto ezinje ezinhliziyweni zenu na?

Libusisiwe lina nxa abantu belizonda, nxa belibandlulula njalo belichothoza bephika ibizo lenu besithi lingcolile, ngenxa yeNdodana yoMuntu.

Wabuza bona wathi, “Pho lina-ke? Lithi ngingubani?” Waphendula uPhethro wathi, “UnguKhristu kaNkulunkulu.” UJesu wabaqonqosela ukuthi lokhu bangakutsheli muntu. Wasesithi, “INdodana yoMuntu izangena phakathi kokuhlupheka okukhulu yaliwe ngabadala, langabaphristi abakhulu kanye labafundisi bomthetho, besekumela ukuthi ibulawe kodwa ngelanga lesithathu ivuswe kwabafileyo.”

“Zonke izinto zinikelwe kimi nguBaba. Kakho owaziyo ukuthi ingubani iNdodana ngaphandle kukaBaba, njalo kakho omaziyo uBaba ukuthi ungubani ngaphandle kweNdodana lalabo iNdodana ekhetha ukumveza kubo.”

“Ngiyalitshela, lowo ongivumayo phambi kwabantu iNdodana yoMuntu layo izamvuma phambi kwezingilosi zikaNkulunkulu. Kodwa lowo ongiphikayo phambi kwabantu uzaphikwa phambi kwezingilosi zikaNkulunkulu.

UJesu wasedonsela abaliTshumi Lambili eceleni wabatshela wathi, “Sesisiya eJerusalema lapho konke okulotshiweyo ngabaphrofethi ngeNdododana yoMuntu kuzagcwaliseka. Izanikelwa kwabeZizwe. Bazayihoza, bayithuke, bayikhafulele, bayibhule njalo bayibulale. Ngosuku lwesithathu izavuka.”

Ngokuba iNdodana yoMuntu yalanda ukudinga lokusindisa lokho okwakulahlekile.”

Wasengena eThempelini wadudula ababethengisa khona wabaxotsha, esithi kubo, “Kubhaliwe ukuthi, ‘Indlu yami iyindlu yokukhuleka; kodwa lina seliyenze ubhalu lwamasela.’ ” Izinsuku zonke wayefundisa ethempelini. Kodwa abaphristi abakhulu labafundisi bomthetho kanye labakhokheli ababephakathi kwabantu babezama ukumbulala. Kodwa kabayizuzanga indlela yokukwenza lokho, ngokuba abantu bonke babewakholwa amazwi akhe.

UJesu wabakhangela nta wabuza wathi, “Pho kutshoni lokho okubhalwe ukuthi: ‘Ilitshe abalilahlileyo abakhi seliyisiqokoqela segumbi?’ Wonke owela phezu kwalelolitshe uzachobozeka izicucu, kodwa lowo eliwela phezu kwakhe uzahlifizwa.”

Bonke abantu bazalizonda ngenxa yami.

Kulesosikhathi bazayibona iNdodana yoMuntu isiza ngeyezi ilamandla lenkazimulo enkulu.

Izulu lomhlaba kuzadlula, kodwa amazwi ami akasoze lanini edlule.

Wasethatha isinkwa, wabonga wasesihlephula wabapha, wathi, “Lo ngumzimba wami ophiwe lina; kwenzeni lokhu kube yisikhumbuzo sami.” Ngaleyondlela, ngemva kokudla kwakusihlwa wathatha inkomitshi, wathi, “Inkomitshi le iyisivumelwano esitsha egazini lami elichithelwa lina.

Liyilabo abame lami ebunzimeni bami. Ngakho ngiyalinika umbuso njengoba uBaba wanginika omunye lami, ukuze lidle njalo linathe etafuleni lami embusweni wami njalo lihlale ezihlalweni zobukhosi, lisahlulela izizwana zika-Israyeli ezilitshumi lambili.

Kwathi edabukile kakhulu, wakhuleka ngokutshiseka, izithukuthuku zakhe zangathi ligazi lithontela phansi.

Kodwa kusukela khathesi iNdodana yoMuntu izahlala kwesokunene sikaNkulunkulu olamandla amakhulu.” Bonke babuza bathi, “Kutsho ukuthi-ke uyiNdodana kaNkulunkulu na?” Waphendula wathi, “Liqondile ukuthi ngiyiyo.”

Ngakho uPhilathu wasembuza uJesu wathi, “Uyinkosi yamaJuda na?” “Yebo, kunjengoba usitsho,” kuphendula uJesu.

Bathi sebefike endaweni ethiwa luKhakhayi bambethela esiphambanweni kanye lezigebengu lezo  —  omunye ngakwesokunene kwakhe, omunye ngasekhohlo. UJesu wathi, “Baba, baxolele, ngokuba kabakwazi abakwenzayo.” Njalo base besabelana izigqoko zakhe ngokwenza inkatho.

Kwakulombhalo wokwazisa ngaphezulu kwakhe owawusithi: LO UYINKOSI YAMAJUDA.

Wasesithi, “Jesu, ungikhumbule nxa ungafika embusweni wakho.” UJesu wamphendula wathi, “Ngiyakutshela iqiniso ngithi, lamuhla uzakuba lami epharadisi.”

Kwasekuyisikhathi esingaba lihora lesithupha, ubumnyama bembesa lonke ilizwe kwaze kwaba lihora lesificamunye, ngoba ilanga lema ukukhanya. Ikhetheni lethempeli ladabuka kabili. UJesu wamemeza ngelizwi elikhulu wathi, “Baba, nginikela umoya wami ezandleni zakho.” Esetshilo lokhu waphela.

Bathi belokhu besathithibele ngakho, masinyane kwema eduze labo amadoda amabili egqoke izigqoko ezibenyezela njengombane. Bethuka abesifazana bathi mbo phansi ngobuso, kodwa amadoda lawo athi kubo, “Lidingelani ophilayo kwabafileyo na? Kakho lapha; usevukile! Khumbulani ukuthi walitshela njani eseselani eGalile wathi:

Wasesukela kuMosi kanye labaPhrofethi bonke wabachazela okwatshiwo emiBhalweni mayelana laye.

Wathi kubo, “Lokhu yikho engalitshela khona ngiselani ukuthi: Konke kumele kugcwaliseke okwalotshwa ngami eMthethweni kaMosi labaPhrofethi lamaHubo.” Wasebavula izingqondo zabo ukuze bakwazi ukuzwisisa iMibhalo. Wabatshela wathi, “Nanku okulotshiweyo: UKhristu uzahlupheka aphinde avuke kwabafileyo ngosuku lobuthathu, njalo ukuphenduka lokuthethelelwa kwezono kuzatshunyayelwa ebizweni lakhe ezizweni zonke, kuqaliswa eJerusalema.

Elokhu esababusisa wasuka kubo wenyuselwa ezulwini. Base bemkhonza, babuyela eJerusalema bethokoza kakhulu.

Ekuqaleni wayekhona uLizwi, uLizwi waye loNkulunkulu, njalo uLizwi wayenguNkulunkulu. Waye loNkulunkulu kwasekuqaleni. Izinto zonke zenziwa ngaye; ngaphandle kwakhe kakulalutho olukhona olwenziwayo.

Wayesemhlabeni, kodwa lanxa umhlaba wenziwa ngaye, umhlaba kawumazanga. Weza kulokho okwakungokwakhe, kodwa okwakhe kakumemukelanga. Ikanti kulabo bonke abamemukelayo, kulabo abakholwayo ebizweni lakhe, wabapha ilungelo lokuba ngabantwana bakaNkulunkulu  — abantwana abangazalwanga ngendlela yemvelo, kumbe ngokuzikhethela komuntu, loba ngokuthanda kwendoda, kodwa abazelwe ngokukaNkulunkulu. ULizwi waba yinyama wahlala phakathi kwethu. Siyibonile inkazimulo yakhe; inkazimulo Yakhe Yedwa owavela kuYise, egcwele umusa leqiniso.

Ngoba umthetho walethwa ngoMosi; umusa leqiniso kweza ngoJesu Khristu.

Ngelanga elilandelayo uJohane wabona uJesu esiza kuye wathi, “Khangelani, nansi iMvana kaNkulunkulu esusa isono somhlaba!

Wathi ebona uJesu esedlula lapho wathi, “Khangelani, nansi iMvana kaNkulunkulu!”

Into yokuqala ayenzayo u-Andreya yikudinga umfowabo uSimoni wamtshela wathi, “Sesimfumene uMesiya” (okutsho uKhristu).

UNathaneli wasefakaza wathi, “Rabi, uyindodana kaNkulunkulu; uyiNkosi ka-Israyeli.”

Eduze kwalapho kwakumi izimbiza zamatshe eziyisithupha, uhlobo lolo abaJuda ababelusebenzisa enkonzweni yokuzihlambulula, ngayinye imbiza ingagcwala amalitha alikhulu kusiya ekhulwini elilamatshumi amahlanu. UJesu wathi ezincekwini, “Zigcwaliseni amanzi izimbiza lezi;” yikho bazigcwalisa zathi thwaca. Wasezitshela wathi, “Khathesi-ke khanini khonapho lise kumphathi wedili.” Benza njalo, umphathi wedili wahubula wawanambitha amanzi ayesephendulwe aba liwayini. Kakwazanga ukuthi lavela ngaphi, kodwa izince-ku ezaziwakhile amanzi zazisazi. Wasebizela umnyeni eceleni wathi, “Wonke umuntu uletha iwayini elimnandi kuqala, kuthi nxa izethekeli sezinathe kakhulu kube yikhona ekhupha elibi; kodwa wena ugodle elimnandi kuze kube khathesi.”

Yikho waseseluka izintambo wenza isaswebhu wabadudula bonke emagcekeni ethempeli, konke izimvu lezinkomo; wayichithiza imali yabantshintshi bayo, wagenqula amatafula abo. Wathi kulabo ababethengisa amajuba, “Akhupheni lapha! Likuthatha ngaphi ukwenza indlu kaBaba umkambo wokuthengiselana na?” Abafundi bakhe bakhumbula ukuthi kulotshiwe ukuthi: “Ukunqinekela indlu yakho kuzangidla ngaphakathi.” Lapho abaJuda base bemcindezela ngokuthi, “Ungasitshengisa mmangaliso bani ukubonisa amandla akho okwenza zonke lezi izinto na?” Wabaphendula uJesu wathi, “Dilizani ithempeli leli, kodwa mina ngizalimisa njalo ngezinsuku ezintathu.”

Ngikhulume kini ngezinto zalapha emhlabeni kodwa kalikholwa; pho lizakholwa kanjani nxa ngingakhuluma ngokwasezulwini? Ka-kho osewake waya ezulwini ngaphandle kwalowo owavela ezulwini  —  iNdodana yoMuntu NjengoMosi waphakamisa inyoka enkangala, ngokunjalo iNdodana yoMuntu imele iphakanyiswe, ukuze kuthi lowo lalowo okholwayo kuyo abelokuphila okungapheliyo. “UNkulunkulu walithanda ilizwe waze wanikela iNdodana yakhe iyiyo yodwa ukuze kuthi loba ngubani okholwa kuyo angabhubhi kodwa abe lokuphila okungapheliyo. Ngokuba uNkulunkulu kathumanga iNdodana yakhe emhlabeni ukuba iwulahle umhlaba, kodwa ukuba umhlaba usindiswe ngayo. Loba ngubani okholwa kuyo kalahlwa, kodwa ongakholwayo uvele uselahliwe ngokuba kakholwanga ebizweni leNdodana eyiyo yodwa kaNkulunkulu.

“Lowo ovela phezulu ungaphezulu kwakho konke; lowo ovela emhlabeni ungowomhlaba, ukhuluma njengalowo ovela emhlabeni. Lowo ovela ezulwini ungaphezu kwakho konke.

UYise uyayithanda iNdodana njalo useyiphe amandla phezu kwezinto zonke. Loba ngubani obeke ithemba lakhe eNdodaneni ulokuphila okungapheliyo, kodwa loba ngubani oyilahlayo iNdodana kazukuyibona leyompilo ngokuba ulaka lukaNkulunkulu seluphezu kwakhe.”

UJesu waphendula wathi, “Wonke umuntu onatha amanzi la uzaphinda ome njalo, kodwa lowo onatha amanzi engiwaphayo kasoze abuye ome lanini. Ngempela amanzi engimnika wona azakuba yintombo yamanzi egelezela ekuphileni okungapheliyo.”

Umfazi wathi, “Ngiyakwazi ukuthi uMesiya (othiwa nguKhristu) uyeza. Esefikile uzasichazela konke.” UJesu wasesithi, “Mina engikhuluma lawe nginguye.”

Ngalesi isizatho abaJuda bazama kakhulu ukumbulala; wayengephuli iSabatha kuphela kodwa wayebiza uNkulunkulu ngokuthi nguYise, ezenza yena olingana loNkulunkulu. UJesu wabanika impendulo le: “Ngiqinisile ngithi iNdodana ingeke yenze lutho, ngokwayo; ingenza kuphela lokho ebona uYise ekwenza, ngokuba loba kuyini uYise akwenzayo leNdodana iyakwenza. Ngokuba uYise uyayithanda iNdodana, uyitshengisa konke akwenzayo. Yebo, lizamangala ukuthi uzayitshengisa izinto ezinkulu kulalezi. Njengalokhu uYise evusa abafileyo abaphe ukuphila, kanjalo iNdodana inika ukuphila kulabo ethanda ukubanika khona. Okunye njalo, uYise kahluleli muntu, kodwa usebeke konke ukwahlulela ezandleni zeNdodana, ukuze bonke bayidumise iNdodana njengalokhu bedumisa uYise. Lowo ongayidumisiyo iNdodana kamdumisi uYise oyithumileyo. “Ngiqinisile ngithi lowo owezwayo amazwi ami amkholwe lowo ongithumileyo ulokuphila okungapheliyo njalo kazukulahlwa; usechaphile wasuka ekufeni waya ekuphileni.

Ngiqinisile ngithi, isikhathi siyeza njalo sivele sesifikile lapho abafileyo bezalizwa ilizwi leNdodana kaNkulunkulu, kuthi bonke abezwayo baphile. Njengoba uYise elokuphila kuye yena ngokwakhe, yikho useyinikile iNdodana ukuba ibe lokuphila kuyo yona ngokwayo. Njalo useyiphile amandla okwahlulela ngokuba iyiNdodana yoMuntu. “Kakungalimangalisi lokhu ngokuba siyeza isikhathi lapho kuzakuthi bonke abasemathuneni abo bezalizwa ilizwi layo baphume  —  labo abenze okuhle bazavuka baphile, lalabo abenze ububi bazavuka balahlwe.

UJesu wachaza wathi, “Ngiyisinkwa sokuphila. Lowo ozayo kimi kasoze afa alamba, lalowo okholwa kimi kasoze aphinde ome.

Ngokuba ngehlile ezulwini, hatshi ukuzakwenza eyami intando kodwa ukwenza intando yalowo ongithumileyo.

Ngiyisinkwa esiphilayo esehlela phansi sivela ezulwini. Nxa umuntu angasidla lesisinkwa, uzaphila laphakade. Lesosinkwa siyinyama yami engizayinikela ukuphila komhlaba.”

UJesu wathi kubo, “Ngiqinisile ngithi, ngaphandle kokuba lidle inyama yeNdodana yoMuntu, linathe igazi layo, kalilakuphila phakathi kwenu. Lowo odla inyama yami njalo anathe igazi lami ulokuphila okungapheliyo, njalo ngizamvusa ngosuku lokucina. Ngokuba inyama iyikhona kudla okuqotho legazi lami liyikunatha okuqotho. Lowo odla inyama yami njalo anathe igazi lami uhlala kimi, lami kuye.

Bathi bekuzwa lokhu abafundi bakhe abanengi bathi, “Le yimfundiso enzima. Kambe ngubani ongayamukela na?” UJesu wathi ngokunanzelela ukuthi abafundi bakhe babekhonona ngalokhu wathi kubo, “Lokhu kuyalikhuba yini? Kungaba njani pho uma lingayibona iNdodana yoMuntu ikhwela ibuyela lapho eyayikhona ngaphambili! UMoya unika ukuphila; inyama kayisilutho. Amazwi engiwakhulume kini angumoya njalo ayikuphila.

Waqhubeka wathi, “Yikho ngalitshela ngathi kakho ongeza kimi ngaphandle kokuba ephiwe amandla nguBaba.”

Kusukela kulesosikhathi abafundi bakhe abanengi bamdela ababe besamlandela. “Lina kalifuni ukutshiya na?” uJesu ebuza abaliTshaumi lambili. USimoni Phethro wamphendula wathi, “Nkosi, sizakuya kubani na? Wena ulamazwi okuphila okungapheliyo.

UJesu waphendula wathi, “Imfundiso yami kayisiyami mina. Ivela kulowo ongithumileyo. Uma umuntu ekhetha ukwenza intando kaNkulunkulu uzabona ingabe imfundiso yami ivela kuNkulunkulu loba ngiyazikhulumela. Lowo ozikhulumelayo wenzela ukuzizuzela udumo, kodwa lowo osebenzela udumo lwalowo omthumileyo ngumuntu weqiniso; kakulankohliso kuye.

Kwathi uJesu esekhuluma ebantwini njalo wathi, “Ngiyikukhanya komhlaba. Loba ngubani ongilandelayo kasoze ahambe ebumnyameni lanini, kodwa uzakuba lokukhanya kokuphila.”

Kodwa ngithi nxa ngingehlulela, izinqumo zami zilungile ngokuba kangingedwa. Ngimi loBaba ongithumileyo.

Yimi ngokwami engizifakazelayo; omunye ufakazi wami nguye ongithumileyo  —  uBaba.”

Kodwa waqhubeka wathi, “Lina lingabalapha phansi; mina ngivela ngaphezulu. Lingabomhlaba; kangisuye owalo umhlaba. Ngilitshelile ukuthi lizafela ezonweni zenu; uma lingakholwa ukuthi nginguye engithi nginguye, ngempela lizafela ezonweni zenu.”

Ngakho uJesu wasesithi, “Lapho seliyiphakamisile iNdodana yoMuntu lizakwazi ukuthi ngingubani lokuthi kangenzi lutho ngokwami, kodwa ngikhuluma kuphela lokho uBaba angifundise khona. Lowo ongithumileyo ulami; kangitshiyanga ngingedwa, ngoba ngihlezi ngisenza lokho okumthokozisayo.”

UJesu waphendula wathi, “Ngilitshela iqiniso ukuthi u-Abhrahama engakabi khona, Mina Ngikhona!”

UJesu wakuzwa ukuthi babemxotshele phandle, wathi esembonile wathi kuye, “Uyakholwa eNdodaneni yoMuntu na?” Indoda yabuza yathi, “Ingubani na, mnumzana? Ngitshela ukuze ngikholwe kuyo.” UJesu wathi, “Khathesi usuyibonile; iqiniso yikuthi inguye lo okhuluma lawe.” Indoda yase isithi, “Nkosi, ngiyakholwa,” yase imkhonza.

Ngakho uJesu waphinda wathi, “Ngilitshela iqiniso ukuthi mina ngiyilo isango lezimvu.

“Ngingumalusi olungileyo. Umalusi olungileyo unikela ukuphila kwakhe izimvu zakhe.

“Mina ngingumalusi olungileyo; ngiyazazi izimvu zami, njalo lezimvu zami ziyangazi  — njengoba uBaba engazi mina lami ngiyamazi uBaba  —  nginikela ukuphila kwami ezimvini zami. Ngilazo ezinye izimvu ezingasizo zalo umhlambi. Lazo ngimele ngizilethe. Lazo futhi zizalilalela ilizwi lami, ukuze kube lomhlambi owodwa lomalusi oyedwa. Isizatho sokuba uBaba angithande yikuthi ngiyayinikela impilo yami  —  ngizaphinde ngiyithathe. Kakho ongithathela yona kodwa ngiyinikela ngokufisa kwami. Ngilalo ilungelo lokuyinikela lelungelo lokuphinde ngiyithathe. Umlayo lo ngawamukela uvela kuBaba.”

UJesu waphendula wathi, “Ngalitshela, kodwa kalikholwa. Imimangaliso engiyenzayo ngebizo likaBaba iyangikhulumela, kodwa kalikholwa ngokuba kalisibo abomhlambi wami. Ezami izimvu ziyalilalela ilizwi lami; ngiyazazi lazo ziyangilandela. Ngizipha ukuphila okungapheliyo, kazisoze zabhubha; kakho ongazihlwitha esandleni sikaBaba. Ubaba ongiphe zona mkhulu kulakho konke, kakho ozangihlwitha esandleni sikaBaba Mina loBaba simunye.”

Mina loBaba simunye.” Baphinda njalo abaJuda badobha amatshe ukuba bamkhande, kodwa uJesu wathi kubo, “Ngilitshengisile imimangaliso emikhulu eminengi evela kuBaba. Yiwuphi phakathi kwayo elingikhandela wona ngamatshe?” “Kasikukhandeli lakunye kwalokhu, kodwa sikukhandela ukuhlambaza, ngokuba wena, umuntu nje, uzitshaya uNkulunkulu.”

Kodwa uma ngikwenza, lanxa lingangikholwa, kholwani ubufakazi bemimangaliso, ukuze lifunde njalo lizwisise ukuthi uBaba ukimi, lami ngikuBaba.”

UJesu wathi kuye, “Mina ngiyikuvuka kwabafileyo lokuphila. Lowo okholwa kimi uzaphila, loba ezakufa; njalo lowo ophilayo njalo ekholwa kimi kasoze afa lanini. Uyakukholwa lokhu na?” Waphendula wathi, “Yebo, Nkosi, ngiyakholwa ukuthi unguye uKhristu, iNdodana kaNkulunkulu, obezakuza emhlabeni.”

UJesu wakhala.

Esetshilo lokhu uJesu wamemeza ngelizwi elikhulu wathi, “Lazaro, phuma!” Indoda efileyo yaphuma, izandla zayo lezinyawo kusongiwe ngamaqhele elineni, kulelembu limboze ubuso. UJesu wathi kubo, “Khuphani izivunulo zokungcwaba limyekele ahambe.”

Ngosuku olulandelayo ixuku elikhulu elalikade liseDilini lezwa ukuthi uJesu wayesendleleni esiza eJerusalema. Bathatha amagatsha elala baphuma ukuyamhlangabeza, bememeza besithi, “Hosana!” “Ubusisiwe lowo ozayo ngebizo leNkosi!” “Ubusisiwe oyiNkosi ka-Israyeli!”

UJesu waphendula wathi, “Sesifikile isikhathi sokuba iNdodana yoMuntu ikhazimuliswe.

Baba, khazimulisa ibizo lakho!” Kwasekufika ilizwi livela ezulwini lisithi, “Sengilikhazimulisile, ngizaphinda ngilikhazimulise.”

Kodwa mina, nxa sengiphakanyisiwe ngisuswa emhlabeni, ngizabadonsela kimi bonke abantu.” Wakutsho lokhu eveza ukuthi wayezakufa ukufa okunjani.

U-Isaya wakutsho lokhu ngoba wayibona inkazimulo kaJesu, njalo wayekhuluma ngaye.

Ukhona umahluleli walowo ongalayo, ongawemukeliyo amazwi ami; lona lelolizwi uqobo engalikhulumayo lizamlahla ngosuku lokucina. Ngokuba kangizikhulumelanga okwentando yami, kodwa uBaba ongithumileyo wangilaya ukuthi ngithini lokuthi ngikutsho kanjani.

Kwakumandulo kweDili lePhasika. UJesu wayekwazi ukuthi isikhathi sasesifikile esokuthi asuke kulo umhlaba aye kuYise. Wayehlezi ebathanda abakhe abasemhlabeni, khathesi wasebatshengisa ukujula kothando lwakhe.

Esehambile uJesu wathi, “Khathesi iNdodana yoMuntu isikhazimulisiwe njalo uNkulunkulu ukhazimulisiwe kuyo. Aluba uNkulunkulu ekhazimulisiwe kuyo ngakho uNkulunkulu uzayikhazimulisa iNdodana kuye, njalo uzayikhazimulisa masinyane.

UJesu waphendula wathi, “Mina ngiyiyo indlela  —  njalo ngiliqiniso lokuphila. Kakho ozayo kuBaba ngaphandle kwami. Aluba belingazi mina ngempela, belizamazi loBaba. Kusukela khathesi, selimazi njalo selimbonile.”

Kawukholwa yini ukuthi ngikuBaba, lokuthi uBaba ukimi? Amazwi engiwakhulumayo kini akusiwo nje awami. Kodwa kunguBaba ophila kimi owenzayo umsebenzi wakhe. Kholwani kimi uma ngisithi ngikuBaba loBaba ukimi; loba kodwa lokhu kholwani ngenxa yobufakazi bemimangaliso ngokwayo.

Ngiqinisile ukuthi lowo okholwayo kimi uzakwenza lokho ebengikade ngikwenza. Uzakwenza izinto ezinkulu kulalezi ngokuba ngiya kuBaba. Njalo ngizakwenza noma yini eliyicelayo ngebizo lami, ukuze iNdodana ilethe inkazimulo kuBaba. Lingangicela noma yini ngebizo lami, ngizayenza. Uma lingithanda lizakwenza lokho engiliyala khona.

Ngalolosuku lizakunanzelela ukuthi ngikuBaba, lina likimi, lami ngikini.

Lowo ongangithandiyo kayikulalela imfundiso yami. Amazwi la eliwezwayo kawasiwami; angakaBaba ongithumileyo.

“Langizwa ngisithi, ‘Ngiyahamba njalo ngizabuya kini.’ Uba belingithanda, ngabe liyathokoza ukuthi ngiya kuBaba, ngoba uBaba mkhulu kulami.

“Mina ngilivini eliqotho, uBaba ungumlimi.

Mina ngilivini; lina lingamagatsha. Aluba umuntu ehlala kimi lami kuye, uzathela izithelo ezinengi; ngaphandle kwami kakukho elingakwenza. Nxa loba ngubani engahlali kimi, unjengogatsha olulahliweyo lwabuna; amagatsha anjalo ayathezwa abaswe atshe. Uma lihlala kimi lamazwi ami ehlala kini, celani loba yini eliyifunayo, lizayiphiwa.

“Njengoba uBaba engithandile, kanjalo lami ngilithandile. Manje-ke hlalani othandweni lwami. Aluba lilalela imilayo yami, lizahlala lisothandweni lwami, njengoba lami ngilalele imilayo kaBaba ngihlala ngisothandweni lwakhe. Ngilitshelile lokhu ukuze ukuthokoza kwami kube kini njalo ukuze ukuthokoza kwenu kuphelele.

Umlayo wami yilo: Thandanani njengoba ngilithandile lina. Kakho olothando olukhulu kulaye onikela ukuphila kwakhe kubangane bakhe.

“Nxa umhlaba ulizonda, khumbulani ukuthi wangizonda mina kuqala.

Lowo ozonda mina uzonda kanye loBaba.

Uzaletha inkazimulo kini ngokuthatha kulokho okungokwami akwenze kwazakale kini. Konke okungokukaBaba ngokwami. Yikho ngithe uMoya uzathatha kokungokwami akwenze kwazakale kini.

Khathesi sesibona ukuthi uyazazi izinto zonke lokuthi kakusweleki ukuthi ubuzwe imibuzo. Lokhu kwenza ukuthi sikholwe ukuba wavela kuNkulunkulu.”

Kodwa siyeza isikhathi, sesifikile, lapho elizachitheka khona, ngulowo aye ekhaya lakhe. Lizangitshiya ngedwa lonke. Ikanti kangingedwa ngoba uBaba ulami. “Ngilitshelile izinto lezi ukuze kuthi kimi libe lokuthula. Kulo umhlaba lizakuba lokuhlupheka. Kodwa yimani isibindi! Sengiwunqobile umhlaba.”

UJesu esekutshilo lokhu, wakhangela ezulwini wakhuleka wathi: “Baba, isikhathi sesifikile. Khazimulisa iNdodana yakho, ukuze iNdodana yakho ikukhazimulise. Ngokuba wayinika amandla phezu kwabantu bonke ukuthi ibaphe ukuphila okungapheliyo kubo bonke labo obanike yona. Manje-ke yilokhu ukuphila okungapheliyo: ukuthi bakwazi wena, onguwe wedwa uNkulunkulu weqiniso, uJesu Khristu omthumileyo. Sengikulethele inkazimulo emhlabeni ngokuphelelisa umsebenzi owanginika wona ukuthi ngiwenze. Manje, Baba, akungikhazimulise phambi kwakho ngaleyonkazimulo engangilayo lawe umhlaba ungakabi khona.

Ngikhulekela bona. Kangikhulekeli umhlaba, kodwa labo onginike bona, ngoba bangabakho. Konke engilakho kungokwakho, lalokho konke olakho kungokwami. Lenkazimulo isikimi ngabo.

“Sengisiza kuwe manje, kodwa ngiyazitsho lezizinto ngisesemhlabeni, ukuze babe layo ngokugcweleyo intokozo yami ngaphakathi kwabo. Ngibaphile ilizwi lakho ngakho umhlaba usubazondile, ngoba bengaseyibo bomhlaba njengoba lami ngingasuye womhlaba.

ukuthi bonke babemunye, Baba, njengoba wena ukimi lami ngikuwe. Sengathi labo bangaba kithi ukuze umhlaba ukholwe ukuthi ungithumile. Ngibaphile inkazimulo owangipha yona, ukuze babe munye njengalokhu thina simunye: mina ngibe kubo lawe ukimi. Sengathi bangaba lokumanyana okupheleleyo ukutshengisa umhlaba ukuthi ungithumile njalo ubathandile njengalokhu ungithandile mina. “Baba, ngifuna ukuthi labo ongiphe bona babe lami lapho engikhona, njalo bayibone inkazimulo yami, inkazimulo onginike yona ngoba wangithanda umhlaba ungakadalwa.

Baphendula bathi, “uJesu waseNazaretha.” UJesu wathi, “Nginguye.” (UJudasi, umthengisi wayemi khonapho labo.) UJesu esethe, “Nginguye,” batsheda bawela phansi.

UJesu wathi, “Umbuso wami kayisiwo walo umhlaba. Aluba kwakunjalo izinceku zami bezizakulwa ukuvalela ukuthi ngingabotshwa ngabaJuda. Kodwa hatshi, umbuso wami uvela kwenye indawo.” UPhilathu wathi, “Uyinkosi, phela!” UJesu waphendula wathi, “Uqondile ukuthi ngiyinkosi. Ngeqiniso ngazalelwa lokho, njalo ngalanda khona lokho emhlabeni, ukuzafakaza iqiniso. Bonke abemi eqinisweni bayangilalela.”

Amabutho eluka umqhele wameva awubeka ekhanda lakhe. Bamgqokisa isigqoko esiyibubende baya kuye baphindaphinda bememeza besithi, “Bayethe, O Nkosi yabaJuda!”

AbaJuda baphikelela bathi, “Thina silomthetho, ngakho mayelana lalowomthetho kumele afe ngokuba uzithi uyiNdodana kaNkulunkulu.”

Kwakulusuku lokuLungisela iViki yePhasika, ngehora lesithupha. UPhilathu wathi kubaJuda, “Nansi inkosi yenu.” Kodwa bamemeza bathi, “Msuse! Msuse! Mbethele!” UPhilathu wabuza wathi, “Ngibethele inkosi yenu na?” Abaphristi abakhulu bamphendula bathi, “Kasilankosi ngaphandle kukaKhesari.”

UPhilathu waloba umbhalo wananyathiselwa esiphambanweni. Wawubhalwe ukuthi: UJESU WASE-NAZARETHA, INKOSI YABAJUDA. AbaJuda abanengi bawufunda umbhalo lowo, ngoba indawo lapho uJesu abethelwa khona yayiseduze ledolobho, umbhalo lowo ulotshwe ngesiHebheru, ngesiLathini langesiGiriki. Abaphristi abakhulu bamaJuda basola kuPhilathu bathi, “Ungalobi uthi ‘INkosi yabaJuda.” Kodwa ukuthi umuntu lo wayezibiza ngokuthi uyinkosi yabaJuda.” UPhilathu waphendula wathi, “Esengikulobile, sengikulobile.”

Ngemuva kwalesosikhathi uJesu esesazi ukuthi konke kwasekuphelele, njalo ukuze umbhalo ugcwaliseke, wathi, “Ngomile.”

Esenathile wathi, “Sekuphelile.” Esetsho lokho wagobisa ikhanda lakhe wafa.

wabona izingilosi ezimbili zigqoke okumhlophe zihlezi lapho isidumbu sikaJesu sasikade sikhona, enye ngasemakhanda, enye ngasezinyaweni. Zambuza zathi, “Mama, ukhalelani na?” Wathi, “Bayisusile iNkosi yami, kangazi ukuthi bayibeke ngaphi.” Khonapho wasephenduka wabona uJesu emi khonapho, kodwa kananzelelanga ukuthi kwakunguJesu. Wathi, “Mama, ukhalelani na? Ufuna ubani na?” UMariya wayesithi kumbe ngumlimi, wasesithi, “Mnumzana, nxa kunguwe omthetheyo, ngitshela ukuthi umbeke ngaphi ukuze ngiyemthatha.” UJesu wathi, “Mariya.” Waphendukela kuye wamemeza ngesiHebheru wathi, “Rabhoni!” (okutsho ukuthi Mfundisi).

Kusihlwa ngalolosuku lokuqala lweviki, abafundi babendawonye behluthulele iminyango ngoba besesaba abaJuda, uJesu wafika wema phakathi kwabo wathi, “Ukuthula kakube kini!”

Sekudlule iviki abafundi bakhe babesendlini njalo, loTomasi elabo. Lokuba iminyango yayihluthulelwe uJesu wafika wema phakathi kwabo wathi, “Ukuthula kakube kini!” Wasesithi kuTomasi, “Beka umunwe wakho lapha; bona izandla zami. Yelula isandla sakho usibeke ohlangothini lwami. Khawula ukuthandabuza ukholwe.” UThomasi wathi kuye, “Nkosi yami, Nkulunkulu wami!”

UJesu wenza eminye imimangaliso eminengi abafundi bakhe bekhangele, kodwa engabhalwanga kule incwadi. Kodwa le ibhaliwe ukuze likholwe ukuthi uJesu unguKhristu, iNdodana kaNkulunkulu, njalo ukuze kuthi ngokukholwa libe lokuphila ngebizo lakhe.

Wathi, “Phosani umambule wenu ngasekunene kwesikepe lizazuza khona. Bathe sebenze njalo behluleka ukudonsa umbule ngenxa yobunengi bezinhlanzi. Lowomfundi owayethandwa nguJesu wathi kuPhethro, “YiNkosi!” USimoni Phethro wonela ukuzwa esithi, “YiNkosi,” wazembathisa ngesigqoko sakhe sejazi (ngoba wayesikhumule) weqela emanzini.

UJesu wenza ezinye izinto ezinengi njalo. Aluba zonke nganye zazingabhalwa phansi, ngibona ingathi lomhlaba wonke wawuzaswela indawo yezincwadi ezazingabhalwa.

Ngemuva kokuhlupheka kwakhe waziveza emadodeni la watshengisa iziqiniselo ezinengi ukuthi wayephila. Wabonakala kubo okwesikhathi esiyizinsuku ezingamatshumi amane, ekhuluma ngombuso kaNkulunkulu.

Esekutshilo lokhu wakhutshulwa phambi kwamehlo abo, iyezi lamfihla ababe besambona. Kwathi belokhu besakhangele ngawo wonke esibhakabhakeni khonokho ehamba, masinyane kwema eduze kwabo amadoda amabili egqoke okumhlophe.” Athi, “Madoda aseGalile, limeleni lapha lijolozele esibhakabhakeni na? Yena lo uJesu osethethwe kini wasiwa ezulwini uzabuya ngayonale indlela elimbone esiya ngayo ezulwini.”

“Bantu bako-Israyeli, zwanini lokhu: UJesu waseNazaretha wayeyindoda eyamiswa nguNkulunkulu kini ngemimangaliso, langezinkinga lezibonakaliso uNkulunkulu azenzayo phakathi kwenu ngaye, njengoba lina ngokwenu lisazi. Umuntu lo wanikelwa kini ngecebo likaNkulunkulu ayelimisile langolwazi lokuzayo; njalo lina, lincediswa ngabantu ababi, lambulala ngokumbethela esiphambanweni.

Ngoba ebona okwakungaphambili, wakhuluma ngokuvuka kukaKhristu, ukuthi kazange atshiywe engcwabeni, njalo umzimba wakhe kawukubonanga ukubola.

Manje ngoba esekhutshulelwe ngakwesokunene sikaNkulunkulu, usamukele kuYise uMoya oNgcwele owathenjiswayo wasekuthulula lokho elikubonayo lelikuzwayo manje.

Ngakho-ke akuthi u-Israyeli wonke aqiniseke ngalokhu: uNkulunkulu usenze uJesu lo, elambethelayo, ukuba yiNkosi loKhristu.”

Lambulala umsunguli wokuphila, kodwa uNkulunkulu wamvusa kwabafileyo. Singofakazi bakho lokhu.

yazini lokhu, lina kanye labo bonke abantu bako-Israyeli: Kungenxa yamandla kaJesu Khristu waseNazaretha elambethelayo kodwa uNkulunkulu wamvusa kwabafileyo ayiwo enza indoda le ime phambi kwenu isilile ngokupheleleyo. Yena uyilo “ ‘ilitshe lina abakhi elalilahlayo, khathesi eseliyinhloko yengosi.’ Kakho omunye okulensindiso kuye; phela kalikho elinye ibizo ngaphansi kwezulu elaphiwa abantu ukuthi sisindiswe ngalo.”

UNkulunkulu wabokhokho wamvusa uJesu kwabafileyo  —  yena elalimbulele ngokumlengisa emthini. UNkulunkulu wamphakamisela kwesokunene sakhe waba yiNkosana loMsindisi ukuze anike ukuphenduka lokuthethelelwa kwezono ku-Israyeli.

Kodwa uStefane egcwele uMoya oNgcwele wakhangela ezulwini wabona inkazimulo kaNkulunkulu loJesu emi esandleni sokunene sikaNkulunkulu. wathi, “Khangelani, ngibona izulu livuliwe leNdodana yoMuntu imi esandleni sokunene sikaNkulunkulu.”

Indoda engumthenwa yayibala indima yombhalo ethi: “Waqhutshwa njengemvu isiwa esilaheni, njengezinyane lemvu elithula zwi phambi komgundi, kanjalo kazange awuvule umlomo wakhe.

Yilo leli ilizwi uNkulunkulu alithumela kubantu bako-Israyeli, elikhuluma ngezindaba ezinhle ezoxolo ngoJesu Khristu oyiNkosi yabo bonke.

ukuthi uNkulunkulu wamgcoba kanjani uJesu waseNazaretha ngoMoya oNgcwele langamandla, lokuthi wahamba izindawana zonke esenza ubuhle njalo esilisa bonke ababesemandleni omubi, ngokuba uNkulunkulu wayelaye.

kodwa uNkulunkulu wamvusa kwabafileyo ngosuku lwesithathu, wakwenza ukuthi abonwe. Kabonwanga ngabantu bonke, kodwa ngofakazi uNkulunkulu ayevele esebakhethile  —  yithi thina esadla sanatha laye ngemuva kokuvuka kwakhe kwabafileyo. Wasilaya ukuba sitshumayele ebantwini bonke njalo sifakaze ukuthi unguye uNkulunkulu ambekayo ukuba ngumahluleli wabaphilayo labafileyo. Bonke abaphrofethi bafakaza ngaye ukuthi bonke abakholwa kuye baphiwa ukuthethelelwa kwezono ngebizo lakhe.”

echaza njalo eveza obala ukuthi uKhristu wayemele ahlupheke njalo avuke kwabafileyo. Wathi, “UJesu lo engitshumayela ngaye kini unguye uKhristu.

ukuthi uKhristu wayezahlupheka, athi, njengowokuqala ukuvuka kwabafileyo, atshumayele ukukhanya kubantu bakibo lakwabeZizwe.”

mayelana leNdodana yakhe, yona okuthi ngokwemvelo yayo yobuntu yayiyinzalo kaDavida, njalo ngoMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwayo kwabafileyo; uJesu Khristu iNkosi yethu.

Ngakho-ke, njengoba silungisiwe ngokukholwa, silokuthula kuNkulunkulu ngeNkosi yethu uJesu Khristu,

Kodwa uNkulunkulu ubonakalisa uthando lwakhe kithi ngalokhu: Siseseyizoni, uKhristu wasifela. Njengoba khathesi sesilungiswe ligazi lakhe, pho sizasindiswa kakhulu kangakanani elakeni lukaNkulunkulu ngaye! Ngoba uma lapho sasiyizitha zikaNkulunkulu sabuyiselwa kuye ngokufa kweNdodana yakhe, kuzakuba kukhulu kangakanani, sesibuyiselwe, ukuhlengwa kwethu ngokuphila kwakhe! Lokhu akunjalo nje kuphela, kodwa siyathokoza njalo kuNkulunkulu ngeNkosi yethu uJesu Khristu, khathesi esesithole ngaye ukubuyisana.

Uma safa loKhristu, siyakholwa ukuthi sizaphila laye. Ngoba siyazi ukuthi njengoba uKhristu wavuswa kwabafileyo, angeke afe futhi; ukufa akuselawo amandla phezu kwakhe. Ukufa akufayo wakufela bonke kanye ngenxa yesono; kodwa ukuphila akuphilayo, ukuphilela uNkulunkulu. Ngokufanayo, zibaleni lingabafileyo esonweni kodwa abaphilayo kuNkulunkulu ngoKhristu uJesu.

Ngoba umvuzo wesono yikufa, kodwa isipho sikaNkulunkulu siyikuphila okungapheliyo kuKhristu uJesu iNkosi yethu.

Ngakho, khathesi akusekho ukulahlwa kulabo abakuKhristu uJesu, ngoba ngoKhristu uJesu umthetho woMoya wokuphila wangikhulula emthethweni wesono lokufa. Ngoba lokho umthetho owawungelamandla okukwenza ngokuba waxegiswa yimvelo elesono, uNkulunkulu wakwenza ngokuthuma iNdodana yakhe ngesimo somuntu olesono ukuba ibe ngumnikelo wesono. Ngakho isono yasilahla emuntwini olesono,

Ngubani ozasehlukanisa lothando lukaKhristu na? Yikuhlupheka kumbe ukudubeka loba ukuhlukuluzwa kumbe indlala loba ukuhamba ze loba ingozi kumbe inkemba na?

Ngoba ngiyakholwa ukuthi loba yikufa kumbe ukuphila, loba yizingilosi kumbe amadimoni, loba likhathesi kumbe isikhathi esizayo, loba kungamandla bani, loba kuyikuphakama kumbe ukutshona, loba olunye ulutho kukho konke okudaliweyo, akuyikusehlukanisa lothando lukaNkulunkulu olukuKhristu uJesu iNkosi yethu.

Okhokho ngababo, njalo lusukela kubo usendo lwenyama lukaKhristu, onguNkulunkulu ophezu kwakho konke, odunyiswa kokuphela! Ameni.

ukuthi uma uvuma ngomlomo wakho usithi, “UJesu uyiNkosi,” njalo ukholwa enhliziyweni yakho ukuthi uNkulunkulu wamvusa kwabafileyo, uzasindiswa.

Ngenxa yasonalesi isizatho, uKhristu wafa, wabuya waphila ukuze abe yiNkosi yabafileyo labaphilayo.

Ngoba uKhristu kangithumanga ukuba ngibhaphathize, kodwa ukuba ngitshumayele ivangeli  —  hatshi ngamazwi enhlakanipho yabantu, hlezi isiphambano silahlekelwe ngamandla aso. Ngoba ilizwi lesiphambano liyibuthutha kulabo ababhubhayo, kodwa kithi abasindisiweyo lingamandla kaNkulunkulu.

kodwa thina sitshumayela uKhristu owabethelwayo: isikhubekiso kumaJuda lobuthutha kwabezizwe, kodwa kulabo ababizwe nguNkulunkulu, amaJuda lamaGiriki, uKhristu ongamandla kaNkulunkulu lokuhlakanipha kukaNkulunkulu.

Ngenxa yakhe lina likuKhristu uJesu, yena osebe yikuhlakanipha okuvela kuNkulunkulu esenzela thina  —  okuyikuthi ukulunga kwethu, ubungcwele lokusindiswa.

Ngoba ngazimisela ukungazi lutho ngiseselani ngaphandle kukaJesu Khristu yena owabethelwayo.

Kakho kubabusi balesi isikhathi owakuzwisisayo, ngoba aluba kwakube njalo, babengayikuyibethela iNkosi yenkazimulo.

Lapho libuthene ebizweni leNkosi yethu uJesu ngilani ngomoya, lamandla eNkosi yethu uJesu akhona,

Susani imvubelo endala ukuze libe yinhlama entsha engelamvubelo  —  njengoba linjalo impela. Ngoba uKhristu, iwundlu lethu lePhasika, lihlatshiwe.

kodwa kithi kuloNkulunkulu oyedwa kuphela, uYise, okwavela kuye izinto zonke njalo okunguye esimphilelayo; njalo kuleNkosi eyodwa kuphela, uJesu Khristu, ozinto zonke zeza ngaye njalo esiphila ngaye.

Ngakho ngiyalitshela ukuthi kakho okhuluma ngoMoya kaNkulunkulu othi, “UJesu kathukwe,” njalo kakho ongathi, “UJesu yiNkosi,” ngaphandle kokuba kungoMoya oNgcwele.

Lina lingumzimba kaKhristu, njalo omunye lomunye wenu uyingxenye yawo. Ebandleni uNkulunkulu wabeka abaphostoli kuqala kulabo bonke, okwesibili abaphrofethi, okwesithathu abafundisi, kwaba labenza izimangaliso, lalabo abalezipho zokusilisa, labo abalakho ukusiza abanye, labo abalezipho zobuphathi, kanye lalabo abakhuluma izinhlobo zezindimi ezehlukeneyo.

Ngoba engakwamukelayo lami ngakudlulisela kini njengokuqakatheke kakhulu: ukuthi uKhristu wafela izono zethu mayelana lemibhalo, lokuthi wangcwatshwa, lokuthi wavuswa ngosuku lwesithathu mayelana lemibhalo, kanye lokuthi wabonakala kuPhethro, njalo muva kwabalitshumi lambili. Emva kwalokho wabonakala kubazalwane abadlula amakhulu amahlanu sikhathi sinye, inengi labo lilokhu lisaphila, lanxa abanye sebalala.

Kodwa uKhristu wavuswa impela kwabafileyo, izithelo zakuqala zalabo asebelele. Ngoba njengoba ukufa kweza ngomuntu, ukuvuka kwabafileyo lakho kuza ngomuntu. Ngoba njengoba ku-Adamu bonke besifa, ngokunjalo kuKhristu bonke bazaphiliswa. Kodwa yilowo lalowo ngethuba lakhe: UKhristu, oyizithelo zakuqala; muva, ekubuyeni kwakhe, labo abangabakhe. Lapho-ke isiphetho sizafika esenikela umbuso kaNkulunkulu uYise emva kokuba esechithe ukubusa konke, lobukhosi kanye lamandla. Ngoba kumele abuse uNkulunkulu aze azibeke zonke izitha zakhe ngaphansi kwezinyawo zakhe. Isitha sokucina esizachithwa, yikufa. Ngoba uNkulunkulu “usebeke izinto zonke ngaphansi kwezinyawo zakhe,” Nxa esithi “izinto zonke” sezibekwe ngaphansi kwakhe, kusobala ukuthi lokhu akugoqeli uNkulunkulu yena ngokwakhe, owabeka izinto zonke ngaphansi kukaKhristu. Lapho esekwenzile lokhu, iNdodana uqobo izakuba ngaphansi kwakhe yena owabeka izinto zonke ngaphansi kwakhe, ukuze uNkulunkulu abe yikho konke kukho konke.

Kodwa izingqondo zabo zathundubezwa, ngoba kuze kube lamhla lesosembeso sisala sikhona lapho isivumelwano esidala sibalwa. Kasisuswanga, ngoba sisuswa ngoKhristu kuphela.

Lanxa ivangeli lethu limboziwe, limbozwe kulabo ababhubhayo. Unkulunkulu walesisikhathi usenqunde izingqondo zabangakholwayo, ukuze bangakuboni ukukhanya kwevangeli lenkazimulo kaKhristu, ongumfanekiso kaNkulunkulu. Ngoba kasizitshumayeli thina ngokwethu, kodwa uJesu Khristu njengeNkosi, njalo thina njengezinceku zenu ngenxa kaJesu. Ngoba uNkulunkulu owathi, “Ukukhanya kakukhanye emnyameni,” wenza ukukhanya kwakhe kwakhanya ezinhliziyweni zethu ukuba asiphe ukukhanya kokwazi inkazimulo kaNkulunkulu ebusweni bukaKhristu.

Ngoba sonke kumele sime phambi kwesihlalo sokwahlulela sikaKhristu, ukuze lowo lalowo amukele okumfaneleyo okwezinto azenzayo esemzimbeni, langabe ngezinhle loba ezimbi.

Ngakho uma umuntu ekuKhristu, uyisidalwa esitsha; okudala akusekho, sekufike okutsha.

UNkulunkulu wamenza waba yisono owayengelasono ngenxa yethu, ukuze kuthi kuye sibe yikulunga kukaNkulunkulu.

Ngoba liyawazi umusa weNkosi yethu uJesu Khristu, ukuthi lanxa wayenothile, kodwa waba ngumyanga ngenxa yenu, ukuze kuthi ngobuyanga bakhe lina linothe.

Sengibethelwe kanye loKhristu, akuseyimi engiphilayo, kodwa uKhristu uphila phakathi kwami. Ukuphila engikuphila emzimbeni, ngiphila ngokukholwa eNdodaneni kaNkulunkulu, eyangithandayo njalo yazinikela ngenxa yami.

UKhristu wasihlenga esiqalekisweni somthetho ngokuba yisiqalekiso ngenxa yethu, ngoba kulotshiwe ukuthi: “Uqalekisiwe umuntu wonke olengiswa esihlahleni.”

Kodwa kwathi lapho isikhathi sesifike ngokupheleleyo, uNkulunkulu wathuma iNdodana yakhe, yazalwa ngowesifazana, izalwa ngaphansi komthetho, ukuba ihlenge abangaphansi komthetho, ukuze sithole amalungelo apheleleyo amadodana.

Ngiyaqhubeka ngicela ukuba uNkulunkulu weNkosi yethu uJesu Khristu, uYise oyinkazimulo, alinike uMoya wokuhlakanipha lokwambulelwa, ukuze limazi ngcono. Ngikhulekela njalo lokuthi amehlo ezinhliziyo zenu makakhanyiselwe ukuze lilazi ithemba alibizela kulo, inotho yelifa lakhe elimangalisayo kwabangcwele, lamandla akhe amakhulu okungelakulinganiswa kithi thina esikholwayo. Amandla lawo afana lokusebenza kwamandla akhe amakhulu, awasebenzisa kuKhristu emvusa kwabafileyo emhlalisa esandleni sakhe sokunene ebukhosini basezulwini, ngaphezu kokubusa konke lobukhosi, lamandla kanye lombuso, lamabizo wonke angatshiwo, kungasikho ngalesisikhathi kuphela kodwa lakuleso esizayo. UNkulunkulu wabeka izinto zonke ngaphansi kwezinyawo zakhe wamkhetha ukuba abe yinhloko yezinto zonke ebandleni, lona elingumzimba wakhe, ukuphelela kwakhe yena ophelelisa izinto zonke ngezindlela zonke.

lakhelwe phezu kwesisekelo sabaphostoli labaphrofethi, uKhristu uJesu yena uqobo eyilitshe elikhulu lengosi. Indlu yonke ihlanganiselwe kuye, ikhule ukuba lithempeli elingcwele eNkosini. Lani futhi lakhelwa ndawonye kuye ukuze libe yindawo yokuhlala uNkulunkulu ahlala kuyo ngoMoya wakhe.

Yena lowo owehlela phansi nguye kanye owenyukela phezulu kakhulu kulamazulu wonke, ukuze agcwale izindawo zonke emhlabeni lasezulwini.)

Kodwa-ke, sikhuluma iqiniso ngothando, sizakhula ezintweni zonke kuye yena oyiNhloko, lowo nguKhristu. Kusukela kuye umzimba wonke, ohlanganiswe wabanjaniswa yimisipha yonke ewusekelayo, uyakhula uzakhe ngothando, isitho ngasinye sisenza umsebenzi waso.

Ngakho wobani ngabalingiseli baka-Nkulunkulu, njengabantwana abathandwa kakhulu liphile impilo yothando, njengalokhu uKhristu wasithanda wazinikela ngenxa yethu njengomnikelo olephunga elimnandi lomhlatshelo kaNkulunkulu.

ngoba thina siyizitho zomzimba wakhe.

Isimo sengqondo yenu kumele sifanane lesikaKhristu uJesu: Yena okwathi ngemvelo enguNkulunkulu kacabanganga ukulingana loNkulunkulu kuyilutho olungafinyelelwa kodwa wazenza ize, wathatha isimo senceku, yena enziwe ngesifanekiso somuntu. Wathi ebunjwe wabonakala njengomuntu, wazithoba walalela kwaze kwaba sekufeni ukufa kwasesiphambanweni. Ngakho-ke uNkulunkulu wamphakamisela endaweni ephezulu kakhulu wamnika ibizo elingaphezu kwamabizo wonke, ukuba amadolo wonke aguqe ebizweni likaJesu, ezulwini lasemhlabeni kanye langaphansi komhlaba, lezindimi zonke zivume ukuthi uJesu Khristu uyiNkosi, kube ludumo lukaNkulunkulu uYise.

Ngifuna ukumazi uKhristu lamandla okuvuka kwakhe ekufeni lobudlelwano bokuhlanganyela ekuhluphekeni kwakhe, ngibe njengaye ekufeni, ukuze, ngenye indlela, ngithole ukuvuka kwabafileyo.

Ngoba wasihlenga embusweni wobumnyama wasiletha embusweni weNdodana yakhe ayithandayo, okukuyo ukuhlengwa kwethu, ukuthethelelwa kwezono. Yona iyisifanekiso sikaNkulunkulu ongabonakaliyo, izibulo kukho konke okwadalwayo. Ngoba izinto zonke zadalwa ngayo: izinto ezisezulwini lezisemhlabeni, ezibonakalayo lezingabonakaliyo, loba kuyizihlalo zobukhosi kumbe amandla loba ababusi kumbe abaphathi; izinto zonke zadalwa ngayo zidalelwa yona. Yona iphambi kwezinto zonke, njalo kuyo izinto zonke zibambene. Iyinhloko yomzimba, ibandla; iyikuqala lezibulo elivela kwabafileyo ukuze ibe lobukhosi ezintweni zonke. Ngoba uNkulunkulu wathokoza ukuba ukuphelela kwakhe kube kuyo, lokuthi ngayo abuyisane lezinto zonke, loba kuyizinto ezisemhlabeni kumbe izinto ezisezulwini, ngokwenza ukuthula ngegazi layo elachithwa esiphambanweni.

Injongo yami yikuthi bakhuthazeke ezinhliziyweni njalo bamanyane ethandweni, ukuze babe lenotho egcweleyo yokuqedisisa okupheleleyo, ukuze bayazi imfihlakalo kaNkulunkulu, okutsho uKhristu, okufihlwe kuye yonke ingcebo yokuhlakanipha lokwazi.

Ngoba konke ukuphelela kobuNkulunkulu kuhlezi kuKhristu ngesimo somzimba, njalo lina lilakho lokhukuphelela kuKhristu oyinhloko yamandla wonke kanye lokubusa konke.

Kwathi eselahlise imibuso lababusi izikhali, wenza umbukiso oyinhlekisa ngabo, wabanqoba ngesiphambano.

Ngakho-ke, njengoba livuswe kanye loKhristu, bekani izinhliziyo zenu ezintweni eziphezulu, lapho uKhristu ahlezi khona esandleni sokunene sikaNkulunkulu.

Ngoba uNkulunkulu munye, lommeli munye phakathi kukaNkulunkulu labantu, umuntu uKhristu uJesu, owazinikelayo njengenhlawulo yabantu bonke  —  ubufakazi obanikwa ngesikhathi sabo esifaneleyo.

Kungekho kuthandabuza imfihlakalo yokwesaba uNkulunkulu inkulu: Wabonakala engumzimba, wafakazelwa nguMoya, wabonwa yizingilosi, watshunyayelwa phakathi kwezizwe, umhlaba wakholwa kuye, wenyukiselwa phezulu ngenkazimulo.

ukuba ugcine umlayo lo kungekho sici loba ukusoleka kuze kube sekubonakaleni kweNkosi yethu uJesu Khristu, okuzalethwa nguNkulunkulu ngesikhathi sakhe  —  uNkulunkulu obusisekileyo njalo onguyena Mbusi kuphela, iNkosi yamakhosi loMbusi wababusi, onguye kuphela ongafiyo lohlala ekukhanyeni okungafinyelelekiyo, okungekho owake wambona loba ongambona. Udumo lamandla akube kuye kuze kube laphakade. Ameni.

Phambi kukaNkulunkulu loKhristu uJesu, ozakwahlulela abaphilayo labafileyo, njalo mayelana lokubonakala kwakhe kanye lombuso wakhe, ngikunika umlayo lo:

lapho sisalindele ithemba elibusisiweyo  —  ukubonakala ngenkazimulo kukaNkulunkulu wethu ophakemeyo longuMsindisi, uJesu Khristu

Kudala uNkulunkulu wakhuluma kubokhokho ngabaphrofethi ezikhathini ezinengi langezindlela ezehlukeneyo, kodwa ngalezizinsuku zokucina ukhulume kithi ngeNdodana yakhe, ayibeka ukuba yindlalifa yezinto zonke, yona adala ngayo izulu lomhlaba. INdodana iyikubenyezela kwenkazimulo kaNkulunkulu kanye lesifanekiso uqobo sokuba nguye kwakhe, iqinisa izinto zonke ngelizwi layo elilamandla. Emva kokuba isidlinzekele ukuhlanjululwa kwezono, yahlala phansi ngakwesokudla sobuKhosi ezulwini.

Ngoba kukuyiphi ingilosi uNkulunkulu ake wathi kuyo, “Wena uyiNdodana yami; lamhla sengibe nguYihlo”? Kumbe njalo wathi, “Ngizakuba nguYise, yona izakuba yiNdodana yami”? Njalo, lapho uNkulunkulu eletha izibulo lakhe emhlabeni, uthi, “Zonke izingilosi zikaNkulunkulu kazimkhonze.”

Kodwa ngeNdodana uthi, “Isihlalo sakho sobukhosi, O Nkulunkulu, sizakuba khona kuze kube nininini, lokulunga kuzakuba yintonga yombuso wakho. Ukuthandile ukulunga, wazonda ububi; ngakho uNkulunkulu, uNkulunkulu wakho, ukubeke ngaphezu kwabakhula bakho ngokukgcoba ngamafutha entokozo.” Njalo uthi, “Ekuqaleni, O Nkosi, wabeka isisekelo somhlaba, lamazulu angumsebenzi wezandla zakho. Kuzabhubha, kodwa wena uyasala ukhona; konke kuzaguga njengesigqoko. Uzakugoqa njengesambatho; kuzantshintshwa njengesigqoko. Kodwa wena uhlala unjalo, leminyaka yakho kayiyikuphela.”

Njengoba laye wahlupheka lapho elingwa, uyanelisa ukubasiza abalingwayo.

Ngakho-ke bafowethu abangcwele, abahlanganyela ekubizweni ezulwini, bekani imicabango yenu kuJesu, umphostoli lomphristi omkhulu esimvumayo.

Ngakho, njengoba silomphristi omkhulu kakhulu osengene emazulwini, uJesu iNdodana kaNkulunkulu, kasibambeleleni kakhulu ekholweni esiluvumayo. Ngoba kasilamphristi omkhulu onganelisiyo ukuzwela ubuthakathaka bethu, kodwa silaye oseke walingwa ngezindlela zonke njengathi kodwa akaze aba lesono.

Ngezinsuku zokuphila kukaJesu emhlabeni, wakhuleka wacela ngokukhala kakhulu langezinyembezi kuye lowo owayengamsindisa ekufeni, njalo wezwakala ngenxa yokuzehlisa kwakhe okuhloniphekayo. Lanxa wayeyindodana wafunda ukulalela kulokhu ahlupheka ngakho, kwathi lapho esephelelisiwe, waba ngumthombo wokusindiswa okulaphakade wabo bonke abamlalelayo wasekhethwa nguNkulunkulu ukuba abe ngumphristi omkhulu, emkhondweni kaMelikhizedekhi.

kodwa ngoba uJesu uphila kokuphela, ulobuphristi obuyisimakade. Ngakho ulamandla okubasindisa ngokupheleleyo labo abeza kuNkulunkulu ngaye, ngoba uhlezi ephilela ukubancengela. Umphristi omkhulu onjalo wanelisa iziswelo zethu  —  ongongcwele, ongelasici, lohlanzekileyo, lowehlukaniswe lezoni, lophakanyiselwe ngaphezu kwamazulu. Kungenjengabanye abaphristi, yena kasweli kunikela imihlatshelo izinsuku zonke, kuqala eyezono zakhe, kulandele owezono zabantu. Wabenzela umhlatshelo wezono zabo kwaba kanye kuphela lapho ezinikela. Ngoba umthetho ubeka abantu ababuthakathaka ukuba ngabaphristi abakhulu; kodwa isifungo, eseza emva komthetho, sabeka iNdodana, eyenziwe yaba ngepheleleyo kuze kube nininini.

Isiqokoqela salokho esikutshoyo yilesi: Silaye umphristi omkhulu onjalo, owahlala phansi ngakwesokudla kwesihlalo sobukhosi soMkhulu ezulwini,

Ngoba aluba kwakungelalutho olungalunganga kusivumelwano sakuqala leso, akulasizatho esasingadingelwa esinye. Kodwa uNkulunkulu wathola isici ebantwini wasesithi: “Isikhathi siyeza, kutsho iNkosi, lapho engizakwenza khona isivumelwano esitsha lendlu ka-Israyeli kanye lendlu kaJuda.

Ngokuthi isivumelwano lesi “sitsha” usenze esakuqala saba ngesingasasebenziyo; futhi okungasasebenziyo njalo sekuguga kuzanyamalala masinyane.

Kwathi lapho uKhristu esefikile njengomphristi omkhulu wezinto ezinhle esezikhona, wadabula phakathi kwethabanikeli elikhulu elipheleleyo elingenziwanga ngabantu, okuyikuthi, kalisingxenye yale indalo. Kangenanga ngokusebenzisa igazi lembuzi loba elamathole; kodwa wangena kanye kuphela eNdaweni eNgcwele kakhulu ngegazi lakhe, esethole ukukhululwa okulaphakade.

Ngenxa yalokhu uKhristu ungummeli wesivumelwano esitsha ukuze kuthi labo ababiziweyo bathole ilifa elingapheliyo elathenjiswayo  —  njengoba sewafa njengenhlawulo ukuba abakhulule ezonweni abazenzayo esivumelwaneni sakuqala. Mayelana lentando yokwaba ilifa, kuyadingakala ukuba kufakazwe ukufa kwalowo owayenzayo, ngoba intando yokwaba ilifa isebenza kuphela lapho kukhona ofileyo; kayisebenzi uma lowo owayenzayo elokhu esaphila. Yikho nje lesivumelwano sakuqala kasifezwanga kungekho gazi.

Ngempela umthetho uphose ufune ukuba izinto zonke zihlanjululwe ngegazi, njalo kungekho kuchithwa kwegazi akukho ukuthethelela.

Ngoba uKhristu kangenanga endaweni engcwele eyenziwa ngabantu eyayiyisifanekiso nje kuphela saleyo eqotho; yena wangena ezulwini uqobo, ukuba asimele phambi kukaNkulunkulu.

ngokunjalo uKhristu wanikelwa kanye ukuba asuse izono zabantu abanengi; njalo uzabonakala okwesibili, hatshi ukuthwala isono, kodwa ukuletha ukusindiswa kulabo abamlindeleyo.

Kodwa kwathi umphristi lo esenikelele izikhathi zonke umhlatshelo owodwa wezono, wahlala phansi esandleni sokunene sikaNkulunkulu.

Ngakhoke, bazalwane, njengoba silethemba lokungena eNdaweni eNgcwele kaKhulu ngegazi likaJesu, ngendlela entsha ephilayo, esiyivulelwe ekhethenini, okuyikuthi umzimba wakhe, njalo njengoba silomphristi omkhulu ophethe indlu kaNkulunkulu,

Kasikhangeliseni amehlo ethu kuJesu, uMqalisi loMphelelisi wokukholwa kwethu, okwathi ngentokozo eyayibekwe phambi kwakhe wabekezelela isiphambano, engananzi ihlazo laso, wahlala kwesokudla phansi kwesihlalo sobukhosi sikaNkulunkulu. Cabangani ngaye owabekezelela ukuphikiswa okungaka ngabantu abayizoni, ukuze lingabi buthakathaka lilahle ithemba.

kuJesu ummeli wesivumelwano esitsha, lasegazini elicheliweyo elikhuluma ilizwi elihle kulegazi lika-Abela.

UJesu Khristu uyafana izolo lalamhla kanye lanininini.

Sengathi uNkulunkulu wokuthula, owavusa iNkosi yethu uJesu kwabafileyo ngegazi lesivumelwano esingapheliyo, lowoMalusi omkhulu wezimvu, angalihlomisa ngakho konke okulungele ukwenza intando yakhe, njalo sengathi angasebenza phakathi kwethu lokho okumthokozisayo, ngoJesu Khristu, odumo kalube kuye kuze kube nininini. Ameni.

Bazalwane bami, njengabakholwayo eNkosini yethu elenkazimulo uJesu Khristu, lingabandlululi.

Udumo kalube kuNkulunkulu uYise weNkosi yethu uJesu Khristu! Ngenxa yesihawu sakhe esikhulu usinike ukuzalwa kutsha ethembeni eliphilayo ngokuvuka kwabafileyo kukaJesu Khristu, kanye laselifeni elingeke libole, lonakale loba libune  —  eliligcinelweyo ezulwini. Ngokukholwa livikelwe ngamandla kaNkulunkulu kuze kufike ukusindiswa okulungiselwe ukubonakaliswa ngesikhathi sokucina.

kodwa ngegazi eliligugu likaKhristu imvana engelacala loba isici. Wakhethwa umhlaba ungakadalwa, kodwa wabonakaliswa ngalezi izikhathi zokucina ngenxa yenu. Ngaye liyakholwa kuNkulunkulu, owamvusa kwabafileyo wamnika inkazimulo, ngakho ukukholwa kwenu lethemba kukuNkulunkulu.

Lapho lisiza kuye, iLitshe eliphilayo  —  elaliwa ngabantu kodwa elakhethwa nguNkulunkulu njalo liligugu kuye  — lani futhi, njengamatshe aphilayo lakhiwa ukuba yindlu yokomoya ukuba libe yibuphristi obungcwele, linikela imihlatshelo yokomoya eyamukelekayo kuNkulunkulu ngoJesu Khristu. Ngoba emibhalweni kuthiwa: “Khangelani, ngibeka ilitshe eZiyoni, ilitshe lengosi elikhethiweyo eliligugu, njalo lowo okholwa kuye akayikuyangiswa.”

Kini lina abakholwayo, ilitshe leli liligugu. Kodwa kulabo abangakholwayo: “Ilitshe elaliwa ngabakhi selibe yinhloko yengosi,” Njalo, “Ilitshe elikhubekisa abantu ledwala elibenza bawe.” Bayakhubeka ngoba badelela ilizwi okuyikho njalo abakumiselweyo.

Labizelwa lokhu, ngoba uKhristu walihluphekela, walitshiyela isibonelo, ukuba lilandele amanyathelo akhe. “Yena kenzanga sono, njalo akukho nkohliso eyatholakala emlonyeni wakhe.” Kwathi bemchaphaza ngezinhlamba zabo, yena kaphindiselanga; lapho ehlupheka, kazange asonge. Kodwa wathembeka kulowo owahlulela ngokulunga. Yena ngokwakhe wathwala izono zethu emzimbeni wakhe esiphambanweni ukuze siphephe ezonweni njalo siphilele ukulunga; lisilisiwe ngamanxeba akhe. Ngoba lina lalinjengezimvu ezilahlekileyo, kodwa khathesi selibuyele kuMalusi loMbonisi wemiphefumulo yenu.

Ngoba uKhristu wafela izono zenu kwaba kanye, olungileyo efela abangalunganga, ukuze alise kuNkulunkulu. Wabulawa emzimbeni kodwa wavuswa nguMoya,

njalo amanzi la afanekisa umbhaphathizo osusilisa lani futhi  —  kungayisikho kususa ingcekeza emzimbeni kodwa kuyisibambiso sesazela esihle kuNkulunkulu. Siyalisilisa ngokuvuka kwabafileyo kukaJesu Khristu, oseye ezulwini njalo usesandleni sokunene sikaNkulunkulu  —  lezingilosi, leziphathamandla kanye lezikhulu ekuzehliseni kuye.

USimoni Phetro, inceku lomphostoli kaJesu Khristu, Kulabo abamukele ukholo oluligugu njengolwethu ngokulunga kukaNkulunkulu wethu loMsindisi uJesu Khristu: Umusa lokuthula kakube ngokwenu ngokwandileyo ngokumazi uNkulunkulu loJesu iNkosi yethu.

njalo lizakwamukelwa ngokupheleleyo embusweni olaphakade weNkosi loMsindisi wethu uJesu Khristu.

Sasingalandeli izinganekwane ezaqaliswa ngokuhlakanipha lapho silitshela ngamandla langokuza kwe-Nkosi yethu uJesu Khristu, kodwa sasingofakazi bobukhosi bakhe. Ngoba wamukela udumo lenkazimulo kuNkulunkulu uBaba lapho ilizwi lafika kuye livela eNkazimulweni yoBukhosi, lisithi, “Le yiNdodana yami engiyithandayo; ngiyathokoza kakhulu ngayo.”

Kodwa khulani emuseni lasekwazini iNkosi yethu loMsindisi uJesu Khristu. Inkazimulo kayibe kuye khathesi lanininini! Ameni.

Bantwabami abathandekayo, ngililobela incwadi le ukuze lingenzi izono. Kodwa uma umuntu enze isono, silaye osikhulumelayo kuBaba esivikela  —  uJesu Khristu oLungileyo. Ungumhlatshelo wenhlawulo yezono zethu, kungasizono zethu kuphela kodwa lezono zomhlaba wonke.

Kodwa liyakwazi ukuthi wabonakala ukuze asuse izono zethu. Njalo kuye akulasono.

Siyakwazi lokuthi iNdodana kaNkulunkulu yeza yasinika ukuqedisisa, ukuze siyazi yona eqotho. Njalo sikuye yena oqotho  —  kanye laseNdodaneni yakhe uJesu Khristu. Yena unguNkulunkulu oqotho kanye lokuphila okulaphakade.

kuye onguNkulunkulu yedwa, uNkulunkulu uMsindisi wethu, kakube lenkazimulo, lobukhosi, lamandla kanye lobukhulu, ngoJesu Khristu iNkosi yethu, mandulo kwezikhathi zonke, khathesi kanye lanininini! Ameni.

UJohane, Emabandleni ayisikhombisa esifundeni sase-Asiya: Umusa lokuthula kakube kini kuvela kuye okhona, lowayekhona, lozakuza, lokuvela kubomoya abayisikhombisa phambi kwesihlalo sakhe sobukhosi, lokuvela kuJesu Khristu, ongufakazi othembekileyo, izibulo elivela kwabafileyo, lombusi wamakhosi asemhlabeni. Kuye osithandayo lowasikhululayo ezonweni zethu ngegazi lakhe, njalo osenze saba ngumbuso labaphristi ukuba sisebenzele uNkulunkulu wakhe loYise  —  kakube kuye udumo lamandla kuze kube nininini! Ameni. Khangelani uyeza ngamayezi, amehlo wonke azambona, lalabo abamgwazayo; labantu bonke basemhlabeni bazalila ngenxa yakhe. kuzakuba njalo! Ameni.

“Mina nginguKuqala loKucina,” kutsho iNkosi uNkulunkulu, “okhona, lowayekhona, lozakuza, uSomandla.”

elathi: “Loba emqulwini lokhu okubonayo uwuthumele emabandleni ayisikhombisa: kwelase-Efesu, lelaseSimina, lelasePhegamumi, lelaseThiyathira, lelaseSadisi, lelaseFiladelifiya kanye lelaseLawodikheya.”

Ngatshibilika ukuze ngimbone lowo owayengikhulumisa. Sengiphendukile ngabona izinti zezibane zegolide eziyisikhombisa, njalo phakathi kwezinti zezibane kwakulomuntu “owayenjengendodana yomuntu,” egqoke isambatho esasifika phansi ezinyaweni zakhe, ibhanti legolide libophe isifuba sakhe. Ikhanda lakhe lezinwele zakhe kwakumhlophe njengewulu, kumhlophe nke njengongqoqwane, lamehlo akhe ayenjengomlilo ovuthayo. Izinyawo zakhe zazinjengethusi elikhazimulayo emvuthweni, ilizwi lakhe linjengokuhuba kwamanzi agelezayo. Esandleni sakhe sokunene wayephethe izinkanyezi eziyisikhombisa, emlonyeni wakhe kwaphuma inkemba ebukhali enhlendlambili. Ubuso bakhe babunjengelanga likhanyisa ngenkazimulo yalo yonke.

Kwathi ngimbona, ngawela ezinyaweni zakhe njengofileyo. Wabeka isandla sakhe sokunene phezu kwami, wathi: “Ungesabi. Mina ngingowokuQala lokuCina. NgingoPhilayo; ngangifile, njalo khangela ngiyaphila kuze kube nininini! Njalo ngiphethe izivulo zokufa kanye leNdawo yabafileyo.

Omunye wabadala wathi kimi, “Ungakhali! Khangela, iSilwane sesizwana sakoJuda, iMpande kaDavida, sinqobile. Sizakwanelisa ukuwuvula umqulu lezimpawu zawo eziyisikhombisa.” Ngabona iWundlu, kukhanya angathi lalibulewe, limi ngaphakathi kwesihlalo sobukhosi, lizingelezwe yizidalwa eziphilayo ezine labadala. Lalilezimpondo eziyisikhombisa lamehlo ayisikhombisa, okungomoya abayisikhombisa baka-Nkulunkulu abathunywe emhlabeni wonke.

Bahlabela ingoma entsha bathi: “Wena ufanele ukuwuthatha umqulu lokuvula izimpawu zawo, ngokuba wabulawa, kwathi ngegazi lakho wathengela uNkulunkulu abantu bezizwana zonke lezindimi labantu kanye lezizwe.

Ngakhangela ngasengisizwa amazwi ezingilosi ezinengi, ezaziyizinkulungwane lezinkulungwane, lezinkulungwane ezilitshumi ziphindwe okuzinkulungwane ezilitshumi. Zazizingeleze isihlalo sobukhosi lezidalwa eziphilayo kanye labadala. Zahlabela ngamazwi aphezulu zisithi: “Lifanele iWundlu, elabulawayo, Ukwamukela amandla lenotho lenhlakanipho lokuqina lodumo lenkazimulo kanye lokudunyiswa!” Ngezwa izidalwa zonke ezulwini lasemhlabeni langaphansi komhlaba laselwandle lakho konke okukukho, kuhlabela kusithi: “Kuye ohlezi esihlalweni sobukhosi lakulo iWundlu kakube lenhlonipho lodumo lenkazimulo kanye lamandla kuze kube nininini!” Izidalwa ezine eziphilayo zathi, “Ameni,” kwathi abadala bawela phansi bakhonza.

Emva kwalokhu ngakhangela, khonapho phambi kwami kwakulexuku elikhulukazi okungelamuntu owayengalibala, livela ezizweni zonke, lezizwaneni, lasebantwini kanye lasezindimini zonke, limi phambi kwesihlalo sobukhosi laphambi kweWundlu. Babegqoke izambatho ezimhlophe bephethe izingatsha zelala ngezandla zabo. Bamemeza ngelizwi elikhulu besithi: “Ukusindisa ngokukaNkulunkulu wethu, ohlezi esihlalweni sobukhosi, kanye lokweWundlu.” Izingilosi zonke zazimi zizingeleze isihlalo sobukhosi njalo zizingeleze abadala kanye lezidalwa ezine eziphilayo. Zathi mbo phansi ngobuso bazo phambi kwesihlalo sobukhosi zakhonza uNkulunkulu

Ngoba iWundlu elingaphakathi kwesihlalo sobukhosi lizakuba ngumelusi wabo; lizabaholela emithonjeni yamanzi okuphila. UNkulunkulu uzazesula zonke izinyembezi emehlweni abo.”

Ingilosi yesikhombisa yakhalisa icilongo layo, kwasekusiba lamazwi amakhulu ezulwini, ayesithi: “Umbuso wasemhlabeni usube ngumbuso weNkosi yethu loKhristu wayo, njalo izabusa kuze kube nininini.”

Bamnqobile ngegazi leWundlu langelizwi lobufakazi babo; kabakuthandanga kakhulu ukuphila kwabo ukuba besabe ukufa.

Ngabuya ngakhangela, khonapho phambi kwami kwakuleWundlu, limi phezu kweNtaba iZiyoni, lilabayizi-144,000 ababelotshwe ibizo lalo lelikaYise emabunzini abo.

Ngakhangela, khonapho phambi kwami kwakuleyezi elimhlophe, njalo phezu kweyezi lelo kwakuhlezi “ofana lendodana yomuntu,” elomqhele wegolide ekhanda lakhe lesikela ebukhali esandleni sakhe.

Azakulwa impi leWundlu, kodwa iWundlu lizawanqoba ngoba liyiNkosi yamakhosi loMbusi wababusi  —  njalo lizakuba lilababiziweyo balo, abangabalandeli abakhethiweyo labathembekileyo.”

Ngabona izulu livulekile njalo khonapho phambi kwami kwakulebhiza elimhlophe, umgadi walo ethiwa nguThembekile loQiniso. Uyahlulela ngokulunga alwe impi. Amehlo akhe anjengomlilo ovuthayo, njalo ekhanda lakhe kulemiqhele eminengi. Ulebizo elilotshwe kuye elingaziwa muntu ngaphandle kwakhe yena ngokwakhe. Ugqoke isambatho esigxanyuzwe egazini, njalo ibizo lakhe nguLizwi likaNkulunkulu. Amabutho asezulwini ayemlandela, egade amabhiza amhlophe njalo egqoke ilineni elihle, elimhlophe njalo lihlanzekile. Emlonyeni wakhe kuphuma inkemba ebukhali agalela ngayo izizwe. Uzazibusa ngentonga yensimbi. Unyathela isikhamelo sewayini sentukuthelo yolaka lukaNkulunkulu uSomandla. Esambathweni sakhe lasemlenzeni wakhe kulotshwe ibizo leli elithi: INKOSI YAMAKHOSI LOMBUSI WABABUSI.

Lowo owayehlezi esihlalweni sobukhosi wathi, “Ngenza izinto zonke zibe zintsha!” Wabuya wathi, “Kulobe lokhu, ngoba amazwi la aqotho njalo aliqiniso.” Wasesithi kimi, “Sekwenzakele. Mina ngingu-Alfa lo-Omega, ukuQala lokuCina. Lowo owomileyo ngizamnathisa emthonjeni wamanzi okuphila kungekho mbadalo.

Akusoze kube lesiqalekiso futhi. Isihlalo sobukhosi sikaNkulunkulu leseWundlu zizakuba sedolobheni, njalo izinceku zakhe zizamkhonza.

“Khangelani, ngiyeza masinyane! Umvuzo wami ukimi, njalo umuntu wonke ngizamupha mayelana lalokho akwenzileyo. Ngingu-Alfa lo-Omega, ukuQala lokuCina, iSiqalo leSicino.

“Mina Jesu, ngithume ingilosi yami ukuba ilinike ubufakazi lobu emabandleni. NgiyiMpande leNzalo kaDavida, kanye leNdonsakusa ekhanyayo.”

Yena lowo ofakaza izinto lezi uthi, “Yebo, ngiyeza masinyane.” Ameni. Woza, Nkosi Jesu. Umusa weNkosi uJesu kawube sebantwini bakaNkulunkulu. Ameni.