14 – Ukukhipha isisu

Ngakho uNkulunkulu wamdala umuntu ngesimo sakhe, wamdala ngesimo sikaNkulunkulu; wadala owesilisa lowesifazana.

“Loba ngubani ochitha igazi lomuntu, igazi lakhe lizachithwa ngumuntu; ngokuba ngesimo sikaNkulunkulu, uNkulunkulu umenzile umuntu.

“Yahlukanisela kimi wonke amazibulo esilisa. Konke okuzalwa kuqala okuvula isizalo phakathi kwama-Israyeli kungokwami, loba ngumuntu longabe yisifuyo.”

“Ungabulali.

“Wonke umuntu otshaya omunye ambulale laye kumele abulawe.

“Uma amadoda alwayo angatshaya umfazi ozithweleyo abesebeletha isikhathi sakhe singakafiki, kodwa engalimaanga kakubi, owonileyo kumele ahlawuliswe lokho okuyabe kubizelwe yindoda yomfazi kwasekuvunywa ngumthethwandaba. Kodwa kungaba lokulimala okubi, kumele impilo ikhwitshizwe ngempilo,

“Yahlulela kuhle abayanga bakini emacaleni. Ungabungeni ubufakazi bamanga, njalo ungabulali umuntu ongelacala loba oqotho ngoba kangiyi kumkhulula olecala.

“Ngoba impilo yesidalwa isegazini, njalo ngiliphile ukuthi lenze ukubuyisana kwenu ealithareni; kuligazi elenze ukubuyisana empilweni yomuntu.

“ ‘Unganikeli loba nguwuphi wabantwabakho ukuthi babe ngumhlatshelo kunkulunkulu uMoleki, ngoba akufanelanga ukuthi ungcolise ibizo likaNkulunkulu wakho. Mina nginguJehova.

UJehova wathi kuMosi, “Tshela aba-Israyeli uthi: ‘Loba ngubani kuma-Israyeli loba kumbe ngowezizweni ohlala kini onikela abantwana bakhe kunkulunkulu uMoleki kabulawe. Izakhamizi kazimkhande ngamatshe. Mina ngizamdela lowomuntu ngimkhuphe ebantwini bakibo; ngoba nxa enikele ngabantwabakhe kuMoleki usengcolise indlu yami engcwele wahlambaza lebizo lami elingcwele. Aluba izakhamizi zendawo zingamnanzi lowomuntu enikela umntanakhe kuMoleki zingaze zambulala, mina ngizamkhalala lowomuntu labomuzi wakhe ngibakhuphe ebantwini bakibo, yena kanye labo bonke abahlanganyela laye njengeziphingi loMoleki.

“ ‘Obulala umuntu kumele abulawe.

“ ‘Loba ngubani obulala umuntu kumele abulawe njengombulali ngobufakazi balabo abayabe bebonile kuphela. Kodwa akungabikho loyedwa ozabulawa ngobufakazi bofakazi oyedwa. “ ‘Lingemukeli inhlawulo yokuhlenga impilo yombulali, yena kumele afe, loba kutheni kabulawe.

“ ‘Lingalingcolisi ilizwe lelo elihlala kulo. Ukuchitha igazi kungcolisa ilizwe, njalo indlela yokubuyisana ingeke yenzelwe lapho okuchithwe khona igazi, ngaphandle kwegazi lalowo olichithileyo.

“Ungabulali.

Lingabokhonza uJehova uNkulunkulu wenu ngendlela abakhonza ngayo, ngoba ekukhonzeni kwabo onkulunkulu babo, benza konke okunengisayo okungasoze kwamukeleke kuJehova. Baya baze batshise amadodana lamadodakazi abo emlilweni bethi bayanikela kubonkulunkulu babo.

Akungabi lamuntu phakathi kwenu ozakwenza umhlatshelo ngendodana yakhe loba indodakazi yakhe ngomlilo, kangabi yisanuse loba ocasisa ngemibono ocasisa imilingo njalo ophathelene lobuthakathi,

“Kaqalekiswe umuntu owamukela isivalamlomo ukuze ayebulala umuntu ongelacala.” Ngakho abantu bonke bazakuthi, “Ameni!” “Kaqalekiswe umuntu ongalaleli amazwi okumlaya ngokuwenza.” Ngakho bonke abantu bazakuthi, “Ameni!”

Lamuhla nginxusa izulu lomhlaba ukuba ngofakazi bami ukumelana lani ngisithi sengimise phambi kwenu ukuphila loba ukufa, izibusiso leziqalekiso. Khathesi zikhetheleni ukuphila, ukuze kuthi lina kanye labantwabenu libe lokuphila

Wahamba ngezindlela zamakhosi ako-Israyeli waze wenza umhlatshelo wokutshiswa ngendodana yakhe, elandela izindlela ezingamanyala zezizwe uJehova ayezixotshe abako-Israyeli bengakangeni kulelolizwe.

Benza umhlatshelo ngamadodana lamadodakazi abo emlilweni. Babevumisa njalo besenza ubuthakathi, bazinikela ekwenzeni okubi phambi kukaJehova bamthukuthelisa.

ama-Avi enza uNibhazi kanye loTharithaki, lamaSefavi enza umhlatshelo ngokutshisa abantwababo emlilweni benikela ku-Adrameleki lo-Anameleki, onkulunkulu bamaSefavayimi.

Wenza umhlatshelo ngendodana yakhe emlilweni, wavumisa, wenza imilingo, wasebenza lezanuse labemimoya. Wenza okubi kakhulu emehlweni kaJehova, wamthukuthelisa.

Watshisa imihlatshelo eSigodini saseBheni Hinomu wanikela amadodana akhe emlilweni, elandela izindlela ezenyanyekayo zezizwe uJehova ayezixotshe mandulo kokufika kwabako-Israyeli.

Wanikela amadodana akhe emlilweni eSigodini saseBheni Hinomi, wenza imilingo, ukuvumisa, lokuthakatha njalo wayahlahlula lakwabalemimoya. Wenza okubi kakhulu phambi kukaJehova, wamthukuthelisa.

“Izandla zakho zangibumba zangenza. Pho usuzaphenduka ungibhidlize na? Khumbula ukuthi wangibumba njengomdaka. Pho usuzabuye ungiphendule uthuli na? Kawungithululanga yini njengochago njalo wangijiyisa njengolaza, wangigqokisa ngesikhumba lenyama, wangithungela ndawonye ngamathambo lemisipha?

ngokuba ngalamulela abayanga abacela uncedo, lezintandane ezazingelamuntu wokuzisiza.

Yena lowo owangenzayo esizalweni kabenzanga labo na? Kasuye yini yena kanye owasenzayo sonke phakathi kwezisu zabomama na?

Uyazizwa, O Jehova, izizindlo zabacindezelweyo; uyabaqinisa, uyalalela ukukhala kwabo, ulamulele izintandane labacindezelweyo, ukuze kuthi umuntu, ongowasemhlabeni, angabe esesabeka futhi.

Kanti wena wangikhupha esiswini; wangenza ngakuthemba kusukela ebeleni likamama. Kusukela ekuzalweni kwami ngabekwa ezandleni zakho; kusukela esiswini sikamama ulokhu unguNkulunkulu wami.

Ngikhulula kubenzi bobubi ungisindise ebantwini abomele igazi. Ake ubone ukuthi bangicathamela njani! amadoda esabekayo angakhela amacebo kungelacala loba isono engisenzileyo, O Jehova. Angonanga lutho, kodwa balungele ukungihlasela. Phakama ungisize; ake ubone umumo engikuwo!

Uyise wezintandane, umlamuleli wabafelokazi, nguNkulunkulu emzini wakhe ongcwele.

Kusukela ekuzalweni kwami ngahle ngeyama kuwe; nguwe owangikhuphayo esiswini sikamama. Ngizakudumisa njalonjalo.

Lamulelani ababuthakathaka lezintandane; melani amalungelo abayanga labahlukuluzwayo. Lamulelani ababuthakathaka labaswelayo; bephuleni esandleni sababi. “Kabazi lutho, kabezwisisi lutho. Bayantula emnyameni; zonke izisekelo zomhlaba zixukuxiwe.

Zibulala umfelokazi kanye lowezizweni; zibulala intandane. Zithi, “UJehova kaboni; uNkulunkulu kaJakhobe kananzi.” Limukani, lina elingelangqondo phakathi kwabantu; lina ziphukuphuku, lizahlakanipha nini?

Kambe isihlalo sobukhosi esixhwalileyo singema lawe yini  —  leso esiletha izinhlupheko ngezimemezelo zaso? Bayahlangana ukumelana labalungileyo ongelacala agwetshelwe ukufa. Kodwa uJehova useyinqaba yami, loNkulunkulu wami ulidwala engiphephela kulo. Uzabaphindisela ngenxa yezono zabo ababhubhise ngenxa yobubi babo; uJehova uNkulunkulu wethu uzababhubhisa.

Benza imihlatshelo ngamadodana abo lamadodakazi abo kumadimoni. Bachitha igazi elalingelacala, igazi lamadodana lamadodakazi abo, abenza ngabo imihlatshelo yezithombe zaseKhenani, ilizwe langcola ngegazi labo. Bazingcolisa ngalokho abakwenzayo; ngezenzo zabo baziphatha njengeziphingi. Ngakho uJehova wabathukuthelela abantu bakhe wanengwa yilifa lakhe.

Izandla zakho zangenza zangibumba; ngipha ukuzwisisa ukuze ngifunde imilayo yakho. Sengathi labo abakwesabayo bangathokoza nxa bengibona, ngoba sengibeke ithemba lami elizwini lakho.

Amadodana ayilifa elivela kuJehova, abantwana bangumvuzo ovela kuye.

Ngokuba wadala ingaphakathi yobuyimi; wangiphetha kuhle ndawonye esiswini sikamama. Ngiyakudumisa ngokuthi ngabunjwa ngesimanga esesabekayo; iyamangalisa imisebenzi yakho, lokho ngikwazi kamhlophe. Isimo samathambo ami sasingafihlekanga kuwe lapho ngangisenziwa endaweni esithekileyo. Lapho ngangiselukelwa ndawonye ezinzikini zomhlaba, amehlo akho awubona umzimba wami ungakabi lesimo. Zonke izinsuku ezamiselwa mina zabhalwa encwadini yakho lalunye lwazo lungakabi khona.

ngokuba uyaqinisa imigoqo yamasango akho abusise abantu bakho ngaphakathi kwakho.

Uma zisithi, “Woza sihambe; kasicathamele abantu sichithe igazi, kasicwathele omunye umuntu ongelacala; kasibaginye bephila njengengcwaba, sibathi jwamu njengabawele emgodini;

Ngakho lowo uzawelwa yingozi ngokuphazima; uzabhidlizwa ngokutshetsha  —  kungasekho okungenziwa. Ziyisithupha izinto uJehova azizondayo, eziyisikhombisa eziyisinengiso kuye: amehlo atshengisa ukudelela, ulimi oluqamba amanga, izandla ezichitha igazi elingelacala,

Bahlangule labo abaholelwa ekufeni; banqande labo abadayizela besiya ekubulaweni. Uma usithi, “Angithi besingazi lutho ngalokhu,” kambe lowo ohlola inhliziyo kakuboni lokho na? Kakwazi lokho yini onguye olonda ukuphila kwakho na? Akayikuvuza ubani lobani ngakwenzileyo na?

Umuntu odliwa ngumzwangedwa wokubulala omunye uzaba ngohlala ebaleka aze ayokufa; akungabi lamuntu omsekelayo.

Njengoba ungayazi indlela yomoya, loba ukubunjwa komzimba esiswini sikanina, yikho ungeke uzwisise umsebenzi kaNkulunkulu, uMenzi wezinto zonke.

Lapho lichaya izandla zenu likhuleka, ngizalifihlela amehlo ami; loba selikhuleka imikhuleko eminengi, angiyikulalela. Izandla zenu zigcwele igazi; gezani libe ngabahlambulukileyo. susani izenzo zenu ezimbi phambi kobuso bami. Yekelani ukwenza okubi, fundani ukwenza okulungileyo. Funani ukwahlulela okuhle, khuthazani abacindezelweyo. Vikelani izintandane, lamulelani umfelokazi. “Wozani khathesi nje, sibonisane sikanye,” kutsho uJehova. “Lanxa izono zenu zibomvu gebhu, zizakuba mhlophe nke njengongqoqwane.

Maye kulabo abathi okubi kuhle bathi okuhle kubi, ababeka umnyama esikhundleni sokukhanya; ukukhanya esikhundleni somnyama; ababeka okubabayo esikhundleni sokumnandi, okumnandi esikhundleni sokubabayo.

Khangelani, uJehova uyaphuma lapho ahlala khona ukuba ajezise abantu basemhlabeni ngenxa yezono zabo. Umhlaba uzaveza igazi elachithwa kuwo; kawusayikubafihla ababulawayo bawo.

Nanku akutshoyo uJehova  —  yena owakwenzayo, owakubumba esiswini, njalo yena ozakusiza, uthi: Ungesabi, wena Jakhobe, nceku yami, Jeshuruni engikukhethileyo.

“Nanku akutshoyo uJehova  —  uMhlengi wakho, owakubumbayo esiswini: Mina nginguJehova, owenza izinto zonke, owenza amazulu eyedwa, owendlala umhlaba eyedwa,

“Ngilalela wena ndlu kaJakhobe, lonke lina eliseleyo abendlu ka-Israyeli, lina engalisekelayo selokhu lemulwayo, ngalithwala selokhu lazalwayo.

Ngilalelani lina zihlenge; zwanini lokhu lina zizwe ezikude. UJehova wangibiza ngingakazalwa; kusukela ekuzalweni kwami ubelitsho ibizo lami.

Khathesi uJehova uthi  —  yena owangibumbayo esiswini ukuba ngibe yinceku yakhe ukuze ngibuyisele uJakhobe kuye lokuqoqela u-Israyeli kuye, ngoba ngiphakanyisiwe emehlweni kaJehova njalo uNkulunkulu wami ubengamandla ami

“Owesifazana angamkhohlwa umntanakhe omunyayo na, angabi lesihelo emntwaneni amzeleyo na? Lanxa engamkhohlwa, mina angiyikukukhohlwa! Khangela, sengikudwebe ezintendeni zezandla zami; imiduli yakho ihlezi iphambi kwami.

Kambe ngifikisa esikhathini sokukhululeka ngingabe ngisabelethisa na?” kutsho uJehova.

Ilizwi likaJehova lafika kimi lisithi, “Ngingakakubumbi esiswini ngakwazi, ungakazalwa ngakukhetha ngakubeka ukuba ngumphrofethi ezizweni.”

Ezigqokweni zakho abantu bathola igazi lokuphila elabayanga abangelacala lanxa ungababambanga befohlela phakathi. Kodwa kukho konke lokhu uthi, ‘Kangilacala; kangithukuthelelanga.’ Kodwa mina ngizakwahlulela, ngoba uthi, ‘Angonanga.’

Sebakhe izindawo eziphakemeyo zaseThofethi esigodini saseBheni Hinomi ukuba batshisele khona amadodana lamadodakazi abo ngomlilo  —  into engingabalayanga yona, engazange ifike engqondweni yami.

Ngoba bangidelile kwathi indawo le bayenza eyabonkulunkulu bezizweni; kuyo batshisele imihlatshelo onkulunkulu abangabaziyo, bona labokhokho babo kanye lamakhosi akoJuda, njalo indawo le sebayigcwalisa igazi labantu abangelacala. Sebakhele uBhali izindawo eziphakemeyo ukuba batshise amadodana abo emlilweni njengeminikelo kuBhali  —  into engingazange ngibalaye kumbe ngitsho ukuthi bayenze, kumbe ukuthi ike ifike engqondweni yami. Ngakho qaphelani, izinsuku ziyeza, kutsho uJehova, lapho abantu bengayikubiza indawo le ngokuthi Thofethi loba iSigodi seBheni Hinomi kodwa iSigodi sokuBulala. “Kuyonale indawo ngizawachitha amacebo kaJuda laweJerusalema. Ngizabenza bafe ngenkemba phambi kwezitha zabo, lasezandleni zalabo abafuna ukubabulala, njalo ngizanikela izidumbu zabo ukuba zibe yikudla kwezinyoni zasemoyeni lezinyamazana zeganga.

Ngoba kangibulalelanga esiswini, umama enjengengcwaba lami, isisu sakhe sikhukhumele kokuphela.

“Kodwa amehlo akho lenhliziyo yakho kukhangele inzuzo yenkohliso, lokuchitha igazi elingelacala, ukucindezela kanye lodlakela.”

Nanku akutshoyo uJehova: “Ilizwi liyezwakala eRama, ukulila lokukhala okukhulu, uRasheli ukhalela abantwabakhe esala lokududuzwa, ngoba abantwana bakhe kabasekho.”

Bakhela uBhali izindawo eziphakemeyo eSigodini saseBheni Hinomi ukuba banikele amadodana lamadodakazi abo kuMoleki, lanxa ngingazange ngibalaye, kumbe kufike engqondweni yami, ukuthi babokwenza into eyenyanyeka kangaka ngalokho benze uJuda one.

“ ‘Wathatha futhi amadodana akho kanye lamadodakazi owangizalela wona wawanikela njengokudla ezithombeni. Ubuwule bakho babunganelanga na? Wabulala abantwabami wabanikela ezithombeni. Phakathi kwazo zonke izenzo zakho ezinengayo kanye lobuwule bakho kawuzikhumbulanga izinsuku zasebutsheni bakho, lapho wawunqunu njalo uze, uqhatshaqhatsha phakathi kwegazi lakho. “ ‘Maye! Maye kuwe, kutsho uJehova Wobukhosi. Phezu kobubi bakho bonke,

Nanku okutshiwo nguJehova Wobukhosi: Njengoba wachitha inotho yakho waveza lobunqunu bakho ebuwuleni bakho lezithandwa zakho, njalo ngenxa yazo zonke izithombe zakho ezinengayo, langenxa yokuthi wazipha igazi labantwana bakho, ngakho-ke ngizaziqoqa zonke izithandwa zakho owawuthokoza lazo, lezo owawuzithanda kanye lalezo owawuzizonda. Ngizaziqoqa ukuba zimelane lawe zivela ezindaweni zonke ngikunqunule phambi kwazo, njalo zizabubona bonke ubunqunu bakho. Ngizakunika isigwebo sokujeziswa kwabesifazana abafebayo njalo abachitha igazi; ngizakwehlisela phezu kwakho impindiselo yegazi yolaka lwami kanye lentukuthelo yobukhwele.

Ngoba yonke imiphefumulo ephilayo ngeyami, uyise kanye lendodana  —  bobabili ngokufanayo ngabami. Umphefumulo owonayo yiwo ozakufa.

Lapho linikela izipho zenu  —  imihlatshelo yamadodana enu emlilweni  —  liyaqhubeka lizingcolisa ngazo zonke izithombe zenu kuze kube lamhla. Kumele ngivume na ukuba ungibuze, wena ndlu ka-Israyeli? Ngeqiniso elinjengoba ngikhona, kutsho uJehova Wobukhosi, kangiyikuvuma ukuba lingibuze.

ngoba benze ubufebe njalo lezandla zabo zilegazi. Bafeba lezithombe zabo; banikela labantwana babo ababengizalele bona, njengokudla kuzo. Njalo benze lokhu kimi: Ngasonaleso isikhathi bangcolisa indlu yami engcwele batshaphaza lamaSabatha ami. Ngalo kanye usuku abanikela ngalo abantwana babo ezithombeni zabo, bangena endlini yami engcwele bayingcolisa. Lokho yikho abakwenzayo endlini yami.

Nanku okutshiwo nguJehova: “Ngenxa yezono ezintathu zase-Amoni, loba langenxa yezine, kangiyikulunqanda ulaka lwami. Ngenxa yokuthi waqhaqha abesifazana abazithweleyo baseGileyadi ukuze aqhelise ilizwe lakhe,

Kwathi ukuba uHerodi ananzelele ukuthi iZazi zazimphicile wazonda wafa, wasekhupha umlayo ukuthi kubulawe bonke abafanyana eBhethilehema lasemmangweni wonke oseduze, bonke ababeleminyaka emibili langaphansi, kuhambelana lesikhathi leso ayesitshelwe yiZazi.

“Selezwa ukuthi kwathiwa kwabasendulo, ‘Ungabulali; lowo obulalayo uzagwetshwa.’

Lingabesabi labo ababulala umzimba kodwa bengeke babulale umphefumulo. Kodwa yesabani lowo ongabhubhisa kokubili umphefumulo lomzimba esihogweni.

“Njalo lowo owamukela umntwana omncane njengalo egameni lami wemukela mina.

Aluba isandla sakho loba unyawo lwakho lukwenzisa isono kuqume ukulahle. Kungcono kuwe ukuba ungene ekuphileni uyingini kumbe ugogekile kulokuba lezandla ezimbili kumbe izinyawo ezimbili ujinge uphoselwe emlilweni waphakade. Aluba ilihlo lakho likwenzisa isono, likopole ulilahle. Kungcono kuwe ukungena ekuphileni ulelihlo elilodwa kulokuba lamehlo amabili kodwa uphoselwe emlilweni wesihogo. “Nanzelelani ukuthi lingeyisi lamunye walaba abancinyane. Phela ngilitshela ukuthi izingilosi zabo ezulwini zihlezi zibubona ubuso bukaBaba ezulwini. ( INdodana yoMuntu yalanda ukusindisa okwakulahlekile.)

Ngaleyondlela uYihlo ezulwini kafisi ukuthi lamunye walaba abancinyane alahleke.

UJesu wathi, “Yekelani abantwana beze kimi, lingabavimbeli, ngokuba umbuso wezulu ungowabanjengalaba.”

Ngokuba okusuka ngaphakathi, okusuka enhliziyweni, kuphuma imicabango emibi, ukufeba, ukweba, ukubulala, ukuphinga,

Uyayazi imilayo: ‘Ungabulali, ungafebi, ungebi, ungafungeli ubufakazi bamanga, ungadlelezeli, hlonipha uyihlo lonyoko.”

ngokuba uzabamkhulu emehlweni eNkosi. Kakumelanga anathe iwayini lanini loba yini ebilisiweyo, njalo uzagcwaliswa ngoMoya oNgcwele kusukela ekuzalweni kwakhe.

Kwathi u-Elizabethi esizwa ukubingelela kukaMariya, umntwana wanyakaza esiswini sakhe, u-Elizabethi wagcwaliswa ngoMoya oNgcwele. Wakhuluma ngelizwi elikhulu wathi, “Ubusisiwe wena phakathi kwabesifazana, njalo ubusisiwe umntwana ozamzala! Kodwa kungani ngiphiwe inhlanhla engaka mina, ukuba ngethekelelwe ngunina weNkosi yami? Ngonele ukuzwa ukubingelela kwakho kungena ezindlebeni zami, umntwana osesiswini sami wanyakaza ngentokozo.

(njengokulotshiweyo eMthethweni weNkosi ukuthi, “Lonke izibulo lesilisa lifanele linikelwe eNkosini”),

Uyayazi imilayo; ‘Ungafebi, ungabulali muntu, ungebi, ungaphi ubufakazi bamanga, hlonipha uyihlo lonyoko.’ ”

Kungani lingaluzwisisi ulimi engilukhulumayo na? Ngokuba liyehluleka ukuzwa engikutshoyo. Lingabakayihlo, uSathane, ngakho lifuna ukusenza isifiso sikayihlo. Wavele waba ngumbulali mdabuko wakhe, kazema eqinisweni, ngokuba uvele engelalo iqiniso. Uthi nxa ewaqamba amanga, akhulume ulimi lomdabuko wakhe ngokuba ungusomangase loyise wamanga. Kodwa kalingikholwa ngokuba ngilitshela iqiniso!

Owesifazana nxa ebeletha uzwa ubuhlungu ngoba isikhathi sakhe sesifikile; kodwa nxa umntwana esezelwe uyakhohlwa ubuhlungu lobo ngenxa yentokozo yokuthi sekuzelwe umntwana emhlabeni.

Phezu kwalokho, njengoba bengazange bacabange ukuthi kufanele bagcine ukumazi uNkulunkulu, wabanikela engqondweni yokuxhwala, ukuba benze okungamelanga kwenziwe. Sebegcwele ngokonakala konke, ububi, lobuhaga kanye lokuxhwala. Bagcwale umhawu, lokubulala, lengxabano, lenkohliso kanye lolunya. Bangabanyeyi, labahlebi, labazonda uNkulunkulu, leziqholo, labazigqajayo kanye labazikhukhumezayo; baphemba izindlela zokwenza okubi; badelela abazali babo; kabalangqondo, kabalakholo, kabalazwelo balesihluku. Lanxa besazi isimiso esilungileyo sikaNkulunkulu sokuthi labo abenza izinto ezinje bafanele ukufa, kabaqhubeki nje kuphela besenza zona kanye lezizinto kodwa bayavumelana njalo lalabo abazenzayo.

Lingayekeli umlandu ungahlawulwanga, ngaphandle kokuqhubeka komlandu wokuthandana, ngoba lowo othanda umuntu wakibo usewugcwalisile umthetho. Imilayo ethi, “Ungafebi,” “Ungabulali,” “Ungebi,” “Ungahawukeli” kanye leminye imilayo engabe ikhona ihlanganiswa ngumthetho lo othi: “Thanda umakhelwane wakho njengoba uzithanda wena.” Uthando kalwenzi ngozi kumakhelwane. Ngakho uthando luyikugcwaliswa komthetho.

Kalazi yini ukuthi umzimba wenu ulithempeli likaMoya oNgcwele, ophakathi kwenu, elamamukela kuNkulunkulu na? Kalisibo benu,

Kodwa kwathi uNkulunkulu, owangiphawulayo kusukela ekuzalweni kwami wasengibiza ngomusa wakhe, ethokoza ukuba aveze iNdodana yakhe kimi, ukuze ngitshumayele phakathi kwabezizweni, kangibuzanga muntu.

Njengabaphostoli bakaKhristu sasingaba ngumthwalo kini, kodwa saba mnene kini njengomama esondla abantwana bakhe abancinyane.

Ngakho bangafundisa abesifazana abatsha ukuba bathande omkabo labantwana babo,

Njengoba umzimba ongelamoya ufile, ngokunjalo ukukholwa okungelamisebenzi kufile.

Yeka ubukhulu bothando uBaba asinika lona, ukuba sibizwe ngokuthi singabantwana bakaNkulunkulu! Njalo lokho yikho esiyikho! Okwenza umhlaba thina ungasazi yikuthi laye kawumazanga.

Lingabi njengoKhayini, owayengokaSathane wasebulala umfowabo. Wambulalelani na? Ngoba ezakhe izenzo zazizimbi ezomfowabo zilungile.

Lowo ozonda umzalwane wakhe ungumbulali, njalo liyakwazi ukuthi akulambulali olokuphila okungapheliyo kuye.

Yamemeza ngelizwi elikhulu yathi, “Koze kube nini, Nkosi Yobukhosi, engcwele leqotho, ukuze wahlulele abasemhlabeni uphindisele igazi lethu na?”

Kodwa amagwala, labangakholwayo, labaxhwalileyo, lababulali leziphingi, labathakathi, labakhonza izithombe labo bonke abaqamba amanga  —  indawo yabo izakuba sechibini lomlilo wesolufa ovuthayo. Lokhu yikufa kwesibili.”