14 – Fakatotama

Koia nae gaohi ae tagata e he Otua i hono tatau, naa ne gaohi ia i he tatau oe Otua; naa ne gaohi akinaua koe tagata moe fefine.

Koia oku liligi ae toto oe tagata, e liligi hono toto e he tagata: he nae gaohi ae tagata i he tatau oe Otua.

Fakatabu‘i maaku ae uluaki fanau kotoabe, koia kotoabe oku fakaava ae manāva i he fānau a Isileli, i he tagata moe manu: oku aaku ia.

Oua naa ke fakabo.

Koia oku ne ta‘i ha tagata, bea mate ai ia, e tamate‘i mooni ia.

Kabau oku fekuki ae ogo tagata, bea lavea ai ha fefine feitama, bea to ai ene tama, bea gata ai hono kovi: e tautea mooni ai ae tagata, o hage koia e lea ki ai ae unoho oe fefine: bea e totogi ia o hage koe lea ae kau fakamāu. Bea kabau e tubu ai ae kovi, ke ke atu ae moui ke totogi ae moui.

Oua naa ke fakahala‘i ae fakamāu o hoo kakai majiva i he ene mea. Taofi koe ke ke mamao mei he mea loi: bea oua naa ke tamate‘i ae tae halaia moe maonioni: koeuhi e ikai teu fakatonuhia ae agakovi.

He koe moui ae kakano koe toto: bea kuou tuku ia kiate kimoutolu ki ho mou feilaulauaga ke fai ae fakalelei maa ho mou laumalie; he koe toto oku ne fai ae fakalelei ma ae laumalie.

Bea oua naa ke tuku ke alu a ho hako i he afi kia Moleki, bea oua naa ke fakaogokovi ae huafa o ho Otua; Ko au ko Jihova.

BEA nae folofola a Jihova kia Mosese, o behe, Koeni foki, ke ke lea ki he fānau a Isileli, Koia fulibe i he fānau a Isileli, be i he kau muli oku aunofo i Isileli, oku ne foaki hono hako kia Moleki; koe mooni e tamate‘i ia: e tologaki ia aki ae maka e he kakai oe fonua. Bea teu fakahagatonu hoku fofoga ki he tagata koia, ke motuhi ia mei hono kakai: koe mea i he ene foaki a hono hako kia Moleki, ke uli‘i hoku fale tabu, mo fakaogokovi‘i hoku huafa maonioni. Bea kabau oku fufu ho nau mata e he kakai oe fonua mei he tagata, i he ene foaki hono hako kia Moleki, bea ikai tamate‘i ia; Bea teu fakahaga hoku fofoga ki he tagata koia, bea ki hono fale, bea ko ia, mo kinautolu kotoabe oku fai hala o muimui iate ia, ke fai agahala mo Moleki, teu motuhi mei ho nau kakai.

Bea koia oku ne tamate‘i ha tagata e tamate‘i mooni ia.

Koia oku ne tamate‘i ha toko taha, e tamate‘i ae fakabo koia i he fakamooni oe kau fakamooni: ka e ikai tamate‘i ha toko taha i he fakailo e he fakamooni o ha toko taha be. Bea e ikai foki te mou ma‘u ha totogi kae moui ae fakabo, aia oku halaia i he ene tamate: ka koe mooni e tamate‘i ia.

Bea koia, e ikai te mou fakauli ae fonua oku mou i ai: he oku fakauli e he toto ae fonua: bea e ikai fakamaa ae fonua i he toto kuo liligi i ai, ka i he toto o ia naa ne liligi ia.

Oua naa ke fakabo.

Oua naa ke fai behe kia Jihova ko ho Otua: he koe mea kovi kotoabe kia Jihova, aia oku fehia ia ki ai, kuo oji e nau fai ki ho nau gaahi otua; he ko ho nau gaahi foha mo ho nau gaahi ofefine kuo nau tutu i he afi ki ho nau gaahi otua.

Oua naa ilo ha toko taha iate kimoutolu oku tuku a hono foha be ko hono ofefine ke alu atu i he afi, be oku fai ae tuki, be oku tokaga ki he gaahi kuoga, be koe fai mea mana loi, be koe taula fakafaahikehe.

Ke malaia ia aia oku ne too ae totogi ke tamate‘i ae toko taha oku agatonu. Bea e behe e he kakai kotoabe, Emeni. Ke malaia ia aia oku ikai te ne fakamooni ae lea kotoabe oe fono ni ke fai ki ai. Bea e lea behe e he kakai kotoabe, Emeni.

Oku ou ui ki he lagi mo mamani ke fakamooni he aho ni, kuou fokotui: i ho mou ao ae moui moe mate, ae tabuaki moe malaia: koia ke ke fili ae moui, koeuhi ke moui fakatouoji ai koe mo ho hako:

Ka naa ne eveeva i he hala oe gaahi tu‘i o Isileli, io, naa ne bule‘i ke alu atu a hono foha i he lotolotoga oe afi, o fakatatau moe gaahi gaue fakalielia ae kakai hiteni, akinautolu nae kabuji atu e Jihova mei he ao oe fānau a Isileli.

Bea naa nau bule ki ho nau gaahi foha mo ho nau gaahi ofefine ke nau alu atu i he lotolotoga oe afi, bea naa nau fai fakatevolo mo nau fai ae sausau, bea naa nau fakatau atu akinautolu ke fai ae kovi i he ao o Jihova, ke fakatubu ai a hono houhau.

Bea e he kakai Avi nae fokotuu a Nibasi mo Talitaki, bea e he kakai Sifaveimi nae tutu e nau fānau i he afi kia Atilameleki mo Anameleki, koe gaahi otua o Sifaveimi.

Bea naa ne tuku hono foha ke alu i he lotolotoga oe afi, bea nae tokaga ia ki he gaahi kuoga, bea naa ne fai ae tuki fakatevolo bea nae kau ia moe kau laumalie kovi moe kau kikite loi: nae fai eia ae gaahi agakovi lahi i he ao o Jihova, ke fakatubu hono houhau.

Bea ne tutu foki ae mea namu kakala i he telea oe foha o Henomi, bea ne tutu ene fānau i he afi o fakatatau ki he mea kovi ae gaahi hiteni aia nae kabuji kitua e Jihova mei he ao oe fānau a Isileli.

Bea naa ne bule eia ke alu ene fānau o aji i he afi i he telea oe foha o Henomi: bea naa ne tokaga foki ki he gaahi kuoga, bea ne fai ae hu fakatevolo, bea fai ae tuki fakatevolo, bea nae kaumea ia ki he laumalie kovi, bea ki he kau kikite loi: naa ne fai ae kovi lahi i he ao o Jihova, ke fakatubu ai ae houhau kiate ia.

Kuo gaohi au e ho nima mo fakafuofua takatakai au; ka oku ke tamate‘i au. Oku ou kole kiate koe, ke ke manatu‘i, kuo ke gaohi au o hage koe umea; bea te ke toe omi au ki he efu? He nae ikai te ke liligi au o hage koe hua huhu, mo fakafefeka au o hage koe jiisi? Kuo ke fakakofu aki au ae kili moe kakano, bea kuo ke a‘i au aki ae gaahi hui moe uoua.

He naaku fakahaofia ae majiva nae tagi, ae tamai mate, mo ia nae ikai hano tokoni.

He ikai nae gaohi ia eia naa ne gaohi au i he manāva? bea ikai nae fakatubu akimaua oji be i he manāva e he toko taha?

E Jihova, kuo ke ogo‘i ae holi ae agavaivai: bea te ke teu‘i ho nau loto, te ke age ho fofoga ke afio‘i: Ke fakamāu ae gaahi tamai mate moe kakai kuo taomia, koeuhi ke oua naa toe fakailifia‘i e he tagata oe fonua.

Ka ko koe ia nae too au mei he manāva o eku fa‘e: naa ke fakaamanaki‘i au i he eku kei i he huhu o eku fa‘e. Nae li au kiate koe mei he manāva: ko hoku Otua koe talu eku ha‘u mei he manāva o eku fa‘e.

Ke ke fakahaofi au mei he kau fai kovi mo ke fakamoui au mei he kau tagata bani toto. Vakai, oku nau tatali o lama ki hoku laumalie: E Jihova, kuo katoa fakataha ae kau malohi kiate au: ka oku ikai i he eku talagataa, be ko eku agahala. Oku nau felele‘i o teu‘i akinautolu, ka oku ikai haaku kovi: ke ke a ke tokoni au, bea ke afio‘i.

Koe tamai ae Otua ki he tamai mate, moe fakamāu ia i hono afioaga maonioni, ki he kau fefine kuo mate ho nau unoho.

Kuo ke boubou au talu eku mavae mei he manāva: ko koe ia nae too au mei he fatu o eku fa‘e: teu fakafetai mau ai be kiate koe.

Fakamāu ae baea moe tamai mate: fai agatonu ki he mamahi moe majiva. Fakahaofi ae majiva moe baea: fakamoui akinautolu mei he nima oe kau agahala. Oku ikai te nau ilo, bea oku ikai te nau fie ilo; oku nau alu be i he bouli: kuo ue‘i ae gaahi tuuga kotoabe o mamani.

Oku nau tamate‘i ae muli moe fefine kuo mate hono unoho, bea fakabogi ae tamai mate. Ka oku nau behe, e ikai afio‘i e Jihova, e ikai tokaga ki ai e he Otua o Jekobe. Mou ilo ekimoutolu oku aga fakamanu i he kakai: bea ko kimoutolu ae kau vale, te mou boto afe?

E feohi koa mo koe ae nofoa oe agahala, aia oku fakatubu ae bauu aki ae fono? Oku nau fakataha o agatuu ki he laumalie oe agatonu, mo fakahalaia‘ ae toto tonuhia. Ka ko hoku ugaki‘i a Jihova; bea ko hoku Otua koe maka ia o hoku hufaga. Bea e omi eia kiate kinautolu ae nau hia, bea te ne fakaauha akinautolu i he e nau agahala; io, ko Jihova ko ho tau Otua te ne fakaauha akinautolu.

Io, naa nau feilaulau aki ho nau gaahi foha mo ho nau gaahi ofefine ki he kau tevolo, Mo liligi ae toto maonioni, koe toto o ho nau gaahi foha mo ho nau gaahi ofefine, akinautolu naa nau feilaulau aki ki he gaahi tamabua o Kenani: bea nae fakakovi‘i ae fonua i he toto. Bea nae fakauli‘i behe akinautolu i he e nau gaahi gaue, bea nau fai feauaki i he e nau gaahi filioi. Koia nae tubu ai ae houhau o Jihova ki hono kakai, bea ne fākalilia ai ki hono tofia oona.

Ko ho nima naa ne gaohi au mo fakatonutonu: foaki mai ae boto, koeuhi keu ilo‘i hoo gaahi fekau. Ko kinautolu oku manavahe kiate koe te nau fiefia oka nau ka mamata kiate au; koeuhi naaku amanaki ki hoo folofola.

Vakai, koe fānau koe tofia mei a Jihova: bea koe fua oe manāva ko ene totogi.

He kuo ke ma‘u hoku koga loto: naa ke ufiufi au i he manāva o eku fa‘e. Teu fakamalo kiate koe; he oku fakamanavahe mo fakaofo hoku gaohi: oku fakaofo hoo gaahi gaue; bea oku ilo bau ki ai e hoku laumalie. Nae ikai fufu a hoku jino meiate koe, i he gaohi au i he lilo, mo teuteu lelei au i he gaahi botu maulalo oe fonua. Nae afio ho fofoga ki hoku jino oku teeki ai fakaoji; bea nae tohi i hoo tohi hoku gaahi kubu‘i jino kotoabe, aia nae fakatubu fakaholo, i he heeki ai ha kubu e taha.

He kuo ne fakamalohi ae gaahi sogo o ho gaahi mataba; kuo ne tabuaki‘i hoo fānau i loto iate koe.

Kabau te nau behe, Ha‘u ke tau o, ke tau tatali o toitoi ke liligi ae toto, ke tau lama fakafufu tae hano uhiga ki he taehalaia: Ke tau folo moui hifo akinautolu o hage koe faitoka; bea katoa be, o hage ko kinautolu oku alu hifo ki he luo:

Koia e hoko fakafokifa ai a ene malaia; e maumau fakafokifa ia tae hano fakamoui. Oku fehia a Jihova ki he mea ni e ono: io, koe mea e fitu oku fakalielia i hono ao: Koe mata fielahi, koe elelo oku loi, moe nima oku liligi ae toto oe taehalaia,

Kabau te ke taofi ke oua naa ke fakamoui akinautolu kuo takina ki he mate, bea mo kinautolu kuo teu ke tamate‘i; Kabau te ke behe, Vakai, nae ikai te mau ilo ki ai; ikai oku tokaga‘i ia eia oku ne afio‘i ae loto? bea ko ia oku ne tauhi ho laumalie, ikai oku ne ilo ia ki ai? bea ikai e atu eia ki he tagata taki taha ae fakatatau o ene gaahi gaue?

Koe tagata koia oku fai fakamalohi ki he toto o ha toko taha e mole ia ki he luo; oua naa taofi ia e ha toko taha.

O hage ko hoo tae ilo ki he aga oe laumalie, moe tubu oe hui i he manāva oona oku feitama: oku behe, oku ikai te ke ilo ae gaue ae Otua aia oku ne gaohi ae mea kotoabe.

Oka mou ka mafao ho mou nima, teu fufu hoku fofoga iate kimoutolu: io, oka mou ka hu o liuga lahi, e ikai teu fanogo: he oku bito ho mou nima i he toto. Fufulu akimoutolu, o gaohi ke mou maa; hiki ke mamao meiate au ae kovi o hoo mou faiaga; tuku ae fai kovi; Ako ke mou fai lelei: kumi ki he agatonu, tokoni akinautolu kuo fakamalohia, fakamāu ki he tamai mate, lagomaki‘i ae fefine kuo mate hono unoho. Oku behe e Jihova, Mou ha‘u, bea ke tau alea fakataha: he ne ogo ae tatau o hoo mou agahala moe kulaahoaho, e hoko ia ke hinehina o hage koe uha hinaekiaki; kabau oku kulokula ia o hage koe kulamumu, e tatau ia moe fulufulu‘i sibi.

E malaia akinautolu oku ui ae kovi koe lelei, moe lelei koe kovi; oku ui ae bouli koe māma, moe māma koe bouli; oku ui ae kona koe melie, moe melie koe kona!

He, vakai, oku haele a Jihova mei hono botu ke tautea ae kakai o mamani koeuhi koe nau hia: bea e fakaha e he fonua hono toto, bea e ikai toe ufiufi hono kakai kuo tamate‘i.

Oku behe e Jihova aia naa ne gaohi koe, bea nae fakafuofua koe mei he manāva, aia te ne tokoni‘i koe; Oua e manavahe, E Jekobe, ko eku tamaioeiki: bea mo koe, ko Jesuluni, akoe kuou fili.

Oku behe e Jihova, ko ho huhui, bea ko ia nae fakafuofua koe mei he manāva, Ko au ko Jihova kuou gaohi ae mea kotoabe; kuou folahi toko taha be ae gaahi lagi; oku fofola atu a mamani e au be;

Fanogo kiate au, ae fale o Jekobe, bea mo hono toe kotoabe oe fale o Isileli, aia naaku fua mei he fatu, aia oku fua mei he manāva.

FANOGO, E gaahi motu, kiate au; bea fakafanogo, akimoutolu ae kakai, mei he mamao; Kuo ui e Jihova kiate au mei he manāva; mei he fatu o eku fa‘e kuo ne lea aki hoku higoa.

Bea koeni, oku behe e Jihova aia naa ne fakafuofua au mei he manāva ke hoko ko ene tamaioeiki, ke toe omi a Jekobe kiate ia, Kabau e ikai tanaki a Isileli, ka teu ogoogolelei i he ao o Jihova, bea e hoko a hoku Otua ko hoku malohi.

E faa fakagalogalo‘i e ha fefine ene tama oku huhu, ke ne taeofa ai ki he tama a hono manāva? io, te nau faa fakagalo nai, ka e ikai teu fakagalogalo‘i koe. Vakai, kuou tohi togi koe i hoku aofi nima; oku i hoku ao mau ai be a hoo gaahi a.

Oku behe e Jihova, He teu omi ke fanau‘i, ka e ikai teu gaohi ke faele? Oku behe e ho Otua, He teu gaohi ke fanau, kae tabuni ae manāva?

Bea nae toki hoko mai ae folofola a Jihova kiate au, o behe, Naaku ilo koe i he heeki ai teu fakatubu koe i he fatu; bea naaku fakatabu‘i koe, bea tuutuuni koe, koe balofita ki he gaahi buleaga, i he teeki ai te ke ha‘u mei he manāva.

Kuo ilo‘i foki ae toto oe gaahi laumalie tae halaia i he kaba o ho kofu: oku ikai teu ilo ia i he kumi lahi, ka oku fakahaha be ia iate kinautolu ni kotoabe. Ka oku ke behe ekoe, Oku ou tae halaia, bea koia e fakaafe a hono houhau iate au. Vakai, teu fakamāu‘i koe, koeuhi oku ke behe, Nae ikai te ke fai kovi.

Bea kuo nau laga ae gaahi botu maoluga o Tofeti, aia oku i he telea oe foha o Henomi, ke tutu ho nau gaahi foha moe gaahi ofefine i he afi; aia nae ikai aubito teu fekau be loto ki ai.

Koeuhi kuo nau jiaki au, bea kuo fakakehe ae botu ni, kuo tutu i ai ae mea namu kakala ki he gaahi otua kehe, aia nae ikai te nau ilo, be koe nau gaahi tamai, be koe gaahi tu‘i o Juta, bea kuo fakabito aki ae botu ni ae toto oe taehalaia. Kuo nau laga foki ae gaahi botu maoluga o Beali, ke tutu ai ho nau gaahi foha i he afi, koe feilaulau tutu kia Beali, aia nae ikai teu fekau, be lea ki ai, bea nae ikai jii teu fiemalie ki ai: Koia, oku behe e Jihova, Oku ha‘u ae gaahi aho, e ikai toe ui ae botu ni ko Tofeti, be koe telea oe foha o Henomi, ka Koe telea oe tamate‘i. Bea teu fakataeaoga ae fakakaukau a Juta mo Jelusalema i he botu ni: bea teu bule ke nau to i he heleta i he ao o ho nau gaahi fili, bea moe nima onautolu oku kumi e nau moui: bea teu foaki ho nau agaaga ke kai e he faga manu oe atā, bea moe faga manu oe fonua.

Koeuhi nae ikai te ne tamate‘i au i he manāva; beau faitoka aki eku fa‘e, beau nofo mau i hono manāva.

Ka kuo tuku be ho mata mo ho loto oou ki hoo manumanu, bea ke liligi ae toto oe tae halaia, bea ke fai ae fakamamahi, moe fakamalohi;

Oku behe e Jihova; Nae ogo‘i i Lama ae le‘o koe tagi, moe tagilāulāu; koe tagi a Lejieli i he ene fānau bea e ikai te ne tali ae fiemalie koeuhi ko ene fānau, he kuo ikai akinautolu.

Bea kuo nau laga ae gaahi botu maoluga o Beali, aia oku i he telea oe foha o Henomi, ke bule ki ho nau gaahi foha moe gaahi ofefine ke alu i he afi kia Moleki; aia naaku fekau kiate kinautolu ke oua naa nau fai ia, bea nae ikai jii teu loto ki ai, ke oua naa nau fai ae mea fakalielia ni, ke fakaagahala‘i aki a Juta.

Kuo ke too foki hoo gaahi tama mo hoo gaahi taahine aia kuo ke fanau‘i kiate au, bea kuo ke feilaulau aki akinautolu ke nau auha. Koe mea jii koa eni, a hoo feauaki? Kae umaa a hoo tamatei‘ eku fānau, mo ke tuku akinautolu ke alu atu i he afi maa nautolu? Bea i hoo gaahi fakalielia kotoabe mo hoo feauaki kotoabe oku ikai te ke manatu ki he gaahi aho o hoo kei jii, aia naa ke telefua mo majiva ai, bea ke fakalielia i ho toto be oou. Bea nae hoko o behe, i he ene hili kotoabe a hoo fai kovi, (Malaia, malaia kiate koe! Oku behe e Jihova koe Otua;)

Oku behe e Jihova koe Otua; koeuhi nae liligi atu hoo fakalielia, bea fakaha hoo telefua, i hoo fai agahala mo ho kau mamana, moe gaahi tamabua o hoo fakalielia, bea moe toto o hoo fānau aia naa ke tuku kiate kinautolu: Vakai, koia foki teu tanaki ai ho kau mamana kotoabe, akinautolu kuo ke fakafiefia ai koe, mo kinautolu kotoabe kuo ke ofa ki ai, fakataha mo kinautolu kotoabe kuo ke fehia ki ai; io, teu tanaki fakataha akinautolu kiate koe, bea teu fakaha hoo telefua kiate kinautolu koeuhi ke nau mamata ki hoo telefua kotoabe. Bea teu fakamāu‘i koe, o tatau moe fakamāu ki he kau fefine oku maumau ae fakamau unoho mo liligi ae toto: bea teu fakainu aki koe ae toto i he eku houhau mo eku fuaa.

Vakai, oku aaku ae laumalie kotoabe; hage oku aaku ae laumalie oe tamai, oku behe foki ae laumalie oe foha oku aaku ia: koe laumalie oku agahala e mate ia.

He ka mou ka atu hoo mou gaahi feilaulau, bea ka mou ka tuku ke alu atu i he afi a ho mou gaahi foha, oku mou fakalielia‘i akimoutolu mo ho mou gaahi tamabua, o a‘u mai ki he aho ni: bea e fakafehui au ekimoutolu, e fale o Isileli? Oku behe e Jihova koe Otua, hage oku ou moui, e ikai teu tali haa mou fakafehui kiate au.

Kuo na fai ae tonotatata, bea oku bani toto a ho na nima, bea kuo na fai agahala mo ho na gaahi tamabua, bea kuo na bule‘i ae fānau tagata naa na fanau‘i kiate au, ke alu atu i he afi ke nau auha. Kae umaa ko au ia kuo na fai ki ai ae mea ni: kuo na fakauli‘i hoku fale tabu i he aho be taha, mo na maumau‘i hoku gaahi aho tabu. He nae hili ae tamate e nau fānau ki ho na gaahi tamabua, bea na omi foki i he aho be koia ki hoku fale tabu ke fakalielia‘i ia; bea, vakai, kuo behe be e na fai i he lotolotoga o hoku fale ooku.

Oku behe e Jihova; Koeuhi koe talagataa e tolu ae fānau a Amoni, bea mo hono fa, e ikai teu fakaafe ho nau tautea; he naa nau hae‘i ae kau fefine feitama i Kiliati, koeuhi ke nau totolo mai ho nau mata fonua:

Bea kuo toki ilo e Helota kuo kākā‘i ia e he kau tagata boto, bea ita lahi aubito, mo ne fekau atu ki Betelehema moe gaahi botu ofi ki ai, ke tamate‘i ae tamaiki tagata kotoabe, gata i he ua ta‘u oe nau lahi o fai ki mui; o fakatatau ki he aho naa ne fehui fakababau ai ki he kau tagata boto.

Kuo mou fanogo nae behe kiate kinautolu i mua, Oua naa ke fakabo; bea ko ia e fakabo e tuutamaki ia ki he fakamāu.

Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli.

Bea ko ia te ne ma‘u ha tamajii jii behe i hoku higoa, oku ne ma‘u au.

Koia, kabau oku fakahala‘i koe e ho nima be ko ho va‘e, tutuu ia, o liaki ia iate koe: oku lelei kiate koe hao hu ki he moui oku ke ketu be nima mutu, i hoo mau ae nima e ua moe va‘e e ua, kae li koe ki he afi taegata. Bea kabau oku fakahala‘i koe e ho mata, kabe‘i ia, o liaki iate koe: oku lelei kiate koe hao hu ki he moui oku ke mata taha, i hoo ma‘u ae mata e ua, kae li koe ki he afi o heli. Vakai ke oua naa mou manuki‘i ha toko taha iate kinautolu ni oku jii; he oku ou tala atu kiate kimoutolu, Oku mamata mau ai be i he lagi ha nau agelo ki he fofoga o eku Tamai aia oku i he lagi. Bea kuo hoko mai ae Foha oe tagata ke fakamoui aia nae he.

Bea behe, oku ikai koe finagalo o hoo mou Tamai oku i he lagi, ke malaia ha toko taha iate kinautolu ni oku jii.

Bea nae behe e Jisu, Oua e taofi, kae tuku ke ha‘u kiate au ae tamaiki iki: he oku oe kakai behe ae buleaga oe lagi.

He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo,

Oku ke ilo ae gaahi fekau, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Oua naa ke kākā, Fakaabaaba ki hoo tamai mo hoo fa‘e.

Koeuhi e lahi ia i he ao oe Eiki, bea e ikai te ne inu ae uaine be ha inu fakakona; bea e fonu ia i he Laumalie Maonioni, io, mei he manāva o ene fa‘e.

Bea nae behe, kuo fanogo a Ilisabeti ki he fetaba a Mele, bea hobohobo ae tama i hono manāva; bea fakafonu a Ilisabeti i he Laumalie Maonioni: Bea nae lea aki eia ae le‘o lahi, o ne behe, Oku ke monuia koe i he fefine kotoabe bea oku monuia moe fua o ho manāva. Bea oku fefe nai eni kiate au, koeuhi kuo ha‘u ae fa‘e a hoku Eiki kiate au? Bea vakai, kuo ogo leva ae le‘o o hoo fetaba ki hoku teliga, bea hobohobo fiefia ae tama i hoku manāva.

(O hage koia kuo tohi i he fono ae Eiki, Koe tama kotoabe, ae olo-boou, e ui ia koe tabu ki he Eiki;)

Oku ke ilo ae gaahi fekau, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Fakaabaaba ki hoo tamai mo hoo fa‘e.

Koeha oku ikai ai te mou ilo oku lea? ka koeuhi oku ikai te mou fie fai ki he eku akonaki. Oku mou i hoo mou tamai koe tevolo, bea koe holi a hoo mou tamai te mou fai. Koe fakabo ia talu mei he kamataaga, bea nae ikai nofo mau i he mooni koeuhi oku ikai ha mooni iate ia. Oka lea aki eia ae loi, oku ne lea aki ene mea aana: he koe loi ia, moe tamai o ia. Bea koe mea i he eku tala ae mooni kiate kimoutolu, oku ikai ai te mou tui kiate au.

Oka lagā ae fefine, oku mamahi ia, koeuhi kuo hokojia hono aho: ka i he ene faele‘i ae tama, oku ikai kei manatu ia ki he mamahi, koeuhi ko ene fiefia i he fanau‘i ha tagata ki mamani.

Bea i he ikai te nau loto ke ilo‘i ae Otua, nae fakatukutuku‘i akinautolu e he Otua ki he loto kovi, ke fai ae gaahi mea koia oku ikai gali; Kuo fakafonu aki ae taemaonioni kotoabe, moe feauaki, moe agakovi, moe manumanu, moe fakafajifaji; o fonu i he meheka, moe fakabo, moe feiteitani, moe kākā, moe fajituu; Koe kau fefanafanahi kovi, moe kau fakakovi, moe kau fehia ki he Otua, moe fakamalohi, moe laukau, moe kau bolebole, moe kau fakatubu oe gaahi mea kovi, moe talagataa ki he mātua: Koe taeboto, koe kau maumau fuakava, mo taema‘u ae ofa fakafeo-foofani koe agafakamolokau, moe taemanavaofa: Akinautolu oku nau ilo ae tuutuuni ae Otua, kuo totonu ke mate akinautolu oku fai ae gaahi mea behe, bea oku ikai ke gata i he e nau fai behe be, ka oku nau kau malie foki mo kinautolu oku fai ia.

Oua naa taetotogi ha mea ki ha taha, ka mou feofaaki be kiate kimoutolu: he ko ia oku ofa ki ha toko taha, kuo fakamooni ia ki he fono. Koia foki, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Oua naa ke manumanu; bea ka ai mo ha fekau kehe, oku lau fakataha ia i he fekau ni, aeni, Ke ke ofa ki ho kaugaabi o hage be ko koe. Oku ikai fai e he ofa ha kovi ki hono kaugaabi: koia koe ofa ko hono fakamooni ia oe fono.

Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu?

Ka i he finagalo lelei oe Otua, aia naa ne fakamavae au mei he manāva o eku fa‘e, o ne ui au i he ene agaofa, Ke fakaha hono Alo iate au, koeuhi keu malaga aki ia i he gaahi Jenitaile; nae ikai leva teu fakakaukau moe kakano moe toto:

Ka naa mau iate kimoutolu i he agavaivai, io, o hage koe tauhi oku ne tauhi ofa ene fānau:

Koeuhi ke nau ako ki he kau fine mui ke aga fakabotoboto, ke ofa ki ho nau unoho, ke ofa ki he e nau fānau,

He oku hage oku mate ae jino tae i ai ae laumalie, oku behe ae tui tae i ai ae gaahi gaue, oku mate foki ia.

VAKAI ki hono aga oe ofa kuo foaki mai e he Tamai kiate kitautolu, koeuhi i he ui akitautolu koe fānau ae Otua: koia oku ikai iloa ai akitautolu e mamani, koeuhi nae ikai ke ne ilo ia.

Ikai ke hage ko Keini, nae oe toko taha kovi, bea naa ne tamate‘i hono tokoua. Bea koeha naa ne tamate‘i ai ia? Ka koeuhi nae kovi ene gaahi gaue aana, bea maonioni ae gaahi gaue a hono tokoua.

Ko ia kotoabe oku fehia ki hono tokoua, koe fakabo ia: bea oku mou ilo oku ikai ha fakabo e iate ia ae moui taegata.

Bea naa nau tagi aki ae le‘o lahi, o behe, E Eiki maonioni mo mooni, e fefe hono fuoloa, mo hoo taefakamāu mo taetotogia ho mau toto kiate kinautolu oku nofo i he mama?

Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.