15 – Ubudakwa

UNowa, indoda yomhlabathi, wasuka wahlanyela isivini. Wathi esenathe iwayini lakhona, wadakwa walala enqunu phakathi kwethente lakhe. UHamu, uyise kaKhenani, wabona ubunqunu bukayise wasetshela abafowabo phandle.

“Wena lamadodana akho akumelanga linathe iwayini loba okunye okunathwayo okubilileyo nxa lisiyangena eThenteni lokuHlanganela, funa life. Lo ngumlayo omi kuze kube nininini kuzizukulwana ezizayo. Kumele lahlukanise okungcwele kokungangcwele, okuhlanzekileyo kokungahlanzekanga,

kumele angabe esanatha iwayini loba yikuphi okunathwayo okulembiliso njalo akumelanga ukuthi anathe iviniga eyenziwe ngewayini loba okunathwayo okulembiliso. Kanganathi umhluzi wezithelo zevini, njalo angadli izithelo zevini ezimanzi loba ezomileyo.

Bazakuthi kubakhokheli, “Indodana yethu le iyisiqholo njalo ingumhlamuki. Ayisilaleli. Iyisixhwali njalo iyisidakwa.”

Iwayini labo livela esivinini saseSodoma lasemasimini aseGomora. Amagrebisi abo agcwele itshefu, lamaxha awo amunyu. Iwayini labo liyibuthi bezinyoka, ubuhlungu obubulalayo bamabululu.

Ngakho nanzelela ukuthi kawunathi wayini loba okunye okunathwayo okulemvubelo kanye lokuthi ungadli ukudla okungcolileyo,

Ubabonisile abantu bakho izikhathi ezilukhuni; usiphe iwayini elisenza sidiyazele.

Esandleni sikaJehova kukhona inkomitshi egcwele iwayini eliphuphumayo elixutshwe ngeziyoliso; uyalithulula, kuthi bonke ababi bomhlaba balinathe kanye lenzece zalo.

Badla isinkwa sobubi banathe iwayini lobudlwangudlwangu.

Iwayini lenza ukudelela lotshwala buyaxabanisa, okhohliswa yilezi izinto kahlakaniphanga.

Lowo othanda ukuzithokozisa uzakuba ngumyanga; laloba ngubani othanda iwayini lezibondlo ngeke anothe.

Ungahlangani leziminzi zewayini labazitika ngenyama, ngokuba izidakwa lezihwaba ziba ngabayanga, ukuwozela kwazo kuzembese amadabudabu.

Ngubani ohlaba umkhosi? Ngubani olosizi na? Ngubani otshingayo? Ngubani olensolo na? Ngubani omahluzuhluzu ngeze? Ngubani omehlo abomvu gebhu na? Yilabo abalibala ngewayini, abahamba bedinga inzwisa. Ungahugwa liwayini ulibona libomvu, nxa likhazimula enkomitshini, lapho lisehla kamnandi! Ekucineni liluma njengenyoka libe lobuhlungu obubulalayo njengenhlangwana. Amehlo akho azabona izinto ezingaqedakaliyo lengqondo yakho ifunisele okudidayo. Uzakuba njengomuntu ondendayo phakathi kolwandle, olele esiqongweni sensika yomkhumbi. Uzakuthi, “Bangitshayile kodwa kangilimalanga! bangibethile kodwa kakubuhlungu! Ngizavuka nini bo ngiyodinga obunye utshwala?”

“Kakusikho kwamakhosi, bakithi Lemuweli  —  kakusikho kwamakhosi ukunatha iwayini, kakusikho kwababusi ukunxwanela utshwala, funa badakwe bakhohlwe izimiso zomthetho, behluleke ukumisela kuhle abahluphekayo amalungelo abo. Phana utshwala kulabo abavele sebezifele, iwayini kulabo abalosizi olukhulu; kabanathe bakhohlwe ubuyanga babo bakhohlwe nya usizi lwabo.

Ubusisiwe wena, wena lizwe onkosi yalo izalwa esikhosini  —  amakhosana alo adla ngezikhathi eziqondileyo  —  edlela ukuqina hatshi ukudakwa.

Maye kulabo abavuka ngovivi ekuseni begijimela ukunatha utshwala; abaqhubekayo kuze kube phakathi kobusuku baze badakwe butshwala. Balamachacho lemihubhe emadilini abo, amagedla, lemihlanga, lewayini kodwa kabazinaki izenzo zikaJehova, akukho nhlonipho yomsebenzi wezandla zakhe.

Maye kulabo abangamaqhawe ekunatheni iwayini njalo bezintshantshu ekuhlanganiseni okunathwayo,

UJehova usethele umoya wesiyezi phakathi kwabo; benza iGibhithe ibhadazele kukho konke ekwenzayo njengesidakwa sidiyazela emahlanzweni aso.

Kabasanathi iwayini behlabela, utshwala buyababa kubanathi babo. Idolobho elidilikileyo litshabalele; iminyango yezindlu zonke ivalekile. Emigwaqweni bakhalela iwayini, yonke intokozo iba yikudana, ukujabula konke kuphelile emhlabeni. Idolobho lisele selingamanxiwa, isango lalo libhidlizwe laba yizicucu.

Umhlaba udiyazela njengesidakwa, uzunguzeka njengendlu kulesiphepho; siwusinda kangaka isono sokuhlamuka kwawo uze uwe  —  awuyi kuvuka futhi.

Maye kulowomqhele wamaluba, iqhono lezidakwa zako-Efrayimi, kuluba elibunayo, ubuhle obukhazimulayo kubekwe ngaphezulu kwesigodi esivundileyo  —  kulelodolobho, iqhono lalabo asebelaliswe liwayini phansi!

Umqhele lowo wamaluba, iqhono lezidakwa zako-Efrayimi kuzanyathelwa ngaphansi kwezinyawo.

Lalaba bayadiyazela ngenxa yewayini, babhadazele ngenxa yotshwala. Abaphristi labaphrofethi bayadiyazela ngenxa yotshwala, njalo baphambene ngenxa yewayini; bayabhadazela ngenxa yotshwala, bayadiyazela, lapho bebona imibono, bayakhininda lapho besenza izinqumo. Amatafula wonke agcwele amahlanzo njalo akulandawo engelamanyala.

Thithibalani limangale, zenzeni iziphofu lingabe lisabona; dakwani kodwa kungabi ngenxa yotshwala.

Lowo lalowo uthi, “Wozani, ngilethe iwayini. Kasinatheni utshwala sibusuthe. Kusasa kuzafana lalamhla loba kube ngcono kakhulu.”

“Batshele uthi: ‘UJehova uNkulunkulu ka-Israyeli uthi: Zonke izikhumba zewayini kumele zigcwaliswe ngewayini.’ Bona bangathi kuwe, ‘Kanti thina kasikwazi yini ukuthi izikhumba zonke kumele zigcwaliswe ngewayini?’ wena uthi kubo, ‘UJehova uthi: ngizabenza badakwe bonke abahlala kulelilizwe, kanye lamakhosi ahlala esihlalweni sobukhosi sikaDavida, abaphristi, abaphrofethi labo bonke abahlala eJerusalema. Ngizabamahlaza omunye komunye, oyise lamadodana ngokufananayo, kutsho uJehova. Angiyikuvumela isihawu loba umusa kumbe uzwelo ukuba kungivimbele ukubabhubhisa.’ ”

Mayelana labaphrofethi: Inhliziyo yami idabukile ngaphakathi kwami; wonke amathambo ami ayaqhaqhazela. Ngifana lomuntu odakiweyo, lanjengomuntu owehlulwa liwayini, ngenxa kaJehova lamazwi akhe angcwele.

UJehova, uNkulunkulu ka-Israyeli wathi kimi, “Yamukela esandleni sami inkezo le egcwele iwayini lolaka lwami unathise zonke izizwe engikuthuma kuzo. Zingalinatha, zizadiyazela zihlanye ngenxa yenkemba engizayithumela phakathi kwazo.”

“Lapho-ke batshele uthi, ‘UJehova uSomandla, uNkulunkulu ka-Israyeli uthi: Nathani, lidakwe lihlanze, njalo liwe lingavuki futhi ngenxa yenkemba engizayithumela phakathi kwenu.’

Emva kwalokho ngabeka imiganu eyayigcwele iwayini lezinkezo phambi kwabantu bomndeni wama-Rekhabi, ngathi kubo, “Nathani iwayini.” Kodwa bona baphendula bathi, “Iwayini kasilinathi ngoba ukhokho wethu uJonadabi indodana kaRekhabi wasinika umlayo lo othi: ‘Lina loba inzalo yenu akumelanga linathe iwayini.

Ungigqibe ngemithi ebabayo wanginathisa inyongo.

Ulandele indlela kadadewenu; ngakho ngizabeka inkezo yakhe esandleni sakho. “Nanku okutshiwo nguJehova Wobukhosi: “Uzanatha inkezo kadadewenu, inkezo enkulu ezikileyo futhi; izaletha ukuhlekwa lokuklolodelwa, ngoba ithwele lukhulu. Uzakhulelwa yikudakwa losizi, inkezo yokuchitheka lokuphundleka, inkezo kadadewenu iSamariya. Uzayinatha uyibhije; uzayiphahlaza ibe yizicucu udabule amabele akho. Sengikhulumile, kutsho UJehova Wobukhosi. “Ngakho nanku okutshiwo nguJehova Wobukhosi: Njengoba usungikhohliwe wangifuqela ngemuva kwakho, kumele uthwale imivuzo yesigweba sakho kanye lobuwule bakho.”

Akulamphristi ozanatha iwayini lapho engena iguma langaphakathi.

Kodwa uDanyeli wazimisela ukuthi angazingcolisi ngokudla kwesikhosini lewayini lakhona, yikho wasecela kundunankulu imvumo yokuthi angazingcolisi kanjalo.

Yikho inxusa laselisusa ukudla kwabo kwekhethelo kanye lewayini ababelinatha labapha imibhida.

Endaweni yalokho, uzimisele ukumelana loJehova wezulu. Wathi kakuthathwe izitsha zethempeli layo zilethwe kuwe, kwase kusithi wena lezikhulu zakho, labafazi bakho kanye labafazi bakho beceleni lanathela iwayini kuzo. Wadumisa onkulunkulu besiliva legolide, abethusi, lensimbi, lezigodo lamatshe, abangaboniyo, labangezwayo labangaqedisisiyo. Kodwa kawumhloniphanga uNkulunkulu ophethe ukuphila kwakho kanye lezindlela zakho zonke esandleni sakhe.

ebuwuleni, lewayini elidala kanye lelitsha elisusa ukuqedisisa

Ngosuku lwedili lenkosi yethu ababusi bathukutheliswa liwayini, inkosi izihlanganise labaklolodayo.

Vukani lina zidakwa likhale! Lilani lonke lina banathi bewayini; lilani ngenxa yewayini elitsha, ngoba lihluthunwe ezindebeni zenu.

Bacambalala phansi emaceleni amaalithare wonke, phezu kwezambatho ezithethwe ziyizibambiso. Endlini kaNkulunkulu wabo banatha iwayini elithethwe njengenhlawulo.

“Kodwa lanathisa amaNaziri iwayini, lalaya abaphrofethi ukuba bangaphrofethi.

Linatha iwayini ligcwele izinqayi, ligcobe ngamagcobo amahle, kodwa kalikhathazeki ngokuchitheka kukaJosefa.

Uma umqambi wamanga lomkhohlisi efika athi, ‘Ngizaliphrofethela iwayini elinengi lotshwala,’ uyabe engumphrofethi walababantu nje kuphela!

Bazathandeleka phakathi kwameva, bedakwe liwayini labo; bazaqothulwa njengenhlanga ezomileyo.

Maye kulowo onika omakhelwane bakhe okunathwayo ekuthulula esigujini sewayini badakwe, ukuze akhangele imizimba yabo enqunu. Uzakuba lehlazo elikhulu endaweni yodumo. Khathesi sekulithuba lakho! Natha uchayeke. Inkezo yesandla sokunene kaJehova iyeza kuwe, ihlazo lizamboza udumo lwakho.

Phela uJohane wafika engadli futhi enganathi basebesithi, ‘Uledimoni,’ INdodana yoMuntu yafika yadla yanatha, bathi, ‘Nansi isidli lesidakwa, umngane wabathelisi le“zoni.” Kodwa-ke ukuhlakanipha kuyaziveza ukuqonda kwakho ngezenzo zakho.”

Kodwa ake kuthi inceku leyo ibe ngembi, izitshele ithi, ‘Umnumzana usesekhatshana ukubuya,’ ibisiqalisa ukuzitshaya ezinye izisebenzi, iyozitika inatha lezidakwa. Inkosi yaleyonceku izabuya ngosuku ingacatshangelwa langesikhathi inceku engasilindelanga. Izayiquma iziqayiqa, iyabele indawo kanye labazenzisi, lapho okuzakuba khona ukukhala lokugedla amazinyo.

ngokuba uzabamkhulu emehlweni eNkosi. Kakumelanga anathe iwayini lanini loba yini ebilisiweyo, njalo uzagcwaliswa ngoMoya oNgcwele kusukela ekuzalweni kwakhe.

Ngoba uJohane uMbhaphathizi weza engadli isinkwa njalo enganathi iwayini, lina bese lisithi, ‘Uledimoni.’ INdodana yoMuntu yeza, yadla yanatha, laselisithi, ‘Nansi isiminzi lesidakwa, umngane wabathelisi lezoni.’

Kodwa uma inceku leyo ingathi ngenhliziyo, ‘Inkosi yami isiphuzile ukubuya,’ ibisiqalisa ukutshaya izisebenzi zesilisa lezesifazana ibisisidla, ibisinatha idakwe. Inkosi yaleyonceku izabuya ngosuku ingayilindelanga langesikhathi engasaziyo. Izayiquma iziqa, iyabele indawo labangakholwayo.

Nanzelelani funa izinhliziyo zenu zithundubale ngokuzitika lokudakwa lokunqineka ngezinto zempilo, ngoba lolosuku luzalijuma njengomjibila.

umphathi wedili wahubula wawanambitha amanzi ayesephendulwe aba liwayini. Kakwazanga ukuthi lavela ngaphi, kodwa izince-ku ezaziwakhile amanzi zazisazi. Wasebizela umnyeni eceleni wathi, “Wonke umuntu uletha iwayini elimnandi kuqala, kuthi nxa izethekeli sezinathe kakhulu kube yikhona ekhupha elibi; kodwa wena ugodle elimnandi kuze kube khathesi.”

Kodwa abanye benza inhlekisa ngabo bathi, “Banathe iwayini bedlulisa.” UPhethro wasesima labaLitshumi Lanye, waphakamisa ilizwi lakhe wakhuluma emphakathini wathi: “Bantu bakithi elingamaJuda, lani lonke eliseJerusalema, kahleni ngilicasisele lokhu; lalelani kuhle kulokhu engikutshoyo. Amadoda la kawadakwanga njengoba licabanga. Kuseselihora lesificamunye ekuseni! Hatshi, lokhu yikho okwakhulunywa ngumphrofethi uJoweli ukuthi:

Kasiziphatheni kuhle, njengasemini, hatshi emadilini okuminza lokudakwa, hatshi ekuxhwaleni kokufeba lentokozo yobugangi, hatshi ngokuxabana langomona. Kodwa zigqokiseni iNkosi uJesu Khristu, njalo lingacabangi ngokuthokozisa inkanuko yemvelo yenu yokona.

Kungcono ukungadli inyama lokunganathi iwayini loba ukungenzi lutho oluzawisa umfowenu.

Kanti kalazi yini ukuthi lina ngokwenu lilithempeli likaNkulunkulu kanye lokuthi uMoya kaNkulunkulu uhlala phakathi kwenu? Uma umuntu echitha ithempeli likaNkulunkulu, uNkulunkulu uzamchitha; ngoba ithempeli likaNkulunkulu lingcwele, njalo lina liyilelothempeli.

Kodwa khathesi ngililobela ukuba lingahlanganyeli lomuntu ozibiza ngokuthi ngumzalwane kodwa exhwalile eyisifebe loba isihwaba, umkhonzi wezithombe loba umnyeyi, isidakwa loba iqili. Umuntu onjalo lingadli laye.

Kalazi yini ukuthi abaxhwalileyo kabayikudla ilifa lombuso kaNkulunkulu? Lingakhohliswa. Akulazifebe ezixhwalileyo loba abakhonza izithombe loba iziphingi loba amawule esilisa loba abesilisa abaphinganayo loba amasela loba izihwaba loba izidakwa loba abanyeyayo loba amaqili azakudla ilifa lombuso kaNkulunkulu. Njalo lokho yikho abanye benu ababe yikho. Kodwa selageziswa, selangcweliswa, selalungiswa ngebizo leNkosi uJesu Khristu langoMoya kaNkulunkulu wethu.

Kalazi yini ukuthi umzimba wenu ulithempeli likaMoya oNgcwele, ophakathi kwenu, elamamukela kuNkulunkulu na? Kalisibo benu, lathengwa ngentengo. Ngakho-ke dumisani uNkulunkulu ngemizimba yenu.

Akulazilingo ezilehleleyo ngaphandle kokwejwayelekileyo ebantwini. Njalo uNkulunkulu uthembekile; akayikuvumela ukuba lilingwe ngokwedlula lokho elingakumela. Kodwa lapho lilingwa, uzalinika indlela yokuphunyuka ukuze limelane lakho.

Nxa ngalwa lezilo zeganga e-Efesu ngenxa nje yabantu, ngazuzani na? Nxa abafileyo bengavuswa, “Kasidleni sinathe, ngoba kusasa sizakufa.” Lingedukiswa: “Abangane ababi bayasona isimilo esihle.” Khumbulani ngezingqondo zenu njengokumele likwenze, licine ukwenza izono; ngoba kulabanye abangamaziyo uNkulunkulu  —  ngitsho lokhu ukuba liyangeke.

Izenzo zemvelo yesono zisobala: ubufebe, lokungesabi ukujeziswa, lokuxhwala; ukukhonza izithombe lobuthakathi; inzondo, lokuxabana, lomona, lentukuthelo, lobuhwaba, lokungezwani, lokungavumelani kanye lomhawu; ukudakwa, lokuzitika ngamanyala kanye lokunye okunjalo. Ngiyalixwayisa, njengoba ngenza ngaphambili, ukuthi abaphila kanje kabayikulidla ilifa lombuso kaNkulunkulu.

Lingadakwa liwayini, okuletha ukonakala. Kodwa gcwaliswani ngoMoya. Khulumisanani ngamahubo, lamaculo kanye langezingoma zokomoya. Hlabelani lenzele iNkosi imiculo ezinhliziyweni zenu,

Ngakho kasingafani labanye abaleleyo, kodwa kasiphaphameni njalo sizithibe. Ngoba labo abalalayo, balala ebusuku, lalabo abadakwayo badakwa ebusuku. Kodwa njengoba singabemini, kasizithibeni, sembathe ukukholwa lothando njengesihlangu sesifuba, lethemba lokusindiswa njengengowane. Ngoba uNkulunkulu kasimiselanga ulaka kodwa ukuba sithole ukusindiswa ngeNkosi yethu uJesu Khristu.

Umbonisi akumelanga abe ngosolekayo, abe yindoda yomfazi oyedwa, ezithibayo, elamandla okuzibamba, ehloniphekayo, ephatha kuhle izihambi, engafundisa, engayisiso sidakwa, engeladlakela kodwa emnene, engathandi ingxabano, engathandi mali.

Ngokunjalo, abadikoni labo kumele kube ngabantu abahloniphekayo, abaqotho, abanganathi iwayini elinengi, abangadingi inzuzo ngobuqili

Ngoba uNkulunkulu kasiphanga umoya wobugwala, kodwa umoya wamandla, lowothando kanye lowokuzithiba.

Kodwa wena chuma kuzo zonke izehlakalo, ubekezele ebunzimeni, wenze umsebenzi womvangeli, uyifeze yonke imisebenzi yenkonzo yakho. Ngoba mina sengilungele ukwenziwa umnikelo, njalo lesikhathi sokusuka kwami sesifikile.

Njengoba umbonisi ephathiswe umsebenzi ka-Nkulunkulu, kumele angabi lasici  —  angazikhukhumezi, ongazondi masinya, ongasiso sidakwa, ongathandi ukulwa, ongadingi inzuzo ngobuqili. Kodwa kumele abe ngophatha kuhle izihambi, lowo othanda okuhle, ozikhuzayo, oqondileyo, ongcwele lozithibayo.

Fundisa amadoda amadala ukuzithiba, afanele ukuhlonitshwa, azikhuze, njalo aqine ekukholweni, lethandweni kanye lasekubekezeleni. Ngokunjalo, fundisa abesifazana abadala ukuba babe ngabahloniphayo ekuphileni kwabo, bangabi ngabahlebi kumbe babuswe liwayini, kodwa ukuba bafundise okulungileyo.

Ngokunjalo, khuthaza abesilisa abatsha ukuba bazikhuze.

Uyasifundisa ukuthi “Hayi” ekweyiseni uNkulunkulu lasezinkanukweni zasemhlabeni, njalo siphile ngokuzikhuza, ngokuqonda empilweni yokulalela uNkulunkulu ngesikhathi samanje,

Ngakho lungiselani izingqondo zenu okungenziwa; zithibeni; bekani ithemba lenu ngokupheleleyo emuseni elizawuthola lapho uJesu Khristu esebonakalisiwe. Njengabantwana abalalelayo lingavumeli izinkanuko ezimbi elalilazo lingakazi. Kodwa njengoba lowo owalibizayo engcwele, ngakho yibani ngcwele kukho konke elikwenzayo; ngoba kulotshiwe ukuthi: “Yibani ngcwele ngoba mina ngingcwele.”

Ngoba selichithe isikhathi esaneleyo ngaphambili lisenza lokho abahedeni abakhetha ukukwenza  —  impilo yobudlova, inkanuko, lokudakwa, ukuzitika, ukuzivusa amadlabuzane kanye lezithombe eziyisinengiso.

Zithibeni, liqaphele. Isitha senu, uSathane, siyazulazula njengesilwane esibhongayo sidinga esingamudla. Menqabeni, liqinile ekukholweni, ngokuba liyakwazi ukuthi abazalwane benu emhlabeni wonke baphakathi kwazona lezo izinhlupheko.

Uma sivuma izono zethu, yena uthembekile njalo ulungile, uzasithethelela izono zethu asihlambulule kukho konke ukungalungi kwethu.

Ingilosi yesibili yalandela yathi, “Iwile! Iwile iBhabhiloni eNkulu eyenza izizwe zonke zinathe iwayini elihlanyisayo elobufebe bayo.”

Amakhosi omhlaba afeba laso njalo abahlezi emhlabeni badakwa yiwayini yobufebe baso.”

Ngoba izizwe zonke zinathe iwayini elihlanyisayo lobufebe bayo. Amakhosi omhlaba afeba layo, labathengisi basemhlabeni banothiswa yinotho yayo edlulisileyo.”