15 – Konā

Bea nae kamata a Noa ke tauhi goue, bea ne to ae goue vaine: Bea inu eia i he uaine, bea kona ai: bea nae telefua ia i hono fale fehikitaki. Bea nae mamata a Hami, koe tamai a Kenani, ki he telefua o ene tamai, bea tala eia ki hono ogo tokoua itua.

Oua naa ke inu uaine be ha inu malohi, akoe, be ko ho gaahi foha mo koe, oka mou ka hu ki he fale fehikitaki oe kakai, telia naa mou mate: koe fekau ia e fai mau ai be i ho mou gaahi toutagata kotoabe: Bea koeuhi ke mou ai ae fakailoga kehekehe, i he mea maonioni, moe mea tae maonioni, bea ki he mea tae maa, moe mea maa;

E mahui ia mei he uaine moe inu malohi, e ikai te ne inu ae uaine mahi, be koe inu malohi kuo mahi, e ikai inu eia ae huhua oe kalebi, be kai ae kalebi mata, be momoa.

Bea te na behe ki he kau mātua oe kolo, Ko ho ma foha ko eni oku baogataa mo agatuu, oku ikai tui ia ki he e ma fekau: koe uakai ia moe kona.

He koe nau vaine oku mei he vaine o Sotoma, bea oku mei he goue o Komola: ko ho nau gaahi kalebi, koe kalebi oe ahu, oku kona ho nau gaahi fuhi: Koe nau uaine koe kona oe faga gata lalahi, moe kona malohi oe faga gata kovi aubito.

Bea koeni, oku ou kole kiate koe, ke ke vakai, bea oua naa ke inu uaine be ha inu malohi, bea oua naa ke kai ha mea taemaa:

Kuo ke fakaha ae gaahi mea faigataa ki hoo kakai; kuo ke fakainu aki akimautolu ae uaine fakaofo.

He oku i he nima o Jihova ae ibu, bea oku kulokula ae uaine: kuo bito ia i he mea kuo hui ki ai; bea oku liligi eia mei ai: ka ko hono efe oia, e tatau ia e he agakovi kotoabe o mamani, o inu ia.

He oku nau kai ae ma oe fai kovi, e nau inu i he uaine oe fakamalohi.

KOE mea manuki ae kava, bea koe mea fakatubu lili ae kava malohi: bea ko ia kuo kākā‘i aki ia oku tae boto.

Ko ia oku manako ki he vaiga e hoko ia koe tagata majiva: e ikai koloaia ia aia oku manako ki he kava moe lolo.

Oua naa ke kau moe kakai faa inu ke kona, mo kinautolu oku uakai ki he e nau mea kai: Koeuhi e iku ki he majiva aia oku faa kona mo faa uakai: bea koia oku faa mohe e kofu mahaehae be ia.

Kohai ia oku malaia? kohai ia oku mamahi? kohai ia oku i he feiteitani? kohai oku babunoa? kohai oku lavea noabe? kohai oku kulokula hono mata? Ko kinautolu oku nofo fuofoa ke inu ke kona; akinautolu oku alu ke kumi ae uaine kuo feligiaki. Oua naa ke jio ki he uaine i he ene kulokula, i he ene tuku hono lanu i he ibu, bea oku malie hono inu. Koeuhi e uu ia amui o hage ha gata, bea huhu foki o hage koe gata kona. E jio ho mata ki he kau fefine aga kehe, bea e fakaha mei ho loto ae gaahi mea fakafufu. Io, te ke hage ha taha oku tokoto hifo i loto tahi, be ha taha oku mohe i ha fuga fanā. Te ke behe ekoe, Kuo nau ta‘i au, ka oku ikai teu mamahi; bea kuo nau haha au, ka oku ikai teu ogo‘i ia: teu a afe? teu toe kumi be ki ai.

Oku ikai tāu moe gaahi tu‘i, E Limueli, oku ikai tāu moe gaahi tu‘i ke faa inu kava; be ke inu e he houeiki ae kava kona: Telia naa nau inu, bea galo ai ae fono, bea tae totonu ai ae fakamāu ki he kakai oku mamahi. Atu ae kava malohi kiate ia oku meimei mate, moe uaine kiate kinautolu oku māfajia ho nau loto. Tuku ke ne inu ke galo ai ene majiva, bea oua naa toe manatu ki he ene mamahi.

E fonua, oku ke monuia, o kabau ko ho tu‘i koe foha ia oe houeiki, bea keinaga ho houeiki i he feituulaa totonu, ke nau malohi kae ikai ke kona ai!

E malaia akinautolu oku tuu hegihegi hake, ke kumi ki he kava malohi; bea nofo o a‘u ki he bo, kae oua ke nau kona i he uaine! Bea oku i he e nau gaahi katoaga ae haabe, moe vaiole, moe lali, moe mimiha, moe uaine: ka oku ikai te nau tokaga ki he gaue a Jihova, be vakai ki he gaue a hono nima.

E malaia akinautolu oku malohi ke inu uaine, moe kau tagata malohi ke feligi aki ae kava malohi:

Kuo tuku e Jihova ki ho nau lotolotoga ha laumalie talagataa: bea kuo nau fakahala‘i a Ijibite i he ene gaahi gaue kotoabe, o hage koe tajiba ae tagata kona i he ene lua.

E ikai te nau kei inu uaine moe hiva; e kona ae kava malohi kiate kinautolu oku inu ia. Kuo maumau‘i hifo ae kolo oe maveuveu: kuo tabuni ae gaahi fale kotoabe, koeuhi ke oua naa hu ki ai ha tagata. Oku ai ae tagi ki he uaine i he gaahi hala; kuo fakabouli ae fiefia kotoabe, kuo mole ae fiefia i he fonua. Kuo tuku i he kolo ae fakaauha, bea kuo ta‘i ke lailai hono gaahi mataba.

E tajibejiba a mamani o hage koe tagata kona, e hiki ia o hage ko ha fale jii, bea e mamafa ki ai a ene agahala; bea e higa ia, bea e ikai toetuu.

MALAIA ki he tatā oe laukau, ki he kau kona o Ifalemi, akinautolu oku hage koe fiji akau mae ae nau toulekeleka ogoogolelei! kiate kinautolu oku nofo i he ulu oe vanu kelekele moui onautolu oku kona i he uaine!

Koe tatā oe laukau, ae kakai kona o Ifalemi, e molomoloki i he lalo va‘e:

Ka kuo nau he i he uaine, bea koeuhi koe inu malohi kuo nau he mei he hala; kuo he ae taulaeiki bea moe balofita i he inu malohi, oku nau moua ki he uaine, kuo nau he mei he hala koe mea i he inu malohi; oku ninimo he nau mata, oku nau humu i he fakamāu. He oku fonu ae gaahi keinagaaga kotoabe i he lua moe fakalielia, koia oku ikai ha botu oku maa.

Mou tatali, bea ofo; mou kalaga, bea tagi: oku nau kona, kae ikai i he uaine; oku nau tajiba, kae ikai i he inu malohi.

Oku nau behe, Ha‘u akimoutolu, teu omi ae uaine, bea te tau inu ke tau fonu i he inu malohi; bea e tatau ae abogibogi moe aho ni, bea e lahi hake ia.

Koia ke ke lea aki ae lea ni kiate kinautolu: Oku behe e Jihova koe Otua o Isileli, E fakabito aki ae uaine ae hina kotoabe: bea te nau behe kiate koe, Ikai oku mau ilo bau e fakabito aki ae uaine ae hina kotoabe. Bea te ke toki lea behe kiate kinautolu, oku behe e Jihova, Vakai, teu fakabito aki ae kona, ae kakai kotoabe oe fonua ni, io ae gaahi tu‘i oku nofo i he nofoaga fakaeieiki o Tevita, moe kau taulaeiki, bea moe kau balofita, bea moe kakai kotoabe o Jelusalema. Bea oku behe e Jihova, Teu fakafeteleni ke laiki akinautolu, koe gaahi tamai ki he gaahi foha: E ikai teu ofa, be fakamoui, be fai aloofa, ka e fakaauha akinautolu.

Kuo mafōfōa hoku loto iate au, koeuhi koe kau balofita: oku tetetete hoku gaahi hui; oku ou hage koe tagata kona, bea hage koe tagata kuo ikuna e he uaine, koeuhi ko Jihova, mo ene gaahi folofola maonioni.

He oku behe e Jihova koe Otua o Isileli kiate au: Too mei hoku nima ae ibu uaine oe houhau ni, bea atu ia ki he gaahi buleaga kotoabe, aia teu fekau koe ki ai, ke nau inu ia. Bea te nau inu, bea tajiba, bea faha, koeuhi koe heleta teu fekau kiate kinautolu.

Koia ke ke lea kiate kinautolu, Oku behe e Jihova oe gaahi kau tau, koe Otua o Isileli; Mou inu, ke mou kona, mo lua, mo higa, bea oua naa toe tuu hake, koeuhi koe heleta aia teu fekau kiate kimoutolu.

Beau tuku i he ao oe gaahi foha oe fale oe kau Lekabi ae gaahi ibu kuo bito i he uaine, bea moe gaahi ibu, bea naaku behe kiate kinautolu, Mou inu uaine. Ka naa nau behe mai, E ikai te mau inu uaine: he kuo fekau kiate kimautolu e Jonatabi koe foha o Lekabi koe mau tamai, o behe, Oua naa mou inu uaine, akimoutolu, be ko ho mou gaahi foha o taegata.

Kuo ne fakafonu au aki ae kona, kuo ne fakakona‘i au aki ae kona i‘i.

Kuo ke eveeva koe i he hala o ho tokoua; koia teu age ai ki ho nima a ene ibu aana. Oku behe e Jihova koe Otua; te ke inu ke loloto mo lahi mei he ibu a ho tokoua: e kata manuki aki koe, bea e luma aki koe; oku lahi ae mea oku i ai. Te ke fonu koe i he kona moe mamahi, i he ibu oe fakaofo moe fakaauha, ae ibu a ho tokoua ko Samelia. Io, te ke inu ia mo mimiji ia ke maha, bea te ke maumau ia, mo motuhi aki ia ho huhu be oou: ko au Jihova koe Otua, kuou lea ki ai. Koia oku behe ai e Jihova koe Otua; Koeuhi kuo ke fakagaloi au, mo ke li atu au ki ho tua, koia ia te ke fua ai a hoo fakalielia mo hoo gaahi feauaki.

Bea e ikai jii inu ha uaine e ha taulaeiki oka fai eia ke hu ki he lotoa ki loto.

Ka nae fakababau a Taniela i hono loto, e ikai te ne fakauli‘i eia ia, aki ae tufakaga mea kai oe tu‘i be koe uaine naa ne inu: koia naa ne kole ki he eiki oe kau talifekau, ke oua naa ne fakauli‘i eia ia.

Koia nae ave e Melasa ae nau tufakaga mea kai, bea moe uaine nae tuku ke nau inu, bea ne tuku kiate kinautolu ae sebo.

Ka kuo ke fakahikiniki koe ki he Eiki oe lagi, bea kuo nau omi ae gaahi ibu o hono fale ki ho ao, bea ko koe mo hoo gaahi houeiki, mo hoo gaahi unoho, mo hoo kau fefine, kuo mou inu kava mei ai; bea kuo ke fakamalo ki he gaahi otua siliva, moe koula, moe balasa, moe ukamea, moe akau, moe maka, aia oku ikai ke mamata, be fanogo, be ilo: bea koe Otua aia oku i hono nima a hoo mānava, bea oku oona ho gaahi hala kotoabe, nae ikai te ke fakamalo‘i.

Koe feauaki moe uaine moe uaine foou, oku kavea ae loto.

I he aho o ho tau tu‘i kuo fakakona ia e he houeiki aki ae gaahi hina uaine; naa ne mafao hono nima moe kau manuki.

Ae kau kona, mou a, bea tagi; bea fakatagiloloa, akimoutolu ae kau inu uaine, koeuhi koe uaine foou; he kuo motuhi ia mei ho mou gutu.

Bea oku nau tokoto i he gaahi kofu oku tuku koe fakamooni ki he totogi i he vee feilaulauaga kotoabe, bea oku nau inu ae uaine oe halaia i he fale oe nau tamabua.

Ka naa mou atu ae uaine ke inu e he kau Fakamavahe; bea ne mou fekau ae kau balofita, o behe, Oua naa kikite.

Bea oku inu uaine mei he gaahi ibu, bea oku tākai akinautolu aki ae lolo mahuiga: ka oku ikai te nau mamahi i he tuutamaki a Josefa.

Kabau oku ai ha tagata oku eveeva i he laumalie moe loi, bea ne behe, Teu kikite kiate koe ki he uaine, moe kava malohi; koe mooni e hoko ia koe balofita ki he kakai ni.

He lolotoga e nau febikitaki, o hage koe gaahi akau talatala, bea i he e nau kei kona, hage ha kau kona, e vela o oji akinautolu, o hage koe veve kuo momoa aubito.

Ke malaia kiate ia oku ne atu ae inu kona ki hono kaugaabi, akoe oku tuku hoo hina kiate ia, bea ke fakakona foki ia, koeuhi ke ke jio ki he e nau telefua! Kuo fakabito aki koe ae fakama ko ho nāunāu: ke ke inu foki, bea e buke koe i he tetetete moe ofo lahi: e atu kiate koe ae ibu mei he nima toomatau o Jihova, bea e fakalielia‘i ho nāunāu.

He nae ikai ha‘u a Jone o kai mo inu, bea nau behe, Oku iate ia ha tevolo. Ka kuo ha‘u ae Foha oe tagata o kai mo inu, bea nau behe, Vakai, koe tagata faa kai, mo faa inu uaine, koe kaiga oe kau tanaki tukuhau moe agahala. Ka oku fakatonuhia ae boto e he ene fānau.

Bea kabau e behe e he tamaioeiki agakovi i hono loto, Oku fakatuai ne ha‘u a eku eiki; Bea ne kamata teia ene kauga tamaioeiki, bea kai ia mo inu fakataha moe kau kona; E ha‘u ae eiki ae tamaioeiki koia, i ha aho oku ikai te ne amanekina, bea i ha feituulaa oku ikai te ne ilo, Bea e tuua ia, o tuutuuni ke inaji fakataha ia moe kau malualoi: bea e i ai ae tagi moe fegaiitaki oe nifo.

Koeuhi e lahi ia i he ao oe Eiki, bea e ikai te ne inu ae uaine be ha inu fakakona; bea e fonu ia i he Laumalie Maonioni, io, mei he manāva o ene fa‘e.

He nae ikai ha‘u a Jone koe Babitaiso o kai ma mo inu uaine; bea oku mou behe, Oku iate ia ha tevolo. Kuo ha‘u ae Foha oe tagata o kai mo inu; ka mou behe, Vakai, koe tagata faa kai, mo faa inu uaine, koe kaiga oe kau tanaki tukuhau moe agahala!

Bea ka behe e he tamaioeiki koia i hono loto, Oku fakatuotuai e he eku eiki a ene ha‘u; bea haga ia o ta‘i ae kau tamaioeiki moe kau kaunaga, bea kai mo inu ke kona: E ha‘u ae eiki oe tamaioeiki koia i ha aho e ikai amanaki ia ki ai, bea i ha feituulaa e ikai tokaga ai ia, o tuuji ia, bea tuutuuni ke ne inaji fakataha moe taetui.

Kae vakai kiate kimoutolu, telia naa iloage kuo taomia ho mou loto i he kai fekinaki, moe kona, moe tokaga ki he moui ni, bea hoko fakafokifa ai ae aho koia kiate kimoutolu.

Bea kuo kamata e he bule oe katoaga ki he vai kuo liliu koe uaine, kae ikai ilo ia be koe mea meife: (ka nae ilo e he kau tauhi naa nau fakatafe ae vai;) bea ui ae bule oe katoaga ki he tagata taane, O ne behe ki ai, Oku tomua omi e he tagata kotoabe ae uaine lelei, bea ka lahilahiga lelei ae inu ae kakai, oku toki omi aia oku kovi: ka kuo ke tuku ae uaine lelei ki mui ni.

Kae manuki ae niihi, o behe, Oku fonu i he uaine foou ae kau tagata ni. Ka nae tutuu hake a Bita, moe toko hogofulu ma toko taha, o lea aki ae le‘o lahi, o ne behe kiate kinautolu, Akimoutolu ae kau tagata o Jutea, mo kimoutolu kotoabe oku aunofo i Jelusalema, ke mou ilo eni, bea fakafanogo ki he eku lea: He oku ikai kona akinautolu ni, o hage ko hoo mou mahalo, he ko hono tolu be eni oe feituulaa oe aho. Ka ko eni ia nae lea ki ai ae balofita ko Joeli;

Ke tau felaka‘i o matamata lelei, o tāu moe aho; ikai i he katoaga kai moe faa kona, be i he feauaki moe agafa-kalielia, bea ikai i he fekeikei moe meheka. Ka ke ai ekimoutolu ae Eiki ko Jisu Kalaisi, bea oua naa tokonaki ma ae gaahi holi oe kakano.

Oku lelei ke oua naa kai kakano, be inu uaine, be fai ha mea e humu ai ho tokoua, be tūkia ai, be vaivai ai.

Ikai oku mou ilo koe fale tabu oe Otua akimoutolu, bea oku nofoia akimoutolu e he Laumalie oe Otua? Kabau e maumau e ha taha ae fale tabu oe Otua, e maumau ia e he Otua; he koe fale tabu oe Otua oku maonioni, bea koe fale tabu koia akimoutolu.

Ka kuou tohi eni kiate kimoutolu, ka ai ha taha oku ui koe kaiga, ka oku feauaki, be manumanu, be tauhi tamabua, be koe manuki, be koe kona, be koe fakamalohi; oua naa fakataha mo ha taha behe, bea oua naa kai mo ia.

Ikai oku mou ilo, e ikai hoko e he tae fai totonu ki he buleaga oe Otua? Oua naa kākā‘i akimoutolu: koe kau feauaki, moe kau tauhi tamabua, moe kau tonofefine, moe kau moui fakafiemalie, moe kau fefai fakalieliaaki iate kinautolu, Moe kau kaihaa, moe manumanu, moe kau faa kona, moe kau lea kovi, moe kau fakamalohi, e ikai te nau lava‘i ae buleaga oe Otua. Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu? He kuo fakatau akimoutolu aki ae totogi: koia ke fakaogolelei ae Otua i ho mou jino, bea i ho mou laumalie, aia oku oe Otua.

Oku ikai ha ahiahi e to kiate kimoutolu ka koia oku faa hoko ki he tagata: ka oku mooni ae Otua, bea e ikai te ne tuku ke lahi hono ahiahi‘i akimoutolu i he mea te mou faa fai; ka i he ahiahi e tofa foki eia ae hala ke hao ai koeuhi ke mou faa kataki ia.

He kabau, o hage koe lea ae tagata, kuou tau moe faga manu i Efeso, koeha hono aoga kiate au, o kabau oku ikai toe tuu ae mate? ke tau kai mo inu; he te tau mate abogibogi. Oua naa kākāia akimoutolu: koe gaahi talanoa kovi oku fakahala‘i ae gaahi aga oku lelei. A hake ki he maonioni, bea oua naa fai agahala; ke oku teeki ma‘u e he niihi ae ilo‘i ae Otua: oku ou lea aki ia ko hoo mou fakama.

Bea oku ha mai ae gaahi gaue ae kakano, ko eni ia; Koe tono fefine, moe feauaki, moe taemaa, moe fakalielia, Moe tauhi tamabua, moe fie mana, moe taufehia, moe fekeikei, moe fefie-lahiaki, moe lili, moe feiteitani, moe mavahevahe, moe gaahi he, Moe femehekaaki, moe fefaka-boaki, moe faa kona, moe gaahi katoaga kai, moe gaahi mea behe ni: aia oku ou tomua tala ni kiate kimoutolu, o hage ko eku tala i he kuoga kuo hili, ko kinautolu oku fai ae gaahi mea behe, e ikai te nau lava‘i ae buleaga oe Otua.

Bea oua naa kona i he uaine, aia oku tubu ai ae fakalielia; ka ke fonu akimoutolu i he Laumalie; O fealeleaaki akimoutolu i he gaahi same, moe himi, moe hiva fakalaumalie, o hiva ke ai ae malie i ho mou loto ki he Eiki;

Koia ke oua naa mohe akitautolu, o hage koe niihi; ka tau leo bea tau fakabotoboto. He ko kinautolu oku mone, oku mohe i he bo; bea ko kinautolu oku kona, oku kona i he bo. Ka ke fakabotoboto akitautolu oku oe aho, o ai ki he fatafata ae jifa koe tui moe ofa; bea tau tatā aki ae amanaki lelei ki he fakamoui. He nae ikai tuutuuni akitautolu e he Otua ki he houhau, ka ke tau ma‘u ae fakamoui i ho tau Eiki ko Jisu Kalaisi.

Koia oku totonu ke taehalaia ae faifekau, ke unoho moe fefine be taha ke faa tokaga, mo aga fakabotoboto, o aga matamata lelei, mo agaofa, o faa ako: O ikai faa inu uaine, o ikai koe faa ta, be koe holi ki he koloa uli; kae faa kataki, bea e ikai te ne fakakikihi, be manumanu;

Bea ke aga fakamotua ae kau akonaki foki, oua naa felohiaki, oua naa faa inu uaine, be holi ki he koloa uli;

He nae ikai foaki e he Otua kiate kitautolu ae laumalie oe manavajii; ka koe malohi, moe ofa, moe loto faka-botoboto.

Ka ke leo be akoe i he mea kotoabe, kataki ae gaahi mea mamahi, fai ae gaue oe evagelio, fai ke kakato hoo gaue fakafaifekau. He oku ou tali be ki hoku liligi, bea oku ofi ae aho o hoku tukuage.

He oku totonu ke taehalaia ae tauhi, o tāu moe tauhi koloa ae Otua; o ikai fai ki hono loto, be itagofua, be tokaga ki he uaine, be faa ta, be tokaga ki he koloa uli; Kae ofa ia ki he fai agalelei, bea ofa ki he kakai agalelei, ke ne aga fakabotoboto, mo agatotonu, mo maonioni, mo agamāu;

Ke faa tokaga e he mātua tagata, bea nau aga fakamotua, o fakabotoboto, mo haohaoa i he tui, moe ofa, moe faa kataki. Moe kau fine mātua foki, ke nau ulugaaga fakamaonioni, ke oua naa koe kau fakakovi, be tokaga lahi ki he uaine, ka koe kau akonaki oe mea lelei;

Ke ke eginaki ki he kau talavou foki ke loto fakabotoboto.

O ne akonekina akitautolu, ke jiaki ae aga taefaka‐Otua moe gaahi holi fakamama, ka tau moui aga fakabotoboto, mo maonioni, mo aga faka‐Otua, i he mamani;

Koia ke nonoo ae nootaga vala o ho mou loto, bea leo, o amanaki lelei o a‘u ki he gataaga, ki he lelei e omi kiate kimoutolu i he fakaha o Jisu Kalaisi; Ke mou gali moe fānau talagofua, ke oua naa fakatatau akimoutolu ki he gaahi holi i mu‘a hoo mou taeilo: Kae hage oku maonioni aia kuo ne uiui‘i akimoutolu, ke maonioni foki akimoutolu i hoo mou moui kotoabe; He kuo tohi, o behe, Mou maonioni; he oku ou maonioni.

He kuo lahi kiate kitautolu ae kuoga kuo hiliage oe tau moui ke fai ai ae loto oe kakai Jenitaile, aia naa tau aeva ai i he aga fakalielia, moe gaahi holi kovi, moe inu lahi i he uaine, i he gaahi katoaga kai, moe gaahi katoaga inu uaine, moe fakalielia oe tauhi tamabua:

Leo, bea faa vakai; koeuhi ko ho mou fili koe tevolo, oku alu fano, o hage ha laione gugulu, o ne kumi be kohai te ne faa buku hake: Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani.

Kabau te tau vete e tau gaahi agahala, oku mooni mo agatonu ia ke fakamolemolea e tau gaahi agahala, mo fakamaa akitautolu mei he taemaonioni kotoabe.

Bea nae muimui ae agelo e toko taha, o ne behe, Kuo higa a Babilone, kuo higa ia, ae kolo lahi koia, koeuhi kuo ne fakainu‘i ae buleaga kotoabe i he uaine oe houhau o ene feauaki.

Aia kuo fai feauaki moe gaahi tu‘i a mamani, bea koe kakai o mamani nae fakakona aki ae uaine o ene feauaki.

He kuo inu e he gaahi buleaga kotoabe i he uaine oe houhau o ene feauaki, bea kuo feauaki mo ia ae gaahi tu‘i o mamani, bea koe kau fakatau o mamani kuo nau koloaia, koe mea i he lahi o ene gaahi mea lelei.