20 – Lotu

Bea lea a Ebalahame o ne behe, Vakai, koeni kuou lea au kia Jihova, ka koe efu, moe efuefu be au:

Bea behe eia, E Jihova koe Otua o eku eiki ko Ebalahame, oku ou kole kiate koe, ke ke fakamonuia au he aho ni, bea ke fakaha hoo ofa ki he eku eiki ko Ebalahame. Vakai, oku ou tuu i heni, i he vee vaikeli; bea e ha‘u ae gaahi ofefine oe kakai oe kolo ke utu vai. Tuku ke hoko o behe, ke iloga ae taahine, aia teu behe ki ai, Oku ou kole kiate koe, tuku hifo hoo hina, keu inu; bea te ne behe mai, Inu, bea teu fakainu hoo faga kameli foki; koia ia kuo ke fili maa hoo tamaioeiki ko Aisake: bea teu ilo ai kuo ke fakaha ae ofa ki he eku eiki. Bea nae hoko, o behe, i he heeki ai oji ene lea, vakai nae ha‘u mo ene hinavai i hono uma, a Lebeka aia nae tubu ia Betueli, koe tama a Milika, koe unoho o Nehoa, koe taokete o Ebalahame.

Bea nae hufia e Aisake hono unoho kia Jihova, he nae baa ia; bea tui kiate ia a Jihova, bea feitama hono unoho ko Lebeka.

Ka nae nofo toko taha be a Jekobe; bea nae ai ae tagata naa na fefauhi mo ia o a‘u ki he mafoa ae ata. Bea i he ene mamata oku ikai te ne malohi kiate ia, naa ne alaji ae tefito tubu o Jekobe: bea nae homo ae tega o Jekobe, i he ena fefauhi mo ia. Bea naa ne behe, Tuku au keu alu, he kuo ma‘a ae aho; bea ne behe, E ikai teu tukuage koe o kabau e ikai te ke tabuaki au. Bea ne behe kiate ia, Kohai ho higoa? bea ne behe, Ko Jekobe. Bea behe eia, E ikai toe ui ho higoa ko Jekobe, ka ko Isileli: he oku hage ko ha eiki a hoo fai malohi ki he Otua, moe tagata, bea kuo ke lava‘i. Bea fehui e Jekobe kiate ia, Oku ou kole kiate koe, ke ke tala mai ho higoa. Bea behe eia, Koeha oku ke fehui ai ki hoku higoa? Bea naa ne tabuaki ia i ai. Bea ne ui e Jekobe ae higoa oe botu koia, ko Benieli. He kuou mamata ki he Otua, koe mata ki he mata, ka oku ou kei moui.

Bea nae i ai ia mo Jihova i he aho e fagofulu moe bo e fagofulu; bea nae ikai te ne kai ma, be inu ha vai. Bea naa ne tohi ki he ogo maka lafalafa ae gaahi lea oe fuakava, koe fekau e hogofulu.

Bea naa na to ki ho na mata, o na behe, E Otua, koe Otua oe laumalie oe kakai kotoabe, e agahala ha toko taha, bea te ke houhau ki he kakai kotoabe?

Ka koeni, kabau te ke kumi mei ai a Jihova ko ho Otua, te ke ilo ia, kabau oku ke kumi ia aki ho loto kotoa mo ho laumalie kotoa. Oka moua koe i he mamahi, bea kuo hoko ae gaahi mea ni kotoabe kiate koe, io i he gaahi aho amui, kabau te ke tafoki kia Jihova ko ho Otua, bea ke fai talagofua ki hono le‘o; (He ko Jihova ko ho Otua, koe Otua aloofa;) e ikai te ne liaki koe, be fakaauha koe, be fakagalo‘i ae fuakava a hoo gaahi tamai aia naa ne fuakava ai kiate kinautolu.

I he eku alu hake ki he mouga ke ma‘u ae ogo maka lafalafa, ae ogo maka oe fuakava aia nae fai e Jihova mo kimoutolu, bea neu nofo i he mouga i he aho e fagofulu moe bo e fagofulu, nae ikai teu kai ma be inu vai:

Bea naaku fakafoohifo i he ao o Jihova, o hage ko eku muaki fai, i he aho e fagofulu moe bo e fagofulu: nae ikai teu kai ha ma, be inu ha vai, koe mea i hoo mou gaahi agahala aia naa mou agahala ai, i he fai kovi i he ao o Jihova, ke fakatubu hono houhau.

Nae behe be a eku fakatomabee au i he ao o Jihova i he aho e fagofulu moe bo e fagofulu, o hage ko eku tomua fai ia; koe mea i he behe e Jihova te ne fakaauha akimoutolu.

Bea neu tatali i he mouga, i he aho e fagofulu moe bo e fagofulu, o hage koe fuofua fai; bea nae tokaga kiate au a Jihova i he kuoga foki koia, bea nae ikai fie fakaauha akimoutolu e Jihova.

Bea nae hae e Josiua hono kofu, bea fakato ia ki he kelekele ki hono mata i he ao oe buha o Jihova o a‘u ki he efiafi, aia moe kau mātua o Isileli, bea nae ai ae efu ki ho nau ulu.

Bea nae toki alu hake ae fānau kotoabe a Isileli, moe kakai kotoabe, o hoko ki he fale oe Otua, o tagi, o nau nofo i ai i he ao o Jihova, o aukai i he aho koia o a‘u ki he efiafi, bea nae atu ae gaahi feilaulau tutu moe gaahi feilaulau fakalelei i he ao o Jihova.

Bea nae haele mai a Jihova, o tuu, o ui o hage koia nae fai, Samuela, Samuela. Bea nae toki tali e Samuela, o behe, Ke ke folofola mai; he oku ogo‘i e hoo tamaioeiki.

Bea ko au foki, Ke taofi e he Otua a eku fai agahala kia Jihova i he tuku eku hufia akimoutolu: ka teu ako kiate kimoutolu ae hala lelei mo totonu:

Bea nae tuu a Solomone i he ao oe feilaulauaga o Jihova i he ao oe fakataha kotoabe o Isileli, bea naa ne mafao atu a hono nima ki lagi: Bea naa ne behe, E Jihova koe Otua o Isileli, oku ikai ha otua ke hage ko koe, i he lagi i oluga, be i he mama ki lalo ni, akoe oku ke tauhi ae fuakava moe aloofa ki hoo kau tamaioeiki oku eveeva i ho ao aki a ho nau loto kotoa:

Bea nae hoko o behe, i he ene fakaoji e Solomone a ene lotu aki ae lotu ni moe kole ni kia Jihova, naa ne tuu hake mei he ao oe feilaulauaga o Jihova, mei he ene tuulutui i hono tui kae mafao a hono nima ki oluga ki he lagi.

Bea i he ene hokojia ae feituulaa oe feilaulau fakaefiafi, nae unuunu mai a Ilaija koe balofita, o ne behe, E Jihova koe Otua o Ebalahame, mo Aisake, bea mo Isileli, tuku ia ke ilo‘i he aho ni koe Otua koe i Isileli, bea ko hoo tamaioeiki au, bea mo eku fai ae gaahi mea ni kotoabe i hoo fekau. E Jihova, fanogo mai kiate au, fanogo mai kiate au, koeuhi ke ilo e he kakai ni ko Jihova koe koe Otua, bea kuo ke toe liliu mai ekoe a ho nau loto. Bea nae toki to hifo ai ae afi a Jihova, o ne keina ae feilaulau tutu, moe fefie, moe gaahi maka, moe efu, bea ne emo hake ae vai aia nae i he luo. Bea i he mamata ae kakai ki ai, naa nau to hifo ki ho nau mata: bea naa nau behe, Ko Jihova, koe Otua be ia; ko Jihova, koe Otua be ia.

E Jihova, bunou hifo ho fofoga, bea ke fakafanogo: e Jihova fakaa ho fofoga, bea ke afio‘i: bea ogo‘i ae gaahi lea a Senakalibe, aia kuo ne fekau mai ia ke lea kovi ai ki he Otua moui.

Bea koeni, E Jihova ko ho mau Otua, Oku ou kole kiate koe, ke ke fakamoui akimautolu mei hono nima, koeuhi ke ilo e he buleaga kotoabe o mamani, ko koe ko Jihova koe Otua, io ko koe be.

Bea nae toki tafoki ai eia hono mata ki he holiji, bea ne lotu eia kia Jihova, o behe, Oku ou kole kiate koe e Jihova, ke ke manatu eni a eku alu i ho ao i he mooni bea moe loto agatotonu, bea kuou fai aia oku lelei i ho ao. Bea nae tagi mamahi a Hesekaia.

Bea nae lotu a Jebesi ki he Otua o Isileli, o behe, Taumaia, te ke tabuaki mooni au, mo fakalahi a hoku mata fonua, bea ke kau mai ho nima kiate au, bea ke malu‘l au mei he kovi, koeuhi he oua naaku mamahi ai! Bea nae foaki e he Otua ae mea naa ne kole ki ai.

Mou fakafetai kia Jihova, ui ki hono huafa, fakaogoogo i he lotolotoga oe kakai a ene gaahi gaue.

Mou kumi kia Jihova bea mo ene malohi, mou kumi mau ai be ki hono fofoga.

Mou tuku ae fakafetai kia Jihova: he oku ne agalelei; bea oku taegata a ene aloofa.

Bea ke nau tuu i he bogibogi kotoabe ke fakafetai mo hiva kia Jihova, bea ke behe foki i he efiafi;

Bea naa ne tuu i he ao oe feilaulauaga o Jihova i he ao oe fakataha kotoabe o Isileli, bea naa ne mafao atu a hono nima: He kuo gaohi e Solomone ha tuuaga balasa, koe haga e hogofulu a hono loloa, moe haga e hogofulu hono māukubu, bea koe haga e ono a hono maoluga, bea kuo fokotuu ia i he lotolotoga oe lotoa: bea naa ne tuu ki ai, bea naa ne tuulutui ki hono tui i he ao oe fakataha katoa o Isileli, bea naa ne mafao atu a hono nima ki he lagi, Mo ne behe, E Jihova koe Otua o Isileli, oku ikai ha Otua ke tatau mo koe i he lagi, be i he mamani; akoe oku tauhi ae fuakava, mo ke aloofa ki hoo kau tamaioeiki, akinautolu oku eveeva i ho ao i he loto haohaoa:

Koia ke ke afio lelei ki he lotu a hoo tamaioeiki, bea ki he ene kole tāumau, E Jihova ko hoku Otua, ke fakaogo ki he tagi moe lotu aia oku lotu aki i ho ao e hoo tamaioeiki: Koeuhi ke a ho fofoga ki he fale ni i he aho moe bo, ki he botu koia naa ke behe ai te ke tuku i ai ho huafa; ke fakaogo ki he lotu aia oku lotu aki e hoo tamaioeiki i he botu ni. Koia ke ke ogo‘i ae gaahi kole a hoo tamaioeiki, bea mo hoo kakai Isileli, aia te nau lotu aki i he botu ni: fanogo e koe mei ho afioaga, mei he lagi; bea oka ke ka ogo‘i, fakamolemole.

Iloga ae lotu moe kole e fai e ha tagata e toko taha, be e he kakai kotoabe o Isileli, i he ene ilo taki taha e he tagata ae kovi o hono loto oona mo ene mamahi, bea ne mafao mai a hono nima ki he fale ni: Ke ke toki fanogo ekoe mei he lagi ko ho afioaga, bea fakamolemole, bea ke foaki ki he tagata taki taha o fakatatau ki he ene aga, oia oku ke afio‘i a hono loto; (he ko koe be toko taha, oku ke ilo ae loto oe fānau kotoabe ae tagata;) Koeuhi ke nau manavahe kiate koe ke eveeva i ho gaahi hala i he aho kotoabe te nau moui ai i he fonua aia kuo ke foaki ki he e mau gaahi tamai.

Koeni, E hoku Otua, oku ou kole kiate koe, ke afio a ho fofoga, bea tokaga ho teliga ki he lotu i he botu ni.

Bea kabau e fakavaivai mai a hoku kakai oku ui aki a hoku huafa, bea nau lotu, mo nau kumi ki hoku fofoga, bea nau tafoki mei ho nau gaahi hala kovi; behe, teu toki fanogo mei he lagi, bea teu fakamolemole e nau agahala, bea teu fakamoui a ho nau fonua. Koeni, e a a hoku mata, bea e tokaga a hoku teliga ki he lotu e fai i he botu ni.

Bea nae fai kovi ia, koeuhi nae ikai te ne teuteu hono loto ke kumi kia Jihova.

Bea nae tagi a Asa kia Jihova ko hono Otua, o ne behe, E Jihova, koe mea noabe kiate koe ke tokoni, ki he toko lahi, be kiate kinautolu oku ikai ha nau malohi: E Jihova ko ho mau Otua, ke ke tokoni kiate kimautolu; he oku mau falala kiate koe, bea i ho huafa oku mau alu atu ki he fuu kakai ni. E Jihova, ko koe be ko ho mau Otua; oua naa malohi ae tagata kiate koe.

Bea naa nau alea fakataha o fai ae fuakava ke nau kumi kia Jihova koe Otua oe nau gaahi tamai aki ho nau loto kotoa mo ho nau laumalie kotoa:

Bea nae toki tuu hake ae kau taulaeiki moe kau Livai o nau tabuaki‘i ae kakai: bea nae ogo‘i ho nau le‘o, bea nae a‘u atu e nau lotu ki hono afioaga maonioni, i he lagi.

Bea koe mea koia nae lotu ai mo tagi ki lagi a Hesekaia koe tu‘i moe balofita ko Isaia koe foha o Amosi.

Bea neu fanogonogo ae aukai i ai, i he vee vaitafe ko Aheva, koeuhi ke mau tautea akimautolu i he ao o ho mau Otua, ke kumi iate ia ae hala totonu kiate kimautolu, bea ma ae mau fānau iki, bea ki he e mau mea kotoabe. He naaku ma o ikai faa kole ki he tu‘i ha kau tau moe kau tagata heka hose ke tokoni akimautolu telia ae gaahi fili i he hala: koeuhi naa mau lea ki he tu‘i, o behe, Koe nima o ho mau Otua oku iate kinautolu kotoabe oku kumi kiate ia ke nau lelei ai; ka ko ene malohi mo ene houhau e tuu kiate kinautolu kotoabe oku liaki ia. Koia naa mau aukai ai bea kole ki ho mau Otua koeuhi koe mea ni: bea naa ne talia lelei akimautolu.

Bea i he feilaulau fakaefiafi neu tuu hake mei he eku māfajia; beau hae hoku kofu mo hoku bulubulu, beau tuulutui i hoku tui, beau mafao atu hoku nima kia Jihova ko hoku Otua, Bea naaku behe, E hoku Otua, oku ou ma bea kula hoku mata ke hiki hake hoku mata kiate koe, e hoku Otua: he kuo tubu o lahi hake e mau gaahi hia i oluga ki ho mau ulu, bea koe mau fai hala kuo tubu hake ki he gaahi lagi.

Bea nae tuu hake a Esela mei he mata fale oe Otua, bea ne alu ki he fale o Johanani koe foha o Iliasibi: bea i he ene hoko ki ai, nae ikai te ne kai ha ma, be inu ha vai: he nae tagi be ia koe mea i he agahala anautolu aia nae fetuku o ave bobula.

Bea i he eku fanogo ki he gaahi lea ni, naaku nofo hifo o tagi, bea fai fakamamahi i he aho niihi, beau aukai, mo lotu ki ke Otua oe lagi, O behe, Oku ou kole kiate koe e Jihova koe Otua oe lagi, koe Otua lahi mo fakamanavahe, oku ke tauhi ae fuakava moe agaofa ma anautolu oku ofa kiate ia bea tokaga o fai ki he ene gaahi fekau; Koeni ke tokaga a ho teliga, bea a ho fofoga, koeuhi ke ke fanogo ki he lotu a hoo tamaioeiki, aia oku ou lotu ai i ho ao ni, i he aho moe bo, koeuhi koe fānau a Isileli, aia kuo mau fai o agatuu kiate koe; ko au moe fale o eku tamai kuo mau fai agahala.

Bea nae fakafetai e Esela kia Jihova, koe Otua lahi. Bea nae tali e he kakai kotoabe, Emeni, Emeni, o hiki hake ho nau nima: bea naa nau bunou hifo ho nau ulu, o hu kia Jihova mo ho nau mata ki he kelekele.

BEA koeni i hono uofulu ma fa oe aho oe mahina ni nae katoa fakataha ae fānau a Isileli i he aukai, moe gaahi kofu tauagaa nae bani aki ae efu. Bea nae fakamavae akinautolu e he hako o Isileli mei he kakai muli kotoabe, o nau tuu o vete e nau gaahi agahala, moe hia ae nau gaahi tamai.

Bea koe botu buleaga kotoabe nae hoko ki ai ae fekau ae tu‘i mo ene tuutuuni, nae i ai ae mamahi lahi i he kakai Jiu, moe aukai, moe tagi, moe tagilaulau; bea nae tokoto ae toko lahi i he kofu tauagaa moe efuefu.

Aiu bea fakakatoa fakataha ae gaahi Jiu kotoabe oku nofo i Susani, bea ke mou aukai koeuhi ko au, bea oua naa mou kai be inu i he aho e tolu, i he bo, be i he aho: Ko au mo eku kau fefine te mau aukai foki: bea koia teu hu ai ki he tu‘i, aia oku ikai tāu moe fono: bea kabau teu mate ai, teu mate be.

Bea nae toki tuu hake a Jobe, o ne haehae hono bulubulu, o fakatekefua ia, bea fakafoohifo ki he kelekele, o hu.

Koia teu kumi ki he Otua, bea teu tuku eku gaue ki he Otua: He koia ia oku ne faa fai ae gaahi mea lahi mo tae faa ilo; koe gaahi mea fakaofo mo taefaalaua:

Kabau te ke kumi vave ki he Otua, bea fai hoo faa hu tāumau ki he Mafimafi;

Kabau te ke teu ho loto, bea mafao atu ho nima kiate ia;

Bea ke toki folofola mai, bea teu talia; bea teu lea atu, ka ke talia au.

Te ke fai hao lotu kiate ia, bea te ne ogo‘i koe, bea te ke fai hoo gaahi fuakava.

Oku nau tagi i ai, ka oku ikai lea ha toko taha, koe mea i he laukau ae kau tagata kovi. Koe mooni e ikai fanogo ae Otua ki he launoa, bea e ikai tokaga ki ai ae Mafimafi.

Bea nae liliu e Jihova ae bobula o Jobe, i he ene hufia hono kaiga: bea nae fakama‘umea e Jihova kia Jobe o liuga ua hake i he mea naa ne ma‘u i mua.

Naaku tagi kia Jihova aki hoku le‘o, bea naa ne ogo‘i au mei hono mouga maonioni. Sila.

O KAU ka kole, fanogo mai kiate au, E Otua o eku maonioni: naa ke halahala‘i au mei he mamahi; ke ke aloofa mai kiate au, bea fanogo ki he eku lotu.

KE ke fofoga mai ki he eku gaahi lea, E Jihova, tokaga ki he eku fakalaulauloto. Ke ke fanogo ki he le‘o o eku tagi, E hoku tu‘i, mo hoku Otua: he teu lotu be kiate koe. Ko hoku le‘o te ke ogo‘i E Jihova, i he bogibogi; i he bogibogi teu o hake eku lotu kiate koe, beau haga hake.

Bea ko kinautolu oku ilo ki ho huafa te nau falala kiate koe: he ko koe, E Jihova, nae ikai te ke jiaki akinautolu oku kumi kiate koe.

Koe agahala, i he fielahi o hono mata, e ikai te ne kumi ki he Otua: oku ikai kau ki he Otua ene gaahi mahalo kotoabe.

E JIHOVA, ke ke fanogo ki he mea totonu, tokaga ki he eku tagi, fakafanogo ki he eku lotu, aia oku ikai mei he lougutu kākā.

E Otua naaku ui kiate koe, he te ke ogo‘i au: ke ke fakatokaga‘i ho teliga kiate au, bea fanogo ki he eku lea.

I he eku mamahi naaku ui kia Jihova, mo tagi ki hoku Otua: bea ne ogo‘i hoku le‘o mei hono fale tabu, bea nae a‘u atu eku tagi ki hono ao, io, ki hono fofoga.

Tataki au i hoo mooni, mo akonaki‘i au: he ko koe koe Otua o eku moui; oku ou tatali kiate koe i he aho kotoa.

Koe mea e taha kuou kole kia Jihova, aia teu kumi ki ai; koeuhi keu nofo mau i he fale o Jihova i he aho kotoabe o eku moui, ke mamata ki he lelei o Jihova, mo fehui i hono fale tabu.

Ke ke ogo‘i, E Jihova, o kau ka tagi aki hoku le‘o: ke ke aloofa mai foki kiate au, o talia au. I hoo folofola behe, Mou kumi ki hoku fofoga; nae behe leva e hoku loto kiate koe, Ko ho fofoga, E Jihova, teu kumi.

Amanaki lelei kia Jihova: bea ke loto to‘a, bea te ne fakamalohi ho loto: oku ou behe, amanaki lelei kia Jihova.

TEU tagi kiate koe, E Jihova ko hoku makatuu; oua naa ke tae afio‘i au: telia, i hoo tae afio‘i au, teu hoko o tatau mo kinautolu oku alu hifo ki he luo. Ke ke ogo‘i ae le‘o o eku lotu tāumau, o kau ka tagi kiate koe, o kau ka hiki hake hoku nima ki ho folofolaaga maonioni.

OKU ou falala kiate koe, E Jihova; oua naa ke tuku au keu ma: fakamoui au i hoo maonioni. Fakatokaga‘i ho teliga kiate au; ke vave hoo fakamoui au: ke ke iate au koe maka malohi, koe fale hufaga ke fakamoui au.

Naaku kumi kia Jihova, bea ne ogo‘i au, o ne fakamoui au mei he eku manavahe kotoabe. Naa nau vakai kiate ia, bea māmagia ai: bea nae ikai ma ai ho nau mata. Nae tagi ae tagata majiva ni, bea nae ogo‘i ia e Jihova, o ne fakamoui ia mei he ene mamahi kotoabe. Oku nofo ae agelo a Jihova o takatakai akinautolu oku manavahe kiate ia, o ne fakamoui akinautolu. Mou kamata o vakai oku lelei a Jihova: oku monuia ae tagata koia oku falala kiate ia.

Oku afio mau ae fofoga o Jihova ki he kakai maonioni, bea oku ogo‘i e hono teliga e nau tagi. Oku houhau ae fofoga o Jihova kiate kinautolu oku fai kovi, ke motuhi ho nau fakamanatu‘i mei mamani. Oku tagi ae maonioni, bea ogo‘i e Jihova, o ne fakamoui akinautolu mei he e nau gaahi mamahi kotoabe. Oku ofi a Jihova kiate kinautolu oku loto mafeji; oku ne fakamou akinautolu oku laumalie mafofoa.

Teu atu ae fakafetai kiate koe i he fakataha lahi: teu fakaogoogolelei koe i he ao oe kakai lahi.

Ke ke fakalogo be kia Jihova, bea tatali faa kataki be kiate ia: oua naa ke fakamamahi‘i koe koeuhi ko ia oku monuia i hono hala, koeuhi koe tagata oku fakahoko ae gaahi filioi kovi.

Fanogo mai ki he eku lotu, E Jihova, mo ke fakafanogo ki he eku tagi; oua naa ke fakalogo be i hoku gaahi loimata: he koe muli au i ho ao, moe aunofo, o hage ko eku gaahi tamai kotoabe.

NAAKU tatali faa kataki be kia Jihova; bea ne tokaga kiate au, o ne ogo‘i eku tagi.

E Jihova ko hoku Otua, oku lahi hoo gaahi gaue fakaofo aia kuo ke fai, mo ho finagalo lelei kiate kimautolu: e ikai faa lau fakaholo ia kiate koe: kabau teu fie fakaha o lea ki ai, oku lahi aubito ia, e ikai faa laua.

Tuku ke fiefia mo nekeneka iate koe akinautolu kotoabe oku kumi kiate koe: tuku ke lea behe mau ai be akinautolu oku ofa ki hoo fakamoui, Ke ogoogolelei a Jihova. Ka ko au oku ou majiva mo baea; ka oku finagalo ae Eiki kiate au: ko koe ko hoku tokoni mo hoku fakamoui; oua naa ke fakatuai, E hoku Otua.

Ka koe mooni e fekau mai e Jihova a ene aloofa i he aho, bea e iate au ene hiva i he bouli, mo eku lotu ki he Otua o eku moui.

Mou logo be, bea ilo ko au koe Otua: teu hakeaki‘i au i he lotolotoga oe hiteni, teu hakeaki‘i au i mamani. Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.

Atu ae fakafetai ki he Otua; mo ke fai hoo gaahi fuakava ki he Fugani Maoluga: Bea ke ui kiate au i he aho oe mamahi: teu fakamoui koe, bea te ke fakaogoogolelei‘i au.

Vakai, oku ke finagalo ki he mooni i loto: bea i he fufu te ke gaohi ai au keu ilo ae boto.

FAKAFANOGO ki he eku lotu, E Otua; bea oua naa ke fufu koe mei he eku lotu tāumau.

Ka ko au teu ui ki he Otua; bea e fakamoui au e Jihova. I he efiafi, moe bogibogi, moe hoata, teu lotu, mo tagi le‘o lahi: bea te ne ogo‘i hoku le‘o.

Ke ke tuku hoo kavega kia Jihova, bea te ne boubou koe: e ikai aubito te ne tuku ke gau‘e ae kakai maonioni.

Bea koeuhi ko ene malohi koia teu tatali ai kiate koe: he ko hoku hufaga ae Otua. Koe Otua oku aloofa kiate au te ne tokoni au: e tuku kiate au e he Otua keu mamata ki he eku holi ki hoku gaahi fili.

E OTUA, ke ke fanogo ki he eku tagi; tokaga ki he eku lotu. Teu tagi kiate koe mei he gataaga o mamani, oka taomia hoku loto: ke ke tataki au ki he maka oku maoluga hake iate au.

KOE mooni oku tatali hoku laumalie ki he Otua: oku meiate ia hoku fakamoui. Ko ia be ko hoku makatuu mo hoku fakamoui; ko hoku hufaga ia; e ikai faa ue‘i lahi au.

E hoku laumalie, ke ke tatali be ki he Otua; he oku meiate ia eku amanaki lelei. Ko ia be ko hoku makatuu mo hoku fakamoui: ko hoku hufaga ia; e ikai faa ue‘i au. Oku i he Otua a hoku fakamoui mo eku fiefia: koe makatuu o hoku malohi, mo hoku hufaga oku i he Otua. Falala mau ai be kiate ia; akimoutolu ae kakai, liligi ho mou loto i hono ao: koe hufaga ae Otua kiate kitautolu. Sila.

E OTUA, ko hoku Otua koe; teu kumi vave kiate koe: oku fieinu hoku laumalie kiate koe, oku holi hoku kakano kiate koe i he fonua momoa mo fieinua, aia oku ikai ha vai i ai;

Naaku tagi kiate ia aki hoku gutu, bea nae fakamalo a hoku elelo kiate ia. Kabau teu tokaga ki he kovi i hoku loto, e ikai fanogo ae Eiki kiate au: Ka koe mooni kuo ogo‘i au e he Otua; nae tokaga ia ki he le‘o o eku lotu. Fakafetai ki he Otua, aia nae ikai te ne liaki eku lotu, be ko ene aloofa iate au.

Kuou vaivai i he eku tagi: kuo momoa hoku kia: oku fakaaau o oji hoku mata i he eku tatali ki hoku Otua.

E mamata ki he mea ni ae agavaivai, bea fiefia ai: bea e moui ho mou loto aia oku kumi ki he Otua.

OKU mau atu ae fakafetai kiate koe, E Otua, oku mau atu ae fakafetai kiate koe: he oku fakaha e hoo gaahi gaue lahi oku ofi ho huafa.

NAAKU tagi ki he Otua aki hoku le‘o; io, ki he Otua aki hoku le‘o; bea ne tokaga kiate au. I he aho o eku mamahi naaku kumi ki he Eiki: nae au be eku mamahi i he bouli, bea ikai tuku: nae liaki e hoku laumalie ae fakafiemalie.

Teu fanogo ki he folofola ae Otua ko Jihova: he te ne folofola aki ae melino ki hono kakai, bea ki he ene kau maonioni: kae oua naa nau toe tafoki ki he kovi.

Fanogo, E Jihova, ki he eku lotu; bea tokaga ki he le‘o o eku gaahi lotu tāumau. I he aho o eku mamahi teu ui kiate koe; he te ke talia au.

Koe lotu i he mamahi lahi. E JIHOVA koe Otua o eku moui, naaku tagi i he aho moe bo i ho ao: Tuku ke a‘u atu eku lotu ki ho ao: ke ke fofoga mai ki he eku tagi;

Ka naaku tagi kiate koe, E Jihova; bea i he bogibogi e a‘u atu kiate koe eku lotu.

Ke behe hoo akonaki‘i akimautolu ke mau lau ho mau gaahi aho, koeuhi ke mau fakatokaga‘i ho mau loto ki he boto.

KO ia oku nofo i he botu lilo i he fugani maoluga, e nofo mau ia he malumalu oe Mafimafi.

Te ne ui kiate au, bea teu talia ia: teu iate ia i he mamahi; teu fakamoui ia, bea hakeaki‘i ia.

OKU lelei ke atu ae fakafetai kia Jihova, bea ke hiva fakamalo ki ho huafa, E fugani maoluga: Ke fakaha atu hoo aloofa i he bogibogi, mo hoo mooni i he bo kotoabe,

Ha‘u, ke tau lotu mo bunou: ke tau tuulutui i he ao o Jihova ko ho tau tubuaga. He ko ho tau Otua ia; bea koe kakai akitautolu o ene goue, moe faga sibi a hono nima. Koe aho ni, o kabau te mou fanogo ki hono le‘o, Oua naa mou fakafefeka ho mou loto, o hage koia i he fakahouhau lahi, bea i he aho oe ahiahi i he toafa:

E JIHOVA, fanogo ki he eku lotu, bea tuku ke a‘u atu eku tagi kiate koe. Oua naa ke fufu ho fofoga iate au i he aho oku ou mamahi ai; fakatokaga‘i ho fofoga kiate au: i he aho oku ou ui ai ke vave hoo talia au.

Te ne tokaga ki he lotu ae majiva bea e ikai manuki‘i e nau hu.

Mou vikiviki i hono huafa maonioni: tuku ke fiefia ae loto okinautolu oku nau kumi kia Jihova. Kumi kia Jihova, mo hono malohi: kumi mau ai be ki hono fofoga.

Oku vaivai hoku tui i he aukai: bea kuo mole ae jino o hoku kakano.

OKU ou ofa kia Jihova, koeuhi kuo ne ogo‘i hoku le‘o mo eku lotu tāumau. Koeuhi kuo ne fakatokaga‘i hono fofoga kiate au, koia teu ui ai ki he ene afio i hoku gaahi aho. Nae kabui au e he gaahi mamahi oe mate, bea nae buke au e he gaahi mamahi o heli: naaku ilo ai ae tuutamaki moe mamahi. Bea naaku toki ui ki he huafa o Jihova; E Jihova, oku ou kole kiate koe, ke ke fakamoui hoku laumalie.

Teu atu kiate koe ae feilaulau oe fakafetai, bea ui ki he huafa o Jihova.

Naaku ui kia Jihova i he mamahi: bea nae talia au e Jihova, mo ne tuku au ki he botu ataatā.

Teu fakamalo kiate koe: he kuo ke ogo‘i au, bea kuo ke hoko ko hoku fakamoui.

Oku monui akinautolu oku tauhi ene gaahi fakamooni, bea kumi kiate ia aki ho nau loto kotoabe.

Kuo kumi kiate koe aki hoku loto kotoabe: oua naa tuku au keu he mei hoo gaahi fekau.

Naaku tagi aki hoku loto kotoa; ke ke ogo‘i au, E Jihova: teu fai ki hoo gaahi tuutuuni. Neu tagi kiate koe; fakamoui au, koeuhi keu fai ki hoo gaahi fakamooni. Naaku muomua i he maa ae aho, beau tagi: neu amanaki i hoo folofola. Oku muomua a hoku mata ki he gaahi leo oe bo, koeuhi keu fakakaukau ki hoo folofola. Ke ke fanogoki hoku le‘o o hage ko hoo aloofa: E Jihova, fakamoui au o hage ko hoo fakamāu.

E JIHOVA, naaku tagi kiate koe mei he gaahi moana. E Eiki, ke ke ogo‘i hoku le‘o: fakatokaga‘i ho fofoga ki he le‘o o eku gaahi lotu tāumau.

Oku ou tatali kia Jihova, oku tatali a hoku laumalie, bea oku ou amanaki lelei ki he ene folofola. Oku tatali a hoku laumalie kia Jihova o lahi hake iate kinautolu oku nau leo ki he bogibogi: oku ou behe, o lahi hake iate kinautolu oku nau leo ki he bogibogi.

Koe eginaki ke atu ae fakafetai hi he Otua koeuhi ko ene gaahi aloofa. MOU atu ae fakafetai kia Jihova; he oku agalelei ia: koeuhi oku tologa o taegata a ene aloofa.

Mou atu ae fakafetai ki he Otua oe gaahi otua: he oku tologa o taegata a ene aloofa.

Mou atu ae fakafetai ki he Eiki oe gaahi eiki: he oku tologa o taegata a ene aloofa.

E JIHOVA, oku ou tagi kiate koe: ke ke ha‘u vave kiate au; fakafanogo ki hoku le‘o, o kau ka tagi kiate koe. Ke a‘u atu eku lotu ki ho ao o hage koe mea namu kakala; moe hiki hake o hoku nima o hage koe feilaulau oe efiafi.

Oku fakaha e Tevita oku fiemalie ia i ke ene mamaki i he ene lotu ki he Otua. NAAKU tagi kia Jihova aki hoku le‘o; neu kole tāumau kia Jihova aki hoku le‘o. Naaku liligi eku fakakaukau i hono ao; neu fakaha i hono ao eku mamahi.

E JIHOVA, fanogo ki he eku lotu, fakafanogo ki he eku gaahi lotu tāumau: bea i hoo mooni mo hoo maonioni, ke ke talia au.

Oku haga ae gaahi mata kotoabe kiate koe; bea oku ke foaki e nau mea kai i he feituulaa totonu. Oku ke mafola ho nima, mo fakamakona ae holi ae mea moui kotoabe. Oku agatonu a Jihova i hono hala kotoabe, bea maonioni i he ene gaahi gaue kotoabe. Oku ofi a Jihova kiate kinautolu kotoabe kuo ui ki he ene afio, kiate kinautolu kotoabe oku nau ui kiate ia i he mooni. Te ne fai ki he holi anautolu oku manavahe kiate ia: e fanogo foki ia ki he e nau tagi, bea te ne fakamoui akinautolu.

Bea te nau toki ui kiate au, ka e ikai teu tali; te nau kumi tootoo kiate au, ka e ikai te nau ilo au: Koeuhi naa nau fehia ki he ilo, bea nae ikai te nau loto ke manavahe kia Jihova: Nae ikai te nau ma‘u eku gaahi akonaki, bea naa nau manuki‘i a eku valoki kotoabe.

Oku ou ofa kiate kinautolu oku ofa kiate au; bea e ma‘u au ekinautolu oku kumi tōtōaki kiate au.

Ko ia oku fakatafoki hono teliga ke oua naa ne fanogo ki he fono, e hoko ene lotu aana koe mea fakalielia.

Oua naa ke oho noa aki ho gutu, bea oua naa vave ho loto ke fakaha ha mea i he ao oe Otua: he oku i he lagi ae Otua, ka oku ke i mamani koe: koia ke jii ai hoo lea.

Oku fehia a hoku laumalie ki hoo mou gaahi mahina foou mo hoo mou gaahi katoaga: koe mea fakamamahi ia kiate au; kuou fiu i hono kataki. Oka mou ka mafao ho mou nima, teu fufu hoku fofoga iate kimoutolu: io, oka mou ka hu o liuga lahi, e ikai teu fanogo: he oku bito ho mou nima i he toto. Fufulu akimoutolu, o gaohi ke mou maa; hiki ke mamao meiate au ae kovi o hoo mou faiaga; tuku ae fai kovi;

Bea teu tatali kia Jihova, aia oku fufu hono fofoga mei he fale o Jekobe, bea teu amanaki kiate ia.

Kuou holi i hoku laumalie kiate koe i he bo; io teu kumi vave kiate koe aki a hoku laumalie i loto iate au: he ka i he fonua a hoo gaahi fakamāu, e toki ako ae kakai o mamani ki he maonioni.

Koeuhi e nofo ae kakai i Saione i Jelusalema: e ikai te ke toe tagi: te ne fai lelei lahi kiate koe i he le‘o o hoo tagi; i he ene fanogo ki ai, te ne talia koe.

Ka ko kinautolu oku tatali kia Jihova e fakafoou ho nau malohi; te nau buna hake aki ae kabakau o hage koe faga ikale; te nau lele ka e ikai vaivai; bea te nau eveeva ka e ikai bogia.

Mou kumi kia Jihova i he lolotoga oku faa ilo ia, ui kiate ia i he ene kei ofi:

Io ko kinautolu teu omi ki hoku mouga tabu, bea teu fakafiefia‘i akinautolu i hoku fale lotu: e ma‘u i hoku feilaulauaga ae nau gaahi feilaulau tutu moe nau gaahi feilaulau; koeuhi e ui hoku fale koe fale lotu ki he kakai fulibe.

Oku behe koa ae aukai kuou fili? koe aho ke fakamamahi e he tagata hono laumalie? koe mea ia ke mabelu ki lalo hono ulu o hage koe kaho, bea ke fofola ae tauagaa moe efuefu ki lalo iate ia? te ke ui ae mea ni koe aukai, bea koe aho fakatuotuamelie kia Jihova? Ikai ko eni ae aukai kuou fili? ke vete ae gaahi noo oe agahala, ke vete ae gaahi kavega mamafa, bea ke tukuage ae kau tamaioeiki, bea ke motumotuhi ae gaahi haamoga kotoabe?

Ka ko hoo mou gaahi hia kuo fakamavae akimoutolu mo ho mou Otua, bea i hoo mou agahala kuo ne fakafufu hono fofoga meiate kimoutolu, koeuhi e ikai te ne fanogo.

OKU kumi kiate au akinautolu nae ikai te nau fehui kiate au; kuo ilo au ekinautolu nae ikai kumi kiate au: naaku behe, Vakai kiate au, vakai kiate au, ki he buleaga nae ikai ke ui aki hoku huafa.

Bea e hoko o behe, i he heeki te nau ui, teu tali; bea i he lolotoga e nau lea, teu ogo‘i.

Koia, oku behe e Jihova, Vakai, teu omi ae kovi kiate kinautolu, aia e ikai te nau faa hao mei ai; bea kabau te nau tagi kiate au, e ikai teu fanogo kiate kinautolu. Bea e toki alu ae gaahi kolo o Juta, moe kakai o Jelusalema, o tagi ki ho nau gaahi otua aia naa nau atu ki ai ae mea namu kakala: ka e ikai jii te nau fakamoui akinautolu i he aho oe nau mamahi.

He oku behe e Jihova, Oku iate au ae gaahi tuutuuni, kuou tuutuuni kiate kimoutolu, koe gaahi tuutuuni ki he fiemalie, kae ikai ki he kovi, koeuhi ke foaki hoo mou amanaki kiate kimoutolu i he ikuaga. Bea te mou toki ui kiate au, bea te mou alu o lotu kiate au, bea teu fanogo kiate kimoutolu. Bea te mou kumi mo ilo‘i au, oka mou ka kumi kiate au aki ho mou loto kotoa. Bea oku behe e Jihova, Te mou ilo au: bea teu liliu ho mou fakabobula, bea teu tanaki akimoutolu mei he gaahi buleaga kotoabe, bea mei he gaahi botu kotoabe naaku kabuji akimoutolu ki ai, oku behe e Jihova; bea teu toe omi akimoutolu mei he botu koia naaku bule ke fetuku bobula ki ai akimoutolu.

Ui kiate au, bea teu talia koe, bea teu fakaha kiate koe ae gaahi mea lahi, moe gaahi mea fufu, aia nae ikai te ke ilo‘i.

Koia ke ke alu koe, bea lau i he tohi, aia kuo ke tohi mei hoku gutu, ae gaahi folofola a Jihova ke fanogo ae kakai i he fale o Jihova i he aho aukai: bea ke ke lau foki ia ki Juta kotoabe, akinautolu kuo ha‘u mei ho nau gaahi kolo. Hei ilo be te nau fai e nau lotu i he ao o Jihova, bea taki taha tafoki mei hono hala kovi: he oku lahi ae houhau moe tubutamaki kuo fakaha e Jihova ki he kakai ni.

Oku behe e Jihova, i he gaahi aho koia, bea i he kuoga koia, e ha‘u ae fānau a Isileli, ko kinautolu moe fānau a Juta fakataha, te nau alu moe tagi: te nau alu bea kumi kia Jihova ko ho nau Otua. Te nau fehui ki he hala ki Saione, bea fakahaga ho nau mata ki ai, o behe, Ha‘u ke tau fakataha akitautolu kia Jihova i he fuakava taegata aia e ikai fakagalo‘i.

Oku lelei a Jihova kiate kinautolu oku tatali kiate ia, ki he laumalie oku kumi kiate ia. Oku lelei ki he tagata ke ne amanaki, bea ne tatali fakatatoka foki ki he fakamoui mei a Jihova.

Ke tau hiki hake ho tau loto mo ho tau nima ki he Otua i he gaahi lagi.

Bea naa ne behe kiate au, Kuo ke mamata aeni, e foha oe tagata? Toe tagaki hake bea te ke jio ki he gaahi fakalielia oku lahi hake i he mea ni. Bea naa ne omi au ki he lotoa ki loto oe fale o Jihova, bea vakai, nae i he mataba oe fale lotu lahi o Jihova i he vahaa oe huaga moe feilaulauaga ae kau tagata e toko uofulu ma toko nima nae fulitua ki he fale lotu lahi o Jihova, kae haga ho nau mata ki he botu hahake; bea naa nau hu ki he laa ki he botu hahake. Bea naa ne behe ai kiate au, Kuo ke mamata ki he mea ni, e foha oe tagata? koe mea maamaa koa ki he fale o Juta ke nau fai ae gaahi fakalielia oku nau fai i heni? he kuo nau fakafonu ae fonua i he fakamalohi, mo nau tafoki ke fakatubu eku houhau: bea vakai oku nau ai ae vaa ki ho nau ihu. Koia foki teu gaue aki e au ae houhau lahi: e ikai mamae a hoku mata, bea e ikai teu manavaofa: bea ne ogo e nau tagi i hoku teliga i he le‘o lahi, e ikai teu fanogo kiate kinautolu.

Bea oku ne liliu ae gaahi kuoga, moe gaahi faahita‘u: oku ne ave ae gaahi tu‘i, bea oku ne fokotuu ae gaahi tu‘i: oku ne foaki ae boto ki he kau boto, moe ilo kiate kinautolu oku ilo loto. Oku ne fakaha ae gaahi mea loloto mo fufu: oku ne afio‘i ae gaahi mea oku i he bouli, bea oku nofo iate ia ae māma. Oku ou fakafetai mo fakamalo kiate koe, akoe koe Otua o eku gaahi tamai, akoe kuo ke foaki mai kiate au ae boto, moe malohi, bea kuo ke toki fakaha mai kiate au, aia nau mau kole iate koe; he kuo ke fakaha mai kiate kimautolu ae mea ae tu‘i.

Kuo fealeleaaki fakataha ae kau bule kotoabe oe buleaga moe kau bule oe gaahi vahe fonua, moe houeiki, moe kau fakamatala fono, moe gaahi eiki tau, ke fokotuu ha fono fakabuleaga mo fokotuu ke mau ha tabu, koeuhi koia kotoabe e fai ha kole ki ha otua be ki ha tagata i he aho e tolugofulu, ka kiate koe be, e tu‘i, ke li ia ki he ana oe faga laione. Bea koeni, e tu‘i, ke ke fokotuu ae fono, mo ke ai ho higoa ki he tohi, koeuhi ke oua naa fakakehe‘i ia, kae fakatatau ia ki he fono oe kakai Mitia mo Beasia, aia oku ikai ke feliliuaki. Koia nae tohi ai e Talaiasi ki he tohi moe fono.

Bea i he ilo e Taniela, kuo tohi ae fono, naa ne hu ki hono fale, bea koe gaahi mataba jioata i hono fale mohe nae ava ki Jelusalema, bea naa ne tomabee o tuulutui o liuga tolu i he aho, bea ne lotu mo fakafetai i he ao o hono Otua, o hage ko ene faa fai i mua. Bea nae toki fakataha ae kau tagata ni, bea naa nau ilo a Taniela, oku ne lotu mo fai ene hu i he ao o hono Otua. Bea naa nau unuunu atu, o lea i he ao oe tu‘i ki he fono ae tu‘i. Ikai kuo ke tohi ae fono, ke iloga ha tagata e fai ha kole ki ha otua be ha tagata i he aho e tolugofulu, ka kiate koe be, e tu‘i, e li ia ki he ana oe faga laione? Bea nae lea ae tu‘i o ne beheage, Oku mooni ae mea, o fakatatau ki he fono ae kakai Mitia mo Beasia, aia oku ikai ke liliu. Bea naa nau lea o behe i he ao oe tu‘i, Koe Taniela na aia oku i he fānau bobula o Juta, oku ikai te ne tokaga kiate koe, be ki he fono aia kuo ke tohi, ka oku ne fai ene lotu o liuga tolu i he aho.

Bea neu haga hoku mata kia Jihova koe Otua, ke kumi i he lotu moe gaahi kole moe aukai moe ai ae tauagaa moe efuefu. Bea neu lotu kia Jihova, ko hoku Otua, bea neu fai eku vete, bea neu behe, E Jihova, koe Otua lahi mo fakamanavaheia, oku iate ia ae fuakava moe aloofa ma anautolu oku ofa kiate ia, bea kiate kinautolu oku ma‘u ene gaahi fekau: Kuo mau agahala, bea kuo mau fai agahala mo fai kovi, bea kuo mau talagataa, io i he e mau he mei hoo gaahi fekau bea mo hoo gaahi fakamāu:

Bea koeni, e ho mau Otua, fanogo ki he hu a hoo tamaioeiki, mo ene gaahi kole, bea tuku ke ulo mai ho fofoga ki ho fale tabu, aia oku lala, koeuhi ko koe be, e Eiki. E hoku Otua, fakatokaga‘i ho fofoga, bea fanogo, ke ke fofoga a, bea afio‘i ho mau tuutamaki, bea moe kolo oku ui aki ho huafa: he oku ikai te mau atu e mau gaahi kole ki ho ao, koeuhi koe mau maonioni, ka koeuhi ko hoo gaahi aloofa lahi. E Eiki, fanogo, E Eiki, fakamolemole; E Eiki, tokaga, mo fai; oua naa fakatuai, koeuhi be ko koe, e hoku Otua; he ko hoo kolo, mo hoo kakai oku ui aki ho huafa.

Bea lolotoga eku kei lea, mo lotu, mo fakaha eku hia, moe hia a hoku kakai ko Isileli, mo eku kei atu eku kole i he ao o Jihova ko hoku Otua, koeuhi koe mouga tabu o hoku Otua; Io, i he lolotoga eku kei lea i he lotu, nae fekau ke buna vave mai ae tagata, io ko Kebeleli, aia naaku mamata i he mea ha mai i hono kamataaga, bea nae ha‘u ia o ala kiate au, i he feituulaa oe feilaulau efiafi. Bea ne fakaha mai, bea naa ma talanoa mo au, o ne behe, E Taniela, kuou toki ha‘u koeuhi ke tuku kiate koe ae boto moe ilo. I he kamata fai a hoo gaahi kole nae hoko mai ae fekau, bea kuou ha‘u ke fakaha kiate koe; he koe ofeina lahi koe: koia ke ke ilo ae mea, bea ke fakakaukau ki he mea ha mai.

I he gaahi aho koia, ko au Taniela neu mamahi i he uike katoa e tolu. Nae ikai teu kai ae ma melie, bea nae ikai i hoku gutu ae kanomate be ha uaine, bea nae ikai jii teu tākai au, kae oua ke kakato ae uike e tolu.

Bea vakai, nae ala mai ha nima kiate au, mo ne fokotuu au ki hoku ogo tui mo hoku aofi nima. Bea ne behe mai kiate au, E Taniela, koe tagata ofeina lahi, ke ke ilo ae gaahi lea aia oku ou lea aki kiate koe, bea ke tuu tonu: he kuo toki fekau au kiate koe. Bea hili ene lea aki ae lea ni kiate au, neu tuu tetetete be. Bea ne toki behe mai kiate au, Oua naa ke manavahe, Taniela: he kuo talu ae uluaki aho aia naa ke tuku bau ai ho loto ke ilo, bea naa ke fakamamahi‘i koe i he ao oe Otua, nae ogo‘i hoo gaahi lea, bea koeuhi ko hoo gaahi lea kuou ha‘u au. Ka nae taofi au e he Eiki oe buleaga o Beasia, i he gaahi aho e uofulu ma taha: ka e vakai, nae ha‘u a Maikale, koe toko taha ia oku tuu ki mua, ke tokoni au; bea neu nofo ai moe gaahi tu‘i o Beasia. Bea koeni, kuou ha‘u ke fakaha kiate koe, ae mea e hoko ki hoo kakai i he gaahi aho fakamui: he oku kau ae mea ha mai ki he gaahi aho lahi. Bea i he ene lea behe kiate au, neu foohifo hoku mata ki he kelekele, bea neu logo be.

Teu tafoki o alu ki hoku botu, kae oua ke nau vete e nau hia, bea kumi ki hoku fofoga: i he e nau gaahi mamahi, te nau kumi fakavave kiate au.

Mou tuutuuni ae aukai, fanogonogo ae fakataha mamafa, tanaki ae kau mātua, bea moe kakai kotoabe oe fonua ki he fale o Jihova ko ho mou Otua, bea tagi kia Jihova, o behe.

Oku behe e Jihova, Bea koeni foki, mou tafoki kiate au aki ho mou loto kotoa, bea i he aukai, bea i he tagi, moe tagilāulāu: Bea mou haehae ho mou loto, kae ikai ko ho mou kofu be, bea tafoki kia Jihova, ko ho mou Otua: he oku ne agalelei mo aloofa, o tuotuai ki he houhau, bea oku ne agaofa lahi, bea oku ne fakatomala i he kovi.

KOIA nae lotu ai a Jona kia Jihova ko hono Otua mei he kete oe ika. O ne behe, Naaku tagi i he eku mamahi kia Jihova, naa ne ogo‘i au; naaku tagi mei he loto faitoka, bea naa ke ogo‘i hoku le‘o.

I he ene bogia hoku laumalie iate au naaku manatu kia Jihova; bea nae aau atu kiate koe a eku kole, ki ho afioaga maonioni.

Koia nae tui ai ae kakai o Ninive ki he Otua, bea fanogonogo ae aukai, mo nau ai ae tauagaa, o fai mei he kakai maoluga o a‘u kiate ia nae jii hifo taha iate kinautolu. He nae omi hono fakaha ki he tu‘i o Ninive, bea ne tuu hake ia mei hono nofoaga, o ne too hono kofu tōtōlōfa mo ne kofu aki eia ae tauagaa, bea nofo kilalo i he efuefu. Bea naa ne fekau ke fanogonogo mo fakaha i Ninive, Kuo fono ae tu‘i mo ene houeiki, o behe, Oua naa kamata ha mea e ha taha be e ha manu, e he tauhi be e ha faga manu: oua naa nau kai be te nau inu ha vai: Kae tuku ke kofu aki ae tauagaa e he tagata, bea moe manu, bea tagi fakamanavahe ki he Otua: io ke tafoki taki taha kotoabe mei hono hala kovaaa, bea mei he fakamalohi oku i ho nau nima. Kohai oku ilo, naa e liliu, bea fakatomala ae Otua mo ne fakatafoki atu ae kakaha o hono houhau, koeuhi ke oua naa tau auha? Bea nae afio e he Otua ki he e nau gaue, kuo nau tafoki mei ho nau hala kovi: bea nae liliu ae Otua mei he kovi aia naa ne behe te ne fakahoko kiate kinautolu; bea nae ikai te ne fai ia.

Bea te nau toki tagi kia Jihova, ka e ikai te ne tokaga‘i kinautolu: koe mooni e fakafufu eia a hono fofoga meiate kinautolu i he kuoga koia, o hage koe nau gaue kovi i he e nau gaahi faiaga.

Koia teu haga kia Jihova; teu tatali ki he Otua o eku fakamoui; e fanogo mai kiate au a hoku Otua.

Mou kumi kia Jihova, akimoutolu kotoabe ae agamalu oe fonua, kuo mou fai a ene fakamāu; kumi ki he maonioni, kumi ki he agamalu: hei ilo e fufu akimoutolu i he aho oe houhau o Jihova.

Lea ki ke kakai kotoabe oe fonua, bea moe kau taulaeiki, o behe, He kuo mou fai a hoo mou aukai, mo hoo mou tagi mamahi, i hono nima bea mo hono fitu oe mahina, i he ta‘u ko eni e fitugofulu, io, ko hoo mou aukai na nae momoi fai ia kiate au?

Bea e alu ae kakai oe kolo e taha ki he kolo e taha, mo nau febeheaki, Ke tau alu fakatootoo ke lotu kia Jihova, bea ke kumi kia Jihova oe gaahi kau tau: teu alu foki mo au. Io e ha‘u ae kakai kehekehe moe gaahi buleaga malohi ke kumi kia Jihova oe gaahi kau tau, bea ke lotu hu i he ao o Jihova i Jelusalema.

Bea teu omi a hono vahe koia e taha i he loto afi, bea teu fakamaa akinautolu o hage ko hono fakamaa oe siliva, bea teu ahiahi‘i akinautolu o hage koe ahiahi‘i oe koula: te nau ui ki hoku huafa, bea teu fanogo kiate kinautolu: Teu behe, ko hoku kakai ia: bea te nau behe ekinautolu, Ke Jihova ko hoku Otua ia.

Bea hili ene aukai i he aho e fagofulu moe bo e fagofulu, nae toki fiekaia ia.

Ka oku ou tala atu kiate kimoutolu, Ofa ki ho mou gaahi fili, tabuaki‘i akinautolu oku kabe‘i akimoutolu, fai lelei kiate kinautolu oku fehia kiate kimoutolu, bea hufia akinautolu oku fai kovi mo fakataga kiate kimoutolu;

Bea oka ke ka lotu, oua naa ke hage koe malualoi: he oku nau manako ke lotu tuu i he gaahi fale lotu moe tuliki oe gaahi hala, koeuhi ke mamata ae kakai kiate kinautolu. Ko eku tala mooni kiate kimoutolu, Kuo nau ma‘u e nau totogi. Ka ko koe, oka ke ka lotu, hu ki hoo botu lilo, bea kuo tabuni ho mataba, lotu ki hoo Tamai aia oku i he lilo; bea ko hoo Tamai aia oku afio‘i i he lilo, e totogi fakaha eia kiate koe. Ka oka mou ka lotu, oua naa mou launoa, o hage koe hiteni: he oku nau mahalo e fanogo kiate kinautolu i he e nau lea lahi. Koia oua naa mou tatau mo kinautolu: he oku ilo e hoo mou Tamai, i he heeki ai te mou kole kiate ia, ae gaahi mea oku mou majiva ai.

Koia ke behe ni hoo mou lotu: Ko e mau Tamai oku i he lagi, Ke tabuha ho huafa. Ke hoko mai hoo bule. Ke fai ho finagalo i mamani, o hage i he lagi. Ke foaki mai he aho ni haa mau mea kai. Bea fakamolemole e mau agahala, o hage ko e mau fakamolemolea akinautolu kuo fai agahala kiate kimautolu. Bea oua naa tuku akimautolu ki he ahiahi, kae fakamoui akimautolu mei he kovi: He oku oou ae bule, moe malohi, moe nāunāu, o taegata. Emeni.

Bea ka mou ka aukai foki, oua naa mou fakamatabeko, o hage koe kau malualoi: he oku nau fakakehe ho nau mata, koeuhi ke ha ki he kakai oku nau aukai. Ko eku tala mooni kiate kimoutolu, Kuo nau ma‘u e nau totogi. Ka ko koe, oka ke ka aukai, bani ho ulu, mo kaukau‘i ho mata; Koeuhi ke oua naa ha hoo aukai ki he kakai, ka ki hoo Tamai aia oku i he lilo: bea ko hoo Tamai aia oku ne afio‘i i he lilo, te ne totogi fakaha kiate koe.

Koia oua naa mou tokaga, o behe, Koeha te tau kai? be, Koeha te tau inu? be, Te tau kofu aki ae ha? (He oku kumi e he Jenitaile ki he gaahi mea ni kotoabe:) he oku ilo e hoo mou Tamai i he lagi oku mou majiva i he gaahi mea ni kotoabe. Ka mou fuofua kumi ae buleaga oe Otua, mo ene maonioni; bea e fakalahi aki ae gaahi mea ni kotoabe kiate kimoutolu.

Kole, bea e foaki ia kiate kimoutolu; kumi, bea te mou ilo; tukituki, bea e too ia kiate kimoutolu: He ko ia kotoabe oku kole, oku ne ma‘u; bea ko ia oku kumi, oku ne ilo; bea ko ia oku tukituki, e too kiate ia. He koe tagata fe iate kimoutolu, kabau e kole ma e hono foha, te ne age ki ai ha maka? Be kabau te ne kole ha ika, e age ki ai ha gata? Koia kabau oku mou ilo, ka koe agakovi, ke foaki ae gaahi mea lelei ki hoo mou fānau, e fefe hono lahi hake oe fie foaki ae gaahi lelei e hoo mou Tamai oku i he lagi kiate kinautolu oku kole kiate ia?

Bea toki ha‘u kiate ia ae kau akoga a Jone o nau behe, Koeha oku mau faa aukai ai moe kau Falesi, ka oku ikai aukai a hoo kau akoga? Bea beheage e Jisu kiate kinautolu, E faa tagi ae kaiga oe tagata taane, oku kei iate kinautolu ae tagata taane? ka e hoko ae gaahi aho, e ave ai ae tagata taane iate kinautolu, bea te nau toki aukai ai.

Bea lea a Jisu i he aho koia, o behe, Oku ou fakafetai kiate koe, e Tamai, koe Eiki oe lagi mo mamani, i hoo fufu ae gaahi mea ni mei he kau boto moe fieiloilo, ka kuo ke fakaha ia ki he kau valevale.

Bea kuo ne fekau ae kakai ke alu, bea alu hake toko taha be ia ki he mouga ke lotu: bea hokojia ae efiafi, oku ne kei i ai toko taha be.

Bea oku ou tala atu foki kiate kimoutolu, Kabau e loto taha ha mou toko ua i mamani i ha mea e taha te na kole, e fai ia kiate kinaua e he eku Tamai oku i he lagi. He koe botu koia oku fakataha ai ae toko ua be ae toko tolu i hoku huafa, teu i ai au mo kinautolu.

Bea lea a Jisu, o beheage kiate kinautolu, Ko eku tala mooni atu kiate kimoutolu, Kabau oku mou ma‘u ae tui, bea oua naa fakataetaetui, e ikai te mou fai be aia kuo fai ki he akau koe fiki, ka oka mou ka tala ki he mouga ni foki, Ke hiki koe, mo li koe ki he tahi; e fai ia. Bea koe mea kotoabe aia te mou kole i he lotu, i he tui, te mou ma‘u.

Bea ne too ae ibu inu, o fakafetai, bea atu kiate kinautolu, mo ne behe, Mou inu ai kotoabe:

Bea toki ha‘u ai a Jisu mo kinautolu ki he botu oku ui ko Ketesemeni, o ne behe ki he kau akoga, Mou nofo i heni, kau alu ki hena o lotu. Bea ne ave a Bita moe foha e toko ua o Sebeti, bea kamata mamahiia ia mo māfajia lahi. Bea toki behe eia kiate kinautolu, Oku mamahi lahi aubito, o hage ka mate, hoku laumalie: mou nofo be i heni, ke tau leo mo au. Bea alu jii atu ia, o to fakafoohifo, o behe ene lotu, A eku Tamai, kabau e faa fai, bea ave ae ibu ni iate au: kae oua naa faiteliha be au, ka ko koe be. Bea ha‘u ia ki he kau akoga, o ne ilo akinautolu oku mohe, bea ne behe kia Bita, He oku behe, kuo ikai te mou faa leo mo au i he feituu bo e taha? Leo mo lotu, telia naa lava‘i akimoutolu e he ahiahi: koe mooni oku fie fai e he laumalie, ka oku vaivai ae kakano. Bea toe alu atu ia ko hono liuga ua, o lotu, o behe, A eku Tamai, kabau e ikai lelei ke ave ae ibu ni iate au, kae i he eku inumia ia, ke fai be hoo faiteliha.

Bea vakai, kuo mavaeua leva ae buibui oe fale lotu lahi, mei he botu i oluga o a‘u ki lalo; bea galulu ae fonua, bea mafahifahi ae gaahi maka;

Bea bogibogi ai, naa ne tuu hake oku teeki aho, bea alu ia kituaa o mole atu ki he botu lala, bea lotu ai.

Bea nae faa aukai ae kau akoga a Jone moe akoga ae kau Falesi: bea nau ha‘u o behe kiate ia, Koeha oku faa aukai ai ae kau akoga a Jone bea moe Falesi, ka oku ikai aukai hoo kau akoga? Bea behe e Jisu kiate kinautolu, E faa aukai ae kaiga oe tagata taane, i he kei iate kinautolu ae tagata taane? e ikai te nau faa aukai i he lolotoga oku iate kinautolu ae tagata taane. Kae hoko ae gaahi aho e ave ai iate kinautolu ae tagata taane, bea koe gaahi aho koia te nau toki aukai ai.

Bea kuo fekau atu akinautolu, nae alu ia ki he mouga ke lotu ai.

Bea beheage e Jisu kiate ia, Kabau oku ke faa tui, oku faa fai ae gaahi mea kotoabe kiate ia oku tui. Bea tagi loimata leva ae tamai ae tamajii, o ne behe, Eiki, oku ou tui ke ke tokoni‘i au telia eku taetui.

Bea behe eia kiate kinautolu, Oku ikai ha‘u kitua ae faahiga ni i ha mea, kae i he lotu moe aukai.

He oku ou tala mooni atu kiate kimoutolu, Ko ia ia te ne behe ki he mouga ni, Hiki koe, bea li koe ki he tahi; bea ikai fakataetaetui hono loto, ka oku ne tui e hoko ae gaahi mea oku ne lea aki, e hoko aia kotoabe oku ne lea ki ai. Koia oku ou behe ai kiate kimoutolu, Koe mea kotoabe oku mou holi ki ai, oka mou ka lotu, tui oku mou ma’u ia, bea te mou ma’u.

Bea oka mou ka tuu o lotu, fakamolemole, o kabau oku mou koviia i ha taha; koeuhi ke fakamolemolea e hoo mou Tamai oku i he lagi hoo mou gaahi hia. Bea ka ikai te mou fakamolemole, bea e ikai fakamolemolea e hoo mou Tamai oku i he lagi hoo mou gaahi agahala.

Bea naa nau hoko ki he botu nae higoa ko Ketesemeni: bea behe eia ki he ene kau akoga, Mou nonofo i heni, kae oua keu lotu. Bea ne ave eia a Bita mo Jemesi mo Jone, bea kamata ilifia lahi, mo māfajia lahi aubito; Bea ne behe kiate kinautolu, Oku mamahi lahi aubito o hage ka mate hoku laumalie: mou tatali i heni, bea leo. Bea alu jii atu ia, o to fakafoohifo ki he kelekele, bea ne kole, o kabau e faa fai, bea laka ae feituu bo koia iate ia. Bea behe eia, Aba, Tamai, oku faa fai ekoe ae mea kotoabe; ke ke ave ae ibu ni iate au: kae oua naaku faiteliha au, ka ko koe be. Bea ha‘u ia, o ne ilo kuo nau mohe, bea behe eia kia Bita, Saimone, oku ke mohe akoe? e ikai te ke faa leo ekoe i he feituu bo e taha? Mou leo bea lotu, telia naa lava‘i akimoutolu e he ahiahi. Koe mooni oku fie fai e he laumalie, ka oku vaivai ae kakano.

Bea nae mahaeua ae buibui oe fale lotu lahi, mei hono botu i oluga o a‘u ki lalo.

He oku ikai ha mea e faigataa ki he Otua.

Ka ka nofo ai be ia koe fefine ia kuo mate hono unoho, bea kuo valugofulu ma fa ae ta‘u o ene motua, bea nae ikai mahui ia mei he fale lotu lahi, ka naa ne gaue i he aukai moe faa lotu i he bo moe aho. Bea i he ene ha‘u o feouga mo ia, naa ne atu foki ae fakafetai ki he Eiki, o ne fakaha ia kiate kinautolu kotoabe nae tatali ki he huhui i Jelusalema.

Bea kuo babitaiso ae kakai kotoabe, bea behe, ne babitaiso foki mo Jisu, bea i he ene lotu, ne matoo ae lagi,

Bea ahiahi‘i ia e he tevolo i he aho e fagofulu. Bea koe gaahi aho koia nae ikai te ne kai ai ha mea: bea hili ia, naa ne fiekaia.

Bea nae alu ia mei ai ki he toafa, o lotu ai.

Bea nau behe kiate ia, Koeha oku faa aukai mo lotu ai ae kau akoga a Jone, mo kinautolu foki oe kau Falesi; ka oku kai mo inu akinautolu oku oou. Bea behe eia kiate kinautolu, Te mou faa bule ke aukai ae kaiga oe tagata taane, i he kei iate kinautolu ae tagata taane? Ka e hoko ae gaahi aho e ave ai ae tagata taane iate kinautolu, bea koe gaahi aho koia te nau toki aukai ai.

Bea behe, i he gaahi aho koia nae alu hake ia ki ha mouga ke lotu, bea lotu ai be ia ki he Otua i he bo o aho.

Ka oku ou tala atu kiate kimoutolu oku fanogo, Ofa ki ho mou gaahi fili, fai lelei kiate kinautolu oku fehia kiate kimoutolu. Tabuaki‘i akinautolu oku kabe‘i akimoutolu, bea hufia akinautolu oku fakakovi‘i akimoutolu.

Hili ae gaahi lea ni, koe aho nai e valu, nae ave eia a Bita mo Jone mo Jemesi, bea nau o hake ki he mouga ke lotu. Bea i he ene lotu, nae fakafoou ae aga o hono fofoga, bea nae hinehina o gigila hono gaahi kofu.

BEA nae behe, nae lotu ia i he botu e taha, bea hili ia, nae behe e he toko taha o ene kau akoga kiate ia, Eiki, akonaki‘i akimautolu ke lotu, o hage koe ako a Jone ki he ene kau akoga. Bea ne behe kiate kinautolu, Oka mou ka lotu, mou behe, Ko e mau Tamai oku i he lagi, Ke tabuhā ho huafa. Ke hoko mai hoo bule. Ke fai a mamani ki ho finagalo, o hage i he lagi. Ke foaki mai kiate kimautolu haa mau mea kai i he aho kotoabe. Bea ke fakamolemole kiate kimautolu e mau agahala; he oku mau fakamolemole foki akinautolu kotoabe oku agahala mai kiate kimautolu. Bea oua naa tuku kimautolu ki he ahiahi; kae fakamoui akimautolu mei he kovi.

Bea behe eia kiate kinautolu, Kohai iate kimoutolu e ai hano kaiga, e alu atu kiate ia i he tuuabo, o behe ki ai, Kaiga, ko eku no ae foi ma e tolu; He koe kaiga ooku kuo ha‘u kiate au i he fonoga, bea oku ikai haaku mea ke tuku ki hono ao? Bea e lea mai aia oku i loto fale, o behe, Oua te ke fakafiu‘i au; kuo tabuni ae mataba, bea kuo mau i he mohega mo eku fānau; e ikai teu faa tuu hake o foaki kiate koe. Oku ou tala atu kiate kimoutolu, E ikai tuu hake ia o foaki ai, koeuhi ko hono kaiga ia, ka koe mea i he ene kole tāuma‘u, e tuu hake ai ia, o foaki kiate ia o fakatatau mo ene majiva.

Bea oku ou tala atu kiate kimoutolu, Kole, bea e foaki kiate kimoutolu; kumi, bea te mou ilo; tukituki, bea e too kiate kimoutolu. He ko ia oku kole, oku ne ma‘u; bea ko ia oku kumi, oku ne ilo; bea e too kiate ia oku tukituki. Koe tamai fe iate kimoutolu, kabau e kole ma a hono foha, te ne age ki ai ha maka? be koe ika, e tuku ae ika kae atu ki ai ha gata? Be i he ene kole ae foi manu, te ne atu ki ai ha sikobio? Koia kabau oku mou ilo, ka koe agakovi, ke foaki ae gaahi mea lelei ki hoo mou fānau; e fefe hono lahi hake oe fie foaki e he Tamai i he lagi ae Laumalie Maonioni kiate kinautolu oku kole kiate ia?

Bea ke tatau akimoutolu moe kau tagata oku tatali ki he liliu mai a ho nau eiki mei he taane; koeuhi ka ha‘u ia o tukituki, ke nau too leva kiate ia. Oku monuia ae kau tamaioeiki koia, oka ha‘u ae eiki bea ne ilo oku nau leo: koe mooni oku ou tala kiate kimoutolu, te ne nonoo ia, o bule ke nau nofo hifo ki he kai, bea ha‘u ia o tauhi akinautolu.

BEA naa ne fakaha kiate kinautolu i he fakatātā, oku lelei ke lotu mau ai be ae kakai, bea oua naa fiu; O ne behe, Nae i he kolo e taha ae fakamāu, nae ikai manavahe ki he Otua, be tokaga ki he tagata. Bea nae i he kolo koia ae fefine kuo mate hono unoho; bea ha‘u ia ki ai, o ne behe, Fakamau au mo totogi totonu ki hoku fili. Bea nae ikai tokaga leva ia ki ai: kae toki fakakaukau ia, o behe, Oku ikai be teu manavahe ki he Otua, be tokaga ki he tagata; Ka koeuhi i he fakafiu‘i au e he fefine ni kuo mate hono unoho, teu fakamāu‘i ia, telia i he ene faa ha‘u te ne fakakina‘i au. Bea behe e he Eiki, Fanogo ki he lea ae fakamāu taeagatonu. Bea e ikai fakamāu e he Otua a hono kakai oona kuo fili, aia oku tagi kiate ia i he aho moe bo, o kabau e fakatuotuai ia kiate kinautolu? Oku ou tala atu kiate kimoutolu, E fakamāu vave eia akinautolu. Ka i he ha‘u ae Foha oe tagata, te ne ilo ae tui i he fonua?

Nae alu hake ae ogo tagata ki he fale lotu lahi ke lotu; koe toko taha koe Falesi, bea koe tanaki tukuhau ae toko taha. Nae tuu atu be ae Falesi, bea lotu, o behe, E Otua, oku ou fakafetai kiate koe, oku ikai teu hage koe kau tagata kehe, ke fakamalohi, mo taeagatonu, mo tono fefine, be hage koe tanaki tukuhau ni. Oku liuga ua eku aukai i he uike, bea oku ou atu ae tukuhau i he eku mea fulibe. Ka nae tuu mamao atu ae tanaki tukuhau, bea ikai faa haga hake hono mata ki he lagi, ka nae ji fatafata ia, mo behe, E Otua, ke ke aloofa mai kiate au koe agahala. Oku ou tala kiate kimoutolu, Nae alu hifo ae tagata ni ki hono fale kuo fakatonuhia ia, ka ikai behe ae toko taha: he ko ia kotoabe oku ne hiki hake ia, e fakavaivai‘i ia; bea ko ia oku ne fakavaivai‘i ia, e hiki hake ia.

Koia mou leo, bea lotu mau ai be, koeuhi ke mou aoga ke hao mei he gaahi mea ni kotoabe e hoko, bea ke tutuu i he ao oe Foha oe tagata.

Ka kuou hufia koe, ke oua naa mate hoo tui: bea oka ke ka toe liliu, ke ke tokoni ko kaiga.

Bea kuo hoko ia ki he botu, bea ne behe kiate kinautolu, Mo lotu ke oua naa mou higa ki he ahiahi. Be mahui ia iate kinautolu, o hage koe lijiaga maka hono mamao, bea tuulutui, mo lotu, O ne behe, E Tamai, kabau ko ho finagalo, ave ae ibu ni iate au: kae oua naa fai hoku loto, ka koe finagalo oou. Bea nae fakaha mai ae agelo mei he lagi kiate ia, o ne fakamalohi ia. Bea moua ia i he mamahi lahi, bea ajili ai ene lotu fakamatoato: bea ko ene tautaa koe taataa nae to i he tulutaa lalahi ki he kelekele. Bea tuu hake ia mei he lotu, o ha‘u ia ki he ene kau akoga, o ne ilo akinautolu oku nau moumohea i he mamahi. Bea behe eia kiate kinautolu, Koeha oku mou mohe ai? mou tuu o lotu, telia naa mou to ki he ahiahi.

Bea toki behe e Jisu, E Tamai, fakamolemole akinautolu; he oku ikai te nau ilo aia oku nau fai. Bea naa nau vahevahe a hono gaahi kofu, o talotalo.

Bea fakabouli ae laa, bea mahae ua malie ae buibui oe fale lotu lahi.

Bea nae too e Jisu ae ma; bea ne fakafetai, bea tufa ia ki he kau akoga, kae tufaki e he kau akoga kiate kinautolu nae nofo; bea tufaki moe ika ke oua ke nau fiu.

Ko ia oku i he Otua, oku fanogo ia ki he gaahi folofola ae Otua: bea behe, oku ikai te mou fanogo, koeuhi oku ikai i he Otua akimoutolu.

Oku tau ilo oku ikai ogo‘i e he Otua ae kau agahala: ka oka lotu ha tagata ki he Otua, bea fai hono finagalo, oku ne ogo‘i ia.

Oku too kiate ia e he leo; bea fanogo ki hono le‘o ae faga sibi: bea oku ne ui ae sibi aana i ho nau higoa, o ne tataki atu akinautolu. Bea ka tuku atu eia ene sibi aana, oku alu muomua ia iate kinautolu, bea muimui ae sibi iate ia: he oku nau ilo hono le‘o.

Bea oku ai mo eku faga sibi kehe, oku ikai i he loto a ko eni: teu omi akinautolu foki, bea te nau fanogo ki hoku le‘o; bea e ai ae loto a be taha, moe tauhi be taha.

Oku fanogo eku faga sibi ki hoku le‘o, o hage ko eku tala kiate kimoutolu: bea oku ou iloa akinautolu, bea oku nau muimui iate au:

Bea naa nau too ae maka mei he botu nae tuku ai ae mate. Bea haga hake ae fofoga o Jisu, o ne behe, E Tamai, oku ou fakafetai kiate koe, koeuhi kuo ke ogo‘i au. Bea oku ou ilo oku ke ogo‘i mau ai be au: ka koe mea i he kakai oku tutuu ni, koia kuou lea ai, koeuhi ke nau tui naa ke fekau au. Bea hili ene lea behe, bea lea le‘o lahi ia, Lasalosi, tuu mai.

Bea koe mea kotoabe te mou kole i hoku huafa, teu fai ia, koeuhi ke fakaogoogolelei ae Tamai i he Alo. Koia kotoabe te mou kole i hoku huafa, teu fai. Kabau oku mou ofa kiate au, fai eku gaahi fekau. Bea teu kole ki he Tamai, bea te ne foaki kiate kimoutolu ha Fakafiemalie e taha, koeuhi ke nofo ia mo kimoutolu o taegata; Io, koe Laumalie oe mooni; aia oku ikai faa ma‘u e he mamani, he oku ikai mamata ia ki ai, be ilo‘i ia: ka te mou ilo ia; he te ne nofo mo kimoutolu, bea nofoia eia akimoutolu.

Ka koe Fakafiemalie koe Laumalie Maonioni, aia e fekau e he Tamai i hoku huafa, te ne ako‘i akimoutolu i he mea kotoabe, mo fakamanatu‘i akimoutolu i he mea kotoabe, aia kuou lea aki kiate kimoutolu.

Kabau oku mou nofo iate au, bea nofo eku gaahi lea iate kimoutolu, te mou kole aia te mou loto ki ai, bea e fai ia kiate kimoutolu.

Nae ikai te mou fili au, ka kuou fili akimoutolu, o tuutuuni akimoutolu, ke mou alu atu, o ma‘u ae fua, bea ke tologa ho mou fua: koeuhi koia kotoabe te mou kole ki he Tamai i hoku huafa, ke ne foaki kiate kimoutolu.

Ka i he ha‘u ae Laumalie oe mooni, e tataki eia akimoutolu ki he mooni kotoabe: he ko ene lea e ikai meiate ia; ka koe mea kotoabe kuo ne fanogo ki ai, koia ia te ne lea aki: bea e fakaha eia kiate kimoutolu ae gaahi mea e hoko.

Bea i he aho koia e ikai te mou fehui ha mea e taha kiate au. Koe mooni, koe mooni, oku ou tala kiate kimoutolu, Koe mea kotoabe te mou kole ki he Tamai i hoku huafa, te ne foaki kiate kimoutolu. Oku teeki ai te mou kole ha mea i hoku huafa: kole, bea te mou ma‘u, koeuhi ke kakato ai hoo mou fiefia.

Oku lotu a Kalaisi ki he ene Tamai ke ne fakaogoogolelei ia, 6 ke ne fakamoui ene kau abosetolo, 11 ke nau taha be, 17 bea i he mooni, 20 ke ne fakataha akinautolu mo ia, moe kakai tui kehekehe kotoabe, i he moui taegata. NAE lea aki e Jisu ae gaahi lea ni, o haga hake hono fofoga ki he lagi, o ne behe, E Tamai, kuo hokojia ae aho; fakaogoogolelei ho Alo, koeuhi ke fakaogoogolelei koe e ho Alo foki: He kuo ke tuku kiate ia ae bule ki he kakai kotoabe, koeuhi ke ne foaki ae moui taegata kiate kinautolu kotoabe kuo ke foaki kiate ia. Bea ko eni ae moui taegata, ko‘e nau ilo koe koe Otua mooni be taha, mo Jisu Kalaisi, aia naa ke fekau. Kuou fakaogoogolelei koe i mamani: kuou fakaoji ae gaue naa ke tuku mai keu fai. Bea ko eni, e Tamai, ke ke fakaogoogolelei au i ho ao, aki ae nāunāu naaku ma‘u mo koe, i he teeki gaohi a mamani. Kuou fakailo ho huafa ki he kau tagata naa ke foaki kiate au mei mamani: nae aau akinautolu, bea naa ke foaki akinautolu kiate au; bea kuo nau ma‘u hoo folofola. Bea oku nau ilo eni koe mea kotoabe kuo ke tuku kiate au, oku meiate koe ia. He kuou tuku kiate kinautolu ae gaahi folofola naa ke tuku kiate au; bea kuo nau ma‘u ia, bea kuo nau ilo bau naaku ha‘u meiate koe, bea kuo nau tui naa ke fekau‘i au. Oku ou lotua akinautolu: oku ikai teu lotua a mamani, ka ko kinautolu kuo ke foaki kiate au; he oku aau akinautolu. Bea oku aau ae gaahi mea kotoabe oku aaku, bea oku aaku ae gaahi mea oku aau; bea oku ou ogoogo lelei iate kinautolu. Bea ko eni, oku ikai teu kei i mamani, ka oku i mamani akinautolu ni, bea oku ou alu atu kiate koe. E Tamai Maonioni, tauhi i ho huafa oou akinautolu kuo ke foaki kiate au, koeuhi ke nau taha be, o hage ko kitaua. I he eku iate kinautolu i mamani, neu tauhi akinautolu i ho huafa: ko kinautolu naa ke foaki kiate au kuou tauhi, bea oku ikai mole ha nau taha, ka koe foha oe malaia; aia oku fakamooni ai ae tohi. Bea ko eni, oku ou alu atu kiate koe; bea oku ou lea aki ae gaahi mea ni i mamani, koeuhi ke kakato ai e nau fiefia iate au. Kuou tuku kiate kinautolu a hoo folofola; bea kuo fehia a mamani kiate kinautolu, koeuhi oku ikai o mamani akinautolu, o hage foki oku ikai o mamani au. Oku ikai teu lotu ke ke ave akinautolu mei he mamani, ka koeuhi ke ke fakamoui akinautolu mei he kovi. Oku ikai o mamani akinautolu, o hage oku ikai o mamani au. Fakatabu‘i akinautolu i hoo mooni: ko hoo folofola koe mooni ia. Hage ko hoo fekau au ki mamani, oku behe eku fekau akinautolu ki mamani. Bea oku ou fakatabu‘i au koeuhi ko kinautolu, koeuhi ke fakatabu‘i akinautolu foki i he mooni. Bea oku ikai ko eku lotua akinautolu ni be, ka ko kinautolu foki e tui kiate au i he e nau lea; Koeuhi ke taha be akinautolu kotoabe; o hage oku ke iate au, e Tamai, mo au iate koe, koeuhi ke nau taha be foki iate kitaua: koeuhi ke tui a mamani naa ke fekau au. Bea koe nāunāu naa ke tuku kiate au, kuou tuku kiate kinautolu; koeuhi ke taha be akinautolu, o hage foki oku ta taha be: Ko au iate kinautolu, mo koe iate au, koeuhi ke fakahaohaoa fakataha akinautolu; bea ke ilo a mamani kuo ke fekau au, bea oku ke ofa kiate kinautolu, o hage ko hoo ofa kiate au. E Tamai, ko hoku loto foki kiate kinautolu kuo ke foaki kiate au, ke nau iate au i he botu oku ou i ai: koeuhi ke nau mamata ki hoku nāunāu, aia kuo ke foaki kiate au: he naa ke ofa kiate au oku heeki ke fakatubu a mamani. E Tamai Maonioni, oku ikai ilo‘i koe e mamani: ka kuou ilo koe, bea kuo ilo ekinautolu ni naa ke fekau au. Bea kuou fakaha kiate kinautolu ho huafa, bea teu toe fakaha ia: koeuhi ke iate kinautolu ae ofa koia kuo ke ofa aki kiate au, beau nofoia akinautolu e au.

Bea nae nonofo loto taha akinautolu ni kotoabe, i he lotu moe hufekina, fakataha moe kau fefine, mo Mele koe fa‘e a Jisu, mo hono kaiga.

BEA kuo hokojia ae aho oe Benitekosi, kuo nau katoa o loto taha i he botu be taha. Bea fakafokifa nae ai ae uulu mai mei he lagi, o hage ha tuoni matagi malohi aubito, bea fakabito aki ae fale kotoabe naa nau nofo ai. Bea nae ha mai kiate kinautolu ae gaahi elelo magamaga o hage koe afi, bea nofo ia iate kinautolu taki taha. Bea nae fakabito aki akinautolu kotoabe ae Laumalie Maonioni, bea naa nau kamata lea aki ae lea kehekehe, o fakatatau ki hono fakalea‘i akinautolu e he Laumalie.

Bea kuo nau fanogo ki ai, bea nau hiki fakataha hake ho nau le‘o ki he Otua, o nau behe, E Eiki, koe Otua akoe, naa ke gaohi ae lagi mo mamani, bea moe lahi, moe mea kotoabe oku i ai;

Bea hili e nau lotu, nae galulululu ae botu naa nau fakataha ai; bea nae fakabito akinautolu kotoabe aki ae Laumalie Maonioni, o nau lea malohi aki ae folofola ae Otua.

Bea i he e na hoko hifo, naa na hufia akinautolu, ke nau ma‘u ae Laumalie Maonioni:

Bea behe e Koniliusi, Koe aho e fa kuo hiliage, naaku aukai o hoko ki he feituulaa ni; bea i hono hiva oe feituulaa naaku lotu i hoku fale, bea mo ene tuu i hoku ao ae tagata oku kofu fetabatabaki, O ne behe mai, Koniliusi, kuo ogo hoo hu, bea oku manatu‘i e he Otua hoo faa foaki.

Koia nae moua be a Bita i he fale fakabobula: ka nae hufia fakamatoato ia e he jiaji ki he Otua. Bea i he tokaga a Helota ke omi ia kituaa, nae mohe a Bita i he bo koia i he vahaa oe ogo tagata tau, nae ha‘i aki ae ukamea fihifihi e ua: bea i he mataba ae kau leo, o leohi ae fale fakabobula. Bea vakai, kuo iate ia ha agelo ae Eiki, bea malama i he fale fakabobula ae māma: bea ne ta‘i a Bita i he vakavaka, mo ne fokotuu ia, o behe, Tui ke vave. Bea nae homo ae ukamea fihifihi i hono nima.

Bea kuo nau aukai mo lotu, bea nau hili ho nau nima kiate kinaua, o tuku ke na o.

Bea kuo na fakanofo ae kau mātua i he jiaji kotoabe o fai ae lotu moe aukai, naa nau tuku akinautolu ki he Eiki, aia kuo nau tui ki ai.

Bea i he tuuabo malie, nae lotu mo hiva fakafetai ki he Otua a Baula mo Sailosi, bea nae fanogo ae kau bobula kiate kinaua. Bea fakafokifa nae ai ae mofuike lahi, aia nae gau‘eue ai ae tuuga oe fale fakabobula: bea nae ava leva ae mataba kotoabe, bea movete ae ha‘i o nautolu taki taha kotoabe.

Bea kuo hilifaki ae nima o Baula kiate kinautolu, bea hoko kiate kinautolu ae Laumalie Maonioni; bea naa nau lea aki ae lea kehekehe, mo nau kikite.

Bea kuo oji ene lea koia, naa ne tuulutui, o hufia akinautolu kotoabe.

Bea koeha oku ke fakatuai ai? tuu, bea ke babitaiso, o fakamaa koe mei hoo agahala, bea ui ki he huafa oe Eiki.

Bea kuo behe ene lea, bea ne too ae ma, o fakafetai ki he Otua i he ao o kinautolu kotoabe: bea kuo ne baki‘i ia, bea ne kamata kai.

Bea koe Laumalie foki, oku ne tokoni‘i e tau gaahi vaivai: he oku ikai te tau ilo aia oku totonu ke tau lotua; ka oku hufekina akitautolu e he Laumalie be koia i he gaahi to‘e oku tae faa lea aki. Ka ko ia oku ne ilo‘i ae loto, oku ne ilo‘i moe finagalo oe Laumalie, he oku ne hufekina ae kakai maonioni o tāu moe Otua.

E KAIGA, koe holi a hoku loto, mo eku lotu ki he Otua, koeuhi ko Isileli, ke fakamoui akinautolu.

O fiefia i he amanaki lelei; bea faa kataki i he mamahi; bea fai mau o fakakukafi i he lotu;

Ko ia oku ne tokaga ki he aho, oku ne tokaga ki ai koeuhi koe Eiki; bea ko ia oku ikai tokaga ki he aho, oku ikai tokaga ki ai ia koeuhi koe Eiki. Ko ia oku kai, oku ne kai koeuhi koe Eiki, bea oku ne atu ae fakafetai ki he Otua; bea ko ia oku ikai te ne kai, oku ikai te ne kai koeuhi koe Eiki, bea oku ne atu ae fakafetai ki he Otua.

Bea koeni, oku ou kole kiate kimoutolu, e kaiga, koeuhi ko ho tau Eiki ko Jisu Kalaisi, bea koeuhi koe ofa oe Laumalie, ke mou fekuki mo au i hoo mou gaahi lotu ki he Otua koeuhi ko au;

He ko ia oku lea i he lea taeilo, oku ikai lea ia ki he tagata, ka ki he Otua: he oku ikai ilo ia e ha taha; ha oku lea aki eia ae gaahi mea fufu i he laumalie.

Ko ia oku lea i he lea taeiloa, oku ne laga hake eia ia; ka ko ia oku kikite, oku ne laga hake ae jiaji.

Ko ia ia oku lea i he lea taeiloa, ke ne kole eia ke ne fai hono fakamatala. He kabau oku ou lotu i he lea taeiloa, oku lotu hoku laumalie, ka oku taefua eiku ilo. Bea ka koia bea ha? Teu lotu aki ae laumalie, bea teu lotu aki ae ilo foki: teu hiva aki ae laumalie, bea teu hiva aki ae ilo foki. Ka ikai, bea ka ke ka fakafetai aki ae laumalie, e fefe‘i ene behe, Emeni, i hoo fakafetai, aia oku nofo i he botu oe taeboto, he oku ikai te ne ilo aia oku ke lea aki? He koe mooni oku ke fakafetai lelei, ka oku ikai laga hake ai ha toko taha. Oku ou fakafetai ki hoku Otua, oku lahi eku lea aki ae lea kehekehe iate kimoutolu kotoabe: Ka oku lelei kiate au eku lea aki ae lea ilo e nima be i he jiaji, koeuhi ke ako aki ae niihi, i he lea e mano i he lea taeiloa.

Koia koe gaahi lea kehekehe koe fakailoga, ka oku ikai kiate kinautolu oku tui, ka kiate kinautolu oku taetui: ka koe kikite oku ikai ma a nautolu oku taetui, ka kiate kinautolu oku tui. Koia kabau kuo katoa ae jiaji ki he botu be taha, bea lea kotoabe aki ae gaahi lea kehekehe, bea hu ki ai ha niihi oku taeboto, be taetui, ikai te nau lau kuo mou faha? Bea kabau oku kikite kotoabe, bea hu ki ai ha taha oku taetui, be ha taeboto, kuo takitala‘i kotoabe ia, kuo fakamāu kotoabe ia: Bea behe be hono fakaha oe gaahi mea fufu a hono loto; bea to fakafoohifo ia ki hono mata, bea hu ki he Otua, o fakaha koe mooni oku iate kinautolu ae Otua.

Kabau oku lea ha taha i he lea taeiloa, ke fai e he toko ua, bea lahi oka toko tolu, o nau lelea taha be; bea ke fakamatala e ha toko taha. Bea kabau oku ikai ha taha ke fakamatala, ke logobe ia i he jiaji; bea tuku ke lea ia kiate ia be, bea ki he Otua.

Koia, e kaiga, mou holi ke mou kikite, bea oua naa taofi ae lea aki ae lea kehekehe.

Oku ikai tuku eku atu ae fakafetai koeuhi ko kimoutolu, o takua akimoutolu i he eku gaahi lotu; Koeuhi ke tuku kiate kimoutolu e he Otua o ho tau Eiki ko Jisu Kalaisi, koe Tamai oe nāunāu, ae laumalie oe boto moe fakaha i he faa ilo’i ia;

He koe mea iate ia oku tau ma’u fakatouoji ae hokoaga i he Laumalie be taha ki he Tamai.

Bea koeni, ke iate ia aia oku mafai ke fai lahi hake aubito aubito i he mea kotoabe te tau kolea be mahalo ki ai, o fakatatau ki he malohi aia oku gaue iate kitautolu Ke iate ia ae ogoogo lelei i he jiaji ia Kalaisi Jisu, i he gaahi kuoga kotoabe, o taegata bea taegata. Emeni.

O fealeleaaki akimoutolu i he gaahi same, moe himi, moe hiva fakalaumalie, o hiva ke ai ae malie i ho mou loto ki he Eiki; O atu ae fakafetai mau ai be i he gaahi mea kotoabe ki he Otua koe Tamai i he huafa o ho tau Eiki ko Jisu Kalaisi;

O lotu mau ai be i he gaahi lotu kotoabe moe lotu tāumau i he Laumalie, bea leo ki ai i he faa fakakukafi, moe hufia ae kaiga maonioni kotoabe;

Oku ou fakafetai ki hoku Otua i he eku manatu kotoabe kiate kimoutolu, O hufekina fiefia mau ai be akimoutolu kotoabe i he eku lotu kotoabe,

Bea ko eku lotu eni, ke tubulekina hoo mou ofa o lahi, bea lahi hake i he ilo moe agafakabotoboto kotoabe; Koeuhi ke mou ahiahi‘i ae gaahi mea oku fai kehekehe; ka mou aga-totonu mo taehalaia o a‘u ki he aho o Kalaisi; Ke fakafonu aki akimoutolu ae gaahi fua oe maonioni, aia oku ia Jisu Kalaisi, ke ogoogo lelei ai mo fakafetai ai ki he Otua.

Oua naa tokaga mamahi ki ha mea e taha; kae fakaha atu hoo mou holi i he mea kotoabe, ki he Otua, i he lotu moe lotu tāumau moe fakafetai. Bea koe melino oe Otua, aia oku lahi hake aubito i he faa iloa, te ne malu‘i ho mou laumalie mo ho mou loto ia Kalaisi Jisu.

Oku ou faa fai ae gaahi mea kotoabe ia Kalaisi oku ne fakamalohi‘i au. Ka ne ogo ia, kuo mou fai lelei i hoo mou kau i he eku mamahi.

Ka e taufetuku e hoku Otua ki hoo mou majiva kotoabe, o fakatatau ki he ene koloa i he nāunāu ia Kalaisi Jisu.

Oku ma fakafetai ki he Otua koe Tamai a ho tau Eiki ko Jisu Kalaisi, o hufia mau be akimoutolu,

Bea koe mea koia foki, talu ae aho naa ma fanogo ki ai, oku ikai tuku e ma hufia akimoutolu, bea moe holi ke fakafonu akimoutolu aki ae ilo ki hono finagalo i he boto kotoabe moe ilo fakalaumalie;

Fai mau be ae lotu, bea leo i ai mo fakafetai; Bea lotua akimautolu foki, koeuhi ke too kiate kimautolu e he Otua ae mataba oe lea, ke lea aki ae mea fakalilolilo a Kalaisi, aia kuo ha‘ijia ai au:

Ko Ebafasi, ko ho mou toko taha, koe tamaioeiki a Kalaisi, oku ofa atu ia kiate kimoutolu: oku fai feiga mau ai be ia koeuhi ko kimoutolu i he gaahi lotu, koeuhi ke mou tuu haohaoa mo kakato i he finagalo kotoabe oe Otua.

Oku mau fakafetai mau ai be ki he Otua koeuhi ko kimoutolu kotoabe, o takua akimoutolu i he e mau gaahi lotu;

Fiefia mau ai be. Lotu taetuku. Fakafetai i he mea kotoabe: he koe finagalo ia oe Otua ia Kalaisi Jisu kiate kimoutolu.

E kaiga, hufia akimautolu.

E KAIGA, ko hono fakaoji, mou hufia akimautolu, koeuhi ke lele atu ae folofola ae Eiki, bea ogoogo lelei ia, o hage koia iate kimoutolu:

KOIA oku ou eginaki, ke fuofua fai ae kole, moe gaahi lotu, moe hufe-kina mau, moe fakafetai, koeuhi koe kakai kotoabe; Koeuhi koe gaahi tu‘i, bea mo kinautolu kotoabe oku bule: koeuhi ke tau moui i he moui fiemalie moe melino, i he aga faka‐Otua moe aga totonu kotoabe.

Koia ko hoku loto ke lotu ae kakai i he botu kotoabe, o mafao atu ae nima maonioni, o taeita mo taefakatae-taetui.

He oku lelei aia kotoabe kuo fakatubu e he Otua, bea oku ikai ha mea ke jiaki, o kabau e ma‘u ia i he fakafetai: He kuo fakagofua ia e he folofola ae Otua moe lotu.

Bea koeni, koe fefine kuo mate hono unoho, bea baea mooni, oku falala ia ki he Otua, bea fai mau be ene kole tāumau moe lotu i he bo moe aho.

Oku ou fakafetai ki he Otua, aia oku ou tauhi, o hage koe gaahi tamai i mu‘a, i he atamai maonioni, oku ou manatu mau ai be kiate koe i he eku gaahi lotu i he bo moe aho;

Oku ou fakafetai ki hoku Otua, o hua aki mau ai be akoe i he eku gaahi lotu,

KOE Otua, aia nae folofola i mu‘a i he gaahi kuoga kehekehe moe gaahi aga kehekehe ki he gaahi tamai i he kau balofita, Kuo ne folofola i he gaahi aho ki mui ni kiate kitautolu i hono Alo, aia kuo ne tuutuuni ke aana ae gaahi mea kotoabe, aia ne ne gaohi ai foki ae gaahi mama;

Bea lolotoga oku behe, Koe aho ni, o kabau te mou fanogo ki hono le‘o, oua naa fakafefeka ho mou loto, o hage koia i he fakahouhau.

(Bea toe kotofa eia ae aho e taha, o behe mai ia Tevita, Koe aho ni, i he hili ae gaahi ta‘u lahi; o hage ko hono fakaha, Koe aho ni, o kabau te mou fanogo ki hono le‘o, oua naa fakafefeka ho mou loto.

Koia ke tau ha‘u malohi ai ki he afioaga oe aloofa, koeuhi ke tau ma‘u ae aloofa, bea ilo moe foaki ofa, ke tokoni mai i he aho e aoga ai.

Aia i he gaahi aho o hono jino, kuo ne o hake ae hu moe kole tāumau, fakataha moe tagi malohi moe loimata, kiate ia nae faa fai ke fakamoui ia mei he mate, bea nae ogo‘i ia i he mea nae manavahe ai ia; Ne ogo koe Alo ia, ka nae akonekina ia ke talagofua e he gaahi mea naa ne kataki;

Koia, e kaiga, koe mea i he ene abaabagofua e tau hu ki he botu tabu i he taataa o Jisu,

Ka i he taema‘u ae tui oku ikai mafai hono fakafiemalie‘i: he ko ia oku ha‘u ki he Otua, oku totonu ke ne tui oku ai ia, bea oku ne totogi kiate kinautolu oku kumi lahi kiate ia.

Koia ke tau atu iate ia ae feilaulau oe fakafetal ki he Otua o mau ai be, aia koe fua oe lougutu oka atu ai ae fakafetai ki hono huafa.

Ka ai ha mou taha oku majiva i he boto, ke kole eia ki he Otua, aia oku ne foaki lahi ki he kakai kotoabe, bea oku ikai valoki‘i; bea e foaki ia kiate ia. Ka e lelei ene kole i he tui, o taefa-kataetaetui. He ko ia oku fakataetae-tui oku hage ia koe beau oe tahi oku fakateka mo feliliaki e he matagi.

Oku mou kole, bea ikai ma‘u, koeuhi oku mou kole kovi, koeuhi ke mou fakaoji ia ki hoo mou gaahi holi.

Unuunu atu ki he Otua, bea e unuunu mai ia kiate kimoutolu. Fakamaa ho mou nima, ae kau agahala; bea fakamaa mo ho mou loto, ae kau lotolotoua. Mou mamahiia, bea to‘eto‘e, mo tagi: ke liliu hoo mou kata koe to‘eto‘e, bea ko hoo mou fiefia koe māfajia. Fakavaivai‘i akimoutolu i he ao oe Eiki, bea e hakeaki‘i eia akimoutolu.

Oku ai ha taha iate kimoutolu oku mamahi? ke lotu ia. Oku ai ha taha oku fiefia? ke hiva aki eia ae gaahi same. Oku ai ha taha iate kimoutolu oku mahaki? ke tala ia ki he kau mātua oe jiaji; bea ke nau lotua ia, o tākai aki ia ae lolo i he huafa oe Eiki: Bea koe lotu i he tui, e fakamoui eia ae mahaki, bea e fokotuu ia e he Eiki; bea kabau nae fai eia ha agahala, e fakamolemolea ia. Ke fetoutou feveteaki hoo mou gaahi agahala kiate kimoutolu, bea felotuaaki akimoutolu, ke mou moui. Koe lotu fakamatoato oe tagata maonioni oku aoga lahi. Ko Ilaija, koe tagata ia nae aga tatau mo kitautolu, bea nae lotu fakamatoato ia, ke oua naa uha: bea nae ikai to ha uha ki he kelekele i he ta‘u e tolu moe mahina e ono. Bea toe lotu ia, bea nae tuku mai e he lagi ae uha, bea tubu ai mei he kelekele a hono fua.

He oku i he kakai maonioni ae fofoga oe Eiki, bea oku ogo kiate ia e nau gaahi lotu: ka oku houhau ae fofoga oe Eiki kiate kinautolu oku fai kovi.

Ka kuo ofi ae gataaga oe mea kotoabe: koia mou fai fakabotoboto, mo leo ke lotu.

O tuku hoo mou tokaga kotoabe kiate ia; he oku ne kau kiate kimoutolu.

Kabau te tau vete e tau gaahi agahala, oku mooni mo agatonu ia ke fakamolemolea e tau gaahi agahala, mo fakamaa akitautolu mei he taemaonioni kotoabe.

Bea koia kotoabe oku tau kolea, oku tau ma‘u meiate ia, koeuhi oku tau fai ene gaahi fekau, bea fai moe gaahi mea oku lelei i hono ao.

Bea ko eni ae malohi aia oku tau ma‘u kiate ia, koeuhi, ka tau ka kole ha mea o fakatatau ki hono finagalo, oku ne ogo‘i akitautolu: Bea kabau oku tau ilo oku ne ogo‘i akitautolu, koia kotoabe oku tau kolea, oku tau ilo oku tau ma‘u ae gaahi kole naa tau holi ai kiate ia.

E ofeina, koe fugani i he mea oku ou kolea, ke ke monuia, mo moui mālōlō, o hage be koe monuia o ho laumalie.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.