07 – ʻAho ʻo e Fakamaau

Oku fakafoou e Jihova ae fuakava. 5 Oku faka kehe ae higoa o Ebalame koe fakailoga oe tabuaki lahi hake. 10 Oku tuutuuni ae kamu. 15 Oku fakakehe ae higoa o Selai, bea oku tabuekina ia. 17 Oku fakailo a Aisake. 23 Oku kamu a Ebalahame mo Isimeli. BEA i he hivagofulu ma hiva ta‘u oe motua o Ebalame nae ha mai a Jihova kia Ebalame, o ne behe kiate ia, Ko au, koe Otua Mafimafi; ke ke eveeva i hoku ao, bea ke haohaoa.

Ke mamao iate koe ha fai behe, ke tamate‘i ae agatonu fakataha moe agahala, bea ke fakatatau ae agatonu ki he agahala, ke mamao ia iate koe: ikai e fai totonu ae Fakamāu o mamani kotoabe?

Ke ke agatonu koe kia Jihova ko ho Otua.

Naaku agatonu foki i hono ao, bea kuou taofi au mei he eku hia aaku.

E toki ba atu ae hiva oe gaahi akau oe vao i he ao o Jihova, koeuhi oku ne haele mai ke fakamāu a mamani.

Bea ko koe, E Solomone ko hoku foha, ke ke ilo ekoe ki he Otua o hoo tamai, bea ke tauhi kiate ia aki ho loto katoa, bea i he loto fie fai: he oku hakule e Jihova ae loto kotoabe, bea oku ne ilo‘i ae filioi moe fakakaukau kotoabe: kabau te ke kumi kiate ia, te ke ilo ia ekoe; bea kabau te ke jiaki ia, te ne jiaki koe o lauikuoga.

He oku ou ilo oku moui a hoku Huhui, bea e tuu ia i mamani i he aho fakamui. Bea ka oji hoku kili bea maumau hoku jino, ka teu mamata i hoku kakano ki he Otua: Aia teu mamata ki ai maaku, bea e vakai ki ai a hoku mata, bea ikai ha taha kehe; ne ogo ae auha a hoku gaahi kubu‘i jino iate au. Ka e lelei hoo mou behe, Koeha oku tau fakataga ai ia? he oku iate au ae tefito oe mea lelei. Ke manavahe akimoutolu ki he heleta: he oku omi e he ita ae gaahi tautea oe heleta, koeuhi ke mou ilo oku ai ae fakamāu.

Aia kuo tuku tologa ae agahala ki he aho oe fakaauha? e taki atu akinautolu ki he aho oe houhau.

Tuku ke fakamamafa au i he mea fakatatau totonu, koeuhi ke ilo e he Otua a eku agatonu.

Oku ikai behe ae agakovi: ka oku tatau ia moe kafukafu aia oku viligia i he matagi. Koia e ikai tuu ae agakovi i he fakamāu, be koe agahala i he fakataha oe maonioni. He oku ilo e Jihova ae hala oe maonioni: ka koe hala oe agakovi e auha ia.

Ka e moui mau ai be a Jihova: kuo ne teu‘i hono afioaga ki he fakamāu. Bea te ne fakamāu a mamani i he maonioni, e atu eia ae fakamāu ki he kakai i he agatonu.

E teke‘i ae agahala ki loto heli, moe gaahi buleaga kotoabe oku fakagalogalo‘i ae Otua.

Bea naaku agatonu foki i hono ao, bea neu taofi au mei he eku hia.

Oku fakakaukau kovi e he agahala ki he agatonu, mo gaii kiate ia aki hono nifo. E kata a Jihova kiate ia: he oku ne afio‘i oku ha‘u hono aho.

Ka e huhui hoku laumalie e he Otua mei he malohi oe faitoka: he te ne ma‘u au. Sila.

Te nau hao koa i he e nau hia i E Otua, ke ke li ki lalo ae kakai i he houhau. Oku ke lau a eku alu fano be: ke ke utu hoku gaahi loimata ki hoo hina: ikai oku nau tuu i hoo tohi?

Tuku ke tamate‘i mei he tohi oe moui, bea oua naa tohi fakataha akinautolu moe kau maonioni.

Ka te ke vakai o mamata aki ho mata ki he totogi oe agahala.

I he ao o Jihova: he oku ne haele mai, he oku haele mai ia ke fakamāu a mamani: te ne fakamāu a mamani i he maonioni, moe kakai i he ene mooni.

I he ao o Jihova; he oku haele mai ia ke fakamāu a mamani: te ne fakamāu a mamani i he maonioni, bea moe kakai i he agatonu.

Nae afio ho fofoga ki hoku jino oku teeki ai fakaoji; bea nae tohi i hoo tohi hoku gaahi kubu‘i jino kotoabe, aia nae fakatubu fakaholo, i he heeki ai ha kubu e taha.

Oku fakamoui e Jihova akinautolu kotoabe oku nau ofa kiate ia: ka koe agakovi kotoabe te ne fakaauha.

Oku ikai aoga ae koloa i he aho oe houhau: ka oku fakahaofi mei he mate ae maonioni.

Beau behe i hoku loto, e fakamāu e he Otua ae maonioni moe agahala: he oku i ai be hono aho ki he tuutuuni kotoabe moe gaue kotoabe.

OKU lelei lahi ae higoa oku ogoogolelei i he mea namu kakala oku mahuiga lahi; bea oku lelei ae aho oe mate i he aho oe fanau‘i.

Ke tau fanogo ki he fakaoji oe gaahi mea ni kotoabe: Ke ke manavahe ki he Otua, bea ke fai ki he ene gaahi fekau: he oku katoa i he mea ni ae gaue totonu ae tagata. Koeuhi e omi e he Otua ae gaue kotoabe ki he fakamāu, moe mea fufu kotoabe, be ko ha mea lelei ia be kovi.

Bea te nau jio ki he kelekele; bea vakai koe mamahi, moe fakabouli, moe ninimo, moe ogojia; bea e kabuji akinautolu ki he fakabouli.

Bea teu tautea a mamani koeuhi koe nau hia, bea moe kakai agakovi koeuhi koe nau agahala; bea teu bule ke gata ae fielahi oe laukau, bea teu li ki lalo ae fieeiki oe kakai fakamana.

Te ne fakaauha aubito ae mate i he malohi; bea e holoholo e he Eiki ko Jihova ae gaahi loimata mei he mata kotoabe; bea koe valoki o hono kakai te ne too mei he fonua kotoabe: he kuo folofola behe a Jihova.

E moui a hoo kakai mate, te nau toetuu fakataha mo hoku jino mate ni. Mou a o hiva, akimoutolu oku nofo i he efu: he oku tatau hoo hahau moe hahau oe mohuku mata, bea e buaki e he kelekele ae mate.

E too ae ufiufi o hoo telefua, io, e ha hoo ma: teu tautea, e ikai teu fakafetaulaki kiate koe o hage ko ha tagata. Bea ko ho tau huhui, ko hono huafa ko Jihova oe gaahi kau tau, koe Toko Taha Maonioni o Isileli.

Ke fakaha ae ta‘u lelei o Jihova, bea koe aho oe houhau o ho tau Otua; ke fakafiemalie‘i akinautolu kotoabe oku mamahi;

Vakai, he oku ou fakatubu ae gaahi lagi foou bea moe fonua foou: bea e ikai manatu aia nae i mua, be ai ha manatu loto ki ai.

Oku behe e Jihova, O hage koe tuu mau i hoku ao, ae gaahi lagi foou bea moe mama foou, aia teu gaohi, e behe ae tuu mau o ho mou hako mo ho mou higoa. Bea oku behe e Jihova, E ha‘u ae kakai kotoabe ke lotu i hoku ao, mei he mahina foou e taha o a‘u ki he mahina foou e taha, bea mei he aho tabu e taha o a‘u ki he aho tabu e taha. Bea te nau alu atu, bea jio ki he gaahi agaaga oe kakai nae agatuu kiate au: koeuhi e ikai mate ho nau uaga, bea e ikai tamate‘i e nau afi; bea te nau hoko koe fehianekina ki he kakai kotoabe.

Vakai, oku aaku ae laumalie kotoabe; hage oku aaku ae laumalie oe tamai, oku behe foki ae laumalie oe foha oku aaku ia: koe laumalie oku agahala e mate ia.

Bea naaku mamata ai be mo ene li hifo ae gaahi nofoaga fakaeieiki, bea nae afio‘i aia nae i mua i mua i he gaahi aho, nae hinehina hono kofu o hage koe uha hinehina, bea ko hono louulu nae hage koe fulufulu‘i sibi lelei: ko hono afioaga nae hage koe afi ulo, bea ko hono gaahi teka nae hage koe afi vela. Nae tubu mai mo tafe mei hono ao ae afi: nae tauhi kiate ia ae toko afe lau‘i e he gaahi toko afe, bea nae tuu i hono ao ae toko mano lau‘i toko mano: nae fokotuu ae fakamāu, bea nae folahi ae gaahi tohi.

Ka e lava‘i ae buleaga e he kakai maonioni ae Fugani Maoluga, bea te nau ma‘u ae buleaga o lauikuoga, io, ke taegata bea taegata.

Neu vakai, bea nae fai ae tau e he nifo koia ki he kakai maonioni, bea ne lava‘i akinautolu. Kae oua ke hoko mai aia nae i mua i mua i he gaahi aho, bea nae tuku ae fakamāu totonu ki he kakai maonioni oe Fugani Maoluga; bea nae hokojia ae kuoga nae ma‘u e he kakai maonioni ae buleaga.

Bea e lea aki eia ae gaahi lea fielahi ki he Fugani Maoluga, bea te ne fakaogojia ae kakai maonioni oe Fugani Maoluga, bea e mahalo eia ke ne fakakehe ae gaahi kuoga moe gaahi fono: bea e tuku ia ki hono nima i ha kuoga moe kuoga e ua, moe vaeua malie oe kuoga. Ka e fakanofo ae fakamāu, bea te nau too a ene bule, ke fakaauha mo maumau‘i ia, o a‘u ki he gataaga. Ka koe buleaga moe bule, bea moe nāunāu oe buleaga i he lalo lagi kotoabe, e tuku ki he kakai koe kau maonioni ae Fugani Maoluga, bea ko hono buleaga koe buleaga taegata, bea e tauhi mo talagofua kiate ia ae gaahi bule kotoabe.

BEA i he kuoga koia e tuu hake a Maikale, ae Eiki lahi, aia oku tokoni ki he fānau a hoo kakai: bea e hoko ha kuoga oe mamahi, aia nae ikai aubito hano tatau talu moe i ai ha buleaga, o a‘u ki he buleaga koia: bea e fakahaofi hoo kakai i he kuoga koia, aia kotoabe e ilo‘i kuo tohi i he toni. Bea e a ae toko lahi okinautolu oku mohe i he efu o mamani, koe niihi ki he moui taegata, moe niihi ki he ma moe manuki taegata. Bea ko kinautolu oku boto e gigila o hage koe ulo oe lagi; bea ko kinautolu oku fakatafoki‘i ae toko lahi ki he maonioni, o hage koe gaahi fetuu, o taegata bea taegata. Ka ko koe, e Taniela, ke ke tabuni ae gaahi lea mo fakamau ae tohi, o a‘u ki he kuoga oe gataaga: e fealuaki fano be ae toko lahi, bea e tubu ae boto.

Ka ke alu be koe i ho hala ka e oua ke hoko ae gataaga: he te ke mālōlō bea te ke tuu i ho lakaga i he gataaga oe gaahi aho.

He oku ofi ae aho o Jihova ki he kakai hiteni; o hage koia kuo ke fai e fai behe kiate koe: e foki mai hoo totogi ki ho ulu oou.

Ka i he ene mamata kuo ha‘u ae toko lahi oe Falesi moe Satusi ki he ene babitaiso, nae behe eia kiate kinautolu, Ae fanau ae gata fekai, kohai naa ne valoki akimoutolu ke buna mei he houhau e ha‘u?

Bea koeni, kuo tuku ae toki ki he tefito oe gaahi akau: koia, koe akau kotoabe oku ikai tubu ai ae fua lelei, e ta hifo ia, bea laku ki he afi.

Oku i hono nima a hono i, bea te ne fakamaa aubito hono hahaaga, o tanaki a hono uite ki he feleoko; ka e tutu eia ae kafukafu aki ae afi taemate.

Bea kabau oku fakahala‘i koe e ho mata toomatau, kabe‘i ia, o liaki ia iate koe: he oku aoga kiate koe ke auha ho koga e taha, kae oua naa li ho jino kotoa ki heli. Bea kabau e fakahala‘i koe e ho nima toomatau, tutuu ia, o liaki ia iate koe; he oku aoga kiate koe ke auha ho koga e taha, kae oua naa li ho jino kotoa ki heli.

He koe aga koia oku mou fakamāu aki, e fakmāua ai akimoutolu: bea koe fuofua koia te mou fua aki, e toe fua aki ia kiate kimoutolu.

Mou hu i he mataba fajii: he oku falahi ae mataba, mo ataatā ae hala, oku fakatau ki he mate, bea oku hu ai ae toko lahi. Koeuhi oku fajii ae mataba, mo laujii ae hala, oku fakatau ki he moui, bea oku ilo ia e he toko jii be.

Te mou ilo akinautolu i ho nau gaahi fua. He oku toli e he kakai ae fua oe vaine i he akau talatala, be koe fiki i he talatalaamoa? Bea behe, oku tubu i he akau lelei kotoabe ae fua lelei; kae tubu i he akau kovi ae fua kovi. E ikai faa tubu i he akau lelei ae fua kovi, be tubu i he akau kovi ae fua lelei. Koe akau kotoabe oku ikai tubu ai ae fua lelei oku ta hifo, bea laku ki he afi. Koia te mou ilo akinautolu i ho nau gaahi fua.

E ikai hu ki he buleaga oe lagi akinautolu kotoabe oku behe mai kiate au, Eiki, Eiki, ka ko ia oku ne fai ae finagalo o eku Tamai oku i he lagi. E behe kiate au e he toko lahi i he aho koia, Eiki, Eiki, ikai naa mau akonaki i ho huafa? bea i ho huafa naa mau kabuji kitua ae kau tevolo? bea i ho huafa naa mau fai ae gaahi mea mana lahi? Bea teu toki fakaha kiate kinautolu, Nae ikai aubito teu iloa akimoutolu: alu iate au akimoutolu oku fai kovi.

Bea ko ia e ikai ma‘u akimoutolu, be fanogo ki hoo mou lea, oka mou ka alu mei he fale be koe kolo koia, mou tutui ae efu mei ho mou va‘e. Oku ou tala mooni kiate kimoutolu, E katakigofua ae fonua ko Sotoma mo Komola i he aho fakamāu, i he kolo koia.

Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli.

Ka oku ou tala atu kiate kimoutolu, e katakigofua a Taia mo Saitone i he aho fakamāu iate kimoutolu. Bea ko koe Kabaneume, akoe kuo hiki ki he lagi, e fakahifo koe ki heli: he ka ne fai i Sotoma ae gaahi gaue lahi, aia kuo fai iate koe, behe, kuo tuu mau ia o a‘u ki he aho ni. Ka oku ou tala atu kiate kimoutolu, E katakigofua ae fonua ko Sotoma i he aho fakamāu iate koe.

Ka oku ou tala atu kiate kimoutolu, Koe lea kovi kotoabe oku lea aki e he kakai, e fakamāu ai akinautolu i he aho fakamāu. Koeuhi e fakatonuhia‘i koe e hoo gaahi lea, bea e fakahalaia‘i koe e hoo gaahi lea.

Koe goue, ko mamani ia; koe tega lelei, koe fānau ia oe buleaga; ka koe tega kovi, koe fānau ia ae toko taha agakovi; Koe fili naa ne tutui ia, koe tevolo ia; koe ututa‘u, koe ikuaga o mamani; bea koe kau tuuji, koe kau agelo Koia o hage oku tanaki ae akau kovi o tutu i he afi; e behe foki i he ikuaga oe mamani. E fekau atu e he Foha oe tagata ene kau agelo, bea te nau tanaki mei hono buleaga ae mea kotoabe oku fakakovi, mo kinautolu oku fai agahala; Bea e laku akinautolu ki he bubua afi: bea e i ai ae tagi moe fegaiitaki oe nifo. Bea e toki ulo atu ae maonioni o hage koe laa i he buleaga oe nau Tamai. Ko ia oku ne teliga ogo, ke ogo‘i ia.

Koe taha, oku tatau ae buleaga oe lagi moe kubega, nae aau i tahi, bea tau ai ae gaahi ika kehekehe: Bea kuo fonu ia, bea nau taki ki uta, bea nofo o tanaki ae lelei ki he gaahi kato, kae liaki ae kovi. E behe foki i he ikuaga o mamani: e ha‘u ae kau agelo, o vahe‘i ae agahala mei he agatonu, O laku akinautolu ki he bubua afi; bea e i ai ae tagi moe fegaiitaki oe nifo.

He oku ha‘u mei he loto ae mahalo kovi, moe fakabo, moe tono fefine, moe feauaki, moe kaihaa, moe fakamooni loi, moa lea kovi:

He koeha hono aoga ki he tagata, o kabau te ne ma‘u a mamani kotoabe, kae mole ai hono laumalie oona; be koeha e foaki e ha tagata ke fetogi aki hono laumalie? He koe Foha oe tagata e ha‘u ia i he nāunāu o ene Tamai mo ene kau agelo; bea te ne toki totogi ai ki he tagata kotoabe o fakatatau ki he ene gaue.

O ne behe, Oku ou tala mooni atu kiate kimoutolu, Kabau e ikai liliu akimoutolu, ke tatau moe tamaiki iki, e ikai te mou hu ki he buleaga oe lagi.

Oku tatau ae buleaga oe lagi moe tu‘i e toko taha, aia nae fai ae katoaga i he taane a hono foha, O ne fekau atu ene kau tamaioeiki ke ui akinautolu nae tala ki ai ae taane: ka nae ikai te nau fie ha‘u.

Bea i he ha‘u ae tu‘i ke mamata ki he kakai, naa ne ilo‘i ae tagata kuo ikai i ai ha kofu taane. Bea behe eia kiate ia, Kaiga, nae fefe‘i hoo hu mai ki heni oku ikai hao kofu taane? Bea fakalogobe ia. Bea toki behe e he tu‘i ki he kau tamaioeiki, Ha‘i hono va‘e moe nima bea ave, o li ia ki he bouli ituaa: bea e i ai ae tagi moe fegaiitaki oe nifo.

Ae faga gata, ae fānau ae gata fekai! te mou hao fefe‘i mei he malaia o heli?

Ka ko ia e faa kataki o a‘u ki he gataaga, ko ia ia e moui.

BEA e toki tatau ae buleaga oe lagi moe kau tāuboou e toko hogofulu, naa nau too e nau gaahi tūhulu, o alu atu ke fakafetaulaki ki he tagata taane. Nae boto ho nau toko nima, kae vale ae toko nima. Ko kinautolu nae vale nae ave e nau tūhulu, ka nae ikai ave mo haa nau lolo: Ka nae ave e he boto ae lolo i he e nau gaahi ibu, bea mo e nau tūhulu. Bea i he tuai mai ae tagata taane, naa nau tulemohe kotoabe o mohe. Bea tuuabo malie mo ene ba mai ae kalaga, Vakai, oku ha‘u ae tagata taane; mou alu atu o fakafetaulaki kiate ia. Bea toki tuu hake ae kau tāuboou kotoabe koia, o teuteu e nau tūhulu. Bea lea ae vale ki he boto, Foaki mai ma amautolu i hoo mou lolo; he oku tei mate e mau tūhulu. Ka nae lea ae boto, o beheage, Ka koeuhi naa jii ia kiate kimautolu mo kimoutolu: ka mou alu kiate kinautolu oku fakatau, o fakatau maa moutolu. Bea lolotoga e nau alu ke fakatau, mo ene ha‘u ae tagata taane, bea ko kinautolu nae teuteu nae hu mo ia ki he taane: bea tabuni ae mataba. Hili ia, mo ene ha‘u foki ae kau tāuboou nae alu, o nau behe, Eiki, Eiki, too kiate kimautolu. Ka nae lea ia, o beheage, Oku ou tala mooni atu kiate kimoutolu, oku ikai teu iloa akimoutolu.

Bea beheage e he ene eiki kiate ia, Malo, koe tamaioeiki lelei mo agatonu: kuo ke fai totonu i he mea jii, teu fakanofo koe ke ke bule ki he mea lahi: hu koe ki he fiefiaaga o hoo eiki.

Oka ha‘u ae Foha oe tagata i hono nāunāu, moe kau agelo maonioni kotoabe mo ia, e toki nofo ia i he nofoa o hono nāunāu: Bea e fakakatoa i hono ao ae gaahi kakai kotoabe: bea e vahe ua eia akinautolu, o hage koe vahe‘i e he tauhi‐sibi a ene sibi mei he koji: Bea e tuku eia ae faga sibi ki hono nima toomatau, ka koe faga koji ki he toohema. Bea e toki behe e he Tu‘i kiate kinautolu i hono nima toomatau, Ha‘u, akimoutolu kuo monuia i he eku Tamai, o ma‘u ae buleaga kuo teu moo moutolu talu mei he kamataaga o mamani: He naaku fiekaia, bea naa mou foaki ae mea kai kiate au: naaku fieinua, bea naa mou foaki ae inu kiate au: koe muli au, bea naa mou fakaafe‘i au: Telefua, bea naa mou fakakofu‘i au: nāaku mahaki, bea naa mou aahi mai kiate au: naaku i he fale fakabobula, bea naa mou ha‘u kiate au. Bea e toki lea ae maonioni, o beheage kiate ia, Eiki, naa mau mamata kiate koe anefe oku ke fiekaia, bea mau fafaga‘i koe? bea fieinua, bea mau foaki ae inu kiate koe? Naa mau mamata kiate koe anefe koe muli, bea mau fakaafe‘i koe? be telefua, bea mau fakakofu‘i koe? Bea naa mau mamata kiate koe anefe oku ke mahaki, be i he fale fakabobula, bea mau alu atu kiate koe? Bea e lea ae Tu‘i, o beheage kiate kinautolu, Ko eku tala mooni atu kiate kimoutolu, Koe mea i hoo mou fai ia ki ha taha oku kihii jii hifo i hoku kaiga ni, ko hoo mou fai ia kiate au. Bea e toki tala eia foki kiate kinautolu i hono nima toohema, Alu iate au, akimoutolu kuo malaia, ki he afi taemate, nae teu ki he tevolo mo ene kau agelo: He naaku fiekaia, bea nae ikai te mou foaki ha mea kai kiate au: naaku fieinua, bea nae ikai te mou foaki ha inu kiate au: Koe muli au, bea nae ikai te mou fakaafe‘i au: telefua, bea nae ikai te mou fakakofu‘i au: mahaki, bea i he fale fakabobula, bea nae ikai te mou iahi kiate au. Bea e toki lea ai akinautolu kiate ia foki, o beheage, Eiki, naa mau mamata kiate koe anefo oku ke fiekaia, be koe fieinua, be koe muli, be telefua, be mahaki, be i he fale fakabobula, kae ikai te mau tauhi koe? Bea e toki lea ia kiate kinautolu, o behe, Ko eku tala mooni atu kiate kimoutolu, Koe mea i hoo mou tae fai ia ki ha toko taha oku kihii jii hifo iate kinautolu ni, ko hoo mou tae fai ia kiate au. Bea e alu atu akinautolu ni ki he malaia taegata: ka koe maonioni ki he moui taegata.

Ka koe lohiaki‘i oe Laumalie Maonioni e ikai fakamolemolea o lauikuoga, ka oku tuutamaki ia ki he malaia taegata:

Bea ko kinautolu e ikai ma‘u akimoutolu, be fanogo kiate kimoutolu, oka mou ka alu ai, mou tutui ae efu i ho mou va‘e, koe fakamooni kiate kinautolu. Koe mooni oku ou tala kiate kimoutolu, E katakigofua a So-toma mo Komola i he aho fakamāu, i he kolo koia.

He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo, Moe kaihaa, moe manumanu, moe agahala, moe kākā, moe aga fakalielia, moe mata kovi, moe lea kovi, moe laukau, moe vale:

Bea ko ia ia e fakahala‘i ha toko taha iate kinautolu ni oku jii oku tui kiate au, e lelei hake kiate ia o ka ne taubuga‘i aki ia ae maka momoji i hono kia, bea li ia ki he moana. Bea kabau e fakahala‘i koe e ho nima, tutuu ia: oku lelei kiate koe ke ke hu ki he moui oku ke nima mutu, i hoo ma‘u ae nima e ua, kae alu ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho va‘e, tutuu ia: oku lelei kiate koe ke ke hu ki he moui oku ke ketu, i hoo ma‘u ae va‘e e ua, kae li koe ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho mata, kabe‘i ia: oku lelei kiate koe ke ke hu ki he buleaga oe Otua moe mata be taha, i hoo ma‘u ae mata e ua, kae li koe ki he afi o heli; Aia oku ikai mate ai ho nau uaga, bea ikai faa tamate‘i ae afi.

Ko ia ia e tui mo babitaiso, e moui; ka ko ia ia e ikai tui, e malaia.

Oku i hono nima a hono fohe, bea te ne fakamaa aubito hono hahaaga, bea e tanaki ae uite ki hono feleoko; ka e tutu eia ae kafukafu aki ae afi taemate.

He oku ikai ha mea oku ufiufi, e tae fakaha; be fufu, e taeiloa ia. Bea koia kotoabe kuo mou lea aki i he bouli, e fanogo ia i he māma; bea koia kuo mou fanafana aki i he gaahi loki, e kalagaekina ia mei he tua fale. Bea oku ou tala atu kiate kimoutolu ko hoku kaiga, Oua te mou manavahe kiate kinautolu oku tamate‘i ae jino, bea hili ia oku ikai mo ha mea te nau faa fai. Ka teu fakaha kiate kimoutolu aia te mou manavahe ki ai: manavahe kiate ia, aia, oka hili ene tamate‘i, oku ne faa fai ke li ki heli; io, oku ou behe kiate kimoutolu, manavahe kiate ia.

Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki.

Bea toki behe e he toko taha kiate ia, Eiki, koe toko jii be te nau moui? Bea behe eia kiate kinautolu, Fai feiga ke hu i he mataba fajii: he oku ou tala kiate kimoutolu, E kumi e he toko lahi ke hu ki ai, kae ikai te nau mafai. Bea ka tuu hake ae eiki oe fale, o tabuni ae mataba, bea te mou tutuu leva i he mataba itua, o tukituki, mo behe ai, Eiki, Eiki, too kiate kimautolu; bea e lea ia, o behe mai kiate kimoutolu, Oku ikai teu ilo be ko hoo mou ha‘u meife: Bea te mou lea leva, o behe, Naa mau kai mo inu i ho ao, bea naa ke akonaki i ho mau gaahi hala. Ka e behe eia, Oku ou tala atu kiate kimoutolu, Oku ikai teu ilo be ko hoo mou ha‘u meife; alu iate au akimoutolu kotoabe oku fai agahala. E ai ae tagi moe fegaiitaki oe nifo, oka mou ka mamata kia Ebalahame, mo Aisake, mo Jekobe, moe kau balofita kotoabe, i he buleaga oe Otua, ka kuo kabuji akimoutolu kituaa.

Ka oka ke ka teu ae katoaga, ui ae kau majiva, moe lavea, moe bibiki, moe kui: E monuia ai akoe; he oku ikai te nau faa totogi kiate koe: ka e totogi kiate koe i he toetuu oe agatonu.

Bea nae manuki kiate ia ae toko taha oe ogo fai kovi nae tautau, o ne behe, Kabau koe Kalaisi koe, fakamoui koe mo kimaua. Ka nae leaage a hono toko ua, o ne valoki ia, o behe, Ikai, te ke manavahe koe ki he Otua, he oku ke malaia foki? Bea oku totonu kiate kitaua, he koe totogi totonu oe ta gaue: ka nae ikai ha kovi e fai e he tagata ni. Bea behe eia kia Jisu, Eiki ke ke manatu‘i au, oka ke ka hoko ki ho buleaga. Bea beheage e Jisu kiate ia, Oku ou tala mooni kiate koe, Te ta i Bala-taisi mo au he aho ni.

Bea behe e Jisu, Koe mooni, koe mooni, oku ou tala kiate koe, Kabau e ikai fanau‘i ae tagata i he vai bea moe Laumalie, e ikai aubito faa hu ia ki he buleaga oe Otua.

He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata. He nae ikai fekau e he Otua hono Alo ki mamani ke fakamalaia a mamani: ka koeuhi ke moui a mamani iate ia. Ko ia oku tui kiate ia, oku ikai fakamalaia ia: ka ko ia oku ikai tui, oku fakamalaia ni ia, koeuhi oku ikai tui ia i he huafa oe Alo be taha nae tubu i he Otua. Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue. He ko ia fulibe oku fai kovi oku fehia ki he māma, bea oku ikai ha‘u ia ki he māma, telia naa fakaha ai ene gaahi gaue. Ka ko ia oku fai ki he mooni, oku ha‘u ia ki he māma, koeuhi ke fakaha ai ene gaahi gaue, oku fai ia i he Otua.

Ko ia oku tui ki he Alo, oku ne ma‘u ae moui taegata: bea ko ia oku ikai tui ki he Alo, e ikai te ne mamata ki he moui; ka oku nofo be kiate ia ae houhau oe Otua.

Koe mooni, koe mooni, oku ou tala kiate kimoutolu, Ko ia oku fanogo ki he eku lea, o tui kiate ia naa ne fekau au, oku iate ia ae moui taegata, bea e ikai fakamalaia ia; ka kuo hao mei he mate ki he moui. Koe mooni, koe mooni, oku ou tala kiate kimoutolu, Oku ha‘u ae aho, bea ko eni ia, e fanogo ai ae mate ki he le‘o oe Alo oe Otua; bea ko kinautolu e fanogo te nau moui. He oku hage oku ma‘u e he Tamai ae moui iate ia be; bea oku behe be ene tuku ki he Alo, ke ne ma‘u ae moui iate ia be; Bea kuo ne tuku kiate ia ae bule ke aana ae fai oe fakamāu foki, koeuhi koe Alo ia oe tagata. Oua te mou ofo ai: he oku ha‘u ae aho, e fanogo ai ki hono le‘o akinautolu kotoabe oku i he gaahi tanuaga, Bea te nau alu atu; ko kinautolu nae fai lelei, ki he toetuu oe moui; mo kinautolu nae fai kovi, ki he toetuu oe fakamalaia.

Bea koe finagalo eni o la naa ne fekau au, koeuhi ko ia fulibe oku mamata ki he Alo, bea tui kiate ia, ke ne ma‘u ae moui taegata; bea teu fokotuu ia i he aho fakamui.

E ikai ha tagata e faa ha‘u kiate au, o kabau e ikai tohoaki ia e he Tamai aia naa ne fekau‘i au: bea teu fokotuu ia i he aho fakamui.

Koe mooni, koe mooni, oku ou tala kiate kimoutolu, Ko ia oku tui kiate au, oku iate ia ae moui taegata.

Ko ia oku ne kai hoku jino, mo inu hoku toto, oku iate ia ae moui taegata; bea teu fokotuu ia i he aho fakamui.

Bea toe tala e Jisu kiate kinautolu, Oku ou alu, bea te mou kumi kiate au, ka te mou mate i hoo mou agahala: koe botu oku ou alu ki ai, e ikai te mou hokojia.

Bea tala e Maata kiate ia, Oku ou ilo e toe tuu ia i he toetuu i he aho fakamui. Bea talaage e Jisu kiate ia, Ko au koe toetuu, moe moui: ko ia oku tui kiate au, ka ne mate ia, e moui be ia:

Ko eni ae fakamāu oe mamani: e kabuji eni ae eiki oe mamani kituaa.

Ko ia oku ne liaki au o ikai ma‘u eku gaahi lea, oku ai ha taha oku fakamāu‘i ia: koe lea kuou lea aki, ko ia te ne fakamāu‘i ia i he aho fakamui.

Kabau e ikai nofo ha tagata iate au, oku liaki ia o hage koe vaa oku mate; bea tanaki ia e he kakai, o li ki he afi, bea vela ai ia.

Bea naa ne fekau kiate kimautolu ke mau malaga ki he kakai, mo fakamooni ko ia ia kuo fakanofo e he Otua koe Fakamāu ki he moui moe mate.

Bea nae ikai fie afio‘i e he Otua ae gaahi kuoga oe vale ni, ka oku ne fekau eni ki he kakai kotoabe, i he botu kotoabe, ke nau fakatomala: Koeuhi kuo ne kotofa ae aho, te ne fakamāu maonioni ai a mamani, i he tagata kuo ne fakanofo; bea kuo ne fakababau ia ki he kakai kotoabe, i he ene fokotuu ia mei he bekia. Bea i he e nau fanogo ki he toetuu ae bekia, nae manuki ae niihi: kae behe e he niihi, Te mau toe fanogo iate koe ki he mea ni.

Bea oku ou ma‘u ae amanaki lelei ki he Otua, aia oku ma‘u foki ekinautolu, e ai ha toetuu oe bekia, ae agatonu moe taeagatonu. Bea ko eni ia oku ou gaue ai eau, keu ma‘u mau ai be ae loto taehalaia ki he Otua, bea moe kakai.

Bea i he ikai te nau loto ke ilo‘i ae Otua, nae fakatukutuku‘i akinautolu e he Otua ki he loto kovi, ke fai ae gaahi mea koia oku ikai gali; Kuo fakafonu aki ae taemaonioni kotoabe, moe feauaki, moe agakovi, moe manumanu, moe fakafajifaji; o fonu i he meheka, moe fakabo, moe feiteitani, moe kākā, moe fajituu; Koe kau fefanafanahi kovi, moe kau fakakovi, moe kau fehia ki he Otua, moe fakamalohi, moe laukau, moe kau bolebole, moe kau fakatubu oe gaahi mea kovi, moe talagataa ki he mātua: Koe taeboto, koe kau maumau fuakava, mo taema‘u ae ofa fakafeo-foofani koe agafakamolokau, moe taemanavaofa: Akinautolu oku nau ilo ae tuutuuni ae Otua, kuo totonu ke mate akinautolu oku fai ae gaahi mea behe, bea oku ikai ke gata i he e nau fai behe be, ka oku nau kau malie foki mo kinautolu oku fai ia.

KOIA, e tagata, akoe oku ke fakamāu, e ikai te ke hao koe: he koe mea koia oku ke fakamāu ai ha taha, oku ke fakamāu‘i ai koe; he ko koe oku ke fakamāu, oku ke fai ae gaahi mea behe. Ka oku tau ilo bau oku tāu moe fai totonu ae fakamāu ae Otua kiate kinautolu oku fai ae gaahi mea behe. Bea ko koe, e tagata, oku ke fakamāu‘i akinautolu oku fai ae gaahi mea behe, ka oku ke fai behe be ekoe, oku ke mahalo te ke hao koe mei he fakamāu ae Otua? Be oku ke loto manuki ki he lahi faufau o ene agalelei, moe faa kataki, moe kataki ofa; o ikai te ke ilo koe agalelei ae Otua koe mea ke tataki koe ki he fakatomala? Ka i ho loto fefeka moe taefakatomala, oku ke fokotuu ai maau ae houhau ki he aho oe houhau, moe fakaha oe fakamāu totonu ae Otua; Aia te ne atu ai ki he tagata taki taha o fakatatau ki he ene gaahi gaue: Koe moui taegata kiate kinautolu oku kumi ki he ogoogo lelei, moe hakeaki‘i, moe moui taemate, i he fakakukafi mau ai be i he fai lelei: Ka koe mamahi moe houhau kiate kinautolu oku agatuu, bea ikai talagofua ki he mooni, kae talagofua ki he taemaonioni, Koe tautea moe feiga ki he laumalie oe tagata kotoabe oku fai kovi, o muomua ki he Jiu, bea ki he Jenitaile foki; Ka koe ogoogo lelei, moe hakeaki‘i, moe fiemalie, ki he tagata kotoabe oku fai lelei, o muomua ki he Jiu, bea ki he Jenitaile foki: He oku ikai i he Otua ha filifilimanako ki he tagata.

He ko kinautolu kotoabe kuo agahala tae ha fono, e auha foki tae ha fono: bea ko kinautolu kotoabe kuo agahala kuo ai ae fono, e fakamāu aki akinautolu ae fono; (He oku ikai tonuhia i he ao oe Otua ae kau fanogo ki he fono, ka koe kau fai ki he fono e fakatonuhia‘i. Koeuhi i he fai mei ho nau loto e he gaahi Jenitaile, ae gaahi mea i he fono, ka oku ikai iate kinautolu ae fono, bea ko kinautolu ni oku ikai ma‘u ae fono, koe fono akinautolu kiate kinautolu: Akinautolu oku fakaha hono uhiga oe fono kuo tohi togi i ho nau loto, bea fakamooni mo ho nau loto foki, bea oku fakahala‘i be fakatonuhia‘i akinautolu e he e nau gaahi fakakaukau;) I he aho e fakamāu ai e he Otua ia Jisu Kalaisi ae gaahi mea fufu i he kakai, o fakatatau ki he eku ogoogolelei.

Koeni, oku tau ilo koia kotoabe oku fakaha i he fono, oku fakaha ia kiate kinautolu oku moulaloa ki he fono: koeuhi ke mabuni ae gutu kotoabe, kae nofo a mamani kotoabe kuo halaia i he ao oe Otua.

Ka koeuhi ko kitautolu foki, aia e lau ia ki ai, o kabau te tau tui kiate ia naa ne fokotuu hake ho tau Eiki ko Jisu mei he mate; Aia nae takuage koeuhi koe tau gaahi agahala, bea nae fokotuu hake ia koeuhi ko ho tau fakatonuhia.

Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou. He kabau kuo tau to fakataha mo ia i he tatau o ene bekia, te tau i he tatau foki o ene toetuu:

Ka koeni, i hono fakatauataina akimoutolu mei he agahala, bea hoko koe kau tamaioeiki ki he Otua, kuo ai ho mou fua koe maonioni, bea ko hono gataaga koe moui taegata. He koe totogi oe agahala koe mate; ka koe moui taegata koe foaki ofa ia ae Otua ia Jisu Kalaisi ko ho tau Eiki.

BEA koia oku ikai ai ha fakamalaia kiate kinautolu oku ia Kalaisi Jisu, akinautolu oku ikai ke muimui ki he kakano, ka ki he Laumalie. He koe fono oe Laumalie oe moui ia Kalaisi Jisu, kuo ne fakatauataina au mei he fono oe agahala moe mate.

Ae kaiga ofeina, oua naa mou fai ae totogi koeuhi ko kimoutolu, ka mou fakaataatā ki he houhau: he kuo tohi, Oku aaku ae totogi; oku behe e he Eiki, teu totogi be eau.

Ka koeha oku ke fakamāu ai ho tokoua? bea koeha oku ke manuki ai ki ho tokoua? he te tau tutuu kotoabe i he fakamāuaga o Kalaisi. He kuo tohi, Oku behe e he Eiki, Ko au oku ou moui, e beluki ae tui kotoabe kiate au, bea e vete ae elelo kotoabe ki he Otua. Koia te tau fakamatala atu taki taha kotoabe ia ki he Otua.

Aia te ne fakatuu mau akimoutolu foki o a‘u ki he gataaga, koeuhi ke mou taehala i he aho o ho tau Eiki ko Jisu Kalaisi.

He oku ikai ha taha te ne faa ai ha tuuga kehe, ka koia be kuo ai, aia ko Jisu Kalaisi. Bea kabau oku fokotuu e ha taha ki he tuuga ni, ha koula, be siliva, be ha gaahi maka koloa, be koe akau, be koe mohuku, be koe tefito‘i kaho; E fakaha ae gaue ae kakai kotoabe taki taha: koeuhi e fakailo ia i he aho, koeuhi e fakaha ia e he afi; bea e ahiahi‘i e he afi ae gaue ae kakai kotoabe be koeha hono aga. Kabau e tuu mau ae gaue aia kuo fokotuu e ha taha, te ne ma‘u ae totogi. Kabau e vela ae gaue a ha taha, e majiva ai ia: bea e fakamoui be ia; ka e hage ha hao mei he afi.

Koia oua naa fakamāu ha mea i he teeki hoko hono kuoga, bea oua ke hoko mai ae Eiki, aia te ne omi ki he māma ae gaahi mea fufu oe bouli, bea te ne fakaha ae gaahi filioi oe loto: bea e toki ma‘u ai o taki taha kotoabe ae fakamalo mei he Otua.

Ikai oku mou ilo, e ikai hoko e he tae fai totonu ki he buleaga oe Otua? Oua naa kākā‘i akimoutolu: koe kau feauaki, moe kau tauhi tamabua, moe kau tonofefine, moe kau moui fakafiemalie, moe kau fefai fakalieliaaki iate kinautolu, Moe kau kaihaa, moe manumanu, moe kau faa kona, moe kau lea kovi, moe kau fakamalohi, e ikai te nau lava‘i ae buleaga oe Otua. Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

He ka ne tau fakamāu‘i akitautolu, behe, e ikai fakamāu kiate kitautolu.

Ka koeni, kuo toe tuu a Kalaisi mei he bekia, bea kuo hoko ia koe uluaki fua okinautolu nae mohe. He koe mea i he tagata nae hoko ai ae mate, bea e hoko i he tagata foki ae toetuu oe mate. He oku hage oku mate kotoabe ia Atama, e behe foki e moui kotoabe ia Kalaisi. Ka koe tagata taki taha kotoabe i hono lakaga: koe uluaki fua a Kalaisi; bea hoko mo kinautolu oku o Kalaisi, i he ene ha‘u. Bea e toki hoko ae ikuaga, aia te ne atu ai ae buleaga ki he Otua, io, koe Tamai; hili ene ikuna ae bule kotoabe, moe fekau kotoabe, moe malohi. He kuo bau be ke bule ia, kae oua ke ne tuku a hono gaahi fili kotoabe ki hono lalo va‘e. Koe fili fakamui e fakaauha, koe mate. He kuo tuku eia ae gaahi mea kotoabe ki hono lalo va‘e. Ka i he ene behe, kuo fakamoulaloa ae gaahi mea kotoabe, oku ilogofua be oku ataatā ia, aia naa ne tuku ae gaahi mea kotoabe ki lalo iate ia. Bea ka oji hono fakavaivai oe gaahi mea kotoabe kiate ia, e toki aganofo ae Foha kiate ia naa ne tuku ae gaahi mea kotoabe ki lalo iate ia, koeuhi ke tāfataha be ae Otua i he mea kotoabe.

Bea oku behe be ae toetuu ae mate. Oku tūtūi ia i he auauha: oku fokotuu hake ia i he tae faa auauha: Oku tūtūi ia i he fakalielia; oku fokotuu ia moe nāunāu: oku tūtūi ia i he vaivai; oku fokotuu ia i he malohi: Oku tūtūi ia koe jino fakakakano; oku fokotuu ia koe jino fakalaumalie. Oku ai ae jino fakakakano, bea oku ai moe jino fakalaumalie. Bea kuo tohi o behe, Koe uluaki tagata ko Atama nae gaohi ia koe laumalie moui; koe Atama fakamui koe laumalie fakamoui. Ka nae ikai muomua aia oku laumalie, ka koia oku fakakakano; kae toki hoko aia oku fakalaumalie. Koe uluaki tagata, oku mei he kelekele, oku kelekeleia: ko hono ua oe tagata, koe Eiki mei he lagi. Hage koe kelekeleia, oku behe be foki akinautolu oku kelekeleia: bea hage koia oku mei he lagi, oku behe be foki akinautolu oku fakalagi. Bea hage koe tau i he tatau oe kelekeleia, te tau ma‘u foki ae tatau o ia oku mei he lagi.

Bea oku ou tala eni, e kaiga, e ikai faa ma‘u e he kakano moe toto ae buleaga oe Otua; bea oku ikai faa ma‘u e he auauha ae tae faa auauha. Vakai, oku ou fakaha ha mea fufu kiate kimoutolu; E ikai te tau mohe kotoabe, ka te tau liliu kotoabe, I he fakafokifa, i he kemo oe mata, i he ba fakamui oe mea lea: koeuhi e ba mai ia, bea e fokotuu hake ai ae mate, o tae faa auauha, bea e liliu ai akitautolu. He kuo bau ke ai e he auauha ni, ae tae faa auauha, bea ke ai e he mate ni ae taemate. Koia, bea ka oji hono ai e he auauha ni ae tae faa auauha, moe ai e he mate ni ae taemate, e toki fakamooni ae lea kuo tohi, Kuo folo hifo ae mate e he malohi.

He kuo bau e fakaha akitautolu kotoabe i he ao oe nofoaga fakamāu o Kalaisi; koeuhi ke ma‘u taki taha kotoabe ae gaahi mea o fakatatau ki he mea naa ne fai i he jino, be ko ha lelei ia be ko ha kovi. Koia i he e mau ilo ae houhau oe Eiki, oku mau fakaloto‘i ae kakai; ka kuo fakaha atu akimautolu ki he Otua; bea oku ou behe, kuo fakaha atu ki ho mou loto foki.

He oku ou manavahe, telia i he eku hoko atu, e ikai teu ilo akimoutolu o tāu mo hoku loto, bea te mou ilo‘i au o taetāu mo ho mou loto: telia naa oku ai ae fakakikihi, ae femehekaaki, ae feiteitani, ae fekeikei, ae felauiaki, ae fefanafanahi, ae fakamofutofuta, ae maveuveu: Bea telia naa i he eku toe hoko atu e fakavaivai‘i au e hoku Otua iate kimoutolu, bea teu tagilaulau i he toko lahi kuo nau fai agahala bea oku teeki ai ke nau fakatomala i he gaue uli moe feauaki moe agafakalielia aia kuo nau fai.

Bea oku ha mai ae gaahi gaue ae kakano, ko eni ia; Koe tono fefine, moe feauaki, moe taemaa, moe fakalielia, Moe tauhi tamabua, moe fie mana, moe taufehia, moe fekeikei, moe fefie-lahiaki, moe lili, moe feiteitani, moe mavahevahe, moe gaahi he, Moe femehekaaki, moe fefaka-boaki, moe faa kona, moe gaahi katoaga kai, moe gaahi mea behe ni: aia oku ou tomua tala ni kiate kimoutolu, o hage ko eku tala i he kuoga kuo hili, ko kinautolu oku fai ae gaahi mea behe, e ikai te nau lava‘i ae buleaga oe Otua.

Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki. He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

Aia oku tau ma’u ai ae huhui i hono taataa, koe fakamolemole oe gaahi agahala, o fakatatau mo hono lahi aubito o ene ofa;

Ka koe feauaki, moe uli kotoabe, moe manumanu, ke oua naa lea tuo taha ki ai iate kimoutolu, o hage koia oku tāu moe kaiga maonioni; Bea koe fakalielia, moe talanoa launoa, moe fie gutuhua, aia oku ikai lelei: kae lelei lahi ae fakafetai. He oku mou ilo eni, oku ikai ha feauaki, be ha taha uli, be ha tagata manumanu, aia koe tauhi tamabua, te ne ma‘u ha tofia i he buleaga o Kalaisi moe Otua. Oua naa kākā‘i akimoutolu e ha toko taha aki ae gaahi lea launoa: he koeuhi koe gaahi mea ni oku hoko ai ae houhau oe Otua ki he fānau talagataa.

Koeuhi keu ilo‘i ia, moe malohi o ene toetuu, beau kau i he ene gaahi mamahi, i he fakatatau au ki he ene bekia; Kabau teu faa lava‘i i he mea kotoabe ae toetuu mei he mate.

He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi: Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.

Aia kuo ne fakamoui akitautolu mei he malohi oe bouli, bea kuo ne hiki akitautolu ki he buleaga o hono Alo ofaaga: Aia oku tau ma‘u ai ae huhui i hono taataa, koe fakamolemole oe gaahi agahala:

I he jino o hono kakano, i he mate, koeuhi ke ne atu akimoutolu oku mou maonioni mo taemele mo taevalokiia i hono ao: O kabau te mou tuu mau i he tui o aka mo tuu fakamakatuu, bea ikai hiki mei he amanaki lelei oe ogoogolelei, aia naa mou fanogo, bea nae malaga aki ki he kakai kotoabe i lalo lagi; aia kuo fakanofo au ko Baula koe faifekau o ia;

Koia mou tamate‘i ho mou gaahi kubu oku i mamani; koe feauaki, moe gaue uli, moe fakalielia, moe holi kovi, moe manumanu, aia koe tauhi tama-bua: He koeuhi koe gaahi mea behe oku hoko ai ae houhau oe Otua ki he fānau talagataa: Aia naa mou aeva ai foki i mu‘a, i hoo mou moui ki ai. Ka koeni oku mou jiaki aeni kotoabe foki; ae ita, moe lili, moe fakafajifaji, moe kabekabe, moe lea uli mei ho mou gutu. Oua naa mou felohiaki, he kuo mou jiaki ae tagata motua mo ene gaahi gaue;

Ka ko ia oku fai taetotonu, te na ma‘u o hage koe taetotonu kuo ne fai i bea oku ikai ha filifilimanako ki he kakai.

Koeuhi ke ne fokotuu mau o taehalaia ho mou loto i he maonioni, i he ao oe Otua, koe tau Tamai, i he haele mai a ho tau Eiki ko Jisu Kalaisi mo ene kau maonioni kotoabe.

Bea ofa ke fakamaonioni haohaoa akimoutolu e he Otua oe melino: bea ofa ke fakatologa taehalaia akimoutolu a ho mou laumalie kotoa, mo ho mou loto, mo ho mou jino, o a‘u ki he haele mai a ho tau Eiki ko Jisu Kalaisi.

Aia koe fakailoga oe fakamāu totonu oe Otua, koeuhi ke lau akimoutolu oku mou tāu moe buleaga oe Otua, aia oku mou mamahi ai foki: He koe mea totonu i he Otua ke totogi aki ae mamahi kiate kinautolu oku fakamamahi’i akimoutolu; Ka kiate kimoutolu oku mamahi, koe fiemalie mo kimautolu, oka fakaha mai ae Eiki ko Jisu mei he lagi mo ene kau agelo malohi, I he afi uloulo moe fai totogi kiate kinautolu oku ikai te nau ilo ae Otua, bea oku ikai talagofua ki he ogoogolelei o ho tau Eiki ko Jisu Kalaisi: Akinautolu e tautea aki ae fakaauha taegata mei he ao oe Eiki, bea mei he nāunāu o ene mafimafi; Oka ha’u ia ke fakahikihiki’i e he ene kakai maonioni, bea ke fakatumutumu ai, i he aho koia, akinautolu kotoabe oku tui; he naa mou tui ki he e mau fakamooni iate kimoutolu.

Ka oku tau ilo oku lelei ae fono, o kabau oku gaue aoga aki ia e he tagata; O ilo eni, nae ikai gaohi ae fono ki he tagata maonioni, ka ki he kau liaki fono, moe talagataa, moe taelotu, moe kau agahala, ki he taemaa, moe manuki, ki he kau tamate‘i oe tamai moe tamate‘i oe fa‘e, moe kau tamate‘i oe tagata, Ki he kau feauaki, kiate kinautolu oku fefakauliaki akinautolu moe kakai, ki he kau kaihaa tagata, ki he kau loi, ki he kau fuakava loi, bea moia kotoabe oku tuu kehe moe akonaki totonu; O fakatatau moe ogoogolelei nāu-nāuia oe Otua monuia, aia nae tuku mai keu tauhi ia.

Bea koe gaahi mea ni ke ke fekau aki koeuhi ke nau taehalaia.

He nae ikai te tau omi ha mea ki he mamani, bea kuo bau e ikai te tau faa ave ai ha mea.

Ke ke tauhi ae fekau ni o taemele, bea taevalokia, o a‘u ki he fakaha mai a ho tau Eiki ko Jisu Kalaisi:

Koe tala mooni eni: He kabau kuo tau mate mo ia, te tau moui foki mo ia: Kabau oku tau faa kataki, te tau bule foki mo ia: kabau te tau liaki ia, te ne liaki akitautolu foki:

KOIA oku ou fekau i he ao oe Otua, moe Eiki ko Jisu Kalaisi, aia te ne fakamāu ae moui moe mate i he ene fakaha mai mo hono buleaga;

He oku ou tali be ki hoku liligi, bea oku ofi ae aho o hoku tukuage. Kuou tau ae tau lelei, kuou lava‘i ae fakabuebue, kuou tauhi mau ae tui: Gata ai, kuo hilifaki mooku ae bale oe maonioni, aia e foaki mai kiate au i he aho koia e he Eiki, koe Fakamāu maonioni: bea ikai kiate au be, ka kiate kinautolu kotoabe foki oku ofa ki hono fakaha mai.

KOE mea ia oku totonu ke ajili ai e tau tokaga lahi ki he gaahi mea kuo tau fanogo ki ai, telia naa tau tukuage mei ai i ha aho. He kabau nae tuu mau ae lea nae lea aki e he kau agelo, bea koe maumau‘i moe talagataa kotoabe nae ma‘u hono totogi totonu; E hao fefe akitautolu, o kabau te tau taetokaga ki he fakamoui lahi koia? aia nae fuofua fakaha e he Eiki, bea nae fakamooni ia kiate kitautolu ekinautolu nae fanogo kiate ia;

Bea hage kuo bau ke mate o tuo taha ae kakai, kae hili ia koe fakamāu:

Beau toki behe, E Otua, vakai, oku ou ha‘u ke fai ho finagalo: he kuo tohi i he tohi takai iate au.

Bea tau fetokagaaki ke fefaka-aiaiaki akitautolu ki he ofa moe gaahi gaue lelei: Ke oua naa jiaki ekitautolu e tau faa fakataha o hage koia oku fai e he niihi; kae feakonakiaki akimoutolu: bea ajili ai, ko hoo mou ilo oku ofi mai ae aho. He kabau te tau agahala ko ho tau loto, ka kuo hili e tau ma‘u ae ilo oe mooni, oku ikai kei toe ha feilaulau koeuhi koe agahala, Ka koe amanaki fakailifia ki he fakamāu moe houhau vela, aia e fakaauha aki ae gaahi fili.

He oku tau ilo ia aia kuo ne behe, Oku behe e Jihova, Oku aaku ae tautea, teu totogi eau. Bea toe behe, E fakamāu e Jihova a hono kakai. Koe mea fakailifia ke to ki he nima oe Otua moui.

Ka kuo mou hoko ni ki he mouga ko Saione, ki he kolo oe Otua moui, ki he Jelusalema mei he lagi, bea ki he fakataha oe kau agelo toko lahi taefaalaua, Ki he fakatahaaga lahi, bea ki he jiaji oe uluaki fanau, aia kuo tohi i he lagi, bea ki he Otua koe fakamāu oe kakai kotoabe, bea ki he gaahi laumalie oe kau tagata agatonu kuo fakahaohaoa,

Koe fakamau unoho moe mohega taeuli‘i, oku telei ia ki he kakai kotoabe: ka koe kau feauaki moe kau tono fefine e fakamāu e he Otua.

He kuo lahi kiate kitautolu ae kuoga kuo hiliage oe tau moui ke fai ai ae loto oe kakai Jenitaile, aia naa tau aeva ai i he aga fakalielia, moe gaahi holi kovi, moe inu lahi i he uaine, i he gaahi katoaga kai, moe gaahi katoaga inu uaine, moe fakalielia oe tauhi tamabua:

Akinautolu e fakamatala kiate ia oku teu ke ne fakamāu‘i ae moui moe mate. He koe mea ko eni nae malaga aki ai ae ogoogolelei kiate kinautolu foki kuo mate, koeuhi ke fakamāu akinautolu i he kakano, o fakatatau ki he tagata, kae moui o fakatatau ki he Otua i he laumalie. Ka kuo ofi ae gataaga oe mea kotoabe: koia mou fai fakabotoboto, mo leo ke lotu.

He koe kuoga eni ke fuofua fai ae tautea ki he fale oe Otua: bea ka kamata kiate kitautolu, bea e fefe ae gataaga o kinautolu oku ikai talagofua ki he ogoogolelei oe Otua?

He kabau nae ikai mamae ae Otua ki he kau agelo nae agahala, ka nae li hifo akinautolu ki heli, o tuku ki he gaahi ha‘iha‘i oe fakabouli, ke tatali ki he fakamāu;

Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea: Ka e lahi kiate kinautolu oku aeva o fakatatau ki he kakano i he holi fakalielia, bea nau manuki‘i ae bule. Koe kau aga malohi, moe kau aga fefeka, oku ikai te nau manavahe ke lauikovi ae kau bule. Ka koe kau agelo, oku nau lahi hake i he malohi moe mafai, oku ikai te nau lauikovi akinautolu i he ao oe Eiki. Ka ko kinautolu ni oku fakakakano, o hage koe faga manu taeloto, kuo gaohi ke moua mo fakaauha, oku nau lea kovi ki he gaahi mea oku ikai te nau ilo‘i; bea e auha aubito akinautolu i he e nau kovi a nautolu; Bea te nau ma‘u ae totogi oe taemaonioni; akinautolu oku behe koe mea malie ke fai kovi oku kei aho. Koe gaahi ila moe gaahi mele akinautolu, oku nau vaiga aki a ho nau kākā‘i, lolotoga e nau katoaga be mo kimoutolu; Ko ho nau mata oku fonu i he tono fefine, bea oku ikai faa tuku ae agahala; oku nau tauhele ae kau laumalie tae-mau: oku iate kinautolu ae loto kuo boto i he gaahi gaue manumanu; koe fānau malaia: Kuo nau jiaki ae hala totonu, bea alu hehe, o muimui i he hala o Belami koe foha o Bosoa, aia naa ne manako ki he totogi oe taemaonioni: Ka nae valoki ia i he ene agahala: i he lea ae asi noa aki ae le‘o oe tagata, o ne taofi ki he vale ae balofita. Koe gaahi luo tae ai ha vai akinautolu ni, koe gaahi ao oku viligia e he afā; akinautolu kuo tuku tologa ki ai ae uliuli oe fakabouli taegata.

Ka koe gaahi lagi moe fonua oku tuu ni, kuo fokotuu ia aki a ene folofola be koia, o fakatologa ki he afi i he aho fakamāu moe fakaauha oe kakai agahala. Ka koeni, e kaiga, ke oua te mou taeilo ki he mea ni e taha, koeuhi koe aho e taha oku tatau ki he Eiki moe ta‘u e afe, bea koe ta‘u e afe oku tatau moe aho be taha. Oku ikai fakatuotuai e he Eiki ki he ene talaofa, o hage koe lau ae niihi koe tuotuai; ka oku kataki fuoloa kiate kitautolu, o ikai finagalo ke auha ha toko taha, ka koeuhi ke hoko o fakatomala kotoabe.

Ka e hoko ae aho oe Eiki o hage ha kaihaa i he bo; aia e mole ai ae gaahi lagi i he logoaa lahi, bea e vela o auha ae gaahi tefito‘i mea, bea koe fonua foki moe gaahi gaue oku i ai e vela o oji ia. Koia i he ene bau be ke auha ae gaahi mea ni kotoabe, koeha ae aga oku tāu mo kimoutolu i he ulugaaga maonioni moe aga faka‐Otua; O amanaki mo holi atu ki he hoko mai oe aho oe Otua, aia e vela o auha ai ae gaahi lagi, bea e vai i he vela lahi ae gaahi tefito‘i mea? Ka oku tau amanaki ki he gaahi lagi foou moe fonua foou, aia oku nofo ai ae maonioni, o fakatatau ki he ene talaofa.

Koia, e kaiga, koe mea i hoo mou amanaki ki he gaahi mea behe, mou hagahaga fai be koeuhi ke ilo eia akimoutolu oku mou melino tae ha ila, mo taehalaia.

VAKAI ki hono aga oe ofa kuo foaki mai e he Tamai kiate kitautolu, koeuhi i he ui akitautolu koe fānau ae Otua: koia oku ikai iloa ai akitautolu e mamani, koeuhi nae ikai ke ne ilo ia. E kaiga ofeina, ko eni koe fānau ae Otua akitautolu, bea oku teeki ai ha mai be te tau hoko koeha: ka oku tau ilo, oka ha mai ia, te tau tatau be mo ia; he te tau mamata totonu kiate ia.

Oku tau ilo kuo tau hao mei he mate ki he moui, koe mea i he e tau ofa ki he kaiga. Ko ia oku ikai ofa ki hono tokoua, oku nofo be ia i he mate. Ko ia kotoabe oku fehia ki hono tokoua, koe fakabo ia: bea oku mou ilo oku ikai ha fakabo e iate ia ae moui taegata.

I he mea ni oku fakahaohaoa ae ofa iate kitautolu, koeuhi ke tau loto malohi i he aho oe fakamāu: koeuhi oku tau hage ko ia i he mamani.

Bea ko eni ae fakamooni, kuo foaki e he Otua ae moui taegata kiate kitautolu, bea koe moui ni oku i hono Alo. Ko ia oku ne ma‘u ae Alo, oku ne ma‘u moe moui; bea ko ia oku ikai te ne ma‘u ae Alo oe Otua, oku ikai te ne ma‘u ae moui.

Bea koe kau agelo nae ikai ke tuu mau i ho nau muaki aluga, ka naa nau tukuage ho nau nofoaga, kuo ne tuku ke moua akinautolu ki he gaahi ha‘i taegata oe fakabouli o a‘u ki he fakamāu oe aho lahi. O hage foki ko Sotoma mo Komola, moe gaahi kolo naa nau vaofi mo fai tatau, o nau tuku akinautolu ki he feauaki, moe muimui ki he feholikoviaki, kuo fokotuu koe fakailoga, o nau moua i he totogi oe afi taegata.

Koe gaahi beau lili oe tahi. oku nau koa atu e nau fakama; koe gaahi fetuu he fano be, bea kuo tuku moo nautolu ae uliuli oe fakabouli taegata.

Ke fai ae fakamāu ki he kakai kotoabe, mo fakamooni ki he kakai taelotu kotoabe ae nau gaahi gaue fakataelotu kotoabe aia kuo nau fai i he aga fakataelotu, bea moe gaahi mea fakamamahi kotoabe aia kuo lea aki e he kau agahala taelotu kiate ia.

Bea ke manavaofa ki he niihi, o fai kehekehe. Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano. Bea koeni, ke iate ia oku faa fai ke taofi akimoutolu ke oua naa mou higa, bea ke atu akimoutolu taehalaia i he ao o hono nāunāu moe fiefia lahi aubito,

Bea i he eku mamata kiate ia, neu to hifo i hono va‘e o hage ha mate. Bea naa ne ai kiate au hono nima toomatau, o ne behe mai kiate au, Oua e manavahe; ko au koe uluaki moe ki mui: Ko au ia oku moui, ka neu mate, bea vakai, oku ou moui o taegata bea taegata, Emeni; bea kuo iate au ae ki o hetesi moe mate.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji; Ko ia ia te ne ikuna, teu foaki ki ai ke kai mei he akau oe moui, aia oku i he lotolotoga oe Balataisi oe Otua.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji; Ko ia ia te ne ikuna, e ikai lavea ia e he mate agaua.

Ko ia ia e ikuna, ko ia e fakakofu aki ae kofu hinehina; bea e ikai teu tamate‘i hono higoa mei he tohi oe moui, ka teu fakaha hono higoa i he ao o eku Tamai, bea moe ao o ene kau agelo.

Ko ia ia e ikuna, teu foaki ki ai ke nofo mo au i hoku nofoa fakaeieiki, o hage foki ko eku ikuna, beau nofo mo eku Tamai i hono nofoa fakaeieiki.

Bea naa nau tagi aki ae le‘o lahi, o behe, E Eiki maonioni mo mooni, e fefe hono fuoloa, mo hoo taefakamāu mo taetotogia ho mau toto kiate kinautolu oku nofo i he mama?

Bea nae ifi e hono fitu oe agelo; bea nae ai ae gaahi le‘o malohi i he lagi, nae behe, Koe gaahi buleaga oe mama kuo o ho tau Eiki, mo hono Kalaisi; bea e bule ia o taegata bea taegata.

Bea nae ita ae gaahi buleaga, bea kuo hoko mai ho houhau, moe kuoga oe bekia, koeuhi ke fakamāua akinautolu, bea koeuhi ke ke totogi ai ki hoo kau tamaioeiki koe kau balofita, moe kakai maonioni, mo kinautolu oku manavahe ki ho huafa, ae iki moe lalahi; bea ke fakaauha akinautolu oku nau fakaauha ae mama. Bea nae fakaava ae fale tabu oe Otua i he lagi, bea nae ha mai i hono fale tabu ae buha o ene fuakava: bea nae ai ae gaahi uhila, moe gaahi le‘o, moe gaahi mana, moe mofuike, moe uha maka lahi.

Bea nae ikai ilo ha kākā i ho nau gutu, he oku nau tae halaia i he ao oe afioaga oe Otua.

O ne behe aki ae le‘o lahi, Manavahe ki he Otua, bea atu ae fakamalo kiate ia; he kuo hokojia ae feituulaa o ene fakamāu: bea hu kiate ia naa ne gaohi ae lagi, moe mamani, bea moe tahi, moe gaahi matavai oe gaahi vai.

E inu eia i he uaine oe houhau oe Otua, aia kuo ligi taehui ki he ibu o hono houhau; bea e fakamamahi ia aki ae afi moe sulifa i he ao oe kau agelo maonioni, bea i he ao oe Lami: Bea e alu hake ae kohu oe nau mamahi o taegata bea taegata; bea oku ikai te nau mālōlō i ha aho be ha bo, akinautolu oku hu ki he manu fekai mo hono fakatātā, bea mo ia oku ne ma‘u ae fakailoga o hono higoa.

Bea neu ogo‘i ae agelo oe gaahi vai, nae behe eia, Oku ke agatonu mo maonioni, e Eiki, oku ke i ai ni, bea naa ke i ai, koeuhi kuo ke fakamāu o behe ni. He kuo nau liligi ae toto oe kakai maonioni moe kau balofita, bea kuo ke atu kiate kinautolu ae toto ke inu; he oku tāu mo kinautolu. Bea neu fanogo ki he toko taha, nae behe mai mei he ejifeilaulau, Koe mooni, e Eiki, koe Otua Mafimafi, oku agatonu mo maonioni a hoo gaahi fakamāu.

BEA hili ae gaahi mea ni neu ogo‘i o hage koe le‘o lahi oe kakai toko lahi i he lagi, oku behe, Haliluia; Ke i he Eiki ko ho tau Otua ae fakamoui, moe ogoogo lelei, moe fakaabaaba, moe malohi: He oku agatonu mo maonioni a ene gaahi fakamāu: he kuo ne fakamāu‘i ae feauaki lahi, aia naa ne uli‘i ae mama aki ene feauaki, bea kuo ne totogi kiate ia ae toto o ene kau tamaioeiki. Bea naa nau toe behe, Haliluia. Bea nae alu hake a hono kohu o taegata bea taegata.

Bea ne behe mai kiate au, Tohi, Oku monuia akinautolu kuo ui ki he katoaga oe taane oe Lami. Bea ne behe mai kiate au, Koe gaahi lea mooni eni mei he Otua.

Bea neu mamata kuo matoo ae lagi, bea vakai koe hose hinehina; bea ko ia naa ne heka ai, nae ui ko Agatonu mo Mooni, bea oku ne fai ae fakamāu moe tau i he maonioni.

Bea neu mamata ki he gaahi nofoa fakaeieiki, mo kinautolu nae nofo ai, bea nae tuku ae fakamāu kiate kinautolu: bea neu mamata ki he gaahi laumalie o kinautolu nae tutuu ho nau ulu koe mea i he fakamooni kia Jisu, moe folofola ae Otua, bea kuo ikai te nau hu ki he manu fekai, be ko hono fakatātā, bea kuo ikai te nau ma‘u ae fakailoga i ho nau foi la‘e, be i ho nau nima; bea naa nau moui, mo bule mo Kalaisi i he ta‘u e taha afe. Ka ko hono toe oe bekia, nae ikai te nau toe moui kae oua ke kakato ae ta‘u e afe. Ko eni ae uluaki toetuu.

Bea neu mamata ki he nofoa fakaeieiki oku lahi bea hinehina, mo ia nae nofo ai, aia nae buna mei hono ao ae fonua moe lagi; bea nae ikai ilo ha botu ki ai. Bea neu mamata ki he bekia, ae iki moe lalahi, nae tutuu i he ao oe Otua; bea moe folahi oe gaahi tohi: bea folahi moe tohi e taha, aia koe tohi oe moui: bea nae fakamāu‘i ae bekia mei he gaahi mea nae tohi i he gaahi tohi, o fakatatau ki he e nau gaahi gaue. Bea nae tuku hake e he tahi ae kakai mate nae i ai; bea tuku hake e he faitoka mo hetesi ae kakai mate nae i ai: bea nae fakamāu akinautolu taki taha o fakatatau ki he e nau gaahi gaue. Bea nae li ae mate mo hetesi ki he ano oe afi. Ko eni ae mate agaua. Bea ko ia kotoabe nae ikai ilo kuo tohi i he tohi oe moui, nae li ia ki he ano oe afi.

BEA neu mamata ki he lagi foou moe fonua foou: he kuo mole atu ae uluaki lagi moe uluaki fonua: bea nae ikai kei i ai ha tahi. Bea ko au Jone, neu mamata ki he kolo maonioni, ko Jelusalema foou, oku alu hifo mei he Otua i he lagi, kuo teuteu o hage ha taahine kuo teu ki hono eiki taane. Bea neu fanogo ki he le‘o lahi mei he lagi, oku behe, Vakai, koe fale fehikitaki oe Otua oku i he kakai, bea e nofo ia mo kinautolu; bea te nau hoko ko hono kakai, bea e iate kinautolu ae Otua, ko ho nau Otua. Bea e holoholo e he Otua ae loimata kotoabe mei ho nau mata; bea e ikai kei ai ha mate, be ha ogojia, be ha tagi, bea e ikai kei ai ha mamahi: he kuo mole atu ae gaahi mea mu‘a.

Bea ko ia nae nofo i he nofoa fakaeieiki nae behe eia, Vakai, oku ou fakafoou ae gaahi mea kotoabe. Bea ne behe mai kiate au, Tohi: he oku mooni mo totonu ae gaahi lea ni. Bea ne behe mai kiate au, Kuo fai ia. Ko au koe Alifa mo Omeka, koe kamataaga moe gataaga. Teu foaki taetotogi mei he matavai moui kiate ia oku fieinu. Ko ia ia e ikuna, e ma‘u eia ae gaahi mea kotoabe; bea teu hoko ko hono Otua, bea e hoko ia ko hoku foha. Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.

Bea e ikai aubito hu ki ai ha mea oku fakauli, be fai fakalielia, be loi: ka ko kinautolu be oku tohi i he tohi oe moui ae Lami.

Ko ia oku taeagatonu, tuku ia ke taeagatonu ai be: bea ko ia oku uli, tuku ia ke uli ai be: bea ko ia oku agatonu, tuku ia ke agatonu ai be: bea ko ia oku maonioni, tuku ia ke maonioni ai be. Bea vakai, oku ou ha‘u vave; bea oku iate au eku totogi, ke atu ki he kakai taki taha o fakatatau ki he ene gaue.