16 – Mea'ai na Taulagaina i Tupua

Ona fai ane lea o Iakopo i lona aiga ma i latou uma sa ia te ia, Tuu ese ia o atua ese o loo i ai ia te outou, ma ia outou faamamā ia te outou, ma fesui i o outou ofu;

Aua ne‘i e fai mo oe ni atua ese i o‘u luma. Aua e te fai mo oe se tupua ua ta, po o se faatusa lava o se mea o i le lagi i luga, po o i le fanua i lalo, po o i le sami o i lalo o le fanau; aua e te ifo i ai, aua foi e te auauna i ai; auā o a‘u o Ieova lou Atua, o le Atua fuā, o le taui atu i fanau o le amioletonu a o latou mātua, e oo i le tupulaga e tolu ma le fa o e ‘ino‘ino mai ia te au;

O nei mea uma foi ua ou fai atu ai ia te outou, ia outou tausi i ai; aua foi ne‘i tou ta‘uta‘u le igoa o atua ese, aua lava ne‘i faalogo i ai i lou gutu.

a ia outou sofaia o latou fata faitaulaga, ia nutipala i o latou tupua, ma vavae i lalo o latou tupua o Asaira. Auā e te le ifo i se tasi atua; auā o Ieova, o le Fuā, o lona lea suafa, o le Atua fuā lava o ia. Ne‘i e osi le feagaiga ma e o nonofo i le nuu, e mulilulua ai foi i latou i o latou atua, ma fai taulaga i o latou atua; e valaau foi i latou ia te oe, ona e ‘ai lea i a latou taulaga. Ne‘i e au mai foi o latou afafine ma avā a ou atalii, e mulilulua foi o latou afafine i o latou atua, e mulilulua ai foi ou atalii i o latou atua.

Aua tou te liliu atu i tupua, aua foi ne‘i faia atua uamea mo outou; o a‘u o Ieova lo outou Atua.

Aua ne‘i e fai mo oe ni atua ese i o‘u luma. Aua e te fai mo oe se tupua ua ta, o se faatusa lava o se mea o i le lagi i luga, po o i le fanua i lalo, po o i le sami o i lalo o le fanua; aua e te ifo i ai, aua foi e te auauna i ai; auā o a‘u o Ieova lou Atua, o le Atua fuā, o lē taui atu i fanau o le amioletonu a o latou mātua, e oo i le tupulaga e tolu ma le fa o e ‘ino‘ino mai ia te au;

a tuuina mai i latou ia te oe e Ieova lou Atua e te fasia i latou, ia e matuā faaumatia lava i latou, aua e te osi se feagaiga ma i latou, aua foi e te alofa ia te i latou. Aua le fetaiai gafa ma i latou, aua le avatu lou afafine mā lona atalii, aua foi ne‘i e au mai lona afafine mā lou atalii; auā e faaliliueseina e ia lou atalii, ia le mulimuli mai ia te au, a e auauna i atua ese; ona tupu ai lea o le toasa o Ieova ia te outou, ma vave faaumatia ai oe. A ia faapea ona fai e outou ia te i latou, ia outou sofaia o latou fata faitaulaga, ia outou tu‘ipalaina o latou tupua, ma vavae i lalo o latou tupua o Asaira, o latou tupua foi ua ta ia outou susunu i le afi;

O tupua ua ta o latou atua ia e susunu i le afi; aua e te manao i le ario ma le auro o i ai, aua foi e te ave mā oe, ne‘i maileia ai oe; auā o le mea e inosia lea e Ieova lou Atua. Aua e te avatu i lou fale se mea e inosia, ne‘i fetuuina oe pei o lea mea; ia e matuā ‘ino‘ino i ai, ma ia matuā inosia e oe, auā o le mea fetuuina lava lea.

Afai foi e galo ia te oe Ieova lou Atua, ma e mulimuli atu i atua ese, ma e auauna ia i latou, ma e ifo ia te i latou, ou te matuā fai atu ia te outou i le aso nei, e faaumatia lava outou. Faapei o nuu e faaumatia e Ieova ai o outou luma, e faapea lava outou ona faaumatia; auā ua outou le mafafai ona faalogo i le siufofoga o Ieova lo outou Atua.

O mea uma lava ou te fai atu ai ia te outou, ia outou tausiusi i ai e fai; aua ne‘i e faaopoopo i ai se mea, aua foi ne‘i e ave ese ai se mea.

Na latou faatupuina lona fuā ona o atua ese; na latou faaonoono ia te ia i mea inosia. Na latou fai taulaga i temoni, e le o le Atua; o atua na le iloa e i latou; o atua fou, na se‘i tutupu, na le matatau i ai o outou tamā.

Ua fai atu Samuelu, E tusa ea ona fiafia o Ieova i taulaga mu ma taulaga, i lona fiafia i le faalogo i le siufofoga o Ieova? Faauta, o le faalogo e sili lea i le taulaga, ma le usiusitai e sili lea i le ga‘o o mamoe poa. Auā o le fouvale, e tusa ia ma le agasala o le faataulāitu; o le finau vale, e tusa ia ma le leaga o le tapuai i tupua. Ua e lafoai le afioga a Ieova, o lea ua lafoai ai o ia ia te oe ia le fai ma tupu.

Ona latou au mai ai lea i fafo o tupua ai le fale o Paala, ma latou susunu ai. Ua latou lepeti i le tupua o Paala, ua latou lepeti foi i le fale o Paala, ua fai ai ma māliuga, ua oo lava i le aso nei.

Auā e silisili Ieova, e tusa ona matuā viia o ia; e sili foi ona matautia o ia i atua uma. Auā o atua uma o nuu o tupua lava ia; a o Ieova na ia faia le lagi.

Ua ia fai taulaga foi i atua o Tamaseko o e na fasi ia te ia; ua ia faapea atu, Auā o atua o tupu o Suria o loo fesoasoani ia te i latou, ou te fai taulaga ia te i latou ina ia latou fesoasoani mai ia te au. A ua avea i latou ma mea e malaia ai o ia, atoa ma Isaraelu uma.

Auā e silisili Ieova, e tusa foi ona matuā viia o ia; e sili ona matautia o ia i atua uma. Auā o atua uma o nuu o tupua lava ia; ao Ieova, na ia faia le lagi.

O latou tupua, o ario ma auro ia, o le galuega a lima o tagata. E fai o latou gutu, a e le feganavai i latou; e fai o latou mata, a e le vaai i latou; e fai o latou taliga, a e le faalogo i latou; e fai o latou isu, a e le sogisogi i latou; e fai o latou lima, a e le fetagofi i latou; e fai o latou vae, a e le savavali i latou; e leai se leo i o latou faaī. O e faia ia mea ua tutusa lava ma i latou; o i latou uma o e faatuatua i ai.

O tupua o nuu ese, o ario ma auro ia, o galuega a lima o tagata. E fai o latou gutu, a e le feganavai; e fai o latou mata, a e le vaai; e fai o latou taliga, a e le faalogo; e leai foi se mānava i o latou gutu. O e faia ia mea ua tutusa lava ma i latou, o i latou uma o e faatuatua i ai.

Auā o le aso lava lea e taitasi i latou ma tiai ai ana tupua ario ma ana tupua auro, na faia mo outou e o outou lima e agasala ai.

Ua latou lafoina atu o latou atua i le afi, auā e le ni atua i latou, a o mea na faia e lima o tagata, o laau ma maa; o le mea lea na latou faaumatia ai i latou.

O a‘u o Ieova, o lo‘u igoa lea; o lo‘u mamalu foi ou te le avatua lea i se tasi, ma lo‘u viiga ou te le avatua i tupua ua ta.

Ua liutuaina i latou, ua matuā mamā e ua faatuatua i tupua ua ta, o e ua fai ane i tupua uamea, O matou atua lava outou.

Ou te faasala foi ia te i latou i a latou amio leaga uma, o e ua tuua a‘u, ma latou faamu mea manogi i atua ese, ma ifo atu i mea na faia i o latou lava lima.

Ua fai fafie e le fanau, ua tafu le afi e o latou tamā, ua lomi le paluga falaoa e fafine e fai a‘i faapapā areto mā le tupu fafine o le lagi, ua liligi foi taulaga i mea e inu i atua ese, ina ia latou faaonoono mai ai ia te au. O a‘u ea ua latou faaonoono i ai? o loo fetalai mai ai Ieova; e le o i latou lava ea, ina ia masiasi ai i latou? O le mea lea o loo faapea ona fetalai mai ai o le Alii o Ieova, Faauta, ou te liligi ifo i luga o lenei mea lo‘u ita ma lo‘u tiga, i luga o tagata, ma luga o manu, i luga foi o laau i le fanua, ma le fua o le laueleele; e mu ai, a e le tineia lava.

Ua taitasi ma valea tagata uma e leai so latou poto; ua taitasi ma faamaina foi tufuga fai mea uamea ona o le tupua ua ta; auā o le mea pepelo lana tupua uamea, e leai foi se mānava ia te i latou. E faatauvaa ia mea, o le galuega e tauemua; e fano lava i latou i ona po e tauia ai i latou.

Ia e faapea atu, O outou tupu o Iuta, ma e o nonofo i Ierusalema, ia outou faalogologo mai i le afioga a Ieova; o loo faapea ona fetalai mai o Ieova o ‘au, le Atua o Isaraelu, Faauta, ou te faaoo mai le malaia i lenei mea, e taitasi uma o e faalogologo ai ma taalili ai ona taliga. Aua ua latou tuua a‘u, ua latou liua foi lenei mea, ma ua latou faamu ai mea manogi i atua ese na latou le iloa, o i latou, po o latou tamā, po o tupu o Iuta; ma ua latou faatumuina lenei mea i le toto o e le sala.

e avea foi fale o Ierusalema, ma maota o tupu o Iuta, e pei o le mea e ta‘ua o Tofeta, ua leaga ia auā ua latou faamu mea manogi i luga o latou fale uma i ‘au uma o le lagi, ma ua latou liligi atu taulaga i mea e inu i atua ese.

Ona tali mai ai lea ia Ieremia o tagata uma o e na iloa ua faamuina mea manogi e a latou avā i atua ese, ma fafine uma na tutū mai, o le faapotopotoga tele, o le nuu uma foi sa nonofo i le nuu o Aikupito, i Patoro, ua faapea mai, O le upu ua e fai mai ai ia te i matou i le suafa o Ieova, matou te le faalogo ai lava ia te oe; a e peitai matou te faia lava mea uma ua matou fai atu ai, e faamu mea manogi i le tupu fafine o le lagi, ma sasaa i ai taulaga i mea e inu, e pei ona matou faia, o i matou, ma o matou tamā, o matou tupu, ma o matou alii, i aai o Iuta, ma ala o Ierusalema; auā o ona po ia sa maoona ai i matou i mea e ‘ai, sa manuia foi, ma matou le iloa se malaia. A e talu ina matou tuua ona faamu o mea manogi i le tupu fafine o le lagi, ma sasaa atu ia te ia taulaga i mea e inu, ua matou matitiva i mea uma, ua faaumatia foi i matou i le pelu ma le oge. Na matou faamu mea manogi i le tupu fafine o le lagi, ma matou sasaa ia te ia taulaga i mea e inu, sa le i ai ea a matou tane ina ua matou faia mo ia ni faapāpā areto e auauna ia te ia, ma matou sasaa ia te ia taulaga i mea e inu?

Na le toe lavā onosai Ieova, ona o le leaga o a outou amioga, ona o mea inosia na outou faia; o le mea lea ua fai ai lo outou nuu ma mea gaogao, ma mea e ofo ai, ma faafanoga, e leai sē nofo ai, e pei ona fai i le aso nei. Auā ua outou faamu mea manogi, auā foi ua outou agasala ia Ieova, ma ua outou le faalogo i le siufofoga o Ieova, ma outou le savavali i lana tulafono, ma ana sauniga, ma ana poloaiga; o mea ia ua oo ai lenei malaia ia te outou, e pei ona fai i le aso nei.

Ua taitasi ma valea tagata uma e leai so latou poto; ua taitasi ma faamaina foi tufuga fai mea uamea, ona o le tupua ua ta; auā o le mea pepelo lana tupua uamea, e leai foi se mānava ia te i latou. E faatauvaa ia mea, o le galuega e tauemua; e fano lava i latou i ona po e tauia ai i latou.

a ua e faamaualuga oe i le Alii o le lagi; ua aumaia foi i ou luma o ipu o lona malumalu, ua inu ai uaina e oe, ma alii ua ia te oe, o ou faletua, ma au palake; ua e vivii atu foi atua ario, ma auro, ma ‘apa memea, ma uamea, ma laau, ma maa, e le vaai i latou, e le lagona, e le iloa ni mea; a o le Atua ua i lona aao lou mānava, ua ia te ia foi ou ala uma, e te lei vivii atu i ai.

Ua latou tofia tupu a e le mai ia te au; ua latou tofia alii a e le iloa e a‘u; o latou ario, ma o latou auro ua latou fai a‘i tupua mo i latou, ina ia faaumatia ai i latou.

Na latou alalaga ia te i latou, a ua latou o ese ia te i latou; na latou fai taulaga ia Paala, ma faamu mea manogi i tupua ua ta.

Se a ea le aoga o le tupua ua ta ina ua taia e le na na faia; o le tupua uamea, ma le a‘oa‘o i le pepelo, ina ua faatuatua le na faia i lana mea na fai, ia fai ai e ia tupua e le magagana?

Aua ne‘i outou manatu ua ou sau e tatalaina le tulafono po o le au perofeta; ou te lei sau e tatalaina, a ia faataunuuina. Auā e moni, ou te fai atu ia te outou, e mavae atu le lagi ma le lalolagi, a e le mavae atu lava se iota po o sina fāsi mataitusi o le tulafono, seia taunuu mea uma. O lenei, o se na te tatalaina se poloaiga e tasi e aupito itiiti o nei poloaiga, ma faapea ona a‘oa‘o i tagata, e ta‘ua ia e aupito itiiti i le malo o le lagi; a o se anaana ma a‘oa‘o ai, e ta‘ua ia e sili i le malo o le lagi.

Ona fetalai atu lea o ia ia te i latou, E faapea foi ea outou ona valelea? Tou te le iloa ea, o mea i fafo uma e alu ane i totonu o le tagata e le mafai ona leaga ai o ia? auā e le oo ia mea i lona loto, a o le manava; e oo ane foi i fafo i le māliuga, o lea e te‘a ai o mea e ‘ai uma.

O lē faamaoni i le mea itiiti, e faamaoni foi o ia i mea e tele; o lē amioletonu i le mea itiiti, e amioletonu foi o ia i mea e tele.

E le mafai se auauna ona auauna i alii e toalua; auā e ‘ino‘ino o ia i le tasi, a e alofa atu i le tasi; a le o lea, e faapipii atu ia i le tasi, a e faaleaoga i le tasi. Tou te le mafaia ona auauna i le Atua atoa ma mamone.

A o le faitaulaga a Seu, o le na i luma o la latou aai lona malumalu, ua au mai e ia o povi poa ma pale i faitotoa, o le a osi taulaga o ia atoa ma le motu o tagata. Ua faalogo i ai aposetolo, o Panapa ma Paulo, ona la saeia lea o laua ofu, ma feosofi atu i le motu o tagata, o loo alalaga i laua, ua faapea atu, Alii e, se a le mea ua outou fai ai na mea? O tagata lava i maua nei e tutusa ma outou, ua ma folafola atu le tala lelei ia te outou, ia outou lafoai nei mea le aoga, ma liliu mai i le Atua soifua, o le na faia le lagi, ma le lalolagi, ma le sami, ma mea uma lava o i ai;

a ia tusi atu ia te i latou, ia taumamao i latou i mea leaga e fasia mo tupua, ma le faitaaga, ma mea titina, ma le toto.

Auā ua lelei i le Agaga Paia ma i matou nei, ia le faaee atu se tasi avega ia te outou, na o nei mea e tatau; ia faamamao outou i mea e fasia mo tupua, ma le toto, ma mea titina, ma le faitaaga; afai tou te taumamao ma nei mea, e lelei ai outou. Ia outou manuia.

Ua faatali atu Paulo ia te i laua i Atenai, ua tiga tele ifo lona loto, o matamata o ia i le aai ua tumu i tupua.

O lenei, ona o le fanau a le Atua i tatou, e le tatau ona tatou manatu ua tusa le Atua i se auro, po o se ario, po o se maa, ua talaiia i le faiva ma le fuafua o le tagata. Na faapalepale le Atua i ona po o le vālea; a o loo fetalai mai nei i tagata uma i nuu uma lava ia salamo; auā ua faatuina e ia le aso e faamasinoina ai le lalolagi ma le tonu, e le tagata ua tofia e ia; o loo faamaoni mai ai e ia i tagata uma lava i lona toe faatu mai ia te ia i e ua oti.

A e peitai o nuu ese e ua faatuatua, ua matou tusi i ai ua pule atu, aua le anaana i latou i se mea faapea, tau lava ona ia mamao i latou i taulaga i tupua, ma le toto, ma mea ua titina, ma le faitaaga. Ona ave lea e Paulo o ia tagata, o le taeao foi ua faamamāina ai o ia faatasi ma i latou ua ulufale atu i le malumalu, ua faailoa atu le faaiuina o aso o le faamamāina seia fai ni taulaga mo i latou, o le tagata ma lana taulaga.

ua vālea i latou, a o faafiapopoto i latou, ua latou fesuiai foi le mamalu o le Atua soifua pea lava ma le faatagata o le tino o le tagata iu vale, ma manu felelei, ma manu vaefa, ma mea fetolofi.

Ia outou talia le ua vaivai i le faatuatua, a e le ina ia faamasinoina o masalosaloga. O le taofi o le tasi, e ‘aina mea uma lava; a e ‘aina e le ua vaivai na o mea e tutupu i le laueleele.

Tou te le iloa ea, o lo outou tino o le malumalu lea o le Agaga Paia ua i totonu ia te outou, o loo ua ia te outou mai le Atua, e le aiā foi outou ia te outou? Auā ua faatauina outou i le tau; o lenei, ia outou vivii atu i le Atua i o outou tino ma ou outou agaga, o mea a le Atua ia.

A a mea e fāsia mo tupua, ua tatou iloa, auā ua tofu i tatou ma le poto; e faafefete le poto, a o le alofa e faamafanafana lea. Afai foi e manatu se tasi ua na iloa se mea, e lei iloa lava e ia se mea e tasi pei ona tatau ona iloa; a e afai e alofa atu se tasi i le Atua, ua silafia lena tagata e ia.

A o le ‘ai i mea e fāsia mo tupua, ua tatou iloa o le mea faatauvaa i le lalolagi le tupua; e leai foi se tasi Atua, ua na o le toatasi lava. Auā e ui lava ina o i ai e ua ta‘ua o atua, o i le lagi ma le lalolagi, (ona ua i ai atua e toatele, ma alii e toatele.) a e peitai ua ia te i tatou le Atua e toatasi o le Tamā ia, e fua mai ia te ia mea uma, o i tatou foi ua fai mo ia; ma le Alii e toatasi o Iesu Keriso, ua faia e ia mea uma, o i tatou foi ua faia e ia.

A ua le tofu poto tagata; o loo aai nisi ma le manatu ifo i le tupua, ua oo mai lava i ona po nei, e pei o se mea ua fasia mo tupua, ua leaga ai foi lo latou manatu ifo ina ua vaivai. E le lelei i tatou i luma o le Atua ona o le mea e ‘ai; auā pe afai tatou te aai, e le sili ai lo tatou lelei; pe afai foi tatou te le aai, e le sili ai lo tatou leaga. A ia outou faaeteete, ne‘i avea la outou nei faitalia ma mea e tausuai ai e ua vaivai. Auā a vaai se tasi ia te oe ua i ai le poto, o loo e taoto e ‘ai i le fale o le tupua, e le faamalosia ea le manatu ifo o le ua vaivai, ina ia ‘ai e ia i mea e fāsia mo tupua? O lou poto foi e fano ai le uso vaivai, o le na maliu ai Keriso mo ia. A faapea foi ona outou agasala i le au uso, ma faatausuai lo latou manatu ifo vaivai, ua outou agasala ia Keriso. O lenei, afai e tausuai lo‘u uso ona o le mea e ‘ai, ou te le toe ‘ai lava i tino o manu e oo i le faavavau, ina ne‘i tausuai ai lo‘u uso ia te au.

O le mea lea, au pele e, ia outou sosola ese ai i le ifo i tupua. Ou te fai atu i e o mafaufau; ina manatunatu ifo ia outou i la‘u e fai atu.

Faauta mai ia Isaraelu i la le tino; o e o aai taulaga, ua latou le tofu ea i tufaaga faatasi ma le fata faitaulaga? Se a foi ou te fai atu ai? O se mea aoga ea le tupua? po o se mea aoga le mea ua fasia mo tupua? E leai, a o mea ua fāsia e nuu ese, ua fāsia e i latou mo temoni, a e le o le Atua; ou te le loto foi ina ia outou mafuta faatasi ma temoni. Tou te le mafaia ona inu i le ipu a le Alii atoa ma le ipu a temoni; tou te le mafaia ona faatofutofusia i le laoai a le Alii atoa ma le laoai a temoni. Tatou te faaonoono ea i le Alii? Ua sili ea lo tatou malosi i lona?

Ua tataga mea uma ia te au, a ua le aoga mea uma; ua tataga mea uma ia te au, a ua le faamafanafana mea uma. Aua le saili se tasi i lona lava lelei, a ia taitasi ma saili i le lelei o le isi. O mea uma ua faatauina i le mea e faatau ai mea e ‘ai, ia outou aai ai; aua lava le fesili ona o le loto fuatia ifo; auā o le lalolagi e o le Alii lea, atoa ma mea ua tumu ai. Afai foi e tala‘iina outou e se tasi o e le lotu, ma outou fia o atu ai, ia outou aai i mea uma ua laulauina mai ia te outou; aua lava le fesili ona o le loto fuatia ifo. A e afai e faapea mai se tasi ia te outou, O le mea nei ua fasia mo le tupua; aua tou te aai ai, ona o le na faaali mai ai, auā foi o le loto fuatia ifo; auā o le lalolagi e o le Alii lea, atoa ma mea ua tumu ai. O le loto fuatia ifo ou te fai atu ai, e le o lo‘u a o lo le tasi; auā se a le mea e faamasinoina ai lo‘u sa‘olotoga i le loto fuatia ifo o le tasi? O a‘u foi, afai ou te ‘ai ma le faafetai, se a le mea ua upuleagaina ai a‘u ona o le mea ua ou faafetai atu ai?

O lenei, pe tou te aai, pe tou te inu, po o se tasi mea tou te faia, ia outou faia mea uma lava ia viia ai le Atua. Aua le avea outou ma mea e tautevateva ai Iutaia, po o Eleni, po o le ekalesia a le Atua; faapei o a‘u nei foi, ou te faafiafia atu i tagata uma i mea uma lava, o loo le sailia e a‘u so‘u lava lelei, a o lo le toatele, ina ia faaolaina ai i latou.

Aua tou te amo faalegatasi ma e le talitonu; auā pe faapefea ona faatasi o le amiotonu ma le amio leaga? Pe faapefea foi ona mafuta o le malamalama ma le pouliuli? Pe faapefea foi ona loto gatasi o Keriso ma Pelialo? Pe faapefea foi ona tofusia faatasi o lē talitonu ma le ua le talitonu? Pe faapefea foi ona loto faatasi o le malumalu o le Atua ma tupua? auā o outou le malumalu o le Atua soifua, pei ona fetalai mai o le Atua, Ou te nofo i totonu ia te i latou, ou te savali foi i totonu ia te i latou; e fai a‘u mo latou Atua, e fai foi i latou mo‘u tagata. O lea i o mai ai outou nai totonu ia te i latou, ma ia outou vavae mai, ua fetalai mai ai le Alii, aua foi tou te papai atu i se mea leaga; ona ou talia ai lea o outou, e fai foi a‘u mo outou Tamā,

O lenei, aua ne‘i faamasino atu se tasi ia te outou i mea e aai ai, po o mea e inu ai, po o mea ia o tausamiga, po o masina faatoa vaaia, po o sapati; o ata lava ia o mea atali, a o le tino, e a Keriso lava lea.

O lenei, afai ua outou oti faatasi ma Keriso i mataupu muamua a le lalolagi, se a le mea tou te usiusitai atu ai i tulafono, peiseai ua nonofo outou i le lalolagi? (Aua ne‘i pa‘i atu i ai, aua ne‘i tofo, aua ne‘i tago; o mea uma ia e uma ai pe a tagofia;) e tusa ma poloaiga ma mea e a‘oa‘o atu e tagata; o mea ia te ta‘ua ai le poto, ma le faafiaamioatua, ma le faamaulalo, ma le faasaunoa o le tino, a e le o le tausi i ai e ma‘ona ai le tino.

Auā o i latou lava ua iloa ai le tala ia te i matou i le uiga o lo matou oo atu ia te outou na, ma lo outou liliu mai i le Atua nai tupua, ina ia outou auauna i le Atua soifua ma le ua moni,

A o loo ta‘utino mai e le Agaga, e o ese nisi i le faatuatua i tausaga amuli, latou te faalogo i agaga e faasese ma mataupu a temoni; ona o le pepelo o tagata tala pepelo, o e ua faamuina o latou lava loto fuatia ifo i le uamea aasa; latou te vavao i le faiavā, ma faasa isi mea e ‘ai, o mea lava ua faia e le Atua ia talia ma le faafetai e i latou ua faatuatua, ma latou iloa le upu moni. Auā o mea uma ua faia e le Atua, e lelei lava ia, e le lafoaiina foi se tasi mea, a ia talia ma le faafetai; auā ua faapaiaina i le afioga a le Atua ma le tatalo.

A ia fai outou ma e anaana i le upu, a e aua le na ona faalogologo i ai, o faaseseina ai outou e outou. Auā ai se tasi e faalogologo i le upu a e le anaana i ai, e tusa ia ma le tagata ua vaavaai i le faaata i ona lava mata. na fanau ma ia; auā ua vaavaai o ia ia te ia, ona alu ese lea, ua galo loa le uiga o ona mata;

O i latou uma lava o e fai le agasala, ua latou soli foi i tulafono; o le agasala o le solitulafono lava lea.

Le fanau e, ia leoleo outou ia te outou ia taumamao i tupua. Amene.

O i latou uma lava o e tuumavaega, a e le tumau i le mataupu ia Keriso, e le o ia te i latou le Atua; o lē tumau i le mataupu ia Keriso, e ia te ia lava le Tamā atoa ma le Alo. Pe a alu atu ia te outou se tasi a e le molia lenei lava mataupu, aua tou te talia o ia i o outou fale, aua foi tou te ofo alofa ia te ia; auā o sē ofo alofa atu ia te ia, e faatasi ai o ia ma ana galuega leaga.

A ua ia te au ni nai mea ia te oe, ona ua ia te oe o e ua taofi i le mataupu a Palaamo, o le na a‘oa‘o ia Palako e tuu atu le mea e tausuai ai i luma o le fanauga a Isaraelu, ona ia aai i mea ua fāsia mo tupua ma ia latou faitaaga.

A ua ia te au ni nai mea ia te oe, ona ua e tuu pea le fafine o Iesepela, ua ta‘ua o ia e ia o le perofeta fafine, e a‘oa‘o ma faasese i a‘u auauna, ina ia faitaaga, ma aai mea ua fāsia mo tupua. Ua ou tuu atu foi ni ona aso ia salamo ai i lana faitaaga, a ua le salamo lava o ia. Faauta, o a‘u ou te lafo ia te ia i le moega, atoa ma e ua mulilulua ma ia, ina ia puapuagateleina, pe afai latou te le salamo i a latou galuega; ou te fāsia foi ana fanau ia oti; e iloa foi e ekalesia uma, o a‘u lava o lē suesue i manao ma loto; ou te avatua foi ia te outou taitoatasi e tusa ma a outou galuega.

O tagata foi na totoe o e lei fasiotia i nei mala, latou te lei salamo i galuega a o latou lima, o lo latou ifo i temoni, ma tupua auro, ma ario, ma ‘apa memea, ma maa, ma laau, o mea ia e le mafaia ona vaai, pe faalogo, pe savavali;

A o e loto vaivai, ma e lē faalogo, ma e fai mea e inosia, ma e fasioti tagata, ma e faitaaga, ma e faataulāitu, ma e ifo i tupua, atoa ma e tala pepelo uma, e fai o latou tofi i le lepa e mu i le afi ma le teio, o le oti faalua lea.