16 – Meʻakai ʻoku Feilaulauʻi Ki he Ngaahi ʻAitoli

Bea fekau ai e Jekobe ki hono kau nofoaga, bea mo kinautolu kotoabe nae iate ia, o behe; Tukuage ae gaahi otua kehe oku iate kimoutolu, bea mou maa, bea fetogi ho mou gaahi kofu.

Oua naa ke ma‘u mo au ha otua kehe i hoku ao. Oua naa ke gaohi kiate koe ha fakatātā, be ha mea fakatatau e taha i ha mea i he lagi i oluga, be ha mea oku i he fonua i lalo ni, be ki ha mea oku i he vai i he lalo fonua: Oua naa ke bunou hifo koe kiate kinautolu, be tauhi ki ai: he ko au Jihova ko ho Otua koe Otua fuaa au, oku ou totogi ae hia ae gaahi tamai ki he fānau, o a‘u ki hono tolu mo hono fa oe toutagata o kinautolu oku fehia kiate au;

Bea koe mea kotoabe kuou tala kiate kimoutolu, mou tokaga lelei ki ai: bea oua jii naa ke lea ki he higoa oe gaahi otua kehe, bea ke oua naa ogo‘i ia mei ho mou gutu.

Ka te mou maumau‘i ho nau gaahi feilaulauaga, bea laiki e nau gaahi mea fakatātā, bea ta ke higa e nau gaahi akau tabu: E ikai te ke lotu koe ki ha otua kehe: he ko Jihova, aia ko hono huafa ko Fuaa, koe Otua fuaa ia. Telia naa mou fai ae fuakava moe kakai oe fonua, bea nau alu o tago ki ho nau gaahi otua, bea fai ae feilaulau ki ho nau gaahi otua, bea ui koe e ha toko taha, bea ke kai i he ene feilaulau; Be ke fili ekoe a ho nau gaahi ofefine ki ho gaahi foha; bea alu a ho nau gaahi ofefine o tago ki ho nau gaahi otua, o nau fakakau ho gaahi foha ke nau alu o tago ki ho nau gaahi otua.

Oua naa mou tafoki ki he gaahi otua loi, bea oua naa mou gaohi moo moutolu ae gaahi otua i he ukamea haka: Ko au ko Jihova ko ho mou Otua.

Oua naa ke ma‘u mo au ha otua kehe i hoku ao. Oua naa ke gaohi kiate koe ha fakatātā, be ha mea fakatatau e taha i ha mea e taha i he lagi i oluga, be ha mea oku i he fonua i lalo ni, be ki ha mea oku i he vai i he lalo fonua: Oua naa ke bunou hifo koe ki ai, be tauhi ki ai: he ko au Jihova ko ho Otua, koe Otua fuaa au, oku ou totogi ae hia ae gaahi tamai ki he fānau o a‘u ki hono tolu mo hono fa oe toutagata okinautolu oku fehia kiate au,

Bea ka tuku mai akinautolu e Jihova ko ho Otua i ho ao; te ke ta‘i akinautolu, o fakaauha aubito akinautolu; oua naa mou fai ha fuakava mo kinautolu, be fakaha ha agaofa kiate kinautolu: Bae oua naa mou remaliaki mo kinautolu; oua naa ke atu ho ofefine ki hono foha, bea oua naa ke fili hono ofefine ki ko foha. He te nau fakatafoki ho foha mei he muimui iate au, ke nau tauhi ae gaahi otua kehe: koia e tubu ai ae houhau o Jihova kiate kimoutolu, ke fakaauha fakafokifa be koe. Ka te mou fai behe kiate kinautolu; ke mou maumau‘i ho nau gaahi feilaulauaga, bea feji‘i hifo e nau gaahi mea fakatātā, bea ta hifo e nau gaahi vao tabu, bea tutu ho nau gaahi tamabua i he afi.

Ke mou tutu aki ae afi ae gaahi mea fakatātā kuo ta oe nau gaahi otua: oua naa ke holi ki he siliva be koe koula oku iate kinautolu, be too ia kiate koe, telia naa hele‘i ai koe: he koe mea fakalielia ia kia Jihova ko ho Otua. Bea oua naa ke omi ae mea fakalielia ki ho fale, telia naa ke hoko koe mea malaia o hage koia: ka ke fehia matemate ki ai, bea ke fākalilia ki ai; he koe mea fakamalaia ia.

Bea e hoko o behe, kabau oku ke fakagalogalo‘i a Jihova ko ho Otua, o alu o muimui i he gaahi otua kehe, bea tauhi akinautolu, o lotu ki ai, oku ou fakamooni kiate kimoutolu he aho ni koe mooni te mou auha. Hage koe gaahi kakai oku fakaauha e Jihova mei ho mou ao, e behe be hoo mou auha; koe mea i hoo mou tae fietalagofua ki he le‘o o Jihova ko ho mou Otua.

Koe mea kotoabe oku ou fekau kiate kimoutolu, mou tokaga ki ai o fai, oua naa ke fakalahi ia, be fakajiijii ki ai.

Naa nau laga‘i aki hono fuaa ae gaahi otua kehe, naa nau fakatubu hono houhau aki e nau gaahi agakovi. Naa nau feilaulau ki he gaahi tevolo, kae ikai ki he Otua; ki he gaahi otua nae ikai te nau ilo, koe foou nae toki tubu foou hake, aia nae ikai manavahe hoo mou tamai ki ai.

Bea behe e Samuela, He oku fiemalie tatau be a Jihova i he gaahi feilaulau tutu, moe gaahi feilaulau, i he fai talagofua ki he le‘o o Jihova? Vakai, oku lelei lahi ae talagofua i he feilaulau, bea koe fakafanogo i he gako oe faga sibi tagata. He oku tatau ae agatuu moe hia koe tuki fakatevolo, bea koe baogataa oku tatau ia moe hia oe tauhi otua loi. Koe mea i hoo liaki ae folofola a Jihova, kuo ne liaki foki koe ke oua naa ke tu‘i.

Bea naa nau omi ki tua ae gaahi tamabua mei he fale o Beali, mo nau tutu akinautolu. Bea naa nau maumau‘i hifo ae fakatātā o Beali, mo nau maumau‘i hifo ae fale o Beali, mo gaohi ia koe fale vao o a‘u ki he aho ni.

He oku lahi a Jihova, bea oku tāu moia ae fakafetai lahi: oku tāu moia foki ae manavahe ke lahi hake i he gaahi otua kotoabe. He koe gaahi tamabua be ae gaahi otua oe kakai: ka nae gaohi e Jihova ae gaahi lagi.

He naa ne feilaulau ki he gaahi otua o Tamasikusi, aia nae ta‘i ia: o ne behe, Koe mea i he tokoni akinautolu i he gaahi otua oe gaahi tu‘i o Silia, koia teu feilaulau ai kiate kinautolu, koeuhi ke nau tokoni au. Ka ko hono malaiaaga akinautolu, oona mo Isileli kotoabe.

He oku lahi a Jihova, bea totonu ke fakamalo lahi kiate ia: oku lelei ke manavahe lahi hake kiate ia i he gaahi otua kotoabe. He koe otua kotoabe oe gaahi buleaga koe gaahi tamabua ia: ka ko Jihova nae gaohi eia ae gaahi lagi.

Ko ho nau gaahi tamabua koe siliva moe koula, koe gaue ae nima oe tagata. Oku ai ho nau gutu, ka oku ikai te nau lea: oku nau ma‘u ae mata, ka oku ikai te nau mamata: Oku nau teliga, ka oku ikai te nau ogo‘i: oku ai ho nau ihu, ka oku ikai te nau nanamu: Oku nau ma‘u ae nima, ka oku ikai te nau ala ki ha mea: oku ai ho nau va‘e, ka oku ikai te nau aeva: bea oku ikai te nau lea aki ho nau kia. Ko kinautolu oku gaohi akinautolu oku nau tatau mo kinautolu: bea oku behe be akinautolu kotoabe oku falala ki ai.

Koe gaahi tamabua oe hiteni koe siliva moe koula, koe gaue ae nima oe tagata. Oku ai ho nau gutu, ka oku ikai te nau lea; oku nau ma‘u ae mata, ka oku ikai te nau mamata; Oku nau ma‘u ae teliga, ka oku ikai te nau fanogo; bea oku ikai ha mānava i ho nau gutu. Ko kinautolu oku gaohi akinautolu oku nau tatau mo kinautolu: bea oku behe be akinautolu oku falala ki ai.

Bea i he aho koia e liaki e he tagata kotoabe ene gaahi tamabua siliva, bea mo ene gaahi tamabua koula, aia kuo gaohi e ho mou nima kiate kimoutolu koe agahala.

Bea kuo li ho nau gaahi otua ki he afi: he nae ikai ko ha otua akinautolu, ka koe gaue ae nima oe tagata, koe akau moe maka: koia kuo nau fakaauha ai akinautolu.

Ko au ko Jihova: ko hoku huafa ia: bea ko hoku nāunāu e ikai teu foaki ki ha taha, be ko hoku fakamalo ki he gaahi tamabua kuo togi.

E fakafoki kimui akinautolu, e ma lahi, akinautolu oku talala ki he gaahi tamabua kuo togi, akinautolu oku behe ki he gaahi fakatātā kuo hake, Ko ho mau otua akimoutolu.

Bea teu fakaha eku gaahi tautea kiate kinautolu, koeuhi koe nau agahala kotoabe, he kuo nau liaki au, bea tutu ae mea namu kakala ki he gaahi otua kehe, bea tauhi ki he gaahi gaue a ho nau nima.

Oku okooko ae fānau, bea oku tutu ae afi e he gaahi tamai, bea oku natu ma e he kau fefine, koeuhi ke gaohi aki ae ma ki he eiki fefine oe lagi, bea liligi ae feilaulau ki he gaahi otua kehe, koeuhi ke fakatubu hoku houhau. Oku behe e Jihova, Ikai kuo nau fakatubu hoku houhau? ikai kuo nau fakatubu ae ma ki ho nau mata onautolu be? Koia oku behe e he Otua ko Jihova, Vakai, teu liligi hoku houhau mo hoku houhau kakaha ki he botu ni, ki he tagata, bea ki he manu, bea ki he gaahi akau oe goue, bea ki he gaahi fua oe fonua; bea e vela ia, bea e ikai aubito tamate‘i.

Oku vale i he ilo ae tagata kotoabe: oku bubutuu ae tufuga kotoabe i he tamabua kuo ta: he koe loi ene tamabua, bea oku ikai ha mānava i ai. Koe vaiga akinautolu, koe gaue ae vale: bea e auha akinautolu i he aho e tautea ai akinautolu.

Bea ke behe, E gaahi tu‘i o Juta, moe kakai o Jelusalema, mou fanogo ki he folofola a Jihova; Oku behe e Jihova oe gaahi kau tau, koe Otua o Isileli; Vakai, teu omi ae kovi ki he botu ni, bea koia e fanogo ki ai, e vavana ai hono teliga. Koeuhi kuo nau jiaki au, bea kuo fakakehe ae botu ni, kuo tutu i ai ae mea namu kakala ki he gaahi otua kehe, aia nae ikai te nau ilo, be koe nau gaahi tamai, be koe gaahi tu‘i o Juta, bea kuo fakabito aki ae botu ni ae toto oe taehalaia.

Bea e fakauli‘i ae gaahi fale o Jelusalema, bea moe gaahi fale oe gaahi tu‘i o Juta, o hage koe botu o Tofeti, koeuhi koe gaahi fale kotoabe aia kuo tutu ai ae mea namu kakala i ho nau tua fale ki he gaahi mea oe lagi, bea kuo liligi ai ae feilaulau inu ki he gaahi otua kehe.

Bea koe kau tagata kotoabe kuo ilo kuo tutu e ho nau gaahi unoho ae mea namu kakala ki he gaahi otua kehe, bea moe kau fefine kotoabe nae tutuu ai, koe toko lahi, io, koe kakai kotoabe oku nofo ki he fonua ko Ijibite, i Batalosi, naa nau tali kia Jelemaia, o behe, Koe mea i he lea kuo ke lea aki kiate kimautolu i he huafa o Jihova, e ikai te mau fanogo kiate koe. Ka te mau fai mooni ki he mea kotoabe kuo alu atu i ho mau gutu, ke tutu ae mea namu kakala ki he eiki fefine oe lagi, bea liligi e mau feilaulau inu kiate ia, o hage koia naa mau fai, akimautolu moe mau gaahi tamai, mo ho mau gaahi tu‘i, mo ho mau houeiki, i he gaahi kolo o Juta, bea i he gaahi hala o Jelusalema: he naa mau ma‘u ai ae mea kai lahi, bea naa mau lelei, bea ikai mamata ki he kovi. Kae talu e mau tuku e mau tutu mea namu kakala ki he eiki fefine oe lagi, bea moe mau liligi feilaulau inu kiate ia, kuo mau majiva i he gaahi mea kotoabe, bea kuo fakaauha akimautolu aki ae heleta, bea moe hoge. Bea i he e mau tutu ae mea namu kakala ki he eiki fefine oe lagi, bea liligi ae gaahi feilaulau inu kiate ia, naa mau gaohi ae ma maana, bea hu ki ai, mo liligi ae gaahi feilaulau inu kiate ia, tae ha mau kau tagata?

Koia nae ikai toe faa kataki a Jihova, koeuhi koe kovi a hoo mou gaahi faiaga, bea koeuhi koe gaahi mea fakalielia kuo mou fai; koia kuo lala ai ho mou fonua, bea koe mea fakaofo, bea koe malaia, bea tae hano kakai, o hage koia i he aho ni. Koeuhi kuo mou tutu ae mea namu kakala, bea koeuhi kuo mou agahala kia Jihova, bea ikai talagofua ki he le‘o o Jihova, be eveeva i he ene gaahi fono, be i he ene gaahi tuutuuni, be i he ene gaahi fakamooni; koia kuo hoko ai ae kovi ni kiate kimoutolu, o hage koe aho ni.

Oku vale ae tagata taki taha i he ene ilo; oku ma ae tufuga taki taha i he ene mea fakatātā kuo ta: he koe fakatātā kuo haka koe lo ia, bea oku ikai ha mānava iate kinautolu. Koe vaiga akinautolu, koe gaue ae kāu he: e auha akinautolu i he aho o ho nau aahi.

Ka kuo ke fakahikiniki koe ki he Eiki oe lagi, bea kuo nau omi ae gaahi ibu o hono fale ki ho ao, bea ko koe mo hoo gaahi houeiki, mo hoo gaahi unoho, mo hoo kau fefine, kuo mou inu kava mei ai; bea kuo ke fakamalo ki he gaahi otua siliva, moe koula, moe balasa, moe ukamea, moe akau, moe maka, aia oku ikai ke mamata, be fanogo, be ilo: bea koe Otua aia oku i hono nima a hoo mānava, bea oku oona ho gaahi hala kotoabe, nae ikai te ke fakamalo‘i.

Kuo nau fakanofo ae gaahi tu‘i, kae ikai iate au: kuo nau tuutuuni ae gaahi eiki, bea nae ikai teu ilo: kuo nau gaohi aki ae nau siliva moe nau koula ae tamabua, koeuhi ka nau auha.

I he e nau ui kiate kinautolu, behe ne nau alu meiate kinautolu: naa nau feilaulau kia Bealimi, bea nau tutu ae akau namu kakala ki he gaahi tamabua kuo togitogi.

Koeha hono aoga oe fakatātā kuo ta, koeuhi ke ta ia e he tufuga oia; be koe fakatātā haka, moe akonaki loi, koeuhi oku falala ae tufuga ki he ene gaue, ke ne gaohi ae gaahi tamabua noa?

Oua naa mou mahalo kuou ha‘u ke fakataeaoga‘i ae fono, be koe kau balofita: nae ikai teu ha‘u ke faka-taeaoga‘i, ka ke fakamooni. He oku ou tala mooni kiate kimoutolu, E tomua mole ae lagi moe fonua ka e ikai mole ha kihi‘i koga jii mei he fono, ka e fakamooni kotoabe. Ko ia te ne liaki ha fekau jii i he gaahi fekau ni, bea akonaki behe ki he kakai, e ui ia koe jii hifo i he buleaga oe lagi: ka ko ia te ne fai ia, mo akonaki aki ia, e ui ia koe lahi i he buleaga oe lagi.

Bea behe eia kiate kinautolu, He oku behe hoo mou taeilo foki? Oku ikai te mou ilo, koe mea kotoabe mei tua, oku alu ki he tagata, oku ikai faa fakauli ia eia; Koeuhi oku ikai ke alu ia ki hono loto, ka ki he kete, oku fakamaa ai ae mea kai kotoabe, kae toki alu kitua ae mea taeaoga?

Ko ia oku agatonu i he mea jii, oku agatonu foki ia i he mea lahi; bea ko ia oku taeagatonu i he mea jii, oku taeagatonu ia i he mea lahi.

Oku ikai ha tamaioeiki te ne faa tauhi ae eiki e toko ua: koeuhi e fehia ia ki he toko taha, kae ofa ki he toko taha; be bikitai ki he toko taha, kae manuki ki he toko taha. E ikai jii te mou faa tauhi ae Otua moe koloa.

Bea koe taulaeiki o Jubita, aia nae i ho nau vee kolo, ne omi eia ki he mataba ae faga bulu, moe tuiga kakala, bea nau tokaga moe kakai ke feilaulau. Ka i he fanogo ki ai ae ogo abosetolo, ko Banebasa mo Baula, naa na haehae ho na kofu, bea na felele‘i ki he kakai, mo na kalaga, O behe, Ae kau tagata, koeha oku mou fai ai ae gaahi mea ni? Koe ogo tagata be akimaua o hage ko kimoutolu, bea oku ma malaga kiate kimoutolu ke mou tafoki mei he gaahi vaiga ni ki he Otua moui, aia naa ne gaohi ae lagi, mo mamani, moe tahi, moe mea kotoabe oku i ai:

Ka ke tau tohi kiate kinautolu, ke nau fakamamao mei he fakalielia oe gaahi tamabua, moe feauaki, moe mea kuo jijina, moe toto.

Nae lelei ki he Laumalie Maonioni, bea mo kimautolu, ke oua naa ai ha kavega mamafa kiate kimoutolu, ka koe gaahi mea totonu ni; Ke mou fakamamao mei he meakai kuo feilaulau aki ki he gaahi tamabua, bea mei he toto, moe mea kuo jijina, bea moe feauaki; aia ka mou ka mavahe akimoutolu mei ai, te mou lelei. Jiotoofa atu kiate kimoutolu.

Bea nae kei tatali a Baula kiate kinaua i Atenisi, bea gau‘eue hono laumalie iate ia, i he ene mamata kuo bito ae kolo i he tamabua.

Bea kabau koe hako oe Otua akitautolu, oku ikai lelei e tau mahalo oku tatau ae Otua moe koula, be koe siliva, be koe maka, kuo togitogi aki ae boto moe filioi oe tagata. Bea nae ikai fie afio‘i e he Otua ae gaahi kuoga oe vale ni, ka oku ne fekau eni ki he kakai kotoabe, i he botu kotoabe, ke nau fakatomala: Koeuhi kuo ne kotofa ae aho, te ne fakamāu maonioni ai a mamani, i he tagata kuo ne fakanofo; bea kuo ne fakababau ia ki he kakai kotoabe, i he ene fokotuu ia mei he bekia.

Bea koeuhi koe gaahi Jenitaile oku tui, kuo mau fakamāu mo tohi ke oua te nau fai mea behe, ka ke nau taofi akinautolu mei he mea kuo feilaulau aki ki he gaahi tamabua, moe toto, moe mea kuo jijina, bea moe feauaki. Bea nae toki ave e Baula ae kau tagata, bea i he aho naa na feholo‘i, ne ne fakamaa ia mo kinautolu, bea ne hu ia ki he fale lotu lahi, ke fakaha ae gaahi aho oe fakamaa, kae oua ke fai ha feilaulau maa nautolu taki taha kotoabe.

Bea i he e nau bole koe boto akinautolu, naa nau liliu ai koe vale, O nau fetogi ae nāunāu oe Otua tae faa auauha aki ae fakatātā kuo gaohi ke tatau be moe tagata oku faa auauha, moe faga manu buna, moe faga manu vee fa, moe gaahi mea totolo.

KO ia oku vaivai i he tui mou ma‘u, kae ikai i he fakakikihi taeaoga. He oku tui ae toko taha oku gofua ene kai ki he gaahi mea kotoabe: ka koe toko taha oku vaivai, oku kai mei he goue be.

Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu? He kuo fakatau akimoutolu aki ae totogi: koia ke fakaogolelei ae Otua i ho mou jino, bea i ho mou laumalie, aia oku oe Otua.

BEA i he gaahi mea kuo feilaulau aki ki he gaahi tamabua, oku tau ilo, he oku tau ma‘u kotoabe ae ilo. Oku fakafuofuo lahi e he ilo, ka oku laga hake e he ofa. Bea kabau oku mahalo e ha tagata oku ne ilo ha mea, oku teeki te ne ilo ha mea e taha, o hage koia oku totonu ke ne ilo. Ka oka ai ha taha oku ofa ki he Otua, oku ilo ia eia.

Bea koeuhi koe kai oe gaahi mea koia oku feilaulau aki ki he gaahi tamabua, oku tau ilo, koe tamabua koe mea noabe i mamani, bea oku ikai mo ha Otua, ka koe toko taha be. He ne ogo oku ai oku ui koe gaahi otua, i he lagi be i he mamani, (he oku ai ae otua toko lahi, moe eiki toko lahi,) Ka oku taha be ae Otua kiate kitautolu, koe Tamai, aia oku mei ai ae gaahi mea kotoabe, bea maana akitautolu; bea taha be ae Eiki, ko Jisu Kalaisi, aia oku iate ia ae gaahi mea kotoabe, mo kitautolu iate ia.

Ka oku ikai i he tagata kotoabe ae ilo koia: he oku kei ai ni ae niihi oku kai fākalilia ae mea oku atu ki ha tamabua, o hage ko ha mooni ia, bea oku fakauli‘i ai ho nau loto koeuhi ko ene vaivai. Ka oku ikai fakaogolelei akitautolu e he mea kai ki he Otua: he oku ikai te tau lelei ai, o kabau oku tau kai; bea oku ikai te tau kovi ai, o kabau oku ikai te tau kai. Kae vakai telia naa ai ha mea e hoko ai hoo mou tauataina ni koe tūkiaaga kiate kinautolu oku vaivai. He kabau e mamata ha taha kiate koe, akoe koe boto, oku ke nofo o kai i he fale oe tamabua, ikai e laga hake ai ae loto o ia oku vaivai, ke ne kai ae gaahi mea koia kuo feilaulau aki ki he gaahi tamabua; Bea koe mea i hoo ilo e auha ai ho kaiga vaivai, nae bekia ai a Kalaisi? Ka i hoo mou agahala behe ki he kaiga, o fakakafo ho nau loto vaivai, ko hoo mou fai agahala ia kia Kalaisi. Koia kabau e fakahala‘i hoku kaiga e he mea kai, e ikai teu kai ae kakano i he kei tuu a mamani, telia naaku fakahala‘i hoku kaiga.

Koia, ko hoku kaiga ofeina, buna mei he tauhi tamabua. Oku ou lea atu ki ke kau tagata boto; mou fakamāu ki he eku lea.

Vakai ki Isileli fakakakano: ikai oku kau fakataha moe ejifeilaulau akinautolu oku kai ae gaahi feilaulau? Ka oku ou behe ai koeha? ko ha mea koa ae tamabua, be ko ha mea aia oku atu o feilaulau aki ki he gaahi tamabua? E ikai; he koe gaahi mea oku feilaulau aki e he kakai Jenitaile, oku nau feilaulau aki ki he gaahi tevolo, kae ikai ki he Otua: bea oku ikai ko hoku loto ke mou feohi moe gaahi tevolo. Oku ikai te mou faa inu i he ibu ae Eiki, moe ibu ae gaahi tevolo: oku ikai te mou faa kau i he keinagaaga ae Eiki, moe keinagaaga ae gaahi tevolo. Bea te tau fakafuaa ae Eiki? oku tau malohi kiate ia?

Oku gofua ae mea kotoabe kiate au, ka oku ikai aoga ae mea kotoabe: oku gofua ae mea kotoabe kiate au, ka oku ikai laga hake kotoabe. Ke oua naa kumi taki taha hono lelei be oona, ka ki he lelei ae niihi kehe. Iloga aia oku fakatau i he botu fakatau, kai ia, bea oua naa fehui telia ae loto: He oku ae Eiki ae fonua, mo hono fonu o ia. Kabau e talaki akimoutolu e ha taha iate kinautolu oku ikai tui, bea oku mou loto ke alu ki ai; koia oku tuku i ho mou ao, kai, bea oua naa fehui telia ae loto. Ka oka behe e ha taha kiate kimoutolu, Kuo feilaulau aki eni ki he gaahi tamabua, oua naa mou kai ia, telia ia kuo ne fakaha, bea telia moe loto foki: he oku ae Eiki ae fonua, mo hono fonu o ia: Oku ou behe koe loto, kae ikai oou, ka oe toko taha: he koeha oku fakamāu ai eku tauataina aki ae loto oe taha kehe? He kabau ko ha mea i he ofa oku ou ma‘u ai ia, koeha oku lauikovi ai au i he mea koia oku ou fakafetai ai?

Koia kabau oku mou kai, be inu, be koeha ae mea oku mou fai, fai kotoabe ke fakaogolelei ai ae Otua. Oua naa fai fakaita, be ki he kakai Jiu, be ki he kakai Jenitaile, be ki he jiaji oe Otua: Io, o hage ko au, oku ou fakafiemalie‘i ae tagata kotoabe i he mea kotoabe, o ikai kumi ae lelei ooku, ka koe lelei oe toko lahi, koeuhi ke nau moui.

Oua naa mou kau fakataha moe kakai taetui: he oku feohi fefe ae maonioni moe taemaonioni? bea oku feohi fefe ae māma moe bouli? Bea oku kau taha fefe a Kalaisi mo Bileali? bea oku inaji taha i he ha aia oku tui moe taetui? Bea oku fai tatau i he ha ae fale tabu oe Otua moe gaahi tamabua? he koe fale tabu akimoutolu oe Otua moui; o hage koe folofola ae Otua, Teu nofoia akinautolu, o eveeva iate kinautolu; bea ko ho nau Otua au, bea ko hoku kakai akinautolu. Oku behe e he Eiki, Koia mou ha‘u meiate kinautolu, bea ke ataatā akimoutolu, bea oua naa ala ki he taemaa; bea teu ma‘u akimoutolu:

Koia ke oua naa ai ha taha e fakaaga kiate kimoutolu i ha mea kai, be ha mea inu, be ki ha aho katoaga, be i ha tuu efiafi, be i he gaahi sabate: Aia koe gaahi ata oe mea oku ha‘u; ka ko hono jino oku ia Kalaisi.

Koia kabau oku mou mate mo Kalaisi mei he gaahi ulugaaga fakamama, koeha oku mou moulaloa ai ki he gaahi tuutuuni, o hage oku mou moui fakamama, o fakatatau moe gaahi fekau moe gaahi akonaki ae tagata; Oua naa ala; oua naa kamata; oua naa milihi; Aia e auha kotoabe i hono gaue aki? Koe gaahi mea koia oku ai mooni hono matamata boto i he fiefie lotu, moe agavaivai, bea moe taetokaga‘i oe jino; ka oku ikai aoga, ka ki he fakafiemalie oe kakano.

He oku fakaha ekinautolu be hono aga oe mau hoko atu kiate kimoutolu, bea mo hoo mou tafoki ki he Otua mei he gaahi tamabua, ke tauhi ae Otua moui mo mooni;

KA oku lea fakabatonu mai ae Laumalie, e he ae niihi mei he tui i he gaahi kuoga fakamui, o tokaga ki he gaahi laumalie fakahala, moe gaahi akonaki oe kau tevolo; I he malualoi o kinautolu oku lea loi; kuo hunuhunu ho nau atamai aki ae ukamea vela; O fekau ke oua naa mali, mo nau fakatabu‘i ae gaahi mea kai, aia nae fakatubu e he Otua ke ma‘u i he fakafetai ekinautolu oku tui bea ilo ae mooni. He oku lelei aia kotoabe kuo fakatubu e he Otua, bea oku ikai ha mea ke jiaki, o kabau e ma‘u ia i he fakafetai: He kuo fakagofua ia e he folofola ae Otua moe lotu.

Ka ke fai ekimoutolu ki he folofola, bea oua naa gata i he fanogo, o mou kākā‘i akimoutolu. He kabau oku fanogo e ha taha ki ne folofola, kae ikai fai, oku tatau ia mo ha taha oku ne fakajio ki he mata o hono jino i ha jioata: He oku ne fakajio kiate ia, bea alu, bea galo leva iate ia be oku matamata fefe ia.

Ko ia kotoabe oku ne fai agahala, oku ne maumau‘i foki ae fono: he koe agahala, koe maumau oe fono.

Ae fānau ofeina, taofi akimoutolu mei he gaahi tamabua. Emeni.

Ko ia ia oku fai hala, bea ikai nofo mau i he akonaki a Kalaisi, oku ikai ma‘u eia ae Otua. Ko ia ia oku nofo i he akonaki a Kalaisi, oku ma‘u eia fakatouoji ae Tamai bea moe Alo. Kabau e alu atu ha taha kiate kimoutolu, kae ikai omi ae akonaki ko eni, oua naa tali ia ki ho mou fale, bea oua naa tokoni ki ai: He ko ia oku tokoni ki ai oku kau ia i he ene gaahi gaue kovi.

Ka oku ai ae mea niihi oku ou koviia ai kiate koe, koeuhi oku iate koe akinautolu oku nau tui ki he akonaki a Belami, aia naa ne akonekina a Belaki ke li ae tūkiaaga i he ao oe gaahi foha o Isileli, ke nau kai ae gaahi mea kuo feilaulau aki ki he gaahi tamabua, bea ke fai ae feauaki.

Ka oku ai ae mea niihi oku ou koviia ai kiate koe, koeuhi ko hoo tuku ai be ae fefine ko Jesebeli, aia oku ne ui ia koe balofita fefine, bea oku ne akonekina mo oloa eku kau tamaioeiki ke fai ae feauaki, bea ke kai ae gaahi mea kuo feilaulau aki ki he gaahi tamabua. Bea neu tuku kiate ia ae kuoga ke fakatomala ai i he ene feauaki; ka nae ikai fakatomala ia. Vakai, teu li ia ki ha mohega, mo kinautolu oku fai feauaki mo ia, ki he mamahi lahi, o kabau e ikai te nau fakatomala i he e nau gaahi gaue. Bea teu tamate‘i aki ae mate a ene fānau; bea e ilo ai e he gaahi jiaji kotoabe, ko au ia oku ou hakule ae gaahi holi moe loto: bea teu atu kiate kimoutolu taki taha o fakatatau ki hoo mou gaahi gaue.

Bea ko hono toe oe kakai nae ikai ke tamate‘i aki ae gaahi fakamamahi ni, nae ikai te nau fakatomala i he gaahi gaue a ho nau nima, ke oua te nau hu ki he kau tevolo, moe gaahi tamabua koula, moe siliva, moe balasa, moe maka, moe akau: aia oku ikai faa mamata, be fanogo, be aeva:

Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.