28 – Kau ʻangelo

Bea naa ne kabuji ai ae tagata; bea ne tuku ki he botu hahake oe goue o Iteni, ae jelubimi, moe heleta ulo, aia nae foli fakatakamilo, ke leohi ae hala oe akau oe moui.

Bea behe e he agelo a Jihova kiate ia, Teu fakatubu ho hako ke toko lahi aubito, bea e ikai faa lau hono toko lahi. Bea behe e he agelo a Jihova kiate ia, Vakai, oku ke feitama, bea te ke faele‘i ae tama, bea te ke ui hono higoa ko Isimeli; he ku ogo‘i e Jihova a hoo mamahi. Bea e hoko ia koe tagata hehegi; e hiki hake eia hono nima ki he tagata kotoabe, bea e hiki hake e he tagata kotoabe hono nima kiate ia; bea e nofo ia i he ao o hono kaiga kotoabe.

Oku tali e Ebalahame ae kau agelo e toko tolu. 9 Kuo valokia a Sela koe mea i he ene kata i he talaofa foou. 17 Oku fakaha kia Ebalahame ae jakaauha o Sotoma. 23 Oku hufia e Ebalahame ae kakai o ia. BEA nae ha mai a Jihova kiate ia i he fonua o Mamili, i he ene nofo i he mataba oe fale fehikitaki i he bubuha oe aho. Bea haga hake eia hono mata o jio, bea vakai, oku tutuu mai ae tagata e toko tolu kiate ia: bea i he ene mamata ki ai, naa ne lele mei he mataba oe fale fehikitaki, ke fakafetaulaki kiate kinautolu, bea nae bunou hifo ia ki he kelekele,

Bea na ta‘i aki ae kui, ae kau tagata nae i he mataba oe fale, ae jii moe lalahi: koia naa nau fiu i he kumi ae mataba. Bea behe e he ogo tagata kia Lote, Oku ai hao kaiga i he botu ni? ko ho foha i he fono, mo ho gaahi foha, mo ho gaahi ofefine, mo ia kotoabe oku ke ma‘u i he kolo ni fetuku mei he botu ni. He te ma fakaauha ae botu ni, koeuhi kuo hoko o lahi aubito ae nau tagi ki he ao o Jihova; bea kuo fekau‘i akimaua e Jihova, ke fakaauha ia. Bea nae alu kitua a Lote o lea ki hono gaahi foha i he fono, aia nae unoho mo hono gaahi ofefine, o ne behe kiate kinautolu, Tuu hake, hola mei he botu ni; koeuhi e fakaauha e Jihova ae kolo ni; ka nae hage ia ko ha toko taha oku luma, ki hono gaahi foha i he fono. Bea bogibogi hake ai, nae fakavave a Lote e he ogo agelo, o behe, Tuu o ave ho unoho mo ho ogo ofefine oku i heni; telia naa auha koe i he agahala ae kolo.

Bea nae ui e he agelo a Jihova kiate ia mei he lagi, o behe, Ebalahame, Ebalahame; bea behe eia, Ko au eni; Bea behe eia, Oua naa ala ho nima ki he tama, be fai ha mea kiate ia; he oku ou ilo eni, oku ke manavahe ki he Otua, koeuhi nae ikai te ke taofi ho foha, ko ho foha be taha meiate au.

Bea nae ui e he agelo a Jihova kia Ebalahame mei he lagi ko hono tuo ua, O ne behe, Oku behe e Jihova, kuou fuakava iate au, koeuhi kuo ke fai ae mea ni, bea nae ikai te ke taofi meiate au ho foha, a ho foha be taha; Koeuhi i he tabuaki, teu tabuaki‘i koe, bea i he fakatokolahi, teu fakatokolahi ho hako ke tatau moe gaahi fetuu oe lagi, moe oneone oku i he matātahi; bea e ma‘u e ho hako ae mataba o ho nau gaahi fili. Bea e monuia i ho hako ae buleaga kotoabe o mamani; koe mea i hoo tuitala ki hoku le‘o.

Bea miji ia, bea vakai, kuo fokotuu ha tuuga ki he fuga kelekele, bea tau hake hono botu ki he lagi, bea vakai, nae fealuaki hake mo hifo i ai ae kau agelo ae Otua.

Bea lea ae agelo ae Otua kiate au i he miji, o behe, Jekobe: bea naaku behe, Ko au eni.

BEA nae alu a Jekobe i hono hala, bea fakafetaulaki mai kiate ia ae kau agelo ae Otua. Bea kuo mamata a Jekobe kiate kinautolu, bea behe eia, Koe kau tau eni ae Otua: bea naa ne ui ae higoa oe botu koia, ko Mehanemi.

Bea nae ha mai ae agelo a Jihova kiate ia i he ulo afi i he lotolotoga oe uluakau: bea jio ia, bea vakai, nae ulo ae uluakau i he afi, ka nae ikai oji ai ae uluakau. Bea behe e Mosese, Koeni, teu afe atu o mamata ki he mea lahi ni, be koeha oku ikai vela ai ae uluakau.

Bea koe agelo ae Otua, aia nae alu muomua i he fonoga o Isileli, nae hiki o alu kimui iate kinautolu; bea koe bou oe ao nae hiki ia mei ho nau ao, o tuu kimui iate kinautolu: Bea nae ha‘u ia o tuu i he vahaa oe kakai Ijibite moe kakai Isileli; bea koe ao ia moe fakabouli kiate kinautolu na, ka nae fakamāma ia kiate kinautolu ni: koia nae ikai hoko ai ae taha ki he taha i he bo kotoa koia.

Vakai, oku ou fekau ha Agelo ke muomua i ho ao, ke tataki koe i he hala, bea ke omi koe ki he botu aia kuou teuteu‘i.

He ko eku Agelo e muomua iate koe, o ne omi koe ki he kakai Amoli, moe kau Heti, moe kau Belesi, moe kau Kenani, moe kau Hevi, moe kau Jebusi; bea teu tuuji akinautolu.

Bea te ke gaohi ae jelubimi koula e ua, ke ke gaohi ia aki ae koula tuki, i hono ta e ua oe nofoaga aloofa. Bea te ke gaohi ae jelubi e taha ke tuu i he ta e taha, moe jelubi e taha ke tuu i he ta e taha; e i he nofoaga aloofa ae ogo jelubimi i hono ta e ua o ia. Bea e mafola atu ho na kabakau i oluga e he ogo jelubimi, ke malu‘i ae nofoaga aloofa aki ho na kabakau, bea e fehagaaki ho na mata, o na femamataaki; bea e haga ki he nofoaga aloofa ae mata oe ogo jeiubimi. Bea te ke hilifaki ae nofoaga aloofa ki oluga ki he fuga buha; bea te ke ai ki loto i he buha ae tohi oe fuakava aia teu atu kiate koe. Bea teu fakafetaulaki i ai kiate koe, bea te ta lea ai mo koe mei oluga i he nofoaga aloofa, mei he vahaa oe ogo jelubimi, aia oku i he fuga oe buha oe fuakava, ki he gaahi mea kotoabe aia teu fekau atu ai kiate koe, ki he fānau a Isileli.

Koia, ke ke alu ni, o ave ae kakai ki he fonua, aia naaku lea ai kiate koe: vakai, e muomua iate koe a eku Agelo: ka koe mooni i he aho o eku aahi, Teu aahi e nau agahala kiate kinautolu.

Bea teu fekau ha agelo ke muomua iate koe: bea teu kabuji ae kakai Kenani, moe kau Amoli, moe kau Heti, moe kau Belesi, koe kau Hevi, bea moe kau Jebusi:

Bea i he ene alu a Mosese ki he fale fehikitaki oe kakai ke lea ki he Otua, naa ne fanogo ki he le‘o oe toko taha nae lea kiate ia mei he nofoaga oe aloofa aia nae tuu i he fuga oe buha oe fuakava, mei he vahaa oe ogo jelubimi: bea naa ne folofola mai kiate ia.

Bea i he e mau tagi kia Jihova naa ne ogo‘i a ho mau le‘o, bea naa ne fekau ki he ene agelo, bea kuo ne omi akimautolu mei Ijibite, bea koeni, oku mau i Ketesi, koe kolo ia oku tuu i he gataaga mooni o ho fonua.

Bea nae tubu ae houhau oe Otua koeuhi ko ene alu: bea nae tuu i he hala ae agelo a Jihova koe tali tau kiate ia. Bea nae heka ia i he ene asi, bea mo ene ogo tamaioeiki mo ia. Bea nae mamata ae asi ki he agelo a Jihova nae tuu i he hala, bea mo ene heleta nae i hono nima: bea nae afe atu ae asi mei he hala, o alu ki he goue: bea nae ta‘i e Belami ae asi, ke fakafoki ia ki he hala. Ka nae tuu ae agelo a Jihova, i he hala oe goue vaine, bea nae ai ae a maka i he botu toomatau, moe botu toohema. Bea i he mamata ae asi ki he agelo a Jihova, nae oho ia ki he a maka, bea nae mamulu ae va‘e o Belami i he a maka: bea naa ne toe ta‘i ia. Bea nae alu ae agelo a Jihova, bea nae tuu ia i he botu abiabi, bea nae ikai i ai ha hala ke afe ki he nima toomatau be ki he toohema. Bea i he mamata ae asi ki he agelo a Jihova, nae to ia ki lalo mo Belami: bea nae tubu ai ae ita a Belami, o ne ta‘i ae asi aki ae tokotoko. Bea nae too e Jihova ae gutu oe asi, bea ne behe eia kia Belami, Koeha kuou fai kiate koe, kuo ke ta‘i ai au o liuga tolu? Bea behe e Belami ki he asi, Koeuhi kuo ke manuki‘i au: amujiaage e au kuo i hoku nima ha heleta, he ka ne ai teu tamate‘i koe. Bea nae behe e he asi kia Belami, Ikai ko hoo asi au kuo ke heka ki ai talu hoo ma‘u au o a‘u ki he aho ni? He kuou faa fai behe ni kiate koe? Bea ne behe eia, Nae ikai.

Bea nae toki fakaa e Jihova ae mata o Belami, bea nae mamata ia ki he agelo a Jihova oku tuu i he hala, mo ene heleta kuo too i hono nima: bea nae bunou eia hono ulu, bea foohifo ki hono mata. Bea nae behe e he agelo kiate ia, Koeha kuo ke ta‘i ai a hoo asi ni o liuga tolu? vakai neu alu atu o taofi koe, koeuhi oku kovi ho hala i hoku ao: Bea nae mamata ae asi kiate au, bea ne afe meiate au o liuga tolu: ka ne ikai afe ia meiate au koe mooni kuou tamate‘i foki koe, kae tuku ia ke moui. Bea nae behe e Belami ki he agelo a Jihova, Kuou agahala au; he nae ikai teu ilo naa ke tuu kiate au i he hala: bea ko eni, kabau oku kovi kiate koe, teu toe foki au. Bea nae behe e he agelo a Jihova kia Belami, Alu moe kau tagata: ka koe lea be teu lea aki kiate koe, koia be te ke lea aki. Bea nae alu a Belami moe houeiki mei a Belaki.

Bea nae hoko o behe, i he tuu a Josiua o ofi ki Jeliko, bea haga hake eia hono mata o jio atu, bea vakai, nae tuu mai ha tagata o hagatonu mai kiate ia moe heleta kuo unuhi i hono nima: bea nae alu atu a Josiua kiate ia, o ne behe kiate ia, Oku ke kau mo kimautolu, be ki ho mau gaahi fili? Bea behe mai eia, Ikai, ka kuou ha‘u ni au, koe Eiki oe tau a Jihova. Bea nae fakafoohifo e Josiua a hono mata ki he kelekele, o ne hu, bea ne behe kiate ia, Koeha ae folofola a hoku eiki ki he ene tamaioeiki? Bea behe e he Eiki tau oe tau a Jihova kia Josiua, Vete ho tobuva‘e mei ho va‘e; he koe botu oku ke tuu ai, koe botu maonioni. Bea nae fai ia e Josiua.

Bea nae hoko o behe, i he lea ae agelo a Jihova aki ae gaahi lea ni ki he fānau kotoabe a Isileli, nae hiki hake ho nau le‘o e he kakai, o tagi.

Naa nau tau mei lagi; koe gaahi fetuu i ho nau gaahi aluaga naa nau tau‘i a Sisela.

Bea nae fakahāhā ae agelo a Jihova kiate ia, o ne behe kiate ia, Oku iate koe a Jihova, akoe koe tagata malohi mo to‘a.

Bea nae toki mafao atu e he agelo a Jihova ae mua tokotoko nae i hono nima, ke lave ki he kakano moe gaahi ma tae mea fakatubu; bea nae alu hake ae afi mei he maka, bea nae ojioji ai ae kakano moe gaahi ma tae fakalevani. Bea nae alu ai ae agelo a Jihova mei hono ao. Bea i he ilo e Kitione koe agelo ia a Jihova, nae behe e Kitione, Oiaue, E Jihova koe Otua! he kuou mamata ki he agelo a Jihova koe mata ki he mata.

Bea nae ha‘u ai ae fefine o tala ki hono unoho, o behe, Nae ha‘u ae tagata ae Otua kiate au, bea nae tatau hono mata moe mata oe agelo ae Otua, nae fakamanavahe: ka nae ikai teu fehui be ne ha‘u meife ia, bea nae ikai te ne tala mai hono higoa:

Bea nae behe e he agelo a Jihova kiate ia, Koeha oku ke fehui ai ki hoku higoa, kae oji oku fufu ia? Bea nae omi e Manoa ae uhiki‘i manu moe feilaulau meakai, bea ne atu ia kia Jihova i he fuga maka: bea nae fai mea fakaofo e he agelo: bea nae mamata ki ai a Manoa mo hono unoho. Bea nae hoko o behe, i he alu hake ki lagi ae ulo afi mei he fuga feilaulauaga, nae haele hake ae agelo a Jihova i he ulo afi mei he fuga feilaulauaga. Bea nae mamata ki ai a Manoa mo hono unoho, bea naa na to ki ho na mata ki he kelekele.

Koia nae omi ai e Jihova ae mahaki fakaauha ki Isileli mei he bogibogi o a‘u atu ki he feituu aho aia nae tuutuuni: bea nae bekia i he kakai mei Tani o a‘u atu ki Beasiba, ae kakai tagata e toko fitu mano. Bea i he ene mafao atu e he agelo a hono nima ki Jelusalema ke fakaauha ia, nae liliu a Jihova mei he fakahoko ae kovi, bea ne folofola ki he agelo aia nae tamate‘i ae kakai, Kuo lahi; ke taofi eni ho nima. Bea nae feouga ae agelo o Jihova moe hahaaga uite o Alauna koe tagata Jebusi. Bea nae lea a Tevita kia Jihova, i he ene mamata ki he agelo aia nae ta‘i ae kakai, o ne behe, Vakai, kuou fai agahala, bea kuou fai ae kovi lahi: ka koe faga sibi na koeha kuo nau fai? oku ou kole kiate koe, tuku ho nima ke mafao mai kiate au, bea ki he fale o eku tamai.

Bea lolotoga a ene tokoto o mohe i he lolo akau koe juniba, vakai, nae toki ala kiate ia ha agelo, o ne behe kiate ia. Tuu hake, o kai. Bea naa ne jio, bea vakai, koe foi ma nae tunu i he fuga fefie, bea tuu ofi ha ibu vai ki hono oluga. Bea naa ne kai mo inu, bea toe tokoto ia ki lalo. Bea nae toe ha‘u ae agelo a Jihova ko hono liuga ua, o ala kiate ia, o ne behe, Tuu hake o kai; he oku loloa fau ae hala kiate koe. Bea naa ne tuu hake, mo ne kai mo inu, bea naa ne alu i he malohi oe meakai koia i he aho e fagofulu moe bo e fagofulu ki Holebi koe mouga oe Otua.

Bea naa ne behe, Koia foki, fanogo koe ki he folofola a Jihova: naaku mamata ki he afio a Jihova ki hono afioaga, bea moe tutuu i hono nima toomatau mo hono nima toohema ae gaahi toko lahi kotoabe oe lagi.

Bea nae behe e he agelo o Jihova kia Ilaija, Ke ke alu hifo moia: oua naa ke manavahe kiate ia. Bea naa ne tuu hake, mo ne alu hifo mo ia ki he tu‘i.

Bea vakai, lolotoga a e na kei alu atu, mo talanoa, nae ha mai ha jaliote afi, moe faga hose oe afi, bea nae mavae ai akinaua; bea nae alu hake a Ilaija i he ahiohio ki he lagi. Bea nae mamata ki ai a Ilaisa, bea naa ne kalaga, A eku tamai, a eku tamai, koe jaliote o Isileli, moe kau heka hosi oia. Bea nae ikai toe mamata ia kiate ia: bea naa ne buke a hono gaahi kofu oona, mo ne hae ua ia.

Bea nae lotu a Ilaisa, o ne behe, E Jihova, oku ou kole kiate koe, ke ke fakaa a hono mata, koeuhi ke ne mamata. Bea nae fakaa ae mata oe talavou e Jihova; bea naa ne jio: bea vakai, nae fonu ae mouga i he faga hose moe gaahi jaliote afi nae nofo takatakai ia Ilaisa.

Bea nae lotu a Hesekaia I he ao o Jihova, o behe, E Jihova koe Otua o Isileli, oku ke afio i he vahaa oe ogo jelubi, ko koe koe Otua, io akoe be, i he gaahi buleaga o mamani; kuo ke fakatubu ekoe ae lagi mo mamani.

Bea i he hokojia ae bo ko ia, nae alu atu ae agelo a Jihova, o ne ta‘i i he abitaga ae kakai Asilia, koe toko taha kilu moe toko valu mano, moe toko nima afe: bea i he e nau tuu hegihegi hake i he abogibogi, iloage koe kakai mate akinautolu kotoabe.

Koia nae tuku ai e Jihova ae mahaki fakaauha ki Isileli: bea nae mate oe kakai Isileli ae kau tagata e toko fitu mano. Bea nae fekau atu ha agelo e he Otua ki Jelusalema ke ne fakaauha ia; bea lolotoga a ene fai ae fakaauha, nae vakai e Jihova, bea naa ne liliu mei he kovi, mo ne behe ki he agelo nae fai ae fakaauha, Mauā, kuo lahi, bea taofi eni ho nima. Bea nae tuu ae agelo a Jihova i he vee mataba oe hahaaga uite o Olinani koe tagata Jebusi. Bea nae haga hake e Tevita a hono mata, bea naa ne mamata ki he agelo a Jihova oku ne tuu i he vahaa o mamani bea moe lagi, kuo too i hono nima ae heleta nae tuu tonu atu ki Jelusalema. Bea nae to hifo ai ki ho nau mata a Tevita moe kau mātua, kuo nau kofu aki ae tauagaa.

He koe fale fehikitaki o Jihova aia nae gaohi e Mosese i he toafa, bea moe feilaulauaga oe feilaulau tutu, nae nofo i he kuoga koia i he botu maoluga i Kibione. Ka nae ikai faa alu a Tevita ki ai ke fehui ki he Otua: he naa ne manavahe koeuhi koe heleta oe agelo o Jihova.

Bea i he fale tobutabu lahi naa ne gaohi ae ogo jelubi, koe mea fakatātā, mo ne aofi ia aki ae koula. Bea ko hono loloa oe kabakau oe ogo jelubi koe haga e fagofulu: koe kabakau e taha koe haga ia e hogofulu, bea nae a‘u atu ia ki he holiji fale, bea koe kabakau e taha koe haga ia foki e hogofulu, bea nae a‘u atu ia ki he kabakau oe jelubi e taha.

He nae malofa atu e he ogo jelubi a ho na kabakau ki oluga i he botu oe buha oe fuakava, bea nae fakamalumalu ae buha oe fuakava mo hono kau haamo e he ogo jelubi mei oluga.

Bea koe mea koia nae lotu ai mo tagi ki lagi a Hesekaia koe tu‘i moe balofita ko Isaia koe foha o Amosi. Bea nae fekau e Jihova ae agelo, aia naa ne ta‘i ae kau tagata to‘a malohi kotoabe, moe kau taki tau moe houeiki bule i he abitaga oe tu‘i o Asilia. Koia nae toe alu ai ia o mata ma ki hono fonua. Bea i he ene hoko ki he fale o hono otua nae tamate‘i ia aki ae heleta, ekinautolu nae tubu mei hono fatu oona.

Ko koe, io ko koe be, ko Jihova toko taha be: naa ke fakatubu ae lagi, koe lagi oe gaahi lagi, mo ho nau gaahi toko lahi kotoabe, ae fonua moe gaahi mea kotoabe oku i ai, koe gaahi tahi, moia kotoabe oku i ai, bea oku ke fakatologa akinautolu kotoabe; bea oku hu kiate koe ae gaahi toko lahi oe lagi.

Ka nae ai ae aho nae fakataha ai ae gaahi foha oe Otua ke fakaha akinautolu i he ao a Jihova, bea nae ha‘u ai foki a Setani mo kinautolu.

BEA nae toe ai ae aho nae fakataha ai ae gaahi foha oe Otua ke fakaha akinautolu i he ao o Jihova, bea nae ha‘u ai foki a Setani mo kinautolu ke fakaha ia i he ao o Jihova.

Aia nae hiva fiefia fakataha ai ae gaahi fetuu oe bogibogi, bea kalaga fakafiefia ai ae gaahi foha kotoabe oe Otua?

Koeha ae tagata oku ke tokaga ai kiate ia? be koe foha ae tagata, oku ke aahi ai kiate ia? He kuo ke gaohi ia ke maulalo jii i he gaahi agelo, bea kuo ke tatā aki ia ae nāunāu moe ogoogolelei.

Oku nofo ae agelo a Jihova o takatakai akinautolu oku manavahe kiate ia, o ne fakamoui akinautolu.

Tuku ke nau hage koe kafukafu‘i akau i he ao oe matagi: bea tuku ke tuli akinautolu e he agelo a Jihova. Tuku ke fakabouli ho nau hala bea hekeheke: bea ke fakataga akinautolu e he agelo a Jihova. He kuo nau aau fakafufu i he luo ho nau kubega kiate au tae hano uhiga; kuo nau keli ae luo ki hoku laumalie tae hano uhiga.

Koe gaahi saliote ae Otua oku ua mano, io, koe gaahi toko afe oe agelo: oku iate kinautolu ae Eiki, io, o hage ko ene i Sainai, i he botu maonioni.

O ne tuku ke to hifo ae mana kiate kinautolu ke nau kai, bea ne foaki kiate kinautolu ae uite oe lagi. Nae kai e he tagata ae mea kai ae kau agelo: naa ne tuku atu ae mea kai ke nau makona ai.

Nae li eia ae kakaha o ene ita kiate kinautolu, ae houhau lahi, moe tubutamaki, moe mamahi, i he ene fekau atu kiate kinautolu ae kau agelo oe kovi.

He te ne fekau ene kau agelo ke nau vakai koe, ke tauhi koe i ho gaahi hala kotoabe. Te nau habai hake koe i he nima, telia naa tukia ho va‘e ki ha maka

OKU bule a Jihova; tuku ke tetetete ae kakai: oku afio ia i he vahaa oe ogo jelubi; tuku ke galulu a mamani.

Fakafetai kia Jihova akimoutolu ko ene kau agelo, oku lahi ho mou malohi, bea oku mou fai ene gaahi fekau, o fakafanogo ki he le‘o o ene folofola. Fakafetai kia Jihova, akimoutolu kotoabe ko ene gaahi kau tau; akimoutolu ko ene kau faifekau, oku mou fai ki hono finagalo.

Oku ne gaohi ene kau agelo ke hage koe matagi; mo ene kau faifekau koe afi oku ulo:

Mou fakamalo kiate ia, a ene kau agelo kotoabe: mou fakamalo kiate ia, a ene gaahi kau tau kotoabe.

I HE ta‘u nae bekia ai ae tu‘i ko Usia neu mamata kia Jihova oku afio i hono afioaga, kuo maoluga mo hiki hake, bea ko hono kofu tōtōlofa nae fonu ai ae fale lotu lahi. Bea nae tuu i oluga ae selafimi: nae taki ono ho na kabakau; naa ne fakabulou aki hono mata ae ua, bea ne ufiufi aki hono va‘e ae ua, bea ne buna aki ae ua. Bea naa na lea fetaliaki, o behe, Oku maonioni, oku maonioni, oku maonioni, a Jihova oe gaahi kau tau: oku fonu a mamani kotoabe i hono nāunāu. Bea nae gau‘eu‘e ae gaahi bou oe mataba i he le‘o oia nae ui, bea nae fakafonu ae fale i he ohu afi. Bea neu toki behe, Kuou malaia au! he kuou auha; koeuhi koe tagata lougutu tae maa au, bea oku ou nofo i he lotolotoga oe kakai lougutu tae maa: he kuo mamata a hoku mata ki he Tu‘i, ko Jihova oe gaahi kau tau. Bea nae toki buna mai ae toko taha oe Selafimi kiate au, nae i hono nima ae malala‘i afi, aia naa ne too aki ae hikofi mei he feilaulauaga. Bea naa ne ai ia ki hoku gutu, mo ne behe, vakai kuo tau ae mea ni ki ho lougutu; bea kuo too o ave hoo hia, bea kuo fakamaa hoo agahala.

E Jihova oe gaahi kau tau, koe Otua o Isileli, aia oku afio i he vahaa oe ogo Jelubi, ko koe koe Otua, io, ko koe toko taha be, i he gaahi buleaga o mamani: ko koe nae gaohi ae lagi mo mamani.

He teu malu‘i ae kolo ni o fakamoui ia koeuhi ko au, bea koeuhi ko eku tamaioeiki ko Tevita. Bea nae toki alu atu ae agelo o Jihova, o ne ta‘i i he nofoaga tau oe kau Asilia ae toko taha kilu ma toko valu mano ma toko nima afe: bea i he tuu hegihegi hake ae kakai, vakai, kuo nau mate, koe agaaga kotoabe.

Bea naaku jio, bea vakai, nae ha‘u ae ahiohio mei he tokelau koe fuu ao lahi, moe afi nae femamioaki, bea nae takatakai ia e he māma, bea kikila mai mei hono botu i loto o hage koe amiba, mei he loto afi. Bea nae ha‘u foki mei he loto mea ae tatau oe mea moui e fa. Bea koe aga eni oe nau ha mai. Naa nau mata tatau moe tagata. Bea naa nau taki taha ae mata e fa, bea nau taki taha ae kabakau e fa. Bea ko ho nau va‘e koe va‘e totonu: bea tatau a ho nau aofiva‘e moe aofiva‘e oe uhiki‘i bulu: bea nae ulo o hage koe ulo oe balasa kuo fakagigila. Bea naa nau nima o hage koe tagata i ho nau lalo kabakau i ho nau botu e fa; bea nae i ho nau botu e fa ae mata moe kabakau. Nae feuutaki ho nau kabakau; bea nae ikai fetafokiaki e nau alu; ka nae taki taha alu fakahagatonu atu. Bea koe mea ki ho nau mata, nae ma‘u e he toko fa ni ae mata oe tagata, moe mata oe laione ki he toomatau: bea ma‘u e he toko fa ni ae mata oe bulu ki he toohema, bea ma‘u foki e he toko fa ni ae mata oe ikale. Nae behe ae aga o ho nau mata: bea nae mafola ho nau kabakau ki oluga; nae taki taha hono kabakau e ua nae febikitaki, bea koe ua nae ufiufi aki ho nau jino. Bea nae taki taha alu fakahagatonu atu be: koia ne alu ki ai ae laumalie, koia ia naa nau alu ki ai, bea nae ikai te nau tafoki i he e nau alu. Bea koe tatau oe mea moui e fa, nae hage koe ulo ae fefie i he afi, bea koe ulo ae tuuga māma nae alu hake ia mo alu hifo i he haohaoga oe gaahi mea moui; bea nae ulo lahi ae afi bea aji mai ae uhila mei he afi. Bea nae lele mo toe foki mai ae gaahi mea moui o hage koe ulo oe uhila.

Bea koeni, lolotoga eku jio ki he gaahi mea moui, vakai, koe teka e taha nae tuu ki he kelekele i he tafaaki oe gaahi mea moui, bea mo hono mata e fa. Bea koe aga oe gaahi teka mo hono gaohi nae hage koe lanu oe belili: bea nae tatau ae mea ni e fa: bea nae ha mai hono gaohi nae hage kuo ai ae teka e taha i he loto teka e taha. I he e nau alu naa nau alu i ho nau tafaaki e fa: bea nae ikai ke tafoki i he e nau alu. Bea ko ho nau gaahi mea takai nae fakaulia koe mea i hono maoluga lahi; bea nae bito a ho nau mea takai i he mata o takatakai i he mea ni e fa. I he ene alu ae gaahi mea moui, nae alu ai be moe gaahi teka; bea ka hiki hake ae gaahi mea moui mei he kelekele, nae hiki ai be moe gaahi teka. Koe botu kotoabe nae alu ki ai ae laumalie, naa nau alu ai, koia ia e alu ki ai ho nau laumalie; bea nae hiki hake o fakahagatonu mai ae gaahi teka kiate kinautolu: he koe laumalie oe mea moui nae i he gaahi teka. I he ene alu ena, nae alu eni; bea i he ene tuu mau ena, nae tuu eni; bea i he ene hiki hake ena mei he kelekele, nae hiki hake ai ae gaahi teka o fakahagatonu mai kiate kinautolu: he nae i he gaahi teka ae laumalie oe mea moui.

Bea nae tatau hono fakamalumalu mei oluga i he gaahi mea moui, moe lanu oe kalisitala fakamanavahe, oku mafola atu ki oluga i ho nau ulu. Bea nae mafola totonu hake i lalo i hono fakamalumalu a ho nau kabakau, bea ne febikitaki ia: nae taki taha ho nau kabakau e ua nae ufiufi aki ho nau jino i he tafaaki ko eni, bea moe ua nae ufiufi aki mei hena. Bea i he e nau alu naaku fanogo ki he logoaa o ho nau kabakau, nae hage koe uulu oe gaahi vai lahi, hage koe le‘o oe mafimafi, moe ogo mai ae lea, moe logoaa o ha fuu toko lahi: bea i he e nau tuu naa nau fāū ho nau kabakau. Bea i he e nau tuu mo fāū ho nau kabakau nae ogo mai ae le‘o mei he lagi, ki oluga i ho nau ulu.

Bea naaku fanogo foki ki he kabata ae kabakau oe gaahi mea moui, aia nae feuutaki, moe logoaa oe gaahi teka nae fehagai mo kinautolu, moe uulu oe mumuhu lahi.

BEA naaku mamata, bea vakai, nae ha mai ae mea hage koe maka koe safaia mei he fakamalumalu nae i oluga i he ulu oe jelubimi, bea nae ha mai ia hage ko ha nofoa fakatu‘i. Bea nae folofola ia ki he tagata nae kofu aki ae tubenu lelei, o ne behe, Hu atu i he vahaa oe gaahi teka, i he lalo jelubi, bea fakabito aki ho nima ae malala‘i afi mei he vahaa oe jelubimi bea fakamokulu ia ki he kolo. Bea naa ne hu atu ia i hoku ao. Bea koeni, nae hu atu ae tagata oku tuu ae jelubimi i he botu toomatau oe fale; bea nae fakafonu aki ae ao ae lotoa ki loto. Bea nae toki hiki hake ae nāunāu o Jihova mei he jelubi, bea tuu mei he mataba oe fale: bea nae bito ae fale i he ao, bea bito moe lotoa i he malama oe nāunāu o Jihova. Bea nae ogo atu o a‘u ki he lotoa ki tua ae batū oe kabakau oe jelubimi o hage koe le‘o oe Otua Mafimafi oka folofola ia. Bea nae hoko o behe, i he ene fekau ki he tagata nae kofu aki ae tubenu lelei, o behe, Too ae afi mei he vahaa oe gaahi teka mei he vahaa oe jelubimi; bea toki hu atu ia o ne tuu ofi ki he gaahi teka. Bea mafao atu e he jelubi e taha a hono nima mei he vahaa oe jelubimi ki he afi nae i he vahaa oe jelubimi, o ne too mei ai o ne tuku ki he nima oia nae kofu aki ae tubenu lelei bea ne ave ia eia, o ne alu atu. Bea nae ha mai i he jelubimi hage koe nima oe tagata i ho nau lalo kabakau.

Bea i he eku mamata, vakai nae i he jelubimi ae teka e fa, koe teka e taha i he jelubi e taha, bea koe teka e taha i he jelubi e taha: bea koe ha mai ae gaahi teka nae hage koe lanu oe maka koe belili. Bea koe aga oe nau ha mai, nae mata tatau ae toko fa koia, o hage nae ai ki he loto teka e taha ha teka e taha. I he e nau alu naa nau alu i ho nau tafaaki e fa; nae ikai te nau tafoki i he e nau alu, ka koe botu koia nae haga ki ai ho nau mata naa nau muimui ai; nae ikai te nau tafoki i he e nau alu. Bea ko ho nau jino kotoa mo ho nau tua, mo ho nau nima, mo ho nau kabakau, bea moe gaahi teka, nae fonu takatakai i he mata, io, ae gaahi teka nae i he toko fa ni. Bea nae ui ki he gaahi teka, ka oku ou fanogo, ke gau‘e atu. Bea nae taki taha ma‘u ae mata e fa: koe uluaki mata koe mata ia oe jelubi, bea ko hono ua oe mata koe mata ia oe tagata, bea ko hono tolu koe mata oe laione, bea ko hono fa koe mata oe ikale. Bea nae hiki ki oluga ae jelubimi, Koeni ia ae mea moui koia naaku mamata ai i he vee vaitafe o Kiba. Bea ka alu ae jelubimi nae gau‘e fakataha moe gaahi teka: bea i he fakamafola e he jelubimi ho nau kabakau ke buna hake mei he fonua, nae ikai foki atu meiate kinautolu ae gaahi teka koia. Ka nau ka tuu mau, ne tuu mau ia; bea ka hiki ki oluga akinautolu, nae hiki hake foki ia eia: he nae i ai ae laumalie oe mea moui.

Bea nae toki mahui atu ae nāunāu o Jihova mei he mataba oe fale o tuu mei oluga i he gaahi jelubimi. Bea nae mafola hake e he jelubimi ho nau kabakau, o nau buna hake mei he kelekele i hoku ao: bea i he nau alu atu nae i ai be foki ae gaahi teka, bea nae tutuu kotoabe i he mataba fakahahake oe fale o Jihova; bea nae i oluga iate kinautolu ae nāunāu oe Otua o Isileli. Ko eni ia ae mea moui koia naaku mamata oku afio mei ai ae Otua o Isileli i he vee vaitafe o Kiba; bea naaku ilo koe jelubimi be akinautolu. Nae taki taha ma‘u ae mata e fa, bea taki taha ae kabakau e fa; bea hage koe nima oe tagata i ho nau lalo kabakau. Bea koe ha mai a ho nau mata koe mata be ia naaku mamata ai i he vee vaitafe o Kiba, ae aga oe nau ha mai mo kinautolu foki: nae alu fakahagatonu atu akinautolu taki taha.

Bea hili ia nae hiki ki oluga e he jelubimi a ho nau kabakau bea moe gaahi teka nae ofi ai; bea nae feagai hifo mei oluga iate kinautolu ae nāunāu oe Otua o Isileli.

Bea nae to hifo ae kau tagata e toko tolu ni, ko Seteleki, mo Mesake, mo Abeteniko, ki he loto afi vela kakaha. Bea nae ofo ae tu‘i ko Nebukanesa, bea ne tuu hake fakavave, mo ne lea o behe, ki he kau tagata tokoni i he bule, Ikai naa tau li ae kau tagata e toko tolu kuo ha‘i ki he loto afi? Bea naa nau lea o behe ki he tu‘i, Oku mooni, e tu‘i. Bea nae lea ae tu‘i o beheage kiate kinautolu, Vakai, oku ou mamata ki he kau tagata e toko fa, oku ataatā, bea oku nau eveeva i he loto afi, bea oku ikai ha kovi kiate kinautolu, bea koe aga o hono toko fa, oku hage ia koe Alo oe Otua. Bea nae unuunu atu a Nebukanesa o ofi ki he mataba ki he afi vela kakaha, o ne lea o behe, E Seteleki, mo Mesake, mo Abeteniko, akimoutolu ae kau tamaioeiki ae Otua maoluga, mou hu mai bea ha‘u ki heni. Bea nae hu mai a Seteleki, mo Mesake, mo Abeteniko, mei he loto afi. Bea nae mamata e he houeiki hau, moe gaahi bule, moe gaahi eiki tau, moe kau mātua ae tu‘i, i he e nau fakataha, ki he kau tagata ni, aia nae ikai ke malohi ae afi ki ho nau jino, bea nae ikai mahunuhunu ha tuoni louulu e taha i ho nau ulu, bea nae ikai ke fakakehe ho nau kofu, bea nae ikai ke hoko ae nanamu oe afi kiate kinautolu. Bea nae lea a Nebukanesa o behe, Oku monuia ae Otua o Seteleki, mo Mesake, mo Abeteniko, aia kuo fekau a ene agelo, bea kuo ne fakahaofi eue kau tamaioeiki nae falala kiate ia, bea kuo nau liliu ae lea ae tu‘i, o fakahaofi a ho nau jino, koeuhi ke oua naa nau tauhi, be hu ki ha otua, ka ko ho nau Otua be.

Bea neu mamata i he mea ha mai ki hoku ulu i hoku mohega, bea vakai, nae alu hifo mei he lagi, ae taha leo, moe toko taha maonioni;

Oku fai ae mea ni i he fono ae kau leo, bea moe eke i he fekau ae kau maonioni: koeuhi ke ilo e he kakai moui oku bule aia oku Maoluga taha be i he buleaga oe tagata, bea oku faiteliha ia ki ha taha e tuku ki ai, bea oku ne hakeaki‘i ki ai ae kakai oku māulalo taha be.

Kuo fekau e hoku Otua a ene agelo, bea kuo tabuni ae gutu oe faga laione ke oua naa nau fakamamahi au: koeuhi nae ilo ae lelei iate au i hono ao: bea i ho ao foki e tu‘i nae ikai teu fai kovi.

Nae tubu mai mo tafe mei hono ao ae afi: nae tauhi kiate ia ae toko afe lau‘i e he gaahi toko afe, bea nae tuu i hono ao ae toko mano lau‘i toko mano: nae fokotuu ae fakamāu, bea nae folahi ae gaahi tohi.

Bea neu fanogo ki he le‘o oe tagata mei he vahaa oe ogo kau vai o Ulai, aia nae ui o behe, E Kebeleli ke ke fakaboto‘i ae tagata ni ke ne ilo ae mea ha mai. Koia naa ne ha‘u o ofi ki he botu aia neu tuu ai: bea i he ene ha‘u neu manavahe, bea neu to fakafoohifo ki hoku mata: bea ne behe mai kiate au, Ke ke ilo e foha oe tagata, he ka a‘u ki he gataaga oe kuoga e hoko ai ae mea ha mai.

Io, i he lolotoga eku kei lea i he lotu, nae fekau ke buna vave mai ae tagata, io ko Kebeleli, aia naaku mamata i he mea ha mai i hono kamataaga, bea nae ha‘u ia o ala kiate au, i he feituulaa oe feilaulau efiafi. Bea ne fakaha mai, bea naa ma talanoa mo au, o ne behe, E Taniela, kuou toki ha‘u koeuhi ke tuku kiate koe ae boto moe ilo.

Bea vakai, nae ala mai ha nima kiate au, mo ne fokotuu au ki hoku ogo tui mo hoku aofi nima. Bea ne behe mai kiate au, E Taniela, koe tagata ofeina lahi, ke ke ilo ae gaahi lea aia oku ou lea aki kiate koe, bea ke tuu tonu: he kuo toki fekau au kiate koe. Bea hili ene lea aki ae lea ni kiate au, neu tuu tetetete be. Bea ne toki behe mai kiate au, Oua naa ke manavahe, Taniela: he kuo talu ae uluaki aho aia naa ke tuku bau ai ho loto ke ilo, bea naa ke fakamamahi‘i koe i he ao oe Otua, nae ogo‘i hoo gaahi lea, bea koeuhi ko hoo gaahi lea kuou ha‘u au. Ka nae taofi au e he Eiki oe buleaga o Beasia, i he gaahi aho e uofulu ma taha: ka e vakai, nae ha‘u a Maikale, koe toko taha ia oku tuu ki mua, ke tokoni au; bea neu nofo ai moe gaahi tu‘i o Beasia. Bea koeni, kuou ha‘u ke fakaha kiate koe, ae mea e hoko ki hoo kakai i he gaahi aho fakamui: he oku kau ae mea ha mai ki he gaahi aho lahi.

Bea i he ene lea behe kiate au, neu foohifo hoku mata ki he kelekele, bea neu logo be. Bea vakai, koe toko taha nae hage ko ha taha i he gaahi foha oe tagata, nae ala mai ki hoku lougutu: bea neu toki mafaa hoku gutu, o lea, bea neu behe kiate ia nae tuu i hoku ao, E hoku Eiki, koe mea i he mea ha mai, kuo toe foki mai eku mamahi kiate au, bea oku ikai teu kei ma‘u ha malohi. He koeuhi e faa alea fefe ae tamaioeiki o hoku Eiki ni, mo hoku Eiki ni? he ko au eni, nae fakafokifa oku ikai toe ha malohi iate au, bea kuo oji foki mo eku mānava. Bea nae toe ha‘u ha taha o hage ko ha tagata, o ala mai kiate au, o ne fakamalohi au, Bea ne behe mai eia, E tagata ofeina lahi, oua naa ke manavahe: fiemalie be koe, bea ke malohi, io, ke ke malohi. Bea i he ene lea kiate au neu malohi, bea neu behe, ke lea be a hoku Eiki, he kuo ke fakamalohi au. Bea nae toki behe eia, Oku ke ilo hono uhiga o eku ha‘u kiate koe; bea koeni, teu foki atu ke tau moe tu‘i o Beasia: bea i he eku alu atu, vakai e ha‘u ae eiki o Kalisi. Ka teu fakaha kiate koe aia oku tohi i he tohi tabu mooni: bea oku ikai mo ha niihi oku kau mo au i he gaahi mea ni, ka ko Maikale ko hoo mou eiki.

BEA i he kuoga koia e tuu hake a Maikale, ae Eiki lahi, aia oku tokoni ki he fānau a hoo kakai: bea e hoko ha kuoga oe mamahi, aia nae ikai aubito hano tatau talu moe i ai ha buleaga, o a‘u ki he buleaga koia: bea e fakahaofi hoo kakai i he kuoga koia, aia kotoabe e ilo‘i kuo tohi i he toni.

IFI ae mea lea i Saione, bea fanogonogo ae ilifia i hoku mouga tabu: ke tetetete ae kakai kotoabe oe fonua, koeuhi oku hoko ae aho o Jihova, he oku ofi ia; Koe aho oe fakabouli, bea moe fakaboubouli, koe aho aoaofia, bea moe bouli matolu: hage koe bogibogi kuo mafola i he fuga mouga, oku hau behe ae kakai lahi mo malohi; nae ikai behe i mua, bea e ikai toe hage koia amui, o a‘u ki he gaahi ta‘u oe gaahi toutagata lahi. Oku kai e he afi i ho nau ao; bea oku vela ae ulo afi i ho nau tua: koe fonua oku hage koe goue ko Iteni i ho nau ao, bea ki mui iate kinautolu oku hage koe toafa kuo lala; io, bea e ikai hao ha mea meiate kinautolu. Oku nau ha mai hage koe ha mai ae faga hosi; bea hage koe kau tagata heka hosi, e behe e nau lele. Hage koe aulologo oe gaahi saliote i he fuga mouga, e behe e nau hobohobo, o hage koe mumuhu oe ulo afi i he ene kai ae mohuku momoa, o hage koe kakai malohi kuo fakataha ki he tau. E mamahi lahi ae kakai i ho nau ao: e beko ae mata kotoabe. Te nau lele hage koe kau tagata malohi; te nau kaka i he a, hage koe kau tagata tau; bea te nau laka taki taha i hono hala, ka e ikai ha taha te ne veuki ae fakaotu: Bea e ikai te nau feteketeke‘i ae taha ki he taha; ka te nau taki taha alu i hono hala: bea ka nau ka to ki he heleta, e ikai te nau lavea. Te nau lele fano be i he kolo; te, nau lele i he fukahi a, te nau kaka ki he tua fale; te nau hu i he gaahi mataba jioata, hage koe kaihaa. E tetetete ae fonua i ho nau ao; bea e galulululu ae lagi: e bouli ae laa moe mahina, bea e taofi e nau ulo e he gaahi fetuu: Bea e fakaogo hono le‘o e Jihova ki he ene kau tau: he oku lahi ae fakataha o ene kau tau: bea oku malohi ia oku fai ki he ene folofola: koeuhi koe aho o Jihova oku lahi mo fakamanavahe; bea kohai te ne faa tuu ai?

Naaku mamata i he bo, bea vakai, koe tagata nae heka ki ha hose kulokula, bea nae tuu ia i he lotolotoga oe gaahi akau koe maile, aia nae i he telea; bea nae muimui iate ia ae faga hose kulokula, nae bulebule mo lavatea. Bea naaku behe ai, E hoku eiki, kohai akinautolu na? Bea nae behe mai e he agelo naa ma talanoa mo au, Teu fakaha kiate koe a hono uhiga. Bea nae tali mai e he tagata, aia nae tuu i he lotolotoga oe gaahi akau koe maile, o ne behe, Ko kinautolu ena, kuo fekau atu e Jihova ke fealuaki fano i mamani. Bea nae tali ekinautolu ki he agelo a Jihova, aia nae tuu i he lotolotoga oe gaahi akau koe maile, o behe, Kuo mau fealuaki fano i mamani, bea vakai, oku nofo lelei be a mamani kotoabe, bea oku fiemalie. Bea nae toki tali e he agelo a Jihova, o beheage, E Jihova oe gaahi kau tau, e fefe hono fuoloa mo hoo taealoofa ki Jelusalema, bea moe gaahi kolo o Juta, aia kuo ke houhau ki ai i he ta‘u ni e fitugofulu? Bea nae tali aki e Jihova ki he agelo nae talanoa mo au, ae gaahi lea lelei, moe gaahi lea fakafiemalie. Koia nae behe ai kiate au e he agelo naa ma talanoa, Kalaga, akoe o behe, Oku behe e Jihova oe gaahi kau tau, oku ou fuaa koeuhi ko Jelusalema, bea mo Saione i he fuaa oku lahi.

NAAKU toe haga hake hoku mata, beau jio, bea vakai, koe tagata nae i hono nima ae afo koe fua. Bea naaku fehui kiate ia, Ko hoo alu ena kife? Bea naa ne behe mai kiate au, Ke fua a Jelusalema mo vakai be oku fefe hono māukubu, bea fefe mo hono loloa oia. Bea iloage nae alu atu ae agelo aia naa ma talanoa, bea alu atu moe agelo e taha ko hono fakafetaulaki. Bea ne behe mai kiate ia, Lele mo lea ki he tagata talavou na, o behe, E kakai a Jelusalema o tatau moe gaahi botu kakai oku ikai a‘i, koeuhi ko hono toko lahi oe kakai moe faga manu i ai: E oku behe e Jihova, Teu hage au koe a afi oku takatakai iate ia, bea ko au koe nāunāu i hono lotolotoga.

BEA naa ne fakaha kiate au a Josiua, koe taulaeiki lahi, oku tuu i he ao oe agelo a Jihova; bea tuu a hono fili ko Setani i hono botu toomatau, ko hono tukuaki‘i. Bea nae behe a Jihova kia Setani, E Setani ke valoki‘i koe e Jihova, io, a Jihova aia kuo ne fili a Jelusalema, ke ne valoki‘i koe! ikai koe botubotu‘i afi eni, kuo hamuji mai mei he afi? Ka koeni, nae kofu aki a Josiua ae gaahi kofu fakalielia, i he ene tuu i he ao oe agelo. Bea nae lea ia kiate kinautolu nae tutuu i hono ao, o behe, Vete meiate ia ae gaahi kofu fakalielia; bea naa ne behe kiate ia, Vakai, kuou bule ke mole atu meiate koe a hoo gaahi hia, bea teu totogi mo fakakofu aki koe ae kofu foou. Bea neu behe, Tuku ke nau ai ki hono ulu ae bale fakasanisani; bea koia naa nau ai ha bale fakasanisani ki hono ulu, bea nae ai moe gaahi kofu kiate ia. Bea nae tuu ofi ai ae agelo a Jihova. Bea nae fakababau mai e he agelo a Jihova kia Josiua, o behe, Oku behe e Jihova oe gaahi kau tau; kabau te ke eveeva i hoku gaahi hala, bea kabau te ke fai ki he eku fekau, behe, te ke toki fakamāu foki i hoku fale, bea te ke tauhi foki a hoku gaahi lotoa, bea teu vahe‘i ha gaahi botu ke ke eveeva fakataha ai mo kinautolu oku tau tutuu ai ni.

Koia naaku behe ai ki he agelo aia naa ma talanoa mo au, E hoku eiki koeha ena? Bea nae tali o behe mai e he agelo Koe laumalie ia e fa oe gaahi lagi, aia oku alu atu mei he e nau tutuu i he ao o Jihova o mamani kotoabe.

Kae lolotoga ene fifili ki he gaahi mea ni, iloage, kuo ha mai kiate ia ha agelo ae Eiki i he miji, o ne behe, Josefa, foha o Tevita, oua te ke manavahe ke ma‘u a Mele ko ho unoho: he koia kuo fakatubu iate ia oku mei he Laumalie Maonioni. Bea te ne faele‘i ae tama, bea te ke ui hono huafa, ko JISU: koia ia te ne fakamoui hono kakai mei he e nau gaahi agahala. Bea nae fai eni kotoabe koeuhi ke fakamooni aia nae folofola aki e he Eiki i he balofita, o behe, Vakai, e feitama ae tāuboou, bea e faele‘i ae tama, bea e ui hono huafa, ko Imanuela: ko hono uhiga Koe Otua iate kitautolu. Bea kuo tuu hake a Josefa mei he mohe, bea fai eia o hage koe fekau ae agelo ae Eiki kiate ia, o ne omi a hono unoho:

Bea kuo alu akinautolu, iloage, kuo ha mai ha agelo ae Eiki kia Josefa i he miji, o ne behe, Tuu hake o ave ae tamajii mo ene fa‘e, bea ke holataki ki Ijibite, bea ke nofo ai ke oua keu fakaha kiate koe: koeuhi e kumi e Helota ae tamajii ke tamate‘i ia.

Ka kuo mate a Helota, bea vakai, nae ha mai ha agelo ae Eiki kia Josefa i he miji i Ijibite, O ne behe, Tuu hake, bea ave ae tamajii mo ene fa‘e, bea alu ki he fonua o Isileli; he kuo mate akinautolu nae kumi ki he moui ae tamajii.

O ne behe kiate ia, Kabau koe Alo koe oe Otua, fakato koe ki lalo: he kuo tohi, E fekau eia ene kau agelo ke nau vakai koe: bea e habahabai koe, telia naa touia ho va‘e i he maka.

Bea toki alu ae tevolo iate ia, bea iloage, kuo ha‘u ae kau agelo o tauhi ia.

Koe fili naa ne tutui ia, koe tevolo ia; koe ututa‘u, koe ikuaga o mamani; bea koe kau tuuji, koe kau agelo Koia o hage oku tanaki ae akau kovi o tutu i he afi; e behe foki i he ikuaga oe mamani. E fekau atu e he Foha oe tagata ene kau agelo, bea te nau tanaki mei hono buleaga ae mea kotoabe oku fakakovi, mo kinautolu oku fai agahala; Bea e laku akinautolu ki he bubua afi: bea e i ai ae tagi moe fegaiitaki oe nifo.

E behe foki i he ikuaga o mamani: e ha‘u ae kau agelo, o vahe‘i ae agahala mei he agatonu, O laku akinautolu ki he bubua afi; bea e i ai ae tagi moe fegaiitaki oe nifo.

He koe Foha oe tagata e ha‘u ia i he nāunāu o ene Tamai mo ene kau agelo; bea te ne toki totogi ai ki he tagata kotoabe o fakatatau ki he ene gaue.

Vakai ke oua naa mou manuki‘i ha toko taha iate kinautolu ni oku jii; he oku ou tala atu kiate kimoutolu, Oku mamata mau ai be i he lagi ha nau agelo ki he fofoga o eku Tamai aia oku i he lagi.

Koeuhi i he toetuu e ikai te nau mali, be foaki ke mali, ka e tatau moe kau agelo ae Otua i he lagi.

Bea e fekau eia ene kau agelo moe mea lea le‘o lahi, bea te nau tanaki fakataha ene kakai kuo fili mei hono feituu lagi e fa, mei he gataaga e taha oe lagi o a‘u ki he gataaga e taha.

Ka koe aho moe feituulaa koia, oku ikai ilo ki ai ha taha, be ilo e he kau agelo oe lagi, ka ko eku Tamai be.

Oka ha‘u ae Foha oe tagata i hono nāunāu, moe kau agelo maonioni kotoabe mo ia, e toki nofo ia i he nofoa o hono nāunāu:

Oku ke mahalo e ikai teu faa lotu ni ki he eku Tamai, bea te ne tuku leva ni kiate au ae kau agelo ke lahi i he lijione e hogofulu ma ua?

Bea iloage, nae mofuike lahi: he nae alu hifo ae agelo ae Eiki mei he lagi, bea ne filifilihi ae maka mei he mataba, bea hekeheka ai. Nae tatau hono mata moe uhila, bea hinehina hono kofu o hage koe uha hinehina. Bea nae tetetete ae kau leo i he manavahe kiate ia, o nau liliu o hage koe kau mate. Bea lea ae agelo ki he ogo fafine, o beheage, Oua naa mo manavahe akimoua: he oku ou ilo oku mo kumi a Jisu, aia nae tutuki ki he akau. Oku ikai i heni ia: he kuo toetuu, o hage ko ene lea. Mo omi, o mamata ki he botu nae tokoto ai ae Eiki. Bea mo o ke vave, o tala ki he ene kau akoga kuo toetuu ia mei he mate; bea vakai, oku alu muomua ia iate kimoutolu ki Kaleli: te mou mamata kiate ia i ai: vakai, kuou tala ia kiate kimoua.

Bea nae i he toafa ia i he aho e fagofulu, o ahiahi‘i e Setani; bea nae i ai mo ia ae faga manu kai vao; kae tauhi ia e he kau agelo.

Ko ia ia e ma kiate au, mo eku gaahi lea, i he toutagata feauaki mo agahala ni, e ma foki ae Foha oe tagata iate ia, oka ha‘u ia i he nāunāu o ene Tamai, moe kau agelo maonioni.

Koeuhi, oka nau ka tuu hake mei he bekia, oku ikai te nau mali, be foaki ke mali; ka oku nau tatau moe kau agelo i he lagi.

Bea e toki fekau eia a ene kau agelo, bea tanaki fakataha a ene kakai fili mei he feituu lagi e fa, mei he gataaga oe fonua o a‘u ki he gataaga ae lagi.

Ka koe aho koia mo hono feituulaa, oku ikai ha taha oku ne ilo ki ia, e ikai, be koe kau agelo oku i he lagi, be koe Foha, ka koe Tamai.

Bea i he hu ki he fonualoto, naa nau mamata ki ha talavou oku nofo i he botu toomatau, kuo kofu aki ae kofu totolofa mo hinehina; bea naa nau ilifia. Bea behe eia kiate kinautolu, Oua te mou ilifia: Oku mou kumi a Jisu o Nasaleti, aia nae tutuki ki he akau: kuo tuu hake ia; oku ikai i heni ia: vakai ki he botu naa nau fakatokoto ai ia. Ka mou o, o fakaha ki he ene kau akoga mo Bita, oku muomua ia iate kimoutolu ki Kaleli: te mou mamata kiate ia i ai, o hage ko ene tala kiate kimoutolu.

Bea nae ha mai kiate ia ha agelo ae Eiki, oku tuu ia i he botu fakatoo-matau oe ejifeilaulau oe akau namu lelei. Bea tafuua a Sakalia i he ene mamata ki ai, bea to kiate ia ae manavahe. Ka nae behe e he agelo kiate ia, Sakalia, oua te ke manavahe, he kuo tau hoo lotu; bea e faele‘i e ho unoho ko Ilisabeti ae tama kiate koe, bea te ke ui hono higoa ko Jone. Bea te ke ma‘u ai ae fiefia moe nekeneka; bea e fiefia ae toko lahi i he ene fanau‘i. Koeuhi e lahi ia i he ao oe Eiki, bea e ikai te ne inu ae uaine be ha inu fakakona; bea e fonu ia i he Laumalie Maonioni, io, mei he manāva o ene fa‘e. Bea e fakatafoki eia ae toko lahi oe fānau a Isileli ki he Eiki ko ho nau Otua. Bea e muomua ia iate ia i he aga moe malohi o Ilaija, ke fakatafoki ae loto oe mātua ki he fānau, moe talagataa ki he boto oe agatonu; ke teu‘i ae kakai ke lelei ma ae Eiki. Bea behe e Sakalia ki he agelo, Teu ilo i he ha ae mea ni? he koe tagata motua au, bea kuo lahi ae ta‘u o hoku unoho. Bea lea ae agelo, o beheage kiate ia, Ko au Kebaleli, oku ou tuu i he ao oe Otua; bea kuo fekau au keu lea kiate koe, mo fakaha kiate koe ae gaahi mea fakafiefia ni. Bea vakai, te ke noa koe, e ikai te ke faa lea, o a‘u ki he aho e hoko ai ae gaahi mea ni, koe mea i hoo taetui ki he eku gaahi lea, aia e fakamooni i hono kuoga.

Bea i hono ono oe mahina, nae fekau e he Otua ae agelo ko Kebaleli ki he kolo e taha i Kaleli, ko Nasaleti hono higoa, Ki ha tāuboou i he fale o Tevita, kuo fakanofo ki he tagata nae higoa ko Josefa; bea koe higoa oe tāuboou ko Mele. Bea ha‘u ae agelo kiate ia, o ne behe, Jiotoofa, oku ke ofeina lahi, oku iate koe ae Eiki: oku ke monuia i he fefine fulibe. Bea kuo mamata ia ki ai, bea tafuua ia i he ene lea, mo ne fifili i hono loto, be koeha hono uhiga oe fetaba koia. Bea behe e he agelo kiate ia, Mele, oua e manavahe: he oku ke ofeina mei he Otua. Bea vakai, te ke tuituia i ho manāva, bea faele‘i ae tama, bea ke ui hono huafa ko JISU. Bea e lahi ia, bea e ui ia koe Alo oe Fugani Maoluga; e age kiate ia e he Eiki koe Otua ae nofoa o ene tamai ko Tevita: Bea e bule ia ki he fale o Jekobe o taegata; bea e ikai hano gataaga o ene bule. Bea behe e Mele ki he agelo, E fefe ai ae mea ni, he oku ikai teu iloa ha tagata? Bea lea ae agelo, o beheage kiate ia, E hoko mai ae Laumalie Maonioni kiate koe, bea e fakamalu koe e he malohi oe Fugani Maoluga; bea koia foki e ui ai ae hako maonioni te ke faele‘i koe Alo oe Otua. Bea vakai, ko ho kaiga ko Ilisabeti, kuo tuituia ia i he tama i he ene motua: bea ko hono ono mahina eni o ia nae ui koe baa. He oku ikai ha mea e faigataa ki he Otua. Bea behe e Mele, Vakai, koe kaunaga au ae Eiki; ke hoko mai kiate au o hage ko hoo lea. Bea nae alu ae agelo iate ia.

Bea nae i he fonua koia ae kau tauhi sibi oku nofo i he goue, o leohi e nau faga sibi i he bouli. Bea iloage, nae tuu mai kiate kinautolu ae agelo ae Eiki, bea malama ae naunāu oe Eiki o takatakai akinautolu: bea naa nau manavahe aubito. Bea behe e he agelo kiate kinautolu, Oua e manavahe: vakai, he oku ou omi kiate kimoutolu ae ogoogolelei oe fiefia lahi, aia e hoko ki he kakai fulibe. He kuo aloi kiate kimoutolu i he aho ni, i he kolo o Tevita, ae Fakamoui, aia ko Kalaisi koe Eiki. Bea koe fakailoga eni kiate kimoutolu; te mou ilo ae tamajii kuo takatakai aki ia ae kofu, bea tokoto ia i he aiaga‐kai oe manu. Bea fakafokifa be kuo i he agelo ae toko lahi oe kau agelo mei he lagi, o nau fakamalo ki he Otua, o behe, Fakafetai ki he Otua i oluga, bea i mamani ae melino, koe ofa ki he kakai. Bea behe, i he liliuage ae kau agelo ki he lagi meiate kinautolu, nae febeheaki e he kau tauhi sibi, Ke tau o eni ki Betelihema, o mamata ki he mea ni kuo fai, aia kuo fakaha mai e he Eiki kiate kitautolu.

He kuo tohi, E fekau eia ene kau agelo kiate koe, ke nau tauhi‘i koe; Bea te nau habahabai koe, telia naa touia ho va‘e i ha maka.

He ko ia e ma iate au mo eku gaahi lea, e ma ai ae Foha oe tagata, oka ha‘u ia i hono nāunāu oona, mo ene Tamai, bea moe kau agelo maonioni.

Oku ou tala foki kiate kimoutolu, Ko ia ia te ne fakaha au i he ao oe kakai, e fakaha foki ia e he Foha oe tagata i he ao oe kau agelo ae Otua. Ka ko ia oku ne jiaki au i he ao oe kakai, e jiaki ia i he ao oe kau agelo ae Otua.

Oku ou tala atu kiate kimoutolu, E behe fiki ae fiefia i he lagi o lahi i he fakatomala ae agahala e toko taha, i he agatonu e toko hivagofulu ma toko hiva, oku ikai aoga ke nau fakatomala.

Oku ou tala atu kiate kimoutolu, Oku behe ae fiefia i he ao oe kau agelo ae Otua i he fakatomala ae agahala e toko taha.

Bea behe, nae mate ae tagata baea, bea fua ia e he kau agelo ki he fatafata o Ebalahame: bea mate foki ae tagata ma‘umea, bea tanu ia;

Bea e ikai te nau toe mate: he koe fānau ae Otua akinautolu o hage koe kau agelo; moe fānau oe toetuu.

Bea nae fakaha mai ae agelo mei he lagi kiate ia, o ne fakamalohi ia.

Bea lolotoga e nau bubutuu lahi ai, vakai, nae tuu mai kiate kinautolu ae ogo tagata nae huhulu ho na kofu: Bea i he e nau manavahe, o tulolo ho nau mata ki he kelekele, nae behe ekinaua kiate kinautolu, Koeha oku mou kumi ai ae moui i he botu oe mate? Oku ikai i heni ia, ka kuo tuu hake: mou fakamanatu ki he ene lea kiate kimoutolu, i he ene kei i Kaleli, O behe, E tukuage ae Foha oe tagata ki he nima oe kau tagata agahala, bea e tutuki ia ki he akau, bea e toetuu ia i hono aho tolu.

Bea i he ikai te nau ilo hono jino, naa nau ha‘u, o behe, kuo nau mamata foki ki he kau agelo, bea nau behe, kuo moui ia.

Bea tala eia kiate ia, Koe mooni, koe mooni, oku ou tala atu kiate kimoutolu, Te mou mamata amui ki he lagi kuo matagaki, bea moe kau agelo ae Otua oku alu hake mo alu hifo ki he Foha oe tagata.

Bea oku i Jelusalema, o ofi ki he mataba sibi, ae ano vai, oku ui i ihe lea faka‐Hebelu ko Beteseta, nae nima hono fale hala. Bea nae tatoka ai ae kakai mahaki toko lahi, koe kui, moe bibiki, moe mate, i he tatali ki he gau‘eue oe vai. He nae alu hifo ha agelo ki he ano i ha aho, o fakagau‘eue ae vai: bea ko ia e fuofua tuu ki he vai, hili hono fakagau‘eue, nae fakamoui ia mei hono mahaki kotoabe.

Ka nae tuu tagi be a Mele itua fonualoto: bea i he ene tagi, nae tulolo ia ki lalo ke fakaaji ki he fonualoto. Bea nae mamata ia ki he agelo e toko ua oku kofu hinehina, mo nofo, koe toko taha i he fofoga, moe toko taha i he va‘e, i he botu koia nae tokoto ai ae jino o Jisu. Bea naa na behe kiate ia, Fefine, koeha oku ke tagi ai? Bea beheage eia kiate kinaua, Koeuhi kuo nau ave hoku Eiki, bea oku ikai teu ilo be kuo nau tuku kife ia.

Bea hili ene gaahi folofola ni, lolotoga e nau jiofia ia, nae ave ia ki oluga; bea fakabuli ia e he ao meiate kinautolu. Bea i he e nau kei jio fakamama‘u ki he lagi, i he ene alu hake, iloage, kuo tuu mai kiate kinautolu ae ogo tagata kuo kofu hinehina; O na behe, Ae kau tagata Kaleli, koeha oku mou tutuu mo jio fakamama‘u ai ki he lagi? koe Jisu koia, kuo ave iate kimoutolu ki lagi, e behe be ene toe ha‘u o hage ko hoo mou mamata ene alu hake ki loto lagi.

Bea naa nau buke ae kau abosetolo, o fakahu akinautolu ki he fale fakabobula lahi. Ka nae too ae mataba oe fale fakabobula e ha agelo ae Eiki i he bo, bea ne omi kitua akinautolu, mo ne behe, Mou alu, o tuu i he fale lotu lahi, bea malaga ki he kakai aki ae lea kotoabe oe moui ni.

Akimoutolu nae ma‘u ae fono i he ao oe kau agelo, kae ikai fai ki ai.

Bea nae lea ha agelo ae Eiki kia Filibe, o behe, Tuu, bea ke alu ki he feituu toga, ki he hala oku alu hifo mei Jelusalema ki Kesa, aia koe toafa.

Bea mamata bau eia i ha mea ha mai, i hono hiva nai oe feituulaa oe aho, ki ha agelo ae Otua oku ha‘u kiate ia, o ne behe kiate ia, Koniliusi. Bea kuo vakai ia ki ai, bea manavahe ia, mo behe, Koeha ia, Eiki? Bea ne behe kiate ia, Kuo a‘u hake hoo gaahi hu mo hoo faa foaki, koe mea fakamanatu i he ao oe Otua.

Koia nae moua be a Bita i he fale fakabobula: ka nae hufia fakamatoato ia e he jiaji ki he Otua. Bea i he tokaga a Helota ke omi ia kituaa, nae mohe a Bita i he bo koia i he vahaa oe ogo tagata tau, nae ha‘i aki ae ukamea fihifihi e ua: bea i he mataba ae kau leo, o leohi ae fale fakabobula. Bea vakai, kuo iate ia ha agelo ae Eiki, bea malama i he fale fakabobula ae māma: bea ne ta‘i a Bita i he vakavaka, mo ne fokotuu ia, o behe, Tui ke vave. Bea nae homo ae ukamea fihifihi i hono nima. Bea behe e he agelo kiate ia, Nonoo ho kofu, bea fakamau mo ho tobuva‘e. Bea ne fai ia. Bea ne behe kiate ia, Ai ho kofu, bea ke muimui kiate au. Bea naa ne alu kituaa, o muimui iate ia; bea nae ikai te ne ilo be koe mooni aia kuo fai e he agelo; ka nae mahalo eia koe mea ha mai oku ne mamata ai. Bea kuo na tuku ki mui ae uluaki kau leo mo hono ua, bea na hoko ki he mataba ukamea, oku alu atu ai ki he kolo; bea matoo ia, iate ia be, kiate kinaua: bea naa na o kituaa, o na fonoga i he hala e taha; bea fakafokifa be kuo mole iate ia ae agelo.

Bea kuo matala ae loto o Bita, bea behe eia, Oku ou toki ilo bau ni, kuo fekau mai e he Eiki ene agelo, bea kuo ne fakamoui au mei he nima o Helota, moe amanaki kotoabe ae kakai Jiu. Bea i he ene kei fifili ki ai, mo ene hoko ki he fale o Mele koe fa‘e a Jone, oku higoa ko Maake; nae katoa ai ae toko lahi o lotu. Bea i he tukituki a Bita ki he mataba ituaa, nae ha‘u ae taahine oku higoa ko Lota, o fakafanogo. Bea i he ene ilo ae le‘o o Bita, nae ikai te ne too ae mataba, koe mea i he fiefia, ka ka lele ia o tala oku tuu a Bita i he mataba. Bea nau behe kiate ia, Oku ke vale. Ka nae fakababau ia, Koe mooni ko ia be. Bea nau toki behe, Ko ene agelo. Ka nae kei tukituki be a Bita: bea i he e nau too o mamata kiate ia, naa nau ofo.

Bea koe aho nae kotofa, nae kofu fakatu‘i ai a Helota, bea nofo i hono nofoa fakatu‘i, bea fai ene lea kiate kinautolu. Bea mavava ae kakai o behe, Koe le‘o ia oe otua, ka oku ikai oe tagata. Bea ta‘i leva ia e ha agelo ae Eiki, koeuhi nae ikai te ne tuku ae fakaabaaba ki he Otua: bea nae kai ia e he tuga, bea mate ia.

He oku behe e he Satusi, oku ikai ha toetuu, be ha agelo, be ha laumalie: ka oku tui ki ai fakatouoji be ae kau Falesi.

He nae tuu ofi mai kiate au i he bo ni ha agelo ae Otua, aia oku aana au, bea ko ia oku ou tauhi. O ne behe mai, E Baula, oua naa ke manavahe; he te ke a‘u atu koe ki he ao o Sisa: bea vakai, kuo foaki kiate koe e he Otua akinautolu kotoabe oku mou folau.

Ikai oku mou ilo te tau fakamāu ae kau agelo? bea ikai e mu‘a hake lahi ki he gaahi mea oe moui ni?

Koia oku totonu ai ke ai e he fefine ae bulou i hono ulu, koeuhi koe kau agelo.

KA ne ko eku lea aki ae elelo oe kau tagata moe kau agelo, ka oku ikai teu ma‘u ae ofa, kuou tatau moe ukamea bakihi moe simibale tatagi.

Kabau e malaga aki ekimautolu, be ha agelo mei he lagi, ha ogoogolelei kehe kiate kimoutolu, ka oku ikai koia naa mau malaga aki kiate kimoutolu, ke malaia be ia.

Ke oua naa kākā‘i akimoutolu e ha taha i hoo mou totogi, i he fie agavaivai moe lotu ki he kau agelo, i he kaunoa ki he gaahi mea nae ikai te ne mamata ai, moe fakafuofua lahi noabe ia i hono loto fakakakano,

Koeuhi e alu hifo ae Eiki mei he lagi, i he mavava, moe le‘o oe agelo lahi, moe mea lea ae Otua: bea koe bekia ia Kalaisi e tomua tuu:

He nae behe eia anefe ki ha agelo fe, Ko hoku Alo koe, kuou fakatubu koe i he aho ni? Bea toe behe, Teu hoko au koe Tamai kiate ia, bea e hoko ia koe Alo kiate au?

Bea i he omi eia ae uluaki fakatubu ki mamani, nae toe behe eia, Ke hu kiate ia ae kau agelo kotoabe ae Otua.

Bea ki he kau agelo oku behe eia, Oku ne gaohi ene kau agelo ke hage koe matagi, mo ene kau tauhi ke hage koe ulo afi.

Ka nae behe eia anefe ki ha agelo fe, Nofo koe i hoku nima toomatau, kae oua keu gaohi ho gaahi fili ko ho tuuga va‘e? Ikai koe kau laumalie tauhi be akinautolu kotoabe, oku fekaua ke tauhi‘i akinautolu e ma‘u ae fakamoui;

He oku ikai te ne fakamoulaloa ki he kau agelo ae mama ka ha‘u, aia oku mau lea ki ai. Ka oku fakaha e ha toko taha i he botu e taha, o behe, Koeha ae tagata, oku ke tokaga‘i ia? be koe foha oe tagata, oku ke aahi ai kiate ia? Naa ke gaohi ia o māulalo jii i he kau agelo; ne ke fakabale aki ia ae nāunāu moe ogoogo lelei, o fakanofo ia ke bule‘i ae gaahi gaue a ho nima;

He koe mooni nae ikai buke eia ae kau agelo; ka naa ne buke eia ae hako o Ebalahame.

Bea nae i oluga i ai ae ogo jelubi oe nāunāu nae fakamalu ae nofoaga aloofa; aia e ikai te mau faa fakamatala kotoabe eni.

Ka kuo mou hoko ni ki he mouga ko Saione, ki he kolo oe Otua moui, ki he Jelusalema mei he lagi, bea ki he fakataha oe kau agelo toko lahi taefaalaua, Ki he fakatahaaga lahi, bea ki he jiaji oe uluaki fanau, aia kuo tohi i he lagi, bea ki he Otua koe fakamāu oe kakai kotoabe, bea ki he gaahi laumalie oe kau tagata agatonu kuo fakahaohaoa,

Oua naa galo ke fakaafe ae kakai muli: he kuo fakaafe ai e he niihi ae kau agelo i he taeilo.

Akinautolu nae fakaha ki ai, nae ikai maa nautolu, kae ma atautolu naa nau tauhi‘i ae gaahi mea, aia kuo fakamatala eni kiate kimoutolu ekinautolu kuo malaga aki ae ogoogolelei kiate kimoutolu, aki ae Laumalie Maonioni nae fekau hifo mei he lagi; koe gaahi mea koia oku holi ke fakajio ki ai ae kau agelo.

Aia kuo alu ki loto lagi, bea oku ne i he nima toomatau oe Otua; kuo fakamoulaloa kiate ia ae kau agelo moe gaahi bule moe gaahi malohi.

Ka koe kau agelo, oku nau lahi hake i he malohi moe mafai, oku ikai te nau lauikovi akinautolu i he ao oe Eiki.

E KAIGA ofeina, oua naa tui ki he laumalie kotoabe, kae ahiahi‘i ae gaahi laumalie, be oku oe Otua akinautolu: koeuhi kuo toko lahi ae kau balofita loi kuo alu atu ki mamani. Koe mea eni oku mou ilo ai ae laumalie oe Otua: Koe laumalie kotoabe oku fakaha kuo ha‘u a Jisu Kalaisi i he jino, oku oe Otua ia:

Ka i he alea a Maikeli koe agelo lahi moe tevolo, nae fakakikihi ia ki he jino o Mosese, ka nae ikai te ne tali aki ia ha lea manuki, ka naa ne behe, Ke lomia koe e he Eiki.

Koe fakatātā oe fetuu e fitu aia ne ke mamata i hoku nima toomatu, bea moe tuuga māma koula e fitu. Koe fetuu e fitu, koe kau agelo oe gaahi jiaji e fitu: bea koe tuuga māma e fitu aia ne ke mamata ai, koe gaahi jiaji ia e fitu.

Ko ia ia e ikuna, ko ia e fakakofu aki ae kofu hinehina; bea e ikai teu tamate‘i hono higoa mei he tohi oe moui, ka teu fakaha hono higoa i he ao o eku Tamai, bea moe ao o ene kau agelo.

Bea nae tuu takatakai i he nofoa fakaeieiki oe nofoa e uofulu ma fa: bea neu mamata oku nofo i he gaahi nofoa ae mātua e toko uofulu ma toko fa, kuo kofu aki ae kofu hinehina; bea nae ai i ho nau ulu ae gaahi bale koula. Bea nae ba mai mei he nofoa fakaeieiki ae uhila moe mana moe gaahi le‘o: bea nae ulo ae māma afi e fitu i he mu‘a nofoa fakaeieiki, aia koe Laumalie e Fitu oe Otua.

Bea nae i he mu‘a nofoa fakaeieiki ae tahi jioata o hage koe kilisitala: bea nae i he haohaoga oe nofoa fakaeieiki, bea tuu takatakai i he nofoa fakaeieiki, ae faahiga mea moui e fa, kuo fonu i he gaahi foi mata i ao bea mo tua. Bea koe uluaki mea moui nae hage koe laione, ko hono ua oe mea moui nae hage koe bulu, ko hono tolu oe mea moui nae mata tatau moe tagata, bea ko hono fa oe mea moui nae hage ko ha ikale oku buna. Bea koe mea moui e fa naa nau taki ono ae kabakau; bea naa nau bito i loto i he gaahi foi mata: bea oku ikai te nau mālōlō i he aho be i he bo, kae behe be, Maonioni, maonioni, maonioni, e Eiki, koe Otua Mafimafi, aia nae i ai, bea oku i ai ni, bea e i ai. Bea i he atu e he gaahi mea moui koia ae fakaabaaba moe ogoogo lelei moe fakafetai kiate ia oku nofo i he nofoa fakaeieiki, aia oku moui o lauikuoga bea taegata, Nae fakafoohifo ae mātua e toko uofulu ma toko fa i he ao o ia oku nofo i he nofoa fakaeieiki, o nau hu kiate ia oku moui o lauikuoga bea taegata, bea naa nau li ho nau gaahi bale i he mu‘a nofoa fakaeieiki, mo nau behe, Oku tāu mo koe, e Eiki, ke ke ma‘u ae fakaabaaba moe ogoogo lelei moe mafimafi: he kuo ke fakatubu ae gaahi mea kotoabe, bea nae gaohi ia bea oku kei ai ni, i hoo finagalo be koe ki ai.

Bea neu mamata ki ha agelo malohi, oku kalaga aki ae le‘o lahi, Kohai oku tāu ke too ae tohi, mo vete hono gaahi mea fakamau o ia?

Bea neu mamata, bea vakai, i he haohaoga oe nofoa fakaeieiki moe mea moui e fa, bea i he haohaoga oe kau mātua, nae tuu ae Lami o hage kuo tamate‘i, kuo fitu ae nifo i hono ulu, moe mata e fitu, aia koe Laumalie e Fitu oe Otua oku fekau atu ki mamani kotoabe. Bea nae ha‘u ia, o ne too ae tohi mei he nima toomatau o ia nae nofo i he nofoa fakaeieiki. Bea i he ene too ae tohi, nae fakafoohifo i he ao oe Lami ae mea moui e fa moe kau mātua e toko uofulu ma toko fa, naa nau taki taha ae haabe, moe hina koula kuo bito i he mea namu kakala, aia koe gaahi lotu oe kakai maonioni.

Bea neu vakai, beau fanogo ki he le‘o oe kau agelo toko lahi nae tuu takatakai i he nofoa fakaeieiki moe gaahi mea moui moe kau mātua: bea ko ho nau lau koe gaahi toko mano lau‘i gaahi mano, moe gaahi toko afe lau‘i gaahi toko afe; Oku nau behe, aki ae le‘o lahi, Oku tāu moe Lami nae tamate‘i ke tuku kiate ia ae mafimafi, moe koloa, moe boto, moe malohi, moe fakaabaaba, moe ogoogo lelei, moe fakafetai. Bea neu fanogo ki he gaahi mea kotoabe aia oku i he lagi, bea i he mamani, bea i lalo i mamani, bea mo ia oku i he tahi, bea mo kinautolu kotoabe oku i ai, naa nau behe, Ke iate ia oku nofo i he nofoa fakaeieiki, bea ki he Lami, ae fakafetai, moe fakaabaaba, moe ogoogo lelei, moe mafimafi, o taegata bea taegata. Bea nae behe e he mea moui e fa, Emeni. Bea nae fakafoohifo ae mātua e toko uofulu ma toko fa, o hu kiate ia oku moui o taegata bea taegata.

BEA hili ae gaahi mea ni, naaku mamata ki he agelo e toko fa, oku nau tuu i he tuliki e fa o mamani, o nau buke ae matagi e fa o mamani, koeuhi ke oua naa havili ae matagi ki he fonua, be ki he tahi, be ki ha akau. Bea neu mamata ki ha agelo e taha nae alu hake mei he botu hahake, kuo iate ia ae mea fakamau oe Otua moui: bea nae kalaga ia aki ae le‘o lahi ki he agelo e toko fa, nae tuku ki ai ke tautea ae fonua moe tahi, O behe, Oua naa tautea ae fonua, be koe tahi, be koe gaahi akau, kae oua ke oji e mau fakailoga‘i ae kau tamaioeiki a ho mau Otua i ho nau foi la‘e.

Bea nae tutuu takatakai ae kau agelo kotoabe i he nofoa fakaeieiki, bea i he kau mātua moe mea moui e fa, bea naa nau fakafoohifo ho nau mata i he mu‘a nofoa fakaeieiki, o hu ki he Otua, O nau behe, Emeni: Ke i ho tau Otua o taegata bea taegata ae fakafetai, moe ogoogo lelei, moe boto, moe fakamalo, moe fakaabaaba, moe mafimafi, moe malohi. Emeni.

Bea neu mamata ki he agelo e toko fitu nae tutuu i he ao oe Otua; bea nae atu kiate kinautolu ae mea lea e fitu. Bea nae ha‘u ae agelo e taha, o tuu i he ejifeilaulau, kuo iate ia ae aiaga afi koula; bea nae atu o lahi ae akau namu kakala kiate ia, koeuhi ke ne atu ia fakataha moe gaahi lotu oe kakai maonioni kotoabe, i he ejifeilaulau koula, aia nae tuu i he mu‘a nofoa fakaeieiki. Bea nae alu hake ki he ao oe Otua mei he nima oe agelo ae kohu oe akau namu kakala, bea moe gaahi lotu oe kakai maonioni. Bea nae ave e he agelo ae aiaga afi, bea ne fakabito ia aki ae afi mei he ejifeilaulau, o ne li ia ki he fonua: bea nae ai ae gaahi le‘o, moe mana, moe uhila, moe mofuike. Bea koe agelo e toko fitu nae i ai ae mea lea e fitu, naa nau teuteu ke ifi.

Nae ifi e he uluaki agelo, bea nae hoko ai ae uha maka moe afi oku afu aki ae toto, bea nae li ia ki he fonua: bea nae vela o oji a hono tolu oe vahe oe gaahi akau, bea nae vela o oji ae mohuku mata kotoabe. Bea ifi e hono ua oe agelo, bea hage nae li ai ki tahi ha fuu mouga oku vela i he afi: bea nae liliu o toto a hono tolu oe vahe oe tahi; Bea ko hono tolu oe vahe oe gaahi mea nae moui i he tahi, nae mate ia; bea nae maumau hono tolu oe vahe oe gaahi vaka. Bea ifi e hono tolu oe agelo, bea nae to hifo ae fetuu lahi mei he lagi, oku ulo o hage ha tūhulu, bea nae to ia ki hono tolu oe vahe oe gaahi vaitafe, bea ki he gaahi matavai; Bea koe higoa oe fetuu nae ui ko Kona‐i‐i: bea nae fakakona ai hono tolu oe vahe oe gaahi vai; bea nae mate ae kakai toko lahi i he gaahi vai, koeuhi nae fakakona ia. Bea nae ifi e hono fa oe agelo, bea ta hono tolu oe vahe oe laa, mo hono tolu oe vahe oe mahina, mo hono tolu oe vahe oe gaahi fetuu; koia ne fakabouli ai hono tolu oe vahe o kinautolu, bea nae ikai māma ae aho i hono tolu o hono vahe, bea nae behe be moe bo foki. Bea neu vakai, beau ogo‘i oku buna ae agelo e taha i he loto lagi, o ne behe aki ae le‘o lahi, Malaia, malaia, malaia, ki he kakai oku nofo i he mama, koeuhi i hono toe oe le‘o oe mea lea oe agelo e toko tolu, oku teeki ai ifi!

BEA nae ifi e hono nima oe agelo, beau mamata nae to ae fetuu mei he lagi ki he fonua; bea nae atu kiate ia ae ki oe luo tae hano takele.

Bea nae ifi e hono ono oe agelo, beau fanogo ki he le‘o mei he nifo e fa oe ejifeilaulau koula aia oku i he ao oe Otua, Oku behe ki hono ono oe agelo, nae i ai ae mea lea, Vevete ae kau agelo e toko fa, aia kuo ha‘ijia i he vaitafe lahi ko Iufaleti. Bea nae veteage ae kau agelo e toko fa, akinautolu nae tuutuuni ki ha feituulaa, bea ki ha aho, bea ki ha mahina, bea ki ha ta‘u, koeuhi ke tamate‘i a hono tolu oe vahe oe kakai. Bea ko hono lau oe tau, koe kau tagata heka hose koe toko uageau mi-liona: bea neu fanogo ki ho nau lau.

BEA neu mamata ki ha agelo malohi e toko taha oku alu hifo mei he lagi, kuo kofu aki ae ao: bea nae i hono ulu ae umata, bea nae tatau hono mata moe laa, bea ko hono va‘e nae tatau moe bou afi: Bea nae i hono nima ae tohi jii kuo folahi: bea naa ne ai hono va‘e toomatau ki he tahi, bea moe toohema ki he fonua, Bea kalaga le‘o lahi ia, o hage koe gugulu oe laione: bea hili ene tagi, nae fakaogo ho nau le‘o e he mana e fitu. Bea kuo fakaogo e he mana e fitu ho nau le‘o, beau teu ke tohi: bea neu fanogo ki he le‘o mei he lagi oku behe mai kiate au, Fakamau ke mau ae gaahi mea kuo fakaogo mai e he mana e fitu, bea oua naa tohi ia. Bea koe agelo aia neu mamata nae tuu ki he tahi moe fonua, naa ne hiki hono nima ki he lagi, Bea ne fuakava iate ia oku moui o taegata bea taegata, aia naa ne fakatubu ae lagi, moe gaahi mea oku i ai, moe fonua, moe gaahi mea oku i ai, moe tahi, moe gaahi mea oku i ai, E ikai kei taofia: Ka i he gaahi aho oe le‘o o hono fitu oe agelo, i he lolotoga o ene fakaogo, e fakakakato ae gaue fufu ae Otua, o hage ko ene fakaha ki he ene kau tamaioeiki koe kau balofita.

Bea koe le‘o aia neu fanogo mei he lagi, ne toe lea mai ia kiate au, o behe, Alu, mo ke too ae tohi jii kuo folahi i he nima oe agelo aia oku tuu ki he tahi moe fonua. Bea neu alu ki he agelo, o behe kiate ia, Tuku mai kiate au ae tohi jii. Bea behe eia kiate au, Ave, bea ke kai ke oji ia; bea e fakakona‘i eia a ho kete, ka e melie ia i ho gutu o hage ha mea hua melie. Bea neu too ae tohi jii mei he nima oe agelo, bea neu kai ia o oji; bea nae melie ia i hoku gutu o hage ha mea hua melie: bea kuou kai leva ia, bea kona a hoku kete. Bea behe eia kiate au, Te ke toe kikite i he ao oe gaahi kakai lahi, moe gaahi buleaga, moe kakai lea kehekehe, moe gaahi tu‘i.

Bea nae ifi e hono fitu oe agelo; bea nae ai ae gaahi le‘o malohi i he lagi, nae behe, Koe gaahi buleaga oe mama kuo o ho tau Eiki, mo hono Kalaisi; bea e bule ia o taegata bea taegata. Bea koe mātua e toko uofulu ma toko fa, aia nae nofo i ho nau gaahi nofoa i he ao oe Otua, naa nau foohifo o hu ki he Otua, O behe, Oku mau fakafetai kiate koe, e Eiki koe Otua Mafimafi, oku ke i ai ni, bea naa ke i ai, bea te ke i ai; koeuhi kuo ke too kiate koe a hoo malohi lahi, bea kuo ke bule.

Bea nae fai ae tau i he lagi: ko Maikeli mo ene kau agelo naa nau tau‘i ae fuu gata; bea nae tau ae fuu gata mo ene kau agelo. Ka nae ikai te nau ikuna; bea nae ikai kei ilo ha nau botu i he lagi.

Bea naa nau hiva aki ae hiva foou i he ao oe nofoa fakaeieiki, bea i he ao oe mea moui e fa, bea moe kau mātua: bea nae ikai ke faa ilo e ha taha ae hiva koia ka koe toko taha kilu moe toko fa mano moe toko fa afe, nae huhui mei mamani.

Bea neu mamata ki ha agelo kehe e taha oku buna i he loto lagi, kuo iate ia ae ogoogolelei taegata ke malaga aki kiate kinautolu oku nofo i he mamani, bea ki he buleaga kotoabe, moe faahiga, moe lea, moe kakai, O ne behe aki ae le‘o lahi, Manavahe ki he Otua, bea atu ae fakamalo kiate ia; he kuo hokojia ae feituulaa o ene fakamāu: bea hu kiate ia naa ne gaohi ae lagi, moe mamani, bea moe tahi, moe gaahi matavai oe gaahi vai. Bea nae muimui ae agelo e toko taha, o ne behe, Kuo higa a Babilone, kuo higa ia, ae kolo lahi koia, koeuhi kuo ne fakainu‘i ae buleaga kotoabe i he uaine oe houhau o ene feauaki. Bea muimui iate kinaua hono tolu oe agelo, o ne behe, aki ae le‘o lahi, Kabau e hu e ha taha ki he manu fekai mo hono fakatātā, bea ma‘u ae fakailoga i hono foi la‘e, be i hono nima, E inu eia i he uaine oe houhau oe Otua, aia kuo ligi taehui ki he ibu o hono houhau; bea e fakamamahi ia aki ae afi moe sulifa i he ao oe kau agelo maonioni, bea i he ao oe Lami:

Bea nae alu atu mei he fale tabu ae agelo e taha, o ne kalaga aki ae le‘o lahi kiate ia nae heka ki he ao, Ai hoo hele tuuji, o tuuji: he kuo hokojia ae kuoga ke ke tuuji ai; he kuo motua ae ta‘u oe mama. Bea ko ia nae heka ki he ao, naa ne ai ene hele tuuji i he fonua; bea nae tuuji ae fonua.

Bea alu atu moe agelo e taha mei he fale tabu oku i he lagi, kuo iate ia foki ae hele tuuji oku majila. Bea alu atu moe agelo e taha mei he ejifeilaulau, nae iate ia ae bule ki he afi; o ne kalaga aki ae kalaga lahi kiate ia nae i ai ae hele tuuji oku majila, o ne behe, Ai hoo hele tuuji oku majila, o tutuu ae gaahi fuhi vaine o mamani; he kuo momoho a hono gaahi fua oe vaine. Bea nae ai e he agelo a ene hele tuuji ki he fonua, o tutuu ae vaine oe fonua, bea ne li ia ki he tataoaga uaine lahi oe houhau oe Otua. Bea nae malamalaki ae tataoaga uaine i he tua kolo, bea nae ha‘u ae toto mei he tataoaga uaine o a‘u hake ki he gaahi noo gutu oe faga hose, bea nae malofa atu ia i he maile e uageau.

BEA neu mamata ki he fakailoga e taha i he lagi, nae lahi mo fakaofo, koe agelo e toko fitu, kuo i ai ae malaia fakaoji e fitu; he kuo fakakakato i ai ae houhau oe Otua.

Bea nae ha‘u ae agelo e toko fitu mei he fale tabu, kuo iate kinautolu ae malaia e fitu, kuo nau kofu aki ae tubenu nae maa mo hinehina, bea nonoo aki ae gaahi noo koula i ho nau fatafata. Bea koe toko taha oe mea moui e toko fa, naa ne atu ki he agelo e toko fitu ae hina koula e fitu, kuo bito i he houhau oe Otua, aia oku moui o taegata bea taegata. Bea nae fakabito ae fale tabu aki ae kohu mei he nāunāu oe Otua, bea mei hono malohi: bea nae ikai faa fai e ha taha ke hu ki he fale tabu, kae oua ke kakato ae malaia e fitu nae i he agelo e toko fitu.

Oku monuia akinautolu oku leo. BEA neu fanogo ki he le‘o lahi mei he fale tabu, nae behe ki he agelo e toko fitu, Mou alu atu, o liligi ae gaahi hina oe houhau oe Otua ki he fonua. Bea nae alu ae uluaki, o ne liligi ene hina ki he fonua; bea to ai ae bala kovi mo fakamamahi ki he kakai naa nau ma‘u ae fakailoga oe manu fekai, mo kinautolu naa nau hu ki hono fakatātā. Bea nae liligi e hono ua oe agelo a ene hina ki he tahi; bea nae liliu ai ia ke hage koe toto o ha taha kuo mate: bea nae mate ai ae mea moui kotoabe nae i he tahi. Bea nae liligi e hono tolu oe agelo a ene hina ki he gaahi vaitafe moe gaahi matavai oe gaahi vai; bea nae liliu ai ia koe toto. Bea neu ogo‘i ae agelo oe gaahi vai, nae behe eia, Oku ke agatonu mo maonioni, e Eiki, oku ke i ai ni, bea naa ke i ai, koeuhi kuo ke fakamāu o behe ni. He kuo nau liligi ae toto oe kakai maonioni moe kau balofita, bea kuo ke atu kiate kinautolu ae toto ke inu; he oku tāu mo kinautolu. Bea neu fanogo ki he toko taha, nae behe mai mei he ejifeilaulau, Koe mooni, e Eiki, koe Otua Mafimafi, oku agatonu mo maonioni a hoo gaahi fakamāu. Bea nae liligi e hono fa oe agelo a ene hina ki he laa; bea nae tuku kiate ia ke ne fakamagia aki ae afi ae kakai. Bea nae magia o vela lahi ae kakai, o nau lauikovi ae huafa oe Otua, aia oku ne bule‘i ae gaahi malaia ni: bea nae ikai te nau fakatomala ke nau fakamalo ai kiate ia. Bea nae liligi e hono nima oe agelo a ene hina ki he nofoaga oe manu fekai; bea nae bito hono buleaga i he fakabouli; bea nau gūgū ho nau elelo i he mamahi, Mo nau lauikovi ae Otua oe lagi, koeuhi koe nau gaahi mamahi mo ho nau gaahi bala, ka nae ikai te nau fakatomala i he e nau gaahi gaue. Bea nae liligi e hono ono oe agelo a ene hina ki he vaitafe lahi ko Iufa-letesi; bea nae fakamamaha hono vai oona, koeuhi ke teuteu ae hala oe gaahi tu‘i mei he botu hahake.

Bea nae liligi e hono fitu oe agelo a ene hina ki he atā; bea nae ogo mai ae le‘o lahi mei he fale tabu i he lagi, mei he nofoa fakaeieiki, oku behe mai, Kuo fai ia.

BEA nae ha‘u ae toko taha oe agelo e toko fitu nae i ai ae hina e fitu, o ne lea kiate au, o behe mai kiate au, Ha‘u ki heni; bea teu fakaha kiate koe hono fakamāu oe fuu feauaki, oku heka i he gaahi vai lahi: Aia kuo fai feauaki moe gaahi tu‘i a mamani, bea koe kakai o mamani nae fakakona aki ae uaine o ene feauaki. Bea nae āvea au i he laumalie ki he toafa: bea neu mamata oku heka ae fefine i he manu fekai oku kulaahoaho, kuo bito i he gaahi higoa fakataukae ki he Otua, kuo fitu hono ulu, bea moe nifo e hogofulu.

BEA hili ae gaahi mea ni, neu mamata ki he agelo e taha oku alu hifo mei he lagi, kuo iate ia ae malohi lahi; bea nae māmagia a mamani i hono nāunāu.

Bea nae too e ha agelo malohi ae maka o hage ha fuu maka momoji, o ne li ia ki he tahi, o ne behe, E behe a hono li malohi hifo ae kolo lahi koia ko Babilone, bea e ikai aubito kei ilo‘i ia.

Bea koe mātua e toko uofulu ma toko fa, moe mea moui e toko fa, naa nau foohifo, o hu ki he Otua nae nofo i he nofoa fakaeieiki, o nau behe, Emeni; Haliluia.

Bea neu mamata oku tuu ha agelo i he laa; bea ne kalaga aki ae le‘o lahi, o ne behe ki he faga manu kotoabe oku buna i he atā noa, Ha‘u o fakakatoa akimoutolu ki he oho mohe oe Otua lahi;

BEA neu mamata ki ha agelo nae alu hifo mei lagi, kuo iate ia ae ki oe luo tae hano takele, moe ukamea fihifihi mo lahi i hono nima. Bea naa ne buke ae fuu gata, ae gata motua koia, aia koe Tevolo, mo Setani, bea ne ha‘i ia i he ta‘u e afe,

Bea koe toko taha i he agelo e toko fitu, akinautolu nae i ai ae hina e fitu kuo fonu i he malaia fakamui e fitu, nae ha‘u kiate au, o lea mai kiate au, mo behe, Ha‘u ki heni, teu fakaha kiate koe ae taahine, koe unoho oe Lami. Bea nae āvea au i he laumalie ki ha mouga lahi mo maoluga, o ne fakaha kiate au ae kolo lahi koia, ae Jelusalema maonioni, oku alu hifo mei loto lagi mei he Otua,

Bea nae fuofua ae a, koe kiubite e teau ma fagofulu ma fa, i he fuofua oe tagata, aia, koe agelo.

Bea ko au Jone, neu mamata mo fanogo ki he gaahi mea ni. Bea i he eku fanogo mo mamata, neu foohifo ke hu i he va‘e oe agelo naa ne fakaha kiate au ae gaahi mea ni. Bea behe mai eia kiate au, Vakai ke oua: he ko hoo kauga tamaioeiki au, bea oku ou i ho kaiga koe kau balofita, bea o kinautolu oku nau fai ae gaahi lea oe tohi ni: hu ki he Otua.

Ko au Jisu, kuou fekau eku agelo ke fakaha atu kiate kimoutolu ae gaahi mea ni i he gaahi jiaji. Ko au koe aka moe hako o Tevita, bea koe fetuu gigila oe bogibogi.