02 – ʻOtua

NAE fakatubu e he Otua i he kamataaga ae lagi mo mamani.

Oku fakafoou e Jihova ae fuakava. 5 Oku faka kehe ae higoa o Ebalame koe fakailoga oe tabuaki lahi hake. 10 Oku tuutuuni ae kamu. 15 Oku fakakehe ae higoa o Selai, bea oku tabuekina ia. 17 Oku fakailo a Aisake. 23 Oku kamu a Ebalahame mo Isimeli. BEA i he hivagofulu ma hiva ta‘u oe motua o Ebalame nae ha mai a Jihova kia Ebalame, o ne behe kiate ia, Ko au, koe Otua Mafimafi; ke ke eveeva i hoku ao, bea ke haohaoa.

Bea beheage e Mosese ki he Otua, Vakai, o kau ka hoko atu ki he fānau a Isileli, be au behe kiate kinautolu, Koe Otua o hoo mou gaahi tamai kuo ne fekau au kiate kimoutolu; bea te nau behe mai kiate au, Kohai hono huafa? bea koeha teu tala kiate kinautolu? Bea behe e he Otua kia Mosese, KO AU, KOE KO AU: bea behe eia, Te ke lea behe ki he fānau a Isileli, Kuo fekau au e he KO AU kiate kimoutolu. Bea toe behe e he Otua kia Mosese, Bea ke lea o behe ki he fānau a Isileli, Ko Jihova koe Otua o hoo mou gaahi tamai, koe Otua o Ebalahame, koe Otua o Aisake, moe Otua o Jekobe, kuo ne fekau au kiate kimoutolu: ko hoku huafa eni ke taegata, bea ko hoku fakailoga eni ki he gaahi toutagata kotoabe.

Ko hoku malohi mo eku hiva a Jihova, bea kuo hoko ia ko hoku fakamoui: ho hoku Otua ia, bea teu teuteu moona ae fale nofoaga; koe Otua ia o eku tamai, bea teu fakahikihiki ia. Oku toa a Jihova i he tau: ko Jihova hono huafa.

Ko ho nima toomatau e Jihova kuo ogoogolelei lahi i he malohi; ko ho nima toomatau e Jihova kuo ne laiki ke ikiiki ae fili.

Bea nae haeleage a Jihova i hono ao, o ne folofola, Ko Jihova, Ko Jihova koe Otua, oku aloofa, mo ofa mataatā, oku kataki fuoloa, bea mohu i he agalelei moe mooni. Oku ne fakaha ae aloofa ki he gaahi toko afe, i he fakamolemole ae hia, moe talagataa, moe agahala, bea e ikai aubito fakatonuhia‘i ae halaia; oku aahi aki ki he fānau ae hia ae mātua, bea ki he hako oe nau fānau, o a‘u ki hono tolu mo hono fa oe toutagata.

E ikai te ke lotu koe ki ha otua kehe: he ko Jihova, aia ko hono huafa ko Fuaa, koe Otua fuaa ia.

Ka e hage koe mooni a eku moui, e bito a mamani kotoabe i he nāunāu o Jihova.

Oku ikai ko ha tagata ae Otua, ke loi ia; be koe foha oe tagata, koeuhi ke fakatomala ia: kuo ne folofola, bea ikai e fai eia ki ai? bea kuo lea ia, bea ikai e fakamooni ia ki ai?

He ko Jihova ko ho Otua koe afi fakaauha, io, koe Otua fuaa.

Nae fakaha ia kiate koe, koeuhi ke ke ilo ko Jihova koia koe Otua; oku ikai ha toko taha mo ia, Naa ne gaohi koe ke ke ogo‘i hono le‘o mei he loto lagi, koeuhi ke ne akonaki‘i koe: bea naa ne fakaha kiate koe i mamani ene afi lahi; bea naa ke ogo‘i ene gaahi folofola mei he loto afi.

Fanogo, E Isileli: Ko Jihova ko ho tau Otua ko Jihova tafataha be ia

Koia ke ke ilo ko Jihova ko ho Otua, koe Otua ia, koe Otua agatonu, aia oku ne tauhi ae fuakava moe aloofa mo kinautolu oku ofa kiate ia, bea fai ki he ene gaahi fekau, o a‘u atu ki he toutagata lau‘i afe; Bea oku totogi eia kiate kinautolu oku fehia kiate ia ki ho nau mata, ke fakaauha akinautolu: e ikai fai tuai ia kiate ia oku ne fehia kiate ia, e totogi eia kiate ia ki hono mata.

He ko Jihova ko ho mou Otua koe Otua ia oe gaahi otua, moe Eiki ia oe gaahi eiki, koe Otua lagilagi, koe mafimafi, mo fakailifia, aia oku ikai filifilimanako ki he kakai, be ma‘u ha totogi:

Koia koe Maka! oku haohaoa a ene gaue: he ko ene ulugaaga kotoabe oku agatonu: koe Otua oe mooni, mo taehalaia, oku agatonu mo maonioni ia.

Koe Otua taegata ko ho hufaga, bea oku i lalo iate koe ae nima tologa taegata, bea te ne teke‘i kituaa ae fili mei ho ao; o ne behe, Fakaauha akinautolu.

Oku ikai ha toko taha oku maonioni o hage ko Jihova: he oku ikai ha toko taha mo koe: bea oku ikai foki ha makatuu o hage ko ho tau Otua.

Ka e nofo mooni ae Otua ki he mamani? vakai, koe lagi moe loto lagi ki oluga aubito, oku ikai te ke faa hao ai; kae hua noa ae fale ni aia kuou laga?

Bea nae agaofa a Jihova kiate kinautolu, bea naa ne manavaofa kiate kinautolu, bea naa ne tokaga kiate kinautolu, koeuhi ko ene fuakava mo Ebalahame, mo Aisake, bea mo Jekobe, bea nae ikai te ne fie fakaauha akinautolu, bea nae ikai te ne li atu leva akinautolu mei hono ao.

Mou tuku ae fakafetai kia Jihova: he oku ne agalelei; bea oku taegata a ene aloofa.

Bea ko koe, E Solomone ko hoku foha, ke ke ilo ekoe ki he Otua o hoo tamai, bea ke tauhi kiate ia aki ho loto katoa, bea i he loto fie fai: he oku hakule e Jihova ae loto kotoabe, bea oku ne ilo‘i ae filioi moe fakakaukau kotoabe: kabau te ke kumi kiate ia, te ke ilo ia ekoe; bea kabau te ke jiaki ia, te ne jiaki koe o lauikuoga.

Oku oou, E Jihova, ae maoluga, moe malohi, moe nāunāu, moe ikuna, bea moe mafimafi: he oku oou ae mea kotoabe oku i he lagi bea moe mamani: oku oou ae buleaga, E Jihova, bea oku hiki hake koe koe ulu ki he mea kotoabe. Oku meiate koe ae koloa moe ogoogolahi, bea oku ke bule koe ki he mea kotoabe; bea oku i ho nima ae malohi moe mafai; bea oku i ho nima oou ae faa hakeaki‘i, moe foaki oe malohi ki he mea kotoabe.

O ne behe, E Jihova koe Otua oe mau gaahi tamai, ikai koe Otua koe i he lagi? bea ikai oku ke bule akoe ki he gaahi buleaga kotoabe oe hiteni? bea ikai oku i ho nima ae malohi moe mafai, koeuhi ke oua naa faa agatuu ha toko taha kiate koe?

E Jihova koe Otua o Isileli, oku ke maonioni koe: he oku mau kei nofo hao be, o hage koe aho ni: vakai, oku mau i ho ao i he e mau gaahi agahala: he oku ikai te mau faa tuu i ho ao koeuhi koe mea ni.

Ko koe, io ko koe be, ko Jihova toko taha be: naa ke fakatubu ae lagi, koe lagi oe gaahi lagi, mo ho nau gaahi toko lahi kotoabe, ae fonua moe gaahi mea kotoabe oku i ai, koe gaahi tahi, moia kotoabe oku i ai, bea oku ke fakatologa akinautolu kotoabe; bea oku hu kiate koe ae gaahi toko lahi oe lagi.

He te ke ilo ae Otua i he faa eke? he‘e ke faa kumi ke ilo haohaoa ae Mafimafi?

Oku ou ilo oku ke faa fai ae mea kotoabe, bea oku ikai ha mahalo e faa buli mei ate koe.

Koia oku nofo i he gaahi lagi e kata ia: e manuki a Jihova kiate kinautolu.

Oku fakamāu e he Otua ae maonioni, bea oku houhau ae Otua ki he agakovi i he aho kotoabe.

KUO behe e he vale i hono loto, Oku ikai ha Otua. Kuo kovi akinautolu, kuo nau fai ae gaahi gaue fakalielia, oku ikai ha toko taha oku fai lelei. Nae afio hifo e Jihova mei he lagi ki he fānau ae tagata, ke afio be oku ai ha niihi oku ilo, mo kumi ki he Otua. Kuo alu he kotoabe, kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.

Fakaha hoo aloofa fakamanavahe, akoe oku ke fakamoui aki ho nima toomatau akinautolu oku falala kiate koe meiate kinautolu oku tuu hake kiate kinautolu.

OKU fakaha e he gaahi lagi ae nāunāu oe Otua; bea oku fakaha e he atā ae gaue a hono nima.

Koe tui a Tevita ki he aloofa ae Otua. KO hoku tauhi a Jihova; e ikai teu majiva.

Koe le‘o o Jihova oku fonu i he malohi; oku fonu ae le‘o o Jihova i he nāunāu.

Oku afio a Jihova mei he lagi; oku ne vakai ki he gaahi foha oe tagata. Mei he botu o hono afioaga oku ne afio‘i ae kakai kotoabe o mamani.

Oku fakakaukau kovi e he agahala ki he agatonu, mo gaii kiate ia aki hono nifo. E kata a Jihova kiate ia: he oku ne afio‘i oku ha‘u hono aho.

He koe Otua koe Tu‘i ia o mamani kotoabe: mou hiva fakamalo i he boto. Oku bule ae Otua ki he hiteni: oku afio ae Otua i he afioaga o ene maonioni.

Oua naa ke liaki au mei ho ao; bea oua naa ke too iate au ho laumalie maonioni.

Fanogo kiate au, E Jihova, he oku lelei hoo manavaofa: ke ke tafoki mai kiate au o fakatatau ki hono lahi o hoo aloofa ogogofua.

Bea fakafetai mau ai be ki hono huafa ogoogolelei o taegata: bea tuku ke bito a mamani kotoabe i hono nāunāu; Emeni, mo Emeni.

He ko koe, E Eiki oku ke agalelei, bea faa fakamolemole; bea mohu aloofa kiate kinautolu kotoabe oku ui kiate koe.

E Eiki, oku ikai ha toko taha i he gaahi otua oku tatau mo koe; bea oku ikai ha gaue o hage ko hoo gaahi gaue. E Eiki, e ha‘u o hu i ho ao ae gaahi buleaga kotoabe naa ke gaohi; bea te nau fakaogoogolelei‘i ho huafa. He oku ke lahi, bea oku ke fai ae gaahi mea mana: ko koe be koe Otua.

Ka ko koe, E Eiki, koe Otua oku fonu i he manavaofa, moe agalelei, oku ke kataki fuoloa, bea mohu aloofa moe mooni.

Koe agatonu moe fakamāu koe tuuga ia o ho afioaga: e muomua i ho ao ae aloofa moe mooni.

I he heeki ai fakatubu ae gaahi mouga, bea teeki ai te ke gaohi ae fonua mo mamani, io, talu mei mua o a‘u o taegata, ko koe be koe Otua.

He ko koe, E Jihova, oku ke maoluga hake ki mamani kotoabe: oku ke maoluga lahi aubito i he gaahi otua kotoabe.

OKU bule a Jihova; tuku ke tetetete ae kakai: oku afio ia i he vahaa oe ogo jelubi; tuku ke galulu a mamani.

Fakahikihiki a Jihova ko ho tau Otua, bea lotu i hono mouga tabu; he oku maonioni a Jihova ko ho tau Otua.

He oku agalelei a Jihova; oku taegata ene aloofa; bea oku tologa mau ai be ene mooni mei he toutagata ki he toutagata.

Naa ke ai i he kamataaga ae tuuga o mamani: bea koe gaahi lagi koe gaue ia i ho nima. E auha ia, ka e behe ai be akoe: io, e fakaaau kotoabe ia ke motua o hage koe kofu; bea hage koe bulubulu te ke fatufatu ia, bea e fakakehe ia: Ka e behe ai be akoe, bea e ikai hano gataaga o ho gaahi ta‘u.

Oku manavaofa mo agalelei a Jihova, oku faa kataki, bea mohu aloofa.

Kae hage ko hono maoluga oe lagi ki mamani, oku behe hono lahi o ene aloofa kiate kinautolu oku nau manavahe kiate ia. Oku hage ko hono va mamao oe botu hahake mei he botu luluga, oku behe hono mamao o ene ave e tau gaahi agahala iate kitautolu.

Ka koe aloofa a Jihova oku talu mei mua o a‘u o taegata kiate kinautolu oku nau manavahe kiate ia, bea ko ene maonioni ki he fānau ae fānau; Kiate kinautolu oku nau tauhi ene fuakava, bea mo kinautolu oku nau manatu ki he ene gaahi fekau ke fai ki ai. Kuo teuteu e Jihova hono afioaga i he gaahi lagi; bea oku bule hono buleaga ki he mea kotoabe.

FAKAFETAI kia Jihova, a hoku laumalie. E Jihova ko hoku Otua, oku ke lahi aubito; kuo kofu aki koe ae fakaabaaba moe mafimafi. Oku ke ufiufi aki koe ae māma o hage koe kofu: oku ke fofola atu ae gaahi lagi o hage koe buibui:

MOU atu ae fakafetai kia Jihova, he oku agalelei ia: koeuhi oku tologa o taegata a ene aloofa.

Oku maoluga hake a Jihova i he gaahi buleaga kotoabe, mo hono nāunāu oku maoluga hake i he gaahi lagi.

Ka ko ho tau Otua oku i he gaahi lagi: kuo ne fai aia kuo ne finagalo ki ai.

Koe mea kotoabe nae finagalo ki ai a Jihova, koia naa ne fai i he lagi, mo mamani, i he gaahi tahi, moe gaahi botu loloto kotoabe.

Koe eginaki ke atu ae fakafetai hi he Otua koeuhi ko ene gaahi aloofa. MOU atu ae fakafetai kia Jihova; he oku agalelei ia: koeuhi oku tologa o taegata a ene aloofa.

Mou atu ae fakafetai ki he Eiki oe gaahi eiki: he oku tologa o taegata a ene aloofa.

Kiate ia aia nae gaohi i he boto ae gaahi lagi: he oku tologa o taegata a ene aloofa.

Mou atu ae fakafetai ki he Otua oe lagi: he oku tologa o taegata a ene aloofa.

Teu alu kife mei ho Laumalie? be teu hola kife mei ho ao? Kabau teu alu hake ki he loto lagi, oku ke i ai: kabau teu gaohi hoku mohega i heli, vakai, oku ke i ai.

Oku lahi a Jihova, bea oku gali ke faa fakamalo kiate ia; bea ko hono lahi oku tae faa ilo‘i.

Teu lea ki hono ogoogolelei lahi o hoo afio, bea mo hoo gaahi gaue fakaofo.

Oku agalelei a Jihova, bea fonu i he manavaofa; oku toohi hono houhau, bea oku lahi a ene aloofa.

Oku agatonu a Jihova i hono hala kotoabe, bea maonioni i he ene gaahi gaue kotoabe. Oku ofi a Jihova kiate kinautolu kotoabe kuo ui ki he ene afio, kiate kinautolu kotoabe oku nau ui kiate ia i he mooni.

Aia naa ne gaohi ae lagi, mo mamani, ae tahi moe mea kotoabe oku i ai: bea oku ne tauhi ae mooni o lauikuoga: Aia oku ne fai ae fakamāu koeuhi koe kakai fakamalohia: oku ne foaki ae mea kai ki he fiekaia. Oku vete e Jihova ae kau bobula:

Oku ne tala hono lau oe gaahi fetuu; oku ne ui akinautolu kotoabe i ho nau gaahi higoa. Ko ho tau Eiki oku lahi ia, bea lahi hono malohi: ko ene ilo oku taegata.

Oku ou ofa kiate kinautolu oku ofa kiate au; bea e ma‘u au ekinautolu oku kumi tōtōaki kiate au.

Oku i he botu kotoabe ae fofoga o Jihova, o ne afio‘i ae kovi moe lelei.

Kohai kuo alu hake ki he lagi, be alu hifo? kohai oku ne tanaki ae matagi i hono nima? kohai kuo ne fakamaoboobo ae gaahi vai i ha kofu? kohai kuo ne fokotuu mau ae gaahi gataaga o mamani? kohai hono huafa, bea kohai ae huafa o hono Alo, o kabau oku ke faa fakaha?

Ke ke hu ki he ana‘i maka, mo fakafufu koe i he efu, i he manavahe kia Jihova, moe nāunāu o ene mafimafi.

Bea naa na lea fetaliaki, o behe, Oku maonioni, oku maonioni, oku maonioni, a Jihova oe gaahi kau tau: oku fonu a mamani kotoabe i hono nāunāu.

Mou fakatabu‘i be a Jihova oe gaahi kau tau; bea tuku ke hoko ia ko hoo mou manavaheaga, bea mou ilifia iate ia.

He kuo fanau‘i kiate kitautolu ae tamajii, kuo foaki kiate kitautolu ae foha: bea e i hono uma ae bule: bea e ui hono huafa ko Fakaofo, ko Akonaki, koe Otua Mafimafi, koe Tamai Taegata koe Eiki oe Melino.

Bea e nofo iate ia ae Laumalie o Jihova, ae laumalie oe boto moe faa ilo, ae laumalie oe akonaki moe malohi, ae laumalie oe ilo bea moe manavahe kia Jihova;

Bea koia e tatali ai a Jihova, koeuhi ke ne aloofa kiate kimoutolu, bea koia e fakahikihiki‘i ia, koeuhi ke ne aloofa kiate kimoutolu: he ko Jihova koe Otua ia oe fakamāu: oku monuia akinautolu kotoabe oku tatali kiate ia.

He ko Jihova ko ho tau fakamāu, ko Jihova ko ho tau fai fono, ko Jihova ko ho tau tu‘i; te ne fakamoui akitautolu.

Oku hage koe mea noabe ae gaahi buleaga kotoabe i hono ao; bea oku lau ia kiate ia koe jii hifo i he mea noabe, moe vaiga. Bea te mou fakatatau ki ahai ae Otua? be koeha ha fakatātā te mou fakatatau kiate ia?

Ko ia ia oku afio i he takatakai o mamani, bea koe kakai oku nofo ai oku tatau kiate ia moe faga hee; koia ia oku ne fofola ae gaahi lagi o hage koe buibui, bea folahi ia o hage koe fale fehikitaki ke nofo ai:

Ikai naa ke ilo? ikai naa ke fanogo, ko Jihova koe Otua taegata ia, koe Tubuaga oe gaahi gataaga o mamani, oku ikai bogia ia, bea oku ikai vaivai? oku tae faa ilo‘i a ene ilo.

Ko au ko Jihova: ko hoku huafa ia: bea ko hoku nāunāu e ikai teu foaki ki ha taha, be ko hoku fakamalo ki he gaahi tamabua kuo togi.

Oku behe e Jihova, Ko eku kau fakamooni akimoutolu, bea ko eku tamaioeiki aia kuou fili: koeuhi ke mou ilo bea tui kiate au, bea ilo bau ko au ia: nae ikai ha Otua kuo fakatubu i mua iate au, bea e ikai ha taha kimui. Ko au, io ko au, ko Jihova; bea oku ikai mo ha fakamoui ka ko au be.

Oku behe e Jihova koe Tu‘i o Isileli, bea ko hono huhui ko Jihova oe gaahi kau tau; Ko au koe uluaki, bea ko au be koe kimui; bea oku ikai ha Otua mo au.

Oku behe e Jihova, ko ho huhui, bea ko ia nae fakafuofua koe mei he manāva, Ko au ko Jihova kuou gaohi ae mea kotoabe; kuou folahi toko taha be ae gaahi lagi; oku fofola atu a mamani e au be;

Koeuhi ke nau ilo mei he hoboaga laa, bea mei he luluga, oku ikai ha taha mo au. Ko au ko Jihova, bea oku ikai mo ha taha. Kuou gaohi ae māma, bea fakatubu moe bouli: oku ou fakahoko ae melino, bea fakatubu moe tau: ko au ko Jihova oku ou fai ae gaahi mea ni kotoabe.

He oku behe e Jihova aia naa ne gaohi ae gaahi lagi; koe Otua be aia nae fakafuofua a mamani mo fakatubu ia; kuo ne fokotuu mau ia, nae ikai te ne gaohi ke tae aoga ia, naa ne fakafuofua ia ke nofo ai ae kakai: ko au ko Jihova: bea oku ikai mo ha toko taha.

Mou tala, bea omi ke ofi akinautolu, io, tuku ke nau fakakaukau fakataha: kohai kuo ne fakaha ae mea ni mei he kuoga i mua? Kohai kuo ne tala ia mei he kuoga koia? ikai ko au ko Jihova? bea oku ikai mo ha Otua mo au; koe Otua agatonu bea koe Fakamoui; oku ikai ha taha mo au. Jio mai kiate au bea mou moui ai, ae gaahi gataaga kotoabe o mamani: he ko au be koe Otua, bea oku ikai mo ha taha.

Manatu ki he gaahi uluaki mea i mua: he ko au koe Otua, bea oku ikai ha taha kehe; Ko au koe Otua, bea oku ikai ha toko taha e tatau mo au, Ke fakaha ae ikuaga mei he kamataaga, bea mei he gaahi kuoga i mua ae gaahi mea oku heeki ke fai, o behe, E tuu mau eku tuutuuni, bea teu fai eku faiteliha kotoabe:

He ko ho Tubuaga kuo fakamau mo koe; ko Jihova oe gaahi kau tau ko hono huafa ia; bea ko ho Huhui koe Toko Taha Maonioni o Isileli; e ui ia koe Otua o mamani kotoabe.

He oku behe e Jihova oku ikai ko hoo mou gaahi mahalo a eku mahalo, bea oku ikai ko ho mou gaahi hala a hoku gaahi hala. He oku hage oku maoluga hake ae gaahi lagi mei he mamani, oku behe hono maoluga o hoku gaahi hala, bea mo eku mahalo i hoo mou gaahi mahalo.

He oku behe e he Toko Taha lahi mo maoluga aia oku afio i he taegata, ko hono huafa koe Maonioni; Oku ou nofo i he botu maoluga mo maonioni, bea iate ia foki oku loto fakatomala mo agavaivai, ke fakamoui ae loto okinautolu oku fakatomala.

OKU behe e Jihova, Ko hoku afioaga ae lagi, bea ko hoku tuuaga va‘e a mamani: kofaaia ae fale oku mou laga kiate au? bea kofaaia ae botu o eku mālōlō?

Ka ko Jihova koe Otua mooni, koe Otua moui ia, bea koe Tu‘i taegata: bea e gau‘eu‘e a mamani i hono houhau, bea e ikai faa kataki e he gaahi buleaga a ene tubutamaki.

Kuo ne gaohi ae kelekele aki hono malohi, kuo ne fokotuu mau a mamani aki ene ilo, bea kuo ne folahi ae gaahi lagi i he ene boto.

Koia, vakai, teu bule ni kiate kinautolu ke nau ilo hoku nima, mo hoku malohi; bea te nau ilo ko hoku huafa Ko Jihova.

Oku behe e Jihova, E faa fakafufu ia e ha taha i ha gaahi botu lilo ke oua naaku ilo ia? oku behe e Jihova, He oku ikai fonu ae lagi mo mamani iate au?

Talu mei mua kuo ha mai kiate au a Jihova, o behe, Koe mooni, kuou ofa aki kiate koe ae ofa taegata: koia kuou toho aki koe ae ofa ogogofua.

Bea e ikai te nau taki taha ako ki hono kaugaabi, mo taki taha ki hono kaiga, o behe Ke ilo a Jihova: he te nau ilo kotoabe au, mei he iki o a‘u ki he lalahi iate kinautolu, Oku behe e Jihova: he teu fakamolemole e nau hia, bea e ikai teu toe manatu ki he e nau agahala.

E Eiki ko Jihova! vakai, kuo ke gaohi ae lagi bea mo mamani i ho malohi lahi bea moe nima mafao, bea oku ikai ha mea e taha oku faigataa kiate koe: Kuo ke fakaha a hoo ulugaaga ofa ki he gaahi toko afe, bea oku ke totogi ae hia ae gaahi tamai ki he fatafata oe nau fānau oku muimui iate kinautolu: koe Otua Lahi, bea Mafimafi, Ko Jihova oe gaahi kau tau hono huafa,

Vakai, Ko au ko Jihova, Koe Otua oe kakai kotoabe: oku ai ha mea e faigataa kiate au?

Nae lea a Taniela o behe, Oku monuia ae huafa oe Otua, o taegata bea taegata; he oku oona ae boto moe malohi: Bea oku ne liliu ae gaahi kuoga, moe gaahi faahita‘u: oku ne ave ae gaahi tu‘i, bea oku ne fokotuu ae gaahi tu‘i: oku ne foaki ae boto ki he kau boto, moe ilo kiate kinautolu oku ilo loto. Oku ne fakaha ae gaahi mea loloto mo fufu: oku ne afio‘i ae gaahi mea oku i he bouli, bea oku nofo iate ia ae māma.

Bea teu fakamau koe kiate au o lauikuoga; io teu fakamau koe kiate au i he maonioni, bea moe agatonu, bea i he agaofa, bea i he gaahi aloofa.

Io, ko Jihova, koe Otua oe gaahi toko lahi; ko Jihova ko hono fakamanatu ia.

Koeuhi, vakai, koia ia nae gaohi ae gaahi mouga, bea ne fakatubu ae matagi, bea oku ne fakaha ki he tagata, be koeha ene mahalo, oku ne gaohi ae bogibogi koe bouli, bea oku ne malaki ae gaahi botu maoluga o mamani, Ko Jihova, koe Otua oe gaahi kau tau a hono huafa.

Oku fuaa ae Otua, bea oku totogi e Jihova; oku totogi e Jihova, bea oku houhau vela ia; e totogi e Jihova ki hono gaahi fili, bea oku ne fakatoe ae houhau ma a hono gaahi fili. Oku tuai a Jihova ki he houhau, mo lahi i he malohi, bea e ikai jii fakatonuhia‘i ae agahala: oku ai ae haeleaga o Jihova i he ahiohio, bea i he afā, bea koe gaahi ao, koe efu ia o hono va‘e.

Koeuhi e fakafonu a mamani i he ilo ki he nāunāu o Jihova, o hage oku ufiufi ae kiliji tahi e he gaahi vai.

Oku mafimafi a Jihova ko ho Otua i he lotolotoga oou; te ne fakamoui, te ne fiefia iate koe, aki ae fiefia: e mālōlō eia i he ene ofa, te ne fiefia iate koe aki ae hiva.

Ka oku ou tala atu kiate kimoutolu, Oua te mou fuakava: be ki he lagi; he koe afioaga ia oe Otua: Be ki he fonua; he ko hono tuugavae: be ki Jelusalema; he koe kolo ia oe Tu‘i lahi.

Koia ke haohaoa akimoutolu he oku haohaoa a hoo mou Tamai oku he lagi.

Koia ke behe ni hoo mou lotu: Ko e mau Tamai oku i he lagi, Ke tabuha ho huafa.

Bea oua naa tuku akimautolu ki he ahiahi, kae fakamoui akimautolu mei he kovi: He oku oou ae bule, moe malohi, moe nāunāu, o taegata. Emeni.

Bea lea a Jisu i he aho koia, o behe, Oku ou fakafetai kiate koe, e Tamai, koe Eiki oe lagi mo mamani, i hoo fufu ae gaahi mea ni mei he kau boto moe fieiloilo, ka kuo ke fakaha ia ki he kau valevale.

Bea vakai a Jisu, o ne behe kiate kinautolu, Oku ikai faa fai eni e he tagata; ka oku faa fai e he Otua ae mea kotoabe.

Ko au koe Otua o Ebalahame, bea koe Otua o Aisake, bea koe Otua o Jekobe? Oku ikai koe Otua oe mate ae Otua, ka koe moui.

Oka ha‘u ae Foha oe tagata i hono nāunāu, moe kau agelo maonioni kotoabe mo ia, e toki nofo ia i he nofoa o hono nāunāu: Bea e fakakatoa i hono ao ae gaahi kakai kotoabe: bea e vahe ua eia akinautolu, o hage koe vahe‘i e he tauhi‐sibi a ene sibi mei he koji:

Bea ha‘u a Jisu o lea kiate kinautolu, o behe, Kuo tuku kiate au ae malohi kotoabe i he lagi mo mamani. Koia ke alu akimoutolu, o fakalotu‘i ae gaahi buleaga kotoabe, o babitaiso akinautolu i he huafa oe Tamai, moe Alo, moe Laumalie Maonioni:

Bea vakai a Jisu kiate kinautolu, o ne behe, Oku ikai faa fai eni e he tagata, ka koe Otua be: he oku faa fai e he Otua ae mea kotoabe.

Bea beheage e Jisu kiate ia, Koe lahi eni i he gaahi fekau kotoabe, Fanogo, e Isileli; Ko Jihova ko ho tau Otua ko Jihova oku taha be:

Bea behe e Jisu, Ko au ia: bea te mou mamata ki he Foha oe tagata oku nofo ia i he nima toomatau oe mafimafi, bea mo ene ha‘u moe gaahi ao oe lagi.

NAE liu mai a Jisu mei Joatani, kuo fonu i he Laumalie Maonioni, bea nae tataki ia e he Laumalie ki he toafa.

Koia mou manavaofa, o hage foki koe manavaofa a hoo mou Tamai.

Nae fiefia a Jisu i hono laumalie i he feituulua koia, o ne behe, E Tamai, koe Eiki oe lagi mo mamani, oku ou fakafetai kiate koe, i hoo fufu ae gaahi mea ni mei he kau boto moe fieiloilo, ka kuo ke fakaha ia ki he kau valevale: ke behe, E Tamai; he oku lelei ia i ho ao ke behe.

Bea ne behe kiate kinautolu, Oka mou ka lotu, mou behe, Ko e mau Tamai oku i he lagi, Ke tabuhā ho huafa. Ke hoko mai hoo bule. Ke fai a mamani ki ho finagalo, o hage i he lagi.

NAE i he kamataaga ae Folofola, bea nae i he Otua ae Folofola, bea koe Otua ae Folofola, Ko ia ia nae i he kamataaga moe Otua. Nae gaohi eia ae mea kotoabe; bea nae ikai ha mea e gaohi kae iate ia be.

He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata.

Oku ofa ae Tamai ki he Alo, bea kuo ne tuku ae mea kotoabe ki hono nima.

Koe Otua koe Laumalie: bea ko kinautolu oku hu kiate ia, oku totonu ke hu i he laumalie moe mooni.

Bea talaage e Jisu kiate kinautolu, Ko au koe ma oe moui: ko ia oku ha‘u kiate au, e ikai aubito fiekaia; bea ko ia oku tui kiate au, e ikai aubito fieinu ia.

Ko au koe ma koia oe moui.

Ko au koe ma moui kuo alu hifo mei he lagi: kabau e kai e ha tagata ae ma ni, e moui taegata ia: bea koe ma oku ou foaki ko hoku jino, aia teu foaki ke moui ai a mamani.

Bea toe lea ai a Jisu kiate kinautolu, o behe, Ko au koe māma o mamani: ko ia oku muimui iate au, e ikai alu ia i he bouli, ka e iate ia ae māma oe moui.

Koe toko taha au oku ou fakamooni au, bea koe Tamai naa ne fekau au oku ne fakamooni kiate au.

Bea tala eia kiate kinautolu, Oku mei lalo akimoutolu; oku mei oluga au: oku o mamani akimoutolu; oku ikai o mamani au.

Bea talaage e Jisu kiate kinautolu, Koe mooni, koe mooni, oku ou tala kiate kimoutolu, Ki mu‘a ia Ebalahame, oku ou i ai au.

Ko au koe tauhi lelei: oku foaki e he tauhi lelei a ene moui koeuhi koe faga sibi.

Bea talaage e Jisu kiate ia, Ko au koe toetuu, moe moui: ko ia oku tui kiate au, ka ne mate ia, e moui be ia:

Bea talaage e Jisu kiate ia, Ko au koe hala, moe mooni, bea moe moui: oku ikai h‘au ha tagata e taha ki he Tamai, kae iate au. Ka ne mou ilo au, behe, kuo mou ilo mo eku Tamai foki: bea gata mei heni oku mou ilo ia, bea kuo mou mamata kiate ia.

Ka koe Fakafiemalie koe Laumalie Maonioni, aia e fekau e he Tamai i hoku huafa, te ne ako‘i akimoutolu i he mea kotoabe, mo fakamanatu‘i akimoutolu i he mea kotoabe, aia kuou lea aki kiate kimoutolu.

Oku ikai ha tagata e lahi hake ene ofa i he mea ni, ke ne foaki ene moui koeuhi ko hono kaiga.

Bea i he ene behe kiate kinautolu, Ko au ia, naa nau fakaholomui, o to ki he kelekele.

Bea naa nau lotu, o behe, E Eiki, ko koe oku ke ilo‘i ae loto kotoabe, ke fakaha be kohai iate kinaua ni kuo ke fili,

Ka oku ikai nofo ae Fugani Maoluga i he gaahi fale kuo gaohi aki ae nima; o hage koe lea ae balofita, Oku behe e he Eiki, Ko hoku nofoa ae lagi, bea ko hoku tuugava‘e a mamani: koeha ae fale te mou laga mooku? bea koeha hoku mālōlōaga?

Koe Otua aia naa ne gaohi a mamani moe mea kotoabe oku i ai, oku ikai nofo ia i he gaahi fale kuo gaohi e he nima, he koe Eiki ia oe lagi mo mamani;

He oku fakaha mei he lagi ae houhau oe Otua ki he taelotu moe taemaonioni kotoabe oe kakai, akinautolu oku taofi ki he mooni i he taemaonioni; Koeuhi koia oku ilogofua i he Otua kuo ha ia iate kinautolu; he kuo fakaha ia e he Otua kiate kinautolu; He koe gaahi mea tae ha mai aana, aia ko ene mafimafi taegata mo hono Otua, kuo ilogofua ia i hono gaohi o mamani, oku ilo‘i ia mei he gaahi mea kuo gaohi; koia oku ikai ai ha nau haoaga:

Ka oku fakaha e he Otua ene ofa kiate kitautolu i he mea ni, lolotoga koe kau agahala akitautolu, ne bekia a Kalaisi maa tautolu.

He oku ou ilo bau, e ikai i he mate, be i he moui, be i he kau agelo, be i he kau bule, be i he gaahi malohi, be i he gaahi mea i heni, be i he gaahi mea e hoko, Be i he maoluga, be i he maulalo, be i ha mea kehe e taha kuo gaohi, e ikai mafai ia ke fakamavae akitautolu mei he ofa ae Otua, aia oku ia Kalaisi Jisu ko ho tau Eiki.

Oiaue! hono loloto oe koloaia ae boto moe ilo ae Otua! oku tae faa eke a ene gaahi tuutuuni, bea tae faa iloa mo hono gaahi aluaga! He kohai kuo ne ilo ae finagalo oe Eiki? be kohai kuo akonaki‘i kiate ia? Bea kohai ne tomua foaki kiate ia, bea e toe totogi ia kiate ia? He oku tubuga meiate ia, bea oku mau be iate ia, bea e iku kiate ia, ae gaahi mea kotoabe: aia ke i ai ae fakaabaaba o taegata. Emeni.

Koeuhi ke oua naa tuu i he boto oe tagata hoo mou tui, ka i he malohi oe Otua.

He koe buleaga oe Otua oku ikai i be lea be, ka oku i he malohi.

Ka oku taha be ae Otua kiate kitautolu, koe Tamai, aia oku mei ai ae gaahi mea kotoabe, bea maana akitautolu; bea taha be ae Eiki, ko Jisu Kalaisi, aia oku iate ia ae gaahi mea kotoabe, mo kitautolu iate ia.

Aia naa ne fai kia Kalaisi, i he ene fokotuu hake ia mei he bekia, o ne fakanofo ia ki hono nima toomatau i he gaahi botu fakalagi, O maoluga lahi aubito i he gaahi bule kotoabe, moe malohi, moe mafimafi, moe eikiaga moe higoa kotoabe oku ui aki, ikai i he mamani be, ka i he mama koia foki e hoko: Bea kuo tuku eia ae gaahi mea kotoabe ki hono lalo va’e, bea fakanofo ia koe ulu ki he gaahi mea kotoabe ki hono jiaji, Aia ko hono jino, koe fonu o ia oku ne fakafonu kotoabe i he mea kotoabe.

Ka koe Otua, aia oku mohu aloofa, i he ene ofa lahi naa ne ofeina ai akitautolu,

He koe mea iate ia oku tau ma’u fakatouoji ae hokoaga i he Laumalie be taha ki he Tamai.

Koe Otua be taha moe Tamai a tautolu kotoabe, aia oku maoluga he mea kotoabe, bea i he mea kotoabe, bea oku nofoia akimoutolu kotoabe.

Bea oua naa fakamamahi ki he Laumalie Maonioni oe Otua, aia kuo fakailoga aki akimoutolu ki he aho oe huhui.

Bea koia kuo hakeaki‘i ai ia e he Otua o lahi aubito, o ne foaki kiate ia ae huafa oku maoluga taha be i he higoa kotoabe: Koeuhi ke tuulutui ki he huafa o Jisu ae tui oia kotoabe oku i he iagi mo mamani, moe lalo mamani; Bea ke fakaha e he elelo kotoabe koe Eiki a Jisu Kalaisi, ke ogoogo lelei ai ae Otua koe Tamai.

Aia ko hono tatau oe Otua tae ha mai, koe uluaki fanau i he mea fakatubu kotoabe. He nae fakatubu eia ae gaahi mea kotoabe, aia oku i he lagi, bea mo ia oku i mamani, ae mea ha mai moe tae ha mai, be koe gaahi nofoa fakaeieiki, be koe gaahi eikiaga, be koe gaahi bule, be koe gaahi malohi: nae fakatubu eia ae gaahi mea kotoabe, bea nae maana ia: Bea oku ki mu‘a ia i he gaahi mea kotoabe, bea oku tuu mau iate ia ae gaahi mea kotoabe. Bea koe ulu ia oe jino, koe jiaji: aia koe kamataaga, koe uluaki tubu mei he mate; koeuhi ke maoluga taha be ia i he gaahi mea kotoabe. He nae leleiia ke nofo ae fonu kotoabe iate ia;

He oku nofo fakamoomooni kiate ia hono matuaki fonu oe Otua. Bea oku fakafonu akimoutolu iate ia, aia koe ulu oe bule kotoabe moe malohi:

Bea koeni, ke i he Tu‘i i mu‘a i mu‘a, mo taemate, mo tae ha mai, ki he Otua boto taha be, ae fakaabaaba moe ogoogo lelei o taegata bea taegata. Emeni.

Aia oku i ai toko taha be ae tae faa mate, oku nofoia eia ae māma tae faa fotuaki; aia kuo teeki mamata ki ai ha tagata, bea ikai jii te ne faa mamata ki ai: ke iate ia ae fakaabaaba moe malohi o taegata. Emeni.

KOE Otua, aia nae folofola i mu‘a i he gaahi kuoga kehekehe moe gaahi aga kehekehe ki he gaahi tamai i he kau balofita, Kuo ne folofola i he gaahi aho ki mui ni kiate kitautolu i hono Alo, aia kuo ne tuutuuni ke aana ae gaahi mea kotoabe, aia ne ne gaohi ai foki ae gaahi mama; Koe malama ia o hono nāunāu, moe tatau aubito o ene afio, bea oku ne boubou hake ae mea kotoabe aki ene folofola malohi, bea kuo hili ene fai eia ae totogi i he e tau gaahi agahala, bea nofo hifo ia i he nima toomatau oe Fugani Maoluga;

Ka ki he Alo, oku ne behe, E Otua, ko ho nofoaga oku lauikuoga bea taegata: koe tokotoko o ho buleaga koe tokotoko maonioni ia.

Bea oku ikai ha mea e taha oku tae ha mai i hono ao: ka oku telefua bea tokaimaanaga ae mea kotoabe ki he fofoga o ia aia te tau fakamāu ki ai.

He koe afi fakaauba a ho tau Otua.

Ko Jisu Kalaisi oku tatau i he aneafi, moe aho ni, bea taegata.

Koe foaki lelei kotoabe moe foaki haohaoa kotoabe oku mei oluga, bea oku alu hifo ia mei he Tamai oe gaahi māma, aia oku ikai i ai ha fetooaki, be koe ata oe feliliuaki

Oku ke tui oku ai ae Otua be taha; ko hoo fai lelei ia: oku tui foki ae kau tevolo, bea nau tetetete.

Aia kuo alu ki loto lagi, bea oku ne i he nima toomatau oe Otua; kuo fakamoulaloa kiate ia ae kau agelo moe gaahi bule moe gaahi malohi.

He nae ma‘u eia ae ogoogo lelei moe nāunāu mei he Otua koe Tamai, i he hoko mai kiate ia ae le‘o koia mei he nāunāu lelei lahi aubito, Ko hoku Alo ofaaga eni, aia oku ou fiemalie lahi ai.

Ko eni ia ae fekau naa mau fanogo meiate ia, mo fakaha kiate kimoutolu, koe māma ae Otua, bea oku ikai iate ia ha fakabouli jii.

Ko ia oku ikai ofa, oku ikai ilo‘i eia ae Otua; he koe Otua koe ofa.

Bea kuo tau ilo‘i mo tui ki he ofa kuo i he Otua kiate kitautolu. Koe Otua koe ofa; bea ko ia oku nofo i he ofa, oku nofo ia i he Otua, moe Otua iate ia.

He oku ai ae toko tolu i he lagi oku fakamooni, koe Tamai, moe Folofola, bea moe Laumalie Maonioni: bea oku taha be ae toko tolu ni. Bea oku ai ae tolu i mamani oku fakamooni, koe Laumalie, moe vai, bea moe toto: bea oku kau fakataha ae tolu ni.

Bea oku tau ilo kuo ha‘u ae Alo oe Otua, bea kuo ne foaki ae ilo kiate kitautolu, ke tau ilo‘i ia aia oku mooni, bea oku tau iate ia oku mooni, i hono Alo ko Jisu Kalaisi. Ko eni ae Otua mooni, moe moui taegata.

Ke i he Otua boto taha be ko ho tau Fakamoui, ae nāunāu, moe ogoogolelei moe bule, moe malohi, i heni mo taegata. Emeni.

Oku behe e he Eiki, Ko au koe Alifa moe Omeka, koe kamataaga moe gataaga, aia oku i ai, bea nae i ai, bea ko ia ia e i ai, koe Mafimafi.

BEA tohi ki he agelo oe jiaji i Satisi; Oku folofola aki ae gaahi mea ni eia oku iate ia ae Laumalie e Fitu oe Otua, bea moe fetuu e fitu; Oku ou ilo‘i hoo gaahi gaue, he oku ke ma‘u ae higoa oku ke moui, ka oku ke mate.

Bea fakafokifabe kuou i he Laumalie: bea vakai, ne tuu ae nofoa fakaeieiki i he lagi, bea nofo ae toko taha i he nofoa fakaeieiki. Bea ko ia nae nofo ai nae matamata lelei o hage koe maka koe jasiba moe satino; bea nae takatakai ae nofoa fakaeieiki e he umata, nae ha mai o hage koe emalata. Bea nae tuu takatakai i he nofoa fakaeieiki oe nofoa e uofulu ma fa: bea neu mamata oku nofo i he gaahi nofoa ae mātua e toko uofulu ma toko fa, kuo kofu aki ae kofu hinehina; bea nae ai i ho nau ulu ae gaahi bale koula. Bea nae ba mai mei he nofoa fakaeieiki ae uhila moe mana moe gaahi le‘o: bea nae ulo ae māma afi e fitu i he mu‘a nofoa fakaeieiki, aia koe Laumalie e Fitu oe Otua. Bea nae i he mu‘a nofoa fakaeieiki ae tahi jioata o hage koe kilisitala: bea nae i he haohaoga oe nofoa fakaeieiki, bea tuu takatakai i he nofoa fakaeieiki, ae faahiga mea moui e fa, kuo fonu i he gaahi foi mata i ao bea mo tua. Bea koe uluaki mea moui nae hage koe laione, ko hono ua oe mea moui nae hage koe bulu, ko hono tolu oe mea moui nae mata tatau moe tagata, bea ko hono fa oe mea moui nae hage ko ha ikale oku buna. Bea koe mea moui e fa naa nau taki ono ae kabakau; bea naa nau bito i loto i he gaahi foi mata: bea oku ikai te nau mālōlō i he aho be i he bo, kae behe be, Maonioni, maonioni, maonioni, e Eiki, koe Otua Mafimafi, aia nae i ai, bea oku i ai ni, bea e i ai. Bea i he atu e he gaahi mea moui koia ae fakaabaaba moe ogoogo lelei moe fakafetai kiate ia oku nofo i he nofoa fakaeieiki, aia oku moui o lauikuoga bea taegata, Nae fakafoohifo ae mātua e toko uofulu ma toko fa i he ao o ia oku nofo i he nofoa fakaeieiki, o nau hu kiate ia oku moui o lauikuoga bea taegata, bea naa nau li ho nau gaahi bale i he mu‘a nofoa fakaeieiki, mo nau behe, Oku tāu mo koe, e Eiki, ke ke ma‘u ae fakaabaaba moe ogoogo lelei moe mafimafi: he kuo ke fakatubu ae gaahi mea kotoabe, bea nae gaohi ia bea oku kei ai ni, i hoo finagalo be koe ki ai.

Bea neu mamata, bea vakai, i he haohaoga oe nofoa fakaeieiki moe mea moui e fa, bea i he haohaoga oe kau mātua, nae tuu ae Lami o hage kuo tamate‘i, kuo fitu ae nifo i hono ulu, moe mata e fitu, aia koe Laumalie e Fitu oe Otua oku fekau atu ki mamani kotoabe.

Bea neu fanogo ki he gaahi mea kotoabe aia oku i he lagi, bea i he mamani, bea i lalo i mamani, bea mo ia oku i he tahi, bea mo kinautolu kotoabe oku i ai, naa nau behe, Ke iate ia oku nofo i he nofoa fakaeieiki, bea ki he Lami, ae fakafetai, moe fakaabaaba, moe ogoogo lelei, moe mafimafi, o taegata bea taegata.

O ne behe aki ae le‘o lahi, Manavahe ki he Otua, bea atu ae fakamalo kiate ia; he kuo hokojia ae feituulaa o ene fakamāu: bea hu kiate ia naa ne gaohi ae lagi, moe mamani, bea moe tahi, moe gaahi matavai oe gaahi vai.

Bea neu ogo‘i o hage koe le‘o oe fuu kakai, bea hage moe uulu oe gaahi vai lahi, bea hage moe uulu oe gaahi mana malohi, oku nau behe, Haliluia: he oku bule ae Eiki koe Otua mafimafi.

Bea oku i hono bulubulu mo hono tega ae higoa kuo tohi, KOE TU‘I OE GAAHI TU‘I, MOE EIKI OE GAAHI EIKI.

Bea nae ikai teu mamata i ai ki ha fale tabu: he ko hono fale tabu oona ae Eiki koe Otua Mafimafi bea moe Lami. Bea nae ikai aoga ae laa ki he kolo, be koe mahina, ke ulo i ai: ke oku fakamāma ia e he nāunāu oe Otua, bea koe Lami, ko hono māma ia oona.

Ko au koe Alifa mo Omeka, koe kamataaga moe gataaga, koe uluaki moe ki mui.