03 – Fa‘ahinga ‘o E Tangatá

Bea nae folofola ae Otua, Ke tau gaohi ae tagata i ho tau tatau, moe tau aga: bea ke nau bule ki he ika oe tahi, moe manu buna oe atā, moe faga manu, mo mamani kotoabe, moe mea totolo kotoabe oku gau‘e i he kelekele. Koia nae gaohi ae tagata e he Otua i hono tatau, naa ne gaohi ia i he tatau oe Otua; naa ne gaohi akinaua koe tagata moe fefine. Bea nae tabuaki‘i akinaua e he Otua, bea folofola ae Otua kiate kinaua, Fanafanau, mo fakatokolahi, mo fakakakai a mamani, bea bule ki ai: bea bule ki he ika oe tahi, moe faga manu buna oe atā, moe mea moui kotoabe oku gau‘e i he fuga o mamani. Bea nae folofola ae Otua, Vakai, kuou foaki kiate kimoua ae akau iki kotoabe oku i ai hono tega, aia oku i he fuga oe fonua kotoa, moe akau kotoabe oku fua aia oku i ai hono tega; koia ia ke mo kai. Bea koe faga manu kotoabe i he fonua, moe faga manu buna kotoabe oe atā, moe mea moui kotoabe oku totolo i he fonua, e kai i he akau‐lau mata kotoabe: bea nae hoko ia.

Bea nae gaohi e Jihova koe Otua ae tagata mei he efu oe kelekele, bea ne manava ki hono ava‘i ihu ae manava oe moui; bea hoko ae tagata koe laumalie moui.

Bea nae folofola e Jihova koe Otua, Oku ikai lelei ke toko taha be ae tagata: teu gaohi kiate ia ha tokoni oku tāu mo ia.

Bea nae behe e Atama, Koe hui eni o hoku gaahi hui, moe kakano o hoku kakano: e ui ia koe Fefine, koeuhi nae too ia mei he Tagata. Koia e tukuage ai e he tagata e ene tamai mo ene fa‘e, kae bikitai ki hono unoho: bea te na kakano taha be. Bea naa na fakatou telefua, ae tagata mo hono unoho, bea nae ikai te na ma ai.

Te ke kai ae meakai i he kakava o ho mata, kae oua ke ke foki ki he kelekele; he nae too koe mei ai: he koe efu koe, bea te ke toe foki ki he efu.

KO eni ae tohi oe hako o Atama. I he aho nae fakatubu e he Otua ae tagata, naa ne gaohi ia i he tatau oe Otua; Naa ne fakatubu akinaua koe tagata moe fefine; bea ne tabuaki‘i akinaua, bea ui ho na higoa ko Atama, i he aho nae fakatubu ai akinaua.

Bea nae folofola a Jihova, E ikai ahiahi mau ai be a hoku Laumalie moe tagata, he koe kakano foki ia: ka e hoko hono gaahi aho ki he ta‘u e teau ma uofulu.

Bea nae afio e he Otua kuo lahi ae agahala ae tagata i mamani, bea kuo kovi mau ai be ae filioi kotoabe oe gaahi mahalo a hono loto. Bea nae fakatomala a Jihova koeuhi kuo ne gaohi ae tagata i mamani, bea nae mamahi ai a hono finagalo.

Nae fakalielia foki a mamani i he ao oe Otua, bea nae fonu a mamani i he fakamalohi. Bea nae afio‘i e he Otua ki mamani, bea vakai kuo kovi ia; he nae fakalielia‘i e he kakano kotoabe hono hala i mamani.

Bea nae nanamu a Jihova ki hono gagatu lelei, bea nae behe e Jihova ki hono finagalo, E ikai teu toe fakamalaia‘i ae fonua koeuhi koe tagata; he oku kovi ae gao‘i oe loto oe tagata mei he ene kei jii; bea e ikai teu toe ta‘i ae gaahi mea moui kotoabe o hage koia kuou fai.

He koe moui ae kakano koe toto: bea kuou tuku ia kiate kimoutolu ki ho mou feilaulauaga ke fai ae fakalelei maa ho mou laumalie; he koe toto oku ne fai ae fakalelei ma ae laumalie.

Oku tamate‘i e Jihova, bea ne fakamoui: oku ne o hifo ki he faitoka, bea oku ne toe o hake.

Ka nae behe e Jihova kia Samuela, Oua naa ke mamata ki hono mata, bea ki he maoluga o hono jino; he kuou liaki ia: he oku ikai mamata a Jihova o hage koe mamata ae tagata; he oku jio ae tagata ki he aga oku ha itua, ka oku afio‘i e Jihova ae loto.

O ne behe, Naaku ha‘u telefua be mei he manāva o eku fa‘e, bea teu toe alu telefua atu be: nae foaki e Jihova, bea kuo too atu e Jihova; fakafetai be ki he huafa o Jihova.

Vakai, oku ikai te ne falala ki he ene kau tamaioeiki, bea ko ene kau agelo oku ikai ke ne fakamalo ki ai. Kae hua noa akinautolu oku nofo i he gaahi fale umea, ko ho nau tuuga oku i he efu, bea oku taomia akinautolu o hage be koe ane?

(He oku oe aneafi be akinautolu, bea tae ilo ha mea, koeuhi oku tatau ho tau gaahi aho i mamani moe ata:)

Kuo gaohi au e ho nima mo fakafuofua takatakai au; ka oku ke tamate‘i au. Oku ou kole kiate koe, ke ke manatu‘i, kuo ke gaohi au o hage koe umea; bea te ke toe omi au ki he efu? He nae ikai te ke liligi au o hage koe hua huhu, mo fakafefeka au o hage koe jiisi? Kuo ke fakakofu aki au ae kili moe kakano, bea kuo ke a‘i au aki ae gaahi hui moe uoua. Kuo ke tuku kiate au ae moui moe ofa, bea kuo fakatologa eku moui i hoo faa aahi.

Aia oku i hono nima ae moui ae mea moui fulibe, moe mānava oe kakai kotoabe.

KOE tagata kuo fanau‘i e he fefine oku jii be hono gaahi aho, bea fonu i he mamahi. Oku tubu hake ia o hage koe fiji‘i akau, bea tuuji hifo: oku buna foki ia o hage koe ata, o ikai nofo mau.

He kuo tuku bau hono gaahi, aho koe lau o hono gaahi mahina oku iate koe, kuo ke tuutuuni hono fakagatagata e ikai te ne tolo‘i;

Ka e fefe hono lahi hake oe fakalielia moe uli oe tagata, aia oku ne inumia ae agahala o hage ha vai?

Oka hokojia ae gaahi ta‘u jii, teu toki alu i he hala e ikai teu foki mei ai.

Ka e hua noa ae tagata aia koe kelemutu? moe foha oe tagata, aia koe kelemutu?

Lolotoga oku iate au eku mānava, bea i hoku ava‘i ihu ae mānava ae Otua; E ikai lea aki ae agahala e hoku lougutu, be lea aki ae kākā e hoku elelo.

Nae gaohi au e he Laumalie oe Otua, bea koe mānava oe Mafimafi kuo ne foaki ae moui kiate au.

Koeha ae tagata oku ke tokaga ai kiate ia? be koe foha ae tagata, oku ke aahi ai kiate ia?

He kuo ke gaohi ia ke maulalo jii i he gaahi agelo, bea kuo ke tatā aki ia ae nāunāu moe ogoogolelei. Naa ke fakanofo ia ke ne bule ki he gaahi gaue a ho nima; kuo ke tuku ae mea kotoabe ki hono lalo va‘e: Ae faga sibi kotoabe moe faga bulu, io, moe gaahi manu oe fonua; Koe manu buna oe atā, moe ika oe tahi, moe mea kotoabe oku alu i he gaahi aluaga i he tahi.

KUO behe e he vale i hono loto, Oku ikai ha Otua. Kuo kovi akinautolu, kuo nau fai ae gaahi gaue fakalielia, oku ikai ha toko taha oku fai lelei. Nae afio hifo e Jihova mei he lagi ki he fānau ae tagata, ke afio be oku ai ha niihi oku ilo, mo kumi ki he Otua. Kuo alu he kotoabe, kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.

OKU o Jihova ae fonua kotoabe, mo hono mahu oia; a mamani, mo kinautolu oku nofo i ai. He kuo ne fokotuu ia ki he gaahi tahi, mo fakatuu mau ia ki he gaahi vai lahi.

Oku afio a Jihova mei he lagi; oku ne vakai ki he gaahi foha oe tagata. Mei he botu o hono afioaga oku ne afio‘i ae kakai kotoabe o mamani. Oku ne gaohi ho nau loto kotoabe; oku ne tokaga ki he e nau gaue kotoabe.

E Jihova, ke ke fakailo kiate au hoku gataaga, mo hono fuofua o hoku gaahi aho, be koeha ia; koeuhi keu ilo ki hono lahi o eku vaivai. Vakai, kuo ke gaohi hoku gaahi aho ke tatau moe aofinima be taha; bea ko eku moui oku hage koe mea noabe i ho ao: koe mooni koe tagata kotoabe i he ene tuu mau koe matuaki vaiga ia. Sila.

Oka ke ka tautea ae tagata aki ae takitala i he ene hia, oku ke bule ke mole atu hono lelei o hage koe ane: koe mooni koe vaiga ae tagata kotoabe. Sila.

Vakai, nae fanau‘i au i he agakovi; bea nae tuituia eku fa‘e iate au koe agahala.

Koe gaahi feilaulau oe Otua koe laumalie mafeji: koe loto mafeji mo māfofoa, E Otua, e ikai te ke manuki‘i.

KUO behe e he vale i hono loto, Oku ikai ha Otua. Kuo kovi akinautolu, bea kuo nau fai ae kovi fakalielia: oku ikai ha toko taha oku fai lelei. Nae afio hifo ae Otua mei he lagi ki he fānau ae tagata, ke vakai be oku ai ha niihi oku ilo, mo kumi ki he Otua. Kuo foki kotoabe kimui akinautolu: kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.

He naa ne manatu koe kakano be akinautolu; koe matagi oku mole atu, bea ikai toe ha‘u.

Manatu ki hono fuonounou o eku moui: koeha kuo ke gaohi ae kakai kotoabe ke taeaoga? Kohai ae tagata koia oku moui, bea e ikai te ne mamata ki he mate? e fakamoui eia a hono laumalie mei he nima oe faitoka? Sila.

Koe gaahi aho o ho mau ta‘u koe ta‘u e fitugofulu; bea kabau e hoko ia i hono malohi ke valugofulu, ko hono malohi koe gaue moe mamahi; he oku tuuji vave ia, bea oku mau buna atu.

Ke behe hoo akonaki‘i akimautolu ke mau lau ho mau gaahi aho, koeuhi ke mau fakatokaga‘i ho mau loto ki he boto.

Oku tatau hoku gaahi aho moe ata oku mole atu; bea kuou mae o hage koe mohuku. Ka ko koe, E Jihova, te ke tologa o taegata; mo hoo fakailoga ki he gaahi toutagata kotoabe.

He oku ne ilo‘i ho tau aga; oku ne manatu koe efu be akitautolu. Bea koe tagata, oku tatau hono gaahi aho moe mohuku: bea hage koe fiji‘i akau oe goue hono lau mauiui. He oku alu atu ki ai ae matagi, bea kuo ikai ia; bea e ikai jii toe ilo ia i hono botu.

Oku ke fufu ho fofoga, bea nau mamahi ai: oku ke too atu e nau mānava, bea nau mate, bea foki ki ho nau efu.

Oku o Jihova ae lagi, io, koe gaahi lagi: bea kuo ne foaki a mamani ki he fānau ae tagata. Oku ikai fakamalo kia Jihova ae mate, be ha taha oku alu hifo ki he fakalogobe.

Oku fakamalo a Tevita ki he Otua koeuhi ko ene afio‘i ae mea kotoabe, 17 mo ene gaahi aloofa lahi. 19 Ko ene fehia ki he agahala. 23 Oku ne kole ke ne maonioni. E JIHOVA, naa ke ahiahi‘i au, bea kuo ke ilo‘i au. Oku ke ilo‘i eku nofo hifo mo eku tuu hake, oku ke ilo‘i eku gaahi mahalo oku kei mamao. Oku ke a‘i hoku hala mo hoku tokotoaga, bea oku ke ilo‘i hoku hala kotoabe. He oku ikai ha lea i hoku elelo, ka ko koe, E Jihova, oku ke ilo‘i kotoabe.

He kuo ke ma‘u hoku koga loto: naa ke ufiufi au i he manāva o eku fa‘e. Teu fakamalo kiate koe; he oku fakamanavahe mo fakaofo hoku gaohi: oku fakaofo hoo gaahi gaue; bea oku ilo bau ki ai e hoku laumalie. Nae ikai fufu a hoku jino meiate koe, i he gaohi au i he lilo, mo teuteu lelei au i he gaahi botu maulalo oe fonua. Nae afio ho fofoga ki hoku jino oku teeki ai fakaoji; bea nae tohi i hoo tohi hoku gaahi kubu‘i jino kotoabe, aia nae fakatubu fakaholo, i he heeki ai ha kubu e taha. E Otua, hono ikai mahuiga a hoo gaahi fakakaukau kiate au! oku fefe nai hono lahi oia! Kabau teu lau ia, oku lahi hake hono lau i he oneone: o kau ka a hake oku ou kei iate koe.

Oku tatau ae tagata moe mea vaiga: ko hono gaahi aho oku hage koe ata oku mole atu.

Oua naa mou falala ki he gaahi eiki, be ki he foha oe tagata, aia oku ikai ha fakamoui iate ia. Oku mole atu ene mānava, bea oku foki ia ki he kelekele; oku mole ai i he aho koia ene gaahi mahalo.

Ko kinautolu oku loto bikobiko oku fakalielia kia Jihova: ka oku fiemalie ia iate kinautolu oku totonu ho nau hala.

OKU i he nima o Jihova ae loto oe tu‘i, o hage koe vai oe gaahi vaitafe: he oku ne fefakatafokiaki ia ko ene faiteliha aana. Oku matamata totonu ae hala kotoabe oe tagata ki hono mata oona: ka oku ahiahi‘i e Jihova ae loto.

Oku nofo fakataha ae koloaia moe majiva: ko Jihova, naa ne gaohi akinautolu kotoabe.

O hage ko ene ha‘u mei he mānava o ene fa‘e, e behe a ene alu telefua atu o hage ko ene ha‘u, bea e ikai ha tubu o ene gaue te ne ma‘u ke ave i hono nima.

OKU lelei lahi ae higoa oku ogoogolelei i he mea namu kakala oku mahuiga lahi; bea oku lelei ae aho oe mate i he aho oe fanau‘i.

He oku ikai i mamani ha tagata agatonu oku fai lelei, bea tae halaia.

Oku ikai ha tagata oku ma‘u ae malohi ki he laumalie ke ne taofi mau ki he laumalie; bea oku ikai iate ia ha malohi i he aho oe mate: bea oku ikai ha tukuage mei he tau koia; bea e ikai fakahaofi e he kovi akinautolu kuo nau maheni ai.

Koe kovi eni e taha i he mea kotoabe oku fai i he lalo laa, ae hoko tatau ae mea ki he kakai kotoabe: io, oku fonu i he kovi ae loto oe fānau ae tagata, oku i ho nau loto ae vale i he e nau kei moui, bea hili ia oku nau alu ki he mate.

O hage ko hoo tae ilo ki he aga oe laumalie, moe tubu oe hui i he manāva oona oku feitama: oku behe, oku ikai te ke ilo ae gaue ae Otua aia oku ne gaohi ae mea kotoabe.

Nae behe e he le‘o, Kalaga. Bea naa ne behe, Koeha teu kalaga aki? Koe mohuku ae kakano kotoabe, bea koe nāunāu kotoabe oia oku tatau moe fiji oe goue. Oku fakaaau ke momoa ae mohuku, oku mae ae fiji akau: koeuhi oku agi ki ai ae matagi a Jihova: ta koe mooni koe mohuku ae kakai.

Oku behe e he Otua ko Jihova, aia naa ne fakatubu ae gaahi lagi, bea folahi atu ia; koia nae mafola atu ae fonua, bea mo ia oku tubu ai; koia oku foaki ae mānava ki he kakai i he fuga oia, moe laumalie kiate kinautolu oku eveeva i ai:

Oku behe e Jihova, ko ho huhui, bea ko ia nae fakafuofua koe mei he manāva, Ko au ko Jihova kuou gaohi ae mea kotoabe; kuou folahi toko taha be ae gaahi lagi; oku fofola atu a mamani e au be;

Ko au, io ko au ia, oku fakafiemalie‘i koe: kohai koe, ke ke manavahe ki ha tagata aia e mate, bea ki he foha oe tagata aia e gaohi o hage koe mohuku;

Kuo tau he kotoabe o hage koe faga sibi; kuo tau afe taki taha kotoabe ki hono hala; bea kuo hilifaki kiate ia e Jihova ae hia atautolu kotoabe.

He oku behe e Jihova oku ikai ko hoo mou gaahi mahalo a eku mahalo, bea oku ikai ko ho mou gaahi hala a hoku gaahi hala. He oku hage oku maoluga hake ae gaahi lagi mei he mamani, oku behe hono maoluga o hoku gaahi hala, bea mo eku mahalo i hoo mou gaahi mahalo.

Oku mau tatau kotoabe moe tae maa, bea oku tatau e mau maonioni kotoabe moe gaahi koga holoholo fakalielia; bea oku mau mae kotoabe o hage koe louakau; bea koe mau gaahi hia, o hage koe matagi, kuo ne avea akimautolu. Bea oku ikai ha taha oku ui ki ho huafa, be ue‘i eia ia ke buke kiate koe: he kuo ke fufu ho fofoga iate kimautolu, bea kuo fakaauha akimautolu, koeuhi koe mau gaahi hia. Ka koeni, E Jihova, ko koe koe mau tamai; koe umea akimautolu, bea ko ho mau gaohi koe: bea koe gaue a ho nima akimautolu kotoabe.

Naaku ilo koe i he heeki ai teu fakatubu koe i he fatu; bea naaku fakatabu‘i koe, bea tuutuuni koe, koe balofita ki he gaahi buleaga, i he teeki ai te ke ha‘u mei he manāva.

Bea kuo mou fai kovi lahi hake akimoutolu i hoo mou gaahi tamai; bea, vakai, oku mou taki taha muimui ki he holi a hono loto kovi, ke oua naa nau fanogo kiate au:

Oku behe e Jihova; Ke malaia ae tagata oku falala ki he tagata, bea oku ne nima aki ae kakano, bea kuo mole hono loto mei a Jihova,

Oku kākā lahi taha be ae loto i he gaahi mea kotoabe, bea oku fugani kovi: kohai te ne faa ilo ia? Ko au Jihova oku ou vakili ae loto, oku ou hakule ae gaahi mahalo, ke foaki ki he tagata taki taha o fakatatau mo ene gaahi ulugaaga, bea tatau moe fua o ene faiaga.

Vakai, oku aaku ae laumalie kotoabe; hage oku aaku ae laumalie oe tamai, oku behe foki ae laumalie oe foha oku aaku ia: koe laumalie oku agahala e mate ia.

Teu foaki foki ha loto foou kiate kimoutolu, bea teu ai kiate kimoutolu ha laumalie foou; teu too o ave ae loto maka mei ho mou kakano, bea teu foaki kiate kimoutolu ae loto kakanoia.

Oku behe e Jihova koe Otua ki he gaahi hui ni; Vakai, teu gaohi ae mānava ke hu kiate kimoutolu, bea te mou moui: Bea teu kofuaki kimoutolu ae uoua, bea teu fakatubu ae kakano kiate kimoutolu, mo ufiufi aki kimoutolu ae kili, bea ai moe mānava kiate kimoutolu, bea te mou moui; bea te mou ilo ko Jihova au.

Ka i he ene mamata ki he kakai, nae ofa mamahi ia kiate kinautolu, koeuhi naa nau māfajia bea tuku-haujia, o hage koe faga sibi tae ha nau tauhi.

Ka koe gaahi tuoni louulu o ho mou ulu kuo lau kotoabe. Koia ke oua naa mou manavahe, he oku mou mahuiga lahi i he faga hiki‘i manu lahi.

Oku omi e he tagata agalelei ae gaahi mea lelei mei he koloa lelei oe loto: bea oku omi e he tagata agakovi ae gaahi mea kovi mei he koloa kovi oe loto.

Ka koe gaahi mea koia oku alu atu i he gutu, oku ha‘u mei he loto: bea koia ia oku fakauli‘i ae tagata. He oku ha‘u mei he loto ae mahalo kovi, moe fakabo, moe tono fefine, moe feauaki, moe kaihaa, moe fakamooni loi, moa lea kovi:

Bea nae behe e Jisu, Oua e taofi, kae tuku ke ha‘u kiate au ae tamaiki iki: he oku oe kakai behe ae buleaga oe lagi.

Leo mo lotu, telia naa lava‘i akimoutolu e he ahiahi: koe mooni oku fie fai e he laumalie, ka oku vaivai ae kakano.

He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo, Moe kaihaa, moe manumanu, moe agahala, moe kākā, moe aga fakalielia, moe mata kovi, moe lea kovi, moe laukau, moe vale: Koe gaahi mea kovi ni kotoabe oku ha‘u mei he loto, oku fakauli‘i ae tagata.

Kae talu mei he kāmataga i he fakatubu nae gaohi akinaua e he Otua koe tagata moe fefine. Bea koe mea koia e tukuage ai e he tagata a ene tamai mo ene fa‘e, kae bikitai ki hono unoho; Bea e hoko akinaua koe kakano be taha: koia oku ikai ai ke na kei ua ka koe kakano be taha. Koia foki kuo fakataha e he Otua, ke oua naa fakamavae e ha tagata.

Bea behe e Jisu kiate ia, Koeha oku ke ui ai au koe lelei? koe toko taha be oku lelei, aia koe Otua.

Oku omi e he tagata agalelei aia oku lelei mei he koloa lelei i hono loto; bea oku omi e he tagata agakovi aia oku kovi mei he koloa kovi i hono loto: he oku lea a hono gutu mei he mea lahi oe loto.

Ka koe gaahi tuoni louulu o ho mou ulu kuo lau kotoabe. Koia oua e manavahe: he oku mou mahuiga hake i he faga kihi‘i manu lahi.

Ka ko ia kotoabe nae ma‘u ia, naa ne foaki kiate kinautolu ae monuia ke hoko koe fānau ae Otua, kiate, kinautolu be nae tui ki hono huafa: Aia nae ikai fanau‘i i he toto, be i he loto oe kakano, be i he loto oe tagata, ka i he Otua.

Ka nae ikai falala atu a Jisu kiate kinautolu, koeuhi naa ne ilo‘i akinautolu kotoabe. Bea nae ikai aoga ke fakailo e ha taha kiate ia ha mea i he tagata: he naa ne ilo‘i ae loto oe tagata.

Bea lea a Jisu, o beheage kiate ia, Koe mooni, koe mooni, oku ou tala kiate koe, Kabau e ikai fanau‘i foou ha tagata, e ikai aubito mamata ia ki he buleaga oe Otua. Bea behe e Nikotimasi kiate ia, E faa fanau‘i fefe‘i ae tagata oku motua? e toe faa hu ia ki he manāva o ene fa‘e, bea fanau‘i? Bea behe e Jisu, Koe mooni, koe mooni, oku ou tala kiate koe, Kabau e ikai fanau‘i ae tagata i he vai bea moe Laumalie, e ikai aubito faa hu ia ki he buleaga oe Otua. Ko ia kuo fanau‘i i he kakano, koe kakano ia; bea ko ia kuo fanau‘i i he Laumalie, koe laumalie ia. Oua te ke ofo i he eku tala kiate koe, Oku totonu ke mou fanau‘i foou.

He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata.

Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue.

Bea tala eia kiate kinautolu, Oku mei lalo akimoutolu; oku mei oluga au: oku o mamani akimoutolu; oku ikai o mamani au. Koia naaku lea ai kiate kimoutolu, te mou mate i hoo mou agahala: he kabau oku ikai te mou tui ko au ia, te mou mate be i hoo mou agahala.

Bea oku ikai tauhi aki ia ae nima oe tagata, o hage oku majiva ia i ha mea, he oku foaki eia ki he mea kotoabe ae moui, moe mānava, moe mea kotoabe; Bea nae gaohi eia i he toto be taha ae gaahi kakai kotoabe ke nofo i he fuga o mamani kotoabe, bea kuo tomua tuku bau ae gaahi kuoga, moe gataaga o ho nau nofoaga; Ke nau kumi ki he Eiki, o tautaufā ki ai, hei ilo be te nau ma‘u ia, ka oku ikai mamao ia mo kitautolu taki taha kotoabe. He oku tau moui, mo gau‘eue, mo nofo be, iate ia; o hage koe lea ae niihi i hoo mou kau tohi hiva, He ko hono hako foki akitautolu.

He oku fakaha mei he lagi ae houhau oe Otua ki he taelotu moe taemaonioni kotoabe oe kakai, akinautolu oku taofi ki he mooni i he taemaonioni;

Bea i he e nau bole koe boto akinautolu, naa nau liliu ai koe vale, O nau fetogi ae nāunāu oe Otua tae faa auauha aki ae fakatātā kuo gaohi ke tatau be moe tagata oku faa auauha, moe faga manu buna, moe faga manu vee fa, moe gaahi mea totolo. Koia nae fakatukutuku‘i ai e he Otua akinautolu ki he fakalielia i he gaahi holi kovi a ho nau loto, ke fefa-kalielia‘i ho nau jino iate kinautolu:

E ikai aubito: io, ke mooni ae Otua, kae loi ae tagata kotoabe; o hage koia kuo tohi, Koeuhi ke ke tonuhia i hoo gaahi tala, bea koeuhi ke ke maonioni oka ke ka fakamāu.

O hage koia kuo tohi, Oku ikai ha toko taha oku maonioni, oku ikai aubito ha taha: Oku ikai ha taha oku ne ilo‘i, oku ikai ha taha oku kumi ki he Otua. Kuo nau he kotoabe, kuo nau hoko o taeaoga kotoabe; oku ikai ha toko taha oku fai lelei, oku ikai aubito ha taha,

He kuo fai agahala kotoabe, bea tomui i he fakamalo mei he Otua.

Bea koia, o hage nae hoko mai ae agahala ki mamani, moe mate mei he agahala, i he tagata be taha; bea nae behe ae hoko oe mate ki he kakai kotoabe, he kuo agahala kotoabe:

Ikai oku mou ilo ko kitautolu kotoabe nae babitaiso kia Jisu Kalaisi, naa tau babitaiso ki he ene bekia? Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou. He kabau kuo tau to fakataha mo ia i he tatau o ene bekia, te tau i he tatau foki o ene toetuu: O ilo eni, ko ho tau motua tagata kuo tamate‘i fakataha mo ia, koeuhi ke fakaauha ae jino oe agahala, koeuhi ke oua naa tau toe tauhi ae agahala. He ko ia oku mate, kuo movete ia mei he agahala. Koeni, kabau oku tau mate fakataha mo Kalaisi, oku tau tui te tau moui fakataha foki mo ia: I he e tau ilo kuo fokotuu a Kalaisi mei he bekia, bea e ikai toe bekia ia; e ikai toe bule‘i ia e he mate. He ko ene mate, koe mate tuo taha be koeuhi koe agahala: ka ko ene moui, koe moui ia ki he Otua. Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi. Koia ke oua naa tuku ke bule ae agahala i ho mou jino mategofua, ke mou talagofua ki ai i hono gaahi holi. Bea oua naa mou atu ho mou gaahi kubu‘i jino koe mea gaue aki i he taemaonioni ki he agahala: kae atu akimoutolu ki he Otua, o tāu mo kinautolu kuo hao mei he mate, bea mo ho mou gaahi kubu‘i jino koe mea gaue aki i he maonioni ki he Otua.

Oku ou lea o hage be koe tagata, koe mea i he vaivai o ho mou kakano: o hage naa mou tukuage ho mou gaahi kubu‘i jino koe kau tamaioeiki ki he aga fakalielia, bea moe fai agakovi ke fai kovi; ke behe eni hoo mou tuku atu ho mou gaahi kubu‘i jino koe kau tamaioeiki ki he agatonu ke fai maonioni.

He nae lolotoga e tau i he aga fakakakano, koe gaahi holi oe agahala, aia nae mei he fono, ne gaue ia i ho tau gaahi kubu‘i jino, ke fakatubu ae fua ki he mate.

He oku ou ilo oku ikai ha mea lelei e nofoia au i hoku kakano: oku iate au ae loto fiefai; ka ko hono mafai o ia oku lelei oku ikai teu ilo‘i.

Oiaue, ko au, koe tagata malaia! kohai te ne fakamoui au mei he jino oe mate ni?

He koia nae ikai mafai e he fono, koe mea i hono vaivai i he kakano, kuo fai e he Otua, i he ene fekau hono Alo oona i he tatau oe kakano agahala, bea koe feilaulau ki he agahala, bea ne fakavaivai ae agahala i he kakano: Koeuhi ke fakamooni ki he maonioni oe fono ekitautolu, oku ikai ke muimui ki he kakano, ka ki he Laumalie. He ko kinautolu oku oe kakano, oku nau tokaga ki he gaahi mea oe kakano; ka ko kinautolu oku oe Laumalie, ki he gaahi mea oe Laumalie. He koe loto fakakakano, koe mate ia; ka koe loto fakalaumalie, koe moui ia moe melino. Koeuhi koe loto fakakakano, koe taufehia ia ki he Otua: he oku ikai ke moulaloa ia ki he fono ae Otua, bea oku ikai aubito faa fai ke behe. Koia ko kinautolu oku i he kakano, oku ikai te nau faa fai ke fiemalie ae Otua. Ka oku ikai i he kakano akimoutolu, ka i he Laumalie, o kabau oku nofoia akimoutolu e he Laumalie oe Otua. Bea koeni, kabau oku ikai ma‘u e ha tagata ae Laumalie o Kalaisi, oku ikai aana ia.

He kabau te mou moui ki he kakano, te mou mate: ka oka mou ka tamate‘i ae gaahi aga oe kakano aki ae Laumalie, te mou moui.

Ko hono uhiga, Iloga ae fānau ae kakano, oku ikai koe fānau ae Otua akinautolu: kae lau koe hako ae fānau be oe talaofa.

Ka ke ai ekimoutolu ae Eiki ko Jisu Kalaisi, bea oua naa tokonaki ma ae gaahi holi oe kakano.

Ka oku ikai ma‘u e he tagata fakakakano ae gaahi mea oe Laumalie oe Otua: he koe vale ia kiate ia: bea oku ikai te ne faa ilo ia, he oku ilo fakalaumalie be ia.

Ikai oku mou ilo koe fale tabu oe Otua akimoutolu, bea oku nofoia akimoutolu e he Laumalie oe Otua? Kabau e maumau e ha taha ae fale tabu oe Otua, e maumau ia e he Otua; he koe fale tabu oe Otua oku maonioni, bea koe fale tabu koia akimoutolu.

Koeha? ikai oku mou ilo, ko ho mou jino koe fale tabu oe Laumalie Maonioni, oku iate kimoutolu, aia oku mou ma‘u mei he Otua, bea oku ikai amoutolu akimoutolu? He kuo fakatau akimoutolu aki ae totogi: koia ke fakaogolelei ae Otua i ho mou jino, bea i ho mou laumalie, aia oku oe Otua.

He koe mea i he tagata nae hoko ai ae mate, bea e hoko i he tagata foki ae toetuu oe mate. He oku hage oku mate kotoabe ia Atama, e behe foki e moui kotoabe ia Kalaisi.

Oku ikai koe kakano tatau be ae kakano katoabe: he oku ai ae kakano koe taha oe tagata, koe kakano e taha oe faga manu, koe taha kehe oe gaahi ika, moe taha kehe oe faga manu buna.

Bea oku behe be ae toetuu ae mate. Oku tūtūi ia i he auauha: oku fokotuu hake ia i he tae faa auauha: Oku tūtūi ia i he fakalielia; oku fokotuu ia moe nāunāu: oku tūtūi ia i he vaivai; oku fokotuu ia i he malohi: Oku tūtūi ia koe jino fakakakano; oku fokotuu ia koe jino fakalaumalie. Oku ai ae jino fakakakano, bea oku ai moe jino fakalaumalie. Bea kuo tohi o behe, Koe uluaki tagata ko Atama nae gaohi ia koe laumalie moui; koe Atama fakamui koe laumalie fakamoui. Ka nae ikai muomua aia oku laumalie, ka koia oku fakakakano; kae toki hoko aia oku fakalaumalie. Koe uluaki tagata, oku mei he kelekele, oku kelekeleia: ko hono ua oe tagata, koe Eiki mei he lagi. Hage koe kelekeleia, oku behe be foki akinautolu oku kelekeleia: bea hage koia oku mei he lagi, oku behe be foki akinautolu oku fakalagi. Bea hage koe tau i he tatau oe kelekeleia, te tau ma‘u foki ae tatau o ia oku mei he lagi. Bea oku ou tala eni, e kaiga, e ikai faa ma‘u e he kakano moe toto ae buleaga oe Otua; bea oku ikai faa ma‘u e he auauha ae tae faa auauha.

Koia oku ikai ai te mau vaivai: ka i he fakaaau o mole ho mau tagata i tua, oku fakafoou ae loto i he aho kotoabe.

HE oku mau ilo oka veteki ho mau fale kelekele, koe fale fehikitaki ni, oku ai ho mau fale mei he Otua, koe fale nae ikai gaohi e he nima, oku taegata, i he lagi. He oku mau oi i heni, o holi lahi ke mau kofu aki ho mau fale aia oku mei he lagi: He koeuhi i he e mau kofuia, ke oua naa iloa oku mau telefua. He ko kimautolu oku i he fale fehikitaki ni, oku mau oi, kuo māfajia: kae ikai koeuhi ke mau taekofuia, kae kofu aki, koeuhi ke folo hifo ae mategofua i he moui.

KOIA, e kaiga ofeina, i he e tau ma‘u ae gaahi talaofa ni, ke tau fakamaa akitautolu mei he uli kotoabe oe kakano moe laumalie, o fakahaohaoa ae maonioni i he manavahe ki he Otua.

Bea oku ikai ai ha Jiu be Kiliki, oku ikai ha bobula be ha tauataina, oku ikai ha tagata be ha fefine: ka oku mou taha be kotoabe ia Kalaisi Jisu.

Ka oku ou behe, Mou aeva i he Laumalie, bea e ikai te mou fai ai ki he holi oe kakano. He oku holi tuu ae kakano ki he Laumalie, moe Laumalie ki he kakano: bea oku fai kehekehe akinaua ni, koe taha ki he taha: koia oku ikai ai te mou faa fai aia oku mou loto ki ai.

Bea ko kinautolu oku a Kalaisi, kuo nau tutuki ki he akau ae kakano mo hono gaahi ofa mo hono gaahi holi.

He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

Aia naa tau fai fakataha ai kotoabe i mu’a, i he gaahi holi kovi a ho tau kakano, o fai ki he gaahi holi oe kakano moe loto; bea i he ulugaaga koe fānau oe houhau, o hage koe kakai kotoabe.

Kuo fakabouli ho nau loto, kuo fakamavahe‘i mei he moui faka‐Otua, i he vale oku iate kinautolu, koe mea i he fefeka o ho nau loto:

He koe moui kiate au ko Kalaisi ia, ka e aoga lahi ae mate.

He koe kamu akitautolu, oku tauhi ki he Otua i he laumalie, mo fiefia ia Kalaisi Jisu, bea oku ikai ke tau falala ki he kakano.

(He oku aeva ae toko lahi, akinautolu kuo liuga lahi eku lea ai kiate kimoutolu, bea oku ou toe lea ai eni mo tagi, koe kau fili akinautolu ki he akau o Kalaisi: Ko ho nau gataaga koe auha, oku nau otua aki ho nau kete, o vikiviki i he mea fakama, o nau moua ki he mea fakamama.) He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi: Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.

Vakai naa taki fakahe akimoutolu e ha tagata e toko taha i he fieboto moe lau fakakākā, oku tāu moe talatubua ae tagata, o gali moe gaahi ulugaaga fakamama, ka oku ikai tāu mo Kalaisi.

Aia oku ikai ai ha Kiliki be ha Jiu, ha kamu be ha taekamu, ha muli, be ha Sitia, ha bobula, be ha tauataina: ka ko hono katoa kotoa a Kalaisi, bea oku ne i he mea kotoabe.

Bea ofa ke fakamaonioni haohaoa akimoutolu e he Otua oe melino: bea ofa ke fakatologa taehalaia akimoutolu a ho mou laumalie kotoa, mo ho mou loto, mo ho mou jino, o a‘u ki he haele mai a ho tau Eiki ko Jisu Kalaisi.

He nae ikai te tau omi ha mea ki he mamani, bea kuo bau e ikai te tau faa ave ai ha mea.

He nae ikai foaki e he Otua kiate kitautolu ae laumalie oe manavajii; ka koe malohi, moe ofa, moe loto faka-botoboto.

Koeuhi e ofa ae kau tagata kiate kinautolu be, o manumanu, mo bole-bole, mo laukau, mo lea kovi, mo tala-gataa ki he mātua, mo taefakafetai, mo taemaonioni, O taema‘u ae ofa oku gali moe kaiga, o liaki ae lea fakababau, koe kau lohiaki, koe kau holi kovi, koe kau aga malohi, koe kau manuki kiate kinautolu oku lelei, Koe kau lavaki, o aga ohonoa, mo loto fielahi, koe kau ofa lahi hake ki he gaahi malie fakamama i he e nau ofa ki he Otua; Oku nau ma‘u hono geeji oe lotu, ka oku nau liaki a hono malohi: ke ke afe mei he kakai behe.

Oku maa ae mea kotoabe kiate kinautolu oku loto maa: ka oku ikai maa ha mea e taha kiate kinautolu oku aga uli mo taetui; he ko ho nau loto mo ho nau atamai kuo uli‘i. Oku nau lau oku nau ilo ae Otua; ka i he e nau gaahi gaue oku nau jiaki ia, oku nau aga fakalielia, mo talagataa, bea tae ha fifili lelei ki he gaahi gaue lelei kotoabe.

Ka oku fakaha e ha toko taha i he botu e taha, o behe, Koeha ae tagata, oku ke tokaga‘i ia? be koe foha oe tagata, oku ke aahi ai kiate ia? Naa ke gaohi ia o māulalo jii i he kau agelo; ne ke fakabale aki ia ae nāunāu moe ogoogo lelei, o fakanofo ia ke bule‘i ae gaahi gaue a ho nima; Kuo ke fakamoulaloa ae mea kotoabe ki hono lalo va‘e. Bea i he ene fakamoulaloa ae mea kotoabe kiate ia, nae ikai fakatoe ha mea e tae ai ki lalo iate ia. Ka oku teeki ai ke tau mamata kuo fakamoulaloa ae mea kotoabe kiate ia.

Bea koe mea i he ma‘u e he fānau ae kakano moe toto, nae ai foki eia ae aga koia; koeuhi ke fakaauha eia i he mate aia nae aana ae malohi oe mate, koe tevolo; Mo fakamoui akinautolu nae moua o bobula i he manavahe ki he mate, i he e nau moui kotoabe.

He koe folofola ae Otua oku moui, mo malohi, bea majila lahi i ha heleta oku fakatou mata, oku aji ki hono vahe‘i oe loto moe laumalie, moe gaahi hokotaga hui moe uho, bea oku ne fakaha ae gaahi mahalo moe filioi oe loto. Bea oku ikai ha mea e taha oku tae ha mai i hono ao: ka oku telefua bea tokaimaanaga ae mea kotoabe ki he fofoga o ia aia te tau fakamāu ki ai.

Bea hage kuo bau ke mate o tuo taha ae kakai, kae hili ia koe fakamāu:

Ka kuo ahiahi kovi‘i ae tagata, aia kuo takiekina, bea fakaoloolo, e he ene holi aana. Bea oka tuituia ae holi kovi, oku fanau‘i koe agahala: bea ka kakato ae agahala, oku fanau‘i ai ae mate. E hoku kaiga ofeina, oua naa mou he.

He oku hage oku mate ae jino tae i ai ae laumalie, oku behe ae tui tae i ai ae gaahi gaue, oku mate foki ia.

Vakai mai, akimoutolu oku behe, Koe aho ni be koe abogibogi te tau o ki ha kolo e taha, o nofo ai i he ta‘u e taha, o fefakatauaki, o ma‘u ai ae koloa: Ka oku ikai te mou ilo aia e hoko abogibogi. He koeha hoo mou moui? He koe mao ia, oku ha mai o fuoloa jii be, bea mole atu leva.

He oku hage koe mohuku ae kakano kotoabe, bea koe nāunāu kotoabe oe tagata oku tatau moe fiji‘i mohuku. Oku mae ae mohuku, bea ko hono fiji oona oku gagana:

Oku ou kole atu, e kaiga ofeina, ke mou hage koe kau muli moe aunofo, ke taofi akimoutolu mei he gaahi holi fakakakano, aia oku tau‘i ae laumalie;

Oua naa ofa ki mamani, be ki he gaahi mea i he mamani. Kabau oku ofa ha taha ki mamani, oku ikai iate ia ae ofa ae Tamai. He koe mea kotoabe oku i he mamani, koe holi oe kakano, bea moe holi oe mata, moe laukau oe moui, oku ikai oe Tamai, ka oku oe mamani ia. Bea oku moleage a mamani, bea moe holi o ia: ka ko ia oku ne fai ae finagalo oe Otua, oku nofo mau ia o taegata.

VAKAI ki hono aga oe ofa kuo foaki mai e he Tamai kiate kitautolu, koeuhi i he ui akitautolu koe fānau ae Otua: koia oku ikai iloa ai akitautolu e mamani, koeuhi nae ikai ke ne ilo ia.

Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano.

Vakai, oku haele mai ia moe gaahi ao; bea e mamata kiate ia ae mata kotoabe, io, mo kinautolu naa nau hoka‘i ia: bea e tagi mamahi ae gaahi faahiga kotoabe o mamani koeuhi ko ia. Ke behe be, Emeni.