21 – Pagsimba

Matapos natawo si Metusela, nagkabuhi pa gid si Enoc sing 300 ka tuig kag nadugangan pa gid ang iya kabataan. Sang sina nga mga tinuig malapit gid ang relasyon ni Enoc sa Dios, gani sang nagaedad na siya sing 365 ka tuig nadula siya, kay ginkuha siya sang Dios.

Ginsugata man siya ni Melkizedek nga hari sang Salem kag pari sang Labing Mataas nga Dios. May dala si Melkizedek nga tinapay kag bino. Ginbendisyunan niya si Abram nga nagasiling: “Kabay pa nga bendisyunan ka Abram sang Labing Mataas nga Dios nga naghimo sang langit kag sang duta. Dalayawon ang Labing Mataas nga Dios nga nagpadaog sa imo batok sa imo mga kaaway!” Dayon ginhatag ni Abram kay Melkizedek ang ikanapulo sang tanan nga butang nga iya nakuha sa inaway.

Pero nagsabat si Abram, “Ginasumpa ko sa atubangan sang Ginoo, ang Labing Mataas nga Dios nga amo ang naghimo sang langit kag sang duta,

Pagkabati sadto ni Abram, nagluhod siya bilang pagtahod sa Dios. Nagsiling ang Dios sa iya,

Nagluhod dayon ang suluguon kag nagsimba sa Ginoo.

Nagluhod dayon ako kag nagsimba sa Ginoo. Gindayaw ko ang Ginoo, ang Dios sang akon agalon nga si Abraham. Siya ang nagtuytoy sa akon sa husto nga lugar, nga sa diin nakita ko ang anak sang paryente sang akon agalon nga mangin asawa sang iya anak.

Pagkabati sadto sang suluguon, nagluhod siya kag nagsimba sa Ginoo.

Didto nagpakita sa iya ang anghel sang Ginoo sa dagway sang nagadabadaba nga kalayo sa tunga sang kahoy-kahoy. Nakita ni Moises nga nagadabadaba ang kahoy-kahoy pero wala ini nagakasunog.

Nagsiling ang Dios, “Indi ka na magpalapit pa. Ubaha ang imo sandalyas, kay balaan ang lugar nga imo ginatindugan.

Nagsabat ang Dios kay Moises, “Ako ang Dios nga amo sa gihapon. Amo ini ang imo isabat sa ila: ‘Ang Dios nga amo sa gihapon amo ang nagpadala sa akon sa inyo.’”

Pero gintugutan ko ikaw nga mabuhi para sa sini nga katuyuan: agod mapakita ko sa imo ang akon gahom kag agod mangin bantog ang akon ngalan sa bug-os nga kalibutan.

Kon adlaw, ginatuytuyan sila sang Ginoo paagi sa madamol nga panganod, kag kon gab-i ginatuytuyan sila paagi sa nagadabadaba nga kalayo nga nagahatag sa ila sang kasanag, agod makapanglakaton sila, adlaw man ukon gab-i. Nagauna sa ila permi ang madamol nga panganod kon adlaw kag ang nagadabadaba nga kalayo kon gab-i.

Dayon ang anghel sang Dios nga nagauna sa katawhan sang Israel nagsaylo sa ulihi nila, kag ang madamol nga panganod nagsaylo man sa ulihi nila.

Ang Kanta ni Moises Dayon nagkanta si Moises kag ang mga Israelinhon sang sini nga kanta sa Ginoo: “Kantahan ko ang Ginoo tungod kay nagmadinalag-on gid siya. Gintagbong niya sa dagat ang mga kabayo kag ang mga nagasakay sini. Ang Ginoo amo ang nagahatag sa akon sang kusog, kag siya ang akon ginakanta. Siya ang nagluwas sa akon. Siya ang akon Dios, kag pagadayawon ko siya. Siya ang Dios sang akon amay, kag padunggan ko siya.

Puwerte gid ang imo gahom, O Ginoo; paagi sini gindugmok mo ang mga kaaway. Sa imo pagkagamhanan, ginlaglag mo ang mga nagakontra sa imo. Ginpaagom mo sa ila ang imo kaakig nga amo ang naglaglag sa ila nga daw sa ginsunog sila nga dagami.

O Ginoo, sin-o bala nga dios ang makapareho sa imo? Wala na sing pareho sa imo sa pagkabalaan kag pagkagamhanan. Ikaw lang ang Dios nga nagahimo sang makatilingala nga mga butang!

Magahari ka, O Ginoo, sa wala sing katapusan.”

Samtang nagahambal si Aaron sa bug-os nga katilingban, nagtulok sila sa kamingawan kag sa hinali lang nakita nila ang gamhanan nga presensya sang Ginoo sa panganod.

Nagsiling ang Ginoo kay Moises, “Makadto ako sa imo paagi sa madamol nga panganod agod makabati ang mga tawo samtang nagapakighambal ako sa imo. Dayon magasalig sila permi sa imo.” Pagkatapos nga masugid ni Moises sa Ginoo ang sabat sang mga tawo,

Sang pagkaaga sang ikatlo nga adlaw, nagdinaguob kag nagpinangilat, kag may madamol nga gal-om nga nagtabon sa bukid, kag mabatian ang matunog gid nga huni sang budyong. Nagkurog sa kahadlok ang tanan nga tawo sa kampo. Dayon gindala ni Moises ang mga tawo sa guwa sang kampo sa pagpakigkita sa Dios, kag nagtindog sila sa tiilan sang bukid. Nalikupan sang aso ang bilog nga Bukid sang Sinai kay nagkunsad didto ang Ginoo sa dagway sang kalayo. Nagtub-ok ang aso pareho sa aso nga naghalin sa hurnohan kag nagtay-og sing mabaskog ang bukid,

Pag-abot ni Moises sa ibabaw pa gid sang bukid, gintabunan sang panganod ang bukid. Dayon ang gamhanan nga presensya sang Ginoo nagkunsad sa Bukid sang Sinai, kag sa sulod sang anom ka adlaw natabunan sang panganod ang bukid. Sang ikapito nga adlaw, gintawag sang Ginoo si Moises halin sa panganod. Para sa mga Israelinhon didto sa idalom, ang gamhanan nga presensya sang Ginoo sa ibabaw sang bukid pareho sa nagadabadaba nga kalayo. Gani nagsulod si Moises sa panganod samtang nagapasaka pa gid siya sa bukid. Nagpabilin siya didto sa sulod sang 40 ka adlaw kag 40 ka gab-i.

Magapakigkita ako didto sa imo sa tunga sang duha ka kerubin nga ara sa ibabaw sang Kahon, kag ihatag ko sa imo ang tanan ko nga mga sugo para sa katawhan sang Israel.

Kag samtang didto si Moises sa sulod, nagapaidalom ang madamol nga panganod sa puwertahan sang Tolda samtang nagapakighambal ang Ginoo kay Moises. Kag kon makita sang mga tawo ang madamol nga panganod sa puwertahan sang Tolda, nagatindog sila kag nagasimba sa Ginoo sa may puwertahan sang ila mga tolda. Kon magpakigsugilanon ang Ginoo kay Moises, daw sa nagaatubangay gid sila, pareho sa mag-abyan nga nagaestoryahanay. Pagkatapos nagabalik si Moises sa kampo, pero ang bataon niya nga kabulig nga si Josue, nga anak ni Nun, nagapabilin sa Tolda.

Nagsabat ang Ginoo, “Ako mismo ang magaupod sa imo, kag hatagan ko ikaw sang kapahuwayan.”

Dayon nagsiling si Moises, “Karon, ipakita sa akon ang imo gamhanan nga presensya.” Nagsabat ang Ginoo, “Ipakita ko sa imo ang tanan ko nga kaayo, kag imitlang ko sa imo ang akon ngalan, ang Ginoo. Kaluoyan ko ang gusto ko nga kaluoyan. Pero indi mo makita ang akon nawong kay wala sing tawo nga makakita sa akon nga mabuhi.” Dayon nagsiling ang Ginoo, “Tindog ka diri sa dako nga bato malapit sa akon. Kag samtang nagalabay ang akon gamhanan nga presensya, isulod ko ikaw sa guhab sang bato kag tabunan ko ikaw sang akon kamot hasta nga makaagi ako. Dayon kuhaon ko ang akon kamot kag makita mo ang akon likod, pero indi ang akon nawong.”

Dayon nagkunsad ang Ginoo sa panganod kag ginmitlang niya ang iya ngalan nga Ginoo samtang nagatindog si Moises sa iya presensya. Naglabay ang Ginoo sa atubangan ni Moises kag nagsiling, “Ako ang Ginoo, ang mabinalak-on kag maluluy-on nga Dios. Mahigugmaon kag matutom gid ako, kag indi dali maakig. Ginapakita ko ang akon paghigugma sa madamo nga mga tawo, kag ginapatawad ko ang ila kalautan, paglapas, kag sala. Pero ginasilutan ko ang mga nakasala, pati ang ila mga kaliwat hasta sa ikatatlo kag ikaapat nga henerasyon.” Nagluhod dayon si Moises sa duta kag nagsimba.

Indi gid kamo magsimba sa iban nga dios kay ako, ang Ginoo, indi gusto nga may ginasimba kamo nga iban.

Ang Gamhanan nga Presensya sang Ginoo sa Dagway sang Panganod Pagkatapos sini tanan, ang gamhanan nga presensya sang Ginoo naglikop sa Tolda nga Ginapakigkitaan sa dagway sang panganod. Indi makasulod si Moises sa Tolda tungod kay nalikupan ini sang gamhanan nga presensya sang Ginoo sa dagway sang panganod.

Ang panganod nga nagasimbolo sang presensya sang Ginoo nagapabilin sa ibabaw sang Tolda kon adlaw, kag kon gab-i may kalayo sa panganod agod makita ini sang tanan nga Israelinhon sa ila nga pagpanglakaton.

Nagsulod dayon si Moises kag si Aaron sa Tolda nga Ginapakigkitaan. Sang pagguwa nila, ginbendisyunan nila ang mga tawo. Kag dayon ginpakita sang Ginoo ang iya gamhanan nga presensya sa mga tawo paagi sa pagpadala sang kalayo nga nag-ubos sunog sang mga halad sa halaran. Sang makita ini sang mga tawo, naghinugyaw sila sa kalipay kag nagluhod sa pagsimba sa Ginoo. Nagsulod dayon si Moises kag si Aaron sa Tolda nga Ginapakigkitaan. Sang pagguwa nila, ginbendisyunan nila ang mga tawo. Kag dayon ginpakita sang Ginoo ang iya gamhanan nga presensya sa mga tawo paagi sa pagpadala sang kalayo nga nag-ubos sunog sang mga halad sa halaran. Sang makita ini sang mga tawo, naghinugyaw sila sa kalipay kag nagluhod sa pagsimba sa Ginoo.

Ang Seremonya sa Adlaw sang Pagtubos Sa tapos mapatay ang duha ka anak nga lalaki ni Aaron sang maghalad sila sa Ginoo, nagsiling ang Ginoo kay Moises, “Hambali ang imo utod nga si Aaron nga indi siya magsulod sa Labing Balaan nga Lugar, nga ara sa likod sang kurtina, sa bisan ano nga oras nga gusto niya. Kon himuon niya ini mapatay siya. Kay sa sini nga lugar ginapakita ko ang akon presensya paagi sa isa ka panganod nga sa ibabaw sang takop sang Kahon sang Kasugtanan.”

Ang Panganod sa Tolda nga Simbahan Sang adlaw nga ginpatindog ang Tolda nga Simbahan nga sa diin nabutang ang Kasuguan, ginlikupan ini sang panganod. Halin sa gab-i hasta sa aga nagasiga ang panganod nga daw sa kalayo. Amo ini ang nagakatabo permi—-nagalikop ang panganod sa Tolda kon adlaw kag nagasiga ini nga daw sa kalayo kon gab-i.

Pero nagasumpa ako, ang buhi nga Ginoo, nga samtang napun-an ang bug-os nga kalibutan sang akon gamhanan nga presensya,

Ang bug-os nga katilingban nga gin-ganyat ni Kora nga magkontra kay Moises kag kay Aaron nagtipon man didto sa puwertahan sang Tolda nga Ginapakigkitaan. Dayon ginpakita sang Ginoo ang iya gamhanan nga presensya sa bug-os nga katilingban.

Samtang nagareklamo sila sing tingob kay Moises kag kay Aaron, nagbalikid sila sa Tolda nga Ginapakigkitaan kag nakita nila nga gulpi lang nga ginlikupan sang panganod ang Tolda kag ginpakita sang Ginoo ang iya gamhanan nga presensya.

Gani naghalin si Moises kag si Aaron sa katilingban, kag nagkadto sila sa puwertahan sang Tolda nga Ginapakigkitaan kag nagluhod sila sa pagpangamuyo. Dayon nagpakita sa ila ang gamhanan nga presensya sang Ginoo.

Dayon ginpakita sang Ginoo kay Balaam ang iya anghel nga nagatindog sa dalan nga nagauyat sang espada. Gani nagluhod si Balaam sa duta.

Nabatian ko ang pulong sang Labing Mataas nga Dios kag ginhatagan niya ako sang paghangop. Nakakita ako sang palanan-awon halin sa Makagagahom nga Dios. Nagpaubos ako sa iya kag ginpaintiendi niya ako. Amo ini ang akon mensahi:

Ginpakita ato nga mga butang sa inyo agod mahibaluan ninyo nga ang Ginoo amo ang Dios, kag wala na sing iban pa. Ginpabati niya kamo sang iya tingog halin sa langit sa pagtudlo sa inyo. Ginpakita niya sa inyo diri sa duta ang iya gamhanan nga kalayo kag naghambal siya sa inyo halin sa sini nga kalayo.

“Gani dumduma ninyo subong kag itanom sa inyo tagipusuon nga ang Ginoo Dios sa langit kag sa duta, kag wala na sing iban pa nga dios.

kag nagsiling sila, ‘Ginpakita sa aton sang Ginoo nga aton Dios ang iya gamhanan nga presensya kag kadungganan, kag nabatian naton ang iya tingog halin sa kalayo. Nakita naton subong nga adlaw nga puwede mabuhi ang tawo bisan naghambal ang Dios sa iya.

“Pamati kamo, katawhan sang Israel: Ang Ginoo nga aton Dios amo lang ang Ginoo. Higugmaa ang Ginoo nga inyo Dios sa bug-os ninyo nga tagipusuon, sa bug-os ninyo nga kalag kag sa bug-os ninyo nga kusog.

Kay ang Ginoo nga inyo Dios amo ang Dios sang mga dios kag Ginoo sang mga ginoo. Gamhanan siya kag makatilingala nga Dios. Wala siya sing may ginapasulabi kag wala siya nagabaton sang lagay.

Tahura ninyo ang Ginoo nga inyo Dios kag alagara ninyo siya. Magpabilin kamo sa iya kag magsumpa kamo sa iya lang ngalan. Dayawa ninyo siya, kay siya ang inyo Dios nga naghimo sang gamhanan kag makatilingala nga mga butang nga inyo mismo nakita.

“Kon indi ninyo pagtumanon sing maayo ining tanan nga sugo nga nasulat sa sini nga libro, kag indi pagtahuron ang halangdon kag makatilingala nga ngalan sang Ginoo nga inyo Dios,

Ibantala ko ang ngalan sang Ginoo. Dayawon ko ang pagkagamhanan sang aton Dios! Siya ang akon palalipdan nga bato; husto gid ang iya mga binuhatan, kag matarong ang tanan niya nga mga pamaagi. Matutom siya nga Dios kag wala nagakasala; matarong siya kag husto ang iya mga ginahimo.

Tan-awa ninyo karon; ako amo lang gid ang Dios! Wala na sing iban nga dios luwas sa akon. Ako ang nagapatay kag ako man ang nagahatag sang kabuhi; ako ang nagapilas kag ako man ang nagaayo, kag wala sing may makaluwas sa akon mga kamot.

“Wala sing pareho sa Dios sang Israel. Nagasakay siya sa mga panganod sa pagbulig sa inyo. Sa iya gahom nagaagi siya sa kalangitan. Ang wala sing katapusan nga Dios amo ang inyo dalangpan; alay-ayan niya kamo sang iya wala sing katapusan nga gahom. Ipatabog niya sa inyo ang inyo mga kaaway, kag magsugo siya sa inyo sa paglaglag sa ila.

Nagsabat ang tawo, “Indi ninyo ako soldado ukon kaaway. Nagkadto ako diri bilang kumander sang mga soldado sang Ginoo.” Naghapa si Josue sa pagtahod sa iya kag nagpamangkot, “Sir, ano ang gusto mo nga ipahimo sa akon nga imo alagad?” Nagsabat ang kumander sang mga soldado sang Ginoo, “Ubaha ang imo sandalyas, kay balaan nga lugar ang imo ginatindugan. Kag gintuman ni Josue ang ginsugo sa iya.”

Paunahon mo sa Kahon sang Kasugtanan ang pito ka pari nga ang kada isa sa ila may dala nga budyong. Sa ikapito nga adlaw, maglibot kamo sa banwa sing makapito ka beses, upod sa mga pari nga nagapatunog sang ila mga budyong. Kon mabatian na gani ninyo ang malawig nga tunog sang ila budyong, magsinggit kamo tanan sing tudo gid. Dayon mawasak ang pader sang banwa kag makasulod kamo tanan nga wala sing sablag.”

Ginpatunog sang mga pari ang ila mga budyong, kag nagsinggit sing tudo ang mga Israelinhon sang nabatian nila ini. Nawasak gid ang mga pader sang banwa kag nagsalakay sila. Nakasulod sila nga wala sing sablag, kag gin-agaw nila ang banwa.

Tungod sa kasubo, gin-gisi ni Josue kag sang mga manugdumala sang Israel ang ila mga bayo kag ginbutangan sing yab-ok ang ila mga ulo, kag naghapa sila sa atubangan sang Kahon sang Kasugtanan sang Ginoo hasta maggab-i.

Pamati kamo mga hari kag mga pangulo! Magakanta ako sang mga pagdayaw sa Ginoo, ang Dios sang Israel!

Nagsabat ang anghel, “Ngaa gusto gid ninyo nga mahibaluan ang akon ngalan? Mabudlay ini intiendihon.” Dayon nagkuha si Manoa sang bataon nga kanding kag halad nga regalo, kag ginhalad niya ini sa ibabaw sang halaran nga bato para sa Ginoo. Kag samtang nagatulok si Manoa kag ang iya asawa, naghimo ang Ginoo sang makatilingala nga butang. Nakita nila ang anghel sang Ginoo nga nagapaibabaw pa-langit kaupod sa kalayo nga nagadabadaba paibabaw. Tungod sa ila nakita, nagluhod dayon ang mag-asawa.

Wala gid sing balaan nga pareho sa Ginoo. Wala gid sing pareho sa iya. Wala gid sing palalipdan nga bato nga pareho sa aton Dios.

Nagaselebrar si David kag ang tanan nga katawhan sang Israel sa presensya sang Ginoo sa bug-os nila nga kusog. Nagakanta sila kag nagatukar sang mga arpa, lira, tamborin, kastanitas, kag simbals.

Nagsaot si David sa presensya sang Ginoo sa bug-os niya nga kusog, nga nagatampi sang espesyal nga panapton nga linen. Samtang ginadala niya kag sang katawhan sang Israel ang Kahon sang Ginoo, nagahinugyaw sila kag nagapatunog sang mga budyong. Sang nagapasulod na ang Kahon sang Ginoo sa Banwa ni David, nagtan-aw si Mical nga anak ni Saul sa bintana. Kag sang makita niya si Haring David nga nagatumbo-tumbo nga nagasaot sa presensya sang Ginoo, ginkaugtan niya siya.

Dalayawon ka, Ginoo, kay kon magpangayo ako sang bulig sa imo ginaluwas mo ako sa akon mga kaaway.

Ang tingog mo Ginoo, nga Labing Mataas nga Dios, nagdaguob sa langit.

Gani padunggan ko ikaw sa mga nasyon. Kantahan ko ikaw sang mga pagdayaw.

Sang nagguwa ang mga pari sa Balaan nga Lugar, may panganod nga naglikop sa templo sang Ginoo. Indi na makahimo ang mga pari sang ila buluhaton sa templo tungod sang panganod, kay ang gamhanan nga presensya sang Ginoo naglikop sa iya templo.

Ang Pangamuyo ni Solomon para sa Katawhan sang Israel Sa presensya sang bug-os nga katilingban sang Israel, nagtindog si Solomon sa atubangan sang halaran sang Ginoo kag ginbayaw niya ang iya mga kamot kag nagpangamuyo, “Ginoo, Dios sang Israel, wala sing Dios nga pareho sa imo sa langit ukon sa duta. Ginatuman mo ang imo kasugtanan, kag ginapakita mo ang imo gugma sa imo mga alagad nga nagasunod sa imo sa bug-os nila nga tagipusuon.

“Pero makaestar gid bala ikaw, O Dios, diri sa kalibutan? Indi gani ikaw makaigo sa langit, bisan sa pinakamataas nga parte sang langit, ano pa ayhan sa templo nga ginpatindog ko?

Sang makita ini sang tanan nga tawo, nagluhod sila kag nagsiling, “Ang Ginoo amo ang Dios! Ang Ginoo amo ang Dios!”

Nagsiling pa si Micaya, “Pamatii ang mensahi sang Ginoo! Nakita ko ang Ginoo nga nagapungko sa iya trono, kag may nagatindog nga mga langitnon nga mga tinuga sa iya tuo kag wala.

Dayon nagpangamuyo siya, “Ginoo, Dios sang Israel nga nagapungko sa trono sa tunga-tunga sang mga kerubin, ikaw lang ang Dios nga nagadumala sa tanan nga ginharian diri sa kalibutan. Ginhimo mo ang kalangitan kag ang kalibutan.

Nagselebrar si David kag ang tanan nga Israelinhon sa presensya sang Dios sa bug-os nila nga kusog. Nagakanta sila kag nagatukar sang mga arpa, lira, tamborin, simbals, kag trumpeta.

Ginsugo ni David ang mga pangulo sang mga Levita sa pagpili sang mga manugkanta halin sa ila kapareho nga mga Levita, sa pagkanta sang masadya nga mga kalantahon nga ginatukaran sang mga lira, arpa, kag mga simbals.

Si David nagabayo sang linen pati ang tanan nga Levita nga nagadala sang Kahon sang Kasugtanan, ang mga manugkanta, kag si Kenania nga amo ang gintugyanan sa pagpanguna sa pagkanta. Nagasul-ob man si David sang espesyal nga panapton nga linen. Gani gindala sang tanan nga Israelinhon ang Kahon sang Kasugtanan sang Ginoo nga may paghinugyaw, pagpatunog sang mga trumpeta, mga budyong kag mga simbals, kag pagtukar sang mga lira kag mga arpa. Sang nagapasulod na ang Kahon sang Kasugtanan sang Ginoo sa Banwa ni David, nagtan-aw si Mical nga anak ni Saul sa bintana. Kag sang makita niya si Haring David nga nagasaot sa kalipay, ginkaugtan niya siya.

Pasalamati ninyo ang Ginoo; simbaha ninyo siya! Isugid sa mga katawhan ang iya mga binuhatan. Kantahi ninyo siya sang mga pagdayaw; isugid ang tanan nga makatilingala niya nga mga binuhatan. Dayawa ninyo ang iya pagkabalaan. Magkalipay kamo nga mga nagadangop sa iya. Magsalig kamo sa Ginoo kag sa iya nga kusog. Magdangop kamo permi sa iya.

Kamo nga mga katawhan sa bug-os nga kalibutan, magkanta kamo sa Ginoo. Isugid ninyo adlaw-adlaw ang parte sa pagluwas niya sa aton. Ibantala ninyo sa tanan nga katawhan sang mga nasyon ang iya pagkagamhanan kag ang iya makatilingala nga mga binuhatan. Kay gamhanan ang Ginoo, kag takos gid nga dayawon. Dapat siya nga tahuron labaw sa tanan nga dios, kay ang tanan nga dios sang iban nga mga nasyon ginhimo man lang nila agod ila simbahon, pero ang Ginoo amo ang naghimo sang kalangitan. Ara sa iya ang pagkagamhanan kag pagkahalangdon; ang kusog kag kalipay ara sa iya puluy-an. Dayawa ninyo ang Ginoo, kamo nga mga katawhan sang mga nasyon. Dayawa ninyo ang iya gahom kag kusog. Dayawa ninyo ang iya pagkagamhanan kag magdala kamo sang halad sa iya presensya. Simbaha ninyo siya sa iya balaan nga presensya. Magtahod kamo sa iya presensya, kamo nga mga katawhan sa bug-os nga kalibutan. Ginpahamtang niya sing malig-on ang kalibutan kag indi ini mauyog. Magkalipay ang kalangitan kag ang kalibutan. Magsugid sila sa mga nasyon, “Nagahari ang Ginoo.” Magkalipay man sing tudo ang kadagatan, mga latagon, kag ang tanan nga ara sa ila. Ang mga kahoy sa kagulangan magakanta sa kalipay sa presensya sang Ginoo. Kay magaabot siya sa paghukom sa mga tawo sa kalibutan. Pasalamati ang Ginoo kay maayo siya; ang iya gugma wala sing katapusan. Magpangamuyo kamo, “Luwasa kami, O Dios nga amon Manluluwas; hilwaya kami sa mga nasyon kag tipuna kami liwat sa amon duta agod makapasalamat kami kag makadayaw sa imo pagkabalaan. Dalayawon ang Ginoo, ang Dios sang Israel, sa wala sing katapusan.” Dayon nagsabat ang tanan nga katawhan, “Amen.” Kag nagdayaw sila sa Ginoo.

Ila man katungdanan ang pagtindog kada aga kag kada gab-i sa templo sa pagpasalamat kag sa pagdayaw sa Ginoo.

Ang Pangamuyo ni David Gindayaw ni David ang Ginoo sa atubangan sang bug-os nga katilingban. Siling niya, “O Ginoo, Dios sang amon katigulangan nga si Jacob, dalayawon ka sa wala sing katapusan. Gamhanan ka gid, talahuron, dungganon, kag dalayawon. Kay imo ang tanan nga butang sa langit kag sa duta. Ikaw ang hari, O Ginoo, kag labaw ka sa tanan. Ang manggad kag dungog naghalin sa imo. Ikaw ang nagadumala sang tanan nga butang. Gamhanan ka gid, kag ikaw ang nagapakusog kag nagapagamhanan sa kay bisan sin-o. “Karon, O amon Dios, ginapasalamatan ka namon kag ginadayaw ang imo talahuron nga ngalan.

Pagkatapos sadto, nagguwa ang mga pari sa Balaan nga Lugar. Ang tanan nga pari nga ara didto nagpakatinlo, tion man nila sa pag-alagad ukon indi. Ang mga musikero nga mga Levita nga sila ni Asaf, Heman, Jedutun, kag ang ila mga anak nga lalaki kag mga paryente nagtindog sa sidlangan dampi sang halaran. Nagabayo sila sang linen kag nagatukar sang mga simbals, arpa, kag lira. Ginaupdan sila sang 120 ka pari nga nagatrumpeta. Ang mga manugkanta nagadayaw kag nagapasalamat sa Ginoo nga ginatukaran sang mga trumpeta, simbals, kag sang iban pa nga mga instrumento. Amo ini ang ila ginakanta: “Maayo ang Ginoo; ang iya gugma wala sing katapusan” Dayon may panganod nga naglikop sa templo sang Ginoo. Indi na makahimo ang mga pari sang ila buluhaton sa templo tungod sang panganod, kay ang gamhanan nga presensya sang Ginoo naglikop sa iya templo.

Ang Pangamuyo ni Solomon para sa Katawhan sang Israel Sa presensya sang bug-os nga katilingban sang Israel, nagtindog si Solomon sa atubangan sang halaran sang Ginoo kag ginbayaw niya ang iya mga kamot. Nagtindog siya sa saway nga entablado nga iya ginpahimo. Ini nga entablado may kalabaon kag kasangkaron nga pito kag tunga ka tapak, kag may kataason nga apat kag tunga ka tapak. Pagkatapos nagluhod si Solomon sa atubangan sang katilingban sang Israel nga nagabayaw sang iya mga kamot. Kag nagpangamuyo siya, “O Ginoo, Dios sang Israel, wala sing Dios nga pareho sa imo sa langit ukon sa duta. Ginatuman mo ang imo kasugtanan kag ginapakita mo ang imo gugma sa imo mga alagad nga nagasunod sa imo sa bug-os nila nga tagipusuon.

“Pero makaestar gid bala ikaw, O Dios, diri sa kalibutan upod sa mga tawo? Indi gani ikaw makaigo sa langit bisan sa pinakamataas nga parte sang langit, ano pa ayhan sa templo nga ginpatindog ko?

Ang Pagdedikar sang Templo Pagkatapos pangamuyo ni Solomon, may kalayo nga nagpanaog halin sa langit nga naglamon sang halad nga ginasunog kag sang iban pa nga mga halad, kag ang gamhanan nga presensya sang Ginoo naglikop sa templo. Indi makasulod ang mga pari sa templo sang Ginoo tungod kay ang gamhanan nga presensya sang Ginoo naglikop sa templo. Sang makita sang tanan nga Israelinhon ang kalayo nga nagpanaog kag ang gamhanan nga presensya sang Ginoo sa ibabaw sang templo, nagluhod sila kag nagsimba sa Ginoo nga may pagpasalamat. Siling nila, “Maayo ang Ginoo; ang iya gugma wala sing katapusan.”

Nagpuwesto ang mga pari sa templo, kag amo man ang mga Levita nga nagakanta, “Ang iya gugma wala sing katapusan.” Ginatukaran nila ang kanta sang mga instrumento nga ginpahimo ni Haring David sa pagdayaw sa Ginoo. Sa atubangan sang mga Levita, ang mga pari nagapatunog man sang ila mga trumpeta samtang nagatindog ang tanan nga Israelinhon.

Nagsiling pa si Micaya, “Pamatii ang mensahi sang Ginoo! Nakita ko ang Ginoo nga nagapungko sa iya trono, kag may nagatindog nga mga langitnon nga mga tinuga sa iya tuo kag wala.

Pagkatapos nagpangayo siya sang laygay sa mga tawo. Dayon nagpili siya sang mga manugkanta nga magauna sa ila kag magkanta sang mga pagdayaw sa Ginoo tungod sa iya makatilingala nga pagkabalaan. Amo ini ang ila ginakanta: “Pasalamati ang Ginoo kay ang iya gugma wala sing katapusan.”

Nagsugo si Haring Hezekia kag ang iya mga opisyal sa mga Levita sa pagdayaw sa Ginoo paagi sa mga kanta nga ginhimo ni Haring David kag ni Asaf nga propeta. Gani nagkanta sila sang mga kanta sang pagdayaw nga may kalipay samtang nagaluhod sila sa pagsimba sa Dios.

Sa sulod sang pito ka adlaw, ang mga Israelinhon nga didto sa Jerusalem nagselebrar sang Piesta sang Tinapay nga Wala sing Inugpahabok nga may dako nga kalipay. Adlaw-adlaw nagakanta ang mga Levita kag ang mga pari sang mga pagdayaw sa Ginoo, nga ginatukaran sang matunog nga mga instrumento nga ginagamit sa pagdayaw sa Ginoo.

Sang natapos na sang mga manug-obra ang pundasyon sang templo sang Ginoo, nagplastar ang mga pari sa pagpatunog sang mga trumpeta. Ini sila nakasuksok sang ila mga bayo bilang mga pari. Nagplastar man ang mga Levita, nga mga kaliwat ni Asaf, sa pagtukar sang mga simbals agod dayawon ang Ginoo suno sa pamaagi nga gintudlo sadto ni Haring David sang Israel. Dayon nagdayaw kag nagpasalamat sila sa Ginoo, nga nagakanta sang, “Maayo gid ang Ginoo, kay ang iya gugma sa Israel wala sing katapusan.” Dayon nagsinggit sing mabaskog ang tanan nga tawo sa pagdayaw sa Ginoo tungod kay natapos na ang pundasyon sang templo.

Pag-abot sang sina nga oras, gin-untatan ko ang akon pagpangasubo. Nagluhod ako nga gisi ang akon bayo, kag nagpangamuyo nga nagabayaw sang akon mga kamot sa Ginoo nga akon Dios.

Gindayaw ni Ezra ang Ginoo, ang gamhanan nga Dios! Kag nagsabat ang mga tawo, “Amen! Amen!” samtang ginabayaw nila ang ila kamot. Dayon nagluhod sila kag nagsimba sa Ginoo.

Ang iban nga mga Levita nagatindog sa hagdanan, nga nagapangamuyo sing tudo sa Ginoo nga ila Dios. Sila amo si Jeshua, Bani, Kadmiel, Shebania, Buni, Sherebia, Bani, kag Kenani. Ang mga Levita nga nagpanawag sa mga tawo sa pagsimba amo sila ni Jeshua, Kadmiel, Bani, Hashabnea, Sherebia Hodia, Shebania, kag Petahia. Siling nila, “Tindog kamo kag dayawa ang Ginoo nga inyo Dios nga nagakabuhi sa wala sing katapusan. Dayon nagsiling sila, “O Ginoo, dalayawon ang imo pagkagamhanan! Indi ini matupungan sang amon mga pagdayaw. Ikaw lang ang Ginoo. Ginhimo mo ang kalangitan, ang duta, ang dagat, kag ang tanan nga ara sa ila. Ginahatagan mo sang kabuhi ang tanan mo nga tinuga, kag ginasimba ka sang mga anghel sa langit.

Pero tungod sang imo dako nga kaluoy sa ila, wala mo sila pagpabay-i sa kamingawan. Wala mo pagkuhaa ang madamol nga panganod nga nagatuytoy sa ila kon adlaw, kag amo man ang nagadabadaba nga kalayo nga nagahatag sang kasanag sa ila ginalaktan kon gab-i.

Gindedikar sa Dios ang Pader sang Jerusalem Sang tion sang pagdedikar sang pader sang Jerusalem, ginpatawag ang mga Levita halin sa ila ginaestaran. Ginpakadto sila sa Jerusalem agod magpartisipar sa malipayon nga selebrasyon sang pagdedikar sang templo paagi sa pagkanta sang mga kanta sang pagpasalamat kag pagtukar sang mga simbals, arpa, kag lira.

Halin pa sang panahon ni Haring David kag ni Asaf, may ara na sang mga nagapangulo sa mga manugkanta sang pagdayaw kag pagpasalamat sa Dios.

Pagkabati sadto ni Job, nagtindog siya kag gin-gisi niya ang iya bayo sa kasubo. Dayon ginpakiskisan niya ang iya ulo kag naghapa siya sa duta sa pagsimba sa Ginoo. Nagsiling siya, “Natawo ako nga wala sing dala kag mapatay man ako nga wala sing dala. Ang Ginoo ang naghatag sang tanan nga ara sa akon, kag siya man ang nagkuha sini. Dalayawon ang ngalan sang Ginoo!”

“Kon ako sa imo, madangop ako sa Dios kag ipresentar ko ang akon kahimtangan sa iya. Kay nagahimo siya sang makatilingala nga mga butang kag mga milagro nga indi matungkad kag indi maisip.

Matungkad mo bala ang tanan parte sa Dios?

“Job, kon maghinulsol ka lang kag magdangop sa Dios,

“Pero nahibaluan ko nga buhi ang akon manug-apin, kag sa ulihi magaabot siya sa duta sa pag-apin sa akon. Matapos madunot ang akon panit kag maghalin na ako sa akon lawas, makita ko ang Dios. Makita ko siya mismo sang akon mga mata, kag indi na siya mangin iban sa akon. Dako gid ang akon handom nga makita siya.

Dayon ang Makagagahom nga Dios mangin imo manggad. Mangin pareho siya sang bulawan kag pilak sa imo. Dayon masapwan mo ang kalipay nga nagahalin sa Makagagahom nga Dios, kag indi ka mahuya sa pagpalapit sa iya.

“Hunahunaa bala kon daw ano kagamhanan sang Dios. Wala sing manunudlo nga pareho sa iya. Wala sing may makatudlo sa iya kon ano ang iya himuon, kag wala sing may makasiling sa iya nga nakasala siya. Indi pagkalimti ang pagdayaw sa iya binuhatan subong sang ginahimo sang iban sa ila nga pagkanta.

“Nagakubakuba ang akon dughan tungod sa sina nga bagyo. Pamatii ninyo ang tingog sang Dios nga nagadaguhob. Ginpakilat niya sa kalangitan hasta sa pinakamalayo nga parte sang kalibutan. Dayon mabatian ang daguhob sang iya makusog nga tingog. Wala niya ginapunggan ang pagdaguhob sang iya tingog. Makatilingala gid ang nagadaguhob nga tingog sang Dios. Nagahimo siya sang makatilingala nga mga butang nga indi naton matungkad.

Nakahibalo ka bala kon paano nagalutaw-lutaw ang mga panganod sa ibabaw? Buhat ini sang makatilingala nga Dios nga ang iya kaalam wala sing limitasyon.

Halin sa aminhan nagaguwa ang Dios nga nagasilak pareho sa bulawan kag ang iya kasilaw makatilingala. Indi naton matungkad ang Makagagahom nga Dios nga labaw sa tanan, kag indi kita makapalapit sa iya. Matarong gid siya kag wala nagapamigos,

Pero ginakadlawan lang sila sang Ginoo nga nagapungko sa iya trono didto sa langit.

Nagsiling siya, “Ginbutang ko na sa Zion, sa akon balaan nga bukid, ang hari nga akon ginpili.”

Pasalamatan ko ikaw Ginoo, tungod sang imo pagkamatarong. Kantahan ko ikaw sang mga pagdayaw, Labing Mataas nga Dios.

Daw Ano Kahalangdon ang Dios sa Bug-os nga Kalibutan Ginoo nga amon Agalon, daw ano ka kahalangdon sa bug-os nga kalibutan! Ang pagdayaw sa imo sang mga tawo mabatian mo dira sa langit.

Ginoo nga amon Agalon, daw ano ka kahalangdon sa bug-os nga kalibutan!

Nagahukom ang Dios sing Husto Pasalamatan ko ikaw, Ginoo, sa bug-os ko nga tagipusuon. Isugid ko ang tanan mo nga makatilingala nga mga binuhatan. Labing Mataas nga Dios, magakalipay gid ako kag magakanta sang mga pagdayaw tungod sa imo.

Kantahi ninyo sang mga pagdayaw ang Ginoo nga nagahari sa Zion! Ibantala ninyo sa mga nasyon ang iya mga binuhatan!

agod masugid ko sa mga tawo didto sa mga puwertahan sang Zion ang imo mga binuhatan, nga nangin kabangdanan nga ginadayaw ko ikaw. Magakalipay ako didto tungod kay ginluwas mo ako.

Ginoo, hari ka sa wala sing katapusan. Madula ang malaot nga mga nasyon sa kalibutan nga imo gintuga.

Ara ang Ginoo sa iya balaan nga templo; didto sa langit ang iya trono. Ginatan-aw niya kag ginausisa ang tanan nga tawo.

Kantahan ko ikaw, Ginoo, tungod kay halin pa sadto maayo ka sa akon.

Halungi ako pareho sang paghalong sang tawo sa iya nga mata, kag protektari ako pareho sang pagprotektar sang pispis sa iya mga buto sa idalom sang iya mga pakpak.

Ang Kanta ni David sa Iya nga Pagdaog Ginoo nga akon kusog, ginahigugma ko ikaw. Ikaw, Ginoo, ang akon palalipdan nga bato, ang akon mabakod nga palanaguan kag manughilway. Bilang palalipdan nga bato, makapanago ako sa imo. Ikaw ang akon taming, gamhanan nga manluluwas, kag dalangpan. Dalayawon ka, Ginoo, kay kon magpangayo ako sang bulig sa imo ginaluwas mo ako sa akon mga kaaway.

Ang tingog mo Ginoo, nga Labing Mataas nga Dios, nagdaguob sa langit.

Ang imo pamaagi, O Dios, wala sing sayop. Ang imo pulong masaligan gid. Pareho ka sa taming sa tanan nga nagapangayo sang proteksyon sa imo. Ikaw lang, Ginoo, amo ang Dios; ikaw lang ang amon palalipdan nga bato.

Buhi ka, Ginoo! Dalayawon ka nga akon palalipdan nga bato! Ginapakataas ko ikaw tungod nga ikaw ang Dios nga akon manluluwas.

Ang Pagkagamhanan sang Dios nga Makita sa Iya mga Gintuga Ang kalangitan nagapahayag sang gahom sang Dios kag nagapakita sang iya ginhimo.

Dalayawon ka, Ginoo, tungod sang imo kusog. Magakanta kami sang mga pagdayaw tungod sang imo gahom.

Pero balaan ka, kag ginadayaw ka sang mga Israelinhon bilang hari.

Ipahayag ko sa akon mga kasimanwa ang imo mga ginhimo. Dayawon ko ikaw sa ila mga pagtililipon. Kamo nga nagatahod sa Ginoo, dayawa ninyo siya! Kamo nga mga kaliwat ni Israel, nga amo si Jacob, padunggi kag kahadluki ninyo ang Ginoo! Kay wala niya ginabaliwala ukon ginapakalain ang mga pag-antos sang mga kubos. Wala niya sila ginatalikdan kundi ginapamatian niya ang ila pagpangayo sang bulig. Hatagan mo ako, Ginoo, sang inspirasyon nga magdayaw sa imo sa mga pagtililipon sang imo katawhan. Sa atubangan sang mga nagatahod sa imo tumanon ko ang akon ginpromisa nga maghalad sa imo. Magakaon ang mga kubos kag mabusog sila. Ang mga nagadangop sa imo magadayaw sa imo. Kabay pa nga mangin maayo kag malawig ang ila kabuhi. Ang bug-os nga kalibutan magadumdom kag magabalik sa imo, Ginoo. Simbahon ka sang tanan nga katawhan sang mga nasyon. Kay ikaw ang nagahari, kag ikaw ang nagadumala sang mga nasyon. Sigurado nga magasimba sa imo ang tanan nga manggaranon sa kalibutan. Bisan ang tanan nga tawo nga daw sa mapatay na magaluhod sa imo. Kag atong mga nagkalamatay na,

Abrihi ang daan nga mga puwertahan sang templo agod makasulod ang gamhanan nga Hari! Sin-o bala ining gamhanan nga Hari? Siya amo ang Ginoo nga makusog kag mabakod sa inaway. Abrihi ang daan nga mga puwertahan sang templo agod makasulod ang gamhanan nga Hari! Sin-o bala ining gamhanan nga Hari? Siya amo ang Ginoo nga makagagahom. Huo, siya ang gamhanan nga Hari.

Nagapangayo ako sa Ginoo sang isa ka butang nga ginahandom ko gid. Ini amo nga makapuyo ako sa iya templo sa bug-os ko nga kabuhi. Kag didto magapamalandong ako sang iya kaayo kag magapangayo sang iya pagtuytoy.

Gani mangin madinalag-on ako batok sa akon mga kaaway nga nagalibot sa akon kag magahalad ako sa templo sang Ginoo nga may paghugyaw sa kalipay. Magakanta ako sa iya! Pamatii ako, Ginoo, kon magpanawag ako sa imo; kaluoyi ako kag sabta ang akon pangamuyo. Nagpanghikot ka sa akon tagipusuon nga magdangop ako sa imo, gani nagdangop ako sa imo, Ginoo.

Ikaw ang nagahatag sa akon sang kusog kag nagaprotektar sa akon. Nagasalig ako sa imo kag ginabuligan mo ako. Gani nagakalipay gid ako kag nagakanta sang pagpasalamat sa imo.

Ang Gamhanan nga Tingog sang Dios Dayawa ninyo ang Ginoo, kamo nga langitnon nga mga tinuga. Dayawa ninyo ang iya gahom kag kusog. Dayawa ninyo ang iya pagkagamhanan. Simbaha ninyo siya sa iya balaan nga presensya. Nagadaguob ang tingog sang Ginoo, ang gamhanan nga Dios, kag mabatian ini sa kadagatan. Ang iya tingog gamhanan kag halangdon,

Ang tingog sang Ginoo nagapabata sang usa kag nagapataktak sang mga dahon sang kahoy. Kag sa iya templo nagasinggit ang tanan, “Gamhanan ang Dios!” Ang Ginoo nagagahom sa mga baha. Nagagahom siya bilang hari sa wala sing katapusan.

Magkanta kamo sang mga pagdayaw sa Ginoo, kamo nga iya matutom nga katawhan. Dayawa ninyo siya bilang pagdumdom sa iya pagkabalaan.

Gani, ginbayluhan mo ang akon pagpangasubo sang malipayon nga pagsaot. Ginpauba mo sa akon ang sako nga ginsul-ob ko sang nagpangasubo ako, kag ginhatagan mo ako sang kalipay, agod indi lang ako maghipos, kundi magkanta ako sang mga pagdayaw sa imo. Ginoo nga akon Dios, pasalamatan ko ikaw sa wala sing katapusan.

Kanta sa Pagdayaw Kamo nga mga matarong, maghinugyaw kamo sa kalipay tungod sa ginhimo sang Ginoo sa inyo. Kamo nga nagakabuhi sing husto, nagakabagay nga dayawon ninyo siya! Dayawa ninyo ang Ginoo paagi sa arpa. Tukari ninyo ang Ginoo sang iban pa nga mga instrumento nga may mga kuwerdas. Kantahi ninyo siya sang bag-o nga kanta; tukari ninyo siya sing maayo, kag maghinugyaw kamo sa kalipay.

Ang Kaayo sang Dios Dayawon ko permi ang Ginoo; indi ako mag-untat sa pagdayaw sa iya. Ipabugal ko ang Ginoo, kag kamo nga mga ginapigos magpamati kag magkalipay. Mag-upod kamo sa akon sa pagdayaw sa Ginoo; mag-isa kita sa pagdayaw sa iya.

Dayon dayawon ko ikaw kag pasalamatan sa pagtililipon sang imo madamo nga katawhan.

Kabay pa nga ang mga nagakalipay sa akon pagkahilway sa mga akusasyon maghinugyaw sa kalipay. Kabay pa nga magsiling sila permi nga, “Dalayawon ang Ginoo nga nagakalipay sa kaayuhan sang iya alagad.” Isugid ko ang imo pagkamatarong, kag dayawon ko ikaw permi.

Gintudluan niya ako sang bag-o nga kanta, kanta nga pagdayaw sa iya nga aton Dios. Madamo nga tawo ang makakita sini, kag magatahod sila kag magasalig sa iya.

Pero kabay pa nga ang tanan nga nagadangop sa imo magkalipay gid tungod sa imo. Kabay pa nga ang mga naluyag sa kaluwasan nga halin sa imo magsiling permi, “Dalayawon ang Ginoo.”

Tungod kay wala ako sing may ginahimo nga malain, ginatipigan mo ang akon kabuhi sa wala sing katapusan. Dalayawon ang Ginoo, ang Dios sang Israel, sa wala sing katapusan. Amen! Amen!

Ang Handom sang Isa ka Tawo nga Makapalapit sa Presensya sang Dios Ginakahidlawan ko ikaw, O Dios, pareho sa usa nga ginahidlaw sang tubig sa sapa. Nauhaw ako sa imo, O Dios nga buhi. San-o pa ako makakadto sa imo templo sa pagpalapit sa imo presensya?

Kon adlaw ginapakita mo, Ginoo, ang imo gugma, gani kon gab-i nagakanta ako bilang pangamuyo sa imo, O Dios sang akon kabuhi.

Dayon magapalapit ako sa imo halaran, O Dios, ikaw nga nagahatag sa akon sang kalipay. Nagadayaw ako sa imo paagi sa pagtukar sang arpa, O Dios ko.

Itaklos ang imo espada, maisog nga hari; gamhanan ka kag halangdon. Sa imo pagkahalangdon, magsalakay ka nga madinalag-on para sa kamatuoran kag sa hustisya sang mga ginapigos. Paagi sa imo gahom maghimo ka sang makatilingala nga mga buhat.

Ang imo ginharian, O Dios, wala gid sing katapusan, kag matarong ang imo pagdumala sa imo ginharian.

Ipadumdom ko ikaw sa tanan nga henerasyon. Gani dayawon ka sang mga nasyon hasta san-o.

Nagasiling siya, “Untata na ninyo ang pag-ilinaway. Kag kilalaha ninyo ako nga Dios. Kamo nga mga nasyon sa bug-os nga kalibutan magadayaw sa akon.”

Ang Dios ang Hari sa Bug-os nga Kalibutan Tanan nga mga nasyon, magpalakpak kamo kag maghinugyaw sa Ginoo tungod sa kalipay. Daw ano ka talahuron ang Ginoo, ang Labing Mataas nga Dios. Gamhanan siya nga hari sa bug-os nga kalibutan.

Ang Dios nagapasaka sa iya trono samtang nagahinugyaw ang mga tawo sa kalipay kag nagatunog ang mga budyong. Magkanta kamo sang mga pagdayaw sa Dios. Magkanta kamo sang mga pagdayaw sa aton hari. Kay ang Dios amo ang hari sang bug-os nga kalibutan. Dayawa ninyo siya paagi sa mga kanta. Nagapungko siya sa iya balaan nga trono nga nagagahom sa mga nasyon. Nagatipon ang mga pangulo sang mga nasyon upod sa katawhan sang Dios ni Abraham. Kay ang mga pangulo sa kalibutan iya sang Dios. Dalayawon gid siya.

Zion, ang Siyudad sang Dios Gamhanan ang Ginoo nga aton Dios, kag takos gid nga dayawon sa iya siyudad nga ara sa iya balaan nga bukid.

nga ang Dios nga aton ginaalagad subong amo ang aton Dios sa wala sing katapusan. Siya ang magatuytoy sa aton hasta san-o.

Ang ihalad ninyo sa akon, nga Labing Mataas nga Dios, amo ang pagpasalamat, kag tumana ninyo ang inyo mga promisa sa akon. Magpanawag kamo sa akon sa tion sang kalisod, kay luwason ko kamo, kag dayawon ninyo ako.”

Ang nagahalad sa akon sing pagpasalamat nagapadungog sa akon, kag ang nagabantay sang iya pagginawi luwason ko.”

Luwasa ako sa akon sala nga amo ang pagpatay, O Dios nga akon manluluwas, kag isugid ko sing mabaskog ang imo nga pagluwas. Ginoo, buligi ako nga maghambal sang mga pagdayaw sa imo, kag dayawon ko ikaw.

Ipakita, O Dios, ang imo pagkagamhanan sa kalangitan kag sa bug-os nga kalibutan.

O Dios, nagasalig gid ako sa imo. Kantahan ko ikaw sang mga pagdayaw.

Pero ako iya magakanta parte sa imo kusog. Kada aga magakanta ako sing mabaskog parte sa imo gugma. Tungod kay ikaw ang akon dalangpan, ang nagaprotektar sa akon sa tion sang kalisod. O Dios, ikaw ang akon kusog; magakanta ako sang mga pagdayaw sa imo kay ikaw ang akon dalangpan, ang Dios nga nagahigugma sa akon.

Dayon magakanta ako permi sang mga pagdayaw sa imo kag tumanon ko permi ang akon promisa sa imo.

Paghandom sa Dios O Dios, ikaw ang akon Dios kag aga pa ako nagadangop sa imo. Nauhaw ang akon bug-os nga kabuhi sa imo. Daw ara ako sa mamala nga duta nga wala sing tubig. Nakita ko gid ang imo pagkagamhanan kag pagkahalangdon sa imo templo. Dayawon ko ikaw tungod kay ang imo gugma mas bilidhon pa sang sa kabuhi. Pasalamatan ko ikaw samtang nagakabuhi ako. Bayawon ko ang akon mga kamot sa pagpangamuyo sa imo. Mangin kontento ako pareho sa tawo nga busog gid sa punsyon. Kag magadayaw ako sa imo nga nagahugyaw sa kalipay. Samtang nagahigda ako ginadumdom ko ikaw. Sa bilog nga gab-i nagapamalandong ako sa imo,

Magakalipay ang hari tungod sa ginhimo sang Dios sa iya. Magakalipay man ang tanan nga nagapromisa sa ngalan sang Dios. Pero pahipuson sang Dios ang mga baba sang mga butigon.

Ginasabat sang Dios ang Pangamuyo O Dios, dapat ka namon dayawon sa Zion! Kag tumanon namon ang amon promisa sa imo.

Pagdayaw kag Pagpasalamat Kamo nga mga katawhan sa bug-os nga kalibutan, maghinugyaw kamo sa Dios sa kalipay. Magkanta kamo sang mga pagdayaw sa iya. Padunggi ninyo siya paagi sa inyo mga pagdayaw. Hambali ninyo siya, “O Dios, daw ano ka makatilingala ang imo mga binuhatan. Tungod sa imo dako nga gahom, ang imo mga kaaway nagaluhod sa imo sa kahadlok. Ang tanan nga katawhan sa bug-os nga kalibutan magasimba sa imo. Magakanta sila sang mga pagdayaw sa imo.”

Nagahari siya sa wala sing katapusan paagi sa iya gahom, kag ginapanilagan niya ang mga nasyon. Dapat ang mga nagarebelde sa Dios indi magpabugal sang ila kaugalingon. Mga katawhan, dayawa ninyo ang Dios! Ipabati ang inyo pagdayaw sa iya.

Kantahi ninyo ang Dios, kantahi ninyo siya sang mga pagdayaw. Dayawa ninyo siya nga nagasakay sa panganod. Ang iya ngalan amo ang Ginoo; magkalipay kamo sa iya presensya.

nagtay-og ang duta kag nag-ulan tungod nga nag-abot ka, O Dios sang Israel, ikaw nga nagpahayag sa Sinai.

Magkanta kamo sa Dios, kamo nga mga pumuluyo sang mga ginharian sa kalibutan. Magkanta kamo sang pagdayaw sa Ginoo nga nagasakay sa kalangitan nga ara na sadto pa. Pamatii ninyo ang iya nagadaguob nga tingog. Ibantala ninyo ang pagkagamhanan sang Dios nga nagahari sa Israel. Ang kalangitan nagapakita sang iya pagkagamhanan. Makatilingala ang Dios sang Israel samtang nagapaguwa siya sa iya balaan nga puluy-an. Ginahatagan niya sang gahom kag kusog ang iya katawhan. Dalayawon ang Dios!

Dayawon ko ang Dios paagi sa kanta. Padunggan ko siya nga may pagpasalamat.

Dayawa ninyo ang Dios, tanan kamo nga ara sa kalangitan, sa kalibutan, kag sa kadagatan.

Pero kabay pa nga ang tanan nga nagadangop sa imo magkalipay gid tungod sa imo. Kabay pa nga ang mga naluyag sa kaluwasan nga halin sa imo magsiling permi, “Dalayawon ang Dios!”

Halin sang akon pagkatawo nagasalig ako sa imo kag ginaprotektaran mo ako. Dayawon ko ikaw sa wala sing katapusan. Nangin halimbawa ang akon kabuhi sa madamo, tungod kay ikaw ang akon malig-on nga manugprotektar. Dayawon ko permi ang imo pagkagamhanan.

Pero ako iya, O Dios, magalaom permi sa imo, kag dugangan ko pa gid ang pagdayaw sa imo.

O Dios ko, tungod sang imo katutom dayawon ko ikaw paagi sa pagtukar sang arpa. Kantahan ko ikaw sang mga pagdayaw nga ginatukaran sang arpa, O Balaan nga Dios sang Israel. Magahugyaw ako sa kalipay samtang nagakanta ako sang mga pagdayaw sa imo tungod kay ginluwas mo ako.

Kabay pa nga ang iya mga kaaway nga nagaestar sa kamingawan magapasakop sa iya.

Kabay pa nga ang tanan nga hari magapasakop sa iya kag ang tanan nga nasyon magaalagad sa iya.

Kabay pa nga indi malimtan ang ngalan sang hari hasta san-o, samtang may adlaw pa. Kabay pa nga paagi sa iya, pakamaayuhon ang tanan nga nasyon, kag ang mga nasyon magatawag sa iya nga bulahan. Dalayawon ang Ginoong Dios, ang Dios sang Israel, nga amo lang gid ang nagahimo sang sinang makatilingala nga mga butang. Dalayawon ang iya pagkagamhanan sa wala sing katapusan. Kabay pa nga makita sang mga tawo sa bug-os nga kalibutan ang iya pagkagamhanan. Amen! Amen!

Ginoo, dumdumon ko ang imo mga binuhatan. Huo, dumdumon ko ang mga milagro nga ginpanghimo mo sang una. Hunahunaon ko kag pamalandungan ang tanan mo nga gamhanan nga mga binuhatan. O Dios, ang imo pamaagi lain sang sa iban. Wala na sing pareho sa imo kagamhanan. Ikaw ang Dios nga nagahimo sang mga milagro. Ginapakita mo ang imo gahom sa mga katawhan.

Kon adlaw, ginatuytuyan niya sila paagi sa panganod, kag kon gab-i, paagi sa kasanag sang kalayo.

Nadumduman nila nga ang Labing Mataas nga Dios amo ang ila palalipdan nga bato kag manunubos.

Pagdayaw sa Kaayo sang Dios Magkanta kamo sa kalipay sa Dios nga naghatag sa aton sang kusog. Maghinugyaw kamo sa Dios ni Jacob! Suguri ninyo ang pagkanta; patunuga ninyo ang tamborin, kag patukara ang manami pamatian nga mga instrumento nga may mga kuwerdas.

Kabay pa nga mareyalisar nila nga ikaw, Ginoo, amo lang ang Labing Mataas nga Dios sa bug-os nga kalibutan.

Handom sa Pagkadto sa Templo sang Dios Ginoo nga Makagagahom, daw ano katahom sang imo templo. Gusto ko gid nga magkadto didto! Ginahidlaw ako sa pagsulod sa imo templo, O Ginoo. Ang bug-os ko nga kabuhi magakanta nga may kalipay sa imo, O buhi nga Dios. Ginoo nga Makagagahom, nga akon Hari kag Dios, bisan ang mga maya kag mga salimbabatang may mga pugad malapit sa halaran, nga sa diin ginabutang nila ang ila mga buto. Bulahan ang mga tawo nga nagapuyo sa imo templo; permi sila nagakanta sang mga pagdayaw sa imo.

Ang tanan nga nasyon nga imo ginhimo magasimba sa imo. Pagadayawon ka nila. Kay gamhanan ka, kag makatilingala ang imo mga binuhatan; kag ikaw lang ang Dios. Ginoo, tudlui ako sang imo pamaagi, kag tumanon ko ini nga may katutom sa imo. Himua ako nga matinud-anon sa akon pagtahod sa imo. Ginoo nga akon Dios, dayawon ko ikaw sa bug-os ko nga tagipusuon. Dayawon ko ikaw sa wala sing katapusan.

Sila tanan magasaot kag magakanta sang, “Nagahalin sa Zion ang tanan ta nga pagpakamaayo!”

Tungod sa akon mga pag-antos, nagapalangdulom ang akon panulok. Ginoo, adlaw-adlaw nagapanawag ako sa imo nga nagabayaw sang akon mga kamot.

Ang Kasugtanan sang Dios kay David Ginoo, kantahon ko permi ang imo dako nga gugma. Isugid ko ang imo katutom hasta san-o.

Ginoo, ang mga langitnon nga tinuga nagadayaw sa imo makatilingala nga mga binuhatan kag sa imo katutom. Wala sing bisan isa sa langit nga pareho sa imo, Ginoo. Wala sing langitnon nga tinuga nga makapareho sa imo. Ginatahod ka sa pagtililipon sang langitnon nga mga tinuga. Sila tanan nga nagapalibot sa imo may kahadlok gid sa imo.

Nagahari ka nga may pagkamatarong kag hustisya, nga ginapangunahan sang gugma kag katutom.

Ikaw ang ginapabugal namon nga amon kusog; kag tungod sa imo kaayo ginadugangan mo ang amon ikasarang. Ginoo, Balaan nga Dios sang Israel, ikaw ang nagapanag-iya sang amon hari nga nagaprotektar sa amon.

Ang Dios kag ang Tawo Ginoo, ikaw ang amon puluy-an halin pa sang una. Sa wala mo pa matuga ang mga bukid kag ang kalibutan, ikaw na ang Dios, kag ikaw gihapon ang Dios sa wala sing katapusan.

Ang Dios Aton nga Manugprotektar Ang bisan sin-o nga magpaprotektar sa Labing Mataas nga Dios nga Makagagahom protektaran niya.

Kanta sa Pagdayaw sa Dios Ginoo nga Labing Mataas nga Dios, maayo gid ang magpasalamat kag magkanta sang mga pagdayaw sa imo.

Ang Dios Aton Hari Hari ikaw, Ginoo; ang imo pagkagamhanan kag pagkahalangdon amo ang imo harianon nga bayo. Ginpahamtang mo sing malig-on ang kalibutan kag indi ini mauyog. Hari ka na halin pa sang una, kay ara ka na sadto pa. Nagadinaguhob ang dagat, Ginoo, kag nagalinagumba ang mga balod. Pero mas gamhanan ka, Ginoo nga ara sa langit, sang sa dinaguhob sang dagat; mas gamhanan ka sang sa mga balod sini. Ginoo, ang imo mga sugo masaligan gid kag ang pagkabalaan amo ang nagapatahom sa imo templo hasta san-o.

Kanta sa Pagdayaw Dali, magkanta kita sa kalipay kag maghinugyaw kita sa Ginoo, ang palalipdan nga bato nga nagaluwas sa aton. Magpalapit kita sa iya nga may pagpasalamat, kag maghinugyaw kita nga nagakanta sang mga pagdayaw sa iya. Kay ang Ginoo gamhanan nga Dios. Gamhanan siya nga hari kag labaw sa tanan nga dios.

Dali, magluhod kita sa pagsimba sa Ginoo nga naghimo sa aton.

Ang Dios ang Pinakagamhanan nga Hari Kamo nga mga katawhan sa bug-os nga kalibutan, magkanta kamo sang bag-o nga kanta sa Ginoo! Magkanta kamo sa Ginoo kag dayawa ninyo siya. Isugid ninyo adlaw-adlaw ang parte sa pagluwas niya sa aton. Ibantala ninyo sa tanan nga katawhan sang mga nasyon ang iya pagkagamhanan kag ang iya makatilingala nga mga binuhatan. Kay gamhanan ang Ginoo, kag takos gid nga dayawon. Dapat siya nga tahuron labaw sa tanan nga dios, kay ang tanan nga dios sang iban nga mga nasyon ginhimo man lang nila agod ila simbahon, pero ang Ginoo amo ang naghimo sang kalangitan. Ara sa iya ang pagkagamhanan kag pagkahalangdon; ang kusog kag katahom ara sa iya nga templo. Dayawa ninyo ang Ginoo, kamo nga mga katawhan sang mga nasyon. Dayawa ninyo ang iya gahom kag kusog. Dayawa ninyo ang iya pagkagamhanan kag magdala kamo sang halad sa inyo pagsulod sa iya templo. Simbaha ninyo siya sa iya balaan nga presensya. Magtahod kamo sa iya presensya, kamo nga mga katawhan sa bug-os nga kalibutan. Sugiri ninyo ang mga nasyon nga, “Nagahari ang Ginoo.” Ginpahamtang niya sing malig-on ang kalibutan kag indi ini mauyog. Pagahukman niya ang mga tawo nga wala sing may pinilian. Magkalipay ang kalangitan kag ang kalibutan, pati na ang kadagatan, mga latagon, kag ang tanan nga ara sa ila. Ang tanan nga kahoy sa kagulangan magakanta sa kalipay Magkalipay ang kalangitan kag ang kalibutan, pati na ang kadagatan, mga latagon, kag ang tanan nga ara sa ila. Ang tanan nga kahoy sa kagulangan magakanta sa kalipay sa presensya sang Ginoo. Kay sigurado nga magaabot siya sa paghukom sa mga tawo sa kalibutan. Pagahukman niya sila nga may pagkamatarong kag suno sa iya kamatuoran.

Ang Dios Labaw sa Tanan nga Pangulo Nagahari ang Ginoo! Gani magkalipay ang kalibutan, pati na ang mga isla. Ginalibutan siya sang madamol nga gal-om, kag nagahari siya nga may pagkamatarong kag hustisya.

Nagakalatunaw ang mga bukid pareho sa kandila sa presensya sang Ginoo, ang Ginoo nga nagagahom sa bug-os nga kalibutan. Nagapahayag ang kalangitan nga matarong siya, kag ang tanan nga katawhan nakakita sang iya pagkagamhanan.

Kay ikaw, Ginoo, nga Labing Mataas nga Dios, nagagahom sa bug-os nga kalibutan. Mas labaw ka sang sa tanan nga dios.

Dayawa ang Dios nga Manughukom Magkanta kita sang bag-o nga kanta sa Ginoo, kay naghimo siya sang makatilingala nga mga butang! Paagi sa iya kaugalingon nga gahom kag kusog napierdi niya ang aton mga kaaway.

Kamo nga mga katawhan sa bug-os nga kalibutan, maghinugyaw kamo sa Ginoo tungod sa kalipay. Magkanta kamo sing malipayon sa pagdayaw sa iya. Magkanta kamo sang mga pagdayaw sa Ginoo nga ginatukaran sang mga arpa, mga trumpeta, kag mga budyong. Kag maghinugyaw kamo sa kalipay sa presensya sang Ginoo nga aton Hari. Magkanta kamo sang mga pagdayaw sa Ginoo nga ginatukaran sang mga arpa, mga trumpeta, kag mga budyong. Kag maghinugyaw kamo sa kalipay sa presensya sang Ginoo nga aton Hari. Magkalipay ang kalibutan kag ang tanan nga nagapuyo sa iya, pati na ang dagat kag ang tanan nga ara sa iya. Magpalakpak ang mga suba kag magdulungan kanta sa kalipay ang mga bukid.

Ang Dios Balaan nga Hari Nagahari ang Ginoo kag nagapungko sa tunga sang mga kerubin. Gani nagakurog ang mga tawo sa pagtahod sa iya kag nagatay-og ang kalibutan. Gamhanan ang Ginoo sa Zion; nagagahom siya sa tanan nga katawhan. Magadayaw ang mga tawo sa iya tungod kay gamhanan kag makatilingala siya. Balaan siya! Gamhanan siya nga Hari, kag luyag niya ang hustisya. Wala siya sing may pinilian sa iya paghukom kag matarong kag husto ang iya ginahimo sa Israel. Dayawa ang Ginoo nga aton Dios. Simbaha siya sa iya templo. Balaan siya!

Dayawa ang Ginoo nga aton Dios. Simbaha siya sa iya balaan nga bukid, kay balaan ang Ginoo nga aton Dios.

Kanta sa Pagdayaw Kamo nga mga katawhan sa bug-os nga kalibutan, maghinugyaw kamo sa Ginoo sa kalipay. Alagara ninyo ang Ginoo nga may kalipay. Magpalapit kamo sa iya nga nagakanta sa kalipay. Kilalaha ninyo nga ang Ginoo amo ang Dios! Siya ang naghimo sa aton kag iya kita. Iya kita katawhan nga ginaatipan niya pareho sa mga karnero. Magsulod kamo sa iya templo nga may pagdayaw kag pagpasalamat. Dayawa ninyo siya kag pasalamati. Kay maayo ang Ginoo; ang iya gugma wala sing katapusan, kag ang iya katutom nagapadayon hasta san-o.

Ang Promisa sang Hari Ginoo, magakanta ako parte sa imo gugma kag hustisya. Magakanta ako sang mga pagdayaw sa imo.

Ang mga nasyon magatahod sa Ginoo; ang tanan nga hari sa kalibutan magatahod sa iya nga gamhanan nga presensya. Kay patindugon liwat sang Ginoo ang Zion; ipakita niya ang iya gamhanan nga presensya.

Sang una gintuga mo ang kalibutan kag ang kalangitan. Ini sila magakalawala, pero ikaw magapadayon sa gihapon. Magagabok sila tanan pareho sa bayo. Kag pareho man sa bayo, ilisan mo sila kag mawala sila. Pero ikaw iya amo lang sa gihapon; wala ka sing katapusan.

Ang Gugma sang Dios Dapat dayawon ko gid ang Ginoo. Dayawon ko ang iya pagkabalaan sa bug-os ko nga kabuhi. Dapat dayawon ko gid ang Ginoo, kag dapat indi ko pagkalimtan kon ano ang iya kaayo.

Ginbutang sang Ginoo ang iya trono sa langit, kag nagahari siya sa tanan.

Dayawa ninyo ang Ginoo, kamo nga gamhanan niya nga mga anghel nga nagapamati kag nagatuman sang iya mga pulong. Dayawa ninyo ang Ginoo, tanan kamo nga iya langitnon nga mga tinuga nga nagaalagad sa iya kag nagatuman sang iya kabubut-on. Dayawa ninyo ang Ginoo, tanan kamo nga iya mga tinuga sa tanan nga lugar nga iya ginagamhan. Dapat dayawon ko gid ang Ginoo.

Pagdayaw sa Dios nga Manunuga Dapat dayawon ko gid ang Ginoo. Ginoo nga akon Dios, gamhanan ka gid. Ang imo pagkadungganon kag pagkahalangdon daw amo ang imo bayo. Ginatabunan mo ang imo kaugalingon sang kasanag nga daw sa bayo kag ginahumlad mo ang langit nga daw sa tolda.

Ginoo, kadamo sang imo mga ginhimo. Ginhimo mo sila tanan suno sa imo nga kaalam. Ang kalibutan puno sang imo mga ginhimo. Ang dagat puwerte kalapad, kag may madamo ini nga mga tinuga nga indi maisip, dalagko kag magagmay.

Kabay pa nga ang imo gahom, Ginoo, magapadayon sa wala sing katapusan. Kabay pa nga magkalipay ka sa imo mga ginhimo. Kon tulukon mo ang kalibutan, nagatay-og ini. Kon tandugon mo ang mga bukid, nagaaso ini. Magakanta ako sa Ginoo sa bug-os ko nga kabuhi. Magakanta ako sang mga pagdayaw sa akon Dios samtang nagakabuhi ako. Kabay pa nga malipay siya sa akon pagpamalandong. Magakalipay ako sa Ginoo; pero ang mga malaot kag makasasala laglagon sa kalibutan kag indi na sila makita pa. Dapat dayawon ko gid ang Ginoo. Dayawa ang Ginoo!

Ang Dios kag ang Iya Katawhan Pasalamati ninyo ang Ginoo; simbaha ninyo siya! Isugid sa mga katawhan ang iya mga binuhatan. Kantahi ninyo siya sang mga pagdayaw; isugid ang tanan nga makatilingala niya nga mga binuhatan. Dayawa ninyo ang iya pagkabalaan. Magkalipay kamo nga mga nagadangop sa iya. Magsalig kamo sa Ginoo kag sa iya nga kusog. Magdangop kamo permi sa iya. Kamo nga mga pinili sang Dios kag mga kaliwat ni Abraham nga alagad sang Dios, kag mga kaliwat man ni Jacob, dumduma ninyo ang iya makatilingala nga mga binuhatan, ang iya mga milagro, kag ang iya mga paghukom.

Ang Kaayo sang Dios sa Iya Katawhan Dayawa ang Ginoo! Pasalamati siya kay maayo siya; ang iya gugma wala sing katapusan. Wala sing may makasugid ukon makadayaw sing bug-os sang gamhanan nga mga binuhatan sang Ginoo.

Luwasa kami, Ginoo nga amon Dios, kag tipuna kami liwat sa amon duta halin sa mga nasyon, agod makapasalamat kami kag makadayaw sa imo pagkabalaan. Dalayawon ang Ginoo, ang Dios sang Israel, sa wala sing katapusan. Ang tanan nga katawhan magsabat sang, “Amen!” Dayawa ang Ginoo!

Pagdayaw sa Kaayo sang Dios Pasalamati ang Ginoo, kay maayo siya; ang iya gugma wala sing katapusan.

Dapat nga padunggan nila ang Dios sa ila pagtililipon kag dayawon man nila siya sa pagtililipon sang ila mga manugdumala.

Pangamuyo para sa Bulig sang Dios O Dios, nagasalig gid ako sa imo. Kantahan ko ikaw sang mga pagdayaw sa bug-os ko nga tagipusuon. Magabugtaw ako samtang nagapamanagbanag, kag ihanda ko ang akon mga instrumento nga may mga kuwerdas sa pagdayaw sa imo. Ginoo, dayawon ko ikaw sa tunga sang mga katawhan. Kantahan ko ikaw sa tunga sang mga taga-iban nga nasyon. Kay ang imo gugma kag katutom indi gid matakos; mas mataas pa ini sa kalangitan. Ipakita, O Dios, ang imo pagkagamhanan sa kalangitan kag sa bug-os nga kalibutan.

Pasalamatan ko gid ang Ginoo; dayawon ko siya sa atubangan sang madamo nga katawhan.

Pagdayaw sa Dios Dayawa ang Ginoo! Pasalamatan ko ang Ginoo sa bug-os ko nga tagipusuon sa pagtililipon sang matarong nga mga tawo. Gamhanan ang mga binuhatan sang Ginoo; ginapamalandungan ini sang tanan nga naluyag sini. Gamhanan kag halangdon ang mga binuhatan sang Dios, kag ang iya pagkamatarong nagapadayon sa wala sing katapusan.

Ginluwas niya ang iya katawhan, kag naghimo siya sang kasugtanan sa ila nga wala sing katapusan. Balaan siya kag makatilingala. Kon ang isa ka tawo gusto nga magmaalam, dapat magtahod siya sa Ginoo. Ang tanan nga nagatuman sang iya mga sugo may husto nga paghangop. Dalayawon siya sa wala sing katapusan.

Pagdayaw sa Kaayo sang Ginoo Dayawa ang Ginoo! Kamo nga mga katawhan sang Ginoo nga iya mga alagad, dayawa ninyo siya! Kabay pa nga dayawon siya subong kag hasta san-o. Halin sa sidlangan hasta sa nakatundan ang tanan nga tawo magdayaw sa Ginoo.

Magagahom ang Ginoo sa tanan nga nasyon, ang iya pagkagamhanan indi matupungan. Wala gid sing pareho sa Ginoo nga aton Dios nga nagapungko sa iya trono didto sa kahitaasan. Nagaduko siya sa pagtulok sa kalangitan kag sa kalibutan.

Isa lang gid ang Matuod nga Dios Ginoo, indi kami ang dapat padunggan kundi ikaw, tungod sang imo gugma kag katutom.

kundi kita nga mga buhi amo ang magadayaw sa iya subong kag hasta san-o. Dayawa ang Ginoo!

Magasimba ako sa imo kag magahalad ako sang halad nga bilang pagpasalamat sa imo. Tumanon ko ang akon mga promisa sa imo sa presensya sang tanan mo nga katawhan didto sa lagwerta sang imo templo sa Jerusalem. Dayawa ang Ginoo!

Pagdayaw sa Ginoo Tanan kamo nga nasyon, dayawa ninyo ang Ginoo! Tanan kamo nga katawhan, padunggi ninyo siya! Kay dako gid ang gugma sang Ginoo sa aton, kag ang iya katutom wala sing katapusan. Dayawa ang Ginoo!

Magsiling ang mga nagatahod sa Ginoo, “Ang iya gugma wala sing katapusan.”

Pamatii ang paghinugyaw sang katawhan sang Dios sa ila mga tolda tungod sang ila pagdaog: “Ini nga kadaugan ginhimo sang Ginoo paagi sa iya gahom! Ang gahom sang Ginoo amo ang nagpadaog sa aton!”

Magapasalamat ako sa imo, Ginoo, kay ginsabat mo ang akon pangamuyo. Ikaw ang nagluwas sa akon. Ang bato nga ginsikway sang mga panday amo ang nangin pundasyon nga bato. Ang Ginoo ang naghimo sini kag makatilingala ini sa aton. Amo ini ang adlaw nga ginpadaog kita sang Ginoo, gani magkalipay kag magsinadya kita.

Ginoo, ikaw ang akon Dios; nagapasalamat ako kag nagadayaw sa imo. Pasalamati ang Ginoo, kay maayo siya; ang iya gugma wala sing katapusan.

Dayawon ko ikaw nga may matinlo nga tagipusuon samtang nagatuon ako sang imo matarong nga mga sugo.

Bisan pa sa tungang gab-i nagamata ako sa pagpasalamat sa imo tungod sang imo matarong nga mga sugo.

Makapila ako magdayaw sa imo sa isa ka adlaw, tungod sang imo matarong nga mga sugo.

Magadayaw ako permi sa imo, kay gintudluan mo ako sang imo mga pagsulundan.

Dayon nagsiling kami, “Makadto kita sa templo sang Ginoo kag magsimba sa atubangan sang iya trono.”

Bayawa ninyo ang inyo mga kamot sa inyo pagpangamuyo sa sulod sang templo kag dayawa ninyo ang Ginoo.

Kanta sa Pagdayaw Dayawa ang Ginoo! Dayawa ninyo siya, kamo nga iya mga alagad nga nagaalagad sa templo sang Ginoo nga aton Dios. Dayawa ang Ginoo kay maayo siya. Magkanta kamo sang pagdayaw sa iya kay maayo ina nga himuon.

Dayawa ang Ginoo nga ara sa Zion, ang siyudad sang Jerusalem nga iya puluy-an. Dayawa ang Ginoo!

Pasalamati ang Dios nga labaw sa tanan nga dios. Ang iya gugma wala sing katapusan. Pasalamati ang Ginoo nga labaw sa tanan nga ginoo. Ang iya gugma wala sing katapusan.

Pasalamati ang Dios sang langit. Ang iya gugma wala sing katapusan.

Pagpasalamat sa Dios Magapasalamat ako sa imo, Ginoo, sa bug-os ko nga tagipusuon. Magakanta ako sang mga pagdayaw sa imo sa atubangan sang mga dios. Magaluhod ako nga nagaatubang sa imo templo kag magadayaw sa imo tungod sang imo gugma kag katutom. Kay ginpakita mo nga labaw ka kag ang imo pulong sa tanan nga butang. Sang magpanawag ako sa imo, ginsabat mo ako; ginpabakod mo ako paagi sa imo kusog. Magadayaw sa imo, Ginoo, ang tanan nga hari sa bug-os nga kalibutan kay mabatian nila ang imo pulong. Magakanta sila parte sa imo mga ginhimo, kay dako ang imo gahom.

Ginadayaw ko ikaw kay makatilingala gid ang paghimo mo sa akon. Makatilingala ang imo mga binuhatan, kag nahibaluan ko gid ina.

Ginabayaw ko ang akon mga kamot sa imo sa akon pagpangamuyo; nauhaw ako sa imo pareho sa mamala nga duta nga nauhaw sa tubig.

Kantahan ko ikaw, O Dios, sang bag-o nga kanta nga ginatukaran sang arpa.

Kanta sa Pagdayaw Dayawon ko ikaw, akon Dios nga Hari. Dayawon ko ikaw sa wala sing katapusan. Adlaw-adlaw dayawon ko ikaw, kag himuon ko ina sa wala sing katapusan. Gamhanan ka, Ginoo, kag takos gid nga dayawon. Ang imo pagkagamhanan indi gid matungkad. Ang kada henerasyon magasugid sa masunod nga henerasyon sang imo gamhanan nga mga binuhatan. Pamalandungan ko ang imo pagkahalangdon kag pagkagamhanan, kag ang imo makatilingala nga mga binuhatan. Ipanugid sang mga tawo ang pagkagamhanan sang imo makatilingala nga mga binuhatan, kag ibantala ko man ang imo pagkagamhanan. Ipanugid nila ang pagkabantog sang imo dako nga kaayo, kag magakanta sila parte sa imo pagkamatarong.

Pasalamatan ka, Ginoo, sang tanan mo nga ginhimo; dayawon ka sang imo matutom nga katawhan. Ipanugid nila ang pagkagamhanan sang imo paghari kag ang imo gahom, agod mahibaluan sang tanan nga katawhan ang imo gamhanan nga mga binuhatan kag ang pagkagamhanan sang imo paghari. Ang imo paghari wala sing katapusan. Matutom ka gid, Ginoo, sa imo mga promisa, kag mahigugmaon ka sa tanan mo nga ginhimo.

Dayawon ko ikaw, Ginoo. Ang tanan nga tinuga magdayaw sa imo sa wala sing katapusan.

Pagdayaw sa Dios nga Manluluwas Dayawa ang Ginoo! Dapat dayawon ko gid ang Ginoo. Dayawon ko siya sa bug-os ko nga kabuhi. Kantahan ko ang akon Dios sang mga pagdayaw samtang nagakabuhi ako.

Mga pumuluyo sang Zion, ang Ginoo nga inyo Dios nagahari sa wala sing katapusan! Dayawa ang Ginoo!

Pagdayaw sa Dios nga Makagagahom Dayawa ang Ginoo! Daw ano kanami ang magkanta sang mga pagdayaw sa aton Dios. Maayo gid kag nagakabagay nga dayawon siya.

Ginpat-od niya ang kadamuon sang mga bituon kag ginhatagan niya ang kada isa sa ila sang ngalan. Gamhanan gid ang aton Ginoo; ang iya kaalam wala sing limitasyon. Ginabuligan sang Ginoo ang mga kubos, pero ginalaglag niya sing bug-os ang mga malaot. Magkanta kamo nga may pagpasalamat sa Ginoo. Magtukar kamo sang arpa para sa aton Dios.

Ang Panawagan sa Pagdayaw sa Ginoo Dayawa ang Ginoo! Dayawa ninyo ang Ginoo, kamo nga ara sa kalangitan. Dayawa ninyo siya, tanan kamo nga iya mga anghel, nga iya mga soldado sa langit. Dayawa ninyo siya, adlaw, bulan, kag mga bituon. Dayawa ninyo siya, pinakamataas nga langit kag tubig sa ibabaw. Magdayaw sila tanan sa Ginoo! Kay sa iya pagmando, natuga sila tanan. Ginpahamtang niya sila sa ila mga lugar sa wala sing katapusan, kag wala sing may makalapas sini.

Dayawa ninyo ang Ginoo, kamo nga ara sa kalibutan, dalagko nga mga sapat sa kadagatan, kag tanan nga kadadalman sang dagat. Dayawa ninyo ang Ginoo, mga kilat, ulan nga yelo, mga panganod, kag mabaskog nga hangin nga nagatuman sa iya sugo. Dayawa ninyo ang Ginoo, mga bukid, mga kahoy nga nagapamunga ukon wala, tanan nga sapat: anta ukon indi, mga sapat nga nagakamang, kag mga nagalupad. Dayawa ninyo ang Ginoo, kamo nga mga hari, mga opisyal, mga manugdumala, kag tanan nga katawhan sa kalibutan; mga pamatan-on, mga tigulang kag mga bata. Magdayaw sila tanan sa Ginoo, kay labaw siya sa tanan. Mas gamhanan siya sang sa tanan nga ara sa kalangitan.

Ang Kanta sa Pagdayaw Dayawa ang Ginoo! Magkanta kamo sang bag-o nga kanta sa Ginoo. Dayawa siya sa pagtililipon sang iya matutom nga katawhan. Magkalipay ang mga taga-Israel tungod sang ila Manunuga. Magkinasadya ang katawhan sang Zion tungod sang ila Hari. Magdayaw sila sa iya nga may pagsinaot; kag magtukar sila sang tamborin kag mga arpa sa pagdayaw sa iya. Kay nagakalipay ang Ginoo sa iya katawhan; ginapadunggan niya sila nga mga kubos paagi sa pagpadaog sa ila. Magkalipay sila nga matutom sa iya tungod sang ila pagdaog; magkanta sila sa kalipay bisan sa ila mga hiligdaan. Magdayaw sila sing mabaskog sa Dios samtang nagauyat sila sang matalom nga mga espada,

Dayawa ang Ginoo Dayawa ang Ginoo! Dayawa ninyo ang Dios sa iya templo. Dayawa ninyo siya sa langit, ang iya malig-on nga lugar. Dayawa ninyo siya tungod sang iya gamhanan nga mga binuhatan. Dayawa ninyo siya tungod sang iya indi matupungan nga pagkagamhanan. Dayawa ninyo siya paagi sa pagpatunog sang mga budyong. Dayawa ninyo siya paagi sa mga arpa kag mga lira. Dayawa ninyo siya paagi sa mga tamborin kag pagsinaot. Dayawa ninyo siya paagi sa mga instrumento nga may mga kuwerdas kag mga plawta. Dayawa ninyo siya paagi sa matunog nga mga simbals. Ang tanan nga nagakabuhi magdayaw sa Ginoo. Dayawa ang Ginoo!

Kon gusto mo nga magmaalamon, dapat magtahod ka sa Ginoo. Kon ginakilala mo ang Balaan nga Dios, may pag-intiendi ka.

May tawo bala nga nakasaka sa langit kag nakapanaog sa kalibutan? May tawo bala nga nakadakop sang hangin ukon nakaputos sang tubig sa iya bayo? May tawo bala nga nakabutang sang mga dulunan sang kalibutan? Kon may kilala ka, sugiri ako sang iya ngalan kag sang ngalan sang iya mga anak.

Paligui ako sang mga halok, kay ang imo gugma mas matam-is pa sang sa bino. Mahamot gid ang imo mga pahamot, kag daw ano kanami sang imo ngalan. Indi makatilingala nga ang mga dalaga naluyag sa imo. Dal-a ako, kag magdali-dali kita lakat. Ikaw ang hari ko. Dal-a ako sa imo kuwarto. Mga Babayi sang Jerusalem Nagakalipay gid kami sa imo! Mas gusto namon ang imo gugma sang sa bino. Babayi Dapat lang nga maluyag sila sa imo!

Sin-o bala ining nagapadulong halin sa kamingawan nga daw sa madamol nga aso nga may kahamot sang mira kag insenso—mga pahamot nga ginabaligya sang negosyante?

Kamo nga amihan kag habagat nga hangin, maghuyop kamo sa akon katamnan agod maglapta ang kahamot sini. Pakadtua ang akon hinigugma sa iya katamnan kag magkaon sang pinakamaayo nga mga bunga sini. Lalaki

Mga Israelinhon, magpalagyo kamo pakadto sa mga kuweba ukon sa mga buho agod magpanago sa kaakig sang Ginoo kag sa iya puwerte nga gahom.

Magapalagyo ang mga tawo pakadto sa mga kuweba sa banglid kag sa mga buho sa duta agod magpanago sa kaakig sang Ginoo kag sa iya puwerte nga gahom kon uyugon na niya ang kalibutan.

Magapalagyo sila pakadto sa mga kuweba sa banglid kag sa dalagko nga mga bato agod magpanago sa kaakig sang Ginoo kag sa iya gahom kon uyugon na niya ang kalibutan.

Dayon magatuga ang Ginoo sang panganod nga magahandong sa Jerusalem kag sa mga nagatipon didto. Kag magatuga man siya sang nagadabadaba nga kalayo nga magapasanag kon gab-i. Magatabon ini sila sa Jerusalem pareho sa isa ka malapad nga tolda.

Pero ang Ginoo iya nga Makagagahom pagadayawon sa iya nga paghukom. Paagi sa iya matarong nga paghukom, ginapakita niya nga balaan siya nga Dios.

Ang Pagtawag Kay Isaias Sang tuig nga napatay si Haring Uzia, nakita ko ang Ginoo nga nagapungko sa mataas gid nga trono. Ang iya malaba nga bayo naglikop sa templo. May mga langitnon nga tinuga sa iya uluhan. Ang kada isa sini may anom ka pakpak: ang duha ka pakpak nagatabon sa ila guya, ang duha nagatabon sa ila mga tiil, kag ang duha pa ginagamit nila sa paglupad. Nagasiling sila sa isa kag isa: “Balaan, balaan, balaan ang Ginoo nga Makagagahom! Ang iya gamhanan nga presensya nagalikop sa bug-os nga kalibutan.” Sa ila nga tingog, nag-uyog ang mga pundasyon sang templo kag napuno sang aso ang templo. Nagsiling ako, “Kaluluoy ako! Sigurado gid nga laglagon ako, tungod kay malaot ang akon ginapanghambal kag nagapuyo ako kaupod sa mga tawo nga malaot man ang ila ginapanghambal. Kag karon, nakita ko gid ang Hari, ang Ginoo nga Makagagahom.”

Magakalipay pa gid sila kay matawo ang isa ka bata nga lalaki kag magahari siya sa amon. Pagatawgon siya, “Makatilingala nga Manuglaygay, Makagagahom nga Dios, Wala sing Katapusan nga Amay, kag Pangulo nga Nagapaluntad sang Kalinong!” Wala sing katapusan ang pag-uswag sang iya pagdumala, kag permi lang ini may kalinong. Magapanubli siya sang ginharian ni David. Palig-unon niya ini kag pagaharian nga may hustisya kag pagkamatarong sa wala sing katapusan. Siguraduhon gid sang Ginoo nga Makagagahom nga matuman ini.

Magagahom sa iya ang Espiritu sang Ginoo sa paghatag sa iya sang kaalam, pag-intiendi, abilidad sa pagplano, gahom, ihibalo, kag pagtahod sa Ginoo.

Pag-abot sang sina nga adlaw, magakanta kamo: “Dayawa ninyo ang Ginoo! Simbaha ninyo siya! Isugid sa mga katawhan ang iya mga binuhatan. Ipanugid ninyo nga dalayawon siya. Kantahi ninyo ang Ginoo tungod kay makatilingala ang iya mga ginhimo. Ipahibalo ninyo ini sa bug-os nga kalibutan. Maghinugyaw kamo kag magkanta sa kalipay, kamo nga katawhan sang Jerusalem. Kay gamhanan ang Balaan nga Dios sang Israel nga inyo kaupod.”

Sa sina nga adlaw, magadangop ang mga tawo sa nagtuga sa ila, sa Balaan nga Dios sang Israel.

Ang mga tawo nga magkalabilin magahinugyaw sa kalipay. Ang ara sa nakatundan magabantala sang pagkagamhanan sang Ginoo. Gani ang mga tawo sa sidlangan kag sa mga lugar nga malapit sa dagat dapat magdayaw sa Ginoo, ang Dios sang Israel.

Dalayawon ang Dios Ginoo, ikaw ang akon Dios! Dayawon kag padunggan ko ikaw, kay makatilingala gid ang imo mga ginhimo. Gintuman mo gid ang imo mga ginplano sang una nga panahon. Gin-guba mo ang napaderan nga mga banwa sang mga taga-iban nga nasyon. Ginwasak mo ang mabakod nga mga parte sang ila mga banwa, kag indi na ini mapatindog liwat. Gani padunggan ka sang gamhanan nga mga katawhan, kag tahuron sang mapintas nga mga nasyon.

“Magsalig kamo permi sa Ginoo kay ang Ginoo amo ang aton palalipdan nga bato hasta san-o.

Sa sina nga tion, ang Ginoo nga Makagagahom mangin pareho sa matahom nga korokorona nga bulak sa iya nagkalabilin nga mga katawhan.

Pero kamo nga katawhan sang Dios magakanta pareho sang ginahimo ninyo sa gab-i nga nagasaulog kamo sang piesta sa pagpadungog sa Ginoo. Magakalipay kamo pareho sang mga tawo nga nagamartsa sa tunog sang plawta samtang nagapakadto sila sa Bukid sang Ginoo sa pagsimba sa iya nga amo ang palalipdan nga bato sang Israel. Ipabati sang Ginoo ang iya nagadaguhob nga tingog, kag ipakita niya ang iya kamot nga handa na nga magsilot sa sobra nga kaakig. Pagaupdan ini sang nagadabadaba nga kalayo, hinali nga pagbukbok sang ulan, daguob kag pangilat, kag pag-ulan sang yelo nga daw mga bato.

Mga Israelinhon, makita ninyo ang isa ka hari nga gamhanan, nga ang iya ginharian puwerte kalapad.

Himuon ini sang Ginoo tungod kay siya amo ang aton manughukom, manughimo sang kasuguan, kag hari. Siya ang magaluwas sa aton.

Ini sila magabalik sa Jerusalem nga nagakinanta. Magakalipay gid sila permi; madula na ang ila mga kasubo kag paghibi.

Ginoo, ikaw ang akon manluluwas, gani sa bug-os namon nga kabuhi, magakanta kami sa imo templo nga nagatukar sang mga instrumento.

Dayon igapahayag ang gamhanan nga presensya sang Ginoo, kag makita ini sang tanan nga katawhan. Matabo gid ini, kay ang Ginoo mismo ang nagsiling sini.”

Sin-o bala ang makasukob sang tubig sa dagat paagi sa iya kamot, ukon makatakos sang langit paagi sa iya pagdangaw sini? Sin-o bala ang makasulod sang tanan nga duta sa suludlan ukon makakilo sang mga bukid?

Wala bala kamo makahibalo ukon makabati? Wala bala sing may nagsugid sa inyo halin sang una kon paano ginhimo ang kalibutan? Ginhimo ini sang Dios nga nagapungko sa trono sa ibabaw sang kalibutan, kag ang katawhan sa idalom daw pareho lang kagagmay sa mga tibakla sa iya panulok. Ginhumlad niya ang langit nga daw sa kurtina. Ginhumlad niya ini nga daw sa tolda agod puy-an. Ginakuhaan niya sang gahom ang mga pangulo sa kalibutan kag ginpakawalay pulos sila.

Tangla kamo sa langit! Sin-o bala ang nagtuga sinang mga bituon? Ang nagtuga sina amo ang Dios nga nagapaguwa sa kada isa sa ila samtang ginatawag niya sila sa ila mga ngalan. Sa iya pagkagamhanan wala sing isa sa ila nga nadula.

Wala bala kamo makahibalo ukon makabati nga ang Ginoo amo ang wala sing katapusan nga Dios nga nagtuga sang bug-os nga kalibutan? Wala siya ginakapoy ukon nagakaluya, kag wala sing may makatungkad sang iya hunahuna.

Pahanginan mo sila kag mapalid sila; laptahon sila sang buhawi. Pero ikaw magakalipay sa Ginoo; magadayaw ka sa Balaan nga Dios sang Israel.

Ako ang Ginoo, amo ina ang akon ngalan! Indi ko pag-ihatag ang akon kadungganan sa kay bisan sin-o ukon ang pagdayaw nga para sa akon sa mga dios-dios. Ang akon mga gintagna natuman, kag karon ipahayag ko ang mga bag-o nga mga butang antes ini matabo.” Kanta sa Pagdayaw sa Dios Magkanta kamo sang bag-o nga kanta sa Ginoo! Magkanta kamo sang mga pagdayaw sa iya, bisan kamo nga ara sa pinakamalayo nga parte sang kalibutan. Dayawa ninyo siya, kamo nga nagapanakayon kag tanan kamo nga mga tinuga sa dagat, kag kamo nga nagaestar sa malayo nga mga lugar. Dayawa ninyo siya, kamo nga ara sa mga banwa sang kamingawan kag kamo nga mga pumuluyo sang Kedar. Magkanta kamo sa kalipay, kamo nga katawhan sang Sela. Maghinugyaw kamo sa putokputokan sang mga bukid. Padunggi ninyo kag dayawa ang Ginoo, kamo nga ara sa malayo nga mga lugar.

Sila ang mga katawhan nga akon gintawag; gintuga ko sila para sa akon kadungganan.”

Mga katawhan sang Israel, kamo ang akon mga saksi. Ginpili ko kamo nga akon alagad agod makilala ninyo ako kag magtuo kamo sa akon, kag maintiendihan ninyo nga ako lang ang Dios. Wala na sing iban pa nga Dios nga nag-una sa akon ukon magsunod pa sa akon. Ako lang gid ang Ginoo kag luwas sa akon wala na sing iban pa nga Manluluwas.

Ako ang Ginoo, ang inyo Balaan nga Dios, ang manunuga sang Israel, ang inyo Hari.

Sila ang katawhan nga akon gintuga para mangin akon, kag para magdayaw sa akon.

Wala sing Pulos ang mga Dios-dios “Amo ini ang ginasiling sang Ginoo, ang Hari kag Manluluwas sang Israel, ang Makagagahom nga Ginoo: Ako amo ang ginsuguran kag ang katapusan sang tanan. Luwas sa akon wala na sing iban pa nga Dios.

Magkanta ka sa kalipay, O kalangitan! Singgit sing matunog, O kalibutan! Magkanta kamo nga mga bukid, kag mga kahoy sa kagulangan. Kay himuon gid ini sang Ginoo. Luwason niya ang mga kaliwat ni Jacob; ipakita niya ang iya pagkagamhanan sa Israel.

Ako amo ang Ginoo, kag wala na sing iban pa; luwas sa akon wala na sing iban pa nga Dios. Hatagan ko ikaw sang kusog bisan wala ka makakilala sa akon, agod ang mga katawhan sa bug-os nga kalibutan makahibalo nga wala na sing iban pa nga Dios luwas sa akon. Ako amo ang Ginoo, kag wala na sing iban pa. Ako ang naghimo sang kasanag kag sang kadulom. Ako ang nagadala sang kaayuhan kag sang katalagman. Ako, ang Ginoo, ang naghimo sini tanan.

Ikaw, Ginoo, amo ang Dios. Gintuga mo ang kalangitan kag ang kalibutan. Wala mo ginhimo ang kalibutan nga mahawan, kundi ginhimo mo ini agod puy-an. Nagasiling ka, “Ako amo ang Ginoo, kag wala na sing iban pa.

“Magdangop kamo sa akon, tanan kamo sa bug-os nga kalibutan, agod maluwas kamo, kay ako Dios, kag wala na sing iban pa. Nagsumpa ako sa akon kaugalingon, kag ang akon mga ginpanghambal masaligan kag indi na maliwat: Magaluhod ang tanan nga tawo sa akon kag magasumpa sila nga magaunong sila sa akon.

Dumduma man ninyo ang akon mga ginhimo sang una nga panahon. Ako lang ang Dios, kag wala na sing iban pa nga pareho sa akon. Sa umpisa pa lang ginpahayag ko na ang palaabuton. Halin sang una, gintagna ko na kon ano ang matabo. Matuman gid ang akon mga plano; himuon ko ang tanan nga akon nagustuhan.

Ang aton Manluluwas, nga ang iya ngalan Ginoo nga Makagagahom, amo ang Balaan nga Dios sang Israel.

“Pamati kamo sa akon, kamo nga taga-Israel nga akon ginpili. Ako ang Dios; ako ang ginsuguran kag ang katapusan sang tanan. Ako mismo ang nagbutang sang pundasyon sang kalibutan kag naghumlad sang kalangitan. Kon magmando ako sa ila, ginatuman nila.

Nagsiling ang Ginoo, ang Manluluwas kag Balaan nga Dios sang Israel, sa tawo nga ginatamay kag ginakangil-aran sang mga nasyon, kag alagad sang mga pangulo, “Makita sang mga hari kon sin-o ka gid kag magatindog sila sa pagtahod sa imo. Ang mga pangulo magasaludo sa pagpadungog sa imo. Matabo ini tungod sa akon, ang Ginoo nga matutom, ang Balaan nga Dios sang Israel. Ako ang nagpili sa imo.”

Magkanta ka sa kalipay, O kalangitan! Magkalipay ka O kalibutan! Magkanta kamo nga mga bukid! Kay kaluoyan kag lipayon sang Ginoo ang iya katawhan nga nagaantos.

Magasinggit sa kalipay ang mga guwardya sang siyudad kay makita gid nila ang pagbalik sang Ginoo sa Jerusalem. Magsinggit sa kalipay ang Jerusalem nga naguba, kay lipayon kag pabaskugon sang Ginoo ang iya katawhan. Luwason niya ang Jerusalem!

Kay ako nga imo Manunuga mangin pareho sa isa ka bana sa imo. Makagagahom nga Ginoo ang akon ngalan. Ako, ang Balaan nga Dios sang Israel, amo ang imo Manluluwas. Ginatawag ako nga “Dios sang bug-os nga kalibutan”.

“Mga Israelinhon, magahalin kamo sa Babilonia nga malipayon, kag pagatuytuyan ko kamo nga indi kamo maano. Daw sa magakanta sa kalipay ang mga bukid, kag daw sa magapalakpak ang tanan nga kakahuyan.

Amo pa gid ini ang ginasiling sang Labing Mataas nga Dios, ang Balaan nga Dios nga nagakabuhi sa wala sing katapusan: “Nagapuyo ako sa mataas kag balaan nga lugar, pero nagapuyo man ako upod sa mga tawo nga mapainubuson kag mahinulsulon, agod mapabaskog ko sila.

“Ang adlaw kag ang bulan indi na mangin kasanag sa imo kon adlaw kag gab-i, kay ako, ang Ginoo, amo na ang imo kasanag sa wala sing katapusan. Ako nga imo Dios amo na ang imo katahom. Ako ang imo mangin adlaw kag bulan nga indi na magsalop; ako ang imo kasanag sa wala sing katapusan. Kag mauntat na ang imo mga pag-antos. Ang tanan mo nga katawhan mangin matarong, kag panag-iyahan nila ang duta sang Israel hasta san-o. Ginhimo ko sila; pareho sila sa tanom nga akon gintanom para sa akon kadungganan.

Ginpadala man niya ako sa pagbantala nga amo na ini ang tion nga luwason sang Ginoo ang iya katawhan kag silutan ang ila mga kaaway. Ginpadala pa niya ako sa paglipay sa mga nagapangasubo sa Jerusalem, agod imbes nga magbutang sila sang abo sa ila ulo sa pagpakita nga nagapangasubo sila, magbutang sila sang korokorona nga bulak sa ila ulo ukon haplasan nila sang lana ang ila ulo, sa pagpakita nga malipayon sila. Mangin pareho sila sa mabakod nga kahoy nga terebinto, nga gintanom sang Ginoo. Pagatawgon sila nga mga matarong para sa kadungganan sang Ginoo.

Diin na bala ang Ginoo nga naghatag sang gahom kay Moises, kag nagpihak sang dagat sa aton atubangan, agod mabantog siya sa wala sing katapusan.

Kay ikaw ang amon Amay bisan indi kami pagkilalahon ni Abraham kag ni Jacob nga ila mga kaliwat. Huo, ikaw, Ginoo, ang amon Amay. Ikaw ang amon Manluluwas halin pa sang una.

Pero sa gihapon ikaw ang amon Amay, Ginoo. Pareho ka sa manughimo sang kolon, kag kami pareho sa lunang. Ikaw ang naghimo sa amon tanan.

Hukman sang Dios ang mga Nasyon Amo ini ang ginasilling sang Ginoo: “Ang langit amo ang akon trono, kag ang duta amo ang tulungtungan sang akon mga tiil. Gani ano nga klase sang balay ang patindugon ninyo para sa akon? Diin bala ang lugar nga inyo papahuwayan sa akon?

Nagsiling pa ang Ginoo, “Subong nga ang bag-o nga langit kag ang bag-o nga duta nga akon himuon magapadayon hasta san-o, ang inyo mga kaliwat magapadayon man hasta san-o, kag indi gid kamo malipatan. Sa kada umpisa sang bulan kag sa kada Adlaw nga Inugpahuway magasimba ang tanan nga tawo sa akon. Ako, ang Ginoo, ang nagasiling sini.

Ako, ang Ginoo, nagasiling: Wala bala kamo sang kahadlok sa akon? Ti ngaa wala kamo nagakurog sa akon atubangan? Ginhimo ko ang baybayon nga dulunan sang dagat. Ini permanente nga dulunan nga indi malapawan. Mahampak ini sang mga balod pero indi nila ini malapawan.

Pero ang Ginoo amo ang matuod nga Dios. Siya ang buhi nga Dios kag wala sing katapusan nga Hari. Kon maakig siya, nagatay-og ang kalibutan kag wala sing nasyon nga makaagwanta sang iya kaakig.

Magkanta kita kag magdayaw sa Ginoo! Kay ginaluwas niya ang mga bululigan sa kamot sang malaot nga mga tawo.

Wala sing may makapanago sa sekreto nga mga lugar nga indi ko makita. Wala bala kamo kahibalo nga ara ako bisan diin sa langit kag sa duta? Ako, ang Ginoo, ang nagasiling sini.

Indi bala nga gamhanan ang akon pulong? Pareho ini sa kalayo nga makasunog ukon sa martilyo nga makadugmok sang bato.

Kon magadangop kamo sa akon sing tinagipusuon, buligan ko kamo.

“O Ginoong Dios, gintuga mo ang kalangitan kag ang kalibutan paagi sa imo puwerte nga gahom. Wala gid sing butang nga indi mo mahimo. Ginapakita mo ang imo gugma sa madamo nga mga henerasyon, pero ginasilutan mo man ang mga anak tungod sa sala sang ila mga ginikanan. Daw ano ikaw ka makagagahom nga Dios, nga ang ngalan Ginoo nga Makagagahom.

“Ako ang Ginoo, ang Dios sang tanan nga katawhan. May butang bala nga indi ko mahimo?

ang mga pagkinalipay kag pagkinasadya. Mabatian ang pagkinalipay sang bag-ong kasal, kag sang mga tawo nga nagadala sang mga halad sang pagpasalamat sa templo sang Ginoo. Magasiling sila, ‘Magpasalamat sa Ginoo nga Makagagahom, kay maayo gid siya. Ang iya gugma wala sing katapusan.’ Huo, magakinalipay ang mga tawo kay ibalik ko ang maayo nga kahimtangan sang sini nga duta pareho sang una. Ako, ang Ginoo, ang nagasiling sini.”

Magbangon kamo sa gab-i kag magpangayo sang bulig sa Ginoo. Ipautwas ang tanan ninyo nga balatyagon sa iya, nga daw sa nagabubo kamo sang tubig. Ibayaw ang inyo mga kamot sa pagpangamuyo para sa kabuhi sang inyo mga kabataan nga nagakalipong sa gutom sa mga karsada.

Buksan naton ang aton mga tagipusuon kag ibayaw ang aton mga kamot sa Dios sa langit kag magsiling,

O Ginoo, nagahari ka sa wala sing katapusan. Ang imo paghari nagapadayon hasta san-o.

Kon maglakat gani ang buhi nga mga tinuga, ang gahod sang ila mga pakpak daw sa huganas sang tubig, ukon daw sa tingog sang Makagagahom nga Dios, ukon daw sa ginahod sang madamo nga mga soldado. Kag kon magpundo sila, ginakipot nila ang ila mga pakpak. Samtang nagakipot ang ila mga pakpak, may tingog nga halin sa ibabaw sadtong nagatabon sa ila. Kag may ara didto nga daw sa trono nga hinimo halin sa mga bato nga safiro, kag may nagapungko sa sini nga trono nga daw sa tawo. Halin sa iya hawak paibabaw, pareho siya sang nagabadlak nga metal nga daw sa nagasiga nga kalayo. Kag halin sa iya hawak paidalom, pareho siya sang nagadabadaba nga kalayo, kag napalibutan siya sang kasanag nga puwerte ka silaw. Ang kasanag sa iya palibot daw sa balangaw sa panahon nga maulan. Pareho sadto ang gamhanan nga presensya sang Ginoo. Pagkakita ko sadto nagluhod ako kag may nabatian ako nga tingog nga nagapakighambal sa akon.

Dayon gin-alsa ako sang Espiritu, kag may nabatian ako sa akon likod nga tingog nga nagadaguhob nga nagasiling, “Dalayawon ang gamhanan nga presensya sang Ginoo sa langit!”

Gani nagkadto ako gilayon sa patag, kag nakita ko ang gamhanan nga presensya sang Ginoo nga pareho sang nakita ko sa higad sang Suba sang Kebar, kag nagluhod ako.

Dayon nakita ko didto ang gamhanan nga presensya sang Dios sang Israel, pareho sang nakita ko sa patag.

Dayon naghalin ang gamhanan nga presensya sang Ginoo sa ibabaw sang mga kerubin kag nagsaylo sa puwertahan sang templo. Ginlikupan sang panganod ang templo, kag ang lagwerta nagsanag tungod sa gamhanan nga presensya sang Ginoo. Ang huni sang mga pakpak sang mga kerubin pareho sa tingog sang Makagagahom nga Dios, kag mabatian ini hasta sa guwa nga lagwerta.

Dayon ang gamhanan nga presensya sang Ginoo naghalin sa puwertahan sang templo kag nagsaylo sa ibabaw sang mga kerubin. Kag samtang nagatan-aw ako, naglupad ang mga kerubin, kag nag-upod man sa ila ang mga rueda. Nagpundo sila sa sidlangan dampi nga puwertahan sang templo sang Ginoo, kag ang gamhanan nga presensya sang Dios sang Israel ara sa ibabaw nila.

Dayon naglupad ang mga kerubin upod ang mga rueda sa kilid nila, kag ang gamhanan nga presensya sang Dios sang Israel ara sa ibabaw nila. Dayon nagpaibabaw ang gamhanan nga presensya sang Ginoo halin sa siyudad, kag nagpundo sa bukid sa sidlangan sang siyudad.

Sa sini nga paagi ipakita ko ang akon pagkagamhanan kag pagkabalaan sa tanan nga nasyon. Dayon mahibaluan nila nga ako amo ang Ginoo.”

Kag didto nakita ko ang gamhanan nga presensya sang Dios sang Israel nga nagapadulong halin sa sidlangan. Ang tingog sang iya pag-abot daw sa huganas sang mabaskog nga tubig, kag ang duta nagabanaag sang iya gamhanan nga presensya. Ini nga palanan-awon nga akon nakita pareho man sadtong palanan-awon nga nakita ko sang ginlaglag sang Dios ang siyudad sang Jerusalem, kag pareho man sang palanan-awon nga nakita ko didto sa higad sang Suba sang Kebar. Pagkakita ko sadto, naghapa dayon ako sa duta. Dayon nagsulod ang gamhanan nga presensya sang Ginoo sa templo. Didto ini nag-agi sa alagyan sa sidlangan. Ginpabangon ako sang Espiritu kag gindala sa sulod nga lagwerta. Didto nakita ko nga ang templo nalikupan sang gamhanan nga presensya sang Ginoo. Samtang nagatindog ang tawo sa akon tupad, may nabatian ako nga tingog halin sa templo nga nagsiling sa akon, “Tawo, amo ini ang akon trono kag ang tulungtungan sang akon mga tiil. Diri ako magapuyo upod sa mga Israelinhon sa wala sing katapusan. Indi na gid liwat pagpakahuy-an sang mga Israelinhon ukon sang ila mga hari ang balaan ko nga ngalan paagi sa pagsimba sa mga dios-dios ukon sa pagsimba sa mga monumento sang ila mga hari nga nagkalamatay na.

Dayon gindala ako sang tawo sa atubangan sang templo. Didto kami nag-agi sa alagyan sa aminhan. Nakita ko didto ang gamhanan nga presensya sang Ginoo nga nagalikop sa iya templo, kag naghapa dayon ako.

Sadto nga gab-i, ginpahayag sang Dios kay Daniel ang damgo sang hari kag ang kahulugan sini paagi sa palanan-awon. Gindayaw dayon ni Daniel ang Dios sang langit. Nagsiling siya, “Ang Dios maalam kag gamhanan; dayawon naton siya sa wala sing katapusan. Siya ang nagabaylo sang mga panahon. Siya ang nagabuot kon sin-o ang magahari kag siya man ang nagailis sa ila. Siya ang nagahatag sang kaalam sa mga maalamon. Ginapahayag niya ang kahulugan sang madalom nga mga butang nga mabudlay intiendihon. Ara sa iya ang kasanag, kag kahibalo siya kon ano ang ara sa kadulom. Gani ginadayaw ko ikaw kag ginapasalamatan, O Dios sang akon mga katigulangan. Ikaw ang naghatag sa akon sang kaalam kag ikasarang. Kag ginhatag mo ang amon ginpangayo sa imo paagi sa pagpahayag mo sa amon sang kahulugan sang damgo sang hari.”

“Sa panahon sang sini nga mga pangulo, magatukod ang Dios sang langit sang isa ka ginharian nga indi gid mapukan hasta san-o. Indi gid ini madaog sang iban, kundi laglagon pa gani niya ang tanan nga ginharian kag magapabilin ini hasta san-o.

“Pagkatapos sang pito ka tuig, ako, si Nebucadnezar, nagdangop sa Dios, kag nagbalik ang akon maayo nga panghunahuna. Gani gindayaw ko kag ginpadunggan ang Labing Mataas nga Dios nga buhi sa wala sing katapusan. Nagsiling ako, ‘Ang iya paghari wala sing katapusan.

Gani karon ginadayaw ko kag ginapadunggan ang Hari sang langit, tungod kay husto kag matarong ang tanan niya nga ginahimo kag ginapaubos niya ang bisan sin-o nga nagapabugal.”

Dayon nakita ko nga may ginbutang nga mga trono, kag nagpungko sa iya trono ang Dios nga nagakabuhi halin pa sang una. Masilaw ang iya bayo kag buhok tungod sa kaputi. Nagadabadaba ang iya trono nga may mga rueda. Kag halin sa iya may nagailig nga kalayo. Linibo kag minilyon nga mga anghel ang nagaalagad sa iya. Handa na siya sa paghukom, gani ginbuksan ang mga libro nga basihan sang iya paghukom.

Dayon nakita ko ang daw sa tawo nga ginlikupan sang panganod. Nagpalapit siya sa Dios nga nagakabuhi halin pa sang una. Ginpadunggan siya kag ginhatagan sang awtoridad sa paghari, kag nag-alagad sa iya ang tanan nga tawo sa nagkalain-lain nga nasyon, lahi, kag lingguahe. Magapadayon ang iya paghari sa wala sing katapusan kag wala sing may makalaglag sini.

Pero ang mga balaan sang Labing Mataas nga Dios amo ang hatagan sang awtoridad sa paghari nga nagapadayon sa wala sing katapusan.”

Dayon ihatag sa balaan nga katawhan sang Labing Mataas nga Dios ang pagdumala kag paggahom sang mga ginharian sa bug-os nga kalibutan. Gani magahari sila hasta san-o, kag ang tanan nga mga ginharian magaalagad kag magatuman sa ila.

Magadumala ang ini nga pangulo kag tipigan niya ang katawhan sang Israel pareho sa isa ka manugbantay sang mga karnero. Himuon niya ini sa kusog kag sa gahom sang Ginoo nga iya Dios. Kag magakabuhi ang iya katawhan nga wala sing may ginakahadlukan tungod kay kilalahon sang mga tawo sa bug-os nga kalibutan ang iya pagkagamhanan.

Tungod sang iya presensya nagauyog ang kalibutan, pati na ang mga bukid, kag pati ang mga tawo sa kalibutan nagakurog.

Kay ang mga tawo sa kalibutan mapun-an sang ihibalo parte sa gahom sang Ginoo, subong nga ang dagat puno sang tubig.

“Ikaw ang Dios nga Balaan nga magaabot halin sa Teman kag sa Bukid sang Paran. Kag ang imo gahom makita sa kalangitan, kag tungod sini dayawon ka sang mga tawo sa kalibutan. Ang kasilaw sang imo pag-abot daw pareho sang adlaw; nagasilak ang imo mga kamot nga sa diin natago ang imo gahom.

Ang mga bukid daw pareho sa mga tawo nga nagkurog sang pagkakita nila sa imo. Nag-ulan sing mabaskog; naghuganas ang tubig sa dagat kag nagdalagko ang mga balod.

Tay-ugon ko ang tanan nga nasyon kag pagadal-on nila diri sa templo ang ila mga manggad, gani mapuno ang templo sang malahalon nga mga butang.

Nagsiling ang Ginoo nga siya mismo ang mangin pader nga kalayo nga magapalibot sa siyudad sang Jerusalem, kag siya ang mangin gahom sang sini nga siyudad.”

Dayon nagsiling siya sa akon, “Antes ko sabton ang imo pamangkot, pamatii ining mensahi sang Ginoo nga Makagagahom nga isugid mo kay Zerubabel: “Zerubabel, matapos mo ang pagpatindog sang templo indi paagi sa kusog ukon ikasarang sang tawo kundi paagi sa akon Espiritu.

Kag silinga siya nga ako, ang Ginoo nga Makagagahom, nagasiling, ‘Ang tawo nga ginatawag Sanga magauswag sa iya kahimtangan subong, kag patindugon niya liwat ang akon templo. Padunggan siya bilang hari kag magadumala siya. Ang pari magatindog sa kilid sang iya trono kag mangin maayo ang ila relasyon nga duha.’

Ang Magaabot nga Hari sang Jerusalem Nagsiling ang Ginoo, “Maghinugyaw kamo sa kalipay, kamo nga mga pumuluyo sang Zion, ang siyudad sang Jerusalem, kay ang inyo hari magaabot. Matarong siya kag madinalag-on. Mapainubuson siya, kag magaabot nga nagasakay sa tinday nga asno.

Sa sina nga adlaw, magatindog siya sa Bukid sang mga Olibo, sa sidlangan sang Jerusalem. Mapihak ang ini nga bukid halin sa sidlangan pakadto sa nakatundan. Ang katunga sang bukid maidog paaminhan kag ang katunga pa gid maidog pabagatnan, kag mangin malapad nga patag ang sa tunga sini.

Ang Ginoo ang mangin hari sang bug-os nga kalibutan. Siya lang ang kilalahon nga Dios kag wala na sing iban pa.

Dayon atong mga nagatahod sa Ginoo naghambalanay. Nagpamati sa ila ang Ginoo kag nabatian niya ang ila ginahambalan. Ginsulat ang ila mga ngalan sa libro nga ara sa atubangan sang Ginoo, agod madumduman niya sila nga nagatahod kag nagadumdom permi sa iya.

“Magabusong ang isa ka birhen kag magabata sing lalaki. Kag pagatawgon ang ini nga bata nga Emmanuel” (nga kon sayuron, “Ang Dios kaupod naton”).

Nagpamangkot sila, “Diin bala natawo ang hari sang mga Judio? Nakita namon ang iya bituon sa sidlangan, gani nagkadto kami diri sa pagsimba sa iya.”

Pagsulod nila sa balay, nakita nila ang bata kag ang iya iloy nga si Maria. Nagluhod sila kag nagsimba sa bata. Dayon ginbuksan nila ang ila dala, kag naghalad sila sa bata sang bulawan, insenso, kag pahamot nga mira.

Sang mabautisohan na si Jesus, nagtakas siya sa tubig. Dayon nag-abri ang langit kag nakita ni Jesus ang Espiritu sang Dios nga naghugpa sa iya pareho sang pating. Kag may tingog nga nabatian halin sa langit nga nagasiling, “Amo ini ang akon hinigugma nga Anak. Nalipay gid ako sa iya.”

Gani amo man ang inyo himuon. Pasigaha ninyo ang inyo suga sa mga tawo, agod makita nila ang inyo maayo nga mga binuhatan kag agod dayawon nila ang inyo Amay sa langit.”

Gani magpangamuyo kamo sing pareho sini: ‘Amay namon nga sa langit, kabay pa nga tahuron ka sang mga tawo. Kabay pa nga maghari ka diri sa amon. Kag subong nga ang imo kabubut-on ginatuman dira sa langit, kabay pa nga tumanon man diri sa kalibutan.

Indi mo kami pag-ipadaog sa mga pagsulay, kundi luwasa kami kay Satanas. [Tungod nga ikaw ang Hari, ang Makagagahom, kag ang Dalayawon sa wala sing katapusan. Amen.]’

Natingala gid ang iya mga sumulunod kag nagsiling sila, “Ano bala ini nga tawo nga bisan ang hangin kag ang mga balod nagatuman sa iya?”

Ang matuod may ari diri nga mas importante pa sa templo.

Ginsimba siya sang mga tawo sa sakayan nga nagasiling, “Matuod gid nga ikaw ang Anak sang Dios.”

Natingala gid ang mga tawo kay nakita nila nga ang mga apa makahambal na, maayo na ang kamot sang mga pingkaw, ang mga piang makalakat na kag ang mga bulag makakita na. Kag gindayaw nila ang Dios sang Israel.

Kay ako nga Anak sang Tawo magabalik diri sa kalibutan nga nagasilak sa gahom sang akon Amay, kag kaupod ko ang iya mga anghel. Dayon balusan ko ang tagsa-tagsa suno sa iya mga binuhatan.

Samtang nagatulok sila kay Jesus, nagbalhin ang iya dagway. Ang iya guya nagsilak pareho sang adlaw, kag ang iya bayo nagputi nga nagasilak.

Wala pa siya makatapos hambal ginlikupan sila sang masilaw nga panganod. Kag may nabatian sila nga tingog halin sa panganod nga nagasiling, “Amo ini ang akon hinigugma nga Anak. Nalipay gid ako sa iya. Pamatii ninyo siya!” Pagkabati sadto sang mga sumulunod, nagluhod sila sa tuman nga kahadlok.

Gintulok sila ni Jesus kag ginsilingan, “Kon sa tawo lang indi gid ini mahimo, pero kon sa Dios ang tanan nga butang mahimo.”

Nagsiling si Jesus sa ila, “Sa pagkamatuod, magaabot ang adlaw nga bag-uhon sang Dios ang kalibutan, kag ako nga Anak sang Tawo magapungko sa akon trono agod maghari. Sa sina nga adlaw, kamo nga nagsunod sa akon magapungko sa dose ka trono agod hukman ninyo ang dose ka tribo sang Israel.

“Sugiri ang mga pumuluyo sang Zion nga ang ila hari nagaabot na. Mapainubuson siya, kag nagaabot nga nagasakay sa tinday nga asno.”

Nagsinggit ang mga tawo nga nagauna kag ang nagasunod sa iya, “Dayawon ta ang kaliwat ni David! Ginapakamaayo sang Ginoo ang iya pinadala! Dayawon ta ang Dios!”

Naakig ang manugdumala nga mga pari kag ang mga manunudlo sang Kasuguan sang makita nila ang makatilingala nga mga butang nga iya ginahimo kag sang mabatian nila ang mga kabataan didto sa templo nga nagasinggit, “Dayawon ta ang kaliwat ni David!” Gani nagsiling sila kay Jesus, “Nabatian mo man bala ang ila ginasiling?” Nagsabat si Jesus, “Huo. Ngaa, wala bala kamo kabasa sa sining ginasiling sang Kasulatan: ‘Bisan gani ang magagmay nga mga bata gintudluan mo, O Dios, nga magdayaw sa imo’?”

Nagsabat si Jesus sa iya, “‘Higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, kag sa bug-os mo nga hunahuna.’ Amo ini ang labing importante nga sugo sa tanan.

Dayon makita sa langit ang tanda sang akon pagbalik, kag magahibi ang tanan nga katawhan sa kalibutan. Kag makita nila ako nga Anak sang Tawo sa mga panganod nga nagabalik diri sa kalibutan nga may gahom kag puwerte nga kadungganan. Sa mabaskog nga tunog sang trumpeta suguon ko ang akon mga anghel sa pagtipon sang akon mga pinili halin sa tanan nga lugar sang kalibutan.”

Ang Katapusan nga Paghukom “Kon ako nga Anak sang Tawo mag-abot na bilang Hari, nga ginaupdan sang tanan nga anghel, magapungko ako dayon sa akon trono nga harianon. Ang tanan nga tawo sa kalibutan pagatipunon agod mag-atubang sa akon. Dayon tungaon ko sila sa duha ka grupo pareho sang pagseparar sang manugbantay sang sapat sa mga karnero kag mga kanding.

Dayon nagkanta sila sang mga pagdayaw sa Dios, kag pagkatapos nagkadto sila sa Bukid sang mga Olibo.

Nagsiling si Jesus sa iya, “Ginasiling mo. Kag sugiran ko kamo, halin subong makita ninyo ako nga Anak sang Tawo nga nagapungko sa tuo sang Makagagahom nga Dios, kag makita man ninyo ako sa mga panganod sa kalangitan nga nagabalik diri sa kalibutan.”

Gin-imbistigar ni Pilato si Jesus Karon, sang didto na si Jesus kay Pilato ginpamangkot siya ni Pilato, “Ikaw bala ang hari sang mga Judio?” Nagsabat si Jesus, “Ginasiling mo.”

Sa ibabaw sang iya ulo nagbutang sila sang karatula. Ginsulat nila didto ang akusasyon kontra sa iya nga nagasiling, “Amo ini si Jesus nga Hari sang mga Judio.”

Dugay-dugay nasugata nila si Jesus nga nagapangamusta sa ila. Dayon nagpalapit sila kay Jesus kag nagluhod sa iya. Ginhakos nila ang tiil ni Jesus kag nagsimba sila sa iya.

Pagkakita nila sa iya nagsimba sila sa iya, pero ang iban nagpangduhaduha kon si Jesus gid bala ang ila nakita. Nagpalapit si Jesus sa ila kag nagsiling, “Ginhatag sa akon ang tanan nga gahom sa langit kag sa duta.

Dako gid ang ila katingala sa iya. Kag nagpinamangkutanay sila, “Sin-o gid ayhan ini nga bisan ang hangin kag ang mga balod nagatuman sa iya?”

Ang bisan sin-o nga nagakahuya sa akon kag sa akon mga ginatudlo sa sini nga henerasyon, nga ang mga tawo malaot kag indi diosnon, igakahuya ko man kon ako nga Anak sang Tawo magbalik na nga nagasilak sa gahom sang akon Amay, kag kaupod ko ang balaan nga mga anghel.”

Dayon may nag-abot nga panganod kag ginlikupan sila. Kag may nabatian sila nga tingog halin sa panganod nga nagasiling, “Amo ini ang akon hinigugma nga Anak. Pamatii ninyo siya!”

Gintulok sila ni Jesus kag ginsilingan, “Kon sa tawo lang indi gid ini mahimo, pero indi ini mabudlay sa Dios, kay ang tanan nga butang mahimo niya.”

Ang nagauna kay Jesus kag ang nagasunod nagasinggit, “Dayawon ta ang Dios! Ginapakamaayo sang Ginoo ang iya pinadala! Ginapakamaayo sang Dios ang palaabuton nga ginharian sang aton katigulangan nga si David! Dayawon ta ang Dios!”

Nagsabat si Jesus, “Ang labing importante nga sugo amo ini: ‘Pamati kamo, katawhan sang Israel! Ang Ginoo nga aton Dios amo lang ang Ginoo. Gani higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, sa bug-os mo nga hunahuna kag sa bug-os mo nga kusog.’

Dayon ako nga Anak sang Tawo makita sa mga panganod nga nagabalik diri sa kalibutan nga may puwerte nga gahom kag kadungganan.

Madula ang langit kag ang duta, pero ang akon mga pulong indi gid madula kundi matuman gid ini.”

Dayon nagkanta sila sang mga pagdayaw sa Dios, kag pagkatapos nagkadto sila sa Bukid sang mga Olibo.

Nagsabat si Jesus sa iya, “Huo, ako matuod, kag ako nga Anak sang Tawo makita ninyo nga nagapungko sa tuo sang Makagagahom nga Dios, kag makita man ninyo ako sa mga panganod sa kalangitan nga nagabalik diri sa kalibutan.”

Ginpamangkot siya ni Pilato, “Ikaw bala ang hari sang mga Judio?” Nagsabat si Jesus sa iya, “Ginasiling mo.”

May karatula sa ibabaw sang krus kag amo ini ang nakasulat nga akusasyon kontra sa iya: “Ang Hari sang mga Judio.”

Gindala si Jesus pa-Langit Sa tapos makahambal si Ginoong Jesus sa ila, gindala siya pa-langit kag nagpungko sa tuo sang Dios.

Magabusong ka kag magabata sang lalaki, kag ngalanan mo siya nga Jesus. Mangin bantog siya kag kilalahon nga Anak sang Labing Mataas nga Dios. Ihatag sa iya sang Ginoong Dios ang ginharian sang iya katigulangan nga si David. Magahari siya sa mga kaliwat ni Jacob hasta san-o; ang iya paghari wala sing katapusan.” Nagsiling si Maria sa anghel, “Paano bala ang pagkahimo sini, kay birhen pa ako?” Nagsabat ang anghel, “Magaabot sa imo ang Espiritu Santo, kag magalikop sa imo ang gahom sang Labing Mataas nga Dios. Gani ang balaan nga bata nga matawo sa imo kilalahon nga Anak sang Dios.

tungod kay sa Dios, ang tanan sarang mahimo.”

Ang Pagdayaw ni Maria sa Dios Nagsiling si Maria, “Nagadayaw gid ako sa Ginoo! Kag nagakalipay ang akon espiritu sa Dios nga akon Manluluwas.

tungod sang makatilingala nga mga butang nga ginhimo sa akon sang gamhanan nga Dios. Balaan siya nga Dios!

kag mangin balaan kag matarong kita sa iya atubangan sa adlaw-adlaw naton nga pagkabuhi.”

Pagkatapos hambal sang anghel, hinali lang nga nagpakita ang madamo gid nga mga anghel kag nag-upod sa iya nga nagadayaw sa Dios. Siling nila, “Dalayawon ang Dios sa langit. May paghidaet na diri sa duta, sa mga tawo nga iya nahamut-an!”

Nagbalik ang mga manugbantay sang mga karnero nga dako ang ila pagdayaw sa Dios tungod sang tanan nga ila nabatian kag nakita, nga suno gid sa ginsugid sang anghel sa ila.

Ginsabat siya ni Jesus, “Nagasiling ang Kasulatan, ‘Simbahon mo ang Ginoo nga imo Dios kag siya gid lang ang imo alagaron.’”

Pagkakita sadto ni Simon Pedro, nagluhod siya kay Jesus kag nagsiling, “Ginoo, palayo ka sa akon kay makasasala ako nga tawo.”

Dayon nagsiling si Jesus sa iya mga sumulunod, “Diin bala ang inyo pagtuo?” Natingala gid ang iya mga sumulunod nga may kakulba. Siling nila sa isa kag isa, “Sin-o gid ayhan ini nga bisan ang hangin kag ang mga balod ginamanduan niya kag nagatuman sa iya?”

Kay ang bisan sin-o nga nagakahuya sa akon kag sa akon mga ginatudlo, igakahuya ko man kon ako nga Anak sang Tawo magbalik na nga nagasilak sa gahom nga halin sa akon kag sa Amay kag sa mga anghel.

Natingala gid ang tanan nga tawo sa dako nga gahom sang Dios. Naghambal Liwat si Jesus Parte sa Iya Kamatayon Sang nagakatingala pa ang mga tawo sa tanan nga ginhimo ni Jesus, nagsiling siya sa iya mga sumulunod,

Ginlipay si Jesus sang Espiritu Santo Sang sadto nga tion, ginlipay gid si Jesus sang Espiritu Santo. Nagsiling si Jesus, “Amay, nga tag-iya sang langit kag sang duta, ginadayaw ko ikaw tungod nga ang kamatuoran nga gintago mo sa mga tawo nga ginakabig nga mga maalam kag may mga tinun-an ginpahayag mo sa mga tawo nga pareho sang mga bata nga diutay ang kaalam. Amay, salamat gid nga amo ina ang imo kabubut-on.”

Nagsabat ang tawo, “Higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, sa bug-os mo nga kusog, kag sa bug-os mo nga hunahuna. Kag higugmaon mo ang imo kapareho pareho sang paghigugma mo sa imo kaugalingon.”

Gani nagsiling si Jesus sa ila, “Magpangamuyo kamo pareho sini: ‘Amay, kabay pa nga tahuron ka sang mga tawo. Kabay pa nga maghari ka diri sa amon.

Pagkakita sang isa sa ila nga naayo na siya, nagbalik siya kay Jesus nga nagasinggit sang pagdayaw sa Dios. Nagluhod siya kag nagpasalamat kay Jesus. Ato nga tawo Samariahanon.

Ginsabat sila ni Jesus, “Ang indi mahimo sang tawo mahimo sang Dios.”

Kag sa gilayon nakakita siya. Dayon nagsunod siya kay Jesus nga nagadayaw sa Dios. Pagkakita sang mga tawo sini, nagdayaw sila sa Dios.

Kag sang nagapadulhog na siya halin sa Bukid sang mga Olibo, nagakalipay ang iya mga sumulunod kag nagasinggit sa pagdayaw sa Dios tungod sang mga milagro nga ila nakita. Nagsiling sila, “Ginapakamaayo sang Ginoo ang Hari nga iya pinadala! Maayo na ang aton relasyon sa Dios. Dayawon ta ang Dios!” Sa kadam-an may mga Pariseo nga nagsiling kay Jesus, “Manunudlo, pahipusa ang imo mga sumulunod.” Nagsabat si Jesus sa ila, “Sa pagkamatuod, kon maghipos sila, ang mga bato amo ang magasinggit sang mga pagdayaw.”

Dayon ako nga Anak sang Tawo makita sa panganod nga nagabalik diri sa kalibutan nga may gahom kag puwerte nga kadungganan.

Madula ang langit kag ang duta, pero ang akon mga pulong indi gid madula kundi matuman gid ini.”

Pero halin subong, ako nga Anak sang Tawo magapungko na sa tuo sang makagagahom nga Dios.” Nagsiling sila tanan, “Kon amo, ikaw gali ang Anak sang Dios.” Nagsabat si Jesus, “Ti kamo mismo ang nagasiling.”

Gani ginpamangkot siya ni Pilato, “Ikaw bala ang hari sang mga Judio?” Nagsabat si Jesus sa iya, “Ginasiling mo.”

Kag may ginbutang sila nga karatula didto sa iya uluhan nga nagasiling, “Amo ini ang Hari sang mga Judio.”

Dayon nagsiling siya kay Jesus, “Jesus, dumduma man ako kon maghari ka na!”

Ginsimba nila siya kag nagbalik sila sa Jerusalem nga may dako nga kalipay. Kag permi sila didto sa templo nga nagadayaw sa Dios.

Paagi sa iya, ginhimo ang tanan nga butang, kag wala gid sing may nahimo nga indi paagi sa iya.

Ang ginatawag nga Pulong nagpakatawo kag nagpakig-upod diri sa aton. Nakita namon ang iya kadungganan bilang bugtong nga Anak sang Amay. Maluluy-on gid siya kag puro kamatuoran ang iya ginasugid.

Gani nagsiling si Natanael, “Manunudlo,” matuod gid nga ikaw ang Anak sang Dios! Ikaw ang hari sang Israel.

Kinahanglan magdugang pa gid ang pagkabantog ni Jesus, kag ako iya dapat na nga kalimtan.” Ang Naghalin sa Langit Si Cristo halin sa langit, gani labaw siya sa tanan. Taga-diri kita sa kalibutan kag ang mga butang nga aton ginahambal amo ang diri lang gid sa kalibutan. Pero siya nga halin sa langit labaw sa tanan.

Nagsiling si Jesus sa babayi, “Pamati bala anay! Magaabot ang tion nga indi na kamo magsimba sa Amay sa sini nga bukid ukon sa Jerusalem. Kamo nga mga Samariahanon, wala gid kamo makakilala kon sin-o ang inyo ginasimba. Pero kami nga mga Judio nakakilala kon sin-o ang amon ginasimba, kay paagi sa amon luwason sang Dios ang mga tawo.” Nagsiling pa gid si Jesus, “Sa pagkamatuod, magaabot ang adlaw kag nag-abot na gani, nga ang matuod nga mga manugsimba magasimba sa Amay paagi sa espiritu kag kamatuoran. Kag amo ini nga klase sang mga manugsimba ang gusto sang Dios nga magasimba sa iya. Ang Dios espiritu, gani ang nagasimba sa iya dapat magsimba paagi sa espiritu kag kamatuoran.”

agod ang tanan magpadungog sa Anak pareho sang ila pagpadungog sa Amay. Gani ang wala nagapadungog sa akon wala man nagapadungog sa Amay nga nagpadala sa akon.

Si Jesus amo ang Suga sang mga Tawo sa Kalibutan Nagsiling liwat si Jesus sa mga tawo, “Ako ang suga sang mga tawo sa kalibutan. Ang nagasunod sa akon, indi na magakabuhi sa kadulom, kundi masanagan siya sang suga nga nagahatag sang kabuhi.”

Nagsiling si Jesus, “Sa pagkamatuod, ginasugid ko sa inyo nga sang wala pa matawo si Abraham, ara na ako nga daan.”

Nagsiling dayon ang tawo, “Ginoo, nagatuo ako sa imo!” Kag nagluhod siya dayon kag nagsimba kay Jesus.

Ako kag ang Amay isa lang.”

Nagsiling si Jesus sa iya, “Indi bala nga nagsiling ako sa imo nga kon magtuo ka, makita mo ang gahom sang Dios?”

Ang Madinalag-on nga Pagsulod ni Jesus sa Jerusalem Sang madason nga adlaw, nabalitaan sang madamo nga mga tawo nga nag-alabot sa pagpamiesta nga si Jesus nagapakadto na sa Jerusalem. Gani nagkuha sila sang mga dahon sang palma kag ginsugata nila si Jesus nga nagasinggit, “Dayawon ta ang Dios! Ginapakamaayo sang Ginoo ang iya pinadala! Ginapakamaayo niya ang Hari sang Israel!” May nakita si Jesus nga isa ka bataon pa nga asno kag amo ato ang iya ginsakyan. Sa iya ginhimo nga ato natuman ang ginsiling sang Dios sa Kasulatan nga nagasiling: “Kamo nga mga pumuluyo sang Zion, indi kamo magkahadlok. Pamati kamo! Nagaabot na ang inyo hari, nga nagasakay sa tinday nga asno.”

Nagsiling dayon si Jesus sa ila, “Karon nag-abot na ang tion nga padunggan ako nga Anak sang Tawo, makita na ang akon gahom.

Nagsiling dayon si Jesus sa Amay, “Amay, ipakita ang imo gahom sa mga tawo.” May naghambal dayon halin sa langit, “Ginpakita ko na paagi sa imo, kag ipakita ko pa liwat.”

Ang Bag-o nga Sugo Sang nakahalin na si Judas, nagsiling si Jesus, “Karon, ako nga Anak sang Tawo padunggan na, kag paagi sa akon ang Dios padunggan man. Kag kon paagi sa akon dayawon ang Dios, ipakita man niya nga ako dalayawon man. Kag ini himuon niya dayon.”

Buhaton ko ang bisan ano nga inyo pangayuon sa akon, agod mapadunggan ang Amay paagi sa akon nga iya Anak. Bisan ano ang inyo pangayuon sa akon ngalan himuon ko ina.”

Kon padayon kamo nga nagapamunga sing madamo, ang akon Amay dayawon sang mga tawo, kag sa sini nga paagi mahibaluan nga kamo akon mga sumulunod.

Nagpangamuyo si Jesus Para sa Iya mga Sumulunod Pagkahambal sadto ni Jesus, nagtangla siya sa langit kag nagsiling, “Amay, nag-abot na ang tion. Padunggi ang imo Anak agod padunggan ka man sang imo Anak. Kay ginhatagan mo ako sing awtoridad nga maggahom sa tanan nga tawo, agod mahatagan ko sang kabuhi nga wala sing katapusan ang tanan nga tawo nga imo ginhatag sa akon. Kag amo ini ang kabuhi nga wala sing katapusan: nga ang mga tawo magkilala sa imo nga amo lamang ang matuod nga Dios kag magkilala man sa akon nga imo ginpadala. Ginpadunggan ko ikaw diri sa kalibutan tungod kay natapos ko na ang imo ginpahimo sa akon. Gani karon Amay, padunggi ako dira sa imo presensya. Ihatag sa akon ang dungog nga akon man anay sang dira pa ako sa imo sa wala mo pa matuga ang kalibutan.

Nagsabat sila, “Si Jesus nga taga-Nazaret.” Nagsiling si Jesus sa ila, “Ako si Jesus.” Si Judas nga traidor didto man nagatindog kaupod sang mga tawo nga nagapangita kay Jesus. Pagsiling ni Jesus nga siya amo ang ila ginapangita, nag-isol sila kag nagkalatumba sa duta.

Gani nagsulod liwat si Pilato kag gintawag si Jesus kag ginpamangkot, “Ikaw bala ang hari sang mga Judio?”

Ginsabat siya ni Jesus, “Ang akon ginharian wala diri sa sining kalibutan. Kon ang akon ginharian diri sa sining kalibutan, kuntani nagpakig-away ang akon mga sumulunod agod indi ako madakop sang mga Judio. Pero sa pagkamatuod, ang akon ginharian wala diri sa sining kalibutan.” Gani nagsiling si Pilato sa iya, “Kon amo, hari gali ikaw!” Ginsabat siya ni Jesus, “Husto ang imo ginsiling nga hari ako. Kag ang kabangdanan nga nagkadto ako diri sa kalibutan kag nagpakatawo, agod nga isugid ko sa mga tawo ang kamatuoran. Kag ang tanan nga gusto makahibalo sang kamatuoran nagapamati sa akon.”

Indi bala nga kinabatasan ninyo nga kada Piesta sang Paglabay sang Anghel nagapangayo kamo sa akon sang isa ka priso nga akon buy-an? Gani gusto bala ninyo nga buy-an ko ang hari sang mga Judio?”

Nagpasulat si Pilato sang isa ka karatula kag ginpabutang niya ini sa krus ni Jesus. Amo ini ang nakasulat: “Si Jesus nga taga-Nazaret, ang Hari sang mga Judio.” Nasulat ini sa mga lingguahe nga Hebreo, Latin kag Griego, kag madamo nga mga Judio ang nakabasa sini, tungod kay ang lugar nga ginlansangan kay Jesus malapit lang sa siyudad. Nagsiling ang manugdumala nga mga pari sang mga Judio kay Pilato, “Kuntani indi ‘Ang Hari sang mga Judio’ ang imo ginpasulat, kundi ‘Ini nga tawo nagasiling nga siya kuno amo ang Hari sang mga Judio.’” Nagsabat si Pilato, “Kon ano ang akon ginpasulat indi na ninyo pagliwaton.”

Nagsiling si Tomas kay Jesus, “Ginoo ko kag Dios ko!”

Ginbayaw siya sa tuo sang Dios. Kag ginhatag sa iya sang Amay ang Espiritu Santo nga ginpromisa sa iya. Ining Espiritu Santo ginpadala ni Jesus sa amon, kag ang iya gahom amo ang inyo nakita kag nabatian subong.

Gani dapat gid nga mahibaluan sang tanan nga Israelinhon nga ini nga Jesus nga inyo ginlansang sa krus amo ang ginpili sang Dios nga mangin Ginoo kag Cristo.”

Sa gilayon nagtindog siya kag naglakat-lakat. Pagkatapos nag-upod siya sa ila sa pagsulod sa templo. Sige ang iya lakat-lakat kag tumbo-tumbo nga nagadayaw sa Dios.

Ginbayaw sang Dios si Jesus, kag didto na siya sa iya tuo bilang Pangulo kag Manluluwas, agod kita nga mga Judio mahatagan sang kahigayunan nga maghinulsol agod mapatawad ang aton mga sala.

Dayon nagsiling ang Ginoo sa iya, ‘Ubaha ang imo sandalyas, kay balaan ang lugar nga imo ginatindugan.

Pero si Esteban nga ginagamhan sang Espiritu Santo nagtangla sa langit, kag nakita niya ang gahom sang Dios nga nagasilak kag si Jesus nga nagatindog sa tuo sang Dios. Pagkakita niya sadto nagsiling siya, “Tan-awa ninyo! Nakita ko nga abri ang langit kag si Jesus nga Anak sang Tawo nagatindog sa tuo sang Dios!”

Nabatian man ninyo ang Maayong Balita nga ginsugid sang Dios sa amon nga mga Israelinhon, nga ang tawo makapasag-uli na sa iya paagi sa pagtuo kay Jesu-Cristo. Siya ang Ginoo sang tanan.

Sang mga tungang gab-i na, nagapangamuyo si Pablo kag si Silas kag nagakanta sang mga pagdayaw sa Dios. Ang ila mga kaupod nga mga priso nagapamati sa ila. Sa hinali lang naglinog sing mabaskog kag nag-uyog ang prisohan. Nag-alabri ang mga puwertahan sang prisohan kag nagkalahukas ang mga kadena sang tanan nga priso.

Amo ini ang Dios nga nagtuga sang kalibutan kag sang tanan nga ara sa kalibutan. Siya ang Ginoo nga tag-iya sang langit kag duta, gani wala siya nagapuyo sa mga templo nga ginhimo sang mga tawo.

Amo ini ang balita parte sa iya Anak nga si Jesu-Cristo nga aton Ginoo: sa iya pagkatawo, kaliwat siya ni David; kag sa iya espiritu nga balaan, napamatud-an nga siya Anak sang Dios sa makagagahom nga paagi sang nabanhaw siya halin sa kamatayon.

Matuod nga indi ta makita ang Dios, pero halin pa sang pagtuga sang kalibutan, ang iya wala katapusan nga gahom kag pagka-Dios napahayag na paagi sa mga butang nga iya gintuga. Gani wala sila sang may ibalibad nga wala sila nakahibalo nga may Dios.

mga kaliwat sila sang mga tawo nga ginpili sang Dios sang una; kag sa ila lahi naghalin si Cristo sang siya nagpakatawo, ang Dios nga makagagahom sa tanan kag dalayawon sa wala sing katapusan! Amen.

Pagpasalamat sa mga Kaayo sang Dios Makatilingala gid ang kaayo sang Dios! Indi ta matungkad ang iya kaalam kag ang iya nahibaluan! Sin-o bala ang makaintiendi sang iya hunahuna kag sang iya mga pamaagi? Pareho sang ginasiling sa Kasulatan, “Sin-o bala ang nakahibalo sang hunahuna sang Ginoo? Sin-o bala ang makatudlo sa iya kon ano ang iya dapat himuon?

Kay ang tanan nga butang nagahalin sa Dios, kag ginhimo ini paagi sa iya kag para sa iya. Dayawon siya sa wala sing katapusan! Amen.

Ang Pagkabuhi Bilang Kristohanon Gani mga utod, tungod sa kaluoy sang Dios sa aton, nagapangabay ako sa inyo nga ihalad ninyo ang inyo kaugalingon bilang buhi nga halad sa Dios. Itugyan ninyo ang inyo kaugalingon sa pag-alagad sa iya suno sa iya luyag. Amo ini ang husto nga pagsimba sa Dios.

Kay nagasiling ang Kasulatan, “Ako, ang Ginoo nga buhi, nagasumpa nga magaabot ang adlaw nga magaluhod ang tanan nga tawo sa akon kag magakilala nga ako Dios.”

agod magtingob kamo sa pagdayaw sa Dios kag Amay sang aton Ginoong Jesu-Cristo. Ang Maayong Balita Para sa mga Indi Judio Ginbaton kamo ni Cristo, gani batuna man ninyo ang isa kag isa agod madayaw ang Dios. Ang kabangdanan kon ngaa ginsugo si Jesus sa pag-alagad sa mga Judio indi lang sa pagpakita nga ang Dios masaligan sa pagtuman sang iya mga promisa sang una sa ila mga katigulangan, kundi sa pagpakita man sa mga indi Judio sang kaluoy sang Dios, agod magdayaw man sila sa Dios. Kay nagasiling ang Kasulatan, “Gani padunggan ko ikaw sa mga indi Judio. Kantahan ko ikaw sang mga pagdayaw.” May nasulat man sa Kasulatan nga nagasiling, “Kamo nga mga indi Judio, magkalipay kamo kaupod sa katawhan sang Ginoo!” Kag nagasiling pa gid, “Tanan kamo nga mga indi Judio, dayawa ninyo ang Ginoo. Tanan kamo nga katawhan, dayawa ninyo siya!”

Pagdayaw sa Dios Dayawon ta ang Dios nga makapalig-on sa inyo pagtuo suno sa Maayong Balita nga akon ginawali sa inyo. Ining Maayong Balita nga parte kay Jesu-Cristo madugay na nga gintago, pero ginpahayag na ini subong paagi sa mga sinulatan sang mga propeta. Ini suno sa sugo sang wala sing kamatayon nga Dios, agod ang tanan nga tawo magtuo kag magtuman sa iya. Paagi kay Jesu-Cristo, dayawon ta sa wala sing katapusan ang Dios nga amo lang ang nakahibalo sang tanan! Amen.

Kay mahal gid ang iya pagbakal sa aton. Gani gamita ninyo ang inyo lawas sa paagi nga madayaw ang Dios.

pero sa aton may isa lang ka Dios, ang aton Amay nga naghimo sang tanan nga butang, kag nagakabuhi kita para sa iya. Kag may isa gid lang ka Ginoo, si Jesu-Cristo. Paagi sa iya, nahimo ang tanan nga butang kag paagi man sa iya nagakabuhi kita subong.

Ini ang akon sabat sa inyo: bisan ano ang inyo himuon, bisan magkaon ukon mag-inom, himua ninyo ang tanan sa katuyuan nga madayaw ang Dios.

Magaguwa pati ang mga sekreto nga iya ginahunahuna. Dayon magaluhod siya nga nagahinulsol kag nagasimba sa Dios. Kag makasiling siya nga ang Dios ara matuod sa inyo.

Ang Dios nga nagsiling, “Halin sa kadulom magasiga ang kasanag,” amo man ang nagpasanag sang amon mga hunahuna agod mahangpan namon kon ano ang gahom nga iya ginpakita paagi kay Cristo.

Naghalad si Cristo sang iya kaugalingon agod mapatawad kita sa aton mga sala, kag agod maluwas niya kita sa kalautan nga nagahari diri sa kalibutan. Ginhimo niya ini tungod nga amo ini ang kabubut-on sang aton Dios kag Amay. Dalayawon ang Dios sa wala sing katapusan! Amen.

Espirituhanon nga mga Pagpakamaayo Dalayawon gid ang Dios kag Amay sang aton Ginoong Jesu-Cristo! Tungod nga kita ara kay Cristo, ginhatagan niya kita sang tanan nga espirituhanon nga mga pagpakamaayo. Ini nga mga pagpakamaayo halin sa langit.

Dayawon ta ang Dios tungod sa iya makatilingala nga bugay nga ginhatag niya sa aton bilang pagpakamaayo paagi sa iya hinigugma nga Anak!

agod nga kami nga una nga naglaom kay Cristo magadayaw sa iya. Kag kamo man nangin ara kay Cristo sang nabatian ninyo ang kamatuoran, ang Maayong Balita nga si Cristo gali amo ang makaluwas sa inyo. Sang nagtuo kamo sa iya, ginhatagan kamo sang Dios sang Espiritu Santo nga iya ginpromisa bilang tanda nga kamo iya na. Ining Espiritu Santo amo ang kasiguruhan nga mabaton ta ang promisa sang Dios para sa aton bilang iya mga anak, nga maangkon ta gid ang kompleto nga kaluwasan. Kag tungod sini pagadayawon siya.

Ginapangamuyo ko sa Dios sang aton Ginoong Jesu-Cristo, ang Amay nga makagagahom, nga ang Espiritu Santo ang maghatag sa inyo sang kaalam kag magpasanag sa inyo sang kamatuoran parte sa Dios, agod nga makilala gid ninyo siya. Kabay pa nga pasanagan niya ang inyo hunahuna agod mahibaluan ninyo kon ano gid ang aton ginalauman sa iya pagtawag sa aton nga mangin iya mga anak, kag agod mahibaluan man ninyo kon daw ano kadako kag kaayo sang palanublion nga iya ginpromisa sa iya mga katawhan. Ginapangamuyo ko man nga mahibaluan ninyo ang gahom sang Dios nga indi matupungan nga para sa aton nga nagatuo sa iya. Ini nga gahom amo man ang iya gin-gamit sa pagbanhaw kag pagpapungko kay Cristo sa iya tuo didto sa langit. Gani ara sa idalom sang gahom ni Cristo ang tanan nga espiritu nga nagadumala kag nagapangulo, mga espiritu nga may awtoridad kag may gahom. Ang titulo nga ginhatag kay Cristo indi gid matupungan subong ukon bisan pa sa palaabuton. Ginpaidalom sang Dios ang tanan nga butang sa gahom ni Cristo, kag ginhimo niya siya nga pangulo sang tanan nga butang, agod mabuligan niya ang iglesya nga amo ang iya lawas. Ang iglesya ang kabug-usan ni Cristo nga amo ang nagapuno sa tanan-tanan.

Ang Gugma ni Cristo Kon madumduman ko ang plano sang Dios nagaluhod ako sa pagsimba sa iya. Siya amo ang Amay sang tanan nga ari sa kalibutan kag didto sa langit, nga iya ginatawag nga miyembro sang iya pamilya. Makagagahom gid siya. Gani nagapangamuyo ako sa iya nga hatagan niya sang gahom kag kusog ang inyo espirituhanon nga kabuhi paagi sa iya Espiritu, agod si Cristo magpuyo sa inyo tagipusuon tungod sang inyo pagtuo. Ginapangamuyo ko man nga magpanggamot kamo kag magmalig-on sa gugma sang Dios, agod nga kamo kag ang iban pa nga mga katawhan sang Dios makaintiendi kon daw ano kadako ang gugma ni Cristo sa aton. Kabay pa nga mahibaluan ninyo ang iya gugma, bisan nga indi gid ini maintiendihan sing bug-os; agod ang tanan nga ara sa Dios mangin ara man sa inyo. Dayawon ta ang Dios, tungod nga paagi sa iya gahom nga nagapanghikot sa aton, ang iya mahimo sobra pa sa aton ginapangayo ukon ginahunahuna. Dayawon ta siya hasta san-o tungod sang mga kaayuhan nga iya ginhimo sa iglesya nga ara kay Cristo Jesus. Amen.

May isa lang kita ka Dios kag siya amo ang Amay sang tanan. Siya ang nagahari, nagapanghikot, kag nagapuyo sa aton tanan.

Kag siya nga nagpanaog amo man ang nagsaka sa ibabaw pa sang kalangitan agod mapuno niya ang tanan.)

Kon nagatilipon kamo, gamita ninyo ang mga salmo kag iban pa nga mga kanta parte sa pagdayaw sa Ginoo. Kag kon magkanta kamo dapat halin gid sa inyo tagipusuon. Magpasalamat kamo permi sa Dios nga Amay sa tanan nga butang tungod kay Ginoong Jesu-Cristo.

Kabay pa nga sa bulig ni Jesu-Cristo mangin matarong ang tanan ninyo nga ginahimo agod madayaw ang Dios.

Tungod sini ginbayaw siya sang Dios kag ginhatagan sing awtoridad nga labaw sa tanan nga awtoridad. Agod nga ang tanan nga sa langit kag sa duta, pati ang sa idalom sang duta, magluhod kag magsimba sa iya. Kag ang tanan magkilala nga si Jesu-Cristo amo ang Ginoo, kag ini magahatag sang kadayawan sa Dios nga Amay.

Pero kita amo ang may matuod nga tanda nga mga sumulunod kita sang Dios, tungod nga nagasimba kita sa iya paagi sa bulig sang Espiritu Santo kag nagakalipay kita sa aton relasyon kay Cristo Jesus. Wala kita nagasalig sa mga seremonya ukon sa aton mga ginahimo agod maluwas kita.

Dayawon naton ang aton Dios kag Amay sa wala sing katapusan. Amen.

Kon Sin-o si Cristo kag Kon Ano ang Iya Ginhimo Si Cristo amo gid ang kaangay sang indi makita nga Dios, kag siya ang makagagahom sa tanan. Kay paagi sa iya kag para sa iya ginhimo sang Dios ang tanan nga butang sa langit kag sa duta, indi lang ang makita kundi pati man ang indi makita, pareho sa bisan ano nga mga espiritu nga may awtoridad ukon may gahom, mga espiritu nga nagapangulo ukon nagahari. Sa wala pa mahimo ang bisan ano nga butang si Cristo ara na, kag paagi sa iya, ang tanan nga butang nahamtang sa ila husto nga lugar. Siya ang ulo sang iglesya nga amo ang iya lawas. Siya ang nauna, ang una nga nabanhaw sa pagpakilala nga siya amo gid ang pinakauna sa tanan. Kay gusto sang Dios nga Amay nga ang iya pagka-Dios makita tanan kay Cristo. Kag paagi kay Cristo mapabalik sang Dios ang iya maayo nga relasyon sa tanan nga iya ginhimo, sa langit kag diri sa duta. Ginhimo niya ini paagi sa dugo ni Cristo sa krus.

Suno sa iya plano, gusto niya nga kita subong makahibalo na kon ano katahom sang iya plano nga gintigana niya para sa tanan nga lahi sang tawo. Kag ina nga tinago nga plano amo nga si Cristo mangin ara sa inyo. Kag tungod nga si Cristo ara na sa inyo, may paglaom kamo nga mangin matahom gid ang inyo kahimtangan sa palaabuton.

Ang matuod, si Cristo nangin tawo, kag bisan nangin tawo siya, ara pa gihapon sa iya ang iya pagka-Dios. Ang bugana nga kabuhi ara sa inyo tungod nga kamo ara kay Cristo nga nagagahom sa tanan nga mga espiritu nga nagahari kag may awtoridad.

Gani kon ginakilala ninyo nga ginbanhaw kamo kaupod ni Cristo, pasulabiha ninyo ang mga butang nga didto sa langit sa diin nagapungko si Cristo sa tuo sang Dios. Isintro ninyo ang inyo panghunahuna sa langitnon nga mga butang, kag indi sa kalibutanon nga mga butang. Kay napatay na kamo sa inyo daan nga kabuhi, kag ang inyo bag-o nga kabuhi ginatago na didto sa Dios upod ni Cristo. Si Cristo amo ang inyo kabuhi; kag sa pag-abot sang adlaw nga igapahayag siya, igapahayag man kamo kaupod niya nga may gahom kag dungog.

Itanom gid ninyo sa inyo hunahuna ang mga pulong ni Cristo. Maglinaygayay kamo kag magpahinumdumanay sa isa kag isa suno sa kaalam nga halin sa Dios. Magkanta kamo sang mga salmo kag iban pa nga mga kanta parte sa pagdayaw sa Dios, nga may tinagipusuon nga pagpasalamat sa iya. Kag bisan ano ang inyo ginahimo ukon ginahambal, himua ninyo suno sa nahamut-an ni Ginoong Jesus, kag magpasalamat kamo sa Dios nga Amay paagi sa iya.

Gintawag kamo sang Dios paagi sa Maayong Balita nga amon ginwali sa inyo. Kag gintawag niya kamo agod makaambit kamo sa kadungganan sang aton Ginoong Jesu-Cristo.

Kabay pa nga padunggan kag dayawon permi ang Hari nga wala sing katapusan kag wala sing kamatayon. Indi siya makita sang tawo kag siya lang ang Dios.

Kon parte sa pag-abot ni Jesu-Cristo, ipakita siya sang makagagahom kag bulahan nga Dios sa natalana nga tion. Ang Dios amo ang Hari nga labaw sa tanan nga hari kag Ginoo nga labaw sa tanan nga ginoo. Sa iya lang ang kabuhi nga wala sing kamatayon. Didto siya nagapuyo sa masilaw nga kasanag nga indi mapalapitan. Wala gid sing tawo nga nakakita sa iya kag wala gid sing may makakita. Dayawon ta ang Dios nga makagagahom sa wala sing katapusan. Amen!

Kag nahibaluan ko nga luwason pa gid ako sang Ginoo sa tanan nga malain, kag indi ako maano hasta sa tion nga dal-on niya ako sa iya ginharian sa langit. Dalayawon siya sa wala sing katapusan. Amen!

samtang nagahulat kita sa malipayon nga adlaw nga aton ginalauman, nga amo ang makatilingala nga pag-abot ni Jesu-Cristo nga aton Manluluwas kag makagagahom nga Dios.

Pero sa sining ulihi nga mga inadlaw, naghambal siya sa aton paagi sa iya Anak. Paagi sa iya, ginhimo sang Dios ang bug-os nga kalibutan, kag siya man ang iya ginpili nga mangin tag-iya sang tanan nga butang. Sa iya mismo makita ang gahom sang Dios nga nagasilak, kag kon ano ang Dios amo man siya. Siya amo ang nagabuot sang tanan nga butang sa bug-os nga kalibutan paagi sa iya makagagahom nga pulong. Pagkatapos nga nalimpyuhan niya kita sa aton mga sala, nagpungko siya sa tuo sang Makagagahom nga Dios didto sa langit.

Kag sang buot na ipadala sang Dios ang iya bugtong nga Anak diri sa kalibutan, nagsiling man siya, “Ang tanan nga anghel sang Dios dapat magsimba sa iya.” Amo ini ang ginsiling sang Dios parte sa mga anghel, “Ang mga anghel puwede ko nga himuon nga hangin. Ini sila nga akon mga suluguon puwede ko man nga himuon nga nagadabdab nga kalayo.” Pero kon parte sa iya Anak, nagsiling siya, “Ang imo ginharian, O Dios, wala gid sing katapusan, kag matarong ang imo pagdumala sa imo ginharian.

Pero kon parte kay Jesus, nahibaluan ta nga sa malip-ot nga tion ginhimo siya sang Dios nga mas manubo sang sa mga anghel, agod paagi sa bugay sang Dios, mapatay siya para sa tanan nga tawo. Kag karon ginpadunggan siya bilang hari tungod sa iya gin-antos nga kamatayon.

Amo ini ang iya ginsiling sa iya Amay, “Ipahayag ko sa akon mga utod ang imo mga ginhimo; kag magakanta ako sang pagdayaw sa imo sa ila mga pagtililipon.”

Si Jesus ang aton Pangulo nga Pari Gani huptan gid naton ang aton ginatuohan, tungod kay may gamhanan kita nga pangulo nga pari nga didto na sa langit. Kag ini wala sing iban kundi si Jesus nga Anak sang Dios. Ang aton pangulo nga pari nagabatyag man sang aton mga kaluyahon, kay ang tanan nga pagsulay nga nagaabot sa aton naagihan man niya, pero wala gid siya nakasala. Gani indi kita magkatahap nga magpalapit sa trono sang Dios nga maluluy-on, agod mabaton ta ang kaluoy kag bulig sa oras nga kinahanglan naton.

Gani si Jesus amo gid ang pangulo nga pari nga aton kinahanglan. Balaan siya; wala gid siya naghimo sing malain kag wala gid sing sayop sa iya kabuhi. Ginpain siya sa mga tawo nga makasasala kag gindala sa ibabaw pa sang mga langit.

Si Jesus amo ang aton Pangulo nga Pari Amo ini ang buot namon silingon sang amon ginahambal: nga kita subong may pangulo na nga pari nga nagapungko sa tuo sang trono sang Makagagahom nga Dios sa langit.

Kaisa gid lang naghalad si Cristo sa Labing Balaan nga Lugar kag wala na magliwat-liwat. Indi dugo sang mga kanding kag sang mga tinday nga baka ang iya dala nga inughalad kundi ang iya dugo mismo. Kag tungod sa iya dugo natubos na kita sa aton mga sala hasta san-o.

Pero si Cristo kaisa gid lang naghalad para sa aton mga sala kag indi na gid kinahanglan nga liwaton pa. Pagkatapos nagpungko siya sa tuo sang Dios.

Magpalapit Kita sa Dios Gani mga utod, tungod sa dugo ni Jesus nga iya gin-ula para sa aton, hilway na kita nga magsulod sa Labing Balaan nga Lugar.

Isintro ta ang aton panulok kay Jesus nga amo ang ginasandigan sang aton pagtuo halin sa ginsuguran hasta sa katapusan. Gin-antos niya ang paglansang sa krus kag ginbaliwala niya ang ini nga kahuy-anan, tungod kay ginhunahuna niya ang kalipay nga nagahulat para sa iya. Kag sa karon didto na siya nagapungko sa tuo sang trono sang Dios.

Gani magpasalamat kita sa Dios tungod kay katapo na kita sang iya ginharian nga indi mauyog. Magsimba kita sa iya sa paagi nga iya naluyagan, nga may pagtahod kag kahadlok. Kay kon magsilot ang aton Dios daw sa kalayo nga nagapang-upos.

Si Jesu-Cristo wala gid nagaliwat. Amo siya sang una, subong, kag sa wala sing katapusan.

Gani maghalad kita permi sang mga pagdayaw sa Dios paagi kay Jesus. Ini amo ang mga halad nga nagahalin sa aton bibig kag nagakilala kon sin-o siya.

Pangamuyo Kag ako nagapangamuyo man sa Dios para sa inyo, sa Dios nga nagahatag sang kalinong. Siya ang nagbanhaw sa aton Ginoong Jesus, nga amo ang Makagagahom nga Manugbantay sa aton nga bilang iya mga karnero. Kay tungod sa iya dugo ginpalig-on niya ang wala sing katapusan nga kasugtanan. Kabay pa nga ihatag niya sa inyo ang tanan ninyo nga mga kinahanglanon agod mahimo ninyo ang iya kabubut-on. Kag kabay pa nga paagi kay Jesu-Cristo himuon niya sa aton ang iya gusto. Dayawon naton siya sa wala sing katapusan. Amen

May ara bala sa inyo nga nagaantos? Dapat magpangamuyo siya sa Dios. May ara bala sa inyo nga malipayon? Magkanta siya sang mga pagdayaw sa Dios.

Si Jesu-Cristo didto na subong sa langit, sa tuo sang Dios, kag ginpasakop sa iya ang tanan nga anghel kag ang tanan nga espiritu nga may awtoridad kag gahom.

Ang ginhatagan sang abilidad sa pagwali dapat magwali sang pulong sang Dios. Kag ang ginhatagan sang abilidad sa pagbulig sa iban, dapat magbulig suno sa iya masarangan nga ginhatag sang Dios, agod madayaw ang Dios sa tanan ninyo nga ginahimo paagi kay Jesu-Cristo. Gamhanan siya kag dalayawon sa wala sing katapusan. Amen.

Pero kon silutan kamo tungod kay kamo Kristohanon indi kamo dapat magkahuya, kundi magpasalamat pa gani kamo sa Dios tungod nga ginatawag kamo sa sina nga ngalan.

Malip-ot lang nga tion ang inyo pag-antos. Pagkatapos sina ang Dios amo ang magabulig sa inyo agod wala na sing kulang sa inyo kabuhi, kag siya ang magapalig-on kag magapabaskog sa inyo. Kay siya ang ginahalinan sang tanan nga pagpakamaayo, kag ginpili niya kamo agod makaambit man kamo sang iya wala sing katapusan nga gahom kag dungog paagi sa inyo paghiusa kay Cristo. Dayawon siya sa iya gahom nga wala sing katapusan. Amen.

Nakita Namon nga si Cristo Ginpadunggan sang Dios Ang amon ginsugid sa inyo parte sa gahom sang aton Ginoong Jesu-Cristo sang diri pa siya sa kalibutan indi himo-himo lang nga mga sugilanon, kundi nakita gid namon ang iya gahom nga halin sa Dios. Kay sang gindayaw kag ginpadunggan si Jesu-Cristo sang Dios nga Amay, nabatian namon ang tingog sang Dios nga makagagahom sa tanan nga nagsiling, “Amo ini ang akon hinigugma nga Anak. Nalipay gid ako sa iya.”

Ang inyo himuon, magpadayon kamo sa pagtubo sa kaayo kag kaalam nga halin sa aton Ginoo kag Manluluwas nga si Jesu-Cristo. Siya ang dapat naton dayawon subong kag sa wala sing katapusan! Amen.

Dalayawon gid siya! Siya gid lang ang Dios kag aton Manluluwas paagi kay Jesu-Cristo nga aton Ginoo. Sa iya ang kadungganan, pagkahalangdon, gahom, kag awtoridad halin pa sang una, hasta subong, kag sa wala sing katapusan! Amen.

Pagpangamusta sa Pito ka Iglesya Nagapangamusta ako sa inyo nga ara sa pito ka iglesya sa probinsya sang Asia. Kabay pa nga ang Dios, ang Espiritu, kag si Jesu-Cristo maghatag sa inyo sang bugay kag paghidaet. Kon parte sa Dios, amo siya subong, amo man siya sang una, kag amo man sa palaabuton. Kon parte sa pito ka Espiritu ara ini sa atubangan sang trono sang Dios. Kag kon parte kay Jesu-Cristo, siya ang masaligan nga manugpamatuod. Siya ang una gid nga nabanhaw. Kag siya man ang nagagahom sa tanan nga mga manugdumala diri sa kalibutan. Ginahigugma niya kita, kag paagi sa iya dugo ginluwas kita sa aton mga sala. Ginhimo niya kita nga mga hari kag mga pari sa pag-alagad sa Dios nga iya Amay. Sa iya ang kadungganan kag ang gahom sa wala sing katapusan. Amen. Magpreparar kamo! Magaabot si Jesu-Cristo nga makita sa mga panganod. Ang tanan nga tawo makakita sa iya pati ang mga tawo nga nagpatay sa iya. Kag ang mga tawo sa tanan nga banwa sa kalibutan magahibi tungod sa ila kahadlok nga silutan na niya sila. Matuod gid ini!

Ang Ginoong Dios ang makagagahom sa tanan. Kon ano siya subong, amo siya sang una, kag sa palaabuton. Gani nagsiling siya, “Ako ang Alpha kag ang Omega.”

Pagkabati ko sadto, nagbalikid dayon ako agod tan-awon kon sin-o ang nagahambal sa akon. Kag nakita ko ang pito ka suga nga bulawan. Sa tunga sang mga suga may nagatindog nga daw isa ka tawo. Malaba ang iya bayo nga lab-ot sa iya tiil, kag sa iya dughan may wagkos nga bulawan. Ang iya buhok puwerte kaputi pareho sa tela nga maputi gid, kag ang iya mata nagabaga nga daw sa kalayo. Ang iya mga tiil nagaidlak nga daw sa saway nga gintunaw sa kalayo kag ginpahining. Ang iya tingog mabaskog gid nga daw sa daganas sang busay. May ginauyatan siya nga pito ka bituon sa iya tuo nga kamot, kag sa iya baba may nagaguwa nga matalom nga espada nga duha ang sulab. Ang iya guya tama kasilaw pareho sang adlaw kon udto. Pagkakita ko sa iya, natumba ako sa iya tiilan nga daw sa patay. Gintungtong niya dayon ang iya tuo nga kamot sa akon kag nagsiling, “Indi ka magkahadlok! Ako ang ginsuguran kag ang katapusan sang tanan. May kabuhi ako nga wala sing katapusan. Napatay ako, pero tan-awa, buhi ako, kag indi na gid mapatay. May gahom ako sa kamatayon kag sa lugar sang mga patay.

Sa gilayon gin-gamhan ako sang Espiritu Santo. Kag nakita ko didto sa langit ang isa ka trono nga may nagapungko. Ang nagapungko didto nagabadlak pareho sang malahalon nga mga bato nga haspe kag kornalina. Kag sa palibot sang trono may balangaw nga ang iya kolor pareho sa bato nga esmeralda. Sa palibot sang trono, may 24 pa gid ka trono nga ginapungkuan sang 24 ka manugdumala. Ini nga mga manugdumala nagabayo sang puti kag ang kada isa sa ila may korona nga bulawan.

Kag halin didto sa trono sige ang pangilat kag pangdaguob, kag kon anu-ano pa ang akon nabatian. Sa atubangan dampi sang trono may pito ka suga nga nagadabdab. Amo ato ang pito ka Espiritu sang Dios. Didto man sa atubangan sang trono may daw sa dagat nga matin-aw pareho sang kristal. Sa palibot sang trono, sa kada kilid, may apat ka buhi nga mga tinuga. Damo gid ang ila mga mata sa atubangan kag sa likod.

Ang kada isa sa ila may anom ka pakpak kag damo gid ang ila mga mata sa ila bug-os nga lawas. Adlaw-gab-i wala untat ang ila kanta nga nagasiling, “Balaan! Balaan! Balaan ang aton Ginoong Dios nga makagagahom sa tanan. Siya amo ang Dios sang una, subong kag sa palaabuton.” Sige ang ila dayaw, padungog, kag pasalamat sa iya nga nagapungko didto sa trono, nga nagakabuhi sa wala sing katapusan. Kag samtang ginahimo nila ini, ang 24 ka manugdumala nagaluhod kag nagasimba sa iya nga nagapungko didto sa trono, nga nagakabuhi sa wala sing katapusan. Kag ginabutang nila ang ila mga korona sa atubangan sang trono kag magsiling, “Ikaw ang amon Ginoo kag Dios, takos ikaw nga magbaton sang pagpadungog, pagtahod, kag awtoridad. Kay gintuga mo ang tanan nga butang. Suno sa imo kabubut-on ginhimo mo sila.”

Karon, ang isa sa mga manugdumala didto nagsiling sa akon, “Indi ka maghibi, tungod kay si Jesus nga mandadaog nga ginatawag nga Leon nga halin sa tribo ni Juda kag kaliwat ni David sarang makahukas sang pito ka selyo sa linukot nga kasulatan agod mahumlad ini.” Dayon nakita ko ang isa ka Karnero nga nagatindog didto sa tunga sang trono, nga ginalibutan sang apat ka buhi nga mga tinuga kag sang mga manugdumala. Kon tan-awon, daw sa ginpatay ini nga Karnero. May pito ini ka sungay kag pito man ka mata nga amo ang pito ka Espiritu sang Dios nga ginpadala sa bug-os nga kalibutan. Nagpalapit ang Karnero sa trono kag ginkuha niya dayon ang kasulatan sa tuo nga kamot sang nagapungko didto. Pagkakuha niya sang kasulatan, ang apat ka buhi nga mga tinuga kag ang 24 ka manugdumala nagluhod sa pagsimba sa Karnero. Ang kada isa sa ila may yahong nga bulawan nga puno sang insenso nga amo ang mga pangamuyo sang mga katawhan sang Dios. May arpa man ang kada isa sa ila nga ila ginatukar, kag nagakanta sila sang isa ka bag-o nga kanta nga nagasiling, “Ikaw ang takos nga makakuha sang linukot nga kasulatan kag sa paghukas sang iya mga selyo, tungod kay ginpatay ka, kag paagi sa imo dugo gintubos mo ang mga tawo agod mangin iya sang Dios. Ginpili mo sila sa tanan nga tribo, lingguahe, lahi kag nasyon. Ginhimo mo sila nga mga hari kag mga pari sa pag-alagad sa aton Dios. Kag padumalahon mo sila sa kalibutan.”

Dayon nakita ko kag nabatian ang linibo kag minilyon nga mga anghel. Ang ini nga mga anghel nagatilipon didto sa palibot sang trono, sa apat ka buhi nga mga tinuga, kag sa mga manugdumala. Kag nagakanta sila sing mabaskog: “Ang Karnero nga ginpatay takos nga magbaton sang awtoridad, manggad, kaalam, kusog, pagtahod, pagpadungog, kag pagdayaw!” Kag nabatian ko dayon ang tanan nga tinuga sa langit, sa duta, sa idalom sang duta, kag sa dagat nga nagakanta: “Ihatag ta sa nagapungko sa trono kag sa Karnero ang pagdayaw, pagtahod, pagpadungog kag paggahom sa wala sing katapusan!” Nagsabat dayon ang apat ka buhi nga mga tinuga, “Amen!” Kag ang mga manugdumala nagluhod kag nagsimba.

Ang Madamo nga Tawo sa Atubangan sang Trono sang Dios Pagkatapos sadto, nakita ko ang mga tawo nga indi maisip tungod sa ila kadamuon. Ini nga mga tawo halin sa tanan nga nasyon, tribo, lahi kag lingguahe. Nagatindog sila didto sa atubangan sang trono kag sang Karnero. Ang ila bayo pulos puti kag malaba, kag may ginauyatan sila nga mga dahon sang palma. Nagasinggit sila sing mabaskog, “Dalayawon ang Dios nga nagapungko sa trono, kag dalayawon man ang Karnero kay ginluwas nila kami sa silot!” Kag nagtindog ang tanan nga anghel sa palibot sang trono kag sang mga manugdumala, kag sang apat ka buhi nga mga tinuga. Nagluhod dayon ang mga anghel sa atubangan sang trono kag nagsimba sa Dios. Nagsiling sila, “Matuod gid nga ang aton Dios dapat nga dayawon, padunggan, pasalamatan kag tahuron. Nahibaluan niya ang tanan, kag ang tanan nga gahom kag kabaskog ara sa iya. Dayawon siya sa wala sing katapusan! Amen!”

Amo ina nga dira sila nagatindog sa atubangan sang trono sang Dios, kag adlaw-gab-i ang ila pag-alagad sa iya sa iya templo. Kag ang Dios mismo nga nagapungko sa trono amo ang nagaasikaso sa ila.

Ang Ikapito nga Trumpeta Ang ikapito nga anghel nagpatunog sang iya trumpeta, kag may mabaskog nga mga tingog sa langit nga nagasiling, “Karon ang aton Ginoo kag ang iya pinili nga si Cristo amo na ang magahari sa kalibutan. Kag ang iya paghari wala sing katapusan!” Kag ang 24 ka manugdumala nga nagapungko sa ila mga trono sa atubangan sang Dios nagluhod dayon kag nagsimba sa Dios, nga nagasiling, “Ginoong Dios nga makagagahom sa tanan, ikaw ang Dios sang una, kag ikaw man ang Dios subong. Nagapasalamat kami sa imo tungod kay gin-gamit mo na ang imo gahom, kag nag-umpisa ka na nga maghari sa kalibutan.

Pagkatapos sadto, nabatian ko dayon ang mabaskog nga tingog didto sa langit nga nagasiling, “Karon nag-abot na ang oras nga ang mga tawo luwason na sang Dios! Ginapakita na niya subong ang iya gahom bilang Hari kag ang awtoridad ni Cristo nga iya pinili! Kay ginpalayas na sa langit ang manug-akusar sang aton mga utod sa pagtuo. Wala sing pahuway ang iya pag-akusar sa ila sa aton Dios.

Dayon may tingog ako nga nabatian halin sa langit nga daw sa daganas sang busay ukon daw sa matunog nga daguob; kag daw sa tukar sang mga manug-arpa nga nagakuting-kuting sa ila mga arpa. Ang 144,000 ka tawo nagakanta nga nagaatubang sa trono, sa apat ka buhi nga mga tinuga, kag sa mga manugdumala. Kag ginakanta nila ang bag-o nga kanta nga wala sing iban nga nakahibalo kundi sila lang nga 144,000 nga mga tinubos halin sa kalibutan. Sila amo ang mga tawo nga wala gid nagpakighilawas sa mga babayi kag wala gid nagpangasawa. Nagasunod sila sa Karnero bisan diin siya magkadto. Gintubos sila halin sa mga tawo agod mangin una nga inughalad sa Dios kag sa Karnero. Wala sing may makasiling nga nagbutig sila, kag wala gid sing may ikasaway sa ila.

Nagsiling siya sa mabaskog nga tingog, “Kahadluki ninyo ang Dios kag dayawa siya, tungod kay nag-abot na ang oras nga hukman niya ang tanan nga tawo. Simbaha ninyo ang Dios nga naghimo sang langit, sang duta, sang dagat, kag sang mga tuburan.”

Ang Pag-ani sa Kalibutan Dayon may nakita ako nga puti nga panganod, kag may nagapungko didto nga daw sa tawo. May korona siya nga bulawan sa iya ulo kag may ginauyatan siya nga matalom nga garab.

Nagakanta sila sang kanta ni Moises nga alagad sang Dios, nga kanta man sang Karnero. Amo ini ang ila kanta, “Ginoong Dios nga makagagahom sa tanan, makatilingala ang imo mga binuhatan! Hari sang tanan nga nasyon, matarong kag husto ang imo mga pamaagi! Sin-o bala Ginoo ang indi mahadlok kag magdayaw sa imo? Ikaw lang gid ang balaan. Ang tanan nga tawo magapalapit kag magasimba sa imo, tungod kay nakita nila ang imo matarong nga mga binuhatan.”

Napuno ang templo sang aso tungod kay didto ang Dios kag ang iya gahom. Kag wala sing may makasulod didto sa templo samtang wala pa matapos ang pito ka kalalat-an nga halin sa pito ka anghel.

Magapakig-away sila sa Karnero, pero mapierdi sila, tungod kay ang Karnero amo ang Ginoo nga labaw sa tanan nga ginoo kag Hari nga labaw sa tanan nga hari. Kaupod sang Karnero ang mga matutom nga ginpili kag gintawag.”

Pagkatapos sadto, nabatian ko ang daw sa madamo gid nga mga tawo sa langit nga nagahambal sing mabaskog. Nagasiling sila, “Dayawon ta ang Ginoo! Dayawon ta ang aton Dios nga makagagahom sa tanan, kay siya ang nagluwas sa aton!

Kag ang 24 ka manugdumala kag ang apat ka buhi nga mga tinuga nagluhod kag nagsimba sa Dios nga nagapungko sa trono. Siling nila, “Amen! Dayawon ta ang Ginoo!” Ang Punsyon sa Kasal sang Karnero Dayon may tingog ako nga nabatian halin sa trono nga nagasiling, “Dayawa ninyo ang aton Dios, tanan kamo nga nagaalagad kag nagatahod sa iya, bantog man ukon indi!” Pagkatapos sadto, nabatian ko ang daw sa madamo gid nga mga tawo nga nagahambal, nga daw pareho sa daganas sang busay, kag daw pareho man sa mabaskog nga mga daguob. Nagasiling sila, “Dayawon ta ang Ginoo! Kay ang Ginoo nga aton Dios nga makagagahom sa tanan nagahari na. Maghinugyaw kita kag magkinalipay, kag dayawon ta siya. Kay nag-abot na ang tion sang kasal sang Karnero. Ang iya nobya preparado na.

Ang iya mga mata daw sa kalayo nga nagadabadaba, kag may madamo nga mga korona sa iya ulo. May ngalan nga nakasulat sa iya, ugaling wala gid sing may nakahibalo kon ano ang kahulugan sini kundi siya gid lang. Nagasuksok siya sang bayo nga gintusmog sa dugo. Ginatawag siya nga “Pulong sang Dios.” May nagasunod sa iya nga mga soldado nga halin sa langit, nga nagasakay man sa puti nga mga kabayo, kag ang ila bayo linen nga matinlo kag maputi. Nagaguwa sa iya baba ang matalom nga espada nga amo ang iya gamiton sa pagpaampo sa mga nasyon. Dumalahan niya sila, kag wala gid sing may makakontra sa iya pagdumala. Ipakita gid niya ang puwerte nga kaakig sang makagagahom nga Dios sa ila.

May nakasulat sa iya bayo kag sa iya paa nga, “Hari nga labaw sa tanan nga hari kag Ginoo nga labaw sa tanan nga ginoo!”

Ang Katapusan nga Paghukom Pagkatapos may nakita ako nga dako nga trono nga maputi, kag may nagapungko didto. Ang langit kag ang duta gindula niya kag indi na sila makita liwat. Nakita ko man ang mga nagkalamatay, bantog man ukon indi, nga nagatilindog sa atubangan sang trono. Ginpang-abrihan dayon ang mga libro, pati ang libro nga listahan sang mga nakaangkon sang kabuhi nga wala sing katapusan. Ginhukman ang mga patay suno sa ila mga binuhatan nga nakasulat didto sa mga libro.

Ang Bag-o nga Langit kag ang Bag-o nga Duta Pagkatapos sadto, nakita ko ang bag-o nga langit kag ang bag-o nga duta, tungod kay ang daan nga langit kag ang daan nga duta nadula, pati ang dagat nadula man. Kag nakita ko ang Balaan nga Siyudad, ang bag-o nga Jerusalem, nga ginapaidalom sang Dios halin sa langit. Ang ini nga siyudad preparado na gid, pareho sa kalaslon nga babayi nga nakatrahe na sa pagsugata sa iya pamanahon. Pagkatapos may nabatian ako nga mabaskog nga tingog halin sa trono nga nagasiling, “Karon, ang puluy-an sang Dios ara na sa mga tawo! Magapuyo siya upod sa ila, kag sila mangin iya na nga katawhan. Ang Dios mismo mangin ila kaupod [kag ila Dios].

Wala ako sing may nakita nga templo sa siyudad tungod kay ang iya templo amo ang Ginoong Dios mismo nga makagagahom kag ang Karnero. Indi man kinahanglan ang adlaw kag ang bulan sa sini nga siyudad, tungod kay ang gahom sang Dios nagasilak didto, kag ang Karnero amo ang iya suga.

Ginpakita man sa akon sang anghel ang suba nga ang iya tubig nagahatag sang kabuhi. Nagaigpat-igpat ini nga daw sa kristal, kag nagahalin sa trono sang Dios kag sang Karnero, kag nagailig sa tunga sang karsada sang siyudad. Sa pihak kag pihak nga higad sang suba may kahoy nga nagahatag sang kabuhi kag nagapamunga sing dose ka beses sa sulod sang isa ka tuig, kaisa kada bulan. Kag ang iya dahon ginagamit nga bulong para sa tanan nga tawo. Wala na sing bisan ano nga ginpakamalaot sang Dios nga makita sa sadto nga siyudad. Didto ang trono sang Dios kag sang Karnero, kag ang iya mga alagad magasimba sa iya. Makita na nila ang iya hitsura, kag ang iya ngalan isulat sa ila agtang.

Ako ang Alpha kag ang Omega, nga ang buot silingon, ang nahauna kag ang naulihi, ukon ang ginsuguran kag ang katapusan sang tanan.