21 – Ukukhonza

U-Enoki wahamba loNkulunkulu; yikho wasuka wathi nya, ngoba uNkulunkulu wamsusa.

Kwathi uMelikhizedeki inkosi yaseSalema, waletha isinkwa lewayini. Wayengumphristi kaNkulunkulu oPhezukonke, wabusisa u-Abhrama esithi, “Ubusisiwe u-Abhrama nguNkulunkulu oPhezukonke, uMdali wezulu lomhlaba. Njalo kadunyiswe uNkulunkulu oPhezukonke, owanikela izitha zakho esandleni sakho.” Yikho u-Abhrama wasemupha ingxenye eyodwa yetshumi yakho konke.

Kodwa u-Abhrama wathi enkosini yaseSodoma, “Sengiphakamisele isandla sami kuJehova, uNkulunkulu oPhezukonke, uMdali wezulu lomhlaba, ngenza isifungo

U-Abhrama wawa wathi mbo phansi ngobuso, uNkulunkulu wathi kuye,

Indoda yakhothamela phansi yakhonza uJehova,

yikho ngasengikhothamela phansi ngamkhonza uJehova. Ngadumisa uJehova uNkulunkulu wenkosi yami u-Abhrahama, obengikhokhele endleleni eqondileyo ngazathola intombi engumzukulu womfowabo wenkosi yami ngayizuzela indodana yayo inkosi yami.

Kwathi inceku ka-Abhrahama ikuzwa lokhu abakutshoyo yakhothama phansi emhlabathini phambi kukaJehova.

Lapho-ke ingilosi kaJehova yabonakala kuye iphakathi kwamalangabi omlilo esixukwini. UMosi wabona ukuthi loba isixuku sasibhebha asizange sitshe silobe.

UNkulunkulu wathi, “Ungasondeli. Khupha amanyathela akho, ngoba indawo omi kuyo ingumhlabathi ongcwele.”

UNkulunkulu wathi kuMosi, “NGINGUYE ENGINGUYE. Lokhu yikho ozakutsho kwabako-Israyeli ukuthi, ‘UNGINGUYE ungithumile kini.’ ”

Kodwa ngikuphephisile ngayonale injongo yokuthi ngikubonise amandla ami, lokuthi ibizo lami lifakazwe kuwo wonke umhlaba.

Emini uJehova wahamba phambi kwabo ngensika yeyezi ebahola endleleni yabo, kwathi ebusuku wabahola ngensika yomlilo ukubakhanyisela ukuze bahambe emini lebusuku. Insika yeyezi emini loba insika yomlilo ebusuku kakuzange kusuke endaweni yakho phambi kwabantu.

Kwathi khonapho ingilosi kaNkulunkulu eyayikade ihamba phambili kwempi ka-Israyeli yasuka yayahamba ngemuva kwabo. Insika yeyezi layo yatshuduka yasuka phambili yayakuma ngemuva kwabo,

Ngakho uMosi labako-Israyeli basebehlabelela leli ihubo kuJehova: “Ngizamhlabelela uJehova ngokuba uphakeme kakhulu. Uphosele olwandle ibhiza lomgadi walo. UJehova ungamandla ami lehubo lami; Useyikusindiswa kwami, UnguNkulunkulu wami, ngizamdumisa; UNkulunkulu kababa ngizamphakamisa.

“Isandla sakho sokunene, O Jehova, saba lamandla obukhosi. Isandla sakho sokunene, O Jehova, sasihlikiza isitha. Ebukhulwini bobukhosi bakho wabasakazela phansi abakuphikisayo. Wathukulula ulaka lwakho oluvuthayo, Lwabahangula njengezincwathi.

“Ngubani kubonkulunkulu bonke onjengawe, O Jehova?” Ngubani onjengawe  —  olobukhosi ebungcweleni bakhe owesabekayo enkazimulweni yakho, owenza izimangaliso?

UJehova uzabusa kuze kube nini lanini.”

Ngesikhathi u-Aroni ekhuluma lozulu wonke wako-Israyeli, bakhangela enkangala basebebona inkazimulo kaJehova ibonakala eyezini.

UJehova wasesithi kuMosi, “Ngizakuza kini nginjengeyezi elimnyama ukuze abantu bangizwe ngikhuluma lawe. Ngakho ngezikhathi zonke bazakholwa kuwe.” UMosi watshela uJehova okwakutshiwo ngabantu.

Ekuseni ngelanga lesithathu kwaba lomdumo lombane othuthumelisayo, leyezi elikhulukazi lehlela phezu kwentaba, kwezwakala lomsindo omkhulu wethilongo. Abantu bonke ezihonqweni besaba baqhaqhazela. UMosi wasebakhokhela ebasusa emathenteni ebasa kuNkulunkulu. Bafika bema ngaphansi kwentaba. Intaba yonke iSinayi yembeswa yintuthu ngoba uJehova wayehlele phezu kwayo ngesimo somlilo. Intuthu yathunquza ngamandla kungathi iphuma emphongolweni.

Kwathi uMosi esekhwele intaba, yasitshekelwa liyezi, inkazimulo kaJehova yagcwala entabeni yaseSinayi. Iyezi lembesa intaba okwezinsuku eziyisithupha kwathi ngosuku lwesikhombisa uJehova wabiza uMosi eseyezini. Ebantwini bako-Israyeli inkazimulo kaJehova yabonakala injengomlilo ohangulayo phezu kwentaba. Ngakho uMosi wangena eyezini ekhwela intaba. Wahlala khonale entabeni okwezinsuku ezingamatshumi amane lobusuku obungamatshumi amane.

Kulapho engizahlangana lawe khona ngikunika imithetho ka-Israyeli ngisesihlalweni somusa, phakathi kwamakherubhi.

Kwakusithi uMosi esengena ethenteni insika yeyezi yehlele phansi ime emnyango wethente lapho uJehova ekhuluma loMosi. Kwakusithi abantu bangabona insika yeyezi isimi emnyango wethente basukume bonke bakhonze; lowo lalowo emnyango wethente lakhe. UJehova wayekhuluma loMosi ubuso ngobuso njengomuntu ekhuluma lomngane wakhe. Ngemva kwalokho uMosi wayebuyela ezihonqweni, kodwa umncedisi wakhe owayesesemncane, uJoshuwa kaNuni, wayengasuki ethenteni.

UJehova waphendula wathi, “NgoBukhona bami ngizahamba lawe ngikuphumuze.”

UMosi wasesithi, “Ngicela ukuba ungitshengise inkazimulo yakho.” UJehova wasesithi, “Ngizakwenza ubuhle bami budlule phambi kwakho, njalo ngizamemezela ibizo lami, uJehova, phambi kwakho. Ngizakuba lesihawu kulowo engilesihawu kuye, ngibe lesisa kulowo engizakuba lesisa kuye. “Kodwa,” watsho uJehova, “ubuso bami awungeke ububone, ngoba kakho ongangibona aphile.” UJehova wabuya wathi, “Kulendawo phansi kwami lapho ongema khona phezu kwedwala. Kuzakuthi lapho inkazimulo yami isedlula eduze, ngizakufaka engoxweni yedwala ngikusithe ngesandla sami ngize ngidlule. Emva kwalokho ngizasusa isandla sami ubone umhlane wami; kodwa ubuso bami akumelanga ububone.”

UJehova wehla ngeyezi wema khonapho laye wamemezela ibizo lakhe esithi, “UJehova.” Wadlula phambi kukaMosi ememezela esithi, “UJehova, UJehova; uNkulunkulu olesihawu lomusa, ophuzayo ukuthukuthela, ogcwele uthando lobuqotho, olothando olungapheliyo kuzinkulungwane ethethelela ububi, iziphosiso lezono. Ikanti abalamacala kabayekeli bengajeziswanga; wehlisela ububi baboyise phezu kwabantwana, laphezu kwabantwana babantwana kusiya kusizukulwane sesithathu lesesine.” UMosi waphanga wakhothamisela ikhanda lakhe phansi, wakhonza.

Lingakhonzi omunye unkulunkulu, ngoba uJehova, obizo lakhe linguBukhwele, nguNkulunkulu olobukhwele.

Ngakho iyezi lagubuzela iThente lokuHlanganela, kwathi inkazimulo kaJehova yagcwala ithabanikeli. UMosi kenelisanga ukungena eThenteni lokuHlanganela ngenxa yeyezi elalimi phezu kwalo, inkazimulo kaJehova yagcwala ethababanikeleni.

Ngakho iyezi likaJehova lalisiba phezu kwethabanikeli emini, kuthi ebusuku kube lomlilo eyezini, bebona bonke abendlu yako-Israyeli ekuhambeni kwabo konke.

UMosi lo-Aroni basebesiyangena eThenteni lokuHlanganela. Bathi bephuma, babusisa abantu; inkazimulo kaJehova yabonakala kubo bonke abantu. Kwavela umlilo lapho ngoba uJehova wayekhona kwatsha umnikelo wokutshiswa kanye lamahwahwa e-alithareni. Abantu bonke bathi bebona lokho, bamemeza ngentokozo bathi mbo phansi ngobuso.

UJehova wathi kuMosi, “Tshela umfowenu u-Aroni ukuthi angamani eze nje ngokuthanda kwakhe endaweni eNgcwele Ngcwele ngemuva kwekhetheni phambi kwesihlalo somusa phezu kwebhokisi lesivumelwano, funa afe, ngoba ngiyabonakala ngiseyezini phezu kwesihlalo somusa.

Ngosuku okwamiswa ngalo ithabanikeli, iThente lobuFakazi, iyezi lalisibekela. Kusukela kusihlwa kuze kuse iyezi elaliphezu kwethabanikeli linjengomlilo. Laqhubeka linjalo; lembeswe liyezi, ebusuku lalinjengomlilo.

Impela njengoba ngiphila, lanjengoba inkazimulo kaJehova igcwalise umhlaba wonke,

Kwathi uKhora esebaqoqile abalandeli bakhe bephikisana labo esangweni leThente lokuHlanganela, inkazimulo kaJehova yabonakala kubo bonke abantu ababebuthene kuleyondawo.

Kodwa kwathi ibandla selibuthene bephikisa uMosi lo-Aroni njalo sebekhangele eThenteni lokuHlanganela, masinyane iyezi lalisibekela kwavela inkazimulo kaJehova.

UMosi lo-Aroni basuka embuthanweni wabantu baya esangweni leThente lokuHlanganela bawa phansi ngobuso, inkazimulo kaJehova yasibonakala kubo.

Ngakho uJehova wavula amehlo kaBhalamu, wabona ingilosi kaJehova imi endleleni iqaphise inkemba. Ngakho wakhothama wawa phansi ngobuso.

isambulelo salowo olalela ezwe amazwi kaNkulunkulu, ololwazi oluvela koPhezukonke, obona umbono ovela kuMninimandla wonke, owela phansi ngokuzehlisa, njalo omehlo akhe avulekile:

Lakutshengiswa konke lokhu ukuze lazi ukuthi uJehova unguNkulunkulu; ngaphandle kwakhe kakho omunye futhi. Esemazulwini wakwenza ukuthi lilizwe ilizwi lakhe ukuze libe lobuntu. Emhlabeni walitshengisa amalangabi omlilo akhe omkhulu, njalo lawezwa amazwi akhe ephuma emlilweni.

Yamukelani njalo likugcine ezinhliziyweni zenu lamuhla ukuthi uJehova unguNkulunkulu ezulwini phezulu lasemhlabeni phansi. Kakho omunye.

Lathi, “UJehova wethu usitshengisile inkazimulo yakhe kanye lobukhosi bakhe, njalo sizwile ilizwi lakhe livela elangabini lomlilo. Lamuhla sesibonile ukuthi umuntu angaphila noma eke wakhuluma loNkulunkulu.

Zwana, we-Israyeli: UJehova uNkulunkulu wethu nguJehova munye. Thanda uJehova uNkulunkulu wakho ngenhliziyo yakho yonke langomoya wakho wonke kanye langamandla akho wonke.

Ngoba uJehova uNkulunkulu wenu unguJehova wabonkulunkulu njalo unguJehova wamakhosi, uJehova ophakemeyo, olamandla njalo owesabekayo, ongelabandlululo futhi ongemukeli isivalamlomo.

Mesabeni uJehova uNkulunkulu wenu njalo limkhonze. Bambelelani kuye njalo lenze izifungo zenu ngebizo lakhe. Uyindumiso yenu, unguJehova wenu, owalenzela lezozimanga ezinkulu lezesabekayo elazibona ngamehlo enu.

Lingayekela ukulandela ngonanzelelo wonke amazwi alo umthetho, alotshwe kule incwadi, njalo lingalesabi lelibizo lenkazimulo eyesabekayo  —  uJehova uNkulunkulu wenu  —

Ngizaliphakamisa ibizo leNkosi. Yebo dumisani ubukhulu bukaNkulunkulu! UliDwala, imisebenzi yakhe iphelele, njalo zonke izindlela zakhe zilungile. UNkulunkulu othembekileyo ongenzi okubi, uqotho njalo ulungile yena.

Angithi liyazibonela ukuthi Mina ngiNguye! Kakho omunye unkulunkulu ngaphandle kwami. Ngiyabhubhisa njalo ngiyaphilisa. Ngilimazile njalo ngelaphile kakho ongakhululwa esandleni sami.

“Kakho ofana loNkulunkulu kaJeshuruni, ophezulu emazulwini ukuze akuncede kanti njalo lasemayezini ngobukhosi bakhe. UNkulunkulu oyisimakade uyisiphephelo sakho, njalo ngaphansi kuzingalo ezingelakuphela. Uzazixotsha izitha phambi kwakho esithi, ‘Mbulale!’

Yaphendula yathi “Angikho ndawo, kodwa njengomlawuli webutho likaJehova sengifikile.” UJoshuwa wathi mbo phansi ngobuso ngokudumisa waseyibuza esithi, “Kambe uJehova ulombiko bani kule inceku yakhe?” Umlawuli wamabutho kaJehova waphendula wathi, “Khulula izicathulo zakho ngoba indawo omi kuyo ingcwele.” UJoshuwa wenza njalo.

Abaphristi abayisikhombisa kabathwale amacilongo enziwe ngezimpondo zezinqama phansi kwebhokisi lesivumelwano. Ngosuku lwesikhombisa, hambani libhoda idolobho kasikhombisa, abaphristi bevuthela amacilongo. Nxa lingabezwa sebetshaya amacilongo badonse, abantu bonke kabahlabe umkhosi; umduli wedolobho uzadilika abantu bahle bangene, yilowo lalowo aqonde phambili.”

Kwathi amacilongo ekhala abantu bahlaba umkhosi; ekukhaleni kwecilongo, abantu sebehlaba umkhosi omkhulu, umduli wabhidlika, ngakho wonke umuntu wangena phakathi balithatha idolobho.

UJoshuwa wadabula izigqoko zakhe wathi mbo phansi ngobuso phambi kwebhokisi lesivumelwano sikaJehova, wala elokhu enjalo kwaze kwahlwa. Abakhokheli bako-Israyeli labo benza njalo, basebezithela ngothuli emakhanda abo.

“Zwanini lokhu lina makhosi! Lalelani lina babusi! Ngizahlabelela kuJehova, ngizahlabelela; ngizahubela uJehova ihubo, uNkulunkulu ka-Israyeli.

Yaphendula yathi, “Kungani ungibuza ibizo lami? Kaliqedisiseki.” Lapho-ke uManowa wathatha izinyane lembuzi, ndawonye lomnikelo wamabele wakunikela kuJehova phezu kwedwala. Njalo uJehova wenza into emangalisayo uManowa lomkakhe bekhangele: Kwathi ilangabi libhebha lisuka e-alithareni lisiya ezulwini, ingilosi kaJehova yenyukela phezulu iphakathi kwelangabi. Bebona lokhu uManowa lomkakhe bathi mbo phansi ngobuso.

“Kakho ongcwele njengoJehova; kakho omunye ngaphandle kwakho; akulaDwala elinjengoNkulunkulu wethu.

UDavida lendlu yonke ka-Israyeli benza umkhosi omkhulu wokuthokoza ngamandla abo wonke phambi kukaJehova ngokuhlabela izingoma lokutshaya amachacho, lemihubhe, lamagedla, lamasisitrumu kanye lamasimbali.

UDavida wayegqoke isigqoko samahlombe selineni, wagida phambi kukaJehova ngamandla akhe wonke, lapho yena kanye lendlu yonke ka-Israyeli beletha ibhokisi lesivumelwano sikaJehova ngokuklabalala langokukhala kwamacilongo. Kwathi lapho ibhokisi lesivumelwano sikaJehova selingena eDolobheni likaDavida, uMikhali indodakazi ka-Sawuli wayekhangele ngewindi. Kwathi ebona inkosi uDavida eseqa egida phambi kukaJehova, wameyisa enhliziyweni yakhe.

Ngiyakhuleka kuJehova, ofanele ukudunyiswa njalo ngikhululwe ezitheni zami.

UJehova wakhwaza esezulwini; ilizwi loPhezukonke lanqenqetha.

Ngakho-ke ngizakubonga, O uJehova, phakathi kwezizwe; ngizahlabelela indumiso ebizweni lakho.

Kwathi abaphristi sebesukile eNdaweni eNgcwele, iyezi lagcwala lagubuzela ethempelini likaJehova. Abaphristi abenzanga inkonzo yabo ngenxa yeyezi, ngoba inkazimulo kaJehova yayigcwele ethempelini lakhe.

Ngalokho uSolomoni wema e-alithareni likaJehova phambi kwebandla lonke lako-Israyeli, welula izandla zakhe waziphakamisela ezulwini wasesithi: “O Jehova, Nkulunkulu ka-Israyeli, kakho uNkulunkulu onjengawe ezulwini phezulu loba emhlabeni ngaphansi  —  wena ogcina isithembiso sakho sothando lezinceku zakho, wena oqhubeka ngenhliziyo yonke endleleni yakho.

“Kodwa uNkulunkulu uzahlala emhlabeni na? Amazulu, loba izulu eliphakemeyo, akungeke kukuvalele wena. Pho ithempeli leli engilakhileyo lingayini kuwe na!

Abantu bonke bekubona lokhu, bazilahla phansi bakhala bathi, “UJehova  —  nguye uNkulunkulu! UJehova  —  nguye uNkulunkulu!”

UMikhaya waqhubekela phambili wathi, “Ngakho zwana ilizwi likaJehova elithi, “Ngabona uJehova ehlezi esihlalweni sakhe sobukhosi lamabandla wonke asezulwini emi ngakwesokunene sakhe lakwesokhohlo sakhe.

UHezekhiya wakhuleka kuJehova wathi: “O Jehova ka-Israyeli, ohlezi ngaphezu kwamaKherubhi, wena wedwa unguNkulunkulu phezu kwemibuso yonke yomhlaba. Wenzile izulu lomhlaba.

UDavida labo bonke abako-Israyeli babejabula bezithokozisa ngamandla abo wonke phambi kukaNkulunkulu, ngezingoma betshaya lamachacho, lezingungu, lezigubhu, lamacilongo.

UDavida watshela abakhokheli babaLevi ukuthi bakhethe abafowabo ukuthi babe ngabahlabeleli ukuze bahlabelele izingoma ezimnandi, betshaya amachacho lezigubhu lemihubhe.

UDavida labo bonke abaLevi ababethwele ibhokisi lesivumelwano sikaJehova labahlabeleli loKhenaniya umkhokheli wabahlabeleli babegqoke izigqoko zelembu lelineni elihle, uDavida wayegqoke lesigqoko semahlombe selineni elihle. Ngakho abako-Israyeli ngobunengi babo baletha ibhokisi lesivumelwano sikaJehova ngomdumo omkhulu, bevuthela izimpondo zezinqama betshaya lamacilongo, lezigubhu lamachacho lemihubhe. Ekungeneni kwebhokisi lesivumelwano sikaJehova eMzini kaDavida, uMikhali indodakazi kaSawuli wayebukele elunguze ngewindi. Wathi ebona inkosi uDavida izithokozisa igida, wayeyisa ngenhliziyo yakhe.

Bongani uJehova, litshumayele ibizo lakhe, lizazise phakathi kwabantu izenzo zakhe. Hlabelani indumiso kuye limhubele amahubo; likhulume ngezenzo zakhe ezimangalisayo. Jabulani ebizweni lakhe elingcwele; kazithokoze izinhliziyo zabo abafuna uJehova. Funani uJehova lamandla akhe, limdinge yena njalonjalo.

Hlabelani kuJehova lina, mhlaba wonke, limemezele insindiso yakhe izinsuku ngezinsuku. Fakazani ubukhosi bakhe phakathi kwezizwe, lemisebenzi yakhe emangalisayo phakathi kwabantu bonke. Ngoba umkhulu uJehova, ufanele ukudunyiswa kakhulu, uyesabeka ukwedlula onkulunkulu bonke. Ngoba bonke onkulunkulu bezizwe bayizithombe; kodwa uJehova wadala amazulu. Inkazimulo lobukhosi kukuye. Amandla lentokozo kusendaweni yakhe yokuhlala. Mnikeni uJehova, lina zizukulwana zezizwe. Mnikeni uJehova udumo lamandla. Mnikeni uJehova udumo olufanele ibizo lakhe. Lethani umnikelo lize phambi kwakhe. Mkhonzeni uJehova, lembethe okungcwele, lithuthumele phambi kwakhe, mhlaba wonke; umhlaba ugxilile ungeke wagudluzwa. Kawathokoze amazulu, lomhlaba ujabule, kabathi phakathi kwabezizwe, “UJehova uyabusa.” Kaluhlokome ulwandle lakho konke okukulo. Lamaganga athabe lakho konke okukuwo. Ngakho izihlahla zasendle zizahlabela ngentokozo phambi kukaJehova, ngoba uyeza ukwehlulela umhlaba. Bongani uJehova ngoba ulungile. Uthando lwakhe olungapheliyo lumi kokuphela. Celani lithi: “Sikhulule, O Nkulunkulu mkhululi wethu, usibuthe usikhulule phakathi kwezizwe, ukuba sibonge ibizo lakho elingcwele, ukuze sijabule ngokukudumisa. Kabongwe uJehova, uNkulunkulu ka-Israyeli, kusukela endulo kuze kube nininini. Bonke abantu bathi: “Ameni. Kabongwe uJehova!”

Njalo babemele beme ngezinyawo ekuseni nsuku zonke ukubonga lokudumisa uJehova. Kwakufanele benze njalo lantambama,

UDavida wamdumisa uJehova phambi kwebandla lonke esithi: “Kawudunyiswe, Wena Jehova, Nkulunkulu ka-Israyeli ukhokho, kusukela nininini kuze kube nininini. Bungobakho, O Jehova, ubukhulu lamandla lodumo lobukhosi; ngoba konke okusezulwini lokusemhlabeni kungokwakho. Bungobakho, O Jehova, ubukhosi; uphakeme wena phezu konke. Inotho lodumo kuvela kuwe; ungumbusi wazo zonke izinto. Esandleni sakho kukhona ukuqina lamandla. Kukuwe ukuphakamisa lokupha amandla kubo bonke. Siyakubonga khathesi, Nkulunkulu wethu, silidumisa ibizo lakho elilodumo.

Abaphristi basebesuka eNdaweni eNgcwelengcwele. Bonke abaphristi abalapho babezingcwelisile, kungananzwa ixuku labo. Bonke abaLevi ababe ngabahlabeleli  —  u-Asafi, uHemani, uJudithuni lamadodana abo lezihlobo  —  bamela ngempumalanga kwe-alithare, begqoke ilineni elihle njalo betshaya izigubhu, amachacho lemiqangala. Babephelekezelwa ngabaphristi abalikhulu lamatshumi amabili bekhalisa amacilongo. Abatshayi bamacilongo labahlabeleli bahlanganyela ndawonye, kungathi yilizwi linye, ukuba badumise njalo bebonga uJehova. Sekuhlangene amcilongo lezigubhu lokunye okukhaliswayo, baphakamisa amazwi abo bedumisa uJehova behlabela besithi: “Ulungile; Uthando lwakhe lumi kuze kube nininini.” Ithempeli likaJehova lagcwala iyezi, ngakho abaphristi babengeke benze inkonzo yabo ngenxa yeyezi, ngoba inkazimulo kaJehova yagcwala ithempeli likaNkulunkulu.

USolomoni wasesima phambi kwe-alithare likaJehova phambi kwalo lonke ibandla lako-Israyeli welula izandla zakhe. Wayenze isitubhu sethusi, ubude baso buzingalo ezinhlanu, lobubanzi baso buzingalo ezinhlanu njalo buzingalo ezintathu ukuya phezulu, sona wayesimise phakathi laphakathi kweguma elingaphandle. Wema phezu kwesitubhu waseguqa phambi kwalo lonke ibandla lako-Israyeli waphakamisela izandla zakhe ezulwini. Wasesithi: “O Jehova Nkulunkulu ka-Israyeli, kakho uNkulunkulu ofanana lawe ezulwini lasemhlabeni  —  wena ogcina isivumelwano sakho sothando lezinceku zakho eziqhubeka endleleni yakho ngezinhliziyo ezipheleleyo.

“Kambe uNkulunkulu angahlala labantu emhlabeni na? Amazulu, kanye lamazulu aphezulu kakhulu, kawakulingani. Pho lisilela kanganani lelithempeli engilakhileyo!

Kwathi uSolomoni eseqedile ukukhuleka, kwehla umlilo uvela ezulwini, waqhunqisa umnikelo wokutshiswa lemihlatshelo, inkazimulo kaJehova yagcwalisa ithempeli. Abaphristi behluleka ukungena ethempelini likaJehova ngoba laligcwele inkazimulo kaJehova. Kwathi lapho bonke abako-Israyeli bebona umlilo usehla lenkazimulo kaJehova ethempelini, bathi mbo ngobuso phansi embundwini weguma, badumisa bebonga uJehova besithi: “Yena ulungile; uthando lwakhe lumi kuze kube nininini,”

Abaphristi bema ngezindawo zabo, njengoba labaLevi labo bema ngamachacho lawo inkosi uDavida eyayivele iwenzele ukudumisa uJehova njalo ayevele esetshenziswa nxa ebonga, esithi, “Uthando lwakhe lumi kuze kube nininini.” Maqondana labaLevi, abaphristi babevuthela amacilongo abo, njalo bonke abako-Israyeli babemi.

UMikhaya waqhubeka wathi, “Ngakho zwanini ilizwi likaJehova: Ngabona uJehova ehlezi esihlalweni sakhe sobukhosi lebandla lonke lasezulwini limi ngakwesokudla langakwesenxele.

Ngemva kokubuza abantu, uJehoshafathi wakhetha amadoda okuhlabelela uJehova lokumdumisa ngenxa yenkazimulo yobungcwele bakhe bekhokhele amabutho, besithi: “Mbongeni uJehova, ngoba uthando lwakhe lumi nininini.”

Inkosi uHezekhiya lezikhulu zayo yatshela abaLevi ukuba badumise uJehova ngamazwi kaDavida kanye laka-Asafi umboni. Ngakho badumisa ngokuhlabelela ngenjabulo bakhothamisa amakhanda abo bakhonza.

Ama-Israyeli ayeseJerusalema athakazelela iDili leSinkwa esingelaMvubelo okwezinsuku eziyisikhombisa ngokujabula okukhulu, abaLevi labaphristi behlabelela kuJehova izinsuku zonke, bephathiswa ngamachacho okudumisa uJehova.

Kwathi abakhi sebesibekile isisekelo sethempeli likaJehova abaphristi bagqoka izingubo zabo, baphatha amachacho, kanye labaLevi (amadodana ka-Asafi) bephethe izigubhu, bonke bema ezindaweni zabo ukudumisa uJehova njengokwamiswa nguDavida inkosi yako-Israyeli. Badumisa bebonga, bahlabelela uJehova bathi: “Ulungile; uthando lwakhe ku-Israyeli lumi laphakade.” Bonke abantu bamemeza bedumisa uJehova ngokuba isisekelo sendlu kaJehova sasesibekiwe.

Kwathi-ke ngomhlatshelo wa-kusihlwa, ngaphakama ekuzehliseni kwami, isigqoko sami lejazi lami kudabukile, ngaguqa, izandla zami zivuliwe kuJehova uNkulunkulu wami

U-Ezra wamdumisa uJehova, uNkulunkulu omkhulu, kwathi bonke abantu baphendula baphakamisa izandla zabo bathi, “Ameni! Ameni!” Basebekhothama bekhonza uJehova bethe mbo ngobuso phansi.

Ethaleni kwakumi abaLevi  —  uJeshuwa, loBhani, loKhadimiyeli, loShebhaniya, loBhuni, loSherebhiya, loBhani loKhenani  —  abamemeza baqongisa amazwi kuJehova uNkulunkulu wabo. Njalo abaLevi  —  uJeshuwa, loKhadimiyeli, loBhani, loHashabhineya, loSherebhiya, loHodiya, loShebhaniya, loPhethahiya  —  bathi; “Sukumani lidumise uJehova uNkulunkulu wenu, okhona kusukela phakade kuze kube phakade.” “Libusisiwe ibizo lakho elingcwele, sengathi lingaphakanyiswa ngaphezulu kwakho konke ukubusiswa lokudunyiswa. Wena wedwa unguJehova. Wenza amazulu, kanye lamazulu aphezukonke, lazo zonke izinkanyezi zawo, umhlaba lakho konke okukuwo, izilwandle lakho konke okukuzo. Uyapha ukuphila kukho konke, lamabandla wonke asezulwini ayakukhonza.

“Ngenxa yesihawu sakho esikhulu kawubakhalalanga enkangala. Emini insika yeyezi kayikhawulanga ukubakhokhela endleleni yabo, loba insika yomlilo ebusuku ukukhanyisa indlela ababemele bahambe ngayo.

Ekunikelweni komduli waseJerusalema, abaLevi badingwa lapho ababehlala khona balethwa eJerusalema ukuzathakazelela umkhosi wokunikelwa ngezingoma langokubonga langokutshaya izigubhu lamachacho lemiqangala.

Ngoba kudala, ezinsukwini zikaDavida lo-Asafi, kwakulabaqondisi babahlabeleli labezingoma zokudumisa lokubonga uNkulunkulu.

Ekuzwa lokho uJobe wasukuma wadabula isambatho sakhe, waphuca ikhanda lakhe. Wazilahla phansi wakhonza wathi: “Ngaphuma ngize esiswini sikamama, njalo ngizasuka ngize. UJehova wapha njalo uJehova usethathile; kalidunyiswe ibizo likaJehova.”

“Kodwa aluba bekuyimi, bengizamncenga uNkulunkulu; bengizakwethula udubo lwami kuye. Uyazenza izimanga ezingelakulinganiswa, imimangaliso engelakubalwa.

“Kambe ungayifinyelela yini imfihlakalo kaNkulunkulu? Ungaziphenya iziphetho zikaSomandla na?

“Ikanti nxa ugxilisa inhliziyo yakho kuye uphakamisele izandla zakho kuye,

Ngiyazi ukuthi uMhlengi wami uyaphila, lokuthi ekupheleni uzakuma emhlabeni. Kuzakuthi nxa isikhumba sami sesibhujisiwe, kodwa ngikuyo inyama yami ngizambona uNkulunkulu; mina ngokwami ngizambona ngawami amehlo  —  mina, hatshi omunye. Inhliziyo yami iyagubhazela ngokulangatha!

lapho-ke uSomandla uzakuba ligolide lakho, lesiliva sekhethelo kuwe. Ngempela uzazuza ukuthokoza kuSomandla uphakamisele ubuso bakho kuNkulunkulu.

“UNkulunkulu uphakeme ngamandla akhe. Ngubani ongafundisa njengaye na? Ngubani ommisele izindlela zakhe na, loba othe kuye, “Usuwenze okungalunganga’? Khumbula ukukhulisa umsebenzi wakhe, abantu abawudumisileyo ngengoma.

“Konke lokhu kwenza inhliziyo yami idikize ize itshede endaweni yayo. Lalela! Lalela ukubhonga kwelizwi lakhe, ukuzamazama okuphuma emlonyeni wakhe. Uyawukhulula umbane wakhe ngaphansi kwalo lonke izulu awuthumele emikhawulweni yomhlaba. Ngemva kwalokho kuza umdumo wokubhonga kwakhe; uduma ngelizwi lakhe lobukhosi. Nxa ilizwi lakhe seliqaqamba ulikhulula lonke angalithinti. Ilizwi likaNkulunkulu liduma ngezindlela ezimangalisayo; wenza izinto ezinkulu ngaphezu kokuzwisisa kwethu.

Uyakwazi na ukuthi amayezi emi njani elengile, leyomimangaliso yakhe yena lowo opheleleyo elwazini?

Esuka enyakatho uqhamuka ngenkazimulo enjengegolide; uNkulunkulu uqhamuka ngobukhosi obesabekayo. USomandla singeke simfinyelele njalo uphakeme ulamandla; ekwahluleleni kwakhe okuhle lokulunga okukhulu kacindezeli.

Yena osesihlalweni ezulwini uyahleka; uJehova ubahleka ulunya.

“Sengiyibekile eyami inkosi phezu kweZiyoni, intaba yami engcwele.”

Ngizambonga uJehova ngenxa yokulunga kwakhe; ngizahlabelela indumiso egameni likaJehova oPhezukonke.

Kumqondisi wokuhlabela. Ngendlela yegithithi. Ihubo likaDavida. O Jehova, Nkulunkulu wethu, ibizo lakho libabazeka kangaka emhlabeni wonke! Uyibekile inkazimulo yakho ngaphezulu emazulwini.

O Jehova, Nkulunkulu wethu, ibizo lakho libabazeka kangaka emhlabeni wonke!

Kumqondisi wokuhlabelela. Ihlatshelwa njengengoma ethi “Ukufa kweNdodana.” Ihubo likaDavida. Ngizakudumisa, O Jehova, ngenhliziyo yami yonke; ngizafakaza ngazo zonke izimangaliso zakho. Ngizathokoza ngijabule ngawe; ngizahlabelela indumiso egameni lakho, wena oPhezukonke.

Hlabelelani indumiso kuJehova esebukhosini eZiyoni; fakazani phakathi kwezizwe ngalokho akwenzileyo.

ukuze ngifakaze indumiso yakho emasangweni eNdodakazi yaseZiyoni kuthi khonale ngithokoze ngokusindisa kwakho.

UJehova ungumbusi kuze kube nini lanini; izizwe zizabhubha elizweni lakhe.

UJehova usethempelini lakhe elingcwele; uJehova usesihlalweni sakhe sobukhosi basezulwini. Uyawakhangela amadodana abantu; amehlo akhe ayabahlola.

Ngizahlabelela kuJehova, ngoba ungenzele ukulunga.

Ngilondoloza njengegugu lakho; ngifihla ethunzini lamaphiko akho,

Kumqondisi wokuhlabela. ElikaDavida inceku yeNkosi. Wahlabelela uJehova amazwi engoma le lapho uJehova ayemkhulule esandleni sezitha zakhe zonke lasesandleni sikaSawuli. Wathi: Ngiyakuthanda, O Jehova, mandla ami. UJehova ulidwala lami, inqaba yami, lomkhululi wami; uNkulunkulu wami ulidwala lami, ngiphephela kuye. Uyisihlangu sami lophondo lokusindiswa kwami, inqaba yami. Ngiyambiza uJehova, ufanele ukudunyiswa, ngikhululwe ezitheni zami.

UJehova wakhalima esezulwini; ilizwi loPhezukonke lavimbanisa indawo.

UNkulunkulu yena indlela yakhe iphelele; ilizwi likaJehova kalilansolo. Ulihawu labo bonke abaphephela kuye. Ngoba ngubani uNkulunkulu ngaphandle kukaJehova? Njalo ngubani oliDwala ngaphandle kukaNkulunkulu wethu na?

UJehova uyaphila! Alidunyiswe iDwala lami! Makaphakanyiswe uNkulunkulu uMsindisi wami!

Kumqondisi wokuhlabela. Ihubo likaDavida. Amazulu afakaza inkazimulo kaNkulunkulu; lomkhathi utshumayela umsebenzi wezandla zakhe.

Mawuphakanyiswe, O Jehova, ngamandla akho; sizahlabela sibabaze amandla akho.

Kanti usesihlalweni sobukhosi unguye oNgcwele; uyindumiso ka-Israyeli.

Ngizamemezela ibizo lakho kubafowethu; emphakathini ngizakudumisa. Lina elimesabayo uJehova, mdumiseni! Lani lina zizukulwane zikaJakhobe, mbabazeni! Mhlonipheni, lina lonke zizukulwane zika-Israyeli! Ngokuba keyisanga loba adelele ukuhlupheka kwalowo ohlukuluzwayo; kamfihlelanga ubuso bakhe kodwa walalela ukukhala kwakhe ecela ukusizwa. Sivela kuwe isithathelo sokudumisa kwami emhlanganweni omkhulu; Ngizagcwalisa izifungo zami phambi kwalabo abakwesabayo. Abayanga bazakudla basuthe; labo abamdingayo uJehova bazamdumisa  —  sengathi izinhliziyo zenu zingaphila nini lanini! Yonke imikhawulo yomhlaba izakhumbula iphendukele kuJehova, njalo lezimuli zonke zezizwe zizakhothama phansi phambi kwakhe, ngokuba umbuso ungokaJehova njalo uyabusa phezu kwezizwe. Zonke izinothi zomhlaba zizakudla amadili njalo zikhonze; bonke abangena othulini bazaguqa phambi kwakhe labo abangeke baziphilise.

Phakamisani izihloko zenu, lina masango; phakamani, lina minyango yekadeni, ukuba uJehova wenkazimulo angene. Ngubani lowo onguJehova wenkazimulo? NguJehova oqinileyo olamandla, uJehova olamandla empini. Phakamisani izihloko zenu, lina masango; ziphakamiseni, lina minyango yekadeni, ukuba uJehova wenkazimulo angene. Ungubani na lowoJehova wenkazimulo? NguJehova uSomandla  —  nguye uJehova wenkazimulo.

Yinye into engiyicelayo kuJehova, yilokhu engikudingayo: ukuba ngihlale endlini kaJehova zonke izinsuku zokuphila kwami, ngibuke ubuhle bukaJehova, lokuthi ngimdinge ethempelini lakhe.

Lapho-ke ikhanda lami lizaphakanyiswa ngaphezu kwezitha ezingihanqileyo; ethabanikeleni lakhe ngizakwenza umhlatshelo ngimemeza ngentokozo; ngizahlabelela ngivume ingoma kuJehova. Zwana ilizwi lami lapho ngimemeza O Jehova; woba lomusa kimi ungiphendule. Ithi inhliziyo yami ngawe, “Dinga ubuso bakhe!” Ubuso bakho, Jehova ngizabudinga.

UJehova ungamandla ami lesihlangu sami; inhliziyo yami yethemba kuye, ngiyancedwa. Inhliziyo yami iyaqolotsha ngentokozo njalo ngizambonga ngehubo.

Ihubo likaDavida Mupheni uJehova, lina ziphakanyiswa, mupheni uJehova ubukhosi lamandla. Mupheni uJehova ubukhosi obufanele ibizo lakhe; mkhonzeni uJehova ekukhazimuleni kobungcwele bakhe. Ilizwi likaJehova lingaphezulu kwamanzi; uNkulunkulu wenkazimulo uyandindiza, uJehova uyandindiza phezu komsinga wamanzi. Ilizwi likaJehova lilamandla; ilizwi likaJehova lilobukhosi.

Ilizwi likaJehova liyayitshila imikusu likhwixine izihlahla amagusu asale eze. Njalo ethempelini lakhe bonke bazamemeza bathi, “Inkazimulo!” UJehova uhlezi ebukhosini phezu kwesikhukhula; uJehova unguMbusi lanininini.

Hlabelelani kuJehova lina bangcwele bakhe; dumisani igama lakhe elingcwele.

Waguqula ukububula kwami kwaba ngumgido; wangihlubula izigqoko zamasaka wangigqokisa ukuthokoza, ukuze inhliziyo yami ikuhlabelele ingathuli. O Jehova, Nkulunkulu wami, ngizakubonga nini lanini.

Hlabelelani kuJehova ngentokozo, lina balungileyo; kubafanele abaqotho ukumdumisa. Dumisani uJehova ngechacho; mhlabeleleni ngesiginci sezintambo ezilitshumi. Mhlabeleleni ingoma entsha; tshayani kamnandi lihlokome ngentokozo.

ElikaDavida. Lapho azitshaya uhlanya ku-Abhimeleki, owamxotshayo wahamba. Ngizamphakamisa uJehova ngezikhathi zonke; indumiso yakhe izahlala isezindebeni zami. Umphefumulo wami uzancoma uJehova; akuthi abahluphekayo bezwe bajabule. Bongani uJehova kanye lami; kasiphakamiseni ibizo lakhe kanyekanye.

Ngizakubonga phakathi komhlangano omkhulu; ngikudumise ngiphakathi kwezixuku zabantu.

Sengathi labo abathokoza ngokugezwa kwami bangahalalisa ngentokozo lenjabulo; sengathi bangatsho kokuphela bathi, “Makaphakanyiswe uJehova othokoza ngokuhlala kuhle kwenceku yakhe.” Ulimi lwami luzakhuluma ngokulunga kwakho langendumiso yakho ilanga lonke.

Wangipha ingoma entsha emlonyeni wami, ihubo lokudumisa kuNkulunkulu wethu. Abanengi bazabona besabe babeke ithemba labo kuJehova.

Kodwa-ke sengathi bonke abakudingayo bangathokoza bajabule kuwe; sengathi labo abathanda insindiso yakho bangahlala besithi, “UJehova kadunyiswe!”

Ubuqotho bami busekelwa nguwe njalo ungimisa phambi kwakho nini lanini. Udumo alube kuye uJehova, uNkulunkulu ka-Israyeli, kusukela nininini kuze kube nininini. Ameni njalo Ameni!

Kumkhokheli wokuhlabela. Imasikili yamaDodana kaKhora. Njengempala inxwanela imifula yamanzi, kunjalo umphefumulo wami uyakunxwanela, O Nkulunkulu. Umphefumulo wami womela uNkulunkulu, uNkulunkulu ophilayo. Ngizahamba nini ngiyohlangana loNkulunkulu?

Emini uJehova uyaluqondisa uthando lwakhe ebusuku ingoma yakhe ikhona kimi  —  umthandazo kuNkulunkulu wempilo yami.

Lapho-ke ngizakuya e-alithareni likaNkulunkulu, kuNkulunkulu, intokozo yami lenjabulo yami. Ngizakudumisa ngechacho, O Nkulunkulu, Nkulunkulu wami.

Hloma inkemba yakho okhalweni, wena omkhulu; zembathise ngokukhazimula langobukhosi. Unjalo usebukhosini bakho khwela enqoleni ulokunqoba umele iqiniso lokuzithoba lokulunga; akuthi isandla sakho sokunene senze izimanga.

Isihlalo sakho sobukhosi, O Nkulunkulu, sizakuma nini lanini; intonga yokwahlulela kuhle izakuba yintonga yombuso wakho.

Ibizo lakho ngizalenza likhunjulwe kokuphela yizizukulwane zonke; yikho-ke izizwe zizakudumisa nini lanini.

“Thulani, lazi ukuba mina nginguNkulunkulu; ngizaphakanyiswa phakathi kwezizwe; ngizaphakanyiswa emhlabeni.”

Kumqondisi wokuhlabela. ElamaDodana kaKhora. Ihubo. Qakezani izandla zenu, zizwe zonke; hlokomani kuNkulunkulu ngomsindo wokuthokoza. Wesabeka kangakanani uJehova oPhezukonke, uJehova omkhulu kuwo wonke umhlaba!

UNkulunkulu usekhuphukile phakathi komsindo wentokozo, uJehova uphakathi kokukhala kwamacilongo. Hlabelelani indumiso kuNkulunkulu, hlabelelani indumiso; hlabelelani indumiso kuJehova wethu, hlabelelani indumiso. Ngokuba uNkulunkulu unguJehova womhlaba wonke; hlabelelani kuye ihubo lokudumisa. UNkulunkulu uyazibusa izizwe; UNkulunkulu uhlezi esihlalweni sakhe sobukhosi esingcwele. Izikhulu zezizwe ziyaqoqana njengabantu bakaNkulunkulu ka-Abhrahama, ngokuba amakhosi omhlaba angakaNkulunkulu; uphakeme kakhulukazi.

Ingoma. Ihubo lamaDodana kaKhora. Umkhulu uJehova, ufanele ngokuphindiweyo ukudunyiswa, emzini kaNkulunkulu wethu, intaba yakhe engcwele.

Ngokuba uNkulunkulu lo nguNkulunkulu wethu nini lanini; uzakuba ngumholi wethu lasekupheleni.

Yenzani imihlatshelo yokubonga kuNkulunkulu, gcwalisani izifungo zenu koPhezukonke, njalo lize kimi mhla lisekuhluphekeni; ngizalikhulula, lani lizangidumisa.”

Lowo owenza iminikelo yokubonga uyangidumisa, njalo uyalungisa indlela ukuze ngimtshengise insindiso kaNkulunkulu.”

Ngikhulula ecaleni lokuchitha igazi, O Nkulunkulu, uNkulunkulu ongisindisayo, njalo ulimi lwami luzahlabelela ukulunga kwakho. O Nkulunkulu, vula izindebe zami, umlomo wami uzamemezela indumiso yakho.

Mawuphakanyiswe, O Nkulunkulu, ngaphezu kwamazulu; akuthi inkazimulo yakho ibesemhlabeni wonke.

Inhliziyo yami ibambelele, O Nkulunkulu, inhliziyo yami ibambelele; ngizahlabela ngenze umsindo omnandi.

Kodwa mina ngizahlabelela ngihaya amandla akho, ekuseni ngizahlabelela ngihaya amandla akho, ngokuba wena uyinqaba yami, isiphephelo sami ezikhathini zokuhlupheka. O wena Mandla ami, ngihlabelela indumiso kuwe; wena, O Nkulunkulu uyinqaba yami, Nkulunkulu wami olothando.

Lapho-ke ngizahlala ngihlabelela indumiso ebizweni lakho ngigcwalise izifungo zami insuku ngensuku.

Ihubo likaDavida. WayeseNkangala yakoJuda. O Nkulunkulu, unguNkulunkulu wami, ngiyakudinga ngitshiseka; umphefumulo wami uyakomela, umzimba wami uyakudinga, elizweni elomileyo eseligugile lapho okungelamanzi khona. Ngikubonile endlini yakho engcwele ngawabona amandla akho lenkazimulo yakho. Ngokuba uthando lwakho lungcono kulempilo, izindebe zami zizakutsho inkazimulo yakho. Ngizakudumisa kokuphela uma ngisaphila, ngebizo lakho ngizaphakamisa izandla zami. Umphefumulo wami uzasuthiswa ngokudla okuhle okuphilisayo; ngezindebe ezihlabelayo umlomo wami uzakudumisa. Ngisembhedeni wami ngiyakhumbula; ngiyakukhumbula lanxa ngisemlindweni wasebusuku.

Kodwa inkosi izathokoza kuNkulunkulu; bonke abafunga ngebizo likaNkulunkulu bazamdumisa, ikanti imilomo yabaqamba amanga izathuliswa.

Kumqondisi wokuhlabela. Ihubo likaDavida. Ingoma. Udumo lukulindele, O Nkulunkulu, eZiyoni; kuwe izifungo zethu zizagcwaliseka.

Kumqondisi wokuhlabela. Ingoma. Ihubo. Memezani ngentokozo kuNkulunkulu mhlaba wonke! Hlabelani ngobukhosi bebizo lakhe; yenzani udumo lwakhe lube lenkazimulo! Yitshoni kuNkulunkulu lithi, “Imangalisa kangaka imisebenzi yakho! Umhlaba wonke uyakhothama kuwe; bahlabela udumo kuwe, bahlabelela udumo ebizweni lakho.”

Uyabusa laphakade ngamandla akhe, amehlo akhe ayazikhangela izizwe  —  sengathi abahlamuki bangaze bamvukela. Dumisani uNkulunkulu wethu, lina bantu lonke, akuthi inhlokomo yokudunyiswa kwakhe izwakale;

Hlabelelani kuNkulunkulu, hlabelelani indumiso ebizweni lakhe, mphakamiseni ohlezi phezu kwamayezi  —  ibizo lakhe nguJehova  —  njalo lithokoze phambi kwakhe.

umhlaba wanyikinyeka, umkhathi walithulula izulu, phambi kukaNkulunkulu, onguYena oweSinayi, phambi kukaNkulunkulu ka-Israyeli.

Hlabelelani kuNkulunkulu, hawu lina mibuso yomhlaba, hlabelelani indumiso kuJehova, kuye ohlala phezu kwesibhakabhaka sekadeni, okhwaza ngelizwi elikhulu. Fakazani ngamandla kaNkulunkulu, obukhosi bakhe buphezu kuka-Israyeli; omandla akhe asesibhakabhakeni. Uyamangalisa, O Nkulunkulu, usendlini yakho engcwele; uNkulunkulu ka-Israyeli upha amandla ebantwini bakhe. Indumiso kayibe kuNkulunkulu!

Ngizalidumisa ibizo likaNkulunkulu ngengoma, ngilibabaze ngokubonga.

Akuthi izulu lomhlaba kumdumise, izilwandle lakho konke okunyakaza kuzo,

Kodwa akuthi labo abakufunayo bathokoze bajabule kuwe; akuthi labo abathanda insindiso yakho bahlale besithi, “UNkulunkulu kaphakanyiswe!”

Kusukela ekuzalweni kwami ngahle ngeyama kuwe; nguwe owangikhuphayo esiswini sikamama. Ngizakudumisa njalonjalo. Senginjengomhlolo kwabanengi, kodwa wena uyisiphephelo sami esiqinileyo. Umlomo wami ugcwele udumo lwakho, umemezela inkazimulo yakho ilanga lonke.

Kodwa mina ngizahlala ngithembile; ngizakudumisa kakhulu kakhulu.

Ngizakudumisa ngechacho ngenxa yokuthembeka kwakho, O Nkulunkulu wami; ngizahlabelela indumiso kuwe ngomqangala, wena oNgcwele ka-Israyeli. Izindebe zami zizamemeza ngentokozo lapho ngihlabelela indumiso kuwe mina ongisindisileyo.

Izizwe ezihlala enkangala zizakhothama kuye, izitha zakhe zizakhotha uthuli.

Wonke amakhosi azakhothama kuye lezizwe zonke zizakhonza kuye.

Sengathi ibizo lakhe lingema njalo laphakade, kalibe khona lanini nxa lilokhu lisekhona ilanga. Zonke izizwe zizabusiswa ngaye, zizakuthi ubusisiwe. Udumo alube kuye uJehova uNkulunkulu, uNkulunkulu ka-Israyeli, onguye yedwa owenza izinto ezimangalisayo. Udumo kalube sebizweni lakhe elingcwele laphakade; sengathi umhlaba wonke ungagcwala inkazimulo yakhe. Ameni, njalo Ameni.

Ngizayikhumbula imisebenzi kaJehova; yebo, ngizayikhumbula imimangaliso yakho yekadeni. Ngizacabanga ngayo yonke imisebenzi yakho nginakane ngazo zonke izenzo zakho ezinkulu. Izindlela zakho, O Nkulunkulu, zingcwele; nguwuphi unkulunkulu omkhulu njengoNkulunkulu wethu na? Nguwe Nkulunkulu owenza izimanga; uyawatshengisa amandla akho ebantwini.

Wabahola ngeyezi emini njalo ngokukhanya komlilo ubusuku bonke.

Bakhumbula ukuthi uNkulunkulu wayelidwala labo, ukuthi uNkulunkulu oPhezukonke wayenguMkhululi wabo.

Kumqondisi wokuhlabela. Elika-Asafi Hlabelelani ngentokozo kuNkulunkulu ongamandla ethu; memezani kakhulu kuNkulunkulu kaJakhobe! Qalisani ukuhlabela, tshayani isigubhu, khalisani ichacho elimnandi lomhubhe.

Yenza bakwazi ukuthi wena, obizo lakho unguJehova  —  ukuthi wena wedwa ungoPhezukonke emhlabeni wonke.

Kumqondisi wokuhlabela. Ngendlela yegithithi. Elabantwana bakaKhora. Ihubo. Yeka ubuhle bendlu yakho, O Jehova Somandla! Umphefumulo wami uyalangazela, uze ungathi uyaphela, amaguma kaJehova; inhliziyo yami lenyama yami kukhalela uNkulunkulu ophilayo. Intaka layo ilizuzile ikhaya, lenkonjane isidleke sayo, lapho ingazalela khona abantwana bayo indawo eduze kwe-alithare lakho, O Jehova Somandla, Nkosi yami loNkulunkulu wami. Babusisiwe labo abahlala endlini yakho; bahlala bekudumisa kokuphela.

Zonke izizwe owazenzayo zizakuza zikhonze kuwe, O Jehova; zizaletha udumo ebizweni lakho. Ngokuba umkhulu njalo wenza imisebenzi emangalisayo; wena wedwa unguNkulunkulu. Ngifundisa indlela yakho, O Jehova, ukuze ngihambe eqinisweni lakho; ngipha inhliziyo engaxamalazanga, ukuze ngilesabe ibizo lakho. Ngizakudumisa, O Jehova Nkulunkulu wami, ngenhliziyo yami yonke; ngizalidumisa ibizo lakho laphakade.

Bazakuthi betshaya amachacho bahlabele bathi, “Yonke imithombo yami ikuwe.”

amehlo ami asebona kalufifi ngenxa yosizi. Ngiyakubiza, O Jehova, izinsuku zonke; ngiphakamisela izandla zami kuwe.

Ngizahlabelela ngothando lukaJehova olukhulu lanininini; ngomlomo wami ngizakwenza ukuthembeka kwakho kwaziwe ezizukulwaneni zonke.

Amazulu ayazidumisa izimanga zakho, O Jehova, lokuthembeka kwakho emhlanganweni wabangcwele. Phela ngubani onjengoJehova phakathi kwabaphilayo ezulwini na? Ngubani onjengoJehova phakathi kwabaphilayo ezulwini na? Enhlanganisweni yabangcwele uNkulunkulu uyesatshwa kakhulu; uyesabeka kulabo bonke abahlezi laye.

Ukulunga lokwahlulela kuhle yikho okuyinsika yesihlalo sakho sobukhosi; uthando lokuthembeka kuhamba phambili kwakho.

Ngokuba uyibukhosi babo lamandla abo, kuthi ngomusa wakho uphakamise uphondo lwethu. Ngempela isihlangu sethu ngesikaJehova, lenkosi yethu ingeNgcwele Yodwa ka-Israyeli.

Umthandazo kaMosi umuntu kaNkulunkulu. Jehova, wena ulikhaya lethu kuzo zonke izizukulwane. Izintaba zingakabikhona lalapho ungakawuvezi umhlaba kanye lelizwe, kusukela phakade kuze kube phakade unguNkulunkulu.

Lowo ohlala ekusithekeni koPhezukonke uzaphumula emthunzini kaSomandla.

Ihubo. Ingoma. Elosuku lweSabatha. Kuhle ukudumisa uJehova lokuhlabelela ebizweni lakho, wena oPhezukonke,

UJehova uyabusa, uvunule ubukhosi; uJehova uvunule ubukhosi njalo uhlomile ngamandla. Umhlaba ugxilile uqinile; ngeke ugudlulwe. Isihlalo sakho saqiniswa ekadeni; unguwe kusukela phakade. Izilwandle seziphakamisile, O Jehova, izilwandle ziliphakamisile ilizwi lazo; izilwandle ziwaphakamisile amavinqo azo agubhazelayo. Ngamandla edlula umdumo wamanzi amanengi, ngamandla edlula awokugubhaza kolwandle  —  uJehova ophezulu ulamandla. Izimiso zakhe zimi ziqinile; ubungcwele bukhazimulisa indlu yakho okwezinsuku ezingapheliyo, O Jehova.

Wozani sihlabelele ngentokozo kuJehova; kasihlokomeni kamnandi kulo iDwala lokusindiswa kwethu. Kasizeni phambi kwakhe ngokubonga simdumise ngamachacho langengoma. Ngokuba uJehova unguNkulunkulu omkhulu, iNkosi ngaphezu kwabonkulunkulu bonke.

Wozani, kasikhothame simkhonze, kasiguqe phambi kukaJehova uMenzi wethu;

Hlabelani kuJehova ingoma entsha; hlabelani kuJehova mhlaba wonke. Hlabelani kuJehova, dumisani igama lakhe; memezelani insindiso yakhe izinsuku ngezinsuku. Bikelani izizwe ngobukhosi bakhe, izenzo zakhe ezimangalisayo phakathi kwabantu bonke. Ngokuba umkhulu uJehova, ufanele ngokuphindiweyo ukudunyiswa; kumele esatshwe ngaphezu kwabonkulunkulu bonke. Ngoba bonke onkulunkulu bezizwe bayizithombe, kodwa uJehova wenza amazulu. Inkazimulo lobukhosi kuphambi kwakhe; amandla lobukhosi kusendlini yakhe engcwele. Mupheni uJehova, we lina zimuli zezizwe, mupheni uJehova ubukhosi lamandla. Mupheni uJehova ubukhosi obufanele ibizo lakhe; lethani umnikelo lize emagumeni akhe. Mkhonzeni uJehova enkazimulweni yobungcwele bakhe; thuthumelani phambi kwakhe mhlaba wonke. Wothani phakathi kwezizwe, “UJehova uyabusa.” Umhlaba umi ugxilile, ungeke wagudlulwa; uzabehlulela abantu ngokubafaneleyo. Amazulu kawathokoze, umhlaba kawujabule; ulwandle kaluhlokome, lakho konke okukulo; amasimu kawathakazelele lakho konke okukuwo. Lapho-ke izihlahla zonke zeganga zizahlabela ngentokozo; zizahlabela phambi kukaJehova, ngokuba uyeza, uyeza ukuzakwahlulela umhlaba. Uzakwahlulela umhlaba ngokulunga, ahlulele abantu ngeqiniso.

UJehova uyabusa, umhlaba kawuthokoze; akuthi amakhumbi akude ajabule. Amayezi lomnyama omkhulu kumsibekele; ukulunga lokwahlulela kuhle kuyisisekelo sesihlalo sakhe sobukhosi.

Izintaba zincibilika njengengcino phambi kukaJehova, phambi kukaJehova womhlaba wonke. Amazulu amemezela ukulunga kwakhe, abantu bonke bayibone inkazimulo yakhe.

Ngokuba wena, O Jehova ungoPhezukonke kuwo wonke umhlaba; uphakeme ngaphezulu kakhulu kwabonkulunkulu bonke.

Hlabelelani uJehova ingoma entsha, ngokuba wenzile izinto ezimangalisayo; isandla sakhe sokunene lengalo yakhe engcwele sekumenzele insindiso.

Hlokomani ngentokozo kuJehova, mhlaba wonke, hlabelani ingoma ngokujabula okukhulu litshaya amachacho; yenzani umsindo kuJehova ngomhubhe, ngomhubhe langomsindo wokuhlabela, ngamacilongo langomsindo wophondo lwenqama  —  hlokomani ngentokozo phambi kukaJehova, iNkosi. Akuthi ulwandle luhlokome, lakho konke okukulo, umhlaba labo bonke abahlala kuwo. Akuthi imifula iqakeze izandla zayo, akuthi izintaba zihlabele kanyekanye ngentokozo;

UJehova uyabusa, izizwe kazithuthumele; uhlezi esihlalweni sobukhosi phakathi kwamakherubi, umhlaba kawuzamazame. Mkhulu uJehova eZiyoni; uphakeme ngaphezu kwezizwe zonke. Mabadumise ibizo lakho elikhulu elesabekayo  —  yena ungcwele. INkosi ilamandla, ithanda ukwahlulela okuhle  —  umisile ukwaba ngemfanelo; kuJakhobe usuwenzile okuqondileyo lokulungileyo. Dumisani uJehova uNkulunkulu wethu likhonze phansi kwesihlalo sakhe; yena ungcwele.

Phakamisani uJehova uNkulunkulu wethu, limkhonze entabeni yakhe engcwele, ngokuba uJehova uNkulunkulu wethu ungcwele.

Ihubo. Elokubonga. Hlokomani ngentokozo kuJehova, mhlaba wonke. Mkhonzeni uJehova ngenjabulo; wozani phambi kwakhe ngezingoma zokuthokoza. Yazini ukuthi uJehova unguNkulunkulu. Nguye owasenzayo, singabantu bakhe, izimvu zedlelo lakhe. Ngenani emasangweni akhe ngokubonga lemagumeni akhe ngokudumisa; mbongeni lidumise ibizo lakhe. Ngokuba uJehova ulungile lothando lwakhe lumi kuze kube phakade; ukuthembeka kwakhe kumi kuzo zonke izizukulwane.

ElikaDavida. Ihubo. Ngizahlabelela ngothando lwakho lokwahlulela kwakho okuhle; kuwe, O Jehova, ngizahlabelela indumiso.

Izizwe zizalesaba ibizo likaJehova, wonke amakhosi omhlaba azahlonipha inkazimulo yakhe. Ngoba uJehova uzayakha butsha iZiyoni ivele enkazimulweni yakhe.

Ekuqaleni wabeka izisekelo zomhlaba, lamazulu angumsebenzi wezandla zakho. Konke kuzabhubha, kodwa wena uzasala; konke kuzaguga njengesigqoko. Njengesivunulo uzakuguqula kucine sekulahlwa. Kodwa wena uhlala unjalo, njalo iminyaka yakho kayisoze iphele lanini.

ElikaDavida Dumisa uJehova, O mphefumulo wami; konke okuphakathi kwami, kakudumise ibizo lakhe elingcwele. Dumisa uJehova, O mphefumulo wami, ungaze wakhohlwa konke asiza ngakho  —

UJehova usemisile isihlalo sakhe sobukhosi ezulwini, njalo ubukhosi bakhe buphezu kwakho konke.

Dumisani uJehova, lina maxuku akhe asezulwini, lina zinceku zakhe elenza intando yakhe, elilalela ilizwi lakhe. Dumisani uJehova, lonke mabandla akhe asezulwini, lina zinceku zakhe elenza intando yakhe. Dumisani uJehova, imisebenzi yakhe yonke ezindaweni zonke embusweni wakhe. Dumisa uJehova, O mphefumulo wami.

Dumisa uJehova, O mphefumulo wami. O Jehova Nkulunkulu wami, umkhulu kakhulu; ugqoke inkazimulo lobukhosi. Uyazigoqela ngokukhanya kungathi kungesivunulo; amazulu uyawelula njengethente

Minengi kanganani imisebenzi yakho, O Jehova! Zonke wazenza ngenhlakanipho; umhlaba ugcwele izidalwa zakho. Nantuyana ulwandle, uthwaca olungakaya, olunyakazela ngezidalwa ezingelakubalwa  —  izinto eziphilayo ezinkulu lezincinyane.

Sengathi inkazimulo kaJehova ingema lanini; sengathi uJehova angathokoza ngemisebenzi yakhe  — yena okhangela umhlaba uthuthumele, othinta izintaba zithunqe intuthu. Ngizahlabelela kuJehova impilo yami yonke; ngizahlabelela indumiso kuNkulunkulu wami lanini nxa ngisaphila. Sengathi iminakano yami ingamthokozisa, ngoba ngiyathokoza kuJehova. Kodwa sengathi izoni zinganyamalala emhlabeni lezigangi zingabe zisaba khona. Dumisa uJehova, O Mphefumulo wami. Dumisa uJehova.

Bongani uJehova, memezani ibizo lakhe; yenzani kwaziwe phakathi kwezizwe lokho akwenzileyo. Hlabelelani kuye, hlabelelani indumiso kuye; khulumani ngazo zonke izenzo zakhe ezimangalisayo. Thokozani egameni lakhe elingcwele; akuthi izinhliziyo zabamdingayo uJehova zithokoze. Khangelani kuJehova lasemandleni akhe; funani ubuso bakhe kokuphela. Khumbulani izimangaliso asazenzayo, imimangaliso yakhe, lezahlulelo azikhuphayo,

Dumisani uJehova. Bongani uJehova, ngokuba ulungile; uthando lwakhe lumi lanini. Ngubani ongamemezela imisebenzi emikhulu kaJehova loba atsho ngokugcweleyo udumo lwakhe na?

Sisindise, O Jehova Nkulunkulu wethu, usiqoqe sibuye kuzo zonke izizwe, ukuze silibonge igama lakho elingcwele sizwe inkazimulo yendumiso yakho. Udumo kalube kuye uJehova, uNkulunkulu ka-Israyeli, kusukela phakade kuze kube phakade. Akuthi bonke abantu bathi, “Ameni!” Dumisani uJehova.

Mbongeni uJehova ngokuba ulungile; uthando lwakhe lumi laphakade.

Kabamphakamise emhlanganweni wabantu bamdumise enkundleni yabadala.

Ingoma. Ihubo likaDavida. Inhliziyo yami iqinile, kayiguquki, O Nkulunkulu; ngizahlabela ngitshaye izigubhu ngomoya wami wonke. Vukani, mhubhe lechacho! Ngizakuvusa ukusa. Ngizakudumisa, yebo Jehova, phakathi kwezizwe; ngizahlabela ngawe phakathi kwabantu. Ngokuba lukhulu uthando lwakho, luphakame kulamazulu; ukwethembeka kwakho kufinyelela emkhathini. Kawuphakanyiswe, yebo Nkulunkulu, ngaphezu kwamazulu, akuthi inkazimulo yakho ibe khona emhlabeni wonke.

Ngomlomo wami ngizambabaza kakhulu uJehova; ngisemphakathini ngizamdumisa.

Dumisani uJehova. Ngizambabaza uJehova ngenhliziyo yami yonke enkundleni yabaqotho lasemhlanganweni. Mikhulu imisebenzi kaJehova; isemicabangweni yabo bonke abathokoza ngaye. Zilenkazimulo lobukhosi izenzo zakhe, lokulunga kwakhe kumi kuze kube phakade.

Wenzela abantu bakhe insindiso; wasingcwelisa isivumelwano sakhe okwanininini  —  lingcwele liyesabeka igama lakhe. Ukumesaba uJehova kuyikuqala kokuhlakanipha; bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.

Dumisani uJehova. Dumisani, we zinceku zikaJehova, dumisani igama likaJehova. Kalidunyiswe igama likaJehova, khona manje kanye laphakade. Kusukela okuphuma khona ilanga kufika lapho elitshona khona, kufanele lidunyiswe igama likaJehova.

UJehova uphakeme ngaphezu kwezizwe zonke, inkazimulo yakhe ngaphezulu kwamazulu. Ngubani na onjengoJehova uNkulunkulu wethu, oNguye ohlezi ebukhosini phezulu, okhothama akhangele phansi emazulwini lasemhlabeni?

Kakungabi kithi, O Jehova, hatshi kithi kodwa kwelakho ibizo kakube lenkazimulo, ngenxa yothando lokuthembeka kwakho.

yithi esimbabazayo uJehova, khona manje kanye laphakade. Dumisani uJehova.

Ngizakwenzela umhlatshelo womnikelo wokubonga ngilibize igama likaJehova. Ngizazigcwalisa izifungo zami kuJehova phambi kwabo bonke abantu bakho, emagumeni endlu kaJehova phakathi kwakho, wena Jerusalema. Dumisani uJehova.

Dumisani uJehova lina zizwe zonke; Mbabazeni lina bantu lonke. Ngokuba lukhulu uthando lwakhe kithi, lokuthembeka kukaJehova kumi kuze kube phakade. Dumisani uJehova.

Akuthi bonke abamesabayo uJehova bathi: “Uthando lwakhe lumi laphakade.”

Isandla sokunene sikaJehova siphakanyisiwe kakhulu; isandla sokunene sikaJehova senzile izinto ezinkulu!”

Ngizakubonga, ngokuba ungiphendule; usuyinsindiso yami. Ilitshe abalilahlileyo abakhi seliyilona litshe lesisekelo; uJehova ukwenzile lokhu; njalo kuyamangalisa emehlweni ethu. Leli lilanga alenzileyo uJehova; kasithokoze sijabule ngalo.

UnguNkulunkulu wami, ngizakubonga: unguNkulunkulu wami, ngizakuphakamisa. Mbongeni uJehova ngokuba ulungile; uthando lwakhe lumi kuze kube phakade.

Ngizakudumisa ngenhliziyo eqotho ngilokhu ngiyifunda imithetho yakho elungileyo.

Phakathi kobusuku ngangivuke ukukubonga ngemithetho yakho emihle.

Ngikudumisa kakhombisa ngelanga ngenxa yemithetho yakho elungileyo.

Sengathi izindlebe zami zingageleza indumiso yakho, ngokuba uyangifundisa imithetho yakho.

“Kasiye lapho ahlala khona; kasikhonze phansi kwesihlalo sakhe  —

Phakamisani izandla zenu endlini engcwele lidumise uJehova.

Dumisani uJehova. Dumisani ibizo likaJehova; mdumiseni lina zinceku zikaJehova, lina eliqhuba inkonzo endlini kaNkulunkulu, emagumeni endlu kaNkulunkulu. Dumisani uJehova ngokuba uJehova ulungile; hlabelani indumiso ebizweni lakhe ngokuba lokho kuhle.

Udumo alube kuJehova lusuka eZiyoni, kuye ohlala eJerusalema. Dumisani uJehova.

Bongani uNkulunkulu wabonkulunkulu. Uthando lwakhe lumi laphakade. Bongani uJehova wamakhosi: Uthando lwakhe lumi laphakade.

Bongani uNkulunkulu wasezulwini. Uthando lwakhe lumi laphakade.

ElikaDavida. Ngizakudumisa, Jehova, ngenhliziyo yami yonke; phambi kwabo“nkulunkulu” ngizahlabelela udumo lwakho. Ngizakhothama ngikhangele ethempelini lakho elingcwele ngidumise igama lakho, ngenxa yothando lwakho lokuthembeka kwakho, ngokuba uphakamise ngaphezu kwezinto zonke ibizo lakho lelizwi lakho. Ngabiza wena wangiphendula; wangenza ngaba lesibindi lenhliziyo eqinileyo. Sengathi wonke amakhosi omhlaba angakudumisa, O Jehova, lapho esizwa amazwi omlomo wakho. Sengathi bangahlabela ngezindlela zikaJehova ngokuba inkazimulo kaJehova inkulu.

Ngiyakudumisa ngokuthi ngabunjwa ngesimanga esesabekayo; iyamangalisa imisebenzi yakho, lokho ngikwazi kamhlophe.

Ngiyelula izandla zami kuwe; umphefumulo wami uyakomela njengomhlabathi owomileyo.

Ngizakuhlabelela ingoma entsha, O Nkulunkulu; ngechacho lezintambo ezilitshumi ngizakutshayela ingoma,

Ihubo lokudumisa. ElikaDavida. Ngizaphakamisa wena, Nkulunkulu wami iNkosi; ngizalidumisa ibizo lakho kuze kube phakade. Zonke izinsuku ngizakudumisa ngibabaze ibizo lakho kuze kube phakade. Umkhulu uJehova njalo ufanele kakhulu ukudunyiswa; ubukhulu bakhe kakho ongabulinganisa. Yileso laleso isizukulwane sizababaza imisebenzi yakho kwesinye; sizatshelana ngezenzo zakho ezinkulu. Sizakhuluma ngenkazimulo yakho ebenyezelayo ubukhosi bakho, lami ngizazidla ingqondo ngemisebenzi yakho emangalisayo. Zizalandisa ngamandla emisebenzi yakho emangalisayo, lami ngizafakaza ngemisebenzi yakho emikhulu. Bazakwenza umkhosi ngokulunga kwakho okunengi bahlabele ngentokozo ngokulunga kwakho.

Konke owakwenzayo kuzakudumisa, wena Jehova; abangcwele bakho bazakubabaza. Bazalandisa ngenkazimulo yombuso wakho bakhulume ngamandla akho, kuze kuthi bonke abantu bazi ngezenzo zakho ezinkulu lokubenyezela kwenkazimulo yombuso wakho. Umbuso wakho ungumbuso ongapheliyo, lobukhosi bakho bumi kuzo zonke izizukulwane. UJehova uthembekile kuzo zonke izithembiso zakhe njalo ulothando kukho konke akwenzayo.

Umlomo wami uzakhuluma ngokudumisa uJehova. Akuthi izidalwa zonke zidumise ibizo lakhe elingcwele kuze kube nini lanini.

Dumisani uJehova. Dumisa uJehova, O mphefumulo wami. Ngizamdumisa uJehova impilo yami yonke; ngizahlabela indumiso kuNkulunkulu wami nxa ngisaphila.

UJehova uyabusa nini lanini, uNkulunkulu wakho, wena Ziyoni, ezizukulwaneni zonke. Dumisani uJehova

Dumisani uJehova. Kuhle kangakanani ukuhlabela indumiso kuNkulunkulu wethu, kumnandi njalo kufanele ukumbonga!

Umisile ubunengi bezinkanyezi aziqambe leyo laleyo ngamabizo. Mkhulu uJehova wethu, njalo makhulu amandla akhe; ukuzwisisa kwakhe kakulamkhawulo. UJehova uyabasekela abathobekileyo kodwa abaphosele phansi ababi. Hlabelani kuJehova ngokubonga; litshaye amachacho kuNkulunkulu wethu.

Dumisani uJehova. Dumisani uJehova emazulwini, Mdumiseni eziqongweni ngaphezulu. Mdumiseni zingilosi zakhe zonke, mdumiseni lonke mabandla asezulwini. Mdumiseni, langa lenyanga, mdumiseni lonke zinkanyezi ezikhazimulayo. Mdumiseni lina ziqongo zamazulu lani manzi ngaphezulu komkhathi. Konke kakudumise igama likaJehova, ngokuba yena watsho ilizwi kwadaleka. Wazibeka ezindaweni zazo okwanini lanini; wanika isahlulelo esingela kuguquka.

Dumisani uJehova emhlabeni, lina zidalwa zaselwandle lezinziki zalo zonke, umbane lesiqhotho, ungqoqwane lamayezi, umoya wesiphepho owenza intando yakhe, lina zintaba lamaqaqa wonke, zihlahla zezithelo lemisedari yonke, zinyamazana zeganga lezinkomo zonke, zinanakazana lezinyoni eziphaphayo, makhosi omhlaba lezizwe zonke, lina makhosana lababusi bonke emhlabeni, majaha lezintombi, maxhegu labantwana. kabalidumise ibizo likaJehova, ngokuba ibizo lakhe lodwa liphakeme; inkazimulo yakhe ingaphezulu komhlaba lamazulu.

Dumisani uJehova. Hlabelelani uJehova ingoma entsha, indumiso yakhe ebandleni labangcwele. Akuthi u-Israyeli athokoze ngoMenzi wakhe; akuthi abantu baseZiyoni bajabule ngoJehova wabo. Kabadumise ibizo lakhe ngokusina, batshaye amagedla lamachacho. Ngokuba uJehova uyathokoza ngabantu bakhe; abathobekileyo ubapha umqhele wensindiso. Akuthi abangcwele bathokoze ngale inhlonipho, bahlabele ngentokozo besemibhedeni yabo. Sengathi indumiso kaNkulunkulu ingaba semilonyeni yabo lenkemba esika nxa zonke ibe sezandleni zabo,

Dumisani uJehova. Dumisani uNkulunkulu endlini yakhe engcwele; mdumiseni emazulwini akhe amakhulu. Mdumiseni ngenxa yezenzo zakhe zamandla; mdumiseni ngenxa yobukhulu bakhe obudlula konke. Mdumiseni ngokutshaya icilongo, mdumiseni ngechacho langomhubhe, mdumiseni ngegedla langokusina, mdumiseni ngeziginci langomqangala, mdumiseni ngamazenge akhencezayo; mdumiseni ngomsindo wamazenge ancencethayo! Akuthi konke okuphefumulayo kumdumise uJehova! Dumisani uJehova.

“Ukumesaba uJehova kuyikuqala kwenhlakanipho, njalo ulwazi ngaLowo oNgcwele luyikuqedisisa.

Ngubani oseke waya ezulwini waphinda wehla na? Ngubani oseke wafumbatha umoya ngesandla sakhe na? Ngubani oseke wagoqela amanzi ngesigqoko sakhe na? Ngubani omise yonke imikhawulo yomhlaba na? Lingubani ibizo lakhe, lebizo lendodana yakhe na? Ngitshela uma usazi!

Kangange ngezangiwo zomlomo wakhe  —  ngokuba uthando lwakho luyathandeka kulewayini. Limnandi iphunga lamagcobo akho; ibizo lakho linjengamakha achathaziweyo. Akumangalisi izintombi zikuthanda kangaka! Ngithatha uhambe lami  —  kasiphangise! Inkosi kayingingenise endlini yayo. Siyathokoza njalo siyajabula ngawe; sizalubabaza uthando lwakho okudlula iwayini. Kabazenzi ukuba bakuthande!

Ngubani lo ozayo eqhamuka enkangala kungathi yisikhatha sentuthu, eziqhole ngamakha emure lenhlaka eyenziwe ngemihlobo yonke yezinongo zomthengisi?

Phethuka moya wenyakatho, woza moya weningizimu! Phephetha esivandeni sami, ukuze amakha aso agcwale indawo yonke. Akuthi isithandwa sami size esivandeni saso sikholise izithelo zaso zekhethelo.

Ngenani ezimbalwini zamatshe lasemhlabathini, licatshele ukwesabeka kukaJehova lenkazimulo yobukhosi bakhe!

Abantu bazabalekela ezimbalwini zamatshe lasemilindini emhlabathini bebalekela ukwesabeka kukaJehova lenkazimulo yobukhosi bakhe lapho ephakama ukuba anyikinye umhlaba.

Bazabalekela ezimbalwini zamatshe lasezingoxweni zamawa bebalekela ukwesabeka kukaJehova lenkazimulo yobukhosi bakhe lapho ephakama ukuba anyikinye umhlaba.

Lapho-ke ngaphezu kwayo yonke iNtaba iZiyoni langaphezulu kwabo bonke abahlangana khona uJehova uzakwenza iyezi lentuthu emini, lokukhanya kwamalangabi omlilo ebusuku. Ngaphezu kwenkazimulo yonke kuzakuba lesivikelo esinjengophahla.

Kodwa uJehova uSomandla uzaphakanyiswa ngokwahlulela kwakhe okuhle; uNkulunkulu ongcwele uzazibonakalisa engcwele ngokulunga kwakhe.

Ngomnyaka inkosi u-Uziya eyafa ngawo, ngabona uJehova ehlezi esihlalweni sobukhosi esiphezulu esiphakemeyo, injobo yesambatho sakhe igcwele ithempeli. Ngaphezu kwakhe kwakulamaserafi, elinye lelinye lilezimpiko eziyisithupha. Ayegubuzele ubuso bawo ngezimpiko ezimbili, egubuzele izinyawo zawo ngezimbili, ephapha ngezimbili. Elinye lamemezela kwelinye lisithi: “Ungcwele, ungcwele, ungcwele uJehova uSomandla, Umhlaba wonke ugcwele inkazimulo yakhe.” Ekuzwakaleni kwamazwi awo imigubazi lombundu kwanyikinyeka, kwathi ithempeli lagcwala intuthu. Mina ngakhala ngathi, “Maye mina! Sengibhujisiwe! Ngoba ngingumuntu olezindebe ezingcolileyo, njalo ngihlala phakathi kwabantu abalezindebe ezingcolileyo, lamehlo ami asebone uJehova, uJehova uSomandla.”

Ngoba sizalelwe umntwana, siphiwe indodana, umbuso uzakuba phezu kwamahlombe akhe. Uzabizwa ngokuthi uMeluleki Omangalisayo, uNkulunkulu uSomandla, uBaba Waphakade, iNkosana yokuThula. Ukwanda kombuso wakhe lokuthula akuyikuba lomkhawulo. Uzabusa esihlalweni sobukhosi sikaDavida laphezu kombuso wakhe, ewumisa njalo ewuqinisa ngokufaneleyo langokulunga, kusukela ngalesisikhathi kusiya phambili, kuze kube nininini. Ukutshisekela kukaJehova uSomandla kuzakufeza lokhu.

UMoya kaJehova uzakuba phezu kwakhe  —  uMoya wokuhlakanipha lowokuqedisisa, uMoya wokweluleka lowamandla, uMoya wokwazi lowokwesaba uJehova  —

Ngalolosuku uzakuthi: “Mbongeni uJehova, bizani ibizo lakhe, zaziseni izizwe ngalokhu akwenzileyo, limemezele ukuthi ibizo lakhe liphakeme. Hlabelelani kuJehova, ngoba wenze izinto ezinhle kakhulu; lokhu kwenzeni kwazakale emhlabeni wonke. Memezani kakhulu lihlabele ngokuthokoza, bantu baseZiyoni, ngoba mkhulu oNgcwele ka-Israyeli phakathi kwenu.”

Ngalolosuku abantu bazathembela kuMenzi wabo amehlo abo aphendukele koNgcwele ka-Israyeli.

Baphakamisa amazwi abo, bahlabele ngentokozo; bememezela ubukhosi bukaJehova bengasentshonalanga. Ngakho-ke dumisani uJehova uNkulunkulu ka-Israyeli, ezihlengeni zolwandle.

O Jehova, wena unguNkulunkulu wami; ngizakudumisa ngibabaza ibizo lakho ngoba ngokuthembeka okupheleleyo, wenze izinto ezimangalisayo, izinto ezamiswa endulo. Wenze idolobho laba yinqwaba yemfucuza; idolobho elivikelweyo laba lunxiwa, inqaba yabezizweni kayiseyilo dolobho; kayiyikwakhiwa futhi. Ngakho-ke abantu abalamandla bazakudumisa, amadolobho ezizwe ezilolunya azakwesaba.

Thembani kuJehova kokuphela, ngoba uJehova, uJehova uliDwala laphakade.

Ngalolosuku uJehova uSomandla uzakuba ngumqhele okhazimulayo, umqhele wamaluba omuhle kulabo abayizinsalela zabantu bakhe.

Lizahlabela njengasebusuku bokujabulela umkhosi ongcwele; izinhliziyo zenu zizathokoza njengalapho abantu besiya entabeni kaJehova, eDwaleni lika-Israyeli, belemihubhe. UJehova uzakwenza abantu balizwe ilizwi lakhe lobukhosi, njalo uzakwenza bayibone ingalo yakhe isehla ngokuthukuthela okukhulu langomlilo oqothulayo, langesihlambo esikhulu, lomdumo kanye lesiqhotho.

Amehlo enu azayibona inkosi ebuhleni bayo, abuke lelizwe elibanzi.

Ngoba uJehova ungumahluleli wethu, uJehova usinika imithetho, uJehova unguJehova wethu; nguye ozasikhulula.

labahlengiweyo bakaJehova bazabuyela. Bazangena eZiyoni behlabela; intokozo engapheliyo izakuba ngumqhele emakhanda abo. Bazakuba lokuthula lenjabulo, usizi lokububula kuzaphela.

UJehova uzangisindisa; njalo sizahlabelela ngamachacho kuzo zonke izinsuku zokuphila kwethu ethempelini likaJehova.

Inkazimulo kaJehova izabonakaliswa, abantu bonke bazambona kanyekanye, ngoba umlomo kaJehova usukhulumile.”

Ngubani olinganise amanzi entendeni yesandla sakhe, loba walinganisa amazulu ngobubanzi besandla sakhe na? Ngubani owaphatha uthuli lomhlabathi ngesitsha loba walinganisa izintaba ezilinganisweni lamaqaqa esikalini na?

Kalazi yini? Kalizwanga na? Kalikutshelwanga kwasekuqaleni na? Kalizwisisanga na selokhu umhlaba wadalwayo? UJehova uhlezi ebukhosini ngaphezu kwendingilizi yomhlaba, njalo abantu bakhe banjengezintethe. Welula amazulu njengekhetheni, awendlale njengethente lokuhlala kulo. Udiliza amakhosana, enze ababusi bomhlaba lo babe yize.

Phakamisani amehlo enu likhangele phezulu. Ngubani owadala konke lokhu na? Yena okhupha amaxuku ezinkanyezi ngalinye ngalinye, awabize ngalinye ngamabizo awo. Ngenxa yamandla akhe amakhulu lokuqina okulamandla akukho lalinye elingekho.

Kalazi yini? Kalizwanga na? UJehova unguNkulunkulu waphakade, UMdali wemikhawulo yomhlaba. Kayikudinwa kumbe akhathale, ukuqedisisa kwakhe kakho ongakulinganisa.

Uzawela, umoya uwathathe, isivunguzane siwaphephulele khatshana. Kodwa wena uzathokoza kuJehova njalo uzibule koNgcwele ka-Israyeli.

“Mina nginguJehova, lelo yilo ibizo lami! Ubukhosi bami angiyikubunika omunye loba nginike izithombe udumo lwami. Khangela, izinto zakuqala sezenzakele, njalo ngimemezela izinto ezintsha; zingakaveli ukuba zibe khona ngiyakutshela ngazo.” Hlabelelani uJehova ingoma entsha, udumo lwakhe kusukela emikhawulweni yomhlaba, lina eliya phansi olwandle, lakho konke okukulo, lina zihlenge, labo bonke abahlala kini. Inkangala lamadolobho ayo kakuphakamise amazwi akho; imizi uKhedari ahlala kuyo kayijabule. Abantu baseSela kabahlabele ngentokozo; kabaklabalale besezinqongweni zezintaba. Kabamdumise uJehova, bamemezele udumo lwakhe ezihlengeni.

wonke umuntu obizwa ngebizo lami, engamdalela udumo lwami, engambumbayo, ngamenza.”

“Lina lingofakazi bami,” kutsho uJehova, “lenceku yami engiyikhethileyo, ukuze lazi, likholwe kimi, njalo lizwisise ukuthi mina nginguye. Ngaphambi kwami kakho unkulunkulu owake waba khona, njalo kakho ozakuba khona emva kwami. Mina, mina uqobo, nginguJehova, ngaphandle kwami kakho omunye umsindisi.

Mina nginguJehova, oNgcwele wenu, uMdali ka-Israyeli, uJehova wenu.”

abantu engazenzela bona ukuba bangidumise.

“Nanku akutshoyo uJehova  —  iNkosi loMhlengi ka-Israyeli, uJehova uSomandla: Mina ngingowokuqala njalo ngingowokucina; ngaphandle kwami kakho uNkulunkulu.

Hlabelelani ngentokozo, lina mazulu, ngoba uJehova usekwenzile lokhu; Hlaba umkhosi, wena mhlaba ngaphansi. Tshayani ingoma lina zintaba, lina mahlathi lazo zonke izihlahla zenu, ngoba uJehova usemhlengile uJakhobe, ubonakalisa udumo lwakhe ko-Israyeli.

Mina nginguJehova, njalo kakho omunye; ngaphandle kwami akulankulunkulu. Ngizakuqinisa, lanxa wena unganginakanga, ukuze kuthi kusukela empumalanga kusiya entshonalanga, abantu bakwazi ukuthi kakho omunye ngaphandle kwami. Mina nginguJehova, njalo kakho omunye. Ngenza ukukhanya njalo ngidale umnyama, ngiletha ukuphumelela njalo ngidale incithakalo; mina, uJehova ngiyazenza zonke lezizinto.

Ngoba nanku okutshiwo nguJehova yena owadala amazulu, unguNkulunkulu, yena owabumba umhlaba wawenza, wawusekela; kawudalanga ukuba ungabi lalutho, kodwa wawenza ukuba kuhlalwe kuwo, uthi: “Mina nginguJehova, kakho omunye.

“Phendukelani kimi lisindiswe, lonke lina mikhawulo yomhlaba; Ngoba mina nginguNkulunkulu, njalo kakho omunye. Ngifunge ngami, ngobuqotho bonke umlomo wami ukhulume ilizwi elingayikwesulwa. Amadolo wonke azaguqa phambi kwami; izindimi zonke zizafunga ngami.

Khumbulani izinto zakuqala ezendulo. Mina nginguNkulunkulu, kakho omunye; Mina nginguNkulunkulu, kakho onjengami. Mina ngenza isiphetho sazakale kusukela ekuqaleni; lokuzakwenzakala kusukela ezikhathini zasendulo. Ngithi: Injongo yami izakuma kokuphela, njalo ngizakwenza konke engikufunayo.

Umhlengi wethu uJehova uSomandla libizo lakhe ungoNgcwele ka-Israyeli.

“Ngilalela wena Jakhobe, Israyeli, engikubizileyo: Mina nginguye; Ngingowokuqala njalo ngingowokucina. Isandla sami sabeka izisekelo zomhlaba, isandla sami sokudla sendlala amazulu; lapho ngikubiza, kuyasukuma konke kanyekanye.

Nanku okutshiwo nguJehova  —  uMhlengi loNgcwele ka-Israyeli  —  utsho kuye oweyiswa, wenyanywa yisizwe, kuyo inceku yababusi: “Amakhosi azakubona asukume, Amakhosana azakubona akhothame, ngenxa kaJehova othembekileyo, oNgcwele ka-Israyeli okukhethileyo.”

Hlabelelani ngentokozo lina mazulu; jabula lawe mhlaba; tshayani ingoma lina zintaba. Ngoba uJehova uyabaduduza abantu bakhe njalo uzakuba lesihawu kwabahluphekayo bakhe.

Lalela! Abalindi bakho baphakamisa amazwi abo, bonke bahlaba umkhosi ngokuthokoza. Lapho uJehova ebuyela eZiyoni bazayibona iZiyoni ngamehlo abo. Hlokomani ndawonye ngezingoma zokuthokoza lina manxiwa aseJerusalema, ngoba uJehova usebaduduzile abantu bakhe, uselihlengile iJerusalema.

Ngoba uMenzi wakho engumyeni wakho  —  uJehova uSomandla libizo lakhe oNgcwele ka-Israyeli unguMhlengi wakho; ubizwa ngokuthi nguNkulunkulu womhlaba wonke.

Lina lizaphuma ngokuthokoza likhokhelwe ngokuthula; izintaba lamaqaqa kuzasusa ingoma phambi kwenu, njalo zonke izihlahla zeganga zizaqakeza izandla zazo.

Ngoba ophakemeyo ongaPhezulu  —  yena ophila kokuphela, obizo lakhe lingcwele uthi: “Ngihlala endaweni ephakemeyo lengcwele, kodwa laye ozisolayo lothobekileyo emoyeni, ukuba kuvuselelwe umoya wabathobekileyo, kuvuselelwe lezinhliziyo zabazisolayo.

Ilanga kalisayikuba yikukhanya kwakho emini loba ukukhanya kwenyanga kukukhanyise, ngoba uJehova uzakuba yikukhanya kwakho okungapheliyo, loNkulunkulu wakho abe yinkazimulo yakho. Ilanga lakho kaliyikutshona futhi, lenyanga yakho ayisayikufiphala njalo. UJehova uzakuba yikukhanya kwakho okungapheliyo, lezinsuku zakho zezinsizi zizaphela. Lapho-ke bonke abantu bakho bazakuba ngabalungileyo, lelizwe lizakuba ngelabo kokuphela. Bangamahlumela engawahlanyelayo, umsebenzi wezandla zami, ukuba ngibonakalise inkazimulo yami.

lokunakekela labo abadabukileyo eZiyoni  —  ukubapha umqhele wobuhle esikhundleni somlotha, amafutha okujabula esikhundleni sokulila, lengubo yokudumisa esikhundleni somoya wokulahla ithemba. Bazabizwa ngokuthi ngama-okhi okulunga, ahlanyelwe nguJehova ukuba abonakalise inkazimulo yakhe.

owathumela ingalo yakhe yamandla elodumo ukuba ibe sesandleni sokudla sikaMosi, owehlukanisa amanzi phambi kwabo ukuba azizuzele udumo olungapheliyo,

Kodwa wena unguBaba wethu lanxa u-Abhrahama engasazi thina lo-Israyeli engasivumi; wena, O Jehova, unguBaba wethu, uMhlengi wethu libizo lakho kusukela endulo.

Ikanti, O Jehova, wena unguBaba wethu. Thina silibumba, wena ungumbumbi; Sonke singumsebenzi wezandla zakho.

Nanku okutshiwo nguJehova: “Izulu liyisihlalo sami sobukhosi, lomhlaba uyisenabelo sezinyawo zami. Ingaphi indlu elizangakhela yona na? Indawo yami yokuphumula izakuba ngaphi na?

“Njengamazulu amatsha lomhlaba omutsha engikwenzayo kuzakuma kokuphela phambi kwami,” kutsho uJehova, “ngokunjalo ibizo lakho lenzalo yakho izakuma kokuphela. Kusukela ekuthwaseni kwenye inyanga kusiya ekuthwaseni kwenye, njalo kusukela kwelinye iSabatha kusiya kwelinye abantu bonke bazakuza bakhothame phambi kwami,” kutsho uJehova.

Akumelanga lingesabe na?” kutsho uJehova. “Kaliyikuthuthumela phambi kwami na? Ngenza itshebetshebe laba ngumngcele wolwandle umkhawulo wanini lanini olungeke luweqe. Amagagasi angavinqoza, kodwa awangeke edlule, angahlokoma, kodwa awangeke aweqe.

Kodwa uJehova unguNkulunkulu oqotho; unguNkulunkulu ophilayo, iNkosi yanininini. Lapho ethukuthele, umhlaba uyagedezela; izizwe azingeke zimelane lolaka lwakhe.

Hlabelani kuJehova! Dumisani uJehova! Uhlenga impilo yabaswelayo ezandleni zababi.

Umuntu angacatsha endaweni efihlakeleyo ukuba ngingamboni na?” kutsho uJehova. “Angithi ngigcwele ezulwini lasemhlabeni na?” kutsho uJehova.

“Ilizwi lami kalinjengomlilo,” kutsho uJehova, “lanjengesando esidabula idwala libe yizicucu na?

Lizangidinga lingifumane uma lingidinga ngenhliziyo yenu yonke.

“Jehova Wobukhosi, wadala amazulu lomhlaba ngamandla akho amakhulu langengalo yakho eyeluliweyo. Akukho lutho olunzima kuwe. Ubonakalisa uthando kuzinkulungwane kodwa ulethe isijeziso sezono zaboyise ebantwaneni babo ngemva kwabo. Wena Nkulunkulu omkhulu olamandla, obizo lakho nguJehova uSomandla,

“Mina nginguJehova, uNkulunkulu woluntu lonke. Kambe kulento engehlulayo na?

imisindo yokuthokoza lokuthaba, amazwi omlobokazi lomyeni, lamazwi alabo abaletha iminikelo yokubonga endlini kaJehova besithi, “Bongani uJehova uSomandla, ngoba uJehova ulungile; uthando lwakhe lumi kuze kube nini lanini.” Ngoba inotho yelizwe ngizayibuyisela njengoba yayinjalo kuqala, kutsho uJehova.

Phakama, nqongoloza ebusuku, lapho kuqalisa imilindo yebusuku; thulula inhliziyo yakho njengamanzi phambi kukaJehova. Phakamisela izandla zakho kuye uncengela impilo yabantwabakho, abaqalekiswa yindlala ekuqaliseni kwemigwaqo yonke.

Asiphakamiseleni izinhliziyo zethu lezandla zethu kuNkulunkulu ezulwini sithi:

Wena, O Jehova, busa nini lanini; ubukhosi bakho buhlezi ezizukulwaneni lezizukulwaneni.

Lapho izidalwa zihamba ngezwa umsindo wezimpiko zazo, unjengokuhlokoma kwamanzi ahamba ngesiqubu, njengelizwi likaSomandla, njengokuxokozela kwebutho. Lapho sezimi, zehlisa izimpiko zazo. Emva kwalokho kweza ilizwi elavela ngaphezu komkhathi ngaphezu kwamakhanda azo lapho zazimi izimpiko zazo zehlisiwe. Ngaphezu komkhathi phezu kwamakhanda azo kwakulokwakungani yisihlalo sobukhosi esenziwe ngesafire, njalo ngaphezulu esihlalweni sobukhosi kwakulolutho olwalufana lomuntu. Lokho ngakubona kokwakungathi lukhalo lwakhe kusiya phezulu ekhanya angathi yinsimbi evuthayo, kungathi kugcwele umlilo, njalo kusukela lapho kusiya phansi wayengathi ngumlilo, njalo ehonqolozelwe yikukhanya okucazimulayo. Ukukhanya okucazimulayo okwakumzungezile kwakunjengomchilo wamakhosikazi emayezini ngosuku lokuna kwezulu. Lokhu kwakuyisimo sesifanekiso senkazimulo kaJehova. Ngathi ngikubona ngawela phansi ngobuso, ngasengisizwa ilizwi lalowo owayekhuluma.

Lapho-ke uMoya wangiphakamisa, kwathi ngemuva kwami ngezwa umdumo ondindizelayo  —  Sengathi inkazimulo kaJehova ingadunyiswa endaweni uJehova ahlala kuyo!  —

Ngakho ngasukuma ngaya egcekeni. Inkazimulo kaJehova yayimi lapho, injengenkazimulo engangiyibone phansi koMfula uKhebhari, ngathi mbo phansi ngobuso.

Njalo khonapho phambili kwami kwakulenkazimulo kaNkulunkulu ka-Israyeli, njengasembonweni engawubona egcekeni.

Lapho-ke inkazimulo kaJehova yaphakama isuka ngaphezu kwamakherubhi yasudukela ngasemnyango wethempeli. Iyezi lagcwala ethempelini, kwathi iguma lagcwala ukukhanya kwenkazimulo kaJehova. Umdumo wezimpiko zamakherubhi wawuzwakala khatshana le egumeni langaphandle, unjengelizwi likaNkulunkulu uSomandla nxa ekhuluma.

Inkazimulo kaJehova yasuka ngasemnyango wethempeli yayakuma ngaphezu kwamakherubhi. Amakherubhi elula amaphiko awo ngikhangele, aphakama esuka phansi, njalo kwathi lapho esehamba amavili ahamba lawo. Ema ekungeneni kwesango langasempumalanga lendlu kaJehova, njalo inkazimulo kaNkulunkulu ka-Israyeli yayingaphezu kwawo.

Lapho-ke amakherubhi, ayelamavili emaceleni, elula izimpiko zawo, njalo inkazimulo kaNkulunkulu ka-Israyeli yayingaphezu kwawo. Inkazimulo kaJehova yaya phezulu isuka phakathi kwedolobho yayakuma ngaphezu kwentaba ngasempumalanga kwedolobho.

Ngalokho ngizabonakalisa ubukhulu bami lobungcwele bami, njalo ngizakwenza ngazakale phambi kwezizwe ezinengi. Lapho-ke bazakwazi ukuthi mina nginguJehova.’

ngabona inkazimulo kaNkulunkulu ka-Israyeli isiza ivela empumalanga. Ilizwi lakhe lalinjengokuhamba kwamanzi ageleza ngesiqubu esikhulu, lelizwe laselikhazimula ngenkazimulo yakhe. Umbono engawubonayo wawunjengombono engangiwubone lapho wayezediliza idolobho njalo wawunjengombono engangiwubone ngasemfuleni iKhebhari, ngathi mbo phansi ngobuso. Inkazimulo kaJehova yangena ethempelini ngesango elikhangele empumalanga. UMoya wangiphakamisa wangisa egumeni langaphakathi, njalo inkazimulo kaJehova yagcwala ethempelini. Kwathi umuntu lowo emi phansi kwami, ngezwa omunye engikhulumisa engaphakathi kwethempeli. Wathi, “Ndodana yomuntu, le yindawo yesihlalo sami sobukhosi lendawo yokunyathela ngezinyawo zami. Lapha yikho engizahlala khona phakathi kwama-Israyeli kuze kube laphakade. Indlu ka-Israyeli kayisayikulingcolisa futhi ibizo lami  —  bona loba amakhosi abo  —  ngobuwule babo langezithombe ezingaphiliyo zamakhosi abo ezindaweni zawo eziphakemeyo.

Indoda leyo yangisa phambi kwethempeli ngendlela yesango lasenyakatho. Ngakhangela ngabona inkazimulo kaJehova igcwele ethempelini likaJehova, ngathi mbo phansi ngobuso.

Kwathi ebusuku inkinga leyo yambulelwa uDanyeli ngombono. UDanyeli wasemdumisa uNkulunkulu wasezulwini wathi: “Kalidunyiswe ibizo likaNkulunkulu nini lanini; inhlakanipho lamandla kungokwakhe. Uyaguqula izikhathi lezibanga; uyawabeka amakhosi aphinde awaqethule. Unika inhlakanipho kwabahlakaniphileyo lolwazi kwabaqedisisayo. Uhlazulula izinto ezizikileyo lezifihlakeleyo; uyakwazi okucatshe emnyameni, lokukhanya kuhlala kuye. Ngiyakubonga njalo ngiyakudumisa, O Nkulunkulu wabokhokho: Ungiphile inhlakanipho lamandla, usungazisile mina lokho esikucelileyo kuwe, ususazisile thina iphupho lenkosi.”

“Ngalesosikhathi samakhosi lawo uNkulunkulu wasezulwini uzabeka umbuso ongasoze wabhidlizwa lanini njalo ongasoze utshiyelwe abanye abantu. Uzayibhidliza yonke leyomibuso iphele, kodwa wona uzakuma laphakade.

Ekupheleni kwalesosikhathi, mina, Nebhukhadinezari, ngaphakamisela amehlo ami ezulwini, ingqondo yami yabuya. Ngasengimdumisa oPhezukonke; ngambabaza, ngambonga yena ohleziyo kuze kube phakade. Ubukhosi bakhe buyibukhosi baphakade; umbuso wakhe umi kulesi lakulesiyana isizukulwane.

Ngakho-ke mina, uNebhukhadinezari, ngiyamdumisa njalo ngiyambabaza ngimphakamise uJehova wezulu, ngokuba konke akwenzayo kuqondile futhi lezindlela zakhe zonke zilungile. Njalo bonke abazigqajayo uyabathobisa.

“Ngisakhangele, “kwabekwa izihlalo zobukhosi, uSimakade wahlala kwesakhe. Izigqoko zakhe zazimhlophe njengeqhwa; izinwele zekhanda lakhe zimhlophe njengoboya bezimvu. Isihlalo sakhe sasilavuka umlilo, lamavili aso wonke evutha umlilo. Kwakugeleza umfula womlilo, uphethuka ngaphambi kwakhe. Izinkulungwane lezinkulungwane zazimkhonza; izinkulungwane ezilitshumi ziphindwe ngezinkulungwane ezilitshumi zema phambi kwakhe. Inkundla yokwahlulela yahlala phansi, kwasekuvulwa izincwadi.

“Embonweni wami ebusuku ngakhangela kwabonakala khonapho phambi kwami lowo owayefana lendodana yomuntu esiza ngamayezi ezulu. Yasondela kuSimakade yesiwa phambi kwakhe. Yaphiwa amandla lobukhosi lamandla okubusa; bonke abantu, lezizwe zonke labantu bendimi zonke bamkhonza. Ubukhosi bakhe yibukhosi obungapheliyo obungayikwedlula, lombuso wakhe kawusoze uchithwe.

Kodwa abangcwele bakhe oPhezukonke bazawemukela umbuso ube ngowabo lanininini  —  yebo, okwanini lanini.’

Lapho-ke ubukhosi, lamandla lobukhulu bemibuso leyo ngaphansi kwezulu lonke kuzaphiwa abangcwele, abantu bakhe oPhezukonke. Umbuso wakhe uzakuba ngumbuso ongapheliyo, njalo bonke ababusi bazamkhonza bamlalele.

Uzakuma eluse umhlambi wakhe ngamandla kaJehova, ngobukhosi bebizo likaJehova uNkulunkulu wakhe. Bazahlala ngokuvikeleka, ngoba lapho udumo lwakhe luzafika emikhawulweni yomhlaba.

Izintaba ziyanyikinyeka phambi kwakhe, lamaqaqa ayancibilika. Umhlaba uyagedezela ngobukhona bakhe, umhlaba labo bonke abahlala kuwo.

Ngoba umhlaba uzagcwala ngokwazi udumo lukaJehova, njengamanzi agcwalise ulwandle.

UNkulunkulu wavela eThemani, oNgcwele wavela eNtabeni iPharani. Inkazimulo yakhe yasibekela amazulu lokudunyiswa kwakhe kwagcwala umhlaba wonke. Ubucwazicwazi bakhe babunjengokuphuma kwelanga; imisebe yaphazima esandleni sakhe lapho amandla akhe ayefihlwe khona.

izintaba zakubona zajanqula, izikhukhula zamanzi zedlula, ulwandle lwahlokoma, lwaphakamisela amagagasi alo phezulu.

Ngizanyikinya izizwe zonke, abathandwayo kuzo zonke izizwe bazakuza, njalo indlu le ngizayigcwalisa ngenkazimulo,’ kutsho uJehova uSomandla,

Mina ngokwami ngizakuba ngumduli womlilo olizungezileyo,’ kutsho uJehova, ‘njalo ngizakuba yinkazimulo ngaphakathi kwalo.’

Yasisithi kimi, “Nanti ilizwi lami kuZerubhabheli: ‘Hatshi ngempi kumbe ngamandla, kodwa ngoMoya wami,’ kutsho uJehova uSomandla.

Nguye ozakwakha ithempeli likaJehova, njalo uzagqokiswa ubukhosi, futhi uzahlala esihlalweni sakhe sobukhosi. Njalo uzakuba ngumphristi esihlalweni sakhe sobukhosi. Lokhu kokubili kuzahambelana kuhle.’

Thokoza kakhulu, wena Ndodakazi yaseZiyoni! Memeza, Ndodakazi yaseJeresalema! Khangela, inkosi yakho iyeza kuwe, iza ilungile ilensindiso, imnene, ihamba ikhwele ubabhemi, iphezu kwethole, inkonyane kababhemi.

Ngalelolanga izinyawo zakhe zizakuma phezu kweNtaba yama-Oliva, empumalanga kusiya entshonalanga, kudaleke isigodi esikhulu, ingxenye yentaba isudukele enyakatho, kuthi enye ingxenye isudukele eningizimu.

UJehova uzakuba yinkosi kuwo wonke umhlaba. Ngalolosuku kuzakuba loJehova oyedwa, lebizo lakhe libe yilo lodwa ibizo.

Kwathi labo ababemesaba uJehova bakhulumisana, uJehova walalela, wezwa. Umqulu wencwadi yesikhumbuzo walotshwa phambi kwakhe mayelana lalabo ababemesaba uJehova ababehlonipha ibizo lakhe.

“Intombi epheleleyo izakhulelwa izale indodana, bayibize ngokuthi ngu-Imanuweli  —  okutsho ukuthi, uNkulunkulu ulathi.”

zabuza zathi, “Ungaphi lowo ozalelwe ukuba yinkosi yamaJuda na? Sayibona inkanyezi yakhe empumalanga ngakho size ukuzamkhonza.”

Zangena endlini zambona umntwana lonina uMariya, zakhothama zamkhonza. Zasezivula izimpahla zazo eziligugu zamkhunga ngezipho zegolide lempepha lemure.

Masinyane nje uJesu eqeda ukubhaphathizwa waphuma emanzini. Khonokho nje kwavuleka izulu wasebona uMoya kaNkulunkulu esehla njengejuba esehlela phezu kwakhe. Ilizwi lisuka ezulwini lathi, “Lo yiNdodana yami engiyithandayo; ngiyathokoza kakhulu ngayo.”

Ngokunjalo yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini.

“Kumele lithandaze kanje: ‘Baba wethu osezulwini, malihlonitshwe ibizo lakho, umbuso wakho kawuze, intando yakho yenziwe emhlabeni njengalokhu isenziwa ezulwini.

Ungasikhokheleli ekulingweni, kodwa usisindise koMubi.’

Amadoda amangala abuza athi, “Ngumuntu bani lo? Uze alalelwe ngumoya kanye lamagagasi!”

Ngiyalitshela ukuthi lowo omkhulu kulethempeli ukhona lapha.

Kwathi labo ababesesikepeni bamkhonza bathi, “Ngempela uyiNdodana kaNkulunkulu.”

Abantu bamangala ukubona izimungulu sezikhuluma, izigoga seziphila, abaqhugezayo sebezihambela leziphofu sezibona. Bamdumisa uNkulunkulu ka-Israyeli.

Phela iNdodana yoMuntu izakuza ngobukhosi bukaYise kanye lezingilosi zakhe, ibisivuza umuntu ngamunye mayelana lalokho akwenzileyo.

Khonapho waguquka isimo emehlweni abo. Ubuso bakhe bakhazimula njengelanga lezigqoko zakhe zaba mhlophe njengokukhanya.

Esakhuluma, iyezi elikhazimulayo labasibekela, ilizwi laphuma eyezini lathi, “Lo yiNdodana yami engiyithandayo; ngiyathokoza kakhulu ngayo. Yilaleleni!” Abafundi bathi bekuzwa lokhu bathi mbo phansi ngobuso, besaba.

UJesu wabakhangela wathi, “Ngokwabantu, lokhu kakwenzeki, kodwa kuNkulunkulu zonke izinto ziyenzeka.”

UJesu wathi kubo, “Ngilitshela iqiniso ukuthi ngesikhathi sokwenziwa kabutsha izinto zonke, lapho iNdodana yoMuntu isihlezi esihlalweni sobukhosi, lina elingilandelayo lani lizahlala ezihlalweni zobukhosi ezilitshumi lambili, lahlulele izizwana ezilitshumi lambili zako-Israyeli.

“Tshela iNdodakazi yaseZiyoni ukuthi, ‘Khangela, inkosi yakho iyeza kuwe, imnene ikhwele ubabhemi, iphezu kwethole, inkonyane kababhemi.’ ”

Amaxuku ayehamba phambi kwakhe lalawo ayelandela amemeza athi, “Hosana kuyo iNdodana kaDavida!” “Ubusisiwe yena ozayo ngebizo leNkosi!” “Hosana phezulu kwaphezulu!”

Kodwa kwathi abaphristi abakhulu labafundisi bomthetho bebona izimanga ayezenza labantwana bememeza esigcawini sethempeli besithi, “Hosana kuyo iNdodana kaDavida,” banengeka. Bambuza bathi, “Uyabezwa nje abantwana laba ukuthi bathini?” “Yebo,” waphendula uJesu, “Kalikaze lifunde ukuthi, “ ‘Ezindebeni zabantwana lezinsane uyimisile indumiso’?”

UJesu waphendula wathi, “ ‘Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke.’ Yiwo oyingqala njalo odlula yonke imilayo.

“Kulesosikhathi isiboniso seNdodana yoMuntu sizavela emkhathini, kuthi zonke izizwe zomhlaba zilile. Zizabona iNdodana yoMuntu isiza ngamayezi esibhakabhakeni, ilamandla lobukhosi obukhulu. Njalo izathumela izingilosi zayo zitshaya icilongo ngomsindo omkhulu, beseziqoqa abakhethiweyo bayo kumagumbi womane omhlaba, kusukela ngapha kwasezulwini kusiya ngale.

“Nxa iNdodana yoMuntu isisiza ngenkazimulo yayo, ikanye lezingilosi zonke, izahlala esihlalweni sayo sobukhosi ilenkazimulo yasezulwini. Zonke izizwe zizabuthaniswa phambi kwayo, ibe isisahlukanisa abantu omunye komunye njengomalusi esahlukanisa izimvu ezimbuzini.

Bathi sebehlabele ihubo baphuma baya eNtabeni yama-Oliva.

“Yebo,” kuphendula uJesu. “Kunjengoba usitsho. Kodwa ngithi kini lonke: Ngesikhathi esizayo lizayibona iNdodana yoMuntu ihlezi kwesokunene sikaMninimandla isehla ngamayezi ezulwini.”

Ngalesosikhathi uJesu wamiswa phambi kombusi, umbusi wasebuza wathi, “Uyinkosi yamaJuda na?” “Yebo, kunjengoba usitsho,” kuphendula uJesu.

Ngaphezu kwekhanda lakhe babeka umbhalo wecala lakhe usithi: LO NGUJESU, INKOSI YAMAJUDA.

Khonokho uJesu wahlangana labo. Wathi, “Salibonani.” Beza kuye, bamnamathela ngezandla ezinyaweni zakhe bamkhonza.

Bathi ukumbona bamkhonza; kodwa abanye bathandabuza. UJesu weza kubo wathi, “Wonke amandla ezulwini lasemhlabeni aphiwe mina.

Babethuthumela babuzana bathi, “Ungubani lo na? Kambe aze alalelwe ngumoya lamagagasi!”

Aluba umuntu elamahloni ngami kanye lamazwi ami kulesi isizukulwane esifebayo lesonayo, iNdodana yoMuntu izakuba lamahloni ngaye nxa isifika enkazimulweni kaYise lezingilosi ezingcwele.”

Kwafika iyezi labasibekela, kwezwakala ilizwi eyezini lisithi, “Lo yiNdodana yami, engiyithandayo. Yilaleleni!”

UJesu wabakhangela wathi, “Ngokwabantu kakwenzeki, kodwa hatshi ngoNkulunkulu; zonke izinto ziyenzakala ngoNkulunkulu.”

Labo ababehamba phambili lalabo ababelandela bamemeza besithi, “Hosana! Ubusisiwe lowo ozayo ngebizo leNkosi!” Ubusisiwe umbuso ozayo okababa wethu uDavida!” Hosana phezulu kwaphezulu!”

UJesu waphendula wathi, “Oqakatheke okudlulayo yilo: ‘Zwana, wena Israyeli, iNkosi uNkulunkulu wethu, iNkosi yinye. Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke langamandla akho wonke.’

“Kuleso isikhathi abantu bazayibona iNdodana yoMuntu isiza emayezini ilamandla amakhulu lenkazimulo.

Izulu lomhlaba kuzakwedlula, kodwa amazwi ami kawayikwedlula lanini.

Bathi sebehlabelele isihlabelelo, baphuma baya eNtabeni yama-Oliva.

UJesu wathi, “Nginguye. Njalo lizayibona iNdodana yoMuntu ihlezi kwesokunene salowo Olamandla isehla ngamayezi ezulu.”

UPhilathu wambuza wathi, “Uyinkosi yamaJuda na?” UJesu waphendula wathi, “Yebo, njengoba usitsho nje.”

Umbhalo owaphanyekwayo owecala lakhe wawusithi: INKOSI YAMAJUDA.

Ngemva kokuba iNkosi uJesu esekhulume labo, wathathwa wakhwela waya ezulwini wahlala ngakwesokunene sikaNkulunkulu.

Uzakhulelwa uzale indodana, uyethe ibizo uthi nguJesu. Uzabangumuntu omkhulu abizwe ngokuthi yiNdodana yoPhezukonke. INkosi uNkulunkulu izamupha isihlalo sikayise uDavida, njalo uzabusa phezu kwendlu kaJakhobe laphakade; umbuso wakhe kawuyikuphela.” UMariya wayibuza ingilosi wathi, “Lokho kuzakwenzakala kanjani njengoba mina ngimsulwa ngingayazi indoda?” Ingilosi yaphendula yathi, “UMoya oNgcwele uzakwehlela phezu kwakho, lamandla akhe oPhezukonke azakusibekela. Ngakho ongcwele ozazalwa uzathiwa yiNdodana kaNkulunkulu.

Ngokuba kakukho okwahlulayo kuNkulunkulu.”

UMariya wathi: “Umphefumulo wami uyayidumisa iNkosi lomoya wami uyathokoza kuNkulunkulu uMsindisi wami,

ngokuba uSomandla ungenzele izinto ezinkulu  —  lingcwele ibizo lakhe.

ngobungcwele langokulunga phambi kwayo ngazo zonke izinsuku zethu.

Masinyane kwaqhamuka ixuku lebandla lasezulwini likanye lengilosi lidumisa uNkulunkulu lisithi, “Inkazimulo kuNkulunkulu phezulu kwaphezulu, emhlabeni ukuthula ebantwini abathokozelwa nguye.”

Abelusi babuyela, bedumisa njalo bebabaza uNkulunkulu ngezinto zonke ababezizwile njalo bazibona, zaba yikho kanye ababekutsheliwe.

UJesu waphendula wathi, “Kulotshiwe ukuthi: ‘Khonza iNkosi uNkulunkulu wakho, ubambelele kuye yedwa.’ ”

Kwathi uSimoni Phethro ekubona lokhu wazilahla phansi phambi kukaJesu wathi, “Suka kimi, Nkosi; ngingumuntu oyisoni!”

Wababuza abafundi bakhe, wathi, “Kungaphi ukukholwa kwenu na?” Babuzana ngokumangala lokwesaba bathi, “Kanti ungubani lo? Ukhuza kanye lomoya lamanzi kumlalele.”

Nxa umuntu eyangeka ngami langamazwi ami, iNdodana yoMuntu izayangeka ngaye nxa isifikile ngenkazimulo yayo langenkazimulo kaYise lezingilosi ezingcwele.

Bonke bamangala kakhulu ngobukhulu bukaNkulunkulu. Kwathi wonke umuntu esamangele ngalokho uJesu ayekwenzile, wathi kubafundi bakhe,

Ngalesosikhathi uJesu egcwele intokozo ngoMoya oNgcwele wathi, “Ngiyakudumisa, Baba, Nkosi yasezulwini lasemhlabeni, ngokuba uzifihlile lezizinto kwabahlakaniphileyo labafundileyo wazambula ebantwaneni abancinyane. Yebo, Baba, ngoba lokhu kwakuyikuthanda kwakho okuhle.

Waphendula wathi, “Thanda iNkosi uNkulunkulu wakho ngenhliziyo yakho yonke, langomphefumulo wakho wonke, langamandla akho wonke, njalo langengqondo yakho yonke;’ njalo, ‘Thanda umakhelwana wakho njengoba uzithanda wena.’ ”

Wathi kubo, “Nxa likhuleka, alibokuthi: “ ‘Baba, kalidunyiswe ibizo lakho, umbuso wakho kawuze,

Omunye wabo wathi ngokubona ukuthi usesilile wabuya, edumisa uNkulunkulu ngelizwi elikhulu. Wazilahla phansi ezinyaweni zikaJesu wambonga  —  yena wayengumSamariya.

UJesu waphendula wathi, “Lokho okungenzekiyo emandleni abantu kuyenzakala kwakaNkulunkulu.”

Masinyane yahle yabona yasimlandela uJesu idumisa uNkulunkulu. Kwathi bonke abantu bekubona lokho, labo bamdumisa uNkulunkulu.

Esefikile eduze kwendawo lapho indlela eyehla khona isuka eNtabeni yama-Oliva ixuku lonke labafundi lasuka ngokuthokoza ladumisa uNkulunkulu liqongisa amazwi ngenxa yayo yonke imimangaliso ababeyibonile, bathi: “Ubusisiwe umbusi ozayo ngebizo leNkosi!” “Ukuthula ezulwini lenkazimulo kweliphezulu!” Abanye abaFarisi exukwini bathi kuJesu, “Mfundisi, khuza abafundi bakho!” Waphendula wathi, “Ngiyalitshela ngithi aluba bethula amatshe azamemeza.”

Kulesosikhathi bazayibona iNdodana yoMuntu isiza ngeyezi ilamandla lenkazimulo enkulu.

Izulu lomhlaba kuzadlula, kodwa amazwi ami akasoze lanini edlule.

Kodwa kusukela khathesi iNdodana yoMuntu izahlala kwesokunene sikaNkulunkulu olamandla amakhulu.” Bonke babuza bathi, “Kutsho ukuthi-ke uyiNdodana kaNkulunkulu na?” Waphendula wathi, “Liqondile ukuthi ngiyiyo.”

Ngakho uPhilathu wasembuza uJesu wathi, “Uyinkosi yamaJuda na?” “Yebo, kunjengoba usitsho,” kuphendula uJesu.

Kwakulombhalo wokwazisa ngaphezulu kwakhe owawusithi: LO UYINKOSI YAMAJUDA.

Wasesithi, “Jesu, ungikhumbule nxa ungafika embusweni wakho.”

Base bemkhonza, babuyela eJerusalema bethokoza kakhulu. Bahlala kokuphela ethempelini bedumisa uNkulunkulu.

Izinto zonke zenziwa ngaye; ngaphandle kwakhe kakulalutho olukhona olwenziwayo.

ULizwi waba yinyama wahlala phakathi kwethu. Siyibonile inkazimulo yakhe; inkazimulo Yakhe Yedwa owavela kuYise, egcwele umusa leqiniso.

UNathaneli wasefakaza wathi, “Rabi, uyindodana kaNkulunkulu; uyiNkosi ka-Israyeli.”

Yena ufanele abemkhulu; mina kufanele kunciphe ukuqakatheka kwami. “Lowo ovela phezulu ungaphezulu kwakho konke; lowo ovela emhlabeni ungowomhlaba, ukhuluma njengalowo ovela emhlabeni. Lowo ovela ezulwini ungaphezu kwakho konke.

UJesu wathi, “Zwana kuhle, mama, siyeza isikhathi lapho elingezukumkhonza uBaba entabeni kumbe eJerusalema. Lina maSamariya likhonza elingakwaziyo; thina sikhonza lokho esikwaziyo, ngokuba insindiso ivela kubaJuda. Kodwa siyeza isikhathi, yebo manje sesifikile lapho abakhonzi beqiniso bezamkhonza uBaba ngomoya langeqiniso, ngoba yibo abakhonzi abanjalo uBaba abadingayo. UNkulunkulu ungumoya, labo abamkhonzayo bamele bamkhonze ngomoya langeqiniso.”

ukuze bonke bayidumise iNdodana njengalokhu bedumisa uYise. Lowo ongayidumisiyo iNdodana kamdumisi uYise oyithumileyo.

Kwathi uJesu esekhuluma ebantwini njalo wathi, “Ngiyikukhanya komhlaba. Loba ngubani ongilandelayo kasoze ahambe ebumnyameni lanini, kodwa uzakuba lokukhanya kokuphila.”

UJesu waphendula wathi, “Ngilitshela iqiniso ukuthi u-Abhrahama engakabi khona, Mina Ngikhona!”

Indoda yase isithi, “Nkosi, ngiyakholwa,” yase imkhonza.

Mina loBaba simunye.”

UJesu wasesithi, “Kangikutshelanga yini ukuthi uma ukholwa uzabona inkazimulo kaNkulunkulu na?”

Ngosuku olulandelayo ixuku elikhulu elalikade liseDilini lezwa ukuthi uJesu wayesendleleni esiza eJerusalema. Bathatha amagatsha elala baphuma ukuyamhlangabeza, bememeza besithi, “Hosana!” “Ubusisiwe lowo ozayo ngebizo leNkosi!” “Ubusisiwe oyiNkosi ka-Israyeli!” UJesu wathola iguqa likababhemi wahlala phezu kwalo njengoba kulotshiwe kuthiwa, “Ungesabi, O Ndodakazi yeZiyoni; khangela, inkosi yakho iyeza, ihlezi phezu kwethole likababhemi.”

UJesu waphendula wathi, “Sesifikile isikhathi sokuba iNdodana yoMuntu ikhazimuliswe.

Baba, khazimulisa ibizo lakho!” Kwasekufika ilizwi livela ezulwini lisithi, “Sengilikhazimulisile, ngizaphinda ngilikhazimulise.”

Esehambile uJesu wathi, “Khathesi iNdodana yoMuntu isikhazimulisiwe njalo uNkulunkulu ukhazimulisiwe kuyo. Aluba uNkulunkulu ekhazimulisiwe kuyo ngakho uNkulunkulu uzayikhazimulisa iNdodana kuye, njalo uzayikhazimulisa masinyane.

Njalo ngizakwenza noma yini eliyicelayo ngebizo lami, ukuze iNdodana ilethe inkazimulo kuBaba.

Lokhu kungokwenkazimulo kaBaba ukuze lithele izithelo ezinengi, lizitshengisa ukuthi lingabafundi bami.

UJesu esekutshilo lokhu, wakhangela ezulwini wakhuleka wathi: “Baba, isikhathi sesifikile. Khazimulisa iNdodana yakho, ukuze iNdodana yakho ikukhazimulise. Ngokuba wayinika amandla phezu kwabantu bonke ukuthi ibaphe ukuphila okungapheliyo kubo bonke labo obanike yona. Manje-ke yilokhu ukuphila okungapheliyo: ukuthi bakwazi wena, onguwe wedwa uNkulunkulu weqiniso, uJesu Khristu omthumileyo. Sengikulethele inkazimulo emhlabeni ngokuphelelisa umsebenzi owanginika wona ukuthi ngiwenze. Manje, Baba, akungikhazimulise phambi kwakho ngaleyonkazimulo engangilayo lawe umhlaba ungakabi khona.

Baphendula bathi, “uJesu waseNazaretha.” UJesu wathi, “Nginguye.” (UJudasi, umthengisi wayemi khonapho labo.) UJesu esethe, “Nginguye,” batsheda bawela phansi.

UPhilathu wasengena njalo esigodlweni, wabiza uJesu wambuza wathi, “Wena uyinkosi yabaJuda na?”

UJesu wathi, “Umbuso wami kayisiwo walo umhlaba. Aluba kwakunjalo izinceku zami bezizakulwa ukuvalela ukuthi ngingabotshwa ngabaJuda. Kodwa hatshi, umbuso wami uvela kwenye indawo.” UPhilathu wathi, “Uyinkosi, phela!” UJesu waphendula wathi, “Uqondile ukuthi ngiyinkosi. Ngeqiniso ngazalelwa lokho, njalo ngalanda khona lokho emhlabeni, ukuzafakaza iqiniso. Bonke abemi eqinisweni bayangilalela.”

Kodwa kungumkhuba wenu ukuthi ngilikhululele esinye isibotshwa ngesikhathi sePhasika. Liyafuna yini ukuthi ngilikhululele inkosi yabaJuda na?”

UPhilathu waloba umbhalo wananyathiselwa esiphambanweni. Wawubhalwe ukuthi: UJESU WASE-NAZARETHA, INKOSI YABAJUDA. AbaJuda abanengi bawufunda umbhalo lowo, ngoba indawo lapho uJesu abethelwa khona yayiseduze ledolobho, umbhalo lowo ulotshwe ngesiHebheru, ngesiLathini langesiGiriki. Abaphristi abakhulu bamaJuda basola kuPhilathu bathi, “Ungalobi uthi ‘INkosi yabaJuda.” Kodwa ukuthi umuntu lo wayezibiza ngokuthi uyinkosi yabaJuda.” UPhilathu waphendula wathi, “Esengikulobile, sengikulobile.”

UThomasi wathi kuye, “Nkosi yami, Nkulunkulu wami!”

Manje ngoba esekhutshulelwe ngakwesokunene sikaNkulunkulu, usamukele kuYise uMoya oNgcwele owathenjiswayo wasekuthulula lokho elikubonayo lelikuzwayo manje.

Ngakho-ke akuthi u-Israyeli wonke aqiniseke ngalokhu: uNkulunkulu usenze uJesu lo, elambethelayo, ukuba yiNkosi loKhristu.”

Wathi lothu ngezinyawo zakhe wahle wahamba.

UNkulunkulu wamphakamisela kwesokunene sakhe waba yiNkosana loMsindisi ukuze anike ukuphenduka lokuthethelelwa kwezono ku-Israyeli.

“Yikho iNkosi yasisithi kuye, ‘Khumula amanyathela akho; indawo omi kuyo ingumhlabathi ongcwele.

Kodwa uStefane egcwele uMoya oNgcwele wakhangela ezulwini wabona inkazimulo kaNkulunkulu loJesu emi esandleni sokunene sikaNkulunkulu. wathi, “Khangelani, ngibona izulu livuliwe leNdodana yoMuntu imi esandleni sokunene sikaNkulunkulu.”

Yilo leli ilizwi uNkulunkulu alithumela kubantu bako-Israyeli, elikhuluma ngezindaba ezinhle ezoxolo ngoJesu Khristu oyiNkosi yabo bonke.

Sekungaba phakathi kwamabili ebusuku uPhawuli loSila bakhuleka bahlabela amahubo kuNkulunkulu, ezinye izibotshwa zibalalele. Masinyane kwaba lokuzamazama komhlaba kwaze kwanyikinyeka izisekelo zentolongo. Izivalo zentolongo zathi gwabu zavuleka, amaketane ezibotshwa athukuluka.

“UNkulunkulu owenza umhlaba lakho konke okukuwo uyiNkosi yezulu lomhlaba, njalo kahlali emathempelini akhiwe ngezandla.

njalo ngoMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwayo kwabafileyo; uJesu Khristu iNkosi yethu.

Ngoba kusukela ekudalweni komhlaba isimo sikaNkulunkulu esingabonakaliyo  —  amandla akhe angapheliyo kanye lobuNkulunkulu bakhe  —  sekubonakele ngokusobala, kuzwisiseka ngokwenziweyo, ukuze abantu bangabi lasizatho sokuzigeza.

Okhokho ngababo, njalo lusukela kubo usendo lwenyama lukaKhristu, onguNkulunkulu ophezu kwakho konke, odunyiswa kokuphela! Ameni.

Yeka ukuzika kwenotho yenhlakanipho kanye lokwazi kukaNkulunkulu! Yeka ukwahlulela kwakhe okungeke kuhlolwe, kanye lezindlela zakhe ezingeke zilandelwe! “Ngubani owake wayazi ingqondo yeNkosi na? Loba owake waba ngumcebisi wayo na?”

Ngoba izinto zonke zivela kuye langaye njalo futhi zikuye. Udumo kalube kuye nini lanini! Ameni.

Ngakho-ke, ngiyalincenga bazalwane, ngenxa yomusa kaNkulunkulu, ukuba linikele imizimba yenu njengemihlatshelo ephilayo, engcwele lemthokozisayo uNkulunkulu  —  okuyikukhonza kwenu ngomoya.

Kulotshiwe ukuthi: “ ‘Ngeqiniso elinjengoba ngikhona,’ kutsho uJehova, ‘amadolo wonke azaguqa phambi kwami; izindimi zonke zizavuma kuNkulunkulu.’ ”

ukuze kuthi nganhliziyo yonke langomlomo munye lidumise uNkulunkulu loYise weNkosi yethu uJesu Khristu. Ngakho yamukelani, omunye lomunye, njengalokhu uKhristu walamukela, ukuze kudunyiswe uNkulunkulu. Ngoba ngiyalazisa ukuthi uKhristu waba yinceku yamaJuda emele iqiniso likaNkulunkulu, ukuba aqinise izithembiso ezenziwa kubokhokho, ukuze abezizwe badumise uNkulunkulu ngenxa yomusa wakhe, njengoba kulotshiwe ukuthi: “Ngenxa yalesisizatho ngizakudumisa phakathi kwabezizwe, ngizahlabela amahubo ebizweni lakho.” Njalo, kuthi, “Thokozani, bezizwe, labantu bakhe.” Njalo, kuthi, “Dumisani iNkosi, lonke lina bezizwe. Lihlabelele indumiso kuyo, lonke lina bantu.”

Kuye olamandla okuliqinisa ngevangeli lami langentshumayelo kaJesu Khristu, mayelana lokwambulwa kwemfihlakalo eyayifihlakele okweminyakanyaka eyedlulayo, kodwa khathesi yambulwe yaziswa ngemibhalo yabaphrofethi ngokulaya kukaNkulunkulu waphakade, ukuze izizwe zonke zikholwe zimlalele  — kuNkulunkulu onguye yedwa olenhlakanipho akube lenkazimulo nini lanini ngoJesu Khristu! Ameni.

lathengwa ngentengo. Ngakho-ke dumisani uNkulunkulu ngemizimba yenu.

kodwa kithi kuloNkulunkulu oyedwa kuphela, uYise, okwavela kuye izinto zonke njalo okunguye esimphilelayo; njalo kuleNkosi eyodwa kuphela, uJesu Khristu, ozinto zonke zeza ngaye njalo esiphila ngaye.

Ngakho langabe liyadla kumbe liyanatha, loba kuyikuphi elikwenzayo, kwenzeleni udumo lukaNkulunkulu.

lezimfihlo zenhliziyo yakhe zizavezwa obala. Ngakho uzakhothamela phansi akhonze uNkulunkulu esithi, “UNkulunkulu impela uphakathi kwenu!”

Ngoba uNkulunkulu owathi, “Ukukhanya kakukhanye emnyameni,” wenza ukukhanya kwakhe kwakhanya ezinhliziyweni zethu ukuba asiphe ukukhanya kokwazi inkazimulo kaNkulunkulu ebusweni bukaKhristu.

owazinikelayo ngenxa yezono zethu ukuba asihlenge kulesisikhathi esibi, mayelana lentando kaNkulunkulu wethu uBaba, udumo kalube kuye kuze kube laphakade. Ameni.

Udumo kalube kuNkulunkulu uYise weNkosi yethu uJesu Khristu, osibusise ebukhosini basezulwini ngezibusiso zonke zomoya kuKhristu.

ukuze kudunyiswe umusa wakhe omangalisayo, asiphe wona ngesihle kuLowo amthandayo.

ukuze kuthi thina, esaba ngabokuqala ukuthemba kuKhristu, sibe ngabokubonga udumo lwakhe. Lani labalwa kanye loKhristu, lapho selizwe ilizwi leqiniso. Selikholwe kuye, labekwa uphawu, uMoya oNgcwele owathenjiswayo, oyisibambiso esiqinisela ilifa lethu kuze kube lokuhlengwa kwalabo abangabakaNkulunkulu  —  ukuba kubongwe udumo lwakhe.

Ngiyaqhubeka ngicela ukuba uNkulunkulu weNkosi yethu uJesu Khristu, uYise oyinkazimulo, alinike uMoya wokuhlakanipha lokwambulelwa, ukuze limazi ngcono. Ngikhulekela njalo lokuthi amehlo ezinhliziyo zenu makakhanyiselwe ukuze lilazi ithemba alibizela kulo, inotho yelifa lakhe elimangalisayo kwabangcwele, lamandla akhe amakhulu okungelakulinganiswa kithi thina esikholwayo. Amandla lawo afana lokusebenza kwamandla akhe amakhulu, awasebenzisa kuKhristu emvusa kwabafileyo emhlalisa esandleni sakhe sokunene ebukhosini basezulwini, ngaphezu kokubusa konke lobukhosi, lamandla kanye lombuso, lamabizo wonke angatshiwo, kungasikho ngalesisikhathi kuphela kodwa lakuleso esizayo. UNkulunkulu wabeka izinto zonke ngaphansi kwezinyawo zakhe wamkhetha ukuba abe yinhloko yezinto zonke ebandleni, lona elingumzimba wakhe, ukuphelela kwakhe yena ophelelisa izinto zonke ngezindlela zonke.

Ngenxa yalokhu ngiyaguqa phambi kukaYise, lapho yonke imuli yamakholwa asezulwini lasemhlabeni ethola khona ibizo layo. Ngiyakhuleka ukuba ngenotho yobukhosi bakhe aliqinise ngamandla ngoMoya wakhe emuntwini wenu wangaphakathi, ukuze uKhristu ahlale ezinhliziyweni zenu ngokukholwa. Ngiyakhuleka njalo ukuba, ligxilile njalo liqinile ethandweni, libe lamandla, kanye labangcwele bonke, ukuba liqedisise ububanzi lobude lokudepha kanye lokutshona kothando lukaKhristu, lokuba lilwazi uthando lolu oludlula ukwazi  —  ukuze ligcwaliswe ngesilinganiso sokugcwala okupheleleyo kukaNkulunkulu. Ngakho-ke, kuye lowo ongenza okukhulu kakhulu kulalokho esikucelayo kumbe esikucabangayo, mayelana lamandla akhe asebenzayo phakathi kwethu, kakube lodumo kuye ebandleni lakuKhristu uJesu kuzizukulwane zonke, kuze kube nini lanini! Ameni.

uNkulunkulu munye uYise wabo bonke, ophezu kwabo bonke, ongabo bonke njalo okubo bonke.

Yena lowo owehlela phansi nguye kanye owenyukela phezulu kakhulu kulamazulu wonke, ukuze agcwale izindawo zonke emhlabeni lasezulwini.)

Khulumisanani ngamahubo, lamaculo kanye langezingoma zokomoya. Hlabelani lenzele iNkosi imiculo ezinhliziyweni zenu, limbonge kokuphela uNkulunkulu uBaba ngenxa yezinto zonke, ngebizo leNkosi yethu uJesu Khristu.

ligcwele izithelo zokulunga eziza ngoJesu Khristu  —  ukuba adunyiswe njalo abongwe uNkulunkulu.

Ngakho-ke uNkulunkulu wamphakamisela endaweni ephezulu kakhulu wamnika ibizo elingaphezu kwamabizo wonke, ukuba amadolo wonke aguqe ebizweni likaJesu, ezulwini lasemhlabeni kanye langaphansi komhlaba, lezindimi zonke zivume ukuthi uJesu Khristu uyiNkosi, kube ludumo lukaNkulunkulu uYise.

Ngoba thina yithi abokusokwa, thina esikhonza ngoMoya kaNkulunkulu, esiziqhenya ngoKhristu uJesu, njalo esingabeki ithemba okwenyama  —

Udumo kalube kuNkulunkulu uBaba kuze kube laphakade. Ameni.

Yona iyisifanekiso sikaNkulunkulu ongabonakaliyo, izibulo kukho konke okwadalwayo. Ngoba izinto zonke zadalwa ngayo: izinto ezisezulwini lezisemhlabeni, ezibonakalayo lezingabonakaliyo, loba kuyizihlalo zobukhosi kumbe amandla loba ababusi kumbe abaphathi; izinto zonke zadalwa ngayo zidalelwa yona. Yona iphambi kwezinto zonke, njalo kuyo izinto zonke zibambene. Iyinhloko yomzimba, ibandla; iyikuqala lezibulo elivela kwabafileyo ukuze ibe lobukhosi ezintweni zonke. Ngoba uNkulunkulu wathokoza ukuba ukuphelela kwakhe kube kuyo, lokuthi ngayo abuyisane lezinto zonke, loba kuyizinto ezisemhlabeni kumbe izinto ezisezulwini, ngokwenza ukuthula ngegazi layo elachithwa esiphambanweni.

UNkulunkulu wathanda ukubazisa phakathi kwabezizweni inotho emangalisayo yemfihlakalo le, enguKhristu phakathi kwenu, ithemba lenkazimulo.

Ngoba konke ukuphelela kobuNkulunkulu kuhlezi kuKhristu ngesimo somzimba, njalo lina lilakho lokhukuphelela kuKhristu oyinhloko yamandla wonke kanye lokubusa konke.

Ngakho-ke, njengoba livuswe kanye loKhristu, bekani izinhliziyo zenu ezintweni eziphezulu, lapho uKhristu ahlezi khona esandleni sokunene sikaNkulunkulu. Bekani izingqondo zenu ezintweni eziphezulu, hatshi ezintweni zasemhlabeni. Ngoba lafa, ukuphila kwenu khathesi kufihlwe loKhristu kuNkulunkulu. Lapho uKhristu, oyikuphila kwenu, ebonakala, lani futhi lizabonakala laye enkazimulweni.

Ilizwi likaKhristu kalihlale phakathi kwenu ngokupheleleyo lapho lifundisana njalo liselulekana ngokuhlakanipha konke, lalapho lihlabela amahubo, lamaculo kanye lezingoma zokomoya ngokubonga uNkulunkulu ezinhliziyweni zenu. Langabe kuyini elikwenzayo, ngelizwi loba ngesenzo, konke kwenzeni ngebizo leNkosi uJesu, libonge uNkulunkulu uYise ngaye.

Walibizela kulokhu ngevangeli lethu, ukuze lihlanganyele enkazimulweni yeNkosi yethu uJesu Khristu.

Manje, kuyo iNkosi yaphakade, engafiyo, engabonakaliyo, uNkulunkulu yedwa, akube kuye udumo lenkazimulo kuze kube nini lanini. Ameni.

okuzalethwa nguNkulunkulu ngesikhathi sakhe  —  uNkulunkulu obusisekileyo njalo onguyena Mbusi kuphela, iNkosi yamakhosi loMbusi wababusi, onguye kuphela ongafiyo lohlala ekukhanyeni okungafinyelelekiyo, okungekho owake wambona loba ongambona. Udumo lamandla akube kuye kuze kube laphakade. Ameni.

INkosi izangihlenga kukho konke ukuhlaselwa okubi, ingilethe kungekho bubi embusweni wayo wasezulwini. Udumo kalube kuyo kuze kube nini lanini. Ameni.

lapho sisalindele ithemba elibusisiweyo  —  ukubonakala ngenkazimulo kukaNkulunkulu wethu ophakemeyo longuMsindisi, uJesu Khristu

kodwa ngalezizinsuku zokucina ukhulume kithi ngeNdodana yakhe, ayibeka ukuba yindlalifa yezinto zonke, yona adala ngayo izulu lomhlaba. INdodana iyikubenyezela kwenkazimulo kaNkulunkulu kanye lesifanekiso uqobo sokuba nguye kwakhe, iqinisa izinto zonke ngelizwi layo elilamandla. Emva kokuba isidlinzekele ukuhlanjululwa kwezono, yahlala phansi ngakwesokudla sobuKhosi ezulwini.

Njalo, lapho uNkulunkulu eletha izibulo lakhe emhlabeni, uthi, “Zonke izingilosi zikaNkulunkulu kazimkhonze.” Lapho ekhuluma ngezingilosi uthi, “Wenza izingilosi zakhe zibe yimimoya, izinceku zakhe zibe ngamalangabi omlilo.” Kodwa ngeNdodana uthi, “Isihlalo sakho sobukhosi, O Nkulunkulu, sizakuba khona kuze kube nininini, lokulunga kuzakuba yintonga yombuso wakho.

Kodwa sibona uJesu, owenziwa waba ngaphansanyana kwezingilosi, ebekwa umqhele wobukhosi lodumo, ngokuba wavuma ukufa ukuze kuthi ngomusa kaNkulunkulu ezwe ukufa ngenxa yabantu bonke.

Uthi, “Ngizamemezela ibizo lakho kubafowethu; ngizahlabelela udumo lwakho phambi kwebandla.”

Ngakho, njengoba silomphristi omkhulu kakhulu osengene emazulwini, uJesu iNdodana kaNkulunkulu, kasibambeleleni kakhulu ekholweni esiluvumayo. Ngoba kasilamphristi omkhulu onganelisiyo ukuzwela ubuthakathaka bethu, kodwa silaye oseke walingwa ngezindlela zonke njengathi kodwa akaze aba lesono. Kasisondeleni esihlalweni sobukhosi somusa ngesibindi, ukuze samukele isihawu njalo sithole umusa wokusisiza ezikhathini zokuswela kwethu.

Umphristi omkhulu onjalo wanelisa iziswelo zethu  —  ongongcwele, ongelasici, lohlanzekileyo, lowehlukaniswe lezoni, lophakanyiselwe ngaphezu kwamazulu.

Isiqokoqela salokho esikutshoyo yilesi: Silaye umphristi omkhulu onjalo, owahlala phansi ngakwesokudla kwesihlalo sobukhosi soMkhulu ezulwini,

Kangenanga ngokusebenzisa igazi lembuzi loba elamathole; kodwa wangena kanye kuphela eNdaweni eNgcwele kakhulu ngegazi lakhe, esethole ukukhululwa okulaphakade.

Kodwa kwathi umphristi lo esenikelele izikhathi zonke umhlatshelo owodwa wezono, wahlala phansi esandleni sokunene sikaNkulunkulu.

Ngakhoke, bazalwane, njengoba silethemba lokungena eNdaweni eNgcwele kaKhulu ngegazi likaJesu,

Kasikhangeliseni amehlo ethu kuJesu, uMqalisi loMphelelisi wokukholwa kwethu, okwathi ngentokozo eyayibekwe phambi kwakhe wabekezelela isiphambano, engananzi ihlazo laso, wahlala kwesokudla phansi kwesihlalo sobukhosi sikaNkulunkulu.

Ngakho-ke, njengoba sisamukela umbuso ongeke unyikinyiswe, kasibongeni njalo sikhonze uNkulunkulu ngokufaneleyo ngenhlonipho langokwesaba, ngoba uNkulunkulu wethu ungumlilo oqothulayo.

UJesu Khristu uyafana izolo lalamhla kanye lanininini.

Ngakho, ngoJesu, kasinikeleni njalonjalo kuNkulunkulu umhlatshelo wokubonga  —  isithelo sezindebe ezivuma ibizo lakhe.

Sengathi uNkulunkulu wokuthula, owavusa iNkosi yethu uJesu kwabafileyo ngegazi lesivumelwano esingapheliyo, lowoMalusi omkhulu wezimvu, angalihlomisa ngakho konke okulungele ukwenza intando yakhe, njalo sengathi angasebenza phakathi kwethu lokho okumthokozisayo, ngoJesu Khristu, odumo kalube kuye kuze kube nininini. Ameni.

Kukhona yini kini ohluphekayo na? Kakhuleke. Ukhona othokozayo na? Kahlabele izingoma zokudumisa.

oseye ezulwini njalo usesandleni sokunene sikaNkulunkulu  —  lezingilosi, leziphathamandla kanye lezikhulu ekuzehliseni kuye.

Uma umuntu ekhuluma, kumele akhulume njengokhuluma amazwi kaNkulunkulu wona ngokwawo. Uma umuntu ekhonza, kumele akhonze ngamandla awaphiwa nguNkulunkulu, ukuze kuthi ezintweni zonke uNkulunkulu adunyiswe ngoJesu Khristu. Udumo lamandla kakube kuye kuze kube nini nini. Ameni.

Kodwa-ke, uma lihlupheka njengomKhristu, lingayangeki, kodwa dumisani uNkulunkulu ngokuba lebizo lakhe.

Njalo uNkulunkulu womusa wonke, yena owalibizela enkazimulweni yakhe kuKhristu, emva kokuba lihlupheke okwesikhatshana, yena uqobo uzalivuselela alenze libe lamandla, liqine njalo lithembeke. Amandla kawabe kuye kuze kube nininini. Ameni.

Sasingalandeli izinganekwane ezaqaliswa ngokuhlakanipha lapho silitshela ngamandla langokuza kwe-Nkosi yethu uJesu Khristu, kodwa sasingofakazi bobukhosi bakhe. Ngoba wamukela udumo lenkazimulo kuNkulunkulu uBaba lapho ilizwi lafika kuye livela eNkazimulweni yoBukhosi, lisithi, “Le yiNdodana yami engiyithandayo; ngiyathokoza kakhulu ngayo.”

Kodwa khulani emuseni lasekwazini iNkosi yethu loMsindisi uJesu Khristu. Inkazimulo kayibe kuye khathesi lanininini! Ameni.

kuye onguNkulunkulu yedwa, uNkulunkulu uMsindisi wethu, kakube lenkazimulo, lobukhosi, lamandla kanye lobukhulu, ngoJesu Khristu iNkosi yethu, mandulo kwezikhathi zonke, khathesi kanye lanininini! Ameni.

lokuvela kuJesu Khristu, ongufakazi othembekileyo, izibulo elivela kwabafileyo, lombusi wamakhosi asemhlabeni. Kuye osithandayo lowasikhululayo ezonweni zethu ngegazi lakhe, njalo osenze saba ngumbuso labaphristi ukuba sisebenzele uNkulunkulu wakhe loYise  —  kakube kuye udumo lamandla kuze kube nininini! Ameni. Khangelani uyeza ngamayezi, amehlo wonke azambona, lalabo abamgwazayo; labantu bonke basemhlabeni bazalila ngenxa yakhe. kuzakuba njalo! Ameni.

“Mina nginguKuqala loKucina,” kutsho iNkosi uNkulunkulu, “okhona, lowayekhona, lozakuza, uSomandla.”

Ngatshibilika ukuze ngimbone lowo owayengikhulumisa. Sengiphendukile ngabona izinti zezibane zegolide eziyisikhombisa, njalo phakathi kwezinti zezibane kwakulomuntu “owayenjengendodana yomuntu,” egqoke isambatho esasifika phansi ezinyaweni zakhe, ibhanti legolide libophe isifuba sakhe. Ikhanda lakhe lezinwele zakhe kwakumhlophe njengewulu, kumhlophe nke njengongqoqwane, lamehlo akhe ayenjengomlilo ovuthayo. Izinyawo zakhe zazinjengethusi elikhazimulayo emvuthweni, ilizwi lakhe linjengokuhuba kwamanzi agelezayo. Esandleni sakhe sokunene wayephethe izinkanyezi eziyisikhombisa, emlonyeni wakhe kwaphuma inkemba ebukhali enhlendlambili. Ubuso bakhe babunjengelanga likhanyisa ngenkazimulo yalo yonke. Kwathi ngimbona, ngawela ezinyaweni zakhe njengofileyo. Wabeka isandla sakhe sokunene phezu kwami, wathi: “Ungesabi. Mina ngingowokuQala lokuCina. NgingoPhilayo; ngangifile, njalo khangela ngiyaphila kuze kube nininini! Njalo ngiphethe izivulo zokufa kanye leNdawo yabafileyo.

Khonokho nje ngahle ngehlelwa nguMoya, kwathi phambi kwami ngabona isihlalo sobukhosi ezulwini kulomuntu owayehlezi kuso. Lowo owayehlezi lapho wayefana lejaspa lekhaneliya. Umchilo wamakhosikazi owawufana le-emaralidi wawuzingeleze isihlalo sobukhosi. Kwakulezinye izihlalo zobukhosi ezingamatshumi amabili lane ezazizingeleze isihlalo sobukhosi leso, kuzo kuhlezi abadala abangamatshumi amabili lane. Babegqoke okumhlophe njalo belemiqhele yegolide emakhanda abo.

Esihlalweni sobukhosi kwaba lokuphazima kombane, lokundindizela kanye lokukhwaza kwezulu. Phambi kwesihlalo sobukhosi kwakuvutha izibane eziyisikhombisa. Lezi zazingomoya abayisikhombisa bakaNkulunkulu. Phambi kwesihlalo futhi kwakulokwakungathi lulwandle lwengilazi, kucwebile njengelitshe elikhazimulayo. Phakathi, emaceleni wonke esihlalo sobukhosi, kwakulezidalwa ezine eziphilayo, zigcwele amehlo phambili langemuva.

Esinye lesinye salezozidalwa eziphilayo sasilezimpiko eziyisithupha njalo sigcwele amehlo macele wonke, kanye langaphansi kwezimpiko. Emini lebusuku kazizange zithule ukuthi: “Ingcwele, ingcwele, ingcwele iNkosi uNkulunkulu uSomandla, owayekhona, okhona, njalo ozakuza.” Kuthi lapho izidalwa eziphilayo zimdumisa, zimhlonipha njalo zimbonga lowo ohleziyo esihlalweni sobukhosi njalo ophila kuze kube nininini, abadala abangamatshumi amabili lane bawela phansi phambi kwakhe ohlezi esihlalweni sobukhosi, bamkhonze yena ophila kuze kube nininini. Babeka imiqhele yabo phambi kwesihlalo sobukhosi bathi: “Ufanele, Nkosi yethu loNkulunkulu wethu, ukwamukela udumo lenhlonipho kanye lamandla, ngoba wena wadala izinto zonke, njalo zadalwa ngentando yakho njalo zilabo ubukhona bazo.”

Omunye wabadala wathi kimi, “Ungakhali! Khangela, iSilwane sesizwana sakoJuda, iMpande kaDavida, sinqobile. Sizakwanelisa ukuwuvula umqulu lezimpawu zawo eziyisikhombisa.” Ngabona iWundlu, kukhanya angathi lalibulewe, limi ngaphakathi kwesihlalo sobukhosi, lizingelezwe yizidalwa eziphilayo ezine labadala. Lalilezimpondo eziyisikhombisa lamehlo ayisikhombisa, okungomoya abayisikhombisa baka-Nkulunkulu abathunywe emhlabeni wonke. Leza lathatha umqulu esandleni sokunene salowo owayehlezi esihlalweni sobukhosi. Esewuthethe, izidalwa ezine eziphilayo labadala abangamatshumi amabili lane bawela phansi phambi kweWundlu. Omunye lomunye wabo wayelechacho njalo babephethe imiganu yegolide igcwele impepha, eyimikhuleko yabangcwele. Bahlabela ingoma entsha bathi: “Wena ufanele ukuwuthatha umqulu lokuvula izimpawu zawo, ngokuba wabulawa, kwathi ngegazi lakho wathengela uNkulunkulu abantu bezizwana zonke lezindimi labantu kanye lezizwe. Ubenze baba ngumbuso labaphristi ukuba bakhonze uNkulunkulu wethu, njalo bazabusa emhlabeni.”

Ngakhangela ngasengisizwa amazwi ezingilosi ezinengi, ezaziyizinkulungwane lezinkulungwane, lezinkulungwane ezilitshumi ziphindwe okuzinkulungwane ezilitshumi. Zazizingeleze isihlalo sobukhosi lezidalwa eziphilayo kanye labadala. Zahlabela ngamazwi aphezulu zisithi: “Lifanele iWundlu, elabulawayo, Ukwamukela amandla lenotho lenhlakanipho lokuqina lodumo lenkazimulo kanye lokudunyiswa!” Ngezwa izidalwa zonke ezulwini lasemhlabeni langaphansi komhlaba laselwandle lakho konke okukukho, kuhlabela kusithi: “Kuye ohlezi esihlalweni sobukhosi lakulo iWundlu kakube lenhlonipho lodumo lenkazimulo kanye lamandla kuze kube nininini!” Izidalwa ezine eziphilayo zathi, “Ameni,” kwathi abadala bawela phansi bakhonza.

Emva kwalokhu ngakhangela, khonapho phambi kwami kwakulexuku elikhulukazi okungelamuntu owayengalibala, livela ezizweni zonke, lezizwaneni, lasebantwini kanye lasezindimini zonke, limi phambi kwesihlalo sobukhosi laphambi kweWundlu. Babegqoke izambatho ezimhlophe bephethe izingatsha zelala ngezandla zabo. Bamemeza ngelizwi elikhulu besithi: “Ukusindisa ngokukaNkulunkulu wethu, ohlezi esihlalweni sobukhosi, kanye lokweWundlu.” Izingilosi zonke zazimi zizingeleze isihlalo sobukhosi njalo zizingeleze abadala kanye lezidalwa ezine eziphilayo. Zathi mbo phansi ngobuso bazo phambi kwesihlalo sobukhosi zakhonza uNkulunkulu zisithi: “Ameni! Udumo lobukhosi lokuhlakanipha lokubongwa lokuhlonitshwa lamandla kanye lokuqina kakube kuNkulunkulu wethu nini lanini. Ameni!”

Ngakho-ke, “baphambi kwesihlalo sobukhosi sikaNkulunkulu bemkhonza emini lebusuku ethempelini lakhe; njalo yena ohlezi esihlalweni sobukhosi uzakwendlala ithente lakhe ngaphezu kwabo.

Ingilosi yesikhombisa yakhalisa icilongo layo, kwasekusiba lamazwi amakhulu ezulwini, ayesithi: “Umbuso wasemhlabeni usube ngumbuso weNkosi yethu loKhristu wayo, njalo izabusa kuze kube nininini.” Abadala abangamatshumi amabili lane, ababehlezi ezihlalweni zobukhosi phambi kukaNkulunkulu, bathi mbo phansi ngobuso babo bakhonza uNkulunkulu, besithi: “Siyakubonga Nkosi Nkulunkulu Somandla, okhona lowayekhona njalo, ngoba usuwathethe amandla akho amakhulu njalo usuqalisile ukubusa.

Ngasengisizwa ilizwi elikhulu ezulwini lisithi: “Khathesi ukusindiswa sekufikile lamandla kanye lombuso kaNkulunkulu wethu, kanye lobukhosi bukaKhristu wakhe. Ngoba ummangaleli wabazalwane bethu, obamangalelayo phambi kukaNkulunkulu wethu emini lebusuku, usephoselwe phansi.

Ngezwa umdumo ovela ezulwini ufana lokuhuba kwamanzi agelezayo lanjengokukhwaza okukhulu kwezulu. Umdumo engawuzwayo wawunjengowabatshayi bamachacho betshaya amachacho abo. Bahlabela ingoma entsha phambi kwesihlalo sobukhosi laphambi kwezidalwa ezine eziphilayo kanye laphambi kwabadala. Kakho owayengayifunda ingoma leyo ngaphandle kwabayizi-144,000, ababehlengwe emhlabeni. Laba yilabo abangazingcolisanga ngesifazana, ngoba bazigcina behlambulukile. Bayalilandela iWundlu loba kungaphi lapho eliya khona. Bathengwa phakathi kwabantu banikelwa njengezithelo zakuqala kuNkulunkulu laseWundlwini. Akulamanga atholakala emilonyeni yabo; kabalasici.

Ngelizwi elikhulu yathi, “Mesabeni uNkulunkulu limdumise, ngoba isikhathi sokwahlulela kwakhe sesifikile. Mkhonzeni yena owadala amazulu, lomhlaba, lolwandle kanye lemithombo yamanzi.”

Ngakhangela, khonapho phambi kwami kwakuleyezi elimhlophe, njalo phezu kweyezi lelo kwakuhlezi “ofana lendodana yomuntu,” elomqhele wegolide ekhanda lakhe lesikela ebukhali esandleni sakhe.

behlabela ingoma kaMosi inceku kaNkulunkulu, kanye lengoma yeWundlu besithi: “Mikhulu iyamangalisa imisebenzi yakho Nkosi Nkulunkulu Somandla. Zilungile njalo ziqotho izindlela zakho, Nkosi yezikhathi zonke. Ngubani ongayikukwesaba, wena Nkosi, adumise ibizo lakho na? Ngoba nguwe kuphela ongcwele. Zonke izizwe zizakuza zikhonze phambi kwakho, ngoba imisebenzi yakho elungileyo isibonakalisiwe.”

Ithempeli lagcwala intuthu evela enkazimulweni kaNkulunkulu lasemandleni akhe, njalo kakho owayengangena ethempelini izifo eziyisikhombisa zezingilosi eziyisikhombisa zingakapheli.

Azakulwa impi leWundlu, kodwa iWundlu lizawanqoba ngoba liyiNkosi yamakhosi loMbusi wababusi  —  njalo lizakuba lilababiziweyo balo, abangabalandeli abakhethiweyo labathembekileyo.”

Emva kwalokhu ngezwa umsindo onjengokuhlokoma kwexuku elikhulu ezulwini limemeza lisithi: “Haleluya! Ukusindisa lodumo lamandla ngokukaNkulunkulu wethu,

Abadala abangamatshumi amabili lane lezidalwa ezine eziphilayo bawela phansi bakhonza uNkulunkulu, owayehlezi esihlalweni sobukhosi. Bamemeza njalo bathi: “Ameni, Haleluya!” Kwasekuzwakala ilizwi elavela esihlalweni sobukhosi, lisithi: “Dumisani uNkulunkulu wethu lonke lina zinceku zakhe, lina elimesabayo, abancane labakhulu!” Ngabuya ngezwa okwakungathi lixuku elikhulu, kunjengokuhlokoma kwamanzi agelezayo lanjengokukhwaza kwezulu besithi: “Haleluya! Ngoba iNkosi yethu uNkulunkulu uSomandla uyabusa. Kasithokozeni sithabe simuphe udumo. Ngoba umthimba weWundlu usufikile lomlobokazi walo usezilungisele.

Amehlo akhe anjengomlilo ovuthayo, njalo ekhanda lakhe kulemiqhele eminengi. Ulebizo elilotshwe kuye elingaziwa muntu ngaphandle kwakhe yena ngokwakhe. Ugqoke isambatho esigxanyuzwe egazini, njalo ibizo lakhe nguLizwi likaNkulunkulu. Amabutho asezulwini ayemlandela, egade amabhiza amhlophe njalo egqoke ilineni elihle, elimhlophe njalo lihlanzekile. Emlonyeni wakhe kuphuma inkemba ebukhali agalela ngayo izizwe. Uzazibusa ngentonga yensimbi. Unyathela isikhamelo sewayini sentukuthelo yolaka lukaNkulunkulu uSomandla.

Esambathweni sakhe lasemlenzeni wakhe kulotshwe ibizo leli elithi: INKOSI YAMAKHOSI LOMBUSI WABABUSI.

Ngabuya ngabona isihlalo sobukhosi esikhulu kanye lalowo owayehlezi kuso. Umhlaba lomkhathi kwabaleka phambi kwakhe, akwaze kwaba lendawo yakho. Ngasengibona abafileyo, abancane labakhulu, bemi phambi kwesihlalo sobukhosi, kwasekuvulwa izincwadi. Kwavulwa enye incwadi, eyincwadi yokuphila. Abafileyo bahlulelwa mayelana lalokho ababekwenzile okwakulotshwe ezincwadini.

Ngabuya ngabona izulu elitsha lomhlaba omutsha, ngoba izulu lakuqala lomhlaba wakuqala kwasekudlule, njalo ulwandle lwalungasekho. Ngabona iDolobho eliNgcwele, iJerusalema elitsha, lisehlela phansi liphuma ezulwini kuNkulunkulu lilungiswe njengomlobokazi ececele umkakhe. Ngezwa ilizwi elikhulu livela esihlalweni sobukhosi lisithi, “Khathesi ikhaya likaNkulunkulu selisebantwini, uzahlala labo. Bazakuba ngabantu bakhe, njalo uNkulunkulu yena uqobo uzakuba labo abe nguNkulunkulu wabo.

Kangibonanga thempeli edolobheni, ngoba iNkosi uNkulunkulu uSomandla leWundlu balithempeli lalo. Idolobho kalisweli langa loba inyanga yokukhanyisa kulo, ngoba inkazimulo kaNkulunkulu ilinika ukukhanya, leWundlu liyisibane salo.

Ingilosi yasingitshengisa umfula wamanzi okuphila, acengekileyo kakhulu, egeleza evela esihlalweni sobukhosi sikaNkulunkulu leseWundlu esehla ephakathi komgwaqo omkhulu wedolobho. Eceleni ngalinye lomfula kwakulesihlahla sokuphila, sithela izithelo ezilitshumi lambili, sithela izithelo zaso nyanga zonke. Amahlamvu esihlahla leso ngawokwelapha izizwe. Akusoze kube lesiqalekiso futhi. Isihlalo sobukhosi sikaNkulunkulu leseWundlu zizakuba sedolobheni, njalo izinceku zakhe zizamkhonza. Zizabubona ubuso bakhe, lebizo lakhe lizakuba semabunzini azo.

Ngingu-Alfa lo-Omega, ukuQala lokuCina, iSiqalo leSicino.