06 – Heli

Bea behe e Jihova kia Mosese, Koia fulibe kuo fai agahala kiate au, teu tamate‘i ia mei he eku tohi. Koia, ke ke alu ni, o ave ae kakai ki he fonua, aia naaku lea ai kiate koe: vakai, e muomua iate koe a eku Agelo: ka koe mooni i he aho o eku aahi, Teu aahi e nau agahala kiate kinautolu.

E ikai mamae kiate ia a Jihova, ka e vela ae houhau moe fuaa o Jihova ki he tagata koia, bea koe gaahi malaia kotoabe aia kuo tohi i he tohi ni, e tuku tonu kiate ia, bea e tamate‘i Jihova hono higoa mei he lalo lagi.

He kuo tutu ae afi i he eku houhau, bea e vela ia o a‘u ki loto heli, bea e fakaauha ai a mamani mo hono tubu, bea e tutu ai ae gaahi tuuga oe gaahi mouga.

O hage koe fakamovetevete o mole atu ae ao: oku behe, ko ia oku alu hifo ki he faitoka e ikai toe alu hake.

Aia kuo tuku tologa ae agahala ki he aho oe fakaauha? e taki atu akinautolu ki he aho oe houhau.

E teke‘i ae agahala ki loto heli, moe gaahi buleaga kotoabe oku fakagalogalo‘i ae Otua.

Koeuhi e ikai te ke tuku hoku laumalie i hetesi; bea e ikai te ke tuku ho Toko Taha Maonioni ke ne ilo ae auauha.

Nae kabui au e he gaahi mamahi o hetesi: nae talia au e he gaahi tauhele oe mate.

E ilo e ho nima a ho gaahi fili kotoabe: bea e ilo e ho nima toomatau akinautolu oku fehia kiate koe. Te ke gaohi akinautolu ke hage koe gotoumu vela i he aho o hoo tubutamaki: e fakaauha akinautolu e Jihova i hono houhau, e keina o oji akinautolu e he afi.

Ke buke akinautolu e he mate, bea tuku ke alu vave hifo akinautolu ki hetesi: he oku i ho nau gaahi nofoaga, bea iate kinautolu ae kovi.

Tuku ke tamate‘i mei he tohi oe moui, bea oua naa tohi fakataha akinautolu moe kau maonioni.

Bea koe kau fehia kia Jihova kuo nau fakavaivai akinautolu kiate ia: ka e tologa o taegata ho nau gaahi aho.

He oku lahi hoo aloofa kiate au: bea kuo ke fakamoui hoku laumalie mei he loto heli.

Oku ikai ilo‘i e he tagata aga fakamanu; bea oku ikai ilo eni e he vale. Oka tubu ae kau agahala o hage koe mohuku, bea oka moui lelei ae kau fai kovi kotoabe; koe mea ia ke fakaauha ai akinautolu o taegata:

Ko kinautolu oku nofo i he fakabouli bea moe ata ae mate, kuo ha‘i aki ae mamahi moe ukamea; Koeuhi naa nau agatuu ki he gaahi folofola ae Otua, mo nau fehia ki he akonaki ae fugani Maoluga:

Oku fakamoui e Jihova akinautolu kotoabe oku nau ofa kiate ia: ka koe agakovi kotoabe te ne fakaauha.

Ka oku ikai ke ne ilo oku i ai ae mate; bea oku i he loloto o heli ae kakai kuo ne fakaafe.

Oku i he ao o Jihova a hetesi bea moe fakaauha: kae mua hake ae loto oe fānau ae tagata!

Oku maoluga ae hala oe moui kiate kinautolu oku boto, koeuhi ke nau hao mei heli oku i lalo.

Oua naa taofi ae taute‘i mei he tamajii: he kabau te ke ta‘i ia aki ae mea ta, e ikai mate ia. He te ke taute‘i aki ia ae mea ta, o fakahaofi ai hono laumalie mei heli.

Oku ikai ke bito a hetesi moe fakaauha; be behe, oku ikai aubito ke fiemalie ae mata oe tagata.

Ke tau fanogo ki he fakaoji oe gaahi mea ni kotoabe: Ke ke manavahe ki he Otua, bea ke fai ki he ene gaahi fekau: he oku katoa i he mea ni ae gaue totonu ae tagata. Koeuhi e omi e he Otua ae gaue kotoabe ki he fakamāu, moe mea fufu kotoabe, be ko ha mea lelei ia be kovi.

Bea koe māma o Isileli e hoko ia koe afi, bea ko hono Toko Taha Maonioni koe ulo afi, bea e kakaha ia bea fakaauha i he aho be taha hono gaahi akau talatala moe talatalaamoa; Bea e fakaauha ae lelei oe vao lahi oia, bea mo ene goue oku fua, ae laumalie moe jino fakatouoji; bea te nau hage koe tagata too fuka kuo bogia.

Bea e ilo vave eia ae manavahe kia Jihova: bea e ikai te ne fakamāu i he vakai a hono fofoga, be valoki o hage koe fanogo a hono teliga: Ka i he maonioni te ne fakamāu ae majiva, bea valoki i he tae filifilimanako ma ae agavaivai oe fonua: bea te ne ta‘i a mamani aki ae mea ta o hono fofoga, bea te ne tamate ae agakovi aki ae mānava o hono lougutu.

Mou tagilāulāu akimoutolu; he oku ofi ae aho o Jihova; e ha‘u ia o hage koe fakaauha mei he Mafimafi. Koia e vaivai ai ae nima kotoabe, bea e molu moe loto oe tagata kotoabe: Bea te nau manavahe: e buke akinautolu e he mamahi moe ogojia; te nau laga o hage koe fefine oku faele: te nau feofoaki; e tatau ho nau mata moe ulo oe afi. Vakai, oku ha‘u ae aho o Jihova, oku mamafa i he tubutamaki bea moe houhau lahi, ke fakaauha ae fonua: bea te ne tamate‘i ae kakai agahala mei ai. He koe gaahi fetuu oe lagi moe gaahi faahiga fetuu i ai e ikai te nau omi e nau māma; e fakabouli ae laa i he ene hobo hake, bea e ikai ulo atu ae māma oe mahina. Bea teu tautea a mamani koeuhi koe nau hia, bea moe kakai agakovi koeuhi koe nau agahala; bea teu bule ke gata ae fielahi oe laukau, bea teu li ki lalo ae fieeiki oe kakai fakamana.

Koia teu lulululu ai ae gaahi lagi, bea e hiki mo mamani mei hono botu, i he houhau o Jihova oe gaahi kau tau, bea i he aho o hono houhau vela.

Oku gau‘e a hetesi mei lalo maau ke fakafetaulaki kiate koe i ho ha‘u: oku ne ue‘i ae mate maau, io ae kau tuu kimua kotoabe o mamani; kuo ne fokotuu mei ho nau nofoaga ae gaahi tu‘i kotoabe oe gaahi buleaga. E lea akinautolu kotoabe o behe kiate koe, Kuo ke hoko o vaivai o hage ko kimautolu ni? kuo ke hoko o tatau mo kimautolu ni? Kuo fakahifo hoo laukau ki he faitoka, bea moe logoaa o hoo gaahi mea lea: kuo fofola i lalo iate koe ae faga kelemutu, bea kafu aki koe ae faga kelemutu.

E Lusifa, koe foha oe bogibogi! hono ikai to hifo koe mei he lagi! hono ikai tuuji ki lalo koe ki he kelekele, akoe ne ke fakavaivai‘i ae gaahi buleaga! He naa ke behe i ho loto, Teu alu hake ki he lagi, teu fokotuu ke maoluga hake a hoku nofoaga i he gaahi fetuu oe Otua: bea teu nofo i he mouga oe fakatahaaga, i he gaahi botu tokelau: Teu alu hake ke maoluga i he gaahi ao; teu tatau mo ia oku maoluga taha be. Ka e hifo koe ki lalo ki he faitoka, ki he kaokao oe luo.

Kuo nau mate, e ikai te nau moui; kuo nau bekia, e ikai te nau toetuu: koia kuo ke aahi mo fakaauha‘i akinautolu, bea kuo ke fakagata ho nau fakamanatu kotoabe.

He, vakai, oku haele a Jihova mei hono botu ke tautea ae kakai o mamani koeuhi koe nau hia: bea e fakaha e he fonua hono toto, bea e ikai toe ufiufi hono kakai kuo tamate‘i.

E ikai fuifui ia i he bo be i he aho; e alu hake taegata ae kohu mei ai: e lala ia mei he toutagata ki he toutagata; e ikai fou ai ha taha o taegata bea taegata.

He oku ikai faa fakamalo kiate koe ae faitoka, oku ikai faa fakaogoogolelei‘i koe e he mate: ko kinautolu oku alu hifo ki he luo oku ikai te nau faa amanaki ki he mooni.

Kae vakai, e haele mai a Jihova moe afi, bea hage koe ahiohio a ene gaahi saliote, ke atu hono houhau i he malohi, bea mo ene valoki aki ae ulo oe afi. Koeuhi e fai e Jihova moe kakano kotoabe aki ae afi mo ene heleta: bea koe toko lahi e tamate‘i e Jihova.

Bea te nau alu atu, bea jio ki he gaahi agaaga oe kakai nae agatuu kiate au: koeuhi e ikai mate ho nau uaga, bea e ikai tamate‘i e nau afi; bea te nau hoko koe fehianekina ki he kakai kotoabe.

Vakai, oku aaku ae laumalie kotoabe; hage oku aaku ae laumalie oe tamai, oku behe foki ae laumalie oe foha oku aaku ia: koe laumalie oku agahala e mate ia.

Bea naaku tokaga lahi koeuhi koe le‘o moe lea fielahi ae nifo. Bea naaku tokaga o a‘u ki hono tamate‘i oe manu, moe fakaauha o hono jino, moe tuku ia ki he afi vela.

Bea e lea aki eia ae gaahi lea fielahi ki he Fugani Maoluga, bea te ne fakaogojia ae kakai maonioni oe Fugani Maoluga, bea e mahalo eia ke ne fakakehe ae gaahi kuoga moe gaahi fono: bea e tuku ia ki hono nima i ha kuoga moe kuoga e ua, moe vaeua malie oe kuoga. Ka e fakanofo ae fakamāu, bea te nau too a ene bule, ke fakaauha mo maumau‘i ia, o a‘u ki he gataaga.

Bea e a ae toko lahi okinautolu oku mohe i he efu o mamani, koe niihi ki he moui taegata, moe niihi ki he ma moe manuki taegata.

HE vakai, oku ha‘u ae aho e vela o hage koe gotoumu; bea e tatau moe veve akinautolu kotoabe oku fielahi, io, mo kinautolu kotoabe oku fai agahala: bea e vela o oji akinautolu i he aho koia oku ha‘u, oku behe e Jihova oe gaahi kau tau, bea e ikai toe ai ha nau aka be ha vaa.

Ka i he ene mamata kuo ha‘u ae toko lahi oe Falesi moe Satusi ki he ene babitaiso, nae behe eia kiate kinautolu, Ae fanau ae gata fekai, kohai naa ne valoki akimoutolu ke buna mei he houhau e ha‘u?

Bea koeni, kuo tuku ae toki ki he tefito oe gaahi akau: koia, koe akau kotoabe oku ikai tubu ai ae fua lelei, e ta hifo ia, bea laku ki he afi.

Oku i hono nima a hono i, bea te ne fakamaa aubito hono hahaaga, o tanaki a hono uite ki he feleoko; ka e tutu eia ae kafukafu aki ae afi taemate.

Kuo mou fanogo nae behe kiate kinautolu i mua, Oua naa ke fakabo; bea ko ia e fakabo e tuutamaki ia ki he fakamāu. Ka oku ou tala atu kiate kimoutolu, Ko ia e ita noabe ki hono kaiga, e tuutamaki ia ki he fakamāu: bea koia te ne ui hono kaiga, Koe vale, e tuutamaki ia ki he fakamāu lahi: ka ko ia te ne lea behe, Koe faha koe, e tuutamaki ia ki he afi o heli.

Bea kabau oku fakahala‘i koe e ho mata toomatau, kabe‘i ia, o liaki ia iate koe: he oku aoga kiate koe ke auha ho koga e taha, kae oua naa li ho jino kotoa ki heli. Bea kabau e fakahala‘i koe e ho nima toomatau, tutuu ia, o liaki ia iate koe; he oku aoga kiate koe ke auha ho koga e taha, kae oua naa li ho jino kotoa ki heli.

Mou hu i he mataba fajii: he oku falahi ae mataba, mo ataatā ae hala, oku fakatau ki he mate, bea oku hu ai ae toko lahi. Koeuhi oku fajii ae mataba, mo laujii ae hala, oku fakatau ki he moui, bea oku ilo ia e he toko jii be.

Koe akau kotoabe oku ikai tubu ai ae fua lelei oku ta hifo, bea laku ki he afi. Koia te mou ilo akinautolu i ho nau gaahi fua.

E ikai hu ki he buleaga oe lagi akinautolu kotoabe oku behe mai kiate au, Eiki, Eiki, ka ko ia oku ne fai ae finagalo o eku Tamai oku i he lagi. E behe kiate au e he toko lahi i he aho koia, Eiki, Eiki, ikai naa mau akonaki i ho huafa? bea i ho huafa naa mau kabuji kitua ae kau tevolo? bea i ho huafa naa mau fai ae gaahi mea mana lahi? Bea teu toki fakaha kiate kinautolu, Nae ikai aubito teu iloa akimoutolu: alu iate au akimoutolu oku fai kovi.

Ka koe fanau oe buleaga e kabuji kituaa ki he fakabouli: bea e i ai ae tagi moe fegaiitaki oe nifo.

Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli.

Oku omi e he tagata agalelei ae gaahi mea lelei mei he koloa lelei oe loto: bea oku omi e he tagata agakovi ae gaahi mea kovi mei he koloa kovi oe loto. Ka oku ou tala atu kiate kimoutolu, Koe lea kovi kotoabe oku lea aki e he kakai, e fakamāu ai akinautolu i he aho fakamāu. Koeuhi e fakatonuhia‘i koe e hoo gaahi lea, bea e fakahalaia‘i koe e hoo gaahi lea.

Koe goue, ko mamani ia; koe tega lelei, koe fānau ia oe buleaga; ka koe tega kovi, koe fānau ia ae toko taha agakovi; Koe fili naa ne tutui ia, koe tevolo ia; koe ututa‘u, koe ikuaga o mamani; bea koe kau tuuji, koe kau agelo Koia o hage oku tanaki ae akau kovi o tutu i he afi; e behe foki i he ikuaga oe mamani. E fekau atu e he Foha oe tagata ene kau agelo, bea te nau tanaki mei hono buleaga ae mea kotoabe oku fakakovi, mo kinautolu oku fai agahala; Bea e laku akinautolu ki he bubua afi: bea e i ai ae tagi moe fegaiitaki oe nifo.

E behe foki i he ikuaga o mamani: e ha‘u ae kau agelo, o vahe‘i ae agahala mei he agatonu, O laku akinautolu ki he bubua afi; bea e i ai ae tagi moe fegaiitaki oe nifo.

Bea oku ou tala atu foki kiate koe, Ko Bita koe, bea teu laga hoku jiaji ki he maka ni; bea e ikai lava‘i ia e he gaahi mataba o hetesi.

He koeha hono aoga ki he tagata, o kabau te ne ma‘u a mamani kotoabe, kae mole ai hono laumalie oona; be koeha e foaki e ha tagata ke fetogi aki hono laumalie? He koe Foha oe tagata e ha‘u ia i he nāunāu o ene Tamai mo ene kau agelo; bea te ne toki totogi ai ki he tagata kotoabe o fakatatau ki he ene gaue.

O ne behe, Oku ou tala mooni atu kiate kimoutolu, Kabau e ikai liliu akimoutolu, ke tatau moe tamaiki iki, e ikai te mou hu ki he buleaga oe lagi.

Ka ko ia te ne fakahala‘i ha toko taha iate kinautolu ni oku jii oku tui kiate au, e lelei hake kiate ia o ka ne taubuga‘i aki ia ae maka momoji i hono kia, bea lomaki‘i ia i he loto moana.

Koia, kabau oku fakahala‘i koe e ho nima be ko ho va‘e, tutuu ia, o liaki ia iate koe: oku lelei kiate koe hao hu ki he moui oku ke ketu be nima mutu, i hoo mau ae nima e ua moe va‘e e ua, kae li koe ki he afi taegata. Bea kabau oku fakahala‘i koe e ho mata, kabe‘i ia, o liaki iate koe: oku lelei kiate koe hao hu ki he moui oku ke mata taha, i hoo ma‘u ae mata e ua, kae li koe ki he afi o heli.

Bea i he ha‘u ae tu‘i ke mamata ki he kakai, naa ne ilo‘i ae tagata kuo ikai i ai ha kofu taane. Bea behe eia kiate ia, Kaiga, nae fefe‘i hoo hu mai ki heni oku ikai hao kofu taane? Bea fakalogobe ia. Bea toki behe e he tu‘i ki he kau tamaioeiki, Ha‘i hono va‘e moe nima bea ave, o li ia ki he bouli ituaa: bea e i ai ae tagi moe fegaiitaki oe nifo.

Ae faga gata, ae fānau ae gata fekai! te mou hao fefe‘i mei he malaia o heli?

Bea e tuua ia, o tuutuuni ke inaji fakataha ia moe kau malualoi: bea e i ai ae tagi moe fegaiitaki oe nifo.

Bea lolotoga e nau alu ke fakatau, mo ene ha‘u ae tagata taane, bea ko kinautolu nae teuteu nae hu mo ia ki he taane: bea tabuni ae mataba. Hili ia, mo ene ha‘u foki ae kau tāuboou nae alu, o nau behe, Eiki, Eiki, too kiate kimautolu. Ka nae lea ia, o beheage, Oku ou tala mooni atu kiate kimoutolu, oku ikai teu iloa akimoutolu.

Bea mou li ae tamaioeiki taeaoga ki he bouli ituaa: bea e i ai ae tagi moe fegaiitaki oe nifo.

Oka ha‘u ae Foha oe tagata i hono nāunāu, moe kau agelo maonioni kotoabe mo ia, e toki nofo ia i he nofoa o hono nāunāu: Bea e fakakatoa i hono ao ae gaahi kakai kotoabe: bea e vahe ua eia akinautolu, o hage koe vahe‘i e he tauhi‐sibi a ene sibi mei he koji: Bea e tuku eia ae faga sibi ki hono nima toomatau, ka koe faga koji ki he toohema.

Bea e toki tala eia foki kiate kinautolu i hono nima toohema, Alu iate au, akimoutolu kuo malaia, ki he afi taemate, nae teu ki he tevolo mo ene kau agelo: He naaku fiekaia, bea nae ikai te mou foaki ha mea kai kiate au: naaku fieinua, bea nae ikai te mou foaki ha inu kiate au: Koe muli au, bea nae ikai te mou fakaafe‘i au: telefua, bea nae ikai te mou fakakofu‘i au: mahaki, bea i he fale fakabobula, bea nae ikai te mou iahi kiate au. Bea e toki lea ai akinautolu kiate ia foki, o beheage, Eiki, naa mau mamata kiate koe anefo oku ke fiekaia, be koe fieinua, be koe muli, be telefua, be mahaki, be i he fale fakabobula, kae ikai te mau tauhi koe? Bea e toki lea ia kiate kinautolu, o behe, Ko eku tala mooni atu kiate kimoutolu, Koe mea i hoo mou tae fai ia ki ha toko taha oku kihii jii hifo iate kinautolu ni, ko hoo mou tae fai ia kiate au. Bea e alu atu akinautolu ni ki he malaia taegata: ka koe maonioni ki he moui taegata.

Ka koe lohiaki‘i oe Laumalie Maonioni e ikai fakamolemolea o lauikuoga, ka oku tuutamaki ia ki he malaia taegata:

He koeha hono aoga ki ha tagata, o kabau e ma‘u eia a mamani kotoabe, kae mole hono laumalie oona? Be koeha e foaki e ha tagata ke fetogi aki hono laumalie?

Bea ko ia ia e fakahala‘i ha toko taha iate kinautolu ni oku jii oku tui kiate au, e lelei hake kiate ia o ka ne taubuga‘i aki ia ae maka momoji i hono kia, bea li ia ki he moana. Bea kabau e fakahala‘i koe e ho nima, tutuu ia: oku lelei kiate koe ke ke hu ki he moui oku ke nima mutu, i hoo ma‘u ae nima e ua, kae alu ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho va‘e, tutuu ia: oku lelei kiate koe ke ke hu ki he moui oku ke ketu, i hoo ma‘u ae va‘e e ua, kae li koe ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho mata, kabe‘i ia: oku lelei kiate koe ke ke hu ki he buleaga oe Otua moe mata be taha, i hoo ma‘u ae mata e ua, kae li koe ki he afi o heli; Aia oku ikai mate ai ho nau uaga, bea ikai faa tamate‘i ae afi.

Ko ia ia e tui mo babitaiso, e moui; ka ko ia ia e ikai tui, e malaia.

Oku i hono nima a hono fohe, bea te ne fakamaa aubito hono hahaaga, bea e tanaki ae uite ki hono feleoko; ka e tutu eia ae kafukafu aki ae afi taemate.

Bea fehui a Jisu kiate ia, o behe, Kohai ho higoa? Bea behe eia, Ko Lijione: koeuhi kuo hu kiate ia ae kau tevolo toko lahi. Bea naa nau kole kiate ia, ke oua te ne fekau akinautolu ke nau alu atu ki he loloto.

He koeha hono aoga ki he tagata, o kabau e ma‘u eia a mamani kotoabe, kae mole ia, be liaki ia?

Bea ko koe, Kabaneume, akoe kuo hiki ki he lagi, e fakahifo koe ki heli. Ko ia oku fanogo kiate kimoutolu, oku fanogo ia kiate au; bea ko ia oku ne liaki akimoutolu, oku ne liaki au; bea ko ia oku ne liaki au, oku ne liaki ia kuo ne fekau au.

Ka teu fakaha kiate kimoutolu aia te mou manavahe ki ai: manavahe kiate ia, aia, oka hili ene tamate‘i, oku ne faa fai ke li ki heli; io, oku ou behe kiate kimoutolu, manavahe kiate ia.

Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki.

Bea toki behe e he toko taha kiate ia, Eiki, koe toko jii be te nau moui? Bea behe eia kiate kinautolu, Fai feiga ke hu i he mataba fajii: he oku ou tala kiate kimoutolu, E kumi e he toko lahi ke hu ki ai, kae ikai te nau mafai. Bea ka tuu hake ae eiki oe fale, o tabuni ae mataba, bea te mou tutuu leva i he mataba itua, o tukituki, mo behe ai, Eiki, Eiki, too kiate kimautolu; bea e lea ia, o behe mai kiate kimoutolu, Oku ikai teu ilo be ko hoo mou ha‘u meife: Bea te mou lea leva, o behe, Naa mau kai mo inu i ho ao, bea naa ke akonaki i ho mau gaahi hala. Ka e behe eia, Oku ou tala atu kiate kimoutolu, Oku ikai teu ilo be ko hoo mou ha‘u meife; alu iate au akimoutolu kotoabe oku fai agahala. E ai ae tagi moe fegaiitaki oe nifo, oka mou ka mamata kia Ebalahame, mo Aisake, mo Jekobe, moe kau balofita kotoabe, i he buleaga oe Otua, ka kuo kabuji akimoutolu kituaa.

Nae ai ha tagata koloaia, naa ne ai ae kofu kulokula moe tubenu mahuiga, bea kai eia ae mea lelei i he aho kotoabe: Bea nae ai ha tagata baea, ko Lasalosi hono higoa, nae fakatokoto ia i hono mataba, kuo tofu i he babala, O ne holi ke fafaga aki ia ae momo‘i mea kai nae gagana mei he keinagaaga ae tagata ma‘umea: bea nae ha‘u foki ae faga kuli, o emo hono babala. Bea behe, nae mate ae tagata baea, bea fua ia e he kau agelo ki he fatafata o Ebalahame: bea mate foki ae tagata ma‘umea, bea tanu ia; Bea haga hake ia hono mata i heli, oku ogojia ia, bea ne mamata kia Ebalahame i he mamao aubito, mo Lasalosi i hono fatafata. Bea tagi ia, o behe, E tamai ko Ebalahame, ke ke ofa mai kiate au, bea fekau a Lasalosi ke ne ai hono mua tuhu ki he vai, mo fakamomoko hoku elelo: he oku ou feiga i he afi ni. Ka nae behe e Ebalahame, Foha, ke ke manatu naa ke ma‘u hoo gaahi mea lelei i hoo moui, bea nae ia Lasalosi foki ae gaahi mea kovi; ka ko eni, oku fiemalie ia, ka kuo ke feiga koe. Kaeumaa eni kotoabe, oku ai ae fuu vanu lahi i he vahaa o kimautolu mo kimoutolu: koia e ikai lava atu akinautolu oku fie alu i heni kiate kimoutolu; bea e ikai faa ha‘u kiate kimautolu akinautolu oku fie ha‘u mei hena. Bea toki behe eia, Koia oku ou kole ai kiate koe, e tamai, ke ke fekau ia ki he fale o eku tamai: He oku toko nima hoku kaiga; koeuhi ke ne valoki‘i akinautolu, telia naa nau ha‘u foki ki he botu fakamamahi ni. Bea behe e Ebalahame kiate ia, Oku nau ma‘u a Mosese moe kau balofita; tuku ke nau fanogo ki ai. Bea behe eia, E ikai, e tamai ko Ebalahame, ka oka alu ha taha mei he mate kiate kinautolu, te nau fakatomala. Bea behe mai eia kiate ia, Kabau e ikai te nau fanogo kia Mosese moe kau balofita, e ikai te nau tui o kabau e toe tuu ha taha mei he mate.

He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata. He nae ikai fekau e he Otua hono Alo ki mamani ke fakamalaia a mamani: ka koeuhi ke moui a mamani iate ia. Ko ia oku tui kiate ia, oku ikai fakamalaia ia: ka ko ia oku ikai tui, oku fakamalaia ni ia, koeuhi oku ikai tui ia i he huafa oe Alo be taha nae tubu i he Otua. Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue. He ko ia fulibe oku fai kovi oku fehia ki he māma, bea oku ikai ha‘u ia ki he māma, telia naa fakaha ai ene gaahi gaue.

Ko ia oku tui ki he Alo, oku ne ma‘u ae moui taegata: bea ko ia oku ikai tui ki he Alo, e ikai te ne mamata ki he moui; ka oku nofo be kiate ia ae houhau oe Otua.

Oua te mou ofo ai: he oku ha‘u ae aho, e fanogo ai ki hono le‘o akinautolu kotoabe oku i he gaahi tanuaga, Bea te nau alu atu; ko kinautolu nae fai lelei, ki he toetuu oe moui; mo kinautolu nae fai kovi, ki he toetuu oe fakamalaia.

Kabau e ikai nofo ha tagata iate au, oku liaki ia o hage koe vaa oku mate; bea tanaki ia e he kakai, o li ki he afi, bea vela ai ia.

Koeuhi e ikai te ke tuku hoku laumalie i hetesi, bea e ikai te ke tuku ho Toko Taha Maonioni ke ne ilo ae auauha.

Bea i he ene ilo ia i mu‘a, naa ne lea ki he toetuu o Kalaisi, nae ikai tuku mau hono laumalie i hetesi, bea nae ikai ilo e hono jino ae auauha.

He oku fakaha mei he lagi ae houhau oe Otua ki he taelotu moe taemaonioni kotoabe oe kakai, akinautolu oku taofi ki he mooni i he taemaonioni; Koeuhi koia oku ilogofua i he Otua kuo ha ia iate kinautolu; he kuo fakaha ia e he Otua kiate kinautolu; He koe gaahi mea tae ha mai aana, aia ko ene mafimafi taegata mo hono Otua, kuo ilogofua ia i hono gaohi o mamani, oku ilo‘i ia mei he gaahi mea kuo gaohi; koia oku ikai ai ha nau haoaga: Koeuhi i he e nau ilo ae Otua, nae ikai te nau fakaabaaba be fakafetai, ke tāu moe Otua; ka nae hoko o vale e nau gaahi mahalo, bea fakabouli mo ho nau loto vale. Bea i he e nau bole koe boto akinautolu, naa nau liliu ai koe vale,

Ka i ho loto fefeka moe taefakatomala, oku ke fokotuu ai maau ae houhau ki he aho oe houhau, moe fakaha oe fakamāu totonu ae Otua; Aia te ne atu ai ki he tagata taki taha o fakatatau ki he ene gaahi gaue: Koe moui taegata kiate kinautolu oku kumi ki he ogoogo lelei, moe hakeaki‘i, moe moui taemate, i he fakakukafi mau ai be i he fai lelei: Ka koe mamahi moe houhau kiate kinautolu oku agatuu, bea ikai talagofua ki he mooni, kae talagofua ki he taemaonioni,

He koe totogi oe agahala koe mate; ka koe moui taegata koe foaki ofa ia ae Otua ia Jisu Kalaisi ko ho tau Eiki.

BEA koia oku ikai ai ha fakamalaia kiate kinautolu oku ia Kalaisi Jisu, akinautolu oku ikai ke muimui ki he kakano, ka ki he Laumalie. He koe fono oe Laumalie oe moui ia Kalaisi Jisu, kuo ne fakatauataina au mei he fono oe agahala moe mate.

Ae kaiga ofeina, oua naa mou fai ae totogi koeuhi ko kimoutolu, ka mou fakaataatā ki he houhau: he kuo tohi, Oku aaku ae totogi; oku behe e he Eiki, teu totogi be eau.

He kuo tohi, Oku behe e he Eiki, Ko au oku ou moui, e beluki ae tui kotoabe kiate au, bea e vete ae elelo kotoabe ki he Otua. Koia te tau fakamatala atu taki taha kotoabe ia ki he Otua.

He kuo bau e fakaha akitautolu kotoabe i he ao oe nofoaga fakamāu o Kalaisi; koeuhi ke ma‘u taki taha kotoabe ae gaahi mea o fakatatau ki he mea naa ne fai i he jino, be ko ha lelei ia be ko ha kovi. Koia i he e mau ilo ae houhau oe Eiki, oku mau fakaloto‘i ae kakai; ka kuo fakaha atu akimautolu ki he Otua; bea oku ou behe, kuo fakaha atu ki ho mou loto foki.

Ka ko ia oku fai taetotonu, te na ma‘u o hage koe taetotonu kuo ne fai i bea oku ikai ha filifilimanako ki he kakai.

I he afi uloulo moe fai totogi kiate kinautolu oku ikai te nau ilo ae Otua, bea oku ikai talagofua ki he ogoogolelei o ho tau Eiki ko Jisu Kalaisi: Akinautolu e tautea aki ae fakaauha taegata mei he ao oe Eiki, bea mei he nāunāu o ene mafimafi;

Bea hage kuo bau ke mate o tuo taha ae kakai, kae hili ia koe fakamāu:

He kabau te tau agahala ko ho tau loto, ka kuo hili e tau ma‘u ae ilo oe mooni, oku ikai kei toe ha feilaulau koeuhi koe agahala, Ka koe amanaki fakailifia ki he fakamāu moe houhau vela, aia e fakaauha aki ae gaahi fili.

Bea oku mou behe, e fefe hono lahi hake oe tautea e tāu ke hoko kiate ia, kuo ne malaki hifo ae Alo oe Otua, bea ne ui ae taataa oe fuakava, aia nae fakamaa aki ia, koe mea taemaa, bea kuo ne fai fakamamahi ki he Laumalie oe aloofa? He oku tau ilo ia aia kuo ne behe, Oku behe e Jihova, Oku aaku ae tautea, teu totogi eau. Bea toe behe, E fakamāu e Jihova a hono kakai. Koe mea fakailifia ke to ki he nima oe Otua moui.

He nae mamahi foki o tuo taha be a Kalaisi koeuhi koe gaahi agahala, koe agatonu ma ae taeagatonu, koeuhi ke ne omi akitautolu ki he Otua, kuo fakabogi ia i he jino, kae fakaake e he Laumalie: Aia nae alu ai ia o ne malaga ki he gaahi laumalie oku i he fale fakabobula;

KA nae ai foki ae kau balofita loi i he kakai, o hage e iate kimoutolu ae kau akonaki loi, akinautolu e omi faka-fufu ae gaahi he fakamalaia, o fakafiji‘i ae Eiki naa ne fakatau akinautolu, o omi ai kiate kinautolu ae fakaauha fakatootoo. Bea e muimui ae toko lahi ki ho nau hala fakamalaia; bea koe mea iate kinautolu e lauikovi‘i ai ae hala oe mooni. Bea koe mea i he manumanu te nau mea fakatau aki akimoutolu i he gaahi lea kākā: ko ho nau tautea kuo tala fuoloa oku ikai fakatuai, bea koe nau malaia oku ikai tulemohe.

He kabau nae ikai mamae ae Otua ki he kau agelo nae agahala, ka nae li hifo akinautolu ki heli, o tuku ki he gaahi ha‘iha‘i oe fakabouli, ke tatali ki he fakamāu; Bea nae ikai te ne mamae ki he mama motua, ka nae fakamoui a Noa, aia naa ne malaga aki ae maonioni, moe toko fitu, o ne omi ae lomaki ki he mama oe kakai agahala; O ne tuku ae ogo kolo ko Sotoma mo Komola ki he fakaauha, o ne liliu ia koe efuefu, bea ne gaohi ia koe fakailoga kiate kinautolu e moui fai agahala ki mui; O ne fakamoui a Lote agatonu, aia nae mamahi i he ulugaaga fakalielia ae kau agahala: (He nae nofo ae tagata maonioni koia iate kinautolu, bea i he ene mamata mo fanogo, nae fakamamahi a hono laumalie maonioni, i he aho kotoabe, aki e nau gaahi faiaga taetotonu;) Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea: Ka e lahi kiate kinautolu oku aeva o fakatatau ki he kakano i he holi fakalielia, bea nau manuki‘i ae bule. Koe kau aga malohi, moe kau aga fefeka, oku ikai te nau manavahe ke lauikovi ae kau bule. Ka koe kau agelo, oku nau lahi hake i he malohi moe mafai, oku ikai te nau lauikovi akinautolu i he ao oe Eiki.

Koe gaahi luo tae ai ha vai akinautolu ni, koe gaahi ao oku viligia e he afā; akinautolu kuo tuku tologa ki ai ae uliuli oe fakabouli taegata.

Ka koe gaahi lagi moe fonua oku tuu ni, kuo fokotuu ia aki a ene folofola be koia, o fakatologa ki he afi i he aho fakamāu moe fakaauha oe kakai agahala.

Oku ikai fakatuotuai e he Eiki ki he ene talaofa, o hage koe lau ae niihi koe tuotuai; ka oku kataki fuoloa kiate kitautolu, o ikai finagalo ke auha ha toko taha, ka koeuhi ke hoko o fakatomala kotoabe.

Ko ia kotoabe oku fehia ki hono tokoua, koe fakabo ia: bea oku mou ilo oku ikai ha fakabo e iate ia ae moui taegata.

Bea ko eni ae fakamooni, kuo foaki e he Otua ae moui taegata kiate kitautolu, bea koe moui ni oku i hono Alo. Ko ia oku ne ma‘u ae Alo, oku ne ma‘u moe moui; bea ko ia oku ikai te ne ma‘u ae Alo oe Otua, oku ikai te ne ma‘u ae moui.

He oku ai ae kau tagata kuo nau fetōlofi fakaboloto, akinautolu nae tohi i mu‘a ki he malaia ni, koe kau tagata taelotu, o nau liliu ae ofa a ho tau Otua koe faiaga agahala, o fakafijiga i he Eiki be taha koe Otua ko ho tau Eiki ko Jisu Kalaisi.

Bea koe kau agelo nae ikai ke tuu mau i ho nau muaki aluga, ka naa nau tukuage ho nau nofoaga, kuo ne tuku ke moua akinautolu ki he gaahi ha‘i taegata oe fakabouli o a‘u ki he fakamāu oe aho lahi. O hage foki ko Sotoma mo Komola, moe gaahi kolo naa nau vaofi mo fai tatau, o nau tuku akinautolu ki he feauaki, moe muimui ki he feholikoviaki, kuo fokotuu koe fakailoga, o nau moua i he totogi oe afi taegata.

Koe gaahi ila akinautolu ni i hoo mou gaahi katoaga ofa, i he e nau keinagaaga mo kimoutolu, o nau kai fekinaki mo taemanavahe: koe gaahi ao tae ai ha vai, oku viligia fano e he gaahi matagi; koe gaahi akau fua mate, taefua, o mate agaua, kuo taaki fuu hake; Koe gaahi beau lili oe tahi. oku nau koa atu e nau fakama; koe gaahi fetuu he fano be, bea kuo tuku moo nautolu ae uliuli oe fakabouli taegata.

Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano.

Ko au ia oku moui, ka neu mate, bea vakai, oku ou moui o taegata bea taegata, Emeni; bea kuo iate au ae ki o hetesi moe mate.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji; Ko ia ia te ne ikuna, e ikai lavea ia e he mate agaua.

BEA nae ifi e hono nima oe agelo, beau mamata nae to ae fetuu mei he lagi ki he fonua; bea nae atu kiate ia ae ki oe luo tae hano takele. Bea nae fakaava eia ae luo tae hano takele; bea nae alu hake ae kohu mei he luo, o hage koe kohu oe fuu luo afi; bea koe mea i he kohu oe luo, nae fakabouli ae laa moe atā.

Bea muimui iate kinaua hono tolu oe agelo, o ne behe, aki ae le‘o lahi, Kabau e hu e ha taha ki he manu fekai mo hono fakatātā, bea ma‘u ae fakailoga i hono foi la‘e, be i hono nima, E inu eia i he uaine oe houhau oe Otua, aia kuo ligi taehui ki he ibu o hono houhau; bea e fakamamahi ia aki ae afi moe sulifa i he ao oe kau agelo maonioni, bea i he ao oe Lami: Bea e alu hake ae kohu oe nau mamahi o taegata bea taegata; bea oku ikai te nau mālōlō i ha aho be ha bo, akinautolu oku hu ki he manu fekai mo hono fakatātā, bea mo ia oku ne ma‘u ae fakailoga o hono higoa.

Bea koe manu fekai, nae i ai, ka oku ikai eni, ko hono valu ia, bea oku oe toko fitu, bea oku alu ia ki he malaia.

Bea naa ne kalaga malohi aki ae le‘o lahi, o ne behe, Ko Babilone koe lahi kuo higa, kuo higa ia, bea kuo hoko ia koe nofoaga oe kau tevolo, bea koe anaga oe laumalie uli kotoabe, bea koe katoaaga oe manu buna kotoabe oku uli mo fakalielia. He kuo inu e he gaahi buleaga kotoabe i he uaine oe houhau o ene feauaki, bea kuo feauaki mo ia ae gaahi tu‘i o mamani, bea koe kau fakatau o mamani kuo nau koloaia, koe mea i he lahi o ene gaahi mea lelei.

Bea e ikai aubito kei malama iate koe ae ulo o ha māma; bea e ikai aubito kei ogo‘i iate koe ae le‘o oe tagata taane moe taahine: he koe houeiki o mamani ko hoo kau fakatau; he nae kākā‘i e hoo fie mana ae gaahi buleaga kotoabe. Bea nae ilo iate ia ae toto oe kau balofita, moe kakai maonioni, mo kinautolu kotoabe nae tamate‘i i he fuga o mamani.

He oku agatonu mo maonioni a ene gaahi fakamāu: he kuo ne fakamāu‘i ae feauaki lahi, aia naa ne uli‘i ae mama aki ene feauaki, bea kuo ne totogi kiate ia ae toto o ene kau tamaioeiki. Bea naa nau toe behe, Haliluia. Bea nae alu hake a hono kohu o taegata bea taegata.

Bea nae kofu aki ia ae bulubulu kuo unu i he toto: bea oku ui hono huafa, Koe Folofola ae Otua. Bea koe gaahi matatau i he lagi naa nau muimui kiate ia moe faga hose hinehina, kuo kofu aki ae tubenu mahuiga, oku hinehina mo maa. Bea oku alu atu mei hono gutu ae heleta majila, koeuhi ke ne ta aki ia ae gaahi buleaga: bea te ne bule‘i akinautolu aki ae vaa ukamea: bea oku ne malamalaki ae tataoaga uaine oe kakaha oe houhau oe Otua Mafimafi.

Bea neu mamata oku tuu ha agelo i he laa; bea ne kalaga aki ae le‘o lahi, o ne behe ki he faga manu kotoabe oku buna i he atā noa, Ha‘u o fakakatoa akimoutolu ki he oho mohe oe Otua lahi; Koeuhi ke mou kai ae kakano oe gaahi tu‘i, moe kakano oe gaahi eiki tau, moe kakano oe kau tagata malohi, moe kakano oe faga hose, mo kinautolu oku heka ki ai, bea moe kakano oe kakai fua be, ae tauataina moe bobula, ae iki moe lalahi.

Bea nae moua ae manu fekai, bea moe balofita loi naa ne fai ae gaahi mana i hono ao, aia naa ne kākā aki akinautolu kuo nau ma‘u ae fakailoga oe manu fekai, mo kinautolu nae hu ki hono fakatātā. Nae li moui akinaua fakatouoji be ki he ano oe afi oku vela aki ae sulifa. Bea nae tamate‘i a hono toe aki ae heleta o ia nae heka i he hose, aia nae alu atu i hono gutu: bea nae makona ae faga manu kotoabe i ho nau kakano.

BEA neu mamata ki ha agelo nae alu hifo mei lagi, kuo iate ia ae ki oe luo tae hano takele, moe ukamea fihifihi mo lahi i hono nima. Bea naa ne buke ae fuu gata, ae gata motua koia, aia koe Tevolo, mo Setani, bea ne ha‘i ia i he ta‘u e afe, O ne li ia ki he luo tae hano takele, mo tabuni ia ki ai, bea ne ai ki ai ae mea fakamau, koeuhi ke oua naa ne kei kākā‘i ae gaahi buleaga, kae oua ke kakato ae ta‘u e afe: bea hili ia, e veteage ia i ha kuoga jii.

Bea ka kakato ae ta‘u e afe, e veteage a Setani mei hono fale fakabobula, Bea e alu atu ia ke ne kākā‘i ae gaahi buleaga i he feituu e fa o mamani, a Koki mo Mekoki, ke tanaki o fakataha akinautolu ki he tau: ko hono lau o kinautolu oku tatau moe oneone i he matātahi. Bea naa nau alu hake i hono māukubu oe fonua, o nau a‘i takatakai ae nofoaga tau oe kakai maonioni, moe kolo ofeina: bea nae alu hifo ae afi mei he Otua i he lagi, o fakaauha akinautolu. Bea koe tevolo naa ne kākā‘i akinautolu, nae li ia ki he ano oe afi moe sulifa, aia oku i ai ae manu fekai moe balofita loi; bea e fakamamahi‘i ia i he aho moe bo o taegata bea taegata.

Bea neu mamata ki he nofoa fakaeieiki oku lahi bea hinehina, mo ia nae nofo ai, aia nae buna mei hono ao ae fonua moe lagi; bea nae ikai ilo ha botu ki ai. Bea neu mamata ki he bekia, ae iki moe lalahi, nae tutuu i he ao oe Otua; bea moe folahi oe gaahi tohi: bea folahi moe tohi e taha, aia koe tohi oe moui: bea nae fakamāu‘i ae bekia mei he gaahi mea nae tohi i he gaahi tohi, o fakatatau ki he e nau gaahi gaue. Bea nae tuku hake e he tahi ae kakai mate nae i ai; bea tuku hake e he faitoka mo hetesi ae kakai mate nae i ai: bea nae fakamāu akinautolu taki taha o fakatatau ki he e nau gaahi gaue. Bea nae li ae mate mo hetesi ki he ano oe afi. Ko eni ae mate agaua. Bea ko ia kotoabe nae ikai ilo kuo tohi i he tohi oe moui, nae li ia ki he ano oe afi.

Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.

Ko ia oku taeagatonu, tuku ia ke taeagatonu ai be: bea ko ia oku uli, tuku ia ke uli ai be: bea ko ia oku agatonu, tuku ia ke agatonu ai be: bea ko ia oku maonioni, tuku ia ke maonioni ai be.

He oku ou fakaha ki he kakai kotoabe oku fanogo ki he gaahi lea oe kikite i he tohi ni, Kabau e fakalahi e ha tagata ki he gaahi mea ni, e fakalahi e he Otua kiate ia i he gaahi malaia kuo tohi i he tohi ni: Bea kabau e too e ha tagata mei he gaahi lea oe tohi oe kikite ni, e too e he Otua a hono inaji mei he tohi oe moui, bea mei he kolo maonioni, bea moe gaahi mea kuo tohi i he tohi ni.