26 – Puleʻanga

Bea nae gaohi e Jihova koe Otua ae tagata mei he efu oe kelekele, bea ne manava ki hono ava‘i ihu ae manava oe moui; bea hoko ae tagata koe laumalie moui.

Koia oku liligi ae toto oe tagata, e liligi hono toto e he tagata: he nae gaohi ae tagata i he tatau oe Otua.

Koeni ae gaahi faahiga oe gaahi foha o Noa, mo ho nau gaahi toutagata, i ho nau gaahi buleaga: bea nae vahevahe iate kinautolu ni ae gaahi buleaga o mamani, hili ae lomaki.

BEA nae gutu taha be a mamani kotoa, mo lea taha be. Bea nae hoko, i he e nau fonoga mei hahake, naa nau ilo ai ae toafa i he fonua ko Saina; bea nau nofo ai. Bea naa nau febeheaki, Vakai, ke tau gaohi ae makaumea, bea ta‘o ia ke vela aubito. Bea naa nau maka aki ae makaumea, mo nau lahe aki ae kelebulu. Bea naa nau behe, Vakai, ke tau laga moo tautolu ha kolo moe fale maoluga, kae a‘u hono tua fale ki lagi; bea tau fakaogoogoa a ho tau higoa, telia naa fakamovetevete akitautolu ki he fuga o mamani kotoa. Bea nae haele hifo a Jihova, ke afio ki he kolo moe fale maoluga, aia nae laga e he fānau ae tagata. Bea nae behe e Jihova, Vakai, oku taha be ae kakai, bea oku nau lea taha be; bea kuo nau kamata fai eni: bea koeni, e ikai taofia akinautolu, i ha mea kuo nau takakaukau ke fai. Vakai, ke tau alu hifo, bea veuveuki e nau lea, koeuhi ke oua naa nau feiloaki lea. Koia nae fakamovetevete ai akinautolu e Jihova ki he fuga o mamani kotoabe: bea naa nau tuku ae laga kolo. Koia oku ui ai hono higoa ko Bebeli; koeuhi nae veuveuki i ai e Jihova ae lea a mamani kotoabe: bea nae fakamovetevete akinautolu mei ai, e Jihova, ki he fuga o mamani kotoabe.

Bea teu fakatubu iate koe ha buleaga lahi, bea teu tabuaki‘i koe, bea gaohi ho higoa ke lahi; bea te ke hoko koe tabuaki:

Bea behe e he Otua kiate ia, Koe Otua Mafimafi au: ke ke monuia, o tubu ke toko lahi; koe buleaga, moe gaahi buleaga e tubu iate koe, bea e tubu iate koe ae gaahi tu‘i.

Te ke bule koe ki hoku fale: bea e fekau‘i a hoku kakai, o fakatatau ki hoo lea: koe nofoa fakatu‘i be, teu lahi hake ai iate koe. Bea behe e Felo kia Josefa, Vakai, kuou fakanofo koe he aho ni, ki he fonua kotoabe ko Ijibite. Bea nae too e Felo hono mama mei hono nima, o ne ai ia ki he nima o Josefa, o ne fakakofu aki ia ae gaahi kofu lelei, bea ne ai ae kahoa koula ki hono kia. Bea naa ne tuku ia ke heka i hono ua oe jaliote naa ne ma‘u; bea naa nau kakaga i hono ao, Bunou; bea naa ne fakanofo ia ke bule ki he fonua kotoabe ko Ijibite. Bea behe e Felo kia Josefa Ko Felo au, bea e ikai ha tagata i he fonua kotoabe o Ijibite, te ne hiki hono nima be va‘e, ka i hoo bule.

Bea naa na o, a Mosese mo Elone, o hoko atu kia Felo, bea ne na fai o hage koe fekau a Jihova: bea ji hifo e Elone hono tokotoko i he ao o Felo, moe ao o ene kau tamaioeiki, bea hoko ia koe gata. Bea nae toki ui e Felo ke ha‘u foki ae kau tagata boto moe kau kikite: bea koeni, koe kau fie mana o Ijibite, naa nau fai behe foki aki e nau gaahi gaue fakalilolilo. He naa nau taki taha ji ki lalo hono tokotoko, bea nae liliu ia koe gaahi gata: ka koe tokotoko o Elone naa ne folo hifo o oji ho nau gaahi tokotoko. Bea ne fakafefeka ae loto o Felo, bea nae ikai te ne tokaga kiate kinautolu; o hage koe folofola a Jihova.

Bea behe e Mosese, Oku behe mai a Jihova, E feouga moe tuuabo teu alu atu ki he lotolotoga o Ijibite: Bea e mate ae uluaki fanau kotoabe i he fonua ko Ijibite, mei he uluaki fanau a Felo oku nofo i hono nofoaga, o a‘u ki he uluaki fanau ae kaunaga oku muimui i he mea momoji; bea moe uluaki fanau kotoabe oe faga manu. Bea e ai ae tagi lahi i he gaahi botu kotoabe oe fonua ko Ijibite, aia nae ikai hano tatau i mu‘a, bea e ikai toe ai ha mea behe. Ka koe fānau a Isileli, e ikai ha kuli e taha ke ne ue‘i hono elelo ki ai, ki ha tagata be ki ha manu: koeuhi ke mou ilo kuo fai kehekehe e Jihova ki he kakai Ijibite moe kakai Isileli. Bea ko kinautolu ni ko hoo kau tamaioeiki kotoabe, te nau alu hifo kiate au, o nau bunou hifo akinautolu kiate au, o behe, Ke ke alu koe, bea moe kakai kotoabe oku muimui iate koe; bea hili ia, teu alu ki tuaa. Bea nae alu ia kituaa mei a Felo oku ita lahi.

Bea nae hoko o behe, i he ene tuuabo, nae ta‘i e Jihova ae uluaki fanau kotoabe i he fonua ko Ijibite, mei he uluaki fanau a Felo nae nofo i he nofoaga fakatu‘i o a‘u ki he uluaki fanau ae bobula i he fale fakabobula; bea moe uluaki tubu kotoabe oe faga manu. Bea nae tuu hake a Felo i he bo, aia mo ene kau tamaioeiki kotoabe, moe kakai Ijibite kotoabe; bea nae ai ae tagi lahi i Ijibite: he nae ikai hala ha fale i he tae i ai ha taha kuo mate.

E bule a Jihova o lauikuoga bea taegata.

Koeni, fanogo ki hoku le‘o, bea teu akonaki‘i koe, bea e iate koe ae Otua: Ke ke i he kakai koe fehokota-kiaga moe Otua, koeuhi ke ke omi ae gaahi mea ki he Otua; Bea te ke ekinaki ae gaahi tuutuuni, moe gaahi fono, bea ke fakaha kiate kinautolu ae hala oku totonu ke nau alu ai, moe gaahi gaue ke nau fai. Bea koeni ke ke fili mei he kakai ae kau tagata oku mafai, oku manavahe ki he Otua, koe kau tagata oe mooni, oku fehia ki he manumanu; bea ke fakanofo akinautolu ke nau bule ki he gaahi toko afe, mo bule ki he gaahi toko teau, mo bule ki he gaahi nimagofulu, mo bule ki he gaahi hogofulu: Bea tuku ke nau fakamāu ae kakai i he gaahi kuoga kotoabe: bea e behe, iloga ae mea lahi kotoabe, ke nau omi ia kiate koe, ka koe gaahi mea oku jii, ke nau fakamāu‘i: koia e hoko o faigofua ai kiate koe, bea te nau fai mo koe ke fua ae kavega.

Bea nae fili e Mosese ae kau tagata mafai mei Isileli kotoabe, o ne fakanofo akinautolu koe ulu oe kakai, koe kau bule ki he gaahi toko afe, moe kau bule ki he gaahi toko teau, koe kau bule ki he gaahi toko nimagofulu, moe kau bule ki he gaahi hogofulu. Bea nae fakamāu ae kakai i he gaahi faahita‘u kotoabe; naa nau omi kia Mosese, ae gaahi mea faigataa, ka koe gaahi mea jii nae fakamāu ekinautolu.

Bea te mou iate au koe buleaga oe kau taulaeiki, moe kakai maonioni. Ko eni ae gaahi lea ke ke lea aki ki he fānau a Isileli. Bea nae ha‘u a Mosese o fekau ke ha‘u ae kau mātua oe kakai, o ne tuku ki ho nau ao ae gaahi lea ni kotoabe, aia nae fekau e Jihova kiate ia.

Oua naa ke lau‘i kovi ae kau fakamāu, be kabe‘i ae bule a hoo kakai.

Oua naa mou fakalielia‘i akimoutolu i ha gaahi mea behe: he oku uli‘i i he gaahi mea ni ae gaahi buleaga aia oku ou kabuji mei ho mou ao: Oku fakalielia‘i ae fonua: koia oku ou totogi ki ai ene hia, bea oku lua aki foki e he fonua koia a hono kakai. Koia te mou tauhi eku gaahi tuutuuni mo eku gaahi fekau, bea oua naa mou fai ha mea e taha i he gaahi mea fakalielia ni, e ha toko taha i ho mou buleaga, be ha muli, oku aunofo iate kimoutolu. (He koe gaahi mea fakalielia ni kuo fai e he kau tagata oe fonua, bea kuo bani uli fōfō ae fonua:) Telia naa lua aki akimoutolu foki e he fonua, o hage ko ene lua aki kitua ae gaahi buleaga nae muomua iate kimoutolu.

Koia ke mou tauhi ai eku gaahi tuutuuni ni, mo eku gaahi fekau, o fai ki ai: telia naa lua aki akimoutolu e he fonua oku ou omi akimoutolu ki ai. Bea e ikai te mou fai ki he gaahi aga oe buleaga, aia oku ou kabuji mei ho mou ao: he kuo nau fai ae gaahi mea ni, bea koia kuou fehia ai kiate kinautolu. Ka kuou lea kiate kimoutolu, Te mou ma‘u ho nau fonua, bea teu atu ia kiate kimoutolu ke mou ma‘u ia, koe fonua oku mahu tafea i he hua huhu moe honi: Ko au ko Jihova ko ho mou Otua, aia kuou vahe‘i akimoutolu mei he kakai kehe.

Ko eni ae gaahi tuutuuni moe gaahi fono, moe gaahi fekau, aia nae fokotuu e Jihova ke kau kiate ia moe fānau a Isileli i he mouga ko Sainai i he nima o Mosese.

I hoo hoko atu ki he fonua aia oku foaki e Jihova ko ho Otua kiate koe, bea ke ma‘u ia, mo ke nofo ki ai, bea ke behe, Teu fakanofo ha tu‘i ke bule kiate au, o hage koe gaahi buleaga kotoabe oku takatakai au; Koe mooni ke ke fakanofo ia koe tu‘i ke bule kiate koe, aia e fili e Jihova ko ho Otua: ke ke fakanofo ha toko taha mei ho kaiga koe tu‘i kiate koe: oua naa ke fakanofo ha muli ke bule kiate koe, aia oku ikai ko ho tokoua. Kae oua naa fakalahi eia ae faga hosi kiate ia, be bule ke toe alu atu ae kakai ki Ijibite, koeuhi ke ne fakalahi ae faga hosi: he kuo folofola a Jihova kiate kimoutolu, E ikai te mou toe alu i he hala koia. Bea oua naa fakatokolahi eia ae unoho kiate ia, telia naa afe kehe hono loto: bea oua naa ne fakalahi aubito ae siliva moe koula kiate ia.

Bea oka hoko ia o nofo i he nofoa fakatu‘i o hono buleaga, te ne hiki o tohi nima maana ae fono ni i ha tohi mei he tohi aia oku i he ao oe kau taulaeiki moe kau Livai: Bea e iate ia ia, bea te ne lau i ai i he gaahi aho kotoabe o ene moui: koeuhi ke ilo ai ia ke manavahe kia Jihova ko hono Otua, ke fai ki he gaahi lea kotoabe oe fono ni moe gaahi tuutuuni, ke fai ki ai: Ke oua naa hiki hake hono loto ki hono kaiga, bea ke oua naa tafoki mei he fekau, ki he nima toomatau, be ki he toohema: koeuhi ke fakatologa ai hono gaahi aho i hono buleaga, aia, mo ene gaahi fānau, i he lotolotoga o Isileli.

I he vahe atu e he Fugani Maoluga ki he gaahi buleaga a ho nau tofia, i he ene fakamovetevete ae gaahi foha o Atama, naa ne ai ae fakagataaga ki he kakai o fakatatau ki hono lau oe fānau a Isileli.

Bea nae behe ai e he kau tagata o Isileli kia Kitione, Ke ke bule koe kiate kimautolu, akoe mo ho foha, moe foha o ho foha: he kuo ke fakamoui akimautolu mei he nima o Mitiane. Bea nae behe e Kitione kiate kinautolu, E ikai teu bule kiate kimoutolu, bea e ikai bule a hoku foha kiate kimoutolu: ko Jihova koia ia e bule kiate kimoutolu.

Bea i he gaahi aho koia nae ikai ha tu‘i i Isileli, ka nae fai e he tagata kotoabe aia nae lelei i hono mata oona.

BEA nae behe, i he ene hoko o motua a Samuela naa ne fakanofo hono ogo foha ke fakamāu ki Isileli. Bea ko hono higoa oe uluaki foha ko Joeli; bea koe higoa o hono tokoua, ko Abia: bea koe ogo fakamāu akinaua i Beasiba. Bea nae ikai alu a hono ogo foha i hono gaahi hala oona, ka naa na tafoki o kumi koloa, o na ma‘u koloa totogi, bea fakahala‘i ae fakamāu.

Ka nae kovi lahi kia Samuela ae nau behe, Tuku kiate kimautolu ha tu‘i ke ne fakamāu‘i akimautolu. Bea nae lotu e Samuela kia Jihova. Bea nae behe e Jihova kia Samuela, Tokaga ki he le‘o oe kakai i he mea kotoabe oku nau tala kiate koe: he oku teeki ai te nau jiaki koe, ka kuo nau jiaki au, ke oua naaku bule kiate kinautolu.

Bea koeni, tokaga ki ho nau le‘o; ka ke valoki mamafa kiate kinautolu, bea fakaha kiate kinautolu hono aga oe tu‘i, aia e bule kiate kinautolu. Bea nae fakaha e Samuela ae gaahi folofola kotoabe a Jihova ki he kakai nae tala tu‘i kiate ia. Bea behe eia, Ko hono aga eni oe tu‘i, aia e bule kiate kimoutolu: Te ne too ho mou gaahi foha bea vahe‘i akinautolu moona, ki he ene gaahi jaliote, bea ke hoko ko ene kau heka hose; bea ke lele muomua i hono gaahi jaliote. Bea e fakanofo eia moona ae gaahi eiki bule ki he gaahi toko afe, moe eiki bule ki he gaahi toko nimagofulu; bea te ne fakafatogia akinautolu ke keli ene goue, bea ke tuuji ene ta‘u, bea ke nau gaohi ene mahafu tau, moe gaahi mea ki hono gaahi jaliote. Bea te ne bule ke hoko a ho mou gaahi ofefine, koe kau gaohi ma melie, koe kau teu kai, moe kau ta‘o ma. Bea e ma‘u eia hoo mou gaahi goue, mo hoo mou goue vaine, moe goue olive, io aia oku lelei lahi, bea e foaki ia ki he ene kau tamaioeiki. Bea te ne too hono hogofulu o hono vahe i hoo mou tega‘i akau, bea mo hoo mou goue vaine, bea foaki ki he ene kau matābule mo ene kau tamaioeiki. Bea te ne too hoo mou kau tamaioeiki, mo hoo mou kau kaunaga, mo hoo mou kau tagata toulekeleka, mo hoo mou faga asi, o tuku akinautolu ki he ene gaue. E too eia o ave hono hogofulu oe vahe o hoo mou faga sibi: bea te mou hoko ko ene kau tamaioeiki. Bea te mou tagi kalaga i he aho koia, koe mea i he tu‘i aia kuo mou fili moo moutolu; bea e ikai ogo‘i akimoutolu e Jihova i he aho koia.

Ka nae ikai tui ae kakai ki he le‘o o Samuela, bea naa nau behe, Ikai, ka te mau ma‘u ha tu‘i, ke bule kiate kimautolu; Koeuhi ke mau tatau foki moe gaahi buleaga; bea ke fakamāu‘a akimautolu e ho mau tu‘i, bea ke alu muomua ia iate kimautolu, ke fai e mau gaahi tau.

Bea i he mamata a Samuela kia Saula, nae behe e Jihova kiate ia, Vakai koe tagata eni aia neu lea ai kiate koe! Koia ia te ne bule ki hoku kakai.

BEA nae too e Samuela ae hina lolo, o ligi ia ki hono fofoga, bea uma kiate ia, o ne behe, Ikai koe mea i he fakatabu‘i koe e Jihova ke ke eiki koe ki hono tofia?

Bea kuo mou liaki he aho ni a ho mou Otua, aia naa ne fakamoui tonu akimoutolu mei hoo mou gaahi kovi kotoabe, mo hoo mou gaahi mea fakamamahi kotoabe; bea kuo mou tala kiate ia, Ikai, ka ke fakanofo ha tu‘i kiate kimautolu. Bea ko eni fakakatoa o fakaha akimoutolu i he ao o Jihova i ho mou gaahi faahiga, bea i ho mou gaahi toko afe.

Bea nae behe e Samuela ki he kakai kotoabe, Mou vakai kiate ia aia kuo fili e Jihova, oku ikai ha toko taha oku hage koia i he kakai kotoabe! Bea nae kalaga ae kakai kotoabe, o behe, Ke fakamoui e he Otua ae tu‘i. Bea nae toki tala e Samuela ki he kakai hono aga oe buleaga, o ne tohi ia i he tohi, o tuku ia i he ao o Jihova. Bea nae fekau e Samuela ki he kakai kotoabe ke nau alu taki taha ae tagata ki hono fale.

Bea nae alu a Saula ki hono abi i Kibea; bea nae alu mo ia ae kau tagata, nae lave‘i ho nau loto e he Otua. Ka nae behe e he fānau ae agakovi, E fakamoui fefe e he tagata ni akitautolu? Bea naa nau manuki‘i ia, bea nae ikai omi ha mea ofa kiate ia. Ka nae logo be ia.

Bea nae hoko ae Laumalie oe Otua kia Saula i he ene ogo‘i ae gaahi ogoogo ni, bea tubu ai ene ita o lahi. Bea naa ne omi ae faga bulu e ua, bea tuutuu ke iki, bea fekau ke ave o tufaki ki he gaahi botu kakai kotoabe o Isileli i he nima oe kau tagata fekau, o behe, Koia kotoabe oku ikai ha‘u o muimui ia Saula mo Samuela, e fai behe be ki he ene faga bulu. Bea nae to ki he kakai ae manavahe kia Jihova, bea naa nau hiki loto taha be kituaa.

Bea nae behe e he kakai kia Samuela, Kohai ia nae behe, E bule koa a Saula kiate kimautolu? omi ae kau tagata, koeuhi ke mau tamate‘i akinautolu.

Bea nae alu ae kakai kotoabe ki Kilikali; bea naa nau fakanofo i ai a Saula ke tu‘i i he ao o Jihova i Kilikali; bea naa nau atu i ai ae gaahi feilaulau koe feilaulau fakalelei i he ao o Jihova; bea nae fiefia lahi i ai a Saula moe kau tagata kotoabe o Isileli.

Bea i hoo mou mamata oku ha‘u a Naasi koe tu‘i oe fānau a Amoni ke tau‘i akimoutolu, naa mou behe leva kiate au, Ikai; ka e bule ha tu‘i kiate kimoutolu: ka ko ho mou tu‘i a Jihova ko ho mou Otua. Bea koeni, vakai ki ke tu‘i aia kuo mou fili, mo ia ne mou holi ki ai! bea, vakai, kuo fakanofo e Jihova ae tu‘i, kiate kimoutolu. Kabau te mou manavahe kia Jihova, bea tauhi ia, bea fai talagofua ki he ene folofola, bea oua naa agatuu ki he fekau a Jihova, behe e tuu mau be akimoutolu moe tu‘i foki oku bule kiate kimoutolu i he muimui kia Jihova ko ho mou Otua: Bea kabau e ikai te mou talagofua ki he folofola a Jihova, kae agatuu ki he fekau a Jihova; behe e hiki hake ae nima o Jihova kiate kimoutolu, o hage ko hono hiki hake ki hoo mou gaahi tamai.

Bea nae behe e he kakai kotoabe kia Samuela, Ke ke hufia a hoo kau tamaioeiki kia Jihova ko ho Otua ke oua naa mau mate: he kuo mau fakalahi aki e mau gaahi agahala kotoabe ae kovi ni, ke kole ae tu‘i moo mautolu. Bea nae behe e Samuela ki he kakai, Oua naa mou manavahe: kuo mou fai ae gaahi agahala ni kotoabe: kae oua naa mou tafoki mei hoo mou muimui ia Jihova, ka mou tauhi a Jihova aki ho mou loto kotoa;

Bea kabau te mou kei fai agakovi, e fakaauha akimoutolu, io, akimoutolu mo ho mou tu‘i.

Bea nae tatali ia i he aho e fitu o fakatatau ki he aho nae kotofa e Samuela: ka nae ikai ha‘u a Samuela ki Kilikali; bea nae movetevete ae kakai iate ia. Bea nae behe e Saula, Omi ki heni kiate au ae feilaulau tutu. moe feilaulau fakalelei. Bea naa ne atu ae feilaulau tutu. Bea nae hoko o behe, hili leva ene fakaoji ene atu ae feilaulau tutu, vakai, kuo hoko mai a Samuela; bea nae alu atu a Saula ke fakafetaulaki kiate ia, ke na feiloaki. Bea nae behe e Samuela, Koeha ia kuo ke fai? Bea behe e Saula, Koe mea i he eku vakai kuo movete ae kakai meiate au, bea nae ikai te ke hoko mai i he gaahi aho nae kotofa, bea kuo katoa fakataha ae kau Filisitia ki Mikimasi: Koia naaku behe ai, Ko eni e hoko hifo kiate au ae kau Filisitia ki Kilikali, ka oku heeki ai teu fai ae hu kia Jihova: koia neu kataki ai au o atu ae feilaulau tutu. Bea behe e Samuela kia Saula, Kuo ke fai vale: kuo ikai te ke tauhi ae fekau a Jihova ko ho Otua, aia naa ne fekau kiate koe: ka ne behe, kuo fokotuu mau e Jihova ho buleaga ki Isileli o taegata. Ka koeni e ikai tuu mau ho buleaga: kuo fili e Jihova ha tagata maana o hage ko hono loto oona, bea kuo fekau e Jihova kiate ia ke eiki ia ki hono kakai, koeuhi nae ikai te ke tauhi aia nae fekau e Jihova kiate koe.

Bea behe e Samuela, He oku fiemalie tatau be a Jihova i he gaahi feilaulau tutu, moe gaahi feilaulau, i he fai talagofua ki he le‘o o Jihova? Vakai, oku lelei lahi ae talagofua i he feilaulau, bea koe fakafanogo i he gako oe faga sibi tagata. He oku tatau ae agatuu moe hia koe tuki fakatevolo, bea koe baogataa oku tatau ia moe hia oe tauhi otua loi. Koe mea i hoo liaki ae folofola a Jihova, kuo ne liaki foki koe ke oua naa ke tu‘i.

Bea nae behe e Saula kia Samuela, Kuou fai agahala: he kuou fai talagataa ki he fekau a Jihova, bea mo hoo lea: koe mea i he eku manavahe ki he kakai, beau talagofua ki ho nau le‘o. Bea koeni, oku ou kole kiate koe, ke ke fakamolemole eku agahala, bea ke ha‘u ke ta o mo au, koeuhi keu hu kia Jihova. Bea nae behe e Samuela kia Saula, E ikai te ta foki mo koe: he kuo ke liaki ae folofola a Jihova, bea kuo liaki koe e Jihova ke oua naa ke tu‘i ki Isileli.

Bea nae toki too e Samuela ae nifo‘i manu nae i ai ae lolo, o ne bani ia i he ao o hono gaahi kaiga; bea nae hoko ae Laumalie o Jihova kia Tevita talu mei he aho koia. Bea nae tuu a Samuela o alu ki Lama.

Bea hili a hono fai nae tautea a Tevita e hono loto, koe mea i he ene motuhi ae botu oe kofu o Saula. Bea behe eia ki hono kakai, Ke taofi e Jihova ke oua naaku fai ae mea ni ki hoku eiki, koe fakatabu‘i e Jihova, ke mafao atu hoku nima agatuu kiate ia, ka koe bani ia a Jihova. Koia nae taofi e Tevita ene kau tamaioeiki aki ae gaahi lea ni, bea nae ikai tuku akinautolu ke nau tuu hake kia Saula. Ka nae tuu hake a Saula mei he ana, bea alu i hono hala. Bea nae tuu foki a Tevita o alu kitua mei he ana, bea kalaga ia kia Saula o behe. A hoku eiki koe tu‘i. Bea nae tafoki o vakai ki mui a Saula, oku tulolo a Tevita hono mata ki he kelekele, bea bunou ia.

Bea koeni, vakai, Oku ou ilo bau koe mooni te ke hoko ke tu‘i, bea e fakatuu mau ae buleaga o Isileli iate koe. Koia ke ke fuakava ni kiate au ia Jihova, ke oua naa ke motuhi hoku hako kimui iate au, bea oua naa ke fakaauha hoku higoa mei he fale o eku tamai. Bea nae fuakava e Tevita kia Saula. Bea alu a Saula ki hono abi, ka nae alu hake a Tevita mo hono kau tagata ki he toitoiaga.

Bea nae behe e Tevita kia Abisai, Oua naa tamate‘i ia: he kohai e mafao atu hono nima ki he fakatabu‘i a Jihova bea taeagahala ia? Bea nae lea foki a Tevita, Oku moui a Jihova bea e ta‘i ia e Jihova; bea e hokojia hono aho ke mate ai; be te ne alu ki ha tau, bea mate ai. Ke taofi au e Jihova ke auo naaku mafao hoku nima ki he fakatabu‘i a Jihova: ka oku ou kole kiate koe, ke ke too ni ae tao oku i hono oluga, bea moe ibu vai, bea ke ta o. Koia nae too ai e Tevita ae tao moe ibu vai mei he oluga o Saula: bea ne na hiki, o na o, bea nae ikai mamata ki ai ha tagata e toko taha, be ilo ia, be a ai: he kuo nau mohe kotoabe; koeuhi kuo to kiate kinautolu ae mohe mau mei a Jihova.

Bea nae behe e Tevita kiate ia, Koeha ia nae ikai te ke manavahe ai ke ala atu ho nima ke tamate‘i aia nae fakatabu‘i e Jihova? Bea nae fekau atu e Tevita ki ha taha oe kau talavou, o ne behe, Unuunu atu o ta‘i ia. Bea naa ne ta‘i ia ke ne mate. Bea nae behe e Tevita kiate ia, Ke i ho ulu be oou ho toto; he kuo fakamooni e ho gutu kiate koe, o behe, Kuou tamate‘i aia nae fakatabu‘i e Jihova.

Bea nae ha‘u ae kau tagata mei Juta, bea naa nau fakanofo i ai a Tevita koe tu‘i ki he faahiga o Juta. Bea naa nau tala kia Tevita, o behe, Koe kau tagata o Jebesi‐kiliati, ko kinautolu ia nae tanu a Saula.

Bea oka kakato hoo gaahi aho, bea te ke mohe koe fakataha mo hoo gaahi tamai, teu fokotuu hake ho hako ki mui iate koe, akinautolu e ha‘u mei ho fatu oou, bea teu ai ke tuu malohi a hono buleaga. Te ne laga eia ha fale ma a hoku higoa, bea teu fokotuu ae nofoaga fakatu‘i o hono buleaga ke taegata. Teu iate ia koe tamai, bea ko hoku foha ia. Kabau te ne fai ha kovi, teu tautea aki ia ae mea ta ae tagata, bea moe gaahi ta ae fānau ae tagata: Ka e ikai mahui a eku aloofa meiate ia, o hage ko eku ave ia ia Saula, aia naaku ave e au mei ho ao. Bea ko ho fale, bea mo ho buleaga e fokotuu ia i ho ao o taegata; e ai ke mau o taegata a ho nofoaga fakatu‘i. Nae lea a Natani kia. Tevita o fakatatau moe gaahi lea ni, bea tatau moe mea ha mai ni.

Bea nae bule a Tevita ki Isileli kotoa; bea nae fai e Tevita ae fakamāu mo fai totonu ki he ene kakai kotoabe.

Nae behe e he Otua o Isileli, nae folofola mai kiate au ae Makatuu a Isileli, Ke ke bule koe ki he kakai i he agatonu, o bule i he manavahe ki he Otua.

Bea naa nau fakahaage ki he tu‘i, o behe, Vakai koeni a Netane koe balofita. Bea i he ene hu mai ki he ao oe tu‘i, naa ne bunou hifo ia mo hono mata ki he kelekele i he ao oe tu‘i.

Bea nae too mai ae hina lolo mei he fale fehikitaki e Satoki koe taulaeiki, bea ne bani aki a Solomone. Bea naa nau ifi ae mealea: bea nae behe e he kakai kotoabe, Ke moui ae tu‘i ko Solomone. Bea nae muimui hake kiate ia ae kakai kotoabe, bea nae ifi e he kakai e nau gaahi fafagu, bea naa nau fiefia i he fiefia lahi aubito, koia nae mafahi ae fonua i ho nau logoaa.

Bea nae ofa a Solomone kia Jihova, bea nae eveeva ia i he gaahi fekau a Tevita ko ene tamai: ka koe mea be taha, naa ne fai ae feilaulau mo tutu ae mea namu kakala i he gaahi botu maoluga. Bea nae alu ae tu‘i ki Kibione ke fai feilaulau i ai; he koe botu maoluga ia nae ogoogo lahi: koe feilaulau tutu e afe nae feilaulau aki e Solomone i he feilaulauaga koia.

Bea nae ha mai a Jihova kia Solomone i Kibione i ha miji i he bo: bea nae behe e he Otua, Kole ha mea keu foaki kiate koe. Bea nae behe e Solomone, Kuo ke fakaha ki he eku tamai ko Tevita ko hoo tamaioeiki ae aloofa lahi, o hage ko ene eveeva i ho ao i he mooni, moe maonioni, bea i he agatonu o hono loto kiate koe: bea kuo ke tuku ae gaue ofa lahi ni maana, i hoo tuku kiate ia ha foha ke ne nofo ki hono nofoa fakatu‘i, o hage koia oku fai he aho ni. Bea koeni, E Jihova ko hoku Otua, kuo ke fakanofo a hoo tamaioeiki ke tu‘i koe fetogi o Tevita ko eku tamai: bea koe tamajii jii be au oku ikai teu ilo ke fefe a eku alu atu mo eku hu mai. Bea ko hoo tamaioeiki oku i he lotolotoga o hoo kakai aia kuo ke fili, koe kakai lahi, aia oku ikai faa lau hake be oku toko fiha, koe mea i he e nau toko lahi aubito. Koia ke ke tuku ki hoo tamaioeiki ha loto boto ke fakamāu‘i a hoo kakai, koeuhi keu faa ilo totonu ae lelei moe kovi; he kohai oku faa fai ke fakamāu‘i eni a hoo kakai toko lahi ni? Bea nae lelei ae lea ni kia Jihova, ae kole e Solomone ki he mea ni. Bea nae folofola ae Otua kiate ia, Koeuhi kuo ke kole ki he mea ni, bea nae ikai te ke kole maau ae moui fuoloa; be te ke kole maau ha koloa, be te ke kole ae moui a hoo gaahi fili; ka kuo ke kole maau ae lotoloto boto, ke ilo‘i ai ae fakamāu totonu; Vakai, kuou fai o tatau moia kuo ke lea ki ai: vakai, kuou foaki kiate koe ae loto boto mo faa fakakaukau; koia kuo ikai ha toko taha e tatau mo koe talu mei mua, bea e ikai tubu hake ha toko taha ke tatau mo koe ki mui. Bea kuou foaki foki kiate koe ae mea nae ikai te ke kole ki ai, ae koloa, moe ogoogo fakatouoji; koia e ikai tatau mo koe ha toko taha i he gaahi tu‘i i hoo gaahi aho kotoabe. Bea kabau te ke alu i hoku gaahi hala, ke fai ki he eku gaahi fono mo eku gaahi fekau, o hage koe alu a Tevita ko hoo tamai, behe, teu fakatologa a hoo gaahi aho.

Bea nae tuu a Solomone i he ao oe feilaulauaga o Jihova i he ao oe fakataha kotoabe o Isileli, bea naa ne mafao atu a hono nima ki lagi: Bea naa ne behe, E Jihova koe Otua o Isileli, oku ikai ha otua ke hage ko koe, i he lagi i oluga, be i he mama ki lalo ni, akoe oku ke tauhi ae fuakava moe aloofa ki hoo kau tamaioeiki oku eveeva i ho ao aki a ho nau loto kotoa:

Koia nae fugani hake ai ae tu‘i ko Solomone i he gaahi tu‘i kotoabe o mamani, i he koloaia moe boto.

KA nae ofa a Solomone ki he kau fefine toko lahi oe kakai kehe, fakataha moe ofefine o Felo, koe kau fefine mei Moabe, mo Amoni, mo Itomi, mo Saitoni, bea mo Heti; Koe gaahi buleaga nae behe ai e Jihova ki he fānau a Isileli, E ikai te mou hu atu kiate kinautolu, bea e ikai te nau hu mai kiate kimoutolu: he koe mooni te nau liliu ho mou loto ke muimui ki ho nau gaahi otua: nae bikitai a Solomone kiate kinautolu ni i he mamana ki ai. Bea naa ne ma‘u ae unoho e fitugeau nae eiki lahi, bea moe jinifu e toko tolugeau: bea nae fakatafoki hono loto e hono gaahi unoho. He nae hoko o behe, i he ene fakaaau o motua a Solomone, nae fakatafoki a hono loto e hono gaahi unoho ke muimui ki he gaahi otua kehe: bea nae ikai haohaoa hono loto i he ao o Jihova ko hono Otua, o hage koe loto o Tevita ko ene tamai. He nae muimui a Solomone ki he otua fefine oe kakai Saitoni ko Asiteloti, bea kia Milikomi koe mea fakalielia ae kakai Amoni. Bea nae fai kovi a Solomone i he ao o Jihova, bea nae ikai muimui haohaoa ia kia Jihova, o hage ko Tevita ko ene tamai. Bea nae laga ai e Solomone ha botu maoluga kia Kimosi, koe mea fakalielia a Moabe, i he mouga oku haga ki Jelusalema, bea ma a Moleki, koe mea fakalielia i he fānau a Amoni. Bea naa ne fai behe foki ma a hono gaahi unoho mei he kakai kehe, aia nae tutu mea namu kakala mo fai feilaulau ki ho nau gaahi otua.

Bea nae houhau a Jihova kia Solomone, koeuhi nae fakatafoki a hono loto mei a Jihova koe Otua o Isileli, aia nae ha tuo ua mai kiate ia, Mo ne tuku ae fekau kiate ia koeuhi koe mea ni, ke oua naa ne muimui ki he gaahi otua kehe: ka nae ikai fai eia ki he mea nae fekau e Jihova. Koia nae behe ai e Jihova kia Solomone, Koeuhi kuo ke fai eni ekoe, bea kuo ikai te ke fai ki he eku fuakava mo eku gaahi tuutuuni aia kuou fekau kiate koe, koe mooni teu hae ae buleaga meiate koe, bea teu foaki ia ki hoo tamaioeiki.

Koia nae ha‘u a Jeloboami bea moe kakai kotoabe kia Lehoboami i hono tolu oe aho, o hage koia nae tala e he tu‘i, o behe, Toe ha‘u kiate au i hono tolu oe aho. Bea nae tali fakamalohi ae kakai e he tu‘i, o ne jiaki ae fakakaukau ae kau mātua aia naa nau fai kiate ia; Bea naa ne lea kiate kinautolu o hage koia nae tala e he kau talavou, o behe, Nae fakamamafa a hoo mou kavega e he eku tamai, ka teu fakalahi ki hoo mou kavega: nae kiniji akimoutolu e he eku tamai aki ae gaahi mea ta, ka teu tautea akimoutolu eau aki ae faga sikobio.

Bea naa ne gaohi ae fale i he gaahi botu maoluga, mo ne fili ae kau taulaeiki mei he faahiga kakai, akinautolu nae ikai oe gaahi foha o Livai. Bea nae kotofa e Jeloboami ae katoaga ki hono valu oe mahina, i hono aho hogofulu ma nima oe mahina, o tatau moe katoaga nae fai i Juta, bea naa ne fai feilaulau ki he uhiki bulu naa ne gaohi: bea naa ne fakanofo i Beteli ae kau taulaeiki aia naa ne fili.

Bea i he ene fanogo ae tu‘i ko Jeloboami ki he lea ae tagata oe Otua, aia naa ne kalaga aki ki he feilaulauaga i Beteli, naa ne mafao atu hono nima mei he feilaulauaga, o ne behe, Buke ia. Bea ko hono nima, aia naa ne mafao atu kiate ia, nae mate ia, bea nae ikai ai te ne faa too mai ia kiate ia. Nae mahaehae foki ae feilaulauaga, bea nae liligi ae efuefu mei he feilaulauaga, o fakatatau moe fakailoga aia nae tuku e he tagata oe Otua i he folofola a Jihova.

Kae hili ae mea ni nae ikai tafoki a Jeloboami mei hono hala kovi, ka naa ne toe fakanofo ae kau taulaeiki mei he kau tua oe kakai, ki he gaahi botu maoluga: koia fulibe nae loto ki ai, naa ne fakanofo ia o ne hoko ki he faahiga taulaeiki oe gaahi botu maoluga. Bea nae hoko ae mea ni koe agahala ki he fale o Jeloboami, ke motuhi ai ia, bea ke fakaauha ia mei he fuga o mamani.

Ka kuo lahi hake a hoo fai kovi iate kinautolu fulibe nae i mua iate koe: he kuo ke alu mo gaohi ae gaahi otua kehe, moe gaahi fakatātā oe ukamea haka, ke fakatubu a eku houhau, bea kuo ke liaki au ki ho tua: Koia, vakai, teu omi ae kovi ki he fale o Jeloboami, bea teu motuhi mei a Jeloboami ae kau tagata kotoabe, bea moia oku tabuni mo toe i Isileli, bea teu ave ae toega oe fale o Jeloboami, o hage koe taufetuku e ha tagata ae kinohaa, kae oua ke ojioji aubito ia.

Bea te ne jiaki a Isileli koeuhi koe gaahi agahala a Jeloboami, aia nae fai agahala eia, bea naa ne fakaagahala‘i a Isileli.

Koe bule kovi a Baasa. BEA koeni i hono hogofulu ma valu oe ta‘u oe tu‘i ko Jeloboami koe foha o Nibati nae bule a Abijami ki Juta. Nae bule ia i he ta‘u e tolu i Jelusalema. Bea koe higoa o ene fa‘e ko Meaka, koe ofefine o Abisalomi. Bea naa ne muimui ki he agahala kotoabe o ene tamai, aia naa ne fai ki mua iate ia: bea nae ikai haohaoa a hono loto kia Jihova ko hono Otua, o hage koe loto o ene tamai ko Tevita.

Bea nae fai e Asa aia nae totonu i he ao o Jihova, o hage ko Tevita ko ene tamai. Bea naa ne ave mei he fonua ae kakai agafakasotoma, mo ne ave ae gaahi tamabua aia nae gaohi e he ene gaahi tamai. Bea ko Meaka foki ko ene kui naa ne liliu ia mei he ene nofo koe tu‘i fefine, koeuhi ko ene gaohi ha tamabua i ha vao tabu; bea nae maumau‘i e Asa a hono tamabua, o ne tutu ia i he vee vaitafe ko Kitiloni. Ka nae ikai liaki ae gaahi botu maoluga: ka ne ogo ia nae agatonu kia Jihova ae loto o Asa i hono gaahi aho kotoabe.

Bea nae kamata bule a Natabi koe foha o Jeloboami i Isileli i hono ua oe ta‘u a Asa koe tu‘i o Juta, bea naa ne bule ki Isileli i he ta‘u e ua. Bea nae fai eia ae kovi i he ao o Jihova, bea nae alu ia i he hala o ene tamai, bea i he agahala aia naa ne fakaagahala ai a Isileli.

Koeuhi koe gaahi agahala a Jeloboami, aia naa ne agahala ai, mo ne fakaagahala aki a Isileli, i he ene ahiahi kovi aia naa ne ahiahi kovi ai kia Jihova koe Otua o Isileli ke ne houhau ai.

I hono tolu oe ta‘u a Asa koe tu‘i o Juta nae kamata ai ae bule a Baasa koe foha o Ahija ki Isileli katoa i Tilisa, i he ta‘u a uofulu ma fa. Bea naa ne fai ae kovi i he ao o Jihova, mo ne alu i he hala o Jeloboami, bea i he kovi aana aia naa ne fakaagahala ai a Isileli.

Koia ia Baasa oku mate i he kolo e kai ia e he faga kuli; bea koia oku aana e mate i he goue e keina e he faga manu buna oe atā.

Bea nae omi foki i he nima oe balofita ko Jehu koe foha o Hanani, ae folofola a Jihova kia Baasa, bea ki hono fale oona; io koe mea i he kovi kotoabe naa ne fai eia i he ao o Jihova, i he fakatubu ene houhau ki he gaue a hono nima, koe mea i he ene tatau moe fale o Jeloboami; bea koeuhi ko ene tamate‘i ia.

Nae behe ae fakaauha e Simili ae fale kotoabe o Baasa, o hage koe folofola a Jihova, aia naa ne folofola aki kia Baasa ia Jehu koe balofita, Koeuhi koe agahala kotoabe a Baasa, moe agahala a Ela ko hono foha, aia naa na halaia ai, mo na fakaagahala ai a Isileli, i he fakatubu ae houhau a Jihova koe Otua o Isileli ki he e nau gaahi mea vaiga.

Bea nae hoko o behe, i he ene mamata e Simili kuo kaba ae kolo, naa ne hu atu ki he botu maoluga oe fale oe tu‘i, bea naa ne tugia ae fale oe tu‘i, bea ne mate ai, Koe mea i he ene gaahi agahala aia naa ne fai hala ai mo fai kovi ai i he ao o Jihova, mo ne alu i he hala o Jeloboami, bea i he ene agahala aana aia naa ne fai ke ne fakaagahala‘i a Isileli.

Ka nae fai kovi a Omili i he ao o Jihova, o ne fai o kovi lahi hake iate kinautolu kotoabe nae mua iate ia. He naa ne alu i he hala o Jeloboami koe foha o Nibati, bea ki he ene agahala aana aia naa ne fakaagahala ai a Isileli, ke fakatubu ai ae houhau a Jihova koe Otua o Isileli i he e nau gaahi mea vaiga.

Bea nae fai kovi a Ehabi koe foha o Omili i he ao o Jihova o lahi hake iate kinautolu kotoabe nae mua iate ia. Bea nae hoko o behe, hage koe mea maamaa ia a ene alu i he gaahi agahala a Jeloboami koe foha o Nibati, he naa ne fili mai ke unoho moia a Jisibeli, koe ofefine o Etibeali koe tu‘i oe kakai Saitoni, o ne alu o tauhi kia Beali, o ne lotu ki ai. Bea naa ne fokotuu hake ha feilaulauaga kia Beali i he fale o Beali, aia naa ne laga hake i Samelia. Bea nae gaohi e Ehabi ha vao tabu; bea nae lahi hake ae mea nae fai e Ehabi ke fakatubu ae houhau a Jihova koe Otua o Isileli i he mea nae fai e he gaahi tu‘i kotoabe o Isileli nae i mua iate ia.

He nae behe, i he ene tamate‘i e Jisibeli ae kau balofita a Jihova, nae ave ae kau balofita e toko teau e Obataia, o ne fakafufu akinautolu koe taki nimagofulu i ha ana, mo ne fafaga akinautolu aki ae ma bea moe vai.)

Bea nae hoko o behe, i he ene mamata a Ehabi kia Ilaija, nae behe e Ehabi kiate ia, Ko koe ia koa kuo fakamamahi ai a Isileli? Bea nae beheage eia, Kuo ikai teu fakamamahi‘i a Isileli; ka ko koe, moe fale o hoo tamai, koe mea i hoo mou liaki ae gaahi fekau a Jihova, bea kuo ke muimui kia Beali. Bea koeni fekau atu, ke tanaki mai kiate au i Kameli a Isileli katoa, bea moe kau kikite o Beali koe toko fageau moe toko nimagofulu, bea moe kau kikite oe gaahi vao tabu koe toko fageau, akinautolu oku kai i he keinagaaga o Jisibeli.

BEA nae fakaha e Ehabi kia Jisibeli ae mea kotoabe nae fai e Ilaija, bea mo ene tamate ae kau kikite kotoabe aki ae heleta. Bea nae toki fekau atu ha talafekau e Jisibeli kia Ilaija, ke ne behe. Ke fai behe be kiate au e he gaahi otua, bea lahi hake foki, o kabau e ikai teu fakatatau a hoo moui aau moe moui a ha taha iate kinautolu, i he feituulaa ni abogibogi.

Bea nae hoko mai ae folofola a Jihova kia Ilaija koe tagata Tisiba, o behe, Tuu hake, mo alu hifo ke fakafetaulaki kia Ehabi koe tu‘i o Isileli, aia oku i Samelia: vakai, oku ne i he goue vaine o Naboti, aia kuo ne alu hifo ki ai ke ma‘u ia maana. Bea te ke lea kiate ia, o behe, Oku behe e Jihova, Kuo ke fai ae fakabo, bea kuo ke ma‘u foki maau? Bea te ke lea kiate ia, o behe, Oku behe e Jihova, I he botu koia nae emo ai e he faga kuli ae toto o Naboti e emo ai e ha faga kuli ho toto oou, io oou. Bea nae behe e Ehabi kia Ilaija, Kuo ke ilo‘i au, akoe ko hoku fili? Bea naa ne beheage, Kuou ilo‘i koe; koeuhi kuo ke fakatau atu koe ke fai ha gaue kovi i he ao o Jihova. Vakai, teu fakahoko mai ae kovi kiate koe, bea teu too o ave ho hako, bea teu motuhi mei a Ehabi ae kakai tagata, bea moia kuo tabuni mo toe i Isileli, Bea teu gaohi ho fale ke hage koe fale o Jeloboami koe foha o Nibati, bea hage koe fale o Baasa koe foha o Ahija, koe mea i he kovi kuo ke fakatubu ai eku houhau, mo ke fakaagahala ai a Isileli. Bea ia Jisibeli foki nae folofola ai a Jihova, o behe, E kai a Jisibeli e he faga kuli i he vee a o Jesilili. Koia oku kau kia Ehabi e mate i he kolo e kai ia e he faga kuli: bea koia oku mate i he goue e keina e he faga manu buna oe atā.

(Ka nae ikai tatau ha toko taha mo Ehabi, aia naa ne fakatau ia ke fai ae gaue kovi i he ao o Jihova, aia nae ue‘i hake e hono unoho ko Jisibeli. Bea naa ne fai o fakalielia lahi i he muimui ki he gaahi tamabua, o tatau moia kotoabe nae fai e he kakai Amoli, akinautolu nae kabuji atu e Jihova mei he ao oe fānau a Isileli.) Bea i he ene fanogo e Ehabi ki he gaahi lea ni, naa ne haehae hono gaahi kofu, mo ne ai ae tauagaa ki hono jino, o ne aukai, mo ne tokoto hifo i he tauagaa, mo ne alu fakaehiehi. Bea nae hoko mai ae folofola a Jihova kia Ilaija koe tagata Tisiba, o behe, Oku ke mamata kia Ehabi mo ene fakavaivai‘i ia i hoku ao? koe mea i he ene fakavaivai‘i ia i hoku ao, e ikai ai teu omi ae kovi i hono gaahi aho oona: ka i he gaahi aho o hono foha teu omi ae kovi ki hono fale.

Bea nae fufulu ae jaliote e ha toko taha i he vaikeli o Samelia; bea nae emo hake e he faga kuli a hono toto; bea naa nau fufulu a ene mahafutau; o fakatatau moe folofola a Jihova, aia naa ne folofola aki. Bea koeni, koe toega gaue a Ehabi, moia kotoabe naa ne fai, moe fale lei naa ne gaohi, moe gaahi kolo kotoabe naa ne laga, ikai kuo tohi ia i he tohi fakamatala ki he gaahi tu‘i o Isileli?

Bea naa ne eveeva i he hala kotoabe o ene tamai ko Asa; nae ikai te ne tafoki mei ai, o ne fai aia nae lelei i he ao o Jihova: ka ne ogo ia nae ikai ave ae gaahi botu maoluga; nae kei fai feilaulau mo tutu ae mea namu kakala e he kakai i he gaahi botu maoluga. Bea nae alea a Jihosafate moe tu‘i o Isileli ke na melino be.

Nae kamata bule a Ahasia koe foha o Ehabi ki Isileli i Samelia i hono hogofulu ma fitu oe ta‘u o Jihosafate koe tu‘i o Juta, bea naa ne bule i he ta‘u e ua i Isileli. Bea naa ne fai kovi i he ao o Jihova, mo ne alu i he hala o ene tamai moe hala o ene fa‘e, bea i he hala o Jeloboami koe foha o Nibati, aia naa ne fakaagahala‘i a Isilelei: He naa ne tauhi kia Beali, mo ne lotu kiate ia, mo ne fakatubu ae houhau o Jihova koe Otua o Isileli, o fakatatau ki he mea kotoabe nae fai e he ene tamai.

Bea naa ne behe kiate ia, Oku behe e Jihova, Koeuhi kuo ke fekau atu ha kau talafekau ke fakafehui kia Beali‐sebubi koe otua o Ekiloni, koe mea abe i he ikai ha Otua i Isileli ke ke fakaogo ki he ene folofola? koia e ikai ai te ke toe alu hifo mei he mohega na aia kuo ke alu hake ki ai, ka te ke mate mooni. Koia, nae mate ia o fakatatau moe folofola a Jihova, aia nae lea aki e Ilaija. Bea nae fetogi ia i he bule e Jiholami i hono ua oe ta‘u o Jiholami koe foha o Jihosafate koe tu‘i o Juta; koeuhi nae ikai hano foha.

KOENI, nae kamata bule ki Isileli a Jiholami koe foha o Ehabi, i Samelia, i hono hogofulu ma valu oe ta‘u o Jihosafate koe tu‘i o Juta, bea nae bule ia i he ta‘u e hogofulu ma ua. Bea nae fai kovi eia i he ao o Jihova; ka nae ikai hage ko ene tamai, be hage ko ene fa‘e: he naa ne liaki ae mea fakatātā kia Beali aia nae gaohi e he ene tamai. Ka ne ogo ia naa ne bikitai ki he gaahi agahala a Jeloboami koe foha o Nibati, aia nae fakaagahala‘i a Isileli; nae ikai tafoki ia mei ai.

Bea i hono nima oe ta‘u o Jolami koe foha o Ehabi koe tu‘i o Isileli, ka nae tu‘i a Jihosafate i he kuoga koia i Juta, nae kamata bule a Jiholami koe foha o Jihosafate koe tu‘i o Juta. Nae tolugofulu ma ua a ene ta‘u i he ene kamata bule; bea naa ne bule i he ta‘u e valu i Jelusalema. Bea naa ne alu i he hala oe gaahi tu‘i o Isileli, o hage koia nae fai e he fale o Ehabi: he naa ne unoho moe ofefine o Ehabi: bea naa ne fai ae kovi i he ao o Jihova.

Nae uofulu ma ua ae ta‘u oe motua a Ahasia i he ene kamata bule; bea naa ne bule i Jelusalema i he ta‘u e taha. Bea koe higoa o ene fa‘e ko Atalia, koe ofefine o Omili koe tu‘i o Isileli. Bea naa ne eveeva i he hala oe fale o Ehabi, mo ne fai ae kovi i he ao o Jihova, o hage koia nae fai e he fale o Ehabi: he koe foha ia i he fono ki he fale o Ehabi.

Bea i he ene hokoage, vakai, nae nonofo fakataha ae gaahi eiki oe kau tau; bea nae behe eia, Kuou ha‘u mo ha fekau kiate koe, e eiki. Bea nae behe e Jehu, Ki ahai iate kimautolu kotoabe? Bea naa ne behe, Kiate koe, e eiki. Bea naa ne tuu hake, mo ne hu atu ai ki loto fale; bea naa ne liligi ae lolo ki hono ulu, mo ne behe kiate ia, Oku behe e Jihova koe Otua o Isileli, Kuou fakanofo koe koe tu‘i ke bule ki he kakai a Jihova, io ki Isileli. Bea te ke ta‘i ae fale o Ehabi ko hoo eiki, koeuhi keu fai totogi koeuhi koe toto o eku kau tamaioeiki koe kau balofita, bea moe toto oe kau tamaioeiki kotoabe a Jihova, i he nima o Jisibeli. Koeuhi e auha ae fale kotoa o Ehabi: bea teu motuhi mei a Ehabi ae kau tagata kotoabe bea moia kotoabe oku tabuni mo toe i Isileli:

Bea i he ene hoko mai a Jehu ki Jesilili, nae fanogo a Jisibeli ki ai; bea naa ne ai ae loa ki hono mata, mo ne ai ae teuga ki hono ulu, bea jio ia mei he mataba jioata. Bea feouga mo ene hu mai a Jehu i he mataba oe kolo, naa ne behe, Nae lelei koa a Simili, aia naa ne fakabogi a ene eiki? Bea nae haga hake eia a hono mata ki he mataba jioata, mo ne behe, Kohai oku kau kiate au? kohai? bea nae jio mai mei he mataba jioata ha kau tagata tali fekau e toko ua be toko tolu. Bea nae behe eia, Laku hifo ia. Koia naa nau laku ia ki lalo: bea nae buna a hono toto ki he a, bea ki he faga hose: bea naa ne malaki hifo ia i hono lalo va‘e. Bea i he ene hu mai ki loto fale, naa ne kai mo inu, mo ne behe, Mou alu, o jio eni ki he fefine malaia ni, bea ave o tanu ia; he koe ofefine ia o ha tu‘i. Bea naa nau alu atu ke fai hono tanu: ka nae ikai te nau ilo hano botu ka ko hono uluboko be, moe foi va‘e, bea moe aofi nima. Koia naa nau toe omi ai o fakaha kiate ia. Bea nae behe eia, Koeni ia ae folofola a Jihova, aia naa ne folofola aki i he ene tamaioeiki ko Ilaija koe tagata Tisiba, o behe, I he botu fonua o Jesilili e keina e he faga kuli ae kakano o Jisibeli. Bea e tatau ae agaaga o Jisibeli moe kinohaa i he fuga fonua i he botu o Jesilili; bea e ikai ai te nau faa behe, Ko Jisibeli eni.

Bea nae tanaki e Jehu ke fakataha ae kakai kotoabe, mo ne behe kiate kinautolu, Nae tauhi jii be a Ehabi kia Beali; ka e lahi aubito ae tauhi kiate ia a Jehu. Koia foki, mou ui mai kiate au ae kau balofita kotoabe o Beali, a ene kau tamaioeiki kotoabe, bea mo ene kau taulaeiki kotoabe; oua naa hala i ha toko taha: he oku ai a eku feilaulau lahi keu atu kia Beali; iloga be ia e toe, e ikai jii te ne moui. Ka nae fai eni e Jehu i he kākā, koe mea ke ne fakaauha akinautolu nae lotu kia Beali. Bea nae behe e Jehu, Fanogonogo ha katoaga mamalu kia Beali. Bea naa nau fanogonogo ia. Bea nae fekau atu e Jehu ki Isileli katoa: bea nae ha‘u ae kakai kotoabe nae lotu kia Beali, koia nae ikai ha tagata e toko taha nae tae ha‘u. Bea naa nau omi ki he fale o Beali; bea nae fonu aubito ae fale o Beali mei hono ta e taha o a‘u ki hono ta e taha. Bea naa ne behe kiate ia nae tauhi ki he fale tukuga kofu, Omi kitua ae gaahi kofu ma anautolu oku lotu kia Beali. Bea naa ne fetuku mai ae gaahi kofu kiate kinautolu. Bea nae alu a Jehu, mo Jonatabi koe foha o Lekabi, ki he loto fale o Beali, o na behe ki he kakai nae lotu kia Beali, Mou kumi, bea vakai ke oua naa i heni mo kimoutolu ha taha i he kau tamaioeiki a Jihova, ka koe kau lotu be o Beali. Bea i he e nau huage ke atu ae gaahi feilaulau moe gaahi feilaulau tutu, nae fekau‘i e Jehu ae kau tagata e toko valugofulu ke tuu mei tuafale, mo ne behe, Kabau e hao ha toko taha oe kau tagata kuou tuku ki ho mou nima, e totogi aki ae moui aana, e he moui aana kuo tuku ia ke hao.

Bea naa nau maumau‘i hifo ae fakatātā o Beali, mo nau maumau‘i hifo ae fale o Beali, mo gaohi ia koe fale vao o a‘u ki he aho ni.

Ka nae ikai tokaga a Jehu ke ne eveeva i he fono a Jihova koe Otua e Isileli aki a hono loto katoa: he nae ikai liliu ia mei he gaahi agahala a Jeloboami, aia nae fakaagahala‘i a Isileli.

Bea i he ene jio, vakai, nae tuu ae tu‘i i he veebou, o hage ko hono aga, bea tutuu fakataha moe tu‘i ae houeiki bea moe kau tagata ifi mealea, bea nae fiefia ae kakai kotoabe oe fonua, bea naa nau ifi ae gaahi mealea: bea nae haehae e Atalia a hono gaahi kofu, bea ne kalaga, Koe laba, koe laba.

Bea nae fai totonu a Jihoasa i he ao o Jihova i he gaahi aho kotoabe nae akonaki‘i ai ia e Jihoiata koe taulaeiki. Ka nae ikai ave ae gaahi botu maoluga: nae kei fai feilaulau moe tutu ae mea namu kakala e he kakai i he gaahi botu maoluga.

I HONO uofulu ma tolu oe ta‘u o Joasi koe foha o Ahasia koe tu‘i o Juta, nae kamata bule ki Isileli i Samelia a Jihoaasi koe foha o Jehu, bea naa ne bule i he ta‘u e hogofulu ma fitu. Bea naa ne fai ae mea nae kovi i he ao o Jihova, bea naa ne muimui ki he gaahi agahala a Jeloboami koe foha o Nibati, aia nae fakaagahala‘i a Isileli; nae ikai te ne mahui mei ai.

I hono tolugofulu ma fitu oe ta‘u o Joasi koe tu‘i o Juta nae kamata bule ki Isileli i Samelia a Jihoasa koe foha o Jihoaasi, bea naa ne bule i he ta‘u e hogofulu ma ono. Bea naa ne fai ae mea nae kovi i he ao o Jihova; nae ikai mahui ia mei he gaahi agahala kotoabe a Jeloboami koe foha o Nibati, aia nae fakaagahala‘i a Isileli: ka naa ne alu ai be.

I HONO ua oe ta‘u o Joasi koe foha o Jihoaasi koe tu‘i o Isileli nae bule a Amasia koe foha o Joasi koe tu‘i o Juta. Nae uofulu ma nima ae ta‘u o ene motua i he ene kamata bule, bea naa ne bule i Jelusalema i he ta‘u e uofulu ma hiva. Bea koe higoa o ene fa‘e koe Jihoatani, o Jelusalema. Bea nae fai eia ae mea nae lelei i he ao o Jihova, ka nae ikai ke ne tatau mo Tevita ko ene tamai: naa ne fai o fakatatau moe mea kotoabe nae fai e Joasi ko ene tamai. Ka ne ogo ia nae ikai ave ae gaahi botu maoluga: nae kei fai e he kakai ae feilaulau moe tutu ae mea namu kakala i he gaahi botu maoluga.

I hono hogofulu ma nima oe ta‘u a Amasia koe foha o Joasi koe tu‘i o Juta, nae kamata bule i Samelia a Jeloboami koe foha o Joasi koe tu‘i o Isileli, bea naa ne bule i he ta‘u o fagofulu ma taha. Bea naa ne fai eia ae kovi i he ao o Jihova: nae ikai mahui ia mei he gaahi agahala a Jeloboami koe foha o Nibati, aia nae fakaagahala‘i a Isileli.

I HE ta‘u e uofulu ma fitu o Jeloboami koe tu‘i o Isileli, nae kamata bule ki Juta a Asalia koe foha o Amasia. Nae hogofulu ma ono ta‘u ene motua i he ene hoko ki he bule, bea nae bule ia i he ta‘u e nimagofulu ma ua i Jelusalema. Bea koe higoa o ene fa‘e ko Jekolia o Jelusalema. Bea nae fai lelei ia i he ao o Jihova; o fakatatau ki he mea kotoabe nae fai e he ene tamai ko Amasia; Ka koe gaahi botu maoluga nae ikai liaki: nae feilaulau mo tutu ae mea namu kakala e he kakai i he gaahi botu maoluga. Bea nae ta‘i e Jihova ae tu‘i, bea naa ne kilia ai o a‘u ki he aho o ene mate; bea naa ne nofo i he fale mavahe. Bea nae bule a Jotami koe foha oe tu‘i ki he fale, bea nae fakamāu eia ae kakai oe fonua.

I hono tolugofulu ma valu oe ta‘u o Asalia koe tu‘i o Juta, nae bule a Sakalia koe foha o Jeloboami ki Isileli i Samelia i he mahina e ono. Bea nae fai eia aia nae kovi i he ao o Jihova, o hage koia nae fai e he ene gaahi tamai: nae ikai mahui ia mei he gaahi agahala a Jeloboami koe foha o Nibati, aia naa ne fakaagahala‘i a Isileli.

I hono tolugofulu ma hiva oe ta‘u o Usaia koe tu‘i o Juta, nae kamata bule a Salumi koe foha o Jebesi; bea nae bule ia i he mahina katoa e taha i Samelia. He nae alu hake a Minehemi koe foha o Kati, mei Tilisa, bea ha‘u ia ki Samelia, o ne ta‘i a Salumi koe foha o Jebesi i Samelia, o ne tamate‘i ia, bea naa ne fetogi ia i he bule.

I hono tolugofulu ma hiva oe ta‘u o Asalia koe tu‘i o Juta nae kamata bule ki Isileli a Minehemi koe foha o Kati, bea nae bule ia i he ta‘u e hogofulu i Samelia. Bea nae fai eia ae kovi i he ao o Jihova; i hono gaahi aho kotoabe nae ikai te ne liaki ae gaahi agahala a Jeloboami koe foha o Nibati, aia naa ne fakaagahala‘i a Isileli.

I hono nimagofulu ta‘u o Asalia koe tu‘i o Juta nae kamata bule ki Isileli i Samelia a Bikaia koe foha o Minehemi bea nae bule ia i he ta‘u e ua. Bea nae fai eia ae kovi i he ao o Jihova: nae ikai te ne liaki ae gaahi agahala a Jeloboami koe foha o Nibati, aia naa ne fakaagahala‘i a Isileli.

I hono nimagofulu ma ua oe ta‘u o Asalia koe tu‘i o Juta, nae kamata bule a Beka koe foha o Limalia ki Isileli i Samelia, bea nae bule ia i he ta‘u e uofulu. Bea nae fai eia ae kovi i he ao o Jihova: nae ikai liaki eia ae gaahi agahala a Jeloboami koe foha o Nibati, aia naa ne fakaagahala‘i a Isileli.

I hono ua oe ta‘u o Beka koe foha o Limalia koe tu‘i o Isileli, nae kamata bule ki Juta a Jotami koe foha o Usia. Nae uofulu ma nima ae ta‘u o ene motua i he ene kamata bule, bea nae bule ia i he ta‘u e hogofulu ma ono i Jelusalema. Bea koe higoa o ene fa‘e ko Jilusa, koe ofefine o Satoki. Bea nae fai eia ae lelei i he ao o Jihova: nae fai ia o hage koia kotoabe nae fai e he ene tamai ko Usia. Ka nae ikai jiaki ae gaahi botu maoluga: nae kei feilaulau mo tutu mea namu kakala e he kakai i he gaahi botu maoluga. Nae laga eia ae mataba maoluga oe fale o Jihova.

I HONO hogofulu ma fitu oe ta‘u o Beka koe foha o Limalia nae kamata bule a Ahasi koe foha o Jotami koe tu‘i o Juta. Nae uofulu ta‘u ae motua a Ahasi i he ene kamata bule, bea naa ne bule i he ta‘u e hogofulu ma ono i Jelusalema, bea nae ikai te ne fai totonu i he ao o Jihova ko hono Otua, ke hage ko Tevita ko ene tamai. Ka naa ne eveeva i he hala oe gaahi tu‘i o Isileli, io, naa ne bule‘i ke alu atu a hono foha i he lotolotoga oe afi, o fakatatau moe gaahi gaue fakalielia ae kakai hiteni, akinautolu nae kabuji atu e Jihova mei he ao oe fānau a Isileli. Bea naa ne fai feilaulau mo tutu ae mea namu kakala i he gaahi botu maoluga, bea i he gaahi tafugofuga, bea i he lolo akau mata kotoabe.

I HONO hogofulu ma ua oe ta‘u o Ahasi koe tu‘i o Juta nae kamata bule ki Isileli i Samelia a Hosea koe foha o Ela, i he ta‘u e hiva. Bea naa ne fai kovi i he ao o Jihova, ka nae ikai ke hage ia koe gaahi tu‘i o Isileli aia nae i mua iate ia.

BEA nae hoko o behe i hono tolu ta‘u o Hosea koe foha o Ela koe tu‘i o Isileli, nae kamata bule a Hesekaia koe foha o Ahasi koe tu‘i o Juta. Nae uofulu ma nima a ene ta‘u i he ene kamata bule: bea nae bule ia i he ta‘u e uofulu ma hiva i Jelusalema. Koe higoa o ene fa‘e foki ko Abi, koe ofefine o Sakalia. Bea nae fai lelei ia i he ao o Jihova, o fakatatau ki he mea kotoabe nae fai e Tevita ko ene tamai. Naa ne fakalala ae gaahi botu maoluga, bea fejii hifo ae gaahi tamabua, bea ne ta hifo ae gaahi vao tabu, bea naa ne fejifeji ke iki ae gata balasa aia nae gaohi e Mosese: he nae tutu e he fānau a Isileli ae mea namu kakala ki ai o a‘u ki he gaahi aho koia: bea naa ne ui ia ko Nehusitani. Nae falala ia kia Jihova koe Otua o Isileli; koia nae ikai tatau moia ha toko taha ki mui i he gaahi tu‘i kotoabe o Juta, be ha toko taha nae i mua iate ia. He nae bikitai ia kia Jihova, bea ikai liaki ene muimui iate ia, ka naa ne tauhi ene gaahi fekau, aia nae fekau e Jihova kia Mosese.

Bea nae fekau e Hesekaia koe tu‘i o Juta ki he tu‘i o Asilia i Lakisi, o behe, Kuou fai hala; ke ke liliu meiate au: koia oku ke tala kiate au teu kataki. Bea nae eke ehe tu‘i o Asilia meia Hesekaia koe tu‘i o Juta ae taleniti siliva e tolugeau moe taleniti koula e tolugofulu. Bea nae atu kiate ia e Hesekaia ae siliva kotoabe nae ilo i he fale o Jihova, bea i he gaahi tukuaga koloa i he fale oe tu‘i. I he kuoga koia nae tutuu ai e Hesekaia ae koula mei he gaahi mataba oe fale tabu o Jihova, bea mei he gaahi bou aia nae aofi e Hesekaia koe tu‘i o Juta, o ne atu ia ki he tu‘i o Asilia.

Bea nae tokaga a Hesekaia kiate kinautolu, o ne fakaha kiate kinautolu ae fale kotoa o ene gaahi mea maogooga, koe siliva, moe koula, moe gaahi mea nanamu moe lolo maogooga, moe fale o ene mahafu tau, moia kotoabe nae ilo i hono fale koloa: nae ikai ha mea i hono fale, mo hono buleaga katoa nae tae fakaha e Hesekaia, kiate kinautolu. Bea nae toki ha‘u ai a Isaia koe balofita ki he tu‘i ko Hesekaia, o ne behe kiate ia, Koeha ae lea nae fai e he kau tagata na? bea naa nau ha‘u meife kiate koe? Bea nae behe e Hesekaia. Kuo nau ha‘u mei he fonua mamao, io, mei Babilone. Bea nae behe eia, Koeha kuo nau mamata ki ai i ho fale? Bea nae behe e Hesekaia, Ae mea kotoabe oku i hoku fale kuo nau mamata ki ai: oku ikai ha mea i hoku gaahi koloa nae ikai teu fakaha kiate kinautolu. Bea behe e Isaia kia Hesekaia, Fanogo ki he folofola a Jihova. Vakai, oku ha‘u ae gaahi aho, e fetuku ai ki Babilone aia kotoabe oku i ho fale, moia kotoabe nae tanaki e hoo gaahi tamai o a‘u ki he aho ni: oku behe e Jihova, E ikai ha mea e toe.

NAE hogofulu ma ua ae ta‘u o Manase i he ene kamata bule, bea nae bule ia i he ta‘u e nimagofulu ma nima i Jelusalema. Bea koe higoa o ene fa‘e ko Hefisiba. Bea nae fai eia ae kovi i he ao o Jihova, o fakatatau moe gaahi mea kovi ae hiteni, aia nae kabuji e Jihova mei he ao oe fānau a Isileli. He naa ne toe laga hake ae gaahi botu maoluga aia nae fakaauha e he ene tamai ko Hesekaia: bea naa ne fokotuu hake ae gaahi feilaulauaga kia Beali, o ne gaohi ae vaotabu, o hage koia nae fai e Ehabi koe tu‘i o Isileli, bea nae lotu ia ki he gaahi mea oe lagi, mo ne tauhi akinautolu. Bea nae gaohi eia ae gaahi feilaulauaga i he fale o Jihova, aia nae folofola ki ai a Jihova, Teu ai hoku huafa i Jelusalema. Bea nae gaohi eia ae gaahi feilaulauaga ki he gaahi mea oe lagi i he lotoa e ua oe fale o Jihova. Bea naa ne tuku hono foha ke alu i he lotolotoga oe afi, bea nae tokaga ia ki he gaahi kuoga, bea naa ne fai ae tuki fakatevolo bea nae kau ia moe kau laumalie kovi moe kau kikite loi: nae fai eia ae gaahi agakovi lahi i he ao o Jihova, ke fakatubu hono houhau. Bea nae fokotuu eia ae tamabua i he vao tabu naa ne gaohi i he fale o Jihova, aia nae folofola ai e Jihova kia Tevita, bea kia Solomone ko hono foha, Teu ai hoku higoa o taegata ki he fale ni, bea i Jelusalema, aia kuou fili mei he gaahi faahiga kotoabe o Isileli.

Ka koeni, nae ligi e Manase ae toto maonioni o lahi aubito, mo ne fakafonu aki ia a Jelusalema mei he botu e taha ki he botu e taha; kae umaa foki a ene agahala aia naa ne fakaagahala ai a Juta, i he fai aia nae kovi i he ao o Jihova.

Nae uofulu ma ua ae ta‘u ae motua o Amoni i he ene kamata ene bule, bea nae bule ia i he ta‘u e ua i Jelusalema. Bea koe higoa o ene fa‘e ko Mesulemeti, koe ofefine o Halusi oe kakai Jotiba. Bea nae fai eia ae kovi i he ao o Jihova, o hage ko ene tamai ko Manase. Bea nae alu ia i he hala kotoabe nae alu ai ene tamai, mo ne tauhi ae gaahi otua loi nae tauhi e he ene tamai, o ne lotu kiate kinautolu: Bea naa ne liaki eia a Jihova koe Otua o ene gaahi tamai, bea nae ikai alu ia i he hala o Jihova.

NAE valu ta‘u ae motua o Josaia i he ene kamata ene bule, bea nae bule ia i he ta‘u e tolugofulu ma taha i Jelusalema. Bea koe higoa o ene fa‘e ko Jitita, koe ofefine o Ataaia o Bosi-kate. Bea nae fai lelei ia i he ao o Jihova, bea naa ne alu i he gaahi hala kotoabe o Tevita ko ene tamai, bea nae ikai tafoki ia mei ai ki he nima toomatau be ki he toohema.

Bea nae behe e Hilikia koe taulaeiki lahi kia Safani koe tagata tohi, Kuou ilo ae tohi oe fono i he fale o Jihova. Bea nae atu e Hilikia ae tohi kia Safani, bea naa ne lau ia. Bea nae ha‘u a Safani koe tagata tohi ki he tu‘i, bea ne toe omi ae lea ki he tu‘i, o behe, Kuo tanaki e hoo kau tamaioeiki ae gaahi baaga nae ilo i he fale, bea kuo atu ia ki he nima o kinautolu oku fai ae gaue, akinautolu oku ekinaki i he fale o Jihova. Bea nae fakaha e Safani koe tagata tohi ki he tu‘i, o behe, Kuo tuku kiate au e Hilikia koe taulaeiki ha tohi. Bea nae lau ia e Safani i he ao oe tu‘i. Bea i he fanogo ae tu‘i ki he gaahi lea i he tohi oe fono, naa ne haehae hono gaahi kofu. Bea nae fekau e he tu‘i kia Hilikia koe taulaeiki, mo Ahikami koe foha o Safani, mo Akiboa koe foha o Mikaia, mo Safani koe tagata tohi, mo Asahia koe tamaioeiki ae tu‘i, o behe, Mou alu, bea fehui kia Jihova koeuhi ko au, bea moe kakai, bea mo Juta, i he gaahi lea ae tohi kuo ilo ni: he kuo lahi ae houhau a Jihova aia kuo tubu kiate kitautolu, koe mea i he ikai tokaga ae tau gaahi tamai ki he gaahi lea oe tohi, ke fai o fakatatau ki he mea kotoabe kuo tohi kiate kitautolu.

Bea koe gaahi feilaulauaga nae i he tua fale o Ahasi i oluga, aia nae gaohi e he gaahi tu‘i o Juta, moe gaahi feilaulauaga nae gaohi e Manase i he lotoa e ua oe fale o Jihova, nae holoki hifo ia e he tu‘i, bea feji‘i hifo ia mei ai, bea nae liligi ae efuefu oia ki he vaitafe ko Kitiloni. Moe gaahi botu maoluga nae i he ao o Jelusalema, aia nae i he nima toomatau oe mouga oe bobo, aia nae laga e Solomone koe tu‘i o Isileli kia Asiteloti koe mea fakalielia ae kakai Saitoni, bea kia Kimosi koe mea fakalielia ae kakai Moabe, bea kia Milikomi koe mea fakalielia ae fānau a Amoni, nae maumau‘i akinautolu e he tu‘i. Bea nae fejifeji‘i eia ae gaahi tamabua, bea ne ta hifo ae gaahi vao tabu, bea nae fakabito ho nau gaahi botu i he hui oe kau tagata.

Bea nae ave foki e Josaia akinautolu nae kau moe kau laumalie kovi, moe kau kikite loi, moe gaahi tamabua, moe gaahi otua loi, moe gaahi mea kovi kotoabe nae ilo‘i i he fonua o Juta bea i Jelusalema, koeuhi ke ne fai ki he gaahi lea ae fono aia nae tohi i he tohi nae ilo e Hilikia koe taulaeiki i he fale o Jihova. Bea nae ikai ha tu‘i i mua ke hage ko ia, aia nae tafoki kia Jihova aki hono loto kotoa, bea mo hono laumalie katoa, bea mo ene malohi katoa, o hage koe fono kotoabe a Mosese; bea nae ikai tubu ha toko taha ki mui o hage ko ia. Ka ne ogo ia nae ikai tafoki a Jihova mei he kakaha o hono houhau, aia nae tubu ai hono houhau ki Juta, koe mea i he gaahi ahiahi kovi a Manase aia naa ne fakahouhau aki ia.

Nae uofulu ma tolu ae ta‘u o Jihoaasi i he ene kamata bule; bea nae bule ia i he mahina e tolu i Jelusalema. Bea koe higoa o ene fa‘e ko Hamutali, koe ofefine o Jelemaia o Libina. Bea nae fai kovi eia i he ao o Jihova, o fakatatau ki he mea kotoabe nae fai e he ene gaahi tamai.

Nae uofulu ma nima ta‘u ae motua o Jihoiakimi i he ene kamata ene bule: bea nae bule ia i he ta‘u e hogofulu ma taha i Jelusalema. Bea koe higoa o ene fa‘e ko Sibiuta, koe ofefine o Bitaia mei Luma. Bea nae fai eia ae kovi i he ao o Jihova, o hage koia nae fai e he ene gaahi tamai kotoabe.

Nae hogofulu ma valu ta‘u ae motua o Jihoiakini i he ene kamata ene bule, bea nae bule ia i Jelusalema i he mahina e tolu. Bea koe higoa o ene fa‘e ko Nehusita, koe ofefine o Elinatani o Jelusalema. Bea nae fai eia ae kovi i he ao o Jihova, o hage koia kotoabe nae fai e he ene tamai.

Bea naa ne fetuku mei ai ae gaahi koloa kotoabe oe fale o Jihova, moe gaahi koloa mei he fale oe tu‘i, bea naa ne tuutuu ke iki ae gaahi ibu koula aia nae gaohi e Solomone koe tu‘i o Isileli i he fale tabu o Jihova, o hage koe folofola a Jihova. Bea naa ne fetuku o ave ae kakai Jelusalema kotoabe moe gaahi houeiki kotoabe, moe kau tagata to‘a kotoabe, io, koe bobula e toko taha mano, moe kau tagata tufuga moe kau tufuga ukamea: nae ikai toe ha kakai, ka koe kakai majiva aubito oe fonua. Bea naa ne ave a Jihoiakini ki Babilone, moe fa‘e ae tu‘i, moe gaahi unoho oe tu‘i, mo ene kau matābule, moe kau malohi oe fonua, naa ne fetuku bobula akinautolu mei Jelusalema ki Babilone. Bea koe kau tagata to‘a kotoabe, io ae toko fitu afe, moe kau tufuga kehekehe, moe kau tuki ukamea, koe toko taha afe, akinautolu kotoabe nae malohi mo boto i he tau, nae fetuku bobula akinautolu e he tu‘i o Babilone ki Babilone.

Nae uofulu ma taha ae ta‘u ae motua o Setikia i he ene kamata ene bule, bea nae bule ia i he ta‘u e hogofulu ma taha i Jelusalema. Bea koe higoa o ene fa‘e ko Hamutali, koe ofefine ia o Jelemaia o Libina. Bea nae fai kovi eia i he ao o Jihova, o hage koia kotoabe nae fai e Jihoiakimi. He koe mea i he houhau a Jihova nae hoko eni ki Jelusalema mo Juta, bea koeuhi ke ne liaki akinautolu mei hono ao, nae fai ae agatuu a Setikia ki he tu‘i o Babilone.

Koia naa nau buke ae tu‘i, mo o hake ia ki he tu‘i o Babilone i Libila; bea naa nau fakamāu‘i ia. Bea naa nau tamate‘i ae gaahi foha o Setikia i hono ao, bea nae kabe‘i ae mata o Setikia, bea ha‘i ia aki ae ha‘i balasa, bea nae ave ia ki Babilone.

Koia, nae mate a Saula koeuhi ko ene agahala aia naa ne fai agahala ai kia Jihova, mo ene talagataa ai ki he folofola a Jihova, aia nae ikai te ne fai ki ai, bea koeuhi foki ko ene fakafehui ki ha taha nae kau moe laumalie kovi, ke fakaogo ki ai: O ikai fakaogo ia kia Jihova: koia naa ne tamate‘i ai ia, mo ne fakafoki atu ae buleaga kia Tevita koe foha o Jese.

HILI ia nae fakataha a Isileli kotoa kia Tevita ki Hebeloni, mo nau behe, Vakai, ko ho hui oou akimautolu mo ho kakano oou. Kae umaa foki ae gaahi aho kuo hiliage, io lolotoga ae kei tu‘i a Saula, ko koe ia nae taki atu mo toe omi a Isileli: bea nae behe kiate koe e Jihova ko ho Otua, Te ke fafaga ekoe a hoku kakai Isileli, bea te ke bule ekoe ki hoku kakai Isileli.

Ka nae fili mua au e Jihova koe Otua o Isileli mei he fale kotoabe o eku tamai keu hoko koe tu‘i ki Isileli o taegata: he kuo ne fili a Juta ke bule; bea mei he fale o Juta, koe fale o eku tamai aaku; bea mei he gaahi foha o eku tamai naa ne finagalo lelei kiate au keu hoko koe tu‘i ki Isileli katoa: Bea i hoku gaahi foha kotoabe, (he kuo foaki e Jihova ae gaahi foha toko lahi kiate au,) kuo ne fili a Solomone ko hoku foha, ke nofo ki he nofoa fakatu‘i oe buleaga o Jihova ke bule‘i a Isileli.

Bea naa ne behe kiate au, Ko Solomone ko ho foha, koia ia e laga a hoku fale, mo hoku gaahi loto a: he kuou fili ia ke hoko ko hoku foha, bea teu hoko au ko ene tamai. Bea teu fokotuu mau foki a hono buleaga ke taegata, o kabau te ne malohi ke fai a eku gaahi fekau mo eku gaahi fakamāu, o hage koia oku fai he aho ni. Koia foki, mou tauhi mo kumi ki he gaahi fekau kotoabe a Jihova ko ho mou Otua, i he ao o Isileli katoa koe fakataha kia Jihova, bea i he afio ki ai a ho tau Otua: koeuhi ke mou ma‘u ae fonua lelei ni, bea tuku fakaholo ia koe tofia ki hoo mou fānau ki mui iate kimoutolu o taegata.

Nae behe ae bule a Tevita koe foha o Jese ki Isileli katoa. Bea koe kuoga naa ne bule ai ki Isileli, koe ta‘u e fagofulu; naa ne bule i Hebeloni i he ta‘u e fitu, bea naa ne bule i Jelusalema i he ta‘u e tolugofulu ma tolu. Bea naa ne bekia i he ene hoko o motua lelei, kuo lahi hono aho, mo ne koloaia, mo ogoogolelei: bea nae fetogi ia i he bule e hono foha ko Solomone.

BEA nae fakamalohi a Solomone koe foha o Tevita i hono buleaga, bea nae iate ia a Jihova ko hono Otua, o ne fakahikihiki ia ke lahi aubito. Bea nae toki lea a Solomone ki Isileli kotoabe, ki he houeiki bule oe gaahi toko afe, moe gaahi toko teau, bea ki he kau fakamāu, bea ki he gaahi bule fonua kotoabe i Isileli, koe kau tuu ki mua i he gaahi tamai. Bea koia nae alu ai a Solomone, moe fakataha kotoabe moia, ki he botu maoluga nae i Kibione; he nae i ai ae fale fehikitaki oe fakataha oe Otua, aia nae gaohi i he toafa e Mosese koe tamaioeiki a Jihova. Ka kuo omi e Tevita ae buha oe fuakava ae Otua mei Keja‐jialimi ki he botu nae teuteu e Tevita ki ai: he naa ne fokotuu ha fale fehikitaki ki ai i Jelusalema.

Bea naa ne tuu i he ao oe feilaulauaga o Jihova i he ao oe fakataha kotoabe o Isileli, bea naa ne mafao atu a hono nima: He kuo gaohi e Solomone ha tuuaga balasa, koe haga e hogofulu a hono loloa, moe haga e hogofulu hono māukubu, bea koe haga e ono a hono maoluga, bea kuo fokotuu ia i he lotolotoga oe lotoa: bea naa ne tuu ki ai, bea naa ne tuulutui ki hono tui i he ao oe fakataha katoa o Isileli, bea naa ne mafao atu a hono nima ki he lagi, Mo ne behe, E Jihova koe Otua o Isileli, oku ikai ha Otua ke tatau mo koe i he lagi, be i he mamani; akoe oku tauhi ae fuakava, mo ke aloofa ki hoo kau tamaioeiki, akinautolu oku eveeva i ho ao i he loto haohaoa:

BEA koeni i he ene fakaoji e Solomone ae lotu, nae hoko hifo ae afi mei he lagi, bea ne keina o oji ae feilaulau tutu bea moe gaahi feilaulau; bea nae fakafonu ae fale e he nāunāu o Jihova. Bea nae ikai faa huage ae kau taulaeiki ki he loto fale o Jihova, koeuhi kuo fakafonu ae fale o Jihova aki ae nāunāu o Jihova. Bea i he jio ae fānau kotoabe a Isileli ki he ene alu hifo ae afi, bea ki he nāunāu o Jihova i he fale, naa nau bunou hifo mo ho nau mata ki he kelekele ki he fuga faliki maka, mo nau hu, mo fakafetai kia Jihova, o behe, He oku agalelei ia; bea oku taegata a ene aloofa. Bea hili ia nae atu ai e he tu‘i bea moe kakai fulibe ae gaahi feilaulau i he ao o Jihova. Bea nae atu e Solomone ha feilaulau, koe faga bulu e ua mano moe ua afe, moe faga sibi e taha kilu moe ua mano: bea behe, nae fakatabu‘i ae fale oe Otua e he tu‘i bea moe kakai kotoabe.

Bea nae ha mai a Jihova kia Solomone i he bo, mo ne behe kiate ia, Kuou fanogo ki hoo lotu, bea kuou fili ae botu ni mooku koe fale ke fai ai ae failaulau. Kabau teu tabuni ae lagi ke oua naa ai ha uha e to, bea kabau teu fekau‘i ae faga hee maumau ke keina ae fonua, bea kabau teu tuku ae mahaki fakaauha ki he lotolotoga o hoku kakai; Bea kabau e fakavaivai mai a hoku kakai oku ui aki a hoku huafa, bea nau lotu, mo nau kumi ki hoku fofoga, bea nau tafoki mei ho nau gaahi hala kovi; behe, teu toki fanogo mei he lagi, bea teu fakamolemole e nau agahala, bea teu fakamoui a ho nau fonua.

Koia nae fakamalohi‘i ia e Lehoboami i Jelusalema, bea bule ia: he nae fagofulu ta‘u moe ta‘u e taha ae motua o Lehoboami i he ene kamata bule, bea nae bule ia i he ta‘u e hogofulu ma fitu i Jelusalema, koe kolo aia nae fili e Jihova mei he gaahi faahiga kotoabe o Isileli, ke tuku ki ai hono huafa. Bea koe higoa o ene fa‘e ko Neama, koe fefine Amoni. Bea nae fai kovi ia, koeuhi nae ikai te ne teuteu hono loto ke kumi kia Jihova.

Bea nae ta‘i akinautolu e Abija mo hono kakai i he tamate‘i lahi; koia nae tamate ai oe kakai Isileli, ae kau tagata fili, e toko nima kilu.

Bea nae ikai toe ma‘u e Jeloboami ha malohi i he gaahi aho o Abija: bea nae ta‘i ia e Jihova, bea bekia ia.

Bea nae fai e Asa aia nae lelei i he ao o Jihova ko hono Otua; He naa ne fetuku o ave ke mamao ae gaahi feilaulauaga oe gaahi otua kehe, moe gaahi botu maoluga; o ne feji‘i hifo ae gaahi mea fakatātā, bea ne ta hifo ae gaahi vao tabu: Bea naa ne fekau ki Juta ke kumi kia Jihova koe Otua oe nau gaahi tamai, bea ke fai ki he fono moe fekau. Bea naa ne liaki foki mei he gaahi kolo kotoabe o Juta ae gaahi botu maoluga moe gaahi mea fakatātā: bea nae aga fekamelino be ae buleaga i hono ao.

Ka nae ikai hiki ae gaahi botu maoluga mei Isileli: ka koe mooni nae agatotonu ae loto o Asa i hono gaahi aho kotoabe.

Bea nae ita lahi a Asa ki he tagata kikite, bea ne tuku ia ki he fale fakabobula; he nae lili ia kiate ia koeuhi koe mea ni. Bea nae bule kakaha a Asa ki he kakai niihi i he kuoga koia.

Bea nae mahaki a Asa i hono va‘e, i hono tolugofulu ma hiva ta‘u o ene bule, bea nae tubu o lahi aubito ene mahaki: ka i he ene mahaki nae ikai kumi ia kia Jihova, ka ki he kau faitoo.

Bea nae ia Jihosafate a Jihova, koe mea i he ene alu i he gaahi uluaki aga o ene tamai ko Tevita, bea nae ikai te ne kumi kia Beali; Ka nae kumi eia kia Jihova koe Otua o ene tamai, bea ne alu i he ene gaahi fekau, bea nae ikai fakatatau ki he gaahi gaue a Isileli. Koia nae fakatuu mau e Jihova ae buleaga i hono nima; bea nae omi e Juta kotoabe ae gaahi mea ofa kia Jihosafate; bea ma‘u eia ae koloa moe nāunāu ke lahi aubito. Bea nae hiki hake hono loto i he gaahi hala o Jihova: bea naa ne liaki ae gaahi botu maoluga moe gaahi vao tabu mei Juta.

Bea toe behe eia, Koia fanogo ki he folofola a Jihova: Naaku mamata kia Jihova oku nofo i hono afioga, bea nae tuu ae kakai kotoabe oe lagi i hono nima toomatau mo hono toohema. Bea nae behe e Jihova, Kohai e faa fakaloto‘i a Ehabi koe tu‘i o Isileli, koeuhi ke alu hake ia o to i Lemotikiliati? Bea nae lea e he toko taha o behe, e behe be ia, bea lea e he taha kehe o behe, e behe na ia. Bea nae toki ha‘u kitua ae laumalie e taha, bea tuu ia i he ao o Jihova, o ne behe, Teu fakaloto‘i ia. Bea behe e Jihova, Aki aeha? Bea behe eia, Teu alu atu, beau hoko koe laumalie loi i he gutu o ene kau balofita kotoabe. Bea behe e Jihova, Te ke fakaloto‘i ia, bea ke lava‘i ia foki: alu atu, bea ke fai ia. Bea koeni, vakai, kuo tuku e Jihova ae laumalie loi i he gutu o ho kau balofita ni, bea kuo folofola a Jihova aki ae kovi kiate koe.

Bea nae unuunu o ofi a Setikia koe foha o Kinana, o ne ta‘i a Mikaia i he kouahe, o ne behe, Koefe ae hala nae fou ai ae Laumalie o Jihova meiate au ke lea kiate koe? Bea nae behe e Mikaia, Vakai, te ke mamata i he aho koia aia te ke hu ai ki he loki i loto ke fufu koe. Bea behe ai e he tu‘i o Isileli, Mou buke a Mikaia, bea toe ave ia kia Amoni koe bule oe kolo, bea kia Joasi koe foha oe tu‘i; Bea ke behe, Oku behe mai ae tu‘i, Fakahu ae jiana ni ki he fale fakabobula, bea fafaga ia aki ae ma oe mamahi moe vai oe mamahi, o a‘u ki he eku liu mai i he fiemalie. Bea nae behe e Mikaia, Kabau te ke liu mai mooni i he fiemalie, bea ta nae ikai folofola a Jihova iate au. Bea nae behe eia, Ae kakai kotoabe, mou tokaga.

Bea koe tagata e taha nae teke ae kau fana o fana noa be, bea nae tau ia ki he tu‘i o Isileli i he vahaa oe hokoaga oe kofu tau; koia naa ne behe ai ki he ene tagata jaliote, Tafoki ho nima, koeuhi ke ke ave au kitua mei he tau; he kuou lavea. Bea nae tubu malohi ae tau i he aho koia: ka nae boubou hake ia e he tu‘i o Isileli i he ene jaliote o tau‘i ae kakai Silia o a‘u ki he efiafi, bea nae bekia ia o feouga moe alu hifo ae laa.

Bea hili ae mea ni nae fakakau ia e Jihosafate kia Ahasia koe tu‘i o Isileli, aia nae fai agakovi lahi: Bea naa ne kau taha mo ia ke fa‘u ae gaahi vaka ke alu ki Tasisi: bea naa nau fa‘u ae gaahi vaka i Esioni‐keba. Bea nae lea ai a Eliesa koe foha o Totava mei Malesa o valoki a Jihosafate, o behe, Koe mea i hoo kau koe kia Ahasia, kuo maumau hoo gaahi gaue e Jihova. Bea nae maumau ae gaahi vaka, koia nae ikai te nau faa folau ki Tasisi.

Nae tolugofulu ta‘u moe ta‘u e ua ae motua o Jiholami i he ene kamata bule, bea nae bule eia i he ta‘u e valu i Jelusalema. Bea nae alu ia i he hala oe gaahi tu‘i o Isileli, o hage koia nae fai e he fale o Ehabi: he naa ne fakamau unoho moe ofefine o Ehabi: bea nae fai eia aia nae kovi i he ao o Jihova.

Bea nae laga‘i hake foki e Jihova ae loto oe kakai Filisitia, moe kakai Alebea, akinautolu nae vaofi moe kakai Itiobea, ke nau tau kia Jiholami: Bea naa nau alu hake ki Juta, bea naa nau oho ki loto fonua o nau fetuku o ave ae gaahi koloa kotobe nae ilo i he fale oe tu‘i, bea mo hono gaahi foha foki, mo hono gaahi unoho: koia nae ikai hano foha e taha e tuku kiate ia, ka ko Jihoaasi, koe kimui i hono gaahi foha. Bea hili ae mea ni kotoabe nae ta‘i ia e Jihova i hono kete aki ae mahaki tae faa fakamoui. Bea fai ai be o fuoloa bea hoko o behe, hili ae ta‘u e ua, nae mokulu hono gakau ki tua koe mea i he ene mahaki: koia nae bekia ia i he gaahi mahaki lahi. Bea nae ikai ha tutu maana, o hage koe tutu ki he ene gaahi tamai.

Nae uofulu ma ua ta‘u ae motua o Ahasia i he ene hoko o bule, bea naa ne bule i he ta‘u be taha i Jelusalelma. Koe higoa o ene fa‘e ko Atalia koe ofefine o Omili. Bea nae alu ia i he gaahi hala oe fale o Ehabi: he nae akonaki‘i ia e he ene fa‘e ke fai agakovi. Koia naa ne fai agakovi i he ao o Jihova o hage koe fale o Ehabi: he ko ene kau akonaki akinautolu hili ae mate a ene tamai, ke malaia ai ia.

Bea naa ne kumi a Ahasia: bea naa nau buke ia, (he nae fufu ia i Samelia) o omi ia kia Jehu; bea hili e nau tamate‘i ia, naa nau tanu ia: he naa nau behe, Koe foha ia o Jihosafate, aia nae kumi kia Jihova aki hono loto kotoa. Koia nae ikai ha malohi i he fale o Ehabi, ke buke mau ae buleaga.

Bea i he fanogo e Atalia ki he uulu oe kakai i he lele moe fakamalo ki he tu‘i, nae ha‘u ia ki he kakai ki he loto fale o Jihova: Bea jio ia, bea, vakai, nae tuu ae tu‘i i hono bou i he huaga; bea nae ofi ki he tu‘i ae houeiki moe gaahi mealea: bea nae fiefia ae kakai kotoabe oe fonua, o nau ifi ae gaahi mealea, moe kau hiva foki moe gaahi mea faiva, mo kinautolu nae ako ke hiva ae fakamalo. Bea nae hae hono kofu e Atalia, o ne behe, Koe laba, koe laba.

Bea nae fai e Jihoiata ae fuakava, aia moe kakai kotoabe, bea moe tu‘i, koeuhi ke nau hoko koe kakai a Jihova. Bea nae alu ai ae kakai kotoabe ki he fale o Beali, bea holoki hifo ia o maumau‘i, bea laiki hono gaahi feilaulauaga mo hono gaahi fakatātā ke fakaikiiki, bea nau tamate‘i a Metani koe taula o Beali i he ao oe gaahi feilaulauaga. Bea nae fakanofo e Jihoiata ae gaahi matābule oe fale o Jihova i he bule ae kau taulaeiki moe kau Livai, aia nae tufaki e Tevita i he fale o Jihova, ke atu ae gaahi feilaulau tutu, o hage ko ia nae tohi i he fono a Mosese, aki ae fiefia moe hiva, o hage koia nae tuutuuni e Tevita.

NAE fitu ta‘u ae motua o Joasi i he ene kamata ene bule, bea nae bule ia i he ta‘u e fagofulu i Jelusalema. Bea koe higoa o ene fa‘e ko Sibia mei Beasiba. Bea nae fai e Joasi aia nae lelei i he ao o Jihova i he gaahi aho kotoabe o Jihoiata koe taulaeiki.

Bea nae hoko ae Laumalie ae Otua kia Sakalia koe foha o Jihoiata koe taulaeiki, bea tuu ki oluga ia i he kakai, o ne behe kiate kinautolu, Oku behe mai e he Otua, Koe umaa hoo mou fai talagataa ki he gaahi fekau a Jihova, koia oku ikai ai te mou faa monuia? Koe mea i hoo mou liaki a Jihova, kuo ne liaki ai akimoutolu foki. Bea naa nau alea fakataha o tuu kiate ia o tologaki ia aki ae maka, i he fekau ae tu‘i, i he loto a oe fale o Jihova. Koia nae ikai manatu‘i e he tu‘i ko Joasi ki he agalelei aia nae fai e Jihoiata kiate ia, ka naa ne tamate‘i hono foha. Bea i he ene bekia, nae behe eia, Ke afio ki ai a Jihova, bea totogi ki ai.

NAE uofulu ta‘u moe ta‘u e nima ae motua o Amasia, i he ene kamata bule, bea nae bule ia i he ta‘u e uofulu ma nima i Jelusalema. Bea koe higoa o ene fa‘e ko Jihoatani o Jelusalema. Bea nae fai lelei eia i he ao o Jihova, ka nae ikai i he loto haohaoa.

Bea hili ae kuoga nae tafoki ai a Amasia mei he muimui ia Jihova naa nau teu laba kiate ia i Jelusalema; bea nae hola ia ki Lakisi: ka naa nau fekau o tuli ia ki Lakisi, bea nae tamate‘i ia i ai.

Nae hogofulu ma ono ae ta‘u oe motua o Usaia i he kamata ene bule, bea nae bule ia i he ta‘u e nimagofulu moe ta‘u e ua i Jelusalema. Bea koe higoa o ene fa‘e foki ko Jekolia o Jelusalema. Bea nae fai eia aia nae lelei i he ao o Jihova, o fakatatau ki he mea kotoabe nae fai e he ene tamai ko Amasia. Nae kumi eia ki he Otua i he gaahi aho o Sakalia, aia nae boto i he ilo ae gaahi mea ha mai ae Otua: bea lolotoga ene kumi kia Jihova, nae fakamonuia ia e he Otua.

Ka i he ene malohi nae mahikihiki hake hono loto ke kovi lahi ai ia: he naa ne fai talagataa kia Jihova ko hono Otua, bea nae hu ia ki he fale tabu o Jihova ke tutu ae mea namu kakala ki he feilaulauaga oe mea namu kakala. Bea nae hu ki ai a Asalia koe taulaeiki o muimui iate ia, bea nae iate ia ae kau taulaeiki a Jihova e toko valugofulu, koe kau tagata to‘a; Bea naa nau tali tuu ki he tu‘i ko Usaia, o nau behe kiate ia, E Usaia oku ikai iate koe ke tutu ae mea namu kakala kia Jihova, ka ki he kau taulaeiki koe gaahi foha o Elone, aia kuo fakatabu‘i ke tutu ae mea namu kakala: alu kitua koe mei he fale tabu, he kuo ke fai hala: bea e ikai foki te ke ogoogo lelei ai mei a Jihova ko ho Otua. Bea nae houhau ai a Usaia, bea nae i hono nima ae aiaga afi, ke tutu ai ae mea namu kakala: bea lolotoga ene houhau ki he kau taulaeiki, nae tubu hake ae kilia i hono foi la‘e i he ao oe kau taulaeiki i he fale o Jihova, mei he botu oe feilaulauaga oe mea namu kakala. Bea nae mamata kiate ia e Asalia koe taulaeiki lahi, bea moe kau taulaeiki kotoabe, bea, vakai, kuo kilia ia i hono la‘e, bea naa nau teke‘i ia mei ai kitua; io, bea nae fakatootoo ia ke alu kitua, he kuo ta‘i ia e Jihova. Bea nae kilia ae tu‘i ko Usaia o a‘u ki he aho o ene bekia, bea nae nofo ia i he fale liaki, he koe kilia ia; he nae motuhi ia mei he fale o Jihova: bea nae bule a Jotami ko hono foha ki he fale oe tu‘i, o fakamāu‘i ae kakai oe fonua.

NAE uofulu ta‘u moe ta‘u e nima ae motua o Jotami i he ene kamata bule, bea nae bule ia i he ta‘u e hogofulu ma ono i Jelusalema. Bea koe higoa o ene fa‘e foki ko Jelusa, koe ofefine o Satoki. Bea nae fai lelei ia i he ao o Jihova, o fakatatau ki he mea kotoabe nae fai e he ene tamai ko Usaia: ka nae ikai hu ia ki he fale tabu o Jihova. Bea nae kei fai kovi e he kakai.

NAE uofulu ta‘u ae motua o Ahasi i he ene kamata ene bule, bea nae bule ia i he ta‘u e hogofulu ma tolu i Jelusalema: ka nae ikai fai eia aia nae lelei i he ao o Jihova, o hage ko Tevita ko ene tamai: He nae alu ia i he gaahi hala oe gaahi tu‘i o Isileli, bea naa ne gaohi ae gaahi mea fakatātā haka kia Beali. Bea ne tutu foki ae mea namu kakala i he telea oe foha o Henomi, bea ne tutu ene fānau i he afi o fakatatau ki he mea kovi ae gaahi hiteni aia nae kabuji kitua e Jihova mei he ao oe fānau a Isileli.

Bea i he gaahi aho o ene mamahi naa ne fakalahi ki he ene agahala kia Jihova: ae tu‘i koeni ko Ahasi. He naa ne feilaulau ki he gaahi otua o Tamasikusi, aia nae ta‘i ia: o ne behe, Koe mea i he tokoni akinautolu i he gaahi otua oe gaahi tu‘i o Silia, koia teu feilaulau ai kiate kinautolu, koeuhi ke nau tokoni au. Ka ko hono malaiaaga akinautolu, oona mo Isileli kotoabe. Bea nae tanaki fakataha e Ahasi ae gaahi nāunāu oe fale oe Otua, o ne tuutuu ke fakaikiiki ae gaahi ibu oe fale oe Otua, bea nae tabuni ae gaahi mataba oe fale o Jihova, bea ne fokotuu ae gaahi feilaulauaga i he gaahi tuliki kotoabe o Jelusalema. Bea ne gaohi i he gaahi kolo kehekehe o Juta ae gaahi botu maoluga ke tutu ai ae mea namu kakala ki he gaahi otua kehe, bea naa ne fakatubu ae houhau lahi a Jihova koe Otua o ene gaahi tamai.

NAE uofulu ta‘u moe ta‘u e nima ae motua o Hesekaia i he ene kamata bule, bea nae bule ia i he ta‘u e uofulu ma hiva i Jelusalema. Bea koe higoa o ene fa‘e ko Abija koe ofefine o Sakalia. Bea nae fai lelei eia i he ao o Jihova, o fakatatau ki he mea kotoabe nae fai e Tevita ko ene tamai. I he uluaki ta‘u o ene bule, i he uluaki mahina, naa ne too ae gaahi mataba oe fale o Jihova, o ne gaohi ia ke lelei.

Bea koe mea koia nae lotu ai mo tagi ki lagi a Hesekaia koe tu‘i moe balofita ko Isaia koe foha o Amosi. Bea nae fekau e Jihova ae agelo, aia naa ne ta‘i ae kau tagata to‘a malohi kotoabe, moe kau taki tau moe houeiki bule i he abitaga oe tu‘i o Asilia. Koia nae toe alu ai ia o mata ma ki hono fonua. Bea i he ene hoko ki he fale o hono otua nae tamate‘i ia aki ae heleta, ekinautolu nae tubu mei hono fatu oona. Nae behe be hono fakamoui e Jihova a Hesekaia moe kakai o Jelusalema mei he nima o Senakalibe koe tu‘i o Asilia, bea mei he nima oe kakai kotoabe, bea naa ne fakahinohino‘i akinautolu i he botu kotoabe. Bea nae omi e he toko lahi ae gaahi mea foaki kia Jihova ki Jelusalema, moe gaahi mea ofa kia Hesekaia koe tu‘i o Juta: bea talu mei ai nae fakahikihiki ia i he ao oe gaahi buleaga kotoabe.

Ka koe mea i he gaue ae kau tagata fekau mei he houeiki o Babilone, aia naa nau fekau kiate ia ke fehui kiate ia i he mea mana nae fai i he fonua, nae fakatukutuku‘i ia e he Otua, ke ahiahi‘i ia, koeuhi ke ne ilo ai aia kotoabe nae i hono loto.

NAE hogofulu ta‘u moe ta‘u e ua ae motua o Manase i he ene kamata bule, bea nae bule ia i Jelusalema i he ta‘u e nimagofulu moe ta‘u e nima. Ka nae fai eia aia nae kovi i he ao o Jihova, o hage koe gaahi agakovi oe hiteni aia nae kabuji e Jihova mei he ao oe fānau a Isileli. He naa ne toe laga‘i ae gaahi botu maoluga, aia nae holoki hifo e he ene tamai ko Hesekaia, o ne fokotuu ae gaahi feilaulauaga kia Beali, o ne gaohi ae gaahi vao tabu, bea lotu ia ki he mea kotoabe oe lagi, bea ne tauhi ki ai. Bea naa ne laga ae gaahi feilaulauaga i he fale o Jihova, aia nae folofola ki ai e Jihova, E tuu hoku higoa i Jelusalema o taegata. Bea naa ne laga ae gaahi feilaulauaga ki he mea kotoabe oe lagi i he loto a e ua oe fale o Jihova. Bea naa ne bule eia ke alu ene fānau o aji i he afi i he telea oe foha o Henomi: bea naa ne tokaga foki ki he gaahi kuoga, bea ne fai ae hu fakatevolo, bea fai ae tuki fakatevolo, bea nae kaumea ia ki he laumalie kovi, bea ki he kau kikite loi: naa ne fai ae kovi lahi i he ao o Jihova, ke fakatubu ai ae houhau kiate ia. Bea nae fokotuu eia ae tamabua nae togi, koe otua loi naa ne gaohi, i he fale oe Otua, aia nae folofola ai ae Otua kia Tevita bea mo Solomone ko hono foha, Teu tuku hoku higoa i he fale ni, bea i Jelusalema aia kuou fili i he ao oe gaahi faahiga kotoabe o Isileli ke taegata: Bea e ikai teu toe hiki ae va‘e o Isileli mei he fonua aia naaku tuutuuni moo hoo mou gaahi tamai; o kabau te nau tokaga ke fai aia kotoabe naaku fekau kiate kinautolu, o fakatatau ki he fono kotoa moe gaahi tuutuuni, moe gaahi fakamāu i he nima o Mosese. Koia nae bule e Manase kia Juta moe kakai o Jelusalema ke nau he, bea ke nau fai kovi lahi hake i he hiteni, aia nae fakaauha e Jihova mei he ao oe fānau a Isileli.

Bea nae folofola a Jihova kia Manase, bea mo ene kakai: ka nae ikai te nau fie tokaga. Koia nae omi ai e Jihova kiate kinautolu ae gaahi eiki oe tau oe tu‘i o Asilia, aia naa nau buke a Manase i he gaahi tala‘i akau, bea ha‘i aki ia ae gaahi mea ha‘i, bea ave ia ki Babilone. Bea kuo moua ia i he mamahi, naa ne hu ai kia Jihova, ko hono Otua, o ne fakavaivai lahi ia i he ao oe Otua o ene gaahi tamai, Bea nae lotu ia kiate ia: bea naa ne talia eia ia, o tokaga‘i ene lotu fakakolekole, bea ne toe omi ia ki Jelusalema ki hono buleaga. Bea nae toki ilo ai e Manase ko Jihova koia koe Otua.

Bea nae ave mei ai eia ae gaahi otua kehe, bea moe otua loi mei he fale o Jihova, bea moe gaahi feilaulauaga aia naa ne laga i he mouga oe fale o Jihova, bea i Jelusalema, o ne li ia kituaa mei he kolo. Bea nae toe gaohi eia o fakalelei ae feilaulauaga o Jihova, bea ne feilaulau ki ai ae gaahi feilaulau fakamelino, moe gaahi feilaulau fakafetai, bea ne fekau ki Juta ke tauhi a Jihova koe Otua o Isileli. Ka nae kei fai feilaulau ae kakai i he gaahi botu maoluga, ka nae fai ia kia Jihova be ko ho nau Otua.

Nae uofulu ta‘u moe ta‘u e ua a Amoni i he ene kamata bule, bea nae bule ia i he ta‘u e ua i Jelusalema. Ka nae fai eia aia nae kovi i he ao o Jihova, o hage koia nae fai e Manase ko ene tamai; he nae feilaulau a Amoni ki he gaahi mea fakatātā kotoabe, aia nae tātā mo gaohi e Manase ko ene tamai, o ne tauhi ki ai; Bea nae ikai te ne fakavaivai ia i he ao o Jihova, o hage ko hono fakavaivai ia e Manase ko ene tamai: ka nae fakaaau ki mua be a Amoni i he fai hala.

NAE valu ta‘u ae motua o Josaia i he ene kamata bule, bea nae bule ia i Jelusalema i he ta‘u e tolugofulu ma taha. Bea nae fai eia aia nae lelei i he ao o Jihova, bea alu i he gaahi hala o Tevita ko ene tamai, bea nae ikai afe ia ki he nima toomatau be ki he toohema. He koeuhi i hono valu ta‘u o ene bule, i he ene kei jii, naa ne kamata kumi ki he Otua o Tevita ko ene tamai: bea i hono hogofulu ma ua ta‘u, naa ne kamata ene auhani a Juta mo Jelusalema mei he gaahi botu maoluga, moe gaahi vao tabu, moe gaahi mea fakatātā nae ta, moe gaahi mea fakatātā nae haka. Bea naa nau holoki hifo ae gaahi mea fakatātā a Beali, i hono ao; bea moe gaahi mea fakatātā nae maoluga i ai, naa ne ta hifo ia: bea naa ne ta ke fakaikiiki ae gaahi vao tabu, moe gaahi mea fakatātā nae ta, moe gaahi mea fakatātā nae haka, naa ne laiki ia ke efu, bea ne lulu ia ki he gaahi tanuaga okinautolu naa nau feilaulau ki ai.

Bea nae lea a Hilikia o behe kia Safani koe tagata tohi, Kuou ilo ae tohi oe fono i he fale o Jihova. Bea nae atu e Hilikia ae tohi kia Safani. Bea nae ave ae tohi e Safani ki he tu‘i, o ne omi ae lea ki he tu‘i, o behe, Koia kotoabe nae fekau ki hoo kau tamaioeiki kuo nau fai. Bea kuo nau tanaki fakataha ae baaga kotoabe nae ilo i he fale o Jihova, bea kuo tuku ia ki he nima oe kau eginaki gaue, bea ki he nima oe kau tagata gaue. Bea nae tala e Safani koe tagata tohi ki he tu‘i o behe, Kuo tuku mai e Hilikia koe taulaeiki ha tohi. Bea nae lau ia e Safani ki he tu‘i. Bea i he ogo‘i e he tu‘i ae gaahi lea ae fono, naa ne haehae hono gaahi kofu. Bea nae fekau e he tu‘i kia Hilikia, mo Ahikami koe foha o Safani, mo Abitoni koe foha o Maika, mo Safani koe tagata tohi, mo Asahia koe tamaioeiki ae tu‘i o behe, Mou alu, bea fehui kia Jihova koeuhi ko au, bea ma anautolu oku toe i Isileli mo Juta, ki he gaahi lea i he tohi kuo ilo: he kuo lahi ae houhau a Jihova aia kuo ligi kiate kitautolu, koe mea i he ikai tauhi e he e tau gaahi tamai ae folofola a Jihova, ke fai o fakatatau ki he mea kotoabe kuo tohi i he tohi.

Oku behe mai e Jihova, Vakai, Teu omi ae kovi ki he botu ni, bea ki hono kakai, io ae gaahi malaia kotoabe aia kuo tohi i he tohi aia naa nau lau i he ao oe tu‘i o Juta: Koe mea i he e nau naki au, bea moe tutu ae mea namu kakala ki he gaahi otua kehe, koeuhi ke nau laga‘i eku houhau lahi, aki ae gaahi gaue a ho nau nima; koia e liligi ai eku houhau lahi ki he botu ni bea e ikai fuifui ia. Bea koeuhi koe tu‘i o Juta, aia naa ne fekau akimoutolu ke fehui kia Jihova, te mou tala behe kiate ia, Oku behe mai e Jihova koe Otua o Isileli koeuhi koe gaahi lea aia kuo ke ogo‘i: Koe mea i he ogogofua a ho loto, bea naa ke fakavaivai koe i he ao oe Otua, i hoo ogo‘i ene gaahi valoki ki he botu ni, bea ki he kakai oia, bea naa ke fakavaivai koe i hoku ao, mo ke haehae ho gaahi kofu, bea tagi i hoku ao; oku behe foki e Jihova kuou ogo‘i koe.

Bea nae tuu ae tu‘i i hono botu, bea fai ae fuakava i he ao o Jihova, ke muimui ia ia Jihova, bea ke tauhi ene gaahi fekau, mo ene gaahi fakamooni, mo ene gaahi tuutuuni, aki hono loto kotoa, mo hono laumalie kotoa, ke fai ki he gaahi lea oe fuakava, aia kuo tohi i he tohi ni. Bea naa ne fakakau akinautolu kotoabe o Jelusalema, mo Benijimani, aia nae i ai ke nau tuu o fai ki ai. Bea nae fai e he kakai o Jelusalema o fakatatau ki he fuakava ae Otua, koe Otua oe nau gaahi tamai. Bea nae too o ave ke mamao e Josaia ae gaahi mea kovi mei he gaahi fonua kotoabe nae kau ki he fānau a Isileli, bea ne fakakau akinautolu kotoabe nae katoa i Isileli ke nau tauhi, io ke tauhi a Jihova ko ho nau Otua. Bea nae ikai te nau liaki e nau muimui kia Jihova, koe Otua oe nau gaahi tamai, i hono gaahi aho kotoabe oona.

Nae uofulu ta‘u moe ta‘u e tolu ae motua o Jihoaasi i he ene kamata bule, bea nae bule ia i he mahina e tolu i Jelusalema.

Nae uofulu ta‘u moe ta‘u e nima ae motua o Jihoiakimi i he ene kamata bule, bea nae bule ia i he ta‘u e hogofulu ma taha i Jelusalema: bea nae fai kovi eia i he ao o Jihova ko hono Otua.

Nae valu ta‘u ae motua o Jihoiakini i he ene kamata bule, bea nae bule ia i he mahina e tolu moe aho e hogofulu i Jelusalema: bea nae fai kovi eia i he ao o Jihova.

Bea i he hili ae ta‘u, nae fekau e he tu‘i ko Nebukanesa, bea nae omi ia ki Babilone, fakataha moe gaahi ibu matamata lelei oe fale o Jihova, bea nae fakanofo a Setikia ko hono tokoua ke ne tu‘i ki Juta mo Jelusalema.

Nae uofulu ta‘u moe ta‘u e taha ae motua o Setikia i he ene kamata bule, bea nae bule ia i he ta‘u e hogofulu ma taha i Jelusalema. Bea nae fai eia ae kovi i he ao o Jihova, ko hono Otua, bea nae ikai te ne fakavaivai ia i he ao o Jelemaia koe balofita nae lea mei he fofoga o Jihova. Bea nae agatuu ia foki ki he tu‘i ko Nebukanesa, aia naa ne fakafuakava‘i ia ki he Otua: ka naa ne fakakekeva hono kia, bea fakafefeka ki hono loto i he tae fie tafoki kia Jihova koe Otua o Isileli. Bea nae fai hala foki ae kau taulaeiki lahi kotoabe, moe kakai, o fai hala lahi o fakatatau ki he gaahi agakovi ae hiteni; o nau fakahala‘i ae fale o Jihova i Jelusalema aia naa ne fakatabu‘i.

Ka naa nau manuki ki he kau talafekau ae Otua, bea tae tokaga ki he ene gaahi lea, mo fai kovi ki he ene kau balofita, bea nae tubu ai ae houhau a Jihova ki hono kakai, bea nae ikai ha fakamoui. Koia naa ne omi ai kiate kinautolu ae tu‘i oe kakai Kalitia, aia nae tamate‘i e nau kau talavou aki ae heleta i he fale oe nau fakatahaaga, bea nae ikai ha ofa ki ha talavou be ki ha taahine, ae tagata motua, be koia oku mabelu i he motua lahi: naa ne tuku akinautolu kotoabe ki hono nima. Bea moe gaahi ibu kotoabe oe fale oe Otua, ae lahi moe jii, moe gaahi koloa ae fale o Jihova, moe gaahi koloa ae tu‘i, moe koloa a hono houeiki: bea nae omi ia kotoabe ki Babilone. Bea naa nau tutu ae fale oe Otua; bea holoki hifo ae a maka o Jelusalema, bea nae tutu hono gaahi fale fakaeieiki oia aki ae afi, bea maumau ae gaahi nāunāu matamatalelei kotoabe nae i ai. Bea ko kinautolu nae hao mei he heleta naa ne fetuku akinautolu ki Babilone; aia naa nau nofo ai koe kau tamaioeiki kiate ia bea ki hono gaahi foha o a‘u ki he bule ae buleaga o Beasia: Ke fakamooni ae folofola a Jihova i he gutu o Jelemaia, ke oua ke ma‘u fiemalie be e he fonua hono gaahi aho tabu: he koeuhi i he ene nofo lala be naa ne ma‘u ae aho tabu ke fakakakato ae ta‘u e fitugofulu.

Bea koeni i he uluaki ta‘u o Kolesi koe tu‘i o Beasia, ke fakatonutonu ai ae folofola a Jihova i he gutu o Jelemaia, nae laga‘i e Jihova ae laumalie o Kolesi koe tu‘i o Beasia, koeuhi ke fanogonogo ae fono i hono buleaga kotoabe, bea ke ai ia i he tohi foki, o behe, Oku behe e Kolesi koe tu‘i o Beasia, Kuo tuku e Jihova koe Otua oe lagi, ae gaahi buleaga kotoabe o mamani kiate au: bea kuo ne fekau kiate au keu laga ae fale moona i Jelusalema aia oku i Juta. Kohai ia iate kimoutolu kotoabe oku o hono kakai? Ke iate ia a Jihova ko hono Otua, bea tuku ke alu hake ia.

BEA koeni, i he uluaki ta‘u o Kolesi koe tu‘i o Beasia, bea koeuhi ke fakamooni ai ae folofola a Jihova i he gutu o Jelemaia, nae ue‘i e Jihova ae laumalie o Kolesi koe tu‘i o Beasia, bea nae fanogonogo eia ae fono i hono buleaga kotoabe, bea nae tohi ia foki, o behe, Oku behe e Kolesi koe tu‘i o Beasia, Kuo tuku kiate au e Jihova koe Otua oe lagi ae gaahi buleaga kotoabe o mamani: bea kuo fekau eia kiate au keu laga ae fale moona i Jelusalema, aia oku i Juta. Kohai ia iate kimoutolu i hono kakai kotoabe? ke iate ia a hono Otua, bea ke alu hake ia ki Jelusalema, aia oku i Juta, bea ke laga ae fale kia Jihova koe Otua o Isileli, (koia ia koe Otua,) aia oku i Jelusalema.

Bea koeni ke tuu hake ho mau kau bule oe fakataha kotoabe, bea ke ha‘u akinautolu kotoabe, aia kuo nau ma‘u ae gaahi unoho kehe, i ho tau gaahi kolo, i he gaahi aho e kotofa, bea ke ha‘u mo kinautolu ae kau mātua oe kolo kotoabe, moe kau fakamāu i ai, koeuhi ke fakafoki ae houhau lahi o ho tau Otua i he mea ni meiate kimautolu.

BEA hili ae gaahi mea ni nae fakahikihiki e he tu‘i ko Ahasivelo a Hamani koe foha o Hamitati koe tagata Ekaki, mo ne hakeaki‘i ia, bea ai hono nofoa ke maoluga hake i he gaahi houeiki nae iate ia. Bea nae bunou ae kau tamaioeiki kotoabe, aia nae i he mataba oe tu‘i, o nau fakaabaaba kia Hamani: he nae behe be ae fekau ae tu‘i iate ia. Ka nae ikai bunou a Motekiai, be fai fakaabaaba kiate ia. Bea behe ai e he kau tamaioeiki ae tu‘i, aia nae nofo i he mataba ae tu‘i kia Motekiai, Koeha oku ke talagataa ai ki he fekau ae tui? Bea nae hoko o behe, i he e nau lea kiate ia i he aho kotoabe, bea ikai tokaga ia kiate kinautolu, naa nau toki tala ia kia Hamani, ke vakai, be e tuu mau ae aga a Motekiai: he naa ne tala kiate kinautolu koe Jiu ia.

Bea nae toki ui ke fakataha ae kau tagata tohi ae tu‘i i hono hogofulu ma tolu oe aho oe uluaki mahina, bea nae tohi o fakatatau ki he mea kotoabe nae fekau e Hamani ki he kau matābule moe kau bule fonua aia nae bule i he gaahi buleaga, bea ki he kau bule kotoabe oe kakai kotoabe i he gaahi buleaga kotoabe o fakatatau moe tohi oia, bea ki he kakai kotoabe o tāu moe nau lea: nae tohi ia i he huafa oe tu‘i ko Ahasivelo, bea fakamau aki ae mama oe tu‘i. Bea nae ave ae gaahi tohi i he kau ave tohi ki he gaahi buleaga kotoabe oe tu‘i, ke maumau, ke tamate‘i, mo fakaauha, ae kakai Jiu kotoabe, ae iki moe motua, ae tamaiki iki, moe kau fefine, i he aho be taha, io i hono aho e hogofulu ma tolu i hono hogofulu ma ua oe mahina, aia koe mahina ko Atali, bea ke faao ae vete anautolu. Ko hono hiki oe tohi koe fekau ke atu ki he buleaga kehekehe kotoabe, nae fakaha atu ki he kakai kotoabe, koeuhi ke nau tali teu be ki he aho koia. Nae alu atu kituaa ae kau ave tohi, he nae fakavavevave ia e he fekau ae tu‘i, bea nae fai ae fono i Susani koe kolo fakaeiki. Bea nae nofo hifo ae tu‘ mo Hamani ke inu: ka nae maveuveu ae kolo ko Susani.

BEA i he ene hokojia hono tolu oe aho, nae ai e Eseta hono gaahi kofu galigali eiki, bea tuu ia i he fale i loto i he fale oe tu‘i, o hagatonu atu ki he fale oe tu‘i: bea nae nofo ae tu‘i ki hono nofoa fakatu‘i, i he fale fakatu‘i, o bagatonu atu ki he mataba oe fale. Bea nae behe, i he mamata ae tu‘i kia Eseta koe tu‘i fefine oku tuu i he loto fale, nae ma‘u eia ae ofa i hono ao: bea mafao atu e he tu‘i ae tokotoko koula kia Eseta aia nae i hono nima. Koia nae unuunu atu a Eseta, mo ne ala ki he ulu oe tokotoko. Bea nae behe ai e he tu‘i kia Eseta, Koeha oku ke kumi e tu‘i fefine ko Eseta? bea koeha hao hole? e atu ia kiate koe o a‘u ki hono vaeuaaga oe buleaga.

Kuo tuku ae fonua ki he nima oe agahala: oku ne ufiufi ae mata o hono kau fakamāu; ka ikai, bea kofaa, be kohai ia?

Te ne faa bule aia oku fehia ki he totonu? bea te ke faa fakahalaia‘i aia oku matuaki agatonu?

He oku gali ke behe ki ha tu‘i, Oku ke kovi? be ki he houeiki, Oku mou fai kovi?

KOEHA oku matalili ai ae hiteni? bea fakalaulauloto ae kakai ki he mea noabe? Oku tuu hake fakataha ae gaahi tu‘i o mamani, bea fakakaukau fakataha ae kau bule kia Jihova mo ia kuo ne bani, o behe, Ke tau motuhi e na gaahi ha‘i, bea liaki e na gaahi afo iate kitautolu. Koia oku nofo i he gaahi lagi e kata ia: e manuki a Jihova kiate kinautolu.

Ka kuou fakanofo eku tu‘i ki Saione, koe mouga o eku maonioni. Teu fakaha ae tuutuuni: nae behe e Jihova kiate au, Ko hoku Alo koe; kuou fakatubu koe i he aho ni. Ke ke lea kiate au, bea teu foaki ae gaahi hiteni ko ho tofia, moe gaahi gataaga kotoabe o mamani moou. Te ke maumau‘i akinautolu aki ae vaa ukamea; bea te ke laiki ke lailai akinautolu o hage koe ibu umea. Bea koeni, ke boto akimoutolu ae gaahi tu‘i: bea ma‘u ae akonaki akimoutolu ae kau fakamāu o mamani. Tauhi a Jihova i he manavahe, bea fiefia i he tetetete.

E teke‘i ae agahala ki loto heli, moe gaahi buleaga kotoabe oku fakagalogalo‘i ae Otua. Koeuhi e ikai galo mau ai be ae majiva: e ikai auha ke taegata ae amanaki ae majiva. Tuu hake, E Jihova; oua naa tuku ke malohi ae tagata: tuku ke fakamāu ae hiteni i ho ao. Fakamanavahe‘i akinautolu, E Jihova: koeuhi ke ilo e he gaahi buleaga koe tagata be akinautolu. Sila.

Koe Tu‘i a Jihova, o taegata bea taegata: kuo auha ae hiteni mei hono fonua.

Oku ahiahi e Jihova ae maonioni: ka koe agakovi mo ia oku manako ki he fakamalohi oku fehia hono laumalie ki ai.

E manatu mo tafoki kia Jihova ae gaahi gataaga kotoabe o mamani: bea e lotu i ho ao ae gaahi faahiga kotoabe oe gaahi buleaga. He oku o Jihova ae buleaga; bea koe bule ia i he gaahi buleaga.

Kohai ae Tu‘i ni oe nāunāu? Ko Jihova oe gaahi kau tau, koia ia koe Tu‘i oe nāunāu. Sila.

Oku iku‘i e Jihova ae fakakaukau ae hiteni: oku ne fakataeaoga‘i ae gaahi tuutuuni ae kakai. Koe akonaki a Jihova oku tuu mau o taegata, moe gaahi mahalo o hono finagalo ki he toutagata kotoabe. Oku monuia ae buleaga koia oku Otua aki a Jihova; bea moe kakai kuo ne fili koe tofia oona.

He ko Jihova fugani maoluga oku fakailifia ia; koe Tu‘i lahi ia ki mamani kotoabe. Te ne fakavaivai ae kakai kiate kitautolu, moe gaahi buleaga ki ho tau lalo va‘e. Te ne fili ho tau tofia ma atautolu, koe lelei o Jekobe aia oku ne ofa ki ai. Sila. Kuo haele hake ae Otua i he mavava, ko Jihova moe le‘o oe mea lea. Hiva fakamalo ki he Otua, hiva fakamalo: hiva fakamalo ki ho tau Tu‘i, hiva fakamalo. He koe Otua koe Tu‘i ia o mamani kotoabe: mou hiva fakamalo i he boto. Oku bule ae Otua ki he hiteni: oku afio ae Otua i he afioaga o ene maonioni.

He ko Jihova koe Otua lahi, bea koe Tu‘i lahi hake ia i he gaahi otua kotoabe.

Mou kalaga fakafiefia aki ae gaahi mealea moe le‘o oe mealea, i he ao o Jihova koe Tu‘i.

Koia e manavahe ai ae hiteni ki he huafa o Jihova, bea koe gaahi tu‘i kotoabe o mamani ki ho nāunāu.

Koe mea iate au oku bule ai ae gaahi tu‘i, bea fai fakamāu e he houeiki. Oku bule ae houeiki iate au, moe kakai eiki, moe kau fakamāu kotoabe o mamani.

Oku hiki hake e he maonioni ae buleaga: ka koe mea fakama ae agahala ki he gaahi buleaga. Oku ofeina e he tu‘i ae tamaioeiki oku boto: ka oku houhau ia kiate ia oku tubu mei ai ae ma.

Oku ha‘u mei he lougutu oe tu‘i ae fakamāu oku totonu: oku ikai fai hala hono gutu i he ene fai ae fakamāu. Koe mea fakamamafa moe mea fakatatau totonu oku mei a Jihova ia: koe maka fakamamafa kotoabe oku i he kato ko ene gaue ia. Koe mea fakalielia ae fai agahala ae gaahi tu‘i: he oku fokotuu mau ae nofoa oe tu‘i i he maonioni. Koe fiefiaaga oe gaahi tu‘i ae lougutu oku maonioni; bea oku nau ofa kiate ia oku lea totonu. Koe tubutamaki oe tu‘i oku tatau ia moe gaahi talafekau ae mate: ka e lolomi ia e he tagata oku boto. I he māma oe fofoga oe tu‘i oku ai ae moui; bea ko ene ofa oku hage ia koe ao oe uha mui.

Oku ikai gali moe vale ae fiefia; kae hua noa hono tae gali oe bule ae tamaioeiki ki he houeiki. Oku fakatuotuai ae ita e he fakabotoboto ae tagata: bea koe mea oku ne ogoogolelei ai ko ene fakamolemole ha agahala. Oku tatau ae tubutamaki oe tu‘i moe gugulu ae laione; ka ko ene loto lelei oku hage koe hahau ki he mohuku.

Koe tubutamaki oe tu‘i oku hage koe gugulu ae laione; bea ko ia oku ne fakatubu ene houhau oku fai agahala ia ki hono laumalie oona.

Koe tu‘i oku nofo i he nofoa oe fakamāu, oku ne fakahe‘e ae kovi aki hono fofoga.

OKU i he nima o Jihova ae loto oe tu‘i, o hage koe vai oe gaahi vaitafe: he oku ne fefakatafokiaki ia ko ene faiteliha aana.

E hoku foha, ke ke manavahe koe kia Jihova, bea moe tu‘i: bea oua naa ke kau kiate kinautolu oku loto feliliuaki: Koeuhi e tubu fakafokifa e nau tuutamaki; bea kohai oku ne ilo‘i ho na tautea fakatouoji?

Koe nāunāu ia oe Otua ke fakafufu ha mea: ka koe mea e ogoogolelei ai ae gaahi tu‘i ke kumi ke ilo ae gaahi mea. Koe lagi i hono maoluga, moe mamani i hono taumamao, moe loto oe gaahi tu‘i, oku tae faa ilo‘i. Ke too atu ae uli mei he siliva, bea e gaohi mei ai ha ibu eia oku ne fakamaa siliva. Ke ave ae agahala mei he ao oe tu‘i, bea e fokotuu mau ai hono nofoa fakaeieiki i he maonioni. Oua naa ke hiki hake koe i he ao oe tu‘i, bea oua naa ke tuu i he botu oe kakai maoluga. He oku lelei hake ke lea o behe kiate koe, Alu hake koe ki heni; i he tuku koe o fakamāulalo i he ao oe tu‘i kuo ke mamata ki ai.

O hage koe laione gugulu, moe beaa oku oho fano; oku behe ae bule oku agakovi ki he ene kakai majiva. Koe tu‘i foki oku majiva i he fakakaukau oku lahi ene fakamalohi: ka ko ia oku fehia ki he manumanu oku fakatologa eia hono gaahi aho.

Oka bule ae maonioni oku fiefia ai ae kakai: ka oka ma‘u ae bule e he agahala oku mamahi ai ae kakai. Ko ia oku manako ki he boto oku ne fakafiefia‘i a ene tamai: ka oku maumau‘i ene koloa eia oku kaumea moe kau faa feauaki. Koe mea i he fakamāu totonu ae tu‘i oku fokotuu mau ai ae fonua: ka ko ia oku ne faa ma‘u ae gaahi foaki oku ne fakamalaia ia.

Kabau oku faa tokaga aia oku bule ki he gaahi loi, e hoko o kovi a ene kau tamaioeiki kotoabe. Oku faa fakataha be ae majiva bea moe kākā: bea oku fakatou māmagia ho na mata mei a Jihova. E fokotuu mau ke taegata ae nofoa fakaeieiki oe tu‘i koia oku fai totonu ae fakamāu ki he majiva.

Oku ikai tāu moe gaahi tu‘i, E Limueli, oku ikai tāu moe gaahi tu‘i ke faa inu kava; be ke inu e he houeiki ae kava kona: Telia naa nau inu, bea galo ai ae fono, bea tae totonu ai ae fakamāu ki he kakai oku mamahi.

Oku ou eginaki‘i koe ke ke fai ki he fekau ae tu‘i, bea ke fai ia koeuhi koe fuakava ae Otua. Oua naa alu atu fakavave i hono ao: oua naa ke kau i ha mea kovi; he oku fai eia a ene faiteliha. Koe mea oku lea ki ai ae tu‘i oku i ai ae malohi: bea kohai e faa behe kiate ia, Koeha oku ke fai?

Oua naa lea kovi ki he tu‘i, oua aubito naa ke mahalo ki ai; bea oua naa lea kovi ki he koloaia i ho botu mohe: koeuhi e fakaogo atu ho le‘o e he manu buna oe atā, bea e tala ae mea e he manu oku kabakau.

Kuo lala ho mou fonua, kuo vela ho mou gaahi kolo i he afi: bea ko ho mou fonua, oku kai o oji e he kakai muli i ho mou ao, bea oku lala ia, o hage kuo fakaauha e he kau muli. Bea kuo tuku ae ofefine o Saione o hage koe fale jii i he goue vaine, o hage koe fale leo i he goue kukumiba, o hage koe kolo kuo kabui e he tau. Ka ne ikai tuku kiate kitautolu e Jihova oe gaahi kau tau ha toko jii, behe, kuo tau hage ko Sotoma, bea kuo tau tatau mo Komola. Fanogo ki he folofola a Jihova, akimoutolu ae kau bule o Sotoma; fakafanogo ki he fono a ho tau Otua, akimoutolu koe kakai o Komola.

Oua naa toe omi ae gaahi feilaulau taeaoga; koe mea fakalielia kiate au ae tutu oe akau namu lelei; koe gaahi mahina foou moe gaahi aho tabu, moe ui ke fakataha, oku ikai teu faa kataki; bea naa moe fakataha ke lotu koe agahala ia. Oku fehia a hoku laumalie ki hoo mou gaahi mahina foou mo hoo mou gaahi katoaga: koe mea fakamamahi ia kiate au; kuou fiu i hono kataki.

Bea te ne fakamāu i he lotolotoga oe gaahi buleaga, mo ne valoki‘i ae kakai toko lahi: bea te nau tuki ae nau gaahi heleta koe gaahi huo, bea mo ho nau gaahi tao koe gaahi hele auhani: e ikai hiki e ha buleaga ae heleta ki ha buleaga, bea e ikai te nau toe ako ki he tau.

Oua naa mou behe, Koe tau, kiate kinautolu kotoabe oku behe ki ai ae kakai ni, koe tau, bea oua e manavahe ki he e nau fakamanavahe‘i, bea oua naa mou ilifia.

He kuo fanau‘i kiate kitautolu ae tamajii, kuo foaki kiate kitautolu ae foha: bea e i hono uma ae bule: bea e ui hono huafa ko Fakaofo, ko Akonaki, koe Otua Mafimafi, koe Tamai Taegata koe Eiki oe Melino. I he tubu o ene bule moe melino e ikai hano gataaga, i he nofoaga o Tevita, bea i hono buleaga, ke fakatonutonu ia, bea ke fokotuu mau ia i he fakamāu bea moe agatonu mei he aho ni o taegata. Koe ofa a Jihova oe gaahi kau tau te ne fai ae mea ni.

Bea ko Babilone, koe lelei lahi oe gaahi buleaga, koe toulekeleka oe laukau ae kakai o Kalitia, e tatau ia moe fakaauha a Sotoma mo Komola e he Otua. E ikai aubito toe kakai ia, e ikai nofo i ai ha kakai mei he toutagata ki he toutagata: bea e ikai fokotuu e ha tagata Alebea ae fale fehikitaki i ai; bea e ikai gaohi i ai e he kau tauhi sibi ha nau lotoa.

Te ke too hake ae lea mamafa ni ki he tu‘i o Babilone, o behe, Hono ikai kuo jiaki aia nae bule fakamalohi! hono ikai kuo jiaki ae kolo nae faa kumi koula! Kuo feji‘i e Jihova ae tokotoko oe agakovi, bea moe fakailoga oe kau bule.

Kuo uli‘i foki ae fonua i hono kakai; koeuhi kuo nau maumau‘i ae gaahi fono, o liliu ae tuutuuni, o maumau‘i ae fuakava taegata. Koia kuo auha ai ae fonua i he malaia, bea ko kinautolu oku nofo ai oku nau mamahi: koia kuo tutu ai ae kakai o mamani, bea oku toe ae tagata toko jii be.

VAKAI e bule ha tu‘i i he maonioni, bea e bule moe gaahi houeiki i he fai agatonu.

He ko Jihova ko ho tau fakamāu, ko Jihova ko ho tau fai fono, ko Jihova ko ho tau tu‘i; te ne fakamoui akitautolu.

Aia oku behe kia Kolesi, Ko hoku tauhi ia, bea te ne fai hoku finagalo kotoabe: io o ne behe ki Jelusalema, E laga koe; bea ki he fale lotu lahi, E ai ho tuuga.

OKU behe e Jihova ki he ene bani, kia Kolesi, aia kuou buke ki hono nima toomatau, ke fakavaivai ae gaahi buleaga i hono ao; bea teu vete ae nootaga vala oe gaahi tu‘i, ke fakaava i hono ao ae gaahi mataba lou ua; bea e ikai tabuni ae gaahi mataba;

He koe kakai moe buleaga e ikai tauhi kiate koe e auha ia; io, e lala aubito ae gaahi buleaga koia.

Vakai, Kuou foaki kiate koe i he aho ni ae malohi ki he gaahi kakai, moe gaahi buleaga, ke taaki, mo veteki, ke fakaauha, mo li ki lalo, ke laga hake, mo to.

He oku behe, e Jihova, Kuo fai kākā aubito kiate au, e he fale o Isileli bea moe fale o Juta.

Bea oku behe e Jihova, Vakai, Teu omi ha kakai mei he mamao kiate kimoutolu, E fale o Isileli, koe kakai malohi, koe kakai mua be, koe kakai e ikai te ke boto i he e nau lea, be ilo‘i aia oku nau lea aki.

He oku nau taki taha manumanu mei he iki o a‘u ki he lalahi; bea taki taha fai kākā mei he balofita, io, o a‘u ki he taulaeiki.

Ka ko Jihova koe Otua mooni, koe Otua moui ia, bea koe Tu‘i taegata: bea e gau‘eu‘e a mamani i hono houhau, bea e ikai faa kataki e he gaahi buleaga a ene tubutamaki.

Ka oku behe e Jihova, kabau e ikai te nau talagofua, teu taaki mooni bea fakaauha ae buleaga koia.

Bea nae toki hoko kiate au ae folofola a Jihova, o behe. Oku behe e Jihova, E fale o Isileli, ikai teu fai kiate kimoutolu o hage koe tufuga gaohi ibu ni? Vakai, E fale o Isileli, oku mou i hoku nima, o hage koe umea i he nima oe tagata tufuga gaohi ibu. O kau ka lea ki ha kakai, be ha buleaga, ke taaki, be li ki lalo, be fakaauha ia; Kabau e tafoki ae kakai, aia kuou lea ki ai, mei he e nau kovi, teu fakatomala i he kovi aia naaku loto ke omi kiate kinautolu. Bea kau ka lea ki ha kakai, bea ki ha buleaga, ke laga mo fokotuu ia; Kabau e fai kovi ia i hoku ao, bea ikai talagofua ki hoku le‘o, bea teu toki fakatomala i he lelei, aia naaku behe teu fai ke nau lelei ai.

Bea moe gaahi tu‘i kotoabe oe tokelau, ae ofi moe mamao o lau fakataha, bea moe gaahi buleaga kotoabe o mamani, oku i he fuga oe kelekele: bea e inu fakamuimui iate kinautolu ae tu‘i o Sisaki. Koia ke ke lea kiate kinautolu, Oku behe e Jihova oe gaahi kau tau, koe Otua o Isileli; Mou inu, ke mou kona, mo lua, mo higa, bea oua naa toe tuu hake, koeuhi koe heleta aia teu fekau kiate kimoutolu.

Oku behe e Jihova oe gaahi kau tau, Vakai, e alu atu ae kovi mei he kakai, ki he kakai, bea e fakatubu mei he gataaga o mamani ae ahiohio lahi. Bea i he aho koia, e tamate‘i e Jihova mei hono gataaga e taha o mamani o a‘u ki hono gataaga e taha o mamani: bea e ikai ha mamahi koeuhi ko kinautolu, bea e ikai tanaki, be tanu: ka e hoko akinautolu koe kinohaa i he fuga fonua. Tagi, mo tagilāulāu akimoutolu koe kau tauhi, bea fetafokifokiaki akimoutolu i he efuefu, ko kimoutolu koe tauhi lahi; he kuo hokojia ae gaahi aho o hoo mou fakamovetevete, bea mo hoo mou tamate‘i; bea e maumau‘i akimoutolu o hage koe ibu maugataa. Bea e ikai ha hala ke hola ai ae kau tauhi, be ha haoaga ki he tauhi lahi. E ogo mai ae le‘o oe tagi ae kau tauhi, bea moe tagilāulāu ae tauhi lahi: he kuo maumau‘i e Jihova e nau goue.

Bea kumi ke melino ae kolo aia kuou bule‘i ke fetuku fakabobula akimoutolu ki ai, bea hufia ia kia Jihova: he te mou ma‘u ae fiemalie i hono melino.

Hono ikai tuuji mo maumau‘i ae hamala o mamani kotoabe! Hono ikai hoko a Babilone koe mea fakaofo i he gaahi buleaga!

Mou hola mei loto Babilone, bea fakahaofi e he tagata taki taha a ene moui: ke oua naa fakaauha akimoutolu i he ene hia: he koe kuoga eni oe houhau o Jihova: te ne atu kiate ia ae totogi. Ko Babilone koe ibu koula i he nima o Jihova, aia nae fakakona a mamani kotoabe: kuo inu ae gaahi buleaga ki he ene uaine; koia kuo faha ai ae gaahi buleaga.

Kabau e kaka hake a Babilone ki he gaahi lagi, bea kabau te ne gaohi hono gaahi botu malohi ki oluga, ka oku behe e Jihova, E alu atu meiate au kiate ia ae kau maumau‘i.

Bea teu fakakona‘i hono houeiki, bea mo hono kau tagata boto, mo hono gaahi eiki, mo hono kau bule, bea mo hono kau tagata malohi: bea te nau mohe i he mohe taegata, bea e ikai toe a, oku behe e he tu‘i, aia ko hono huafa ko Jihova oe gaahi kau tau. Oku behe e Jihova oe gaahi kau tau; E maumau aubito ae gaahi a laulahi o Babilone, bea e tutu aki ae afi hono gaahi mataba maoluga; bea e gaue taeaoga ae kakai, bea e feiga ae gaahi buleaga koeuhi koe afi.

Bea oku ne liliu ae gaahi kuoga, moe gaahi faahita‘u: oku ne ave ae gaahi tu‘i, bea oku ne fokotuu ae gaahi tu‘i: oku ne foaki ae boto ki he kau boto, moe ilo kiate kinautolu oku ilo loto.

Ko eni ae miji; bea te mau fakaha i he ao oe tu‘i a hono uhiga oia. Ko koe, e tu‘i, koe tu‘i koe oe gaahi tu‘i, he kuo foaki kiate koe e he Otua oe lagi ha buleaga moe bule, moe malohi moe nāunāu. Bea i he gaahi botu kotoabe oku nofo ai ae fānau ae tagata, kuo ne tuku ki ho nima ae faga manu kotoabe oe vao, moe faga manu buna kotoabe oe atā, bea kuo ne fokotuu koe koe bule kiate kinautolu kotoabe; ko koe koe ulu ni oe koula. Bea e tubu ki mui iate koe ha buleaga kehe, o jii hifo iate koe, mo ha buleaga kehe, ko hono tolu, oe balasa, aia e fai ae bule i mamani kotoabe. Bea ko hono fa oe buleaga e malohi ia o hage koe ukamea; he koeuhi oku maumau mo iku‘i e he ukamea ae gaahi mea kotoabe: bea hage oku maumau e he ukamea ae gaahi mea ni, te ne laiki mo fakavolu. Bea koeuhi i hoo mamata ki he va‘e moe gaahi louhi‘i va‘e, koe koga oe umea, moe koga oe ukamea, e vahevahe ae buleaga; ka e i ai ae malohi oe ukamea; he koeuhi naa ke mamata ki he ukamea nae fefiofi moe umea belebela. Bea hage koe gaahi louhi‘i va‘e, nae ukamea ha koga bea umea ha koga, e behe ae buleaga, e malohi ha koga bea belebelegeji ha koga. Bea hage naa ke mamata ki he ukamea nae fefiofi moe umea belebela, te nau fefiofi‘i akinautolu moe hako oe tagata, ka e ikai te nau febikitaki, o hage oku ikai ke fefiofi ae ukamea moe umea. Bea i he gaahi aho oe gaahi tu‘i ni e fokotuu e he Otua oe lagi, ha buleaga, aia e ikai auha o lauikuoga: bea e ikai tuku ae buleaga ki ha kakai kehe, ka te ne laiki mo fakaauha ae gaahi buleaga ni kotoabe, bea e tuu mau ia o taegata. Bea koeuhi naa ke mamata, nae ta ae maka mei he mouga tae kau ai ha nima, bea naa ne maumau‘i ae ukamea, ae balasa, ae umea, ae siliva, bea moe koula; kuo fakaha e he Otua lahi ki he tu‘i, aia e hoko amui: bea oku mooni ae miji, bea ko hono uhiga oia oku mau.

Bea nae to hifo ae tu‘i ko Nebukanesa ki hono fofoga, bea ne hu kia Taniela, bea ne fekau ke nau atu ha feilaulau moe gaahi mea namu kakala kiate ia. Nae lea ae tu‘i kia Taniela, bea ne behe Koe mooni ko ho mou Otua, koe Otua oe gaahi otua bea moe Eiki oe gaahi tu‘i, bea koia oku fakaha ae gaahi mea fufu, koeuhi naa ke mafai ke fakaha ae mea fufu ni. Bea nae gaohi a Taniela e he tu‘i, koe tagata lahi, bea ne foaki kiate ia ae gaahi mea lahi kehekehe, bea ne fokotuu ia koe bule ki he botu kotoabe o Babilone, bea koe uluaki ia i he kau bule ki he kau tagata boto kotoabe o Babilone. Bea nae kole e Taniela ki he tu‘i bea ne fokotuu a Seteleki, mo Mesake, mo Abeteniko ke bule i he gaahi mea oe botu o Babilone: ka nae nofo a Taniela i he mataba oe tu‘i.

NAE gaohi e Nebukanesa koe tu‘i ha mea fakatātā koula, aia nae teau ma uofulu ae haga o hono maoluga, bea ko hono māukubu koe haga e hogofulu ma ua; naa ne fokotuu ia i he toafa o Tula i he vahe fonua o Babilone. Bea nae fekau e Nebukanesa, ke fakataha ae houeiki hau moe gaahi bule, moe gaahi eiki tau, moe gaahi houeiki, moe kau bule koloa, moe kau tagata fakamatala fono, moe kau fakamāu, bea moe kau bule kotoabe oe gaahi fonua, ke nau ha‘u ki he fakatabu‘i oe mea fakatātā aia nae fokotuu e he tu‘i ko Nebukanesa. Koia nae fakataha ai ae houeiki ha‘u, moe gaahi bule, moe gaahi eiki tau, moe houeiki moe kau bule koloa, moe kau fakamatala fono, moe kau fakamāu, bea moe kau bule oe gaahi fonua, ki he fakatabu‘i oe mea fakatātā aia nae fokotuu e he tu‘i ko Nebukanesa; bea naa nau tuu i he ao oe mea fakatātā aia nae fokotuu e Nebukanesa. Bea nae kalaga malohi ae tagata fekau; Oku fekau kiate kimoutolu, ae kakai moe gaahi buleaga moe kakai i he lea kehekehe; Oka mou ka fanogo ki he le‘o oe koaneti, moe fagufagu, ae haabe moe sakibute, ae saliteli moe lali, moe gaahi mea hiva kehekehe kotoabe, te mou bunou hifo, mo hu ki he mea fakatātā aia kuo fokotuu e he tu‘i ko Nebukanesa; Bea koia e ikai bunou mo hu, e li ia i he feituulaa koia ki he loto afi vela kakaha. Koia i he feituula koia, i he fanogo ae kakai kotoabe ki he le‘o oe koaneti moe fagufagu, ae haabe, moe sakibute, ae saliteli, bea moe gaahi mea hiva kehekehe kotoabe, nae bunou hifo o hu ae kakai kotoabe, ae gaahi buleaga, bea moe gaahi lea, ki he mea fakatātā koula aia nae fokotuu e he tu‘i ko Nebukanesa.

Bea i he aho koia nae unuunu atu ha niihi oe kau Kalitia, o talatalaaki‘i ae kau Jiu. Naa nau lea ki he tu‘i ko Nebukanesa o behe, E tu‘i, ke ke moui o taegata. Ko koe, e tu‘i, kuo ke fai fono, koeuhi koe tagata kotoabe aia e fanogo ki he le‘o oe koaneti, moe fagufagu, ae haabe, moe sakibute, ae saliteli, moe lali, moe mea hiva kehekehe ke ne bunou hifo o hu ki he mea fakatātā koula: Bea koia e ikai tomabee o hu, e li ia ki he loto afi vela kakaha. Oku ai ae kau Jiu niihi, aia kuo ke fokotuu ke bule ki he gaahi gaue i he botu o Babilone, ko Seteleki, mo Mesake, mo Abeteniko; koe kau tagata ni, e tu‘i, kuo nau tae tokaga kiate koe; oku ikai te nau tauhi‘i ho gaahi otua, be hu ki he mea fakatātā koula, aia kuo ke fokotuu. Koia nae fekau e Nebukanesa i he ene houhau mo ene tubutamaki ke omi a Seteleki, mo Mesake, mo Abeteniko. Koia naa nau omi ae kau tagata ni ki he ao oe tu‘i. Bea ne lea a Nebukanesa, o beheage kiate kinautolu, Oku mooni, e Seteleki, mo Mesake, mo Abeteniko, oku ikai te mou tauhi‘i a hoku gaahi otua, be hu ki he mea fakatātā koula aia kuou fokotuu? Koeni, kabau te mou tali oka mou ka fanogo ki he le‘o oe koaneti, moe fagufagu, ae haabe, moe sakibute, ae saliteli, moe lali, moe gaahi mea hiva kehekehe kotoabe, bea te mou bunou o hu ki he mea fakatātā aia kuou gaohi; behe e lelei: bea kabau e ikai te mou hu, e li akimoutolu i he feituulaa koia, ki he loto afi vela kakahā; bea kohai ae otua koia te ne fakahaofi akimoutolu mei hoku nima?

Bea nae tali e Seteleki, mo Mesake, mo Abeteniko, o behe ki he tu‘i, E Nebukanesa, oku ikai te mau toe fifili be koeha haa mau tali kiate koe i he mea ni. Kabau oku behe, oku malohi a ho mau Otua, aia oku mau tauhi ke fakahaofi akimautolu mei he afi vela kakaha, bea te ne fakahaofi akimautolu mei ho nima, e tu‘i. Bea kabau e ikai, ke ke ilo be e tu‘i, e ikai te mau tauhi‘i ho gaahi otua, be hu ki he mea fakatātā koula aia kuo ke fokotuu. Koia nae fonu ai a Nebukanesa i he houhau, bea nae kehe ae aga o hono fofoga kia Seteleki, mo Mesake, mo Abeteniko, koia naa ne lea o fekau ke nau tafu ae afi ke liuga fitu hake ene vela i he ene faa vela. Bea ne fekau ki he kau tagata malohi hake i he ene kogakau ke ha‘i a Seteleki, mo Mesake, mo Abeteniko, bea li akinautolu ki he afi vela kakaha. Koia nae ha‘i ae kau tagata ni mo ho nau gaahi kofu tua, mo ho nau gaahi kofu loto, mo ho nau gaahi tatā, bea nae li akinautolu ki he loto afi vela kakaha. Bea koe mea i he fekau ae tu‘i ke fai ke tootoo, bea mo ene vela aubito ae afi, nae tamate‘i e he ulo oe afi ae kau tagata koia nae hiki hake a Seteleki, mo Mesake, mo Abeteniko. Bea nae to hifo ae kau tagata e toko tolu ni, ko Seteleki, mo Mesake, mo Abeteniko, ki he loto afi vela kakaha.

Bea nae ofo ae tu‘i ko Nebukanesa, bea ne tuu hake fakavave, mo ne lea o behe, ki he kau tagata tokoni i he bule, Ikai naa tau li ae kau tagata e toko tolu kuo ha‘i ki he loto afi? Bea naa nau lea o behe ki he tu‘i, Oku mooni, e tu‘i. Bea nae lea ae tu‘i o beheage kiate kinautolu, Vakai, oku ou mamata ki he kau tagata e toko fa, oku ataatā, bea oku nau eveeva i he loto afi, bea oku ikai ha kovi kiate kinautolu, bea koe aga o hono toko fa, oku hage ia koe Alo oe Otua. Bea nae unuunu atu a Nebukanesa o ofi ki he mataba ki he afi vela kakaha, o ne lea o behe, E Seteleki, mo Mesake, mo Abeteniko, akimoutolu ae kau tamaioeiki ae Otua maoluga, mou hu mai bea ha‘u ki heni. Bea nae hu mai a Seteleki, mo Mesake, mo Abeteniko, mei he loto afi. Bea nae mamata e he houeiki hau, moe gaahi bule, moe gaahi eiki tau, moe kau mātua ae tu‘i, i he e nau fakataha, ki he kau tagata ni, aia nae ikai ke malohi ae afi ki ho nau jino, bea nae ikai mahunuhunu ha tuoni louulu e taha i ho nau ulu, bea nae ikai ke fakakehe ho nau kofu, bea nae ikai ke hoko ae nanamu oe afi kiate kinautolu.

Bea nae lea a Nebukanesa o behe, Oku monuia ae Otua o Seteleki, mo Mesake, mo Abeteniko, aia kuo fekau a ene agelo, bea kuo ne fakahaofi eue kau tamaioeiki nae falala kiate ia, bea kuo nau liliu ae lea ae tu‘i, o fakahaofi a ho nau jino, koeuhi ke oua naa nau tauhi, be hu ki ha otua, ka ko ho nau Otua be. Koia oku ou fokotuu ae fono, iloga ha kakai, be ha buleaga, be ha lea, oku lea kovi ki he Otua o Seteleki, mo Mesake, mo Abeteniko, e tuutuu fakaikiiki akinautolu, bea e gaohi ho nau gaahi fale koe tuuga otoota: koeuhi oku ikai mo ha Otua e faa fakahaofi o hage koeni. Bea nae hakeaki‘i e he tu‘i a Seteleki, mo Mesake, mo Abeteniko, i he fonua o Babilone.

KOE tu‘i ko Nebukanesa, ki he kakai kotoabe, moe gaahi buleaga, moe gaahi lea, aia oku nofo i mamani fulibe; Ke tubulekina ae melino kiate kimoutolu. Neu behe e lelei ke fakaha ae gaahi fakailoga, moe gaahi mea fakaofo, aia kuo fai e he Otua maoluga kiate au. Oku lahi hono gaahi fakailoga! bea oku malohi ene gaahi mea fakaofo! ko hono buleaga koe buleaga taegata, bea ko ene bule oku mei he toutagata ki he toutagata.

Oku fai ae mea ni i he fono ae kau leo, bea moe eke i he fekau ae kau maonioni: koeuhi ke ilo e he kakai moui oku bule aia oku Maoluga taha be i he buleaga oe tagata, bea oku faiteliha ia ki ha taha e tuku ki ai, bea oku ne hakeaki‘i ki ai ae kakai oku māulalo taha be.

Te nau kabuji koe mei he kakai, bea te ke nofo moe faga manu oe goue, bea te nau bule‘i koe ke kai mohuku o hage koe faga bulu, bea te nau fakaviviku koe aki ae hahau oe lagi, bea te ke behe i he kuoga e fitu, kae oua ke ke ilo oku bule ae Fugani Maoluga i he buleaga oe tagata, bea oku ne foaki ia kiate ia oku ne faiteliha ki ai.

Koia, e tu‘i, tuku ke lelei eku tokoni kiate koe, bea motuhi hoo gaahi agahala, ka ke maonioni, bea mo hoo gaahi hia, ka ke fai ofa ki he majiva, hei ilo e tolotologa ai a hoo melino.

Nae hoko ae gaahi mea ni kotoabe ki he tu‘i, ko Nebukanesa. Hili ae mahina e hogofulu ma ua, nae eveeva ia i he fale tubua oe tu‘i o Babilone. Bea lea ae tu‘i o behe, Ikai ko Babilone eni, koe fale oe buleaga aia kuou laga i hoku malohi, bea koeuhi ke ogoogo hoku nāunāu? Lolotoga nae kei i he fofoga oe tu‘i ae lea, nae ogo mai mei he lagi ae le‘o nae behe, E tu‘i ko Nebukanesa, kuo fai ae lea kiate koe; kuo homo meiate koe ae buleaga. Bea te nau kabuji koe mei he kakai; bea te ke nofo moe faga manu oe goue, bea te nau bule‘i koe ke kai mohuku o hage koe faga bulu, bea e oji ae kuoga e fitu mo hoo behe, kae oua ke ke ilo oku bule ae Fugani Maoluga i he buleaga oe tagata, bea oku ne foaki ia kiate ia oku ne faiteliha ki ai. I he feituulaa be koia nae fakamooni ae mea ni kia Nebukanesa: bea nae kabuji ia mei he kakai, bea naa ne kai ae mohuku o hage koe faga bulu, bea nae viviku hono jino i he hahau oe lagi, bea nae tubu hono fulufulu o hage koe fulufulu‘i ikale, bea mo hono geeji nima o hage koe bejibeji oe faga manu buna.

Bea hili ae gaahi aho koia, ko au Nebukanesa, neu hiki hake hoku mata ki he lagi, bea nae toe hoko mai kiate au hoku loto, bea neu fakafetai ki he Fugani Maoluga, bea naaku fakamalo mo fakaabaaba kiate ia oku moui taegata, aia oku bule koe bule taegata, bea ko hono buleaga oku mei he toutagata ki he toutagata. Bea oku ne lau ae kakai fulibe o mamani koe mea noabe: bea oku ne fai o fakatatau mo hono finagalo i he kau tau oe lagi, bea ki he kakai o mamani: bea oku ikai ha toko taha e taofi hono nima, be behe kiate ia, koeha oku ke fai? Bea feouga mo ia nae toe hoko mai ae boto kiate au; bea koeuhi ke ogoogolelei ai a hoku buleaga, nae toe hoko mai a hoku nāunāu moe lelei kiate au; bea nae kumi mai kiate au eku gaahi houeiki mo eku kau fakamāu, bea nae toe fokotuu au i hoku buleaga, bea nae tubulekina hoku ogoogolelei. Bea ko au Nebukanesa, oku ou fakafetai mo fakamalo mo fakaabaaba, ki he tu‘i oe lagi, aia oku mooni ene gaahi gaue kotoabe, bea ko ene ulugaaga koe fakamāu: bea oku ne mafai ke fakavaivai‘i akinautolu oku alu fielahi.

Oku ai ae tagata i ho buleaga, aia oku iate ia ae atamai oe gaahi otua maonioni, bea i he gaahi aho o hoo tamai, nae ilo iate ia ae māma, moe ilo, moe boto, o hage koe boto oe gaahi otua; aia nae fakanofo e he tu‘i ko Nebukanesa ko hoo tamai, oku ou behe, ae tu‘i ko hoo tamai, koe bule oe kau fai mea mana moe kau asitolonoma, moe kau Kalitia moe kau kikite:

Ko koe, e tu‘i, nae foaki e he Otua fugani maoluga, kia Nebukanesa ko hoo tamai, ha buleaga moe malohi, moe nāunau, moe fakaabaaba; Bea koe mea i he malohi naa ne tuku kiate ia, nae tetetete mo manavahe kiate ia, ae gaahi kakai, moe gaahi buleaga, moe gaahi lea kotoabe: koia naa ne loto ki ai naa ne tamate‘i; bea koia naa ne loto ki ai naa ne fakamoui; bea koia naa ne loto ki ai naa ne hakeaki‘i; bea koia naa ne loto ki ai naa ne fakahifo. Ka i he agahiki a hono loto, moe fakafefeka a hono loto i he laukau, nae fakahifo ia mei hono nofoaga fakatu‘i, bea naa nau too a hono nāunāu meiate ia; Bea nae kabuji ia mei he gaahi foha oe tagata; bea nae gaohi hono loto ke hage koe loto oe faga manu, bea naa ne nofoaga fakataha moe faga asi kai vao: naa nau fafaga ia aki ae mohuku o hage koe faga bulu, bea nae viviku hono jino i he hahau oe lagi; kae oua ke ne ilo eia, nae bule ae Otua fugani maoluga i he buleaga oe tagata, bea oku ne tuutuuni ki ia aia oku ne faiteliha ki ai.

Ka ko koe ko hono foha e Belesasa, nae ikai te ke fakavaivai‘i ho loto, ka naa ke ilo ae gaahi mea ni kotoabe. Ka kuo ke fakahikiniki koe ki he Eiki oe lagi, bea kuo nau omi ae gaahi ibu o hono fale ki ho ao, bea ko koe mo hoo gaahi houeiki, mo hoo gaahi unoho, mo hoo kau fefine, kuo mou inu kava mei ai; bea kuo ke fakamalo ki he gaahi otua siliva, moe koula, moe balasa, moe ukamea, moe akau, moe maka, aia oku ikai ke mamata, be fanogo, be ilo: bea koe Otua aia oku i hono nima a hoo mānava, bea oku oona ho gaahi hala kotoabe, nae ikai te ke fakamalo‘i. Bea nae toki fekau ae louhi‘i nima meiate ia; bea ko eni ae tohi nae tohi. Bea ko eni ae tohi aia nae tohi, Mine, Mine, Tikeli, Ufasini: Bea ko hono uhiga eni oe lea: Mine; Kuo lau e he Otua a ho buleaga, bea kuo fakaoji ia. Tikeli; Kuo fakamamafa koe i he mea fua tautau, bea kuo ilo koe oku ke maamaa. Belesi; kuo vahevahe a ho buleaga, bea kuo tuku ki he kau Mitia moe kau Beasia. Bea nae fekau e Belesasa, ke nau fakakofu a Taniela aki ae kulokula, bea nae ai ae kahoa koula ki hono kia, bea nae fanogonogo ia, ke ne hoko ko hono toko tolu ia i he bule oe buleaga. I he bo koia nae mate tamate‘i a Belesasa, koe tu‘i oe kau Kalitia. Bea nae faao ae buleaga e Talaiasi koe Mitia, i hono onogofulu ma ua ta‘u nai o ene motua.

NAE lelei kia Talaiasi ke fakanofo i he buleaga ae houeiki e toko teau ma toko uofulu, ke maoluga i he buleaga kotoabe; Bea ke maoluga iate kinautolu ae kau bule e toko tolu; bea koe uluaki iate kinautolu a Taniela; koeuhi ke fakaha e he houeiki ae gaahi gaue kiate kinautolu, bea ke oua naa hoko ha kovi ki he tu‘i i ha mea. Bea nae fokotuu ki mua ae Taniela ni i he kau bule moe houeiki, koeuhi nae ilo ae atamai lelei iate ia, bea nae fakakaukau ae tu‘i ke fakanofo ia koe bule ki he buleaga kotoabe. Bea nae toki kumi e he kau bule moe houeiki ke nau ilo ha mea kia Taniela i he buleaga; ka nae ikai te nau ilo ha mea be ha kovi; he naa ne agatonu, bea nae ikai ke ilo ha kovi be ha fai hala iate ia. Bea nae behe e he kau tagata ni, E ikai te tau ilo ha mea i he Taniela ni ka i he e tau ma‘u ha mea oku kau kiate ia moe fono a hono Otua. Bea nae toki fakataha ae kau bule moe houeiki koia ki he tu‘i, bea nau behe kiate ia, E tu‘i ko Talaiasi, ke ke moui o taegata. Kuo fealeleaaki fakataha ae kau bule kotoabe oe buleaga moe kau bule oe gaahi vahe fonua, moe houeiki, moe kau fakamatala fono, moe gaahi eiki tau, ke fokotuu ha fono fakabuleaga mo fokotuu ke mau ha tabu, koeuhi koia kotoabe e fai ha kole ki ha otua be ki ha tagata i he aho e tolugofulu, ka kiate koe be, e tu‘i, ke li ia ki he ana oe faga laione. Bea koeni, e tu‘i, ke ke fokotuu ae fono, mo ke ai ho higoa ki he tohi, koeuhi ke oua naa fakakehe‘i ia, kae fakatatau ia ki he fono oe kakai Mitia mo Beasia, aia oku ikai ke feliliuaki. Koia nae tohi ai e Talaiasi ki he tohi moe fono.

Bea i he ilo e Taniela, kuo tohi ae fono, naa ne hu ki hono fale, bea koe gaahi mataba jioata i hono fale mohe nae ava ki Jelusalema, bea naa ne tomabee o tuulutui o liuga tolu i he aho, bea ne lotu mo fakafetai i he ao o hono Otua, o hage ko ene faa fai i mua. Bea nae toki fakataha ae kau tagata ni, bea naa nau ilo a Taniela, oku ne lotu mo fai ene hu i he ao o hono Otua. Bea naa nau unuunu atu, o lea i he ao oe tu‘i ki he fono ae tu‘i. Ikai kuo ke tohi ae fono, ke iloga ha tagata e fai ha kole ki ha otua be ha tagata i he aho e tolugofulu, ka kiate koe be, e tu‘i, e li ia ki he ana oe faga laione? Bea nae lea ae tu‘i o ne beheage, Oku mooni ae mea, o fakatatau ki he fono ae kakai Mitia mo Beasia, aia oku ikai ke liliu. Bea naa nau lea o behe i he ao oe tu‘i, Koe Taniela na aia oku i he fānau bobula o Juta, oku ikai te ne tokaga kiate koe, be ki he fono aia kuo ke tohi, ka oku ne fai ene lotu o liuga tolu i he aho. Bea i he fanogo ae tu‘i ki he lea ni, naa ne mamahi lahi, bea nae tokaga lahi hono loto kia Taniela ke fakahaofi ia, bea naa ne feiga o a‘u ki he to hifo ae laa ke fakahaofi ia. Bea nae toki fakataha ae kau tagata ni ki he tu‘i, bea nau behe ki he tu‘i, Ke ke ilo, e tu‘i, oku behe ae fono ae kakai Mitia mo Beasia, ke iloga ha fono be ha tabu oku fokotuu e he tu‘i, e ikai jii liliu ia.

Bea nae toki fekau e he tu‘i, bea naa nau omi a Taniela, bea li ia ki he ana oe faga laione. Ka nae lea ae tu‘i o ne behe kia Taniela, Ko ho Otua, aia oku ke faa tauhi, te ne fakahaofi koe. Bea nae omi ha maka, o ai ki he gutu oe ana; bea nae buluji ia e he tu‘i aki hono fakailoga oona, bea moe fakailoga o ene houeiki; koeuhi ke oua naa liliu ae mea kia Taniela. Bea nae alu ae tu‘i ki hono fale, bea ne aukai i he bo o aho, bea nae ikai ke omi ki hono ao ae gaahi mea faji hiva: bea nae mahui ae mohe meiate ia.

Bea nae tuu hake ae tu‘i i he bogibogi o hegihegi aubito, bea ne alu fakavave ki he ana oe faga laione. Bea i he ene hoko ki he ana, naa ne kalaga i he le‘o mamahi kia Taniela; bea nae lea ae tu‘i o behe kia Taniela, E Taniela, koe tamaioeiki ae Otua moui, oku malohi ho Otua aia oku ke tauhi mau ai be, ke fakahaofi koe mei he faga laione? Bea nae behe e Taniela ki he tu‘i, E tu‘i, ke ke moui o taegata. Kuo fekau e hoku Otua a ene agelo, bea kuo tabuni ae gutu oe faga laione ke oua naa nau fakamamahi au: koeuhi nae ilo ae lelei iate au i hono ao: bea i ho ao foki e tu‘i nae ikai teu fai kovi. Koia nae fiefia lahi aubito ae tu‘i koeuhi koia, bea ne fekau ke nau too hake a Taniela mei he ana. Koia nae too hake a Taniela mei he ana, bea nae ikai ilo ha lavea jii iate ia, koeuhi naa ne tui ki hono Otua.

Bea nae fekau e he tu‘i ke nau omi ae kau tagata koia nae talatalaaki‘i a Taniela, bea naa nau li akinautolu ki he ana oe faga laione, akinautolu, moe nau fānau, mo ho nau gaahi unoho; bea nae malohi ae faga laione kiate kinautolu, bea feji‘i fakaikiiki ho nau gaahi hui kotoabe, i he teeki te nau hoko hifo ki he takele oe ana. Bea nae tohi e he tu‘i ko Talaiasi ki he kakai kotoabe, moe gaahi buleaga moe gaahi lea, aia oku nofo i mamani fulibe; Ke tubulekina ae melino kiate kimoutolu. Oku ou fai fono, koeuhi ke tetetete mo ilifia ae kakai ki he Otua o Taniela, i he gaahi botu kotoabe o hoku buleaga: he koe Otua moui ia, bea oku tuu mau, o taegata: ko hono buleaga e ikai auha, bea ko ene bule e a‘u atu ki he gataaga. Oku ne malu‘i mo fakahaofi, bea oku ne fai ae gaahi mana moe gaahi mea fakaofo i he lagi mo mamani, koia ia kuo fakahaofi a Taniela mei he malohi oe faga laione. Bea nae monuia ae Taniela ni i he kei bule a Talaiasi, bea moe bule a Kolesi koe Beasia.

Bea nae foaki kiate ia ae bule, moe nāunāu, mo ha buleaga, koeuhi ke tauhi kiate ia ae gaahi kakai kotoabe, moe gaahi buleaga, moe gaahi lea: koe bule taegata a ene bule, aia e ikai mole, bea ko hono buleaga e ikai fakaauha.

Koe faga manu lalahi ni, aia oku toko fa, koe tu‘i ia e toko fa aia e tubu hake i mamani. Ka e lava‘i ae buleaga e he kakai maonioni ae Fugani Maoluga, bea te nau ma‘u ae buleaga o lauikuoga, io, ke taegata bea taegata.

Bea neu fieilo hono uhiga o hono fa oe manu, aia nae taha kehe moe faga manu kotoabe, o fakamanavaheia, aia nae ukamea hono kau nifo, bea koe balasa hono bejibeji; aia nae fakaauha, mo maumau‘i, bea nae malaki ae toega aki hono va‘e; Bea moe gaahi nifo e hogofulu aia nae i hono ulu, bea moe taha kehe aia nae tubu hake, bea nae to i hono ao ae toko tolu; io ae nifo koia, aia nae i ai ae mata, bea moe gutu nae lea fielahi aubito, aia nae matamata malohi i he ene gaahi kaumea.

Bea nae behe a ene lea, Ko hono fa oe manu e hoko ia ko hono fa i he gaahi buleaga i mamani, aia e kehe moe gaahi buleaga kotoabe, bea te ne fakaauha a mamani kotoabe, bea malaki hifo ia, bea maumau‘i. Bea koe gaahi nifo e hogofulu mei he buleaga ni, koe gaahi tu‘i e toko hogofulu ia aia e tubu: bea e tubu mo ha taha kimui iate kinautolu, bea e kehe ia moe uluaki, bea te ne lava‘i ae tu‘i e toko tolu.

Bea e lea aki eia ae gaahi lea fielahi ki he Fugani Maoluga, bea te ne fakaogojia ae kakai maonioni oe Fugani Maoluga, bea e mahalo eia ke ne fakakehe ae gaahi kuoga moe gaahi fono: bea e tuku ia ki hono nima i ha kuoga moe kuoga e ua, moe vaeua malie oe kuoga. Ka e fakanofo ae fakamāu, bea te nau too a ene bule, ke fakaauha mo maumau‘i ia, o a‘u ki he gataaga.

Ka koe buleaga moe bule, bea moe nāunāu oe buleaga i he lalo lagi kotoabe, e tuku ki he kakai koe kau maonioni ae Fugani Maoluga, bea ko hono buleaga koe buleaga taegata, bea e tauhi mo talagofua kiate ia ae gaahi bule kotoabe.

Bea e loto ae ogo tu‘i ni fakatouoji be ke fai kovi, bea te na lea loi i he keinagaaga be taha ka e ikai lava: he koe gataaga e hoko be ia i he kuoga kuo kotofa.

BEA i he kuoga koia e tuu hake a Maikale, ae Eiki lahi, aia oku tokoni ki he fānau a hoo kakai: bea e hoko ha kuoga oe mamahi, aia nae ikai aubito hano tatau talu moe i ai ha buleaga, o a‘u ki he buleaga koia: bea e fakahaofi hoo kakai i he kuoga koia, aia kotoabe e ilo‘i kuo tohi i he toni.

Kuo nau fakanofo ae gaahi tu‘i, kae ikai iate au: kuo nau tuutuuni ae gaahi eiki, bea nae ikai teu ilo: kuo nau gaohi aki ae nau siliva moe nau koula ae tamabua, koeuhi ka nau auha.

E Isileli, kuo ke fakaauha koe ekoe: ka oku iate au hoo tokoni. Teu hoko ko ho tu‘i: kofaaia ha taha kehe te ne fakamoui koe i ho gaahi kolo kotoabe? bea mo hoo kau fakamāu aia naa mou behe ai, Foaki mai ha tu‘i moe houeiki? Naaku foaki ha tu‘i kiate koe i hoku houhau, bea naaku too ia i he eku tubutamaki.

Koia nae tui ai ae kakai o Ninive ki he Otua, bea fanogonogo ae aukai, mo nau ai ae tauagaa, o fai mei he kakai maoluga o a‘u kiate ia nae jii hifo taha iate kinautolu. He nae omi hono fakaha ki he tu‘i o Ninive, bea ne tuu hake ia mei hono nofoaga, o ne too hono kofu tōtōlōfa mo ne kofu aki eia ae tauagaa, bea nofo kilalo i he efuefu. Bea naa ne fekau ke fanogonogo mo fakaha i Ninive, Kuo fono ae tu‘i mo ene houeiki, o behe, Oua naa kamata ha mea e ha taha be e ha manu, e he tauhi be e ha faga manu: oua naa nau kai be te nau inu ha vai: Kae tuku ke kofu aki ae tauagaa e he tagata, bea moe manu, bea tagi fakamanavahe ki he Otua: io ke tafoki taki taha kotoabe mei hono hala kovaaa, bea mei he fakamalohi oku i ho nau nima.

BEA neu behe, Oku ou kole, fanogo akimoutolu ae kau mātua a Jekobe, bea mo kimoutolu ae houeiki oe fale o Isileli; ikai oku gali mo kimoutolu ke ilo ae fakamāu? Akimoutolu oku fehia ki he lelei, ka e manako ki he kovi; aia oku fohi ho nau kili meiate kinautolu, bea mo ho nau kakano mei ho nau gaahi hui. Akimoutolu oku kai ae kakano o hoku kakai foki, bea fohi a ho nau kili meiate kinautolu; bea oku nau feji‘i ho nau gaahi hui, mo tuutuu fakaikiiki akinautolu, o hage ka teu ki he kulo, bea hage koe kakano i he loto kulo.

Oku ou kole, fanogo ki ai, akimoutolu ae kau mātua i he fale o Jekobe, moe houeiki oe fale o Isileli, aia oku fehia ki he fakamāu, mo liliu ae mea totonu kotoabe. Oku nau laga a Saione aki ae toto, mo Jelusalema i he agahala.

Bea te ne fakamāu i he lotolotoga oe gaahi kakai, mo valoki‘i ae gaahi buleaga malohi oku mamao atu; bea te nau tuki e nau gaahi heleta, koe gaahi huo toho, bea moe nau gaahi tao, koe gaahi hele auhani: e ikai hiki e ha buleaga ae heleta ki ha buleaga, bea e ikai te nau toe ako ki he tau.

Ka ko koe Betelihema Efalata, ne ogo oku ke jii hifo i he gaahi toko afe o Juta, ka e ha‘u ia meiate koe kiate au, aia e bule i Isileli, aia kuo talu mei mua ene haele atu, mei he kamataaga.

Bea e tu‘i a Jihova ki mamani kotoabe: i he aho koia e taha be a Jihova, bea e taha be a hono huafa.

Bea e hoko ia o behe, koia kotoabe e toe i he gaahi buleaga kotoabe aia nae alu hake ke tau‘i a Jelusalema, koia e alu hake mei he ta‘u ki he ta‘u ke hu ki he Tu‘i, ko Jihova oe gaahi kau tau, bea ke fai ae katoaga oe fale fehikitaki. Bea e behe, koia kotoabe i he gaahi faahiga o mamani e ikai alu hake ki Jelusalema ke hu ki he Tu‘i, ko Jihova oe gaahi kau tau, io, ko kinautolu e ikai ha uha ki ai. Bea kabau e ikai ha‘u mo alu hake ae faahiga o Ijibite, aia oku ikai ke uha ki ai, e iate kinautolu ae malaia, aia e ta‘i aki e Jihova ae kau hiteni, oku ikai alu hake ke fai ae katoaga oe fale fehikitaki. Ko eni ia ae malaia a Ijibite, moe tautea ki he buleaga kotoabe oku ikai alu hake ke fai ae katoaga oe fale fehikitaki.

BEA kuo alo‘i a Jisu i Betelehema i Jutea, i he gaahi aho o Helota koe tu‘i, vakai, nae ha‘u ae kau tagata boto mei he botu hahake ki Jelusalema. O behe, Oku ife ia aia kuo alo‘i koe Tu‘i oe kakai Jiu? he kuo mau mamata i he botu hahake ki hono fetuu, bea kuo mau ha‘u ke hu kiate ia. Bea kuo fanogo ai a Helota koe tu‘i, nae bubutuu ia, mo Jelusalema kotoabe mo ia. Bea kuo fakakatoa eia ae kau taulaeiki lahi kotoabe moe kau tagata tohi oe kakai, nae fakababau ia meiate kinautolu be alo‘i ife ae Kalaisi. Bea nau beheage kiate ia, I Betelehema i Jutea: he oku behe hono tohi e he balofita. Ko koe Betelehema, i he fonua o Juta, oku ikai aubito koe jii hifo koe i he gaahi eiki o Juta: koeuhi e ha‘u meiate koe ha Bule, aia te ne bule‘i hoku kakai ko Isileli.

Bea kuo alu akinautolu, iloage, kuo ha mai ha agelo ae Eiki kia Josefa i he miji, o ne behe, Tuu hake o ave ae tamajii mo ene fa‘e, bea ke holataki ki Ijibite, bea ke nofo ai ke oua keu fakaha kiate koe: koeuhi e kumi e Helota ae tamajii ke tamate‘i ia. Bea tuu hake ia, o ne ave ae tamajii mo ene fa‘e i he bo, o alu ki Ijibite: Bea nae i ai ia o a‘u ki he mate a Helota: ke fakamooni aia nae folofola aki e he Eiki i he balofita, o behe, Kuou ui mai hoku foha mei Ijibite.

Bea kuo toki ilo e Helota kuo kākā‘i ia e he kau tagata boto, bea ita lahi aubito, mo ne fekau atu ki Betelehema moe gaahi botu ofi ki ai, ke tamate‘i ae tamaiki tagata kotoabe, gata i he ua ta‘u oe nau lahi o fai ki mui; o fakatatau ki he aho naa ne fehui fakababau ai ki he kau tagata boto.

Bea toe o hake ia e he tevolo ki he mouga maoluga aubito, o ne fakaha kiate ia ae gaahi buleaga kotoabe o mamani, mo ho nau lelei; O ne behe kiate ia, Teu atu ae gaahi mea ni kotoabe moou, o kabau te ke fakatomabee o hu kiate au. Bea talaage e Jisu kiate ia, Ke ke alu i heni, Setani: he kuo tohi, Ke ke hu ki he Eiki ko ho Otua, bea ko ia be te ke tauhi.

Oku ikai faa tauhi e ha tagata ae eiki e toko ua: he te ne fehia ki he toko taha, kae ofa ki he toko taha; bea te ne kau moe toko taha, kae jiaki ae toko taha. E ikai te mou faa tauhi ae Otua moe Koloa.

Koia, koe mea kotoabe oku mou loto ke fai e he kakai kiate kimoutolu, ke mou fai ia kiate kinautolu: he koe fono ia moe kau balofita.

Kae vakai ki he kakai: he te nau tukuage akimoutolu ki he kau fakamāu, bea te nau haha akimoutolu i ho nau gaahi fale lotu; Bea e taki akimoutolu ki he ao oe kau bule moe gaahi tu‘i koeuhi ko au, koe fakamooni kiate kinautolu moe Jenitaile. Bea ka nau ka tuku atu akimoutolu, oua naa mou feiga be fefe be koeha te mou lea aki: koeuhi e foaki kiate kimoutolu i he feituulaa koia, aia te mou lea aki. He oku ikai ko kimoutolu oku lea, ka koe Laumalie o hoo mou Tamai oku lea iate kimoutolu.

Bea ka nau ka fakataga akimoutolu i ha kolo, mou feholaki ki ha kolo kehe; he oku ou tala mooni atu kiate kimoutolu, E teeki ai te mou ojiki ae gaahi kolo o Isileli i hoo mou alu, ka kuo hoko mai ae Foha oe tagata.

HE kuoga koia nae fanogo a Helota koe tu‘i ki he ogoogo o Jisu. Bea behe eia ki he ene kau tamaioeiki, Ko Jone eni koe Babitaiso: he kuo tuu hake ia mei he mate; bea koia oku ha ai iate ia ae gaahi gaue lahi.

He nae buke mo ha‘i e Helota a Jone, o tuku ia ki he fale fakabobula, koeuhi ko Helotiasi, koe unoho o hono tokoua ko Filibe. He nae behe a Jone kiate ia, Oku ikai gofua hao ma‘u ia. Bea i he ene tokaga ke tamate‘i ia, nae manavahe ia ki he kakai, he naa nau lau ia koe balofita. Ka i he aho nae fakamanatu‘i ai ae faele‘i o Helota, nae mee i ho nau ao ae taahine a Helotiasi, bea malieia ai a Helota. Koia naa ne fuakava ai ke ne foaki kiate ia aia kotoabe te ne kole ki ai. Bea kuo tomua akonekina ia e he ene fa‘e, bea ne behe, Tuku mai ni kiate au ae ulu o Jone koe Babitaiso i ha ibu. Bea mamahi ai ae tu‘i: ka koeuhi ko ene fuakava, mo kinautolu naa nau nonofo mo ia i he kai, naa ne fekau ke age ia kiate ia. Bea ne fekau ai ke tutuu ae ulu o Jone i he fale fakabobula. Bea nae omi hono ulu i he ibu, o atu ki he taahine: bea ne omi ia ki he ene fa‘e.

Bea i he e nau hoko ki Kaba-neumi, nae ha‘u kia Bita ae kau tanaki tukuhau, o behe, Oku ikai tukuhau a ho mou Eiki? Bea behe eia, Io. Bea kuo ha‘u ia ki he fale, bea taofi ia e Jisu, o behe, Saimone, koeha ho loto? oku ma‘u e he gaahi tu‘i o mama ni ae totogi be ae tukuhau ia hai? i he e nau fānau, be mei he kakai kehe? Bea talaage e Bita kiate ia, I he kakai kehe. Bea behe e Jisu kiate ia, Bea ta oku ataatā ae fānau. Ka koeni telia naa tau fakaita kiate kinautolu, alu koe ki tahi, o taumatau, o too ae ika oku fuofua kai; bea i hoo faai hono gutu, te ke ilo i ai ae baaga: ke ke too ia, o atu kiate kinautolu koeuhi ko kitaua.

Koia ke ke tala mai kiate kimautolu, Koeha ho loto? Oku gofua ke atu ae tukuhau kia Sisa, be ikai? Ka nae ilo e Jisu e nau agakovi, bea behe eia, Ae kau malualoi, koeha oku mou ahiahi‘i ai au? Fakaha mai ae baaga tukuhau. Bea naa nau omi kiate ia ae tenali. Bea behe eia kiate kinautolu, Koe mata eni moe tohi a hai? Bea nau talaage kiate ia, A Sisa. Bea toki behe eia kiate kinautolu, Koia age kia Sisa ae gaahi mea a Sisa; bea age ki he Otua ae gaahi mea ae Otua.

Koia, vakai, oku ou fekau atu kiate kimoutolu ae kau balofita, moe kau tagata boto, moe kau tagata tohi: bea ko ho nau niihi te mou tamate‘i o tutuki ki he akau: bea ko ho nau niihi te mou haha i ho mou gaahi fale lotu, o fakataga‘i mei he kolo ki he kolo:

Bea te mou fanogo ki he gaahi tau moe ogoogo oe tau: kae oua naa mou manavahe: koeuhi e hoko eni kotoabe, kae teeki hoko ae gataaga. Koeuhi e tuu hake ae kakai ki he kakai, moe buleaga ki he buleaga: bea e ai ae gaahi hoge, moe mahaki lahi, moe mofuike, i he botu kehekehe. Ka koe gaahi mea ni kotoabe koe kamataga be oe gaahi mamahi. Bea te nau toki tukuage akimoutolu ke tautea, mo tamate‘i akimoutolu: bea koe fehianekina akimoutolu e he buleaga kotoabe koeuhi ko hoku higoa.

Bea kumi e he kau taulaeiki lahi, moe mātua, moe kau fakamāu kotoabe, ae fakamooni loi kia Jisu, kae tama-te‘i ia; Ka nae ikai ilo ha taha: nae ha‘u ae fakamooni loi toko lahi, ka nae ikai te nau ma‘u ha taha. Bea toki omi fakamui ae ogo fakamooni loi e toko ua,

Bea naa nau toki aanu ki hono mata, o tuki‘i ia; bea jibi‘i ia e he niihi aki ho nau aofi nima, O beheage, Akoe, Kalaisi, mate mai kiate kimautolu, kohai ia naa ne jibi‘i koe?

Bea tuu a Jisu i he ao oe bule: bea fehui ae bule kiate ia, o behe, Koe tu‘i koe oe kakai Jiu? Bea talaage e Jisu kiate ia, Koia be. Bea i he talakovi‘i ia e he kau taulaeiki lahi moe kau mātua, nae logo be ia. Bea toki lea a Bailato kiate ia, Ikai te ke fanogo ki he gaahi mea lahi ni oku nau fakailo iate koe? Ka nae ikai aubito lea ia ki ai; koia nae ofo lahi aubito ai ae bule.

Bea toki ave a Jisu e he kau tau oe bule ki he fale lahi, bea fakataha kiate ia ae kau tau kotoa. Bea nau too hono kofu, o ai kiate ia ae bulubulu kulaahoaho. Bea hili e nau lalaga ae tatā aki ae akau talatala, naa nau ai ia ki hono fofoga, moe vaa kaho i hono nima toomatau: bea nau tuulutui i hono ao, o manuki‘i ia, o behe, Jiotoofa, tu‘i oe kakai, Jiu! Bea nau aanu kiate ia, o too ae vaa kaho, o ta‘i aki hono fofoga. Bea hili e nau manuki‘i ia, naa nau too ae bulubulu meiate ia, kae toe ai hono kofu oona kiate ia, o taki atu ke tutuki ki he akau.

Bea naa nau ai i oluga i hono fofoga hono talakovi‘i kuo tohi, KO JISU ENI KOE TU‘I OE KAKAI JIU.

Naa ne fakamoui ae niihi; ka oku ikai te ne faa fakamoui ia. Kabau koe Tu‘i ia o Isileli, oku lelei ke alu hifo ia mei he akau, bea te tau tui kiate ia.

Bea ha‘u a Jisu o lea kiate kinautolu, o behe, Kuo tuku kiate au ae malohi kotoabe i he lagi mo mamani.

Bea kuo fakahu a Jone ki he fale fakabobula, bea ha‘u a Jisu ki Kaleli, o malaga aki ae ogoogolelei oe buleaga oe Otua, O ne behe, Kuo hokojia ae kuoga, bea oku ofi ae buleaga oe Otua: mou fakatomala, bea tui ki he ogoogolelei.

Bea fanogo ki ai ae tu‘i ko Helota; (he kuo mafola atu hono higoa;) bea behe eia, Kuo toe tuu mei he mate a Jone koe Babitaiso, bea koia oku ha ai ae gaahi gaue lahi meiate ia. Bea behe e he niihi, Ko Ilaija ia. Bea behe e he niihi, Koe balofita ia, be oku hage ko ha taha i he kau balofita. Ka i he fanogo ki ai a Helota, bea behe eia, Ko Jone ia, aia neu tutuu hono ulu: kuo toe tuu ia mei he mate.

He nae fekau atu e Helota, ke buke a Jone, o ha‘i ia i he fale fakabobula, koe mea ia Helotiasi, koe unoho o hono tokoua ko Filibe: he kuo na fakamau mo ia. He nae behe e Jone kia Helota, Oku ikai gofua hao ma‘u ae unoho o ho tokoua. Koia nae ita a Helotiasi kiate ia, o ne loto ke tamate‘i ia; ka nae ikai ke ne mafai ia: He nae manavahe a Helota kia Jone, ko ene ilo koe tagata agatonu ia, mo maonioni, bea naa ne malu‘i ia; bea i he ene fanogo kiate ia, naa ne fai ae gaahi mea lahi, mo ne fanogo i he fiefia. Bea nae hokojia ae aho lelei, koe aho fakamanatu ki he fanau‘i o Helota, bea ne fai ai ae katoaga ma a hono gaahi houeiki, moe gaahi eiki tau, moe gaahi eiki o Kaleli; Bea kuo ha‘u ki ai ae taahine ae Helotiasi koia, o mee, bea malieia ai a Helota mo kinautolu naa nau nonofo, bea behe e he tu‘i ki he taahine, Kole mai kiate au aia oku ke loto ki ai, bea teu foaki ia kiate koe. Bea ne fuakava kiate ia, Ka iloga ha mea te ke kole kiate au, teu foaki ia kiate koe, o a‘u ki hono vaeua malie o hoku buleaga. Bea alu atu ia, o ne behe ki he ene fa‘e, Koeha teu kole? Bea beheage eia, Koe ulu o Jone koe Babitaiso. Bea toe ha‘u leva ia ki he tu‘i, bea ne kole, o behe, Ko hoku loto ke ke foaki mai kiate au anaiage, ae ulu o Jone koe Babitaiso, i ha ibu. Bea mamahi lahi ae tu‘i; ka koe mea i he ene fuakava, bea koeuhi ko kinautolu naa nau nonofo mo ia, nae ikai te ne faa fakafiji kiate ia. Bea kouna leva e he tu‘i ae tagata tamate, o fekau ke omi hono ulu: bea alu ia, o tutuu hono ulu i he fale fakabobula, O ne omi hono ulu i ha ibu, mo atu ki he taahine: bea age ia e he taahine ki he ene fa‘e.

Bea kuo nau ha’u, bea nau behe kiate ia, Eiki oku mau ilo oku ke mooni koe, bea oku ikai te ke tokaga ki ha tagata; he oku ikai te ke filifilimanako ki he tagata, ka oku ke akonaki aki ae hala oe Otua i he mooni: Oku gofua ke atu ae tukuhau kia Sisa, be ikai? E lelei e mau atu, be ikai? Ka nae ilo eia e nau malualoi, mo ne behe kiate kinautolu, Koeha oku mou ahi-ahi’i ai au? Omi ha tenali keu mamata ai. Bea nau omi ia. Bea ne behe kiate kinautolu, Koe fofoga moe tohi eni a hai? Bea nau behe kiate ia, A Sisa. Bea lea a Jisu, o beheage kiate kinautolu, Age kia Sisa ae gaahi mea a Sisa, bea age ki he Otua ae gaahi mea ae Otua. Bea naa nau ofo iate ia.

Bea ka mou ka fanogo ki he gaahi tau moe ogoogo oe tau, oua te mou manavahe: koeuhi kuo bau ke hoko ia; kae teeki hoko ae ikuaga. Koeuhi e tuu hake ae kakai ki he kakai, moe buleaga ki he buleaga; bea e ai ae mofuike i he gaahi botu kehekehe, bea e ai ae gaahi hoge moe gaahi fakamamahi: koe kāmataga eni oe gaahi mamahi.

Ka mou vakai kiate kimoutolu: he te nau tukuage akimoutolu ki he kau fakamāu; bea e haha akimoutolu i he gaahi fale lotu; bea e omi akimoutolu ki he ao oe gaahi bule moe gaahi tu‘i koeuhi ko au, koe fakamooni kiate kinautolu. Ka e tomua malaga aki ae ogoogolelei ki he gaahi buleaga kotoabe. Bea ka nau ka taki mo tukuage akimoutolu, oua naa mou tomua fifili, be fakakaukau ki he mea te mou lea aki: ka koia e foaki kiate kimoutolu i he feituulaa koia, koia be te mou lea aki: he oku ikai ko kimoutolu oku lea, ka koe Laumalie Maonioni.

Bea naa nau tataki atu a Jisu ki he taulaeiki lahi: bea nae fakataha mo ia ae kau taulaeiki lahi kotoabe moe mātua moe kau tagata tohi. Bea muimui mamao atu kiate ia a Bita, ki he fale oe taulaeiki lahi: bea nofo ia moe kau tamaioeiki, o ne mumu i he afi. Bea kumi e he kau taulaeiki lahi, moe kau fakamāu kotoabe, ae fakamooni kia Jisu, ke nau tamate‘i ai ia; ka nae ikai ma‘u. He nae fakamooni loi kiate ia ae toko lahi, ka nae ikai fai tatau ae nau fakamooni.

Bea toki haehae e he taulaeiki lahi hono kofu, o behe, He koeumaa mo ha kau fakamooni kehe? Kuo mou fanogo ki he lea fie Otua: koeha ho mou loto? Bea nau loto taha kotoabe e totonu ke mate. Bea kamata aanu ae niihi kiate ia, bea ke ufiufi hono mata, o ta‘i ia, bea nau behe kiate ia, Kikite: bea jibi‘i ia e he kau tamaioeiki aki ho nau aofi nima.

BEA bogibogi hake ai, nae fakakaukau leva ae kau taulaeiki lahi, fakataha moe mātua moe kau tagata tohi moe kau fakamāu kotoabe, bea nae ha‘i a Jisu, o ave, mo tukuage kia Bailato. Bea behe e Bailato kiate ia, Koe tu‘i koe oe kakai Jiu? Bea lea ia, o beheage kiate ia, Koia be. Bea talatalaaki‘i ia e he kau taulaeiki lahi i he gaahi mea lahi. Bea toe fehui e Bailato kiate ia, o behe, Oku ikai te ke lea ki ha mea? Vakai ki hono lahi oe gaahi mea oku nau fakamooni kiate koe. Ka nae ikai jii lea a Jisu ki ha mea; bea ofo ai a Bailato.

Ka nae lea a Bailato, o beheage kiate kinautolu, Ko ho mou loto ke tukuage kiate kimoutolu ae Tu‘i oe kakai Jiu?

Bea toe lea a Bailato, o ne beheage kiate kinautolu, Ka koeha ho mou loto keu fai kiate ia aia oku mou ui koe Tu‘i oe kakai Jiu? Bea naa nau toe kalaga, Tutuki ia ki he akau.

Bea koe mea i he fie fakafie-malie e Bailato ki he kakai, naa ne tukuage a Balabasa kiate kinautolu, bea hili ene kauimaea a Jisu, naa ne tukuage ia ke tutuki ki he akau. Bea nae tataki ia e he kau tau ki he botu fale nae ui koe fale fakaeiki, o nau fakataha ae kau tau kotoa. Bea naa nau fakakofu aki ia ae kulokula, o lalaga ae tatā aki ae akau talatala, o ai kiate ia. Mo nau kamata fetaba kiate ia, Jiotoofa, Tu‘i oe kakai Jiu! Bea naa nau ta‘i aki ia ae vaa kaho i hono mata, o aanu kiate ia, bea tuulutui mo hu kiate ia. Bea kuo nau manuki‘i ia, bea nau too iate ia ae kulokula, kae ai kiate ia hono kofu oona, o tataki atu ia ke tutuki ki he akau.

Bea nae tohi i oluga ae tohi o hono talakovi‘i, KOE TU‘I OE KAKAI JIU.

Tuku ke alu hifo eni a Kalaisi koe Tu‘i o Isileli mei he akau, koeuhi ke mau mamata mo tui. Bea ko kinaua nae tutuki ki he akau mo ia ne na manuki‘i ia.

Bea e lahi ia, bea e ui ia koe Alo oe Fugani Maoluga; e age kiate ia e he Eiki koe Otua ae nofoa o ene tamai ko Tevita: Bea e bule ia ki he fale o Jekobe o taegata; bea e ikai hano gataaga o ene bule.

BEA behe, nae fai ae fono e Sisa Aokositusi, i he gaahi aho koia, ke tohi ae kakai kotoabe oe buleaga. (Bea nae fuofua fai ae tohi ni i he bule a Kilinio i Silia.) Bea nae taki taha alu ae kakai kotoabe ki hono botu, ke tohi ai ia.

BEA i hono hogofulu ma nima oe ta‘u oe bule a Taibiliusi Sisa, koe eiki bule a Bonito Bailato i Jutea, bea tu‘i ai a Helota i Kaleli, bea tu‘i a hono tokoua ko Filibe i Aitulia moe feituu o Tilakonite, bea tu‘i a Lisaniasi Abiline, Bea ko Anasi mo Kaiafasi koe ogo taulaeiki lahi akinaua, nae hoko ae folofola ae Otua kia Jone koe foha o Sakalia i he toafa.

Ka nae valoki eia a Helota koe tu‘i, koeuhi ko Helotiasi koe unoho o hono tokoua ko Filibe, bea moe kovi kotoabe ne fai e Helota. Bea ne fakalahi aki ae mea ni kotoabe, a ene fakahu a Jone ki he fale fakabobula.

Bea nae fanogo a Helota koe tu‘i ki he mea kotoabe kuo fai eia: bea naa ne bubutuu ai, koeuhi nae behe e he niihi, Kuo toe tuu a Jone mei he mate. Bea behe e he niihi, Kuo ha mai a Ilaija; moe niihi, Kuo toe tuu ha taha i he kau balofita motua. Bea behe e Helota, Kuou tutuu ae ulu o Jone; ka kohai eni, oku ou fanogo ki ai ae gaahi mea ni? Bea ne ne holi ke mamata kiate ia.

Koia nae behe ai foki ae boto ae Otua, Teu fekau atu kiate kinautolu ae kau balofita moe kau abosetolo, bea ko ho nau niihi te nau tamate‘i mo fakataga: Koeuhi ke eke ki he toutagata ni ae toto oe kau balofita kotoabe, aia nae liligi talu mei he tubuaga o mamani;

Oka ke ka alu mo ho fili ki he fakamāu, ke ke fai feiga i he hala, koeuhi ke ke hao meiate ia, telia naa ne ave koe ki he fakamāu, bea tukuage koe e he fakamāu ki he matābule bea e li koe e he matābule ki he fale fakabobula.

Oku ikai ha tamaioeiki te ne faa tauhi ae eiki e toko ua: koeuhi e fehia ia ki he toko taha, kae ofa ki he toko taha; be bikitai ki he toko taha, kae manuki ki he toko taha. E ikai jii te mou faa tauhi ae Otua moe koloa.

He oku ou behe kiate kimoutolu, Ko ia fulibe oku ne ma‘u, e foaki kiate ia; bea ko ia oku ikai te ne ma‘u, e too meiate ia aia oku ne ma‘u. Ka ko kinautolu ni ko hoku gaahi fili, nae ikai te nau lelei keu bule‘i akinautolu, omi ki heni, bea tamate‘i i hoku ao.

Oku gofua ke mau atu ae tukuhau kia Sisa, be ikai? Ka nae ilo eia e nau kākā, bea ne behe kiate kinautolu, Koeha oku mou ahiahi‘i ai au? Fakaha mai ae tenali. Koe mata moe tohi ahai oku i ai? Bea nau lea, o beheage, A Sisa. Bea behe eia kiate kinautolu, Koia atu kia Sisa ae gaahi mea a Sisa, bea ki he Otua ae gaahi mea ae Otua.

Kae teeki ai ke hoko eni, te nau bukea akimoutolu, mo fakataga‘i, mo tukuage akimoutolu ki he gaahi fale lotu, moe gaahi fale fakabobula, o nau omi akimoutolu ki he ao oe gaahi tu‘i moe bule, koeuhi ko hoku higoa.

Koeuhi ke mou kai mo inu i he eku keinagaaga i hoku buleaga, mo nofo i he gaahi nofoa, o fakamāu ae faahiga e hogofulu ma ua o Isileli.

Bea koe kau tagata nae buke a Jisu, naa nau manuki‘i o ta‘i ia. Bea hili e nau nonoo hono mata, naa nau jibi‘i hono mata, o fehui kiate ia, o behe, Mate mai, kohai ia oku ne jibi‘i koe? Bea nae Iahi ae mea kovi kehekehe naa nau lea aki kiate ia. Bea i he ene aho, nae fakataha leva ae kau mātua oe kakai moe kau taulaeiki lahi moe kau tagata tohi, o nau taki ia ki ho nau botu fakamāu, o nau behe, Ko koe koe Kalaisi? tala mai kiate kimautolu. Bea behe eia kiate kinautolu, Kabau teu tala kiate kimoutolu, e ikai te mou tui:

Bea naa nau kamata talatalaaki‘i ia, o behe, Naa mau ilo ae jiana ni oku ne veuveuki ae kakai, o ne taofi ae tukuhau kia Sisa, o ne behe, ko ia be koe Kalaisi koe Tu‘i. Bea fehui a Bailato kiate ia, o behe, Koe Tu‘i koe oe kakai Jiu? Bea leaage eia kiate ia, o behe, Koia be. Bea behe ai e Bailato ki he kau taulaeiki lahi moe kakai, Oku ikai teu ilo ha kovi i he tagata ni.

Bea manuki‘i foki ia e he kau tau, mo nau aluage, o atu ae vaimahi kiate ia, Mo nau behe, Kabau koe tu‘i koe be kakai Jiu, fakamoui koe. Bea nae tohi foki i oluga iate ia, be tohi i he lea faka‐Kiliki, moe lea faka‐Loma, moe lea faka‐Hebelu, KO ENI AE TU‘I OE KAKAI JIU.

He nae foaki ae fono ia Mosese, ka koe aloofa moe mooni nae ha‘u ia Jisu Kalaisi.

Bea lea a Nataniela, o behe kiate ia, Labai, koe Alo koe oe Otua; koe Tu‘i koe o Isileli.

BEA nae ai ha tagata i he kau Falesi, ko Nikotimasi hono higoa, koe eiki ia i he kakai Jiu. Bea nae ha‘u ia kia Jisu i he bouli, o ne behe, Labai, oku mau ilo koe akonaki koe kuo ha‘u mei he Otua: he oku ikai ha tagata oku faa fai ae gaahi mana ni oku ke fai, o kabau oku ikai iate ia ae Otua. Bea lea a Jisu, o beheage kiate ia, Koe mooni, koe mooni, oku ou tala kiate koe, Kabau e ikai fanau‘i foou ha tagata, e ikai aubito mamata ia ki he buleaga oe Otua.

Bea koia nae fakataga‘i ai a Jisu e he kakai Jiu, o nau fie tamate‘i ia, koeuhi ko ene fai ae mea ni i he aho sabate.

Bea kuo ilo e Jisu te nau ha‘u o buke fakamalohi ia, ke fakanofo ia koe tu‘i, naa ne toe alu toko taha be ki ha mouga.

I he aho naa na feholo‘i, nae fanogo ae kakai toko lahi kuo ha‘u ki he katoaga, oku ha‘u a Jisu ki Jelusalema, Naa nau too mai ae gaahi vaa boga, o nau alu atu ke fakafetaulaki kiate ia, o nau kalaga, Hosana: Oku monuia ae Tu‘i o Isileli, oku haele mai i he huafa o Jihova.

Bea toe hu a Bailato ki he fale fakamāu, o ne ui a Jisu, o ne behe kiate ia, Koe tu‘i koe oe kakai Jiu? Bea leaage a Jisu kiate ia, Oku meiate koe hoo lea ni, be nae fakaha ia e ha niihi kiate koe? Bea beheage e Bailato, He koe Jiu au? Ko ho kakai oou moe kau taulaeiki lahi kuo nau tuku mai koe kiate au: koeha kuo ke fai? Bea behe e Jisu, Oku ikai o mamani hoku buleaga; ka ne o mamani hoku buleaga, behe, e tau hoku kakai, ke oua naa atu au ki he kakai Jiu: ka ko eni, oku ikai mei heni hoku buleaga. Koia nae behe e Bailato kiate ia, Bea koe tu‘i koe koa? Bea talaage e Jisu, Koe tu‘i au o hage ko hoo lea. Koia naaku fanau‘i, bea koia naaku ha‘u ai ki mamani, koeuhi keu fakamooni ki he mooni. Ko ia kotoabe oku i he mooni, oku fanogo ia ki hoku le‘o. Bea behe e Bailato kiate ia, Koeha ae mooni? Bea hili ene lea koia, nae toe alu ia kitua ki he kakai Jiu, o ne behe kiate kinautolu, Oku ikai teu ilo eau ha kovi iate ia. Ka koeuhi ko hono aga, keu tukuage ha toko taha i he katoaga oe Lakaatu kiate kimoutolu: bea ko ho mou loto keu tukuage ae Tu‘i oe kakai Jiu kiate kimoutolu?

O nau lau, Jiotoofa tu‘i oe kakai Jiu! bea nau haha ia aki ho nau nima.

Bea kuo fanogo a Bailato ki he lea koia, bea ajili ai ene manavahe; Bea toe alu ia ki he fale fakamāu, o ne fehui kia Jisu, Oku ke ha‘u meife? Ka nae ikai jii lea a Jisu kiate ia. Bea behe ai e Bailato kiate ia, Ikai te ke lea kiate au? ikai te ke ilo oku iate au ae mafai ke tutuki koe ki he akau, bea iate au moe mafai ke tukuage koe? Bea talaage e Jisu, E ikai te ke mafai ha mea kiate au, o ka ne ikai foaki ia kiate koe mei oluga: ko ia foki kuo tukuage au kiate koe, oku lahi hake ene agahala. Bea talu mei ai moe fie tukuage ia e Bailato: ka nae kalaga ae kakai Jiu, o behe, Kabau te ke tukuage ae tagata ni, oku ikai ko ha kaiga koe o Sisa: ko ia oku ne behe, koe tu‘i ia, oku lea kovi ia kia Sisa.

Bea koe teuteu ki he katoaga oe Lakaatu, bea ko hono ono nai oe feituulaa: bea behe eia ki he kakai Jiu, Vakai ko ho mou Tu‘i! Ka naa nau kalaga, Ave ia, ave ia, tutuki ia ki he akau. Bea behe e Bailato kiate kinautolu, Teu tutuki ho mou Tu‘i ki he akau? Bea talaage e he kau taulaeiki lahi, Oku ikai ha mau tu‘i ka ko Sisa be.

Bea nae tohi e Bailato ha tohi fakailoga, o ai ia ki ke akau. Bea koe tohi nae behe, KO JISU O NASALETI, KOE TU‘I OE KAKAI JIU. Bea nae lau ae tohi ni e he toko lahi oe kakai Jiu: he koe botu kuo tutuki ai a Jisu nae ofi ki he kolo; bea nae tohi ia i he lea faka‐Hebelu, moe lea faka‐Kiliki, moe lea faka‐Loma. Bea lea ai ae kau taulaeiki lahi oe kakai Jiu kia Bailato, Oua e tohi, Koe tu‘i oe kakai Jiu: kae tohi nae lau eia, Koe Tu‘i au oe kakai Jiu. Bea talaage e Bailato, Koia kuou tohi, kuou tohi.

Bea naa nau ui akinaua, o lekau malohi kiate kinaua, ke oua aubito naa na lea be ako i he higoa o Jisu. Ka nae lea atu kiate kinautolu a Bita mo Jone, o behe, Mou fifili, be oku lelei aefe i he ao oe Otua, a‘e ma talagofua kiate kimoutolu, be ki he Otua. Koeuhi oku ikai te ma faa taofi e ma lea aki be ae gaahi mea kuo ma mamata mo fanogo ai. Bea kuo nau toe fakamana‘i, bea nau tukuage akinaua, he nae ikai te nau ilo ha mea ke tautea ai akinaua, bea telia ae kakai: he naa nau fakamalo kotoabe ki he Otua i he mea kuo fai.

Bea i he tukuage akinaua, naa na o ki ho na kaiga, o fakaha kotoabe ae lea ae kau taulaeiki lahi moe mātua kiate kinaua. Bea kuo nau fanogo ki ai, bea nau hiki fakataha hake ho nau le‘o ki he Otua, o nau behe, E Eiki, koe Otua akoe, naa ke gaohi ae lagi mo mamani, bea moe lahi, moe mea kotoabe oku i ai; Akoe naa ke behe i he gutu o hoo tamaioeiki ko Tevita, Koeha oku lili ai ae Jenitaile, bea mahalo mea vaiga ai e he kakai? Nae tuu hake ae gaahi tu‘i o mamani, bea nae katoa ae kau bule, o agatuu ki he Eiki, bea mo hono Kalaisi. He koe mooni nae fakataha a Helota, mo Bonito Bailato, moe Jenitaile, moe kakai Isileli, o fakataga ki ho Alo maonioni ko Jisu, aia naa ke fakanofo, Ke fai aia kotoabe nae tomua tuutuuni e ho nima mo hoo boto ke fai. Bea ko eni, e Eiki, ke ke tokaga ki he e nau lea fakamana: bea ke tuku ki hoo kau tamaioeiki, ke nau lea malohi aki hoo folofola,

Bea toki tutuu hake ae taulaeiki lahi, mo kinautolu kotoabe nae iate ia, (i he faahiga oe Satusi,) kuo nau fonu i he ita, Bea naa nau buke ae kau abosetolo, o fakahu akinautolu ki he fale fakabobula lahi.

Ka nae too ae mataba oe fale fakabobula e ha agelo ae Eiki i he bo, bea ne omi kitua akinautolu, mo ne behe, Mou alu, o tuu i he fale lotu lahi, bea malaga ki he kakai aki ae lea kotoabe oe moui ni. Bea kuo nau fanogo ki ai, naa nau uhu hegihegi ki he fale lotu lahi, o ako. Ka nae ha‘u ae taulaeiki lahi, mo kinautolu nae iate ia, bea fakataha ae kau fakamāu, moe mātua kotoabe oe fānau a Isileli, bea nau fekau ke omi akinautolu mei he fale fakabobula. Ka i he hoko atu ae kau tagata fekau, o ikai ilo akinautolu i he fale fakabobula, naa nau liu mai, o fakaha, O behe, Koe mooni naa mau ilo ae fale fakabobula oku tabuni mau, bea tutuu itua ae kau leo i he gaahi mataba: ka i he e mau too ia, nae ikai te mau ilo i loto ha toko taha. Bea kuo fanogo ki he gaahi mea ni ae fugani taulaeiki moe bule oe fale lotu lahi moe kau taulaeiki lahi, naa nau fifili be fefe ai nai eni. Bea nae toki ha‘u ae toko taha, e ne fakaha kiate kinautolu, o behe, Vakai, koe kau tagata naa mou fakahu ki he fale fakabobula, oku nau tutuu i he fale lotu lahi, o ako ki he kakai. Bea alu leva ae eiki moe kau tagata fekau, o omi fiemalie akinautolu: he naa nau manavahe ki he kakai, telia naa tologaki aki ae maka akinautolu. Bea kuo nau omi, o tuku akinautolu i he ao oe kau fakamāu: bea nae fehui ae fugani taulaeiki kiate kinautolu, O behe, Ikai naa mau matuaki fekau kiate kimoutolu ke oua naa mou ako i he higoa na? bea vakai, kuo mou fakabito a Jelusalema aki hoo mou akonaki, bea ko ho mou loto ke omi ae toto oe tagata ni kiate kimautolu. Bea toki lea a Bita moe kau abosetolo, o behe, Oku totonu e mau talagofua ki he Otua i he tagata.

Bea naa nau alu mei he ao oe kau fakamāu i he fiefia, koeuhi kuo nau aoga ke kataki ae fakama koeuhi ko hono huafa.

I HE kuoga koia, nae mafao ai ae nima o Helota koe tu‘i, ke fakamamahi‘i ae niihi i he jiaji. Bea ne tamate‘i a Jemesi koe tokoua o Jone aki ae heleta. Bea i he ene mamata oku fiefia ai ae kakai Jiu, nae fai eia ke ne buke foki a Bita. (Bea nae feuga ia moe gaahi aho oe ma tae mea fakatubu.) Bea kuo ne buke ia, bea ne fakahu ki he fale fakabobula, o tuku ki he vahega tau e fa, nae taki toko fa, ke nau leohi ia; o ne tokaga ke omi ia kituaa ki he kakai oka hili ae katoaga oe Lakaatu. Koia nae moua be a Bita i he fale fakabobula: ka nae hufia fakamatoato ia e he jiaji ki he Otua.

Bea i he tokaga a Helota ke omi ia kituaa, nae mohe a Bita i he bo koia i he vahaa oe ogo tagata tau, nae ha‘i aki ae ukamea fihifihi e ua: bea i he mataba ae kau leo, o leohi ae fale fakabobula. Bea vakai, kuo iate ia ha agelo ae Eiki, bea malama i he fale fakabobula ae māma: bea ne ta‘i a Bita i he vakavaka, mo ne fokotuu ia, o behe, Tui ke vave. Bea nae homo ae ukamea fihifihi i hono nima. Bea behe e he agelo kiate ia, Nonoo ho kofu, bea fakamau mo ho tobuva‘e. Bea ne fai ia. Bea ne behe kiate ia, Ai ho kofu, bea ke muimui kiate au. Bea naa ne alu kituaa, o muimui iate ia; bea nae ikai te ne ilo be koe mooni aia kuo fai e he agelo; ka nae mahalo eia koe mea ha mai oku ne mamata ai. Bea kuo na tuku ki mui ae uluaki kau leo mo hono ua, bea na hoko ki he mataba ukamea, oku alu atu ai ki he kolo; bea matoo ia, iate ia be, kiate kinaua: bea naa na o kituaa, o na fonoga i he hala e taha; bea fakafokifa be kuo mole iate ia ae agelo. Bea kuo matala ae loto o Bita, bea behe eia, Oku ou toki ilo bau ni, kuo fekau mai e he Eiki ene agelo, bea kuo ne fakamoui au mei he nima o Helota, moe amanaki kotoabe ae kakai Jiu. Bea i he ene kei fifili ki ai, mo ene hoko ki he fale o Mele koe fa‘e a Jone, oku higoa ko Maake; nae katoa ai ae toko lahi o lotu. Bea i he tukituki a Bita ki he mataba ituaa, nae ha‘u ae taahine oku higoa ko Lota, o fakafanogo. Bea i he ene ilo ae le‘o o Bita, nae ikai te ne too ae mataba, koe mea i he fiefia, ka ka lele ia o tala oku tuu a Bita i he mataba. Bea nau behe kiate ia, Oku ke vale. Ka nae fakababau ia, Koe mooni ko ia be. Bea nau toki behe, Ko ene agelo. Ka nae kei tukituki be a Bita: bea i he e nau too o mamata kiate ia, naa nau ofo. Ka nae taofi aki eia hono nima ke nau fakalogobe, bea ne fakamatala kiate kinautolu a hono omi ia e he Eiki mei he fale fakabobula. Bea ne behe, Alu o fakaha ae gaahi mea ni kia Jemesi, moe kaiga. Bea alu ia mei ai, o alu ki ha botu kehe.

Bea kuo aho hake, nae maveuveu lahi ae kau tau, be kofaa a Bita. Bea i he kumi ia e Helota, mo ikai jii ilo ia, naa ne fakamāu‘i ae kau leo, bea fekau eia ke tamate‘i akinautolu. Bea nae alu hifo ia mei Jutea o nofo ki Sesalia.

Bea nae ita lahi a Helota kiate kinautolu i Taia mo Saitone: ka naa nau ha‘u loto taha kiate ia, bea kuo nau kaiga aki a Balasito, koe tauhi oe botu mohe oe tu‘i, o kole ke nau fakalelei; koeuhi nae ma‘u e ho nau fonua ae mea kai mei he fonua oe tu‘i. Bea koe aho nae kotofa, nae kofu fakatu‘i ai a Helota, bea nofo i hono nofoa fakatu‘i, bea fai ene lea kiate kinautolu. Bea mavava ae kakai o behe, Koe le‘o ia oe otua, ka oku ikai oe tagata. Bea ta‘i leva ia e ha agelo ae Eiki, koeuhi nae ikai te ne tuku ae fakaabaaba ki he Otua: bea nae kai ia e he tuga, bea mate ia.

Bea feohofi ae kakai kiate kinaua: bea nae haehae ho nau kofu e he kau bule, mo fekau ke haha akinaua. Bea oji e nau haha o lahi akinaua, naa nau tuku akinaua ki he fale fakabobula, mo nau fekau ki he leo ke ne leohi mau akinaua: Bea i he ene ma‘u ae fekau koia, naa ne fakahu akinaua ki he fale fakabobula i loto, bea ne fakama‘u ho na va‘e ki he akau.

Bea i he tuuabo malie, nae lotu mo hiva fakafetai ki he Otua a Baula mo Sailosi, bea nae fanogo ae kau bobula kiate kinaua. Bea fakafokifa nae ai ae mofuike lahi, aia nae gau‘eue ai ae tuuga oe fale fakabobula: bea nae ava leva ae mataba kotoabe, bea movete ae ha‘i o nautolu taki taha kotoabe. Bea i he a ae leo oe fale fakabobula mei he ene mohe, bea ne mamata kuo ava ae mataba oe fale fakabobula, naa ne unuhi ae heleta ke tamate‘i aki ia, he naa ne mahalo kuo feholaki ae kau bobula. Ka nae kalaga aki e Baula ae le‘o lahi, o behe, Oua naa ke fai ha kovi kiate koe: he oku mau katoa i heni. Bea nae toki ui eia ke omi ha māma, bea oho ia ki loto, bea ha‘u tetetete, o fakatomabee i he ao o Baula mo Sailosi, O ne omi akinaua kitua, mo ne behe, Ogo eiki, koeha teu fai keu moui ai?

Bea bogibogi ai, nae fekau e he kau bule ae kau tagata fekau, ke nau behe, Tuku ke o ae ogo tagata na. Bea tala atu ia e he leo oe fale fakabobula kia Baula, Kuo fekau mai e he kau bule ke tukuage akimoua: bea koia ke mo o, bea alu i he fiemalie. Ka nae behe e Baula kiate kinautolu, Koe ogo Loma akimaua, bea kuo nau haha fakaha mo taefakamāu akimaua, mo li ki he fale fakabobula: bea oku nau kabuji fakafufu eni akimaua? e ikai; kae ha‘u be akinautolu o ave akimaua kitua. Bea nae tala e he kau tagata fekau ae lea ni ki he kau bule: bea naa nau manavahe i he e nau fanogo koe ogo Loma akinaua. Bea naa nau ha‘u o kole kiate kinaua, mo omi akinaua kitua, bea kole ke na o i he kolo. Bea naa na omi mei he fale fakabobula, o na o kia Litea: bea hili e nau feiloaki moe kaiga, mo fakafiemalie‘i akinautolu, naa na fonoga atu.

Bea i he ikai te nau ilo akinaua, naa nau toho a Jesoni moe kaiga niihi ki he kau fakamāu oe kolo, mo nau kalaga, Ko kinautolu kuo fulihi a mamani, kuo nau ha‘u foki ki heni; Bea kuo ma‘u akinautolu e Jesoni: bea oku nau fai kehe kotoabe moe gaahi fono a Sisa, mo nau behe, oku ai ae tu‘i e taha, ko Jisu. Bea naa nau fakamanavahe‘i ae kakai moe kau fakamāu oe kolo, i he e nau fanogo ki he gaahi mea ni.

Bea nae gaohi eia i he toto be taha ae gaahi kakai kotoabe ke nofo i he fuga o mamani kotoabe, bea kuo tomua tuku bau ae gaahi kuoga, moe gataaga o ho nau nofoaga;

Nae fekau e he eiki tau ke omi ia ki he fale lahi oe kau tau, bea fekau ke eke mo kauimaea ia; ke ne ilo be koeha oku nau kalaga behe ai kiate ia. Bea i he e nau ha‘i aki ia ae kili‘i manu, bea behe e Baula ki he eiki tau nae tuu ai, Oku gofua hoo mou kauimaea ha tagata Loma, oku heeki ai fakamāu‘i? Bea kuo fanogo ki ai ae eiki tau, bea alu ia o tala ki he bule oe tau, o ne behe, Ke ke vakai ki he mea oku ke fai: he koe tagata Loma eni. Bea ha‘u ai ae bule oe tau, o behe kiate ia, Tala mai kiate au, koe Loma koe? Bea ne behe, Io. Bea behe e he bule oe tau, Koe baaga lahi naaku fakatau aki eau keu oe kakai koia. Bea behe e Baula, Ka nae fanau‘i au koia. Bea alu leva iate ia akinautolu nae fai ke fakamamahi‘i ia: bea nae manavahe foki moe bule oe tau, i he ene ilo koe Loma ia, bea koeuhi kuo ne ha‘i ia. Bea bogibogi ai, koeuhi ko ene fie ilo hono mooni oe mea kuo tukuaki‘i ai ia e he kakai Jiu, naa ne vete iate ia hono ha‘i, mo ne fekau ki he kau taulaeiki lahi moe kau fakamāu kotoabe ke fakataha, bea ne omi ki lalo a Baula, o tuku ia i ho nau ao.

BEA jio fakamama‘u a Baula ki he kau fakamāu, bea ne behe, Ae kau tagata koe kaiga, Kuou moui agatonu be i he ao oe Otua o a‘u mai ki he aho ni. Bea nae fekau e Ananaia koe taulaeiki lahi kiate kinautolu nae tuu ofi kiate ia, ke nau jibi‘i hono gutu. Bea toki behe e Baula kiate ia, E ta‘i koe e he Otua, akoe, koe holiji kuo vali hinehina: he oku ke nofo ke fakamāu au o fakatatau ki he fono, bea ke fekau ke ta‘i au o taetatau moe fono? Bea behe ekinautolu nae tutuu ai, Oku ke lea kovi ki he taulaeiki lahi ae Otua? Bea behe e Baula, E kaiga, nae ikai teu ilo koe taulaeiki lahi ia: he kuo tohi, Oua naa ke lea kovi ki he bule a hoo kakai.

Ka kuo ilo e Baula koe Satusi ae niihi, bea koe Falesi ae niihi, bea kalage ia i he ao oe kau fakamāu, o behe, Ae kau tagata koe kaiga, koe Falesi au, bea koe foha oe Falesi: bea koe mea i he amanaki ki he toetuu oe mate oku fakamāu ai au. Bea kuo hili ene lea koia, bea tubu ae kikihi i he kau Falesi moe kau Satusi: bea nae vaeua ae kakai. He oku behe e he Satusi, oku ikai ha toetuu, be ha agelo, be ha laumalie: ka oku tui ki ai fakatouoji be ae kau Falesi. Bea nae tubu ae fuu vālau: bea tuu hake ae kau tagata tohi nae kau moe kau Falesi, bea lea malohi, o behe, Oku ikai te mau ilo ha kovi i he tagata ni: bea kabau kuo lea kiate ia ha laumalie be ha agelo, ke oua naa tau tau‘i ae Otua. Bea kuo tubu ae kikihi lahi, bea i he manavahe ae eiki tau naa haehae a Baula ekinautolu, naa ne fekau ke alu hifo ae kau tau, o omi fakamalohi ia meiate kinautolu, bea omi ki he fale lahi oe kau tau.

Bea koe aho hogofulu tubu ene nofo iate kinautolu, bea alu hifo ia ki Sesalia; bea i he aho nae feholo‘i, nae nofo ia i he nofoa fakamāu, mo ne fekau ke omi a Baula. Bea kuo ha‘u ia, bea tutuu takatakai ae kau Jiu kuo nau alu hifo mei Jelusalema, o tukuaki‘i a Baula i he gaahi kovi lahi mo mamafa, ka nae ikai te nau faa fakamooni ki ai. Ka nae fakamatala eia, Oku ikai aubito teu fai ha kovi jii ki he fono ae kakai Jiu, be ki he fale lotu lahi, be kia Sisa. Ka nae loto a Fesito ke ne fai ke fakafiefia‘i ae kakai Jiu, bea ne leaage kia Baula, o behe, Te ke alu hake ki Jelusalema, ke fakamāu ai koe i he gaahi mea ni i hoku ao? Bea behe e Baula, Oku ou tuu i he nofoa fakamāu o Sisa, aia oku totonu ke fakamāu ai au: oku ikai teu fai ha kovi ki he kakai Jiu, bea oku ke ilo bau ia. He kabau koe fai kovi au, be kuou fai ha mea oku totonu keu mate ai, oku ikai teu fie hao mei he mate: bea kabau oku ikai ha mea oku tukuaki‘i ai au ekinautolu ni, bea oku ikai ha tagata e faa tuku au kiate kinautolu. Teu fakamāu be au ia Sisa. Bea toki alea a Fesito moe kau fakamāu, bea ne behe, Kuo ke behe te ke fakamāu be ia Sisa? Bea te ke alu koe kia Sisa.

Bea koeuhi nae ikai teu ilo be fefe‘i ae eke oe gaahi mea behe, neu fehui be te ne alu ki Jelusalema, o fakamāu ai i he gaahi mea ni. Ka i he behe e Baula e fakamāu‘i ia i he ao o Aokositusi, koia neu fekau ke tuku be ia kae oua keu atu ia kia Sisa.

Ka nae behe eia, E eiki ko Fesito, oku ikai teu faha; ka oku ou fakaha atu ae lea oe mooni moe boto. He oku ilo‘i ae gaahi mea ni e he tu‘i, oku ou fakamatala ni i hono ao: he oku ou ilo bau oku ikai lilo kiate ia ha mea i he gaahi mea ni; he nae ikai fai ae mea ni i ha tuliki. E tu‘i ko Akiliba, oku ke tui ki he kau balofita? Oku ou ilo oku ke tui. Bea behe e Akiliba kia Baula, Kuo ke meimei fakahehema‘i au keu hoko koe Kalisitiane. Bea behe e Baula, Amujiaage eau ki he Otua, kuo ikai ko koe be, ka ko kinautolu kotoabe foki oku fanogo kiate au i he aho ni, kuo mou meimei tatau, mo matuaki tatau be mo au, ka koe gaahi ha‘i ni be. Bea kuo behe ene lea, bea tuu hake ae tu‘i, moe bule, mo Belenaisi, mo kinautolu naa nau nonofo: Bea kuo nau afe jii mei ai, bea nau alea, o behe, Kuo ikai fai e he tagata ni ha mea oku gali moe mate, be koe ha‘ijia. Bea toki behe e Akiliba kia Fesito, Ka ne tae oua ene behe ke fakamāu ia ia Sisa, behe, kuo lelei ke tukuage ae tagata ni.

He nae tuu ofi mai kiate au i he bo ni ha agelo ae Otua, aia oku aana au, bea ko ia oku ou tauhi. O ne behe mai, E Baula, oua naa ke manavahe; he te ke a‘u atu koe ki he ao o Sisa: bea vakai, kuo foaki kiate koe e he Otua akinautolu kotoabe oku mou folau.

Bea kuo mau a‘u atu ki Loma, bea tuku e he eiki tau ae kau bobula ki he bule oe kau tau: ka nae tuku a Baula ke nofo kehe, moe tagata tau naa ne leohi ia. Bea behe, kuo hili ae aho e tolu, bea fekau e Baula ki he kau matābule Jiu ke fakataha: bea kuo nau katoa mai, bea ne behe kiate kinautolu, Ae kau tagata koe kaiga, nae ikai be teu fai ha mea ki he kakai be ki he gaahi gaue fakaeiki oe tau gaahi tamai, ka nae tuku au mei Jelusalema koe bobula ki he nima oe kakai Loma. Bea kuo nau fakamāu au, bea nau loto ke tukuage au, koeuhi nae ikai iate au ha mea e totonu ai eku mate. Ka i he lea malohi ae kakai Jiu ke oua, bea neu behe, teu fakamāu be au ia Sisa; ka nae ikai i he eku fie talatalaaki‘i hoku kakai i ha mea.

KE fakavaivai ae tagata kotoabe ki ke bule oku maoluga. He oku ikai ha bule kae mei he Otua: bea koe kau bule oku ai, oku tuutuuni ia e he Otua. Ko ia oku agatuu ki he bule, oku agatuu ki he tuutuuni ae Otua: bea ko kinautolu oku agatuu, te nau ma‘u kiate kinautolu ae tautea. He koe kau bule oku ikai koe fakailifia ki he gaahi gaue lelei, ka ki he kovi. Bea ko ho loto ke oua naa manavahe koe ki he bule? fai aia oku lelei, bea te ke ma‘u mei ai ae fakamalo: He koe tamaioeiki ae Otua ia kiate koe ki he lelei. Bea kabau oku ke fai aia oku kovi, ke ke manavahe; he oku ikai ke too noabe eia ae heleta: he koe tamaioeiki ia ae Otua, koe fai totogi ia ke tautea kiate ia oku fai kovi. Koia oku totonu ke mou fakavaivai, o ikai be naa ai ha tautea, ka koeuhi ko hono totonu. Koe mea koia ke mou atu ai ae tukuhau foki: he koe kau tamaioeiki ae Otua akinautolu, oku tokaga o fai mau ki he mea ni be. Koia ke atu ki he kakai kotoabe aia oku totonu: ae tukuhau kiate ia oku totonu ki ai ae tukuhau; koe totogi kiate ia oku aana totonu ae totogi; koe manavahe kiate ia oku aana totonu ae manavahe; moe fakaabaaba kiate ia oku aana totonu ae fakaabaaba.

Ka oku mau lea aki ae boto iate kinautolu oku haohaoa: ka oku ikai koe boto oe mamani, be oe houeiki oe mamani, aia e a‘u o gata: Ka oku mau lea aki ae boto lilo oe Otua i he gaue fufu, aia nae tuutuuni e he Otua i he teeki ai tuu a mamani, ko ho tau leleiaga: Aia nae ikai ilo e ha taha oe gaahi eiki oe mamani: he ka ne nau ilo ia, behe, e ikai te nau tutuki ki he akau ae Eiki lagilagi.

Oku gofua ae mea kotoabe kiate au, ka oku ikai aoga ae mea kotoabe: oku gofua ae mea kotoabe kiate au, ka e ikai faiekina au e he mea e taha.

Oku gofua ae mea kotoabe kiate au, ka oku ikai aoga ae mea kotoabe: oku gofua ae mea kotoabe kiate au, ka oku ikai laga hake kotoabe.

Bea e toki hoko ae ikuaga, aia te ne atu ai ae buleaga ki he Otua, io, koe Tamai; hili ene ikuna ae bule kotoabe, moe fekau kotoabe, moe malohi. He kuo bau be ke bule ia, kae oua ke ne tuku a hono gaahi fili kotoabe ki hono lalo va‘e.

Bea oku ikai ai ha Jiu be Kiliki, oku ikai ha bobula be ha tauataina, oku ikai ha tagata be ha fefine: ka oku mou taha be kotoabe ia Kalaisi Jisu. Bea kabau oku a Kalaisi akimoutolu, bea ta koe hako o Ebalahame akimoutolu, bea koe fānau hoko o fakatatau moe talaofa.

Ka koeha ae lea oe tohi? Kabuji kitua ae fefine bobula mo ene tama: koeuhi e ikai hoko fakataha ae tama ae fefine bobula moe tama ae fefine oku tauataina. Koia, e kaiga, oku ikai koe fānau akitautolu ae fefine bobula, ka koe tauataina.

KOIA, tuu mau i he tauataina aia kuo fakatauataina ai akitautolu e Kalaisi, bea oua naa toe efihia i he haamoga oe bobula.

He oku fakamooni ae fono kotoabe i he lea ko eni e taha, Ke ke ofa ki ho kaugaabi o hage be ko koe.

Ka koe fua oe Laumalie, koe ofa, moe fiefia, moe melino, moe kataki fuoloa, moe agavaivai, moe agalelei, moe tui, Moe agamalu, moe taekona: bea oku ikai ha fono ke taofi eni.

O maoluga lahi aubito i he gaahi bule kotoabe, moe malohi, moe mafimafi, moe eikiaga moe higoa kotoabe oku ui aki, ikai i he mamani be, ka i he mama koia foki e hoko: Bea kuo tuku eia ae gaahi mea kotoabe ki hono lalo va’e, bea fakanofo ia koe ulu ki he gaahi mea kotoabe ki hono jiaji,

Koeuhi i he kuoga koia naa mou majiva Kalaisi ai, koe āuhe akimoutolu mei he buleaga o Isileli, moe kau muli ki he gaahi fuakava oe talaofa, o tae ha amanaki lelei, bea taema’u ae Otua i mamani

Bea koeni, oku ikai ai koe kau muli moe kau aunofo akimoutolu, ka koe kauga kolo moe kaiga maonioni, bea moe fale oe Otua.

He oku ikai koe tau fagatua moe kakano moe toto, ka ki he gaahi bule, moe gaahi malohi, moe kau bule oe fakabouli oe mamani, moe kau laumalie kovi i he gaahi botu i oluga.

Bea koia kuo hakeaki‘i ai ia e he Otua o lahi aubito, o ne foaki kiate ia ae huafa oku maoluga taha be i he higoa kotoabe: Koeuhi ke tuulutui ki he huafa o Jisu ae tui oia kotoabe oku i he iagi mo mamani, moe lalo mamani; Bea ke fakaha e he elelo kotoabe koe Eiki a Jisu Kalaisi, ke ogoogo lelei ai ae Otua koe Tamai.

He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi:

He nae fakatubu eia ae gaahi mea kotoabe, aia oku i he lagi, bea mo ia oku i mamani, ae mea ha mai moe tae ha mai, be koe gaahi nofoa fakaeieiki, be koe gaahi eikiaga, be koe gaahi bule, be koe gaahi malohi: nae fakatubu eia ae gaahi mea kotoabe, bea nae maana ia:

Vakai naa taki fakahe akimoutolu e ha tagata e toko taha i he fieboto moe lau fakakākā, oku tāu moe talatubua ae tagata, o gali moe gaahi ulugaaga fakamama, ka oku ikai tāu mo Kalaisi.

Ka oku tau ilo oku lelei ae fono, o kabau oku gaue aoga aki ia e he tagata; O ilo eni, nae ikai gaohi ae fono ki he tagata maonioni, ka ki he kau liaki fono, moe talagataa, moe taelotu, moe kau agahala, ki he taemaa, moe manuki, ki he kau tamate‘i oe tamai moe tamate‘i oe fa‘e, moe kau tamate‘i oe tagata, Ki he kau feauaki, kiate kinautolu oku fefakauliaki akinautolu moe kakai, ki he kau kaihaa tagata, ki he kau loi, ki he kau fuakava loi, bea moia kotoabe oku tuu kehe moe akonaki totonu;

Bea koeni, ke i he Tu‘i i mu‘a i mu‘a, mo taemate, mo tae ha mai, ki he Otua boto taha be, ae fakaabaaba moe ogoogo lelei o taegata bea taegata. Emeni.

KOIA oku ou eginaki, ke fuofua fai ae kole, moe gaahi lotu, moe hufe-kina mau, moe fakafetai, koeuhi koe kakai kotoabe; Koeuhi koe gaahi tu‘i, bea mo kinautolu kotoabe oku bule: koeuhi ke tau moui i he moui fiemalie moe melino, i he aga faka‐Otua moe aga totonu kotoabe.

Aia te ne fakaha i hono kuoga oona, koe Eiki monuia, mo taha be, koe Tu‘i ki he gaahi tui, moe Eiki ki he gaahi eiki;

Kabau oku tau faa kataki, te tau bule foki mo ia: kabau te tau liaki ia, te ne liaki akitautolu foki:

FAKAMANATU‘I akinautolu ke nau aganofo ki he gaahi tu‘i moe kau bule, ke nau talagofua ki he kau faka-māu, ke tali teu be ki he gaahi gaue lelei kotoabe; Ke oua naa lauikovi ha toko taha, oua naa fakakikihi, kae agavaivai, o fakaha ae agamalu kotoabe ki he kakai kotoabe.

Ka ki he Alo, oku ne behe, E Otua, ko ho nofoaga oku lauikuoga bea taegata: koe tokotoko o ho buleaga koe tokotoko maonioni ia.

BEA ko hono mea lahi eni i he gaahi lea ni: Oku tau ma‘u ae fugani taulaeiki behe, bea kuo nofo ia i he nima toomatau oe afioaga oe Fugani Maoluga i he gaahi lagi; Koe tauhi oe botu tabu, moe fale fehikitaki mooni, aia nae fokotuu e he Otua, kae ikai koe tagata.

Bea nae to ki he niihi ae ahiahi oe gaahi manuki moe kauimaea, io, oe gaahi ha‘i moe nofo fale fakabobula: Nae tologaki aki ae maka akinautolu, nae kiliji o fahi ua akinautolu, nae ahiahi‘i nae tamate‘i aki ae heleta: naa nau alu fano i he kili‘i sibi moe kili‘i koji; kuo majiva, kuo mamahi, kuo gaohi kovi‘i; (Akinautolu nae ikai tāu mo mamani ke ma‘u:) naa nau alu fano i he gaahi toafa, moe gaahi mouga, bea i he gaahi ana moe luo oe kelekele.

Mou talagofua kiate kinautolu oku fakahinohino akimoutolu, bea mou fakavaivai: he oku nau leohi ho mou laumalie, he te nau fakamatala ki ai, bea koeuhi ke nau fai ia i he fiefia, kae oua naa i he mamahi: he oku taeoga ia kiate kimoutolu.

Ka koe kakai kuo fili akimoutolu, koe kau taulaeiki fakaeieiki, koe kakai maonioni, koe kakai kuo fakatau; koeuhi ke mou fakaha ae ulugaaga lelei o ia naa ne ui mai akimoutolu mei he bouli ki he ene māma lahi:

Oku ou kole atu, e kaiga ofeina, ke mou hage koe kau muli moe aunofo, ke taofi akimoutolu mei he gaahi holi fakakakano, aia oku tau‘i ae laumalie; Bea fai ke lelei hoo mou moui i he ao oe kakai Jenitaile: koeuhi, i ha mea oku nau lauikovi ai akimoutolu o hage koe kau fai kovi, ke nau mamata ki hoo mou gaahi gaue lelei, bea fakamalo ai ki he Otua i he aho oe aahi. Fakavaivai akimoutolu ki he tuutuuni kotoabe ae tagata koeuhi koe Eiki: be ki he tu‘i, aia oku lahi taha be; Be ki he kau bule, akinautolu kuo ne fakanofo koeuhi ke tautea ae kau fai kovi, ka ke fakamalo kiate kinautolu oku fai lelei. He oku behe ae finagalo oe Otua, ke mou fakanoa‘i aki ae fai lelei ae faa launoa ae kakai vale: O tāu moe tauataina, kae oua naa ma‘u ae tauataina ke hage koe ufiufi oe agahala, ka mou hage koe kau tamaioeiki ae Otua. Fakaabaaba ki he kakai kotoabe. Ofa ki he kaiga lotu. Manavahe ki he Otua. Fakaabaaba ki he tu‘i. Ae kau tamaioeiki, mou fakavaivai ki hoo mou gaahi eiki i he manavahe kotoabe; ikai ki he agalelei moe agavaivai be, ka ki he agamalohi foki.

O ne tuku ae ogo kolo ko Sotoma mo Komola ki he fakaauha, o ne liliu ia koe efuefu, bea ne gaohi ia koe fakailoga kiate kinautolu e moui fai agahala ki mui; O ne fakamoui a Lote agatonu, aia nae mamahi i he ulugaaga fakalielia ae kau agahala: (He nae nofo ae tagata maonioni koia iate kinautolu, bea i he ene mamata mo fanogo, nae fakamamahi a hono laumalie maonioni, i he aho kotoabe, aki e nau gaahi faiaga taetotonu;)

Ka e lahi kiate kinautolu oku aeva o fakatatau ki he kakano i he holi fakalielia, bea nau manuki‘i ae bule. Koe kau aga malohi, moe kau aga fefeka, oku ikai te nau manavahe ke lauikovi ae kau bule. Ka koe kau agelo, oku nau lahi hake i he malohi moe mafai, oku ikai te nau lauikovi akinautolu i he ao oe Eiki.

Ko ia kotoabe oku ne fai agahala, oku ne maumau‘i foki ae fono: he koe agahala, koe maumau oe fono.

Oku behe foki akinautolu ni, ae kau miji kovi, oku nau uli‘i ae jino, o manuki‘i ae bule, mo lauikovi ae kau bule.

KO AU JONE ki he jiaji e fitu oku i Esia: Ke iate kimoutolu ae aloofa, moe monuia, meiate ia oku i ai, bea nae i ai, bea mo ia e i ai; bea mei he Laumalie e Toko Fitu aia oku i hono mu‘a nofoa fakaeieiki; Bea mei a Jisu Kalaisi, koe Fakamooni agatonu, moe uluaki fakatubu mei he mate, moe Eiki oe gaahi tu‘i o mamani; Ke iate ia naa ne ofeina akitautolu, bea ne fufulu akitautolu mei he e tau gaahi agahala aki hono taataa oona, bea ne gaohi akitautolu koe gaahi tu‘i, moe kau taulaeiki ki he Otua mo ene Tamai; ke iate ia ae ogoogo lelei moe bule o taegata bea taegata. Emeni.

Ko ia ia e ikuna, teu foaki ki ai ke nofo mo au i hoku nofoa fakaeieiki, o hage foki ko eku ikuna, beau nofo mo eku Tamai i hono nofoa fakaeieiki.

Bea fakafokifabe kuou i he Laumalie: bea vakai, ne tuu ae nofoa fakaeieiki i he lagi, bea nofo ae toko taha i he nofoa fakaeieiki. Bea ko ia nae nofo ai nae matamata lelei o hage koe maka koe jasiba moe satino; bea nae takatakai ae nofoa fakaeieiki e he umata, nae ha mai o hage koe emalata. Bea nae tuu takatakai i he nofoa fakaeieiki oe nofoa e uofulu ma fa: bea neu mamata oku nofo i he gaahi nofoa ae mātua e toko uofulu ma toko fa, kuo kofu aki ae kofu hinehina; bea nae ai i ho nau ulu ae gaahi bale koula. Bea nae ba mai mei he nofoa fakaeieiki ae uhila moe mana moe gaahi le‘o: bea nae ulo ae māma afi e fitu i he mu‘a nofoa fakaeieiki, aia koe Laumalie e Fitu oe Otua. Bea nae i he mu‘a nofoa fakaeieiki ae tahi jioata o hage koe kilisitala: bea nae i he haohaoga oe nofoa fakaeieiki, bea tuu takatakai i he nofoa fakaeieiki, ae faahiga mea moui e fa, kuo fonu i he gaahi foi mata i ao bea mo tua.

Bea i he atu e he gaahi mea moui koia ae fakaabaaba moe ogoogo lelei moe fakafetai kiate ia oku nofo i he nofoa fakaeieiki, aia oku moui o lauikuoga bea taegata, Nae fakafoohifo ae mātua e toko uofulu ma toko fa i he ao o ia oku nofo i he nofoa fakaeieiki, o nau hu kiate ia oku moui o lauikuoga bea taegata, bea naa nau li ho nau gaahi bale i he mu‘a nofoa fakaeieiki, mo nau behe,

Bea kuo ke gaohi akinautolu koe gaahi tu‘i moe kau taulaeiki ki ho mau Otua: bea te nau bule i he mama. Bea neu vakai, beau fanogo ki he le‘o oe kau agelo toko lahi nae tuu takatakai i he nofoa fakaeieiki moe gaahi mea moui moe kau mātua: bea ko ho nau lau koe gaahi toko mano lau‘i gaahi mano, moe gaahi toko afe lau‘i gaahi toko afe; Oku nau behe, aki ae le‘o lahi, Oku tāu moe Lami nae tamate‘i ke tuku kiate ia ae mafimafi, moe koloa, moe boto, moe malohi, moe fakaabaaba, moe ogoogo lelei, moe fakafetai. Bea neu fanogo ki he gaahi mea kotoabe aia oku i he lagi, bea i he mamani, bea i lalo i mamani, bea mo ia oku i he tahi, bea mo kinautolu kotoabe oku i ai, naa nau behe, Ke iate ia oku nofo i he nofoa fakaeieiki, bea ki he Lami, ae fakafetai, moe fakaabaaba, moe ogoogo lelei, moe mafimafi, o taegata bea taegata.

Bea hili eni, naaku mamata, bea vakai, koe fuu kakai aia kuo ikai faa lau e ha taha, mei he buleaga, moe faahiga, moe kakai, moe lea kotoabe, naa nau tutuu i he mu‘a nofoa fakaeieiki, bea i he ao oe Lami, kuo nau kofu aki ae gaahi kofu hinehina tōtōlōfa, moe vaa boga i ho nau nima; Bea naa nau kalaga aki ae le‘o lahi, o behe, Oku mei ho tau Otua oku nofo i he nofoa fakaeieiki, bea moe Lami, ae fakamoui. Bea nae tutuu takatakai ae kau agelo kotoabe i he nofoa fakaeieiki, bea i he kau mātua moe mea moui e fa, bea naa nau fakafoohifo ho nau mata i he mu‘a nofoa fakaeieiki, o hu ki he Otua,

Koia ai oku nau i he mu‘a nofoa fakaeieiki oe Otua, o tauhi ia i he aho moe bo i hono fale tabu: bea ko ia oku nofo i he nofoa fakaeieiki, e nofo ia iate kinautolu.

Bea nae ifi e hono fitu oe agelo; bea nae ai ae gaahi le‘o malohi i he lagi, nae behe, Koe gaahi buleaga oe mama kuo o ho tau Eiki, mo hono Kalaisi; bea e bule ia o taegata bea taegata. Bea koe mātua e toko uofulu ma toko fa, aia nae nofo i ho nau gaahi nofoa i he ao oe Otua, naa nau foohifo o hu ki he Otua, O behe, Oku mau fakafetai kiate koe, e Eiki koe Otua Mafimafi, oku ke i ai ni, bea naa ke i ai, bea te ke i ai; koeuhi kuo ke too kiate koe a hoo malohi lahi, bea kuo ke bule. Bea nae ita ae gaahi buleaga, bea kuo hoko mai ho houhau, moe kuoga oe bekia, koeuhi ke fakamāua akinautolu, bea koeuhi ke ke totogi ai ki hoo kau tamaioeiki koe kau balofita, moe kakai maonioni, mo kinautolu oku manavahe ki ho huafa, ae iki moe lalahi; bea ke fakaauha akinautolu oku nau fakaauha ae mama.

BEA neu tuu i he oneone oe tahi, beau mamata oku alu hake mei he tahi ae manu fekai, nae fitu hono ulu, bea nae i ai ae nifo e hogofulu, bea nae i hono gaahi nifo ae bale e hogofulu, bea i hono gaahi ulu ae higoa ko Taukae Otua. Bea koe manu fekai aia neu mamata ai, nae tatau moe lebati, bea ko hono va‘e nae hage koe va‘e o ha beaa, bea ko hono gutu nae hage koe gutu o ha laione: bea nae atu ki ai e he fuu gata a ene malohi aana, mo hono nofoaga, moe bule lahi.

Bea nae muimui ae agelo e toko taha, o ne behe, Kuo higa a Babilone, kuo higa ia, ae kolo lahi koia, koeuhi kuo ne fakainu‘i ae buleaga kotoabe i he uaine oe houhau o ene feauaki.

Bea nae vahe tolu ae kolo lahi, bea nae higa ae gaahi kolo oe gaahi buleaga: bea nae manatu‘i a Babilone lahi i he ao oe Otua, ke atu ki ai ae ibu oe uaine kakaha o hono houhau. Bea nae buna atu ae motu kotoabe, bea ikai ilo‘i ae gaahi mouga.

BEA nae ha‘u ae toko taha oe agelo e toko fitu nae i ai ae hina e fitu, o ne lea kiate au, o behe mai kiate au, Ha‘u ki heni; bea teu fakaha kiate koe hono fakamāu oe fuu feauaki, oku heka i he gaahi vai lahi: Aia kuo fai feauaki moe gaahi tu‘i a mamani, bea koe kakai o mamani nae fakakona aki ae uaine o ene feauaki.

Ko eni ae loto oku boto. Koe ulu e fitu, koe mouga ia e fitu, aia oku heka ai ae fefine. Bea oku fitu ae gaahi tu‘i: kuo higa ae toko nima, bea oku ai ni ae toko taha, bea oku teeki hoko hono toe; bea ka ha‘u ia, kuo bau ke nofo be ia i he kuoga jii. Bea koe manu fekai, nae i ai, ka oku ikai eni, ko hono valu ia, bea oku oe toko fitu, bea oku alu ia ki he malaia. Bea koe nifo‘i ulu e hogofulu naa ke mamata ki ai, koe tu‘i e hogofulu ia, oku heeki ke nau ma‘u ha buleaga; ka oku nau ma‘u ae malohi o hage ha gaahi tu‘i i he feituulaa e taha fakataha moe manu fekai. Oku loto taha akinautolu ni, bea te nau foaki e nau bule moe malohi ki he manu fekai.

E tau‘i ekinautolu ni ae Lami, bea e ikuna akinautolu e he Lami: he koe Eiki ia oe gaahi eiki, koe Tu‘i oe gaahi tu‘i: bea ko kinautolu oku iate ia kuo ui, mo fili, mo agatonu. Bea naa ne behe mai kiate au, Koe gaahi vai ne ke mamata ai, oku heka ai ae fefine feauaki, koe gaahi kakai, moe fuu toko lahi, moe gaahi buleaga, moe gaahi lea. Bea koe nifo‘i ulu e hogofulu ne ke mamata ai i he manu fekai, e fehia akinautolu ni ki he fefine feauaki, bea te nau fakamajiva‘i mo fakatelefua‘i ia, bea te nau kai a hono kakano, bea tutu ia i he afi. He kuo fakaloto‘i akinautolu e he Otua ke nau fai ki hono finagalo, bea ke nau loto taha, o foaki ho nau buleaga ki he manu fekai, kae oua ke fakamooni ki he gaahi folofola ae Otua. Bea koe fefine naa ke mamata ki ai, koe kolo lahi koia ia, aia oku ne bule‘i ae gaahi tu‘i o mamani.

Bea naa ne kalaga malohi aki ae le‘o lahi, o ne behe, Ko Babilone koe lahi kuo higa, kuo higa ia, bea kuo hoko ia koe nofoaga oe kau tevolo, bea koe anaga oe laumalie uli kotoabe, bea koe katoaaga oe manu buna kotoabe oku uli mo fakalielia. He kuo inu e he gaahi buleaga kotoabe i he uaine oe houhau o ene feauaki, bea kuo feauaki mo ia ae gaahi tu‘i o mamani, bea koe kau fakatau o mamani kuo nau koloaia, koe mea i he lahi o ene gaahi mea lelei.

Bea koe gaahi tu‘i o mamani, naa nau feauaki mo moui fakabelebele mo ia, te nau tagi mo tagilāulāu koeuhi koia, oka nau ka mamata ki he kohu o ene vela, O tuu mamao atu, i he manavahe ki he ene mamahi, mo nau behe, Oiaue, oiaue, ae kolo lahi koia ko Babilone, ae kolo malohi koia! he kuo hoko i he feituulaa be taha a hoo fakamāu.

Bea nae too e ha agelo malohi ae maka o hage ha fuu maka momoji, o ne li ia ki he tahi, o ne behe, E behe a hono li malohi hifo ae kolo lahi koia ko Babilone, bea e ikai aubito kei ilo‘i ia.

Bea oku alu atu mei hono gutu ae heleta majila, koeuhi ke ne ta aki ia ae gaahi buleaga: bea te ne bule‘i akinautolu aki ae vaa ukamea: bea oku ne malamalaki ae tataoaga uaine oe kakaha oe houhau oe Otua Mafimafi.

Bea oku i hono bulubulu mo hono tega ae higoa kuo tohi, KOE TU‘I OE GAAHI TU‘I, MOE EIKI OE GAAHI EIKI.

Bea neu mamata oku tuu ha agelo i he laa; bea ne kalaga aki ae le‘o lahi, o ne behe ki he faga manu kotoabe oku buna i he atā noa, Ha‘u o fakakatoa akimoutolu ki he oho mohe oe Otua lahi; Koeuhi ke mou kai ae kakano oe gaahi tu‘i, moe kakano oe gaahi eiki tau, moe kakano oe kau tagata malohi, moe kakano oe faga hose, mo kinautolu oku heka ki ai, bea moe kakano oe kakai fua be, ae tauataina moe bobula, ae iki moe lalahi. Bea neu mamata ki he manu fekai, moe gaahi tu‘i o mamani, moe nau gaahi matatau, nae tanaki o fakataha ke nau tau‘i ia oku heka i he hose, mo ene kau tau.

Oku monuia mo maonioni ia oku ne kau i he uluaki toetuu: e ikai ikuna akinautolu e he mate agaua, ka te nau hoko koe kau taulaeiki ae Otua mo Kalaisi, bea te nau bule mo ia i he ta‘u e taha afe.

Bea neu mamata ki he nofoa fakaeieiki oku lahi bea hinehina, mo ia nae nofo ai, aia nae buna mei hono ao ae fonua moe lagi; bea nae ikai ilo ha botu ki ai. Bea neu mamata ki he bekia, ae iki moe lalahi, nae tutuu i he ao oe Otua; bea moe folahi oe gaahi tohi: bea folahi moe tohi e taha, aia koe tohi oe moui: bea nae fakamāu‘i ae bekia mei he gaahi mea nae tohi i he gaahi tohi, o fakatatau ki he e nau gaahi gaue. Bea nae tuku hake e he tahi ae kakai mate nae i ai; bea tuku hake e he faitoka mo hetesi ae kakai mate nae i ai: bea nae fakamāu akinautolu taki taha o fakatatau ki he e nau gaahi gaue.

Bea ko ia nae nofo i he nofoa fakaeieiki nae behe eia, Vakai, oku ou fakafoou ae gaahi mea kotoabe. Bea ne behe mai kiate au, Tohi: he oku mooni mo totonu ae gaahi lea ni. Bea ne behe mai kiate au, Kuo fai ia. Ko au koe Alifa mo Omeka, koe kamataaga moe gataaga. Teu foaki taetotogi mei he matavai moui kiate ia oku fieinu.

BEA naa ne fakaha kiate au ae vaitafe maa oe vai moui, asinisini o hage koe kilisitala, bea oku ha‘u mei he afioaga oe Otua moe Lami. I he loto hala lahi o ia, bea i hono kau vai fakatouoji, nae i ai ae akau oe moui, nae tubu ai ae fua kehekehe e hogofulu ma ua, bea fua ia i he mahina kotoabe: bea ko hono louakau, koe mea fakamoui oe gaahi buleaga. Bea e ikai kei ai ha malaia: he koe afioaga oe Otua moe Lami e tuu i ai; bea e tauhi ia e he ene kau tamaioeiki: Bea te nau mamata ki hono fofoga; bea e i ho nau foi la‘e a hono huafa. Bea e ikai i ai ha bo; bea oku ikai aoga ki ai ha māma, be koe ulo oe laa; he oku fakamāmagia akinautolu e he Eiki koe Otua: bea te nau bule o taegata bea taegata.