18 – Abafundisi bamanga

Inyoka yayiliqili okudlula zonke izinyamazana zeganga uNkulunkulu ayezenzile. Yathi kowesifazana, “Kambe uNkulunkulu watsho ngeqiniso wathi, ‘Lingadli noma yisiphi isihlahla esivandeni’?” Owesifazana wathi enyokeni, “Singadla izithelo zezihlahla esivandeni, kodwa uNkulunkulu watsho wathi, ‘Lingazidli izithelo zesihlahla esiphakathi laphakathi kwesivande, njalo lingasithinti, funa life.’ ” Inyoka yathi kowesifazana, “Kalisoze life ngempela. Ngoba uNkulunkulu uyazi ukuthi lingasidla amehlo enu azavuleka, beselisiba njengoNkulunkulu, lazi okuhle lokubi.”

Yikho uJehova uNkulunkulu wathi kowesifazana, “Kuyini lokhu osukwenzile na?” Owesifazana wathi, “Inyoka ingikhohlisile, ngadla.” Ngakho uJehova uNkulunkulu wasesithi enyokeni, “Ngokuba usukwenzile lokhu, “Uthukiwe ngaphezu kwezifuyo zonke kanye lezinyamazana zonke zeganga! Uzahuba phansi ngesisu sakho njalo uzakudla uthuli zonke izinsuku zokuphila kwakho. Njalo ngizafaka ubutha phakathi kwakho lowesifazana, laphakathi kwenzalo yakho leyowesifazana; uzahlifiza ikhanda lakho, njalo wena uzamnqanda isithende sakhe.”

Ungakhothameli izithombe, njalo ungazikhonzi. Ngoba mina Jehova uNkulunkulu wakho nginguNkulunkulu olobukhwele, ojezisa abantwana ngenxa yezono zaboyise kuze kube yisizukulwane sesithathu lesesine salabo abangizondayo, kodwa ngilothando olungapheliyo ezizukulwaneni zabangithandayo begcina imithetho yami.

“Ungahambi ukhuluma izindaba zamanga. Ungahlanganyeli lomuntu ongalunganga ngokuba ngufakazi olomona. “Ungenzi okubi ulandela inengi labantu. Nxa ufakaza ecaleni ungaphenduleli iqiniso ngokuvumelana labanengi,

“ ‘Lingebi. “ ‘Lingaqambi amanga. “ ‘Lingakhohlisani.

“ ‘Lingahambahambi linyeya kwabakini. “ ‘Ungenzi lutho olulimaza umakhelwane wakho. Mina yimi uJehova. “ ‘Lingamzondi umfowenu ngezinhliziyo zenu. Khuzani umakhelwane likhululekile ukuze lingabi lomlandu njengaye.

UNkulunkulu kasumuntu, ukuthi angaqamba amanga, loba indodana yomuntu, yona eguquka ingqondo yayo. Kambe ukhuluma angenzi na? Uyathembisa angagcwalisi isithembiso na?

Lazibonela ngawenu amehlo okwenziwa nguJehova eBhali Phewori. UJehova wenu wabatshabalalisa bonke ababekhonza uBhali wePhewori,

Ngakho nanzelelani lenze lokho uJehova uNkulunkulu wenu alilaya ngakho; lingaphambukeli yiloba kwesokudla loba kwesenxele.

Likhumbule ukuthi uJehova wenu walikhokhela njani lidabula inkangala okweminyaka engamatshumi amane, elichumisa lokulilinga ukuthi abone okwakusezinhliziyweni zenu, ukuthi kambe lizayigcina imiyalo yakhe na loba hayi. UJehova walichumisa, wabangela indlala kanti njalo walipha ukudla okuyimana, ukudla lokho laboyihlo abangazange bakwazi, kuyikulifundisa ukuthi umuntu kaphili ngesinkwa kuphela zwi kodwa ngalo lonke ilizwi eliphuma emlonyeni kaJehova.

Gcinani lokhu ezinhliziyweni zenu lazi ukuthi njengendoda ikhuza indodana yayo, ngokufananayo uJehova uNkulunkulu wenu uyalikhuza. Gcinani imilayo kaJehova wenu lihambe endleleni yakhe njalo limkhonze.

Qaphelani linanzelele ukuthi aliyikuhugeka lihlamuke likhonze abanye onkulunkulu libakhothamele.

Nanzelelani ukuthi lenza lokho engililaya ngakho, lingengezeleli loba liphungule kulokho.

Nxa umphrofethi, loba umuntu oboniswa ngamaphupho, angavela phakathi kwenu abesebika imilingo loba isimanga, kuthi leyomilingo loba lesosimanga ayabe ekhulume ngaso, kubonakale kusenzakala, abesesithi, “Asilandeleni abanye onkulunkulu (onkulunkulu elingakaze libazi) njalo asibakhonzeni,” lingalaleli amazwi alowo mphrofethi loba umuntu wamaphupho. UJehova uNkulunkulu wenu uzabe uyalilinga efuna ukubona kumbe liyamthanda yini ngezinhliziyo zenu kanye langomphefumulo wenu wonke.

Kodwa-ke umphrofethi ozenza okhuluma amazwi ami wona kungesiwo engimlaye ngawo ukuba awatsho, loba umphrofethi okhuluma ngebizo labanye onkulunkulu, kumele abulawe.”

Lingazitshela lokhu lithi, “Singakwazi njani ukuthi lelilizwi kaliveli kuJehova na?” Nxa lokho okumenyezelwa ngumphrofethi ngebizo likaJehova kungenzakali loba kugcwaliseke, lokho kuyilizwi eliyabe lingaveli kuJehova. Lowo mphrofethi uyabe ekhuluma ize. Lingamesabi.

Ngoba ukuhlamuka kufana lesono sokuhlahlula, lobuqholo bufana lobubi bokukhonza izithombe. Ngokuba ilizwi likaJehova ulalile. Usekwalile njengenkosi.”

Ekucineni kwasekuvela umoya, wema phambi kukaJehova wathi, ‘Mina ngizamhuga.’ UJehova wabuza wathi, “ ‘Uzakwenza ngandlela bani?’ Umoya waphendula wathi, “ ‘Ngizahamba ngiyekuba ngumoya wamanga emilonyeni yabo bonke abaphrofethi bakhe. UJehova wathi, “ ‘Uzaphumelela ukumhuga. Hamba uyekwenza.’ “Ngakho khathesi uJehova usefake umoya wenkohliso emilonyeni yabaphrofethi bakho bonke laba. UJehova usekumisele ukubhujiswa.”

Ekucineni kwasekuphuma umoya othile, wema phambi kukaJehova wathi: ‘Ngizamkhohlisa mina.’ UJehova wathi kuwo: ‘Ngendlela bani na?’ “Wona wathi: ‘Ngizahamba ngiyekuba ngumoya wokuqamba amanga emilonyeni yabo bonke abaphrofethi bakhe.’ “UJehova wathi: ‘Uzaphumelela ukumkhohlisa. Hamba-ke uyekwenza lokho.’ “Ngakho-ke uJehova ufake umoya wokuqamba amanga emilonyeni yalaba baphrofethi bakho, ngoba uJehova ukumisele okubi.”

UJehova, uNkulunkulu wabokhokho babo, wathumela ilizwi ephindaphinda ngezithunywa zakhe, ngoba wayelesihawu ebantwini bakhe kanye lendawo yakhe yokuhlala. Kodwa izithunywa zikaNkulunkulu babezihleka ulunya, beseyisa amazwi akhe njalo beklolodela abaphrofethi bakhe lwaze lwavutha ulaka lukaJehova ebantwini bakhe kungasekho okunganceda.

Kodwa lina lingigcona ngamanga; lonke liyizinyanga ezingelamsebenzi!

Kungani izizwe zixokozela na, labantu besakha amasu ayize? Amakhosi omhlaba azimisele lababusi bahlangana ndawonye ukumelana loJehova njalo bamelane lalowo Ogcotshiweyo Wakhe. Bathi, “Kasiwaqamuleni amaketane abo, silahle izibopho zabo.” Yena osesihlalweni ezulwini uyahleka; uJehova ubahleka ulunya.

Uyababhubhisa labo abaqamba amanga; abomele igazi labakhohlisayo uJehova uyabenyanya.

Kalikho lalinye ilizwi lomlomo wabo elithembekileyo; inhliziyo yabo igcwele ukubhidliza. Umphimbo wabo ulingcwaba elikhamisileyo; ngolimi lwabo bakhuluma inkohliso.

Kumqondisi wokuhlabela. ElikaDavida Isiwula sithi enhliziyweni yaso, “AkulaNkulunkulu.” Baxhwalile, izenzo zabo zingamanyala; kakho owenza okuhle. UJehova ukhangela phansi esezulwini abone amadodana abantu ingabe bakhona yini abezwayo, abamdingayo uNkulunkulu. Bonke baphambukile, bonke ndawonye sebexhwalile; kakho loyedwa owenza okuhle, kakho lamunye.

Akuthi izindebe zabo zamanga zithuliswe, ngoba bathi ngokuzigqaja lokweyisa kwabo bakhulume ngobuqholo ngabantu abalungileyo.

nqanda ulimi lwakho ebubini lezindebe zakho zingakhulumi amanga.

Kodwa kwababi, uNkulunkulu uthi: “Lilelungelo bani ukukhuluma imithetho yami kumbe liphathe isivumelwano sami ezindebeni zenu na? Liyazizonda iziqondiso zami, lilahlela amazwi ami emuva kwenu.

Ulimi lwakho luceba incithakalo; lunjengensingo eloliweyo, wena owenza inkohliso. Uthanda ububi kulobuhle, amanga kulokukhuluma iqiniso. Uyawathanda wonke amanga alimazayo, hawu bo, wena limi olukhohlisayo. Ngeqiniso uNkulunkulu uzakwehlisela ukubhubha okungapheliyo: Uzakuhlwitha akukhuphe ethenteni lakho; uzakuquphula akususe elizweni labaphilayo.

Inkulumo yakhe ibutshelezi njengolaza, kodwa kulempi enhliziyweni yakhe.

Ngenxa yezono zemilomo yabo, ngenxa yamazwi ezindebe zabo, kababanjwe belokhu bezigqaja benjalo. Ngenxa yezethuko lamanga abawaqambayo,

Kakho othanda ukwenza inkohliso ozahlala endlini yami; kakho okhuluma amanga ozakuma phambi kwami.

Uyabalahla bonke labo abaphambuka ezimisweni zakho, ngoba ukukhohlisa kwabo kuyize.

Amanga ngiyawazonda njalo ngiyawenyanya kodwa umthetho wakho ngiyawuthanda.

Ukwesaba uJehova kuyikuqala kolwazi, kodwa iziwula ziyakweyisa ukuhlakanipha lokuzithiba.

“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na? Aluba lilalele ukukhuza kwami, ngabe ngalivulela isifuba sami ngalivezela imicabango yami.

Themba kuJehova ngenhliziyo yakho yonke, ungathembi okwakho ukuzwisisa; mvume kuzo zonke izindlela zakho, yena uzaqondisa zonke izindlela zakho. Ungazenzi ohlakaniphileyo ngokubona kwakho; yesaba uJehova uxwaye okubi.

Lahla izibozi zamazwi emlonyeni wakho; ungakhuphi inkulumo yokuxhwala ezindebeni zakho.

Khangelisa amehlo akho nta phambili, uwathi nhlo amehlo akho kulokho okuphambi kwakho. Lungisa izindlela ukuze izinyawo zakho zinyathele kuhle, uhambe ngezindlela eziqinileyo kuphela. Ungaphambukeli kwesokunene loba kwesokhohlo; Ugcine unyawo lwakho lunganyatheli okubi.

Ziyisithupha izinto uJehova azizondayo, eziyisikhombisa eziyisinengiso kuye: amehlo atshengisa ukudelela, ulimi oluqamba amanga, izandla ezichitha igazi elingelacala, inhliziyo egaya izibozi, izinyawo eziphangisa ukuya ebubini, ufakazi wamanga, okhuluma inkohliso lomuntu oletha ukuxabana kubazalwane.

“Lowo oweluleka oklolodayo ubiza inhlamba; okhuza umuntu oxhwalileyo ucina ethethiswa. Ungakhuzi isiqholo ngoba sizakuzonda; khuza ohlakaniphileyo uzakuthanda. Yeluleka umuntu ohlakaniphileyo uzakwandisa ukuhlakanipha kwakhe; fundisa umuntu olungileyo, uzakwengeza ulwazi lwakhe.

“Ukumesaba uJehova kuyikuqala kwenhlakanipho, njalo ulwazi ngaLowo oNgcwele luyikuqedisisa.

Izindebe zeqiniso zimi lanini, kodwa ulimi olulamanga luma umzuzwana nje.

UJehova uyazenyanya izindlela ezilamanga, kodwa uyathokoza ngabantu abaleqiniso.

Ufakazi oleqiniso kakhohlisi, kodwa ufakazi ongelaqiniso uhutsha amanga. Oweyisayo uyakudinga ukuhlakanipha kodwa kakutholi, kodwa ulwazi luyazizela koqondisisayo. Suka emuntwini oyisiwula, ngoba awuyikufumana ulwazi ezindebeni zakhe.

Ufakazi oleqiniso uyabakhulula abantu, kodwa ufakazi wamanga uyakhohlisa.

Isedeleli siyakuzonda ukuqondiswa; kasibuzi kwabahlakaniphileyo.

Umuntu oxhwalileyo uyazilalela izindebe ezimbi; lomqambimanga uyalulalela ulimi olulomona.

Ufakazi wamanga uthola isijeziso, lalowo ohutshuza amanga kayikuphunyuka.

Ufakazi wamanga uthola isijeziso, njalo lowo ohutshuza amanga uzabhubha.

Xotsha isedeleli, lenkani ihle iphume; ukuxabana lokuthukana kuyaphela.

Ungafakazi ngokubethela umakhelwana kungelamlandu, kumbe usebenzise izindebe zakho ukhohlisa.

Kungcono ukuthukwa obala kulokuthandwa ngokufihlakeleyo. Ukulinyazwa ngumngane kakwesabeki, kodwa isitha sikwanga sedlulise amalawulo.

Nxa umbusi elalela amanga, zonke izikhulu zakhe ziba zimbi.

“Wonke amazwi kaNkulunkulu akalamposiso; uyisihlangu kulabo abacatsha kuye. Ungengezeleli emazwini akhe, funa akukhuze akwenze umqambimanga.

Ibizo elihle lingcono kulamakha amnandi, lelanga lokufa lingcono kulelanga lokuzalwa.

Zwanini mazulu! Lalelani mhlaba, Ngoba uJehova usekhulumile: “Ngondla abantwana ngabakhulisa, kodwa sebengihlamukele. Inkabi iyamazi umniniyo, lobabhemi uyasazi isibaya sikamnikazi wakhe, kodwa u-Israyeli kazi, abantu bami kabaqedisisi.” Awu sizwe esonayo, bantu abathwele amacala, inzalo yabenza okubi, bantwana abaxhwalileyo! Sebemlahlile uJehova; bamedelele oNgcwele ka-Israyeli bamfulathela. Kungani kumele litshaywe futhi? Kungani liqhubeka ngokuhlamuka? Ikhanda lakho lonke lilimele, yonke inhliziyo yakho ihlukuluziwe.

Kodwa abahlamuki lezoni bazachithwa, lalabo abalahla uJehova bazabhubha.

Maye kulabo abathi okubi kuhle bathi okuhle kubi, ababeka umnyama esikhundleni sokukhanya; ukukhanya esikhundleni somnyama; ababeka okubabayo esikhundleni sokumnandi, okumnandi esikhundleni sokubabayo. Maye kulabo abahlakaniphileyo emehlweni abo njalo besile ekuboneni kwabo.

UJehova uSomandla nguye okumele limazi engongcwele, nguye okumele limesabe, nguye okumele limqhuqhe. njalo uzakuba yisiphephelo; kodwa kuzo zombili izindlu zako-Israyeli uzakuba yilitshe abantu abazakhubeka kulo ledwala elizabawisa. Ebantwini baseJerusalema uzakuba yisifu lomjibila.

Emthethweni lakubo ubufakazi! Uma bengakhulumi ngokumayelana lelizwi leli, kabalakho ukukhanya kokusa.

Yeka ukuwa kwakho uvela ezulwini wena nkanyezi yekuseni, ndodana yokusa! Uphoselwe phansi emhlabeni, wena owake wehlisela izizwe phansi! Wathi enhliziyweni yakho, “Ngizakwenyukela ezulwini, ngizaphakamisela isihlalo sami sobukhosi ngaphezu kwezinkanyezi zikaNkulunkulu. Ngizahlala ebukhosini phezu kwentaba yombuthano ezingqongweni zentaba engcwele. Ngizakwenyukela ngaphezu kwezingqongo zamayezi; ngizazenza njengoPhezukonke.” Kodwa ulethwe phansi ethuneni, ekuzikeni kwegodi. Labo abakubonayo bakudonsela amehlo, bayacabanga ngowakudalelwayo bathi: “Nguyena lo na umuntu owanyikinya umhlaba wenza imibuso yaqhaqhazela,

AbaseGibhithe bazaphelelwa lithemba njalo ngizakwenza amacebo abo abe yize. Bazabuza izithombe lemimoya yabafayo, amadlozi lezanuse.

Lalaba bayadiyazela ngenxa yewayini, babhadazele ngenxa yotshwala. Abaphristi labaphrofethi bayadiyazela ngenxa yotshwala, njalo baphambene ngenxa yewayini; bayabhadazela ngenxa yotshwala, bayadiyazela, lapho bebona imibono, bayakhininda lapho besenza izinqumo.

UJehova uthi: “Abantu laba basondela kimi ngemilomo yabo bangikhonze ngezindebe zabo, kodwa izinhliziyo zabo zikude lami; ukungikhonza kwabo kwenziwa kuphela nje ngemilayo abayifundiswa ngabantu.

Lina ligomonqisa izinto kube angathi kucatshangwa ukuthi umbumbi unjengebumba. Okubunjiweyo kungatsho yini kokubumbileyo kuthi, “Kangibumbanga”? Imbiza ingatsho na kumbumbi ithi, “Kazi lutho”?

Abalahlekileyo emoyeni bazakuba lokuzwisisa; abasolayo bazavuma ukufundiswa.”

Laba ngabantu abangabahlamuki, abantwana abangabakhohlisi, abantwana abangafuniyo ukulalela imfundiso kaJehova.

Bathi kwabayizanuse, “Lingabe lisahlahlula futhi.” Kubaphrofethi bathi, “Lingasitsheli imibono ngalokho okuqondileyo. Sitsheleni izinto ezinhle, liphrofethe inkohliso. Tshiyani indlela le, phambukani kulo umkhondo liyekele ukuzisisezela ngoNgcwele ka-Israyeli!” Ngakho okutshiwo ngoNgcwele ka-Israyeli yilokhu: “Njengoba lilalile ilizwi leli, lathembela ekucindezelweni, lagwaba ngokukhohliswa, isono lesi kini sizafana lomduli ophakemeyo olomkenke njalo ohlephukayo odilika masinyane, ngesikhatshana nje.

ofojisa izibonakaliso zabaphrofethi bamanga, enze izanuse zibe yizithutha, ochitha ulwazi lwezihlakaniphi alwenze lube yibuthutha,

Abalindi bako-Israyeli bayiziphofu, bonke kabazi lutho; bonke bayizinja eziyizimungulu, ezingeke zikhonkothe. Bayalala nje baphuphe; bayakuthanda ukulala. Bayizinja ezihalalela ukudla, ezingasuthiyo. Bangabelusi abangaqedisisiyo, bonke bazazenzela abakufunayo, lowo lalowo udinga inzuzo yakhe.

Ngubani elimklolodelayo na? Ngubani elimtshilela imilomo limkhuphela izindimi zenu? Kalisinzalo yabahlamuki, labantwana babaqamba amanga na?

Indlu ka-Israyeli lendlu kaJuda kazithembekanga impela kimi,” kutsho uJehova. Baqambe amanga ngoJehova bathi, “Kasoze enze lutho! Akulabubi obuzasehlela; kasiyikubona impi loba indlala. Abaphrofethi bangumoya nje, lelizwi kalikho kubo; ngakho abakutshoyo kakwenziwe kubo.”

Into eyesabekayo leyethusayo isiyenzakele kulelilizwe: Abaphrofethi baphrofetha amanga, abaphristi babusa ngamandla abo, labantu bami bakuthanda kunjalo. Kodwa lizakwenzani ekucineni?

“Kusukela kwabancane kusiya kwabakhulu, bonke bayizihwaba ezifuna inzuzo; banjalo labaphrofethi kanye labaphristi, bonke benza inkohliso. Babopha inxeba labantu bami kungathi kalilibi kakhulu. Bathi, “Ukuthula, ukuthula.” khona ukuthula kungekho.

Umngane ukhohlisa umngane, njalo kakho okhuluma iqiniso. Sebafundisa izindimi zabo ukuqamba amanga; bayazidinisa ngokona. Lihlala phakathi kwenkohliso; ngenkohliso yabo bayala ukungamukela,” kutsho uJehova.

Ulimi lwabo lungumtshoko olobuthi, lukhuluma inkohliso. Lowo lalowo ukhuluma kuhle ngomlomo wakhe lomakhelwana wakhe, kodwa enhliziyweni yakhe emthiya ngomjibila.

UJehova wasesithi kimi, “Abaphrofethi baphrofetha amanga ngebizo lami. Angibathumanga njalo angibakhethanga kumbe ngikhulume labo. Baphrofetha imibono yamanga kini, ukuhlahlula, ukukhonza izithombe lenkohliso yezingqondo zabo. Ngakhoke, nanku okutshiwo nguJehova ngabaphrofethi abaphrofetha ngebizo lami ukuthi: Kangizange ngibathume, kodwa bona bathi, ‘Akulankemba kumbe indlala ezathinta ilizwe leli.’ ‘Bona labo abaphrofethi bazabhujiswa ngenkemba langendlala.

UJehova uthi: “Uqalekisiwe lowo othemba umuntu, othembe ukuthi amandla akhe asenyameni, onhliziyo yakhe ihlamukela uJehova.

Inhliziyo iyakhohlisa okudlula izinto zonke njalo imbi kakhulu. Ngubani ongayizwisisa na? “Mina Jehova ngiyayihlola inhliziyo ngihlole lengqondo, ukuba umuntu ngimnike okufanele ukwenza kwakhe mayelana lalokho okufanele izenzo zakhe.”

Mayelana labaphrofethi: Inhliziyo yami idabukile ngaphakathi kwami; wonke amathambo ami ayaqhaqhazela. Ngifana lomuntu odakiweyo, lanjengomuntu owehlulwa liwayini, ngenxa kaJehova lamazwi akhe angcwele.

“Umphrofethi lomphristi kabakholwa kuNkulunkulu; lasethempelini lami ngiyabufumana ububi babo,” kutsho uJehova. “Ngakho indlela yabo izatshelela; bazaxotshelwa emnyameni njalo lapho bazakuwa. Ngizabehlisela umonakalo ngomnyaka wokujeziswa kwabo,” kutsho uJehova.

Lakubaphrofethi baseJerusalema sengibone into eyesabekayo: Bayafeba baphile ngamanga. Baqinisa izandla zabenza okubi, ukuba kungabi khona oguquka ebubini bakhe. Kimi bonke banjengeSodoma; abantu baseJerusalema banjengeGomora.” Ngakho, mayelana labaphrofethi uJehova uSomandla uthi: “Ngizabenza badle ukudla okubabayo, banathe lamanzi aletshefu, ngoba kusukela kubaphrofethi baseJerusalema ukungakholwa kuNkulunkulu sekugcwele ilizwe lonke.”

UJehova uSomandla uthi: “Lingalaleli okuphrofethwa ngabaphrofethi kini; balenza lithembe amanga. Bakhuluma imibono evela ezingqondweni zabo, engaveli emlonyeni kaJehova. Bahlala besithi kulabo abangidelelayo, ‘UJehova uthi: Lizakuba lokuthula.’ Lakubo bonke abalandela inkani yezinhliziyo zabo bathi, ‘Akulabubi obuzalehlela.’

Ulaka lukaJehova kaluyikuphela aze azifeze ngokupheleleyo izinjongo zenhliziyo yakhe. Ezinsukwini ezizayo lizakuzwisisa kuhle lokhu. Abaphrofethi laba angibathumanga; kodwa bagijima lemibiko yabo; kangizange ngikhulume labo, kodwa sebephrofethile.

“Ngikuzwile okutshiwo ngabaphrofethi abaphrofetha amanga ngebizo lami. Bathi, ‘Ngiphuphile! Ngiphuphile!’ Koze kube nini lokhu kuqhubeka ezinhliziyweni zalaba abaphrofethi abalamanga na? Bacabanga ukuthi amaphupho abawatshelanayo azakwenza abantu bami bakhohlwe ibizo lami, njengabokhokho babo abakhohlwa ibizo lami ngenxa yokukhonza uBhali. Akuthi umphrofethi ophupha iphupho kalitsho, kodwa lowo olelizwi lami kalikhulume ngobuqotho, ngoba amakhoba angenzani lamabele na?” kutsho uJehova. “Ilizwi lami kalinjengomlilo,” kutsho uJehova, “lanjengesando esidabula idwala libe yizicucu na?

Ye,” kutsho uJehova, “ngimelana labaphrofethi abasebenzisa indimi zabo kodwa bathi, ‘UJehova uthi,’ Ngeqiniso, ngimelana lalabo abaphrofetha amaphupho amanga,” kutsho uJehova. “Bayawatsho baholele abantu bami ekulahlekeni ngamanga abo lamawala, ikanti angizange ngibathume kumbe ngibakhethe. Kababasizi ngalutho abantu laba,” kutsho uJehova.

Uma umphrofethi loba umphristi kumbe omunye umuntu esithi, ‘Leli lizilo likaJehova,’ lowomuntu ngizamjezisa kanye labendlu yakhe. Lokhu yikho omunye wenu ohlala ekutsho kumngane wakhe loba isihlobo sakhe ukuthi: ‘Impendulo kaJehova ithini na?’ loba ‘UJehova utheni?’ Kodwa akumelanga lithi ‘izilo likaJehova’ futhi, ngoba umuntu wonke ilizwi lakhe liba lizilo lakhe ngoba liyawahlanekela amazwi kaNkulunkulu ophilayo, uJehova uSomandla, uNkulunkulu wethu.

Lanxa lina lisithi, ‘Leli lizilo likaJehova,’ uJehova uthi: Lasebenzisa amazwi athi, ‘Leli lizilo likaJehova.’ Lanxa mina ngalitshela ukuthi lingabokuthi, ‘Leli lizilo likaJehova.’ Ngakho, ngeqiniso ngizalikhohlwa ngiliphosele khatshana lami kanye ledolobho engalinika lona lina labokhokho benu. Ngizalehlisela ihlazo elingapheliyo  —  lokuyangeka okungayikukhohlakala.

Ngakho lingabalaleli abaphrofethi benu, izanusi zenu, abachazi bamaphupho, izangoma zenu loba izinyanga zenu ezithi kini, ‘Kaliyikuyisebenzela inkosi yaseBhabhiloni.’ Baphrofetha amanga kini azasebenza ukulisusa nje kuphela emazweni enu; ngizalixotsha njalo lizabhubha.

Lingawalaleli amazwi abaphrofethi abathi kini, ‘Kaliyikuyisebenzela inkosi yaseBhabhiloni,’ ngoba baphrofetha amanga kini. ‘Angibathumanga,’ kutsho uJehova. ‘Baphrofetha amanga ngebizo lami. Ngakho ngizalixotsha, libhubhe lina kanye labaphrofethi abaphrofetha kini.’ ” Ngasengisithi kubaphristi lakubo bonke abantu laba, “UJehova uthi: Lingabalaleli abaphrofethi abathi, ‘Masinyane nje izitsha zasendlini kaJehova zizabuyiswa zivela eBhabhiloni.’ Baphrofetha amanga kini.

Ye, uJehova uSomandla, uNkulunkulu ka-Israyeli uthi, “Lingavumeli ukuthi abaphrofethi labahlahluli abaphakathi kwenu balikhohlise. Lingawalaleli amaphupho elibakhuthaza ukuthi bawaphuphe. Baphrofetha amanga kini ngebizo lami. Kangibathumanga,” kutsho uJehova.

“Abantu bami bebeyizimvu ezilahlekileyo, abelusi babo babebadukisile babenza bazulazula phezu kwezintaba. Bantula phezu kwezintaba laphezu kwamaqaqa bakhohlwa indawo yabo yokuphumula.

Nxa ngisithi emuntwini omubi, ‘Wena uzakufa impela,’ wena ungamxwayisi kumbe ukhulume ukuba umyekelise izindlela zakhe ezimbi ukuze asindise ukuphila kwakhe, lowomuntu omubi uzafela izono zakhe, kuthi wena ngikubeke icala legazi lakhe. Kodwa uma umuntu omubi umxwayisa yena angaphenduki ebubini bakhe kumbe ezindleleni zakhe ezimbi, uzafela izono zakhe, kodwa wena uyabe uziphephisile. “Njalo uma umuntu olungileyo eguquka ekulungeni kwakhe enze okubi, mina ngibeke isikhubekiso phambi kwakhe, uzakufa. Njengoba nxa wena ungamxwayisanga, uzafela izono zakhe. Izinto ezilungileyo azenzayo kaziyikukhunjulwa, njalo wena ngizakubeka icala legazi lakhe. Kodwa uma uxwayisa umuntu olungileyo ukuba angoni, lakanye uyabe uziphephisile.”

Ngoba akusayikuba lemibono yamanga futhi kumbe ubungoma benkohliso ko-Israyeli.

Ilizwi likaJehova lafika kimi lisithi: “Ndodana yomuntu, phrofetha umelana labaphrofethi bako-Israyeli abaphrofethayo khathesi. Uthi kulabo abaphrofetha okuvela emicabangweni yabo: ‘Zwanini ilizwi likaJehova! Nanku okutshiwo nguJehova Wobukhosi: Maye kubaphrofethi abayizithutha abalandela umoya wabo kodwa bengabonanga lutho!

Abaphrofethi bakho, we Israyeli, banjengamakhanka asemanxiweni. Kawuyanga phezulu ezikhexeni emdulini ukuba uwulungisele indlu ka-Israyeli ukuze uqine empini ngosuku lukaJehova. Imibono yabo iyinkohliso njalo lobungoma babo bungamanga. Bathi, “UJehova uthi,” yena uJehova engabathumanga; kodwa bathembe ukuthi amazwi abo azagcwaliseka. Kalikayiboni imibono yenkohliso na njalo lakhuluma ubungoma bamanga lapho lisithi, “UJehova uthi,” lanxa mina ngingatshongo?

“ ‘Ngakho-ke nanku okutshiwo nguJehova Wobukhosi: Ngenxa yamazwi enu enkohliso kanye lemibono yenu yamanga, ngimelana lani, kutsho uJehova Wobukhosi.

Isandla sami sizamelana labaphrofethi ababona imibono yenkohliso bakhulume ubungoma bamanga. Kabayikuba ngabenhlangano yabantu bami kumbe balotshwe emibhalweni yendlu ka-Israyeli, loba bangene elizweni lako-Israyeli. Lapho-ke lizakwazi ukuthi nginguJehova Wobukhosi. “ ‘Ngenxa yokuthi bedukisa abantu bami, besithi “Ukuthula,” khona ukuthula kungekho, njalo ngokuba, nxa kwakhiwe umduli ongaqinanga, bayawubhada ngekalaga, ngakho tshela labo abawubhada ngekalaga ukuthi uzadilika. Kuzakuza isihlambi sezulu, njalo ngizaletha isiqhotho esitshaya phansi, kuqhamuke umoya olamandla. Lapho umduli udilika, abantu kabayikulibuza na bathi, “Ingaphi ikalaga elawubhada ngayo?” “ ‘Ngakho-ke nanku okutshiwo nguJehova Wobukhosi: Ngolaka lwami ngizadedela umoya olamandla, kuthi ngokuthukuthela kwami isiqhotho lesihlambi sezulu kune ngentukuthelo ebhubhisayo. Ngizadiliza umduli eliwubhade ngekalaga ngiwuwisele phansi ukuze isisekelo sawo sibe segcekeni. Nxa ususiwa lizafela kuwo; njalo lizakwazi ukuthi nginguJehova. Ngakho ngizachitha ulaka lwami ngimelane lomduli kanye lalabo abawubhada ngekalaga. Ngizakuthi kini, “Umduli kawusekho njalo yiso leso lakulabo abawucomba ngekalaga, labobaphrofethi bako-Israyeli abaphrofetha ngeJerusalema babona imibono yokuthula ngalo, khona ukuthula kungekho, kutsho uJehova Wobukhosi.” ’

“Khathesi-ke ndodana yomuntu, melana lamadodakazi abantu bakini aphrofetha okwemicabango yawo. Phrofetha umelana lawo

Ngenxa yokuthi lanyelisa izinhliziyo zabalungileyo ngamanga enu, lapho ngangingabalethelanga sizi, njalo ngoba lakhuthaza ababi ukuba bangaphenduki ezindleleni zabo ezimbi ngalokho basilise ukuphila kwabo, ngakho kaliyikubona imibono yamanga futhi loba izenzo zobungoma. Abantu bami ngizabahlenga ezandleni zenu. Lapho-ke lizakwazi ukuthi nginguJehova.’ ”

Abaphrofethi balo baziba izenzo lezi besenzela bona ngemibono yamanga lokuhlahlula okungamanga. Bathi, ‘Nanku okutshiwo nguJehova Wobukhosi’  —  kodwa uJehova engakhulumanga.

“ ‘Ngakho nanku okutshiwo nguJehova Wobukhosi: “ ‘Njengoba ucabanga ukuthi uhlakaniphile, uhlakaniphe njengonkulunkulu, ngizaletha abezizweni ukuba bamelane lawe, izizwe ezilesihluku kakhulu; zizahwatsha izinkemba zazo zimelane lobuhle bakho kanye lenhlakanipho, zone lobuhle bakho obukhazimulayo.

abone inkemba isizamelana lelizwe abesetshaya icilongo exwayisa abantu, lapho-ke uma loba ngubani ozwa icilongo kodwa angasinaki isixwayiso njalo inkemba ifike imbulale, igazi lakhe lizakuba phezu kwekhanda lakhe. Njengoba ukukhala kwecilongo ekuzwile kodwa kaze asinaka isixwayiso, igazi lakhe lizakuba phezu kwekhanda lakhe. Aluba ubesinakile isixwayiso, ubezazisindisa. Kodwa uma umlindi ebona inkemba isiza angatshayi icilongo axwayise abantu, njalo inkemba ifike ibulale omunye wabo, lowomuntu uzasuswa ngenxa yesono sakhe, kodwa mina ngizabeka umlandu wegazi lakhe kumlindi.’

“Ndodana yomuntu, sengikwenze umlindi wendlu ka-Israyeli; ngakho zwana ilizwi engilikhulumayo ubanike isixwayiso esivela kimi. Lapho ngisithi komubi, ‘Wena muntu omubi, uzakufa impela,’ njalo wena ungabe usakhuluma ukuba umyekelise izindlela zakhe, lowomuntu omubi uzafela izono zakhe, njalo mina ngikubeka umlandu wegazi lakhe. Kodwa uma umxwayisa umuntu omubi ukuba aphenduke ezindleleni zakhe kodwa angenzi njalo, uzafela izono zakhe, kodwa wena uzakuba uzisindisile.

Njalo uma ngisithi emuntwini omubi, ‘Impela uzakufa,’ kodwa aphenduke ezonweni zakhe enze okufaneleyo lokulungileyo  — lapho ebuyisela lokho akuthatha kuyisibambiso salokho akwebolekisayo, abuyisele akwebayo, alandele izimiso ezinika ukuphila, angenzi okubi, uzaphila impela; kasoze afe.

“Ikanti abantu bakini bathi, ‘Indlela kaJehova kayilunganga.’ Kodwa ngeyabo indlela engalunganga. Uma umuntu olungileyo eguquka ekulungeni kwakhe enze okubi, uzakufela lokho. Njalo uma umuntu omubi ephenduka ebubini bakhe enze okufaneleyo lokulungileyo, uzaphila ngenxa yokwenzanjalo. Ikanti, wena ndlu ka-Israyeli, uthi, ‘Indlela kaJehova kayilunganga.’ Kodwa mina ngizakwahlulela lowo lalowo wenu ngokufanele izindlela zakhe.”

“Ndodana yomuntu, phrofetha okubi ngabelusi bako-Israyeli; phrofetha uthi kubo: ‘Nanku okutshiwo nguJehova Wobukhosi: Maye kini lina belusi bako-Israyeli elizikhathalelayo lina ngokwenu kuphela! Abelusi akumelanga bakhathalele umhlambi wezimvu na? Lidla izankefu, ligqoke iwulu njalo lihlabe imikhethwa yezifuyo, kodwa umhlambi wezimvu kaliwunaki. Ezibuthakathaka kaliziqinisanga kumbe lelapha ezigulayo loba labopha ezilimeleyo. Kalinqandanga eziphambukileyo loba ladinga ezilahlekileyo. Lizibuse ngochuku langesihlu-ku. Ngakho zahlakazeka ngoba kwakungelamelusi, njalo kwathi lapho sezihlakazekile zaba yikudla kwazo zonke izinyamazana zeganga. Izimvu zami zantula phezu kwezintaba zonke laphezu kwamaqaqa wonke. Zazihlakazekele emhlabeni wonke, njalo kakho owazidingayo loba owazicingayo.

Ngeqiniso elinjengoba ngikhona, kutsho uJehova Wobukhosi, ngokuba umhlambi wami uswela umelusi ngakho usuphangiwe njalo usube yikudla kwezinyamazana zonke zeganga, njalo ngenxa yokuthi abelusi bami kabawudinganga umhlambi kodwa bazikhathalela bona ngokwabo kulomhlambi wami, ngakho-ke lina belusi, zwanini ilizwi likaJehova elithi: Nanku okutshiwo nguJehova Wobukhosi: Ngimelana labelusi njalo ngizababeka umlandu wezimvu zami. Ngizabasusa ekweluseni umhlambi, abelusi bangabe besaba lokudla. Ngizawuhluthuna umhlambi wami emilonyeni yabo, njalo kawuyikuba yikudla kwabo futhi.

“ ‘Okunjengawe, mhlambi wami, nanku okutshiwo nguJehova Wobukhosi: Ngizakwahlulela phakathi kwenye imvu lenye kanye laphakathi kwezinqama lezimbuzi.

“ ‘Ngakho-ke nanku okutshiwo nguJehova Wobukhosi kuzo: Khangelani, mina ngokwami ngizakwahlulela phakathi kwezimvu ezinonileyo lezimvu ezicakileyo. Ngoba liyafuqa ngemihlubulo langamahlombe, ligqubule zonke izimbuzi ezibuthakathaka ngezimpondo zenu lize lizixotshele khatshana. Ngizahlenga umhlambi wami, njalo kawuyikuphangwa futhi. Ngizakwahlulela phakathi kwenye imvu lenye.

Wazikhukhumeza kubi ngami njalo wakhuluma kubi ngami kungekho kuzibamba, njalo ngakuzwa lokho.

abantu bami bachithwa yikungabi lolwazi. “Njengoba likwalile ukwazi, lami ngiyalala njengabaphristi bami; ngoba kaliwunakanga umthetho kaNkulunkulu wenu, lami angiyikubanaka abantwana benu.

kwabantu bami. Badinga izeluleko esithombeni sesigodo baphendulwe yiluthi lwesigodo. Umoya wobuwule uyabedukisa; kabathembekanga kuNkulunkulu wabo.

Nanku okutshiwo nguJehova: “Okunjengabaphrofethi, abedukisa abantu bami, umuntu angabapha ukudla, bamemezela ‘ukuthula’; uma engabaphi balungisela ukumhlasela ngempi. Ngakho ubusuku buzakwehlela phezu kwenu, kungekho mibono, kanye lomnyama, kungekho kuhlahlula. Ilanga lizabatshonela abaphrofethi, losuku luzakuba mnyama kubo. Ababonisayo bazayangeka labahlahluli babe lenhloni. Bonke bazamboza ubuso babo ngoba kungelampendulo evela kuNkulunkulu.”

Abakhokheli bayo bahlulela ngokufunjathiswa, abaphristi bayo bafundisela inhlawulo, labaphrofethi bayo babonisela imali; ikanti bathembele kuJehova njalo bathi, “Kanti uJehova kakho phakathi kwethu na? Akulancithakalo engasehlela.”

Nanzi izinto okumele lizenze: Khulumani iqiniso omunye komunye, njalo lehlulelane ngeqiniso langokuqonda emithethwandaba yenu; lingakheli umakhelwana wenu amacebo amabi, njalo lingaze lathanda ukufunga ngokungamanga. Konke lokhu ngiyakuzonda,” kutsho uJehova.

Izithombe zikhuluma inkohliso, izangoma zibona imibono yamanga; zikhuluma amaphupho amanga; ziphe induduzo engesulutho. Kungakho abantu bephumputheka njengezimvu bahlupheke ngoba bengelamelusi.

Maye kumalusi oyisithutha, ohlamuka izifuyo! Sengathi angadliwa yinkemba igalele engalweni lelihlweni lakhe lakwesokunene! Sengathi ingalo yakhe ingahle yome qha, ilihlo lakhe lokunene lihle life kokuphela!”

“Ngalelolanga ngizawasusa amabizo ezithombe elizweni ukuze zingakhunjulwa njalo,” kutsho uJehova uSomandla. “Ngizabasusa abaphrofethi kanye lomoya wokungcola phakathi kwelizwe. Nxa ezabe elokhu ekhona ophrofethayo, uyise lonina abamzalayo bazakuthi kuye, ‘Kumele ufe ngokuba usukhulume amanga ngegama likaJehova.’ Uzakuthi ephrofetha abazali bakhe ngokwabo bazamgwaza. “Ngalelolanga ngulowo lalowo umphrofethi uzaba lamanhloni ngombono wakhe wokuphrofetha. Akayikwembatha isivunulo somphrofethi esoboya ezama ukukhohlisa. Uzakuthi, ‘Kangisumphrofethi, ngingumlimi; umhlabathi uyilapho okulokuphila kwami kusukela ebutsheni bami’

“Ngokuba izindebe zomphristi kumele zilonde ulwazi, abantu badinge kuye ukufundiswa  —  ngokuba uyisithunywa sikaJehova uSomandla. Kodwa seliphambukile endleleni, kwathi njalo ngokufundisa kwenu lenza abanengi bakhubeka; lisephule isivumelwano loLevi,” kutsho uJehova uSomandla. “Ngakho sengenze ukuthi leyiswe njalo liyangiswe phambi kwabantu bonke, ngokuba kalilandelanga izindlela zami kodwa latshengisa ukubandlulula ekusebenziseni umthetho.”

Babusisiwe abahlukunyezwayo ngenxa yokulunga, ngoba umbuso wezulu ungowabo. “Libusisiwe lina nxa abantu belithuka, belihlukumeza njalo beligcona ngobubi bonke ngenxa yami. Thokozani lijabule ngokuba mkhulu umvuzo wenu ezulwini, ngoba bahlukunyezwa ngaleyondlela abaphrofethi ababephambi kwenu.

“Lingacabangi ukuthi ngilande ukudiliza uMthetho labaPhrofethi. Kangilandanga ukubadiliza kodwa ukubaphelelisa. Ngilitshela iqiniso ukuthi kuze kunyamalale izulu lomhlaba kakuyikususwa lutho eMthethweni, loba libadlana kumbe lichatshana elilotshiweyo, kuze kupheleliswe konke. Loba ngubani owephula owodwa nje wale imilayo emincinyane, afundise abanye ukwenza njalo uzathiwa mncinyane okudlulayo embusweni wezulu, kodwa loba ngubani olandela njalo afundise imilayo le uzathiwa mkhulu embusweni wezulu.

“Ubonelani isicucwana esiselihlweni lomfowenu, unganqinekeli ugodo olukwelakho ilihlo? Loba uzakutsho kanjani kumfowenu ukuthi, ‘Wothi ngikukhuphe isicucwana elihlweni lakho,’ wena ulokhu ulogodo kwelakho ilihlo? Mzenzisi, qala ususe ugodo elihlweni lakho ukuze ubone kakuhle nxa usukhupha isicucwana esiselihlweni lomfowenu. “Linganiki izinja okungcwele, njalo lingaphoseli imiceciso ezingulubeni ngokuba zizayinyathela ngezinyawo ziphinde ziphenduke zilidabudabule.

“Ngenani ngesango elincinyane ngokuba likhulu isango lendlela ibanzi eya ekubhujisweni, njalo banengi abangena ngalo. Kodwa lincinyane isango lendlela ilukhonjwana eya ekuphileni, njalo balutshwana abayifumanayo.

“Qaphelani abaphrofethi bamanga abeza kini bezigqokise isikhumba semvu kodwa ngaphakathi beyizimpisi ezifohlozayo.

Zonke izihlahla ezingatheli izithelo ezinhle ziyaganyulwa ziphoselwe emlilweni. Ngakho-ke lizabazi ngezithelo zabo.

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini. Abanengi bazakuthi kimi ngalolosuku, ‘Nkosi, Nkosi, kasiphrofethanga ngegama lakho na, njalo ngegama lakho sakhupha amadimoni senza lezimangaliso?’ Lapho-ke ngizabatshela kakuhle ngithi, ‘Ngivele kangilazi. Xekani kimi, lina benzi bobubi!’

“Lowo okhuluma okubi ngeNdodana uzathethelelwa, kodwa lowo okhuluma okubi ngoMoya oNgcwele akazukuthethelelwa kuleli iphakade lasephakadeni elizayo.

Yikho ngikhuluma kubo ngemizekeliso: “Loba bekhangele kababoni; loba belalele kabezwa, kabaqedisisi. Kubo kuyagcwaliseka isiphrofetho sika Isaya: “ ‘Lizahlala lisizwa kodwa lingaqedisisi; lizahlala libona kodwa kungagxili ezingqondweni.

“Lalelani-ke lizwe ukuthi utshoni umzekeliso womhlanyeli: Nxa umuntu esizwa ilizwi ngombuso kodwa engabambisisi, omubi uyeza ahwithe lokho obekuhlanyelwe enhliziyweni. Yiyole inhlanyelo eyahlanyelwa endleleni. Lowo owemukela inhlanyelo eyawela ekhetheni ngumuntu olizwayo ilizwi aphange alamukele ngentokozo. Kodwa ngenxa yokuthi kalampande, uma okwesikhatshana kuphela. Nxa kufika uhlupho lokuhlukunyezwa ngenxa yelizwi uphanga akhubeke. Lowo owemukela inhlanyelo eyawela emeveni ngumuntu olizwayo ilizwi, kodwa lisuke landelwe yizinhlupheko zale impilo lenkohliso yenotho, lingabe lisaba lezithelo. Kodwa lowo owemukela inhlanyelo eyawela emhlabathini olungileyo ngumuntu olizwayo ilizwi alibambisise. Uthela amabele andayo ngekhulu, ngamatshumi ayisithupha loba ngamatshumi amathathu okudlula lokho okwahlanyelwayo.”

UJesu waphendula wathi, “Kungani lina lisephula umlayo kaNkulunkulu ngenxa yamasiko enu na?

“Lababantu bangihlonipha ngezindebe zabo, kodwa izinhliziyo zabo zikhatshana kwami. Bangikhonza ngeze; izimfundiso zabo yimithetho kuphela efundiswa ngabantu.”

Waphendula wathi, “Zonke izihlahla ezingahlanyelwanga nguBaba osezulwini zizasitshunwa lezimpande zazo. Bayekeleni; ngabakhokheli abaphumputhekayo. Nxa impumputhe ihola impumputhe bobabili bazawela emgodini.”

Kungani lingezwisisi ukuthi bengingakhulumi lani ngesinkwa? Kodwa qaphelani imvubelo yabaFarisi labaSadusi.” Basebezwisisa ukuthi wayengabatsheli ukuqaphela imvubelo esetshenziswa esinkweni, kodwa ukunanzelela imfundiso yabaFarisi labaSadusi.

UJesu waphendula wathi kuPhethro, “Sukela emva kwami, Sathane! Uyisikhubekiso kimi; engqondweni yakho kawulazo izinto zikaNkulunkulu, kodwa ucabanga ezabantu.”

“Uma umfowenu esenza okubi kuwe, yana kuye umtshengise isiphambeko sakhe lilodwa lobabili. Uma ekulalela usumzuzile umfowenu. Kodwa nxa engalaleli biza omunye loba ababili ukuze indaba yonke ivele obala ilabofakazi ababili loba abathathu. Uma esala ukubalalela tshela ibandla; uma esala ukulilalela lalo ibandla mthatheni njengongakholwayo kumbe njengomthelisi.

UJesu ngokwazi inhloso yabo embi wathi, “Lina bazenzisi, lenzani lizama ukungigwenxa na?

UJesu wasesithi emaxukwini abantu lakubafundi bakhe: “Abafundisi bomthetho labaFarisi bahlezi esihlalweni sikaMosi. Ngakho limele libalalele lenze konke abalitshela khona. Kodwa lingakwenzi abakwenzayo, ngokuba kabakulandeli lokho abakutshumayelayo. Baqoqa imithwalo enzima bayetshathe emahlombe abantu kodwa bona bengafuni lokuthi thiki bayithwale. “Konke abakwenzayo bakwenzela ukuba babonwe ngabantu: Benza imicwatsho yabo yemibhalo ibe banzi lezintshaka zezigqoko zabo zibe zinde;

bathanda izindawo eziphezulu emadilini lezihlalo eziqakathekileyo emasinagogeni, bathanda ukubingelelwa emisikeni lokuthi abantu bababize ngokuthi ‘Rabi.’ “Kodwa lina malingabizwa kuthiwe ‘Rabi,’ ngokuba munye kuphela oyiNkosi yenu njalo lina lonke lingabafowenu. Futhi lingabizi muntu emhlabeni ngokuthi ‘baba’, ngokuba lilo Yihlo oyedwa, yena osezulwini. Njalo lingabizwa lithiwe ‘mfundisi,’ ngokuba liloMfundisi oyedwa, uKhristu. Omkhulu kulani lonke phakathi kwenu uzakuba yinceku yenu. Ngokuba lowo oziphakamisayo uzathotshiswa, lalowo ozithobayo uzaphakanyiswa.

“Maye, kini, bafundisi bomthetho lakubaFarisi, lina bazenzisi! Livalela abantu umbuso wezulu. Lina ngokwenu kalingeni liphinde livimbele labo abazama ukungena. ( “Maye, kini bafundisi bomthetho lakini baFarisi lina bazenzisi! Liphanga izindlu zabafelokazi, beselizenzisa lisenza imikhuleko emide: ngalokho lizakwamukeliswa ukulahlwa okukhulu.) “Maye, kini bafundisi bomthetho lakini baFarisi, lina bazenzisi! Lidabula ilizwe lihambe laphezu kolwandle lidinga ukuphendula oyedwa zwi, lithi selimzuzile limguqule abe yindodana yesihogweni okuphindwe kabili kulani.

“Maye kini, bafundisi bomthetho lakini baFarisi, bazenzisi! Linika okwetshumi okweziyoliso zenu  —  iminti ledili lekhamini. Kodwa seliyekethisile kulezozinto eziyisiqokoqela somthetho  —  ukwenza okulungileyo kwabanye, umusa kanye lokwethembeka. Bekufanele lithi likwenza lokhu lingawuyekethisanga umthetho. Lina baholi abayiziphofu! Liyacenga ukukhupha ubuyane kodwa lihubule ikamela. “Maye kini, bafundisi bomthetho lakini baFarisi, lina bazenzisi! Lihlambulula ingaphandle yenkomitshi lomganu, kodwa phakathi zigcwele ubuhwaba lokuzisuthisa. Siphofu soMfarisi! Qala uhlambulule ingaphakathi yenkomitshi lomganu, kuze kuthi ingaphandle layo ihlambuluke. “Maye kini, bafundisi bomthetho lakini baFarisi, lina bazenzisi! Linjengamadlinza aconjiweyo ngekalaga, akhanya ebukeka ngaphandle kodwa ngaphakathi agcwele amathambo abantu abafileyo lakho konke okungcolileyo. Kanjalo, ngaphandle libonakala ebantwini linjengabalungileyo kodwa ngaphakathi ligcwele ukuzenzisa lokungcola.

“Maye kini, bafundisi bomthetho lakini baFarisi, lina bazenzisi! Lakhela abaphrofethi amathuna njalo licecise amangcwaba abalungileyo. Bese lisithi, ‘Ngabe saphila ngezinsuku zabokhokho bethu sasingeyikubaphathisa ekuchitheni igazi labaphrofethi.’ Ngalokho yini elipha ubufakazi bokuthi liyisizukulwane salabo ababulala abaphrofethi. Nanko-ke, velani liqedise lesosono sabokhokho benu! “Lina zinyoka! Lina nkunkuma yezinhlangwana! Lizaphepha kanjani ukuba lilahlelwe esihogweni na? Ngakho ngilithumela abaphrofethi lamadoda ahlakaniphileyo labafundisi. Abanye babo lizababulala libabethele; abanye lizababhaxula emasinagogeni enu lilandelelane labo kuleli laleliyana idolobho. Ngakho-ke lonke igazi elilungileyo elachithwayo emhlabeni kusukela egazini lika-Abela owayelungile kusiya egazini likaZekhariya indodana kaBherekhiya elambulala phakathi laphakathi kwethempeli lealithare lizakwehliselwa phezu kwenu.

UJesu waphendula wathi, “Qaphelani ukuze lingakhohliswa muntu. Ngoba abanengi bazakuza ngebizo lami besithi, ‘Nginguye uKhristu,’ bakhohlise abanengi.

Ngalesosikhathi abanengi bazadela ukukholwa banikelane njalo bazondane, kuvele abaphrofethi abanengi abazakhohlisa abantu abanengi. Ngenxa yokwanda kobubi, uthando lwabanengi luzaphola,

Ngoba oKhristu bamanga labaphrofethi bamanga bazavela benze imimangaliso emikhulu ukukhohlisa kanye labakhethiweyo  —  aluba lokho kungenzeka. Zwanini, sengihle ngalitshela mandulo kwesikhathi.

Izulu lomhlaba kuzadlula, kodwa amazwi ami kasoze edlule lanini.

UJesu weza kubo wathi, “Wonke amandla ezulwini lasemhlabeni aphiwe mina. Ngakho hambani lenze abafundi ezizweni zonke, libabhaphathize ebizweni likaBaba, leleNdodana lelikaMoya oNgcwele, njalo libafundise ukulalela konke engililaye ngakho. Ngempela ngilani kokuphela, kuze kube sekucineni kwesikhathi.”

Umlimi uhlanyela ilizwi. Abanye abantu bafana lenhlanyelo esendleleni okuhlanyelwe khona ilizwi. Bonela ukuthi balizwe uSathane uyafika alithathe ilizwi elihlanyelwe kubo. Abanye, njengenhlanyelo eyahlanyelwa ematsheni bayalizwa ilizwi bahle balamukele ngentokozo. Kodwa ngenxa yokuthi kabalampande bema okwesikhatshana kuphela. Kungafika uhlupho loba ukuchukuluzwa komhlaba baphanga bawe. Kunjalo abanye, njengenhlanyelo ehlanyelwe emeveni, bayalizwa ilizwi; kodwa iminqineko yempilo le, inkohliso yenotho kanye lezinkanuko zezinye izinto konke kuyeza kuliminyanise ilizwi, kulenze lingatheli. Abanye, njengenhlanyelo ehlanyelwe emhlabathini omuhle, bayalizwa ilizwi, balamukele, bathele izithelo  —  bedlule okwakuhlanyelwe ngamatshumi amathathu, ayisithupha loba ngekhulu.”

Waphendula wathi, “U-Isaya wayeqinisile lapho aphrofitha ngani, lina bazenzisi; njengoba kulotshiwe ukuthi: “Abantu laba bangidumisa ngezindebe zabo, kodwa izinhliziyo zabo zikhatshana lami. Bangikhonza ngeze; imfundiso yabo yimithetho kuphela evela ebantwini.’

Seliyekele imiyalo kaNkulunkulu labambelela emasikweni abantu.” Wasesithi kubo, “Lilendledlana yenu yokufuqela eceleni imilayo kaNkulunkulu ukuze lilandele amasiko enu!

Ngokuba oKhristu bamanga labaphrofethi bamanga bazavela benze izibonakaliso lemimangaliso ukukhohlisa abakhethiweyo  —  aluba lokho kungenzeka. Ngakho lilimuke; sengilitshelile konke ngaphambili.

Izulu lomhlaba kuzakwedlula, kodwa amazwi ami kawayikwedlula lanini.

UJesu waphendula wathi, “Kulotshiwe ukuthi: ‘Umuntu kaphili ngesinkwa kuphela.’ ”

Maye kini nxa bonke abantu belincoma, ngoba yiyo indlela oyise abaphatha ngayo abaphrofethi bamanga.

Waphinde wabatshela umzekeliso lo: “Isiphofu kambe singakhokhela isiphofu na? Kabazukuwela emgodini bobabili na? Umfundi kamdluli umfundisi wakhe, kodwa wonke osefundiswe ngokupheleleyo usenjengomfundisi wakhe.

“Nansi incazelo yomzekeliso: Inhlanyelo iyilizwi likaNkulunkulu. Labo abasendleleni ngabalizwayo, kodwa uSathane eze alihluthune ilizwi ezinhliziyweni zabo, ukuze bangakholwa basindiswe. Labo abasedwaleni yibo abemukela ilizwi ngentokozo nxa belizwa, kodwa kabalampande. Bayakholwa okwesikhatshana, kodwa kuthi ngesikhathi sobunzima bagudluke. Inhlanyelo eyawela emeveni imele labo abezwayo, kodwa baqhubeke ngeyabo indlela bakhanywe yizinhlupheko zempilo, inotho kanye lezikholisisayo, bangabe besakhula baphelele. Kodwa inhlanyelo esemhlabathini ovundileyo imele labo abalenhliziyo enhle, elungileyo, abalizwayo ilizwi, baligcine bathi ngokubambelela bathele izithelo.

Ngokuba kakukho okufihliweyo okungakuvezwa obala, njalo akukho okuthukuziweyo okungayikwaziwa kumbe kuchaywe obala. Ngakho nanzelelani ukuthi lilalela kanjani. Lowo olakho uzakwengezelelwa; lowo ongelakho lalokho athi ulakho uzakwemukwa.”

Kungaba lula ukuthi izulu lomhlaba kunyamalale kulokuthi kucitshe ichatshana elilodwa nje loMthetho.

Waphendula wathi, Qaphelani lingakhohliswa. Ngoba abanengi bazakuza ngebizo lami besithi, ‘Nginguye,’ njalo bathi, ‘Isikhathi sesisondele. Lingabalandeli.

Izulu lomhlaba kuzadlula, kodwa amazwi ami akasoze lanini edlule.

Kodwa uJesu kazange aziyekelele kubo, ngokuba wayebazi bonke abantu. Wayengabudingi ubufakazi bomuntu, ngokuba wayekwazi okuphakathi komuntu.

Loba ngubani okholwa kuyo kalahlwa, kodwa ongakholwayo uvele uselahliwe ngokuba kakholwanga ebizweni leNdodana eyiyo yodwa kaNkulunkulu. Nanku ukuqunywa kwecala: Ukukhanya sekufikile emhlabeni, kodwa abantu bathanda ubumnyama kulokukhanya ngokuba imisebenzi yabo yayimibi. Wonke umuntu owenza ububi uyakuzonda ukukhanya, njalo kezi ekukhanyeni ngoba esesaba ukuthi izenzo zakhe zizadalulwa.

Kodwa siyeza isikhathi, yebo manje sesifikile lapho abakhonzi beqiniso bezamkhonza uBaba ngomoya langeqiniso, ngoba yibo abakhonzi abanjalo uBaba abadingayo. UNkulunkulu ungumoya, labo abamkhonzayo bamele bamkhonze ngomoya langeqiniso.”

UJesu waphendula wathi, “Imfundiso yami kayisiyami mina. Ivela kulowo ongithumileyo. Uma umuntu ekhetha ukwenza intando kaNkulunkulu uzabona ingabe imfundiso yami ivela kuNkulunkulu loba ngiyazikhulumela.

UMosi kalinikanga yini umthetho? Kodwa kakho lamunye kini owugcinayo umthetho. Kungani lifuna ukungibulala na?” Ixuku labantu laphendula lathi, “Ukhwelwe ngamadimoni wena. Ngubani ofuna ukukubulala?”

Khawulani ukusola ngokubona kwamehlo, lahlulele ngokuthi ulutho luqondile.”

Kwathi uJesu esekhuluma ebantwini njalo wathi, “Ngiyikukhanya komhlaba. Loba ngubani ongilandelayo kasoze ahambe ebumnyameni lanini, kodwa uzakuba lokukhanya kokuphila.”

UJesu wathi kubaJuda abamkholwayo, “Uma libambelela emfundisweni yami lingabafundi bami ngempela. Ngakho lizalazi iqiniso, njalo iqiniso lizalikhulula.”

Kungani lingaluzwisisi ulimi engilukhulumayo na? Ngokuba liyehluleka ukuzwa engikutshoyo. Lingabakayihlo, uSathane, ngakho lifuna ukusenza isifiso sikayihlo. Wavele waba ngumbulali mdabuko wakhe, kazema eqinisweni, ngokuba uvele engelalo iqiniso. Uthi nxa ewaqamba amanga, akhulume ulimi lomdabuko wakhe ngokuba ungusomangase loyise wamanga.

Lowo ongoka-Nkulunkulu uyakuzwa lokho uNkulunkulu akutshoyo. Isizatho sokuthi lingezwa siyikuthi kalisibo bakaNkulunkulu.”

UJesu wathi, “Ngeza lapha emhlabeni ukuzakwahlulela, ukuze iziphofu zibone kuthi labo ababonayo babonakale beyiziphofu.” Abanye abaFarisi ababelaye bamuzwa uJesu esitsho lokhu babuza bathi, “Ukuthini? Lathi siyiziphofu yini?” UJesu waphendula wathi, “Aluba beliyiziphofu ngabe kalilamlandu. Kodwa umlandu wenu umi ngokuba lizitshaya abakwaziyo abakwenzayo.

“Ngikhuluma iqiniso ukuthi umuntu ongangeni ngesango esibayeni sezimvu, kodwa akhwele kwenye indawo, ulisela lomphangi. Umuntu ongena ngesango nguye umalusi wezimvu. Umlindi uyamvulela isango, lezimvu ziyalilalela ilizwi lakhe. Izimvu zakhe uzibiza ngamabizo azikhokhele. Esezivulele zonke ezakhe, uhamba phambi kwazo, izimvu zakhe zimlandele ngokuba ziyalazi ilizwi lakhe. Kodwa kazisoze zilandele owemzini; iqiniso yikuthi zizambalekela ngokuba kazilazi ilizwi lowemzini.”

Oqatshiweyo kasuye umalusi ongumnini wezimvu. Yikho nxa ebona iganyana lisiza, uyazitshiya izimvu abaleke. Iganyana libe seliwuhlasela umhlambi liwuhlakaze. Umuntu lo ubaleka ngokuba eyisiqatshwa, kazikhathaleli izimvu.

Lokuba uJesu wayeyenzile yonke imimangaliso le emehlweni abo, babelokhu bengakholwa kuye. Lokhu kwakugcwalisa ilizwi lika-Isaya umphrofethi elithi: “Nkosi, ngubani olikholiweyo ilizwi lethu na, njalo amandla eNkosi ambulelwe ubani na?” Ngalesisizatho babengeze bakholwa ngokuba, njengoba esitsho u-Isaya komunye umbhalo, ukuthi: “Uwafiphazile amehlo abo wathundubeza izinhliziyo zabo ukuze bangaboni ngamehlo abo njalo bangezwisisi ngezinhliziyo zabo, loba baphenduke  —  ukuze ngibasilise.”

Ukhona umahluleli walowo ongalayo, ongawemukeliyo amazwi ami; lona lelolizwi uqobo engalikhulumayo lizamlahla ngosuku lokucina.

UJesu waphendula wathi, “Mina ngiyiyo indlela  —  njalo ngiliqiniso lokuphila. Kakho ozayo kuBaba ngaphandle kwami.

Uma lingithanda lizakwenza lokho engiliyala khona.

uMoya weqiniso, ukuba abe lani lanini. Ilizwe ngeke limamukele uMeluleki lo ngokuba kalimboni njalo kalimazi. Kodwa lina liyamazi ngokuba uhlala lani njalo uzaba lani.

Kodwa uMeluleki, uMoya ONgcwele, uBaba azamthumela ebizweni lami, uzalifundisa zonke izinto njalo uzalikhumbuza konke engikukhulumileyo kini.

Angaze afike uMeluleki engizamthumela kini evela kuBaba, uMoya weqiniso ophuma kuBaba, uzafakaza ngami;

Kodwa yena uMoya weqiniso nxa esefikile uzalikhokhelela kulo lonke iqiniso. Kazukuzikhulumela yena; uzakhuluma lokho akuzwayo kuphela, njalo uzalitshela lokho okusezakuza.

Bangcwelise ngalo iqiniso; ilizwi lakho liliqiniso.

UPhethro wasesithi, “Ananiya, kwenzeka kanjani ukuthi uSathane usegabhele inhliziyo yakho usuze uqamba amanga kuMoya oNgcwele, wazigcinela ingxenye yemali eliyizuzileyo ngesiqinti senu na? Kanti besingesisenu yini singakathengiswa? Njalo lapho sesithengisiwe, imali ibingaqondananga lani na? Kuyini okubangele ukuthi ukhumbule ukwenza into enje na? Kawuqambelanga muntu amanga lawo kodwa uwaqambele uNkulunkulu.”

“Lina ziqholo zabantu, abanhliziyo zingasokanga lezindlebe zingakleklanga! Lifuze oyihlo: Lihlezi lijamelene loMoya oNgcwele!

Zilindeni lina kanye lawo wonke umhlambi uMoya oNgcwele olenze laba ngabaqapheli bakhe. Wobani ngabelusi bebandla likaNkulunkulu, alithenga ngegazi lakhe.

Ngiyazi ukuthi nxa sengisukile lapha, izimpisi eziphangayo zizakuza phakathi kwenu ziwungenele umhlambi. Laphakathi kwenu kuzavela abantu abazalihlanekela iqiniso ukuze babuyele kubo abanye abafundi. Ngakho lihlale liqaphile! Khumbulani ukuthi okweminyaka emithathu kangizange ngiphumule ukuxwayisa omunye lomunye wenu ebusuku lemini ngezinyembezi.

ukuthi uvule amehlo abo, ubaphendule basuke ebumnyameni baye ekukhanyeni, njalo basuke emandleni kaSathane baye kuNkulunkulu ukuze bemukele ukuthethelelwa kwezono lendawo phakathi kwalabo abangcwelisiweyo ngokukholwa kimi.’

Ulaka lukaNkulunkulu luyabonakaliswa luvela ezulwini kukho konke ukungakhonzwa kukaNkulunkulu kanye lobubi babantu abacindezela iqiniso ngobubi babo,

Ngoba kusukela ekudalweni komhlaba isimo sikaNkulunkulu esingabonakaliyo  —  amandla akhe angapheliyo kanye lobuNkulunkulu bakhe  —  sekubonakele ngokusobala, kuzwisiseka ngokwenziweyo, ukuze abantu bangabi lasizatho sokuzigeza. Ngoba lanxa uNkulunkulu babemazi, kabamdumisanga njengoNkulunkulu loba bambonge, kodwa imicabango yabo yaba yize lezinhliziyo zabo eziyiziwula zaba mnyama.

Lanxa bazenza abahlakaniphileyo baba yizithutha

Benana iqiniso likaNkulunkulu ngamanga, badumisa bekhonza izinto ezadalwayo kuloMdali odunyiswa kuze kube nini lanini. Ameni.

Ngoba akusilabo abezwa umthetho abalungileyo emehlweni kaNkulunkulu, kodwa yilabo abalalela umthetho okuzathiwa balungile.

Akunjalo. UNkulunkulu kabe qotho, umuntu wonke abe ngumqambi wamanga. Njengoba kulotshiwe ukuthi: “Ukuze ubonakaliswe ukuthi uqondile lapho ukhuluma njalo unqobe lapho usahlulela.”

Kakho ozwisisayo, kakho odinga uNkulunkulu. Bonke baphambukile, bonke kabasasizi ngalutho; kakho owenza okuhle, kakho loyedwa.” “Imiphimbo yabo ingamangcwaba avulekileyo; izindimi zabo zisebenza inkohliso.” “Ubuhlungu bezinhlangwana busezindebeni zabo.”

Ngakho-ke, umthetho ungcwele, lomlayo ungcwele, ulungile njalo muhle.

Ngikhuluma iqiniso ngikuKhristu  —  kangiqambi manga, isazela sami siyakufakaza lokhu ngoMoya oNgcwele  —

Ngoba ngingafakaza ngabo ukuthi batshisekela uNkulunkulu, kodwa ukutshiseka kwabo akugxilanga ekwazini. Njengoba ukulunga okuvela kuNkulunkulu bengakwazanga bafuna ukumisa okwabo, kabavumanga ukuzibeka ngaphansi kokulunga kukaNkulunkulu. UKhristu ungumkhawulo womthetho ukuze kube lokulunga kubo bonke abakholwayo.

Ngakho-ke, ukukholwa kuvela ekuzweni ilizwi, lelizwi lizwakala ngelizwi likaKhristu.

njengoba kulotshiwe ukuthi: “UNkulunkulu wabanika umoya wokozela, lamehlo ukuze bangaboni kanye lendlebe ukuze bangezwa, kuze kube lamhla.

Mamukeleni lowo okholo lwakhe lubuthakathaka, kungekho kwahlulela ezindabeni eziphikisekayo.

Ngiyalincenga, bazalwane, ukuba libaqaphele labo abadala ukwahlukana bebeka izivimbelo endleleni yenu, okuphambene lemfundiso elayifundayo. Baxwayeni. Ngoba abantu abanjalo kabakhonzi Nkosi yethu uKhristu, kodwa izinkanuko zabo. Ngenkulumo emnandi langobuqili bakhohlisa izingqondo zabantu abayiziphukuphuku.

Ngoba njengoba ngokuhlakanipha kukaNkulunkulu umhlaba ngokuhlakanipha kwawo kawumazanga, uNkulunkulu wathokoza ngobuthutha balokho okwatshunyayelwayo ukuze kusindise abakholwayo. AmaJuda afuna izibonakaliso zezimangaliso lamaGiriki adinga ukuhlakanipha, kodwa thina sitshumayela uKhristu owabethelwayo: isikhubekiso kumaJuda lobuthutha kwabezizwe, kodwa kulabo ababizwe nguNkulunkulu, amaJuda lamaGiriki, uKhristu ongamandla kaNkulunkulu lokuhlakanipha kukaNkulunkulu. Ngoba ubuthutha bukaNkulunkulu buhlakaniphile kulokuhlakanipha komuntu, lobuthakathaka bukaNkulunkulu bulamandla kulamandla omuntu.

Ekufikeni kwami kini, bazalwane, kangifikanga lobugabazi bokukhuluma kumbe ukuhlakanipha okukhulu lapho ngatshumayela kini ubufakazi ngoNkulunkulu. Ngoba ngazimisela ukungazi lutho ngiseselani ngaphandle kukaJesu Khristu yena owabethelwayo. Ngafika kini ngibuthakathaka ngisesaba, njalo ngithuthumela kakhulu. Ilizwi lami lentshumayelo yami akubanga ngamazwi okuhlakanipha lahugayo, kodwa kubonakalisa amandla kaMoya, ukuze ukukholwa kwenu kungeyami ekuhlakanipheni kwabantu, kodwa emandleni kaNkulunkulu.

Kodwa siyalikhuluma ilizwi lokuhlakanipha kulabo asebekhulile, belo kungasikho kuhlakanipha kwalesisikhathi loba okwababusi balesisikhathi, asebezakuba yize. Hatshi, sikhuluma ngokuhlakanipha kukaNkulunkulu okufihlakeleyo, ukuhlakanipha obekukade uNkulunkulu akumisela inkazimulo yethu isikhathi singakaqalisi. Kakho kubabusi balesi isikhathi owakuzwisisayo, ngoba aluba kwakube njalo, babengayikuyibethela iNkosi yenkazimulo.

Ngoba ngubani phakathi kwabantu oyaziyo imicabango yomuntu ngaphandle komoya walowomuntu ngaphakathi kwakhe na? Ngokufanayo kakho oyaziyo imicabango kaNkulunkulu ngaphandle kukaMoya kaNkulunkulu. Kasamukelanga umoya wasemhlabeni kodwa uMoya ovela kuNkulunkulu ukuze siqedisise ngalokho uNkulunkulu asiphe khona ngesihle. Lokhu yikho esikukhulumayo, hatshi ngamazwi esawafundiswa yikuhlakanipha kwabantu kodwa ngamazwi esawafundiswa nguMoya, atsho amaqiniso awokomoya ngamazwi okomoya.

Umuntu ongelaMoya kazamukeli izinto ezivela kuMoya kaNkulunkulu, ngoba kuye ziyibuthutha, njalo angeke aziqedisise ngoba zibonakaliswa ngomoya. Umuntu womoya uyazahlulela izinto zonke, kodwa yena ngokwakhe akukho muntu ongamahlulela: “Ngoba ngubani oyaziyo ingqondo yeNkosi. ukuba ayeluleke na?” Kodwa thina silengqondo kaKhristu.

Ngoba kakho ongabeka esinye isisekelo ngaphandle kwaleso esivele sesibekiwe, esinguJesu Khristu.

Lingazikhohlisi. Uma omunye wenu ecabanga ukuthi uhlakaniphile ngokwesilinganiso salesisikhathi kabe yisithutha ukuze ahlakaniphe. Ngoba ukuhlakanipha kwalo umhlaba kuyibuthutha phambi kukaNkulunkulu. Njengoba kulotshiwe ukuthi: “Ubamba abahlakaniphileyo ebuqilini babo,” lokuthi, “INkosi iyakwazi ukuthi imicabango yabahlakaniphileyo iyize.”

Pho umvuzo wami uyini na? Uyilokhu nje: ukuthi lapho ngitshumayela ivangeli, ngilitshumayela kungekho kubhadalwa, ngalokho ngingasebenzisi amalungelo ami ekulitshumayeleni.

Akumelanga silinge iNkosi njengokwenziwa ngabanye babo  —  babulawa zinyoka.

Uma umuntu efuna ukuba lenkani ngalokho, kasilawo omunye umkhuba  —  lamabandla kaNkulunkulu kawalawo.

Okokuqala, ngizwa kuthiwa nxa libuthene njengebandla, kulokwahlukana phakathi kwenu, njalo ngiphosa ngikholwe. Akuthandabuzeki ukuthi kufanele kube lokungavumelani phakathi kwenu ukuba kubonakale ukuthi yibaphi abenu abamukelwe nguNkulunkulu.

Ngakho-ke, lowo odla isinkwa loba anathe inkomitsho yenkosi ngokungafanelanga uzakuba lecala lokwenza isono ngomzimba langegazi leNkosi. Umuntu kumele azihlole phambi kokuba adle isinkwa loba anathe inkomitsho. Ngoba lowo odlayo anathe engawukholwa umzimba weNkosi udla anathe ukwahlulelwa kwakhe. Yikho nje abanengi phakathi kwenu bebuthakathaka begula, njalo lenengana lenu selifile. Kodwa uma sizahlulela kasiyikwahlulelwa. Lapho sisahlulelwa yiNkosi, siyajeziswa ukuze singalahlwa lomhlaba.

Kodwa ebandleni ngithanda ukukhuluma amazwi amahlanu azwakalayo ngifundisa abanye kulamazwi ayizinkulungwane ezilitshumi ngezindimi. Bazalwane, yekelani ukucabanga njengabantwana. Mayelana lobubi wobani zingane, kodwa ekucabangeni kwenu wobani ngabadala. EMthethweni kulotshiwe ukuthi: “Ngabantu bezindimi ezingaziwayo langezindebe zabezizweni ngizakhuluma lalababantu, kodwa loba kunjalo kabayikungilalela,” kutsho iNkosi.

Ngoba uNkulunkulu kasuye Nkulunkulu wengxabangxoza kodwa owokuthula. Njengasemabandleni wonke abangcwele, abesifazana kumele bathule emabandleni. Kabavunyelwa ukukhuluma, kodwa kumele bazithobe, njengokutsho koMthetho. Nxa befuna ukubuza ngolutho oluthile, kumele babuze omkabo emakhaya; ngoba kulihlazo ukuthi owesifazana akhulume ebandleni. Konje ilizwi likaNkulunkulu lavela kini na? Loba lina yini kuphela abantu elafika kubo na? Uma umuntu ecabanga ukuthi ungumphrofethi loba ukuthi ulesipho sokomoya, kavume ukuthi lokhu engililobela ngakho kungumlayo weNkosi. Uma lokhu engakunaki, laye akayikunakwa.

Bazalwane, ngithanda ukulikhumbuza ngevangeli engalitshumayela kini, elalamukelayo njalo eselimi ngalo. Ngalelivangeli liyasindiswa, uma libambelela elizwini engalitshumayela kini. Kungenjalo selikholwe ize.

Lingedukiswa: “Abangane ababi bayasona isimilo esihle.” Khumbulani ngezingqondo zenu njengokumele likwenze, licine ukwenza izono; ngoba kulabanye abangamaziyo uNkulunkulu  —  ngitsho lokhu ukuba liyangeke.

ukuze uSathane angasiqilibezeli. Ngoba amacebo akhe siyawazi.

Kodwa-ke kabongwe uNkulunkulu, yena osikhokhela kokuphela edwendweni lokunqoba kuKhristu njalo ehlakaza ngathi ezindaweni zonke iphunga elimnandi elokumazi yena. Ngoba kuNkulunkulu siliphunga elimnandi likaKhristu phakathi kwalabo abasindiswayo lalabo ababhubhayo. Komunye siliphunga elibi lokufa; komunye siliphunga elimnandi lokuphila. Ngubani olingene umsebenzi lo na? Thina kasihambi sithengisa ilizwi likaNkulunkulu njengabanengi. Kodwa kuKhristu siyakhuluma phambi kukaNkulunkulu ngobuqotho, njengabantu abathunywe nguNkulunkulu.

Usiphe amandla okuba yizisebenzi zesivumelwano esitsha  —  kungayisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uletha ukuphila.

Kodwa izingqondo zabo zathundubezwa, ngoba kuze kube lamhla lesosembeso sisala sikhona lapho isivumelwano esidala sibalwa. Kasisuswanga, ngoba sisuswa ngoKhristu kuphela. Langalolosuku nxa kubalwa umlayo kaMosi, isembeso simboza izinhliziyo zabo. Kodwa uma umuntu ephendukela eNkosini, “isembeso siyasuswa.”

Kodwa-ke sizilahlile izindlela zangasese lezilihlazo; kasisebenzisi buqili, loba sihlanekele ilizwi likaNkulunkulu. Kodwa ngokubeka iqiniso obala sizinikela kusazela somuntu wonke phambi kukaNkulunkulu. Lanxa ivangeli lethu limboziwe, limbozwe kulabo ababhubhayo. Unkulunkulu walesisikhathi usenqunde izingqondo zabangakholwayo, ukuze bangakuboni ukukhanya kwevangeli lenkazimulo kaKhristu, ongumfanekiso kaNkulunkulu.

Izikhali esilwa ngazo akusizo zikhali zasemhlabeni. Kodwa zilamandla kaNkulunkulu okudiliza izinqaba. Sichitha inkani lokuzazisa konke okuzibekayo kumelane lokwazi uNkulunkulu, njalo siyayithumba yonke imicabango ukuba siyenze ibe ngemlalelayo uKhristu. Njalo sizakuba silungele ukujezisa zonke izenzo zokungalaleli, ukulalela kwenu kungavela kuphele.

Kodwa ngiyesaba ukuthi njengo-Eva owakhohliswa yibuqili benyoka, izingqondo zenu zingaphanjulwa kancane ekuzinikeleni kwenu kuKhristu okuqotho lokungelasici. Ngoba uma umuntu angafika kini atshumayele uJesu ongasuye Jesu thina esamtshumayelayo, loba uma lisamukela umoya owahlukene lalowo elawamukelayo, loba ivangeli elehlukileyo kulelo elalivumayo, likubekezelele lula kakhulu.

Ngoba abantu abanjalo bangabaphostoli bamanga, izisebenzi ezikhohlisayo, ezizenza abaphostoli bakaKhristu. Akumangalisi ngoba loSathane uqobo uzenza ingilosi yokukhanya. Ngakho akumangalisi uma izinceku zakhe zizenza izinceku zokulunga. Isiphetho sazo sizakuba ngokufanele izenzo zazo.

Zihloleni ukuba libone langabe lisekukholweni; zihloleni. Kaliboni yini ukuthi uKhristu uJesu uphakathi kwenu  —  ngaphandle nje kokuba lehluleke ekuhlolweni?

Ngiyamangala ukuthi limdela masinya kangaka lowo owalibiza ngomusa kaKhristu, njalo liphendukela evangelini elehlukileyo elingasivangeli lakancane impela. Kusobala abanye abantu bayaliphazamisa njalo bazama ukungcolisa ivangeli likaKhristu.

Kodwa lanxa thina, loba ingilosi evela ezulwini, singatshumayela elinye ivangeli ngaphandle kwalelo esalitshumayelayo kini, kalahlwe kuze kube nini lanini! Njengoba sesivele sitshilo, lakhathesi ngiyatsho futhi ngithi: Uma loba ngubani etshumayela kini elinye ivangeli ngaphandle kwalelo elalivumayo, kalahlwe kuze kube nini lanini!

Kambe sengizama ukuzuza ukwamukelwa ngabantu, loba uNkulunkulu na? Kumbe njalo ngizama ukuthokozisa abantu na? Aluba ngilokhu ngizama ukuthokozisa abantu, bengingayikuba yinceku kaKhristu. Ngithanda ukuba lazi, bazalwane, ukuthi ivangeli engalitshumayelayo kalisilutho olwenziwa ngabantu. Kangilamukelanga emuntwini, njalo kangilifundiswanga; kodwa ngalamukela ngokwambulelwa nguJesu Khristu.

(Indaba le yavela) ngoba abanye abazalwane bamanga basebengene phakathi kwethu ukuba bahlole ukukhululeka esilakho kuKhristu uJesu basenze izigqili. Kasibavumelanga lakancane, ukuze iqiniso levangeli lihlale likhona kini.

Ekufikeni kukaPhethro e-Antiyoki ngamphikisa sikhangelene, ngoba wayephambanisa. Abantu abathile abavela kuJakhobe bengakafiki yena wayesidla labezizweni. Kodwa sebefikile waqalisa ukuhlehlela emuva wazehlukanisa labezizweni ngoba wayesesaba ababengabeqembu lokusoka. Amanye amaJuda lawo ahlanganyela laye kulokhukuzenzisa kwakhe, kwaze kwathi ngenxa yokuzenzisa kwabo uBhanaba waholelwa ekulahlekeni. Kwathi lapho ngibona ukuba babengenzi okuhambelana leqiniso levangeli, ngathi kuPhethro phambi kwabo bonke, “Wena ungumJuda, kodwa uphila njengowezizweni hatshi njengomJuda. Pho kwenzeka njani ukuba ubambe ngamandla abezizweni ukuba balandele imikhuba yamaJuda na?

Lina maGalathiya ayizithutha! Ngubani oliloyileyo? Phambi kwawo amehlo enu uJesu Khristu wabonakaliswa obala ebethelwe.

Bazalwane, uma umuntu ehilelwe yisono esithile lina abomoya kumele limbuyise kakuhle. Kodwa lizinanzelele; lani futhi lingalingwa. Thwalani imithwalo yomunye lomunye, ngalokho lizagcwalisa umthetho kaKhristu. Uma umuntu ezitshaya ulutho yena engasilutho, uyazikhohlisa.

Loba ngubani othola ukufundiswa ngelizwi umele abelane zonke izinto ezinhle lalowo omfundisayo. Lingakhohliswa: UNkulunkulu angeke ahlekwa. Umuntu uvuna lokho akuhlanyelayo. Lowo ohlanyela ukuthokozisa imvelo yakhe yesono, kuleyomvelo uzavuna ukuchitheka; lowo ohlanyela ukuthokozisa uMoya, kuMoya uzavuna ukuphila okulaphakade.

Ngakho kasisayikuba yizingane, siphoswa emuva laphambili ngamagagasi, siphetshulwa lapha lalaphaya yimimoya yonke yokufundisa kanye lokuhlakanipha lobuqili babantu ngamasu abo enkohliso. Kodwa-ke, sikhuluma iqiniso ngothando, sizakhula ezintweni zonke kuye yena oyiNhloko, lowo nguKhristu.

Ngakho ngilitshela lokhu, ngikugcizelela eNkosini, ukuba akumelanga liphile njengabezizweni, emicabangweni yabo eyize. Kubamnyama ekuqedisiseni kwabo njalo behlukene lokuphila kukaNkulunkulu ngenxa yokungazi kwabo okungenxa yobulukhuni bezinhliziyo zabo.

Ngakho-ke, yilowo lalowo wenu kumele alahle amanga akhulume iqiniso kumakhelwane wakhe, ngoba sonke siyizitho zomzimba munye.

Akungabi lenkulumo embi ephuma emilonyeni yenu, kodwa okusizayo ekwakheni abanye mayelana leziswelo zabo, ukuba kusize labo abalalelayo.

Lingavumi ukukhohliswa ngumuntu ngamazwi ayize, ngoba ngenxa yezinto ezinje ulaka luka-Nkulunkulu lwehlela phezu kwalabo abangalaleliyo.

Ngoba lake laba ngumnyama, kodwa khathesi seliyikukhanya eNkosini. Philani njengabantwana bokukhanya (ngoba izithelo zokukhanya zikhona kubo bonke ubuhle, lokulunga kanye leqiniso) lidinge okuthokozisa iNkosi.

Lingahlanganyeli ezenzweni zobumnyama ezingelazithelo, kodwa lizihlazulule.

Ngoba kasilwi lenyama legazi, kodwa silwa lababusi, lemibuso kanye lamandla omhlaba lo ogcwele ubumnyama, silwe njalo lamabutho emimoya emibi emibusweni yasemazulwini.

Ngakho manini liqine, ibhanti leqiniso libotshelwe ngensimbi ekhalweni lwenu, lesihlangu sasesifubeni esokulunga sisendaweni yaso, lezinyawo zenu zigqokiswe zalungiselelwa ngokuvela evangelini lokuthula. Phezu kwakho konke lokhu, thathani ihawu lokukholwa elizacitsha ngalo yonke imitshoko evuthayo yomubi. Thathani ingowane yokusindiswa lenkemba kaMoya, eyilizwi likaNkulunkulu.

Njalo umkhuleko wami yilo: ukuba uthando lwenu lwande kokuphela ekwazini lasekuzikeni lokuqedisisa, ukuze lanelise ukubona okuhle njalo lihlambuluke lingabi lasici kuze kube lusuku lukaKhristu,

Ngilitshela lokhu ukuze kungabi khona olikhohlisayo ngamazwi amnandi.

Qaphelani kungabi khona olithumbayo ngenhlakanipho eyize lekhohlisayo, eyeyame emdabukweni wabantu lakuzimiso zemvelo yakulo umhlaba kungesikho kuKhristu.

Lingavumeli muntu othokoziswa yikuzithoba kwamanga lokukhonza izingilosi eliphuthisa umvuzo wenu. Umuntu onjalo ubalisa ngokupheleleyo konke akubonileyo, kuthi ingqondo yakhe engayisiyo yomoya imkhukhumeze ngemicabango eyize.

Njengoba lafa loKhristu ezimisweni zalo umhlaba eziyisisusa, kungani, ngokungathi lilokhu lingabawo, lizibeka ngaphansi kwemithetho yawo yokuthi: “Ungabambi! Unganambithi! Ungathinti!”? Konke lokhu kumiselwe ukuqedwa yikusetshenziswa, ngoba kweyame phezu kwemilayo yabantu lemfundiso yabo. Impela izimiso ezinje zibonakala njengenhlakanipho, ngenkonzo yazo yokuzenzela, ukuzithoba kwamanga lokuphatha umzimba kabuhlungu, kodwa kazilalo usizo lokuzithiba ezinkanukweni zomzimba.

Lingaqambelani amanga, njengoba selihlubule uqobo lwenu oludala lezenzo zalo lembatha uqobo lwenu olutsha olwenziwa lube lutsha ekwazini ngesifanekiso sikaMdali walo.

Hlolani izinto zonke. Bambelelani kokulungileyo.

Lingavumeli muntu elikhohlisa langayiphi indlela, ngoba lolosuku kaluyikufika umvukela uze wenzakale lomuntu ongelamthetho abonakaliswe, umuntu omiselwe ukubhujiswa.

Ukufika kwalowo ongelamthetho kuza kuya mayelana lomsebenzi kaSathane obonakaliswa kuzo zonke izinhlobo zezimangaliso zamanga, izibonakaliso kanye lezimanga, kanye lezinhlobo zonke zobubi obukhohlisa ababhubhayo. Bayabhubha ngoba bala ukuthanda iqiniso ukuba basindiswe. Ngenxa yalokhu uNkulunkulu ubehlisela inkohliso elamandla ukuze bakholwe amanga, ukuze balahlwe bonke abangalikholwanga iqiniso kodwa bathokoziswa yibubi.

Ngakho-ke, bazalwane, qinani libambelele ezimfundisweni esalinika zona, langabe ngelizwi lomlomo loba ngencwadi.

Ebizweni leNkosi uJesu Khristu, siyalilaya bazalwane ukuba libaxwaye bonke abazalwane abangamavila abangaphili ngokwemfundiso elayamukelayo kithi.

Njengoba ngakukhuthaza ekuyeni kwami eMakhedoniya, hlala khonapho e-Efesu ukuze ulaye abantu abathile ukuba bangafundisi imfundiso yamanga futhi loba ukuchitha isikhathi ngezinganekwane langezinsendo ezingapheliyo. Lokhu kubanga ukuphikisana hatshi umsebenzi kaNkulunkulu  —  ongokukholwa. Inhloso yalo umlayo luthando oluvela enhliziyweni emhlophe, lesazela esihle lokholo oluqotho. Abanye sebedukile kulokhu baphendukela ekukhulumeni okuyize. Bafuna ukuba ngabafundisi bomthetho, kodwa kabakwazi abakhuluma ngakho loba lokhu abakuqinisa kangaka ngesibindi.

ofuna ukuba abantu bonke basindiswe njalo balazi iqiniso. Ngoba uNkulunkulu munye, lommeli munye phakathi kukaNkulunkulu labantu, umuntu uKhristu uJesu, owazinikelayo njengenhlawulo yabantu bonke  —  ubufakazi obanikwa ngesikhathi sabo esifaneleyo. Ngenxa yalokhu mina ngakhethelwa ukuba ngumanduleli lomphostoli  —  ngikhuluma iqiniso, kangiqambi manga  —  lomfundisi wokholo oluqotho kwabezizweni.

Owesifazana kumele afunde ethule langokuzithoba okupheleleyo. Kangivumeli ukuba owesifazana afundise loba ukuba lamandla phezu kowesilisa; kumele athule. Ngoba u-Adamu wabunjwa kuqala; kwalandela u-Eva. Njalo u-Adamu kasuye owakhohliswayo; ngowesifazana owakhohliswayo wasesiba yisoni.

Umoya utsho ngokucacileyo ukuthi ngezikhathi zokucina abanye bazalahla ukukholwa balandele imimoya ekhohlisayo lezinto ezifundiswa ngamadimoni. Ukufundisa okunjalo kuza labaqambi bamanga abangabazenzisi abalezazela ezatshayo kungathi zahaqazwa ngensimbi etshisayo.

Uma lezizinto uziphawula kubazalwane, uzakuba ngumfundisi omuhle kaKhristu uJesu, okhuliselwe phakathi kwamaqiniso okukholwa lemfundiso enhle oyilandelayo. Ungazinaki izinganekwane ezikhohlakeleyo kanye lezindaba eziyize, kodwa wena zifundise ukumesaba uNkulunkulu.

Laya njalo ufundise ngalezizinto. Ungavumeli muntu ukuba akweyise ngenxa yokuthi usakhula, kodwa abakholwayo benzele isibonelo ngokukhuluma, langokuphila, langothando langokukholwa kanye langokuhlambuluka. Zinikele ekufundeleni uzulu imibhalo, ekutshumayeleni kanye lasekufundiseni, ngize ngifike. Ungasideli isipho sakho, owasiphiwa ngelizwi lesiphrofetho lapho ibandla labadala labeka izandla zalo phezu kwakho. Khuthalela izinto lezi; zinikele ngokupheleleyo kuzo, ukuze umuntu wonke abone ukuqhubeka kwakho. Qaphela kakhulu ukuphila kwakho kanye lemfundiso. Bambelela kuzo, ngoba uma usenza njalo, uzazisindisa wena ngokwakho kanye labakuzwayo.

Abadala abaqhuba kuhle imisebenzi yebandla bafanele ukuhlonitshwa okuphindiweyo, ikakhulu labo abasebenza ukutshumayela lokufundisa. Ngoba umbhalo uthi: “Inkabi ungayifaki isayeke lapho ibhula amabele,” njalo uthi, “Isisebenzi sifanele umholo waso.”

Ungalamukeli icala eletheswa umuntu omdala ngaphandle kokuba limangalwa ngofakazi ababili loba abathathu. Abenza izono kumele bakhuzwe phambi kwabantu, ukuze labanye baxwayiseke. Ngiyakulaya, phambi kukaNkulunkulu loKhristu uJesu lezingilosi ezikhethiweyo, ukuba ugcine iziqondiso lezi kungekho bandlululo, lokungenzi lutho ngokukhetha. Ungaphangisi ukubeka izandla emuntwini, njalo ungahlanganyeli ezonweni zabanye. Zigcine uhlambulukile.

Uma umuntu efundisa imfundiso yamanga njalo engawuvumi umlayo oqotho weNkosi yethu uJesu Khristu lemfundiso yokwesaba uNkulunkulu, uyazikhukhumeza njalo akulalutho aluzwisisayo. Ulezifiso ezimbi enkanini lasekuphikisaneni ngamazwi, okudala umona, lombango, lezinkulumo ezilimazayo, ukucabangelana okubi kanye lokuxabana kokuphela kwabantu abalengqondo ezixhwalileyo, asebelahlekelwa liqiniso abacabanga ukuthi ukulalela uNkulunkulu kuyindlela yokuzuza imali.

Thimothi, londoloza lokho okuphathisiweyo. Xwaya izinkulumo zokweyisa uNkulunkulu lokumelana lalokho okuqanjwa amanga kuthiwa yikwazi, abanye asebekuvumile njalo okuthe ngokwenza njalo baphambuka ekukholweni. Umusa kawube kuwe.

Qhubeka ubakhumbuza izinto lezi. Baxwayise phambi kukaNkulunkulu ngokuxabana ngamazwi; akulasizo, kuchitha labo abalaleleyo.

Yenza ubungcono bakho ukuba uzethule kuNkulunkulu njengohloliweyo, isisebenzi okungaswelekiyo ukuba sibe lenhloni njalo esiliphatha kuhle ilizwi leqiniso. Xwaya izinkulumo zokweyisa uNkulunkulu ngoba abazikholisayo baqhubeka kokuphela besiba ngabameyisayo uNkulunkulu.

Imfundiso yabo izaqhela njengesilonda esibhibhidlayo. Phakathi kwabo kuloHimenawu loFilethu, abaphambukayo eqinisweni. Bathi ukuvuka kwabafileyo sekwenzakala, njalo bachitha ukukholwa kwabanye. Noma kunjalo isisekelo sikaNkulunkulu esiqinileyo sigxilile, sibekwe uphawu lombhalo lo othi: “Ujehova uyabazi labo abangabakhe,” lothi, “Bonke abalivumayo ibizo likaJehova kumele badele ububi.”

Xwaya ukuphikisana kobuthutha lobuwula, ngoba uyakwazi ukuthi kudala ingxabano. Inceku yeNkosi kumele ixwaye ingxabano; kodwa kumele ibe lomusa ebantwini bonke, yanelise ukufundisa, ingabi lenzondo. Abaphikisayo kumele ibaluleke kuhle, ngethemba lokuthi uNkulunkulu uzabaguqula izinhliziyo baholelwe ekwazini iqiniso, lokuthi bazaphaphama baphunyuke emjibileni kaSathane, obathumbele ukuba benze intando yakhe.

Abantu bazakuba ngabazithandayo, labathanda imali, labazikhukhumezayo, labazigqajayo, labathukayo, labangalaleli abazali babo, labangabongiyo, labangcolileyo, abangelathando, labangathetheleliyo, labahlebayo, labangazikhuziyo, labalesihluku, labangakuthandiyo okuhle, labalamacebo amabi, labacaphuka ngeze, labaziphakamisayo, labathanda injabulo kulokuthanda uNkulunkulu  — belesimo sokukholwa kuNkulunkulu kodwa belandula amandla akho ukukholwa. Ungahlanganyeli labo.

Yibo laba abahahabela emakhaya bazuze amandla phezu kwabesifazana ababuthakathaka, abasindwa yizono njalo bebuswa yizinhlobo zonke zezinkanuko ezimbi, behlezi befunda kodwa benganelisi ukwamukela iqiniso.

NjengoJanesi loJambiresi abaphikisa uMosi, ngokunjalo abantu laba baphikisa iqiniso  —  abantu bezingqondo ezonakeleyo, abalahliweyo, mayelana lokukholwa. Kodwa kabayikufika ndawo ngoba, njengokwalawo madoda, ubuthutha babo buzacaca ebantwini bonke.

Impela, umuntu wonke othanda ukuphila impilo yokulalela uNkulunkulu kuKhristu uJesu uzahlukuluzwa, kukanti abantu ababi labakhohlisi bazakonakala ngokudlulisayo, bekhohlisa labo bekhohliswa.

Kodwa wena qhubeka ngalokho okufundileyo njalo wakukholwa, ngoba uyabazi labo okufunde kubo, kanye lokuthi kusukela ebuntwaneni wayazi njani imibhalo eNgcwele, engakwenza uhlakaniphele ukusindiswa ngokukholwa kuKhristu uJesu. IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, ukuze umuntu kaNkulunkulu ayilungisele ngokupheleleyo yonke imisebenzi emihle.

Tshumayela iLizwi; lungisela ngesikhathi esifaneleyo langesikhathi esingafanelanga; lungisa, ukhuze njalo ukhuthaze  —  ngokubekezelela okukhulu langokulaya ngokunanzelela. Ngoba isikhathi sizafika lapho abantu abangayikuyivuma imfundiso eqotho. Kodwa, ukuze basuthise izinkanuko zabo, bazaziqoqela abafundisi abanengi ukuba batsho lokho izindlebe zabo ezilumayo ezifuna ukukuzwa. Izindlebe zabo bazazisusa eqinisweni baphambukele ezinganekwaneni.

Kumele abambelele elizwini eliqotho njengokufundiswa kwalo ukuze akhuthaze abanye ngemfundiso eqotho, njalo amelane lalabo abaphikisayo. Ngoba banengi abantu abahlamukayo, abakhulumayo nje kanye labakhohlisi, ikakhulu abeqembu lokusoka. Kumele bathuliswe, ngoba bachitha imizi epheleleyo ngokufundisa izinto okungamelanga bazifundise  —  lokho bekwenzela inzuzo yenkohliso. Lomunye wabaphrofethi babo wathi, “AbaseKhrethe bangabantu bamanga, izilo ezimbi, izihwaba ezingamavila.” Ubufakazi lobu buliqiniso. Ngakho-ke bakhuze ngamandla, ukuze baqine ekukholweni bangalaleli izinganekwana zamaJuda loba imilayo yalabo abadela iqiniso. Kwabahlambulukileyo izinto zonke zihlambulukile, kodwa kulabo abaxhwalileyo njalo bengakholwa, akulalutho oluhlambulukileyo. Impela, kokubili izingqondo zabo lezazela zabo kuxhwalile. Bathi uNkulunkulu bayamazi, kodwa ngezenzo zabo bayamphika. Bayenyanyeka, bayadelela njalo kabafanelanga ukwenza loba kuyini okuhle.

Kumele ufundise okuvumelana lemfundiso eqotho. Fundisa amadoda amadala ukuzithiba, afanele ukuhlonitshwa, azikhuze, njalo aqine ekukholweni, lethandweni kanye lasekubekezeleni.

Ngokunjalo, fundisa abesifazana abadala ukuba babe ngabahloniphayo ekuphileni kwabo, bangabi ngabahlebi kumbe babuswe liwayini, kodwa ukuba bafundise okulungileyo. Ngakho bangafundisa abesifazana abatsha ukuba bathande omkabo labantwana babo, ukuba bazikhuze njalo bahlambuluke, lokuba bakhuthale emakhaya, lokuba lomusa, lokuba bazehlisele ngaphansi kwabomkabo, ukuze kungabi khona ogcona ilizwi likaNkulunkulu.

Ngokunjalo, khuthaza abesilisa abatsha ukuba bazikhuze. Kukho konke babekele isibonelo ngokwenza okuhle. Ekufundiseni kwakho tshengisa ubuqotho lokuzimisela kanye lokukhuluma okulengqondo okungeke kusolwe ukuze kuthi labo abakuphikisayo bayangeke ngoba bengelalutho olubi abangalutsho ngathi.

Fundisa izigqili ukuba zizehlisele ngaphansi kwamakhosi azo ezintweni zonke, zizame ukuwathokozisa, zingawaphenduli, zingawantshontsheli, kodwa zibonakalise ukuthi zingathembeka okupheleleyo, ukuze kuthi ngakho konke zenze imfundiso ngoNkulunkulu uMsindisi wethu ibe ngehugayo.

Kodwa xwaya impikiswano yobuwula lezindaba zezinsendo kanye lemibango lengxabano mayelana lomthetho, ngoba lokhu akulasizo njalo kuyize. Umuntu oxabanisayo mlaye kanye, uphinde umlaye okwesibili. Emva kwalokho mxwaye. Ungaba leqiniso ukuthi umuntu onjalo uxhwalile njalo uyisoni; nguye ozilahlayo yena ngokwakhe.

Ngakho kufanele siqaphelisise lokho esikuzwileyo, ukuze singaduki. Ngoba uma ilizwi elakhulunywa yizingilosi liqinisa, njalo konke ukona lokungalaleli kuthole isijeziso sakho esifaneleyo, pho thina sizaphepha njani uma singanaki insindiso enkulu kangaka na? Ukusindiswa lokhu, okwabikwa kuqala yiNkosi, kwafakazwa kithi yilabo abayizwayo.

Bonani, bazalwane, ukuthi kakho omunye wenu olenhliziyo yokona lokungakholwa, ephambukayo kuNkulunkulu ophilayo.

Ngobani uNkulunkulu abafungela ukuthi kabayikungena ekuphumuleni kwakhe uma kungayisibo labo abangalalelanga na? Ngakho siyabona ukuthi babengeke bangene ngenxa yokungakholwa kwabo.

Ilizwi likaNkulunkulu liyaphila njalo liyasebenza. Libukhali kulenkemba esika inxa zombili, ingena ize yehlukanise umphefumulo lomoya, amalunga lomnkantsho; lahlulela imicabango lomumo wenhliziyo. Kukho konke okudaliweyo akulalutho olufihlakeleyo emehlweni kaNkulunkulu. Konke kwambuliwe kwabekwa obala phambi kwamehlo akhe yena okumele sizibike kuye.

Akwenzakali kulabo asebake bakhanyiselwa, asebenambithe isipho sasezulwini, asebehlanganyele kuMoya oNgcwele, asebenambithe ubuhle belizwi likaNkulunkulu kanye lamandla esikhathi esizayo, uma behlubuka, ukuba babuyiselwe ekuphendukeni, ngoba ekulahlekelweni kwabo bayayibethela futhi esiphambanweni iNdodana kaNkulunkulu beyethesa ihlazo phambi kwabantu bonke.

Uma siqhubeka sisenza izono ngabomu emva kokuba iqiniso sesilazi, kawusekho umhlatshelo wezono, kodwa umlindelo kuphela owesabekayo wokwahlulelwa kanye lomlilo ovuthayo ozaqothula izitha zikaNkulunkulu. Owawalayo umthetho kaMosi wafa kungekho sihawu ngobufakazi babafakazi ababili kumbe abathathu. Pho licabanga ukuthi ufanele ukujeziswa kakhulu okungakanani umuntu owanyathela iNdodana kaNkulunkulu ngaphansi konyawo, ophathe igazi lesivumelwano elamenza waba ngcwele njengento engangcwele, lohlambaza uMoya womusa na?

Bonani ukuthi kakho oswela umusa kaNkulunkulu kanye lokuthi akulampande ebabayo ekhulayo ukuba idale uhlupho ingcolise abanengi. Bonani ukuthi kakho oyisifebe, loba ongakhonzi uNkulunkulu njengo-Esawu okwathi ngenxa yokudla kunye wathengisa amalungelo elifa lakhe okuba yindodana endala. Muva, njengoba lisazi, lapho esefuna ukuzuza isibusiso lesi waliwa. Wayengeke enze kube lokuguquka kwengqondo, lanxa wafuna isibusiso leso ngezinyembezi.

Musani ukuhugwa yizinhlobo zonke zezimfundiso ezingaziwayo. Kuhle ukuba izinhliziyo zethu ziqiniswe ngumusa, hatshi yikudla komkhuba, okungelasizo kulabo abakudlayo.

ngoba liyakwazi ukuthi ukuhlolwa kokholo lwenu kukhulisa ukubekezela. Ukubekezela kufanele kuqede umsebenzi wakho ukuze lina likhule njalo liphelele, lingasileli ngalutho. Uma omunye wenu eswela ukuhlakanipha kumele acele kuNkulunkulu, obanikayo bonke ngokuphana engadinganga sici, uzakuphiwa.

Lingalaleli ilizwi nje kuphela, beselizikhohlisa ngalokho. Yenzani lokho elikutshoyo. Loba ngubani olalela ilizwi kodwa angaze enza elikutshoyo unjengomuntu okhangela ubuso bakhe esibukweni kuthi esezibukile asuke ahle akhohlwe ukuthi unjani.

Bazalwane bami, abanengi benu akumelanga babe ngabafundisi, ngoba liyakwazi ukuthi thina esifundisayo sizakwahlulelwa kalukhunikazi. Sonke siyakhubeka ngezindlela ezinengi. Uma umuntu engakaze abe lesici kulokho akutshoyo, ungumuntu opheleleyo, owanelisayo ukuwubamba wonke umzimba wakhe.

Ngokufanayo ulimi luyisitho esincane somzimba, kodwa luyazincoma kakhulu. Cabangani ngehlathi elikhulu elithungelwa yinhlansi encane yomlilo. Ulimi lalo lungumlilo, umhlaba wobubi phakathi kwezitho zomzimba. Lungcolisa lonke uqobo lomuntu, luyithungele ngomlilo yonke impilo yakhe, lalo luthungelwe ligehe ngomlilo.

Kini lina abakholwayo, ilitshe leli liligugu. Kodwa kulabo abangakholwayo: “Ilitshe elaliwa ngabakhi selibe yinhloko yengosi,” Njalo, “Ilitshe elikhubekisa abantu ledwala elibenza bawe.” Bayakhubeka ngoba badelela ilizwi okuyikho njalo abakumiselweyo.

Ngoba, “Lowo othanda ukuphila abone lezinsuku ezinhle kumele anqande ulimi lwakhe kokubi lezindebe zakhe ekukhulumeni inkohliso.

Kodwa yamukelani uKhristu ezinhliziyweni zenu njengeNkosi engcwele. Hlalani lilungele ukuphendula loba ngubani olibuza isizatho ngethemba elilalo. Kodwa lokhu kwenzeni ngobumnene langenhlonipho, lilesazela esihle, ukuze kuthi labo abakhuluma okubi ngokuziphatha kwenu okuhle kuKhristu bayangeke ngokuhlambaza kwabo.

Zithibeni, liqaphele. Isitha senu, uSathane, siyazulazula njengesilwane esibhongayo sidinga esingamudla. Menqabeni, liqinile ekukholweni, ngokuba liyakwazi ukuthi abazalwane benu emhlabeni wonke baphakathi kwazona lezo izinhlupheko.

Phezu kwakho konke, kumele liqedisise ukuthi akukho siphrofetho soMbhalo esavela ngokuchasisa okungokomphrofethi. Ngoba isiphrofetho kasizange sivele entandweni yomuntu, kodwa abantu bakhuluma kuvela kuNkulunkulu beholwa nguMoya oNgcwele.

Kodwa phakathi kwabantu kwakulabaphrofethi bamanga futhi, njengoba kuzakuba labafundisi bamanga phakathi kwenu. Ngasese bazangenisa ukholo lwamanga oluchithayo, baze bayiphike leNkosi yobukhosi eyabathengayo  —  bazilethele ukubhujiswa ngokuphangisa. Abanengi bazalandela izindlela zabo ezilihlazo benze lendlela yeqiniso idumazeke. Ngobugovu babo abafundisi laba bazakwenza inzuzo ngani ngezinganekwane zokuzibumbela. Ukulahlwa kwabo kubengamile, lokubhujiswa kwabo akuzange kukhohlakale.

Uma bebalekele ukonakala komhlaba ngokwazi iNkosi yethu loMsindisi uJesu Khristu baphinde bahileleke kukho behlulwe, kubi kakhulu kubo ekucineni kulasekuqaliseni. Kwakuzakuba ngcono kubo ukungayazi indlela yokulunga, kulokuthi sebeyazi bafulathele imilayo engcwele ababeyiphiwe.

Uloba ngandlela yinye kuzo zonke izincwadi zakhe, ekhuluma lezizindaba kuzo. Izincwadi zakhe zimumethe ezinye izinto okunzima ukuzizwisisa, okuthi abantu abangaziyo labangaqinanga bazihlanekele, njengabakwenzayo kweminye iMibhalo, okuzaletha ukubhujiswa kwabo.

Ngakho-ke, bangane abathandekayo, njengoba lokhu selivele likwazi, qaphelani ukuze lingedukiswa yibubi babantu abangelamthetho beselisiwa ezindaweni zenu eziqinileyo. Kodwa khulani emuseni lasekwazini iNkosi yethu loMsindisi uJesu Khristu. Inkazimulo kayibe kuye khathesi lanininini! Ameni.

Leli yilizwi esilizwe kuye esilitshumayela kini elokuthi: UNkulunkulu uyikukhanya; kuye akukho ubumnyama. Uma sisithi silokuhlanganyela laye kodwa sihambe ebumnyameni, siqamba amanga, njalo leqiniso kasilenzi.

Singaba leqiniso ukuthi siyamazi uma silalela imilayo yakhe. Umuntu othi, “Ngiyamazi,” kodwa angagcini imilayo yakhe uqamba amanga, leqiniso kalalo. Kodwa uma umuntu elalela ilizwi lakhe, uthando lukaNkulunkulu luyapheleliswa sibili kuye. Nanku esazi ngakho ukuthi sikuye: Lowo othi uhlala kuye kumele aphile njengokwenziwa nguJesu.

Ngililobela ngalezizinto mayelana lalabo abazama ukulidukisa. Lina, ukugcotshwa elakwamukela kuye, kuhlezi kukini, njalo kalisweli muntu wokulifundisa. Kodwa njengoba ukugcoba kwakhe kulifundisa izinto zonke, njalo njengoba ukugcoba lokho kuqotho, akusinkohliso  —  njengoba kulifundisile, hlalani likuye.

Bazalwane abathandekayo, lingaze labakholwa omoya bonke, kodwa bahloleni omoya ukuba libone langabe bavela kuNkulunkulu, ngoba abaphrofethi bamanga abanengi sebekhona emhlabeni. Lingamazi kanje uMoya kaNkulunkulu: Umoya wonke ovumayo ukuthi uJesu Khristu weza engumuntu uvela kuNkulunkulu, kodwa wonke umoya ongamvumiyo uJesu kawuveli kuNkulunkulu. Lowo ngumoya womphikuKhristu, elezwayo ukuthi uyeza njalo osukhona khathesi emhlabeni.

Bona bangabasemhlabeni, ngakho bakhuluma ngokwengqondo yasemhlabeni, njalo umhlaba uyabalalela. Thina singabakaNkulunkulu, njalo lowo omaziyo uNkulunkulu uyasilalela; kodwa lowo ongasuye kaNkulunkulu kasilaleli. Simazi kanje uMoya weqiniso lomoya wamanga.

Uthando yilolu: ukuba siphile ngokulalela imilayo yakhe. Njengoba uzwile kusukela ekuqaleni, umlayo wakhe yikuthi uphile impilo yothando.

Abakhohlisi abanengi, abangavumiyo ukuthi uJesu Khristu weza engumuntu, sebekhona emhlabeni. Lowomuntu onjalo ungumkhohlisi lomphikuKhristu. Qaphelani ukuba lingalahlekelwa yilokho elakusebenzelayo, kodwa ukuba livuzwe okupheleleyo.

Lowo odlulela phambili angabe esaqhubeka ngemfundiso kaKhristu kalaye uNkulunkulu; lowo oqhubekayo ngemfundiso uloBaba leNdodana. Uma umuntu esiza kini engalethi imfundiso le, lingamngenisi ezindlini zenu njalo lingamamukeli. Lowo omamukelayo uyahlanganyela emisebenzini yakhe emibi.

Ngalobela ebandleni, kodwa uDiyothrefe othanda ubukhulu, akayikuba lendaba lathi. Ngakho ngingeza, ngizakukhangelisisa lokhu akwenzayo, esinyeya kubi. Kasuthiseki ngalokho, uyala ukwamukela abazalwane. Labafuna ukwenza njalo uyabalela abaxotshe ebandleni.

Bangane abathandekayo, lanxa kade ngitshisekela kakhulu ukulilobela mayelana lensindiso esilayo, kodwa ngibone kufanele ukuthi ngilobele ukulikhuthaza ukuba lilwele ukukholwa lokhu okwakungokomuntu wonke okwaphathiswa abangcwele. Ngoba abantu abathile abokulahlwa kwabo kwalotshwa endulo sebengene phakathi kwenu ngasese. Bangabantu abangamesabiyo uNkulunkulu abaguqulela umusa kaNkulunkulu ukuthi ubeyimvumo yokuganga bamphike loJesu Khristu onguyena Mbusi leNkosi yethu kuphela.

Ngiyazazi izenzo zakho, lokusebenza kwakho nzima kanye lokubekezela kwakho. Ngiyakwazi ukuthi awungeke ubabekezelele abantu abaxhwalileyo, lokuthi ubahlolile labo abathi bangabaphostoli kodwa bengayisibo, njalo wabafumana bengabalamanga.

Ngiyazazi izinhlupheko zakho kanye lobuyanga bakho  —  kanti-ke unothile! Ngiyakwazi ukuhlambaza kwalabo abathi bangamaJuda bengayisiwo, kodwa beyisinagogi sikaSathane.

Kodwa-ke kulezinto ezilutshwana engilensolo kuwe ngazo: Ulabantu khonapho ababambelele emfundisweni kaBhalami, owafundisa uBhalaki owahugela abako-Israyeli ekwenzeni isono ngokudla ukudla okwanikelwa ezithombeni kanye langokuxhwala kobufebe. Njalo ulabanye ababambelele emfundisweni yamaNikholayitha. Ngakho-ke phenduka! Hlezi ngize kuwe ngilwe labo ngenkemba yomlomo wami.

Kodwa-ke ngilale insolo ngawe: Uyambekezelela owesifazana lowana uJezebeli, ozibiza ngokuthi ngumphrofethikazi. Ngemfundiso yakhe udukisela izinceku zami ekuxhwaleni kobufebe lekudleni ukudla okunikelwe ezithombeni.

Ngiyazazi izenzo zakho, ukuthi kawuqandi njalo kawutshisi. Ngifisa ukuthi ngabe uyilokhu loba uyilokhuyana. Ngakho njengoba ubuthukuthuku  —  ungatshisi njalo ungaqandi  —  sekuseduze ukuba ngikukhafule emlonyeni wami. Wena uthi, ‘Nginothile; sengazuza inotho njalo kangisweli lutho.’ Kodwa kawunanzeleli ukuthi uyahlupheka, ulusizi, ungumyanga, uyisiphofu njalo unqunu.

Labo engibathandayo ngiyabakhuza ngibajezise. Ngakhoke woba lokutshiseka, uphenduke.

Umgobho omkhulu waphoselwa phansi  —  inyoka leyana endala ethiwa ngoMubi loba uSathane, odukisa umhlaba wonke. Waphoselwa emhlabeni, ekanye lezingilosi zakhe. Ngasengisizwa ilizwi elikhulu ezulwini lisithi: “Khathesi ukusindiswa sekufikile lamandla kanye lombuso kaNkulunkulu wethu, kanye lobukhosi bukaKhristu wakhe. Ngoba ummangaleli wabazalwane bethu, obamangalelayo phambi kukaNkulunkulu wethu emini lebusuku, usephoselwe phansi. Bamnqobile ngegazi leWundlu langelizwi lobufakazi babo; kabakuthandanga kakhulu ukuphila kwabo ukuba besabe ukufa.

Ngabuya ngezwa elinye ilizwi livela ezulwini lisithi: “Bantu bami, phumani kuyo, ukuze lingahlanganyeli ezonweni zayo, ukuze lingehlelwa yizifo zayo;

Ukukhanya kwesibane akusoze kukhanye kuwe futhi. Ilizwi lomyeni lelomlobokazi kalisoze lizwakale kuwe futhi. Abathengisi bakho babeyizikhulu zomhlaba. Izizwe zonke zadukiswa yibuthakathi bakho.

Kodwa isilo sathunjwa, ndawonye lomphrofethi wamanga owayenze izibonakaliso ezimangalisayo emele sona. Ngalezizibonakaliso wabedukisa labo ababebekwe uphawu lwesilo bakhonza isifanekiso sayo. Sona lomphrofethi wamanga baphoselwa bephila echibini lomlilo wesolufa elivuthayo.

Yabamba umgobho, inyoka endala leyana, engoMubi loba uSathane, yambopha okweminyaka eyinkulungwane. Yamphosela eMgodini ongelamkhawulo, yakhiya, yawuvala silikici, ukumvimbela ukuba angakhohlisi izizwe futhi kuze kuphele iminyaka eyinkulungwane. Emva kwalokho kumele akhululwe okwesikhatshana.

Omubi, owayebakhohlisile, waphoselwa echibini lesolufa elivuthayo, lapho okwakuphoselwe khona inyamazana lomphrofethi wamanga. Bazachukuluzwa emini lebusuku kuze kube nininini.

Kodwa amagwala, labangakholwayo, labaxhwalileyo, lababulali leziphingi, labathakathi, labakhonza izithombe labo bonke abaqamba amanga  —  indawo yabo izakuba sechibini lomlilo wesolufa ovuthayo. Lokhu yikufa kwesibili.”

Akulalutho olungcolileyo oluzake lungene kulo, loba ngubani owenza okulihlazo kumbe inkohliso, kodwa labo kuphela abalamabizo abo alotshwe encwadini yokuphila yeWundlu.

Ngaphandle kulezinja, labo abenza imisebenzi yobuthakathi, izifebe ezixhwalileyo, lababulali, labakhonza izithombe labo bonke abathanda inkohliso njalo beyenza.

Ngiyabaxwayisa bonke abezwa amazwi esiphrofetho sencwadi le: Uma umuntu ezakwengeza olunye ulutho kuwo, uNkulunkulu uzazengeza kuye izifo ezibaliswe kule incwadi. Njalo uma umuntu esusa amazwi kule incwadi yesiphrofetho, uNkulunkulu uzamthathela isabelo sakhe esihlahleni sokuphila lasedolobheni elingcwele, okubaliswe kule incwadi.