18 – Kau Faiako Loi

BEA nae olo boto lahi hake ae gata i he manu kotoabe oe fonua, aia nae gaohi e Jihova koe Otua. Bea behe eia ki he fefine, Oku mooni koa kuo behe e he Otua, E ikai te mo kai i he akau kotoabe oe goue? Bea nae behe e he fefine ki he gata, Oku gofua e ma kai i he fua oe gaahi akau oe goue: Ka koe fua oe akau aia oku i he loto goue, kuo folofola mai e he Otua, E ikai te mo kai ai, bea e ikai te mo ala ki ai, telia naa mo mate. Bea behe e he gata ki he fefine, Oku ikai mooni te mo mate. He oku ilo e he Otua, i he aho te mo kai ai, e toki a ai ho mo mata, bea te mo hage koe otua, ke ilo ai ae lelei moe kovi.

Bea nae folofola a Jihova koe Otua ki he fefine, Koeha eni kuo ke fai? Bea behe e he fefine, Nae kākā‘i au e he gata, beau kai. Bea nae folofola a Jihova koe Otua ki he gata, Koeuhi kuo ke fai eni, kuo ke malaia lahi hake i he faga manu lalata kotoabe, moe manu kotoabe oe vao; te ke gaolo koe i ho kete, bea te ke kai ae efu i he gaahi aho kotoabe o hoo moui: Bea teu tuku ae taufehia iate koe moe fefine, bea ki ho hako mo hono hako; e laiki eia ho ulu, bea te ke fakavolu ekoe a hono muiva‘e.

Oua naa ke bunou hifo koe kiate kinautolu, be tauhi ki ai: he ko au Jihova ko ho Otua koe Otua fuaa au, oku ou totogi ae hia ae gaahi tamai ki he fānau, o a‘u ki hono tolu mo hono fa oe toutagata o kinautolu oku fehia kiate au; Beau fakaha ae aloofa ki he gaahi toko afe o kinautolu oku ofa kiate au mo tauhi eku gaahi fekau.

OUA naa ke fakatubu ae ogoogo loi; oua naa ke kuku nima moe kau agakovi ke hoko ae fakamooni tae totonu. Oua naa ke muimui ki he toko ahi ke fai kovi: oua naa ke lea fakaagimui be ki he toko lahi ke fakabiko‘i ae fakamāu.

Oua naa mou kaihaa, be fai fakakākā, be feloiaki ae taha ki he taha.

Oua naa ko fealuaki fano ke fetuku talanoa i hoo kakai; bea oua naa ke lea ke mate ai ho kaugaabi: Ko au ko Jihova. Oua naa ke fehia ki ho tokoua i ho loto: koe mooni ke ke valoki‘i ho kaugaabi, bea oua naa tuku ai be ene agahala.

Oku ikai ko ha tagata ae Otua, ke loi ia; be koe foha oe tagata, koeuhi ke fakatomala ia: kuo ne folofola, bea ikai e fai eia ki ai? bea kuo lea ia, bea ikai e fakamooni ia ki ai?

Kuo mamata e ho mou mata aia nae fai e Jihova koeuhi ko Beali‐beoli: he koe kau tagata kotoabe nae muimui ia Beali‐beoli, kuo fakaauha akinautolu e Jihova ko ho mou Otua meiate kimoutolu.

Koia ke mou tokaga o fai ia o hage koe fekau a Jihova ko ho mou Otua kiate kimoutolu: oua naa mou tafoki ki he nima toomatau be ki he toohema.

Bea te ke manatu ki he hala kotoabe aia nae tataki ai koe e Jihova ko ho Otua i he ta‘u e fagofulu ni i he toafa, ke fakaagavaivai‘i koe, ke ahiahi‘i koe, bea ke ilo aia kotoabe nae i ho loto, be te ke tauhi ki he ene gaahi fekau, be ikai. Bea naa ne fakavaivai‘i koe, o ne tuku koe ke ke fiekaia, bea naa ne fafaga aki koe ae mana, aia nae ikai te ke ilo, bea nae ikai ilo e hoo gaahi tamai; koeuhi ke ne fakaha kiate koe oku ikai moui ae tagata i he ma be, ka oku moui ae tagata i he mea kotoabe oku ha‘u mei he fofoga o Jihova.

Bea te ke tokaga mo ilo i ho loto foki, oku hage koe tautea e he tagata hono foha, oku behe be ae tautea koe e Jihova ko ho Otua. Koia, ke ke tauhi ae gaahi fekau a Jihova ko ho Otua, ke alu i hono gaahi hala, bea ke manavahe kiate ia.

Vakai kiate kimoutolu. naa kākāia ho mou loto, bea mou tafoki, bea tauhi ae gaahi otua kehe, bea lotu kiate kinautolu;

Koe mea kotoabe oku ou fekau kiate kimoutolu, mou tokaga ki ai o fai, oua naa ke fakalahi ia, be fakajiijii ki ai.

KABAU oku tubu hake meiate kimoutolu ha taha oku kikite, be koe toko taha oku miji ae gaahi miji, bea tuku kiate koe ha fakailoga be ha mea fakaofo, Bea e hoko ae fakailoga be koe mea fakaofo aia naa ne lea ki ai, bea behe eia, Ke tau alu o muimui i he gaahi otua kehe, aia nae ikai te ke ilo, bea ke tau tauhi akinautolu; Oua naa ke tokaga ki he lea ae kikite koia, be koe toko taha koia oku miji ae gaahi miji: he oku ahiahi‘i akimoutolu e Jihova ko ho mou Otua, ke ilo be te mou ofa kia Jihova ko ho mou Otua aki ho mou loto kotoa mo ho mou laumalie kotoa:

Ka koe balofita koia, aia oku fielahi bea lea ia i hoku huafa, aia nae ikai teu fekau kiate ia ke lea, be lea ia i he higoa oe gaahi otua kehe, e tamate‘i ae balofita koia.

Bea kabau oku ke behe i ho loto, Te mau ilo fefe‘i ae lea aia nae ikai folofola aki e Jihova? Oka lea ae balofita i he huafa o Jihova, ka oku ikai muimui hano fakamooni be hoko ia, ko eni ae mea nae ikai folofola aki e Jihova, ka kuo lea fielahi aki ia e he balofita: e ikai te ke manavahe kiate ia.

He oku tatau ae agatuu moe hia koe tuki fakatevolo, bea koe baogataa oku tatau ia moe hia oe tauhi otua loi. Koe mea i hoo liaki ae folofola a Jihova, kuo ne liaki foki koe ke oua naa ke tu‘i.

Bea nae hu mai ha laumalie, o ne tuu i he ao o Jihova, o ne behe, Teu fakaloto‘i ia eau. Bea nae behe e Jihova kiate ia, O fefe‘i? Bea naa ne behe, Teu alu atu, bea teu hoko koe laumalie loi i he gutu o ene kau kikite kotoabe. Bea naa ne behe, Te ke fakaloto‘i ia, bea te ke lava‘i foki: alu atu, mo ke fai behe. Bea koia foki, vakai, kuo ai e Jihova ha laumalie loi ki he gutu oe kau tagata kikite na oou, bea kuo folofola aki e Jihova ae kovi kiate koe.

Bea nae toki ha‘u kitua ae laumalie e taha, bea tuu ia i he ao o Jihova, o ne behe, Teu fakaloto‘i ia. Bea behe e Jihova, Aki aeha? Bea behe eia, Teu alu atu, beau hoko koe laumalie loi i he gutu o ene kau balofita kotoabe. Bea behe e Jihova, Te ke fakaloto‘i ia, bea ke lava‘i ia foki: alu atu, bea ke fai ia. Bea koeni, vakai, kuo tuku e Jihova ae laumalie loi i he gutu o ho kau balofita ni, bea kuo folofola a Jihova aki ae kovi kiate koe.

Bea nae kouna kiate kinautolu e Jihova koe Otua oe nau gaahi tamai ene kau talafekau, nae tuu hegihegi hake, bea fekau; koe mea i he ene agaofa ki hono kakai, bea ki hono botu nofoaga: Ka naa nau manuki ki he kau talafekau ae Otua, bea tae tokaga ki he ene gaahi lea, mo fai kovi ki he ene kau balofita, bea nae tubu ai ae houhau a Jihova ki hono kakai, bea nae ikai ha fakamoui.

Ka koe kau fakatubu loi akimoutolu, koe kau faitoo taeaoga akimoutolu kotoabe.

KOEHA oku matalili ai ae hiteni? bea fakalaulauloto ae kakai ki he mea noabe? Oku tuu hake fakataha ae gaahi tu‘i o mamani, bea fakakaukau fakataha ae kau bule kia Jihova mo ia kuo ne bani, o behe, Ke tau motuhi e na gaahi ha‘i, bea liaki e na gaahi afo iate kitautolu. Koia oku nofo i he gaahi lagi e kata ia: e manuki a Jihova kiate kinautolu.

Te ke fakaauha akinautolu oku lea loi: e fākalilia a Jihova ki he tagata bani toto mo kākā.

He oku ikai ha mooni i ho nau gutu; oku matuaki kovi ho nau loto; ko ho nau kia koe fonualoto kuo matagaki; oku nau labu aki ho nau elelo.

KUO behe e he vale i hono loto, Oku ikai ha Otua. Kuo kovi akinautolu, kuo nau fai ae gaahi gaue fakalielia, oku ikai ha toko taha oku fai lelei. Nae afio hifo e Jihova mei he lagi ki he fānau ae tagata, ke afio be oku ai ha niihi oku ilo, mo kumi ki he Otua. Kuo alu he kotoabe, kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.

Tuku ke fakalogo be ae gaahi lougutu loi; aia oku lea aki ae mea fakamamahi ki he kau maonioni i he fielahi moe manuki.

Taofi ho elelo mei he kovi, mo ho lougutu mei he lea kākā.

Ka oku behe e he Otua ki he agakovi, Koeha oku ke kau ai koe ke tala eku gaahi fekau, bea ke ai i ho gutu eku fuakava? He oku ke fehia ki he akonaki, mo ke liaki eku gaahi lea ki ho tua.

Oku laga‘i e ho elelo ae gaahi mea kovi; o ne fai kākā, o hage koe tele majila. Oku ke ofa lahi ki he kovi i he lelei; bea ki he loi i he lea maonioni. Sila. Ae elelo kākā, oku ke manako ki he gaahi lea fakaauha. Bea e fakaauha foki koe e he Otua o taegata, te ne too o ave koe, bea taaki koe mei ho nofoaga, o taaki fuu hake koe mei he fonua oe moui. Sila.

Koe gaahi lea a hono gutu nae molemole lahi hake i he bota, ka nae i hono loto ae tau: nae molu lahi ene gaahi lea i he lolo, ka koe mooni koe gaahi heleta ia kuo unuhi.

Koe mea i he agahala a ho nau gutu, moe gaahi lea a ho nau lougutu, tuku ke moua ai akinautolu i he e nau laukau: koeuhi koe kabe moe loi oku nau lea aki.

Ko ia oku ne fai kākā e ikai nofo ia i hoku fale: ko ia oku faa loi e ikai te ne nofo i hoku ao.

Kuo ke malaki hifo akinautolu kotoabe oku he mei hoo gaahi tuutuuni: he koe nau kākā koe loi ia.

Oku ou fehia mo fākalilia ki he loi: ka oku ou ofa ki hoo fono.

Koe manavahe kia Jihova koe kamataaga ia oe ilo: ka oku fehia ae vale ki he boto moe akonaki.

Akimoutolu ae kau vale, e fefe hono fuoloa o hoo mou manako ki he vale? bea fiefia ae kau manuki i he e nau manuki, moe fehia ae kau vale ki he boto? Mou tafoki i he eku valoki: vakai, teu hua‘i hoku laumalie kiate kimoutolu, teu fakaha eku gaahi lea kiate kimoutolu.

Falala kia Jihova aki ho loto kotoa; bea oua naa ke faaki ki ho boto oou. Ke ke fakaogoogo kiate ia i ho hala kotoabe, bea e fakatonutonu eia ho gaahi aluaga. Oua naa ke behe i ho mata oou, oku ke boto: ka ke manavahe kia Jihova, bea tafoki mei he kovi.

Ke liaki ke mamao iate koe ae gutu oku kovi, moe lougutu baogataa.

Ke jio totonu atu be ho mata, bea ke hagatonu ki mua ho laumata iate koe. Fakakaukau ki he aluga o ho va‘e bea e fakatonutonu ai ho gaahi hala kotoabe. Oua naa afe ki he nima toomatau be ki he toohema: ka ke fakatafoki ho va‘e mei he kovi.

Oku fehia a Jihova ki he mea ni e ono: io, koe mea e fitu oku fakalielia i hono ao: Koe mata fielahi, koe elelo oku loi, moe nima oku liligi ae toto oe taehalaia, Koe loto oku fakatubu ae gaahi mahalo kovi, moe va‘e oku vee vave ki he fai kovi, Koe fakamooni loi oku lea aki ae gaahi loi, mo ia oku fakatubu maveuveu i he kaiga.

Koia oku valoki ki he tagata manuki oku fakama ai ia: bea oku bani uli ia aia oku ne valoki‘i ae tagata agakovi. Oua naa valoki ki he tagata manuki, telia naa ne fehia kiate koe: takitala‘i ae tagata boto, bea e ofa ai ia kiate koe. Ako ki he tagata boto, bea e ajili ai ene boto: akonaki‘i ae agatonu, bea e tubulekina ai a ene ilo.

Koe manavahe kia Jihova koe kamataga ia oe boto: bea koe ilo oe maonioni koe fakakaukau boto ia.

E fokotuu mau o taegata ae lougutu oku lea aki ae mooni: ka oku oji i he kemo be taha ae elelo oku loi.

Koe mea fakalielia kia Jihova ae lougutu faa loi: ka oku fiefia ia iate kinautolu oku fai fakamoomooni.

E ikai faa loi ae fakamooni agatonu: ka e lea loi be ae fakamooni loi. Oku kumi ae boto e he manuki, ka oku ikai te ne ilo ia: ka oku ma‘ugofua ae boto kiate ia oku fakakaukau. Alu atu mei he ao oe tagata vale, oka ke ka mamata oku ikai iate ia ae lougutu oe boto.

Oku fakamoui ae gaahi laumalie e he fakamooni oku mooni: ka oku lea aki ae loi e he fakamooni loi.

Oku ikai ofa ae tagata manuki kiate ia oku valoki‘i ia: bea oku ikai fie alu atu ia ki he boto.

Oku tokaga ae tagata fai kovi ki he lougutu oku loi; bea oku tokaga eia oku loi ki he elelo oku kovi.

E ikai tuku ke tae tautea ae fakamooni loi, bea e ikai hao ia aia oku faa lea aki ae loi.

E ikai tuku ke tae tautea ae fakamooni loi, bea e fakaauha ia aia oku faa lea aki ae loi.

Ke li kitua aia oku manuki, bea e alu kitua ae fakakikihi foki: io, e gata ae feiteitani moe lauikovi.

Oua naa ke fakamooni mea ki ho kaugaabi tae hano totonu; bea oua naa ke kākā aki ho lougutu.

Oku lelei hake ae valoki oku fai fakaha i he ofa oku fakalilolilo. Koe lavea mei he kaiga koe agatonu ia; ka koe gaahi uma mei ha fili koe kākā ia.

Kabau oku faa tokaga aia oku bule ki he gaahi loi, e hoko o kovi a ene kau tamaioeiki kotoabe.

Oku maa ae folofola kotoabe ae Otua: bea koe ugaaga ia kiate kinautolu kotoabe oku falala kiate ia. Oua naa ke fakalahi ki he ene folofola telia naa ne valoki‘i koe, bea e ilo ai koe koe loi.

OKU lelei lahi ae higoa oku ogoogolelei i he mea namu kakala oku mahuiga lahi; bea oku lelei ae aho oe mate i he aho oe fanau‘i.

Mou fanogo, ae gaahi lagi, bea fakafanogo mo mamani: he oku folofola a Jihova, Kuou fafaga mo tauhi ae fānau, bea kuo nau agatuu kiate au. Oku ilo e he bulu aia oku aana ia, bea moe asi ae fale manu o ene eiki: ka oku ikai ilo e Isileli, oku ikai tokaga a hoku kakai. Oiau! ae buleaga agakovi, koe kakai māfajia i he hia, koe hako fai mea kovi, koe fānau oku fakahala: kuo nau liaki a Jihova, kuo nau fakahouhau‘i ae Toko Taha Maonioni o Isileli, kuo nau fakaholomui. Koeha e toe teia ai akimoutolu? e tubulaki be hoo mou agatuu: oku mahaki ae ulu kotoabe, bea vaivai moe loto kotoabe.

Bea e fakaauha fakataha ae kau talagataa moe agahala, bea e auha akinautolu oku liaki a Jihova.

E malaia akinautolu oku ui ae kovi koe lelei, moe lelei koe kovi; oku ui ae bouli koe māma, moe māma koe bouli; oku ui ae kona koe melie, moe melie koe kona! E malaia akinautolu oku boto i ho nau mata onautolu, mo kinautolu oku behe oku nau fai fakabotoboto!

Mou fakatabu‘i be a Jihova oe gaahi kau tau; bea tuku ke hoko ia ko hoo mou manavaheaga, bea mou ilifia iate ia. Bea e hoko ia koe hufaga malu; ka koe maka tukiaaga, bea koe maka fakaita ki he fale fakatouoji o Isileli, koe tauhele moe heleaga ki he kakai o Jelusalema.

Kumi ki he fono bea ki he fakamooni: kabau e ikai te nau lea o hage koe folofola ni, oku behe koeuhi oku ikai ha māma iate kinautolu.

E Lusifa, koe foha oe bogibogi! hono ikai to hifo koe mei he lagi! hono ikai tuuji ki lalo koe ki he kelekele, akoe ne ke fakavaivai‘i ae gaahi buleaga! He naa ke behe i ho loto, Teu alu hake ki he lagi, teu fokotuu ke maoluga hake a hoku nofoaga i he gaahi fetuu oe Otua: bea teu nofo i he mouga oe fakatahaaga, i he gaahi botu tokelau: Teu alu hake ke maoluga i he gaahi ao; teu tatau mo ia oku maoluga taha be. Ka e hifo koe ki lalo ki he faitoka, ki he kaokao oe luo. Ko kinautolu e mamata kiate koe te nau jio fakamamau kiate koe, bea fakalaulauloto kiate koe, o behe, Koe tagata koa eni nae gaohi ke tetetete ai a mamani, aia nae lulululu ae gaahi buleaga;

Bea e vaivai ae laumalie o Ijibite i he lotolotoga oia; bea teu maumau‘i ae fakakaukau aana: bea te nau kumi ki he gaahi tamabua, bea ki he kau fiemana, bea kiate kinautolu oku ai ae gaahi laumalie kovi, bea ki he kau kikite.

Ka kuo nau he i he uaine, bea koeuhi koe inu malohi kuo nau he mei he hala; kuo he ae taulaeiki bea moe balofita i he inu malohi, oku nau moua ki he uaine, kuo nau he mei he hala koe mea i he inu malohi; oku ninimo he nau mata, oku nau humu i he fakamāu.

Koia ne behe ai e Jihova, koe mea i he unuunu mai ae kakai ni kiate au aki ho nau gutu, bea fakaabaaba kiate au aki ho nau lougutu, ka kuo mamao ho nau loto iate au, bea koe nau manavahe kiate au oku tubu ia mei he gaahi fekau ae tagata be:

Koe mooni ko hoo mou fulifulihi ae gaahi mea e tatau moe umea oe tagata gaohi ibu: he e lea behe koa ae mea kuo gaohi kiate ia naa ne fakatufuga‘i, Nae ikai te ne gaohi au? be, e behe ae mea kuo gaohi kiate ia nae gaohi ia, Nae ikai haane ilo?

Bea ko kinautolu foki nae hala i he laumalie te nau hoko o ilo, bea ko kinautolu nae lāuga te nau ma‘u ae akonaki.

O behe, koe kakai agatuu eni, koe fānau loi, koe fānau oku ikai fie fanogo ki he fono a Jihova:

Oku nau behe ki he kau kikite, Oua naa mamata, bea ki he kau balofita, Oua e fakaha kiate kimautolu ae gaahi mea totonu; lea aki kiate kimautolu ae gaahi mea malie, kikite aki ae gaahi kākā: Tuu ki he atā mei he hala, afe atu mei he hala, tuku ke mole i ho tau ao ae Toko Taha Maonioni o Isileli. Koia oku behe e he Toko Taha Maonioni o Isileli, Koe mea i hoo mou fehia ki he folofola ni, bea falala ki he fakamalohi moe mioi, mo faaki ki ai: Koia e hoko kiate kimoutolu ae hia ni o hage ae foa‘i ha a maka oku teitei higa, o hage ko ha mafahi i ha a maoluga oku hoko hono maumau fakafokifa i ha kemo be taha.

Ko au ia oku taofi ae gaahi fakailoga oe kau loi, bea fakavale‘i ae kau kikite; mo fakafoki ae kau tagata boto, bea oku gaohi ae nau ilo koe vale;

Oku kui hono kau tagata leo: oku vale kotoabe, koe faga kuli noa akinautolu kotoabe, oku ikai te nau faa kalou; oku mohe, bea tokoto hifo, o manake ki he mohe. Io koe faga kuli uakai oku ikai aubito makona, bea koe kau tauhi tae ilo akinautolu: oku nau vakai kotoabe ki ho nau hala taki taha, ke ma‘u mea mei hono botu.

Oku mou manuki ki ahai? oku fakamaga ho mou gutu ki ahai, bea fakatetee ae elelo? ikai koe fānau akimoutolu oe agatuu, koe hako oe loi,

He oku behe, e Jihova, Kuo fai kākā aubito kiate au, e he fale o Isileli bea moe fale o Juta. Kuo nau fakafijiga‘i a Jihova, o nau behe, Oku ikai koia ia; e ikai hoko ha kovi kiate kitautolu bea e ikai te tau mamata ki he heleta be ha hoge. Bea e hoko ae kau balofita o hage koe matagi, bea oku ikai iate kinautolu ha lea: e hoko o behe kiate kinautolu.

Kuo fai ha mea fakaofo mo fakailifia i he fonua. Oku kikite kākā ae kau balofita, bea oku kau taha mo kinautolu ae kau taulaeiki; bea oku loto a hoku kakai ke behe be ia: bea koeha te mou fai i hono ikuaga?

He oku nau taki taha manumanu mei he iki o a‘u ki he lalahi; bea taki taha fai kākā mei he balofita, io, o a‘u ki he taulaeiki. Kuo nau fakamoui kākā foki ae lavea oe ofefine o hoku kakai, o nau behe, Fiemalie, fiemalie; ka oku ikai ha fiemalie.

Bea te nau taki taha kākā‘i hono kaugaabi, bea ikai te nau lea ki he mooni; kuo nau ako ho nau elelo ke lea loi, bea oku nau fakaogojia‘i akinautolu i he fai kovi. Bea ko ho nofoaga oku i he lotolotoga oe kākā; koeuhi koe kākā oku ikai te nau fie ilo au, oku behe e Jihova.

Oku tatau ho nau elelo moe gahau kuo fana‘i; oku ne lea aki ae kākā: oku ne lea fakafiemalie i hono gutu ki hono kaugaabi, ka ko hono loto oku toka malumu ki ai.

Bea nae behe e Jihova kiate au, Oku kikite loi i hoku huafa ae kau balofita: nae ikai teu fekau akinautolu, be tala kiate kinautolu, bea nae ikai teu lea kiate kinautolu: kuo nau lea aki ae miji loi moe kikite kākā, moe mea vaiga, bea moe kākā o ho nau loto. Koia oku behe ai e Jihova ki he kau balofita oku kikite i hoku huafa, bea nae ikai teu fekau akinautolu, ka oku nau behe, E ikai hoko ae heleta moe hoge ki he fonua ni; e fakaauha ae kau balofita koia i he heleta bea moe hoge.

Oku behe e Jihova; Ke malaia ae tagata oku falala ki he tagata, bea oku ne nima aki ae kakano, bea kuo mole hono loto mei a Jihova,

Oku kākā lahi taha be ae loto i he gaahi mea kotoabe, bea oku fugani kovi: kohai te ne faa ilo ia? Ko au Jihova oku ou vakili ae loto, oku ou hakule ae gaahi mahalo, ke foaki ki he tagata taki taha o fakatatau mo ene gaahi ulugaaga, bea tatau moe fua o ene faiaga.

Kuo mafōfōa hoku loto iate au, koeuhi koe kau balofita: oku tetetete hoku gaahi hui; oku ou hage koe tagata kona, bea hage koe tagata kuo ikuna e he uaine, koeuhi ko Jihova, mo ene gaahi folofola maonioni.

He oku halaia ae balofita moe taulaeiki fakatouoji; oku behe e Jihova, Koe mooni oku ou ilo e nau kovi i hoku fale. Koia e iate kinautolu a ho nau hala o hage koe gaahi hala kehekehe mo fakabouli: bea e teke‘i atu akinautolu, bea te nau higa ai: he teu omi ae kovi kiate kinautolu, io, koe ta‘u a ho nau tautea, oku behe e Jihova:

Bea i he kau balofita o Jelusalema kuou mamata foki ki he mea fakailifia: kuo nau fai feauaki, bea aeva i he gaahi loi: kuo nau tokoni foki ae nima oe kau fai kovi, bea koia oku ikai tafoki ai ha taha mei he ene agahala: kuo nau hoko kotoabe o hage ko Sotoma kiate au, bea mo hono kakai o hage ko Komola. Koia oku behe e Jihova oe gaahi kau tau koeuhi koe kau balofita: Vakai, teu fafaga akinautolu aki ae akau kona, bea teu foaki kiate kinautolu ae huhua oe ahu ke nau inu: he kuo alu atu ae kākā ki he fonua kotoabe, mei he kau balofita o Jelusalema.

Oku behe a Jihova oe gaahi kau tau, Oua naa fanogo ki he gaahi lea ae kau balofita, akinautolu oku kikite kiate kimoutolu, oku nau fielahi‘i akimoutolu: oku nau lea aki ae mea i ho nau loto, ka oku ikai mei he fofoga o Jihova. Oku nau kei lea behe kiate kinautolu oku fehia kiate au, Nae behe e Jihova, Te mou fiemalie; bea oku nau lea behe kiate kinautolu taki taha oku muimui ki he holi a hono loto, E ikai hoko ha kovi kiate kimoutolu.

E ikai tafoki ae houhau o Jihova kae oua ke ne fai, mo fakaoji kotoabe aia oku ne finagalo ki ai: bea te mou ilo lahi ae mea ni i he gaahi aho amui. Nae ikai teu fekau ae kau balofita na, ka naa nau lele: nae ikai teu lea kiate kinautolu, ka kuo nau kikite.

Kuou fanogo ki he gaahi mea oku lea aki e he kau balofita, akinautolu oku kikite loi i hoku huafa, o behe, Kuou miji, kuou miji. E fefe hono fuoloa oe mea ni i he loto oe kau balofita oku kikite aki ae gaahi loi? io, koe kau balofita oku kākā mei ho nau loto; Akinautolu ni oku fie fakagalo‘i hoku huafa ki hoku kakai, i he e nau gaahi miji aia oku nau fakaha ae tagata taki taha ki hono kaugaabi, o hage nae fakagalo‘i hoku huafa e he e nau gaahi tamai koeuhi ko Beali. Koe balofita oku ma‘u ha miji tuku ke ne lea aki ae miji; bea ko ia oku ma‘u eku folofola, tuku ke ne lea mooni aki eku folofola. Oku behe e Jihova, Koeha ae kafukafu ki he uite? Oku behe e Jihova; Ikai oku tatau eku folofola moe afi? bea hage koe hamala ke ta mo laiki aki ae maka?

Oku behe e Jihova, Vakai, oku ou fehia ki he kau balofita, akinautolu oku nau lea aki ho nau elelo, o behe, Oku behe eia. Oku behe e Jihova, Vakai, oku ou fehia kiate kinautolu oku kikite aki ae gaahi miji kākā, bea lea aki ia, bea fakahala‘i a hoku kakai aki e nau gaahi loi, moe kākā; ka nae ikai teu tala ke nau alu, be fekau akinautolu: koia e ikai jii te nau momoi aoga ki he kakai ni, oku behe e Jihova.

Bea koe balofita, moe taulaeiki, bea moe kakai, aia te nau behe, Koe lea mamafa mei a Jihova, Teu tautea ae tagata koia mo hono fale. Bea te mou taki taha febeheaki ki hono kaugaabi, bea taki taha ki hono tokoua Koeha ae tala a Jihova? bea, Koeha kuo folofola aki e Jihova? Bea e ikai te mou toe lea ki he lea mamafa mei a Jihova: he koe lea ae tagata taki taha ko ene kavega ia; he kuo mou fakakehe ae folofola ae Otua moui, ko Jihova oe gaahi kau tau ko ho tau Otua.

Ka i hoo mou behe mai, Koe lea mamafa mei a Jihova; koia oku behe e Jihova, koeuhi oku mou lea aki ae lea ni, Koe tala mamafa mei a Jihova, bea kuou fekau kiate kimoutolu, o behe, Oua naa mou behe, Koe lea mamafa mei a Jihova? Koia, Vakai, Ko au, Io Ko au, teu fakagalogalo‘i aubito akimoutolu, bea teu liaki akimoutolu, bea moe kolo naaku foaki kiate kimoutolu mo hoo mou gaahi tamai, bea teu kabuji akimoutolu i hoku ao: Bea teu fakaogoogo kovi‘i akimoutolu o taegata, bea fakatubu kiate kimoutolu ae ma o taegata, aia e ikai fakagalogalo‘i.

Koia oua naa mou fanogo ki hoo mou kau balofita, be ki hoo mou kau kikite, be ki hoo mou kau miji, be ki hoo mou kau jio ki lagi, be ki hoo mou kau fiemana, akinautolu oku lea kiate kimoutolu, o behe, E ikai te mou tauhi ae tu‘i o Babilone. He oku nau kikite loi kiate kimoutolu, ke ave mamao akimoutolu mei ho mou fonua; koeuhi teu kabuji akimoutolu, bea te mou auha.

Koia oua naa fanogo ki he gaahi lea ae kau balofita oku lea kiate kimoutolu, o behe, E ikai te mou tauhi ae tu‘i o Babilone: he oku nau kikite loi kiate kimoutolu. He oku behe e Jihova, nae ikai teu fekau akinautolu, ka oku nau kikite loi i hoku huafa; koeuhi keu kabuji akimoutolu, bea te mou auha, ko kimoutolu bea moe kau balofita oku kikite kiate kimoutolu. Naaku lea foki ki he kau taulaeiki bea ki he kakai ni kotoabe, o behe, Oku behe mai a Jihova; oua naa fanogo ki he gaahi lea ae kau balofita oku kikite kiate kimoutolu, o behe, Vakai, e toe omi vave mei Babilone ae gaahi ibu oe fale o Jihova: he oku nau kikite loi kiate kimoutolu.

He oku behe e Jihova oe gaahi kau tau, koe Otua o Isileli; Oua naa tuku ke kākā‘i akimoutolu e hoo mou kau balofita moe kau fiemana oku iate kimoutolu, bea oua naa tokaga ki he gaahi miji oku mou miji aki. He oku nau kikite loi kiate kimoutolu i hoku huafa: Oku behe e Jihova, Nae ikai teu fekau akinautolu.

Ko hoku kakai koe faga sibi kuo mole: kuo fakahe‘i akinautolu e ho nau kau tauhi, kuo nau fakaafe akinautolu ki he gaahi mouga: kuo nau alu mei he mouga ki he mouga, kuo nau fakagalogalo‘i a ho nau mālōlōaga.

O kau ka behe ki he agahala, Koe mooni te ke mate; ka oku ikai te ke valoki, be lea ke fakatafoki ae agahala mei hono hala kovi, kae hao ai ene moui; e mate mooni i he ene agahala ae agahala koia; ka ko hono toto teu eke ia kiate koe. Ka koeni, kabau te ke valoki ae agahala, bea oku ikai tafoki ia mei he ene kovi, mo hono hala kovi, e mate ia i he ene agahala, ka kuo ke fakaataatā ho laumalie oou. Mo eni, Oka liliu ha tagata maonioni mei he ene maonioni bea fai agahala, beau ai ha tūkiaaga i hono ao, e mate ia: e mate ia i he ene agahala bea e ikai manatu‘i ae maonioni aia naa ne fai, ka koe mea i hoo tae valoki kiate ia, teu eke mei ho nima a hono toto: Ka koeuhi, kabau te ke valoki ae maonioni, ke oua naa fai hala ae maonioni, bea oku ikai ai te ne fai agahala, koe mooni te ne moui, koeuhi kuo takitala‘i; bea kuo ke fakaataatā foki ho laumalie.

He koeuhi e ikai kei i ai ha mea ha mai koe vaiga, be ha fai kikite koe labu, i he fale kotoa o Isileli.

BEA nae hoko mai ae folofola a Jihova, o behe, Foha oe tagata, kikite ki he kau kikite o Isileli oku kikite, bea ke behe ekoe kiate kinautolu oku kikite mei ho nau loto onautolu be, Mou fanogo akimoutolu ki he folofola a Jihova. Oku behe e Jihova koe Otua; Malaia ki he kau kikite vale, aia kuo muimui ki ho nau laumalie onautolu be, ka oku ikai ke mamata ki ha mea!

E Isileli oku tatau hoo kau kikite moe faga fokisi i he toafa. Oku ikai te mou alu hake ki he gaahi ava, be gaohi ae a ki he fale o Isileli, koeuhi ke tuu mau ai i he tau i he aho o Jihova. Kuo nau mamata ki he vaiga moe kikite loi, i he e nau behe, Oku behe e Jihova: ka nae ikai fekau akinautolu e Jihova: bea kuo nau fakaamanaki ae niihi ki he fakamooni oe nau lea. Ikai kuo mou mamata ki he mea ha mai oku vaiga, bea ikai kuo mou lea aki ae kikite loi i hoo mou behe, Oku behe e Jihova; kae oji oku ikai teu lea au?

Koia oku behe e Jihova koe Otua; Koeuhi kuo mou lea aki ae vaiga, mo mamata ki he loi, koia, vakai, ko au ia e fai mo kimoutolu, oku behe e Jihova koe Otua.

Bea e to hoku nima ki he kau kikite oku mamata ki he vaiga, mo nau kikite loi: e ikai te nau kau i he fakataha o hoku kakai, bea e ikai tohi akinautolu i he tohi oe fale o Isileli; bea e ikai te nau hu ki he fonua o Isileli; he te mou ilo ko au, ko Jihova, koe Otua. Koeuhi, io, koeuhi kuo nau kākā‘i a hoku kakai, i he e nau behe, Fiemalie; ka oku ikai ha fiemalie; bea nae laga hake e he toko taha ae a, bea vakai nae laku ki ai ae lahe taebibiki e he niihi kehe. Tala kiate kinautolu oku laku ki ai ae lahe taebibiki, e higa ia: e ai ae uha lahi; bea e to hifo akimoutolu, ae gaahi maka lahi oe uha fefeka; bea e hae ia e he matagi malohi. Vakai oka higa ae a, ikai e behe ai kiate kimoutolu, Kofaia ae laku lahe aia naa mou fai? Koia oku behe e Jihova koe Otua; io, ko au teu hae ia aki ae matagi malohi i he eku houhau lahi: bea koe mea i he eku ita e i ai ae uha lahi, bea moe uha maka ke fakaojioji ia i he eku houhau lahi. E behe a eku maumau‘i ki lalo ae a aia kuo mou laku ai ae lahe taebibiki, bea e holoki hifo ia ki he kelekele; io, naa mo hono tuuga e ha ia, bea e higa ia, bea e fakaauha akimoutolu i loto i ai: bea te mou ilo ko Jihova au. E behe a eku fakahoko eku houhau ki he a, mo kinautolu kuo laku ki ai ae lahe taebibiki, bea teu behe kiate kimoutolu, Kuo ikai ae a, be ko kinautolu naa nau laku ki ai; Ae kau kikite o Isileli, oku kikite ki Jelusalema, bea oku mamata ki he mea ha mai oe fakamelino kiate ia, ka oku ikai ha melino; oku behe e Jihova koe Otua.

Koeni foki, akoe, foha oe tagata, fakahagatonu ho mata ki he gaahi ofefine o hoo kakai, akinautolu oku kikite mei ho nau loto onautolu; bea ke kikite koe kiate kinautolu.

Koeuhi kuo mou fakamamahi‘i ae loto oe maonioni aki ae gaahi loi, aia nae ikai teu fakamamahi; mo fakamalohi ae nima oe agahala ke oua naa foki ia mei hono hala kovi, i hoo mou tala moui ki ai: Koia e ikai te mou toe mamata ki he vaiga, be fai ae kikite: he teu fakamoui a hoku kakai mei ho mou nima: bea te mou ilo ko Jihova au.

Bea kuo laku ae lahe taebibiki e he ene kau kikite kiate kinautolu, kuo nau jio ki he vaiga mo kikite aki ae loi kiate kinautolu, o nau behe, Oku behe, e Jihova koe Otua, ka nae ikai folofola a Jihova.

Koia oku behe e Jihova koe Otua; koeuhi kuo ke ai ho loto ke ke hage ko ha Otua; Vakai, koia teu omi ai kiate koe ae kau muli, ae kau malohi mei he gaahi buleaga: bea te nau toho e nau heleta ki he toulekeleka o hoo boto, bea ta nau fakauli‘i hoo gigila.

Bea kabau i he ene jio oku ha‘u ae heleta ki he fonua, bea oku ne ifi ae mea lea, mo tala ki he kakai; Ka behe, koia kotoabe oku fanogo ki he ba mai ae mealea, ka oku ikai tuitala; kabau e hoko mai ae heleta, bea teia aki ia, e i hono tumuaki be oona a hono toto. He naa ne fanogo ki he le‘o oe mea lea ka nae ikai valokia ai ia: e iate ia be a hono toto. Ka koia oku tuitala e fakamoui eia a hono laumalie. Bea kabau e jio ae tagata leo oku ha‘u ae heleta, ka oku ikai ifi eia ae mealea, bea oku ikai ha tala ki he kakai: kabau e hoko mai ae heleta o teia aki ha taha iate kinautolu, e ave mooni ia i he ene hia, ka ko hono toto teu eke ki ai ki he nima oe tagata leo.

Bea oku behe, E foha oe tagata, kuou tuku koe koe leo ki he fale o Isileli; koia te ke fanogo ki he folofola mei hoku fofoga, bea ke valoki‘i akinautolu meiate au. O kau ka behe ki he agahala, E agahala koe mooni te ke mate koe; kabau e ikai te ke lea koe ke valoki‘i ae agahala mei hono hala, e mate ae agahala koia i he ene hia, ka teu eke‘i hono toto mou ho nima oou. Ka koeni, kabau te ke valoki ae agahala ke liliu mei hono hala; bea kabau e ikai tafoki ia mei hono hala e mate mooni ia i he ene hia; ka kuo ke fakatonuhia‘i ekoe a ho laumalie.

Mo eni foki, o kau ka behe e au ki he agahala, koe mooni te ke mate koe; bea kabau te ne tafoki mei he ene agahala, bea fai eia aia oku totonu mo lelei; Ka toe atu e he agahala ae mea nae tuku koe fakamooni, mo ne toe atu aia naa ne kaihaaji, mo ne eveeva i he fekau oe fakamoui, o ikai ke toe fai hala; koe mooni e moui be ia, e ikai jii te ne mate.

Ka oku behe e he fānau a hoo kakai, Oku ikai fai tatau ae ulugaaga a Jihova: ka ko kinautolu ia oku fai kehekehe e nau aga. Oka tafoki aia oku maonioni mei he ene maonioni, mo ne fai hala, e mate mooni ai ia. Ka koe agahala oka tafoki mai ia mei he ene agahala, mo ne fai eia aia oku totonu mo lelei, e moui ai ia. Ka oku mou behe, Oku ikai fai tatau ae ulugaaga a Jihova. E fale o Isileli, teu fakamāu akimoutolu o fakatatau ki ho mou hala taki taha.

Foha oe tagata, kikite ki he kau tauhi o Isileli, kikite, bea ke behe kiate kinautolu, Oku behe e Jihova koe Otua, ki he gaahi tauhi; Malaia ki he kau tauhi o Isileli, oku nau fafaga be akinautolu! ikai oku totonu ke fafaga e he tauhi a ene faga sibi? Oku kai ekimoutolu ae gako, bea oku mou kofu aki ae fulufulu‘i sibi, oku mou tamate‘i ia aia oku jino, ka oku ikai te mou fafaga ae faga sibi. Nae ikai te mou fakamalohi ae vaivai, bea nae ikai te mou faitoo ki he mahaki, be te mou nonoo aia nae mafeji, be te mou toe kumi mai aia nae fakahe‘i, be te mou kumi aia nae mole, ka kuo mou bule malohi mo fai fakamamahi ki ai. Bea nae fakahe‘i akinautolu, koeuhi i he ikai ha tauhi: bea naa nau hoko koe mea kai ki he faga manu fekai kotoabe oe vao, i he e nau movetevete. Nae alu hehe be a eku faga sibi i he gaahi mouga kotoabe, bea i he gaahi botu maoluga kotoabe: io, nae fakahe‘i eku faga sibi ki he fuga o mamani kotoabe, bea nae ikai hakule be kumi ki ai ha taha.

Oku behe e Jihova koe Otua, ko au oku ou moui, bea koe mooni, koeuhi kuo hoko a eku faga sibi koe fakamalohia, bea kuo hoko ia koe mea kai ki he faga manu kotoabe oe vao, koeuhi nae ikai ha tauhi, bea nae ikai kumi e he eku kau tauhi ki he eku faga sibi, bea nae kai be e he eku kau tauhi, ka nae ikai te nau fafaga a eku faga sibi; Koia, akimoutolu ae kau tauhi, fanogo ki he folofola a Jihova; Oku behe e Jihova koe Otua; Vakai, oku ou tuu au ki he kau tauhi: bea teu eke a eku faga sibi mei ho nau nima bea teu fekau ke tuku e nau fafaga ae faga sibi: bea e ikai toe kai e he kau tauhi iate kinautolu; he teu fakamoui eku faga sibi mei ho nau gutu, ke oua naa nau kei mea kai aki akinautolu.

Bea koeuhi ko kimoutolu, a eku faga sibi, oku behe e Jihova koe Otua; Vakai teu fili vakavakai ki he manu moe manu, ki he faga sibi tagata, moe faga koji tagata.

Koia oku behe e Jihova koe Otua kiate kinautolu; Vakai, ko au, io ko au, teu fili vakavakai ki he manu oku jino moe manu oku tutue. Koeuhi kuo mou fetuotuai bea kuo mou feteketeke‘i ae kau vaivai aki ho mou nifo bea koia kuo nau he ai ke mamao; Koia ia teu fakamoui ai eku faga sibi, bea e ikai toe tulia akinautolu; bea teu fili vakavakai ki he manu moe manu.

Kuo behe a hoo mou bolebole kiate au, bea kuo mou fakalahi hoo mou lea kiate au: kuou fanogo au ki ai.

Oku auha hoku kakai i he majiva ilo: koeuhi kuo ke liaki ae ilo, teu liaki foki koe, ke oua naa ke taulaeiki kiate au; koe mea i hoo fakagalo‘i ae fono a ho Otua, teu fakagalo‘i foki hoo fānau.

Oku fehui e hoku kakai ki he e nau fuu akau, bea ko ho nau tokotoko oku fakaha ia kiate kinautolu: he koe laumalie oe feauaki kuo ne fakahe‘i akinautolu, bea kuo nau alu o feauaki mei ho nau Otua.

Oku behe e Jihova ki he kau balofita, aia oku fakahe‘i a hoku kakai; akinautolu oku uu aki ho nau nifo, bea kalaga, Fiemalie; bea koia oku ikai ke ai ki ho nau gutu, io, oku nau teu tau kiate ia: Koia e iate kimoutolu ae bo, ke oua naa mou ma‘u ha mea ha mai; bea e bouli kiate kimoutolu ke oua naa mou kikite; bea e to ae laa ki he kau balofita, bea e bouli ae aho kiate kinautolu. Bea e toki ma ae kau kikite, bea bubutuu ae kau fakailo mea: io, koe mooni, te nau ufiufi kotoabe ho nau lougutu; he oku ikai ha tali mei he Otua.

Koe kau mātua i ai oku fakamāu ke ma‘u ae foaki, bea koe kau taulaeiki oia oku ako ke ma‘u totogi, bea oku kikite ae kau balofita ke ma‘u baaga; ka oku nau falala kia Jihova, mo behe, Ikai oku iate kitautolu a Jihova? e ikai ha kovi e hoko kiate kitautolu.

Koeni ae gaahi mea te mou fai; Mou taki taha lea aki ae mooni ki ho mou kaugaabi; fai ae fakamāu i he mooni, moe melino i ho mou gaahi mataba. Bea oua naa femahalokoviaki i ho mou loto ki ho mou kaugaabi, bea oua naa manako ki he fuakava loi; he oku behe e Jihova, koe gaahi mea ia oku ou fehia ki ai.

He koe vaiga ae lea ae gaahi tamabua, bea kuo mamata ae kau kikite ki he loi, bea kuo nau fakamatala ae gaahi miji loi; oku taeaoga e nau fakafiemalie: koia naa nau alu he o hage ha faga manu, naa nau bubutuu, koeuhi nae ikai ha tauhi.

Malaia ki he tauhi taeaoga, aia oku jiaki ene faga manu! e to ae heleta ki hono nima, bea mo hono mata toomatau: e mate aubito a hono nima, bea e fakabouli aubito a hono mata toomatau.

Bea e hoko i he aho koia, oku behe e Jihova oe gaahi kau tau, teu motuhi ae higoa oe gaahi tamabua mei he fonua, bea e ikai toe manatu‘i i ai: bea teu bule ke mole atu mei he fonua ae kau kikite moe laumalie uli. Bea e hoko o behe, kabau e toe kikite ha taha, bea e toki lea kiate ia a ene tamai, bea mo ene fa‘e, aia ne ne tubu ai, o behe, E ikai te ke moui; he oku ke lea loi i he huafa o Jihova: bea ko ene tamai, bea mo ene fa‘e naa ne tubu ai, te na hoka‘i ia ke aji, oka fai eia ae kikite. Bea e hoko o behe i he aho koia, e ma ae kau kikite taki taha i he ene mea ha mai, oka fai eia ene kikite; bea e ikai te nau kofu aki ae kofu oe fulufulu‘i manu ke fai ae kākā: Ka te ne behe, Oku ikai ko ha kikite au, ka koe tagata goue: he nae ako‘i au e ha tagata ke tauhi manu talu eku kei jii.

He oku totonu ke i he lougutu oe taulaeiki ae boto, bea totonu ke nau kumi ae fono mei hono gutu: he koe talafekau ia mei a Jihova oe gaahi kau tau. Ka kuo mou he mei he hala; kuo mou fakahumu ae toko lahi i he fono; kuo mou fakalielia‘i ae fuakava a Livai, oku behe e Jihova oe gaahi kau tau. Koia kuou gaohi ai akimoutolu ke mou fakalielia mo fākatua i he ao oe kakai kotoabe, o tatau mo hoo mou taefai ki hoku gaahi hala, ka kuo mou fai filifilimanako i he fono.

Oku monuia akinautolu kuo fakataga‘i koeuki koe maonioni: he oku o nautolu ae buleaga oe lagi. Oku monuia akimoutolu, oka manukia, mo fakataga‘i, mo lohiekina akimoutolu i he mea kovi kotoabe, koeuhi ko au. Mou fiemalie o fiefia lahi aubito: he oku lahi hoo mou totogi i he lagi: he nae behe e nau fakataga‘i ae kau balofita nae mua iate kimoutolu.

Oua naa mou mahalo kuou ha‘u ke fakataeaoga‘i ae fono, be koe kau balofita: nae ikai teu ha‘u ke faka-taeaoga‘i, ka ke fakamooni. He oku ou tala mooni kiate kimoutolu, E tomua mole ae lagi moe fonua ka e ikai mole ha kihi‘i koga jii mei he fono, ka e fakamooni kotoabe. Ko ia te ne liaki ha fekau jii i he gaahi fekau ni, bea akonaki behe ki he kakai, e ui ia koe jii hifo i he buleaga oe lagi: ka ko ia te ne fai ia, mo akonaki aki ia, e ui ia koe lahi i he buleaga oe lagi.

Bea koeha oku ke tokaga ai ki he malamala‘i akau oku i he mata o ho kaiga, ka oku ikai te ke tokaga ki he fuu akau oku i ho mata oou? Bea e fefe hao faa behe ki ho kaiga, Tuku keu tooa mai ae malamala‘i akau mei ho mata: kae vakai, oku ai ae fuu akau i ho mata oou? Koe malualoi koe, tomua, li ae fuu akau mei ho mata oou; bea te ke toki mamata totonu ke too ae malamala‘i akau mei he mata o ho kaiga. Oua naa atu ae mea maonioni ki he faga kuli, be ji hoo mou mataitofe ki he faga buaka, telia naa nau malamalaki ia i ho nau lalo va‘e, bea foki mai o haehae akimoutolu.

Mou hu i he mataba fajii: he oku falahi ae mataba, mo ataatā ae hala, oku fakatau ki he mate, bea oku hu ai ae toko lahi. Koeuhi oku fajii ae mataba, mo laujii ae hala, oku fakatau ki he moui, bea oku ilo ia e he toko jii be.

Vakai telia ae kau balofita kākā, oku ha‘u kiate kimoutolu oku kofu fakasibi, ka koe faga uolofi fekai i loto akinautolu.

Koe akau kotoabe oku ikai tubu ai ae fua lelei oku ta hifo, bea laku ki he afi. Koia te mou ilo akinautolu i ho nau gaahi fua.

E ikai hu ki he buleaga oe lagi akinautolu kotoabe oku behe mai kiate au, Eiki, Eiki, ka ko ia oku ne fai ae finagalo o eku Tamai oku i he lagi. E behe kiate au e he toko lahi i he aho koia, Eiki, Eiki, ikai naa mau akonaki i ho huafa? bea i ho huafa naa mau kabuji kitua ae kau tevolo? bea i ho huafa naa mau fai ae gaahi mea mana lahi? Bea teu toki fakaha kiate kinautolu, Nae ikai aubito teu iloa akimoutolu: alu iate au akimoutolu oku fai kovi.

Bea ko ia oku ne lea kovi ki he Foha oe tagata, e fakamolemolea ia: ka ko ia oku lea kovi ki he Laumalie Maonioni, e ikai fakamolemolea, i he mamani, be i he mama e ha‘u.

Koia oku ou lea ai kiate kinautolu i he gaahi fakatātā: koeuhi oku nau a, kae ikai mamata; bea oku nau fanogo, kae ikai ogo‘i, bea oku ikai te nau ilo. Bea kuo fakamooni iate kinautolu ae lea a Isaia, oku behe, Te mou fakaogoogo bea fanogo, kae ikai ogo‘i; bea te mou jiofia o mamata, kae ikai ilo‘i:

Koia ke fanogo akimoutolu ki he fakatātā oe tagata tutui. Oka fanogo e ha taha ki he folofola oe buleaga, ka oku ikai tokaga ki ai, oku ha‘u ae toko taha agakovi, o faao aia nae tutui ki hono loto. Ko eni ia naa ne ma‘u ae tega i he vee hala. Ka ko ia naa ne ma‘u ae tega i he botu maka, ko ia oku ne fanogo ki he folofola, bea ma‘u fiefia leva ia; Ka oku ikai aka ia iate ia, bea oku tologa jii be ia: he oka hoko ae mamahi be ae fakataga koeuhi koe folofola, oku higa leva ia. Bea ko ia foki naa ne ma‘u ae tega i he akau talatala, ko ia ia oku ne fanogo ki he folofola; ka koe tokaga ki mamani, moe fakaheke e he koloa, oku ne fakakājia‘i ae folofola, bea taefua ai ia. Ka ko ia naa ne ma‘u ae tega i he kelekele lelei, ko ia ia oku ne fanogo ki he folofola, bea tokaga‘i; bea tubu ai hono fua, o taki teau i he niihi, bea onogofulu i he niihi, mo tolugofulu i he niihi.

Ka nae lea ia, o beheage kiate kinautolu, Koeha oku mou liaki ai foki ae fekau ae Otua i hoo mou talatubua?

Oku unuunu mai ae kakai ni kiate au aki ho nau gutu, o fakaabaaba kiate au aki ho nau lougutu; ka oku mamao ho nau loto iate au. Ka oku taeaoga e nau hu kiate au, o akonaki aki ae gaahi fekau ae tagata be.

Ka nae lea ia, o beheage, Koe akau kotoabe nae ikai to e he eku Tamai oku i he lagi, e taaki fuu hake ia. Tuku ai be akinautolu: koe kau takimua kui oe kui akinautolu. Bea kabau oku tataki ae kui e he kui, e to fakatouoji be ki he luo.

Koeha oku ikai ai te mou ilo nae ikai koe lea ki he ma a eku behe kiate kimoutolu, Mou vakai telia ae mea fakatubu ae kau Falesi bea moe Satusi? Bea ne nau toki ilo nae ikai ko ene tala ke nau vakai telia ae mea fakatubu oe ma, ka koe akonaki ae kau Falesi moe kau Satusi.

Ka nae tafoki ia, o ne behe kia Bita, Alu ki hoku tua, Setani: koe fakahala koe kiate au: he oku ikai te ke leleiia i he mea ae Otua, ka i he mea ae tagata.

Koia, kabau e fai agahala kiate koe e ho kaiga, alu o fakaha ene kovi kiate ia, akoe be mo ia: kabau e tokaga ia kiate koe, kuo ke fakalelei mo he kaiga. Bea kabau e ikai te ne tokaga kiate koe, bea ke toki ave ha toko taha be ha toko ua kehe, koeuhi e fakababau ae lea kotoabe mei he gutu oe fakamooni e toko au be toko tolu. Bea kabau e taetokaga ia kiate kinautolu, fakaha ia ki he jiaji: bea kabau e taetokaga ia ki he jiaji, tuku ke tatau ia kiate koe moe tagata hiteni moe tanaki tukuhau.

Ka nae ilo e Jisu e nau agakovi, bea behe eia, Ae kau malualoi, koeha oku mou ahiahi‘i ai au?

BEA toki lea ai a Jisu ki he kakai, mo ene kau akoga. O beheage, Oku nofo ae kau tagata tohi moe Falesi i he nofoa o Mosese: Koia koe mea kotoabe oku nau fekau ke mou tokaga ki ai, mou tokaga ki ai o fai: kae oua naa mou faifaitaki ki he e nau gaue: he oku nau eginaki, kae ikai fai. He oku nau ha‘iha‘i ae gaahi kavega mamafa, mo fakamamahi ke fua, o hilifaki ia ki ke uma oe kakai; ka oku ikai ala ekinautolu ha nau tuhu ki ai. Ka oku nau fai e nau gaue kotoabe ke mamata ki ai ae kakai: he oku nau fakalaulahi ho nau failaketeli, mo fakalahi ae taba o ho nau kofu,

O nau manako ki he nofoa maoluga i he gaahi katoaga, moe nofoaga lahi i he gaahi fale lotu, Moe fetaba i he gaahi faiaga fakatau, bea ke ui akinautolu e he kakai, Labai, Labai. Kae oua naa ui akimoutolu Labai: he oku taha be ho mou Eiki, ko Kalaisi; bea koe kaiga be akimoutolu kotoabe. Bea oua naa ui ha toko taha i mamani ko hoo mou tamai; he oku taha be hoo mou Tamai, aia oku i he lagi. Bea oua naa ui akimoutolu koe takimua; he oku taha be ho mou Takimua, ko Kalaisi. Ka ko ia oku lahi iate kimoutolu, e hoko ia ko ho mou tauhi. Bea ko ia te ne hiki hake ia, e fakavaivai‘i ia; ka ko ia e fakavaivai‘i ia, e hiki hake ia.

Kae malaia akimoutolu, koe kau tagata tohi moe Falesi, koe malualoi! he oku mou tabuni ae buleaga oe lagi ki he kakai: he oku ikai te mou hu ki ai, be tuku ke hu ki ai akinautolu oku fai ke hu ki ai. E malaia akimoutolu, koe kau tagata tohi moe Falesi, koe malualoi! he oku mou faao ae fale oe kau fefine kuo mate ho nau unoho, o fakakākā aki ae lotu fuoloa: koia te mou malaia lahi ai. E malaia akimoutolu, koe kau tagata tohi moe Falesi, koe malualoi; he oku mou foli ae tahi moe fonua, ke fakatafoki ha toko taha, bea ka tafoki ia, oku mou gaohi ia koe tama o heli o kovi lahi hake iate kimoutolu.

E malaia akimoutolu, koe kau tagata tohi moe Falesi, koe malualoi! koeuhi oku mou tukuhau i he mini, moe aneto, moe kumino, ka oku mou taetokaga ki he gaahi mea mamafa oe fono, koe fai totonu, moe loto ofa, moe tui: nae totonu hoo mou fai eni, kae oua naa liaki ena. Koe kau takimua kui, oku mou heu‘i ae lago, kae folo ae kameli. E malaia akimoutolu, koe kau tagata tohi moe Falesi, koe malualoi! he oku mou fakamaa ae tua ibu inu moe ibu kai, ka oku fonu i loto i he fakamalohi moe holi kovi. Ae Falesi kui, tomua fakamaa ae loto ibu inu moe ibu kai, koeuhi ke maa ai foki ae tua ibu. E malaia akimoutolu, koe kau tagata tohi moe Falesi, koe malualoi! he oku mou tatau moe fonualoto kuo vali hinehina, aia oku matamata lelei mooni i tua, ka oku fonu i loto i he gaahi hui oe kakai mate, moe mea fakalielia kotoabe. Oku behe be akimoutolu foki, oku mou ha maonioni i tua ki he kakai, ka oku mou fonu i loto i he malualoi moe agahia.

E malaia akimoutolu, koe kau tagata tohi moe Falesi, koe malualoi! he oku mou gaohi ae tanuaga oe kau balofita, o fakasanisani ae fonualoto oe kakai maonioni, O mou behe, Ka ne mau moui i he aho oe mau gaahi tamai, behe, e ikai te mau kau mo kinautolu i he toto oe kau balofita. Koia koe kau fakamooni akimoutolu kiate kimoutolu, koe fānau akimoutolu a nautolu nae tamate‘i ae kau balofita. Koia mou fakafonu ae ibu fuofua a hoo mou gaahi tamai. Ae faga gata, ae fānau ae gata fekai! te mou hao fefe‘i mei he malaia o heli? Koia, vakai, oku ou fekau atu kiate kimoutolu ae kau balofita, moe kau tagata boto, moe kau tagata tohi: bea ko ho nau niihi te mou tamate‘i o tutuki ki he akau: bea ko ho nau niihi te mou haha i ho mou gaahi fale lotu, o fakataga‘i mei he kolo ki he kolo: Koeuhi e eke iate kimoutolu ae toto maonioni kotoabe kuo liligi i mamani mei he toto o Ebeli maonioni, o hoko ki he toto o Sakalia koe foha o Balakia, aia naa mou tamate‘i i he vahaa oe botu tobutabu moe ejifeilaulau.

Bea lea a Jisu, o beheage kiate kinautolu, Vakai telia naa kākā‘i akimoutolu e ha tagata. Koeuhi e ha‘u ae toko lahi i hoku higoa, o behe, Ko au koe Kalaisi; bea e kākā‘i ae toko lahi:

Bea e toki higa ai ae toko lahi, o felavakiiaki akinautolu, mo fetaufehiaaki. Bea toko lahi ae kau balofita loi e tubu ai, o nau kākā‘i ae toko lahi. Bea koe mea i he lahi aubito oe agahala, e momoko ai ae ofa ae toko lahi.

Koeuhi e ai ae gaahi Kalaisi loi, moe kau balofita loi, o nau fakaha ae gaahi fakailoga lahi, moe mea fakaofo: ke nau kākā aki ae kakai kuo fili, oka ne faigofua. Vakai, kuou tomua tala ia kiate kimoutolu.

E mole ae lagi mo mamani, kae ikai mole eku lea.

Bea ha‘u a Jisu o lea kiate kinautolu, o behe, Kuo tuku kiate au ae malohi kotoabe i he lagi mo mamani. Koia ke alu akimoutolu, o fakalotu‘i ae gaahi buleaga kotoabe, o babitaiso akinautolu i he huafa oe Tamai, moe Alo, moe Laumalie Maonioni: O akonaki atu kiate kinautolu ke nau tokaga ki he gaahi mea kotoabe aia kuou fekau kiate kimoutolu: bea vakai, oku ou iate kimoutolu mau ai be, o a‘u ki he gataaga o mamani. Emeni.

Koe tagata tutui oku ne tutui ae folofola. Ko kinautolu eni i he vee hala, aia oku tutui ki ai ae folofola; bea kuo nau fanogo, bea ha‘u leva a Setani, o ave ae folofola nae tutui ki ho nau loto. Bea ko kinautolu eni foki kuo tutui i he botu makaia; i he e nau fanogo ki he folofola oku nau ma‘u leva ia i he fiefia; Ka oku ikai ha aka iate kinautolu, koia oku nau ma‘u ai ia o fuonounou: bea ka tubu ae mamahi be ae fakataga, koeuhi koe folofola, oku higa leva akinautolu. Bea ko kinautolu eni kuo tutui ki he akau talatala; oku nau fanogo ki he folofola, Ka koe tokaga ki mamani, moe kākā oe koloa, moe hu ae holi lahi ki he gaahi mea kehekehe, oku kājia ai ae folofola, bea taefua ai ia. Bea ko kinautolu eni kuo tutui ki he kelekele lelei; oku nau fanogo ki he folofola, bea ma‘u ia, bea tubu ai ae fua, koe taki tolugofulu ae niihi, bea taki onogofulu ae niihi, bea taki teau ae niihi.

Bea leaage eia, o behe kiate kinautolu, Neinei fakaha e Isaia kiate kimoutolu, koe kau malualoi, o hage koia kuo tohi, Oku fakaabaaba ae kakai ni kiate au aki ho nau lougutu, ka oku mamao ho nau loto iate au. Ka oku taeaoga e nau hu kiate au, he koe gaahi akonaki oku nau ako aki, koe gaahi fekau ae tagata.

He kuo mou jiaki ae fekau ae Otua, kae ma‘u ae talatubua ae tagata, koe fufulu oe gaahi ibu fua moe gaahi ibu inu: bea oku lahi moe gaahi mea behe oku mou fai. Bea behe eia kiate kinautolu, Ha mea e lelei ko hoo mou liaki ae fekau ae Otua, ka mou fai ae talatubua a moutolu.

He koeuhi e tubu ae gaahi Kalaisi loi moe kau balofita loi, o nau fakaha ae gaahi fakailoga moe gaahi mea fakaofo, ke kākā aki ae kakai kuo fili o ka ne faigofua. Kae tokaga akimoutolu: vakai, kuou tomua fakaha ae gaahi mea ni kotoabe kiate kimoutolu.

E mole ae lagi moe fonua: ka ko eku gaahi lea e ikai mole.

Bea leaage a Jisu kiate ia, o behe, Kuo tohi, E ikai moui ae tagata i he ma be, ka i he folofola kotoabe ae Otua.

E malaia akimoutolu oka lau‘i lelei akimoutolu e he kakai kotoabe! he nae fai behe a‘e nau gaahi tamai ki he kau balofita kākā.

Bea naa ne lea aki ae fakatātā kiate kinautolu, E faa taki e he kui ae kui? ikai te na to fakatouoji ki he luo? Oku ikai lahi hake ae akoga i he ene akonaki: ka ko ia kotoabe oku haohaoa e hage ia ko ene akonaki.

Bea koe fakatātā eni: Koe tega koe folofola ia ae Otua. Ko kinautolu eni he vee hala, oku nau fanogo; bea toki ha‘u ae tevolo, o ne too atu ae folofola i ho nau loto, telia naa nau tui bea moui ai. Ko kinautolu eni i he maka, aia oku fanogo, bea ma‘u ae folofola i he fiefia; ka oku ikai ha nau aka, bea oku nau tui fuoloa jii be, bea i he aho oe ahiahi oku nau higa ai. Bea koia nae mokulu ki he akau talatala, ko kinautolu eni oku fanogo bea alu atu, ka koe tokaga mamahi moe koloa moe fiefia i mamani, oku kājia ai ia, bea e ikai ai ha fua ke haohaoa. Ka koia oku i he kelekele moui, ko kinautolu eni oku nau fanogo ki he folofola, o ma‘u ia ki he loto totonu mo lelei, bea faka tubu ae fua i he fakakukafi.

He oku ikai ha mea oku lilo, e tae fakaha; bea oku ikai ha mea oku fufu, e tae iloa be tae mafola kitua. Koia mou tokaga ki hoo mou fanogo: he ko ia oku ma‘u, e foaki kiate ia; bea ko ia oku ikai te ne ma‘u, e too meiate ia aia oku ne mahalo kuo ne ma‘u.

Bea oku faigofua hake ke mole ae lagi mo mamani, i he mole ha kubu‘i lea e taha oe fono.

Bea behe eia, Vakai, telia naa kākā‘i akimoutolu: koeuhi e ha‘u ae toko lahi i hoku higoa o nau behe, Ko au ia; bea oku ofi mai ae aho: koia oua naa mou muimui kiate kinautolu.

E mole ae lagi mo mamani; ka e ikai mole a eku gaahi lea.

Ka nae ikai falala atu a Jisu kiate kinautolu, koeuhi naa ne ilo‘i akinautolu kotoabe. Bea nae ikai aoga ke fakailo e ha taha kiate ia ha mea i he tagata: he naa ne ilo‘i ae loto oe tagata.

Ko ia oku tui kiate ia, oku ikai fakamalaia ia: ka ko ia oku ikai tui, oku fakamalaia ni ia, koeuhi oku ikai tui ia i he huafa oe Alo be taha nae tubu i he Otua. Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue. He ko ia fulibe oku fai kovi oku fehia ki he māma, bea oku ikai ha‘u ia ki he māma, telia naa fakaha ai ene gaahi gaue.

Ka oku ha‘u ae aho, bea kuo hoko ni, e hu ai ki he Tamai ae kakai hu mooni i he laumalie moe mooni: he oku kumi e he Tamai ae kakai behe ke hu kiate ia. Koe Otua koe Laumalie: bea ko kinautolu oku hu kiate ia, oku totonu ke hu i he laumalie moe mooni.

Bea leaage a Jisu kiate kinautolu, O ne behe, Ko eku akonaki oku ikai aaku, ka oku aana naa ne fekau au. Bea ko ia ia e fai ki hono finagalo, te ne ilo ae akonaki, be oku i he Otua ia, be ko eku lea iate au be.

Ikai nae atu e Mosese ae fono kiate kimoutolu, ka oku ikai ha mou toko taha oku ne fai ki he fono? Koeha oku mou kumi ai ke tamate‘i au? Bea leaage ae kakai, o behe, Oku iate koe ha tevolo: kohai oku kumi ke tamate‘i koe?

Oua te mou fakamāu o fakatatau mo ia oku ha mai, kae fakamāu ke totonu.

Bea toe lea ai a Jisu kiate kinautolu, o behe, Ko au koe māma o mamani: ko ia oku muimui iate au, e ikai alu ia i he bouli, ka e iate ia ae māma oe moui.

Bea behe ai e Jisu ki he kau Jiu nae tui kiate ia, Kabau te mou nofo mau i he eku lea, bea ko eku kau akoga mooni akimoutolu; Bea te mou ilo ae mooni, bea e fakatauataina‘i akimoutolu e he mooni.

Koeha oku ikai ai te mou ilo oku lea? ka koeuhi oku ikai te mou fie fai ki he eku akonaki. Oku mou i hoo mou tamai koe tevolo, bea koe holi a hoo mou tamai te mou fai. Koe fakabo ia talu mei he kamataaga, bea nae ikai nofo mau i he mooni koeuhi oku ikai ha mooni iate ia. Oka lea aki eia ae loi, oku ne lea aki ene mea aana: he koe loi ia, moe tamai o ia.

Ko ia oku i he Otua, oku fanogo ia ki he gaahi folofola ae Otua: bea behe, oku ikai te mou fanogo, koeuhi oku ikai i he Otua akimoutolu.

Bea lea a Jisu, Koe mea i he fakamāu kuou ha‘u ki mamani, koeuhi ko kinautolu oku ikai mamata ke nau mamata; bea ke kui akinautolu oku mamata. Bea fanogo ki he gaahi lea ni ae niihi oe Falesi nae iate ia, o nau behe ki ai, Oku kui akimautolu foki? Bea behe e Jisu kiate kinautolu, Ka ne kui akimoutolu, behe, e ikai haa mou agahala: ka ko eni oku mou behe, Oku mau a; koia oku mau be hoo mou agahala.

KOE mooni, koe mooni, oku ou tala atu kiate kimoutolu, Ko ia oku ikai hu i he mataba ki he loto a sibi, ka oku kaka hake i he hala kehe, koe kaihaa ia moe fakamalohi. Ka ko ia oku hu i he mataba, koe tauhi ia oe faga sibi. Oku too kiate ia e he leo; bea fanogo ki hono le‘o ae faga sibi: bea oku ne ui ae sibi aana i ho nau higoa, o ne tataki atu akinautolu. Bea ka tuku atu eia ene sibi aana, oku alu muomua ia iate kinautolu, bea muimui ae sibi iate ia: he oku nau ilo hono le‘o. Bea e ikai te nau muimui i ha foou, ka te nau hola meiate ia: he oku ikai te nau ilo ae le‘o oe foou.

Ka ko ia oku uga ki he gaue, ka oku ikai koe tauhi, aia oku ikai aana ae faga sibi, oku mamata ia oku ha‘u ae uolofi, bea jiaki ae faga sibi, kae hola: bea moua ia e he uolofi, o faka-he‘i ae faga sibi. Oku hola ae uga gaue, koeuhi koe uga gaue be ia, bea oku ikai ofa ia ki he faga sibi.

He kuo fai eia ae gaahi mana lahi i ho nau ao, ka nae ikai te nau tui kiate ia: Bea nae fakamooni ai ae lea ae balofita ko Isaia, aia nae behe, Eiki, kohai kuo tui ki he e mau fakaogo-ogoa? bea kuo fakaha ki ahai ae nima o Jihova? Koia nae ikai ai te nau faa tui, he nae toe tala foki e Isaia, Kuo fakakui eia ho nau mata, o fakafefeka ho nau loto; ke oua naa nau vakai aki ho nau mata, be ilo aki ho nau loto, bea liliu, beau fakamoui akinautolu.

Ko ia oku ne liaki au o ikai ma‘u eku gaahi lea, oku ai ha taha oku fakamāu‘i ia: koe lea kuou lea aki, ko ia te ne fakamāu‘i ia i he aho fakamui.

Bea talaage e Jisu kiate ia, Ko au koe hala, moe mooni, bea moe moui: oku ikai h‘au ha tagata e taha ki he Tamai, kae iate au.

Kabau oku mou ofa kiate au, fai eku gaahi fekau.

Io, koe Laumalie oe mooni; aia oku ikai faa ma‘u e he mamani, he oku ikai mamata ia ki ai, be ilo‘i ia: ka te mou ilo ia; he te ne nofo mo kimoutolu, bea nofoia eia akimoutolu.

Ka koe Fakafiemalie koe Laumalie Maonioni, aia e fekau e he Tamai i hoku huafa, te ne ako‘i akimoutolu i he mea kotoabe, mo fakamanatu‘i akimoutolu i he mea kotoabe, aia kuou lea aki kiate kimoutolu.

Ka oka ha‘u ae Fakafiemalie, aia teu fekau kiate kimoutolu mei he Tamai, koe Laumalie oe mooni, oku alu atu mei he Tamai, te ne fakamooni‘i au:

Ka i he ha‘u ae Laumalie oe mooni, e tataki eia akimoutolu ki he mooni kotoabe: he ko ene lea e ikai meiate ia; ka koe mea kotoabe kuo ne fanogo ki ai, koia ia te ne lea aki: bea e fakaha eia kiate kimoutolu ae gaahi mea e hoko.

Fakatabu‘i akinautolu i hoo mooni: ko hoo folofola koe mooni ia.

Ka nae behe e Bita, Ananaia, koeha kuo fakabito ai ho loto e Setani, ke ke loi ki he Laumalie Maonioni, bea ke taofi ae koga i he totogi oe fonua? Nae kei tuku be, ikai nae oou be ia? bea ka kuo fakatau ia, ikai te ke faiteliha be ki ai? koeha kuo tubu ai ae mea ni i ho loto? oku ikai ko hoo loi ki he tagata, ka ki he Otua.

Ae kau kia kekeva, bea taekamu ae loto moe teliga, oku mou teke‘i mau ai be ae Laumalie Maonioni: o hage ko hoo mou gaahi tamai.

Koia ke mou vakai kiate kimoutolu, bea moe faga sibi kotoabe, aia kuo fakanofo akimoutolu e he Laumalie Maonioni ko hono kau tauhi, ke mou fafaga ae jiaji ae Otua, aia naa ne fakatau aki hono taataa.

He oku ou ilo eni, ka hili eku alu, e ha‘u kiate kimoutolu ae faga uolofi fakamalohi, bea e ikai te nau mamae ki he faga sibi. Bea e tubu foki iate kimoutolu ae kau tagata, te nau ako aki ae mea fakahala, ke tohoaki ae kau akoga ke muimui kiate kinautolu. Koia ke mou leo, bea manatu kuo tolu ta‘u moe ikai teu tuku eku valokiekina akimoutolu taki taha moe loimata i he bo moe aho.

Ke fakaa ho nau mata, mo fakatafoki akinautolu mei he bouli ki he māma, bea mei he malohi o Setani ki he Otua, koeuhi ke nau ma‘u ae fakamolemole oe agahala, moe tofia fakataha mo kinautolu kuo fakamaonioni‘i i he tui kiate au.

He oku fakaha mei he lagi ae houhau oe Otua ki he taelotu moe taemaonioni kotoabe oe kakai, akinautolu oku taofi ki he mooni i he taemaonioni;

He koe gaahi mea tae ha mai aana, aia ko ene mafimafi taegata mo hono Otua, kuo ilogofua ia i hono gaohi o mamani, oku ilo‘i ia mei he gaahi mea kuo gaohi; koia oku ikai ai ha nau haoaga: Koeuhi i he e nau ilo ae Otua, nae ikai te nau fakaabaaba be fakafetai, ke tāu moe Otua; ka nae hoko o vale e nau gaahi mahalo, bea fakabouli mo ho nau loto vale.

Bea i he e nau bole koe boto akinautolu, naa nau liliu ai koe vale,

Koe mea i he e nau fetogi ae Otua mooni aki ae loi, bea nae lahi hake e nau hu mo tauhi ki he mea kuo gaohi, kae jiaki ae Tubuaga, aia oku monuia o taegata, Emeni.

(He oku ikai tonuhia i he ao oe Otua ae kau fanogo ki he fono, ka koe kau fai ki he fono e fakatonuhia‘i.

E ikai aubito: io, ke mooni ae Otua, kae loi ae tagata kotoabe; o hage koia kuo tohi, Koeuhi ke ke tonuhia i hoo gaahi tala, bea koeuhi ke ke maonioni oka ke ka fakamāu.

Oku ikai ha taha oku ne ilo‘i, oku ikai ha taha oku kumi ki he Otua. Kuo nau he kotoabe, kuo nau hoko o taeaoga kotoabe; oku ikai ha toko taha oku fai lelei, oku ikai aubito ha taha, Ko ho nau kia koe fonualoto kuo matagaki; kuo nau fai fakakākā aki ho nau elelo; koe mea kona oe gata fekai oku i lalo i ho nau lougutu:

Bea koeni, oku maonioni ae fono, bea maonioni, mo agatonu, mo lelei ae fekau.

OKU ou lea mooni ia Kalaisi, oku ikai teu loi, bea oku fakamooni au foki i hoku loto i he Laumalie Maonioni,

He oku ou fakamooni kiate kinautolu, oku iate kinautolu ae fai feiga ki he Otua, ka oku ikai tāu moe boto. He koe mea i he e nau taeilo ki he fakatonuhia‘i e he Otua, naa nau alu fano ke fokotuu mau ae maonioni anautolu, kuo ikai ai ke fakavaivai akinautolu ki he fakatonuhia mei he Otua. He koe fakahaohaoa oe fono a Kalaisi ki he fakatonuhia kiate kinautolu kotoabe oku tui.

Koia, oku mei he fanogo ae tui, moe fanogo mei he folofola ae Otua.

(O hage koia kuo tohi, Kuo tuku e he Otua kiate kinautolu ae laumalie tulemohe, koe mata kae ikai te nau mamata, moe teliga kae ikai te nau fanogo;) o a‘u ki he aho ni.

KO ia oku vaivai i he tui mou ma‘u, kae ikai i he fakakikihi taeaoga.

Bea koeni, oku ou kole kiate kimoutolu, e kaiga, mou fakailoga‘i akinautolu oku laga‘i ae gaahi mavahevahe moe gaahi tūkiaaga, oku taetāu moe akonaki kuo mou akonekina ai; bea mou alu meiate kinautolu. He ko kinautolu oku behe, oku ikai te nau tauhi ki ho tau Eiki ko Jisu Kalaisi, ka ko ho nau kete be; bea i he gaahi lea lelei moe talanoa fakalai oku nau oloa ai ae loto oe agatonu.

He koeuhi i he boto oe Otua nae ikai ilo ae Otua e mamani i hono boto, bea nae lelei ki he Otua i he vale oe malaga ke fakamoui akinautolu oku tui. He oku tagi e he kakai Jiu ki ha mea fakaofo, bea oku kumi e he kakai Kiliki ki he boto: Ka oku mau malaga aki a Kalaisi nae tutuki ki he akau, koe tūkiaaga ki he kakai Jiu, bea ki he kakai Kiliki koe vale; Ka koe malohi oe Otua moe boto oe Otua a Kalaisi, kiate kinautolu kuo ui, i he kakai Jiu moe kakai Kiliki. He ko ia oku vale i he Otua, oku boto lahi ia i he tagata; mo ia oku vaivai i he Otua, oku malohi lahi ia i he tagata.

Oku fakaha e Baula ki he ene malaga, 1 kuo ikai be i he boto oe lea, be i he boto oe tagata: 4, 5 ka oku i he malohi oe Otua: 6 bea oku maoluga hake aubito i he boto fakamama moe ilo ae tagata. 14 koia oku ikai faa ilo‘i ia e he kakai fakakakano. BEA ko au, e kaiga, i he eku alu atu kiate kimoutolu, nae ikai teu alu atu i he malie oe lea, be i he boto, ke fakaha kiate kimoutolu ae fakamooni ae Otua. He nae mau hoku loto, e ikai teu ilo ha mea e taha iate kimoutolu, ka ko Jisu Kalaisi, mo hono tutuki ki he akau. Bea naaku iate kimoutolu i he vaivai, moe manavahe, bea i he tetetete lahi. Bea ko eku lea mo eku malaga, nae ikai i he gaahi lea fakaoloolo oe boto oe tagata, kae i he fakamooni oe Laumalie moe malohi: Koeuhi ke oua naa tuu i he boto oe tagata hoo mou tui, ka i he malohi oe Otua.

Ka oku mau lea aki ae boto iate kinautolu oku haohaoa: ka oku ikai koe boto oe mamani, be oe houeiki oe mamani, aia e a‘u o gata: Ka oku mau lea aki ae boto lilo oe Otua i he gaue fufu, aia nae tuutuuni e he Otua i he teeki ai tuu a mamani, ko ho tau leleiaga: Aia nae ikai ilo e ha taha oe gaahi eiki oe mamani: he ka ne nau ilo ia, behe, e ikai te nau tutuki ki he akau ae Eiki lagilagi.

He kohai ha tagata oku ne ilo ae gaahi mea ae tagata, ka koe laumalie be oe tagata oku iate ia? bea oku behe, oku ikai ha tagata oku ne ilo ae gaahi mea ae Otua, ka koe Laumalie be oe Otua. Bea koeni, oku ikai koe laumalie o mamani kuo tau ma‘u, ka koe laumalie oku mei he Otua; koeuhi ke tau ilo ae gaahi mea kuo foaki mataataatā be kiate kitautolu e he Otua. Ae gaahi mea koia oku mau lea ki ai, kae ikai i he gaahi lea oku ako mai e he boto oe tagata, ka koia oku ako aki e he Laumalie Maonioni; o fakamatala ae mea fakalaumalie aki ae mea fakalaumalie.

Ka oku ikai ma‘u e he tagata fakakakano ae gaahi mea oe Laumalie oe Otua: he koe vale ia kiate ia: bea oku ikai te ne faa ilo ia, he oku ilo fakalaumalie be ia. Ka ko ia oku fakalaumalie oku ne ilo‘i ae mea kotoabe, ka oku ikai faa ilo‘i ia e ha taha. He kohai oku ne ilo ae finagalo oe Eiki, koeuhi ke ne akonaki‘i ia? Ka oku tau ma‘u ae finagalo o Kalaisi.

He oku ikai ha taha te ne faa ai ha tuuga kehe, ka koia be kuo ai, aia ko Jisu Kalaisi.

Oua naa kaka‘i ha taha eia. Kabau oku ai ha taha iate kimoutolu oku ogoogo koe boto ia i mamani, tuku ke lau ia koe vale koeuhi kae lau ia koe boto. He koe boto o mamani, koe vale ia ki he Otua. He kuo tohi, Oku ne moua ae boto i he e nau fie boto. Bea behe foki, Oku ilo e he Eiki ae gaahi mahalo oe boto, koe vaiga ia.

Koeni, koeha ai eku totogi? Aeni, i he eku malaga aki ae ogoogolelei keu atu ai ae ogoogolelei o Kalaisi tae ha totogi mai, koeuhi ke oua naaku gaue kovi aki a eku mea totonu aaku i he ogoogolelei.

Bea oua naa tau ahiahi kia Kalaisi, o hage koe ahiahi o ho nau niihi, bea tamate‘i akinautolu aki ae faga gata.

Bea kabau oku fie fakakikihi ai ha taha, bea oku ikai jii haa tau mea behe, be i he gaahi jiaji oe Otua.

He koe uluaki mea, oka mou ka fakataha koe jiaji, oku ou fanogo oku ai ae gaahi mavahevahe iate kimoutolu; bea oku ou meimei tui ki ai. He kuo bau ke ai ae gaahi faahiga iate kimoutolu, koeuhi ke iloga ai akinautolu iate kimoutolu oku lelei.

Bea ko ia ia e kai ae ma ni, mo inu i he ibu oe Eiki, mo taefakaabaaba, e halaia ai ia i he jino moe taataa oe Eiki. Ka oku lelei ke ahiahi ia e he tagata, bea ke behe be ene kai i he ma, mo inu i he ibu. He ko ia oku ne kai mo inu taefakaabaaba, oku ne kai mo inu ae malaia kiate ia, ko ene taeilo‘i ae jino oe Eiki. Koia oku vaivai ai mo mahaki ae toko lahi iate kimoutolu, bea mohe ae toko lahi. He ka ne tau fakamāu‘i akitautolu, behe, e ikai fakamāu kiate kitautolu. Bea ka fakamāua akitautolu, ko ho tau tautea ia mei he Eiki, koeuhi ke oua naa tau malaia fakataha mo mamani.

Ka oku lelei kiate au eku lea aki ae lea ilo e nima be i he jiaji, koeuhi ke ako aki ae niihi, i he lea e mano i he lea taeiloa. E kaiga, oua naa mou aga faka-tamaiki i he ilo: i he aga kovi ke mou tatau moe valevale, ka mou tagata be i he ilo. Kuo tohi eni i he fono, Oku behe e he Eiki, Teu lea ki he kakai ni aki ae kau tagata lea kehe moe lougutu kehe; ka ne ogo ia kotoabe e ikai te nau fanogo ai kiate au.

He oku ikai mei he Otua ae maveuveu, ka koe melino, o hage koia oku i he gaahi jiaji kotoabe oe kakai maonioni. Ke logobe ho mou kau fefine i he gaahi jiaji: he oku ikai gofua kiate kinautolu ke lea: ka ke nau aganofo, o hage foki koe tala e he fono. Bea kabau te nau fie ilo ha mea, ke nau fehui ki ho nau unoho i abi: he koe mea fakama ke lea ae fefine i he jiaji. He koe mooni nae ha‘u ae folofola ae Otua meiate kimoutolu? be nae hoko atu ia kiate kimoutolu be? Kabau oku mahalo e ha taha koe balofita ia, be koe fakalaumalie, tuku ke fakaha eia, koe gaahi mea oku ou tohi atu kiate kimoutolu, koe gaahi fekau ia ae Eiki. Bea kabau oku ai ha taha oku taeilo, ke iate ia be ene taeilo.

BEA koeni, e kaiga, oku ou fakaha kiate kimoutolu ae ogoogolelei, aia naaku malaga aki kiate kimoutolu, aia foki kuo mou ma‘u, bea oku mou tuu ai; Aia kuo fakamoui ai akimoutolu, o kabau oku mou manatu‘i aia neu malaga aki kiate kimoutolu, o kabau nae ikai te mou tui noabe.

Oua naa kākāia akimoutolu: koe gaahi talanoa kovi oku fakahala‘i ae gaahi aga oku lelei. A hake ki he maonioni, bea oua naa fai agahala; ke oku teeki ma‘u e he niihi ae ilo‘i ae Otua: oku ou lea aki ia ko hoo mou fakama.

Telia naa kākā‘i akitautolu e Setani: he oku ikai te tau vale ki he ene gaahi filioi.

Bea koeni, fakafetai ki he Otua, aia oku ne foaki ke mau faa ikuna ia Kalaisi, bea oku ne fofola atu ae gagatu o ene ilo iate kimautolu i he botu kotoabe. He koe gagatu lelei o Kalaisi akimautolu ki he Otua, iate kinautolu kuo fakamoui, bea iate kinautolu oku fakaauha: Koe nanamu oe mate ki he mate ki he niihi; bea ki he niihi koe nanamu oe moui ki he moui. Bea kohai oku tāu moe gaahi mea ni? He oku ikai te mau hage koe toko lahi, oku fai kākā aki ae folofola ae Otua: ka i he mooni, ka i he Otua, bea i he ao oe Otua, oku mau lea kia Kalaisi

Aia foki kuo ne teu‘i akimautolu koe kau faifekau faa fai oe fuakava foou; ikai oe matai tohi, ka oe laumalie: he oku tamate‘i e he matai tohi, ka oku foaki moui e he laumalie.

Ka nae fakakui ho nau loto: he oku a‘u ki he aho ni, oku kei tuu mau o taeue‘i ae bulou koia i he lau oe fuakava motua: ae bulou koia kuo mole ia Kalaisi. Ka oku a‘u ki he aho ni, oku kei i ho nau loto ae bulou i he lau o Mosese. Ka koeni, oka tafoki ia ki he Eiki, e too atu ae bulou.

Ka kuo mau liaki ae gaahi mea fufu oe fakama, o ikai aeva i he fiemua, be fai fakakākā aki ae folofola ae Otua; ka i he fakaha atu ae mooni, oku mau fakaogolelei atu akimautolu ki he loto oe tagata taki taha kotoabe, i he ao oe Otua. Bea kabau kuo fakabulou e mau ogoogolelei, kuo fakabulou ia kiate kinautolu oku malaia: Akinautolu kuo fakakui ho nau loto taetui e he otua o mamani, telia naa ulo mai kiate kinautolu ae māma oe ogoogolelei fakamonuia o Kalaisi, aia ko hono tatau oe Otua.

(He koe mahafu tau oe mau tau oku ikai fakakakano, ka oku malohi lahi i he Otua ke holoki hifo ai ae gaahi kolo malohi;) O holoki ki lalo ae gaahi fakakaukau, moe mea maoluga kotoabe, oku ne fakahikihiki ia ki he ilo oe Otua, bea oku ne fakavaivai ae mahalo kotoabe ki he talagofua kia Kalaisi; Bea oku mau tali teu be ke tautea ae talagataa kotoabe, oka kakato hoo mou talagofua.

Ka oku ou manavahe telia naa hage ko hono oloa e he gata i he ene kākā‘i a Ivi, e behe ae fakahala ho mou loto mei he agatotonu aia oku ia Kalaisi. Bea kabau mooni oku malaga aki eia kuo a‘u atu, ae Jisu e taha nae ikai te mau malaga aki, bea kabau oku mou ma‘u ha Laumalie e taha, aia nae ikai te mou ma‘u, be ha ogoogolelei e taha, nae ikai te mou ma‘u, bea neinei te mou faa kataki ia.

Ka koe kau abosetolo loi akinautolu, koe kau gaue fakakākā, oku nau fakakehe akinautolu ke hage koe kau abosetolo a Kalaisi. Bea oku ikai koe mea fakaofo ia; he naa mo Setani oku fakakehe foki ia koe agelo oe māma. Koia oku ikai ko ha mea lahi, o kabau e fakakehe ene kau faifekau foki ke hage koe kau faifekau oe maonioni; koe gataaga okinautolu e fakatatau ki he e nau gaahi gaue.

Eke kiate kimoutolu, be oku mou i he tui; ahiahi‘i akimoutolu. Ikai oku mou ilo, oku nofoia akimoutolu e Jisu Kalaisi, o kabau kuo ikai ahiahi‘i me jiaki akimoutolu?

Oku ou ofo i hoo mou hiki vave behe meiate ia naa ne uiui‘i akimoutolu i he ofa a Kalaisi, ki he ogoogolelei e taha: Aia oku ikai koe taha kehe mooni; ka oku ai ae niihi oku fakamamahi akimoutolu, bea ko ho nau loto ke fakakehe ae ogoogolelei a Kalaisi.

Kabau e malaga aki ekimautolu, be ha agelo mei he lagi, ha ogoogolelei kehe kiate kimoutolu, ka oku ikai koia naa mau malaga aki kiate kimoutolu, ke malaia be ia. O hage koia naa mau tomua lea aki, beau toe lea aki eni, Kabau e malaga aki e ha taha ha ogoogolelei kehe kiate kimoutolu, kae ikai koia kuo mou ma‘u, ke malaia be ia.

He oku ou fai ni koe fakafiemalie‘i ki he tagata, be koe Otua? be ko eku fai ni ke lelei be ki he tagata? he kabau oku ou kei fai ke lelei ki he tagata, oku ikai koe tamaioeiki au a Kalaisi. Bea oku ou fakababau atu kiate kimoutolu, e kaiga, koe ogoogolelei naaku malaga aki, oku ikai mei he tagata ia. He nae ikai teu ma’u ia mei ha tagata, bea nae ikai ako ia kiate au, ka i hono fakaha mai e Jisu Kalaisi.

Bea koeuhi koe kaiga loi nae omi fakafufu, o nau hu fakafufu mai ke mataki‘i e tau tauataina, aia oku tau ma‘u ia Kalaisi Jisu, koeuhi ke nau fakabobula‘i akitautolu: Bea nae ikai jii te mau fakavaivai ki ai i ha feituulaa jii e taha; koeuhi ke iate kimoutolu mau ai be ae mooni oe ogoogolelei.

Bea i he hoko a Bita ki Aniteoke, naaku tuu hake o valoki ia, koeuhi nae totonu hono valoki‘i. Koeuhi i he heeki ai ha‘u ae niihi mei a Jemesi, nae kai fakataha ia moe kakai Jenitaile: ka i he e nau hoko mai, nae mahui o ne fakamavae ia, koe manavahe kiate kinautolu oe kamu. Bea fai malualoi mo ia a hono toe oe kau Jiu foki; koia nae auhia ai foki a Banebasa i he e nau malualoi. Ka i he eku mamata nae ikai te nau aeva totonu, o fakatatau ki he mooni oe ogoogolelei, neu behe ai kia Bita, i he ao o kinautolu kotoabe, Kabau ko koe, koe Jiu, oku ke fai o fakatatau ki he aga oe kakai Jenitaile, kae ikai hage koe kakai Jiu, koeha oku ke bule‘i ai ae kakai Jenitaile ke fai o hage koe kakai Jiu?

Oku ne eke ha mea naa nau jiaki ai ae tui, kae falala ki he fono? 6 Ko kinautolu oku tui oku fakatonuhia‘i, 9 bea tabuekina fakataha mo Ebalahame. 10 Oku ne fakamooni ia mei he mea kehekehe. AE kau Kaletia vale, kohai kuo ne fakamatavalea akimoutolu, koeuhi ke oua naa mou talagofua ki he mooni, akimoutolu nae fakaha tautonu i ho mou ao a Jisu Kalaisi mo hono tutuki ki he akau?

E KAIGA, kabau e moua ha tagata i ha kovi, kokimoutolu oku fakalaumalie, fakamoui ia i he loto agavaivai; mo ke tokaga‘i koe, telia naa fakatauvele‘i koe foki. Mou fetoutou fefuaaki hoo mou kavega, bea fakamooni ai ki he fono a Kalaisi. He kabau oku mahalo e ha taha ko ha mea ia, ka oku ikai, oku ne kākā‘i eia ia.

Ko ia kuo akonekina i he folofola, ke ne foaki ae mea aoga kotoabe kiate ia oku akonaki. Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki. He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

Koeuhi ke oua naa tau kei fakatamaiki, o feliliaki, mo feaveaki fano e he matagi oe akonaki kotoabe, i he boto kākā oe tagata, moe boto i he fiemua, aia oku nau toka tatao ai ke kākā‘i; Kae lea aki ae mooni i he ofa, bea tubu hake iate ia, aia ko Kalaisi koe ulu, i he mea kotoabe:

Bea koe mea ni, oku ou tala mo fakababau i he Eiki, ke oua te mou kei aeva o hage koe aeva ae Jenitaile kehe, i he vale o ho nau loto, Kuo fakabouli ho nau loto, kuo fakamavahe‘i mei he moui faka‐Otua, i he vale oku iate kinautolu, koe mea i he fefeka o ho nau loto:

Koia ke liaki ae loi, kae taki taha lea aki ae mooni ki hono kaugaabi: he oku tau fekubuaki akitautolu.

Ke oua naa ha‘u ha talanoa uli mei ho mou gutu, ka koia oku lelei o aoga ke laga aki hake, koeuhi ke tubu ai ae tokoni ki he kau fanogo.

Oua naa kākā‘i akimoutolu e ha toko taha aki ae gaahi lea launoa: he koeuhi koe gaahi mea ni oku hoko ai ae houhau oe Otua ki he fānau talagataa.

He naa mou fakabouli i mu‘a, ka kuo mou māmagia eni i he Eiki: mou aeva o tāu moe fānau oe māma: (He koe fua oe Laumalie oku i he gaahi agalelei kotoabe moe maonioni moe mooni:) O ilo ai aia oku lelei ki he Eiki.

Bea oua naa mou kau i he gaahi gaue taefua oe fakabouli, ka mou valokii mu‘a ia.

He oku ikai koe tau fagatua moe kakano moe toto, ka ki he gaahi bule, moe gaahi malohi, moe kau bule oe fakabouli oe mamani, moe kau laumalie kovi i he gaahi botu i oluga.

Koia ke mou tuu kuo nonoo aki ae mooni ae koga loto, bea ai ki he fatafata ae jifa koe maonioni; Bea mou tobuva‘e aki ae teuteu oe ogoogolelei oe melino; Ai kitua i he mea kotoabe ae ba oe tui, aia te mou faa tamate aki ae gaahi gahau vela kotoabe oe toko taha kovi. Bea ai moe tatā oe fakamoui, moe heleta oe Laumalie, aia koe folofola ae Otua:

Bea ko eku lotu eni, ke tubulekina hoo mou ofa o lahi, bea lahi hake i he ilo moe agafakabotoboto kotoabe; Koeuhi ke mou ahiahi‘i ae gaahi mea oku fai kehekehe; ka mou aga-totonu mo taehalaia o a‘u ki he aho o Kalaisi;

Bea oku ou behe ni, ke oua naa ai ha tagata te ne fakahala‘i akimoutolu i he lea fakaoloolo.

Vakai naa taki fakahe akimoutolu e ha tagata e toko taha i he fieboto moe lau fakakākā, oku tāu moe talatubua ae tagata, o gali moe gaahi ulugaaga fakamama, ka oku ikai tāu mo Kalaisi.

Ke oua naa kākā‘i akimoutolu e ha taha i hoo mou totogi, i he fie agavaivai moe lotu ki he kau agelo, i he kaunoa ki he gaahi mea nae ikai te ne mamata ai, moe fakafuofua lahi noabe ia i hono loto fakakakano,

Koia kabau oku mou mate mo Kalaisi mei he gaahi ulugaaga fakamama, koeha oku mou moulaloa ai ki he gaahi tuutuuni, o hage oku mou moui fakamama, o fakatatau moe gaahi fekau moe gaahi akonaki ae tagata; Oua naa ala; oua naa kamata; oua naa milihi; Aia e auha kotoabe i hono gaue aki? Koe gaahi mea koia oku ai mooni hono matamata boto i he fiefie lotu, moe agavaivai, bea moe taetokaga‘i oe jino; ka oku ikai aoga, ka ki he fakafiemalie oe kakano.

Oua naa mou felohiaki, he kuo mou jiaki ae tagata motua mo ene gaahi gaue; Bea kuo mou ai ae tagata foou, aia kuo fakafoou i he ilo, o fakatatau ki hono tatau o ia naa ne fakatubu ia:

Ahiahi‘i ae gaahi mea kotoabe; buke ke mau aia oku lelei.

Oua naa kākā’i akimoutolu e ha toko taha i ha mea e taha: koeuhi e ikai hoko ae aho koia, o kabau e ikai tomua hoko ae liliu kovi, bea fakaha ae tagata oe agahala, koe foha oe malaia;

Ko ia ia oku ha’u o tatau moe gaue a Setani i he malohi lahi, moe gaahi fakailoga, moe gaahi mea fakaofo loi, Bea moe kākā kotoabe oe taemaonioni iate kinautolu oku auha; koe mea i he ikai te nau ma’u ae ofa ki he mooni, koeuhi ke nau moui ai. Bea koe mea koia e fakatukutuku’i ai akinautolu e he Otua ki he malohi oe kākā, ke nau tui ki he loi: Bea ke fakamalaia akinautolu kotoabe oku ikai tui ki he mooni, ka nau fiemalie i he taemaonioni.

Koia, e kaiga, mou tuu mau, o kuku mau ae gaahi akonaki aia nae akonekina ai akimoutolu, be ko ha mea i he malaga, be i he e mau tohi.

Bea koeni, e kaiga, oku mau fekau kiate kimoutolu, i he huafa o ho tau Eiki ko Jisu Kalaisi, ke mou mavahe akimoutolu mei he kaiga kotoabe oku eveeva, taetotonu bea ikai tatau moe fekau naa ne ma’u meiate kimoutolu.

O hage ko eku kole kiate koe ke ke nofo be i Efeso, i he eku alu ki Masitonia, koeuhi ke ke fekaua ae niihi ke oua te nau ako aki ha akonaki kehe, Ke oua foki e tokaga ki he gaahi talatubua moe hohoko taetuku, aia oku laga ai ae fakakikihi, kae ikai koe fela-gaaki hake faka‐Otua aia oku i he tui. Bea koeni, ko hono uhiga oe fekau, koe ofa mei he loto maa, moe atamai lelei, moe tui taemalualoi: Aia kuo afe mei ai ae niihi, bea kuo nau he ki he gaahi launoa; O holi ke hoko koe kau akonaki i he fono; ka oku ikai te nau ilo aia oku nau lau, be koia oku nau lea fakaba-bau ki ai.

Aia oku finagalo ke fakamoui ae kakai kotoabe, bea ke lava‘i ae ilo‘i oe mooni. He oku taha be ae Otua moe faka-laloa be taha i he vahaa oe Otua moe kakai, koe tagata ko Kalaisi Jisu; Aia naa ne foaki eia ia koe totogi huhui ma ae kakai kotoabe, aia e fakamooni i hono kuoga totonu. Aia kuo fakanofo au ki ai koe malaga, moe abosetolo, (oku ou lea aki ae mooni ia Kalaisi, oku ikai teu loi;) koe akonaki ki he gaahi Jenitaile i he tui moe mooni.

Ke tali e he kau fefine ae akonaki i he fakalogobe moe agavaivai kotoabe. He oku ikai teu tuku ae fefine ke akonaki, be ke faao ae bule ae tagata, ka ke fakalogobe. He nae fuofua gaohi a Atama, kae i mui a Ivi. Bea nae ikai kākāia a Atama, ka koe fefine nae kākāia bea to ia ki he talagataa.

KA oku lea fakabatonu mai ae Laumalie, e he ae niihi mei he tui i he gaahi kuoga fakamui, o tokaga ki he gaahi laumalie fakahala, moe gaahi akonaki oe kau tevolo; I he malualoi o kinautolu oku lea loi; kuo hunuhunu ho nau atamai aki ae ukamea vela;

Kabau te ke fakamanatu‘i ae gaahi mea ni ki he kaiga, te ke hoko koe faifekau lelei a Jisu Kalaisi, o tāu mo hoo fafaga‘i i he gaahi lea oe tui moe akonaki lelei, aia kuo ke lava‘i hono ilo‘i. Ka koe gaahi talatubua launoa mo fakafine matua ke jiaki, ka ke gaue koe ki he aga faka‐Otua.

Ke ke fekau ae gaahi mea ni mo ako aki. Oua naa manuki‘i hoo kei jii e ha taha; ka ke i he kakai tui koe fakai-loga, i he lea, moe ulugaaga, moe ofa, moe faiaga, moe tui, moe maonioni. Tokaga koe ki he lau tohi, moe eginaki, moe akonaki, kae oua keu alu atu. Oua naa ke taetokaga‘i ae mea foaki oku iate koe, aia nae foaki kiate koe i he kikite, moe hilifaki oe nima oe kau mātua. Fakalaulauloto ki he gaahi mea ni; ke ke moua koe ki ai; koeuhi ke ha mai hoo fakaaau ki mu‘a i he mea kotoabe. Ke ke vakai kiate koe, bea ki he akonaki; bea faifai mau be ki ai: koeuhi i hoo fai ia te ke fakamoui koe, mo kinautolu oku fanogo kiate koe.

Iloga ae kau mātua oku bule lelei, ke atu kiate kinautolu ae fakaabaaba lahi, kae lahi hake kiate kinautolu oku gaue i he folofola moe akonaki. He oku behe ae tohi, Oua naa ke nonoo ae gutu oe bulu oku ne molo-moloki ae uite. Bea, Oku tāu moe tagata gaue hano tauhi.

Oua naa ke tali ha fakailo kovi ki ha motua, ka i he ao oe fakamooni e toko ua, be toko tolu. Ko kinautolu oku fai agahala, valoki fakaha be, ke manavahe ai ae niihi. Oku ou fekau i he ao oe Otua, moe Eiki ko Jisu Kalaisi, moe kau agelo kuo fili, ke ke tokaga ki he gaahi mea ni, o taefilifilimanako ki ha taha i ha taha: oua naa fai ha mea e taha i he filifilimanako. Oua naa ke hilifaki nima fakavave ki ha tagata e toko taha, bea oua naa ke kau ki he agahala oe kakai: ke ke tauhi koe ke ke maa.

Kabau oku ako kehe e ha taha, bea ikai loto ia ki he gaahi lea lelei, ae gaahi lea a ho tau Eiki ko Jisu Kalaisi, bea ki he akonaki aia oku tāu moe aga faka‐Otua; Oku fielahi ia, o taeilo ha mea, ka oku mahaki aki eia ae gaahi fehui moe gaahi fakakikihi lea, aia oku tubu ai ae meheka, moe fekeikei, moe felaui-koviaki, moe femahalokoviaki. Moe fefakakikihikoviaki ae kau tagata loto kovi, bea taema‘u ae mooni, oku nau mahalo koia e koloaia ai koe lotu ia; ke ke mavahe koe mei he kakai behe.

E Timote, ke ke buke aia kuo tuku kiate koe ke tauhi, mo ke tabu i he gaahi babunoa mo launoa, moe akonaki agatuu, oku ui loi be koe boto. Aia i he tokaga ki ai ae niihi, kuo nau he mei he tui. Ke iate koe ae aloofa. Emeni.

Fakamanatu ae gaahi mea ni, o fekau kiate kinautolu i he ao oe Eiki, ke oua naa nau fakakikihi i he gaahi lea oku ikai hano aoga, ka koe faka-he‘i oe kau fanogo ki ai.

Ke ke feiga ke fakaha koe oku ke lelei ki he Otua, koe tagata gaue oku ikai ke ma, kae vahevahe totonu atu ae folofola oe mooni. Ka ke jiaki ae gaahi lea babunoa moe kovi: koeuhi e tubu bea ajili ai ae aga fakataelotu.

Bea e keina e nau lea o hage koe bobo: bea oku i ai a Aiminia mo Failito; Akinaua kuo na he mei he mooni, o na behe kuo hiliage ae toetuu; bea kuo na fulihi ae tui ae niihi. Ka oku tuu mau be ae tuuga oe Otua, oku i ai ae fakailoga ni, Oku ilo e he Eiki akinautolu oku aana; bea, Ke iloga ia oku ne hua aki ae huafa o Kalaisi, ke afe ia mei he agahia.

Ka ke liaki ae gaahi fehui vale mo launoa, i hoo ilo oku tubu ai ae fakakikihi. Bea oku ikai lelei ke fakakikihi ae tamaioeiki ae Eiki; ka ke agavaivai ia ki he kakai kotoabe, o faa ako, mo faa kataki, O akonekina i he agamalu akinautolu oku agatuu; hei ilo e foaki ai e he Otua kiate kinautolu ae fakato-mala ke nau tui ki he mooni; Bea nau fakahaofia akinautolu mei he tauhele ae tevolo, akinautolu kuo ne moua o fakabobula‘i ko ene faiteliha be.

Koeuhi e ofa ae kau tagata kiate kinautolu be, o manumanu, mo bole-bole, mo laukau, mo lea kovi, mo tala-gataa ki he mātua, mo taefakafetai, mo taemaonioni, O taema‘u ae ofa oku gali moe kaiga, o liaki ae lea fakababau, koe kau lohiaki, koe kau holi kovi, koe kau aga malohi, koe kau manuki kiate kinautolu oku lelei, Koe kau lavaki, o aga ohonoa, mo loto fielahi, koe kau ofa lahi hake ki he gaahi malie fakamama i he e nau ofa ki he Otua; Oku nau ma‘u hono geeji oe lotu, ka oku nau liaki a hono malohi: ke ke afe mei he kakai behe.

Bea oku mei he kakai behe akinautolu oku gaolo ki he gaahi fale, o taki bobula ae kau fefine fakavalevale oku efi i he hia, kuo takiekina e he gaahi holi kehekehe, Oku nau ako mau ai be, ka oku ikai jii te nau lava‘i ae ilo oe mooni.

Kae hage koe tuu a Jani mo Ja-mebi kia Mosese, oku behe ae tuu foki akinautolu ni ki he mooni: koe kau tagata loto kovi, bea taemooni ki he tui. Ka koeni, e ikai te nau fai mau ai be: koeuhi e ha atu e nau vale ki he kakai kotoabe, o hage foki koe vale a naua.

Io, bea ko kinautolu kotoabe oku loto ke moui aga faka-Otua kia Kalaisi Jisu, te nau ilo ae fakataga. Ka koe kau tagata agakovi moe kau fakahala, te nau tubulaki i he kovi ki he kovi, o faa kākā‘i, bea e kākāia akinautolu.

Ka ke tuu mau be akoe i he gaahi mea aia kuo akonekina ai koe, bea kuo ke ilo bau ki ai, o ke ilo aia kuo ke ma‘u ia mei ai; Koeuhi oku talu hoo kei jii, naa ke ilo ae gaahi tohi maonioni, aia oku faa fakaboto koe ki he fakamoui i he tui aia oku ia Kalaisi Jisu. Oku foaki mai ae Tohitabu kotoabe i he fakamanava ae Otua, bea oku aoga ia ki he akonaki, moe valoki, moe fakatonutonu, moe fakaboto ki he maonioni: Koeuhi ke haohaoa ae tagata oe Otua, bea kakato hono teuteu ki he gaahi gaue lelei kotoabe.

Ke ke malaga aki ae folofola; faa fai i he faigamalie, moe tae ha faigamalie; valoki, mo fakatonutonu, mo eginaki, i he aga faa kataki kotoabe moe akonaki. Koeuhi e hoko ae kuoga e ikai te nau faa kataki ai ae akonaki totonu; ka i he iate kinautolu ae teliga veli, te nau fakatokolahi maa nautolu ae kau akonaki o tatau moe nau holi. Bea te nau fakatafoki ho nau teliga mei he mooni, bea tuli taubau ki he mea loi.

O ne buke ke mau ae lea mooni, o hage ko hono akonekina, koeuhi ke ne faa fai ke eginaki mo valoki tonu ae kau lea kovi aki ae akonaki totonu. He oku ai ae toko lahi oku aga-tuu, koe kau launoa moe kau kāka, bea oku tuu mu‘a ai akinautolu oe kamu: Akinautolu oku totonu ke tabuni ho nau gutu; oku nau fakahe‘i ae gaahi fale kotoa, o ako aki ae gaahi mea oku ikai totonu, ka nau ma‘u ai ae koloa uli. Ko ho nau toko taha, koe tagata kikite be o nautolu, nae behe, Oku loi mau ai be ae kakai Keliti, koe faga manu fekai mo kovi, koe kau faa kai fakabikobiko. Koe fakamooni ni oku mooni. Koia ke ke valoki majila akinautolu, ke nau haohaoa i he tui; Oua naa tokaga ki he gaahi tala-tubua faka‐Jiu, moe gaahi fekau ae kakai, akinautolu oku afe mei he mooni. Oku maa ae mea kotoabe kiate kinautolu oku loto maa: ka oku ikai maa ha mea e taha kiate kinautolu oku aga uli mo taetui; he ko ho nau loto mo ho nau atamai kuo uli‘i. Oku nau lau oku nau ilo ae Otua; ka i he e nau gaahi gaue oku nau jiaki ia, oku nau aga fakalielia, mo talagataa, bea tae ha fifili lelei ki he gaahi gaue lelei kotoabe.

KA ke lea aki be ekoe ae gaahi mea oku tāu moe akonaki haohaoa: Ke faa tokaga e he mātua tagata, bea nau aga fakamotua, o fakabotoboto, mo haohaoa i he tui, moe ofa, moe faa kataki.

Moe kau fine mātua foki, ke nau ulugaaga fakamaonioni, ke oua naa koe kau fakakovi, be tokaga lahi ki he uaine, ka koe kau akonaki oe mea lelei; Koeuhi ke nau ako ki he kau fine mui ke aga fakabotoboto, ke ofa ki ho nau unoho, ke ofa ki he e nau fānau, Ke nau fai boto, mo agatonu, o faa nofo i abi, o agalelei, bea talagofua ki ho nau unoho, ke oua naa lauikovi ae folofola ae Otua.

Ke ke eginaki ki he kau talavou foki ke loto fakabotoboto. Ke ke fakaha koe i he mea kotoabe koe fakailoga oe gaue lelei: i he akonaki ke ha ae taehala, moe aga fakamotua, moe mooni, Moe lea haohaoa, aia e ikai faa talia, koeuhi ke ma ai ia aia oku kau kehe, bea ne taema‘u ha mea ke ne lauikovi ai akitautolu.

Ke talagofua ae kau tamaioeiki ki ho nau gaahi eiki, bea ke fai kotoabe ko ho nau fakafiemalie lelei; kae oua naa fakatoutala; Oua naa kaihaa, kae fakaha atu ae agatotonu lelei kotoabe; koeuhi ke nau fakaogolelei ae akonaki oe Otua, ko ho tau Fakamoui, i he mea kotoabe.

Ka ke teke‘i ae gaahi fehui launoa, moe tala hohoko, moe fakakikihi, moe gaahi fekeikei i he fono; he oku tae-aoga ia mo vaiga. Koe tagata fakatubu mavahevahe, hili a hono akonaki‘i o liuga taha mo liuga ua, tukuage ia; I he ilo ko ia oku behe, kuo fakahe ia, bea oku fai agahala, bea kuo tu-kuaki‘i ia iate ia be.

KOE mea ia oku totonu ke ajili ai e tau tokaga lahi ki he gaahi mea kuo tau fanogo ki ai, telia naa tau tukuage mei ai i ha aho. He kabau nae tuu mau ae lea nae lea aki e he kau agelo, bea koe maumau‘i moe talagataa kotoabe nae ma‘u hono totogi totonu; E hao fefe akitautolu, o kabau te tau taetokaga ki he fakamoui lahi koia? aia nae fuofua fakaha e he Eiki, bea nae fakamooni ia kiate kitautolu ekinautolu nae fanogo kiate ia;

Tokaga, e kaiga, telia naa ai i ha mou toko taha ha loto kovi o taetui, he mavahe mei he Otua moui.

Bea nae fuakava ia ki ahai e ikai te nau hu ki hono mālōlōaga, ka kiate kinautolu be nae taetui? Koia oku tau ilo, nae ikai faa hu atu akinautolu koe mea i he taetui.

He koe folofola ae Otua oku moui, mo malohi, bea majila lahi i ha heleta oku fakatou mata, oku aji ki hono vahe‘i oe loto moe laumalie, moe gaahi hokotaga hui moe uho, bea oku ne fakaha ae gaahi mahalo moe filioi oe loto. Bea oku ikai ha mea e taha oku tae ha mai i hono ao: ka oku telefua bea tokaimaanaga ae mea kotoabe ki he fofoga o ia aia te tau fakamāu ki ai.

He koeuhi e ikai aubito mafai kiate kinautolu nae muaki māmagia, mo nau kamata ae foaki mei oluga, bea nau ma‘u moe Laumalie Maonioni, Bea kuo nau kamata ae folofola lelei ae Otua, moe gaahi malohi oe mama e ha‘u, Bea kuo nau higa atu, e ikai mafai ke toe fakafoou akinautolu ki he fakatomala; he oku nau toe tutuki ki he akau ekinautolu be ae Alo oe Otua, o fai fakahāhā be a hono fakama‘i.

He kabau te tau agahala ko ho tau loto, ka kuo hili e tau ma‘u ae ilo oe mooni, oku ikai kei toe ha feilaulau koeuhi koe agahala, Ka koe amanaki fakailifia ki he fakamāu moe houhau vela, aia e fakaauha aki ae gaahi fili. Ko ia naa ne maumau’i ae fono a Mosese, nae mate taefakamolemolea i he fakamooni e toko ua be toko tolu: Bea oku mou behe, e fefe hono lahi hake oe tautea e tāu ke hoko kiate ia, kuo ne malaki hifo ae Alo oe Otua, bea ne ui ae taataa oe fuakava, aia nae fakamaa aki ia, koe mea taemaa, bea kuo ne fai fakamamahi ki he Laumalie oe aloofa?

O vakavakai Iahi telia naa tomui ha taha i he aloofa ae Otua: telia naa ai ha aka kona e tubu bea fakamamahi‘i ai akimoutolu, bea uli‘i ai ae toko lahi: Telia naa ai ha taha feauaki, be ha manuki oe mea tabu, o hage ko Isoa, aia naa ne fakatau hono lelei oe uluaki foha aki ae mea kai be taha. He oku mou ilo i he hili ia, bea ne fie ma‘u ae tabuaki, nae teke‘i ia: he nae ikai te ne ilo ke liliu aki hono loto, ne ogo a ene kumi ia i he feiga moe loimata.

Ke oua naa feaveaki fano akimou tolu e he gaahi akonaki oku kehekehe hono aga mo foou. He koe mea lelei ke tuu mau ae loto i he ofa; ikai i he gaahi mea kai, aia nae ikai aoga kiate kinautolu nae moua ki ai.

O ilo, koe ahiahi‘i o hoo mou tui, oku ne fakatubu ae kataki. Kae tuku ae kataki ke gaue ki he haohaoa, koeuhi ke mou haohaoa mo maoboobo, o taemajiva i ha mea. Ka ai ha mou taha oku majiva i he boto, ke kole eia ki he Otua, aia oku ne foaki lahi ki he kakai kotoabe, bea oku ikai valoki‘i; bea e foaki ia kiate ia.

Ka ke fai ekimoutolu ki he folofola, bea oua naa gata i he fanogo, o mou kākā‘i akimoutolu. He kabau oku fanogo e ha taha ki ne folofola, kae ikai fai, oku tatau ia mo ha taha oku ne fakajio ki he mata o hono jino i ha jioata: He oku ne fakajio kiate ia, bea alu, bea galo leva iate ia be oku matamata fefe ia.

E HOKU kaiga, ke oua naa akonaki ae toko lahi, he oku mou ilo e ajili ai ae tautea kiate kitautolu. He oku tau tūkia kotoabe i he gaahi mea kehekehe. Kabau e ikai tūkia ha taha i he lea, koe tagata haohaoa ia, bea oku faa fai eia ke taofi ki he jino kotoa.

Oku behe foki ki he elelo, koe kubu jii, ka oku ne bolebole ki he gaahi mea lahi. Vakai ki hono lahi oe vao akau kuo tutu aki ae afi jii! Bea koe afi ae elelo, koe mama agahala: oku behe ae elelo i he ene i ho tau gaahi kubu‘i jino, oku ne uli‘i ae jino kotoa, oku ne fakavela ae aga fakakakano; bea kuo tutu ia mei heli.

Koia, oku mahuiga ia kiate kimoutolu oku tui: ka kiate kinautolu oku taetui, koe maka nae liaki e he kau tufuga, koia ia kuo gaohi koe fugani maka oe tuliki, Bea koe maka tūkiaaga moe maka fakaita kiate kinautolu oku taetui ki he folofola, bea tukia: aia foki nae tuutuuni akinautolu ki ai.

He ko ia oku loto ke ofa ki he moui, bea ke mamata ki he gaahi aho lelei, ke taofi eia hono elelo mei he kovi, mo hono lougutu ke oua naa lea aki ae kākā:

Kae fakaabaaba ki he Eiki koe Otua i ho mou loto: bea mou nofo teu be ke talia i he agavaivai moe manavahe ae tagata kotoabe e ekea akimoutolu ki hono uhiga oe amanaki lelei oku iate kimoutolu: O ma‘u ae atamai lelei; koeuhi, i he e nau lauikovi akimoutolu, o hage koe kau fai kovi, ke ma akinautolu oku nau lohiaki‘i a hoo mou moui lelei ia Kalaisi.

Leo, bea faa vakai; koeuhi ko ho mou fili koe tevolo, oku alu fano, o hage ha laione gugulu, o ne kumi be kohai te ne faa buku hake: Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani.

O tomua ilo aeni, oku ikai ha kikite i he tohitabu oku tubu meiate ia be a hono uhiga. He koe kikite i mu‘a nae ikai tubu mei he faiteliha ae tagata: ka nae lea ae kau tagata maonioni oe Otua i hono ue‘i akinautolu e he Laumalie Maonioni.

KA nae ai foki ae kau balofita loi i he kakai, o hage e iate kimoutolu ae kau akonaki loi, akinautolu e omi faka-fufu ae gaahi he fakamalaia, o fakafiji‘i ae Eiki naa ne fakatau akinautolu, o omi ai kiate kinautolu ae fakaauha fakatootoo. Bea e muimui ae toko lahi ki ho nau hala fakamalaia; bea koe mea iate kinautolu e lauikovi‘i ai ae hala oe mooni. Bea koe mea i he manumanu te nau mea fakatau aki akimoutolu i he gaahi lea kākā: ko ho nau tautea kuo tala fuoloa oku ikai fakatuai, bea koe nau malaia oku ikai tulemohe.

He kabau ko eni, kuo hili e nau hao mei he gaahi uli o mamani i he ilo‘i ae Eiki moe Fakamoui ko Jisu Kalaisi, e toe fihituu ai, mo ikuna akinautolu, bea e kovi lahi ae gataaga kiate kinautolu i he kamataaga. He koe mea e lelei lahi kiate kinautolu o ka ne ikai te nau ilo ae hala oe maonioni, ka i he e nau ilo ia, bea toe tafoki mei he fekau maonioni nae tuku kiate kinautolu.

Bea oku behe foki a ene lea ai ki he gaahi mea ni i he ene tohi kotoabe; aia oku i ai ae mea niihi oku ilogataa, aia oku fai e he kau taeboto mo lotolotoua ke fakauhiga kehe, o hage foki koe gaahi tohi kehe, ka nau malaia ai.

Koia, e kaiga, koe mea i hoo mou jinaki ilo, vakai telia naa takiekina foki akimoutolu e he hē oe kakai fai kovi, bea mou higa mei hoo mou tuu mau a moutolu. Kae tubulekina i he ofa, bea moe ilo ki ho tau Eiki moe Fakamoui ko Jisu Kalaisi. Ke iate ia ni ae ogoogo lelei bea taegata. Emeni.

Ko eni ia ae fekau naa mau fanogo meiate ia, mo fakaha kiate kimoutolu, koe māma ae Otua, bea oku ikai iate ia ha fakabouli jii. Kabau oku tau behe, oku tau feohi mo ia, kae aeva i he fakabouli, oku tau loi, bea ikai fai ki he mooni:

Bea ko eni oku tau ilo ai oku tau ilo ia, o kabau oku tau fai ene gaahi fekau. Ko ia oku ne behe, Oku ou ilo ia, ka oku ikai fai ene gaahi fekau, koe loi ia, bea oku ikai iate ia ae mooni. Ka ko ia oku ne fai ki he ene folofola, kuo fakahaohaoa mooni iate ia ae ofa ae Otua: ko eni ia oku tau ilo ai oku tau iate ia. Ko ia ia oku ne behe, oku nofo ia kiate ia, oku totonu ke ne eveeva foki o hage ko ene eveeva aana.

Koe gaahi mea eni kuou tohi kiate kimoutolu, koeuhi ko kinautolu oku kākā‘i akimoutolu. Ka oku nofoia akimoutolu e he bani oku mou ma‘u meiate ia, bea oku ikai aoga ke akonaki‘i akimoutolu e ha taha: kae hage oku akonaki‘i akimoutolu e he bani koia i he mea kotoabe, bea oku mooni ia, bea oku ikai koe loi, io, o hage ko ene akonekina akimoutolu, ke mou nofo behe kiate ia.

E KAIGA ofeina, oua naa tui ki he laumalie kotoabe, kae ahiahi‘i ae gaahi laumalie, be oku oe Otua akinautolu: koeuhi kuo toko lahi ae kau balofita loi kuo alu atu ki mamani. Koe mea eni oku mou ilo ai ae laumalie oe Otua: Koe laumalie kotoabe oku fakaha kuo ha‘u a Jisu Kalaisi i he jino, oku oe Otua ia: Bea koe laumalie kotoabe oku ikai fakaha kuo ha‘u a Jisu Kalaisi i he jino, oku ikai oe Otua ia: bea koeni ia ae Fili o Kalaisi, aia kuo mou fanogo ki ai e ha‘u; bea oku lolotoga ni ene i mamani.

Oku oe mamani akinautolu: koia oku nau lea ai ki mamani, bea fanogo a mamani kiate kinautolu. Oku oe Otua akimautolu: ko ia oku ne ilo‘i ae Otua, e fanogo ia kiate kimautolu; bea ko ia oku ikai oe Otua, oku ikai fanogo ia kiate kimautolu. Koe mea eni oku tau ilo ai ae laumalie oe mooni, moe laumalie oe he.

Bea koe ofa eni, koeuhi ke tau aeva i he ene gaahi fekau. Ko eni ae fekau, Koeuhi, ke hage koia kuo mou fanogo ki ai mei he kamataaga, ke mou aeva i ai.

He kuo alu atu ae kau kākā toko lahi ki mamani, oku ikai ke nau fakaha kuo ha‘u i he jino a Jisu Kalaisi. Koe kākā eni moe fili o Kalaisi. Vakai be kiate kimoutolu, ke oua naa mole iate kitautolu ae gaahi mea kuo tau lava‘i, ka koeuhi ke tau ma‘u ae totogi haohaoa.

Ko ia ia oku fai hala, bea ikai nofo mau i he akonaki a Kalaisi, oku ikai ma‘u eia ae Otua. Ko ia ia oku nofo i he akonaki a Kalaisi, oku ma‘u eia fakatouoji ae Tamai bea moe Alo. Kabau e alu atu ha taha kiate kimoutolu, kae ikai omi ae akonaki ko eni, oua naa tali ia ki ho mou fale, bea oua naa tokoni ki ai: He ko ia oku tokoni ki ai oku kau ia i he ene gaahi gaue kovi.

Neu tohi ki he jiaji: ka ko Taiotifi oku manako ke lahi hake iate kinautolu, oku ikai te ne tali akinautolu. Koia, kabau teu alu atu, teu manatu ki he ene gaahi gaue oku ne fai, a ene balau kiate kitautolu i he gaahi lea kovi: bea i he ene taefiu ai, oku ikai te ne tali eia ae kaiga, bea oku ne taofi kiate kinautolu nae loto ki ai, o ne kabuji akinautolu mei he jiaji.

E kaiga ofeina, i he eku fai takatootoo aubito ke tohi atu kiate kimoutolu ki he fakamoui lahi, nae totonu keu tohi kiate kimoutolu, mo eginaki ke mou fekuki fakamatoato koeuhi koe tui nae atu i mu‘a ki he kaiga maonioni. He oku ai ae kau tagata kuo nau fetōlofi fakaboloto, akinautolu nae tohi i mu‘a ki he malaia ni, koe kau tagata taelotu, o nau liliu ae ofa a ho tau Otua koe faiaga agahala, o fakafijiga i he Eiki be taha koe Otua ko ho tau Eiki ko Jisu Kalaisi.

Oku ou ilo‘i hoo gaahi gaue, mo hoo fai feiga, mo hoo faa kataki, bea mo hoo tae faa kataki‘i akinautolu oku kovi: bea kuo ke ahiahi‘i akinautolu oku nau behe, koe kau abosetolo akinautolu, ka oku ikai, bea kuo ke ilo koe kau loi akinautolu:

Oku ou ilo‘i hoo gaahi gaue, mo hoo mamahi, mo hoo majiva, (ka oku ke koloaia) bea moe loi a nautolu oku behe, koe gaahi Jiu akinautolu, ka oku ikai, ka koe fale lotu o Setani.

Ka oku ai ae mea niihi oku ou koviia ai kiate koe, koeuhi oku iate koe akinautolu oku nau tui ki he akonaki a Belami, aia naa ne akonekina a Belaki ke li ae tūkiaaga i he ao oe gaahi foha o Isileli, ke nau kai ae gaahi mea kuo feilaulau aki ki he gaahi tamabua, bea ke fai ae feauaki. Bea behe oku iate koe foki akinautolu oku tui ki he akonaki oe kau Nikolaitani, aia oku ou fehia ki ai. Fakatomala; ka ikai, bea teu ha‘u tootoo kiate koe, bea teu tau‘i akinautolu aki ae heleta o hoku fofoga.

Ka oku ai ae mea niihi oku ou koviia ai kiate koe, koeuhi ko hoo tuku ai be ae fefine ko Jesebeli, aia oku ne ui ia koe balofita fefine, bea oku ne akonekina mo oloa eku kau tamaioeiki ke fai ae feauaki, bea ke kai ae gaahi mea kuo feilaulau aki ki he gaahi tamabua.

Oku ou ilo‘i hoo gaahi gaue, oku ikai te ke momoko be vela: amujiage eau oku ke momoko be vela. Koia koeuhi oku ke mamafana be, o ikai momoko be vela, teu buaki koe mei hoku gutu. Koeuhi oku ke behe, Oku ou koloaia, bea kuou fakama‘umea‘i au, bea oku ikai teu majive i ha mea; ka oku ikai te ke ilo oku ke kovi lahi, bea malaia, bea majiva, bea kui, bea telefua.

Ko kinautolu oku ou ofa ai, oku ou valoki‘i mo taute‘i: koia ke ke fai feiga, mo fakatomala.

Bea nae li kitua ae fuu gata lahi, ae gata motua koia, oku ui ko Tevolo, mo Setani, aia oku ne kākā‘i a mamani kotoabe: nae li ia kitua ki he fonua, bea nae li kitua mo ia a ene kau agelo. Bea neu ogo‘i ae le‘o lahi i he lagi, nae behe, Ko eni kuo hoko mai ae fakamoui, moe malohi, moe buleaga o ho tau Otua, moe malohi o hono Kalaisi: he kuo li ki lalo ae fakakovi o ho tau kaiga, aia naa ne fakakovi‘i akinautolu i he ao o ho tau Otua i he aho moe bo. Bea naa nau ikuna ia aki ae taataa oe Lami, moe lea oe nau fakamooni; bea nae ikai te nau mamae ki he e nau moui ka nau mate.

Bea neu ogo‘i ae le‘o e taha mei he lagi, oku behe mai, E hoku kakai, ha‘u meiate ia, ke oua te mou kau i he ene gaahi agahala, bea ke oua naa mou moua i he ene gaahi malaia.

Bea e ikai aubito kei malama iate koe ae ulo o ha māma; bea e ikai aubito kei ogo‘i iate koe ae le‘o oe tagata taane moe taahine: he koe houeiki o mamani ko hoo kau fakatau; he nae kākā‘i e hoo fie mana ae gaahi buleaga kotoabe.

Bea nae moua ae manu fekai, bea moe balofita loi naa ne fai ae gaahi mana i hono ao, aia naa ne kākā aki akinautolu kuo nau ma‘u ae fakailoga oe manu fekai, mo kinautolu nae hu ki hono fakatātā. Nae li moui akinaua fakatouoji be ki he ano oe afi oku vela aki ae sulifa.

Bea naa ne buke ae fuu gata, ae gata motua koia, aia koe Tevolo, mo Setani, bea ne ha‘i ia i he ta‘u e afe, O ne li ia ki he luo tae hano takele, mo tabuni ia ki ai, bea ne ai ki ai ae mea fakamau, koeuhi ke oua naa ne kei kākā‘i ae gaahi buleaga, kae oua ke kakato ae ta‘u e afe: bea hili ia, e veteage ia i ha kuoga jii.

Bea koe tevolo naa ne kākā‘i akinautolu, nae li ia ki he ano oe afi moe sulifa, aia oku i ai ae manu fekai moe balofita loi; bea e fakamamahi‘i ia i he aho moe bo o taegata bea taegata.

Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.

Bea e ikai aubito hu ki ai ha mea oku fakauli, be fai fakalielia, be loi: ka ko kinautolu be oku tohi i he tohi oe moui ae Lami.

He oku ituaa ae faga kuli, moe kau fiemana, moe kau feauaki, moe kau takabo, moe kau tauhi tamabua, mo ia kotoabe oku ofa mo fakatubu loi.

He oku ou fakaha ki he kakai kotoabe oku fanogo ki he gaahi lea oe kikite i he tohi ni, Kabau e fakalahi e ha tagata ki he gaahi mea ni, e fakalahi e he Otua kiate ia i he gaahi malaia kuo tohi i he tohi ni: Bea kabau e too e ha tagata mei he gaahi lea oe tohi oe kikite ni, e too e he Otua a hono inaji mei he tohi oe moui, bea mei he kolo maonioni, bea moe gaahi mea kuo tohi i he tohi ni.