12 – Angaʻuli Fakasekisuale

Koia e tukuage ai e he tagata e ene tamai mo ene fa‘e, kae bikitai ki hono unoho: bea te na kakano taha be.

Bea behe e Jihova, Koeuhi kuo lahi ae tagi a Sotoma mo Komola, bea kuo hoko o kovi aubito e nau agahala; Koia teu alu hifo ni, o mamata, be kuo nau fai kotoabe, o hage koe tagi o ia, aia kuo a‘u mai kiate au: bea kabau e ikai, bea teu ilo. Bea nae haga atu mei ai ae mata oe ogo tagata ke na alu atu ki Sotoma: ka nae kei tuu be a Ebalahame i he ao o Jihova. Bea unuunu atu ke ofi a Ebalahame, o ne behe, Bea te ke fakaauha fakataha ae agatonu moe agahala? Naa oku i he kolo ae agatonu e toko nimagofulu: bea te ke fakaauha foki, ka e ikai fakamoui ae botu, koeuhi koe agatonu e toko nimagofulu oku i ai? Ke mamao iate koe ha fai behe, ke tamate‘i ae agatonu fakataha moe agahala, bea ke fakatatau ae agatonu ki he agahala, ke mamao ia iate koe: ikai e fai totonu ae Fakamāu o mamani kotoabe? Bea behe e Jihova, Kabau teu ilo i Sotoma ae agatonu e toko nimagofulu, teu fakamoui ae botu kotoabe koeuhi ko kinautolu. Bea lea a Ebalahame o ne behe, Vakai, koeni kuou lea au kia Jihova, ka koe efu, moe efuefu be au: Bea kabau e ikai i ai ae toko nima i he toko nimagofulu oku agatonu: bea te ke fakaauha ae kolo kotoabe, koeuhi koe toko nima? Bea behe eia, kabau teu ilo i ai ae toko fagofulu ma toko nima, e ikai teu fakaauha ia. Bea ne toe lea kiate ia, o behe, Bea kabau e ilo i ai ae toko fagofulu. Bea behe eia, E ikai teu fai ia, koeuhi koe toko fagofulu koia. Bea behe eia kiate ia, Ofa ke oua naa houhau a Jihova, bea teu lea: Kabau e ilo i ai ae toko tolugofulu. Bea beheage eia, E ikai teu fai ia, o kabau teu ilo i ai ae toko tolugofulu. Bea behe eia, Vakai, kuou lea ni kia Jihova: Kabau e ilo i ai ae toko uofulu. Bea behe eia, E ikai teu fakaauha ia koeuhi koe toko uofulu koia. Bea behe eia, Ofa ke oua naa houhau a Jihova, bea teu lea ni o tatuo taha be; Kabau e ilo i ai ae toko hogofulu. Bea behe eia, E ikai teu fakaauha ia, koeuhi koe toko hogofulu koia.

BEA nae ha‘u ae agelo e toko ua ki Sotoma kuo efiafi; bea nae nofo a Lote i he mataba o Sotoma, bea mamata a Lote, bea tuu hake ia o alu ke fakafetaulaki kiate kinaua: bea naa ne bunou ia mo hono mata ki he kelekele. Bea behe eia, Ogo eiki, mo vakai mai, oku ou kole kiate kimoua, mo afe ki he fale o ho mo tamaioeiki o nofo i he bo ni, bea fufulu ho mo va‘e, bea te mo tuu hegihegi hake be, bea o i ho mo fonoga. Bea naa na behe, E ikai; ka te ma nofo i he hala he bo ni. Bea kole fakamatoato ia kiateki naua; bea na afe ai kiate ia, o hu ki hono fale; bea naa ne teu e na kai, bea ta‘o ae ma tae mea fakatubu, bea ne na kai. Bea nae heeki te na tokoto, mo ene ha‘u ae kau tagata oe kolo, io, ae kau tagata o Sotoma, o nau kabui ae fale, ae kau mātua moe talavou, ae kakai kotoabe mei he botu kehekehe. Bea naa nau ui kia Lote o behe kiate ia, Kofaia ae ogo tagata nae omi kiate koe he bo ni? omi akinaua kitua kiate kimautolu ke mau ilo akinaua. Bea alu kitua a Lote i he mataba kiate kinautolu, bea tabuni eia ae mataba i hono tua, Bea ne behe, Oku ou kole kiate kimoutolu, e kaiga, oua te mou fai ae kovi behe ni. Vakai mai, oku ai hoku ogo ofefin oku heeki ai te na ilo ha tagata; oku ou kole kiate kimoutolu, keu omi akinaua kiate kimoutolu, bea mou fai kiate kinaua, aia oku lelei kiate kimoutolu; kae oua te mou fai ha mea ki he ogo tagata ni; he koia kuo na omi ai ki he malu o hoku fale. Bea naa nau behe, Tuu atu. Bea nau toe behe, Koe jiana ni nae ha‘u ia koe aunofo, bea kuo fie hoko ia koe fakamāu nai; bea koeni te mau fai kovi lahi kiate koe, iate kinaua. Bea naa nau feohofi mai o tatao ae tagata ko Lote, bea nae meimei maumau ae mataba. Ka nae mafao atu ae ogo tagata ho na nima o toho mai a Lote ki he fale kiate kinaua, bea tabuni ae mataba. Bea na ta‘i aki ae kui, ae kau tagata nae i he mataba oe fale, ae jii moe lalahi: koia naa nau fiu i he kumi ae mataba.

Bea behe e he ogo tagata kia Lote, Oku ai hao kaiga i he botu ni? ko ho foha i he fono, mo ho gaahi foha, mo ho gaahi ofefine, mo ia kotoabe oku ke ma‘u i he kolo ni fetuku mei he botu ni. He te ma fakaauha ae botu ni, koeuhi kuo hoko o lahi aubito ae nau tagi ki he ao o Jihova; bea kuo fekau‘i akimaua e Jihova, ke fakaauha ia. Bea nae alu kitua a Lote o lea ki hono gaahi foha i he fono, aia nae unoho mo hono gaahi ofefine, o ne behe kiate kinautolu, Tuu hake, hola mei he botu ni; koeuhi e fakaauha e Jihova ae kolo ni; ka nae hage ia ko ha toko taha oku luma, ki hono gaahi foha i he fono. Bea bogibogi hake ai, nae fakavave a Lote e he ogo agelo, o behe, Tuu o ave ho unoho mo ho ogo ofefine oku i heni; telia naa auha koe i he agahala ae kolo. Bea i he ene fakatuotuai, nae buke hono nima e he ogo tagata, bea moe nima o hono unoho, bea moe nima o hono ogo ofefine; nae aloofa a Jihova kiate ia; bea naa na omi ia kitua, o tuku ia i he tuaa kolo. Bea hili e na omi akinautolu kituaa, bea behe eia, Hola ke ke moui ai, oua naa ke jio ki mui, be mālōlō i he tokalelei kotoabe, mole atu ki he mouga, telia naa ke auha.

Bea nae fakauha e Jihova ki Sotoma mo Komola, ae makavela moe afi mei a Jihova i he lagi.

Ka nae haga ki mui hono unoho, i he ene muimui iate ia, bea nae liliu ia koe bou masima.

Ka nae ha mai ae Otua kia Abimileki i he miji i he bo, o ne behe kiate ia, Vakai koe tagata mate koe, koeuhi koe fefine kuo ke too, he koe unoho ia o ha tagata.

Bea i he mamata kiate ia a Sikemi koe fohoa o Hemoa koe tagata Hevi, koe eiki oe fonua, naa ne buke ia o na mohe, o ne fakahala‘i ia.

Bea i he fanogo ki ai ae gaahi foha o Jekobe, naa nau ha‘u mei he goue; bea mamahi ae kau tagata o nau ita lahi, koeuhi ko ene fai mea kovi i Isileli, o mohe moe ofefine o Jekobe; ae mea nae ikai gofua ke fai.

Bea naa na tamate‘i a Hemoa mo hono foha ko Sikemi aki ae mata oe heleta, bea na too mai a Taina mei he fale o Sikemi, bea nau o ai. Bea nae ha‘u ai ae gaahi foha o Jekobe ki he kakai mate o nau maumau‘i ae kolo, koe mea i he e nau fakahala‘i ho nau tuofefine.

Bea naa na beheage kiate ia, He nae lelei a ene fai ki ho ma tuofefine o hage ko ha muitau?

Bea kuo mamata a Juta kiate ia, naa ne mahalo koe fefine agahala ia, he koeuhi kuo bulou hono mata. Bea afe ia kiate ia i he hala, o ne behe, Koeni, oku ou kole kiate koe, tuku keu alu atu kiate koe; (he nae ikai te ne ilo ko hono ofefine ia i he fono). Bea beheage eia, Koeha te ke tuku mai kiate au, koeuhi ke ke ha‘u kiate au? Bea behe ia, Teu fekau ke omi ha uhiki mei he faga manu, bea behe eia, Bea te ke tuku mai ha fakamooni, kae oua ke ke omi ia? Bea behe eia, Koeha teu tuku kiate koe? bea talaage eia, Ko ho mama, mo ho lelu, bea mo ho tokotoko oku i ho nima. Bea ne atu ia kiate ia, bea alu atu ia kiate ia, bea feitama ia kiate ia. Bea tuu hake ia o alu mei ai, bea ne tuku ene bulou meiate ia, o toe ai hono gaahi kofu butu. Bea fekau e Juta ke ave ae uhiki‘i koji i he nima o hono kaiga koe Atulama, koeuhi ke ne ma‘u ae fakamooni mei he nima oe fefine; ka nae ikai te ne faa ilo ia. Bea fehui ia ki he kau tagata oe botu koia, o behe, Koefe ae fefine agahala nae i he botu hala ni? Bea nau behe, Nae ikai ha fefine agahala i he botu ni. Bea toe alu ia kia Juta, o ne behe, Oku ikai teu ilo ia; bea oku behe foki e he kau tagata oe botu, nae ikai ha fefine agahala i he botu koia. Bea behe e Juta, Tuku ke ne ma‘u, ia maana, telia naa tau ma ai; vakai, naaku fekau ke ave ae uhiki manu ni, bea oku ikai te ke ilo ia. Bea hili ae mahina e tolu nai, nae fakaha kia Juta, o behe, Kuo fai agahala e Tema, ko ho ofefine i he fono; bea vakai, oku feitama foki ia i he feauaki. Bea behe e Juta; Taki mai ia, ke tutu ia. Bea kuo nau taki mai ia, bea fekau ia ki he ene tamai i he fono, o behe, Kuou feitama ki he tagata oku aana ae mea ni: bea ne behe, Ke ke vakai, be oku ahai ae mama ni moe lelu, moe tokotoko ni? Bea fakamooni e Juta, o ne behe, Oku tonuhia lahi ia ia au: koeuhi nae ikai teu foaki ia ki hoku foha ko Sila. Bea nae ikai te ne toe ilo‘i ia.

Bea hili ae gaahi mea ni, nae fakajiojio ae unoho oe eiki a Josefa kiate ia; bea ne behe, Ha‘u ke ta mohe. Ka nae ikai loto ia ki ai, o ne behe ki he unoho o hono eiki, Vakai, oku ikai ilo‘i e he eku eiki ae gaahi mea oku oona i he fale, bea kuo ne tuku ia kotoabe ki hoku nima: Oku ikai ha toko taha oku lahi hake iate au i he fale ni; bea nae ikai te ne taofi au mei ha mea e taha, ka ko koe be, koeuhi ko hono unoho koe: bea e fefe eku fai ae hala lahi ni, keu halaia ai ki he Otua? Bea i he ene lea be i he aho kotoabe kia Josefa, nae ikai te ne tokaga kiate ia, ke na mohe, be ke ofi kiate ia. Bea i he gaahi aho koia, nae behe, nae hu a Josefa ki fale ke fai ene gaue; bea nae ikai ha tagata oe kakai oe fale i ai. Bea naa ne buke ki hono kofu, o ne behe, Ha‘u ke ta mohe; ka nae jiaki e Josefa hono kofu i hono nima, ka ka hola ia o hao kitua.

Bea nae hoko o behe, i he ene mamata kuo tuku hono kofu ki hono nima, bea kuo hola ia kitua, Naa ne ui ki he kau tagata o hono fale, o ne behe kiate kinautolu, Vakai, kuo ne omi ae Hebelu ni ke bauuji‘i mai kiate kitautolu: nae ha‘u ia kiate au ke ma mohe mo ia, beau kalaga i he le‘o lahi: Bea kuo fanogo ia kuou hiki hoku le‘o o kalaga, iloage, naa ne jiaki hono kofu kiate au, ka ka hola, bea mole kituaa. Bea naa ne tuku mau hono kofu, kae oua ke ha‘u ene eiki. Bea naa ne lea kiate ia i he lea ni, o behe, Koe tamaioeiki Hebelu naa ke omi kiate kitautolu, nae ha‘u kiate au ke bauu mai kiate au. Bea i he eku hiki hake hoku le‘o o kalaga, iloage, naa ne jiaki hono kofu kiate au, bea hola kituaa. Bea kuo fanogo a ene eiki ki he gaahi lea a hono unoho, aia naa ne lea aki kiate ia, o ne behe, Nae fai behe a hoo tamaioeiki kiate au; nae tubu ai ene ita lahi. Bea nae ave a Josefa e he ene eiki, ki he fale fakabobula, ki he botu nae ha‘i ai ae kau bobula ae tu‘i: bea nae nofo ai ia i he fale fakabobula.

Oua naa ke tonofefine.

Oua naa ke manumanu ki he fale o ho kaugaabi, oua naa ke manumanu ki he unoho o ho kaugaabi, be ki he ene tamaioeiki, be ki he ene kaunaga, be ki he ene faga bulu, be ki he ene asi, be ki ha mea e taha oku a ho kaugaabi.

Koia e mohe moe manu koe mooni e tamate‘i ia.

Oua naa ofi atu ha taha iateki moutolu ki ha toko taha oku kaiga mooni mo ia ko hono fakatelefua‘i: Ko au ko Jihova. Koe telefua o hoo tamai be koe telefua o hoo fa‘e oua naa ke tatala: he ko hoo fa‘e ia; e ikai te ke fakatelefua‘i ia. Oua naa ke fakatelefua ae unoho o hoo tamai; he koe telefua ia o hoo tamai. Oua naa ke fakatelefua a ho tuofefine koe ofefine o hoo tamai, be koe tama o hoo fa‘e, be kuo ne tubu i abi, be tubu i he mamao, oua naa ke tatala ho nau telefua. Oua naa ke fakatelefua ae ofefine o ho foha, be koe tama a ho ofefine; he ko ho nau telefua ko ho telefua oou ia. Bea koe telefua oe tama ae unoho o hoo tamai, kuo tubu i hoo tamai, ko hoo tuofefine ia, oua naa ke fakatelefua ia. Oua naa ke fakatelefua ae tuofefine o hoo tamai: he koe kaiga fefine ofi ia o hoo tamai. Oua naa ke fakatelefua ae tokoua o hoo fa‘e: he koe kaiga fefine ofi ia o hoo fa‘e. Oua naa ke fakatelefua ae tokoua o hoo tamai, oua naa ke unuunu o ofi ki hono unoho; he ko ho mehikitaga ia. Oua naa ke fakatelefua a ho ofefine i he fono: he koe unoho ia o ho foha; oua naa ke fakatelefua ia. Oua naa ke fakatelefua ae unoho o ho tokoua: he koe telefua o ho tokoua ia. Oua naa ke fakatelefua ha fefine mo ene tama, bea oua naa ke ave ae ofefine o ene tama, be koe tama a ene tama, ke fakatelefua ia; he ko hono kaiga fefine ofi akinautolu; koe mea kovi ia. Bea oua naa ke unoho moe tokoua o ho unoho ke fakamamahi aki ia, mo fakatelefua ia i he ene kei moui aana.

Bea oua naa ke unuunu o ofi ki ha fefine ke fakatelefua ia, lolotoga kuo vahe‘i ia i he ene tae maa. Bea oua foki naa ke mohe agahala moe unoho o ho kaugaabi, ke fakauli‘i koe mo ia. Bea oua naa ke tuku ke alu a ho hako i he afi kia Moleki, bea oua naa ke fakaogokovi ae huafa o ho Otua; Ko au ko Jihova. Oua naa ke mohe mo ha tagata, o hage koe mohe moe fefine: koe mea fakalielia ia. Bea e ikai te ke mohe mo ha manu ke fakauli‘i koe i ai: bea oua naa tuu ha fefine i he ao oe manu ke tokoto ki ai: koe mea kovi fakaulia ia.

Oua naa ke fakaagahala‘i ho ofefine, be fakahoko ia koe fefine fai agahala; telia naa higa ae fonua ki he feauaki, bea hoko o fonu ae fonua i he aga kovi.

Bea koe tagata oku tono‘i ae unoho oe tagata e toko taha, io, koia oku tono‘i ae unoho o hono kaugaabi, koe tagata tonofefine moe fefine tonotagata, e tamate‘i mooni akinaua. Koe tagata oku mohe moe unoho o ene tamai kuo fakatelefua eia a ene tamai: e tamate‘i akinaua fakatouoji be; e iate kinaua ho na toto. Bea kabau e mohe ae tagata mo hono ofefine i he fono, e tamate‘i akinaua fakatouoji be: kuo na fai fakamaveuveu; e iate kinaua ho na toto. Bea kabau e mohe ha tagata moe tagata, o hage ko ene mohe moe fefine, kuo na fai fakalielia fakatouoji be; ke tamate‘i mooni akinaua; e iate kinaua ho na toto. Bea kabau oku omi e ha tagata mo hono unoho ae fa‘e a hono unoho ke na unoho, koe mea kovi ia: e tutu akinautolu aki ae afi, aia mo kinaua; koeuhi ke oua naa ai ha kovi iate kimoutolu. Bea kabau e mohe ha tagata moe manu, e tamate‘i mooni ia: bea ke mou tamate‘i ae manu. Bea kabau e unuunu atu ha fefine ki ha manu, bea tokoto ki ai ia, e tamate‘i ae fefine, moe manu: e tamate‘i mooni akinaua; e iate kinaua ho na toto.

Bea kabau e ave e ha tagata hono tuofefine, koe ofefine o ene tamai, be koe tama a ene fa‘e, o mamata ki he ene telefua, bea mamata ia ki he ene telefua aana; koe mea kovi ia: bea e motuhi akinaua i he ao o ho na kakai: kuo tatala o fakatelefua a hono tuofefine; e fua eia ene hia. Bea kabau e mohe ha tagata moe fefine oku iate ia hono mahaki, bea tatala hono mahaki; kuo ne fakatelefua hono mahaki, bea kuo tatala eia ae mata o hono toto: bea e motuhi akinaua fakatouoji mei ho na kakai. Bea oua naa ke fakatelefua ae tokoua o hoo fa‘e, be koe tuofefine o hoo tamai: he koia oku ne fai behe oku fakatelefua hono kaiga ofi: te na fua e na hia. Bea kabau e mohe ha tagata moe unoho oe tokoua o ene tamai, kuo fakatelefua eia a hono tuajina: te na fua e na agahala: te na mate tae ha fānau. Bea kabau e ma‘u e ha tagata ae unoho a hono tokoua, koe mea tae maa ia: kuo fakatelefua a hono tokoua; te na mate tae ha fānau.

E ikai te nau fakamau unoho mo ha fefine faa feauaki, be ha taelotu; bea oua naa nau ma‘u ae fefine kuo tukuage mei hono unoho: he oku maonioni ia ki hono Otua. Koia ke ke fakamaonioni‘i ia; he oku ne atu ae ma a ho Otua; e maonioni ia kiate koe: he ko au Jihova, oku ou fakamaonioni‘i akimoutolu, oku ou maonioni. Bea koe ofefine o ha taulaeiki, kabau oku ne fakahala‘i eia ia i he fai feauaki, oku ne fakahala‘i ene tamai: e tutu aki ia ae afi.

Koe fefine baea, be koe fefine fakamavae, be koe taelotu, be koe feauaki, ko kinautolu ni e ikai te ne fili: kae ma‘u eia ha taahine mei hono kakai ko hono unoho.

Ke ke fakaha ki he fānau a Isileli, o ke behe kiate kinautolu, kabau e afe ae unoho o ha tagata, o fai mea kovi kiate ia, Bea kabau e mohe ha tagata mo ia, bea fakafufu ia mei he mata o hono unoho, bea oku ikai fakaha, bea kuo ne uli‘i ai, bea oku ikai ha taha ke tukuaki‘i ia, bea nae ikai mamata ki ai ha taha;

Ko eni ae fono oe fuaa oka afe atu ae fefine ki ha taha kae tuku a hono unoho, bea oku uli ai ia.

Bea, vakai, nae ha‘u ae toko taha oe fānau a Isileli o omi ki hono kaiga ha fefine Mitiane i he ao o Mosese, bea i he ao oe kakai kotoabe oe fānau a Isileli, lolotoga e nau tagi i he vee mataba oe fale fehikitaki oe kakai.

Bea oua naa ke tonofefine.

Bea oua naa ke holi ki he unoho o ho kaugaabi, bea oua naa ke manumanu ki he fale o ho kaugaabi, be ki he ene goue, be ki he ene tamaioeiki, be ki he ene kaunaga, be ki he ene bulu, be ki he ene asi, be ki ha mea e taha oku a ho kaugaabi.

Ke oua naa kofu aki e he fefine aia oku kau ki he tagata, bea oua naa ai e he tagata ae kofu fakafefine: he ko kinautolu oku fai behe oku kovi lahi kia Jihova ko ho Otua.

Bea kabau oku mooni ae mea ni, bea oku ikai ilo ae gaahi fakailoga oe taahine ki he fefine: Te nau toki omi kitua ae fefine mei he mataba oe fale o ene tamai, bea e tologaki ia e he kau tagata o hono kolo aki ae maka ke mate ia, koe mea i he ene fai agakovi i Isileli, o fai feauaki i he fale o ene tamai: e behe be hoo tukuage ae kovi meiate kimoutolu.

Kabau e ilo ha tagata oku mohe ia moe fefine kuo mali unoho, e mate fakatouoji ai akinaua, ae tagata nae mohe moe fefine, bea moe fefine: e behe be hoo tukuage ae kovi mei Isileli.

Kabau oku boloi ha taahine koe tāuboou ki ha tagata, bea ma‘u ia e ha tagata i he kolo, bea mohe mo ia; Te mou toki omi akinaua kitua ki he mataba oe kolo, bea te mou tologaki aki akinaua ae maka ke na mate: ae fefine, koeuhi nae ikai kalaga ia, ka kuo ne i he kolo; moe tagata koe mea i he ene fakahala‘i ae unoho o hono kaugaabi: e behe be hoo tukuage ae kovi meiate kimoutolu.

Bea kabau oku ma‘u i he goue e ha tagata ae taahine boloi, bea tohotoho ia, bea mohe mo ia: koe tagata be nae mohe mo ia e mate: Ka e ikai te ke fai ha mea ki he taahine; oku ikai i he taahine ha agahala ke mate ai ia: ka oku hage koe tuu hake ha tagata ki hono kaugaabi, o ne tamate‘i ia, oku behe be ae mea ni: He naa ne ma‘u ia i he goue, bea nae kalaga ae taahine boloi, ka nae ikai ha toko taha ke fakamoui ia.

Kabau oku ma‘u e ha tagata ha taahine koe tāuboou, aia oku ikai boloi, bea buke ia, bea mohe mo ia, bea kuo ilo akinaua; Behe e atu e he tagata nae mohe mo ia ki he tamai ae taahine ae sikeli siliva e nimagofulu; bea e hoko ae fefine koia ko hono unoho: koe mea i he ene fakahala‘i ia, oku ikai lelei ene tukuage ia lolotoga a ene moui kotoabe.

Ke oua naa unoho ha tagata moe unoho o ene tamai be fakatelefua ene tamai.

Oua naa hoko ae foi agahala ki he fakataha oe kakai a Jihova; io o a‘u atu ki hono hogofulu o ene toutagata e ikai hoko ia ki he fakataha oe kakai a Jihova.

Oua naa ai ha fefine feauaki i he gaahi ofefine o Isileli, bea oua naa ai ha tagata agahala fakalielia i he gaahi foha o Isileli. Oua naa ke omi ae totogi oe feauaki be koe totogi oe kuli ki he fale o Jihova ko ho Otua i ha fuakava e taha: he koe mea kovi fakatouoji be ia kia Jihova ko ho Otua.

Ke malaia ia oku mohe moe unoho o ene tamai; he oku ne fakatelefua ene tamai. Bea e behe e he kakai kotoabe, Emeni.

Ke malaia ia oku mohe mo ha manu. Bea e behe e he kakai kotoabe, Emeni.

Ke malaia ia oku mohe mo hono tuofefine, koe ofefine o ene tamai, be koe tama a ene fa‘e. Bea e lea behe e he kakai kotoabe, Emeni.

Ke malaia ia oku mohe mo ene fa‘e i he fono. Bea e behe e he kakai kotoabe, Emeni.

BEA nae alu a Samisone ki Kesa, o ne mamata i ai ki he fefine agahala, bea alu ia kiate ia.

BEA i he gaahi aho koia aia nae ikai ha tu‘i i Isileli, nae hoko o behe, nae ai ae tagata Livai e taha nae āunofo i he botu oe mouga o Ifalemi, bea naa ne omi ha jinifu ke na feagaiga mei Betelihema‐juta. Bea nae fai agahala e hono fefine kiate ia, bea hola ia meiate ia ki he fale o ene tamai i Betelihema‐juta, bea nae i ai ia i he mahina katoa e fa.

Bea i he e nau fakafiefia‘i ho nau loto, vakai, nae oho mai o kabui ae fale e he kau tagata oe kolo, ae fānau oe kovi, o tuki ki he mataba, bea naa nau lea ki he eiki oe fale, ae tagata motua, o behe, Omi ae tagata kitua aia nae ha‘u ki ho fale ke mau ilo ia. Bea nae alu kitua ae tagata, ae eiki oe fale kiate kinautolu, mo ne behe kiate kinautolu, Ikai, e hoku kaiga, oku ou kole kiate kimoutolu, oua naa mou fai kovi behe; koe mea i he ha‘u ae tagata ni ki hoku fale, oua naa mou fai ae vale ni. Vakai, ko eni hoku ofefine koe taahine, bea moe fefine aana teu omi akinaua ni, bea mou fakavaivai akinaua, bea fai kiate kinaua, aia oku lelei kiate kimoutolu: kae oua naa mou fai ki he tagata ni ha mea kovi lahi behe ni. Ka nae ikai fietokaga ki ai e he kau tagata: koia nae too ai e he tagata hono fefine o omi ia kitua kiate kinautolu; bea naa nau ilo ia, o fai kovi kiate ia i he bo kotoa koia o a‘u ki he bogibogi: bea i he hegihegi hake, naa nau tukuage ia ke alu. Bea ha‘u ai ae fefine i he mafoa ae ata oe aho o to ki he mataba oe fale oe tagata nae i ai ene eiki, ke oua ke aho. Bea nae tuu hake ene eiki i he bogibogi, bea too ae gaahi mataba oe fale, bea nae alu ia kitua ke hoko hono fonoga: bea, vakai, koe fefine, ko hono unoho kuo to ki lalo ia i he mataba oe fale, bea nae ala atu hono nima ki he huaga oe mataba. Bea behe eia kiate ia, Tuu hake, bea ke tau o. Ka nae ikai jii ha lea. Bea hiki hake ia e he tagata o fakaheka ki he asi, bea tuu hake ae tagata, o fonoga atu ki hono fonua. Bea i he ene hoko ki hono fale, nae too eia ae hele, bea ne buke hono unoho, bea tafa‘i eia ia mo hono gaahi hui, koe koga jino e hogofulu ma ua, bea nae ave ia ki he gaahi botu kotoabe o Isileli. Bea nae hoko o behe, ko kinautolu kotoabe nae mamata ki ai naa nau behe, Kuo ikai mamata e ha toko taha ki ha mea behe kuo fai, talu ae aho nae alu hake ai ae fānau a Isileli mei he fonua ko Ijibite o a‘u ki he aho ni: mou tokaga ki ai, fai ae alea, bea fakaha ho mou loto.

Bea te tau fili ae kau tagata e toko hogofulu mei he toko teau i he gaahi faahiga kotoabe o Isileli, moe toko teau i he toko afe, moe toko afe mei he toko mano kotoabe, koeuhi ke nau tokonaki meakai ki he kakai, koeuhi ka nau ka hoko ki Kibea o Benijimani, ke nau fai o fakatatau ki he agakovi kuo nau fai i Isileli. Koia nae katoa ae kau tagata kotoabe o Isileli o tuu hake ki he kolo, o nau kau loto taha o hage koe tagata be taha.

Bea kuo motua lahi a Ilai, o ne fanogo ki he mea kotoabe nae fai e hono ogo foha ki Isileli kotoabe; moe nau mohe moe kau fefine nae fakataha i he mataba oe fale fehikitaki oe kakai.

Bea nae hoko o behe i he efiafi e taha, nae tuu hake a Tevita mei hono mohega, bea naa ne eveeva ki oluga i he tua fale oe tu‘i: bea naa ne mamata mei he tua fale ki he fefine nae fai ene kaukau; bea nae hoihoifua aubito ae fefine ke jio ki ai. Bea nae fekau e Tevita ke fehui be kohai ae fefine. Bea nae tala mai, Ikai ko Batiseba ia, koe ofefine o Iliami, koe unoho o Ulia koe tagata Heti? Bea nae fekau atu e Tevita ae kau talafekau, o nau omi ia; bea naa ne ha‘u kiate ia, bea naa ne mohe moia; bea nae fakamaa ia mei he ene taemaa: bea nae toe alu ia ki hono fale. Bea nae tuituia ae fefine, bea naa ne fekau ke fakaha kia Tevita, o behe Kuou feitama.

Ka koeha kuo ke baetaku ai ki he fekau a Jihova, ke fai ae kovi i hono ao? kuo ke tamate‘i a Ulia koe tagata Heti i he heleta, bea kuo ke omi a hono unoho ke unoho mo koe, bea kuo ke tamate‘i ia aki ae heleta oe fānau a Amoni. Bea koeni foki, e ikai mahui ae heleta mei ho fale o taegata; koeuhi kuo ke manuki kiate au, bea kuo ke omi ae unoho o Ulaia koe tagata Heti, ke hoko ko ho unoho. Oku behe e Jihova, Vakai, teu fakatubu hake ae kovi kiate koe mei ho fale be oou, bea teu too atu mei ho ao a ho gaahi unoho, o atu akinautolu ki ho kaugaabi, bea e mohe ia mo ho gaahi unoho i he ao oe laa ni. He naa ke fai fufu ia e koe: ka teu fai eau ae mea ni i he ao o Isileli katoa, bea i he ao oe laa.

Bea i he ene omi ia kiate ia ke ne kai, naa ne buke ia, o ne behe ki ai, Ha‘u hoku tuofefine ke ta mohe mo au. Bea naa ne beheage eia, E ikai, a hoku tuogaane, oua naa ke fakamā‘i au; he oku ikai totonu ke fai ha mea behe i Isileli: oua naa ke fai ae vale ni. Bea ko au, teu tuku ke alu kife a hoku fakamā? bea ko koe, te ke hage koe ko ha taha oe kau vale i Isileli. Koia foki, oku ou kole kiate koe, ke ke lea ki he tu‘i; he koeuhi e ikai te ne taofi au meiate koe. Ka ne ogo eni nae ikai fie tokaga ia ki he ene lea: bea koe mea i he ene malohi lahi iate ia, naa ne tohotoho‘i ia, bea mohe moia.

KA nae ofa a Solomone ki he kau fefine toko lahi oe kakai kehe, fakataha moe ofefine o Felo, koe kau fefine mei Moabe, mo Amoni, mo Itomi, mo Saitoni, bea mo Heti; Koe gaahi buleaga nae behe ai e Jihova ki he fānau a Isileli, E ikai te mou hu atu kiate kinautolu, bea e ikai te nau hu mai kiate kimoutolu: he koe mooni te nau liliu ho mou loto ke muimui ki ho nau gaahi otua: nae bikitai a Solomone kiate kinautolu ni i he mamana ki ai. Bea naa ne ma‘u ae unoho e fitugeau nae eiki lahi, bea moe jinifu e toko tolugeau: bea nae fakatafoki hono loto e hono gaahi unoho. He nae hoko o behe, i he ene fakaaau o motua a Solomone, nae fakatafoki a hono loto e hono gaahi unoho ke muimui ki he gaahi otua kehe: bea nae ikai haohaoa hono loto i he ao o Jihova ko hono Otua, o hage koe loto o Tevita ko ene tamai. He nae muimui a Solomone ki he otua fefine oe kakai Saitoni ko Asiteloti, bea kia Milikomi koe mea fakalielia ae kakai Amoni. Bea nae fai kovi a Solomone i he ao o Jihova, bea nae ikai muimui haohaoa ia kia Jihova, o hage ko Tevita ko ene tamai.

Bea nae ai ae kakai foki i he fonua nae agafakasotoma: bea naa nau fai o fakatatau moe gaahi mea fakalielia kotoabe oe gaahi buleaga aia nae kabuji atu mei he ao oe fānau a Isileli.

Bea naa ne ave mei he fonua ae kakai agafakasotoma, mo ne ave ae gaahi tamabua aia nae gaohi e he ene gaahi tamai.

Bea koe toega kakai agafakasotoma aia nae toe i he gaahi aho o ene tamai ko Asa, naa ne ave mei he fonua.

Bea naa ne holoki hifo ae gaahi fale oe kakai agafakasotoma, aia nae ofi ki ke fale o Jihova, aia nae fai ai e he kau fefine e nau lalaga ae gaahi buibui ki he vaotabu.

Oku fakamooni e Jobe ki he ene fai totonu i he ene gaahi gaue. NAAKU fai ae fuakava mo hoku mata; bea ka kuo behe, koeha teu jiofia ai ha taahine?

Ke fakamoui koe mei he fefine muli, io, mei he muli oku lea fakaoloolo; Aia kuo ne liaki ae fakahinohino i he ene kei jii, bea kuo ne fakagalogalo‘i ae fuakava a hono Otua.

He oku to‘i ae lougutu oe fefine muli o hage koe geeji oe honi, bea oku molemole lahi hake i he lolo a hono gutu: Ka oku tatau moe kona ii a hono ikuaga, o majila o hage ha heleta fakatoumata.

E hoku foha, koeha ka ke ka he ai i he fefine muli, bea fāufua ki he fatafata oe muli?

Ke fakahaofi koe mei he fefine agahala, mei he lea fakaoloolo ae fefine muli. Oua naa ke holi i ho loto ki hono fakaofoofa; bea oua naa tuku ke ne kākā‘i koe aki hono laumata. He koe mea i he fefine feauaki oku fakamajiva‘i ae tagata ke toe jii ene koga ma: bea e tuli e he tonotagata ae moui mahuiga. E faa ai e ha tagata ae afi ki hono fatafata, bea ikai vela hono gaahi kofu? E eveeva ha taha i he fuga maka vela, ka e ikai vela hono va‘e? Oku behe aia oku alu atu ki he unoho o hono kaugaabi; e ikai tonuhia ia oku ala ki ai.

Ka koia oku tonofefine, oku majiva boto: koia oku ne fai ia oku fakaauha eia hono laumalie oona.

Koeuhi ke na fakamoui koe mei he fefine muli, mei he muli oku fakaoloolo aki ene gaahi lea. He naaku jio atu mei he mataba o hoku fale mei he mataba jioata. Bea naaku vakai ki he kakai vale, bea neu ilo‘i i he kau talavou ae tagata talavou oku majiva i he boto, Nae alu atu i he hala o ofi ki hono abi; o ne alu i he hala ki hono fale, I he efiafi bouli, i he bo uliuli mo fakabouli: Bea vakai, nae fakafetaulaki mai kiate ia ae fefine oku kofu i he kofu oe faa feauaki, o loto kākā.

Naa ne fakavaivai‘i ia aki a ene gaahi lea matamata lelei, o ne ma‘u ia i he fakaoloolo a hono gutu. Koia naa ne alu muimui leva iate ia, o hage koe bulu ke tamate‘i, bea hage koe vale ki he tautea oe akau fakamau va‘e; Kae oua ke aji ae gahau ki hono ate; io, o hage koe manu oku oho vave ki he tauhele, o ikai ke ne ilo koe mea ke oji ai ene moui. E fānau, ke mou fanogo eni kiate au, bea mou tokaga ki he gaahi lea a hoku gutu. Oua naa tuku ke alu atu ho loto ki hono hala, oua naa mou he i hono gaahi aluaga. He kuo li hifo eia ae toko lahi kuo lavea; io, kuo tamate‘i eia ae kau tagata malohi toko lahi. Ko hono fale koe hala ia ki heli, oku alu hifo ia ki he nofoaga oe mate.

E fakamoui ae maonioni i he e nau agatonu: ka e moua ae agahala i ha e nau kovi anautolu.

Koe gutu oe kau fefine kovi koe luo taumamao: bea e to ki ai aia oku fehia ki ai a Jihova.

He oku tatau moe luo taumamao ae fefine faa feauaki; bea koe fefine aga kehe oku tatau moe luo abiabi. Oku ne toi foki o hage ha kaihaa, bea oku ne fakatokolahi ae kau agahala i he kakai.

Ko ia oku manako ki he boto oku ne fakafiefia‘i a ene tamai: ka oku maumau‘i ene koloa eia oku kaumea moe kau faa feauaki.

Oku behe ae aga ae fefine tonotagata; oku ne kai, o ne holoholo hono gutu, o ne behe, Nae ikai teu fai ha kovi.

Bea oku ou ilo oku kona lahi hake i he mate ae fefine koia oku tatau hono loto moe tauhele moe kubega, bea ko hono nima oku hage koe gaahi ha‘i: ka koia ia oku lelei i he ao oe Otua, e hao ia mei ai; ka e moua ae agahala kiate ia.

Hono ikai liliu fau ae kolo nae agatonu koe faa feauaki! nae fonu ia i he fakamāu; nae nofo ai ae maonioni; ka oku i ai ni ae kau fakabo.

Kae unuunu mai ki heni, akimoutolu ae gaahi tama ae fefine fiemana, koe hako oe tonofefine moe feauaki.

OKU nau behe, Kabau e tukuage e ha tagata a hono unoho, bea te ne alu iate ia, bea unoho moe tagata kehe, te ne toe ha‘u kiate ia? ikai oku uli lahi ai ae fonua koia? ka kuo ke fai agahala moe mamana toko lahi: ka oku kei behe, e Jihova, Tafoki mai kiate au. Haga hake ho mata ki he gaahi botu maoluga, bea vakai ha botu nae ikai te ke agahala ai. Kuo ke tatali kiate kinautolu i he gaahi hala, o hage koe Alebea i he toafa; kuo ke fakauli‘i ae fonua i hoo agahala, mo hoo fai kovi. Koia kuo taofi ai ae uha tuu mo to, bea nae ikai ai ae uha mui; kuo ke ma‘u ae foi la‘e oe fefine agahala, bea koia oku ikai te ke ma ai.

Bea nae behe foki e Jihova kiate au i he gaahi aho o Josaia koe tu‘i, Kuo ke mamata aia kuo fai e Isileli fakaholomui? kuo ne alu hake ki he gaahi mouga maoluga kotoabe, bea fai agahala, i he lolo akau mata kotoabe. Bea hili ene fai ae gaahi mea ni kotoabe, naaku behe, Ke ke tafoki kiate au. Ka nae ikai te ne tafoki. Bea nae mamata ki ai a hono tokoua kākā ko Juta. Be neu mamata, i he eku tukuage a Isileli fakaholomui beau atu kiate ia ae tohi fakamavae, koe mea i he ene gaahi fai hala, ka nae ikai ke manavahe ai a hono tokoua kākā ko Juta, ka naa ne toe alu mo ia o fai agahala foki.

Oku behe e Jihova, E fale o Isileli, koe mooni kuo mou fai kākā kiate au, o hage koe fefine kākā kuo liaki hono unoho.

E fefe eku fakamolemole koe koeuhi koe mea ni? kuo jiaki au e hoo fānau, bea fuakava iate kinautolu oku ikai koe gaahi otua: hili eku fafaga akinautolu ke makona, naa nau fai agahala, bea nau fakataha o toko lahi i he gaahi fale oe kau faa feauaki. Bea naa nau hage koe faga hose tau kuo fafaga i he bogibogi: bea naa nau taki taha holi ki he unoho o hono kaugaabi.

Te mou kaihaa, mo fakabo, mo feauaki, mo fuakava loi, mo tutu mea namu kakala kia Beali, bea muimui ki he gaahi otua kehe aia oku ikai te mou ilo‘i;

Kuou mamata ki hoo tonotagata, mo hoo holi, mo hono lahi o hoo feauaki, mo hoo fai fakalielia i he gaahi mouga moe goue. E malaia koe, E Jelusalema! oku ikai te ke fie maa? E hoko fakakū ia?

Bea i he kau balofita o Jelusalema kuou mamata foki ki he mea fakailifia: kuo nau fai feauaki, bea aeva i he gaahi loi: kuo nau tokoni foki ae nima oe kau fai kovi, bea koia oku ikai tafoki ai ha taha mei he ene agahala: kuo nau hoko kotoabe o hage ko Sotoma kiate au, bea mo hono kakai o hage ko Komola.

Koeuhi kuo na fai kovi i Isileli, bea tono‘i ae unoho o ho na kaugaabi, bea kuo na lea aki ae gaahi lea loi i hoku huafa, aia nae ikai teu fekau kiate kinautolu; he oku behe e Jihova, Oku ou ilo‘i, bea ko hono fakamooni au.

Naa nau tohotoho ae kau fefine i Saione, ae kau tāuboou i he gaahi kolo o Juta.

Ka naa ke falala koe ki ho hoihoifua, bea naa ke fai feauaki, koe mea i ho ogoogo, naa ke fai hoo feauaki kiate ia kotoabe nae aluage; nae aana be ia. Bea naa ke too ho gaahi kofu bea ne ke teuteu aki ia ho gaahi botu maoluga i he mea bule kehekehe, bea naa ke fai feauaki i ai: bea e ikai toe hoko ha mea behe; e ikai aubito behe. Bea kuo ke too ae gaahi teuga lelei o eku koula mo eku siliva, aia naaku foaki kiate koe, mo ke gaohi kiate koe ae gaahi fakatātā oe tagata, bea kuo ke fai agahala moia.

Kuo ke too foki hoo gaahi tama mo hoo gaahi taahine aia kuo ke fanau‘i kiate au, bea kuo ke feilaulau aki akinautolu ke nau auha. Koe mea jii koa eni, a hoo feauaki? Kae umaa a hoo tamatei‘ eku fānau, mo ke tuku akinautolu ke alu atu i he afi maa nautolu? Bea i hoo gaahi fakalielia kotoabe mo hoo feauaki kotoabe oku ikai te ke manatu ki he gaahi aho o hoo kei jii, aia naa ke telefua mo majiva ai, bea ke fakalielia i ho toto be oou.

Kuo ke laga ho fale feauaki i he tefito hala kotoabe bea kuo ke gaohi ho hoihoifua koe fehianekina, mo ke fakaava ho va‘e kiate ia kotoabe nae aluage mo ke fakalahi be ki hoo feauaki. Kuo ke fai agahala foki mo ho kauga nofoaga, koe kakai Ijibite oku jino lalahi: bea kuo ke fakalahi ki hoo feauaki, koe fakatubu ita kiate au. Koia, vakai, kuou mafao atu hoku nima kiate koe, beau fakajiijii hoo mea kai, mo tukuage koe ki he faiteliha anautolu oku fehia kiate koe, ae gaahi ofefine oe kau Filisitia, he oku nau ma i hoo faiaga fakalielia. Kuo ke fai agahala foki moe kakai Asilia, he nae ikai te ke faa fiu; io, kuo ke fai agahala mo kinautolu, ka nae ikai te ke tobono ai. Kuo ke fakalahi foki a hoo feauaki i he fonua ko Kenani o a‘u ki Kalitia; ka naa moia nae ikai te ke fiu ai.

Oiaue! ae vaivai ho loto, Oku behe e Jihova koe Otua, he kuo ke fai eni kotoabe, koe gaue ae fefine faa feauak mo fakamofutofuta; Bea koe mea i hoo laga ha fale feauaki i he tefito hala kotoabe, bea gaohi ho botu maoluga i he hala kotoabe, bea oku ikai te ke tatau moe fefine feauaki koe mea i hoo fehia ki he totogi; Kae hage koe unoho oku tonotagata oku ma‘u ae kakai kehe koe fetogi a hono unoho! Oku foaki totogi ki he kau fefine feauaki kotoabe; ka ko koe kuo ke foaki mea ofa ki ho kau mamana kotoabe, bea ke totogi kiate kinautolu, ke nau ha‘u kiate koe mei he botu kotoabe ki hoo feauaki. Bea oku ke fai kehe koe i hoo fai agahala moe fefine kehe, koeuhi oku ikai muimui ha niihi kiate koe ke fai ae agahala; bea koe mea i hoo fai ekoe ae totogi, ka oku ikai ha totogi e fai kiate koe, koia oku ke kehe ai.

Koia, e fefine feauaki, fanogo ki he folofola a Jihova. Oku behe e Jihova koe Otua; koeuhi nae liligi atu hoo fakalielia, bea fakaha hoo telefua, i hoo fai agahala mo ho kau mamana, moe gaahi tamabua o hoo fakalielia, bea moe toto o hoo fānau aia naa ke tuku kiate kinautolu: Vakai, koia foki teu tanaki ai ho kau mamana kotoabe, akinautolu kuo ke fakafiefia ai koe, mo kinautolu kotoabe kuo ke ofa ki ai, fakataha mo kinautolu kotoabe kuo ke fehia ki ai; io, teu tanaki fakataha akinautolu kiate koe, bea teu fakaha hoo telefua kiate kinautolu koeuhi ke nau mamata ki hoo telefua kotoabe. Bea teu fakamāu‘i koe, o tatau moe fakamāu ki he kau fefine oku maumau ae fakamau unoho mo liligi ae toto: bea teu fakainu aki koe ae toto i he eku houhau mo eku fuaa.

Bea te nau tūgia ho gaahi fale, mo nau fai ae tautea kiate koe i he ao oe kau fefine toko lahi: teu gaohi koe ke ke tuku hoo feauaki, bea e ikai aubito te ke toe fai ha totogi. Koia ia e lolou ai a hoku houhau kiate koe, bea e hiki hoku fuaa meiate koe, bea teu fiemalie, bea e ikai teu toe ita. Koeuhi oku ikai te ke manatu‘i ae gaahi aho o hoo kei jii, ka kuo ke fakamatalili‘i au i he gaahi mea ni kotoabe, koia, vakai, teu fakahoko ki ho tumuaki hono nunua o hoo faiaga, oku behe e Jihova koe Otua: bea e ikai te ke fakalahi aki hoo gaahi fakalielia kotoabe a hoo fai ae fakalielia ko eni.

Oku iate koe ae kau tagata oku feaveaki lea ki he liligi oe toto: bea oku iate koe akinautolu oku kai i he gaahi mouga: oku fai ae fakalielia iate koe. Kuo nau jio iate koe ki he ma oe nau tamai: kuo nau fakatokilalo ia, aia nae fakatabu‘i i hono mahaki. Bea kuo taki taha tono‘i ae unoho o hono kaugaabi, bea kuo taki taha fai kovi mo hono ofefine i he fono, bea kuo taki taha fai kovi mo hono tuo fefine, ae ofefine o ene tamai.

NAE toe hoko foki ae folofola a Jihova kiate au, o behe, Foha oe tagata, nae i ai ae fefine e toko ua koe fānau ae fa‘e be taha: Bea naa na fai agahala i Ijibite; naa na fai agahala i he ena kei jii: bea nae fakagalemu i ai ho nau huhu; bea fakavolu i ai ae mata‘i huhu oe nau kei tāuboou. Bea ko ho na higoa ko Ahola koe taokete, bea mo Aholiba koe tehina: bea nae aaku akinaua, bea naa na fanau‘i ae fānau tagata moe fānau fefine. Bea ko hono uhiga o ho na higoa, ko Ahola ko Samelia ia, bea ko Aholiba ko Jelusalema ia. Bea nae fai agahala a Ahola lolotoga nae aaku be ia; bea naa ne ofa nanivi ki he ene kau mamana ko hono kauga nofoaga koe kau Asilia, Akinautolu nae kofu aki ae kofu bauhiuhi, ae kau eiki tau moe kau bule, koe kau toulekeleka mo talavou akinautolu kotoabe, koe kau heka hose oku faa heka ai. Nae behe ene fai agahala mo kinautolu, akinautolu kotoabe koe kau ogoogo o Asilia, bea mo kinautolu kotoabe naa ne ofa nanivi ki ai: naa ne fakalielia ia mo ho nau gaahi tamabua kotoabe. Bea nae ikai ke tuku eia ae fai agahala mei Ijibite: he naa nau takoto mo ia i he ene kei jii, naa nau fāufua ae huhu o ene kei tāuboou, o nau liligi kiate ia e nau feauaki. Koia kuou tuku ai ia ki he nima o ene kau mamana, ki he nima oe kau Asilia, aia naa ne ofa nanivi ki ai. Ko kinautolu eni, naa nau fakaha ene telefua, bea naa nau too ene fānau tagata mo ene fānau fefine, mo tamate‘i ia aki ae heleta: bea naa ne hoko o ogoogoa ia i he kakai fefine; koe mea i he e nau fai ae fakamāu kiate ia. Bea i he mamata ki ai a hono tehina ko Aholiba, naa ne hoko o fakalielia lahi hake ia i he ene holi kovi, bea lahi hake ae fai feauaki aana i he feauaki a hono taokete. Naa ne ofa nanivi ki he kau Asilia, ko hono kauga nofoaga, ae gaahi eiki tau moe kau bule nae kofu fakaeieiki, ae kau tagata nae heka hose, koe kau talavou toulekeleka kotoabe akinautolu. Bea naaku toki mamata kuo fakalielia‘i ia, bea naa na tatau be i he e na aga; Bea nae tubu be a ene fai agahala: he naa ne jio leva ki he fakatātā tagata nae tohi i he holiji fale, ae fakatātā ki he kau Kalitia nae tohi aki ae ega kulokula, Kuo nonoo aki ae noo a ho nau kogaloto, bea lahi ae teuga bulebule i ho nau ulu, o matamata eiki kotoabe, o hage koe aga ae kau Babilone i Kalitia, koe fonua naa nau fanau i ai: Bea i he ene mamata leva ki ai aki hono mata, naa ne manako ki ai, o ne fekau ae kau talafekau kiate kinautolu ki Kalitia. Bea nae ha‘u ae kau Babilone kiate ia ki hono mohega, o nau fakalielia ia i he e nau fai agahala, bea nae fakalielia ia iate kinautolu, bea nae tafoki hono loto meiate kinautolu. Koia naa ne fakaha ai ene agahala mo ne fakaha ene telefua: koia nae tafoki ai hoku loto ooku meiate ia, o hage koe tafoki hoku loto mei hono tokoua. Ka naa ne fakalahi be ene feauaki, i he ene fakamanatu ki he gaahi aho o ene kei jii, aia naa ne fai fakaagahala ai i he fonua ko Ijibite. He naa ne ofa nanivi ki he e nau ofa, akinautolu oku tatau ho nau kakano moe kakano oe asi, bea tatau ae mea oku ha‘u mei ai mo ia oku ha‘u mei ha hose. Nae behe a hoo manatu‘i ae fai fakalielia a hoo kei jii, i he fāufua e he kau Ijibite ae mata‘i huhu o hoo kei finemui.

E behe a eku gaohi ke tuku a hoo fai fakalielia, mo hoo feauaki nae ha‘u mo koe mei Ijibite: koia e ikai toe jio ho mata kiate kinautolu, bea e ikai te ke toe manatu ki Ijibite. He oku behe e Jihova koe Otua; Vakai teu tukuage koe ki he nima onautolu oku ke fehia ki ai, ki he nima onautolu kuo tafoki mei ai ho loto: Bea te nau gaohi koe i he fehia lahi, bea te nau ave ae fua kotoabe a hoo gaue, bea te nau tuku koe ke ke telefua mo majiva: bea e fakatelefua‘i a hoo fai agahala, io a hoo fakalielia mo hoo feauaki kotoabe. Bea teu fai ae gaahi mea ni kiate koe, koeuhi kuo ke holi ke agahala moe hiteni, bea koeuhi kuo ke fakalielia aki koe a ho nau gaahi tamabua.

Koia oku behe ai e Jihova koe Otua; Koeuhi kuo ke fakagaloi au, mo ke li atu au ki ho tua, koia ia te ke fua ai a hoo fakalielia mo hoo gaahi feauaki. Nae behe foki e Jihova kiate au; Foha oe tagata, e ikai te ke fakamāu‘i a Ahola mo Aholiba? io, fakaha ki ai e na fai fakalielia; Kuo na fai ae tonotatata, bea oku bani toto a ho na nima, bea kuo na fai agahala mo ho na gaahi tamabua, bea kuo na bule‘i ae fānau tagata naa na fanau‘i kiate au, ke alu atu i he afi ke nau auha. Kae umaa ko au ia kuo na fai ki ai ae mea ni: kuo na fakauli‘i hoku fale tabu i he aho be taha, mo na maumau‘i hoku gaahi aho tabu. He nae hili ae tamate e nau fānau ki ho na gaahi tamabua, bea na omi foki i he aho be koia ki hoku fale tabu ke fakalielia‘i ia; bea, vakai, kuo behe be e na fai i he lotolotoga o hoku fale ooku.

Bea mo eni foki, naa ke ave ha fekau ki he kau tagata mei he mamao, aia ne alu ki ai ae fekau; bea vakai, naa nau ha‘u: akinautolu naa ke kaukau ai koe, mo ke vali ho mata, mo ke teuteu aki koe ae gaahi teuga; Bea ke nofo ki he nofoaga fakaeieiki, moe balebale nae teuteu i hono ao, aia naa ke ai ki ai a eku mea namu kakala mo eku lolo aaku. Bea nae i ai ae le‘o oe fuu toko lahi nae fakafiefia mo ia: bea nae omi fakataha moe fuu toko lahi ae kau Sabea mei he toafa, akinautolu oku faa ai ae vesa ki ho nau nima, moe bale lelei ki ho nau ulu. Beau toki behe ai kiate ia nae motua be moe fai agahala, He te nau fai agahala eni mo ia, bea fai eia mo kinautolu? Ka naa nau hu atu kiate ia o hage koe alu ki ha fefine feauaki: nae behe e nau alu atu kia Ahola mo Aholiba ae ogo fefine fakalielia. Bea e fakamāu akinaua e he kakai maonioni o tāu mo ia kuo tonotagata, bea tatau moe fefine kuo liligi toto; he koe ogo tonotagata akinaua, bea oku i ho na nima ae toto

E behe a eku fakagata ae fai fakalielia mei he fonua, koeuhi ke ako aki ia ki he kau fefine kotoabe, ke oua naa fai o hage ko hoo mo fakalielia. Bea te nau totogi kiate kimoua a hoo mo fakalielia, bea te mo fua ekimoua ae hia a hoo mo tauhi tamabua; bea te mo ilo ko au ko Jihova koe Otua.

Ko hono kamataaga oe folofola a Jihova ia Hosea. Bea nae behe e Jihova kia Hosea, Alu, o omi kiate koe ha unoho mei he feauaki moe fānau ae feauaki: he kuo fai e he fonua ae feauaki lahi, o nau mahui mei a Jihova.

Kole ki hoo fa‘e, kole: he oku ikai ko hoku unoho ia, bea oku ikai ko hono unoho au: bea koeuhi koia, tuku ke ne ave ene feauaki mei hono ao, bea mo ene tonotagata mei he vahaa o hono huhu; Telia naaku fakatelefua ia, bea tuku ia ke hage koe aho o hono fanau‘i, bea gaohi ia ke hage koe toafa, bea tuku ia ke tatau moe fonua momoa, bea tamate‘i ia i he fieinu. Bea e ikai teu aloofa ki he ene fānau; he koe fānau ae feauaki akinautolu. He kuo fai e he e nau fa‘e ae feauaki: bea koia ia nae tuituia akinautolu kuo ne fai fakalielia: he naa ne behe, Teu alu atu ki he eku kau mamana, aia oku foaki mai eku ma mo eku vai, a eku fulufulu‘i sibi mo eku filo, a eku lolo mo eku inu.

Koe kabe, moe loi, moe fakabo, moe feauaki, oku ba mai mei ai, bea oku ala ae toto ki he toto.

Oku fehui e hoku kakai ki he e nau fuu akau, bea ko ho nau tokotoko oku fakaha ia kiate kinautolu: he koe laumalie oe feauaki kuo ne fakahe‘i akinautolu, bea kuo nau alu o feauaki mei ho nau Otua. Oku nau feilaulau i he fuga oe gaahi mouga, bea tutu ae akau namu lelei i he gaahi maoluga, i he lolo oke moe bobila moe elemi, koeuhi oku lelei hono malu oia: koia e feauaki ho gaahi ofefine, bea e tonotagata ho mou gaahi unoho. Ikai teu tautea ho mou gaahi ofefine i he e nau feauaki, mo ho mou gaahi unoho i he e nau tonotagata? he oku nau kau taha moe kau fefine feauaki, bea oku nau feilaulau moe kau feauaki: koia, e higa ki lalo ae kakai oku ikai i ai ha boto.

Oku ou ilo a Ifalemi, bea oku ikai buli a Isileli meiate au: he koeni, e Ifalemi, oku ke fai feauaki, bea kuo uli‘i a Isileli. E ikai te nau gaohi e nau aga ke liliu ki ho nau Otua: he koe laumalie oe feauaki oku i loto iate kinautolu, bea oku ikai te nau ilo a Jihova.

Koe mamahi, moe bobula o Isileli, koeuhi koe nau gaahi agahala, moe tauhi tamabua. OUA naa ke nekeneka, e Isileli, i he fiefia, hage koe kakai kehe; he kuo ke alu o feauaki mei ho Otua, kuo ke manako ae totogi i he hahaaga koane kotoabe.

Bea kuo nau talotalo ki hoku kakai: bea kuo nau foaki ha tamajii ke ma‘u aki ha fefine feauaki, bea nau fakatau ae taahine ma ae uaine, koeuhi ke nau inu.

Koeuhi koe gaahi feauaki lahi aubito ae muitau hoihoifua, ae fine eiki oe gaahi mana loi, aia oku fakatau ae gaahi buleaga i he ene faa feauaki, moe gaahi faahiga kakai i he ene mana loi.

Ka naa mo ia, oku mou behe, Koe mea i he ha? Koeuhi koe fakamooni a Jihova kiate koe, bea moe unoho o hoo kei talavou, aia kuo ke fai kākā ki ai: ka koe mooni ko hoo kaumea ia, bea koe unoho ne ke fuakava ki ai. Bea ikai nae gaohi ia eia ke taha be? ka nae iate ia be hono toe oe laumalie. Bea koeha oku taha ai? koeuhi ke ai ha hako maonioni. Koia ke mou tokaga ki hoo mou aga, bea oua naa fai kākā e ha taha ki he unoho o ene kei talavou. He oku behe e Jihova, koe Otua o Isileli, oku ne fehia ki he tukuage: he oku ai ha taha oku ufiufi aki hono kofu a ene fakamalohi, oku behe e Jihova oe gaahi kau tau: koia, tokaga ki hoo mou aga, ke oua naa mou fai kākā.

Bea teu unuunu atu kiate kimoutolu ke fakamāu; bea teu fakamooni tootoo ki he kau kikite kākā mo kinautolu oku fuakava loi, bea kiate kinautolu oku fakamalohi ae totogi oia oku gaue, ae fefine kuo mate a hono unoho, bea moe tamai mate, bea mo kinautolu oku kākā‘i ae muli, bea mo ia oku ikai ke manavahe kiate au, oku behe e Jihova oe gaahi kau tau.

Kuo mou fanogo nae behe kiate kinautolu i mua, Oua naa ke tono fefine: Ka oku ou tala atu kiate kimoutolu, Ko ia oku fakajio ki ha fefine ke holi ki ai, oku tono‘i ia eia i hono loto.

Ka oku ou tala atu kiate kimoutolu, Ko ia e tukuage hono unoho, ka i he ene tono tagata, oku ne fakato-notagata‘i ia: bea ko ia e mali mo ia kuo fakamavae, koe tono fefine ia.

He oku ha‘u mei he loto ae mahalo kovi, moe fakabo, moe tono fefine, moe feauaki, moe kaihaa, moe fakamooni loi, moa lea kovi:

Bea oku ou tala atu kiate kimoutolu, Ko ia e tukuage hono unoho, ka i he ene tono tagata be, bea fakamau ia mo ha toko taha kehe, koe tono fefine ia: bea ko ia e fakamau mo ia kuo tukuage, koe tono fefine ia.

Leo mo lotu, telia naa lava‘i akimoutolu e he ahiahi: koe mooni oku fie fai e he laumalie, ka oku vaivai ae kakano.

He oku mei loto, mei he loto oe tagata, ae mahalo kovi, moe tono‘i unoho moe feauaki, moe fakabo, Moe kaihaa, moe manumanu, moe agahala, moe kākā, moe aga fakalielia, moe mata kovi, moe lea kovi, moe laukau, moe vale: Koe gaahi mea kovi ni kotoabe oku ha‘u mei he loto, oku fakauli‘i ae tagata.

Bea behe eia kiate kinautolu, Ko ia ia e tukuage hono unoho, bea fakamau mo ha taha kehe, oku tono fefine ia kiate ia. Bea kabau e tukuage e he fefine a hono unoho, bea fakamau mo ha taha kehe, oku tono tagata ia.

Oku ke ilo ae gaahi fekau, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Oua naa ke kākā, Fakaabaaba ki hoo tamai mo hoo fa‘e.

Ko ia oku ne tukuage hono unoho, kae mali mo ha taha, oku tono fefine ia: bea ko ia oku ne mali mo ia kuo tukuage mei hono unoho, oku tono fefine ia.

Oku ke ilo ae gaahi fekau, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Fakaabaaba ki hoo tamai mo hoo fa‘e.

Bea koe kau tagata tohi moe Falesi naa nau omi kiate ia ae fefine nae moua i he tono tagata; o nau tuku ia ki he haohaoga, Bea nau behe kiate ia, Akonaki, nae moua ae fefine ni lolotoga ene tono tagata. Bea ko eni, nae fekau e Mosese kiate kimautolu i he fono, ke tologaki ia aki ae maka: ka koeha hoo lea? Naa nau lea behe, ko‘e nau ahiahi‘i ia, koeuhi ke nau talakovi‘i ai ia. Ka nae tulolo hifo a Jisu, bea tohi aki hono tuhu ki he kelekele. Bea i he e nau kei fehui be kiate ia, nae tuu ki oluga ia, o ne behe kiate kinautolu, Ko ia ia iate kimoutolu oku taeagahala, ke li eia ae fuofua maka ki ai. Bea toe tulolo ia, o tohi ki he kelekele. Bea ko kinautolu nae fanogo ai, i he valokia akinautolu e ho nau atamai, naa nau taki taha alu kitua, o fuofua fai mei he ki mu‘a o a‘u ki he ki mui: bea toe toko taha a Jisu, kae tuu ae fefine i loto. Bea kuo tuu hake a Jisu, o ikai mamata ki ha taha ka koe fefine be, bea behe eia ki ai, Fefine, koefe akinautolu naa nau fakailo‘i koe? oku ikai fakahalaia koe e ha taha? Bea behe eia, Eiki, oku ikai ha taha. Bea talaage e Jisu kiate ia, Bea oku ikai teu fakahalaia koe: alu bea oua e toe fai agahala.

Ka ke tau tohi kiate kinautolu, ke nau fakamamao mei he fakalielia oe gaahi tamabua, moe feauaki, moe mea kuo jijina, moe toto.

Ke mou fakamamao mei he meakai kuo feilaulau aki ki he gaahi tamabua, bea mei he toto, moe mea kuo jijina, bea moe feauaki; aia ka mou ka mavahe akimoutolu mei ai, te mou lelei. Jiotoofa atu kiate kimoutolu.

Bea koeuhi koe gaahi Jenitaile oku tui, kuo mau fakamāu mo tohi ke oua te nau fai mea behe, ka ke nau taofi akinautolu mei he mea kuo feilaulau aki ki he gaahi tamabua, moe toto, moe mea kuo jijina, bea moe feauaki.

Koia nae fakatukutuku‘i ai e he Otua akinautolu ki he fakalielia i he gaahi holi kovi a ho nau loto, ke fefa-kalielia‘i ho nau jino iate kinautolu: Koe mea i he e nau fetogi ae Otua mooni aki ae loi, bea nae lahi hake e nau hu mo tauhi ki he mea kuo gaohi, kae jiaki ae Tubuaga, aia oku monuia o taegata, Emeni. Koia nae fakatukutuku‘i ai akinautolu e he Otua ki he gaahi holi kovi: he naa moe nau kau fefine, naa nau liaki aia oku totonu, kae fai aia oku taetāu mo e tau aga: Bea behe foki e he kau tagata, e nau jiaki ae kau fefine, o nau vela i he e nau feholi kovi aki iate kinautolu; o fefaiaki e he kau tagata aia oku taegali, bea naa nau ma‘u kiate kinautolu ae totogi totonu oe nau fai hala koia.

Bea i he ikai te nau loto ke ilo‘i ae Otua, nae fakatukutuku‘i akinautolu e he Otua ki he loto kovi, ke fai ae gaahi mea koia oku ikai gali; Kuo fakafonu aki ae taemaonioni kotoabe, moe feauaki, moe agakovi, moe manumanu, moe fakafajifaji; o fonu i he meheka, moe fakabo, moe feiteitani, moe kākā, moe fajituu;

Akinautolu oku nau ilo ae tuutuuni ae Otua, kuo totonu ke mate akinautolu oku fai ae gaahi mea behe, bea oku ikai ke gata i he e nau fai behe be, ka oku nau kau malie foki mo kinautolu oku fai ia.

Koia ke oua naa tuku ke bule ae agahala i ho mou jino mategofua, ke mou talagofua ki ai i hono gaahi holi. Bea oua naa mou atu ho mou gaahi kubu‘i jino koe mea gaue aki i he taemaonioni ki he agahala: kae atu akimoutolu ki he Otua, o tāu mo kinautolu kuo hao mei he mate, bea mo ho mou gaahi kubu‘i jino koe mea gaue aki i he maonioni ki he Otua.

Oku ou lea o hage be koe tagata, koe mea i he vaivai o ho mou kakano: o hage naa mou tukuage ho mou gaahi kubu‘i jino koe kau tamaioeiki ki he aga fakalielia, bea moe fai agakovi ke fai kovi; ke behe eni hoo mou tuku atu ho mou gaahi kubu‘i jino koe kau tamaioeiki ki he agatonu ke fai maonioni.

Bea koia, kabau e mali ia moe tagata kehe, i he lolotoga ae moui a hono unoho, e ui ia koe tono tagata: bea kabau e mate hono unoho, kuo tauataina ai ia mei he fono koia; bea kabau e mali ia mo ha tagata kehe, oku ikai koe tono tagata ia. Koia, e hoku kaiga, kuo mate foki akimoutolu ki he fono i he jino o Kalaisi; koeuhi ke mou mali mo ha taha, io, kiate ia kuo fokotuu mei he mate, koeuhi ke tubu iate kitautolu ae fua ki he Otua. He nae lolotoga e tau i he aga fakakakano, koe gaahi holi oe agahala, aia nae mei he fono, ne gaue ia i ho tau gaahi kubu‘i jino, ke fakatubu ae fua ki he mate.

Ka oku ou mamata ki he fono e taha i hoku gaahi kubu‘i jino, oku ne tau‘i ae fono o hoku loto, mo ne fakabobula‘i au ki he fono oe agahala aia oku i hoku gaahi kubu‘i jino.

BEA koia oku ikai ai ha fakamalaia kiate kinautolu oku ia Kalaisi Jisu, akinautolu oku ikai ke muimui ki he kakano, ka ki he Laumalie. He koe fono oe Laumalie oe moui ia Kalaisi Jisu, kuo ne fakatauataina au mei he fono oe agahala moe mate. He koia nae ikai mafai e he fono, koe mea i hono vaivai i he kakano, kuo fai e he Otua, i he ene fekau hono Alo oona i he tatau oe kakano agahala, bea koe feilaulau ki he agahala, bea ne fakavaivai ae agahala i he kakano: Koeuhi ke fakamooni ki he maonioni oe fono ekitautolu, oku ikai ke muimui ki he kakano, ka ki he Laumalie. He ko kinautolu oku oe kakano, oku nau tokaga ki he gaahi mea oe kakano; ka ko kinautolu oku oe Laumalie, ki he gaahi mea oe Laumalie. He koe loto fakakakano, koe mate ia; ka koe loto fakalaumalie, koe moui ia moe melino. Koeuhi koe loto fakakakano, koe taufehia ia ki he Otua: he oku ikai ke moulaloa ia ki he fono ae Otua, bea oku ikai aubito faa fai ke behe. Koia ko kinautolu oku i he kakano, oku ikai te nau faa fai ke fiemalie ae Otua.

Koia, e kaiga, koe kau fai totogi akitautolu, kae ikai ki he kakano, ke tau moui ki he kakano. He kabau te mou moui ki he kakano, te mou mate: ka oka mou ka tamate‘i ae gaahi aga oe kakano aki ae Laumalie, te mou moui.

Koe gaahi agaofa ae Otua oku totonu ene ue‘i akitautolu ke tau ofa kiate ia. 3 Oua naa mahalo lelei lahi e ha tagata kiate ia, 6 kae tokaga na tagata kotoabe ki he faiva koia kuo tuku ia ki ai. 9 Oku totonu ke ai ae ofa moe gaahi gaue kehekehe iate kitautolu. 19 Oku taofi totonu ae fakafajifaji. KOENI, e kaiga, oku ou kole ai kiate kimoutolu, koe mea i he gaahi aloofa ogogofua ae Otua, ke mou atu ho mou jino koe feilaulau moui, mo maonioni, mo lelei ki he Otua, aia koe gaue oku tāu mo kimoutolu ke fai.

Koia foki, Oua naa ke tono fefine, Oua naa ke fakabo, Oua naa ke kaihaa, Oua naa ke fakamooni loi, Oua naa ke manumanu; bea ka ai mo ha fekau kehe, oku lau fakataha ia i he fekau ni, aeni, Ke ke ofa ki ho kaugaabi o hage be ko koe.

Ke tau felaka‘i o matamata lelei, o tāu moe aho; ikai i he katoaga kai moe faa kona, be i he feauaki moe agafa-kalielia, bea ikai i he fekeikei moe meheka. Ka ke ai ekimoutolu ae Eiki ko Jisu Kalaisi, bea oua naa tokonaki ma ae gaahi holi oe kakano.

OKU fakaogo lahi mai oku ai ae feauaki iate kimoutolu, bea koe feauaki behe oku ikai jii lau ki ai i he kakai Jenitaile, o behe ke ma‘u e ha taha ae unoho o ene tamai.

Kuou tohi i he tohi kiate kimoutolu, ke oua naa mou fakataha moe kau feauaki: Ka oku ikai koe behe be, ki he kau feauaki oe mamani, be koe kau manumanu, be koe kau fakamalohi, be koe kau tauhi tamabua; he ka ne behe, ta te mou alu be i he mamani. Ka kuou tohi eni kiate kimoutolu, ka ai ha taha oku ui koe kaiga, ka oku feauaki, be manumanu, be tauhi tamabua, be koe manuki, be koe kona, be koe fakamalohi; oua naa fakataha mo ha taha behe, bea oua naa kai mo ia. He kohai au keu fakamāu akinautolu oku ituaa? ikai oku mou fakamāu akinautolu oku i lotoa be? Ka ko kinautolu oku ituaa oku fakamāu‘i e he Otua. Koia ke tukuage iate kimoutolu ae tagata agahala koia.

Ikai oku mou ilo, e ikai hoko e he tae fai totonu ki he buleaga oe Otua? Oua naa kākā‘i akimoutolu: koe kau feauaki, moe kau tauhi tamabua, moe kau tonofefine, moe kau moui fakafiemalie, moe kau fefai fakalieliaaki iate kinautolu, Moe kau kaihaa, moe manumanu, moe kau faa kona, moe kau lea kovi, moe kau fakamalohi, e ikai te nau lava‘i ae buleaga oe Otua. Bea nae behe be ho mou niihi; ka kuo fufulu akimoutolu, ka kuo faka-tabu‘i akimoutolu, ka kuo fakatonuhia akimoutolu, i he huafa oe Eiki ko Jisu, bea i he Laumalie o ho tau Otua.

Koe gaahi mea kai ki he fatu, moe fatu ki he gaahi mea kai: ka e fakaauha ia fakatouoji e he Otua. Ka oku ikai ki he feauaki ae jino, ka ki he Eiki; bea moe Eiki ki he jino.

Ikai oku mou ilo, ko ho mou jino koe gaahi kubu ia o Kalaisi? bea teu ave eni ae gaahi kubu o Kalaisi, o gaohi ia koe gaahi kubu oe faa feauaki? Ikai aubito. Koeha? ikai oku mou ilo, ko ia kuo hoko ki he faa feauaki, oku jino taha? he oku behe eia, E hoko ae toko ua koe kakano be taha. Ka ko ia kuo hoko ki he Eiki, koe laumalie be taha. Buna mei he feauaki. Koe agahala fulibe oku fai e he tagata, oku itua i he jino, ka ko ia oku fai feauaki, oku fai agahala ia ki hono jino oona.

BEA i he gaahi mea koia naa mou tohi ai kiate au: Oku lelei ki he tagata ke oua naa ala ki ha fefine. Ka koeuhi telia ae feauaki, ke ma‘u e he tagata taki taha hono unoho oona, bea ke ma‘u e he fefine taki taha hono unoho oona. Ke atu e he tagata aia oku totonu ki hono unoho: bea ke behe be e he fefine foki ki hono unoho. Oku ikai ke bule e he fefine ki hono jino oona, ka ko hono unoho: bea oku behe foki ae tagata, oku ikai ke bule ia ki hono jino oona, ka ko hono unoho. Oua naa mo fefaaoaki akimoua, ka i hoo mo felotoaki i he aho jii, koeuhi ke mo tukuage akimoua ki he aukai moe lotu; bea mo toe fakataha, telia naa tauvele‘i akimoua e Setani i hoo mo tae faa taofi.

Bea kabau oku ikai te nau faa kataki, tuku ke nau mali: he oku lelei e nau mali i he e nau vela.

Bea kabau oku mahalo e ha taha oku ne fai taegali ki hono ofefine tauboou, kabau kuo lahi lelei ia, bea oku aoga ke behe, ke fai be aia oku ne loto ki ai, oku ikai agahala ia: tuku ke na mali.

Bea oua naa tau fai feauaki, o hage koe fai e ho nau niihi, bea to ai i he aho be taha ae toko ua mano moe toko tolu afe.

Bea ko ia oku mahalo oku ne tuu, ke vakai telia naa higa ia. Oku ikai ha ahiahi e to kiate kimoutolu ka koia oku faa hoko ki he tagata: ka oku mooni ae Otua, bea e ikai te ne tuku ke lahi hono ahiahi‘i akimoutolu i he mea te mou faa fai; ka i he ahiahi e tofa foki eia ae hala ke hao ai koeuhi ke mou faa kataki ia.

He kuo bau e fakaha akitautolu kotoabe i he ao oe nofoaga fakamāu o Kalaisi; koeuhi ke ma‘u taki taha kotoabe ae gaahi mea o fakatatau ki he mea naa ne fai i he jino, be ko ha lelei ia be ko ha kovi.

KOIA, e kaiga ofeina, i he e tau ma‘u ae gaahi talaofa ni, ke tau fakamaa akitautolu mei he uli kotoabe oe kakano moe laumalie, o fakahaohaoa ae maonioni i he manavahe ki he Otua.

Bea telia naa i he eku toe hoko atu e fakavaivai‘i au e hoku Otua iate kimoutolu, bea teu tagilaulau i he toko lahi kuo nau fai agahala bea oku teeki ai ke nau fakatomala i he gaue uli moe feauaki moe agafakalielia aia kuo nau fai.

Ka oku ou behe, Mou aeva i he Laumalie, bea e ikai te mou fai ai ki he holi oe kakano. He oku holi tuu ae kakano ki he Laumalie, moe Laumalie ki he kakano: bea oku fai kehekehe akinaua ni, koe taha ki he taha: koia oku ikai ai te mou faa fai aia oku mou loto ki ai. Kabau oku takiekina akimoutolu e he Laumalie, oku ikai te mou moulaloa ki he fono. Bea oku ha mai ae gaahi gaue ae kakano, ko eni ia; Koe tono fefine, moe feauaki, moe taemaa, moe fakalielia, Moe tauhi tamabua, moe fie mana, moe taufehia, moe fekeikei, moe fefie-lahiaki, moe lili, moe feiteitani, moe mavahevahe, moe gaahi he, Moe femehekaaki, moe fefaka-boaki, moe faa kona, moe gaahi katoaga kai, moe gaahi mea behe ni: aia oku ou tomua tala ni kiate kimoutolu, o hage ko eku tala i he kuoga kuo hili, ko kinautolu oku fai ae gaahi mea behe, e ikai te nau lava‘i ae buleaga oe Otua.

Bea ko kinautolu oku a Kalaisi, kuo nau tutuki ki he akau ae kakano mo hono gaahi ofa mo hono gaahi holi.

Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki. He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

Aia naa tau fai fakataha ai kotoabe i mu’a, i he gaahi holi kovi a ho tau kakano, o fai ki he gaahi holi oe kakano moe loto; bea i he ulugaaga koe fānau oe houhau, o hage koe kakai kotoabe.

Akinautolu oku taemagoi, kuo nau tukuage akinautolu ki he aga fakalielia, ke fai ae gaahi mea uli kotoabe i he fiefie fai.

Ka koe feauaki, moe uli kotoabe, moe manumanu, ke oua naa lea tuo taha ki ai iate kimoutolu, o hage koia oku tāu moe kaiga maonioni; Bea koe fakalielia, moe talanoa launoa, moe fie gutuhua, aia oku ikai lelei: kae lelei lahi ae fakafetai. He oku mou ilo eni, oku ikai ha feauaki, be ha taha uli, be ha tagata manumanu, aia koe tauhi tamabua, te ne ma‘u ha tofia i he buleaga o Kalaisi moe Otua.

Koia mou tamate‘i ho mou gaahi kubu oku i mamani; koe feauaki, moe gaue uli, moe fakalielia, moe holi kovi, moe manumanu, aia koe tauhi tama-bua:

He koe finagalo eni oe Otua, ke mou maonioni, bea ke mou tabu mei he feauaki: Ke mou taki taha ilo ke tauhi hono ibu i he aga fakamaonioni, moe faka-abaaba; Ikai i he holi fakalielia, o hage koe gaahi Jenitaile, oku ikai ke nau ilo ae Otua:

He nae ikai ui akitautolu e he Otua ki he fakalielia, ka ki he maonioni. Ko ia ia oku manuki, oku ikai koe manuki‘i ae tagata, ka koe Otua, aia naa ne foaki kiate kitautolu hono Laumalie Maonioni foki.

O ilo eni, nae ikai gaohi ae fono ki he tagata maonioni, ka ki he kau liaki fono, moe talagataa, moe taelotu, moe kau agahala, ki he taemaa, moe manuki, ki he kau tamate‘i oe tamai moe tamate‘i oe fa‘e, moe kau tamate‘i oe tagata, Ki he kau feauaki, kiate kinautolu oku fefakauliaki akinautolu moe kakai, ki he kau kaihaa tagata, ki he kau loi, ki he kau fuakava loi, bea moia kotoabe oku tuu kehe moe akonaki totonu;

Ke ke buna foki mei he gaahi holi fakatalavou: ka ke tuli ki he maonioni, moe agatonu, moe ofa, moe melino, kiate kinautolu oku ui ki he Eiki i he loto maa.

Koeuhi e ofa ae kau tagata kiate kinautolu be, o manumanu, mo bole-bole, mo laukau, mo lea kovi, mo tala-gataa ki he mātua, mo taefakafetai, mo taemaonioni, O taema‘u ae ofa oku gali moe kaiga, o liaki ae lea fakababau, koe kau lohiaki, koe kau holi kovi, koe kau aga malohi, koe kau manuki kiate kinautolu oku lelei, Koe kau lavaki, o aga ohonoa, mo loto fielahi, koe kau ofa lahi hake ki he gaahi malie fakamama i he e nau ofa ki he Otua; Oku nau ma‘u hono geeji oe lotu, ka oku nau liaki a hono malohi: ke ke afe mei he kakai behe. Bea oku mei he kakai behe akinautolu oku gaolo ki he gaahi fale, o taki bobula ae kau fefine fakavalevale oku efi i he hia, kuo takiekina e he gaahi holi kehekehe,

O ne akonekina akitautolu, ke jiaki ae aga taefaka‐Otua moe gaahi holi fakamama, ka tau moui aga fakabotoboto, mo maonioni, mo aga faka‐Otua, i he mamani;

Telia naa ai ha taha feauaki, be ha manuki oe mea tabu, o hage ko Isoa, aia naa ne fakatau hono lelei oe uluaki foha aki ae mea kai be taha.

Koe fakamau unoho moe mohega taeuli‘i, oku telei ia ki he kakai kotoabe: ka koe kau feauaki moe kau tono fefine e fakamāu e he Otua.

Oku monuia ae tagata oku ne kataki ae ahiahi: he oka ilo ia oku lelei, e ma‘u eia ae bale oe moui, aia kuo talaofa ki ai ae Eiki kiate kinautolu oku ofa kiate ia. Ke oua naa behe e ha taha oka ahiahi kovi‘i ia, Kuo ahiahi kovi‘i au e he Otua: he oku ikai faa ahiahi‘i ae Otua e he kovi, bea oku ikai ahiahi kovi‘i eia ha toko taha: Ka kuo ahiahi kovi‘i ae tagata, aia kuo takiekina, bea fakaoloolo, e he ene holi aana. Bea oka tuituia ae holi kovi, oku fanau‘i koe agahala: bea ka kakato ae agahala, oku fanau‘i ai ae mate.

Oku mou kole, bea ikai ma‘u, koeuhi oku mou kole kovi, koeuhi ke mou fakaoji ia ki hoo mou gaahi holi. Ae kau tono fefine moe kau tono tagata, ikai te mou ilo koe feofoofani mo mamani koe taufehia ia ki he Otua? bea ko ia ia oku loto ke kaiga mo mamani koe fili ia oe Otua.

Ke mou gali moe fānau talagofua, ke oua naa fakatatau akimoutolu ki he gaahi holi i mu‘a hoo mou taeilo:

Oku ou kole atu, e kaiga ofeina, ke mou hage koe kau muli moe aunofo, ke taofi akimoutolu mei he gaahi holi fakakakano, aia oku tau‘i ae laumalie;

BEA koe mea i he mamahi a Kalaisi i he jino koeuhi ko kitautolu, ke teuteu akimoutolu foki aki ae loto be koia: he ko ia kuo mamahi i he jino, kuo tuku eia ae agahala; Koeuhi ke oua naa moui ia i hono toe oe gaahi aho i he jino ki he holi oe tagata, ka ki he finagalo oe Otua. He kuo lahi kiate kitautolu ae kuoga kuo hiliage oe tau moui ke fai ai ae loto oe kakai Jenitaile, aia naa tau aeva ai i he aga fakalielia, moe gaahi holi kovi, moe inu lahi i he uaine, i he gaahi katoaga kai, moe gaahi katoaga inu uaine, moe fakalielia oe tauhi tamabua:

He kabau nae ikai mamae ae Otua ki he kau agelo nae agahala, ka nae li hifo akinautolu ki heli, o tuku ki he gaahi ha‘iha‘i oe fakabouli, ke tatali ki he fakamāu; Bea nae ikai te ne mamae ki he mama motua, ka nae fakamoui a Noa, aia naa ne malaga aki ae maonioni, moe toko fitu, o ne omi ae lomaki ki he mama oe kakai agahala; O ne tuku ae ogo kolo ko Sotoma mo Komola ki he fakaauha, o ne liliu ia koe efuefu, bea ne gaohi ia koe fakailoga kiate kinautolu e moui fai agahala ki mui; O ne fakamoui a Lote agatonu, aia nae mamahi i he ulugaaga fakalielia ae kau agahala: (He nae nofo ae tagata maonioni koia iate kinautolu, bea i he ene mamata mo fanogo, nae fakamamahi a hono laumalie maonioni, i he aho kotoabe, aki e nau gaahi faiaga taetotonu;) Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea: Ka e lahi kiate kinautolu oku aeva o fakatatau ki he kakano i he holi fakalielia, bea nau manuki‘i ae bule. Koe kau aga malohi, moe kau aga fefeka, oku ikai te nau manavahe ke lauikovi ae kau bule.

Ko ho nau mata oku fonu i he tono fefine, bea oku ikai faa tuku ae agahala; oku nau tauhele ae kau laumalie tae-mau: oku iate kinautolu ae loto kuo boto i he gaahi gaue manumanu; koe fānau malaia:

Koeuhi oka nau ka lea aki ae gaahi lea fakafuofuo lahi oe loi, oku nau tauhele i he gaahi holi fakakakano, moe aga fakalielia, akinautolu nae hao mooni meiate kinautolu oku moui hehe be.

O tomua ilo eni, e ha‘u ae kau manuki i he gaahi aho ki mui, o aeva i he e nau gaahi holi kovi a nautolu,

He koe mea kotoabe oku i he mamani, koe holi oe kakano, bea moe holi oe mata, moe laukau oe moui, oku ikai oe Tamai, ka oku oe mamani ia. Bea oku moleage a mamani, bea moe holi o ia: ka ko ia oku ne fai ae finagalo oe Otua, oku nofo mau ia o taegata.

He oku ai ae kau tagata kuo nau fetōlofi fakaboloto, akinautolu nae tohi i mu‘a ki he malaia ni, koe kau tagata taelotu, o nau liliu ae ofa a ho tau Otua koe faiaga agahala, o fakafijiga i he Eiki be taha koe Otua ko ho tau Eiki ko Jisu Kalaisi.

Bea koe kau agelo nae ikai ke tuu mau i ho nau muaki aluga, ka naa nau tukuage ho nau nofoaga, kuo ne tuku ke moua akinautolu ki he gaahi ha‘i taegata oe fakabouli o a‘u ki he fakamāu oe aho lahi. O hage foki ko Sotoma mo Komola, moe gaahi kolo naa nau vaofi mo fai tatau, o nau tuku akinautolu ki he feauaki, moe muimui ki he feholikoviaki, kuo fokotuu koe fakailoga, o nau moua i he totogi oe afi taegata. Oku behe foki akinautolu ni, ae kau miji kovi, oku nau uli‘i ae jino, o manuki‘i ae bule, mo lauikovi ae kau bule.

Ka oku ai ae mea niihi oku ou koviia ai kiate koe, koeuhi oku iate koe akinautolu oku nau tui ki he akonaki a Belami, aia naa ne akonekina a Belaki ke li ae tūkiaaga i he ao oe gaahi foha o Isileli, ke nau kai ae gaahi mea kuo feilaulau aki ki he gaahi tamabua, bea ke fai ae feauaki.

Ka oku ai ae mea niihi oku ou koviia ai kiate koe, koeuhi ko hoo tuku ai be ae fefine ko Jesebeli, aia oku ne ui ia koe balofita fefine, bea oku ne akonekina mo oloa eku kau tamaioeiki ke fai ae feauaki, bea ke kai ae gaahi mea kuo feilaulau aki ki he gaahi tamabua. Bea neu tuku kiate ia ae kuoga ke fakatomala ai i he ene feauaki; ka nae ikai fakatomala ia. Vakai, teu li ia ki ha mohega, mo kinautolu oku fai feauaki mo ia, ki he mamahi lahi, o kabau e ikai te nau fakatomala i he e nau gaahi gaue.

Bea nae ikai te nau fakatomala i he e nau gaahi fakabo, moe nau gaahi fie mana, moe nau feauaki, moe nau faa kaihaa.

Bea nae muimui ae agelo e toko taha, o ne behe, Kuo higa a Babilone, kuo higa ia, ae kolo lahi koia, koeuhi kuo ne fakainu‘i ae buleaga kotoabe i he uaine oe houhau o ene feauaki.

BEA nae ha‘u ae toko taha oe agelo e toko fitu nae i ai ae hina e fitu, o ne lea kiate au, o behe mai kiate au, Ha‘u ki heni; bea teu fakaha kiate koe hono fakamāu oe fuu feauaki, oku heka i he gaahi vai lahi: Aia kuo fai feauaki moe gaahi tu‘i a mamani, bea koe kakai o mamani nae fakakona aki ae uaine o ene feauaki.

He kuo inu e he gaahi buleaga kotoabe i he uaine oe houhau o ene feauaki, bea kuo feauaki mo ia ae gaahi tu‘i o mamani, bea koe kau fakatau o mamani kuo nau koloaia, koe mea i he lahi o ene gaahi mea lelei.

Bea koe gaahi tu‘i o mamani, naa nau feauaki mo moui fakabelebele mo ia, te nau tagi mo tagilāulāu koeuhi koia, oka nau ka mamata ki he kohu o ene vela,

He oku agatonu mo maonioni a ene gaahi fakamāu: he kuo ne fakamāu‘i ae feauaki lahi, aia naa ne uli‘i ae mama aki ene feauaki, bea kuo ne totogi kiate ia ae toto o ene kau tamaioeiki.

Ka koe loto foi, moe taetui, moe fakalielia, moe kau fakabo, moe kau feauaki, moe kau fiemana, moe kau tauhi tamabua, moe loi kotoabe, ko ho nau tofia oku i he ano oku vela i he afi moe sulifa: aia koe mate agaua.