27 – Mamahi

Ka koe akau oe ilo oe lelei moe kovi, e ikai te ke kai mei ai: he koe aho koia te ke kai ai, koe mooni te ke mate.

Bea nae behe eia ki he fefine, Teu fakalahi aubito a hoo mamahi i hoo fanafanau: te ke faele‘i ae fānau i he mamahi; bea e i ho unoho a hoo holi, bea te ne bule‘i koe. Bea nae behe eia kia Atama, Koeuhi kuo ke tokaga ki he le‘o o ho unoho, bea kuo ke kai i he akau aia neu fekau kiate koe, Ke oua naa ke kai ai: kuo malaia ae kelekele koeuhi ko koe; te ke kai mei ai i he mamahi i he gaahi aho kotoabe o hoo moui; E tubu mei ai kiate koe ae akau talatala moe talatalaamoa; bea te ke kai ae akau iki oe fonua; Te ke kai ae meakai i he kakava o ho mata, kae oua ke ke foki ki he kelekele; he nae too koe mei ai: he koe efu koe, bea te ke toe foki ki he efu.

Bea nae behe e Jihova, Koe mooni kuou mamata ki he mamahi a hoku kakai, aia oku i Ijibite, bea kuou ogo‘i e nau tagi koe mea i ho nau kau eginaki gaue: bea oku ou ilo‘i e nau gaahi mamahi: Bea kuou alu hifo ke fakamoui akinautolu mei he nima oe kakai Ijibite, bea ke omi akinautolu mei he fonua koia ki ha fonua lelei mo lahi, koe fonua oku mahu tafea i he hua huhu moe honi; ki he fonua oe kau Kenani moe kau Heti, moe kau Amoli, moe kau Belesi, moe kau Hevi, moe kau Jebusi. Bea koeni, vakai, koe tagi ae fānau a Isileli kuo ogo mai kiate au: bea kuou mamata foki ki he mamahi aia oku fakamamahi aki akinautolu e he kakai Ijibite.

E tau a Jihova maa moutolu, bea te mou fakalogo be.

O ne behe, Kabau te ke faa tokaga ki he le‘o o Jihova ko ho Otua, mo ke fai aia oku totonu i hono ao, mo ke fanogo ki he ene gaahi fekau, o tauhi ene gaahi tuntuuni, e ikai teu ai kiate koe ha mahaki e taha, i he gaahi mahaki, aia naaku omi ki he kakai Ijibite: he ko au Jihova, oku ou fakamoui koe.

Kabau te ke tautea akinautolu i ha mea, bea nau tagi mai kiate au, koe mooni teu ogo‘i e nau tagi;

Bea te mou tauhi a Jihova ko ho mou Otua, bea te ne tabuaki‘i hoo ma mo hoo vai: bea teu too ae mahaki o ave ia mei ate kimoutolu.

Bea kabau kuo hoko o majiva a ho kaiga, bea kuo vaivai ia; bea te ke tokoni ia; ne ogo be koe muli ia be ko ha aunofo kiate koe; koeuhi ke ne moui ai mo koe.

Bea teu foaki ae melino ki he fonua, bea te mou tokoto hifo, bea e ikai fakamanavahe‘i akimoutolu e ha toko taha: bea teu fakaseesee ae faga manu kovi mei he fonua, bea e ikai alu ae heleta o aji i ho mou fonua.

Bea kabau te mou liaki eku gaahi tuutuuni ni, bea kabau e fehia ho mou laumalie ki he eku gaahi fakamāu, bea ikai te mou fai eku gaahi fekau kotoabe, ka mou liaki eku fuakava: Ko au foki teu fai eni kiate kimoutolu; Teu tuku kiate kimoutolu ae fakailifia, moe fakaauaujino, moe bubuke vela, aia e fakakui ai ho mata, bea ne laga‘i ae mamahi i loto: bea te mou tūtū‘i taeaoga hoo mou gaahi tega, koeuhi e kai ia e ho mou gaahi fili. Bea teu jio fakafulofula kiate kimoutolu, bea e tamate‘i akimoutolu i he ao o ho mou gaahi fili: e bule kiate kimoutolu akinautolu oku fehia kiate kimoutolu; bea te mou hola ka oku ikai tuli akimoutolu e ha toko taha.

Oka moua koe i he mamahi, bea kuo hoko ae gaahi mea ni kotoabe kiate koe, io i he gaahi aho amui, kabau te ke tafoki kia Jihova ko ho Otua, bea ke fai talagofua ki hono le‘o; (He ko Jihova ko ho Otua, koe Otua aloofa;) e ikai te ne liaki koe, be fakaauha koe, be fakagalo‘i ae fuakava a hoo gaahi tamai aia naa ne fuakava ai kiate kinautolu.

Bea e too e Jihova iate koe ae gaahi mahaki kotoabe, bea e ikai te ne ai kiate koe ha mahaki kovi e taha o Ijibite, aia oku ke ilo‘i; ka te ne hilifaki ia kiate kinautolu oku fehia kiate koe.

Nae ikai fakaaau o motua ho gaahi kofu, bea nae ikai fufula ho va‘e, i he ta‘u ni e fagofulu. Bea te ke tokaga mo ilo i ho loto foki, oku hage koe tautea e he tagata hono foha, oku behe be ae tautea koe e Jihova ko ho Otua. Koia, ke ke tauhi ae gaahi fekau a Jihova ko ho Otua, ke alu i hono gaahi hala, bea ke manavahe kiate ia.

Oku ne fakamāu eia ma ae tamai mate moe fefine baea, oku ofa ia ki he muli, o ne foaki ki ai ae meakai moe kofu.

Vakai, oku ou tuku i ho mou ao he aho ni ae monuia moe malaia; Koe monuia, o kabau te mou talagofua ki he gaahi fekau a Jihova ko ho mou Otua, aia oku ou fekau kiate kimoutolu he aho ni: Bea koe malaia, o kabau e ikai te mou talagofua ki he gaahi fekau a Jihova ko ho Otua, ka mou tafoki o afe mei he hala aia oku ou fekau kiate kimoutolu he aho ni, ke alu o muimui i he gaahi otua kehe, aia nae ikai te mou ilo.

OKA ke ka alu ke tau‘i ho gaahi fili, mo ke mamata ki he faga hose, moe gaahi jialiote, moe kakai oku toko lahi hake iate koe, oua naa ke manavahe kiate kinautolu: he oku iate koe a Jihova ko ho Otua, aia naa ne omi koe mei he fonua ko Ijibite.

BEA e hoko o behe, kabau te ke tokaga lelei ki he fono a Jihova ko ho Otua, ke tokaga mo fai ene gaahi fekau kotoabe aia oku ou fekau‘i koe he aho ni, e hiki koe a Jihova ko ho Otua ke ke maoluga lahi koe i he gaahi buleaga kotoabe o mamani:

Oku ou ui ki he lagi mo mamani ke fakamooni he aho ni, kuou fokotui: i ho mou ao ae moui moe mate, ae tabuaki moe malaia: koia ke ke fili ae moui, koeuhi ke moui fakatouoji ai koe mo ho hako: Koeuhi ke ke ofa kia Jihova ko ho Otua, bea ke fai talagofua ki hono le‘o, bea koeuhi ke ke bikitai kiate ia: he ko hoo mouiaga ia, moe fakatologaaga o ho gaahi aho: koeuhi ke ke nofo ai koe i he fonua aia nae fuakava ki ai e Jihova ki hoo gaahi tamai, kia Ebalahame, mo Aisake, bea mo Jekobe, ke foaki kiate kinautolu.

Ke ke malohi koe bea ke loto to‘a, oua naa ke lilika, bea oua naa ke manavahe kiate kinautolu: he ko Jihova ko ho Otua, koia ia oku mo o mo koe; e ikai te ne fakatukutuku‘i koe, be liaki koe.

Bea ko Jihova, koia ia oku alu muomua iate koe; e iate koe ia, e ikai te ne fakatukutuku‘i koe, be liaki koe; oua naa ke manavahe, bea oua naa ke bubutuu.

Mou vakai ni ko Au, io ko Au ia, bea oku ikai ha otua mo au: oku ou tamate‘i, bea oku ou fakamoui; oku ou ta‘i, bea oku ou fakamoui: bea oku ikai ha toko taha oku faa fakamoui mei hoku nima.

Ikai ko au kuou fekau‘i koe? Ke ke malohi koe bea ke loto to‘a; oua naa ke manavahe, bea oua naa ke bubutuu: he ko Jihova ko ho Otua oku iate koe ia i he botu kotoabe oku ke alu ki ai.

Bea nae behe e Josiua kiate kinautolu, Oua naa mou manavahe, bea oua naa mou lilika, ka mou malohi, bea loto to‘a: he koeuhi e fai behe be e Jihova ki ho mou gaahi fili aia oku mou tau‘i.

Oku tamate‘i e Jihova, bea ne fakamoui: oku ne o hifo ki he faitoka, bea oku ne toe o hake. Oku fakamajiva e Jihova, bea ne fakamaumea‘i: oku ne fakamoulaloa, mo ne hiki ki oluga. Oku ne hiki hake ae majiva mei he efu, o fakahikihiki ae faa kole mei he tuuga veve, ke fakanofo akinautolu moe houeiki, bea ke ne gaohi akinautolu ke nau ma‘u ae nofoa fakaeieiki: he koe gaahi bou o mamani oku o Jihova, bea kuo ne fokotuu a mamani ki ai.

Bea nae fokotuu i ai e Tevita ha feilaulauaga kia Jihova, bea ne atu i ai ae gaahi feilaulau tutu moe gaahi feilaulau fakamelino. Bea behe, nae fakakolekolea a Jihova koeuhi koe fonua, bea nae taofi ae mahaki fakaauha mei Isileli.

BEA nae mahaki a Hesekaia i he gaahi aho koia o teitei mate. Bea nae ha‘u kiate ia ae balofita ko Isaia koe foha o Amosi, o ne behe kiate ia, Oku behe e Jihova, Teuteu ke lelei ho fale: he te ke mate, bea ikai moui. Bea nae toki tafoki ai eia hono mata ki he holiji, bea ne lotu eia kia Jihova, o behe, Oku ou kole kiate koe e Jihova, ke ke manatu eni a eku alu i ho ao i he mooni bea moe loto agatotonu, bea kuou fai aia oku lelei i ho ao. Bea nae tagi mamahi a Hesekaia. Bea nae hoko o behe, i he teeki alu a Isaia ki he loto kolo, mo ene ha‘u kiate ia ae folofola a Jihova, o behe, Foki atu, bea tala kia Hesekaia koe eiki a hoku kakai, Oku behe e Jihova, koe Otua o Tevita ko hoo tamai, Kuou ogo‘i hoo lotu, kuou mamata ki ho gaahi loimata: vakai, teu fakamoui koe: i hono tolu oe aho te ke alu hake ki he fale o Jihova. Bea teu fakatolotologa a hoo gaahi aho i he ta‘u e hogofulu ma nima; bea teu fakamoui koe moe kolo ni mei he nima oe tu‘i o Asilia; bea teu malu‘i ae kolo ni koeuhi ko au, bea koeuhi ko Tevita ko eku tamaioeiki.

Mou vikiviki i hono huafa maonioni: tuku he fiefia ae loto okinautolu oku kumi kia Jihova. Mou kumi kia Jihova bea mo ene malohi, mou kumi mau ai be ki hono fofoga. Manatu ki he ene gaahi gaue fakamanavahe aia kuo ne fai, a ene gaahi mea fakaofo, bea moe fakamāu mei hono fofoga:

Bea kabau e fakavaivai mai a hoku kakai oku ui aki a hoku huafa, bea nau lotu, mo nau kumi ki hoku fofoga, bea nau tafoki mei ho nau gaahi hala kovi; behe, teu toki fanogo mei he lagi, bea teu fakamolemole e nau agahala, bea teu fakamoui a ho nau fonua. Koeni, e a a hoku mata, bea e tokaga a hoku teliga ki he lotu e fai i he botu ni.

Oku iate ia ae nima fakakakano; ka oku iate kitautolu a Jihova ko ho tau Otua ke tokoni akitautolu, bea ke fai e tau gaahi tau. Bea nae fiemalie ae kakai i he gaahi lea a Hesekaia koe tu‘i o Juta.

Bea nae ha‘u ai ae talafekau kia Jobe, o ne behe, Nae fai ae keli e he faga bulu, bea kai ae faga asi i he botu ofi ki ai: Bea nae oho mai ae kakai Siba o ave akinautolu; bea kuo nau tamate‘i ae kau tamaioeiki aki ae mata oe heleta; bea ko au be kuo hao ke tala ia kiate koe. Bea lolotoga ene lea mo ene ha‘u foki ae toko taha, o ne behe, Kuo to mai mei he lagi ae afi ae Otua, bea kuo vela ai ae faga sibi, moe kau tamaioeiki, o fakaauha akinautolu; bea ko au be kuo hao ke tala ia kiate koe. Bea lolotoga ene lea mo ene ha‘u foki ae toko taha, o ne behe, Nae vahe tolu ae kogakau Kalitia, o nau oho mai ki he faga kameli, bea ave ia, bea kuo nau tamate‘i ae kau tamaioeiki aki ae mata oe heleta; bea ko au be kuo hao ke tala ia kiate koe. Bea lolotoga ene lea mo ene ha‘u foki ae toko taha, o ne behe, Nae kai mo inu uaine a ho gaahi foha mo ho gaahi ofefine i he fale o ho nau taokete lahi: Bea iloage, kuo ba mai ae fuu matagi lahi mei he toafa, o ta‘i hono tuliki e fa oe fale, bea nae holo ia ki he kau talavou, bea kuo nau mate; bea ko au be kuo hao ke tala ia kiate koe. Bea nae toki tuu hake a Jobe, o ne haehae hono bulubulu, o fakatekefua ia, bea fakafoohifo ki he kelekele, o hu.

O ne behe, Naaku ha‘u telefua be mei he manāva o eku fa‘e, bea teu toe alu telefua atu be: nae foaki e Jihova, bea kuo too atu e Jihova; fakafetai be ki he huafa o Jihova.

Bea nae tali e Setani kia Jihova, o behe, Koe kili ma ae kili, io, e foaki e he tagata ene mea kotoabe ke ne moui ai. Kae mafao atu eni ho nima, o ala ki hono hui mo hono kakano, bea te ne lauikovi‘i koe i ho fofoga. Bea nae behe e Jihova kia Setani, Vakai, oku i ho nima ia; ka ko ene moui be e tabu. Bea alu ai a Setani mei he ao o Jihova, o ne ta‘i aki a Jobe ae gaahi hagatamaki mamahi, o fai mei hono aofi va‘e o a‘u ki hono tumuaki. Bea ne too eia ae koga ibu maumau o teletele aki ia; bea tagutu ia i he efuefu.

Bea behe ai e hono unoho kiate ia, Oku ke kei kuku hoo agatonu? lea kovi ki he Otua, ka ke mate. Ka nae behe eia ki ai, Ko hoo lea oku hage koe lea a ha taha i he kau fefine vale. Io i he te tau ma‘u koa ae lelei mei he nima oe Otua, bea ikai te tau ma‘u moe kovi? I he gaahi mea ni kotoabe nae ikai agahala a Jobe i hono lougutu.

Bea i he fanogo ae kaiga e toko tolu o Jobe ki he kovi ni kotoabe kuo to kiate ia, naa nau ha‘u mei ho nau botu taki taha; ko Elifasi mei Timani, mo Bilitati mei Suaa, mo Sofaa mei Neama: he kuo nau talaga ke nau fakataha ke nau mamahi mo ia mo nau fakafiemalie‘i ia. Bea i he e nau haga hake kiate ia mei he mamao, o ikai ilo ia, naa nau tagi le‘o lahi; bea naa nau taki taha haehae hono bulubulu, mo li ae efu ki oluga ki ho nau ulu. Bea naa nau nonofo mo ia i he kelekele i he aho e fitu moe bo e fitu, bea nae ikai jii lea ha taha ki ai: he naa nau vakai kuo lahi aubito ene mamahi.

Vakai, oku monuia ae tagata oku tautea e he Otua: koia, oua naa ke taetokaga‘i ae tautea mei he Mafimafi: He oku ne fakamamahi, bea oku ne nonoo: oku ne hoka‘i, kae fakamoui e hono nima oona.

Behe teu toki ma‘u ai ae fiemalie; io, teu tali malohi au ki he mamahi: ke oua naa ne mamae; he nae ikai teu fufu ae gaahi folofola ae Toko Taha Maonioni. He koeha hoku malohi, koeuhi keu amanaki e au; bea koeha hoku gataaga, koeuhi keu fakatologa ai be eku moui?

Oka mamahi ha taha oku gali ke ofa kiate ia a hono kaiga; ka oku ne liaki eia ae manavahe ki he Mafimafi.

Kuo kofu aki hoku jino ae uaga moe gaahi koga kelekele; kuo mafahifahi hoku kili, bea kuo fakalielia.

Kae oua ke ne fakabito ho gutu i he kata, mo ho lougutu i he fiefia.

OKU fiu hoku laumalie i he eku moui; teu tuku au keu lāuga; teu lea i he mamahi o hoku laumalie.

He te ke fakagalo‘i hoo mamahi, o manatu‘i ia o hage koe gaahi vai kuo tafe atu: Bea e ajinijini lahi hoo motua i he hoata malie oe aho; te ke ulo atu, te ke tatau moe bogibogi. Bea te ke fiemalie koe, he oku ai ae amanaki lelei; io, te ke keli, o mālōlō fiemalie be. Bea te ke tokoto foki, bea e ikai fakamanavahe‘i koe e ha taha; io, e kumi mea mei ate koe e he toko lahi.

Ka koe kau fakatubu loi akimoutolu, koe kau faitoo taeaoga akimoutolu kotoabe.

Ne ogo ene tamate‘i au, teu falala be kiate ia: ka teu fakamatala hoku gaahi hala i hono ao.

Bea oku fakaaau ia o hage ha mea bobo, bea tatau moe kofu kuo kai e he ane.

Ka ko hono kakano oku iate ia e laga, bea e mamahi mo hono laumalie i loto iate ia.

Oku biki hoku gaahi hui ki hoku kili o hage ko hoku kakano, bea kuou hao moe kili o hoku kau nifo.

He oku ou ilo oku moui a hoku Huhui, bea e tuu ia i mamani i he aho fakamui. Bea ka oji hoku kili bea maumau hoku jino, ka teu mamata i hoku kakano ki he Otua:

Bea koeni, kuo liligi hoku laumalie iate au; kuo buke au e he gaahi aho oe mamahi. Oku mahuhuhuhu a hoku gaahi hui i he bouli: bea oku ikai ke mālōlō jii hoku gaahi uoua.

Nae lili hoku fatu, o ikai toka: nae taofi au e he gaahi aho oe mamahi. Naaku alu mamahi be i he tae ulo ae laa; neu tuu hake o tagi i he fakataha. Koe tokoua au oe faga talakone, moe kaumea oe faga lulu. Kuo uliuli hoku kili iate au, bea kuo velehia hoku gaahi hui i he afu.

Bea oku ne tautea foki ia aki ae mamahi i hono mohega, mo hono gaahi hui aki ae mamahi lahi: Koia oku fehia ai ene moui ki he ma, mo hono laumalie ki he mea kai ifo lelei. Oku fakaaau o oji a hono kakano, o ikai iloa; bea oku tuu mai hono gaahi, hui nae ikai ha mai. Io, oku unuunu atu hono laumalie ki he fai toka, mo ene moui ki he kau fakaauha.

Oku tāu mooni moe Otua ae lea behe ki ai, Kuou kataki, e ikai teu fakamamahi. Koia oku ikai teu ilo ke ke ako ia kiate au: kabau kuou fai agahala, e ikai teu toe fai ia.

Bea nae liliu e Jihova ae bobula o Jobe, i he ene hufia hono kaiga: bea nae fakama‘umea e Jihova kia Jobe o liuga ua hake i he mea naa ne ma‘u i mua. Bea nae toki ha‘u kiate ia a hono gaahi kaiga kotoabe, mo hono gaahi tuofefine, mo kinautolu kotoabe naa nau kaumea mo ia i mua, o nau kai ma mo ia i hono fale: bea naa nau tegihia ia, o fakafiemalie ia i he gaahi kovi kotoabe nae omi e Jihova kiate ia: bea nae foaki e he tagata taki taha kotoabe kiate ia ae baaga, moe hau koula.

Oku tuu hake fakataha ae gaahi tu‘i o mamani, bea fakakaukau fakataha ae kau bule kia Jihova mo ia kuo ne bani, o behe, Ke tau motuhi e na gaahi ha‘i, bea liaki e na gaahi afo iate kitautolu. Koia oku nofo i he gaahi lagi e kata ia: e manuki a Jihova kiate kinautolu.

Ka ko koe, E Jihova, koe fakaū kiate au; ko hoku nāunāu, moe hiki hake a hoku ulu. Naaku tagi kia Jihova aki hoku le‘o, bea naa ne ogo‘i au mei hono mouga maonioni. Sila. Neu tokoto hifo o mohe; beau a hake; he ko Jihova naa ne tokoni‘i au. E ikai teu manavahe i he gaahi toko mano oe kakai, aia oku agatuu o kabui au.

Teu tokoto hifo i he fiemalie, o mohe: he ko koe be, E Jihova, oku ke bule keu nofo lelei.

Aloofa mai kiate au, E Jihova; he oku ou vaivai: E Jihova, fakamoui au; he kuo mamahi hoku gaahi hui. Oku mamahi lahi foki mo hoku laumalie: ka ko koe, E Jihova, e fefe hono fuoloa? Tafoki mai, E Jihova, fakahaofi hoku laumalie: oiaue, fakamoui au koeuhi ko hoo aloofa.

Bea koe hufaga foki a Jihova ki he mamahi, koe kalofaga i he gaahi aho fakamamahi. Bea ko kinautolu oku ilo ki ho huafa te nau falala kiate koe: he ko koe, E Jihova, nae ikai te ke jiaki akinautolu oku kumi kiate koe.

Ke ke aloofa kiate au, E Jihova; o tokaga ki he eku mamahi meiate kinautolu oku fehia kiate au, akoe oku ke hiki au ki oluga mei he gaahi mataba oe mate:

Kuo ke afio‘i ia; he oku ke afio‘i ae bauu moe fakafajifaji, ke totogi ia aki ho nima: oku tuku ia kiate koe e he majiva; ko koe koe tokoni oe tamai mate.

E fefe hono fuoloa mo eku lauloto mo hoku laumalie, o loto mamahi be i he aho kotoabe? e fefe hono fuoloa moe fielahi kiate au a hoku fili? E Jihova ko hoku Otua, ke ke tokaga mai bea ogo‘i au: fakamāma hoku mata telia naaku mohe i he mohe oe mate;

Kuou fokotuu mau ai be a Jihova i hoku ao: koe mea i he ene i hoku nima toomatau, e ikai ai teu gau‘e. Koia oku fiefia ai hoku loto, bea nekeneka mo hoku elelo: e mālōlō foki a hoku jino i he amanaki lelei. Koeuhi e ikai te ke tuku hoku laumalie i hetesi; bea e ikai te ke tuku ho Toko Taha Maonioni ke ne ilo ae auauha. Te ke fakaha kiate au ae hala oe moui: oku fonu ae fiefia i ho ao; oku i ho nima toomatau ae gaahi fiemalie o taegata.

Ke ke tauhi au o hage koe tama‘i mata, fakafufu au i he malu o ho kabakau, Mei he kau agakovi aia oku nau taomia au, mei hoku gaahi fili fakabo, oku nau kabui au.

Oku fakafetai e Tevita ki he Otua koeuhi ko ene gaahi tabuaki lahi mo fakaofo. TEU ofa kiate koe, E Jihova, ko eku malohi. Ko hoku makatuu a Jihova, mo eku kolo, mo hoku fakamoui; ko hoku Otua, ko hoku malohi, aia teu falala ki ai; ko hoku fakaū, moe malohi o eku moui, mo hoku hufaga maoluga. Teu ui kia Jihova, aia oku gali moia ae fakafetai: koia teu moui ai mei hoku gaahi fili. Nae kabui au e he gaahi mamahi oe mate, bea nae fakamanavahe‘i au e he lomaki mai oe kau tagata agakovi. Nae kabui au e he gaahi mamahi o hetesi: nae talia au e he gaahi tauhele oe mate. I he eku mamahi naaku ui kia Jihova, mo tagi ki hoku Otua: bea ne ogo‘i hoku le‘o mei hono fale tabu, bea nae a‘u atu eku tagi ki hono ao, io, ki hono fofoga.

He nae ikai te ne manuki be fehia ki he mamahi oe mamahiia; bea nae ikai te ne fufu hono fofoga iate ia; ka i he ene tagi kiate ia naa ne ogo‘i.

Koe tui a Tevita ki he aloofa ae Otua. KO hoku tauhi a Jihova; e ikai teu majiva. Oku ne fakatokoto au i he gaahi goue lau mauiui: oku ne tataki au ki he vee vai oku tafetafemalie. Oku ne fakamoui hoku laumalie: oku ne tataki au i he gaahi hala oe maonioni koeuhi ko hono huafa. Io, ne ogo eku eveeva i he telea oe malumalu oe mate, e ikai teu manavahe ki ha kovi: he oku ke iate au; ko hoo vaa akau mo ho tokotoko oku na fakafiemalie‘i au. Oku ke teuteu ae keinagaaga maaku i he ao o hoku gaahi fili: oku ke bani aki hoku ulu ae lolo; oku fonu mahuohua a eku ibu. Koe mooni e muimui iate au ae lelei moe aloofa i he aho kotoabe o eku moui: bea teu nofo i he fale o Jihova o lauikuoga.

Ke ke fofoga mai kiate au, mo ke aloofa kiate au; he oku ou baea mo mamahi. Kuo tubu o lahi ae gaahi mamahi o hoku loto; ke ke omi au mei he eku gaahi mamahi. Ke ke afio ki hoku mahaki mo eku mamahi; bea fakamolemole eku agahala kotoabe.

KO eku māma mo hoku fakamoui a Jihova; teu manavahe ki ahai? koe malohi o eku moui a Jihova; bea teu manavahe ki ahai? I he ha‘u kiate au ae kau agahala, ko hoku gaahi fili moe kau fakamamahi kiate au, ke kai o oji hoku kakano, naa nau tūkia o higa. Kabau e fakataha ae kau tau ke tau‘i au, e ikai manavahe hoku loto; ne ogo ae tuu mai ae tau kiate au, teu falala be i he mea ni. Koe mea e taha kuou kole kia Jihova, aia teu kumi ki ai; koeuhi keu nofo mau i he fale o Jihova i he aho kotoabe o eku moui, ke mamata ki he lelei o Jihova, mo fehui i hono fale tabu. He te ne fufu au i he aho oe mamahi i hono afioaga: te ne fufu au i he botu lilo o hono fale fehikitaki; te ne fokotuu au ki he fuga maka.

Oka liaki au e he eku tamai mo oku fa‘e, e too hake au e Jihova.

Ko hoku malohi mo hoku fakaū a Jihova; nae falala kiate ia hoku loto, bea kuo tokoni‘i au: koia oku fiefia lahi ai hoku loto; bea i he eku hiva teu fakafetai kiate ia.

E Jihova ko hoku Otua, naaku tagi kiate koe, bea kuo ke fakamoui au. E Jihova, kuo ke o hake hoku laumalie mei hetesi: kuo ke fakatologa eku moui, ke oua naaku alu hifo ki he luo. Hiva kia Jihova, akimoutolu ko ene kakai maonioni, bea atu ae fakafetai i he manatu ki he ene maonioni. He oku hage koe kemo oe mata hono houhau; oku ai ae moui i he ene ofa: kabau e ai ha tagi i he bo, e hoko ae fiefia i he bogibogi.

Koeha hono aoga o hoku toto, o kau ka alu hifo ki he luo? E fakafetai ae efu kiate koe? e fakaha eia hoo mooni? Fanogo mai, E Jihova, bea ke aloofa mai kiate au: E Jihova, ke ke hoko koe tokoni kiate au. Kuo ke liliu kiate au eku tagi koe mee hobohobo: kuo ke vete hoku tauagaa, bea fakavala aki au ae fiefia; Koeuhi ke hiva aki e hoku elelo ae fakafetai kiate koe, bea oua naa logo be. E Jihova ko hoku Otua, teu atu ae fakafetai kiate koe o taegata.

Fakatokaga‘i ho teliga kiate au; ke vave hoo fakamoui au: ke ke iate au koe maka malohi, koe fale hufaga ke fakamoui au. He ko koe ko hoku makatuu mo eku kolo: koia, koe mea i ho huafa ke ke tataki au, o fakahinohino au.

Aloofa mai kiate au, E Jihova, he oku ou moua i he mamahi: kuo auha hoku mata i he tagi, io, ko hoku laumalie mo hoku kete. He kuo oji eku moui i he tagi, mo hoku gaahi ta‘u i he mafulu: kuo fakaaau ke oji hoku malohi koe mea i he eku hia, bea kuo auha hoku gaahi hui. Koe manukiaga au o hoku gaahi fili kotoabe, kae ajili be ki hoku gaahi kaugaabi, bea koe ilifiaaga o hoku kaumea: ko kinautolu nae mamata kiate au ituaa naa nau hola iate au. Kuo fakagalogalo‘i au mei he loto o hage koe tagata kuo mate: kuou tatau moe ibu kuo maumau.

Ko hoku gaahi kuoga oku i ho nima: ke ke fakahaofi au mei he nima o hoku gaahi fili, bea mo kinautolu oku fakataga‘i au.

I he eku fakalogo be, nae fakaaau o motua hoku gaahi hui i he eku tagi i he aho kotoa. He nae mamafa ho nima kiate au i he aho moe bo: nae liliu hoku huhua koe laaina oe faahita‘u mafana. Sila.

Vakai, koe fofoga o Jihova oku iate kinautolu oku manavahe kiate ia, io, kiate kinautolu oku manavahe lelei ki he ene aloofa; Ke fakahaofi ho nau laumalie mei he mate, bea ke fakamoui akinautolu i he hoge.

Oku nofo ae agelo a Jihova o takatakai akinautolu oku manavahe kiate ia, o ne fakamoui akinautolu.

Oku afio mau ae fofoga o Jihova ki he kakai maonioni, bea oku ogo‘i e hono teliga e nau tagi. Oku houhau ae fofoga o Jihova kiate kinautolu oku fai kovi, ke motuhi ho nau fakamanatu‘i mei mamani. Oku tagi ae maonioni, bea ogo‘i e Jihova, o ne fakamoui akinautolu mei he e nau gaahi mamahi kotoabe. Oku ofi a Jihova kiate kinautolu oku loto mafeji; oku ne fakamou akinautolu oku laumalie mafofoa. Oku lahi ae gaahi mamahi oe maonioni: ka oku fakamoui ia mei ai kotoabe e Jihova. Oku ne tauhi hono gaahi hui kotoabe: e ikai mafeji ha taha.

Ka ko au, naaku kofu aki ae tauagaa, i ho nau mahaki: naaku fakavaivai hoku laumalie i he aukai; bea nae foki mai eku lotu ki hoku fatafata. Naaku fai o hage ko hoku kaiga ia be ko hoku tokoua: naaku tulolo hifo fakamamahi be, o hage koe toko taha oku tagi koeuhi ko ene fa‘e.

Otua, hono ikai mahuig fau a hoo aloofa! koia oku falala ai ae fānau ae tagata ki he malu o ho kabakau. Te nau fonu lahi i he mahu lelei o ho fale; bea te ke fakainu akinautolu i he vaitafe o hoo fiemalie. He oku iate koe ae matavai oe moui: te mau mamata i hoo māma ki he māma.

E kata a Jihova kiate ia: he oku ne afio‘i oku ha‘u hono aho. Kuo unuhi e he kau agakovi ae heleta, bea kuo nau teke e nau kaufana, ke li ki lalo ae mamahi moe baea, bea ke tamate‘i akinutolu oku aga totonu. E aji e nau heleta ki ho nau loto onautolu, bea e mafeji e nau gaahi kaufana.

Vakai ki he tagata haohaoa, mo tokaga ki he agatonu: he koe gataaga oe tagata koia koe melino.

Oku ikai ha haohaoa i hoku kakano koe mea i ho houhau; bea oku ikai ha fiemalie i hoku hui koe mea i he eku agahala. He kuo hake a eku gaahi hia o ufiufi hoku ulu: o hage koe kavega mamafa oku taomia ai au. Oku eho hoku gaahi lavea o fakalielia koeuhi ko eku vale. Oku ou mamahi; oku ou mabelu ki lalo aubito; oku ou alu mamahi be i he aho kotoa. He oku fonu hoku jino i he mahaki kovi: bea oku ikai ha moui haohaoa i hoku kakano. Oku ou vaivai mo mafeji i he mamahi: naaku kalaga koe mea i he mamahi o hoku loto. E Eiki, oku i ho ao eku holi kotoabe; mo eku gaahi to‘e oku ikai fufu iate koe. Oku tatube hoku mafu, kuo oji eku malohi: bea koe māma o hoku mata kuo mole foki ia iate au.

Too atu hoo ta iate au: kuou auha i he ta a ho nima. Oka ke ka tautea ae tagata aki ae takitala i he ene hia, oku ke bule ke mole atu hono lelei o hage koe ane: koe mooni koe vaiga ae tagata kotoabe. Sila. Fanogo mai ki he eku lotu, E Jihova, mo ke fakafanogo ki he eku tagi; oua naa ke fakalogo be i hoku gaahi loimata: he koe muli au i ho ao, moe aunofo, o hage ko eku gaahi tamai kotoabe.

Bea naa ne too hake au mei he lua fakailifia, mei he umea belebela, o ne fokotuu hoku va‘e ki he maka, o fakamau hoku gaahi aluaga. Bea kuo ne ai ae hiva foou ki hoku gutu, io, ae fakafetai ki ho tau Otua: e mamata ki ai ae toko lahi, bea manavahe, bea te nau falala kia Jihova.

E Jihova, oua naa ke taofi hoo gaahi aloofa ogogofua iate au: tuku ke tauhi mau ai be au e hoo aloofa mo hoo mooni.

E fakamalohi ia e Jihova i he tokotoaga fakamamahi: te ke gaohi hono mohega kotoabe i hono mahaki. Naaku behe, E Jihova, ke ke aloofa mai kiate au: fakamoui hoku laumalie; he kuou fai agahala kiate koe.

Koeha oku ke mabelu ai ki lalo, E hoku laumalie? bea koeha kuo ke maveuveu ai i loto iate au? ke ke amanaki lelei ki he Otua? he koe mooni teu fakafetai kiate ia i he gaahi fakamoui o hono fofoga. E hoku Otua, oku mabelu ki lalo hoku laumalie i loto iate au: koia teu manatu ai kiate koe mei he fonua o Joatani, bea mo Heamoni, moe mouga jii ko Maisa.

Koia teu toki alu atu ki he feilaulauaga oe Otua, ki he Otua ko hoku fiefiaaga lahi aubito: io, i he haabe teu fakamalo kiate koe, E Otua ko hoku Otua. Koeha oku ke mabelu ai ki lalo, E hoku laumalie? bea koeha oku ke maveuveu ai i loto iate au? amanaki lelei ki he Otua: he koe mooni teu fakafetai kiate ia, aia koe fakamoui o hoku mata, mo hoku Otua.

KOE Otua ko ho tau hufaga moe malohi, koe tokoni lahi bea ofi i he mamahi. Koia e ikai ai te tau manavahe, o kabau n e hiki a mamani, bea kabau e hiki ae gaahi mouga ki he loto tahi;

Mou logo be, bea ilo ko au koe Otua: teu hakeaki‘i au i he lotolotoga oe hiteni, teu hakeaki‘i au i mamani. Ko Jihova oe gaahi kau tau oku iate kitautolu; koe Otua o Jekobe ko ho tau hufaga. Sila.

He koe Otua ni ko ho tau Otua o lauikuoga bea taegata: te ne tauhi akitautolu o a‘u ki he mate.

Bea ke ui kiate au i he aho oe mamahi: teu fakamoui koe, bea te ke fakaogoogolelei‘i au.

Tuku keu fanogo ki he fiefia moe nekeneka; ke fiemalie ai ae gaahi hui kuo ke feji‘i.

Koe gaahi feilaulau oe Otua koe laumalie mafeji: koe loto mafeji mo māfofoa, E Otua, e ikai te ke manuki‘i.

E mamata foki ki ai ae kakai maonioni, bea manavahe, bea nau kata manuki kiate ia: Vakai, koeni ae tagata nae ikai ma‘u ae malohi mei he Otua; ka nae falala ki he lahi o ene koloa, o ne fakamalohi ia i he ene kovi.

Kuo ne fakamoui hoku laumalie i he melino mei he tau nae tuu hake kiate au: he nae iate au ae toko lahi.

Ke ke tuku hoo kavega kia Jihova, bea te ne boubou koe: e ikai aubito te ne tuku ke gau‘e ae kakai maonioni.

I he aho oku ou manavahe ai, teu falala kiate koe. Teu fakamalo ki he Otua i he ene folofola; oku ou falala ki he Otua; e ikai teu manavahe ki he mea e faa fai e he kakai kiate au. Oku nau fakakehe eku gaahi lea i he aho kotoabe: koe nau fakakaukau kotoabe keu kovi ai au. Oku nau fakataha akinautolu, oku nau fakafufu akinautolu, oku nau vakai hoku aluaga, i he e nau holi ki he eku moui.

Oku ke lau a eku alu fano be: ke ke utu hoku gaahi loimata ki hoo hina: ikai oku nau tuu i hoo tohi?

Kuou falala ki he Otua: e ikai teu manavahe ki ha mea e faa fai e he tagata kiate au. E Otua, oku iate au hoo gaahi fuakava: teu atu ae fakamalo kiate koe. He kuo ke fakamoui hoku laumalie mei he mate: bea ikai te ke fakahaofi hoku va‘e mei he higa, koeuhi keu eveeva i he ao oe Otua i he māma oe kakai moui?

KE ke aloofa kiate au, E Otua, ke ke aloofa kiate au: he oku falala hoku laumalie kiate koe: io, bea teu hufaga i he malu o ho kabakau, ke oua ke mole o gata ae gaahi kovi ni.

Ka ko koe, E Jihova, te ke kata kiate kinautolu; te ke manuki ki he hiteni kotoabe. Bea koeuhi ko ene malohi koia teu tatali ai kiate koe: he ko hoku hufaga ae Otua.

Ka teu hiva au ki ho malohi; io, teu hiva malohi i hoo aloofa i he bogibogi: he ko hoku ugaaga koe moe hufaga kiate au i he aho o eku mamahi. E noku malohi, teu hiva kiate koe: he ko hoku kalofaga ae Otua, koe Otua oku aloofa kiate au.

E OTUA, ke ke fanogo ki he eku tagi; tokaga ki he eku lotu. Teu tagi kiate koe mei he gataaga o mamani, oka taomia hoku loto: ke ke tataki au ki he maka oku maoluga hake iate au. He naa ke hoko ko hoku ugaki‘i, koe fale maoluga bea malohi ki he fili. Teu nofo mau i ho fale fehikitaki o taegata: teu falala ki he malu o ho kabakau. Sila.

KOE mooni oku tatali hoku laumalie ki he Otua: oku meiate ia hoku fakamoui. Ko ia be ko hoku makatuu mo hoku fakamoui; ko hoku hufaga ia; e ikai faa ue‘i lahi au.

E hoku laumalie, ke ke tatali be ki he Otua; he oku meiate ia eku amanaki lelei. Ko ia be ko hoku makatuu mo hoku fakamoui: ko hoku hufaga ia; e ikai faa ue‘i au. Oku i he Otua a hoku fakamoui mo eku fiefia: koe makatuu o hoku malohi, mo hoku hufaga oku i he Otua. Falala mau ai be kiate ia; akimoutolu ae kakai, liligi ho mou loto i hono ao: koe hufaga ae Otua kiate kitautolu. Sila.

E OTUA, ko hoku Otua koe; teu kumi vave kiate koe: oku fieinu hoku laumalie kiate koe, oku holi hoku kakano kiate koe i he fonua momoa mo fieinua, aia oku ikai ha vai i ai; Ke mamata ki hoo mafimafi mo ho nāunāu, o hage ko eku mamata ai kiate koe i he fale tabu. Oku lelei lahi hake a hoo aloofa i he moui, koia e fakafetai ai a hoku lougutu kiate koe. Koia e behe be eku fakafetai kiate koe lolotoga eku moui: teu hiki hake hoku nima i ho huafa. E makona lelei hoku laumalie o hage koe mea i he gako moe mea momona; bea e fakafetai kiate koe a hoku gutu i he lougutu fiefia. I he eku manatu kiate koe i hoku mohega, o fakalaulauloto kiate koe i he gaahi lakaga leo i he bouli. Koe mea i hoo faa tokoni au, koia teu fiefia ai i he malu o ho kabakau. Oku bikitai mau be hoku laumalie kiate koe: oku boubou au e ho nima toomatau.

Koe tamai ae Otua ki he tamai mate, moe fakamāu ia i hono afioaga maonioni, ki he kau fefine kuo mate ho nau unoho. Oku ai e he Otua ae kau baea i he gaahi fale: oku ne omi kitua akinautolu kuo ha‘i aki ae ukamea fihifihi: ka oku nofo ae kau agatuu i he fonua momoa.

Bea koeni foki, E Otua, i he eku motua mo ulu hina, oua naa ke liaki au; kae oua keu fakaha ho malohi ki he toutagata ni, mo hoo mafimafi kiate kinautolu kotoabe e ha‘u. Ko hoo maonioni foki, E Otua, oku maoluga aubito, akoe naa ke fai ae gaahi mea lahi: E Otua, kohai oku hage ko koe! Akoe, kuo ke fakaha kiate au ae gaahi mamahi oku lahi mo kovi, te ke toe fakaake au, o toe o hake au mei he loto kelekele. Te ke fakatubulekina hoku nāunāuia, o fakafiemalie‘i au i he botu kotoabe. E hoku Otua, teu fakamalo foki kiate koe, io, ki hoo mooni aki ae saliteli: teu hiva kiate koe aki ae haabe, akoe koe Toko Taha Maonioni o Isileli. E fiefia lahi hoku lougutu o kau ka hiva kiate koe; mo hoku laumalie aia kuo ke huhui.

Ka koe mooni oku ou iate koe mau ai be: bea kuo be buke au i hoku nima toomatau. Te ke tataki au i hoo boto, bea hili ia te ke ma‘u au ki ho nāunāu. He kohai mo koe oku ou ma‘u i he loto lagi? bea oku ikai ha toko taha i mamani oku ou holi ki ai, ka ko koe be. Oku vaivai hoku kakano mo hoku loto: ka koe makatuu o hoku loto ae Otua, mo hoku inaji o taegata.

Fakamāu ae baea moe tamai mate: fai agatonu ki he mamahi moe majiva.

Oku holi hoku laumalie, io, oku ou vaivai i he fie alu ki he gaahi loto a o Jihova; oku tagi kalaga hoku loto mo hoku kakano ki he Otua moui. Io, kuo ilo e he hiki‘i manu buna ae fale, moe kulukulu ha bunuga maana, aia te ne tuku ki ai ene fānau, io, ko ho gaahi feilaulauaga, E Jihova oe gaahi kau tau, ko hoku Tu‘i, mo hoku Otua. Oku monuia akinautolu oku nofo i ho fale: te nau kei fakafetai be kiate koe. Sila.

I he aho o eku mamahi teu ui kiate koe; he te ke talia au.

He oku lahi hoo aloofa kiate au: bea kuo ke fakamoui hoku laumalie mei he loto heli.

Manatu ki hono fuonounou o eku moui: koeha kuo ke gaohi ae kakai kotoabe ke taeaoga? Kohai ae tagata koia oku moui, bea e ikai te ne mamata ki he mate? e fakamoui eia a hono laumalie mei he nima oe faitoka? Sila.

E JIHOVA, ko koe ko ho mau hufaga i he toutagata kotoabe.

KO ia oku nofo i he botu lilo i he fugani maoluga, e nofo mau ia he malumalu oe Mafimafi. Teu behe, Ko Jihova, ko hoku hu faga ia mo eku kolo: ko hoku Otua; teu falala kiate ia. Koe mooni te ne fakamoui koe mei he hele ae tagata tauhele, bea mei he mahaki fakaauha. Te ne oofaki koe aki hono fulufulu, bea te ke falala ki hono lalo kabakau: ko ene mooni ko ho fakaū mo ho ba ia. E ikai te ke manavahe koeuhi koe mea fakailifia i he bo; be koeuhi koe gahau oku buna atu i he aho; Be koeuhi koe mahaki lahi oku eveeva i he bouli; be koeuhi koe fakaauha oku fakaojioji i he hoata. E to ae toko afe i ho tafaaki, bea koe toko mano i ho nima toomatau; ka e ikai hoko ia o ofi kiate koe.

Koeuhi kuo ke fili a Jihova aia ke hoku hufaga, io, koe fugani maoluga ko ho nofoaga: E ikai to ha kovi kiate koe, bea e ikai hoko ha mamahi fakaauha ke ofi ki ho nofoaga. He te ne fekau ene kau agelo ke nau vakai koe, ke tauhi koe i ho gaahi hala kotoabe. Te nau habai hake koe i he nima, telia naa tukia ho va‘e ki ha maka Te ke molomoloki ae laione moe gata: koe laione mui moe talakone te ke malaki hifo ia. Koeuhi kuo ne tuku ene ofa kiate au, koia teu fakamoui ia: teu fokotuu ia ke maoluga, koeuhi kuo ne ilo‘i hoku huafa. Te ne ui kiate au, bea teu talia ia: teu iate ia i he mamahi; teu fakamoui ia, bea hakeaki‘i ia. Teu fakafiemalie‘i aki ia ae moui fuoloa, bea fakaha kiate ia eku fakamoui.

I hono lahi o eku gaahi mahalo iate au, oku fakafiefia‘i au i hoo gaahi mea fakafiemalie.

Ka ko hoku ugaki‘i a Jihova; bea ko hoku Otua koe maka ia o hoku hufaga.

MOU mavava i he fiefia kia Jihova, ae gaahi fonua kotoabe. Tauhi a Jihova i he fiefia: ha‘u moe hiva ki hono ao. Mou ilo ko Jihova ko ia be koe Otua: ko ia be naa ne gaohi akitautolu, ka nae ikai te tau gaohi akitautolu; ko hono kakai akitautolu, moe faga sibi o ene goue. Hu i hono gaahi mataba moe fakafetai, bea ki hono gaahi loto a moe fakamalo: mou fakafetai kiate ia, bea fakamalo ki hono huafa. He oku agalelei a Jihova; oku taegata ene aloofa; bea oku tologa mau ai be ene mooni mei he toutagata ki he toutagata.

E JIHOVA, fanogo ki he eku lotu, bea tuku ke a‘u atu eku tagi kiate koe. Oua naa ke fufu ho fofoga iate au i he aho oku ou mamahi ai; fakatokaga‘i ho fofoga kiate au: i he aho oku ou ui ai ke vave hoo talia au. He kuo fakaoji hoku gaahi aho o hage koe kohu, bea kuo vela hoku gaahi hui o hage koe vee tofunaga. Kuo ta‘i hoku loto, bea kuo mae o hage koe mohuku; koia kuo galo ai iate au ke kai eku ma. Koeuhi koe le‘o o eku to‘e, koia oku biki ai hoku gaahi hui ki hoku kili.

Oku tatau hoku gaahi aho moe ata oku mole atu; bea kuou mae o hage koe mohuku. Ka ko koe, E Jihova, te ke tologa o taegata; mo hoo fakailoga ki he gaahi toutagata kotoabe.

FAKAFETAI kia Jihova a hoku laumalie: bea mo ia kotoabe oku iate au, fakafetai ki hono huafa maonioni. Fakafetai kia Jihova, a hoku laumalie, bea oua naa galo a ene gaahi mea ofa kotoabe: Aia oku ne fakamolemole hoo gaahi hia kotoabe; mo ne fakamoui ho gaahi mahaki kotoabe; Aia oku ne huhui hoo moui mei he fakaauha; o ne tatā aki koe ae manavaofa moe aloofa ogogofua;

He oku ne ilo‘i ho tau aga; oku ne manatu koe efu be akitautolu. Bea koe tagata, oku tatau hono gaahi aho moe mohuku: bea hage koe fiji‘i akau oe goue hono lau mauiui. He oku alu atu ki ai ae matagi, bea kuo ikai ia; bea e ikai jii toe ilo ia i hono botu. Ka koe aloofa a Jihova oku talu mei mua o a‘u o taegata kiate kinautolu oku nau manavahe kiate ia, bea ko ene maonioni ki he fānau ae fānau;

Nae liuga lahi ene fakamoui akinautolu; ka naa nau fakahouhau‘i ia i he e nau fakakaukau, bea nae fakavaivai‘i akinautolu koeuhi koe nau hia. Ka naa ne tokaga ki he e nau mamahi, i he ene ogo‘i e nau tagi: Bea ne manatu‘i a ene fuakava mo kinautolu, bea ne fakatomala o fakatatau mo hono lahi o ene aloofa. Naa ne bule foki ke manavaofa kiate kinautolu akinautolu kotoabe nae ave bobula akinautolu.

Bea i he fiekaia moe fieinua, nae bogia ai ho nau laumalie iate kinautolu. Bea naa nau toki tagi kia Jihova i he e nau tuutamaki, bea ne ne fakamoui akinautolu mei he e nau gaahi mamahi.

He oku ne fakamakona ae laumalie oku holi, mo ne fakabito aki ae lelei ae laumalie oku fiekaia. Ko kinautolu oku nofo i he fakabouli bea moe ata ae mate, kuo ha‘i aki ae mamahi moe ukamea; Koeuhi naa nau agatuu ki he gaahi folofola ae Otua, mo nau fehia ki he akonaki ae fugani Maoluga: Koia naa ne fakavaivai‘i ho nau loto i he gaue; naa nau to ki lalo, bea nae ikai ha taha ke tokoni. Bea naa nau toki tagi kia Jihova i he e nau tuutamaki, bea ne fakamoui akinautolu mei he e nau gaahi mamahi. Naa ne omi akinautolu mei he fakabouli moe ata oe mate, o ne motuhi ho nau gaahi ha‘i.

Oku mamahi ae kau vale koeuhi koe nau talagataa, bea moe nau gaahi hia. Oku fehia ho nau laumalie ki he mea kai kotoabe; bea oku nau fakaaau ki he gaahi mataba oe mate. Bea oku nau toki tagi kia Jihova i he e nau tuutamaki, bea oku ne fakamoui akinautolu mei he e nau gaahi mamahi. Naa ne fekau ene folofola, bea ne fakamoui akinautolu, mo ne fakahaofi akinautolu mei he e nau gaahi mea fakaauha.

E hoku laumalie, ke ke foki ki ho mālōlōaga; he kuo lahi ae foaki a Jihova kiate koe. He kuo ke fakamoui hoku laumalie mei he mate, mo hoku mata mei he loimata, mo hoku va‘e ke oua naa higa. Teu eveeva i he ao o Jihova i he fonua oe moui.

Oku mahuiga i he ao o Jihova ae bekia o ene kakai maonioni.

Naaku ui kia Jihova i he mamahi: bea nae talia au e Jihova, mo ne tuku au ki he botu ataatā. Oku kau maaku a Jihova; e ikai teu manavahe: koeha e faa fai e ha tagata kiate au?

Oku lelei lahi ae falala kia Jihova i he falala ki he tagata. Oku lelei lahi ae falala kia Jihova i he falala ki he gaahi eiki.

E ikai teu mate, kae moui, o fakaha ae gaahi gaue a Jihova.

Kuo tautea fakamamahi‘i au e Jihova: ka oku teeki ai te ne tukuage au ki he mate.

Oku bikitai a hoku laumalie ki he efu: ke ke fakamoui au o hage ko hoo folofola.

Kuo vai a hoku laumalie koeuhi koe ogojia: fakamalohi‘i au o hage ko hoo folofola.

Ko hoku fiemalieaga eni i he eku mamahi: he ko hoo folofola kuo nefakamoui au.

I he heeki ai teu mahaki naaku he: ka koeni kuou fai ki hoo folofola.

Kuo aoga kiate au a hoku mahaki; goehi keu ilo ai hoo gaahi tuutuuni.

E Jihova, oku ou ilo oku totonu hoo gaahi fakamāu, bea i he agatonu kuo ke fakamamahi‘i au. Oku ou kole kiate koe, tuku ke fakafiemalie‘i au e hoo aloofa, o hage ko hoo folofola ki hoo tamaioeiki. Tuku ke hoko kiate au hoo gaahi aloofa ogogofua, koeuhi keu moui ai: he ko hoo fono ko hoku fiefiaaga ia.

Ka ne ikai ko hoku fiefiaaga a hoo fono, behe, neu mate i hoku mahaki. E ikai jii galo iate au hoo gaahi akonaki o lauikuoga: he koia kuo ke fakamoui ai au.

Oku lahi aubito hoku mahaki: fakamoui au, E Jihova, o hage ko hoo folofola.

Kuo bukea au e he mamahi moe feiga: ka ko hoo gaahi fekau ko hoku fiefiaaga ia.

Oku ha‘u hoku tokoni mei a Jihova, aia ne ne gaohi ae lagi mo mamani.

E fakahaofi koe e Jihova mei he kovi kotoabe: te ne fakamoui ho laumalie. E tauhi e Jihova hoo alu kitua mo hoo liu mai mei he aho ni, bea taegata.

Ko kinautolu oku tūtū‘i i he loimata te nau tuuji i he fiefia. Ko ia oku ne alu atu o tagi, bea ave ae tega mahuiga, te ne toe ha‘u i he fiefia, mo omi ene gaahi u uite fakataha mo ia.

Oku ou tatali kia Jihova, oku tatali a hoku laumalie, bea oku ou amanaki lelei ki he ene folofola. Oku tatali a hoku laumalie kia Jihova o lahi hake iate kinautolu oku nau leo ki he bogibogi: oku ou behe, o lahi hake iate kinautolu oku nau leo ki he bogibogi.

E JIHOVA, fakamoui au mei he tagata agakovi: fakamoui au mei he tagata fakamalohi; Aia oku mahalo kovi i ho nau loto; oku nau fakataha mau ai be ke tau. Kuo nau fakamajila ho nau elelo o hage koe gata; oku ai ae kona oe gata i ho nau lalo lougutu. Sila.

Oku ou ilo e fakamāu e Jihova ae mea ae mamahi, moe inaji totonu oe majiva.

Oku fakaha e Tevita oku fiemalie ia i ke ene mamaki i he ene lotu ki he Otua. NAAKU tagi kia Jihova aki hoku le‘o; neu kole tāumau kia Jihova aki hoku le‘o. Naaku liligi eku fakakaukau i hono ao; neu fakaha i hono ao eku mamahi. I he taomia a hoku laumalie, ne ke ilo ai hoku aluaga. I he hala neu eveeva ai kuo nau ai fufu ae tauhele kiate au. Neu jio, mo vakai i hoku nima toomatau, ka nae ikai ha tagata te ne ilo‘i au: nae ikai haaku hufaga; nae ikai tokaga ha tagata ki hoku laumalie. Naaku tagi kiate koe, E Jihova; neu behe, Ko koe ko hoku hufaga mo hoku inaji i he fonua oe moui. Ke ke tokaga ki he eku tagi; he oku ou vaivai aubito: fakamoui au mei hoku kau fakataga; he oku nau malohi hake kiate au. Omi hoku laumalie mei he fale fakabobula, koeuhi keu fakamalo ai ki ho huafa: e kabui au e he agatonu; he te ke fai lelei lahi kiate au.

Oku ou mafao atu hoku nima kiate koe: oku holi a hoku laumalie kiate koe, o hage koe fonua fieinua. Sila. E Jihova, afio vave kiate au: kuo vaivai a hoku laumalie: oua naa fufu ho fofoga iate au, telia naaku tatau mo kinautolu oku nau alu hifo ki he luo.

Oku ofi a Jihova kiate kinautolu kotoabe kuo ui ki he ene afio, kiate kinautolu kotoabe oku nau ui kiate ia i he mooni. Te ne fai ki he holi anautolu oku manavahe kiate ia: e fanogo foki ia ki he e nau tagi, bea te ne fakamoui akinautolu. Oku fakamoui e Jihova akinautolu kotoabe oku nau ofa kiate ia: ka koe agakovi kotoabe te ne fakaauha. E lea aki e hoku gutu ae fakamalo kia Jihova: bea tuku ke fakafetai ae kakano kotoabe ki hono huafa maonioni o lauikuoga bea taegata.

Aia oku ne fai ae fakamāu koeuhi koe kakai fakamalohia: oku ne foaki ae mea kai ki he fiekaia. Oku vete e Jihova ae kau bobula: Oku fakaa e Jihova ae kui: oku fokotuu e Jihova akinautolu kuo mabelu ki lalo: oku ofa a Jihova ki he agatonu: Oku fakamoui e Jihova ae kakai muli; oku ne fakafiemalie‘i ae tamai mate moe fefine kuo mate hono unoho: ka koe hala oe agahala oku ne fulihi ia.

Oku ne fakamoui akinautolu oku loto mafeji, o ne nonoo ho nau gaahi lavea.

Falala kia Jihova aki ho loto kotoa; bea oua naa ke faaki ki ho boto oou. Ke ke fakaogoogo kiate ia i ho hala kotoabe, bea e fakatonutonu eia ho gaahi aluaga. Oua naa ke behe i ho mata oou, oku ke boto: ka ke manavahe kia Jihova, bea tafoki mei he kovi. E hoko ia koe moui ki ho bito, moe uho ki ho gaahi hui.

Koe māfajia i he loto oe tagata oku mabelu ai ia: ka oku fakafiefia‘i ia e he lea lelei.

Oku fakafiefia‘i ae mata e he loto oku fiemalie: ka oku maumau‘i ae laumalie e he mamahi oe loto.

Oku tubu ae lelei o hage ha faitoo mei he loto oku fiefia: ka oku fakamomoa ae hui e he laumalie kuo mafeji.

Koe fale maoluga mo malohi ae huafa o Jihova: oku hola ki ai ae maonioni, o ne moui ai.

E faa kataki‘i e he laumalie oe tagata haane vaivai; ka kohai oku faa kataki‘i ae laumalie kuo lavea?

Oku i he elelo ae bule ki he mate moe moui: bea ko kinautolu oku ofa ki ai te nau kai a hono fua.

Kabau te ke bogia i he aho oe mamahi, ta oku jii ho malohi. Kabau te ke taofi ke oua naa ke fakamoui akinautolu kuo takina ki he mate, bea mo kinautolu kuo teu ke tamate‘i;

Atu ae kava malohi kiate ia oku meimei mate, moe uaine kiate kinautolu oku māfajia ho nau loto. Tuku ke ne inu ke galo ai ene majiva, bea oua naa toe manatu ki he ene mamahi. Ke matoo ho gutu koeuhi koe noa i he mea anautolu kotoabe kuo fakamāu ki he mate.

OKU ai hono kuoga oe mea kotoabe, moe aho ki he gaue kotoabe i he lalo lagi: Koe aho ke fanau‘i ai, moe aho ke mate; koe aho ke to, moe aho ke taaki aia kuo to; Koe aho ke tamate‘i, moe aho ke fakamoui; koe aho ke holoki hifo, moe aho ke laga hake; Koe aho ke tagi, moe aho ke kata; koe aho ke tagilāulāu, moe aho ke mee;

OKU lelei lahi ae higoa oku ogoogolelei i he mea namu kakala oku mahuiga lahi; bea oku lelei ae aho oe mate i he aho oe fanau‘i. Oku aoga lahi hake ae alu ki he fale oku i ai ae tagilāulāu, i he alu ki he fale oku fai katoaga: he koe ikuaga ia oe kakai kotoabe; bea e mamafa ia ki he loto oona oku kei moui. Oku lelei lahi ae mamahi i he kata, he oku fakaajili ae lelei oe loto i he mamahi oe mata. Oku i he fale oe mamahi ae loto oe boto; ka oku i he fale oe fiefia ae loto oe vale.

Ke ke fiefia i he aho oe lelei, ka ke fakalaulauloto i he aho oe kovi: he kuo fokotuu foki e he Otua ae taha ki he taha koeuhi ke oua naa ilo e he tagata ha mea e fai amui.

Koeha e toe teia ai akimoutolu? e tubulaki be hoo mou agatuu: oku mahaki ae ulu kotoabe, bea vaivai moe loto kotoabe. Mei he aofi va‘e o a‘u ki he ulu oku ikai ha haohaoa i ai; ka koe lavea, moe volu, moe bala kovi: oku heeki ai fakamaobo, be nonoo, be feau aki ae lolo faitoo.

Oku mālōlō a mamani kotoabe, bea fiemalie: oku nau kamata hiva fiefia.

Bea e ta‘i e Jihova a Ijibite: te ne ta‘i bea fakamoui: bea te nau toe tafoki kia Jihova, bea te ne tali ae nau hu, bea te ne fakamoui akinautolu.

Koia kuo fonu ai i he mamahi hoku koga loto: kuo kuku au e he mamahi, o hage koe mamahi ae fefine oku laga: naaku mabelu i he fanogo ki ai; bea neu manavahe i he jio ki ai.

Oku mamahi ae fonua bea mae ia, oku vaivai a mamani bea oku mae, oku vaivai ae kakai fieeiki oe fonua. Kuo uli‘i foki ae fonua i hono kakai; koeuhi kuo nau maumau‘i ae gaahi fono, o liliu ae tuutuuni, o maumau‘i ae fuakava taegata. Koia kuo auha ai ae fonua i he malaia, bea ko kinautolu oku nofo ai oku nau mamahi: koia kuo tutu ai ae kakai o mamani, bea oku toe ae tagata toko jii be.

He naa ke hoko koe tokoni ki he kakai baea, koe malohi ki he majiva i he ene mamahi, koe hufaga mei he afā, koe malumalu mei he bubuha oka tatau ae tuoni matagi oe kakai fakailifia moe afā oku faaki ki he a maka.

Te ne fakaauha aubito ae mate i he malohi; bea e holoholo e he Eiki ko Jihova ae gaahi loimata mei he mata kotoabe; bea koe valoki o hono kakai te ne too mei he fonua kotoabe: he kuo folofola behe a Jihova.

Te ke tauhi ia i he melino haohaoa, aia oku faaki hono loto kiate koe: koeuhi oku ne falala kiate koe. Mou falala kia Jihova o lauikuoga: he oku i he Eiki ko Jihova ae mafimafi taegata.

E Jihova te ke tuutuuni ae fiemalie ma anautolu: he kuo ke fai ekoe ae mau gaahi gaue kotoabe iate kimautolu.

Bea koia e tatali ai a Jihova, koeuhi ke ne aloofa kiate kimoutolu, bea koia e fakahikihiki‘i ia, koeuhi ke ne aloofa kiate kimoutolu: he ko Jihova koe Otua ia oe fakamāu: oku monuia akinautolu kotoabe oku tatali kiate ia. Koeuhi e nofo ae kakai i Saione i Jelusalema: e ikai te ke toe tagi: te ne fai lelei lahi kiate koe i he le‘o o hoo tagi; i he ene fanogo ki ai, te ne talia koe. Bea ne ogo ae atu kiate koe e Jihova ae ma oe ogojia, bea moe vai oe mamahi, ka e ikai toe ave hoo kau akonaki ki ha tuliki, ka e mamata e ho mata ki hoo kau akonaki. Bea ka ke ka afe ki he toomatau, bea i hoo afe ki he toohema, e fanogo e ho teliga ki ha lea mei ho tua, o behe, Ko eni ae hala, ke ke alu i ai.

Mou tokoni ki he nima vaivai, bea boubou ae tui oku fegataliaki. Ke ke behe kiate kinautolu oku loto manavajii, Ke mou malohi, oua e manavahe: vakai, e haele mai ho mou Otua moe tautea, io ae Otua aki ae totogi; te ne haele mai o fakamoui akimoutolu. Bea e toki faka a ae mata oe kui, bea e fakaava moe teliga oe tuli. Bea e toki hobohobo ae tagata ketu o hage koe haate, bea e hiva ae elelo oe noa: koeuhi e tubu i he toafa ae gaahi vai, moe gaahi vaitafe i he botu lala.

Bea e i ai ae hala motua, bea moe hala, bea e ui ia koe hala oe maonioni; e ikai alu ai ae tae maa; ka e tuku ia kiate kinautolu ni: bea ne ogo koe vale ae kakai fonoga e ikai te nau he ai. E ikai i ai ha laione, bea e ikai alu hake ki ai ha manu fekai, e ikai ilo ia i ai; ka e eveeva ai ae kakai kuo huhui: Bea e foki mai ae kakai kuo huhui e Jihova, o ha‘u ki Saione moe gaahi hiva moe fiefia taegata i ho nau ulu: te nau ma‘u ae fiefia moe nekeneka, bea e buna atu ae mamahi moe to‘e.

OKU behe e ho mou Otua, Mou fakafiemalie‘i, mou fakafiemalie‘i, a hoku kakai. Lea fakafiemalie ki Jelusalema, bea kalaga kiate ia, kuo gata ene tau, kuo fakamolemole ene hia: he kuo fai ae totogi ke liuga ua kiate ia mei he nima o Jihova i he ene hia kotoabe.

Te ne fafaga ene faga sibi o hage koe tauhi: te ne tanaki ae faga lami aki hono nima, bea fua akinautolu i hono fatafata, bea tataki fakafiemalie akinautolu oku feitama.

Ikai naa ke ilo? ikai naa ke fanogo, ko Jihova koe Otua taegata ia, koe Tubuaga oe gaahi gataaga o mamani, oku ikai bogia ia, bea oku ikai vaivai? oku tae faa ilo‘i a ene ilo. Oku ne foaki ae malohi ki he vaivai; bea kiate kinautolu oku ikai haa nau malohi oku ne fakatubu ae malohi. Io e bogia ae fānau tubu bea vaivai, bea e higa aubito moe kau talavou: Ka ko kinautolu oku tatali kia Jihova e fakafoou ho nau malohi; te nau buna hake aki ae kabakau o hage koe faga ikale; te nau lele ka e ikai vaivai; bea te nau eveeva ka e ikai bogia.

Oua naa ke manavahe; he oku ou iate koe: oua e loto vaivai; he ko au ko ho Otua teu fakamalohi koe; io, teu tokoni koe; io, teu boubou hake koe aki ae nima toomatau o eku agatonu.

Oka kumi e he majiva moe baea ae vai, bea oku ikai ia, bea oku vaivai ho nau elelo i he fieinu, Ko au ko Jihova teu fanogo kiate kinautolu, Ko au koe Otua o Isileli e ikai teu liaki akinautolu.

KA koeni, oku behe e Jihova aia naa ne gaohi koe, E Jekobe, bea koia nae fakafuofua koe, E Isileli, Oua e manavahe: he kuou huhui koe, kuou ui koe aki ho higoa; oku aaku koe. Oka ke ka alu i he vai, teu iate koe; bea i he gaahi vaitafe, e ikai te ke melemo ai: oka ke ka alu i he afi, e ikai te ke vela; bea e ikai alu hake iate koe ae ulo afi.

Kuou gaohi ae māma, bea fakatubu moe bouli: oku ou fakahoko ae melino, bea fakatubu moe tau: ko au ko Jihova oku ou fai ae gaahi mea ni kotoabe.

Bea o a‘u ki hoo motua ko au ia; bea o a‘u ki he ulu hina teu fua koe: kuou gaohi, bea teu fua ia; io teu fua, bea teu fakamoui.

Vakai; kuou fakamaa koe, kae ikai aki ae siliva; kuou fili koe mei he afi oe mamahi.

E ikai te nau fiekaia be fieinu; bea e ikai teia akinautolu e he bubuha be e he laa: he ko ia oku aloofa kiate kinautolu te ne tataki akinautolu, io te ne fakahinohino akinautolu ki he gaahi matavai.

Hiva, ae gaahi lagi; bea ke fiefia, E mamani; bea ke ba mai i he hiva, ae gaahi mouga: he kuo fakafiemalie‘i e Jihova a hono kakai, bea te ne aloofa ki hono kakai mamahi.

Vakai, kuou tohi togi koe i hoku aofi nima; oku i hoku ao mau ai be a hoo gaahi a.

Koeuhi e fakafiemalie‘i e Jihova e Saione: te ne fakafiemalie‘i hono gaahi botu lala kotoabe; bea te ne gaohi hono toafa ke hage ko Iteni, bea ko hono botu liaki o hage koe goue a Jihova; e ilo i ai ae fiefia moe nekeneka, koe fakafetai, bea moe le‘o oe Same.

Koia, e toe foki mai ae kakai kuo huhui e Jihova, bea ha‘u moe hiva ki Saione; bea e i ho nau ulu ae fiefia o taegata: te nau ma‘u ae fiefia moe nekeneka; bea e buna atu ae mamahi moe tagi. Ko au, io ko au ia, oku fakafiemalie‘i koe: kohai koe, ke ke manavahe ki ha tagata aia e mate, bea ki he foha oe tagata aia e gaohi o hage koe mohuku;

I he lāuga ae balofita ki he tae tui, oku ne fakaha ae gaahi mamahi o Kalaisi bea mo hono mahuiga oia. KOHAI kuo ne tui ki he e mau ogoogo? bea kuo fakaha ki ahai ae nima o Jihova? He te ne tubu hake i hono ao o hage koe akau mategofua, bea hage koe aka mei he kelekele momoa: oku ikai ha jino lelei be ha toulekeleka iate ia, bea ka tau ka mamata kiate ia, oku ikai ha fakaofoofa ke tau manako ai kiate ia. Oku fehianekina ia bea liaki e he tagata; koe tagata oe gaahi mamahi, bea maheni ai moe loto mamahi: bea hage naa tau fufu ho tau mata meiate ia; kuo manuki ia, bea nae ikai te tau tokaga kiate ia. Koe mooni kuo ne too kiate ia ae tau gaahi vaivai, o ne fua e tau gaahi mamahi: ka naa tau mahalo kuo tautea mo ta‘i ia mei he Otua, bea mamahiia. Ka nae lavea ia koeuhi koe tau gaahi agahala, nae fakavolu ia koeuhi koe tau gaahi hia: nae iate ia ae tautea koeuhi ke tau fiemalie; bea i hono gaahi ta oku tau moui ai. Kuo tau he kotoabe o hage koe faga sibi; kuo tau afe taki taha kotoabe ki hono hala; bea kuo hilifaki kiate ia e Jihova ae hia atautolu kotoabe. Nae fakamalohia, bea nae mamahi ia, ka nae ikai te ne mafaa hono fofoga: oku tataki ia o hage koe lami ke tamate‘i, bea hage koe sibi oku noa i he ao oe tagata koji, bea nae ikai mafaa hono fofoga. Nae ave ia mei he fale fakabobula, bea mei he fakamāu: bea kohai te ne fakaha hono tubuaga? he nae tuuji ia mei he fonua oe moui: nae teia ia koeuhi koe agahala a hoku kakai. Bea nae tuutuuni hono tanuaga moe kakai agahala, bea fakataha moe ma‘umea i he ene bekia; koeuhi nae ikai te ne fai kovi, bea nae ikai ha kākā i hono fofoga. Ka nae finagalo a Jihova ke fakavolu ia; kuo ne tuku kiate ia ae mamahi: oka ke ka gaohi hono laumalie koe feilaulau koeuhi koe hia, te ne mamata ki hono hako, te ne fakatolotologa hono gaahi aho, bea koe finagalo o Jihova e monuia ia i hono nima. He te ne vakai ki he fua oe mamahi lahi o hono laumalie, bea fiemalie ai ia: i he ilo kiate ia e fakatonuhia e he eku tamaioeiki maonioni ae toko lahi; he te ne fua e nau gaahi hia. Koia teu vahe‘i kiate ia ha inaji fakataha moe kakai ogoogo, bea te ne vahevahe ae koloa fakataha moe kakai malohi; koeuhi naa ne liligi hono laumalie ki he mate: bea nae lau ia fakataha moe kau agahala; bea naa ne fua ae hia oe toko lahi, bea ne hufokina ae kakai agahala.

Oua e manavahe; koeuhi e ikai te ke ma: bea oua naa ke bubutuu; koeuhi e ikai fakama‘i koe: he te ke fakagalo‘i ae ma o hoo kei talavou, bea e ikai te ke toe manatu ki he valoki o hoo nofo taka be i he mate ho unoho.

E fokotuu mau koe i he maonioni: te ke mamao moe fakamalohia; koeuhi e ikai te ke manavahe: bea mei he ilifia; koeuhi e ikai ha‘u ia o ofi kiate koe.

E ikai monuia ha mahafu tau kuo gaohi ke tau‘i koe; bea koe elelo kotoabe e lea kovi kiate koe te ke fakamalaia i he fakamāu. Ko eni ae tofia oe kau tamaioeiki a Jihova, bea oku meiate au e nau maonioni, oku behe e Jihova.

He te mou alu atu i he fiefia, bea e taki atu akimoutolu i he fiemalie: e ba ae hiva i ho mou ao mei he gaahi mouga moe botu tafugofuga, bea e bajibaji nima e he gaahi akau kotoabe oe vao.

Te ne hu i he fiemalie: te nau mālōlō i ho nau gaahi mohega, akinautolu oku eveeva i he agatonu.

He oku behe e he Toko Taha lahi mo maoluga aia oku afio i he taegata, ko hono huafa koe Maonioni; Oku ou nofo i he botu maoluga mo maonioni, bea iate ia foki oku loto fakatomala mo agavaivai, ke fakamoui ae loto okinautolu oku fakatomala.

Kuou vakai ki hono gaahi hala, bea teu fakamoui ia: teu tataki foki ia, bea toe atu ae gaahi fakafiemalie kiate ia mo ene kau mamahi. Oku ou fakatubu ae fua oe lougutu; Fiemalie, fiemalie kiate ia oku kei mamao, bea kiate ia oku ofi, oku behe e Jihova; bea teu fakamoui ia.

Oku behe koa ae aukai kuou fili? koe aho ke fakamamahi e he tagata hono laumalie? koe mea ia ke mabelu ki lalo hono ulu o hage koe kaho, bea ke fofola ae tauagaa moe efuefu ki lalo iate ia? te ke ui ae mea ni koe aukai, bea koe aho fakatuotuamelie kia Jihova? Ikai ko eni ae aukai kuou fili? ke vete ae gaahi noo oe agahala, ke vete ae gaahi kavega mamafa, bea ke tukuage ae kau tamaioeiki, bea ke motumotuhi ae gaahi haamoga kotoabe? Ikai koe mea ke tufaki hoo ma ki he fiekaia, bea ke omi ae majiva kuo li kitua ki ho fale? oka ke ka mamata ki he telefua, ke fakakofu ia; bea oua naa ke fufu koe mei ho jino oou?

Ka behe e toki ulo atu hoo māma o hage koe bogibogi, bea e tubu vave hoo moui lelei: bea e muomua i ho ao a hoo maonioni; bea e muimui iate koe ae nāunāu o Jihova. Bea te ke toki ui bea e tali e Jihova; te ke kalaga, bea te ne behe, Ko au eni. Kabau te ke too mei ho ao ae haamoga, ae tuhutuhu oe nima, moe lea taeaoga. Bea kabau te ke tagaki ho laumalie ki he fiekaia, bea fafaga ae laumalie oku mamahi; bea e toki alu hake ho māma i he fakabouli, bea tatau ae fakabouli moe hoata malie: Bea e fakahinohino koe e Jihova mau ai be, bea e fakainu ho laumalie oka ikai ha vai, bea e fakamalohi ho gaahi hui: bea te ke hage koe goue oku fakaviviku, bea hage koe matavai moui, oku tubu mau ai be hono vai.

OKU iate au ae Laumalie oe Eiki ko Jihova; koeuhi kuo fakanofo au e Jihova keu malaga aki ae ogoogolelei ki he agamalu; kuo ne fekau au ke nonoo ae loto mafeji, ke fakaha ae tauataina ki he kau bobula, bea ke fakaava ae fale fakabobula kiate kinautolu kuo haijia; Ke fakaha ae ta‘u lelei o Jihova, bea koe aho oe houhau o ho tau Otua; ke fakafiemalie‘i akinautolu kotoabe oku mamahi; Ke atu ae fiefia kiate kinautolu oku mamahi i Saione, ke atu kiate kinautolu ae hoihoifua koe fetogi oe efuefu, ae lolo oe fiefia koe fetogi oe mamahi, ae kofu oe fakamalo koe fetogi oe laumalie kuo mafeji; ke ui akinautolu koe gaahi akau oe maonioni, nae to e Jihova koeuhi ke ogoogolelei ai ia.

I he e nau mamahi kotoabe nae mamahi ia, bea koe agelo o hono ao naa ne fakamoui akinautolu: i he ene ofa mo ene manavaofa naa ne huhui akinautolu: bea ne too hake akinautolu, mo fua akinautolu i he gaahi aho kotoabe i mua.

Vakai, he oku ou fakatubu ae gaahi lagi foou bea moe fonua foou: bea e ikai manatu aia nae i mua, be ai ha manatu loto ki ai. Ka ke fiefia akimoutolu bea nekeneka o taegata i he mea oku ou fakatubu: he, vakai, oku ou gaohi a Jelusalema koe fiefiaaga, bea ke fiefia a hono kakai. Bea teu fiefia ia Jelusalema, bea nekeneka i hoku kakai: bea e ikai ha toe fanogo ki ha le‘o oe tagi iate ia, be koe le‘o oe tagi mamahi.

O hage koe toko taha oku fakafiemalie ki ai ene fa‘e, e behe eku fakafiemalie kiate koe; bea e fakafiemalie‘i akimoutolu i Jelusalema.

Oku monuia ae tagata oku falala kia Jihova, bea ko hono amanaki leleiaga a Jihova. Koeuhi e hage ia koe akau kuo to i he vee vai, oku totolo atu hono gaahi aka ki he vaitafe, bea e ikai te ne ilo ae bubuha, ka e mata be hono lau; bea e ikai vaivai i he faahita‘u laa, bea e ikai fakagata hono fua.

E Jihova, ke ke faitoo kiate au, bea teu moui; fakamoui au, bea teu moui: he ko koe oku ou fakafetai ki ai.

He oku behe e Jihova, Oku iate au ae gaahi tuutuuni, kuou tuutuuni kiate kimoutolu, koe gaahi tuutuuni ki he fiemalie, kae ikai ki he kovi, koeuhi ke foaki hoo mou amanaki kiate kimoutolu i he ikuaga. Bea te mou toki ui kiate au, bea te mou alu o lotu kiate au, bea teu fanogo kiate kimoutolu. Bea te mou kumi mo ilo‘i au, oka mou ka kumi kiate au aki ho mou loto kotoa.

He oku behe e Jihova, Teu fakamoui koe, bea teu fakamoui mo ho gaahi lavea; koeuhi naa nau ui koe, Koe liaki, o behe, Ko Saione eni, aia oku ikai kumi ki ai e ha taha.

He kuou fakainu ae laumalie oku vaivai, bea kuou fakamakona ae laumalie kotoabe oku mamahi. Bea naaku a i he mea ni, be au vakai bea nae lelei kiate au eku mohe.

Vakai, teu omi kiate ia ae moui, bea moe faitoo aoga, bea teu fakamoui akinautolu, bea teu fakaha kiate kinautolu ae fiemalie moe mooni lahi.

I he eku manatu ki hoku mahaki bea mo eku mamahi, ae kona bea moe ahu. Oku kei manatu ki ai hoku laumalie, bea oku agavaivai ia iate au.

Koe mea i he aloofa a Jihova oku ikai te tau auha, koeuhi oku ikai ke gata ene manavaofa. Oku foou ia i he bogibogi kotoabe, oku lahi hoo agatonu. Oku behe e hoku laumalie, Ko hoku tofia a Jihova: koia teu amanaki lelei iate ia. Oku lelei a Jihova kiate kinautolu oku tatali kiate ia, ki he laumalie oku kumi kiate ia. Oku lelei ki he tagata ke ne amanaki, bea ne tatali fakatatoka foki ki he fakamoui mei a Jihova.

He kabau te ne fakamamahi, ka te ne manavaofa foki o fakatatau ki hono lahi o ene gaahi aloofa. He oku ikai te ne fie tautea, be fakamamahi ae fānau ae tagata.

Naa ke unuunu mai o ofi i he aho koia neu ui kiate koe: naa ke behe, Oua naa manavahe. E Jihova kuo ke lagomaki‘i hoku laumalie; kuo ke huhui eku moui.

Nae uliuli a ho mau kili o hage koe gotoumu, koe mea i he hoge fakamanavahe.

Teu fafaga akinautolu i he botu lau mauiui, bea e i he gaahi mouga maoluga o Isileli a ho nau lotoa: te nau tokoto ai i he lotoa lelei, bea te nau kai i he botu lau mauiui i he gaahi mouga o Isileli. Teu fafaga a eku faga sibi, bea teu fakatokoto akinautolu ki lalo, oku behe e Jihova koe Otua. Teu kumi kiate ia nae mole, bea teu toe omi aia nae fakahe‘i atu, teu nonoo aia nae mafeji, bea teu fakamalohi aia nae vaivai: bea teu tamate‘i aia oku jino mo malohi; teu fafaga aki akinautolu ae tautea.

Bea nae lea a Nebukanesa o behe, Oku monuia ae Otua o Seteleki, mo Mesake, mo Abeteniko, aia kuo fekau a ene agelo, bea kuo ne fakahaofi eue kau tamaioeiki nae falala kiate ia, bea kuo nau liliu ae lea ae tu‘i, o fakahaofi a ho nau jino, koeuhi ke oua naa nau tauhi, be hu ki ha otua, ka ko ho nau Otua be.

Kuo fekau e hoku Otua a ene agelo, bea kuo tabuni ae gutu oe faga laione ke oua naa nau fakamamahi au: koeuhi nae ilo ae lelei iate au i hono ao: bea i ho ao foki e tu‘i nae ikai teu fai kovi. Koia nae fiefia lahi aubito ae tu‘i koeuhi koia, bea ne fekau ke nau too hake a Taniela mei he ana. Koia nae too hake a Taniela mei he ana, bea nae ikai ilo ha lavea jii iate ia, koeuhi naa ne tui ki hono Otua.

Oku ne malu‘i mo fakahaofi, bea oku ne fai ae gaahi mana moe gaahi mea fakaofo i he lagi mo mamani, koia ia kuo fakahaofi a Taniela mei he malohi oe faga laione.

HA‘U, bea tuku ke tau tafoki kia Jihova: he kuo ne hae‘i, bea te ne fakamoui akitautolu; kuo ne ta‘i, bea te ne toe fakamaoboobo. Hili ae aho e ua te ne toe fakamoui akitautolu: i hono tolu oe aho te ne toe fokotuu akitautolu, bea te tau moui i hono ao.

Teu huhui akinautolu mei he malohi oe faitoka; teu huhui akinautolu mei he mate: E mate, teu hoko ko ho maumau‘i; e faitoka, teu hoko ko ho fakaauha: e buli ae fakatomala mei hoku mata.

Bea teu toe omi kiate kimoutolu ae gaahi ta‘u ne kai e he hee moe unufe maumau, moe unufe, moe unufe fulufulu, ko eku kau tau lahi naaku fekau kiate kimoutolu. Bea te mou kai i he mahu bea te mou makona ai, bea fakamalo ki he huafa o Jihova ko ho mou Otua, aia kuo ne fai fakaofo kiate kimoutolu: bea e ikai toe ma a hoku kakai o lauikuoga.

O ne behe, Naaku tagi i he eku mamahi kia Jihova, naa ne ogo‘i au; naaku tagi mei he loto faitoka, bea naa ke ogo‘i hoku le‘o.

Oku mafimafi a Jihova ko ho Otua i he lotolotoga oou; te ne fakamoui, te ne fiefia iate koe, aki ae fiefia: e mālōlō eia i he ene ofa, te ne fiefia iate koe aki ae hiva.

Ka e hobo hake ae laa oe agatonu moe fakamoui i hono kabakau, kiate kimoutolu oku manavahe ki hoku huafa; bea te mou alu atu, bea tubu o hage koe faga uhiki‘i bulu i he fale fafaga.

Bea kuo toki ilo e Helota kuo kākā‘i ia e he kau tagata boto, bea ita lahi aubito, mo ne fekau atu ki Betelehema moe gaahi botu ofi ki ai, ke tamate‘i ae tamaiki tagata kotoabe, gata i he ua ta‘u oe nau lahi o fai ki mui; o fakatatau ki he aho naa ne fehui fakababau ai ki he kau tagata boto. Bea nae toki fakamooni aia nae lea aki ehe balofita ko Jelemaia, o behe, Nae ogo‘i i Lama ae le‘o, koe lāuga, moe tagi, moe tagilāulāu, koe tegihia e Lejieli ene fānau, bea ikai te ne tali ae fiemalie, koeuhi kuo ikai akinautolu.

Bea alu a Jisu i he botu kotoabe o Kaleli, o akonaki i ho nau gaahi fale lotu, bea malaga aki ae ogoogolelei oe buleaga, o ne fakamoui ae mahaki kehekehe kotoabe, moe hagatamaki kotoabe nae i he kakai. Bea mafola atu hono ogoogo i Silia kotoabe: bea nau omi kiate ia ae kakai mahaki kotoabe, nae tuia i he mahaki kehekehe moe gaahi feiga mamahi, moe niihi nae ulujino ai ae gaahi tevolo, mo kinautolu nae vale, mo kinautolu nae mahaki tete; bea ne fakamoui akinautolu.

Oku monuia ae agavaivai: he oku o nautolu ae buleaga oe lagi. Oku monuia akinautolu oku tagi: he te nau ma‘u ae fiemalie.

Oku monuia akinautolu kuo fakataga‘i koeuki koe maonioni: he oku o nautolu ae buleaga oe lagi. Oku monuia akimoutolu, oka manukia, mo fakataga‘i, mo lohiekina akimoutolu i he mea kovi kotoabe, koeuhi ko au. Mou fiemalie o fiefia lahi aubito: he oku lahi hoo mou totogi i he lagi: he nae behe e nau fakataga‘i ae kau balofita nae mua iate kimoutolu.

Ka oku ou tala atu kiate kimoutolu, Ofa ki ho mou gaahi fili, tabuaki‘i akinautolu oku kabe‘i akimoutolu, fai lelei kiate kinautolu oku fehia kiate kimoutolu, bea hufia akinautolu oku fai kovi mo fakataga kiate kimoutolu;

Koia oku ou tala atu ai kiate kimoutolu, Oua naa mou tokaga ki hoo mou moui, ki ha mea te mou kai, be ha mea te mou inu; be ki ho mou jino, i ha mea te mou ai ki ai. Ikai oku lahi ae moui i he mea kai, moe jino i he kofu? Vakai ki he faga manu oe atā: oku ikai te nau tutui be tuuji, be fetuku ki ha feleoko; ka oku fafaga akinautolu e hoo mou Tamai i he lagi. Ikai oku lahi hake akimoutolu iate kinautolu? Kohai ia iate kimoutolu e faa fakaloloa jii ki he ene moui i he ene tokaga ki ai? Bea koeha oku mou tokaga ai ki he kofu? Tokaga ki he fiji‘i akau oe goue, oku fele‘i e nau tubu; oku ikai te nau gaue, bea oku ikai te nau filo: Ka oku ou tala atu kiate kimoutolu, Nae ikai tatau ae teuga o Solomone i hono nāunāu kotoabe mo ha taha o kinautolu na. Bea koia, kabau oku fakakofu behe e he Otua ae mohuku oe goue, aia oku i ai he aho ni, kae li ki he gotoumu abogibogi, bea e ikai lahi hake ene fie fakakofu‘i akimoutolu, akimoutolu oku jii hoo mou tui? Koia oua naa mou tokaga, o behe, Koeha te tau kai? be, Koeha te tau inu? be, Te tau kofu aki ae ha? (He oku kumi e he Jenitaile ki he gaahi mea ni kotoabe:) he oku ilo e hoo mou Tamai i he lagi oku mou majiva i he gaahi mea ni kotoabe. Ka mou fuofua kumi ae buleaga oe Otua, mo ene maonioni; bea e fakalahi aki ae gaahi mea ni kotoabe kiate kimoutolu. Koia ke oua naa mou tokaga ki he abogibogi: koeuhi e tokaga ae abogibogi ki he gaahi mea oona. Oku tatau moe aho a hono kovi.

Kole, bea e foaki ia kiate kimoutolu; kumi, bea te mou ilo; tukituki, bea e too ia kiate kimoutolu: He ko ia kotoabe oku kole, oku ne ma‘u; bea ko ia oku kumi, oku ne ilo; bea ko ia oku tukituki, e too kiate ia.

Bea iloage, kuo ha‘u ae tagata kilia o hu kiate ia, o behe, Eiki, kabau ko ho finagalo, oku ke faa fakamaa au. Bea mafao atu e Jisu a hono nima, o ala kiate ia, o behe, Ko hoku loto ia; ke ke maa koe. Bea fakamaa leva hono kilia.

Bea kuo hoko a Jisu ki Kabaneume, nae ha‘u kiate ia ha eiki tau, o kole kiate ia, O ne behe, Eiki, oku tokoto eku tamaioeiki i abi oku mahaki i he mahaki tete, bea mamahi lahi. Bea beheage e Jisu kiate ia, Teu alu atu o fakamoui ia. Bea lea ae eiki tau, o beheage, Eiki, oku ikai tāu mo au ke ke hu ki hoku fale: kae fai be hao lea, bea e moui ai eku tamaioeiki. He koe tagata buleia au, ka oku ai ae kau tau oku ou bule‘i: bea oku ou behe ki ha taha, Alu, bea alu ia; bea ki ha taha, Ha‘u, bea ha‘u ia; bea ki he eku tamaioeiki, Fai eni, bea oku ne fai ia. Bea kuo fanogo a Jisu, bea ofo ia, o ne behe kiate kinautolu nae muimui mai, Oku ou tala mooni atu kiate kimoutolu, naa mo Isileli, oku ikai teu ilo ai ha tui e behe ni hono lahi. Bea oku ou tala atu kiate kimoutolu, E ha‘u ae toko lahi mei he botu hahake moe botu luluga, o nau nonofo mo Ebalahame, mo Aisake, mo Jekobe, i he buleaga oe lagi. Ka koe fanau oe buleaga e kabuji kituaa ki he fakabouli: bea e i ai ae tagi moe fegaiitaki oe nifo. Bea talaage e Jisu ki he eiki tau, Ke ke alu, bea e fai kiate koe, o hage ko hoo tui. Bea nae moui ene tamaioeiki i he feituulaa koia.

Bea kuo hu a Jisu ki he fale o Bita, bea mamata ia ki he fa‘e a hono unoho oku tokoto ia, i he mahaki koe mofi. Bea naa ne ala ki hono nima, bea mahui iate ia ae mofi: bea tuu hake ia, o ne tauhi akinautolu.

Bea kuo efiafi, naa nau omi kiate ia ae toko lahi kuo ulujino ai ae kau tevolo: bea ne kabuji ae kau laumalie aki a ene lea, o ne fakamoui akinautolu kotoabe nae mahaki: Koeuhi ke fakamooni aia nae lea aki e he balofita ko Isaia, o behe, Ko ia ia ne too e tau gaahi vaivai, o ne fua e tau gaahi mamahi.

Bea vakai, nae to ae taufa lahi: he tahi, bea fakabulou aki ae vaka ae gaahi beau: ka nae mohe ia. Bea ha‘u ene kau akoga, o fafagu ia, mo nau behe, Eiki, fakamoui akimautolu; kuo tau mate! Bea beheage eia kiate kinautolu, Koeha oku mou manavahe ai, akimoutolu oku jii hoo mou tui? Bea toki tuu hake ia, o lolomi ae matagi moe tahi; bea nae tofuki leva.

Bea kuo hoko ia ki he kau vai e taha, ki he fonua oe Kekesini, nae fakafetaulaki kiate ia ae toko ua nae ulujino ai ae kau tevolo, ko e na omi mei he gaahi faitoka, kuo lili aubito aubito, koia nae ikai faa alu ai ha taha o ofi ki he hala koia. Bea iloage, kuo na kalaga, o behe, Koeha akimaua kiate koe, e Jisu, koe Alo oe Otua? he kuo ke ha‘u ki heni ke tomua tautea akimaua i he heeki ai hoko ae kuoga? Bea nae i he mamao atu iate kinautolu ae faga buaka lahi nae fafaga. Bea kole ae kau tevolo kiate ia, o behe, Kabau oku ke kabuji akimautolu kitua, tuku ke mau hu ki he faga buaka. Bea talaage eia kiate kinautolu, Alu. Bea kuo nau ha‘u kitua, mo nau hu ki he faga buaka: bea iloage, kuo felele‘i o oho ae faga buaka kotoabe i he botu tahifohifo ki tahi, bea auha ai i he vai.

Bea vakai, naa nau omi kiate ia ae tagata nae mahaki tete, oku tokoto i he mohega: bea mamata a Jisu ki he e nau tui, bea behe eia ki he mahaki tete; Foha, ke ke fiemalie; kuo fakamolemole hoo gaahi agahala. Bea vakai, kuo behe e he niihi oe kau tagata tohi i ho nau loto, Oku lea fie Otua ae tagata ni. Bea behe e Jisu, i he ene ilo e nau gaahi mahalo, Koeha oku mou mahalo kovi ai i ho mou loto? He oku faigofua ae fe, ke lea, Kuo fakamolemole hoo gaahi agahala; be koe lea Tuu hake o eveeva? Ka koeuhi ke mou ilo kuo i he Foha oe tagata ae malohi i mamani ke fakamolemole ae agahala, (bea toki behe eia ki he mahaki tete,) Tuu hake, too ho mohega, o alu ki ho fale. Bea tuu hake ia, o alu ki hono fale.

Bea kuo fanogo ki ai a Jisu, bea behe eia kiate kinautolu, Oku ikia aoga ae faitoo kiate kinautolu oku mālōlō, ka ki he mahaki.

Bea vakai, koe fefine nae mahaki i he ta‘u e hogofulu ma ua i he au ae toto, nae ha‘u o muimui iate ia, bea ala ki he kaba o hono kofu: He nae behe eia i hono loto, Kabau teu faa ala ki hono kofu be, teu moui ai. Bea tafoki ki mui a Jisu, o ne mamata kiate ia, bea ne behe, Ofefine, ke ke fiemalie; kuo fakamoui koe e hoo tui. Bea fakamoui ae fefine talu mei he feituu‐laa koia.

Bea kuo hu a Jisu ki he fale oe bule, o mamata ki he kau ifi fagufagu, moe kakai oku tagilāulāu, Bea ne behe kiate kinautolu, Mou tutuku: he oku ikai mate ae taahine, ka oku mohe. Bea naa nau kata manuki‘i ia. Bea kuo tuku atu ae kakai, bea hu age ia, bea buke eia hono nima, bea tuu hake ae taahine.

Bea i he alu a Jisu mei ai, nae muimui iate ia ae ogo tagata kui, o na tagi, o behe, Koe Alo o Tevita, aloofa mai kiate kimaua. Bea kuo hu ia ki he fale, bea ha‘u kiate ia ae ogo tagata kui: bea beheage e Jisu kiate kinaua, Oku mo tui oku ou mafai aeni? Bea na talaage kiate ia, Io, Eiki. Bea ala ia ki ho na mata, mo ne behe, Ke hoko kiate kimoua o hage ko hoo mo tui. Bea a ai ho na mata; bea fekau malohi e Jisu kiate kinaua, o behe, Vakai ke oua naa ilo ia e ha taha.

Bea i he e nau alu atu, vakai, oku nau omi kiate ia ae tagata noa oku ulujino ai ae tevolo. Bea kuo kabuji atu ae tevolo, bea lea ai ae noa: bea ofo ae kakai, o nau behe, Talu mei mua nae ikai aubito mamata i Isileli ha mea behe.

Bea nae fonoga fano a Jisu ki he gaahi kolo kotoabe moe botu kakai, o akonaki i ho nau gaahi fale lotu, o malaga aki ae ogoogolelei oe buleaga, bea fakamoui ae mahaki kotoabe moe hagatamaki kotoabe oe kakai.

BEA kuo ne ui ke ha‘u kiate ia ene kau akoga e toko hogofulu ma toko ua, naa ne tuku kiate kinautolu ae malohi, ke nau kabuji ae gaahi laumalie taemaa, bea ke nau fakamoui ae mahaki kotoabe, moe hagatamaki kotoabe.

Fakamoui ae mahaki, fakamaa ae kilia, fokotuu ae mate, kabuji ae kau tevolo: kuo mou ma‘u taetotogi, bea atu taetotogi.

Bea oua naa manavahe kiate kinautolu oku tamate‘i ae jino, ka oku ikai faa tamate‘i ae laumalie: kae manavahe mua kiate ia oku mafai ke fakaauha ae laumalie moe jino i heli. Ikai oku fakatau ae hiki‘i manu buna e ua aki ae baaga jii e taha? ka e ikai haa na taha e to ki he kelekele ka i he loto o hoo mou Tamai. Ka koe gaahi tuoni louulu o ho mou ulu kuo lau kotoabe. Koia ke oua naa mou manavahe, he oku mou mahuiga lahi i he faga hiki‘i manu lahi.

Ko ia oku kalofaki ene moui, e mole ia iate ia: ka ko ia oku mole ene moui koeuhi ko au, e ma‘u eia ia.

Oku a ae kui, oku eveeva ae bibiki, oku maa ae kilia, bea ogo ae tuli, bea fokotuu ae mate, bea oku malaga aki ae ogoogolelei ki he kakai majiva.

Ha‘u kiate au akimoutolu kotoabe oku feiga mo māfajia, bea teu foaki ae fiemalie kiate kimoutolu. Too eku haamoga kiate kimoutolu, bea mou ako iate au; he oku ou agavaivai mo agamalu: bea te mou ilo ai ae fiemalie ki ho mou laumalie. He oku faigofua be eku haamoga, bea oku maamaa eku kavega.

Bea vakai, nae i ai ae tagata kuo mate hono nima. Bea nau fehui kiate ia, o behe, Oku gofua ke fakamoui i he gaahi aho sabate? koeuhi ke nau fakakovi‘i ia. Bea beheage eia kiate kinautolu, Koe tagata fe iate kimoutolu, oku taha be ene sibi, bea ka to ia ki ha luo i he aho sabate, e ikai te ne buke ia, o too hake? Bea ikai oku lelei lahi ae tagata i he sibi? Koia, oku gofua ke fai lelei i he aho sabate. Bea toki behe eia ki he tagata, Mafao atu ho nima. Bea ne mafao atu ia; bea fakamoui ia, o hage ko hono nima e taha.

Ka i he ilo ia e Jisu, naa ne alu mei ai: bea muimui iate ia ae kakai toko lahi, bea ne fakamoui akinautolu kotoabe;

Bea nae toki omi ai kiate ia ae toko taha nae kui mo noa, kuo ulujino ai ae tevolo: bea naa ne fakamoui ia, koia nae lea mo a ai aia nae kui mo noa.

Ka ko ia naa ne ma‘u ae tega i he botu maka, ko ia oku ne fanogo ki he folofola, bea ma‘u fiefia leva ia; Ka oku ikai aka ia iate ia, bea oku tologa jii be ia: he oka hoko ae mamahi be ae fakataga koeuhi koe folofola, oku higa leva ia.

Bea alu atu a Jisu, o ne mamata ki he kakai toko lahi, bea ofa mamahi ia kiate kinautolu, o ne fakamoui e nau gaahi mahaki.

Bea kuo ilo ia e he kakai oe botu koia, naa nau fanogonogo ki he botu kotoabe oe fonua koia, o omi kiate ia akinautolu kotoabe nae mahaki; O nau kole kiate ia ke nau ala be ki he kaba o hono kofu: bea nae fakamoui haohaoa akinautolu kotoabe nae ala ki ai.

Bea vakai, nae ha‘u ae fefine Kenani mei he botu koia, o tagi kiate ia, o behe, Aloofa mai kiate au, e Eiki, koe foha o Tevita; ko eku taahine oku mamahi lahi i he tevolo. Ka nae ikai jii te ne lea kiate ia. Bea ha‘u ene kau akoga, o kole kiate ia, o behe, Fekau ia ke alu; he oku ne tagi toubili mai kiate kitautolu. Ka nae lea ia, o beheage, Oku ikai fekau au ka ki he faga sibi he oe fale o Isileli. Bea toki ha‘u ia, o hu kiate ia, o behe, Eiki, tokoni‘i au. Ka nae lea ia, o beheage, Oku ikai lelei ke too ae ma ae fānau, bea li ki he faga kuli. Bea behe eia, Koe mooni, Eiki: ka oku kai e he faga kuli ae momo‘i mea kai oku gagana mei he keinagaaga a ho nau eiki. Bea toki lea a Jisu, o beheage kiate ia, E fefine, oku lahi hoo tui: ke hoko kiate koe o hage ko ho loto. Bea moui ene taahine i he feituulaa koia.

Bea ha‘u ae kakai toko lahi kiate ia, bea nau omi ae bibiki, moe kui, moe noa, moe lavea, moe toko lahi kehe, o tuku akinautolu ki he va‘e o Jisu; bea fakamoui eia akinautolu: Koia nae ofo lahi ai ae kakai, i he e nau mamata kuo fakalea ae noa, bea fakahaohaoa ae lavea, bea fakaeveeva ae bibiki, bea fakaa ae kui: bea nau fakamalo ki he Otua o Isileli.

Bea kuo nau hoko atu ki he kakai, mo ene ha‘u kiate ia ha tagata, o tuulutui kiate ia, o ne behe, Eiki, aloofa ki hoku foha; he oku vale ia, bea mamahi lahi: bea oku faa to ki he afi, bea faa to ki he vai. Bea naaku omi ia ki hoo kau akoga, ka nae ikai te nau faa fakamoui ia. Bea lea a Jisu, o beheage, Ae toutagata taetui mo agakovi, e fefe hono fuoloa o eku iate kimoutolu? e fefe hono fuoloa o eku kataki‘i akimoutolu? omi ia ki heni kiate au. Bea nae valoki e Jisu ae tevolo; bea alu kitua ia iate ia: bea nae moui ae tamajii talu mei he feituulaa koia.

Bea talaage e Jisu kiate kinautolu, Koe mea i hoo mou taetui: he oku ou tala mooni atu kiate kimoutolu, Kabau e ai hoo mou tui o hage koe foi tega‘i musita, te mou behe ki he mouga ni, Hiki i heni ki he botu na; bea e hiki ia: bea e ikai ha mea e taha e tae faa fai ekimoutolu.

Koia, kabau oku fakahala‘i koe e ho nima be ko ho va‘e, tutuu ia, o liaki ia iate koe: oku lelei kiate koe hao hu ki he moui oku ke ketu be nima mutu, i hoo mau ae nima e ua moe va‘e e ua, kae li koe ki he afi taegata. Bea kabau oku fakahala‘i koe e ho mata, kabe‘i ia, o liaki iate koe: oku lelei kiate koe hao hu ki he moui oku ke mata taha, i hoo ma‘u ae mata e ua, kae li koe ki he afi o heli.

Bea behe, oku ikai koe finagalo o hoo mou Tamai oku i he lagi, ke malaia ha toko taha iate kinautolu ni oku jii.

Bea vakai, nae nonofo ae ogo tagata kui i he vee hala, bea kuo na fanogo oku aluage a Jisu, naa na kalaga, o behe, E Eiki, Foha o Tevita, aloofa mai kiate kimaua. Bea lolomi akinaua e he kakai, ke na fakalogobe: ka nae ajili ai e na tagi, o behe, E Eiki, Foha o Tevita, aloofa mai kiate kimaua. Bea tuu mai a Jisu, o ui kiate kinaua, o behe, Koeha ho mo loto keu fai kiate kimoua? Bea na talaage kiate ia, Eiki, ke a ho ma mata. Bea aloofa a Jisu, o ne tuhu‘i ho na mata; bea a ai leva ho na mata, o na muimui iate ia.

Bea nae ha‘u kiate ia, i he fale lotu lahi, ae kui moe bibiki; bea ne fakamoui akinautolu.

Bea lea a Jisu, o beheage kiate kinautolu, Ko eku tala mooni atu kiate kimoutolu, Kabau oku mou ma‘u ae tui, bea oua naa fakataetaetui, e ikai te mou fai be aia kuo fai ki he akau koe fiki, ka oka mou ka tala ki he mouga ni foki, Ke hiki koe, mo li koe ki he tahi; e fai ia. Bea koe mea kotoabe aia te mou kole i he lotu, i he tui, te mou ma‘u.

Bea te nau toki tukuage akimoutolu ke tautea, mo tamate‘i akimoutolu: bea koe fehianekina akimoutolu e he buleaga kotoabe koeuhi ko hoku higoa. Bea e toki higa ai ae toko lahi, o felavakiiaki akinautolu, mo fetaufehiaaki. Bea toko lahi ae kau balofita loi e tubu ai, o nau kākā‘i ae toko lahi. Bea koe mea i he lahi aubito oe agahala, e momoko ai ae ofa ae toko lahi. Ka ko ia e faa kataki o a‘u ki he gataaga, ko ia ia e moui.

Ka koeuhi e toki hoko ae mamahi lahi, nae ikai hano tatau talu mei he kamataaga o mamani, o a‘u ki he aho ni, bea e ikai o lauikuoga. Bea kabau e ikai fakajiijii ki he gaahi aho koia, e ikai moui ha toko taha: ka koeuhi koe kakai kuo fili e fakajiijii ai ae gaahi aho koia.

Telefua, bea naa mou fakakofu‘i au: nāaku mahaki, bea naa mou aahi mai kiate au: naaku i he fale fakabobula, bea naa mou ha‘u kiate au.

Bea talaage e Bita kiate ia, Kabau teu mate ai mo koe, kae ikai teu fakafiji‘i koe. Bea lea behe be foki ae kau akoga kotoabe.

Bea ne ave a Bita moe foha e toko ua o Sebeti, bea kamata mamahiia ia mo māfajia lahi. Bea toki behe eia kiate kinautolu, Oku mamahi lahi aubito, o hage ka mate, hoku laumalie: mou nofo be i heni, ke tau leo mo au. Bea alu jii atu ia, o to fakafoohifo, o behe ene lotu, A eku Tamai, kabau e faa fai, bea ave ae ibu ni iate au: kae oua naa faiteliha be au, ka ko koe be.

Bea toki tukuage ai eia a Balabasa kiate kinautolu; bea hili ene kauimaea a Jisu, naa ne tukuage ia ke tutuki ki he akau.

Bea naa nau tutuki ia ki he akau, bea nau vahevahe hono gaahi kofu i he talotalo: koeuhi ke fakamooni aia nae lea aki e he balofita, Naa nau tufa hoku gaahi kofu kiate kinautolu, mo nau talotalo ki hoku kofu tua.

Bea hokojia hono hiva oe feituulaa, bea tagi le‘o lahi a Jisu, o behe, Ilai, Ilai, lama sabakatani? ko hono uhiga, Ko hoku Otua, ko hoku Otua, koeha kuo ke liaki ai au?

Bea nae i ho nau fale lotu ae tagata nae iate ia ae laumalie uli: bea kalaga leva ia, O behe, E Jisu o Nasaleti, tuku ai be; koeha akimautolu kiate koe? kuo ke ha‘u ke fakaauha akimautolu? Oku ou ilo koe, koe Toko Taha Maonioni oe Otua. Bea lolomi ia e Jisu, o behe, Ke ke fakalogobe, bea ke ha‘u kitua iate ia. Bea kuo haehae ia e he laumalie uli, mo tagi aki ae le‘o lahi, bea ne toki mahui iate ia.

Ka nae tokoto ae fa‘e ae unoho o Saimone oku mahaki koe mofi; bea nau fakaha leva ia kiate ia. Bea ha‘u ia o buke hono nima, o ne fokotuu ia: bea mahui leva ae mofi iate ia, o ne tauhi akinautolu.

Bea kuo efiafi, o feuga moe to ae laa, mo e nau omi kiate ia akinautolu kotoabe nae mahaki, mo kinautolu nae ulujino ai ae kau tevolo. Bea fakataha ae kolo kotoabe ki he mataba. Bea fakamoui eia ae toko lahi nae mahaki i he mahaki kehekehe, mo ne kabuji ae kau tevolo toko lahi: bea ne taofi ke oua e lea ae kau tevolo, koeuhi kuo nau ilo ia.

Bea nae alu o malaga eia i ho nau gaahi fale lotu i Kaleli kotoabe, mo ne kabuji ae kau tevolo. Bea nae ha‘u kiate ia ae kilia, nae kole kiate ia, o tuulutui kiate ia, mo ne behe kiate ia, Kabau ko ho finagalo oku ke faa fakamaa au. Bea aloofa a Jisu, o mafao atu hono nima, o ala kiate ia, bea ne behe ki ai, Ko hoku loto ia; ke ke maa koe. Bea kuo lea ia, mo ene mahui leva ae kilia iate ia, bea maa ai ia.

Bea nae omi mo kinautolu kiate ia ae toko taha nae mahaki tete, aia nae fata e he toko fa. Bea i he ikai te nau faa hao o ofi kiate ia koeuhi koe kakai, naa nau tatala ae ato oe fale nae i ai ia: bea kuo hae‘i ia, naa nau tukutuku hifo ae mohega nae tokoto ai ae mahaki tete. Bea kuo mamata a Jisu ki he e nau tui, bea behe eia ki he mahaki tete, Foha, kuo fakamolemole hoo gaahi agahala. Ka nae nofo ai ae niihi oe kau tagata tohi, o nau fifili i ho nau loto, o behe, Koeha oku lea fie Otua behe ai ae tagata ni? kohai e faa fakamolemole ae agahala ka koe Otua be? Bea kuo ilo‘i leva e Jisu i hono loto oku behe e nau fifili i ho nau loto, bea behe eia kiate kinautolu, Koeha oku mou fifili ai i ho mou loto ki he gaahi mea ni? He oku faigofua aefe, ae lea aki ki he mahaki tete, Kuo fakamolemole hoo gaahi agahala; be koe lea, Tuu hake, o too ho mohega, mo ke alu? Ka koeuhi ke mou ilo oku i he Foha oe tagata ae malohi i mamani ke fakamolemole ae agahala, (bea behe eia ki he mahaki tete), Oku ou behe atu kiate koe, Tuu hake, o too ho mohega, mo ka alu ki ho fale. Bea tuu hake leva ia, o too ae mohega, bea ne alu kitua i he ao oki-nautolu kotoabe; koia ne nau ofo ai kotoabe, mo fakamalo ki he Otua, o nau behe, Kuo heeki te tau mamata i ha mea behe.

Bea kuo fanogo a Jisu ki ai, bea behe eia kiate kinautolu, Oku ikai aoga ae faitoo kiate kinautolu oku mālōlō, ka ki he mahaki: nae ikai teu ha‘u ke ui ae maonioni, ka koe agahala ke fakatomala.

BEA toe hu ia ki he fale lotu; bea nae i ai ae tagata kuo mate hono nima. Bea naa nau lamaji ia, be te ne fakamoui ia i he aho sabate: ka nau fakakovi‘i ai ia. Bea behe eia ki he tagata nae nima mate, Tuu mai. Bea ne behe kiate kinautolu, Oku gofua ke fai lelei i he gaahi aho sabate, be koe fai kovi? ke fakamoui, be tamate‘i? Ka naa nau fakalagobe. Bea kuo vakai foli eia akinautolu kuo tubutamaki, he nae mamahi ia koeuhi koe fefeka o ho nau loto, bea ne behe ki he tagata, Mafao mai ho nima. Bea ne mafao atu ia: bea fakamoui hono nima o hage ko hono nima e taha.

He kuo ne fakamoui ae toko lahi; koia ne nau fakaefihia‘i ia, ka nau ala kiate ia, akinautolu nae mahaki. Bea moe kau laumalie uli, i he e nau mamata kiate ia, naa nau to ki lalo i hono ao, bea tagi, o behe, Koe Alo koe oe Otua.

Bea ne tuutuuni ae toko hogofulu ma toko ua, ke nau iate ia, bea koeuhi ke ne fekau atu akinautolu ke malaga, Bea ke ma‘u ae malohi ke fakamoui ae gaahi mahaki, mo kabuji ae kau tevolo:

Bea ko kinautolu eni foki kuo tutui i he botu makaia; i he e nau fanogo ki he folofola oku nau ma‘u leva ia i he fiefia; Ka oku ikai ha aka iate kinautolu, koia oku nau ma‘u ai ia o fuonounou: bea ka tubu ae mamahi be ae fakataga, koeuhi koe folofola, oku higa leva akinautolu.

Bea nae tubu ae fuu matagi lahi, bea feohofi ae gaahi beau ki he vaka, bea goto ai. Bea naa ne i he taumuli oe vaka, o mohe ki he oluga: bea naa nau fafagu ia, o behe kiate ia, Eiki, oku ikai te ke tokaga‘i te tau mate? Bea tuu hake ia, o lolomi ae matagi, mo ne behe ki he tahi, Fiemalie, bea ke toka lelei. Bea nae malu ae matagi, o matuaki tofuki. Bea behe eia kiate kinautolu, Koeha oku mou manavajii behe ai? koeha oku ikai ai haa mou tui?

Bea kuo ha‘u ia mei he vaka, bea fakafetaulaki leva kiate ia ae tagata mei he gaahi faitoka, bea nae iate ia ae laumalie uli, Bea nae nofo be ia i he gaahi faitoka; bea nae ikai ha tagata te ne faa ha‘i aki ia ae gaahi ukamea fihifihi: He koeuhi kuo liuga lahi hono ha‘i aki ae gaahi ukamea fakama‘u moe gaahi ukamea fihifihi, bea kuo ne motumotuhi ae gaahi ukamea fihifihi, bea motumotu moe gaahi ukamea faka-ma‘u: bea kuo ikai faa fakalalata ia e ha taha. Bea nae i he gaahi mouga ia moe gaahi faitoka mau ai be, i he bo moe aho, o ne tagi ai, mo ne tafatafa‘i aki ia ae gaahi maka. Ka i he ene mamata mei he mamao kia Jisu, naa ne lele o hu kiate ia. O tagi le‘o lahi, o ne behe, Koeha au kiate koe, Jisu, koe Alo oe fugani Otua maoluga? oku ou hu totoaki kiate koe i he Otua, ke oua naa ke fakamamahi‘i au. (He naa ne behe kiate ia, Ha‘u kitua mei he tagata, akoe koe laumalie uli.) Bea ne fehui kiate ia, Kohai ho higoa? Bea beheage eia, Ko Lijione hoku higoa; he oku mau toko lahi. Bea ne kole fakamatoato kiate ia ke oua naa ne kabuji akinautolu mei he fonua. Bea nae i ai, o ofi ki he gaahi mouga, ae faga buaka lahi nae fafaga. Bea kole e he kau laumalie kotoabe kiate ia, o behe, Fekau akimautolu ki he faga buaka, koeuhi ke mau hu ki ai. Bea tuku leva e Jisu ke nau fai ia. Bea alu atu ae kau laumalie uli, o hu ki he faga buaka: bea felele‘i o oho ae faga buaka i he botu tahifohifo ki tahi, (naa nau toko ua afe nai;) bea melemo i he tahi.

Bea koe fefine e toko taha, nae hogofulu ma ua ae ta‘u oe au toto iate ia, Bea kuo lahi ae mea kuo ne kataki i he kau faitoo toko lahi, bea kuo fakaoji eia a ene mea kotoabe, bea ikai fakaaau ki mua, kae ajili be hono mahaki. Kuo fanogo ia kia Jisu, bea ha‘u moe fonoga mei mui, o ala ki hono kofu: He kuo behe eia, Kabau teu ala be ki hono kofu, teu moui ai. Bea matuu fakafokifa be ae au a hono toto; bea ne ogo‘i i hono jino kuo fakamoui ia mei he mahaki koia.

Kae lolotoga ene lea, moe ha‘u ae niihi mei he fale oe bule oe fale lotu, o nau behe, Kuo bekia ho ofefine: koeha oku ke kei fakafiu ai ae eiki? Bea kuo fanogo leva e Jisu ki he lea nae lea aki, bea behe eia ki he bule oe fale lotu, Oua te ke manavahe, ka ke tui be. Bea nae ikai tuku eia ke muimui ha toko taha kiate ia, ka ko Bita, mo Jemesi, mo Jone koe tokoua o Jemesi. Bea hoko ia ki he fale oe bule oe fale lotu, o mamata ki he maveuveu, mo kinautolu nae tagi mo tagilāulāu lahi. Bea kuo hu ia ki loto fale, mo ne behe kiate kinautolu, Koeha oku mou maveuveu, mo tagi ai? oku ikai mate ae taahine, ka oku mohe be. Ka naa nau kakata manuki kiate ia. Bea kuo fekau eia ke nau alu kotoabe kitua, bea ne ave ae tamai moe fa‘e ae taahine, mo kinautolu nae iate ia, bea nau hu ki he botu oku tokoto ai ae taahine. Bea ne buke ae nima oe taahine, mo ne behe kiate ia, Talita kiumi; aia ko hono uhiga, Taahine, oku ou behe kiate koe, Tuu hake. Bea tuu hake leva ae taahine, o eveeva; he kuo hogofulu ma ua hono ta‘u. Bea nae ofo ai akinautolu i he ofo lahi.

Bea nae ikai te ne mafai i ai ha gaue lahi, ka naa ne hilifaki hono nima ki he toko jii be nae mahaki, o ne fakamoui.

Bea nau kabuji ae kau tevolo toko lahi, bea tākai aki ae lolo, mo fakamoui ae toko lahi nae mahaki.

Bea nau felele‘i i he botu fonua kotoa koia mo nau fata fano be i he gaahi mohega akinautolu nae mahaki, ki he botu naa nau fanogo oku i ai ia. Bea nae iloga haa ne alu ki he gaahi botu kakai, be ki he gaahi kolo, be ki he tukuuta, naa nau fakatokoto ae mahaki i he gaahi hala, bea nau kole kiate ia ke nau ala ki he kaba be o hono kofu: bea iloga akinautolu kotoabe nae ala ki ai, nae fakamoui akinautolu.

He nae ogoa atu ia ki ha fefine nae ai ene taahine jii nae i ai ae laumalie uli, bea ha‘u ia, o tomabee i hono va‘e: Koe Kiliki ae fefine ni, mei he buleaga ko Sailofinisia: bea naa ne kole kiate ia, ke ne kabuji kitua ae tevolo i he ene taahine. Ka nae behe e Jisu kiate ia, Oua ke tomua makona ae fānau: he oku ikai gali ke too ae ma ae fānau, mo li ki he faga kuli. Bea leaage eia, o behe kiate ia, Koe mooni, Eiki: ka oku kai e he faga kuli, i he lalo keinagaaga, ae momo oe mea kai ae fānau. Bea behe eia kiate ia, Koeuhi koe lea ni ke ke alu; kuo alu kitua ae tevolo i hoo taahine. Bea kuo hoko ia ki hono fale, bea ne ilo kuo alu kitua ae tevolo, kae tokoto ene taahine i he mohega.

Bea nau omi kiate ia ha toko taha nae tuli, bea ikai ke faa lea; bea naa nau kole kiate ia ke ne hilifaki hono nima ki ai. Bea naa ne fakaafe ia mei he kakai, o ne ai hono tuhu ki hono teliga, bea aanu, mo ne ala ki hono elelo; Bea haga hake ia ki he lagi, e mafulu, mo ne behe kiate ia, Efata, koe behe ia, Ke ava. Bea nae ava leva hono teliga, bea vete ae noo o hono elelo, bea ne lea totonu. Bea ne fekau kiate kinautolu ke oua naa nau fakaha ki ha taha: ka i he ene fekau lahi kiate kinautolu, ne ajili ai o lahi e nau fanogonogo ia; Bea naa nau ofo o lahi aubito, o behe, Kuo ne fai ae gaahi mea kotoabe o lelei: oku ne gaohi ae tuli ke ogo, moe nao ke lea.

Bea ha‘u ia ki Betesaita: bea naa nau omi kiate ia ae tagata kui, o nau kole kiate ia ke ne ala ki ai. Bea buke eia ae nima oe tagata kui, o tataki ia kitua mei he botu kakai; bea kuo ne aanu ki hono mata, mo ai hono nima kiate ia, bea ne fehui kiate ia, be oku ne mamata ki ha mea. Bea haga hake ia, o ne behe, Oku ou mamata ki he kakai oku hage koe gaahi akau, oku eveeva. Bea hili ia, bea ne toe ai hono nima ki hono mata, bea fekau kiate ia ke ne haga hake: bea nae moui ia, o ne mamata totonu ki he kakai kotoabe.

Bea lea ae toko taha i he kakai, o beheage kiate ia, Eiki, kuou omi kiate koe hoku foha, oku iate ia ae laumalie noa: Bea koe botu kotoabe oku ne buke ai ia, oku ne haaki ia; bea koa ia, mo fegaiitaki hono nifo, bea oku ne fakaaau o vaivai: bea neu lea ki hoo kau akoga ke nau kabuji ia; ka nae ikai te nau faa fai. Bea lea ia, o beheage kiate ia, Ae toutagata taetui! e fefe hono fuoloa oe tau nonofo? e fefe hono fuoloa o eku kataki akimoutolu? Omi ia kiate au. Bea nau omi ia kiate ia; bea kuo mamata ia ki ai, bea haaki leva ia e he laumalie; bea to ia ki he kelekele, mo mokofiji bea koa hono gutu. Bea fehui ia ki he ene tamai, Kuo fefe hono fuoloa talu ene hoko eni kiate ia? bea behe eia, Talu ene tamajii. Bea kuo liuga lahi ae li ia ki he afi, bea moe vai, ke tamatei‘i ia: bea kabau te ke faa fai ha mea, ke ke aloofa kiate kimautolu, o tokoni akimautolu. Bea beheage e Jisu kiate ia, Kabau oku ke faa tui, oku faa fai ae gaahi mea kotoabe kiate ia oku tui. Bea tagi loimata leva ae tamai ae tamajii, o ne behe, Eiki, oku ou tui ke ke tokoni‘i au telia eku taetui. Bea i he mamata a Jisu oku felele‘i mai ae kakai o fakataha, bea ne tautea ae laumalie uli, o ne behe kiate ia, Akoe, koe laumalie noa mo tuli, oku ou fekau kiate koe, ha‘u kitua iate ia, bea oua naa ke toe hu ki ai. Bea tagi ae laumalie, o ne haaki ia o lahi, bea ha‘u kitua: bea nae tatau ae tagata mo ha taha mate; koia ne behe ai e he toko lahi, Kuo mate ia. Ka nae buke ia e Jisu i hono nima, o fokotuu ia; bea ne tuu hake.

Bea kabau e fakahala‘i koe e ho nima, tutuu ia: oku lelei kiate koe ke ke hu ki he moui oku ke nima mutu, i hoo ma‘u ae nima e ua, kae alu ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho va‘e, tutuu ia: oku lelei kiate koe ke ke hu ki he moui oku ke ketu, i hoo ma‘u ae va‘e e ua, kae li koe ki heli, ki he afi e ikai aubito faa tamate‘i; Aia oku ikai mate ai ho nau uaga, bea ikai faa tamate‘i ae afi. Bea kabau e fakahala‘i koe e ho mata, kabe‘i ia: oku lelei kiate koe ke ke hu ki he buleaga oe Otua moe mata be taha, i hoo ma‘u ae mata e ua, kae li koe ki he afi o heli; Aia oku ikai mate ai ho nau uaga, bea ikai faa tamate‘i ae afi.

Bea naa nau ha‘u ki Jeliko: bea i he e nau o i Jeliko mo ene kau akoga, moe kakai toko lahi, nae nofo o kole i he vee hala motua ae kui ko Batimiusi, koe foha o Timiusi. Bea kuo fanogo ia ko Jisu o Nasaleti ia, nae kamata tagi kalaga ia, o behe, Jisu, Foha o Tevita, aloofa mai kiate au. Bea lolomi ia e he toko lahi ke fakalogobe: kae ajili ai aubito ene kalaga, Foha o Tevita, aloofa kiate au. Bea tuu a Jisu, o fekau ke ui kiate ia. Bea naa nau ui ae tagata kui, mo behe kiate ia, Ke ke fiemalie, tuu; oku ne ui koe. Bea jiaki eia hono kofu, kae tuu hake, o ha’u kia Jisu. Bea lea a Jisu, o ne behe kiate ia, Koeha ho loto keu fai kiate koe? Bea beheage e he tagata kui kiate ia, Eiki, ke a hoku mata. Bea behe e Jisu kiate ia, Alu; kuo fakamoui koe e hoo tui. Bea a leva ia, o ne muimui kia Jisu i he hala.

Bea lea a Jisu, o beheage kiate kinautolu, Mou ma’u ae tui ki he Otua. He oku ou tala mooni atu kiate kimoutolu, Ko ia ia te ne behe ki he mouga ni, Hiki koe, bea li koe ki he tahi; bea ikai fakataetaetui hono loto, ka oku ne tui e hoko ae gaahi mea oku ne lea aki, e hoko aia kotoabe oku ne lea ki ai. Koia oku ou behe ai kiate kimoutolu, Koe mea kotoabe oku mou holi ki ai, oka mou ka lotu, tui oku mou ma’u ia, bea te mou ma’u.

Ka mou vakai kiate kimoutolu: he te nau tukuage akimoutolu ki he kau fakamāu; bea e haha akimoutolu i he gaahi fale lotu; bea e omi akimoutolu ki he ao oe gaahi bule moe gaahi tu‘i koeuhi ko au, koe fakamooni kiate kinautolu. Ka e tomua malaga aki ae ogoogolelei ki he gaahi buleaga kotoabe. Bea ka nau ka taki mo tukuage akimoutolu, oua naa mou tomua fifili, be fakakaukau ki he mea te mou lea aki: ka koia e foaki kiate kimoutolu i he feituulaa koia, koia be te mou lea aki: he oku ikai ko kimoutolu oku lea, ka koe Laumalie Maonioni. Bea e lavaki‘i e he toko taha a hono tokoua ke mate, moe tamai ae foha; bea e tuu hake ae fānau ki he mātua, mo bule ke tamate‘i akinautolu. Bea e fehianekina akimoutolu i he kakai fulibe koeuhi ko hoku huafa: ka ko ia e kataki o a‘u ki he ikuaga, ko ia ia e moui.

Ka nae ajili ai ene lea fakamatoato, Kabau teu mate ai mo koe, e ikai aubito teu fakafiji‘i koe. Bea nae lea behe foki akinautolu kotoabe.

Bea ne ave eia a Bita mo Jemesi mo Jone, bea kamata ilifia lahi, mo māfajia lahi aubito; Bea ne behe kiate kinautolu, Oku mamahi lahi aubito o hage ka mate hoku laumalie: mou tatali i heni, bea leo. Bea alu jii atu ia, o to fakafoohifo ki he kelekele, bea ne kole, o kabau e faa fai, bea laka ae feituu bo koia iate ia. Bea behe eia, Aba, Tamai, oku faa fai ekoe ae mea kotoabe; ke ke ave ae ibu ni iate au: kae oua naaku faiteliha au, ka ko koe be.

Bea koe mea i he fie fakafie-malie e Bailato ki he kakai, naa ne tukuage a Balabasa kiate kinautolu, bea hili ene kauimaea a Jisu, naa ne tukuage ia ke tutuki ki he akau.

Bea kuo nau tutuki ia ki he akau, bea nau vahevahe hono gaahi kofu, mo talotalo ki ai, ke iloga aia e ma‘u e he tagata taki taha. Bea ko hono tolu ia oe feituulaa, naa nau tutuki ai ia ki he akau.

Bea i hono hiva oe feituulaa nae tagi le‘o lahi a Jisu, o behe, Iloi, Iloi, lama sabakatani? aia ko hono uhiga, Ko hoku Otua, ko hoku Otua, koeha kuo ke liaki ai au?

Bea koe gaahi fakailoga eni e hoko kiate kinautolu oku tui: Te nau kabuji ae kau tevolo i hoku huafa; te nau lea aki ae gaahi lea foou; Te nau too hake ae gaahi gata; bea kabau te nau inu ha mea fakamate, e ikai kovi ia kiate kinautolu; te nau hilifaki nima ki he mahaki, bea te nau moui.

Oku iate au ae Laumalie o Jihova, koeuhi kuo ne fakanofo au keu malaga aki ae ogoogolelei ki he majiva; kuo ne fekau au ke fakamoui ae loto mafeji, ke malaga aki ae huhui ki he kau bobula, moe fakaa oe kui, ke veteage akinautolu kuo lavea,

Bea nae i he fale lotu ae tagata, nae iate ia ae laumalie oe tevolo uli, bea nae kalaga ia, o le‘o lahi, O behe, E Jisu o Nasaleti, tuku ai be; koeha akimautolu kiate koe? kuo ke ha‘u ke fakaauha akimautolu? oku ou ilo koe; koe Toko Taha Maonioni oe Otua. Bea lolomi ia e Jisu, o behe, Ke ke fakalogobe, bea ke ha‘u kitua iate ia. Bea kuo li ae tagata e he tevolo ki he haohaoga bea ha‘u ia kitua iate ia, bea nae ikai te ne fakamamahi kiate ia. Bea naa nau ofo lahi ai kotoabe, o nau febeheaki, Koeha ae akonaki ni! he oku ne fekau i he bule moe malohi ki he kau laumalie uli, bea oku nau ha‘u kitua.

Bea nae tuu hake ia, mei he fale lotu, o hu ki he fale o Saimone. Bea koe fa‘e ae unoho o Saimone kuo bukea i he mofi lahi; bea naa nau kole kiate ia koeuhi ko ia. Bea naa ne tuu hake kiate ia, o taofi ae mofi, bea mahui ia: ka ka tuu leva ia, o tauhi akinautolu.

Bea kuo to ae laa, bea ko kinautolu kotoabe nae ai haa nau mahaki i he mahaki kehekehe, nae omi akinautolu kiate ia; bea ne hilifaki hono nima kiate kinautolu taki taha, o fakamoui akinautolu.

Bea nae lolotoga ene i he kolo e taha, bea vakai, koe tagata kuo fonu i he kilia: bea ne mamata kia Jisu, mo to fakafoohifo, o kole kiate ia, o behe, Eiki, kabau ko ho loto oku ke faa fakamaa au. Bea mafao eia hono nima, o ala ki ai mo ne behe, Ko hoku loto: ke ke maa koe. Bea mahui leva iate ia ae kilia.

Ka nae ajili ai ae mafola a hono ogoogo: bea nae fakataha ae kakai toko lahi aubito ke fanogo, bea koeuhi ke ne fakamoui akinautolu i ho nau gaahi mahamahaki.

Bea behe, koe aho e taha, i he ene akonaki, nae nofo ai ae kau Falesi moe kau akonaki i he fono, kuo nau omi mei he botu kakai kotoabe o Kaleli, mo Jutea, mo Jelusalema: bea nae i ai ae malohi oe Eiki ke fakamoui akinautolu. Bea vakai, nae omi e he kau tagata ae tagata i hono mohega kuo bukea i he mahaki tete: bea naa nau feiga be fefe‘i hono lava mai ki loto, ke tuku i hono ao. Bea kuo ikai te nau ilo be fefe‘i hono lava mai ki loto, koeuhi koe kakai, naa nau o hake ia kitua fale, o tuku-tuku hifo ia i he ato i he mohega ki he haohaoga, i he ao o Jisu. Bea kuo mamata eia ki he e nau tui, bea ne behe kiate ia, Tagata, kuo fakamolemole kiate koe hoo gaahi agahala. Bea fakakaukau leva ae kau tagata tohi moe kau Falesi, o nau behe, Kohai eni oku ne lea fie Otua? Kohai te ne faa fakamolemole ae agahala, ka koe Otua be? Ka kuo ilo e Jisu e nau mahalo, bea lea ia, o beheage kiate kinautolu, Koeha oku mou femahaloaki ai i ho mou loto? He oku faigofua aefe, ke lea, Kuo fakamolemole kiate koe hoo gaahi agahala; be koe lea, Tuu hake o alu? Ka koeuhi ke mou ilo oku i he Foha oe tagata ae malohi i mamani ke fakamolemole ae agahala, (bea behe eia ki he mahaki tete,) Oku ou behe atu kiate koe, Tuu hake, o too ho mohega, bea ke ke alu ki ho fale. Bea nae tuu hake leva ia i ho nau ao, bea ne too mai aia nae tokoto ai, o alu ki hono fale, mo fakamalo ki he Otua.

Bea leaage a Jisu, o behe kiate kinautolu, Oku ikai aoga ae faitoo kiate kinautolu oku mālōlō; ka ki he mahaki. Nae ikai teu ha‘u ke ui ae maonioni, ka koe agahala ke fakatomala.

Bea i he hoko ki he sabate foki e taha, nae hu ia ki he fale lotu o ako ai: bea nae i ai ae tagata kuo mate hono nima toomatau. Bea lamaji ia e he kau tagata tohi moe kau Falesi, be te ne fakamoui ia i he aho sabate; koeuhi ke nau ilo ha mea ke talakovi‘i ai ia. Ka nae ilo eia e nau mahalo, bea ne behe ki he tagata nae nima mate, Tuu hake, o tuu mai ki loto. Bea nae tuu hake ia, o tuu i ai. Bea toki behe atu e Jisu kiate kinautolu, Teu fehui kiate kimoutolu ki he mea e taha; Koeha oku gofua ke fai i he aho sabate, koe lelei be koe kovi! koe fakamoui be koe tamate‘i? Bea nae vakai folia eia akinautolu kotoabe, bea behe eia ki he tagata, Mafao atu ho nima. Bea ne fai ia: bea moui hono nima o hage ko hono nima e taha.

Bea nae alu hifo ia mo kinautolu, o tuu i he botu tafagafaga, fakataha mo ene kau akoga, bea nae ha‘u ae kakai toko lahi aubito mei Jutea kotoabe mo Jelusalema, moe matātahi o Taia mo Saitoni, ke nau fanogo kiate ia, mo moui mei ho nau gaahi mahaki; Bea mo kinautolu nae mamahi i he kau laumalie uli: bea nae fakamoui akinautolu. Bea holi ae kakai kotoabe ke nau ala kiate ia: he nae alu iate ia ae malohi, o fakamoui kotoabe.

Oku monuia akimoutolu oku fiekaia ni: koeuhi e fakamakona akimoutolu. Oku monuia akimoutolu oku tagi ni: he te mou kata. Oku monuia akimoutolu oka fehia ae kakai kiate kimoutolu, mo faka-mavahe‘i akimoutolu meiate kinautolu, o taukae kiate kimoutolu, bea li kitua ho mou higoa o hage koe kovi, koeuhi koe Foha oe tagata. Mou fiefia i he aho koia, bea hobohobo i he fiefia: vakai, he oku lahi hoo mou totogi i he lagi: he nae fai behe e nau gaahi tamai ki he kau balofita.

Bea nae mahaki, o mei mate ae tamaioeiki ae eiki tau e taha, aia nae ofa lahi ai ia. Bea kuo fanogo ia kia Jisu, bea ne fekau ae kau mātua i he kakai Jiu, ke fakakolekole kiate ia ke ne ha‘u o fakamoui a ene tamaioeiki. Bea kuo nau omi kia Jisu, bea nau kole fakamatoato kiate ia, o behe, Oku aoga ia te ke fai ki ai ae mea ni: He oku ofa ia ki ho tau kakai, bea ko ia ia ne laga ae fale lotu moo mautolu. Bea alu a Jisu mo kinautolu. Bea kuo hoko ia o vaofi moe fale, bea fekau e he eiki tau a hono kaiga, ke lea o behe kiate ia, Eiki, oua naa ke ogojiaage koe: he oku ikai teu aoga ke ke hu ki hoku fale: Bea nae ikai teu mahalo oku tāu mo au keu alu atu kiate koe: ka ke fai hao lea, bea e moui ai eku tamaioeiki. He ko au koe tagata buleia foki, ka oku ai ae kau tau oku ou bule‘i bea oku ou behe ki ha taha, Alu, bea alu ia; bea ki ha taha, Ha‘u, bea ha‘u ia; bea ki he eku tamaioeiki, Fai eni, bea oku ne fai ia. Bea ofo a Jisu kiate ia, i he ene fanogo ki he gaahi mea ni, bea tafoki ia, o ne behe ki he kakai nae muimui iate ia, Oku ou tala atu kiate kimoutolu, Naa mo Isileli, oku ikai teu ilo ai ha tui e behe ni hono lahi. Bea liu atu ki he fale akinautolu nae fekau, o nau ilo ae tamaioeiki nae mahaki kuo moui ia.

Bea kuo ofi ia ki he mataba oe kolo, bea vakai, nae fata mai kituaa ae tagata mate, koe tama be taha ia a ene fa‘e, bea koe fefine ia kuo mate hono unoho: bea nae iate ia ae kakai toko lahi oe kolo. Bea kuo mamata ki ai ae Eiki, bea manavaofa ia kiate ia, o ne behe ki ai, Oua e tagi. Bea ha‘u ia o ala ki he fata: bea tuu be ae kau fata. Bea behe eia, Talavou, oku ou behe kiate koe, Tuu hake. Bea nofo hake ia aia nae mate, o kamata lea. Bea ne atu ia ki he ene fa‘e.

Bea i he feituulaa koia naa ne fakamoui ai ae toko lahi mei he gaahi mahaki, moe gaahi mea fakamamahi, bea moe kau laumalie kovi; bea naa ne fakaa ae toko lahi nae kui. Bea toki lea a Jisu, o beheage kiate kinaua, Mo o, o fakaha kia Jone ae gaahi mea kuo mo mamata mo fanogo ki ai: kuo a ae kui, kuo eveeva ae bibiki, kuo maa ae kilia, kuo ogo ae tuli, kuo fokotuu ae mate, bea oku malaga aki ae ogoogolelei ki he majiva.

Bea moe kau fefine nae fakamoui mei he kau laumalie kovi, moe gaahi mahaki, ko Mele oku ui ko Makitaline, aia nae alu ai ae tevolo e toko fitu,

Ka i he e nau folau nae mohe ia: bea nae to hifo ki he tahi ae taufa lahi: bea gotofuu ae vaka, bea nau tuutama-ki ai. Bea naa nau ha‘u, o fafagu ia, mo nau behe, Eiki, eiki, kuo tau mate. Bea tuu hake ia, o lolomi ae matagi moe hou ae tahi; bea tuku ia, o to-fuki. Bea behe eia kiate kinautolu, Kofaa hoo mou tui? Ka nae manavahe mo ofo akinautolu, o nau febeheaki, Kohai nai ae tagata ni! he oku fekau eia ki he matagi moe tahi, bea oku talagofua ia kiate ia.

Bea naa nau tau ki he fonua oe kakai Katala, aia oku hagatonu ki Kaleli. Bea i he ene alu ki uta, nae fakafetaulaki mai kiate ia ae tagata e toko taha mei he kolo, nae fuoloa ae ulujino iate ia ae kau tevolo, nae ikai ke vala, be nofo fale, ka i he gaahi faitoka. Bea mamata ia kia Jisu, bea kalaga, mo fakatomabee i hono ao, o tagi le‘o lahi, o behe, E Jisu, Alo oe fugani Otua maoluga, koeha au kiate koe? oku ou kole kiate koe, oua e fakamamahi‘i au. (He kuo fekau eia ki he laumalie uli ke ha‘u kitua mei he tagata. He kuo liuga lahi hono buke ia: bea nae ma‘u ia i hono ha‘ijia aki ae gaahi ukamea fihifihi moe gaahi ukamea fakamau; kae motuhi eia ae gaahi ha‘i, bea tuli ia e he tevolo ki he toafa.) Bea fehui a Jisu kiate ia, o behe, Kohai ho higoa? Bea behe eia, Ko Lijione: koeuhi kuo hu kiate ia ae kau tevolo toko lahi. Bea naa nau kole kiate ia, ke oua te ne fekau akinautolu ke nau alu atu ki he loloto. Bea nae ai ae faga buaka lahi nae fafaga i he mouga: bea naa nau kole kiate ia ke ne tuku ke nau hu ki ai. Bea ne tukuage ia. Bea alu atu leva ae kau tevolo i he tagata, o nau hu ki he faga buaka; bea felele‘i o oho ae faga buaka i he botu tahifohifo ki tahi, o melemo ai.

Bea koe fefine e toko taha nae iate ia ae au oe toto, i he ta‘u e hogofulu ma ua, bea kuo fakaoji eia a ene mea kotoabe ki he kau faitoo, ka nae ikai ke moui ia i ha taha, Nae ha‘u ia ki hono tua, o ala ki he kaba o hono kofu: bea matuu leva ae au o hono toto.

Bea nae lototoga ene lea, mo ene ha‘u ae toko taha mei he fale oe bule oe fale lotu, o ne behe kiate ia, Kuo bekia ho ofefine; oua naa fakafiu‘i ae Eiki. Ka kuo fanogo ki ai a Jisu, bea lea ia, o behe kiate ia, Oua te ke manavahe: ka ke tui be, bea e fakamoui ia. Bea kuo ha‘u ia ki he fale, nae ikai te ne tuku ke hu ki ai ha taha, ka ko Bita, mo Jemesi, mo Jone, bea moe tamai moe fa‘e ae taahine. Bea naa nau tagi mo tagilāulāu kotoabe koeuhi ko ia: ka naa ne behe, Oua e tagi; he oku ikai mate ia, ka oku mohe be. Ka naa nau kakata manuki kiate ia, ko e nau ilo kuo mate ia. Bea ne tuku akinautolu kotoabe kitua, bea buke hono nima, o ne ui, o behe, Taahine, tuu hake. Bea nae toe ha‘u a hono laumalie, bea tuu hake leva ia: bea ne fekau ke atu haa ne mea kai.

BEA nae toki ui ia ke fakataha ene kau akoga e toko hogofulu ma toko ua, bea ne tuku kiate kinautolu ae malohi moe bule ki he kau tevolo kotoabe, bea ke fakamoui ae gaahi mahaki. Bea ne fekau atu akinautolu ke malaga aki ae buleaga oe Otua, mo fakamoui ae mahaki.

Bea naa nau alu, o fonoga i he gaahi botu kakai, bea malaga aki ae ogoogolelei, mo nau fakamoui i he botu kotoabe.

Bea kuo ilo ia e he kakai, naa nau muimui kiate ia: bea ne ma‘u akinautolu, o ne lea kiate kinautolu, ki he buleaga oe Otua, bea nae fakamoui akinautolu aia nae aoga ke fakamoui.

Bea vakai, nae kalaga mai ae tagata i he kakai, o behe, E Eiki, oku ou kole kiate koe, ke ke vakai ki hoku foha: he ko eku tamajii toko taha be ia. Bea vakai, oku buke ia e he laumalie, bea fokifa oku tagi kalaga ia; bea oku ne hae‘i ke koa ai ia, bea oku ne haaki ia, bea alu ai i he tae fie alu. Bea neu kole ki hoo kau akoga ke kabuji ia; ka nae ikai te nau faa fai. Bea lea a Jisu, o beheage, Ae toutagata taetui mo agakovi, e fefe hono fuoloa oe tau nonofo, mo eku kataki akimoutolu? Omi ho foha ki heni. Bea i he ene ha‘u, nae haaki ia e he tevolo, mo hae‘i. Bea nae tautea e Jisu ae laumalie uli, mo fakamoui ae tamajii, o toe atu ia ki he ene tamai.

Bea fakamoui ae mahaki i ai, bea mou behe kiate kinautolu, Kuo ofi ae buleaga oe Otua kiate kimoutolu.

Vakai, oku ou foaki ae malohi kiate kimoutolu ke malaki hifo ae gaahi gata, moe sikobio, bea moe malohi kotoabe oe fili: bea e ikai aubito ha mea e lavea ai akimoutolu.

Bea lea a Jisu, o beheage, Koe tagata e toko taha nae alu hifo mei Jelusalema ki Jeliko, bea moua ia ki he kau kaihaa, bea naa nau vete iate ia a hono gaahi kofu, mo ta‘i ia, bea nau alu mei ai kuo ne mei mate. Mo ene aluage ha taulaeiki i he hala koia; bea mamata ia ki ai, bea ne alu ki he kau hala e taha. Bea mo ha Livaite foki, kuo hoko ia ki be botu, bea ha‘u o mamata, bea alu ie ni he kau hala e taha. Ra nae fonoga ha tagata Samelia, bea hoko ia ki he botu nae i ai ia: bea kuo mamata ia ki ai, bea ne manavaofa lahi, O ne aluage, o nonoo hono lavea, bea liligi ki ai ae lolo moe uaine, bea ne fakaheka ia ki he ene manu, o ne omi ia ki he fale talifonoga, o ne tauhi ia.

Bea nae kabuji ae tevolo, aia nae noa. Bea i he ene alu kitua ae tevolo, nae lea ae noa; bea ofo ai ae kakai.

Ikai oku fakatau ae hiki‘i manu buna e nima aki ae baaga jii e ua? bea oku ikai galo ha nau taha i he ao oe Otua. Ka koe gaahi tuoni louulu o ho mou ulu kuo lau kotoabe. Koia oua e manavahe: he oku mou mahuiga hake i he faga kihi‘i manu lahi.

Bea behe eia ki he ene kau akoga, Koia oku ou behe ai kiate kimoutolu, Oua naa mou tokaga ki hoo mou moui, ki ha mea te mou kai; be ki he jino, be koeha te mou ai ki ai. Oku lahi hake ae moui i he mea kai, moe jino i he kofu. Tokaga ki he faga leveni, he oku ikai te nau tutui be tuuji; bea oku ikai ha nau fale koloa, be feleoko: ka oku fafaga e he Otua akinautolu; bea ikai oku mou lelei hake aubito i he faga manu? Bea kohai ia iate kimoutolu i he ene tokaga e faa fakaloloa jii ki he ene moui? Bea kabau oku ikai te mou mafai aia oku jii taha be, koeha oku mou tokaga ai ki he mea kehe? Tokaga ki he tubu hake oe fiji‘i akau: oku ikai ke nau gaue, bea oku ikai ke filo; ka oku ou tala atu kiate kimoutolu, nae ikai tatau ae teuga o Solomone i hono nāunāu fulibe mo ha taha iate kinautolu ni. Koia kabau e fakakofu behe e he Otua ae mohuku, aia oku i he goue he aho ni, kae li ki he gotoumu abogibogi; ikai e lahi hake kiate kimoutolu, akimoutolu oku jii hoo mou tui? Bea oua naa mou kumi ki ha mea te mou kai, moe mea te mou inu, bea oua naa mou loto fakataetaetui. He koe mea kotoabe eni oku kumi ki ai e he gaahi kakai o mamani: bea oku ilo e hoo mou Tamai oku mou majiva i he gaahi mea ni. Kae kumi mua akimoutolu ki he buleaga oe Otua: bea e fakalahi aki kiate kimoutolu ae gaahi mea ni kotoabe. Ae faga sibi jii, oua e manavahe: he koe finagalo lelei o hoo mou Tamai ke foaki ae buleaga kiate kimoutolu.

Fakatau atu aia oku mou ma‘u, bea faa foaki; tokonaki maa moutolu ae gaahi kato e ikai fakaaau ke motua, koe koloa i he lagi e ikai oji, bea e ikai ofi ki ai ha kaihaa, be fakabobo ia e he ane. He koe botu oku i ai hoo mou koloa, e i ai foki mo ho mou loto.

Bea vakai, nae i ai ha fefine nae iate ia ae laumalie fakamahaki i he ta‘u e hogofulu ma valu, bea nae mabelu ia ki lalo, bea nae ikai aubito ke faa tuu hake ia. Bea i he mamata ki ai a Jisu, naa ne ui ia, mo ne behe kiate ia, Fefine, kuo veteki koe mei hoo mahaki. Bea ne hilifaki hono nima kiate ia; bea nae toki tuu totonu leva ia, mo fakamalo ki he Otua.

Bea e ikai lelei ke vete i he aho sabate, mei he ha‘i ni, ae fefine ni, koe ofefine o Ebalahame aia kuo ha‘ijia e Setani, i he ta‘u e hogofulu na valu ui?

Bea behe eia kiate kinautolu, Mou, o, o tala ki he fokisi koia, Vakai, koe aho ni moe abogibogi oku ou kabuji ai ae kau tevolo, mo fai ae fakamoui, bea i hono aho tolu teu haohaoa.

Bea vakai, nae i hono ao ha tagata nae fulavai. Bea lea a Jisu ki he kau akonaki i he fono moe kau Falesi, o ne behe, Oku gofua ke fakamoui i he aho sabate? Bea nau fakalogo be. Bea ne omi o fakamoui ia, bea tukuage ke alu;

Ka oka ke ka teu ae katoaga, ui ae kau majiva, moe lavea, moe bibiki, moe kui:

Nae ai ha tagata koloaia, naa ne ai ae kofu kulokula moe tubenu mahuiga, bea kai eia ae mea lelei i he aho kotoabe: Bea nae ai ha tagata baea, ko Lasalosi hono higoa, nae fakatokoto ia i hono mataba, kuo tofu i he babala, O ne holi ke fafaga aki ia ae momo‘i mea kai nae gagana mei he keinagaaga ae tagata ma‘umea: bea nae ha‘u foki ae faga kuli, o emo hono babala. Bea behe, nae mate ae tagata baea, bea fua ia e he kau agelo ki he fatafata o Ebalahame: bea mate foki ae tagata ma‘umea, bea tanu ia; Bea haga hake ia hono mata i heli, oku ogojia ia, bea ne mamata kia Ebalahame i he mamao aubito, mo Lasalosi i hono fatafata. Bea tagi ia, o behe, E tamai ko Ebalahame, ke ke ofa mai kiate au, bea fekau a Lasalosi ke ne ai hono mua tuhu ki he vai, mo fakamomoko hoku elelo: he oku ou feiga i he afi ni. Ka nae behe e Ebalahame, Foha, ke ke manatu naa ke ma‘u hoo gaahi mea lelei i hoo moui, bea nae ia Lasalosi foki ae gaahi mea kovi; ka ko eni, oku fiemalie ia, ka kuo ke feiga koe. Kaeumaa eni kotoabe, oku ai ae fuu vanu lahi i he vahaa o kimautolu mo kimoutolu: koia e ikai lava atu akinautolu oku fie alu i heni kiate kimoutolu; bea e ikai faa ha‘u kiate kimautolu akinautolu oku fie ha‘u mei hena. Bea toki behe eia, Koia oku ou kole ai kiate koe, e tamai, ke ke fekau ia ki he fale o eku tamai: He oku toko nima hoku kaiga; koeuhi ke ne valoki‘i akinautolu, telia naa nau ha‘u foki ki he botu fakamamahi ni. Bea behe e Ebalahame kiate ia, Oku nau ma‘u a Mosese moe kau balofita; tuku ke nau fanogo ki ai. Bea behe eia, E ikai, e tamai ko Ebalahame, ka oka alu ha taha mei he mate kiate kinautolu, te nau fakatomala. Bea behe mai eia kiate ia, Kabau e ikai te nau fanogo kia Mosese moe kau balofita, e ikai te nau tui o kabau e toe tuu ha taha mei he mate.

Bea i he ene hu ki he botu kakai e taha, nae fakafetaulaki kiate ia ae kau tagata kilia e toko hogofulu, bea nau tutuu mamao atu: Bea naa nau kalaga le‘o lahi, o behe, Jisu, Eiki, ke ke aloofa mai kiate kimautolu. Bea i he ene mamata, naa ne behe kiate kinautolu, Mou o, o fakaha akimoutolu ki he kau taulaeiki. Bea behe, i he e nau alu nae fakamaa akinautolu. Bea nae foki mai ho nau toko taha, i he ene mamata kuo fakamoui ia, o ne fakamalo aki ae le‘o lahi ki he Otua,

Ko ia ia e kalofaki ene moui, e mole ia iate ia; ka ko ia ia e tuku ene moui, e ma‘u eia ia.

Bea behe, i he ene ofi atu ki Jeliko, nae nofo i he vee hala ae tagata kui o kole: Bea fanogo ia ki he aluage ae fonoga, bea fehui ia ki hono uhiga. Bea naa nau tala kiate ia, Ko Jisu o Nasaleti oku aluage. Bea kalaga ia, o behe, Jisu, Foha o Tevita, aloofa mai kiate au. Bea ko kinautolu nae muomua naa nau lolomi ia, ke tuku ene logoaa: ka nae ajili ai ene kalaga, Foha o Tevita, aloofa mai kiate au. Bea tuu a Jisu, o fekau ke omi ia kiate ia: bea kuo unu mai ia o ofi, bea ne fehuiage kiate ia, O behe, Koeha ho loto keu fai kiate koe? Bea behe eia, Eiki, ke a hoku mata. Bea behe e Jisu kiate ia, Ke a ho mata: kuo fakamoui koe e hoo tui. Bea a fakafokifa be ia, o muimui iate ia, bea fakamalo ki he Otua: bea i he mamata ki ai ae kakai kotoabe, naa nau fakamalo ki he Otua.

He kuo ha‘u ae Foha oe tagata ke kumi mo fakamoui aia kuo mole.

Bea e ikai te nau toe mate: he koe fānau ae Otua akinautolu o hage koe kau agelo; moe fānau oe toetuu.

Kae teeki ai ke hoko eni, te nau bukea akimoutolu, mo fakataga‘i, mo tukuage akimoutolu ki he gaahi fale lotu, moe gaahi fale fakabobula, o nau omi akimoutolu ki he ao oe gaahi tu‘i moe bule, koeuhi ko hoku higoa. Bea e hoko ia koe fakamooni kiate kimoutolu. Koia ke fakababau ho mou loto, ke oua naa tomua fakakaukau aia te mou tali aki: He teu foaki kiate kimoutolu ae gutu moe boto, e ikai faa tali be taofia e ho mou gaahi fili kotoabe. Ka e lavaki‘i akimoutolu e he mātua, moe tokoua, moe kaiga, moe kaumea; bea te nau tamate‘i ho mou niihi. Bea e fehianekina akimoutolu i he kakai kotoabe koeuhi ko hoku higoa. Ka e ikai mole ha tuoni louulu i ho mou ulu.

Ko kimoutolu ia kuo nofo mau mo au, i hoku gaahi ahiahi.

Bea nae behe e he Eiki, Saimone, Saimone, vakai, oku holi a Setani kiate kimoutolu, koeuhi ke ne fakataga‘i akimoutolu o hage koe uite. Ka kuou hufia koe, ke oua naa mate hoo tui: bea oka ke ka toe liliu, ke ke tokoni ko kaiga. Bea behe eia kiate ia, Eiki, teu alu mo koe ki he fale fakabobula moe mate.

Bea moua ia i he mamahi lahi, bea ajili ai ene lotu fakamatoato: bea ko ene tautaa koe taataa nae to i he tulutaa lalahi ki he kelekele.

Bea kuo nau hoko ki he botu oku ui ko Kalivali, naa nau tuki ia i ai ki he akau, moe ogo fai kovi, koe toko taha ki he nima toomatau, moe toko taha ki he nima toohema. Bea toki behe e Jisu, E Tamai, fakamolemole akinautolu; he oku ikai te nau ilo aia oku nau fai. Bea naa nau vahevahe a hono gaahi kofu, o talotalo.

Bea beheage e Jisu kiate ia, Oku ou tala mooni kiate koe, Te ta i Bala-taisi mo au he aho ni.

Bea tagi le‘o lahi a Jisu, o ne behe, E Tamai, oku ou tuku hoku laumalie ki ho nima: bea hili ene lea behe, bea bekia ia.

He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata.

Bea nae toe ha‘u a Jisu ki Kena o Kaleli, naa ne liliu ai ae vai koe uaine. Bea nae i ai ae eiki nae mahaki hono foha i Kabaneume. Bea i he ene fanogo kuo ha‘u a Jisu mei Jutea ki Kaleli, ne ne alu ki ai, o ne fakakolekole kiate ia ke ne alu hifo, o fakamoui hono foha: he kuo ofi ene mate. Bea tala e Jisu, kiate ia, Kabau oku ikai te mou mamata ki he gaahi fakailoga, moe mea fakaofo, e ikai te mou tui. Bea talaage e he tagata eiki kiate ia, Eiki, ke ta o hifo, naa mate hoku foha. Bea behe e Jisu kiate ia, Alu koe; oku moui ho foha. Bea tui ae tagata ki he lea kuo lea aki e Jisu kiate ia, bea alu ia. Bea i he ene kei alu, nae fakafetaulaki mai kiate ia ene kau tamaioeiki, o nau tala kiate ia, o behe, Oku moui ho foha. Bea fehui ai ia kiate kinautolu ki he feituulaa nae kamata moui ai ia. Bea nau behe kiate ia, Aneafi i hono fitu oe feituulaa nae mahui ae mofi iate ia. Bea nae ilo e he tamai koe feituulaa be koia nae behe ai e Jisu kiate ia, Oku moui ho foha: bea nae tui ai ia, bea mo hono fale kotoabe.

Bea nae tatoka ai ae kakai mahaki toko lahi, koe kui, moe bibiki, moe mate, i he tatali ki he gau‘eue oe vai. He nae alu hifo ha agelo ki he ano i ha aho, o fakagau‘eue ae vai: bea ko ia e fuofua tuu ki he vai, hili hono fakagau‘eue, nae fakamoui ia mei hono mahaki kotoabe. Bea nae i ai ae tagata e taha nae moua e he mahaki i he ta‘u e tolugofulu ma valu. Ka kuo mamata a Jisu ki he ene tokoto, o ne ilo kuo fuoloa ene moua, nae fehui ia ki ai, Ko ho loto ke ke moui? Bea behe e he mahaki kiate ia, Eiki, oku ikai ha tagata, oka faka-gau‘eue ae vai, ke ne hiki au ki he ano: kae lolotoga eku alu, oku muomua hifo iate au ha taha kehe. Bea tala e Jisu kiate ia, Tuu hake, bea too ho mohega, o alu. Bea fakafokifa be kuo moui ae tagata, o ne too hono mohega, bea alu: bea koe aho koia koe sabate.

Hili ia, nae ilo ia e Jisu i he fale lotu lahi, o ne behe kiate ia, Vakai, kuo fakamoui koe: oua naa ke toe fai agahala, telia naa to kiate koe ha kovi lahi hake.

Bea muimui iate ia ae fuu kakai, koeuhi naa nau mamata ki he gaahi mana naa ne fai kiate kinautolu nae mahaki.

Bea talaage e Jisu kiate kinautolu, Ko au koe ma oe moui: ko ia oku ha‘u kiate au, e ikai aubito fiekaia; bea ko ia oku tui kiate au, e ikai aubito fieinu ia. Ka naaku tala kiate kimoutolu, Kuo mou mamata foki kiate au, kae ikai tui. Koia kotoabe oku foaki e he Tamai kiate au, e ha‘u ia kiate au; bea ko ia oku ha‘u kiate au, e ikai aubito teu jiaki.

Bea toe lea ai a Jisu kiate kinautolu, o behe, Ko au koe māma o mamani: ko ia oku muimui iate au, e ikai alu ia i he bouli, ka e iate ia ae māma oe moui.

BEA i he aluage a Jisu, ne mamata ia ki ha tagata nae fanau‘i koe kui. Bea fehui ene kau akoga kiate ia, o behe, Labai, kohai nae fai agahala, ae tagata ni, be ko ene mātua, nae fanau‘i kui ai ia? Bea talaage e Jisu, Nae ikai fai agahala ae tagata ni, be ko ene mātua: ka koe mea ke fakaha iate ia ae gaahi gaue ae Otua. Oku totonu keu fai ae gaahi gaue o ia naa ne fekau au, lolotoga ene kei aho: oku ha‘u ae bo, oku ikai faa gaue ai ha toko taha. I he eku kei i mamani, koe māma au o mamani. Hili ene lea behe, nae aanu ia ki he kelekele, o ne gaohi aki ae aanu ae umea, o ne bani aki ae umea ae mata oe tagata kui, O ne behe kiate ia, Alu, o kaukau i he ano vai ko Seiloami, (aia ko hono uhiga, Koe fekau.) Koia nae alu ai ia, o kaukau, bea ha‘u kuo a.

Talu mei he kamataaga o mamani oku teeki fanogo nae ai ha tagata kuo fakaa ae mata o ha toko taha kuo fanau‘i kui.

Oku ikai ha‘u ae kaihaa, ka ke kaihaaji, bea ke tamate‘i, bea ke fakaauha: kuou ha‘u au ke nau ma‘u ae moui, bea ke nau ma‘u ia o lahi aubito. Ko au koe tauhi lelei: oku foaki e he tauhi lelei a ene moui koeuhi koe faga sibi.

Bea oku ou foaki kiate kinautolu ae moui taegata; bea e ikai aubito te nau auha, be e ikai ha taha te ne hamuji akinautolu mei hoku nima. Ko eku Tamai, aia naa ne foaki mai kiate au, oku lahi taha be ia; bea oku ikai ha toko taha oku faa hamuji mei he nima o eku Tamai.

Bea talaage e Jisu kiate ia, Ko au koe toetuu, moe moui: ko ia oku tui kiate au, ka ne mate ia, e moui be ia: Bea ko ia oku moui mo tui kiate au, e ikai aubito mate ia. Oku ke tui ki ai?

Bea kuo aluage a Mele ki he botu oku i ai a Jisu, o ne mamata ki ai, bea tomabee ia ki hono va‘e, o ne behe kiate ia, Eiki, ka ne ke i heni, behe, ne ikai mate hoku tuogaane. Bea i he mamata a Jisu kiate ia oku tagi, bea tagi foki moe kakai Jiu nae ha‘u mo ia, bea to‘e ia i he laumalie, bea mamahi ia, One behe, Kuo mou tuku ife ia? Bea nau tala kiate ia, Eiki, ha‘u o mamata. Bea tagi a Jisu. Bea lea ai ae kau Jiu, Vakai ki hono lahi o ene ofa kiate ia.

Bea tala e Jisu, Mou too ae maka. Bea lea kiate ia a Maata, koe tuofefine o ia kuo mate, Eiki, kuo namu hāhā: he ko hono aho fa eni. Bea lea a Jisu kiate ia, Ikai naaku tala kiate koe, kabau te ke tui, te ke mamata ki he mafimafi oe Otua? Bea naa nau too ae maka mei he botu nae tuku ai ae mate. Bea haga hake ae fofoga o Jisu, o ne behe, E Tamai, oku ou fakafetai kiate koe, koeuhi kuo ke ogo‘i au. Bea oku ou ilo oku ke ogo‘i mau ai be au: ka koe mea i he kakai oku tutuu ni, koia kuou lea ai, koeuhi ke nau tui naa ke fekau au. Bea hili ene lea behe, bea lea le‘o lahi ia, Lasalosi, tuu mai. Bea nae tuu mai aia nae mate, kuo ha‘iha‘i hono nima moe va‘e aki ae kofu tanu: bea kuo nonoo aki hono mata ae holoholo. Bea talaage e Jisu kiate kinautolu, Vevete, o tukuage ia.

OUA naa mamahi ho mou loto: oku mou tui ki he Otua, tui foki kiate au. I he fale o eku Tamai oku ai ae gaahi nofoaga oku lahi: ka ne ikai, behe, kuou tala ia kiate kimoutolu. Oku ou alu ke teuteu ha botu moo moutolu.

Bea koe mea kotoabe te mou kole i hoku huafa, teu fai ia, koeuhi ke fakaogoogolelei ae Tamai i he Alo. Koia kotoabe te mou kole i hoku huafa, teu fai.

Oku ou tuku ae melino kiate kimoutolu, ko eku melino oku ou foaki kiate kimoutolu: oku ikai hage koe foaki a mamani, a eku foaki kiate kimoutolu. Oua naa mamahi ho mou loto, bea oua naa manavahe ia.

Kabau oku mou nofo iate au, bea nofo eku gaahi lea iate kimoutolu, te mou kole aia te mou loto ki ai, bea e fai ia kiate kimoutolu. I he mea ni e ogoogo lelei ai a eku Tamai, koeuhi ke mou fua lahi; koia te mou hoko ai ko eku kau akoga.

Kuou lea aki ae gaahi mea ni kiate kimoutolu, koeuhi keu ma‘u mau ai be ae fiefia iate kimoutolu, bea ke kakato ai hoo mou fiefia.

Ko eni, oku mamahi ni akimoutolu: ka teu toe vakai kiate kimoutolu, bea e fiefia ai ho mou loto, bea ko hoo mou fiefia, e ikai too e ha taha meiate kimoutolu. Bea i he aho koia e ikai te mou fehui ha mea e taha kiate au. Koe mooni, koe mooni, oku ou tala kiate kimoutolu, Koe mea kotoabe te mou kole ki he Tamai i hoku huafa, te ne foaki kiate kimoutolu. Oku teeki ai te mou kole ha mea i hoku huafa: kole, bea te mou ma‘u, koeuhi ke kakato ai hoo mou fiefia.

Kuou tala ae gaahi mea ni kiate kimoutolu, koeuhi ke mou ma‘u ae fiemalie iate au. Te mou ma‘u ae mamahi i mamani: ka mou loto to‘a; kuou iku‘i a mamani.

KOIA nae toki tuku e Bailato a Jisu, ke kauimaea.

Koia naa ne toki tukuage ai ia kiate kinautolu ke tutuki ki he akau. Bea naa nau ma‘u a Jisu o taki atu. Bea fua eia hono akau, o alu atu ki he botu oku ui koe botu oe uluboko, aia oku ui i he lea faka‐Hebelu ko Kolokota: O nau tutuki ai ia ki he akau, moe toko ua kehe mo ia, i hono botu faka-touoji be, kae i ho na vahaa a Jisu.

Bea kuo ma‘u e Jisu ae vai mahi, bea behe eia, Ko hono gata ia: bea bunou hono fofoga, o tuku hake hono laumalie.

Bea oku behe moe tohi e taha, Te nau jio kiate ia kuo nau hoka‘i.

Bea e behe, ko ia e ui ki he huafa oe Eiki, e fakamoui ia.

Koia nae fiefia ai hoku loto, bea fiefia mo hoku elelo; bea e mālōlō foki a hoku jino i he amanaki lelei: Koeuhi e ikai te ke tuku hoku laumalie i hetesi, bea e ikai te ke tuku ho Toko Taha Maonioni ke ne ilo ae auauha. Kuo ke fakaha kiate au ae gaahi hala oe moui; te ke fakafonu aki au ae fiefia i ho ao.

Bea toki behe e Bita, Koe siliva moe koula oku ikai teu ma‘u; ka koia oku ou ma‘u teu foaki kiate koe: i he huafa o Jisu Kalaisi o Nasaleti tuu hake o alu. Bea naa ne buke ia i hono nima toomatau, o fokotuu hake ia: bea nae malohi leva hono va‘e mo hono tuga‘i va‘e. Bea hobo hake ia o tuu, mo eveeva, bea nau hu fakataha mo ia ki he fale lotu lahi, kuo eveeva, mo hobohobo, bea fakamalo ki he Otua. Bea nae mamata ae kakai kotoabe kiate ia, oku eveeva mo fakamalo ki he Otua;

Koia naa nau fata ai ae gaahi mahaki ki he gaahi hala, o fakatokoto i he mohega moe tokotoaga, ke fakamalu ho nau niihi aki ae ata o Bita i he ene aluage. Bea nae ha‘u foki ae toko lahi mei he gaahi kolo oku ofi ki Jelusalema, ke fetuku mai ae kakai mahaki, mo kinautolu nae mamahi i he kau laumalie uli: bea nae fakamoui akinautolu kotoabe.

Bea toki tutuu hake ae taulaeiki lahi, mo kinautolu kotoabe nae iate ia, (i he faahiga oe Satusi,) kuo nau fonu i he ita, Bea naa nau buke ae kau abosetolo, o fakahu akinautolu ki he fale fakabobula lahi. Ka nae too ae mataba oe fale fakabobula e ha agelo ae Eiki i he bo, bea ne omi kitua akinautolu, mo ne behe, Mou alu, o tuu i he fale lotu lahi, bea malaga ki he kakai aki ae lea kotoabe oe moui ni.

Bea naa nau alu mei he ao oe kau fakamāu i he fiefia, koeuhi kuo nau aoga ke kataki ae fakama koeuhi ko hono huafa.

Ka ko Saula naa ne maumau‘i ae jiaji, o hu ki he fale kotoabe, mo ne toho ae kakai tagata moe fefine, o fakahu ki he fale fakabobula. Bea ko kinautolu nae fakamovetevete, naa nau alu ki he botu kotoabe, mo malaga aki ae folofola.

Bea nae tokaga o loto taha ae kakai ki he gaahi mea nae lea aki e Filibe, i he e nau fanogo mo mamata ki he gaahi mana naa ne fai. He nae ha‘u kitua ae kau laumalie uli mei he toko lahi naa nau ulujino ai, o nau tagi le‘o lahi: bea nae fakamoui ae toko lahi nae bukea i he mahaki tete, bea moe kau bibiki. Bea nae lahi ae fiefia i he kolo koia.

Koeuhi koe fakanofo e he Otua a Jisu o Nasaleti aki ae Laumalie Maonioni moe malohi: aia nae faa fealuaki o fai lelei, mo ne fakamoui akinautolu kotoabe nae fakamalohi‘i e he tevolo; he nae iate ia ae Otua.

Bea kuo ne buke ia, bea ne fakahu ki he fale fakabobula, o tuku ki he vahega tau e fa, nae taki toko fa, ke nau leohi ia; o ne tokaga ke omi ia kituaa ki he kakai oka hili ae katoaga oe Lakaatu. Koia nae moua be a Bita i he fale fakabobula: ka nae hufia fakamatoato ia e he jiaji ki he Otua. Bea i he tokaga a Helota ke omi ia kituaa, nae mohe a Bita i he bo koia i he vahaa oe ogo tagata tau, nae ha‘i aki ae ukamea fihifihi e ua: bea i he mataba ae kau leo, o leohi ae fale fakabobula. Bea vakai, kuo iate ia ha agelo ae Eiki, bea malama i he fale fakabobula ae māma: bea ne ta‘i a Bita i he vakavaka, mo ne fokotuu ia, o behe, Tui ke vave. Bea nae homo ae ukamea fihifihi i hono nima. Bea behe e he agelo kiate ia, Nonoo ho kofu, bea fakamau mo ho tobuva‘e. Bea ne fai ia. Bea ne behe kiate ia, Ai ho kofu, bea ke muimui kiate au. Bea naa ne alu kituaa, o muimui iate ia; bea nae ikai te ne ilo be koe mooni aia kuo fai e he agelo; ka nae mahalo eia koe mea ha mai oku ne mamata ai. Bea kuo na tuku ki mui ae uluaki kau leo mo hono ua, bea na hoko ki he mataba ukamea, oku alu atu ai ki he kolo; bea matoo ia, iate ia be, kiate kinaua: bea naa na o kituaa, o na fonoga i he hala e taha; bea fakafokifa be kuo mole iate ia ae agelo.

O na tokoni‘i ae loto oe kau akoga, bea akonaki ke nau tuu ma‘u i he tui, koeuhi kuo tonu ke tau hu ki he buleaga oe Otua i he mamahi lahi.

Bea feohofi ae kakai kiate kinaua: bea nae haehae ho nau kofu e he kau bule, mo fekau ke haha akinaua. Bea oji e nau haha o lahi akinaua, naa nau tuku akinaua ki he fale fakabobula, mo nau fekau ki he leo ke ne leohi mau akinaua:

Bea i he ene ma‘u ae fekau koia, naa ne fakahu akinaua ki he fale fakabobula i loto, bea ne fakama‘u ho na va‘e ki he akau. Bea i he tuuabo malie, nae lotu mo hiva fakafetai ki he Otua a Baula mo Sailosi, bea nae fanogo ae kau bobula kiate kinaua. Bea fakafokifa nae ai ae mofuike lahi, aia nae gau‘eue ai ae tuuga oe fale fakabobula: bea nae ava leva ae mataba kotoabe, bea movete ae ha‘i o nautolu taki taha kotoabe. Bea i he a ae leo oe fale fakabobula mei he ene mohe, bea ne mamata kuo ava ae mataba oe fale fakabobula, naa ne unuhi ae heleta ke tamate‘i aki ia, he naa ne mahalo kuo feholaki ae kau bobula. Ka nae kalaga aki e Baula ae le‘o lahi, o behe, Oua naa ke fai ha kovi kiate koe: he oku mau katoa i heni. Bea nae toki ui eia ke omi ha māma, bea oho ia ki loto, bea ha‘u tetetete, o fakatomabee i he ao o Baula mo Sailosi, O ne omi akinaua kitua, mo ne behe, Ogo eiki, koeha teu fai keu moui ai?

Bea nae fai e he Otua ae gaahi mana fakaofo i he nima o Baula: He nae ave mei hono jino ae gaahi holoholo moe noo, ki he kakai mahaki, bea nae mahui ae mahaki iate kinautolu, bea alu iate kinautolu ae kau laumalie kovi.

A eku tauhi ae Eiki i he loto agavaivai lahi, moe loimata lahi, moe gaahi ahiahi, nae to kiate au i he toitoi‘i au e he kakai Jiu:

Bea koeni, vakai, oku ou alu ha‘ijia i loto ki Jelusalema, bea oku ikai teu ilo ae gaahi mea e hoko mai i ai kiate au: Ka koeni, oku fakamooni mai e he Laumalie Maonioni, o behe, oku tatali be kiate au ae gaahi ha‘i moe mea fakamamahi i he kolo kotoabe. Ka oku ikai ue‘i ai au, bea oku ikai foki teu lau koe mea mahuiga kiate au eku moui, kae kehe keu fakaoji i he fiefia eku lakaga, moe gaue kuou ma‘u mei he Eiki ko Jisu, keu fakamooni ki he ogoogolelei oe aloofa ae Otua.

Kuou fakaha ae mea kotoabe kiate kimoutolu, koeuhi i he behe‘i a hoo mou gaue, oku totonu ke mou tokoni ki he vaivai, bea manatu‘i ae lea ae Eiki ko Jisu, i he ene behe, Oku monuia lahi hake ae foaki atu i he ma‘u ae foaki mai.

Ka nae behe e Baula, Koeha eni oku mou fai, o fetagihi ke faji ai hoku loto? he oku ou teu ke oua e ha‘ijia be, kae mate foki i Jelusalema, koeuhi koe huafa oe Eiki ko Jisu. Bea i he ikai tui mai ia, naa mau tuku, o mau behe, Ke fai be ae finagalo oe Eiki.

Bea behe, nae tokoto ae tamai a Bubilio oku mahaki, koe mofi moe hana toto; bea kuo hu atu a Baula ki ai, o lotu, bea ne ala atu hono nima kiate ia, o fakamoui ia. Bea kuo fai ia, bea ha‘u foki moe niihi oe motu nae moua i he gaahi mahaki, bea fakamoui:

Bea oku ikai ke gata ai, ka oku tau vikiviki i he gaahi mamahi foki: i he e tau ilo oku tubu mei he mamahi ae faa kataki; Bea mei he faa kataki, ae ilo; bea mei he ilo, ae amanaki lelei: Bea oku ikai fakama e he amanaki lelei; he koeuhi kuo liligi ae ofa ae Otua ki ho tau loto i he Laumalie Maonioni, aia kuo foaki kiate kitautolu.

Ka oku fakaha e he Otua ene ofa kiate kitautolu i he mea ni, lolotoga koe kau agahala akitautolu, ne bekia a Kalaisi maa tautolu. Bea ka koia, bea e ajili ae fakamoui o kitautolu mei he houhau iate ia, he kuo fakatonuhia‘i akitautolu i hono taataa. He kabau ne fakalelei akitautolu ki he Otua i he bekia a hono Alo, ka koe gaahi fili akitautolu, bea ta e ajili ho tau fakamoui i he ene moui, he kuo tau fakalelei. Bea oku ikai gata ai, ka oku tau fiefia foki i he Otua i ho tau Eiki ko Jisu Kalaisi, aia kuo tau ma‘u ai ae fakalelei.

Bea koia, o hage nae hoko mai ae agahala ki mamani, moe mate mei he agahala, i he tagata be taha; bea nae behe ae hoko oe mate ki he kakai kotoabe, he kuo agahala kotoabe:

Ikai oku mou ilo ko kitautolu kotoabe nae babitaiso kia Jisu Kalaisi, naa tau babitaiso ki he ene bekia? Bea koia, kuo tau tanu fakataha mo ia i he babitaiso ki he mate: koeuhi ke hage hono fokotuu a Kalaisi mei he mate e he malohi oe tamai, ke behe foki e tau felaka‘i i he moui foou. He kabau kuo tau to fakataha mo ia i he tatau o ene bekia, te tau i he tatau foki o ene toetuu: O ilo eni, ko ho tau motua tagata kuo tamate‘i fakataha mo ia, koeuhi ke fakaauha ae jino oe agahala, koeuhi ke oua naa tau toe tauhi ae agahala. He ko ia oku mate, kuo movete ia mei he agahala.

Koeni, kabau oku tau mate fakataha mo Kalaisi, oku tau tui te tau moui fakataha foki mo ia: I he e tau ilo kuo fokotuu a Kalaisi mei he bekia, bea e ikai toe bekia ia; e ikai toe bule‘i ia e he mate. He ko ene mate, koe mate tuo taha be koeuhi koe agahala: ka ko ene moui, koe moui ia ki he Otua. Bea ke behe foki ae lau akimoutolu koe mate mooni ki he agahala, ka koe moui ki he Otua i ho tau Eiki ko Jisu Kalaisi. Koia ke oua naa tuku ke bule ae agahala i ho mou jino mategofua, ke mou talagofua ki ai i hono gaahi holi. Bea oua naa mou atu ho mou gaahi kubu‘i jino koe mea gaue aki i he taemaonioni ki he agahala: kae atu akimoutolu ki he Otua, o tāu mo kinautolu kuo hao mei he mate, bea mo ho mou gaahi kubu‘i jino koe mea gaue aki i he maonioni ki he Otua.

Ka koeha ae fua ne mou ma‘u i he gaahi mea koia oku mou ma ai ni? he koe gataaga oe gaahi mea koia koe mate. Ka koeni, i hono fakatauataina akimoutolu mei he agahala, bea hoko koe kau tamaioeiki ki he Otua, kuo ai ho mou fua koe maonioni, bea ko hono gataaga koe moui taegata.

He koe totogi oe agahala koe mate; ka koe moui taegata koe foaki ofa ia ae Otua ia Jisu Kalaisi ko ho tau Eiki.

Oiaue, ko au, koe tagata malaia! kohai te ne fakamoui au mei he jino oe mate ni?

BEA koia oku ikai ai ha fakamalaia kiate kinautolu oku ia Kalaisi Jisu, akinautolu oku ikai ke muimui ki he kakano, ka ki he Laumalie. He koe fono oe Laumalie oe moui ia Kalaisi Jisu, kuo ne fakatauataina au mei he fono oe agahala moe mate. He koia nae ikai mafai e he fono, koe mea i hono vaivai i he kakano, kuo fai e he Otua, i he ene fekau hono Alo oona i he tatau oe kakano agahala, bea koe feilaulau ki he agahala, bea ne fakavaivai ae agahala i he kakano: Koeuhi ke fakamooni ki he maonioni oe fono ekitautolu, oku ikai ke muimui ki he kakano, ka ki he Laumalie. He ko kinautolu oku oe kakano, oku nau tokaga ki he gaahi mea oe kakano; ka ko kinautolu oku oe Laumalie, ki he gaahi mea oe Laumalie. He koe loto fakakakano, koe mate ia; ka koe loto fakalaumalie, koe moui ia moe melino. Koeuhi koe loto fakakakano, koe taufehia ia ki he Otua: he oku ikai ke moulaloa ia ki he fono ae Otua, bea oku ikai aubito faa fai ke behe. Koia ko kinautolu oku i he kakano, oku ikai te nau faa fai ke fiemalie ae Otua.

Ka oku ikai i he kakano akimoutolu, ka i he Laumalie, o kabau oku nofoia akimoutolu e he Laumalie oe Otua. Bea koeni, kabau oku ikai ma‘u e ha tagata ae Laumalie o Kalaisi, oku ikai aana ia. Bea kabau oku nofoia akimoutolu e Kalaisi, bea kuo mate mooni ae jino, koe mea i he agahala; kae moui ae laumalie, koe mea i he maonioni. Bea kabau oku nofoia akimoutolu e he Laumalie o ia naa ne fokotuu a Jisu mei he bekia, bea ko ia naa ne fokotuu a Kalaisi mei he bekia, te ne fakaake foki mo ho mou jino mategofua aki hono Laumalie oku nofoia akimoutolu.

Koia, e kaiga, koe kau fai totogi akitautolu, kae ikai ki he kakano, ke tau moui ki he kakano. He kabau te mou moui ki he kakano, te mou mate: ka oka mou ka tamate‘i ae gaahi aga oe kakano aki ae Laumalie, te mou moui. He ko kinautolu oku takiekina e he Laumalie oe Otua, koe gaahi foha akinautolu oe Otua. He oku ikai ke ma‘u ekimoutolu ae laumalie oe bobula, ke mou toe manavahe; ka kuo mou ma‘u ae Laumalie oe ohi, aia oku tau tagi ai, Aba, Tamai. Bea oku fakamooni e he Laumalie be koia mo ho tau laumalie, koe fānau ae Otua akitautolu: Bea kabau koe fānau, bea ta koe kau hoko; koe kau hoko ki he Otua, bea koe kau hoko fakataha mo Kalaisi; o kabau te tau mamahi mo ia, koeuhi ke tau ma‘u ae hakeaki‘i fakataha mo ia.

He oku ou behe, oku ikai gali ke fakatatau ae gaahi mamahi oe moui ni ki he nāunāu aia e fakaha kiate kitautolu. He koe holi lahi oe mamani, oku tatali ia ki he fakaha ae fānau ae Otua. He nae fakamoulaloa a mamani ki he vaiga, (kae ikai loto ia ki ai, ka koe mea iate ia kuo ne fakamoulaloa ia,) i he amanaki lelei: He koeuhi e fakahaofi a mamani mei he ha‘i oe auauha ki he tauataina monuia oe fānau ae Otua. He oku tau ilo, oku to‘eto‘e mo feiga i he lagā fakataha a mamani kotoabe o a‘u ki heni. Bea oku ikai koia be, ka ko kitautolu foki, akitautolu oku ma‘u ae uluaki fua oe Laumalie, io, oku tau to‘eto‘e i loto iate kitautolu, mo tatali ki he ohi, aia, koe huhui o ho tau jino. He oku fakamoui akitautolu e he amanaki lelei: ka koe amanaki oku ma‘u, oku ikai koe amanaki ia, he koia oku ma‘u e ha tagata, e fefe‘i a ene kei amanaki ki ai? Bea kabau oku tau amanaki lelei ki he mea oku heeki ai te tau ma‘u, oku tau tatali faa kataki be ki ai.

Bea koe Laumalie foki, oku ne tokoni‘i e tau gaahi vaivai: he oku ikai te tau ilo aia oku totonu ke tau lotua; ka oku hufekina akitautolu e he Laumalie be koia i he gaahi to‘e oku tae faa lea aki. Ka ko ia oku ne ilo‘i ae loto, oku ne ilo‘i moe finagalo oe Laumalie, he oku ne hufekina ae kakai maonioni o tāu moe Otua.

Bea oku tau ilo oku fegaueaki fakataha ae gaahi mea kotoabe ke lelei ai akinautolu oku ofa ki he Otua, akinautolu kuo ui o tatau mo ene tuutuuni. He ko kinautolu naa ne tomua ilo, naa ne tuutuuni foki ki he tatau o hono Alo, koeuhi ke hoko ia koe uluaki fanau i he kaiga toko lahi: Bea ko kinautolu naa ne tuutuuni, naa ne ui akinautolu foki: bea ko kinautolu naa ne ui, naa ne fakatonuhia‘i akinautolu foki: bea ko kinautolu naa ne fakatonuhia‘i, naa ne hakeaki‘i akinautolu.

Bea koeha te tau lea aki ki he gaahi mea ni? Ka kuo kau ae Otua maa tautolu, bea kohai e agatuu kiate kitautolu? Ko ia ia nae ikai te ne mamae ki hono Alo oona, ka ne tukuage ia koeuhi ko kitautolu kotoabe, bea fefe, e ikai te ne foaki fiemalie foki mo ia ae gaahi mea kotoabe kiate kitautolu? Kohai te ne talalaaki‘i ae kakai kuo fili e he Otua? Koe Otua ia oku ne fakatonuhia‘i. Kohai ia oku ne fakahalaia? Ko Kalaisi ia nae bekia, io, bea kuo toe tuu hake, aia oku i he nima toomatau oe Otua, bea oku ne fai ae hufekina foki maa tautolu.

Kohai te ne fakamavae akitautolu mei he ofa a Kalaisi? Ae mahaki, be koe mamahi, be koe fakataga, be koe hoge, be koe telefua, be koe tuutamaki, be koe heleta? O hage koia kuo tohi, Koeuhi ko koe oku tamate‘i akimautolu i he aho kotoabe; bea lau akimautolu o hage koe faga sibi ki he tamate‘i.

Ka i he gaahi mea ni kotoabe oku tau ikuna bea malohi lahi iate ia nae ofa kiate kitautolu. He oku ou ilo bau, e ikai i he mate, be i he moui, be i he kau agelo, be i he kau bule, be i he gaahi malohi, be i he gaahi mea i heni, be i he gaahi mea e hoko, Be i he maoluga, be i he maulalo, be i ha mea kehe e taha kuo gaohi, e ikai mafai ia ke fakamavae akitautolu mei he ofa ae Otua, aia oku ia Kalaisi Jisu ko ho tau Eiki.

OKU ou lea mooni ia Kalaisi, oku ikai teu loi, bea oku fakamooni au foki i hoku loto i he Laumalie Maonioni, Oku ou māfajia lahi bea mamahi mau ai be i hoku loto. (He kuou meimei fakaamu ke tuku au koe motuhi mei a Kalaisi), koeuhi ko hoku kaiga, a hoku kaiga fakakakano:

O hage koia kuo tohi, Vakai, oku ou ai i Saione ae maka tūkiaaga moe maka fakaita: bea ko ia e tui kiate ia e ikai te ne ma.

He oku behe ae tohi, Ko ia ia e tui kiate ia, e ikai ma ia. He oku ikai ha fai kehekehe ki he Jiu moe Kiliki: he koe Eiki be ko ia oe kakai kotoabe oku mohu agalelei ki he kakai kotoabe oku ui kiate ia. He ko ia ia e ui ki he huafa oe Eiki, e fakamoui ia.

Koe gaahi agaofa ae Otua oku totonu ene ue‘i akitautolu ke tau ofa kiate ia. 3 Oua naa mahalo lelei lahi e ha tagata kiate ia, 6 kae tokaga na tagata kotoabe ki he faiva koia kuo tuku ia ki ai. 9 Oku totonu ke ai ae ofa moe gaahi gaue kehekehe iate kitautolu. 19 Oku taofi totonu ae fakafajifaji. KOENI, e kaiga, oku ou kole ai kiate kimoutolu, koe mea i he gaahi aloofa ogogofua ae Otua, ke mou atu ho mou jino koe feilaulau moui, mo maonioni, mo lelei ki he Otua, aia koe gaue oku tāu mo kimoutolu ke fai.

O fiefia i he amanaki lelei; bea faa kataki i he mamahi; bea fai mau o fakakukafi i he lotu; Tufaki ki he majiva oe kaiga maonioni; tuli ki he agaofa. Tabuaki akinautolu oku fakataga akimoutolu: tabuaki‘i, bea oua naa kabea. Fiefia mo kinautolu oku fiefia, bea tagi mo kinautolu oku tagi.

He kabau oku tau moui, oku tau moui ki he Eiki; bea kabau oku tau mate, oku tau mate ki he Eiki: koia, ka tau ka moui, be mate, oku ae Eiki akitautolu. He ko eni ae mea nae bekia ai a Kalaisi, mo toe tuu, o toe moui, koeuhi ke Eiki ia ki he mate moe moui.

Bea koeni, ofa ke fakafonu akimoutolu e he Otua oe amanaki lelei, aki ae fiefia moe melino i he tui, koeuhi ke mou mohu amanaki lelei, i he malohi oe Laumalie Maonioni.

Neu hage kuou vaivai ki he vaivai, koeuhi keu lava‘i mai ae vaivai: kuou hage koe mea kotoabe ki he kakai kotoabe, kau fakamoui i he gaue kotoabe ae niihi.

Bea ka fakamāua akitautolu, ko ho tau tautea ia mei he Eiki, koeuhi ke oua naa tau malaia fakataha mo mamani.

Koeuhi ke oua naa ai ha mavahevahe i he jino; ka koeuhi ke ma‘u ae fetokagaaki be e he gaahi kubu kotoabe. Bea kabau e mamahi ae kubu e taha, oku mamahi mo ia ae gaahi kubu kotoabe; bea ka fakahikihiki ae kubu e taha, oku fiefia mo ia ae kubu kotoabe.

He oku ikai mei he Otua ae maveuveu, ka koe melino, o hage koia oku i he gaahi jiaji kotoabe oe kakai maonioni.

He oku hage oku mate kotoabe ia Atama, e behe foki e moui kotoabe ia Kalaisi.

Koe fili fakamui e fakaauha, koe mate.

He kuo bau ke ai e he auauha ni, ae tae faa auauha, bea ke ai e he mate ni ae taemate. Koia, bea ka oji hono ai e he auauha ni ae tae faa auauha, moe ai e he mate ni ae taemate, e toki fakamooni ae lea kuo tohi, Kuo folo hifo ae mate e he malohi. E mate, kofaa hao huhu? E faitoka, kofaa hoo malohi?

Fakafetai ki he Otua, moe Tamai a ho tau Eiki ko Jisu Kalaisi, koe Tamai ae gaahi aloofa, moe Otua oe fiemalie kotoabe; Aia oku ne fakafiemalie‘i akimautolu i be e mau mamahi kotoabe, koeuhi ke mau faa fai ai ke fakafiemalie‘i akinautolu oku mamahiia, aki ae fakafiemalie koia aia oku fakafiemalie‘i aki akimautolu e he Otua. He oku hage ae tubulekina oe gaahi mamahi a Kalaisi iate kimautolu, oku behe, oku tubulekina foki e mau fiemalie ia Kalaisi. Bea kabau oku mau mamahi, koe mea ia ki hoo mou fiemalie moe fakamoui, aia oku gaue lelei ke mou faa kataki ae gaahi mamahi koia oku mau kataki foki: bea kabau kuo fakafiemalie‘i akimautolu, ko hoo mou fakafiemalie ia moe fakamoui. Bea oku tuu mau be e mau amanaki lelei kiate kimoutolu, koe mau ilo, koe mea i hoo mou kau i he gaahi mamahi, te mou kau foki i he fiemalie.

He oku ikai ko ho mau loto ke mou taeilo, e kaiga, ki he e mau gaahi mamahi nae hoko kiate kimautolu i Esia, koeuhi nae taomia lahi hake aubito ia i he e mau malohi, koia nae ikai ai te mau amanaki ki he moui: Ka naa mau ogo‘i kuo tuku bau akimautolu ki he mate, koeuhi ke oua naa mau falala kiate kimautolu, ka ki he Otua aia oku ne fokotuu hake ae mate: Aia naa ne fakamoui akimautolu mei he mate lahi koia, bea oku ne kei fakamoui: bea oku mau falala te ne kei fakamoui be;

Ka oku mau ma‘u ae koloa ni i he gaahi ibu umea, koeuhi ke i he Otua hono lelei oe malohi, kae ikai iate kimautolu. He kuo fakaabiabi akimautolu mei he botu kotoabe, ka oku ikai efituu; moua be, kae ikai tae ha tokoni; Oku fakataga‘i, ka oku ikai liaki; kuo li ki lalo, kae ikai tamate‘i; O fafa fano mau ai be i ho mau jino ae mate a ho tau Eiki ko Jisu, koeuhi ke fakaha ai foki ae moui a Jisu i ho mau jino. He ko kimautolu oku moui, oku tukuage mau ai be ki he mate koeuhi ko Jisu, koeuhi ke fakaha ai foki ae moui a Jisu i ho mau kakano mategofua. Koia oku gaue ae mate iate kimautolu, ka koe moui iate kimoutolu.

Koia oku ikai ai te mau vaivai: ka i he fakaaau o mole ho mau tagata i tua, oku fakafoou ae loto i he aho kotoabe. He ko ho mau mamahi maamaa ni, aia oku ojigofua, oku fakatubu maa mautolu ae lelei oku lahi hake faka-manavahe aubito aubito bea mamafa mo taegata; Kae ikai i he e mau jiofia ae gaahi mea oku ha mai, ka koe gaahi mea oku ikai ha mai: he koe gaahi mea oku ha mai, oku ojigofua; ka koe gaahi mea oku ikai ha mai, oku taegata ia.

HE oku mau ilo oka veteki ho mau fale kelekele, koe fale fehikitaki ni, oku ai ho mau fale mei he Otua, koe fale nae ikai gaohi e he nima, oku taegata, i he lagi. He oku mau oi i heni, o holi lahi ke mau kofu aki ho mau fale aia oku mei he lagi:

Koia oku mau loto toa mau ai be, o ilo, lolotoga e mau i heni i he jino, oku mau nofo kehekehe moe Eiki: (He oku mau aeva i he tui, kae ikai i he mamata:) Oku mau loto toa, bea holi ke hiki mu‘a mei he jino, ka mau nonofo moe Eiki:

He oku fakafeiga‘i akimautolu e he ofa a Kalaisi; he oku behe ho mau loto, kabau nae bekia ae toko taha koeuhi koe kakai kotoabe, bea ta nae mate kotoabe: Bea nae bekia ia ma ae kakai kotoabe, koeuhi ko kinautolu oku moui, ke oua naa nau toe moui kiate kinautolu, ka kiate ia nae bekia maa nautolu, bea toe tuu hake. Koia oku gata heni, oku ikai te mau ilo fakakakano be ha toko taha: io, naa mo Kalaisi, kabau naa mau ilo fakakakano ia, kuo gata, oku ikai te mau kei ilo behe ia.

Koia kabau oku ia Kalaisi ha taha, koe takatubu foou ia: kuo mole atu ae gaahi mea motua; vakai, kuo hoko o foou ae gaahi mea kotoabe.

Ka mau fakaogolelei atu akimautolu i he gaahi mea kotoabe, o tāu moe kau faifekau ae Otua, i he faa kataki, i he gaahi mamahi, i he gaahi majiva, i he gaahi fakamamahi lahi, I he haha, i he nofo fale fakabobula, i he maveuveu, i he gaahi gaue mamafa, i he faa leo, i he faa aukai; I he maonioni, i he ilo, i he kataki fuoloa, i he agaofa, i he Laumalie Maonioni, i he ofa taeloi,

Hage koe taeiloa, ka oku ilo lahi; hage koe mate, bea iloage, oku tau moui; hage koe tautea, ka oku ikai tamate‘i; Hage koe loto mamahi, ka mau fiefia mau ai be; hage koe majiva, ka oku mau fakakoloaia ae toko lahi; hage koe tae ma‘u ha mea, ka oku ma‘u ae mea kotoabe.

Oku ikai teu lea ko ha tautea: he kuo oji eku tala atu, oku mou i ho mau loto ke mau mate mo moui mo kimoutolu. Oku lahi eku faa lea atu kiate kimoutolu, oku ou vikiviki lahi koeuhi ko kimoutolu: kuo fakafonu au i he fiemalie, oku ou fiefia lahi aubito i he e mau mamahi kotoabe.

Koeuhi i he e mau hoko ki Masitonia, nae ikai ha mālōlō ki ho mau kakano, ka nae fakamamahi akimautolu mei he botu kotoabe; nae i tua ae gaahi tau, bea i loto ae manavahe. Ka koe Otua, oku ne fakafiemalie‘i akinautolu kuo li ki lalo, naa ne fakafiemalie‘i akimautolu, i he ha‘u a Taitusi;

He koe mamahi oku tāu moe Otua oku ne lagaki ae fakatomala ki he fakamoui, e ikai toe fakatomala ai: ka koe mamahi fakamama, oku ne lagaki ae mate. Vakai eni ki he mea ni be, a hoo mou mamahi o tāu moe Otua, ki he faa fai naa ne fakatubu iate kimoutolu, io, ae fakaataatā okimoutolu, ae fakai-seisa, ae manavahe, ae holi lahi, io, ae fai feiga, ae tautea! kuo mou fakaha aki ia kotoabe a hoo mou ataatā i he mea ni.

Koeuhi nae tubulekina e nau fiefia i he ahiahi lahi i he mea mamahi, bea tubulekina o lahi e nau foaki kae lolotoga e nau majiva lahi.

Bea oku mafai e he Otua ke faka-tubulekina ae gaahi mea lelei kotoabe kiate kimoutolu; koeuhi i he mahu lahi mau ai be akimoutolu i he mea kotoabe, ke mou faa fai ae gaue lelei kotoabe: (Hage koia kuo tohi, Kuo tufaki atu eia; kuo foaki eia ki he majiva: bea e tuu mau ene maonioni o taegata. Bea koeni, ko ia oku ne foaki ae tega‘i akau ki he tūtūi, ofa ke ne foaki ae ma ke mou kai, bea fakatubu hoo mou tega kuo tūtūi, bea fakalahi ae gaahi fua o hoo mou maonioni;) Koeuhi ke fakama‘umea‘i akimoutolu i he mea kotoabe ki he faa foaki lahi, aia oku tubu ai ae fakafetai ki he Otua iate kimautolu.

Koe kau faifekau a Kalaisi akinautolu? (oku ou lea o hage ha vale) oku ou lahi hake; i he gaahi gaue lahi aubito, i he gaahi kauimaea o lahi aubito, i he nofo fale fakabobula o liuga lahi hake, bea liuga lahi i he mate. Nae liuga nima a hoku haha e he kakai Jiu, bea taki tolugofulu ma hiva ae ta. Nae tuo tolu hoku teia aki ae gaahi vaa akau, bea tuo taha hoku tologaki aki ae maka, kuo tuo tolu eku mate i he vaka, koe bo moe aho naaku i he moana; I he faa fai ae gaahi fonoga, i he tuutamaki i he gaahi vai, i he tuutamaki i he kaihaa kau, i he tuutamaki i he kakai o hoku fonua, i he tuutamaki i he hiteni, i he tuutamaki i he kolo, i he tuutamaki i he toafa, i he tuutamaki i he tahi, i he tuutamaki i he kaiga loi; I he ogojia moe gaue mamahi, i he faa leo, i he fiekaia moe fieinu, i he faa aukai, i he momoko moe telefua. Bea ikai be koe gaahi mea ni mei tua, ka koia foki oku fetaomi kiate au i he aho kotoabe, koe tokaga ki he gaahi jiaji kotoabe. Kohai oku vaivai, bea oku ikai teu vaivai ai? kohai oku tūkia, bea oku ikai teu vela ai? Kabau kuo bau be keu bolebole, teu bolebole ki he gaahi mea oku kau ki he eku vaivai.

Koe toko taha koia teu bolebole ai: ka e ikai teu bolebole iate au, ka i he eku gaahi vaivai.

Bea telia naaku fielahi fau au i hono lahi oe gaahi mea nae fakaha, nae tuku kiate au ae tolounua i he kakano, koe mea fekau a Setani, ke tuki‘i au, telia naaku fielahi fau. Bea i he mea ni, nae liuga tolu eku kole lahi ki he Eiki, koeuhi ke mahui ia iate au. Bea behe mai eia kiate au, Ko eku tokoni e lahi maau: he kuo fakaka-kato eku malohi i hoo vaivai. Koia teu fiefia lahi mo bolebole ai mu‘a i he eku gaahi vaivai, koeuhi ke nofoia au e he malohi o Kalaisi. Koia oku ou fiemalie ai i he gaahi vaivai, i he gaahi manuki, moe gaahi majiva, moe gaahi fakataga, moe gaahi mamahi, koeuhi ko Kalaisi: he kau ka vaivai oku ou toki malohi.

Bea oku ikai ai ha Jiu be Kiliki, oku ikai ha bobula be ha tauataina, oku ikai ha tagata be ha fefine: ka oku mou taha be kotoabe ia Kalaisi Jisu. Bea kabau oku a Kalaisi akimoutolu, bea ta koe hako o Ebalahame akimoutolu, bea koe fānau hoko o fakatatau moe talaofa.

Ka koe fua oe Laumalie, koe ofa, moe fiefia, moe melino, moe kataki fuoloa, moe agavaivai, moe agalelei, moe tui,

Mou fetoutou fefuaaki hoo mou kavega, bea fakamooni ai ki he fono a Kalaisi.

Bea kuo ne fokotuu hake fakataha, o ne fakanofo akitautolu i he gaahi botu fakalagi ia Kalaisi Jisu:

BEA koeuhi koe mea ni, ko au Baula, koe bobula a Jisu Kalaisi koeuhi ko kimoutolu Jenitaile,

BEA koeni, ko au koe bobula ae Eiki, oku ou kole kiate kimoutolu, ke mou aeva a tāu moe ui aia kuo uiui‘i aki akimoutolu, I he agavaivai kotoabe moe aga-malu, moe kataki fuoloa, o fekatakiaki i he ofa;

He oku ikai koe tau fagatua moe kakano moe toto, ka ki he gaahi bule, moe gaahi malohi, moe kau bule oe fakabouli oe mamani, moe kau laumalie kovi i he gaahi botu i oluga. Koia ke too ae mahafu tau kotoa oe Otua, koeuhi ke mou faa tuu ai i he aho oe kovi, bea hili hono iku‘i kotoabe, kae tuu be.

O lotu mau ai be i he gaahi lotu kotoabe moe lotu tāumau i he Laumalie, bea leo ki ai i he faa fakakukafi, moe hufia ae kaiga maonioni kotoabe; Bea koeuhi ko au, ke foaki ae lea kiate au, koeuhi keu mafaa malohi be hoku gutu, keu fakailo atu ae mea fakalilolilo oe ogoogolelei, Aia kuo ha‘ijia ai au ko hono faifekau: koeuhi keu lea malohi ai au, o tāu moe lea oku totonu.

He koe moui kiate au ko Kalaisi ia, ka e aoga lahi ae mate. Bea kabau teu moui i he jino, ko hono fua eni o eku gaue: ka oku ikai teu iloa aia teu fili ki ai. He oku efihia au i he mea e ua, oku ou holi ke alu, keu ia Kalaisi; aia oku lelei lahi aubito:

He kuo tuku kiate kimoutolu koeuhi ko Kalaisi, ke oua naa gata i he tui be kiate ia, ka ke mou mamahi foki koeuhi ko ia;

He koe mooni nae mahaki ia o mei mate: ka nae aloofa ae Otua kiate ia; ka nae ikai kiate ia be, ka kiate au foki, telia naaku ma‘u ae mamahi ki he mamahi.

He koe kamu akitautolu, oku tauhi ki he Otua i he laumalie, mo fiefia ia Kalaisi Jisu, bea oku ikai ke tau falala ki he kakano.

Koeuhi keu ilo‘i ia, moe malohi o ene toetuu, beau kau i he ene gaahi mamahi, i he fakatatau au ki he ene bekia;

He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi: Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.

Fiefia mau ai be i he Eiki: oku ou toe behe, Fiefia. Tuku ke ilo e he kakai kotoabe hoo mou ulugaaga lelei. Oku ofi ae Eiki. Oua naa tokaga mamahi ki ha mea e taha; kae fakaha atu hoo mou holi i he mea kotoabe, ki he Otua, i he lotu moe lotu tāumau moe fakafetai. Bea koe melino oe Otua, aia oku lahi hake aubito i he faa iloa, te ne malu‘i ho mou laumalie mo ho mou loto ia Kalaisi Jisu.

Oku ou ilo ke fai i he majiva, bea oku ou ilo ke fai i he ma‘u o lahi: kuo akonekina au i he botu kotoabe moe mea kotoabe ke makona be fiekaia, keu ma‘u o lahi bea ke kataki ae majiva. Oku ou faa fai ae gaahi mea kotoabe ia Kalaisi oku ne fakamalohi‘i au. Ka ne ogo ia, kuo mou fai lelei i hoo mou kau i he eku mamahi.

Ka e taufetuku e hoku Otua ki hoo mou majiva kotoabe, o fakatatau ki he ene koloa i he nāunāu ia Kalaisi Jisu.

Bea ke fakamalohi akimoutolu aki ae mafai kotoabe, o fakatatau mo ene malohi lahi aubito, ki he faa kataki kotoabe moe kataki fuoloa i he fiefia; O fakafetai ki he Tamai, aia kuo ne gaohi akitautolu ke tau tāu ke kau i he tofia oe kaiga maonioni i he māma: Aia kuo ne fakamoui akitautolu mei he malohi oe bouli, bea kuo ne hiki akitautolu ki he buleaga o hono Alo ofaaga:

Bea oku ou fiefia ni i he eku gaahi mamahi koeuhi ko kimoutolu, beau fakakakato aia oku toe i he gaahi mamahi a Kalaisi i hoku kakano koeuhi ko hono jino oona, aia koe jiaji.

BEA kabau kuo mou toe tuu mo Kalaisi, mou kumi ki he gaahi mea oku i oluga, aia oku nofo ki ai a Kalaisi ki he nima toomatau oe Otua. Mou faa tokaga ki he gaahi mea i oluga, kae ikai ki he gaahi mea i mamani. He kuo mou mate, bea oku fufu hoo mou moui mo Kalaisi i he Otua. Oka fakaha mai a Kalaisi, koe tau mouiaga, te mou toki ha ai mo ia foki i he nāunāu.

Bea tuku ke bule i ho mou loto ae melino oe Otua, aia nae uiui‘i akimoutolu ki ai foki i he jino be taha; bea ke mou fakafetai.

Kae hili e mau tomua mamahi, mo ho mau gaohi kovi‘i aubito, i Filibai, aia oku mou ilo, naa mau malohi i ho mau Otua ke lea aki kiate kimoutolu ae ogoogolelei oe Otua lolotoga ae fakataga lahi.

Koeuhi ke oua naa gau‘eue ha taha i he gaahi mamahi ni: he oku mou ilo kuo tuutuuni akitautolu ki ai. He koe mooni, i he e mau iate kimoutolu, naa mau tomua tala kiate kimoutolu e tautea akimautolu; o hage koia nae hoko, bea oku mou ilo. Koeuhi koe mea ni, i he ikai teu kei faa kataki, neu fekau atu ai keu ilo hoo mou tui, telia naa ai ha mea kuo fakatauvele‘i ai akimoutolu e he ahiahi, bea fakataeaoga ai e mau gaue.

Ka oku ikai ko hoku loto ke mou taeilo, e kaiga, koeuhi ko kinautolu oku mohe, ke oua naa mou mamahiia, o hage koe niihi kehe oku ikai haa nau amanaki lelei. He kabau oku tau tui nae bekia a Jisu bea toe tuu hake, bea oku behe, ko kinautolu foki oku mohe ia Jisu, e omi akinautolu fakataha mo ia e he Otua. He oku mau tala eni kiate kimoutolu i he folofola ae Eiki, ko kitautolu oku moui bea toe i he hoko mai ae Eiki, e ikai te tau muomua iate kinautolu oku mohe.

Fiefia mau ai be. Lotu taetuku. Fakafetai i he mea kotoabe: he koe finagalo ia oe Otua ia Kalaisi Jisu kiate kimoutolu.

Bea ofa ke fakamaonioni haohaoa akimoutolu e he Otua oe melino: bea ofa ke fakatologa taehalaia akimoutolu a ho mou laumalie kotoa, mo ho mou loto, mo ho mou jino, o a‘u ki he haele mai a ho tau Eiki ko Jisu Kalaisi. Oku mooni aia oku ne uiui‘i akimoutolu; bea te ne mafai foki ia.

Koia oku mau vikiviki koeuhi ko kimoutolu ki he gaahi jiaji oe Otua, i hoo mou faa kataki moe tui, i ho mou gaahi fakataga kotoabe, moe gaahi mamahi, oku mou faa kataki’i: Aia koe fakailoga oe fakamāu totonu oe Otua, koeuhi ke lau akimoutolu oku mou tāu moe buleaga oe Otua, aia oku mou mamahi ai foki: He koe mea totonu i he Otua ke totogi aki ae mamahi kiate kinautolu oku fakamamahi’i akimoutolu; Ka kiate kimoutolu oku mamahi, koe fiemalie mo kimautolu, oka fakaha mai ae Eiki ko Jisu mei he lagi mo ene kau agelo malohi,

Bea koeni, ko ho tau Eiki ko Jisu Kalaisi be, moe Otua, koe tau Tamai, aia naa ne ofeina akitautolu, o ne foaki mai ae fiemalie taegata moe amanaki lelei i he aloofa, Ke ne fakafiemalie ki ho mou loto, bea fakatuu mau akimoutolu i he gaahi lea moe gaue lelei kotoabe.

Ko eni, ofa ke foaki e he Eiki oe melino ae melino mau ai be kiate kimoutolu i he mea kotoabe. Ke iate kimoutolu kotoabe ae Eiki.

Oua naa ke kei inu vai be, ka ke ai ae uaine jii, telia ho fatu mo hoo faa mahamahaki.

He nae ikai te tau omi ha mea ki he mamani, bea kuo bau e ikai te tau faa ave ai ha mea. Bea i he e tau ma‘u ae mea kai moe kofu ke tau fiemalie ai.

He nae ikai foaki e he Otua kiate kitautolu ae laumalie oe manavajii; ka koe malohi, moe ofa, moe loto faka-botoboto.

Koia ke oua naa ke ma koe ki he fakamooni a ho tau Eiki, be kiate au ko ene bobula: ka ke kau koe i he gaahi mamahi oe ogoogolelei o tāu moe malohi oe Otua; Aia kuo ne fakamoui o ne ui akitautolu i he uiui‘i maonioni, o ikai fakatatau moe tau gaahi gaue, ka oku fakatatau mo ene tuutuuni, moe aloofa aia nae foaki kiate kitautolu ia Kalaisi Jisu i he heeki ai tuu a mamani, Ka kuo ha eni i he fakaha a ho tau Fakamoui ko Jisu Kalaisi, aia kuo ne ikuna ae mate, bea kuo ne fakaha i he māma ae moui moe taemate i he ogoogolelei: Aia nae fakanofo au keu malaga aki ia, koe abosetolo, moe akonaki oe kakai Jenitaile. Koe mea koia oku ou kataki ai ae gaahi mea ni: ka oku ikai teu ma: he oku ou ilo aia kuou tui ki ai, bea oku bau hoku loto oku faa fai eia ke tauhi aia kuou tuku kiate ia o a‘u ki he aho koia.

Aia oku ou mamahi ai o hage ha fai kovi, bea kuo ha‘ijia au; ka oku ikai ha‘ijia ae folofola ae Otua. Koia oku ou faa kataki ai ae mea kotoabe koeuhi ko kinautolu kuo fili, koeuhi ke nau ma‘u foki ae fakamoui aia oku ia Kalaisi Jisu moe hakeaki‘i taegata. Koe tala mooni eni: He kabau kuo tau mate mo ia, te tau moui foki mo ia: Kabau oku tau faa kataki, te tau bule foki mo ia: kabau te tau liaki ia, te ne liaki akitautolu foki:

Ka kuo ke ilo fakababau eku akonaki, moe aga o eku moui, mo hoku loto, moe tui, moe kataki fuoloa, moe ofa, moe faa ukuma, Moe gaahi fakataga, moe mamahi, nae hoko kiate au i Aniteoke, mo Ikoniume, mo Lisita; ae gaahi fakataga naaku faa kataki‘i: ka nae fakamoui au mei ai kotoabe e he Eiki. Io, bea ko kinautolu kotoabe oku loto ke moui aga faka-Otua kia Kalaisi Jisu, te nau ilo ae fakataga.

Ka ke leo be akoe i he mea kotoabe, kataki ae gaahi mea mamahi, fai ae gaue oe evagelio, fai ke kakato hoo gaue fakafaifekau.

He oku ou tali be ki hoku liligi, bea oku ofi ae aho o hoku tukuage. Kuou tau ae tau lelei, kuou lava‘i ae fakabuebue, kuou tauhi mau ae tui: Gata ai, kuo hilifaki mooku ae bale oe maonioni, aia e foaki mai kiate au i he aho koia e he Eiki, koe Fakamāu maonioni: bea ikai kiate au be, ka kiate kinautolu kotoabe foki oku ofa ki hono fakaha mai.

I he eku fuofua fakamatala, nae ikai ha tagata e tuu mo au, ka naa nau liaki kotoabe au: ofa ke oua naa lau ia kiate kinautolu. Ka nae tuu mo au ae Eiki, o ne fakamalohi‘i au; koeuhi ke fakamooni iate au ae malaga, bea ke fanogo ki ai ae Jenitaile kotoabe: bea nae fakamoui au mei he gutu oe laione. Bea e fakahaofi au e he Eiki mei he gaue kovi kotoabe, bea te ne fakamoui o a‘u ki hono buleaga i he lagi: ke iate ia ae ogoogo lelei o taegata bea taegata. Emeni.

I he amanaki lelei ki he moui taegata, aia nae fakailo e he Otua, aia oku ikai aubito loi, i he teeki ai tuu a mamani;

KO AU BAULA, koe bobula a Kalaisi Jisu, mo Timote, koe kaiga, kia Filimone, ko ho tau ofeina, moe kauga gaue,

Ka koeuhi koe ofa, oku ou faka-kolekole mu‘a, io, ko au Baula koe motua, bea koe bobula foki eni a Jisu Kalaisi.

Bea koe mea i he ma‘u e he fānau ae kakano moe toto, nae ai foki eia ae aga koia; koeuhi ke fakaauha eia i he mate aia nae aana ae malohi oe mate, koe tevolo; Mo fakamoui akinautolu nae moua o bobula i he manavahe ki he mate, i he e nau moui kotoabe.

He koe mea i he ene mamahi aana i hono ahiahi‘i, oku ne faa fai ke tokoni‘i akinautolu oku ahiahi‘i.

KOIA ke tau manavahe, telia, i he tuku mai ae talaofa oe hu ki hono mālōlōaga, e ai ha mou toko taha e tomui ki ai. He kuo fakaha ae ogoogolelei kiate kitautolu, o hage ko kinautolu: ka koe fanogo ki he folofola nae ikai aoga kiate kinautolu, koe ikai ke feligi aki ia ae tui ekinautolu nae fanogo. He ko kitautolu oku tui kuo tau hu ki he mālōlōaga, o hage ko ene folofola, Kuou fuakava i he eku houhau, E ikai te nau hu ki hoku mālōlōaga: ka kuo fakaoji ae gaahi gaue talu ae fakatubu o mamani. He nae lea behe eia i he botu e taha ki hono fitu oe aho, Bea nae mālōlō ae Otua i hono fitu oe aho mei he ene gaue kotoabe. Bea mo eni foki, E ikai te nau hu ki hoku mālōlōaga. Koia koeuhi kuo bau e hu ki ai ae niihi, bea nae ikai hu akinautolu nae tomua malaga ia ki ai, koe mea i he taetui: (Bea toe kotofa eia ae aho e taha, o behe mai ia Tevita, Koe aho ni, i he hili ae gaahi ta‘u lahi; o hage ko hono fakaha, Koe aho ni, o kabau te mou fanogo ki hono le‘o, oua naa fakafefeka ho mou loto. He ka ne foaki e Josiua ae mālōlōaga kiate kinautolu, behe, e ikai folofola ia ki mui ki ha aho kehe. Koia aoku kei toe ae mālōlōaga faka-sabate ki he kakai ae Otua.

He oku ikai ke tau ma‘u ae fugani taulaeiki oku taemanavaofa ki he e tau gaahi vaivai; ka nae ahiahi‘i tatau be ia i he mea kotoabe, ka nae ikai haane agahala. Koia ke tau ha‘u malohi ai ki he afioaga oe aloofa, koeuhi ke tau ma‘u ae aloofa, bea ilo moe foaki ofa, ke tokoni mai i he aho e aoga ai.

Aia i he gaahi aho o hono jino, kuo ne o hake ae hu moe kole tāumau, fakataha moe tagi malohi moe loimata, kiate ia nae faa fai ke fakamoui ia mei he mate, bea nae ogo‘i ia i he mea nae manavahe ai ia; Ne ogo koe Alo ia, ka nae akonekina ia ke talagofua e he gaahi mea naa ne kataki;

Ka mou fakamanatu ki he gaahi aho i mu‘a ne hili ho mou fakamāmagia, bea ne moui kataki ae tau lahi oe gaahi mamahi; Koe niihi, i hono gaohi akimoutolu koe jiofiaaga i he gaahi manuki moe gaahi fakamamahiḃea koe niihi, i hoo mou kaumea mo kinautolu nae behe a ho nau gaohi. He naa mou manavaofa kiate au i hoku gaahi ha‘i, bea naa mou tali fiefia ae maumau o hoo mou koloa, ko hoo mou ilo oku mou ma‘u i he lagi ae koloa lelei lahi hake bea tologa. Koia ke oua naa jiaki hoo mou tui, aia oku lahi hono totogi lelei. He oku tāu mo kimoutolu ae faa kataki, koeuhi ka hili hoo mou fai ae finagalo oe Otua, ke mou ma‘u ae talaofa. Koeuhi e toetoe jii be, bea ko ia oku ha‘u, e ha‘u be, bea e ikai fakatuai. Bea koeni, E moui ae tonuhia i he tui, ka, Oka fakaholomui ia, e ikai fiemalie hoku laumalie kiate ia.

Koia nae tubu ai mei he toko taha, bea hage ia ko ha mate, ae toko lahi ke tatau moe gaahi fetuu oe lagi, bea hage koe oneone i he matātahi oku taefaalaua.

Nae mate akinautolu ni kotoabe i he tui, o ikai ke nau lava‘i ae gaahi talaofa, ka naa nau mamata mamao atu, mo ilo bau ki ai, o faufua ia, o nau fakaha koe kau muli moe kau aunofo akinautolu i he mamani.

Koe tui a Mosese naa ne liaki ai, i he ene lahi, hono ui ia koe tama ae ofefine o Felo; O ne fili mu‘a ke ne kataki ae mamahi fakataha moe kakai ae Otua, i he ene ma‘u ae fiefia oe agahala o fuoloa jii; O ne lau ae manuki koeuhi ko Kalaisi koe koloa lahi hake ia i he koloa o Ijibite: he nae jio fakamamau ia ki he totogi. Koe tui naa ne liaki ai a Ijibite, o ikai manavahe ki he houhau ae tu‘i: he naa ne fakakukafi, o hage oku ne mamata kiate ia oku tae ha mai.

Bea koeha mo eku lea e fai? koeuhi e tuai auhito o kau ka lau kia Kitione, mo Belaki, mo Samisone, mo Jefita; mo Tevita foki, mo Samuela, moe kau balofita: Akinautolu nae fakavaivai ae gaahi buleaga i he tui, mo fai maonioni, mo lava‘i ae gaahi talaofa, mo tabuni ae gutu oe faga laione, O fuifui ae kakaha oe afi, bea hao i he mata oe heleta, bea fakamalohi‘i i he e nau vaivai, naa nau loto toa i he tau, bea nau tulia ae gaahi matatau oe kakai muli. Nae ma‘u e he kau fefine e nau mate kuo fokotuu moui: bea nae fakamamahi ae niihi, o ikai te nau tali ae fakahaofia: kae kehe ke nau lava‘i ae toetuu lelei hake: Bea nae to ki he niihi ae ahiahi oe gaahi manuki moe kauimaea, io, oe gaahi ha‘i moe nofo fale fakabobula: Nae tologaki aki ae maka akinautolu, nae kiliji o fahi ua akinautolu, nae ahiahi‘i nae tamate‘i aki ae heleta: naa nau alu fano i he kili‘i sibi moe kili‘i koji; kuo majiva, kuo mamahi, kuo gaohi kovi‘i; (Akinautolu nae ikai tāu mo mamani ke ma‘u:) naa nau alu fano i he gaahi toafa, moe gaahi mouga, bea i he gaahi ana moe luo oe kelekele. Bea koe tui nae ma‘u ai ekinautolu ni kotoabe ae ogoogo lelei, ka nae ikai lava‘i ae talaofa: Koe mea i he teuteu e he Otua ae mea lelei hake moo tautolu, ke oua naa fakahaohaoa akinautolu tae kau ai akitautolu.

Koe eginaki ke tui mau ai be, ke faa katahi, bea aga faka‐Otua. 22 Koe fakaogolelei ae fuakava foou e he fuakava motua KOIA, koe mea i he kabu‘i akitautolu e he ao oe kau fakamooni toko lahi behe, ke tau jiaki foki ae mea mamafa kotoabe, moe agahala oku tau mouagofua ki ai, bea tau felele‘i i he fakakukafi ae fakabuebue kuo tofi i hotau ao. O jio be kia Jisu koe kāmataga moe gataaga oe tui; aia ne ne kataki ae bekia i he akau, mo ne taetokaga ki he fakama, koe mea i he fiefia nae tuku i hono ao, bea kuo nofo eni i be nima toomatau oe afioaga oe Otua. Ke mou tokaga‘i ia naa ne kataki ae agatuu behe mei he kau agahala kiate ia, telia naa mou fiu mo vaivai i ho mou loto.

Oku heeki ai ke mou fekuki o a‘u ki he mate, i he fekuki moe agahala. Bea kuo galo iate kimoutolu ae akonaki aia oku behe kiate kimoutolu, o hage koe fānau, Hoku foha, oua naa ke taetokaga‘i ae tautea mei he Eiki, be vaivai i he ene valoki‘i koe: He ko ia oku ofa ki ai ae Eiki oku ne tautea, bea oku ne teia ae foha kotoabe oku ne ma‘u. Kabau te mou kataki ae tautea, bea oku fai ai e he Otua kiate kimoutolu o tāu moe gaahi foha; he koe foha fe ia aia oku ikai ke taute‘i e he tamai? Bea kabau oku ikai tautea akimoutolu, aia oku totofu ai kotoabe, bea ta koe tubu feauaki akimoutolu, bea oku ikai mooni koe gaahi foha. Kae umaa nae tautea akitautolu e he gaahi tamai o ho tau jino, bea tau fakaabaaba ki ai: e ikai lahi mu‘a e tau fakavaivai ki he Tamai oe gaahi laumalie, bea moui? He koe mooni naa nau tautea o faiteliha be akinautolu i he aho jii be; ka oku fai eia ke aoga, ke tau kau ai i he ene maonioni. Ko eni, oku ikai ha fiefia lolotoga ha tautea, ka koe mamahi: hiliage ia oku tubu ae fua fakāmelino oe maonioni kiate kimautolu kuo akonekina ai.

Koia ke boubou hake ae nima kuo tau be, moe foi tui oku vaivai; Bea gaohi ae aluaga totonu ki ho mou va‘e, telia naa fakahe‘i aia oku bibiki; kae fakamoui mu‘a ia.

Manatu‘i akinautolu oku moua i he ha‘i, o hage kuo ha‘ijia mo kimoutolu; mo kinautolu oku gaohi kovi, i, o hage ko hoo mou kei i he jino foki.

Ke taemanumanu hoo mou ulugaaga; bea mou fiemalie i he gaahi mea oku mou ma‘u: he kuo behe mai eia, E ikai teu liaki koe, bea e ikai teu alu iate koe. Koia oku tau lea malohi ai, Ko hoku tokoni ae Eiki, bea e ikai teu manavahe ki ha mea e fai e he tagata kiate au.

Koia nae mamahi foki a Jisu, l i he tuaa kolo, koeuhi ke ne fakamaonioni ae kakai aki hono taataa oona. Koia ke tau alu atu kiate ia kituaa kolo, o fua hono manuki. He oku ikai ma‘u ekitautolu i heni ha kolo e tuu mau, ka oku tau kumi ki ha taha e hoko.

Koia ke tau atu iate ia ae feilaulau oe fakafetal ki he Otua o mau ai be, aia koe fua oe lougutu oka atu ai ae fakafetai ki hono huafa. Ka koe fai lelei, moe foaki, ke oua naa galo: he koe gaahi feilaulau behe oku Ieleiia ai ae Otua.

E hoku kaiga, oka mou ka to ki he gaahi ahiahi kehekehe, ui ia kotoabe koe mea fakafiefia; O ilo, koe ahiahi‘i o hoo mou tui, oku ne fakatubu ae kataki. Kae tuku ae kataki ke gaue ki he haohaoa, koeuhi ke mou haohaoa mo maoboobo, o taemajiva i ha mea.

Oku monuia ae tagata oku ne kataki ae ahiahi: he oka ilo ia oku lelei, e ma‘u eia ae bale oe moui, aia kuo talaofa ki ai ae Eiki kiate kinautolu oku ofa kiate ia.

E hoku kaiga, tokaga ki he kau balofita, kuo nau lea i he huafa oe Eiki, koe faifaitakiaga oe kataki oe mamahi, moe faa ukuma. Vakai, oku tau lau oku monuia akinautolu oku faa kataki. Kuo mou fanogo ki he faa kataki a Jobe, bea kuo mou mamata ki hono gataaga mei he Eiki; he oku aloofa aubito ae Eiki, bea manavaofa ogogofua.

Oku ai ha taha iate kimoutolu oku mamahi? ke lotu ia. Oku ai ha taha oku fiefia? ke hiva aki eia ae gaahi same. Oku ai ha taha iate kimoutolu oku mahaki? ke tala ia ki he kau mātua oe jiaji; bea ke nau lotua ia, o tākai aki ia ae lolo i he huafa oe Eiki: Bea koe lotu i he tui, e fakamoui eia ae mahaki, bea e fokotuu ia e he Eiki; bea kabau nae fai eia ha agahala, e fakamolemolea ia. Ke fetoutou feveteaki hoo mou gaahi agahala kiate kimoutolu, bea felotuaaki akimoutolu, ke mou moui. Koe lotu fakamatoato oe tagata maonioni oku aoga lahi.

Aia oku mou fiefia lahi ai, ka ko eni i he aho jii be, i he ene aoga ke behe, oku mou māfajia i he gaahi ahiahi lahi: Koeuhi i he ahiahi a hoo mou tui, aia oku mahuiga lahi i he koula oku auha, ka kuo ahiahi ia aki ae afi, ke ilo ia oku iku ki he fakamaloia moe ogoogo lelei meo nāunāu i he fakaha mai o Jisu Kalaisi:

He koe mea aoga eni, o kabau e kataki e ha taha ae mamahi moe tautea taetotonu, ko ene loto lelei ki he Otua. He koeha hono lelei, oka tautea akimoutolu i hoo mou fai kovi, bea oku mou faa kataki ia? ka oka mou ka mamahiia i hoo mou fai lelei, bea faa kataki, oku lelei ia ki he Otua. He koe mea ia kuo uiui‘i akimoutolu ki ai: he nae mamahi a Kalaisi maa moutolu, bea kuo ne tuku mai ha faifaitakiaga kiate kimoutolu, ke mou tobuva‘e taha mo ia: Aia nae ikai ke ne fai ha agahala, bea nae ikai ilo ha kākā i hono fofoga. Aia nae ikai ke toe manuki i hono manukia ia; i he ene mamahi, nae ikai te ne fakamana; ka naa ne tuku ia kiate ia oku fakamāu maonioni: Aia naa ne fua toko taha be i hono jino oona e tau gaahi hia ki he akau, koeuhi i he e tau tauataina mei he agahala, ke tau moui ki he maonioni: bea koe mea i hono gaahi ta kuo mou moui.

Bea kabau e mamahi akimoutolu koeuhi koe maonioni, oku mou monuia: bea oua e manavahe ki he e nau faka-manavahe, bea oua e bubutuu;

He oku lelei lahi, o kabau koe finagalo oe Otua ke behe, ke mou mamahiia koeuhi koe fai lelei, kae oua i be fai kovi. He nae mamahi foki o tuo taha be a Kalaisi koeuhi koe gaahi agahala, koe agatonu ma ae taeagatonu, koeuhi ke ne omi akitautolu ki he Otua, kuo fakabogi ia i he jino, kae fakaake e he Laumalie:

BEA koe mea i he mamahi a Kalaisi i he jino koeuhi ko kitautolu, ke teuteu akimoutolu foki aki ae loto be koia: he ko ia kuo mamahi i he jino, kuo tuku eia ae agahala;

E kaiga, oua te mou ofo i he ahiahi vela aia e ahiahi aki akimoutolu, o hage kuo hoko ha mea foou kiate kimoutolu: Kae fiefia, koe mea i hoo mou kau i he gaahi mamahi a Kalaisi; koeuhi oka fakaha mai hono nāunāu, te mou fiefia foki aki ae fiefia lahi aubito. Kabau oku manukia akimoutolu koeuhi koe huafa o Kalaisi, oku mou monuia; he oku nofo kiate kimoutolu ae Laumalie oe ogoogo lelei moe Otua: oku lauikovi ia ekinautolu, kae ogoogo lelei ia iate kimoutolu. Kae oua naa iloage oku tautea ha mou taha koeuhi koe fakabo, be koe kaihaa, be koe fai kovi, be koeuhi koe kaunoa i he mea ae kakai kehe. Ka oka tautea ha taha koeuhi ko ene aga faka‐Kalisitiane, ke oua naa ma ai ia; kae tuku mu‘a ae fakaogoogolelei ki he Otua koeuhi koia.

Koia ke iloga akinautolu oku mamahi o tāu moe finagalo oe Otua, ke tuku bau ho nau laumalie i he fai lelei, o hage ki he Tubui‐Otua oku fai agatonu.

KO au koe motua, bea koe fakamooni ki he gaahi mamahi a Kalaisi, bea teu kau foki i he nāunāu e fakaha, oku ou eginaki atu ki he kau mātua oku iate kimoutolu:

Koia ke fakavaivai akimoutolu i he lalo nima mafimafi oe Otua, ka ne hakeaki‘i akimoutolu i he aho totonu: O tuku hoo mou tokaga kotoabe kiate ia; he oku ne kau kiate kimoutolu. Leo, bea faa vakai; koeuhi ko ho mou fili koe tevolo, oku alu fano, o hage ha laione gugulu, o ne kumi be kohai te ne faa buku hake: Aia mou teke‘i atu o malohi i he tui, o ilo koe gaahi mamahi behe oku kataki e ho mou kaiga oku i mamani. Ka koe Otua oe aloofa kotoabe, kuo ne uiui‘i akitautolu ki hono nāunāu taegata ia Kalaisi Jisu, oka hili hoo mou kataki jii be, ke fakahaohaoa, mo faka-tuu mau, mo fakamalohi, mo fokotuu mau akimoutolu.

O fakatatau ki he foaki kiate kitautolu e he ene malohi faka‐Otua ae gaahi mea kotoabe ki he moui moe aga faka‐Otua, i he ilo kiate ia kuo ne uiui‘i aki-tautolu ki he hakeaki moe maonioni:

Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea:

Ka koeni, e kaiga, ke oua te mou taeilo ki he mea ni e taha, koeuhi koe aho e taha oku tatau ki he Eiki moe ta‘u e afe, bea koe ta‘u e afe oku tatau moe aho be taha. Oku ikai fakatuotuai e he Eiki ki he ene talaofa, o hage koe lau ae niihi koe tuotuai; ka oku kataki fuoloa kiate kitautolu, o ikai finagalo ke auha ha toko taha, ka koeuhi ke hoko o fakatomala kotoabe.

E fānau ofeina, kuo ae Otua akimoutolu, bea kuo mou ikuna akinautolu: he koeuhi ko ia oku iate kimoutolu, oku lahi ia kiate ia oku i mamani.

Bea kuo tau ilo‘i mo tui ki he ofa kuo i he Otua kiate kitautolu. Koe Otua koe ofa; bea ko ia oku nofo i he ofa, oku nofo ia i he Otua, moe Otua iate ia. I he mea ni oku fakahaohaoa ae ofa iate kitautolu, koeuhi ke tau loto malohi i he aho oe fakamāu: koeuhi oku tau hage ko ia i he mamani. Oku ikai ha manavahe i he ofa; ka oku teke‘i atu ae manavahe e he ofa haohaoa: he oku i he manavahe ae mamahi. Ko ia ia oku manavahe, oku teeki ke fakahaohaoa ia i he ofa.

He ko ia kotoabe kuo fanau‘i i he Otua, oku ne ikuna a mamani: bea ko eni ae malohi oku ne ikuna aki a mamani, koe tau tui. Kohai ia oku ne ikuna a mamani, ka ko ia oku tui koe Alo oe Otua a Jisu?

Bea ko eni ae malohi aia oku tau ma‘u kiate ia, koeuhi, ka tau ka kole ha mea o fakatatau ki hono finagalo, oku ne ogo‘i akitautolu: Bea kabau oku tau ilo oku ne ogo‘i akitautolu, koia kotoabe oku tau kolea, oku tau ilo oku tau ma‘u ae gaahi kole naa tau holi ai kiate ia.

E ofeina, koe fugani i he mea oku ou kolea, ke ke monuia, mo moui mālōlō, o hage be koe monuia o ho laumalie.

Ko au ia oku moui, ka neu mate, bea vakai, oku ou moui o taegata bea taegata, Emeni; bea kuo iate au ae ki o hetesi moe mate.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji; Ko ia ia te ne ikuna, teu foaki ki ai ke kai mei he akau oe moui, aia oku i he lotolotoga oe Balataisi oe Otua.

Tohi ki he agelo oe jiaji oe kakai Simana; Oku folofola aki ae gaahi mea ni e he uluaki moe ki mui, aia nae mate, ka kuo moui; Oku ou ilo‘i hoo gaahi gaue, mo hoo mamahi, mo hoo majiva, (ka oku ke koloaia) bea moe loi a nautolu oku behe, koe gaahi Jiu akinautolu, ka oku ikai, ka koe fale lotu o Setani. Oua naa ke manavahe ki ha mea i he gaahi mea koia te ke mamahi ai: vakai, e li e he tevolo a ho mou niihi ki he fale fakabobula, ko ho mou ahiahi‘i, bea te mou moua i he mamahi i he aho e hogofulu: ka ke fai agatonu be o a‘u ki he mate, bea teu foaki kiate koe ae bale oe moui.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji; Ko ia ia te ne ikuna, e ikai lavea ia e he mate agaua.

Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji: Ko ia ia te ne ikuna, teu foaki ai ke ne kai ae mana fufu, bea teu atu ki ai moe foi maka hinehina, bea e tohi togi i he maka ae higoa foou, aia oku ikai ke ilo e ha taha ka ko ia be oku ne ma‘u ia.

Bea ko ia ia e ikuna, bea ne fai ki he eku gaahi gaue o a‘u ki he gataaga, ko ia ia teu foaki ki ai ae malohi ki he gaahi buleaga: Bea te ne bule‘i akinautolu aki ae vaa ukamea; bea e lailai akinautolu o hage koe gaahi ibu oe tufuga gaohi ibu: o hage be koia neu ma‘u mei he eku Tamai. Bea teu foaki kiate ia ae fetuu bogibogi. Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia ia e ikuna, ko ia e fakakofu aki ae kofu hinehina; bea e ikai teu tamate‘i hono higoa mei he tohi oe moui, ka teu fakaha hono higoa i he ao o eku Tamai, bea moe ao o ene kau agelo. Ko ia ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia ia e ikuna, teu gaohi ia koe bou i he fale tabu o hoku Otua, bea e ikai toe alu atu ia: bea teu tohi ki ai ae huafa o hoku Otua, moe higoa oe kolo o hoku Otua, ae Jelusalema foou, aia oku alu hifo mei he lagi mei hoku Otua: bea mo hoku higoa foou ooku. Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.

Ko ia ia e ikuna, teu foaki ki ai ke nofo mo au i hoku nofoa fakaeieiki, o hage foki ko eku ikuna, beau nofo mo eku Tamai i hono nofoa fakaeieiki. Ko ia oku ai ae teliga, ke fakafanogo ia ki he folofola ae Laumalie ki he gaahi jiaji.

Bea neu behe kiate ia, Eiki, he‘i ilo koe. Bea ne behe mai kiate au, Ko kinautolu eni nae ha‘u mei he mamahi lahi, bea kuo nau fo ke hinehina ho nau kofu tōtōlōfa i he taataa oe Lami. Koia ai oku nau i he mu‘a nofoa fakaeieiki oe Otua, o tauhi ia i he aho moe bo i hono fale tabu: bea ko ia oku nofo i he nofoa fakaeieiki, e nofo ia iate kinautolu. E ikai te nau toe fiekaia, be toe fieinua; bea e ikai te nau laaina, be buhegia. He koe Lami oku i he haohaoga oe nofoa fakaeieiki te ne fafaga‘i akinautolu, bea tataki akinautolu ki he gaahi matavai moui; bea e holoholo e he Otua ae loimata kotoabe mei ho nau mata.

Bea naa nau ikuna ia aki ae taataa oe Lami, moe lea oe nau fakamooni; bea nae ikai te nau mamae ki he e nau moui ka nau mate.

Ko eni ae faa kataki ae kakai maonioni: ko eni akinautolu oku fai ae gaahi fekau ae Otua, moe tui kia Jisu. Bea neu ogo‘i ae le‘o mei he lagi, oku behe mai kiate au, Tohi, Oku monuia talu mei heni ae bekia oku bekia i he Eiki: Io, oku behe e he Laumalie, koeuhi ke nau mālōlō mei he e nau gaahi gaue; bea oku muimui kiate kinautolu e nau gaahi gaue.

Bea nae ilo iate ia ae toto oe kau balofita, moe kakai maonioni, mo kinautolu kotoabe nae tamate‘i i he fuga o mamani.

Bea neu mamata ki he gaahi nofoa fakaeieiki, mo kinautolu nae nofo ai, bea nae tuku ae fakamāu kiate kinautolu: bea neu mamata ki he gaahi laumalie o kinautolu nae tutuu ho nau ulu koe mea i he fakamooni kia Jisu, moe folofola ae Otua, bea kuo ikai te nau hu ki he manu fekai, be ko hono fakatātā, bea kuo ikai te nau ma‘u ae fakailoga i ho nau foi la‘e, be i ho nau nima; bea naa nau moui, mo bule mo Kalaisi i he ta‘u e taha afe.

Bea e holoholo e he Otua ae loimata kotoabe mei ho nau mata; bea e ikai kei ai ha mate, be ha ogojia, be ha tagi, bea e ikai kei ai ha mamahi: he kuo mole atu ae gaahi mea mu‘a. Bea ko ia nae nofo i he nofoa fakaeieiki nae behe eia, Vakai, oku ou fakafoou ae gaahi mea kotoabe. Bea ne behe mai kiate au, Tohi: he oku mooni mo totonu ae gaahi lea ni. Bea ne behe mai kiate au, Kuo fai ia. Ko au koe Alifa mo Omeka, koe kamataaga moe gataaga. Teu foaki taetotogi mei he matavai moui kiate ia oku fieinu. Ko ia ia e ikuna, e ma‘u eia ae gaahi mea kotoabe; bea teu hoko ko hono Otua, bea e hoko ia ko hoku foha.