22 – Ngaahi mana

NAE fakatubu e he Otua i he kamataaga ae lagi mo mamani. Bea nae fuofuonoa a mamani mo lala; bea nae fakabouli ae fuga oe loloto. Bea nae oofaki ae Laumalie oe Otua ki he fukahi vai. Bea folofola ae Otua, Ke māma: bea nae māma ai.

Bea nae gaohi e Jihova koe Otua ae tagata mei he efu oe kelekele, bea ne manava ki hono ava‘i ihu ae manava oe moui; bea hoko ae tagata koe laumalie moui.

Bea behe e Felo kia Josefa, Kuou miji ae miji, bea oku ikai ha taha ke fakaha hono uhiga; bea kuou fanogo kiate koe, oku ke faa ilo hono uhiga oe miji ke fakaha ia. Bea talaage e Josefa kia Felo, o behe, Oku ikai iate au; e tuku e he Otua kia Felo ae tala fakafiemalie.

Bea nae ha mai ae agelo a Jihova kiate ia i he ulo afi i he lotolotoga oe uluakau: bea jio ia, bea vakai, nae ulo ae uluakau i he afi, ka nae ikai oji ai ae uluakau. Bea behe e Mosese, Koeni, teu afe atu o mamata ki he mea lahi ni, be koeha oku ikai vela ai ae uluakau. Bea nae afio‘i e Jihova ki he ene afe ke mamata, bea folofola ae Otua kiate ia mei he lotolotoga oe uluakau, o behe, Mosese, Mosese. Bea behe eia, Ko au eni. Bea behe eia, Oua naa ke ofi mai ki heni; too ho tobuva‘e mei ho va‘e, he koe botu oku ke tuu ai koe kelekele tabu.

Bea beheage e Jihova kiate ia, Koeha ena i ho nima? Bea naa ne behe, Koe tokotoko. Bea behe eia, Ji ia ki he kelekele. Bea ne ji ia ki he kelekele, bea hoko leva ia koe gata; bea hola a Mosese mei hono ao. Bea behe e Jihova kia Mosese, Mafao atu ho nima o buke ia i hono iku. Bea mafao atu eia hono nima, o ne buke ia, bea liliu ia koe tokotoko i hono nima. Koeuhi ke nau tui ko Jihova koe Otua oe nau gaahi tamai, koe Otua o Ebalahame, koe Otua o Aisake, moe Otua o Jekobe, kuo ha mai kiate koe.

Bea toe beheage e Jihova kiate ia, Koeni, ai ho nima ki ho fatafata. Bea naa ne ai hono nima ki hono fatafata: bea i he ene too ia mei ai, vakai, kuo kilia hono nima bea hage koe uha hinehina. Bea behe eia, Toe ai ho nima ki ho fatafata. Bea ne toe ai hono nima ki hono fatafata; bea toe too ia mei hono fatafata, bea vakai, kuo toe liliu ia ke hage koe aga o hono jino. Bea e behe, kabau e ikai te nau tui kiate koe, be tokaga ki he le‘o oe uluaki fakailoga, te nau tui ki he le‘o oe fakailoga fakamui. Bea e behe, kabau e ikai te nau tui foki ki he fakailoga ni e ua, be tokaga ki ho le‘o, bea te ke ohu ae vai mei he vaitafe, o liligi ia ki he kelekele: bea koe vai oku ke ohu mei he vaitafe, e liliu ia koe toto ki he kelekele momoa.

Bea nae lea aki e Elone ae gaahi lea kotoabe aia nae folofola aki e Jihova kia Mosese, bea ne fai ae gaahi mana i he ao oe kakai. Bea nae tui ae kakai: bea i he e nau fanogo kuo aahi a Jihova ki he fānau a Isileli, bea kuo afio ia ki he e nau mamahi, naa nau bunou hifo ho nau mata o hu.

Bea teu fakafefeka ae loto o Felo, bea teu fakalahi eku mana mo eku mea fakaofo i he fonua ko Ijibite.

Oka lea a Felo kiate kimoua, o behe, Fakaha mai haa mo mana: te ke lea ai kia Elone, Too ho tokotoko, o ji ia i he ao o Felo, bea e hoko ia koe gata. Bea naa na o, a Mosese mo Elone, o hoko atu kia Felo, bea ne na fai o hage koe fekau a Jihova: bea ji hifo e Elone hono tokotoko i he ao o Felo, moe ao o ene kau tamaioeiki, bea hoko ia koe gata. Bea nae toki ui e Felo ke ha‘u foki ae kau tagata boto moe kau kikite: bea koeni, koe kau fie mana o Ijibite, naa nau fai behe foki aki e nau gaahi gaue fakalilolilo. He naa nau taki taha ji ki lalo hono tokotoko, bea nae liliu ia koe gaahi gata: ka koe tokotoko o Elone naa ne folo hifo o oji ho nau gaahi tokotoko.

Bea nae fai e Mosese mo Elone, o hage koe fekau a Jihova: bea naa ne hiki hake ae tokotoko o ta‘i aki ae vai i he vaitafe i he ao o Felo, moe ao o ene kau tamaioeiki; bea nae liliu ae gaahi vai kotoabe i he vaitafe koe toto. Bea nae mate ai ae ika nae i he vaitafe; bea nae namu eho ae vaitafe, bea ikai faa inu e he kakai Ijibite ae vai oe vaitafe; bea nae ai ae toto i he botu fonua kotoabe o Ijibite. Bea nae fai behe be e he kau fie mana o Ijibite aki e nau gaahi gaue fakalilolilo: bea nae fefeka ai ae loto o Felo, bea nae ikai te ne tokaga kiate kinaua, o hage koe folofola a Jihova. Bea foki atu a Felo o hu ki hono fale, bea nae ikai te ne fakatokaga‘i hono loto ki he mea ni.

BEA nae folofola a Jihova kia Mosese, Alu kia Felo mo ke tala kiate ia, Oku behe mai e Jihova, Tukuage hoku kakai ke alu, koeuhi ke nau tauhi au. Bea kabau e ikai te ke tukuage akinautolu ke alu, vakai, Teu ta‘i ho gaahi botu fonua kotoabe aki ae faga boto: Bea e tubu i he vaitafe ae faga boto o lahi aubito, aia te nau alu hake o hoko ki ho fale, bea ki ho botu mohe, bea ki ho mohega, bea ki he fale o hoo kau tamaioeiki, bea ki hoo kakai, bea ki hoo gaahi gotoumu, bea ki hoo gaahi natuaga ma: Bea e ha‘u ae faga boto o hoko kiate koe, bea ki ho kakai, bea ki hoo kau tamaioeiki kotoabe. Bea nae folofola a Jihova kia Mosese, Tala kia Elone, Mafao atu ho nima, mo hoo tokotoko ki he gaahi vaitafe jii moe vai tafe lahi, moe gaahi luo vai, koeuhi ke ha‘u ai ae faga boto ki he fonua ko Ijibite. Bea nae mafao atu e Elone hono nima ki he gaahi vai o Ijibite; bea nae alu hake ae faga boto o ufiufi ae fonua ko Ijibite. Bea nae fai behe e he kau fie mana aki e nau gaahi gaue fakalilolilo, o nau omi ae faga boto ki he fonua ko Ijibite.

Bea nae folofola a Jihova kia Mosese, Tala kia Elone, Mafao atu ho tokotoko, o ta‘i aki ia ae efu oe fonua, koeuhi ke hoko ia koe faga kutu i he fonua kotoabe o Ijibite. Bea naa na fai ia; he nae mafao atu e Elone hono nima moe tokotoko, o ne ta‘i ae efu oe kelekele, bea nae liliu ia koe kutu i he tagata moe manu; koe efu kotoabe oe fonua nae hoko ia koe faga kutu i he fonua kotoabe o Ijibite. Bea nae fai e he kau fie mana ke fakatubu ae kutu aki e nau gaue fakalilolilo ka nae ikai te nau lava‘i: bea nae ai ae kutu i he tagata moe manu. Bea behe ai e he kau fie mana kia Felo, Koe louhi‘i nima eni oe Otua: ka kuo fefeka ae loto o Felo, bea nae ikai tokaga ia kiate kinaua; o hage koe folofola a Jihova.

Bea nae folofola a Jihova kia Mosese, Tuu hegihegi hake abogibogi, o tuu i he ao o Felo; vakai, oku ha‘u ia ki he vai; o tala kiate ia, oku behe mai a Jihova, Tukuage hoku kakai ke alu, koeuhi ke nau tauhi au. Bea kabau e ikai te ke tukuage hoku kakai, vakai, teu fekau ae gaahi fuifui lago kehekehe kiate koe, bea ki hoo kau tamaioeiki, bea ki ho kakai, bea ki ho gaahi fale: bea koe gaahi fale oe kakai Ijibite e fonu i he gaahi fuifui lago, bea moe kelekele foki oku nau tuu ai. Bea teu vahe‘i i he aho koia ae fonua ko Koseni, aia oku nofo ai hoku kakai, e ikai ha fuifui lago i ai; koeuhi ke ke ilo ai ko au ko Jihova i he lotolotoga o mamani. Bea teu ai ae vahaa i hoku kakai mo ho kakai: e hoko abogibogi ae fakailoga ni. Bea nae fai ia e Jihova: bea nae ha‘u ae fuifui lago fakamamahi ki he fale o Felo, moe gaahi fale o ene kau tamaioeiki, bea ki he fonua kotoabe o Ijibite: bea nae maumau ae fonua koe mea i he gaahi fuifui lago.

BEA folofola ai a Jihova kia Mosese, Alu kia Felo, o tala kiate ia, Oku behe mai a Jihova koe Otua oe kakai Hebelu, Tukuage hoku kakai ke alu, koeuhi ke nau tauhi au. He kabau te ke taofi hono tukuage, mo ke buke be akinautolu, Vakai, koe nima o Jihova oku i hoo gaahi manu aia oku i he goue, ki he faga hose, bea ki he faga asi, ki he faga kameli, ki he faga bulu, bea ki he faga sibi: e ai ae mahaki lahi mo mamahi. Bea e vahe‘i e Jihova ae gaahi manu a Isileli mei he gaahi manu a Ijibite: bea e ikai ha mea e mate i he mea kotoabe ae fānau a Isileli. Bea nae kotofa e Jihova hono feituulaa, o behe, E fai e Jihova ae mea ni abogibogi i he fonua. Bea nae fai e Jihova ae mea koia i he abogibogi, bea nae mate ai ae gaahi manu a Ijibite; ka koe gaahi manu ae kakai Isileli, nae ikai mate ai ha taha. Bea fekau e Felo, bea vakai, nae ikai mate ha manu e taha i he kakai Isileli. Bea nae fakafefeka ae loto o Felo, bea nae ikai te ne tukuage ae kakai ke alu.

Bea nae folofola a Jihova kia Mosese, bea mo Elone, Mo too ae faluku oe efuefu mei he gotoumu, bea tuku ke laku hake ia e Mosese ki lagi i he ao o Felo: Bea e hoko ia koe efu i he fonua kotoabe o Ijibite, bea e hoko ia koe hagatamaki moe vakafoha, ki he tagata moe manu i he fonua kotoabe o Ijibite. Bea naa na too mai ae efuefu oe gotoumu, o na tuu i he ao o Felo: bea laku hake ia e Mosese ki lagi; bea nae hoko ia koe hagatamaki, bea nae tubu ae vakafoha ki he tagata moe manu. Bea nae ikai faa tuu ae kau fie mana i he ao o Mosese koe mea i he hagatamaki; he nae i he kau fie mana ae hagatamaki, bea nae i he kakai Ijibite kotoabe. Bea nae fakafefeka e Jihova ae loto o Felo, bea nae ikai tokaga ia kiate kinaua; o hage koe folofola a Jihova kia Mosese.

Bea nae folofola a Jihova kia Mosese, Mafao atu ho nima ki lagi: koeuhi ke hoko ae uha‐maka ki he tagata moe manu i he fonua kotoabe o Ijibite, bea ki he akau kotoabe oe goue, i he fonua kotoabe o Ijibite. Bea mafao atu hono tokotoko e Mosese ki lagi: bea nae fekau e Jihova ae mana moe uha‐maka, bea nae malele ae afi i he fuga fonua; bea nae fakauha maka e Jihova ki he fonua ko Ijibite. Bea nae ai ae uha‐maka nae fefiofi moe afi, koe mea mamahi aubito, nae ikai hano tatau i he fonua kotoabe o Ijibite talu hono hoko koe buleaga. Bea nae teia e he uha‐maka aia kotoabe nae i he goue i he fonua kotoabe o Ijibite, ae tagata moe manu: bea teia e he uha‐maka ae akau jii kotoabe, bea ne feji‘i ae akau lahi kotoabe oe goue. Ka koe fonua ko Koseni, aia nae nofo ai ae fānau a Isileli, nae ikai i ai ha uha‐maka. Bea nae fekau e Felo ke ha‘u a Mosese mo Elone, o ne behe kiate kinaua, Kuou fai agahala i he feituulaa ni: oku maonioni a Jihova, ka ko au mo hoku kakai oku agahala.

Bea nae folofola a Jihova kia Mosese, Mafao atu ho nima ki he fonua ko Ijibite ki he faga hee, koeuhi ke nau alu hake ki he fonua ko Ijibite, o kai ae akau kotoabe oe fonua, io, aia kotoabe nae hao i he uha‐maka. Bea nae mafao atu ae tokotoko o Mosese, ki he fonua ko Ijibite, bea nae omi e Jihova ae matagi hahake ki he fonua i he aho koia, bea moe bo kotoa koia; bea kuo bogibogi ai, nae omi e he matagi hahake ae faga hee. Bea nae alu hake ae faga hee ki he botu fonua kotoabe o Ijibite, o tuu i he gaahi botu kotoabe o Ijibite; koe mea fakamamahi aubito: nae ikai ha faga hee behe i mu‘a, bea e ikai ha toe hee behe amui. He naa nau ufiufi ae fuga fonua kotoabe, koia nae fakabouli ai ae fonua: bea nae kai ae akau kotoabe oe fonua, moe fua kotoabe oe gaahi akau nae toe i he uha‐maka: bea nae ikai ha mea mata e toe i he gaahi akau be i he gaahi louakau oe goue, i he fonua kotoabe o Ijibite. Bea nae fekau fakatootoo e Felo ke ha‘u a Mosese mo Elone; o ne behe, Kuou fai agahala kia Jihova, ko ho mou Otua, bea mo kimoua.

Bea nae fofofola a Jihova kia Mosese, Mafao hake ho nima ki lagi, koeuhi he hoko ai ae fakabouli ki he fonua kotoabe o Ijibite, io, ae bouli matolu. Bea nae mafao hake hono nima e Mosese ki lagi; bea hoko ae bouli matolu i he fonua kotoabe o Ijibite i he aho e tolu: Nae ikai te nau femataki akinautolu, bea nae ikai tuu hake ha toko taha mei hono botu i he aho e tolu: ka nae māmagia ae fānau a Isileli i ho nau gaahi nofoaga.

Bea nae hoko o behe, i he ene tuuabo, nae ta‘i e Jihova ae uluaki fanau kotoabe i he fonua ko Ijibite, mei he uluaki fanau a Felo nae nofo i he nofoaga fakatu‘i o a‘u ki he uluaki fanau ae bobula i he fale fakabobula; bea moe uluaki tubu kotoabe oe faga manu. Bea nae tuu hake a Felo i he bo, aia mo ene kau tamaioeiki kotoabe, moe kakai Ijibite kotoabe; bea nae ai ae tagi lahi i Ijibite: he nae ikai hala ha fale i he tae i ai ha taha kuo mate. Bea nae fekau eia i he bouli ke ha‘u a Mosese mo Elone, o ne behe, Tuu hake bea mou alu atu mei hoku kakai, akimoua bea moe fānau a Isileli: bea mou alu o tauhi a Jihova, o hage ko hoo mou lea. Ave mo hoo mou gaahi faga sibi, mo hoo mou faga manu, o hage ko hoo mou tala, bea mou alu; bea mou tabuaki foki au. Bea nae fai malohi e he kakai Ijibite ki he kakai, koeuhi ke nau tukuage fakatootoo akinautolu ke alu mei he fonua; he naa nau behe, Kuo tau mate kotoabe.

Bea koe agelo ae Otua, aia nae alu muomua i he fonoga o Isileli, nae hiki o alu kimui iate kinautolu; bea koe bou oe ao nae hiki ia mei ho nau ao, o tuu kimui iate kinautolu: Bea nae ha‘u ia o tuu i he vahaa oe kakai Ijibite moe kakai Isileli; bea koe ao ia moe fakabouli kiate kinautolu na, ka nae fakamāma ia kiate kinautolu ni: koia nae ikai hoko ai ae taha ki he taha i he bo kotoa koia. Bea nae mafao atu ae nima o Mosese ki tahi; bea nae bule a Jihova ke foki ae tahi i he matagi malohi mei hahake, i he bo kotoa koia, o ne gaohi ae tahi ke momoa, bea nae vaeua ae gaahi vai. Bea nae alu momoa ae fānau a Isileli i he loto tahi: bea koe a kiate kinautolu ae vai i he nima toomatau, moe nima toohema. Bea tuli e he kakai Ijibite, o nau alu o muimui iate kinautolu ki loto tahi, io, ae gaahi hosi kotoabe a Felo, mo ene gaahi jaliote, moe kau heka hosi. Bea i he hoko ae lakaga leo bogibogi, nae afio a Jihova ki he kau tau o Ijibite mei he bou oe afi moe ao, o ne veuveuki ae tau ae kakai Ijibite, O ne too ae va‘e mei he e nau gaahi saliote; koia nae tohogataa ai: bea behe e he kakai Ijibite, Ke tau hola mei he ao o Isileli; he oku tau maa nautolu a Jihova kiate kitautolu Ijibite. Bea folofola a Jihova kia Mosese, Mafao atu ho nima ki tahi, koeuhi ke toe ha‘u ae tahi ki he kakai Ijibite, bea ki he e nau gaahi jaliote, bea moe kau tagata heka hose. Bea mafao atu ae nima o Mosese ki tahi, bea bogibogi ai, nae toe tau mai ae tahi i he ene malohi; bea hola ai ae kakai Ijibite; ka nae liaki e Jihova ae kakai Ijibite i loto tahi. Bea nae tau mai ae tahi, o lomaki‘i ae gaahi jaliote a Felo, moe kau tagata heka hose, bea moe tau kotoabe nae ha‘u ki tahi o tuli akinautolu; nae ikai ke hao ha toko taha. Ka nae alu be ae fānau a Isileli i he momoa i loto tahi: bea hage koe a maka ae tahi kiate kinautolu i he nima toomatau, moe toohema.

O ne behe, Kabau te ke faa tokaga ki he le‘o o Jihova ko ho Otua, mo ke fai aia oku totonu i hono ao, mo ke fanogo ki he ene gaahi fekau, o tauhi ene gaahi tuntuuni, e ikai teu ai kiate koe ha mahaki e taha, i he gaahi mahaki, aia naaku omi ki he kakai Ijibite: he ko au Jihova, oku ou fakamoui koe.

Bea naa ne behe, Mo fanogo eni ki he eku lea: Kabau oku iate kimoutolu ha taha oku kikite, Ko au ko Jihova teu fakaha au kiate ia i he mea ha mai, bea teu lea kiate ia i he miji.

Koeuhi koe kau tagata kotoabe nae mamata ki hoku nāunāu, bea mo eku gaahi gaue mana, aia neu fai i Ijibite, bea moe toafa, kuo nau fakaita‘i au o liuga hogofulu, bea nae ikai te nau fanogo ki hoku le‘o;

Bea naa mou ha‘u o ofi o tuu i he lalo mouga; bea nae vela ae mouga i he afi o a‘u atu ki he loto lagi, i he fakabouli, moe gaahi ao, moe bouli matolu. Bea nae folofola a Jihova kiate kimoutolu mei he loto afi: naa mou ogo‘i ae le‘o oe gaahi lea, ka nae ikai te mou mamata ki ha mea fakatātā; naa mou ogo‘i ae le‘o be. Bea naa ne fakababau kiate kimoutolu ene fuakava, aia naa ne fekau ke mou fai, io koe fekau e hogofulu; bea naa ne tohi ia i he maka lafalafa e ua.

Be nae ai ha kakai nae fanogo ki he le‘o oe Otua oku folofola mei he loto afi, o hage ko hoo ogo‘i, bea moui? Be kuo finagalo ae Otua ke alu o too kiate ia ha kakai mei he lotolotoga oe buleaga kehe, i he gaahi ahiahi, moe gaahi fakailoga, i he gaahi mana, bea i he tau, bea i he nima mafimafi, bea i he nima kuo mafao, bea i he gaahi mea fakailifia lahi, o hage koe gaahi mea kotoabe nae fai e Jihova ko ho mou Otua kiate kimoutolu i Ijibite i ho mou ao?

Bea nae fakaha e Jihova ae gaahi fakailoga, moe gaahi mea mana, nae lahi mo fakamamahi ki Ijibite, bea kia Felo, bea ki hono kakai, i ho mau ao:

Bea e too e Jihova iate koe ae gaahi mahaki kotoabe, bea e ikai te ne ai kiate koe ha mahaki kovi e taha o Ijibite, aia oku ke ilo‘i; ka te ne hilifaki ia kiate kinautolu oku fehia kiate koe.

Koe ahiahi lahi nae mamata ki ai e ho mata, moe gaahi fakailoga, moe gaahi mea mana, moe toukubu mafimafi, moe nima kuo mafao, aia nae omi ai koe kitua e Jihova ko ho Otua: e fai behe be e Jihova ko ho Otua ki he kakai kotoabe aia oku ke manavahe ki ai.

Bea naa ne fakavaivai‘i koe, o ne tuku koe ke ke fiekaia, bea naa ne fafaga aki koe ae mana, aia nae ikai te ke ilo, bea nae ikai ilo e hoo gaahi tamai; koeuhi ke ne fakaha kiate koe oku ikai moui ae tagata i he ma be, ka oku moui ae tagata i he mea kotoabe oku ha‘u mei he fofoga o Jihova. Nae ikai fakaaau o motua ho gaahi kofu, bea nae ikai fufula ho va‘e, i he ta‘u ni e fagofulu.

Bea talu ai be, kuo ikai tuu hake ha balofita i Isileli o hage ko Mosese, aia nae afio‘i e Jihova koe mata ki he mata, I he gaahi fakailoga kotoabe moe gaahi mea mana, aia nae fekau ia e Jihova ke fai i he fonua ko Ijibite kia Felo, bea ki he ene kau tamaioeiki kotoabe, bea ki hono fonua kotoabe, Bea i he nima mafimafi koia, bea i he gaahi mea fakailifia kotoabe aia nae fakaha e Mosese i he ao o Isileli kotoabe.

Bea nae behe, i he hiki ae kakai mei ho nau gaahi fale fehikitaki, ke alu ki he kauvai e taha o Joatani, nae alu muomua ae kau taulaeiki i he ao oe kakai, o haamo ae buha oe fuakava; Bea i he hoko ki Joatani akinautolu nae haamo ae buha, bea tuu ki he veevai ae va‘e oe kau taulaeiki nae haamo ae buha, (he nae fonu mahakehake a Joatani, i hono gaahi gutu vai kotoabe i he kuoga kotoabe oe ututa‘u,) Iloage koe gaahi vai nae tafe mai nae tuu, bea tubu hake o fakatafugofuga, o vamamao aubito mei he kolo ko Atama, aia oku i he botu o Salitani: bea koia nae tafe mai ki he tahi oe toafa, aia koe tahi kona, nae mamaha ia, bea motuhi: bea nae aa ai ae kakai o hagatonu ki Jeliko. Bea koe kau taulaeiki aia nae haamo ae buha oe fuakava o Jihova nae tuu mau i he kelekele momoa i loto Joatani, bea nae alu ae kakai Isileli kotoabe i he kelekele momoa, ke oua ke oji ae kakai kotoabe ki he kauvai e taha o Joatani.

Bea i hono fitu oe aho nae hoko o behe, naa nau tuu hegihegi hake o feouga moe maa ae aho, o nau takatakai behe be ae kolo ke liuga fitu: ka koe aho be taha koia naa nau alu fakatakamilo i he kolo o liuga fitu. Bea i hono liuga fitu nae behe, i he ifi e he kau taulaeiki ae gaahi mealea, nae behe e Josiua ki he kakai, Mou kaila; he kuo foaki kiate kimoutolu e Jihova ae kolo Bea e fakamalaia‘i ae kolo, aia, moia kotoabe oku i ai kia Jihova: ka e moui a Lehabi be, koe agahala, koia mo ia kotoabe oku iate ia i he fale, koe mea i he ene fufu ae ogo mataki naa tau fekau. Bea ko kimoutolu, mou taofi mu‘a akimoutolu mei he mea malaia, telia naa mou fakamalaia‘i akimoutolu, i hoo mou ala ki he mea malaia, o fakamalaia‘i ae abitaga o Isileli, o fakamamahi‘i ia. Ka koe siliva kotoabe, moe koula, moe gaahi ibu balasa moe aione, kuo fakatabu‘i kia Jihova: e omi ia kotoabe ki he fale koloa o Jihova. Koia nae kaila ae kakai i he ifi ae mealea e he kau taulaeiki: bea nae hoko o behe, i he fanogo ae kakai ki he ifi oe mealea, bea kaila e he kakai i he fuu kaila lahi, nae higa lafalafa ae a ki lalo, bea alu hagatonu hake ae kakai ki loto kolo, o alu hagatonu atu ae tagata kotoabe, o nau ma‘u ae kolo.

Bea nae toki lea a Josiua kia Jihova i he aho aia nae tukuage ai e Jihova ae kau Amoli i he ao oe fānau a Isileli, bea nae behe eia i he ao o Isileli kotoabe, Laa, ke ke tuu mau koe ki Kibione; bea ko koe, Mahina, i he telea o Ajaloni. Bea nae tuu mau ae laa, bea nae tatali be ae mahina, kae oua ke oji ae fai totogi e he kakai ki ho nau fili. Ikai kuo tohi ae mea ni i he tohi a Jesa? Bea koia nae tuu mau ae laa i he loto lagi, bea nae ikai fakavave ke alu hifo ia i hono tatau nai moe aho kotoa.

Bea nae alu hifo a Samisone, mo ene tamai mo ene fa‘e, ki Timinate, bea nau hoko ki he gaahi goue vaine i Timinate: bea, vakai, naa ne fetaulaki moe laione mui aia nae oho gugulu age kiate ia. Bea nae hoko malohi lahi ae Laumalie o Jihova kiate ia, bea ne haehae ae laione o hage ko ene haehae ae uhiki‘i koji, bea nae ikai ha mea i hono nima: ka nae ikai te ne fakaha ki he ene tamai be ko ene fa‘e, aia kuo ne fai.

Bea nae buke a Samisone ki he ogo bou e ua i loto aia nae falala ai ae fale, aia naa na boubou hake ia, koe taha i hono nima toomatau, moe taha i hono toohema. Bea nae behe e Samisone. Tuku au keu mate moe kakai Filisitia. Bea naa ne tulolo i hono malohi kotoa; bea nae holo ae fale ki he gaahi houeiki, bea ki he kakai kotoabe nae i ai. Koia koe mate naa ne tamate‘i i he ene bekia nae toko lahi hake iate kinautolu naa ne tamate‘i i he ene moui.

I he ma‘u e he kau Filisitia ae buha tabu oe Otua, naa nau omi ia ki he fale o Takoni, o nau fokotuu ia ofi kia Takoni. Bea i he tuu hegihegi hake i he abogibogi ae kakai o Asitoti, vakai, kuo to fakafoohifo a Takoni ki hono mata ki he kelekele i he ao oe buha tabu o Jihova. Bea naa nau hiki a Takoni o toe fokotuu ia ki hono botu. Bea i he e nau tuu hegihegi hake i he bogibogi e taha, vakai, kuo tuulu a Takoni mo hono mata ki he kelekele i he ao oe buha tabu o Jihova; bea kuo motuua ae ulu o Takoni, mo hono fajia nima fakatouoji be i he mata fale: nae toe be kia Takoni a hono foi jino be.

Ka nae mamafa ae nima o Jihova ki he kakai o Asitoti, o ne fakaauha akinautolu, o teia akinautolu aki ae mahaki kovi, io, a Asitoti mo hono gaahi botu. Bea i he mamata ae kau tagata o Asitoti oku behe, naa nau lea, E ikai tuku ae buha tabu oe Otua o Isileli: he oku to mamahi hono nima kiate kitautolu, bea kia Takoni ko ho tau otua. Koia naa nau fekau o tanaki kiate kinautolu ae houeiki kotoabe oe kau Filisitia, o nau behe, Koeha te tau fai ki he buha tabu oe Otua o Isileli? Bea naa nau behe, Ke haamo fano ae buha tabu oe Otua o Isileli o ave ki Kati. Bea naa nau haamo fano mei ai ae buha tabu oe Otua o Isileli. Bea nae behe, hili e nau haamo fano ia, nae hoko malohi ae nima o Jihova ki he kolo i he fakaauha lahi: bea ne ta‘i ae kau tagata oe kolo, ae jii moe lahi, bea naa nau mahaki kovi i ho nau botu fufu. Koia naa nau ave ai ae buha tabu oe Otua ki Ekiloni. Bea i he hoko ae buha tabu oe Otua ki Ekiloni, nae tagi ae kakai Ekiloni, o behe, Kuo nau omi ae buha tabu oe Otua o Isileli kiate kitautolu, ke tamate‘i akitautolu mo ho tau kakai. Koia naa nau fekau o tanaki ae houeiki kotoabe oe kakai Filisitia, o nau behe, Fekau ke ave ae buha tabu oe Otua o Isileli, bea tuku ke alu ia ki hono botu, telia naa ne tamate‘i akitautolu mo ho tau kakai: he nae hoko ae fakaauha lahi ki he botu kotoabe oe kolo; nae mamafa aubito ae nima oe Otua i ai. Bea koe kau tagata nae ikai mate nae ta‘i akinautolu aki ae mahaki kovi: bea nae alu hake ki lagi ae tagi ae kolo.

Bea naa ne teia ae kau tagata o Bete‐semesi, koe mea i he e nau fakajiojio ki he loto buha tabu o Jihova, io naa ne ta‘i ae tagata e toko nima mano ma toko fitugofulu: bea nae tagilaulau ae kakai, he kuo ta‘i e Jihova ae kakai i he ta lahi aubito. Bea nae behe e he kau tagata o Bete‐semesi, Kohai oku mafai ke tuu i he ao o Jihova, koe Otua maonioni ni? bea e alu hake ia ki ahai meiate kitautolu?

Ka nae behe e Tevita kia Saula, Nae tauhi e hoo tamaioeiki ae faga sibi a ene tamai, mo ene ha‘u ae laione moe bea, o buke o ave ae uhiki‘i lami mei he faga sibi: Bea naaku tuli ia ituaa, o ta‘i ia, beau fakamoui ia mei hono gutu: bea i he ene tuu ki oluga kiate au, naaku buke ia i hono fakabau, bea ta ia o tamate‘i. Nae tamate‘i fakatouoji be e hoo tamaioeiki ae laione moe bea: bea koe Filisitia tae kamu ni, e tatau ia mo ha taha o kinaua, koe mea i he ene bole ki he gaahi tau ae Otua o Isileli. Bea nae lea foki a Tevita o behe, Ko Jihova aia naa ne fakamoui au mei he bejibeji oe laione, moe bejibeji oe bea, te ne fakamoui au mei he nima oe Filisitia ni. Bea nae behe e Saula kia Tevita, Alu, bea ke iate koe a Jihova.

Bea behe e Tevita ki he tagata Filisitia, Oku ke ha‘u kiate au aki ae heleta, moe tao, bea moe ba: ka oku ou alu atu kiate koe i he huafa o Jihova oe gaahi kau tau, koe Otua oe gaahi tau a Isileli, aia kuo ke bolebole ki ai. E tuku koe e Jihova he aho ni ki hoku nima; bea teu ta‘i koe o too ho ulu meiate koe; bea teu foaki ae gaahi agaaga oe tau ae kakai Filisitia he aho ni ki he faga manu oe atā, bea ki he faga manu kaivao oe fonua, koeuhi ke hoko o ilo e mamani kotoabe, oku ai ha Otua o Isileli. Bea e hoko o ilo e he fakataha ni kotoabe, oku ikai fakamoui e Jihova aki ae heleta moe tao; he oku a Jihova ae tau, bea te ne tuku akimoutolu ki ho mau nima. Bea nae hoko o behe, i he tuu hake ae tagata Filisitia, bea ha‘u ke unuunu mai ke fakafetaulaki kia Tevita, nae fai vave a Tevita o lele atu ki he fuu tau ke fakafetaulaki atu ki he Filisitia. Bea nae ala e Tevita hono nima ki he ene kato, o ne too mei ai ae foi maka, o ne makata‘i ia, o ne ta‘i ae Filisitia i hono foi lae, bea nae galo hifo ae maka i hono ulu; bea ne to o tuu hono mata ki he kelekele. Ko ia nae ikuna e Tevita ae tagata Filisitia aki ae makata moe foi maka, o ne ta‘i ae Filisitia, o tamate‘i ia; ka nae ikai ha heleta i he nima o Tevita. Bea koia nae lele ai a Tevita o tuu ki he tagata Filisitia, o ne buke ene heleta aana, o unuhi ia mei hono aiaga, o tamate‘i ia o ne tutuu aki ia a hono ulu. Bea i he mamata ae kau Filisitia kuo mate ho nau to‘a, naa nau hola.

Bea i he e nau hoko mai ki he botu hahaaga uite o Nakoni, nae ala atu e Usa ki he buha oe Otua, mo ne buke ki ai, koeuhi nae fakagalulu ia e he faga bulu. Bea nae tubu ai ae houhau a Jihova kia Usa; bea nae ta‘i ia i ai e he Otua koeuhi ko ene fai hala; bea naa ne mate i he botu koia o ofi ki he buha oe Otua.

BEA nae behe kia Ehabi e Ilaija koe tagata Tisiba aia nae oe kakai o Kiliati, Oku moui a Jihova koe Otua o Isileli, aia oku ou tuu ni i hono ao, bea e ikai ha hahau be ha uha i he gaahi ta‘u ni, kae i he eku lea aaku.

Bea nae behe mai eia, Oku moui a Jihova ko ho Otua, ka oku ikai teu ma‘u ha foi ma, ka koe falukuga be taha oe mahoaa i ha buha, moe kihi‘i lolo jii i ha ibu: bea vakai, oku ou okooko ni ae vaa akau e ua, koeuhi keu alu o teuteu ia maaku mo eku tama, koeuhi ke ma kai ia, bea ma toki mate. Bea nae behe e Ilaija kiate ia, Oua naa ke manavahe; alu o fai o hage ko hoo lea: ka ke tomua gaohi mei ai ha kihi‘i foi ma maaku, bea ke toki gaohi maau bea mo hoo tama. He oku behe e Jihova koe Otua o Isileli, E ikai fakaaau ke oji ae mahoaa i he buha, bea e ikai maha ae lolo i he ibu, o a‘u ki he aho e foaki ai e Jihova ae uha ki he fonua. Bea nae alu ia mo ne fai o tatau moe lea a Ilaija: bea koia, mo ia, bea mo hono kaugafale, naa nau kai i he gaahi aho lahi. Bea nae ikai fakaaau ke oji ae mahoaa i he buha, bea nae ikai foki ke maha ae lolo i he ibu, o hage koe folofola a Jihova aia naa ne folofola aki ia Ilaija.

Bea i he ene hiliage ae gaahi mea ni, nae to ae mahaki ki he tama ae fefine, koe tauhi oe fale; bea nae malohi aubito a hono mahaki bea nae ikai kei hoko a ene mānava. Bea nae behe eia kia Ilaija, Akoe, koe tagata oe Otua, koeha au kiate koe? kuo ke ha‘u ke fakamanatu‘i kiate au a eku kovi, bea ke tamate‘i a eku tama? Bea naa ne behe atu kiate ia, Foaki mai ho tama kiate au. Bea naa ne too mai ia mei hono fatafata, o ne ave ia ki he fata i oluga, aia naa ne nofo ai, bea naa ne tuku hifo ia ki hono mohega oona. Bea naa ne tagi kia Jihova, o behe, E Jihova ko hoku Otua, kuo ke omi foki ae kovi ki he fefine baea aia oku ou nofo ki ai, i hoo tamate‘i a ene tama? Bea naa ne fakafoofoohifo ia ki he tamajii o liuga tolu, mo ne tagi kia Jihova, o behe, E Jihova ko hoku Otua, oku ou kole kiate koe tuku ke toe hoko mai ae laumalie oe tamajii ni kiate ia. Bea nae ogo‘i e Jihova ae le‘o o Ilaija; bea nae toe hoko mai ae laumalie oe tamajii kiate ia, bea naa ne toe moui. Bea nae too ae tamajii e Ilaija, bea ne o hifo ia mei he botu i oluga ki fale, bea ne atu ia ki he ene fa‘e: bea nae behe e Ilaija, Vakai, oku moui hoo tama. Bea nae behe e he fefine kia Ilaija, Koeni koe mea ni oku ou ilo ai koe tagata koe oe Otua, bea koe folofola a Jihova aia oku i ho gutu, oku mooni ia.

Bea naa ne fokotuu aki ae gaahi maka ha feilaulauaga i he huafa o Jihova: bea naa ne gaohi ha luo nae keli takatakai i he feilaulauaga, nae tatau a hono lahi moe fonu oe fuaaga e ua oe tega‘i akau. Bea naa ne fakatokalelei ae fefie, mo ne tafatafa‘i ae bulu, o ne hili ia ki he fefie, mo ne behe, Fakafonu mai ha buha e fa aki ae vai, bea liligi ia ki he feilaulau tutu, bea ki he fefie. Bea naa ne behe, Toe fai ia ke liuga ua. Bea naa nau fai ia ko hono liuga ua. Bea naa ne behe, Fai ia ko hono liuga tolu. Bea naa nau fai ia ko hono liuga tolu. Bea nae tafe takatakai ae vai i he feilaulauaga; bea naa ne fakafonu foki ae luo aki ae vai. Bea i he ene hokojia ae feituulaa oe feilaulau fakaefiafi, nae unuunu mai a Ilaija koe balofita, o ne behe, E Jihova koe Otua o Ebalahame, mo Aisake, bea mo Isileli, tuku ia ke ilo‘i he aho ni koe Otua koe i Isileli, bea ko hoo tamaioeiki au, bea mo eku fai ae gaahi mea ni kotoabe i hoo fekau. E Jihova, fanogo mai kiate au, fanogo mai kiate au, koeuhi ke ilo e he kakai ni ko Jihova koe koe Otua, bea kuo ke toe liliu mai ekoe a ho nau loto. Bea nae toki to hifo ai ae afi a Jihova, o ne keina ae feilaulau tutu, moe fefie, moe gaahi maka, moe efu, bea ne emo hake ae vai aia nae i he luo. Bea i he mamata ae kakai ki ai, naa nau to hifo ki ho nau mata: bea naa nau behe, Ko Jihova, koe Otua be ia; ko Jihova, koe Otua be ia.

Bea nae too e Ilaija a hono bulubulu, mo ne taka‘i fakataha ia, mo ne ta aki ia ae gaahi vai, bea nae vaheua ia, bea koia naa na alu atu ai i he kelekele momoa.

Bea vakai, lolotoga a e na kei alu atu, mo talanoa, nae ha mai ha jaliote afi, moe faga hose oe afi, bea nae mavae ai akinaua; bea nae alu hake a Ilaija i he ahiohio ki he lagi. Bea nae mamata ki ai a Ilaisa, bea naa ne kalaga, A eku tamai, a eku tamai, koe jaliote o Isileli, moe kau heka hosi oia. Bea nae ikai toe mamata ia kiate ia: bea naa ne buke a hono gaahi kofu oona, mo ne hae ua ia. Naa ne too hake foki ae bulubulu o Ilaija aia nae to hifo meiate ia, bea ne foki ki mui, mo ne tuu ki ke kauvai o Joatani: Bea naa ne too ae bulubulu o Ilaija aia nae to hifo meiate ia, o ne ta aki ae gaahi vai, mo ne behe, Kofaia a Jihova koe Otua o Ilaija? bea i he ene ta foki eia ae gaahi vai, naa nau vahe kehekehe, ka ka alu atu a Ilaisa ki he kauvai e taha.

Bea naa ne alu hake mei he botu koia ki Beteli: bea i he ene alu hake i he hala, nae hu mai mei he kolo ae tamaiki iki, o nau manuki kiate ia, mo nau behe ki ai, Alu hake, akoe koe tula; alu hake akoe koe tula e. Bea naa ne tagaki ki mui, mo ne jio kiate kinautolu, bea ne fakamalaia‘i akinautolu i he huafa o Jihova. Bea nae ha‘u mei he vao ae faga beaa fefine e ua, o na haehae ae fānau e toko fagofulu ma toko ua iate kinautolu.

Bea nae behe e Ilaisa kiate ia, Koeha ha mea teu fai maau? fakaha mai be koeha ha mea oku ke ma‘u i fale? Bea nae behe mai eia, Oku ikai ma‘u e hoo kaunaga ha mea i fale, ka koe hina be taha oe lolo. Bea toki behe eia, Ke ke alu, mo kole mai ha gaahi ibu mei ho kaiga kotoabe, ae gaahi geeji ibu; bea oua naa kole fakajiijii be. Bea oka ke ka toe hu mai, te ke tabuni ae mataba kiate koe, bea mo hoo ogo tama, bea te ke liligi ki he gaahi ibu kotoabe koia, bea te ke tuku kehe aia oku fakafonu. Koia naa ne alu atu meiate ia, mo ne tabuni ae mataba kiate ia mo ene ogo tama, aia nae fetuku mai ae gaahi ibu kiate ia; ka nae liligi atu eia. Bea nae hoko o behe, i he ene bito ae gaahi ibu, naa ne beheage ki he ene tama, Toe omi mo ha ibu e taha. Bea nae behe atu eia kiate ia, Oku ikai toe ha taha. Bea nae tuku ae tafe oe lolo. Bea naa ne toki ha‘u o fakaha ia ki he tagata oe Otua. Bea nae behe eia, Alu, o fakatau ae lolo, bea atu ae totogi kiate ia oku eke, bea ko hono toe ke ke moui ai koe bea mo hoo fānau.

Bea i he ene hoko mai a Ilaisa ki he fale, vakai, nae mate ae tamajii, bea nae fakatokoto i hono mohega. Koia naa ne hu ai ki loto fale, mo ne tabuni ae mataba ke na toko ua be, bea naa ne lotu kia Jihova. Bea naa ne alu hake, mo ne tokoto hifo ki he tamajii, o ne ai a hono gutu oona ki hono gutu, mo hono mata ki hono mata, mo hono nima ki hono nima; bea naa ne fakatokoto ia ki he tamajii; bea nae fakaaau ke mafana ae jino oe tamajii. Bea naa ne toe ha‘u, mo ne eveeva fealuaki be i he fale; bea ne alu hake, mo ne fakatokoto ia kiate ia: bea nae mafatua ae tamajii o liuga fitu, bea nae fakaava e he tamajii a hono mata.

Koia naa nau liligi atu koeuhi ke kai e he kau tagata. Bea iloage, lolotoga e nau kai ae lu, naa nau ui atu, o behe, E tagata oe Otua oku i he kulo ae mate. Bea nae ikai te nau faa kai mei ai. Ka nae behe eia, Omi ha mahoaa. Bea naa ne ai ia ki he kulo; bea naa ne behe, Liligi atu ma ae kakai, koeuhi ke nau kai. Bea ta nae ikai ha mea kovi i he kulo. Bea nae ha‘u ha tagata mei Bealisalisa, o ne omi ki he tagata oe Otua ae ma oe uluaki fua, koe foi ma baale e uofulu, moe gaahi fuhiga koane mo hono kafukafu. Bea naa ne behe, Atu ia ki he kakai ke nau kai ia. Bea nae behe e he ene tamaioeiki, Koeha, teu ai atu eni koa i he ao o ha kau tagata e toko teau? Bea nae toe behe eia, Atu ki he kakai, ke nau kai ai: he oku behe e Jihova, Te nau kai ai bea e toe be. Bea behe, naa ne tuku ia ki ho nau ao, bea naa nau kai, bea nae toe be, o fakatatau ki he folofola a Jihova.

Bea nae fekau atu e Ilaisa ha tagata fekau kiate ia, o behe, Alu o kaukau i Joatani ke liuga fitu, bea e toe hoko mai ho kakano kiate koe, bea te ke maa ai. Ka nae ita lahi a Neamani, bea alu ia, mo ne behe, Vakai, naaku behe eau, te ne omi mooni kitua kiate au, bea tuu, o ne ui ki he huafa o Jihova ko hono Otua, mo ne ala aki a hono nima ki he botu, mo ne fakamoui ai ae kilia. Ikai oku lelei hake a Abana mo Baabaa koe vaitafe i Tamasikusi, i he gaahi vai kotoabe o Isileli? ikai teu faa kaukau i ai, beau maa ai? Koia, naa ne foki atu o alu i he ita lahi. Bea nae fakaofi atu a ene kau tamaioeiki kiate ia, mo nau lea kiate ia, o behe, Eku tamai, ka ne tala e he balofita ke ke fai ha mea lahi, ikai kuo ke fai ia? kae mua hake eni, a ene behe mai kiate koe, Kaukau, bea te ke maa ai? Bea naa ne toki alu hifo, mo ne kaukau ia o liuga fitu i Joatani, o hage koe lea ae tagata oe Otua: bea nae toe hoko mai kiate ia a hono kakano, o hage koe kakano o ha tamajiijii, bea naa ne maa ai.

Kae lolotoga a ene ta ha akau e he toko taha, nae to hifo ae toki ukamea ki he vai: bea naa ne tagi mo behe, Oiaue, a eku eiki! he nae no ia. Bea nae behe e he tagata oe Otua, Nae to hifo ia i he fe? Bea naa ne fakaha kiate ia ae botu. Bea naa ne tutuu mai ha vaa akau mo ne li ia ki ai; bea nae tētē hake ae ukamea. Koia nae behe eia, Too hake ia kiate koe. Bea naa ne mafao atu hono nima, mo ne too ia.

Bea nae fai ae tau e he tu‘i o Silia ki Isileli, bea ne fakakaukau mo ene kau tamaioeiki, o behe, E i he botu koe moe a hoku abitaga tau. Bea nae fekau atu e he tagata oe Otua ki he tu‘i o Isileli, o behe, Vakai ke oua naa ke aluage ki he botu na; he kuo hoko hifo ki ai ae kakai Silia. Bea nae fekau atu e he tu‘i o Isileli ki he botu nae fakailo e he tagata oe Otua mo valoki ai ia, bea naa ne fakamoui ia i ai o ikai ke liuga taha be liuga ua. Koia nae bubutuu lahi ae loto oe tu‘i o Silia i he mea ni; bea naa ne ui mai a ene kau tamaioeiki, mo ne behe kiate kinautolu, E ikai te mou fakaha mai be kohai iate kitautolu oku kau ki he tu‘i o Isileli? Bea nae behe e he toko taha o ene kau tamaioeiki, A eku eiki koe tu‘i, oku ikai ha toko taha ka ko Ilaisa be koe balofita aia oku i Isileli, oku tala ki he tu‘i o Isileli ae gaahi lea aia oku ke lea aki i hoo botu mohe.

Bea i he ene tuu hegihegi hake ae tamaioeiki ae tagata oe Otua, mo ne alu kitua, Vakai, nae kabui ae kolo e he fuu kakai toko lahi aki ae faga hose moe gaahi jaliote. Bea nae behe e he ene tamaioeiki kiate ia, Oiaue a eku eiki! koeha te ta fai? Bea nae beheage eia, Oua naa ke manavahe: he ko kinautolu oku kau mai kiate kitaua oku toko lahi hake iate kinautolu oku kau kiate kinautolu. Bea nae lotu a Ilaisa, o ne behe, E Jihova, oku ou kole kiate koe, ke ke fakaa a hono mata, koeuhi ke ne mamata. Bea nae fakaa ae mata oe talavou e Jihova; bea naa ne jio: bea vakai, nae fonu ae mouga i he faga hose moe gaahi jaliote afi nae nofo takatakai ia Ilaisa. Bea i he e nau hoko hifo kiate ia, nae lotu a Ilaisa kia Jihova, o ne behe, Oku ou kole kiate koe ke ke ta‘i ae kakai ni ke nau kui. Bea naa ne ta‘i ke kui akinautolu o hage koe lea a Ilaisa. Bea nae behe e Ilaisa kiate kinautolu, Oku ikai koe hala eni, bea oku ikai koe kolo eni: muimui mai iate au, bea teu omi akimoutolu ki he tagata oku mou kumi ki ai. Ka naa ne tataki akinautolu ki Samelia. Bea i he e nau hoko mai ki Samelia, nae behe e Ilaisa, E Jihova, ke ke fakaa ae mata oe kau tagata ni, koeuhi ke nau mamata. Bea nae fakaa ho nau mata e Jihova, bea naa nau mamata; bea vakai, kuo nau i he loto kolo o Samelia.

Bea nae hoko o behe, lolotoga e nau tanu ha tagata, iloage naa nau jio ki ha kau tau; bea naa nau laku atu ae tagata ki he fonua loto a Ilaisa: bea i he ene to hifo ki ai ae tagata mo lave ki he gaahi hui o Ilaisa, naa ne toe moui hake mo ne tuu ki oluga ki hono va‘e.

Bea nae behe e Isaia, Ke ke ma‘u ae fakailoga koeni mei a Jihova, ki he ene fai mooni e Jihova ae mea ni aia kuo ne folofola ai: e fefe, e hiki ki mua ae ata i he tikeli e hogofulu, be te ne foki ki mui i he tikeli e hogofulu? Bea nae beheage e Hesekaia, Koeni koe mea maamaa ke alu hifo ae ata i he tikeli e hogofulu: oua naa behe, kae tuku ke foki ki mui ae ata i he tikeli e hogofulu. Bea tagi ae balofita ko Isaia kia Jihova: bea naa ne fakafoki ki mui ae ata i he tikeli e hogofulu, aia nae alu hifo ai ia i he mea a Ahasi aia nae fakailoga ai ae gaahi feituulaa.

Bea nae mahaki a Asa i hono va‘e, i hono tolugofulu ma hiva ta‘u o ene bule, bea nae tubu o lahi aubito ene mahaki: ka i he ene mahaki nae ikai kumi ia kia Jihova, ka ki he kau faitoo.

Ka i he ene malohi nae mahikihiki hake hono loto ke kovi lahi ai ia: he naa ne fai talagataa kia Jihova ko hono Otua, bea nae hu ia ki he fale tabu o Jihova ke tutu ae mea namu kakala ki he feilaulauaga oe mea namu kakala. Bea nae hu ki ai a Asalia koe taulaeiki o muimui iate ia, bea nae iate ia ae kau taulaeiki a Jihova e toko valugofulu, koe kau tagata to‘a; Bea naa nau tali tuu ki he tu‘i ko Usaia, o nau behe kiate ia, E Usaia oku ikai iate koe ke tutu ae mea namu kakala kia Jihova, ka ki he kau taulaeiki koe gaahi foha o Elone, aia kuo fakatabu‘i ke tutu ae mea namu kakala: alu kitua koe mei he fale tabu, he kuo ke fai hala: bea e ikai foki te ke ogoogo lelei ai mei a Jihova ko ho Otua. Bea nae houhau ai a Usaia, bea nae i hono nima ae aiaga afi, ke tutu ai ae mea namu kakala: bea lolotoga ene houhau ki he kau taulaeiki, nae tubu hake ae kilia i hono foi la‘e i he ao oe kau taulaeiki i he fale o Jihova, mei he botu oe feilaulauaga oe mea namu kakala. Bea nae mamata kiate ia e Asalia koe taulaeiki lahi, bea moe kau taulaeiki kotoabe, bea, vakai, kuo kilia ia i hono la‘e, bea naa nau teke‘i ia mei ai kitua; io, bea nae fakatootoo ia ke alu kitua, he kuo ta‘i ia e Jihova.

Bea naa ke fakaha ae gaahi fakailoga moe gaahi mana kia Felo, bea ki he ene kau tamaioeiki kotoabe, bea ki he kakai kotoabe o hono fonua: he naa ke ilo‘i e nau fai fakafiefielahi kiate kinautolu. Koia naa ke ma‘u ai ae huafa moou, o hage koia he aho ni.

Koia teu kumi ki he Otua, bea teu tuku eku gaue ki he Otua: He koia ia oku ne faa fai ae gaahi mea lahi mo tae faa ilo; koe gaahi mea fakaofo mo taefaalaua:

Ka koe kau fakatubu loi akimoutolu, koe kau faitoo taeaoga akimoutolu kotoabe.

E Jihova ko hoku Otua, naaku tagi kiate koe, bea kuo ke fakamoui au.

E fakamalohi ia e Jihova i he tokotoaga fakamamahi: te ke gaohi hono mohega kotoabe i hono mahaki. Naaku behe, E Jihova, ke ke aloofa mai kiate au: fakamoui hoku laumalie; he kuou fai agahala kiate koe.

Ko koe koe Otua oku fai ae gaahi mea fakaofo: kuo ke fakaha ho malohi i he lotolotoga oe kakai.

Aia oku ne fakamolemole hoo gaahi hia kotoabe; mo ne fakamoui ho gaahi mahaki kotoabe; Aia oku ne huhui hoo moui mei he fakaauha; o ne tatā aki koe ae manavaofa moe aloofa ogogofua; Aia oku ne fakamakona aki ho gutu ae gaahi mea lelei; koia kuo toe tubulaki ai ho talavou o hage koe ikale.

Oku ne fakamoui akinautolu oku loto mafeji, o ne nonoo ho nau gaahi lavea.

Koia ko Jihova be te ne atu kiate koe ae fakailoga; Vakai, e tuituia ae tāuboou, bea e faele‘i ae tama, bea e ui hono huafa ko Imanuela.

Ka nae lavea ia koeuhi koe tau gaahi agahala, nae fakavolu ia koeuhi koe tau gaahi hia: nae iate ia ae tautea koeuhi ke tau fiemalie; bea i hono gaahi ta oku tau moui ai.

He oku behe e Jihova, Teu fakamoui koe, bea teu fakamoui mo ho gaahi lavea; koeuhi naa nau ui koe, Koe liaki, o behe, Ko Saione eni, aia oku ikai kumi ki ai e ha taha.

Akoe naa ke fakaha ae gaahi fakailoga moe gaahi mea fakaofo i he fonua ko Ijibite, bea mo Isileli, bea ki he gaahi kakai kehe, o a‘u ki he aho ni; bea kuo ke fakaogoogoa ho huafa, o hage koia i he aho ni; Bea kuo ke omi a hoo kakai Isileli mei he fonua ko Ijibite moe gaahi fakailoga, bea moe gaahi mea fakaofo, aki ae nima malohi, bea moe nima mafao atu, bea moe mea fakailifia lahi;

NAE iate au ae nima o Jihova, bea ne ave au i he laumalie o Jihova bea nae tuku hifo au i he loto telea nae fonu i he gaahi hui, Bea ne bule‘i au keu alu fakatakamilo ai; bea vakai, nae lahi aubito ia i he ataatā oe telea; bea vakai nae momoa aubito. Bea naa ne behe kiate au, Foha oe tagata, e faa moui ae gaahi hui ni? bea naaku beheage, E Jihova koe Otua, ko koe be oku keafio‘i. Bea ne toe behe kiate au, Kikite ki he gaahi hui ni, bea ke behe ki ai, E gaahi hui momoa, fanogo mai ki he folofola a Jihova. Oku behe e Jihova koe Otua ki he gaahi hui ni; Vakai, teu gaohi ae mānava ke hu kiate kimoutolu, bea te mou moui: Bea teu kofuaki kimoutolu ae uoua, bea teu fakatubu ae kakano kiate kimoutolu, mo ufiufi aki kimoutolu ae kili, bea ai moe mānava kiate kimoutolu, bea te mou moui; bea te mou ilo ko Jihova au. Koia naaku kikite o hage koia nae fakaha mai: bea i he eku kei lea, nae i ai ae uulu, bea vakai nae gau‘e, bea fehokotaki ae gaahi hui bea taki taha ki hono hui be oona. Bea i he eku jio, vakai ne tubu mai ki ai ae uoua bea moe kakano, bea ne ufiufi aki kotoabe ae kili: ka nae teeki ai ha mānava kiate kinautolu. Bea naa ne toki behe mai kiate au, Kikite ki he matagi, kikite, foha oe tagata, bea ke behe ki he matagi, Oku behe e Jihova koe Otua; Ae mānava e! ha‘u mei he feituu matagi e fa, bea mānava hifo ki he kau mate na, koeuhi ke nau moui. Koia naaku kikite o hage koia nae fekau mai, bea nae hoko mai ae mānava kiate kinautolu, bea naa nau moui, mo tuu ki oluga i ho nau va‘e, koe fuu kau tau toko lahi aubito.

Nae folofolage ae tu‘i o behe kia Taniela, aia nae higoa ko Belitisasa, Oku ke faa fai ke fakaha kiate au ae miji, aia naaku mamata ai mo hono uhiga oia? Bea lea a Taniela i he ao oe tu‘i, o behe, Koe mea fufu aia kuo eke e he tu‘i, e ikai lava‘i e he kau tagata boto, be e he kau asitolonoma, be e he kau fai mana, be e he kau kikite, ke fakaha ki he tu‘i. Ka oku ai ha Otua i he lagi, aia oku fakaha ae gaahi mea fufu, bea oku ne fakaha ki he tu‘i ko Nebukanesa, aia e hoko i he gaahi aho amui. Ko eni ia a hoo miji, bea moe gaahi mea ha mai ki ho ulu i ho mohega: Koeuhi ko koe e tu‘i, nae tubu hake iate koe ae gaahi fakakaukau i ho mohega ki he mea e hoko amui: bea koia oku fakaha ae gaahi mea fufu, oku ne fakaha kiate koe ae gaahi mea e hoko. Ka koeuhi ko au, oku ikai ke fakaha ae mea fufu ni kiate au, koeuhi ko haaku boto oku lahi hake i he kakai moui kotoabe, ka koeuhi ko kinautolu e fakaha hono uhiga ki he tu‘i, bea koeuhi ke ke ilo be ekoe, ae gaahi mahalo o ho loto.

Koia nae fonu ai a Nebukanesa i he houhau, bea nae kehe ae aga o hono fofoga kia Seteleki, mo Mesake, mo Abeteniko, koia naa ne lea o fekau ke nau tafu ae afi ke liuga fitu hake ene vela i he ene faa vela. Bea ne fekau ki he kau tagata malohi hake i he ene kogakau ke ha‘i a Seteleki, mo Mesake, mo Abeteniko, bea li akinautolu ki he afi vela kakaha. Koia nae ha‘i ae kau tagata ni mo ho nau gaahi kofu tua, mo ho nau gaahi kofu loto, mo ho nau gaahi tatā, bea nae li akinautolu ki he loto afi vela kakaha. Bea koe mea i he fekau ae tu‘i ke fai ke tootoo, bea mo ene vela aubito ae afi, nae tamate‘i e he ulo oe afi ae kau tagata koia nae hiki hake a Seteleki, mo Mesake, mo Abeteniko. Bea nae to hifo ae kau tagata e toko tolu ni, ko Seteleki, mo Mesake, mo Abeteniko, ki he loto afi vela kakaha. Bea nae ofo ae tu‘i ko Nebukanesa, bea ne tuu hake fakavave, mo ne lea o behe, ki he kau tagata tokoni i he bule, Ikai naa tau li ae kau tagata e toko tolu kuo ha‘i ki he loto afi? Bea naa nau lea o behe ki he tu‘i, Oku mooni, e tu‘i. Bea nae lea ae tu‘i o beheage kiate kinautolu, Vakai, oku ou mamata ki he kau tagata e toko fa, oku ataatā, bea oku nau eveeva i he loto afi, bea oku ikai ha kovi kiate kinautolu, bea koe aga o hono toko fa, oku hage ia koe Alo oe Otua. Bea nae unuunu atu a Nebukanesa o ofi ki he mataba ki he afi vela kakaha, o ne lea o behe, E Seteleki, mo Mesake, mo Abeteniko, akimoutolu ae kau tamaioeiki ae Otua maoluga, mou hu mai bea ha‘u ki heni. Bea nae hu mai a Seteleki, mo Mesake, mo Abeteniko, mei he loto afi. Bea nae mamata e he houeiki hau, moe gaahi bule, moe gaahi eiki tau, moe kau mātua ae tu‘i, i he e nau fakataha, ki he kau tagata ni, aia nae ikai ke malohi ae afi ki ho nau jino, bea nae ikai mahunuhunu ha tuoni louulu e taha i ho nau ulu, bea nae ikai ke fakakehe ho nau kofu, bea nae ikai ke hoko ae nanamu oe afi kiate kinautolu. Bea nae lea a Nebukanesa o behe, Oku monuia ae Otua o Seteleki, mo Mesake, mo Abeteniko, aia kuo fekau a ene agelo, bea kuo ne fakahaofi eue kau tamaioeiki nae falala kiate ia, bea kuo nau liliu ae lea ae tu‘i, o fakahaofi a ho nau jino, koeuhi ke oua naa nau tauhi, be hu ki ha otua, ka ko ho nau Otua be. Koia oku ou fokotuu ae fono, iloga ha kakai, be ha buleaga, be ha lea, oku lea kovi ki he Otua o Seteleki, mo Mesake, mo Abeteniko, e tuutuu fakaikiiki akinautolu, bea e gaohi ho nau gaahi fale koe tuuga otoota: koeuhi oku ikai mo ha Otua e faa fakahaofi o hage koeni. Bea nae hakeaki‘i e he tu‘i a Seteleki, mo Mesake, mo Abeteniko, i he fonua o Babilone.

KOE tu‘i ko Nebukanesa, ki he kakai kotoabe, moe gaahi buleaga, moe gaahi lea, aia oku nofo i mamani fulibe; Ke tubulekina ae melino kiate kimoutolu. Neu behe e lelei ke fakaha ae gaahi fakailoga, moe gaahi mea fakaofo, aia kuo fai e he Otua maoluga kiate au. Oku lahi hono gaahi fakailoga! bea oku malohi ene gaahi mea fakaofo! ko hono buleaga koe buleaga taegata, bea ko ene bule oku mei he toutagata ki he toutagata.

I he feituubo koia nae ha mai ae louhi‘i nima oe tagata, oku tohi i he fuga oe holiji fale oe tu‘i o feouga moe tuuga māma; bea nae mamata ae tu‘i ki he louhi‘i nima nae tohi. Bea nae fakakehe ae fofoga oe tu‘i, bea ko ene gaahi mahalo nae bubutuu ai ia; koia nae homo ai ae gaahi hokotaga o hono kogaloto, bea nae fetaboji a hono ogo tui,

Bea nae toki fekau e he tu‘i, bea naa nau omi a Taniela, bea li ia ki he ana oe faga laione. Ka nae lea ae tu‘i o ne behe kia Taniela, Ko ho Otua, aia oku ke faa tauhi, te ne fakahaofi koe. Bea nae omi ha maka, o ai ki he gutu oe ana; bea nae buluji ia e he tu‘i aki hono fakailoga oona, bea moe fakailoga o ene houeiki; koeuhi ke oua naa liliu ae mea kia Taniela. Bea nae alu ae tu‘i ki hono fale, bea ne aukai i he bo o aho, bea nae ikai ke omi ki hono ao ae gaahi mea faji hiva: bea nae mahui ae mohe meiate ia. Bea nae tuu hake ae tu‘i i he bogibogi o hegihegi aubito, bea ne alu fakavave ki he ana oe faga laione. Bea i he ene hoko ki he ana, naa ne kalaga i he le‘o mamahi kia Taniela; bea nae lea ae tu‘i o behe kia Taniela, E Taniela, koe tamaioeiki ae Otua moui, oku malohi ho Otua aia oku ke tauhi mau ai be, ke fakahaofi koe mei he faga laione? Bea nae behe e Taniela ki he tu‘i, E tu‘i, ke ke moui o taegata. Kuo fekau e hoku Otua a ene agelo, bea kuo tabuni ae gutu oe faga laione ke oua naa nau fakamamahi au: koeuhi nae ilo ae lelei iate au i hono ao: bea i ho ao foki e tu‘i nae ikai teu fai kovi. Koia nae fiefia lahi aubito ae tu‘i koeuhi koia, bea ne fekau ke nau too hake a Taniela mei he ana. Koia nae too hake a Taniela mei he ana, bea nae ikai ilo ha lavea jii iate ia, koeuhi naa ne tui ki hono Otua. Bea nae fekau e he tu‘i ke nau omi ae kau tagata koia nae talatalaaki‘i a Taniela, bea naa nau li akinautolu ki he ana oe faga laione, akinautolu, moe nau fānau, mo ho nau gaahi unoho; bea nae malohi ae faga laione kiate kinautolu, bea feji‘i fakaikiiki ho nau gaahi hui kotoabe, i he teeki te nau hoko hifo ki he takele oe ana.

Bea nae tohi e he tu‘i ko Talaiasi ki he kakai kotoabe, moe gaahi buleaga moe gaahi lea, aia oku nofo i mamani fulibe; Ke tubulekina ae melino kiate kimoutolu. Oku ou fai fono, koeuhi ke tetetete mo ilifia ae kakai ki he Otua o Taniela, i he gaahi botu kotoabe o hoku buleaga: he koe Otua moui ia, bea oku tuu mau, o taegata: ko hono buleaga e ikai auha, bea ko ene bule e a‘u atu ki he gataaga. Oku ne malu‘i mo fakahaofi, bea oku ne fai ae gaahi mana moe gaahi mea fakaofo i he lagi mo mamani, koia ia kuo fakahaofi a Taniela mei he malohi oe faga laione.

Bea e hoko amui, teu huai hoku Laumalie ki he kakai kotoabe; bea e kikite ho mou gaahi foha mo ho mou gaahi ofefine, bea e miji e hoo kau mātua ae gaahi miji, bea e mamata ae gaahi mea ha mai e hoo kau talavou: Bea ki he kau tamaioeiki moe kau kaunaga teu huai foki hoku Laumalie i he gaahi aho koia. Bea teu fakaha ae gaahi mea fakaofo i he lagi, bea i mamani, koe toto, moe afi, moe ahu oe afi. Bea e liliu ae laa o bouli, moe mahina ke toto i he teeki hoko ae aho lahi, bea fakamanavahe o Jihova.

Bea alu a Jisu i he botu kotoabe o Kaleli, o akonaki i ho nau gaahi fale lotu, bea malaga aki ae ogoogolelei oe buleaga, o ne fakamoui ae mahaki kehekehe kotoabe, moe hagatamaki kotoabe nae i he kakai. Bea mafola atu hono ogoogo i Silia kotoabe: bea nau omi kiate ia ae kakai mahaki kotoabe, nae tuia i he mahaki kehekehe moe gaahi feiga mamahi, moe niihi nae ulujino ai ae gaahi tevolo, mo kinautolu nae vale, mo kinautolu nae mahaki tete; bea ne fakamoui akinautolu.

Bea iloage, kuo ha‘u ae tagata kilia o hu kiate ia, o behe, Eiki, kabau ko ho finagalo, oku ke faa fakamaa au. Bea mafao atu e Jisu a hono nima, o ala kiate ia, o behe, Ko hoku loto ia; ke ke maa koe. Bea fakamaa leva hono kilia.

Bea kuo hu a Jisu ki he fale o Bita, bea mamata ia ki he fa‘e a hono unoho oku tokoto ia, i he mahaki koe mofi. Bea naa ne ala ki hono nima, bea mahui iate ia ae mofi: bea tuu hake ia, o ne tauhi akinautolu.

Bea kuo efiafi, naa nau omi kiate ia ae toko lahi kuo ulujino ai ae kau tevolo: bea ne kabuji ae kau laumalie aki a ene lea, o ne fakamoui akinautolu kotoabe nae mahaki: Koeuhi ke fakamooni aia nae lea aki e he balofita ko Isaia, o behe, Ko ia ia ne too e tau gaahi vaivai, o ne fua e tau gaahi mamahi.

Bea vakai, nae to ae taufa lahi: he tahi, bea fakabulou aki ae vaka ae gaahi beau: ka nae mohe ia. Bea ha‘u ene kau akoga, o fafagu ia, mo nau behe, Eiki, fakamoui akimautolu; kuo tau mate! Bea beheage eia kiate kinautolu, Koeha oku mou manavahe ai, akimoutolu oku jii hoo mou tui? Bea toki tuu hake ia, o lolomi ae matagi moe tahi; bea nae tofuki leva. Ka nae ofo ai ae kau tagata, o nau behe, Koe tagata ha eni, koeuhi oku talagofua kiate ia ae matagi moe tahi!

Bea kuo hoko ia ki he kau vai e taha, ki he fonua oe Kekesini, nae fakafetaulaki kiate ia ae toko ua nae ulujino ai ae kau tevolo, ko e na omi mei he gaahi faitoka, kuo lili aubito aubito, koia nae ikai faa alu ai ha taha o ofi ki he hala koia. Bea iloage, kuo na kalaga, o behe, Koeha akimaua kiate koe, e Jisu, koe Alo oe Otua? he kuo ke ha‘u ki heni ke tomua tautea akimaua i he heeki ai hoko ae kuoga? Bea nae i he mamao atu iate kinautolu ae faga buaka lahi nae fafaga. Bea kole ae kau tevolo kiate ia, o behe, Kabau oku ke kabuji akimautolu kitua, tuku ke mau hu ki he faga buaka. Bea talaage eia kiate kinautolu, Alu. Bea kuo nau ha‘u kitua, mo nau hu ki he faga buaka: bea iloage, kuo felele‘i o oho ae faga buaka kotoabe i he botu tahifohifo ki tahi, bea auha ai i he vai. Bea feholaki akinautolu nae tauhi ia, o alu ki he kolo, bea fakaha ae mea kotoabe, mo ia kuo hoko kiate kinaua nae ulujino ai ae kau tevolo. Bea vakai, nae ha‘u kitua ae kolo kotoabe ke nau fakafetaulaki kia Jisu: bea kuo nau mamata ki ai, naa nau kole kiate ia ke ne alu mei ho nau fonua.

Bea vakai, naa nau omi kiate ia ae tagata nae mahaki tete, oku tokoto i he mohega: bea mamata a Jisu ki he e nau tui, bea behe eia ki he mahaki tete; Foha, ke ke fiemalie; kuo fakamolemole hoo gaahi agahala. Bea vakai, kuo behe e he niihi oe kau tagata tohi i ho nau loto, Oku lea fie Otua ae tagata ni. Bea behe e Jisu, i he ene ilo e nau gaahi mahalo, Koeha oku mou mahalo kovi ai i ho mou loto? He oku faigofua ae fe, ke lea, Kuo fakamolemole hoo gaahi agahala; be koe lea Tuu hake o eveeva? Ka koeuhi ke mou ilo kuo i he Foha oe tagata ae malohi i mamani ke fakamolemole ae agahala, (bea toki behe eia ki he mahaki tete,) Tuu hake, too ho mohega, o alu ki ho fale. Bea tuu hake ia, o alu ki hono fale. Bea i he mamata ki ai ae kakai, naa nau ofo, o fakamalo ki he Otua, aia kuo ne tuku ae malohi behe ki he tagata.

Bea vakai, koe fefine nae mahaki i he ta‘u e hogofulu ma ua i he au ae toto, nae ha‘u o muimui iate ia, bea ala ki he kaba o hono kofu: He nae behe eia i hono loto, Kabau teu faa ala ki hono kofu be, teu moui ai. Bea tafoki ki mui a Jisu, o ne mamata kiate ia, bea ne behe, Ofefine, ke ke fiemalie; kuo fakamoui koe e hoo tui. Bea fakamoui ae fefine talu mei he feituu‐laa koia.

Bea kuo hu a Jisu ki he fale oe bule, o mamata ki he kau ifi fagufagu, moe kakai oku tagilāulāu, Bea ne behe kiate kinautolu, Mou tutuku: he oku ikai mate ae taahine, ka oku mohe. Bea naa nau kata manuki‘i ia. Bea kuo tuku atu ae kakai, bea hu age ia, bea buke eia hono nima, bea tuu hake ae taahine. Bea mafola atu hono ogoogo ki he fonua kotoabe koia.

Bea i he alu a Jisu mei ai, nae muimui iate ia ae ogo tagata kui, o na tagi, o behe, Koe Alo o Tevita, aloofa mai kiate kimaua. Bea kuo hu ia ki he fale, bea ha‘u kiate ia ae ogo tagata kui: bea beheage e Jisu kiate kinaua, Oku mo tui oku ou mafai aeni? Bea na talaage kiate ia, Io, Eiki. Bea ala ia ki ho na mata, mo ne behe, Ke hoko kiate kimoua o hage ko hoo mo tui. Bea a ai ho na mata; bea fekau malohi e Jisu kiate kinaua, o behe, Vakai ke oua naa ilo ia e ha taha. Ka kuo na o, bea na ogoogoa atu ia i he fonua kotoabe koia.

Bea i he e nau alu atu, vakai, oku nau omi kiate ia ae tagata noa oku ulujino ai ae tevolo. Bea kuo kabuji atu ae tevolo, bea lea ai ae noa: bea ofo ae kakai, o nau behe, Talu mei mua nae ikai aubito mamata i Isileli ha mea behe.

Bea nae fonoga fano a Jisu ki he gaahi kolo kotoabe moe botu kakai, o akonaki i ho nau gaahi fale lotu, o malaga aki ae ogoogolelei oe buleaga, bea fakamoui ae mahaki kotoabe moe hagatamaki kotoabe oe kakai.

BEA kuo ne ui ke ha‘u kiate ia ene kau akoga e toko hogofulu ma toko ua, naa ne tuku kiate kinautolu ae malohi, ke nau kabuji ae gaahi laumalie taemaa, bea ke nau fakamoui ae mahaki kotoabe, moe hagatamaki kotoabe.

Fakamoui ae mahaki, fakamaa ae kilia, fokotuu ae mate, kabuji ae kau tevolo: kuo mou ma‘u taetotogi, bea atu taetotogi.

Oku a ae kui, oku eveeva ae bibiki, oku maa ae kilia, bea ogo ae tuli, bea fokotuu ae mate, bea oku malaga aki ae ogoogolelei ki he kakai majiva.

Bea vakai, nae i ai ae tagata kuo mate hono nima. Bea nau fehui kiate ia, o behe, Oku gofua ke fakamoui i he gaahi aho sabate? koeuhi ke nau fakakovi‘i ia. Bea beheage eia kiate kinautolu, Koe tagata fe iate kimoutolu, oku taha be ene sibi, bea ka to ia ki ha luo i he aho sabate, e ikai te ne buke ia, o too hake? Bea ikai oku lelei lahi ae tagata i he sibi? Koia, oku gofua ke fai lelei i he aho sabate. Bea toki behe eia ki he tagata, Mafao atu ho nima. Bea ne mafao atu ia; bea fakamoui ia, o hage ko hono nima e taha.

Ka i he ilo ia e Jisu, naa ne alu mei ai: bea muimui iate ia ae kakai toko lahi, bea ne fakamoui akinautolu kotoabe;

Bea nae toki omi ai kiate ia ae toko taha nae kui mo noa, kuo ulujino ai ae tevolo: bea naa ne fakamoui ia, koia nae lea mo a ai aia nae kui mo noa. Bea ofo ae kakai kotoabe, o nau behe, Ikai koe Foha eni o Tevita?

Bea kabau oku ou kabuji ae kau tevolo i he Laumalie oe Otua, bea ta kuo hoko mai ae buleaga oe Otua kiate kimoutolu.

Bea nae ikai fai ai eia ha mana lahi koe mea i he e nau taetui.

Bea alu atu a Jisu, o ne mamata ki he kakai toko lahi, bea ofa mamahi ia kiate kinautolu, o ne fakamoui e nau gaahi mahaki.

Bea kuo efiafi ai, bea ha‘u ene kau akoga kiate ia, o behe, Koe botu lala eni, bea kuo tei oji ae aho; fekau ke alu ae kakai ki he gaahi botu kakai, ke fakatau mea kai maa nautolu. Ka nae tala e Jisu kiate kinautolu, Oku ikai aoga e nau alu: mou atu haa nau kai. Bea nau behe kiate ia, Koe foi ma be e nima, moe ika e ua, oku tau ma‘u i heni. Bea behe eia, Omi ia kiate au. Bea fekau eia ki he kakai ke nofo ki lalo ki he mohuku, bea ne too ae foi ma e nima, moe ika e ua, o haga hake ki he lagi, o tabuaki, mo tofitofi ae gaahi foi ma, bea atu ki he ene kau akoga, bea tufaki e he kau akoga ki he kakai. Bea naa nau kai kotoabe, o makona: bea tanaki ae toega kai, bea bito ai ae kato e hogofulu ma ua. Bea ko kinautolu nae kai, koe tagata e toko nima afe nai; kaeumaa ae kau fefine moe tamaiki.

Bea i hono fa oe leo i he bo nae alu atu a Jisu kiate kinautolu, e haele i he fukahi tahi. Bea i he mamata ae kau akoga ki he ene haele i he fukahi tahi, naa nau manavahe, o nau behe, Koe laumalie! bea nau tagi kalaga i he manavahe. Ka nae lea leva a Jisu kiate kinautolu, o behe, Fiemalie be; he ko au be; oua te mou manavahe.

Bea lea a Bita, o beheage kiate ia, Eiki, kabau ko koe, fekau mai keu alu atu kiate koe i he vai. Bea ne behe, Ha‘u. Bea i he alu hifo a Bita mei he vaka, nae eveeva ia i he tahi, ke alu atu ki a Jisu. Ka i he ene mamata oku malohi ae matagi, nae manavahe ia; bea kamata galo hifo, bea tagi ia, o behe, Eiki, fakamoui au. Bea mafao leva ae nima o Jisu, o ne buke ia, o ne behe ki ai, Akoe oku jii hoo tui, koeha oku ke fakataetaetui ai? Bea i he e na hoko ki he vaka, bea malu ae matagi. Bea ha‘u ai akinautolu nae i he vaka, o hu kiate ia, o behe, Koe mooni koe Alo koe oe Otua.

Bea kuo ilo ia e he kakai oe botu koia, naa nau fanogonogo ki he botu kotoabe oe fonua koia, o omi kiate ia akinautolu kotoabe nae mahaki; O nau kole kiate ia ke nau ala be ki he kaba o hono kofu: bea nae fakamoui haohaoa akinautolu kotoabe nae ala ki ai.

Bea vakai, nae ha‘u ae fefine Kenani mei he botu koia, o tagi kiate ia, o behe, Aloofa mai kiate au, e Eiki, koe foha o Tevita; ko eku taahine oku mamahi lahi i he tevolo. Ka nae ikai jii te ne lea kiate ia. Bea ha‘u ene kau akoga, o kole kiate ia, o behe, Fekau ia ke alu; he oku ne tagi toubili mai kiate kitautolu. Ka nae lea ia, o beheage, Oku ikai fekau au ka ki he faga sibi he oe fale o Isileli. Bea toki ha‘u ia, o hu kiate ia, o behe, Eiki, tokoni‘i au. Ka nae lea ia, o beheage, Oku ikai lelei ke too ae ma ae fānau, bea li ki he faga kuli. Bea behe eia, Koe mooni, Eiki: ka oku kai e he faga kuli ae momo‘i mea kai oku gagana mei he keinagaaga a ho nau eiki. Bea toki lea a Jisu, o beheage kiate ia, E fefine, oku lahi hoo tui: ke hoko kiate koe o hage ko ho loto. Bea moui ene taahine i he feituulaa koia.

Bea ha‘u ae kakai toko lahi kiate ia, bea nau omi ae bibiki, moe kui, moe noa, moe lavea, moe toko lahi kehe, o tuku akinautolu ki he va‘e o Jisu; bea fakamoui eia akinautolu: Koia nae ofo lahi ai ae kakai, i he e nau mamata kuo fakalea ae noa, bea fakahaohaoa ae lavea, bea fakaeveeva ae bibiki, bea fakaa ae kui: bea nau fakamalo ki he Otua o Isileli.

Bea ui a Jisu ke aluage ene kau akoga kiate ia, o ne behe, Oku ou ofa mamahi ki he kakai, koeuhi oku aho tolu e nau iate au, bea oku ikai haa nau mea ke kai: bea e ikai teu faa fekau ke nau alu aukai be, telia naa nau bogia i he hala. Bea lea ene kau akoga kiate ia, Te tau ma‘u meife i he toafa ni ae ma lahi, ke fakamakona aki ae fuu kakai behe ni? Bea beheage e Jisu kiate kinautolu, Oku fiha hoo mou foi ma? Bea nau behe, Oku fitu, moe faga kihi‘i ika. Bea fekau eia ki he kakai ke nofo ki he kelekele. Bea too eia ae foi ma e fitu moe gaahi ika, bea fai ae fakafetai, bea tofitofi ia, o atu ki he ene kau akoga, bea tufaki e he kau akoga ki he kakai. Bea naa nau kai kotoabe, bea makona ai: bea nau tanaki ae toega kai bea fonu ai ae kato e fitu. Bea ko kinautolu nae kai, koe tagata e toko fa afe, kaeumaa ae kau fefine moe tamaiki.

Bea nae liliu ia i ho nau ao: bea ulo hono fofoga o hage koe laa, bea hinehina hono kofu o hage koe māma.

Bea kuo nau hoko atu ki he kakai, mo ene ha‘u kiate ia ha tagata, o tuulutui kiate ia, o ne behe, Eiki, aloofa ki hoku foha; he oku vale ia, bea mamahi lahi: bea oku faa to ki he afi, bea faa to ki he vai. Bea naaku omi ia ki hoo kau akoga, ka nae ikai te nau faa fakamoui ia. Bea lea a Jisu, o beheage, Ae toutagata taetui mo agakovi, e fefe hono fuoloa o eku iate kimoutolu? e fefe hono fuoloa o eku kataki‘i akimoutolu? omi ia ki heni kiate au. Bea nae valoki e Jisu ae tevolo; bea alu kitua ia iate ia: bea nae moui ae tamajii talu mei he feituulaa koia.

Bea toki ha‘u fakafufu be ae kau akoga kia Jisu, o behe, Koeha nae ikai ai te mau faa kabuji ia? Bea talaage e Jisu kiate kinautolu, Koe mea i hoo mou taetui: he oku ou tala mooni atu kiate kimoutolu, Kabau e ai hoo mou tui o hage koe foi tega‘i musita, te mou behe ki he mouga ni, Hiki i heni ki he botu na; bea e hiki ia: bea e ikai ha mea e taha e tae faa fai ekimoutolu.

Ka koeni telia naa tau fakaita kiate kinautolu, alu koe ki tahi, o taumatau, o too ae ika oku fuofua kai; bea i hoo faai hono gutu, te ke ilo i ai ae baaga: ke ke too ia, o atu kiate kinautolu koeuhi ko kitaua.

Ko eku tala mooni atu kiate kimoutolu, Koe mea koia te mou nonoo i mamani, e nonoo ia i he lagi: bea koe mea koia te mou veteki i mamani, e veteki ia i he lagi. Bea oku ou tala atu foki kiate kimoutolu, Kabau e loto taha ha mou toko ua i mamani i ha mea e taha te na kole, e fai ia kiate kinaua e he eku Tamai oku i he lagi. He koe botu koia oku fakataha ai ae toko ua be ae toko tolu i hoku huafa, teu i ai au mo kinautolu.

Bea vakai a Jisu, o ne behe kiate kinautolu, Oku ikai faa fai eni e he tagata; ka oku faa fai e he Otua ae mea kotoabe.

Bea vakai, nae nonofo ae ogo tagata kui i he vee hala, bea kuo na fanogo oku aluage a Jisu, naa na kalaga, o behe, E Eiki, Foha o Tevita, aloofa mai kiate kimaua. Bea lolomi akinaua e he kakai, ke na fakalogobe: ka nae ajili ai e na tagi, o behe, E Eiki, Foha o Tevita, aloofa mai kiate kimaua. Bea tuu mai a Jisu, o ui kiate kinaua, o behe, Koeha ho mo loto keu fai kiate kimoua? Bea na talaage kiate ia, Eiki, ke a ho ma mata. Bea aloofa a Jisu, o ne tuhu‘i ho na mata; bea a ai leva ho na mata, o na muimui iate ia.

Bea nae ha‘u kiate ia, i he fale lotu lahi, ae kui moe bibiki; bea ne fakamoui akinautolu.

Bea mamata ia ki he akau koe fiki i he hala, bea alu ia ki ai, ka nae ikai te ne ilo ai ha mea ka koe lau be, bea behe eia ki ai, Gata i heni, ke oua naa tubu ha fua iate koe o lauikuoga. Bea mate leva ae akau koe fiki. Bea kuo mamata ki ai ae kau akoga, bea nau ofo, o behe, Kuo mate vave ae akau koe fiki! Bea lea a Jisu, o beheage kiate kinautolu, Ko eku tala mooni atu kiate kimoutolu, Kabau oku mou ma‘u ae tui, bea oua naa fakataetaetui, e ikai te mou fai be aia kuo fai ki he akau koe fiki, ka oka mou ka tala ki he mouga ni foki, Ke hiki koe, mo li koe ki he tahi; e fai ia. Bea koe mea kotoabe aia te mou kole i he lotu, i he tui, te mou ma‘u.

Bea iloage, nae mofuike lahi: he nae alu hifo ae agelo ae Eiki mei he lagi, bea ne filifilihi ae maka mei he mataba, bea hekeheka ai.

Oku ikai i heni ia: he kuo toetuu, o hage ko ene lea. Mo omi, o mamata ki he botu nae tokoto ai ae Eiki. Bea mo o ke vave, o tala ki he ene kau akoga kuo toetuu ia mei he mate; bea vakai, oku alu muomua ia iate kimoutolu ki Kaleli: te mou mamata kiate ia i ai: vakai, kuou tala ia kiate kimoua.

Bea ha‘u a Jisu o lea kiate kinautolu, o behe, Kuo tuku kiate au ae malohi kotoabe i he lagi mo mamani.

Bea nae i ho nau fale lotu ae tagata nae iate ia ae laumalie uli: bea kalaga leva ia, O behe, E Jisu o Nasaleti, tuku ai be; koeha akimautolu kiate koe? kuo ke ha‘u ke fakaauha akimautolu? Oku ou ilo koe, koe Toko Taha Maonioni oe Otua. Bea lolomi ia e Jisu, o behe, Ke ke fakalogobe, bea ke ha‘u kitua iate ia. Bea kuo haehae ia e he laumalie uli, mo tagi aki ae le‘o lahi, bea ne toki mahui iate ia. Bea nae ofo ai akinautolu kotoabe, koia ne nau fakafefehuiaki ai iate kinautolu, o behe, Koeha ae mea ko eni? koeha ae akonaki foou ni? he oku fekau eia i he malohi ki he kau laumalie uli, bea oku nau talagofua kiate ia. Bea nae mafola leva a hono ogoogo i he botu kotoabe o Kaleli.

Bea kuo nau alu mei he fale lotu, naa nau hu, fakataha mo Jemesi mo Jone, ki he fale o Saimone mo Anitelu. Ka nae tokoto ae fa‘e ae unoho o Saimone oku mahaki koe mofi; bea nau fakaha leva ia kiate ia. Bea ha‘u ia o buke hono nima, o ne fokotuu ia: bea mahui leva ae mofi iate ia, o ne tauhi akinautolu.

Bea kuo efiafi, o feuga moe to ae laa, mo e nau omi kiate ia akinautolu kotoabe nae mahaki, mo kinautolu nae ulujino ai ae kau tevolo. Bea fakataha ae kolo kotoabe ki he mataba. Bea fakamoui eia ae toko lahi nae mahaki i he mahaki kehekehe, mo ne kabuji ae kau tevolo toko lahi: bea ne taofi ke oua e lea ae kau tevolo, koeuhi kuo nau ilo ia.

Bea nae alu o malaga eia i ho nau gaahi fale lotu i Kaleli kotoabe, mo ne kabuji ae kau tevolo.

Bea nae ha‘u kiate ia ae kilia, nae kole kiate ia, o tuulutui kiate ia, mo ne behe kiate ia, Kabau ko ho finagalo oku ke faa fakamaa au. Bea aloofa a Jisu, o mafao atu hono nima, o ala kiate ia, bea ne behe ki ai, Ko hoku loto ia; ke ke maa koe. Bea kuo lea ia, mo ene mahui leva ae kilia iate ia, bea maa ai ia. Bea ne nainai malohi kiate ia, bea toki fekau ke ne alu: O ne behe ki ai, Vakai oua naa ke lea ki ha taha: ka ke alu, o fakaha koe ki he taulaeiki, mo atu ae gaahi mea nae fekau e Mosese koeuhi ko hoo fakamaa, koe fakamooni kiate kinautolu. Ka nae alu atu ia, o ne kamata fakaha o lahi, mo fanogonogo ae mea ni, koia nae ikai ai ke toe faa alu fakaha a Jisu i he kolo, ka nae ituaa ia i he gaahi botu lala: bea naa nau ha‘u mei he botu kotoabe kiate ia.

Bea nae omi mo kinautolu kiate ia ae toko taha nae mahaki tete, aia nae fata e he toko fa. Bea i he ikai te nau faa hao o ofi kiate ia koeuhi koe kakai, naa nau tatala ae ato oe fale nae i ai ia: bea kuo hae‘i ia, naa nau tukutuku hifo ae mohega nae tokoto ai ae mahaki tete. Bea kuo mamata a Jisu ki he e nau tui, bea behe eia ki he mahaki tete, Foha, kuo fakamolemole hoo gaahi agahala. Ka nae nofo ai ae niihi oe kau tagata tohi, o nau fifili i ho nau loto, o behe, Koeha oku lea fie Otua behe ai ae tagata ni? kohai e faa fakamolemole ae agahala ka koe Otua be? Bea kuo ilo‘i leva e Jisu i hono loto oku behe e nau fifili i ho nau loto, bea behe eia kiate kinautolu, Koeha oku mou fifili ai i ho mou loto ki he gaahi mea ni? He oku faigofua aefe, ae lea aki ki he mahaki tete, Kuo fakamolemole hoo gaahi agahala; be koe lea, Tuu hake, o too ho mohega, mo ke alu? Ka koeuhi ke mou ilo oku i he Foha oe tagata ae malohi i mamani ke fakamolemole ae agahala, (bea behe eia ki he mahaki tete), Oku ou behe atu kiate koe, Tuu hake, o too ho mohega, mo ka alu ki ho fale. Bea tuu hake leva ia, o too ae mohega, bea ne alu kitua i he ao oki-nautolu kotoabe; koia ne nau ofo ai kotoabe, mo fakamalo ki he Otua, o nau behe, Kuo heeki te tau mamata i ha mea behe.

BEA toe hu ia ki he fale lotu; bea nae i ai ae tagata kuo mate hono nima. Bea naa nau lamaji ia, be te ne fakamoui ia i he aho sabate: ka nau fakakovi‘i ai ia. Bea behe eia ki he tagata nae nima mate, Tuu mai. Bea ne behe kiate kinautolu, Oku gofua ke fai lelei i he gaahi aho sabate, be koe fai kovi? ke fakamoui, be tamate‘i? Ka naa nau fakalagobe. Bea kuo vakai foli eia akinautolu kuo tubutamaki, he nae mamahi ia koeuhi koe fefeka o ho nau loto, bea ne behe ki he tagata, Mafao mai ho nima. Bea ne mafao atu ia: bea fakamoui hono nima o hage ko hono nima e taha.

He kuo ne fakamoui ae toko lahi; koia ne nau fakaefihia‘i ia, ka nau ala kiate ia, akinautolu nae mahaki. Bea moe kau laumalie uli, i he e nau mamata kiate ia, naa nau to ki lalo i hono ao, bea tagi, o behe, Koe Alo koe oe Otua. Bea ne fekau malohi kiate kinautolu, ke oua naa nau fakaha ia.

Bea ne tuutuuni ae toko hogofulu ma toko ua, ke nau iate ia, bea koeuhi ke ne fekau atu akinautolu ke malaga, Bea ke ma‘u ae malohi ke fakamoui ae gaahi mahaki, mo kabuji ae kau tevolo:

Bea nae tubu ae fuu matagi lahi, bea feohofi ae gaahi beau ki he vaka, bea goto ai. Bea naa ne i he taumuli oe vaka, o mohe ki he oluga: bea naa nau fafagu ia, o behe kiate ia, Eiki, oku ikai te ke tokaga‘i te tau mate? Bea tuu hake ia, o lolomi ae matagi, mo ne behe ki he tahi, Fiemalie, bea ke toka lelei. Bea nae malu ae matagi, o matuaki tofuki. Bea behe eia kiate kinautolu, Koeha oku mou manavajii behe ai? koeha oku ikai ai haa mou tui? Bea naa nau manavahe lahi aubito, mo nau febeheaki, Kohai ae tagata ni, ke talagofua behe ae matagi moe tahi kiate la?

Bea kuo ha‘u ia mei he vaka, bea fakafetaulaki leva kiate ia ae tagata mei he gaahi faitoka, bea nae iate ia ae laumalie uli, Bea nae nofo be ia i he gaahi faitoka; bea nae ikai ha tagata te ne faa ha‘i aki ia ae gaahi ukamea fihifihi: He koeuhi kuo liuga lahi hono ha‘i aki ae gaahi ukamea fakama‘u moe gaahi ukamea fihifihi, bea kuo ne motumotuhi ae gaahi ukamea fihifihi, bea motumotu moe gaahi ukamea faka-ma‘u: bea kuo ikai faa fakalalata ia e ha taha. Bea nae i he gaahi mouga ia moe gaahi faitoka mau ai be, i he bo moe aho, o ne tagi ai, mo ne tafatafa‘i aki ia ae gaahi maka. Ka i he ene mamata mei he mamao kia Jisu, naa ne lele o hu kiate ia. O tagi le‘o lahi, o ne behe, Koeha au kiate koe, Jisu, koe Alo oe fugani Otua maoluga? oku ou hu totoaki kiate koe i he Otua, ke oua naa ke fakamamahi‘i au. (He naa ne behe kiate ia, Ha‘u kitua mei he tagata, akoe koe laumalie uli.) Bea ne fehui kiate ia, Kohai ho higoa? Bea beheage eia, Ko Lijione hoku higoa; he oku mau toko lahi. Bea ne kole fakamatoato kiate ia ke oua naa ne kabuji akinautolu mei he fonua. Bea nae i ai, o ofi ki he gaahi mouga, ae faga buaka lahi nae fafaga. Bea kole e he kau laumalie kotoabe kiate ia, o behe, Fekau akimautolu ki he faga buaka, koeuhi ke mau hu ki ai. Bea tuku leva e Jisu ke nau fai ia. Bea alu atu ae kau laumalie uli, o hu ki he faga buaka: bea felele‘i o oho ae faga buaka i he botu tahifohifo ki tahi, (naa nau toko ua afe nai;) bea melemo i he tahi. Bea feholaki akinautolu nae tauhi ae faga buaka, o fakaha ki he kolo, bea moe tukuuta. Bea naa nau aluage ke mamata ki he mea kuo fai. Bea nau ha‘u kia Jisu, o mamata kiate ia nae ulujino ai ae laumalie uli, o ne ma‘u ae lijione, oku nofo ia, kuo kofu, bea boto hono loto: bea nau manavahe Bea ko kinautolu nae mamata ki ai, naa nau fakaha kiate kinautolu ae mea nae hoko kiate ia nae ulujino ai ae tevolo, bea moe mea ki he faga buaka. Bea nau kole leva kiate ia ke ne alu i ho nau fonua.

Bea koe fefine e toko taha, nae hogofulu ma ua ae ta‘u oe au toto iate ia, Bea kuo lahi ae mea kuo ne kataki i he kau faitoo toko lahi, bea kuo fakaoji eia a ene mea kotoabe, bea ikai fakaaau ki mua, kae ajili be hono mahaki. Kuo fanogo ia kia Jisu, bea ha‘u moe fonoga mei mui, o ala ki hono kofu: He kuo behe eia, Kabau teu ala be ki hono kofu, teu moui ai. Bea matuu fakafokifa be ae au a hono toto; bea ne ogo‘i i hono jino kuo fakamoui ia mei he mahaki koia. Bea kuo ilo loto e Jisu kuo alu atu iate ia ae malohi, bea ne tafoki ia ki he kakai, mo ne behe, Kohai nae ala ki hoku kofu? Bea beheage ene kau akoga kiate ia Oku ke vakai ki he toko lahi oku fakaefi koe, bea oku ke behe, Kohai kuo ala kiate au? Bea vakai foli eia ke mamata kiate ia kuo ne fai ae mea ni. Ka kuo ilo e he fefine aia kuo fai kiate ia, bea ha‘u ia, oku manavahe mo tetetete, o to ki lalo i hono ao, o ne tala kiate ia ae mooni kotoabe. Bea ne behe kiate ia, Ofefine, kuo fakamoui koe e hoo tui; alu i he fiemalie, bea ke moui mei hoo mahaki.

Kae lolotoga ene lea, moe ha‘u ae niihi mei he fale oe bule oe fale lotu, o nau behe, Kuo bekia ho ofefine: koeha oku ke kei fakafiu ai ae eiki? Bea kuo fanogo leva e Jisu ki he lea nae lea aki, bea behe eia ki he bule oe fale lotu, Oua te ke manavahe, ka ke tui be. Bea nae ikai tuku eia ke muimui ha toko taha kiate ia, ka ko Bita, mo Jemesi, mo Jone koe tokoua o Jemesi. Bea hoko ia ki he fale oe bule oe fale lotu, o mamata ki he maveuveu, mo kinautolu nae tagi mo tagilāulāu lahi. Bea kuo hu ia ki loto fale, mo ne behe kiate kinautolu, Koeha oku mou maveuveu, mo tagi ai? oku ikai mate ae taahine, ka oku mohe be. Ka naa nau kakata manuki kiate ia. Bea kuo fekau eia ke nau alu kotoabe kitua, bea ne ave ae tamai moe fa‘e ae taahine, mo kinautolu nae iate ia, bea nau hu ki he botu oku tokoto ai ae taahine. Bea ne buke ae nima oe taahine, mo ne behe kiate ia, Talita kiumi; aia ko hono uhiga, Taahine, oku ou behe kiate koe, Tuu hake. Bea tuu hake leva ae taahine, o eveeva; he kuo hogofulu ma ua hono ta‘u. Bea nae ofo ai akinautolu i he ofo lahi.

Bea hokojia ae aho sabate, bea kamata ako ia i he fale lotu; bea ofo ae toko lahi i he fanogo kiate ia, o nau behe, Kuo ma‘u meife e he tagata ni ae gaahi mea ni? bea koeha ae boto ko eni kuo tuku kiate ia, aia kuo fai ae e hono nima ae gaahi gaue lahi behe?

Bea nae ikai te ne mafai i ai ha gaue lahi, ka naa ne hilifaki hono nima ki he toko jii be nae mahaki, o ne fakamoui.

Bea ne ui ae toko hogofulu ma toko ua, o ne fua fekau ke nau o, o tautau toko ua, oea ne foaki kiate kinautolu ae malohi ki he kau laumalie uli;

Bea nau kabuji ae kau tevolo toko lahi, bea tākai aki ae lolo, mo fakamoui ae toko lahi nae mahaki.

Bea kuo tei oji ae aho, bea ha‘u ene kau akoga kiate ia, o behe, Koe botu lala eni, bea kuo teitei oji ae aho: Fekau ke nau o, koeuhi ke nau alu ki he tukuuta, moe gaahi botu kakai oku tuu takatakai, ke nau fakatau maa nautolu ae ma: he oku ikai haa nau mea ke kai. Bea lea eia, o behe kiate kinautolu, Mou atu ha mea ke nau kai. Bea nau behe kiate ia, Te mau o, o fakatau ma aki ae tenali e uageau, mo atu ke nau kai? Bea behe eia kiate kinautolu, Koe foi ma e fiha oku iate kimoutolu? alu o vakai. Bea kuo nau ilo, bea nau behe, Oku nima, moe ika e ua. Bea ne fekau kiate kinautolu ke nau bule ke nofo kotoabe ki lalo ki he mohuku mauiui, o tautau toko lahi. Bea naa nau nofo ki lalo o fakaotu, o tautau toko teau, mo tautau toko nimagofulu. Bea kuo too eia ae foi ma e nima moe ika e ua, bea haga hake ia ki he lagi, o ne tabuaki, mo ne tofitofi ae gaahi foi ma, o age ki he ene kau akoga ke tufaki kiate kinautolu; bea ne tufaki moe ika e ua kiate kinautolu kotoabe. Bea naa nau kai kotoabe, o makona. Bea nau ave ae kato e hogofulu ma ua kuo bito i he toega kai, moe ika. Bea ko kinautolu nae kai i he gaahi foi ma, koe tagata e toko nima afe nai.

Bea mamata ia oku nau ogojia i he tauaalo; he nae tokai ae matagi kiate kinautolu: bea kuo ofi hono fa oe leo oe bo, bea aluage ia kiate kinautolu, o ne haele i he fukahi tahi, bea hage ka mole be ia iate kinautolu. Ka i he e nau mamata oku haele ia i he fukahi vai, naa nau mahalo koe laumalie ia, o nau kalaga ai: He naa nau mamata kotoabe kiate ia, bea nau ilifia. Bea leaage leva ia kiate kinautolu, o ne behe, Mou fiemalie: he ko au; bea oua e manavahe. Bea alu hake ia kiate kinautolu ki vaka; bea malu leva ae matagi: bea fakatumutumu lahi fakamanavahe akinautolu o taefaalaua i ho nau loto, mo ofo ai.

Bea kuo nau ha‘u mei he vaka, bea ilo leva ia ekinautolu. Bea nau felele‘i i he botu fonua kotoa koia mo nau fata fano be i he gaahi mohega akinautolu nae mahaki, ki he botu naa nau fanogo oku i ai ia. Bea nae iloga haa ne alu ki he gaahi botu kakai, be ki he gaahi kolo, be ki he tukuuta, naa nau fakatokoto ae mahaki i he gaahi hala, bea nau kole kiate ia ke nau ala ki he kaba be o hono kofu: bea iloga akinautolu kotoabe nae ala ki ai, nae fakamoui akinautolu.

Bea tuu hake ia i ai, o alu ki he botu o Taia mo Saitoni, bea ne hu ki he fale, o ne loto ke oua naa ilo ia e ha taha: ka nae ikai faa fakabuli ia. He nae ogoa atu ia ki ha fefine nae ai ene taahine jii nae i ai ae laumalie uli, bea ha‘u ia, o tomabee i hono va‘e: Koe Kiliki ae fefine ni, mei he buleaga ko Sailofinisia: bea naa ne kole kiate ia, ke ne kabuji kitua ae tevolo i he ene taahine. Ka nae behe e Jisu kiate ia, Oua ke tomua makona ae fānau: he oku ikai gali ke too ae ma ae fānau, mo li ki he faga kuli. Bea leaage eia, o behe kiate ia, Koe mooni, Eiki: ka oku kai e he faga kuli, i he lalo keinagaaga, ae momo oe mea kai ae fānau. Bea behe eia kiate ia, Koeuhi koe lea ni ke ke alu; kuo alu kitua ae tevolo i hoo taahine. Bea kuo hoko ia ki hono fale, bea ne ilo kuo alu kitua ae tevolo, kae tokoto ene taahine i he mohega.

Bea nau omi kiate ia ha toko taha nae tuli, bea ikai ke faa lea; bea naa nau kole kiate ia ke ne hilifaki hono nima ki ai. Bea naa ne fakaafe ia mei he kakai, o ne ai hono tuhu ki hono teliga, bea aanu, mo ne ala ki hono elelo; Bea haga hake ia ki he lagi, e mafulu, mo ne behe kiate ia, Efata, koe behe ia, Ke ava. Bea nae ava leva hono teliga, bea vete ae noo o hono elelo, bea ne lea totonu. Bea ne fekau kiate kinautolu ke oua naa nau fakaha ki ha taha: ka i he ene fekau lahi kiate kinautolu, ne ajili ai o lahi e nau fanogonogo ia; Bea naa nau ofo o lahi aubito, o behe, Kuo ne fai ae gaahi mea kotoabe o lelei: oku ne gaohi ae tuli ke ogo, moe nao ke lea.

IHE gaahi aho koia nae fuu toko lahi aubito ae kakai, bea nae ikai haa nau mea ke kai, bea ui e Jisu a ene kau akoga, o ne behe kiate kinautolu, Oku ou ofa mamahi ki he kakai, koeuhi oku aho tolu e nau iate au, bea oku ikai haa nau mea ke kai: Bea kabau teu fekau ke nau alu fiekaia ki ho nau gaahi fale, te nau bogia i he hala: he ko ho nau niihi kuo ha‘u mei he mamao. Bea beheage ene kau akoga kiate ia, E ma‘u meife e ha taha ae ma ke fakamakona aki akinautolu ni i heni i he toafa? Bea fehui ia kiate kinautolu, Oku fiha hoo mou foi ma? Bea nau behe, Oku fitu. Bea fekau eia ki he kakai ke nau nofo ki lalo ki he kelekele; bea ne too ae foi ma e fitu, o ne fakafetai, mo tofitofi, bea age ki he ene kau akoga ke tufaki; bea naa nau tufaki ia i he ao oe kakai. Bea naa nau ma‘u moe gaahi ika iki: bea ne ne tabuaki, mo fekau ke tufaki foki ia. Bea naa nau kai, o makona: bea nau tanaki ae toega kai koe kato e fitu. Bea ko kinautolu nae kai, koe toko fa afe nai: bea nae fekau eia ke nau alu.

Bea ha‘u ia ki Betesaita: bea naa nau omi kiate ia ae tagata kui, o nau kole kiate ia ke ne ala ki ai. Bea buke eia ae nima oe tagata kui, o tataki ia kitua mei he botu kakai; bea kuo ne aanu ki hono mata, mo ai hono nima kiate ia, bea ne fehui kiate ia, be oku ne mamata ki ha mea. Bea haga hake ia, o ne behe, Oku ou mamata ki he kakai oku hage koe gaahi akau, oku eveeva. Bea hili ia, bea ne toe ai hono nima ki hono mata, bea fekau kiate ia ke ne haga hake: bea nae moui ia, o ne mamata totonu ki he kakai kotoabe.

Bea hili ae aho e ono, bea ave e Jisu a Bita, mo Jemesi, mo Jone, ko kinautolu be, o ne tataki akinautolu ki he mouga maoluga: bea nae liliu ia i ho nau ao. Bea fetabatabaki hono kofu, o matuaki hinehina o hage koe uha hinehina: bea e ikai ha tufuga fo tubenu i mamani e faa fakahinehina ke behe.

Bea lea ae toko taha i he kakai, o beheage kiate ia, Eiki, kuou omi kiate koe hoku foha, oku iate ia ae laumalie noa: Bea koe botu kotoabe oku ne buke ai ia, oku ne haaki ia; bea koa ia, mo fegaiitaki hono nifo, bea oku ne fakaaau o vaivai: bea neu lea ki hoo kau akoga ke nau kabuji ia; ka nae ikai te nau faa fai. Bea lea ia, o beheage kiate ia, Ae toutagata taetui! e fefe hono fuoloa oe tau nonofo? e fefe hono fuoloa o eku kataki akimoutolu? Omi ia kiate au. Bea nau omi ia kiate ia; bea kuo mamata ia ki ai, bea haaki leva ia e he laumalie; bea to ia ki he kelekele, mo mokofiji bea koa hono gutu. Bea fehui ia ki he ene tamai, Kuo fefe hono fuoloa talu ene hoko eni kiate ia? bea behe eia, Talu ene tamajii. Bea kuo liuga lahi ae li ia ki he afi, bea moe vai, ke tamatei‘i ia: bea kabau te ke faa fai ha mea, ke ke aloofa kiate kimautolu, o tokoni akimautolu. Bea beheage e Jisu kiate ia, Kabau oku ke faa tui, oku faa fai ae gaahi mea kotoabe kiate ia oku tui. Bea tagi loimata leva ae tamai ae tamajii, o ne behe, Eiki, oku ou tui ke ke tokoni‘i au telia eku taetui. Bea i he mamata a Jisu oku felele‘i mai ae kakai o fakataha, bea ne tautea ae laumalie uli, o ne behe kiate ia, Akoe, koe laumalie noa mo tuli, oku ou fekau kiate koe, ha‘u kitua iate ia, bea oua naa ke toe hu ki ai. Bea tagi ae laumalie, o ne haaki ia o lahi, bea ha‘u kitua: bea nae tatau ae tagata mo ha taha mate; koia ne behe ai e he toko lahi, Kuo mate ia. Ka nae buke ia e Jisu i hono nima, o fokotuu ia; bea ne tuu hake.

Bea vakai a Jisu kiate kinautolu, o ne behe, Oku ikai faa fai eni e he tagata, ka koe Otua be: he oku faa fai e he Otua ae mea kotoabe.

Bea naa nau ha‘u ki Jeliko: bea i he e nau o i Jeliko mo ene kau akoga, moe kakai toko lahi, nae nofo o kole i he vee hala motua ae kui ko Batimiusi, koe foha o Timiusi. Bea kuo fanogo ia ko Jisu o Nasaleti ia, nae kamata tagi kalaga ia, o behe, Jisu, Foha o Tevita, aloofa mai kiate au. Bea lolomi ia e he toko lahi ke fakalogobe: kae ajili ai aubito ene kalaga, Foha o Tevita, aloofa kiate au. Bea tuu a Jisu, o fekau ke ui kiate ia. Bea naa nau ui ae tagata kui, mo behe kiate ia, Ke ke fiemalie, tuu; oku ne ui koe. Bea jiaki eia hono kofu, kae tuu hake, o ha’u kia Jisu. Bea lea a Jisu, o ne behe kiate ia, Koeha ho loto keu fai kiate koe? Bea beheage e he tagata kui kiate ia, Eiki, ke a hoku mata. Bea behe e Jisu kiate ia, Alu; kuo fakamoui koe e hoo tui. Bea a leva ia, o ne muimui kia Jisu i he hala.

Bea lea a Jisu, o beheage kiate kinautolu, Mou ma’u ae tui ki he Otua. He oku ou tala mooni atu kiate kimoutolu, Ko ia ia te ne behe ki he mouga ni, Hiki koe, bea li koe ki he tahi; bea ikai fakataetaetui hono loto, ka oku ne tui e hoko ae gaahi mea oku ne lea aki, e hoko aia kotoabe oku ne lea ki ai. Koia oku ou behe ai kiate kimoutolu, Koe mea kotoabe oku mou holi ki ai, oka mou ka lotu, tui oku mou ma’u ia, bea te mou ma’u.

Bea behe eia kiate kinautolu, Oua te mou ilifia: Oku mou kumi a Jisu o Nasaleti, aia nae tutuki ki he akau: kuo tuu hake ia; oku ikai i heni ia: vakai ki he botu naa nau fakatokoto ai ia.

Bea koe gaahi fakailoga eni e hoko kiate kinautolu oku tui: Te nau kabuji ae kau tevolo i hoku huafa; te nau lea aki ae gaahi lea foou; Te nau too hake ae gaahi gata; bea kabau te nau inu ha mea fakamate, e ikai kovi ia kiate kinautolu; te nau hilifaki nima ki he mahaki, bea te nau moui.

Koia hili ae lea ae Eiki kiate kinautolu, nae ma‘u hake ia ki he lagi o nofo i he nima toomatau oe Otua.

Bea naa nau alu atu, o malaga i he botu kotoabe, bea nae gaue ae Eiki mo kinautolu, o ne fakamooni ae folofola aki ae gaahi fakailoga nae hoko. Emeni.

He oku ikai ha mea e faigataa ki he Otua.

Bea nae i he fale lotu ae tagata, nae iate ia ae laumalie oe tevolo uli, bea nae kalaga ia, o le‘o lahi, O behe, E Jisu o Nasaleti, tuku ai be; koeha akimautolu kiate koe? kuo ke ha‘u ke fakaauha akimautolu? oku ou ilo koe; koe Toko Taha Maonioni oe Otua. Bea lolomi ia e Jisu, o behe, Ke ke fakalogobe, bea ke ha‘u kitua iate ia. Bea kuo li ae tagata e he tevolo ki he haohaoga bea ha‘u ia kitua iate ia, bea nae ikai te ne fakamamahi kiate ia. Bea naa nau ofo lahi ai kotoabe, o nau febeheaki, Koeha ae akonaki ni! he oku ne fekau i he bule moe malohi ki he kau laumalie uli, bea oku nau ha‘u kitua. Bea nae mafola hono ogoogo ki he botu kotoabe oe fonua koia.

Bea nae tuu hake ia, mei he fale lotu, o hu ki he fale o Saimone. Bea koe fa‘e ae unoho o Saimone kuo bukea i he mofi lahi; bea naa nau kole kiate ia koeuhi ko ia. Bea naa ne tuu hake kiate ia, o taofi ae mofi, bea mahui ia: ka ka tuu leva ia, o tauhi akinautolu.

Bea kuo to ae laa, bea ko kinautolu kotoabe nae ai haa nau mahaki i he mahaki kehekehe, nae omi akinautolu kiate ia; bea ne hilifaki hono nima kiate kinautolu taki taha, o fakamoui akinautolu. Bea ha‘u kitua ae kau tevolo mei he toko lahi, o nau kalaga, o behe, Ko koe ae Kalaisi koe Alo oe Otua. Bea ne lolomi akinautolu ke oua e fakaha oku nau ilo ia koe Kalaisi.

Bea kuo hili ene lea, bea behe eia kia Saimone, Mau atu ki he loloto, bea aau ho mou gaahi kubega koeuhi kae fuji hake. Bea lea a Saimone, o beheage kiate a, Eiki, kuo mau gaue anebo o aho, ka nae ikai ma‘u ha mea: ka i hoo fekau teu aau ae kubega. Bea kuo nau fai ia, bea nau ma‘u ae gaahi ika o lahi aubito: bea kamata mahae ho nau kubega. Bea nau taalo ki he e nau kauga toutai ika i he vaka e taha, ke nau ha‘u o tokoni akinautolu. Bea naa nau omi, o fakabito ae vaka fakatouoji, bea na kamata galo hifo. Bea kuo mamata a Saimone Bita, bea fakatomabee ia ki he tui o Jisu, o ne behe, E Eiki, alu iate au; he koe tagata agahala au. He nae ofo ia, mo kinautolu kotoabe nae iate ia, i he gaahi ika kuo ma‘u:

Bea nae lolotoga ene i he kolo e taha, bea vakai, koe tagata kuo fonu i he kilia: bea ne mamata kia Jisu, mo to fakafoohifo, o kole kiate ia, o behe, Eiki, kabau ko ho loto oku ke faa fakamaa au. Bea mafao eia hono nima, o ala ki ai mo ne behe, Ko hoku loto: ke ke maa koe. Bea mahui leva iate ia ae kilia. Bea ne fekau ia ke oua naa tala ki ha taha: kae alu, o fakaha koe ki he taulaeiki, mo ke age koeuhi ko hoo fakamaa, o fakatatau mo ia nae fekau e Mosese, koe fakamooni kiate kinautolu. Ka nae ajili ai ae mafola a hono ogoogo: bea nae fakataha ae kakai toko lahi aubito ke fanogo, bea koeuhi ke ne fakamoui akinautolu i ho nau gaahi mahamahaki.

Bea behe, koe aho e taha, i he ene akonaki, nae nofo ai ae kau Falesi moe kau akonaki i he fono, kuo nau omi mei he botu kakai kotoabe o Kaleli, mo Jutea, mo Jelusalema: bea nae i ai ae malohi oe Eiki ke fakamoui akinautolu. Bea vakai, nae omi e he kau tagata ae tagata i hono mohega kuo bukea i he mahaki tete: bea naa nau feiga be fefe‘i hono lava mai ki loto, ke tuku i hono ao. Bea kuo ikai te nau ilo be fefe‘i hono lava mai ki loto, koeuhi koe kakai, naa nau o hake ia kitua fale, o tuku-tuku hifo ia i he ato i he mohega ki he haohaoga, i he ao o Jisu. Bea kuo mamata eia ki he e nau tui, bea ne behe kiate ia, Tagata, kuo fakamolemole kiate koe hoo gaahi agahala. Bea fakakaukau leva ae kau tagata tohi moe kau Falesi, o nau behe, Kohai eni oku ne lea fie Otua? Kohai te ne faa fakamolemole ae agahala, ka koe Otua be? Ka kuo ilo e Jisu e nau mahalo, bea lea ia, o beheage kiate kinautolu, Koeha oku mou femahaloaki ai i ho mou loto? He oku faigofua aefe, ke lea, Kuo fakamolemole kiate koe hoo gaahi agahala; be koe lea, Tuu hake o alu? Ka koeuhi ke mou ilo oku i he Foha oe tagata ae malohi i mamani ke fakamolemole ae agahala, (bea behe eia ki he mahaki tete,) Oku ou behe atu kiate koe, Tuu hake, o too ho mohega, bea ke ke alu ki ho fale. Bea nae tuu hake leva ia i ho nau ao, bea ne too mai aia nae tokoto ai, o alu ki hono fale, mo fakamalo ki he Otua. Bea nau ofo ai kotoabe, mo nau fakamalo ki he Otua, bea fonu i he manavahe, o nau behe, Kuo tau mamata i he aho ni ki he gaahi mea foou.

Bea i he hoko ki he sabate foki e taha, nae hu ia ki he fale lotu o ako ai: bea nae i ai ae tagata kuo mate hono nima toomatau. Bea lamaji ia e he kau tagata tohi moe kau Falesi, be te ne fakamoui ia i he aho sabate; koeuhi ke nau ilo ha mea ke talakovi‘i ai ia. Ka nae ilo eia e nau mahalo, bea ne behe ki he tagata nae nima mate, Tuu hake, o tuu mai ki loto. Bea nae tuu hake ia, o tuu i ai. Bea toki behe atu e Jisu kiate kinautolu, Teu fehui kiate kimoutolu ki he mea e taha; Koeha oku gofua ke fai i he aho sabate, koe lelei be koe kovi! koe fakamoui be koe tamate‘i? Bea nae vakai folia eia akinautolu kotoabe, bea behe eia ki he tagata, Mafao atu ho nima. Bea ne fai ia: bea moui hono nima o hage ko hono nima e taha.

Bea nae alu hifo ia mo kinautolu, o tuu i he botu tafagafaga, fakataha mo ene kau akoga, bea nae ha‘u ae kakai toko lahi aubito mei Jutea kotoabe mo Jelusalema, moe matātahi o Taia mo Saitoni, ke nau fanogo kiate ia, mo moui mei ho nau gaahi mahaki; Bea mo kinautolu nae mamahi i he kau laumalie uli: bea nae fakamoui akinautolu. Bea holi ae kakai kotoabe ke nau ala kiate ia: he nae alu iate ia ae malohi, o fakamoui kotoabe.

Bea nae mahaki, o mei mate ae tamaioeiki ae eiki tau e taha, aia nae ofa lahi ai ia. Bea kuo fanogo ia kia Jisu, bea ne fekau ae kau mātua i he kakai Jiu, ke fakakolekole kiate ia ke ne ha‘u o fakamoui a ene tamaioeiki. Bea kuo nau omi kia Jisu, bea nau kole fakamatoato kiate ia, o behe, Oku aoga ia te ke fai ki ai ae mea ni: He oku ofa ia ki ho tau kakai, bea ko ia ia ne laga ae fale lotu moo mautolu. Bea alu a Jisu mo kinautolu. Bea kuo hoko ia o vaofi moe fale, bea fekau e he eiki tau a hono kaiga, ke lea o behe kiate ia, Eiki, oua naa ke ogojiaage koe: he oku ikai teu aoga ke ke hu ki hoku fale: Bea nae ikai teu mahalo oku tāu mo au keu alu atu kiate koe: ka ke fai hao lea, bea e moui ai eku tamaioeiki. He ko au koe tagata buleia foki, ka oku ai ae kau tau oku ou bule‘i bea oku ou behe ki ha taha, Alu, bea alu ia; bea ki ha taha, Ha‘u, bea ha‘u ia; bea ki he eku tamaioeiki, Fai eni, bea oku ne fai ia. Bea ofo a Jisu kiate ia, i he ene fanogo ki he gaahi mea ni, bea tafoki ia, o ne behe ki he kakai nae muimui iate ia, Oku ou tala atu kiate kimoutolu, Naa mo Isileli, oku ikai teu ilo ai ha tui e behe ni hono lahi. Bea liu atu ki he fale akinautolu nae fekau, o nau ilo ae tamaioeiki nae mahaki kuo moui ia.

Bea kuo ofi ia ki he mataba oe kolo, bea vakai, nae fata mai kituaa ae tagata mate, koe tama be taha ia a ene fa‘e, bea koe fefine ia kuo mate hono unoho: bea nae iate ia ae kakai toko lahi oe kolo. Bea kuo mamata ki ai ae Eiki, bea manavaofa ia kiate ia, o ne behe ki ai, Oua e tagi. Bea ha‘u ia o ala ki he fata: bea tuu be ae kau fata. Bea behe eia, Talavou, oku ou behe kiate koe, Tuu hake. Bea nofo hake ia aia nae mate, o kamata lea. Bea ne atu ia ki he ene fa‘e. Bea bukea kotoabe i he manavahe: bea nau fakamalo ki he Otua, o behe, Kuo tuu hake ae balofita lahi iate kitautolu; bea, Kuo aahi ae Otua ki hono kakai. Bea nae mafola a hono ogoogo ni i Jutea kotoabe, bea moe botu fonua kotoabe koia.

Bea i he feituulaa koia naa ne fakamoui ai ae toko lahi mei he gaahi mahaki, moe gaahi mea fakamamahi, bea moe kau laumalie kovi; bea naa ne fakaa ae toko lahi nae kui. Bea toki lea a Jisu, o beheage kiate kinaua, Mo o, o fakaha kia Jone ae gaahi mea kuo mo mamata mo fanogo ki ai: kuo a ae kui, kuo eveeva ae bibiki, kuo maa ae kilia, kuo ogo ae tuli, kuo fokotuu ae mate, bea oku malaga aki ae ogoogolelei ki he majiva.

Bea moe kau fefine nae fakamoui mei he kau laumalie kovi, moe gaahi mahaki, ko Mele oku ui ko Makitaline, aia nae alu ai ae tevolo e toko fitu,

Bea behe, i he aho e taha, nae heka vaka ia mo ene kau akoga: bea behe eia kiate kinautolu, Ke tau o ki he kau vai e taha. Bea naa nau tuku atu. Ka i he e nau folau nae mohe ia: bea nae to hifo ki he tahi ae taufa lahi: bea gotofuu ae vaka, bea nau tuutama-ki ai. Bea naa nau ha‘u, o fafagu ia, mo nau behe, Eiki, eiki, kuo tau mate. Bea tuu hake ia, o lolomi ae matagi moe hou ae tahi; bea tuku ia, o to-fuki. Bea behe eia kiate kinautolu, Kofaa hoo mou tui? Ka nae manavahe mo ofo akinautolu, o nau febeheaki, Kohai nai ae tagata ni! he oku fekau eia ki he matagi moe tahi, bea oku talagofua ia kiate ia.

Bea i he ene alu ki uta, nae fakafetaulaki mai kiate ia ae tagata e toko taha mei he kolo, nae fuoloa ae ulujino iate ia ae kau tevolo, nae ikai ke vala, be nofo fale, ka i he gaahi faitoka. Bea mamata ia kia Jisu, bea kalaga, mo fakatomabee i hono ao, o tagi le‘o lahi, o behe, E Jisu, Alo oe fugani Otua maoluga, koeha au kiate koe? oku ou kole kiate koe, oua e fakamamahi‘i au. (He kuo fekau eia ki he laumalie uli ke ha‘u kitua mei he tagata. He kuo liuga lahi hono buke ia: bea nae ma‘u ia i hono ha‘ijia aki ae gaahi ukamea fihifihi moe gaahi ukamea fakamau; kae motuhi eia ae gaahi ha‘i, bea tuli ia e he tevolo ki he toafa.) Bea fehui a Jisu kiate ia, o behe, Kohai ho higoa? Bea behe eia, Ko Lijione: koeuhi kuo hu kiate ia ae kau tevolo toko lahi. Bea naa nau kole kiate ia, ke oua te ne fekau akinautolu ke nau alu atu ki he loloto. Bea nae ai ae faga buaka lahi nae fafaga i he mouga: bea naa nau kole kiate ia ke ne tuku ke nau hu ki ai. Bea ne tukuage ia. Bea alu atu leva ae kau tevolo i he tagata, o nau hu ki he faga buaka; bea felele‘i o oho ae faga buaka i he botu tahifohifo ki tahi, o melemo ai. Bea kuo mamata ae kau tauhi manu ki he mea kuo fai, bea nau feholaki, o alu o fakaha i he kolo moe tukuuta. Bea naa nau alu atu ke vakai be koeha kuo fai, o ha‘u kia Jisu, bea ilo ae tagata, aia kuo alu ai ae kau tevolo, oku nofo ia i he va‘e o Jisu, kuo kofu, bea boto hono loto: bea naa nau manavahe ai. Bea ko kinautolu foki nae mamata ki ai, naa nau tala kiate kinautolu ae gaue kuo moui ai ia, aia nae ulujino ai ae kau tevolo. Bea toki kole ae kakai kotoabe oe fonua oe kau Katala ke alu ia iate kinautolu; he kuo nau bukea i he ilifia lahi: bea heka ia ki vaka, o toe liu mai.

Bea koe fefine e toko taha nae iate ia ae au oe toto, i he ta‘u e hogofulu ma ua, bea kuo fakaoji eia a ene mea kotoabe ki he kau faitoo, ka nae ikai ke moui ia i ha taha, Nae ha‘u ia ki hono tua, o ala ki he kaba o hono kofu: bea matuu leva ae au o hono toto. Bea behe e Jisu, Kohai kuo ala kiate au? Bea kuo nau ikai kotoabe, bea behe e Bita mo kinautolu naa nau iate ia, Eiki, oku fakaefi mo kabui koe e he kakai, bea oku ke behe, Kohai kuo ala kiate au? Bea beheage e Jisu, Kuo ala ha taha kiate au: he oku ou ilo kuo alu ae malohi iate au. Bea kuo ilo e he fefine oku ikai lilo ia, bea ha‘u teteteke ia, o fakatomabee i hono ao, o ne fakaha kiate ia i he ao oe kakai kotoabe hono uhiga o ene ala kiate ia, bea mo ene moui ai leva. Bea behe eia kiate ia, Ofefine, ke ke fiemalie: kuo fakamoui koe e hoo tui; alu o fiemalie.

Bea nae lototoga ene lea, mo ene ha‘u ae toko taha mei he fale oe bule oe fale lotu, o ne behe kiate ia, Kuo bekia ho ofefine; oua naa fakafiu‘i ae Eiki. Ka kuo fanogo ki ai a Jisu, bea lea ia, o behe kiate ia, Oua te ke manavahe: ka ke tui be, bea e fakamoui ia. Bea kuo ha‘u ia ki he fale, nae ikai te ne tuku ke hu ki ai ha taha, ka ko Bita, mo Jemesi, mo Jone, bea moe tamai moe fa‘e ae taahine. Bea naa nau tagi mo tagilāulāu kotoabe koeuhi ko ia: ka naa ne behe, Oua e tagi; he oku ikai mate ia, ka oku mohe be. Ka naa nau kakata manuki kiate ia, ko e nau ilo kuo mate ia. Bea ne tuku akinautolu kotoabe kitua, bea buke hono nima, o ne ui, o behe, Taahine, tuu hake. Bea nae toe ha‘u a hono laumalie, bea tuu hake leva ia: bea ne fekau ke atu haa ne mea kai. Bea ofo ai a ene mātua: ka nae fekau eia kiate kinaua ke oua naa na fakaha ki ha taha aia kuo fai.

BEA nae toki ui ia ke fakataha ene kau akoga e toko hogofulu ma toko ua, bea ne tuku kiate kinautolu ae malohi moe bule ki he kau tevolo kotoabe, bea ke fakamoui ae gaahi mahaki. Bea ne fekau atu akinautolu ke malaga aki ae buleaga oe Otua, mo fakamoui ae mahaki.

Bea naa nau alu, o fonoga i he gaahi botu kakai, bea malaga aki ae ogoogolelei, mo nau fakamoui i he botu kotoabe.

Bea kuo ilo ia e he kakai, naa nau muimui kiate ia: bea ne ma‘u akinautolu, o ne lea kiate kinautolu, ki he buleaga oe Otua, bea nae fakamoui akinautolu aia nae aoga ke fakamoui.

Bea kuo tei oji ae aho, bea ha‘u ae toko hogofulu ma toko ua, o nau behe kiate ia, Fekau ke alu ae kakai, koeuhi ke nau o ki he gaahi botu kakai moe gaahi nofoaga kakai ofi mai, o mohe ai, bea ma‘u ai ae mea kai; he oku tau i heni koe botu lala. Ka nae behe eia kiate kinautolu, Mou atu ha mea kai kiate kinautolu. Bea naa nau beheage, Oku ikai haa tau mea ka koe foi ma e nima moe ika e ua, o kabau e ikai te mau o, o fakatau mea kai ma ae kakai ni kotoabe. He nae toko nima afe nai ae tagata. Bea behe eia ki he ene kau akoga, Bule ke nau nofo hifo o tautau toko nimagofulu. Bea naa nau fai ia, mo bule ke nau nofo hifo kotoabe. Bea too eia ae foi ma e nima moe ika e ua, bea haga hake ia ki he lagi, o ne tabuaki ia, mo tofitofi, o atu ki he kau akoga ke tufaki ki he kakai. Bea naa nau kai o makona ai kotoabe: bea nae tanaki ae toega kai nae toe kiate kinautolu, bea bito ai ae kato e hogofulu ma ua.

Bea i he ene lotu, nae fakafoou ae aga o hono fofoga, bea nae hinehina o gigila hono gaahi kofu.

Bea vakai, nae kalaga mai ae tagata i he kakai, o behe, E Eiki, oku ou kole kiate koe, ke ke vakai ki hoku foha: he ko eku tamajii toko taha be ia. Bea vakai, oku buke ia e he laumalie, bea fokifa oku tagi kalaga ia; bea oku ne hae‘i ke koa ai ia, bea oku ne haaki ia, bea alu ai i he tae fie alu. Bea neu kole ki hoo kau akoga ke kabuji ia; ka nae ikai te nau faa fai. Bea lea a Jisu, o beheage, Ae toutagata taetui mo agakovi, e fefe hono fuoloa oe tau nonofo, mo eku kataki akimoutolu? Omi ho foha ki heni. Bea i he ene ha‘u, nae haaki ia e he tevolo, mo hae‘i. Bea nae tautea e Jisu ae laumalie uli, mo fakamoui ae tamajii, o toe atu ia ki he ene tamai. Bea naa nau ofo kotoabe i he mafimafi lahi oe Otua. Ka i he e nau ofo kotoabe i he mea fulibe nae fai e Jisu, bea behe eia ki he ene kau akoga,

Bea koe kolo koia te mou hu ki ai, bea nau ma‘u akimoutolu, mou kai ae gaahi mea te nau omi kiate kimoutolu. Bea fakamoui ae mahaki i ai, bea mou behe kiate kinautolu, Kuo ofi ae buleaga oe Otua kiate kimoutolu.

Vakai, oku ou foaki ae malohi kiate kimoutolu ke malaki hifo ae gaahi gata, moe sikobio, bea moe malohi kotoabe oe fili: bea e ikai aubito ha mea e lavea ai akimoutolu. Kae oua naa fiefia i he mea ni, koeuhi kuo vaivai ae kau laumalie kiate kimoutolu; ka mou fiefia mua koeuhi kuo tohi ho mou higoa i he lagi.

Bea nae kabuji ae tevolo, aia nae noa. Bea i he ene alu kitua ae tevolo, nae lea ae noa; bea ofo ai ae kakai.

Bea nae ako ia i he fale lotu e taha i he aho sabate. Bea vakai, nae i ai ha fefine nae iate ia ae laumalie fakamahaki i he ta‘u e hogofulu ma valu, bea nae mabelu ia ki lalo, bea nae ikai aubito ke faa tuu hake ia. Bea i he mamata ki ai a Jisu, naa ne ui ia, mo ne behe kiate ia, Fefine, kuo veteki koe mei hoo mahaki. Bea ne hilifaki hono nima kiate ia; bea nae toki tuu totonu leva ia, mo fakamalo ki he Otua. Bea lea itaage ae bule oe fale lotu, koeuhi nae fakamoui e Jisu i he aho sabate, o ne behe ki he kakai, Oku ono ae aho oku totonu ke gaue ai ae kakai: koia mou ha‘u ai ke mou moui, kae oua i he aho sabate. Bea folofolaage ae Eiki, o beheage kiate ia, Koe malualoi koe! ikai oku mou taki taha vete ene bulu, be ko ene asi, mei hono tuuga, o tataki ia ke fakainu, i he aho sabate? Bea e ikai lelei ke vete i he aho sabate, mei he ha‘i ni, ae fefine ni, koe ofefine o Ebalahame aia kuo ha‘ijia e Setani, i he ta‘u e hogofulu na valu ui? Bea i he ene lea aki ae gaahi mea ni, nae ma hono gaahi fili kotoabe; kae fiefia ae kakai kotoabe, koeuhi koe gaahi mea ogoogolelei kotoabe kuo ne fai.

Bea behe eia kiate kinautolu, Mou, o, o tala ki he fokisi koia, Vakai, koe aho ni moe abogibogi oku ou kabuji ai ae kau tevolo, mo fai ae fakamoui, bea i hono aho tolu teu haohaoa.

Bea vakai, nae i hono ao ha tagata nae fulavai. Bea lea a Jisu ki he kau akonaki i he fono moe kau Falesi, o ne behe, Oku gofua ke fakamoui i he aho sabate? Bea nau fakalogo be. Bea ne omi o fakamoui ia, bea tukuage ke alu;

Bea behe e he kau abosetolo ki he Eiki, Fakalahi e mau tui. Bea behe e he Eiki, Ka ne mou ma‘u ae tui ke tatau moe foi tega‘i musita, te mou lea ki he akau koe sukamino ni, Ke mataaki fuu hake koe, bea to koe i he tahi; bea e talagofua ia kiate kimoutolu.

Bea i he ene hu ki he botu kakai e taha, nae fakafetaulaki kiate ia ae kau tagata kilia e toko hogofulu, bea nau tutuu mamao atu: Bea naa nau kalaga le‘o lahi, o behe, Jisu, Eiki, ke ke aloofa mai kiate kimautolu. Bea i he ene mamata, naa ne behe kiate kinautolu, Mou o, o fakaha akimoutolu ki he kau taulaeiki. Bea behe, i he e nau alu nae fakamaa akinautolu. Bea nae foki mai ho nau toko taha, i he ene mamata kuo fakamoui ia, o ne fakamalo aki ae le‘o lahi ki he Otua, O fakafoohifo ia ki hono va‘e, i he fakafetai kiate ia: ka koe Samelia ia. Bea lea a Jisu, o beheage, Ikai nae fakamaa ae toko hogofulu? ka kofaa ae toko hiva? Oku ikai iloa ke foki mai ha taha ke fakamalo ki he Otua, ka koe muli ni be. Bea ne behe kiate ia, Tuu hake, bea ke alu: kuo fakamoui koe e hoo tui.

Bea behe eia, Koe gaahi mea oku ikai mafai e he tagata, oku mafai ia e he Otua.

Bea behe, i he ene ofi atu ki Jeliko, nae nofo i he vee hala ae tagata kui o kole: Bea fanogo ia ki he aluage ae fonoga, bea fehui ia ki hono uhiga. Bea naa nau tala kiate ia, Ko Jisu o Nasaleti oku aluage. Bea kalaga ia, o behe, Jisu, Foha o Tevita, aloofa mai kiate au. Bea ko kinautolu nae muomua naa nau lolomi ia, ke tuku ene logoaa: ka nae ajili ai ene kalaga, Foha o Tevita, aloofa mai kiate au. Bea tuu a Jisu, o fekau ke omi ia kiate ia: bea kuo unu mai ia o ofi, bea ne fehuiage kiate ia, O behe, Koeha ho loto keu fai kiate koe? Bea behe eia, Eiki, ke a hoku mata. Bea behe e Jisu kiate ia, Ke a ho mata: kuo fakamoui koe e hoo tui. Bea a fakafokifa be ia, o muimui iate ia, bea fakamalo ki he Otua: bea i he mamata ki ai ae kakai kotoabe, naa nau fakamalo ki he Otua.

Bea nae ta‘i e ho nau toko taha ae tamaioeiki ae taulaeiki lahi, o ne motuhi hono teliga toomatau. Bea leaage a Jisu, o behe, Tukua, kuo lahi eni. Bea ne ala ki hono teliga, o fakamoui ia.

Oku ikai i heni ia, ka kuo tuu hake: mou fakamanatu ki he ene lea kiate kimoutolu, i he ene kei i Kaleli,

Bea i he toe jii ae uaine, bea behe e he fa‘e a Jisu kiate ia, Oku ikai haa nau uaine. Bea beheage e Jisu kiate ia, Fefine, koeha au kiate koe? oku heeki ai hokojia hoku aho. Bea behe e he ene fa‘e ki he kau tauhi, Koe mea kotoabe te ne fekau kiate kimoutolu, fai ai. Bea nae tuu i ai ae hina vai maka e ono, o fakatatau ki he aga oe fakamaa faka‐Jiu, koe bate e ua be tolu hono lahi. Bea behe e Jisu kiate kinautolu, Fakafonu ae gaahi hina vai i he vai. Bea naa nau fakabito gutugutu ia. Bea fekau eia kiate kinautolu, Fakatafe leva, o atu ki he bule oe katoaga. Bea naa nau atu ia. Bea kuo kamata e he bule oe katoaga ki he vai kuo liliu koe uaine, kae ikai ilo ia be koe mea meife: (ka nae ilo e he kau tauhi naa nau fakatafe ae vai;) bea ui ae bule oe katoaga ki he tagata taane, O ne behe ki ai, Oku tomua omi e he tagata kotoabe ae uaine lelei, bea ka lahilahiga lelei ae inu ae kakai, oku toki omi aia oku kovi: ka kuo ke tuku ae uaine lelei ki mui ni. Nae fai e Jisu ene fuofua mana ni i Kena i Kaleli, o ne fakaha ai hono nāunāu; bea nae tui ene kau akoga kiate ia.

Bea i he ene i Jelusalema i he katoaga oe Lakaatu nae tui ae toko lahi ki hono huafa lolotoga ae katoaga, i he e nau mamata ki he gaahi mana naa ne fai.

Bea nae ha‘u ia kia Jisu i he bouli, o ne behe, Labai, oku mau ilo koe akonaki koe kuo ha‘u mei he Otua: he oku ikai ha tagata oku faa fai ae gaahi mana ni oku ke fai, o kabau oku ikai iate ia ae Otua.

Bea nae toe ha‘u a Jisu ki Kena o Kaleli, naa ne liliu ai ae vai koe uaine. Bea nae i ai ae eiki nae mahaki hono foha i Kabaneume. Bea i he ene fanogo kuo ha‘u a Jisu mei Jutea ki Kaleli, ne ne alu ki ai, o ne fakakolekole kiate ia ke ne alu hifo, o fakamoui hono foha: he kuo ofi ene mate. Bea tala e Jisu, kiate ia, Kabau oku ikai te mou mamata ki he gaahi fakailoga, moe mea fakaofo, e ikai te mou tui. Bea talaage e he tagata eiki kiate ia, Eiki, ke ta o hifo, naa mate hoku foha. Bea behe e Jisu kiate ia, Alu koe; oku moui ho foha. Bea tui ae tagata ki he lea kuo lea aki e Jisu kiate ia, bea alu ia. Bea i he ene kei alu, nae fakafetaulaki mai kiate ia ene kau tamaioeiki, o nau tala kiate ia, o behe, Oku moui ho foha. Bea fehui ai ia kiate kinautolu ki he feituulaa nae kamata moui ai ia. Bea nau behe kiate ia, Aneafi i hono fitu oe feituulaa nae mahui ae mofi iate ia. Bea nae ilo e he tamai koe feituulaa be koia nae behe ai e Jisu kiate ia, Oku moui ho foha: bea nae tui ai ia, bea mo hono fale kotoabe.

Bea oku i Jelusalema, o ofi ki he mataba sibi, ae ano vai, oku ui i ihe lea faka‐Hebelu ko Beteseta, nae nima hono fale hala. Bea nae tatoka ai ae kakai mahaki toko lahi, koe kui, moe bibiki, moe mate, i he tatali ki he gau‘eue oe vai. He nae alu hifo ha agelo ki he ano i ha aho, o fakagau‘eue ae vai: bea ko ia e fuofua tuu ki he vai, hili hono fakagau‘eue, nae fakamoui ia mei hono mahaki kotoabe. Bea nae i ai ae tagata e taha nae moua e he mahaki i he ta‘u e tolugofulu ma valu. Ka kuo mamata a Jisu ki he ene tokoto, o ne ilo kuo fuoloa ene moua, nae fehui ia ki ai, Ko ho loto ke ke moui? Bea behe e he mahaki kiate ia, Eiki, oku ikai ha tagata, oka faka-gau‘eue ae vai, ke ne hiki au ki he ano: kae lolotoga eku alu, oku muomua hifo iate au ha taha kehe. Bea tala e Jisu kiate ia, Tuu hake, bea too ho mohega, o alu. Bea fakafokifa be kuo moui ae tagata, o ne too hono mohega, bea alu: bea koe aho koia koe sabate.

Bea muimui iate ia ae fuu kakai, koeuhi naa nau mamata ki he gaahi mana naa ne fai kiate kinautolu nae mahaki.

Bea haga hake e Jisu hono fofoga, o mamata ki he fuu toko lahi oku ha‘u kiate ia, bea lea ia kia Filibe, Te tau fakatau ae ma meife, ke kai ekinautolu ni? Bea naa ne lea aki eni koe ahiahi kiate ia: he naa ne ilo eia aia te ne fai. Bea talaage e Filibe kiate, ia, Koe ma ki he tenali e uageau, e ikai lahi kiate kinautolu, koeuhi ke nau taki taha ha koga jii. Bea ko ene akoga e toko taha, ko Anitelu, koe tokoua o Saimone Bita, nae behe eia kiate ia, Oku i heni ae tama, oku ne ma‘u ae foi ma baale e nima, moe ika jii e ua: ka koeha ia i he fuu toko lahi? Bea tala e Jisu, Bule ke nofo ki lalo ae kau tagata. Bea nae mohukuia ae botu. Bea nofo ki lalo ae kau tagata, naa nau toko nima afe nai. Bea nae too e Jisu ae ma; bea ne fakafetai, bea tufa ia ki he kau akoga, kae tufaki e he kau akoga kiate kinautolu nae nofo; bea tufaki moe ika ke oua ke nau fiu. Bea kuo makona akinautolu, bea tala eia ki he ene kau akoga, Tanaki nono toega, kae oua naa liaki ha mea. Koia naa nau tanaki ia, o fakafonu ae kato e hogofulu ma ua, i he toega ma baale e nima, ka kuo hili ae kai ae kakai. Bea i he mamata e he kau tagata koia ki he mana kuo fai e Jisu, naa nau behe, Ta koe mooni ko eni ae balofita nae beke e ha‘u ki mamani.

Bea hili e nau aalo i he maile e tolu moe toe, naa nau mamata kia Jisu oku eveeva i he tahi, mo unuunu mai ki he vaka: bea naa nau manavahe. Ka nae behe eia kiate kinautolu, Ko au be; oua e manavahe. Bea naa nau ma‘u loto fiefia ia ki he vaka; bea tau leva ae vaka ki he fonua naa nau folau ki ai.

Bea naa nau too hake ae gaahi maka, ke nau lijigi aki ia; ka nae fufu e Jisu ia, bea alu ia i ho nau lotolotoga mei he fale lotu lahi, bea hao ai.

BEA i he aluage a Jisu, ne mamata ia ki ha tagata nae fanau‘i koe kui. Bea fehui ene kau akoga kiate ia, o behe, Labai, kohai nae fai agahala, ae tagata ni, be ko ene mātua, nae fanau‘i kui ai ia? Bea talaage e Jisu, Nae ikai fai agahala ae tagata ni, be ko ene mātua: ka koe mea ke fakaha iate ia ae gaahi gaue ae Otua. Oku totonu keu fai ae gaahi gaue o ia naa ne fekau au, lolotoga ene kei aho: oku ha‘u ae bo, oku ikai faa gaue ai ha toko taha. I he eku kei i mamani, koe māma au o mamani. Hili ene lea behe, nae aanu ia ki he kelekele, o ne gaohi aki ae aanu ae umea, o ne bani aki ae umea ae mata oe tagata kui, O ne behe kiate ia, Alu, o kaukau i he ano vai ko Seiloami, (aia ko hono uhiga, Koe fekau.) Koia nae alu ai ia, o kaukau, bea ha‘u kuo a. Koia koe kaugaabi, bea mo kinautolu nae mamata mu‘a kiate ia i he ene kui, naa nau behe, Ikai ko eni ia nae nofo o kole?

Talu mei he kamataaga o mamani oku teeki fanogo nae ai ha tagata kuo fakaa ae mata o ha toko taha kuo fanau‘i kui. Ka ne ikai i he Otua ae tagata ni, e ikai faa fai eia ha mea.

Bea tala e Jisu, Mou too ae maka. Bea lea kiate ia a Maata, koe tuofefine o ia kuo mate, Eiki, kuo namu hāhā: he ko hono aho fa eni. Bea lea a Jisu kiate ia, Ikai naaku tala kiate koe, kabau te ke tui, te ke mamata ki he mafimafi oe Otua? Bea naa nau too ae maka mei he botu nae tuku ai ae mate. Bea haga hake ae fofoga o Jisu, o ne behe, E Tamai, oku ou fakafetai kiate koe, koeuhi kuo ke ogo‘i au. Bea oku ou ilo oku ke ogo‘i mau ai be au: ka koe mea i he kakai oku tutuu ni, koia kuou lea ai, koeuhi ke nau tui naa ke fekau au. Bea hili ene lea behe, bea lea le‘o lahi ia, Lasalosi, tuu mai. Bea nae tuu mai aia nae mate, kuo ha‘iha‘i hono nima moe va‘e aki ae kofu tanu: bea kuo nonoo aki hono mata ae holoholo. Bea talaage e Jisu kiate kinautolu, Vevete, o tukuage ia.

Bea fakataha e he kau taulaeiki lahi moe kau Falesi ae kau fakamāu, o nau behe, Koeha oku tau fai? he oku fai e he tagata ni ae gaahi mana lahi.

He kuo fai eia ae gaahi mana lahi i ho nau ao, ka nae ikai te nau tui kiate ia:

Tui mai kiate au oku ou i he Tamai, moe Tamai iate au: bea kabau e ikai, bea tui kiate au koeuhi koe gaahi gaue. Koe mooni, koe mooni, oku ou tala atu kiate kimoutolu, Ko ia oku tui kiate au, koe gaahi gaue oku ou fai e fai eia foki; bea te ne fai moia oku lahi hake; koeuhi ko eku alu ki he eku Tamai.

Bea koe mea kotoabe te mou kole i hoku huafa, teu fai ia, koeuhi ke fakaogoogolelei ae Tamai i he Alo. Koia kotoabe te mou kole i hoku huafa, teu fai.

Kabau oku mou nofo iate au, bea nofo eku gaahi lea iate kimoutolu, te mou kole aia te mou loto ki ai, bea e fai ia kiate kimoutolu.

Bea kuo efiafi i he aho koia, koe uluaki aho i he uike, kuo katoa ae kau akoga, bea tabuni ae gaahi mataba, i he e nau manavahe ki he kakai Jiu, moe ha a Jisu, o tuu i loto, o ne behe kiate kinautolu, Fiemalie be akimoutolu. Bea hili ene lea behe, nae fakaha eia kiate kinautolu hono nima mo hono vakavaka. Bea toki fiefia ae kau akoga, i he e nau mamata ki he Eiki.

Koia nae tala ai e he kau akoga niihi kiate ia, Kuo mau mamata ki he Eiki. Ka nae behe eia kiate kinautolu, Kabau e ikai teu mamata i hono nima ae mata‘i fa‘o, bea ai hoku tuhu ki he mata‘i fa‘o, mo velo hoku nima ki hono vakavaka, e ikai teu tui. Bea hili ae aho e valu, nae toe katoa ene kau akoga, bea nae iate kinautolu a Tomasi: bea tabuni ae gaahi mataba, moe ha‘u a Jisu, o tuu i loto, o ne behe, Fiemalie be akimoutolu. Bea toki behe eia kia Tomasi, Mafao mai ho tuhu, bea vakai mai ki hoku nima; bea tuku mai ho nima, o velo ia ki hoku vakavaka: bea oua naa ke taetui, kae tui. Bea leaage a Tomasi, o ne behe kiate ia, Ko hoku Eiki mo hoku Otua.

Bea nae fai mooni e Jisu moe gaahi fakailoga kehekehe i he ao o ene kau akoga, aia kuo ikai tohi i he tohi ni:

Bea lea a Saimone Bita kiate kinautolu, Teu alu o fai kubega. Bea nau behe kiate ia, Te tau o foki mo koe. Bea naa nau alu atu leva, o heka vaka; bea koe bo koia nae ikai te nau ma‘u ha mea. Bea bogibogi hake, oku tuu a Jisu i matā tahi: ka nae ikai ilo e he kau akoga ko Jisu ia. Bea lea a Jisu kiate kinautolu, Fānau, oku ai haa mou mea kai? Bea nau talaage kiate ia, Ikai. Bea tala eia kiate kinautolu, Aau ae kubega i he matau oe vaka. bea te mou ma‘u. Bea nau aau ai, bea ikai ai ke nau faa toho ia koeuhi koe lahi oe ika. Koia nae lea ai kia Bita ae akoga koia nae ofa ai a Jisu, Koe Eiki ia. Bea kuo fanogo leva a Saimone Bita koe Eiki, bea nonoo eia hono kofu fakatoutai, (he nae vete ia,) bea hobo ia ki tahi. Bea ha‘u hono toe oe kau akoga he vaka jii; (he nae ikai te nau mamao mei uta, ka koe haga e fageau nai,) o nau toho ae kubega moe ika. Bea i he e nau a‘u ki uta, naa nau mamata ki he afi kuo tafu, bea moe ika kuo tunu ai moe ma. Bea tala e Jisu kiate kinautolu, Omi ae ika kuo mou toki ma‘u ni. Bea alu a Saimone Bita, o toho ae kubega ki uta, oku fonu i he gaahi ika lalahi, koe teau ma nimagofulu moe ika e tolu: koe mea lahi aubito, ka nae ikai mahae ae kubega.

Bea tafoki ki mui a Bita, o mamata ki he akoga koia nae ofa ai a Jisu, oku muimui mai; aia foki nae faaki ki hono fatafata i he kai oe ohomohe, o ne behe ai, Eiki, kohai ia oku ne lavaki‘i koe? Bea mamata a Bita kiate ia, bea ne behe kia Jisu, Eiki, bea e fefe ae tagata ni? Bea talaage e Jisu kiate ia, Kabau ko hoku loto ke tatali ia ke oua keu ha‘u, koeha ia kiate koe? muimui koe iate au. Bea mafola ae tala ni ki he kaiga, e ikai mate ae akoga koia: ka nae ikai tala e Jisu kiate ia, E ikai mate ia; kae behe, Kabau oku ou loto ke tatali ia ke oua keu ha‘u, koeha ia kiate koe?

Bea oku ai moe gaahi mea kehekehe nae fai e Jisu, aia, ka ne tohi kotoabe, oku ou mahalo e meimei ikai hao i mamani ae gaahi tohi aia e tohi ai. Emeni.

Akinautolu naa ne fakaha ia ki ai kuo moui, i he hili ene mate, i he gaahi fakamooni ilogofua bea lahi, he naa nau mamata kiate ia i he aho e fagofulu, bea lea ia ki he gaahi mea oe buleaga oe Otua:

Ka te mou ma‘u ae malohi, oka hoko mai ae Laumalie Maonioni kiate kimoutolu: bea ko eku kau fakamooni akimoutolu i Jelusalema, mo Jutea kotoabe, mo Samelia, bea ki he gataaga o mamani. Bea hili ene gaahi folofola ni, lolotoga e nau jiofia ia, nae ave ia ki oluga; bea fakabuli ia e he ao meiate kinautolu.

Bea fakafokifa nae ai ae uulu mai mei he lagi, o hage ha tuoni matagi malohi aubito, bea fakabito aki ae fale kotoabe naa nau nofo ai. Bea nae ha mai kiate kinautolu ae gaahi elelo magamaga o hage koe afi, bea nofo ia iate kinautolu taki taha. Bea nae fakabito aki akinautolu kotoabe ae Laumalie Maonioni, bea naa nau kamata lea aki ae lea kehekehe, o fakatatau ki hono fakalea‘i akinautolu e he Laumalie. Bea nae aunofo i Jelusalema ae kakai Jiu faa lotu, mei he buleaga kotoabe i lalo lagi. Bea i he mafola ae ogoogo ni, nae fakakatoa ae kakai, bea nau bubutuu lahi, koeuhi nae fanogo ae tagata taki taha ki he e nau lea i he ene lea aana.

Oku behe e he Otua, E hoko i he gaahi aho amui, teu huai hifo hoku Laumalie ki he kakai kotoabe: bea e kikite e ho mou gaahi foha mo ho mou gaahi ofefine, bea e ha ae gaahi mea ki hoo mou kau talavou, bea e faa miji e hoo mou kau mātua: Bea i he gaahi aho koia, teu huai hifo hoku Laumalie ki he eku kau tamaioeiki mo eku kau kaunaga; bea te nau kikite; Bea teu fakaha ae gaahi mea fakaofo i oluga i he lagi, moe gaahi fakailoga ki lalo i mamani; koe toto, moe afi, moe ahu oe afi; Bea e liliu ae laa o bouli, bea moe mahina o toto, i he teeki hoko ae aho lahi bea fakamanavahe, oe Eiki:

Ae kau tagata Isileli, fanogo ki he gaahi lea ni; ko Jisu o Nasaleti, koe tagata mei he Otua, bea nae ogoogo iate kimoutolu i he gaahi mea mana, moe gaue fakaofo, moe fakailoga, aia nae fai e he Otua iate ia i ho mou ao, o hage koia oku mou ilo foki ki ai:

Bea nae to ki he kakai kotoabe ae manavahe: bea nae lahi ae mea fakaofo moe mea mana nae fai e he kau abosetolo.

Bea koe tagata e taha nae bibiki talu hono fanau‘i, nae fataage i he aho kotoabe, o tuku i he mataba oe fale lotu lahi aia nae ui koe Fakasanisani, ke kole kiate kinautolu nae hu ki he fale lotu lahi; Bea mamata ia kia Bita mo Jone oku fai ke na hu ki he fale lotu lahi, bea ne kole. Bea jio fakamama‘u a Bita mo Jone kiate ia, o na behe, Jio mai kiate kimaua. Bea tokaga atu ia kiate kinaua, o amanaki te na: ma‘u ha mea iate kinaua. Bea toki behe e Bita, Koe siliva moe koula oku ikai teu ma‘u; ka koia oku ou ma‘u teu foaki kiate koe: i he huafa o Jisu Kalaisi o Nasaleti tuu hake o alu. Bea naa ne buke ia i hono nima toomatau, o fokotuu hake ia: bea nae malohi leva hono va‘e mo hono tuga‘i va‘e. Bea hobo hake ia o tuu, mo eveeva, bea nau hu fakataha mo ia ki he fale lotu lahi, kuo eveeva, mo hobohobo, bea fakamalo ki he Otua. Bea nae mamata ae kakai kotoabe kiate ia, oku eveeva mo fakamalo ki he Otua; Bea naa nau ilo ko ia ia nae nofo o kole i he mataba Fakasanisani oe fale lotu lahi: bea nae matuaki ofo akinautolu mo fakatumutumu i he mea kuo fai kiate ia. Bea i he ene kei buke kia Bita mo Jone e he tagata bibiki kuo fakamoui, nae felele‘i ki ai ae kakai kotoabe, oku nau ofo lahi, ki he fale hala, oku fakahigoa kia Solomone.

Bea kuo mamata a Bita ki ai, bea behe eia ki he kakai, Ae kau tagata Isileli, koeha oku mou ofo ai i he mea ni? bea koeha oku mou jio fakamama‘u ai kiate kimaua, o hage kuo ma gaohi i haa ma malohi be maonioni amaua ke eveeva ae tagata ni?

Bea ko hono huafa, koe tui ki hono huafa, kuo ne fakamalohi ae tagata ni, aia oku mou mamata bea ilo‘i: io, koe tui kiate ia, kuo ma‘u ai e he tagata ni ae moui haohaoa ni i he ao omoutolu kotoabe.

Bea kuo nau mamata ki he taemāluia a Bita mo Jone, mo nau ilo koe ogo tagata meavale, bea taeboto, bea nau ofo; bea naa nau ilo kiate kinaua, naa na ia Jisu. Ka i he e nau vakai ki he tagata kuo fakamoui, oku nau tutuu fakataha mo kinaua, bea ikai te nau faa lea ki ai. Bea hili e nau fekau akinaua ke alu jii atu mei he fakamāuaga, naa nau alea iate kinautolu, O nau behe, Koeha ae mea te tau fai ki he ogo tagata ni? he kuo fai mooni ekinaua ae mana lahi, bea oku ilo ia ekinautolu kotoabe oku nofo i Jelusalema; bea oku ikai te tau faa fakaikai ki ai.

Bea ko eni, e Eiki, ke ke tokaga ki he e nau lea fakamana: bea ke tuku ki hoo kau tamaioeiki, ke nau lea malohi aki hoo folofola, I hoo mafao atu ho nima ke fakamoui; bea ke fai ae gaahi mana moe mea fakaofo i he huafa o ho Alo maonioni ko Jisu. Bea hili e nau lotu, nae galulululu ae botu naa nau fakataha ai; bea nae fakabito akinautolu kotoabe aki ae Laumalie Maonioni, o nau lea malohi aki ae folofola ae Otua.

KA koe tagata e toko taha ko Ananaia hono higoa, mo hono unoho ko Safaila, naa na fakatau ae abi, Bea nae taofi eia ae koga o hono totogi, bea ilo foki ia e hono unoho, kae omi be hono koga, o tuku i he va‘e oe kau abosetolo. Ka nae behe e Bita, Ananaia, koeha kuo fakabito ai ho loto e Setani, ke ke loi ki he Laumalie Maonioni, bea ke taofi ae koga i he totogi oe fonua? Nae kei tuku be, ikai nae oou be ia? bea ka kuo fakatau ia, ikai te ke faiteliha be ki ai? koeha kuo tubu ai ae mea ni i ho loto? oku ikai ko hoo loi ki he tagata, ka ki he Otua. Bea i he fanogo e Ananaia ki he lea ni, nae to ia ki lalo, o mate: bea nae hoko ae manavahe lahi kiate kinautolu kotoabe nae fanogo ki he gaahi mea ni. Bea nae tuu hake ae kau talavou, o fakakoloa ia, bea ave kituaa, o tanu. Bea hili nai ae feituulaa e tolu, bea ha‘u hono unoho, kae teeki ilo eia aia kuo fai. Bea behe e Bita kiate ia, Tala mai, be naa mo fakatau ae abi aki ae mea ni. Bea behe eia, Io, aia be. Bea behe ai e Bita kiate ia, Koeha kuo mo alea ai ke ahiahi‘i ae Laumalie oe Eiki? vakai, oku i he mataba ae va‘e o kinautolu kuo nau toki tanu ho unoho, bea te nau fata koe kituaa. Bea iloage, nae to ki lalo ia ki hono va‘e, bea mate: bea hu mai ae kau talavou, o ilo kuo mate ia, bea ave ia kituaa, o tanu ia mo hono unoho. Bea nae to ae manavahe lahi ki he jiaji kotoabe, bea mo kinautolu kotoabe nae fanogo ki he gaahi mea ni.

Bea nae fai e he nima oe kau abosetolo ae gaahi mana moe mea fakaofo lahi i he ao oe kakai; (bea naa nau fakataha kotoabe o loto taha i he fale hala o Solomone. Bea i hono toe nae ikai kau mo kinautolu ha toko taha, ko e nau manavahe: ka nae fakaabaaba ae kakai kiate kinautolu. Bea nae ului toko lahi ai ki he Eiki ae kakai tui, koe tagata moe fefine.) Koia naa nau fata ai ae gaahi mahaki ki he gaahi hala, o fakatokoto i he mohega moe tokotoaga, ke fakamalu ho nau niihi aki ae ata o Bita i he ene aluage. Bea nae ha‘u foki ae toko lahi mei he gaahi kolo oku ofi ki Jelusalema, ke fetuku mai ae kakai mahaki, mo kinautolu nae mamahi i he kau laumalie uli: bea nae fakamoui akinautolu kotoabe.

Ka nae too ae mataba oe fale fakabobula e ha agelo ae Eiki i he bo, bea ne omi kitua akinautolu, mo ne behe, Mou alu, o tuu i he fale lotu lahi, bea malaga ki he kakai aki ae lea kotoabe oe moui ni. Bea kuo nau fanogo ki ai, naa nau uhu hegihegi ki he fale lotu lahi, o ako. Ka nae ha‘u ae taulaeiki lahi, mo kinautolu nae iate ia, bea fakataha ae kau fakamāu, moe mātua kotoabe oe fānau a Isileli, bea nau fekau ke omi akinautolu mei he fale fakabobula. Ka i he hoko atu ae kau tagata fekau, o ikai ilo akinautolu i he fale fakabobula, naa nau liu mai, o fakaha, O behe, Koe mooni naa mau ilo ae fale fakabobula oku tabuni mau, bea tutuu itua ae kau leo i he gaahi mataba: ka i he e mau too ia, nae ikai te mau ilo i loto ha toko taha. Bea kuo fanogo ki he gaahi mea ni ae fugani taulaeiki moe bule oe fale lotu lahi moe kau taulaeiki lahi, naa nau fifili be fefe ai nai eni. Bea nae toki ha‘u ae toko taha, e ne fakaha kiate kinautolu, o behe, Vakai, koe kau tagata naa mou fakahu ki he fale fakabobula, oku nau tutuu i he fale lotu lahi, o ako ki he kakai.

Bea kuo bito a Setiveni i he tui moe malohi, nae fai eia ae mea fakaofo moe gaahi mana lahi, i he ao oe kakai.

Bea ko kinautolu kotoabe nae nofo i he fakamāu, naa nau jio fakamama‘u kiate ia, o nau vakai ki hono mata kuo hage koe mata o ha agelo.

Bea kuo hili ae ta‘u e fagofulu, bea ha mai kiate ia, i he toafa oe mouga ko Sainai, ha agelo ae Eiki, i he ulo afi i he ulu akau.

Bea ne omi akinautolu mei ai, kuo hili ene fai ae gaahi mana moe gaue fakaofo i he fonua ko Ijibite, moe Tahi Kulokula, bea moe toafa, i he ta‘u e fagofulu.

Bea nae tokaga o loto taha ae kakai ki he gaahi mea nae lea aki e Filibe, i he e nau fanogo mo mamata ki he gaahi mana naa ne fai. He nae ha‘u kitua ae kau laumalie uli mei he toko lahi naa nau ulujino ai, o nau tagi le‘o lahi: bea nae fakamoui ae toko lahi nae bukea i he mahaki tete, bea moe kau bibiki. Bea nae lahi ae fiefia i he kolo koia.

Bea toki tui foki mo Saimone: bea kuo babitaiso ia, bea nofo ia mo Filibe, o ofo i he ene mamata ki he gaahi mana moe mea fakaofo lahi naa ne fai.

Bea kuo na o hake mei he vai, bea ave a Filibe e he Laumalie oe Eiki, bea nae ikai toe mamata e he iunoke kiate ia: bea fonoga ia i hono hala kuo fiefia. Ka nae ilo a Filibe i Asota: bea fonoga atu ia, mo malaga i he gaahi kolo kotoabe, o fai ki Sesalia.

Bea i he ene fonoga, kuo ofi ki Tamasikusi: bea fakafokifa nae malama takatakai iate ia ae māma mei he lagi: Bea to ia ki he kelekele, o ne fanogo ki he le‘o nae behe mai kiate ia, E Saula, e Saula, koeha oku ke fakataga ai au? Bea ne behe, Eiki kohai koe? Bea behe mai e he Eiki, Ko au Jisu oku ke fakataga‘i: koe mea faigataa hoo akahi ae mea majila. Bea tetetete ia mo ofo lahi, o ne behe, Eiki, ko ho finagalo keu fai ae ha? Bea behe e he Eiki kiate ia, Tuu, o alu ki he kolo, bea e fakaha kiate koe aia oku totonu te ke fai. Bea nae tuu taefaalea ae kau tagata nae fonoga mo ia, o nau fanogo be ki he le‘o, kae ikai jio ki ha taha. Bea tuu hake a Saula mei he kelekele; bea i he a a hono mata, kuo ikai ilo eia ha mea: ka naa nau taki nima ia, o omi ki Tamasikusi. Bea nae kui ia i he aho e tolu, bea nae ikai ke kai be inu.

Bea nae alu a Ananaia, o hu ki he fale; bea ne hilifaki hono nima kiate ia, mo ne behe, E kaiga Saula, koe Eiki ko Jisu, aia nae ha mai kiate koe i he hala naa ke ha‘u ai, kuo ne fekau au koeuhi ke a ho mata, bea ke fakabito aki koe ae Laumalie Maonioni. Bea fetoki fakafokifa mei hono mata ae mea o hage koe uno‘i ika: bea a leva ia, bea tuu, o babitaiso.

Bea naa ne ilo i ai ha tagata ko Enia hono higoa, bea kuo valu ta‘u ene tokoto i hono mohega, bea nae moua ia i he mahaki tete. Bea behe e Bita kiate ia, Enia, oku fakamoui koe e Jisu Kalaisi: tuu, o takai ho mohega. Bea tuu leva ia. Bea nae mamata kiate ia bea tafoki ki he Eiki akinautolu kotoabe nae nofo i Lita mo Seloni.

Bea koeni, nae tuia hono mahaki i he gaahi aho koia, bea bekia: bea kuo nau tatafi ia, naa nau fakatokoto ia i he botu fale i oluga. Bea nae vaofi a Lita mo Joba, bea i he fanogo ae kau akoga oku i ai a Bita, naa nau fekau ae ogo tagata, o kole kiate ia ke oua naa tuai ene ha‘u kiate kinautolu. Bea tuu a Bita, o alu mo kinaua. Bea kuo hoko atu ia, naa nau omi ia ki he botu fale i louga: bea nae tutuu mo tagi o ofi kiate ia ae kau fefine kotoabe kuo mate ho nau unoho, o nau fakaha ae gaahi kofu tua moe kofu kehekehe nae gaohi e Toakasi, i he ene kei iate kinautolu. Ka kuo tuku atu e Bita akinautolu kotoabe kitua, bea tuulutui ia, o lotu; bea haga ia ki he jino mo ne behe, Tabaita, tuu hake. Bea ne a hake hono mata: bea i he ene mamata kia Bita, naa ne nofo hake. Bea ne mafao hono nima kiate ia, o fokotuu hake ia, bea kuo ne ui ae kau lotu moe kau fefine kuo mate ho nau unoho, naa ne atu ia kuo moui. Bea nae ogoogoa ia i Joba kotoabe; bea tui ae toko lahi ki he Eiki.

Koeuhi koe fakanofo e he Otua a Jisu o Nasaleti aki ae Laumalie Maonioni moe malohi: aia nae faa fealuaki o fai lelei, mo ne fakamoui akinautolu kotoabe nae fakamalohi‘i e he tevolo; he nae iate ia ae Otua.

Bea kuo ne buke ia, bea ne fakahu ki he fale fakabobula, o tuku ki he vahega tau e fa, nae taki toko fa, ke nau leohi ia; o ne tokaga ke omi ia kituaa ki he kakai oka hili ae katoaga oe Lakaatu. Koia nae moua be a Bita i he fale fakabobula: ka nae hufia fakamatoato ia e he jiaji ki he Otua. Bea i he tokaga a Helota ke omi ia kituaa, nae mohe a Bita i he bo koia i he vahaa oe ogo tagata tau, nae ha‘i aki ae ukamea fihifihi e ua: bea i he mataba ae kau leo, o leohi ae fale fakabobula. Bea vakai, kuo iate ia ha agelo ae Eiki, bea malama i he fale fakabobula ae māma: bea ne ta‘i a Bita i he vakavaka, mo ne fokotuu ia, o behe, Tui ke vave. Bea nae homo ae ukamea fihifihi i hono nima. Bea behe e he agelo kiate ia, Nonoo ho kofu, bea fakamau mo ho tobuva‘e. Bea ne fai ia. Bea ne behe kiate ia, Ai ho kofu, bea ke muimui kiate au. Bea naa ne alu kituaa, o muimui iate ia; bea nae ikai te ne ilo be koe mooni aia kuo fai e he agelo; ka nae mahalo eia koe mea ha mai oku ne mamata ai. Bea kuo na tuku ki mui ae uluaki kau leo mo hono ua, bea na hoko ki he mataba ukamea, oku alu atu ai ki he kolo; bea matoo ia, iate ia be, kiate kinaua: bea naa na o kituaa, o na fonoga i he hala e taha; bea fakafokifa be kuo mole iate ia ae agelo. Bea kuo matala ae loto o Bita, bea behe eia, Oku ou toki ilo bau ni, kuo fekau mai e he Eiki ene agelo, bea kuo ne fakamoui au mei he nima o Helota, moe amanaki kotoabe ae kakai Jiu.

Ka nae fakataga akinaua e he fie mana ko Elima, (he ko hono uhiga ia o hono higoa,) o ne ahiahi ke taofi ae bule ke oua naa tui ia. Bea nae fonu a Saula, (aia foki ko Baula,) i he Laumalie Maonioni, bea ne jio fakamama‘u kiate ia, Mo ne behe, Akoe, oku ke fonu i he kākā kotoabe moe bauu kotoabe, koe foha oe tevolo, koe fili oe maonioni kotoabe, e ikai te ke tuku hoo fakakovi‘i ae gaahi hala totonu oe Eiki? Bea koeni, vakai, kuo iate koe ae nima oe Eiki, bea te ke kui, bea e ikai te ke mamata ki he laa o fuoloa. Bea to leva kiate ia ae nenefu moe fakabouli; bea ne tautaufa o kumi ha taha ke ne tataki ia i hono nima. Bea kuo mamata e he bule ki he mea kuo fai, bea tui ia, he kuo ofo i he akonaki ae Eiki.

Ka nae nofo fuoloa ai akinaua, o na lea malohi i he Eiki, bea nae fakamooni eia ki he folofola o ene aloofa, o ne tuku ke fai e ho na nima ae gaahi mana moe mea fakaofo.

Bea nae nofo i Lisita ae tagata e taha, nae vee mate, koe bibiki ia mei he manāva o ene fa‘e, kuo teeki aubito ke eveeva: Bea nae fanogo ia ki he lea a Baula: aia nae jio fakamama‘u kiate ia, bea ne ilo kuo ma‘u eia ae tui ke moui ai, Bea ne lea aki ae le‘o lahi, Tuu totonu hake i ho va‘e. Bea nae hobohobo ia, o eveeva.

Bea nae toki fakalogo ae fakataha kotoabe, ke fakafanogo ki he fakamatala a Banebasa mo Baula, ae gaahi mana moe mea fakaofo kuo fai e he Otua iate kinaua ki he gaahi Jenitaile.

Bea i he tuuabo malie, nae lotu mo hiva fakafetai ki he Otua a Baula mo Sailosi, bea nae fanogo ae kau bobula kiate kinaua. Bea fakafokifa nae ai ae mofuike lahi, aia nae gau‘eue ai ae tuuga oe fale fakabobula: bea nae ava leva ae mataba kotoabe, bea movete ae ha‘i o nautolu taki taha kotoabe. Bea i he a ae leo oe fale fakabobula mei he ene mohe, bea ne mamata kuo ava ae mataba oe fale fakabobula, naa ne unuhi ae heleta ke tamate‘i aki ia, he naa ne mahalo kuo feholaki ae kau bobula.

Bea nae fai e he Otua ae gaahi mana fakaofo i he nima o Baula: He nae ave mei hono jino ae gaahi holoholo moe noo, ki he kakai mahaki, bea nae mahui ae mahaki iate kinautolu, bea alu iate kinautolu ae kau laumalie kovi.

Bea nae heka i he kātuba ae talavou e toko taha, ko hono higoa ko Utiko, bea nae mohe mau ia: bea i he malaga fuoloa a Baula, nae higa hifo ia i he mohe, bea to ki lalo mei hono tolu oe fata oe fale, bea hiki hake ia kuo mate. Bea nae alu hifo a Baula, o foohifo iate ia, mo faufua, mo ne behe, Oua te mou mamahi; he oku iate ia a ene moui. Bea kuo alu hake ia o tofitofi ae ma, mo kai, bea nau talanoa o fuoloa, o a‘u ki he maa ae aho, bea toki alu ia. Bea naa nau omi ae talavou kuo moui, bea nae lahi e nau fiemalie.

Bea i he okooko e Baula ae u bobohago, o ne tuku ia ki he afi, nae ha‘u mei he mafana ae gata fekai, o biki i hono nima. Bea kuo mamata ae kakai muli ki he manu oku tāube i hono nima, ne nau febeheaki iate kinautolu, Koe mooni koe fakabo ae tagata ni, bea kuo hao ia mei he tahi, ka oku ikai tuku ia e he houhau ke ne moui. Bea tube‘i eia ae manu ki he afi, bea nae ikai ogo‘i eia ha kovi. Ka naa nau amanaki ki he ene bubula, be to hifo o mate fakafokifa be: bea kuo nau jiojio o fuoloa, kae ikai mamata ki ha kovi kuo hoko kiate iā, bea liliu ho nau loto, o nau behe, Ta koe otua ia.

Bea nae tuu i he botu koia ae abi oe eiki oe motu, ko hono higoa ko Bubilio; bea nae ofa mai ia kiate kimautolu, o mau nofo i hono abi i he aho e tolu. Bea behe, nae tokoto ae tamai a Bubilio oku mahaki, koe mofi moe hana toto; bea kuo hu atu a Baula ki ai, o lotu, bea ne ala atu hono nima kiate ia, o fakamoui ia. Bea kuo fai ia, bea ha‘u foki moe niihi oe motu nae moua i he gaahi mahaki, bea fakamoui:

Koia, oku mei he fanogo ae tui, moe fanogo mei he folofola ae Otua.

I he gaahi mana lahi mo fakaofo, i he malohi oe Laumalie oe Otua; bea kuo aoga eku malaga aki ae ogoogolelei a Kalaisi, o fai mei Jelusalema, o fakatakamilo o a‘u ki Ililekomi.

He oku tagi e he kakai Jiu ki ha mea fakaofo, bea oku kumi e he kakai Kiliki ki he boto: Ka oku mau malaga aki a Kalaisi nae tutuki ki he akau, koe tūkiaaga ki he kakai Jiu, bea ki he kakai Kiliki koe vale; Ka koe malohi oe Otua moe boto oe Otua a Kalaisi, kiate kinautolu kuo ui, i he kakai Jiu moe kakai Kiliki.

Oku fakaha e Baula ki he ene malaga, 1 kuo ikai be i he boto oe lea, be i he boto oe tagata: 4, 5 ka oku i he malohi oe Otua: 6 bea oku maoluga hake aubito i he boto fakamama moe ilo ae tagata. 14 koia oku ikai faa ilo‘i ia e he kakai fakakakano. BEA ko au, e kaiga, i he eku alu atu kiate kimoutolu, nae ikai teu alu atu i he malie oe lea, be i he boto, ke fakaha kiate kimoutolu ae fakamooni ae Otua. He nae mau hoku loto, e ikai teu ilo ha mea e taha iate kimoutolu, ka ko Jisu Kalaisi, mo hono tutuki ki he akau. Bea naaku iate kimoutolu i he vaivai, moe manavahe, bea i he tetetete lahi. Bea ko eku lea mo eku malaga, nae ikai i he gaahi lea fakaoloolo oe boto oe tagata, kae i he fakamooni oe Laumalie moe malohi: Koeuhi ke oua naa tuu i he boto oe tagata hoo mou tui, ka i he malohi oe Otua.

Ka kuo foaki ae fakaha oe Laumalie ki he tagata taki taha kotoabe ke feaogaaki. He kuo foaki ki he toko taha i he Laumalie ae lea oe boto; ki he toko taha ae lea oe ilo i he Laumalie koia; Ki he toko taha ae tui i he Laumalie koia; ki he toko taha ae foaki oe fakamoui i he Laumalie koia; Ki he toko taha ae fai oe gaahi mana; ki he toko taha ae kikite; ki he toko taha ae ilo ki he gaahi laumalie; ki he toko taha ae lea kehekehe; ki he toko taha hono fakamatala oe gaahi lea: Ka oku laga‘i eni kotoabe e he Laumalie be taha koia, o vahevahe taki taha ki he tagata kotoabe ko ene faiteliha be.

Bea kuo tuutuuni e he Otua ae niihi i he jiaji, koe uluaki koe kau abosetolo, ko hono ua koe kau balofita, ko hono tolu koe kau akonaki, hoko mo ia ae kau fai mea mana, hoko moe gaahi foaki oe fakamoui, moe kau tokoni, moe kau eginaki, mo kinautolu oku ilo ae lea kehekehe. He koe abosetolo kotoabe? he koe balofita kotoabe? he koe akonaki kotoabe? he koe kau fai mea mana kotoabe? Oku ma‘u kotoabe ae gaahi foaki oe fakamoui? oku lea kotoabe aki ae gaahi lea kehekehe? oku fakamatala lea kotoabe? Ke mou holi lahi ki he gaahi foaki fugani lelei. Bea oku ou toe fakaha kiate kimoutolu ae hala oku lelei lahi.

KA ne ko eku lea aki ae elelo oe kau tagata moe kau agelo, ka oku ikai teu ma‘u ae ofa, kuou tatau moe ukamea bakihi moe simibale tatagi. Bea kabau teu faa kikite, beau ilo ae gaahi mea fakalilolilo kotoabe, moe ilo kotoabe; bea kabau teu ma‘u ae tui kotoabe, teu faa hiki ai ae gaahi mouga, bea ikai teu ma‘u moe ofa, koe mea noabe au.

TULI ki he ofa, bea holi ki he gaahi foaki fakalaumalie, kae lahi be ke mou kikite. He ko ia oku lea i he lea taeilo, oku ikai lea ia ki he tagata, ka ki he Otua: he oku ikai ilo ia e ha taha; ha oku lea aki eia ae gaahi mea fufu i he laumalie. Ka ko ia oku kikite, oku lea ia ki he kakai ke laga hake, mo eginaki, mo fakafiemalie. Ko ia oku lea i he lea taeiloa, oku ne laga hake eia ia; ka ko ia oku kikite, oku ne laga hake ae jiaji. Amujiaage eau oku mou lea kotoabe i he lea kehekehe, kae lahi be ke mou kikite: he oku lahi hake aia oku kikite iate ia oku lea i he lea kehekehe, o kabau oku ikai ke ne fakamatala, koeuhi ke ma‘u ai e he jiaji ae laga hake. Bea koeni, e kaiga, kabau teu alu atu kiate kimoutolu oku ou lea i he lea kehekehe, koeha eku aoga kiate kimoutolu, o kabau e ikai teu lea kiate kimoutolu i he fakaha, be i he ilo, be i he kikite, be i he akonaki?

Koia koe gaahi lea kehekehe koe fakailoga, ka oku ikai kiate kinautolu oku tui, ka kiate kinautolu oku taetui: ka koe kikite oku ikai ma a nautolu oku taetui, ka kiate kinautolu oku tui. Koia kabau kuo katoa ae jiaji ki he botu be taha, bea lea kotoabe aki ae gaahi lea kehekehe, bea hu ki ai ha niihi oku taeboto, be taetui, ikai te nau lau kuo mou faha? Bea kabau oku kikite kotoabe, bea hu ki ai ha taha oku taetui, be ha taeboto, kuo takitala‘i kotoabe ia, kuo fakamāu kotoabe ia: Bea behe be hono fakaha oe gaahi mea fufu a hono loto; bea to fakafoohifo ia ki hono mata, bea hu ki he Otua, o fakaha koe mooni oku iate kinautolu ae Otua.

Koia, e kaiga, mou holi ke mou kikite, bea oua naa taofi ae lea aki ae lea kehekehe.

Koe mooni koe gaahi fakailoga oe abosetolo nae fai iate kimoutolu, i he faa kataki kotoabe, moe gaahi fakailoga, moe gaahi mana, moe gaahi gaue malohi.

Bea koeni, ke iate ia aia oku mafai ke fai lahi hake aubito aubito i he mea kotoabe te tau kolea be mahalo ki ai, o fakatatau ki he malohi aia oku gaue iate kitautolu

Nae fakamooni foki e he Otua, aki ae gaahi fakailoga, moe gaahi mea fakaofo, moe gaahi mana kehekehe, bea moe gaahi foaki oe Laumalie Maonioni, o fakatatau ki hono finagalo oona.

Hono uhiga oe tui. 6 Ka ikai ae tui, bea ikai aubito ie tau faa fakafiemalie ki he Otua. 7 Koe fua lelei oe tui i he kau mātua i mu‘a. Ko eni, koe tui koe tuuga ia oe gaahi mea oku amanaki lelei ki ai, koe fakamooni oe gaahi mea tae ha mai.

Ka i he taema‘u ae tui oku ikai mafai hono fakafiemalie‘i: he ko ia oku ha‘u ki he Otua, oku totonu ke ne tui oku ai ia, bea oku ne totogi kiate kinautolu oku kumi lahi kiate ia.

Ka e lelei ene kole i he tui, o taefa-kataetaetui. He ko ia oku fakataetae-tui oku hage ia koe beau oe tahi oku fakateka mo feliliaki e he matagi.

Oku ai ha taha iate kimoutolu oku mahaki? ke tala ia ki he kau mātua oe jiaji; bea ke nau lotua ia, o tākai aki ia ae lolo i he huafa oe Eiki: Bea koe lotu i he tui, e fakamoui eia ae mahaki, bea e fokotuu ia e he Eiki; bea kabau nae fai eia ha agahala, e fakamolemolea ia. Ke fetoutou feveteaki hoo mou gaahi agahala kiate kimoutolu, bea felotuaaki akimoutolu, ke mou moui. Koe lotu fakamatoato oe tagata maonioni oku aoga lahi.

Ko Ilaija, koe tagata ia nae aga tatau mo kitautolu, bea nae lotu fakamatoato ia, ke oua naa uha: bea nae ikai to ha uha ki he kelekele i he ta‘u e tolu moe mahina e ono. Bea toe lotu ia, bea nae tuku mai e he lagi ae uha, bea tubu ai mei he kelekele a hono fua.

Bea neu tafoki keu ilo ae le‘o nae lea kiate au. Bea i he eku tafoki, neu mamata ki he tuuga māma koula e fitu; Bea i he lotolotoga oe gaahi tuuga māma e fitu, koe toko taha o hage koe Foha oe tagata, kuo kofu aki ae kofu nae a‘u hifo ki he va‘e, bea nonoo ki hono fatafata aki ae noo koula. Ko hono ulu moe louulu nae hina o hage koe hinehina oe fulufulu‘i sibi, o hage koe uha hinehina; bea nae tatau hono fofoga moe ulo oe afi; Bea tatau hono va‘e moe balasa lelei, o hage ko ene kakaha i he hakaaga ukamea; bea ko hono le‘o, nae tatau moe uulu oe gaahi vai lahi. Bea nae i hono nima toomatau ae fetuu e fitu: bea nae alu atu i hono gutu ae heleta majila o fakatoumata: bea nae tatau hono fofoga moe laa i he ene ulo i hono malohi.

BEA neu mamata ki he lagi foou moe fonua foou: he kuo mole atu ae uluaki lagi moe uluaki fonua: bea nae ikai kei i ai ha tahi. Bea ko au Jone, neu mamata ki he kolo maonioni, ko Jelusalema foou, oku alu hifo mei he Otua i he lagi, kuo teuteu o hage ha taahine kuo teu ki hono eiki taane.