01 – IBhayibhili Elingcwele

UNkulunkulu wabona ukuthi ukukhanya kwakukuhle, wasekwehlukanisa ukukhanya lobumnyama.

Inyoka yayiliqili okudlula zonke izinyamazana zeganga uNkulunkulu ayezenzile. Yathi kowesifazana, “Kambe uNkulunkulu watsho ngeqiniso wathi, ‘Lingadli noma yisiphi isihlahla esivandeni’?”

UNkulunkulu wabona ukuthi ukuxhwala kwabantu kwasekukukhulu kanganani emhlabeni, njalo lokuthi zonke izinkanuko zeminakano yezinhliziyo zabo zaziyibubi kuphela sonke isikhathi.

UJehova ulibutho; nguJehova igama lakhe.

Kwathi uMosi esebuyele ebantwini wabatshela wonke amazwi kanye lemilayo kaJehova, abantu bakwamukela bavungama ngelizwi linye bathi, “Konke okutshiwo nguNkulunkulu sizakwenza.” Ngokunjalo uMosi waloba konke uJehova ayekutshilo. Ngokusa okulandelayo uMosi wavuka kusesele wakha i-alithare ewatheni lentaba wamisa khona izinsika zamatshe alitshumi lambili emele izizwe ezilitshumi lambili zako-Israyeli.

UNkulunkulu kasumuntu, ukuthi angaqamba amanga, loba indodana yomuntu, yona eguquka ingqondo yayo. Kambe ukhuluma angenzi na? Uyathembisa angagcwalisi isithembiso na?

Lingengezeleli kulokho engililaya khona njalo lingasusi loba yikuphi kwakhona, kodwa gcinani imilayo kaJehova wenu engilinika yona.

Liyabona sengalifundisa izimiso lemithetho uJehova wami angilaya ngazo, ukuze liyigcine elizweni elingena kulo ukuba lilithathe. Lizigcine ngonanzelelo ngoba lokhu kuzaveza obala ukuhlakanipha lokuzwisisa kwenu ezizweni ezizakuzwa ngalezizimiso njalo zitsho zithi, “Ngeqiniso lesisizwe esilodumo yisizwe sabantu abahlakaniphileyo njalo abazwisisayo.”

Khumbulani usuku elema ngalo phambi kukaJehova uNkulunkulu wenu eHorebi, lapho athi khona kimi, “Buthanisa abantu ukuze bezwe amazwi ami ukuze bakwazi ukungiphakamisa nxa belokhu besahlala elizweni njalo bafundise abantwababo.”

Ngoba uJehova uNkulunkulu wenu ungumlilo ohangulayo, uNkulunkulu olobukhwele.

Ngakho nanzelelani lenze lokho uJehova uNkulunkulu wenu alilaya ngakho; lingaphambukeli yiloba kwesokudla loba kwesenxele.

Thanda uJehova uNkulunkulu wakho ngenhliziyo yakho yonke langomoya wakho wonke kanye langamandla akho wonke. Imilayo le engikupha yona lamuhla kumele ibe sezinhliziyweni zenu. Igcizeleleni kubantwabenu. Khulumani ngayo nxa lihlezi emakhaya enu lanxa lihamba ezindleleni, nxa lilele phansi loba nxa livuka. Ibopheleni ezandleni zenu ibe luphawu, liyibophele lasemabunzini enu. Ibhaleni emigubazini yezindlu zenu kanye lasemasangweni enu.

UJehova walichumisa, wabangela indlala kanti njalo walipha ukudla okuyimana, ukudla lokho laboyihlo abangazange bakwazi, kuyikulifundisa ukuthi umuntu kaphili ngesinkwa kuphela zwi kodwa ngalo lonke ilizwi eliphuma emlonyeni kaJehova.

Gcinani imilayo kaJehova wenu lihambe endleleni yakhe njalo limkhonze.

UJehova wathi kimi, “Sengibabonile lababantu, njalo bangontamolukhuni ngeqiniso!

Khathesi-ke, O Israyeli, kuyini uJehova uNkulunkulu wakho angakucela kuwe ngaphandle kokuba umesabe uJehova wakho, ukuhamba ezindleleni zakhe, ukumthanda, ukumsebenzela uJehova uNkulunkulu wakho ngenhliziyo yakho yonke njalo langomoya wakho wonke, lokugcina imilayo kaJehova kanye lezimiso lezi engilinika zona lamhlanje ukuze kulilungele?

Thandani uJehova wenu lilondoloze okwakhe, izimiso, imithetho lemilayo yakhe ngazo zonke izikhathi.

Gcinani amazwi ami la ezinhliziyweni zenu lasengqondweni, abopheleni njengezimpawu ezandleni zenu liwabophele emabunzini enu. Bafundiseni ngawo abantwabenu, lixoxe ngawo nxa lihlezi emakhaya enu kanye lalapho lihamba endleleni, lapho lilala phansi lanxa livuka. Wabhaleni emigubazini yezindlu zenu kanye lasemasangweni enu,

Khangelani, lamuhla ngifaka phambi kwenu isibusiso lesithuko  — isibusiso nxa lilalela imilayo kaJehova wenu engilinika yona lamuhla; isithuko nxa lingalaleli imilayo kaJehova uNkulunkulu wenu njalo libe selitshiya indlela engilikhomba yona ngokulandela abanye onkulunkulu, elingabaziyo.

Nanzelelani ukuthi lenza lokho engililaya ngakho, lingengezeleli loba liphungule kulokho.

Nxa umphrofethi, loba umuntu oboniswa ngamaphupho, angavela phakathi kwenu abesebika imilingo loba isimanga, kuthi leyomilingo loba lesosimanga ayabe ekhulume ngaso, kubonakale kusenzakala, abesesithi, “Asilandeleni abanye onkulunkulu (onkulunkulu elingakaze libazi) njalo asibakhonzeni,” lingalaleli amazwi alowo mphrofethi loba umuntu wamaphupho. UJehova uNkulunkulu wenu uzabe uyalilinga efuna ukubona kumbe liyamthanda yini ngezinhliziyo zenu kanye langomphefumulo wenu wonke. NguJehova uNkulunkulu wenu okumele limlandele, kanti nguye uqobo okumele limphakamise. Gcinani imilayo yakhe njalo limlalele; mkhonzeni libambelele liqine kuye.

Umgoqwa lowo kawuhlale ukuyo, ihlale iwubala zonke izinsuku zokuphila kwayo ukuze ifunde ukwesaba uJehova uNkulunkulu wayo, ilandele ngokunanzelela wonke amazwi omthetho lo lalezi izimiso,

UJehova uNkulunkulu wakho uyakulaya lamuhla ukuba ulandele izimiso kanye lemithetho le; uyigcine ngonanzelelo olukhulu ngenhliziyo yakho yonke kanye langomphefumulo wakho wonke.

“Kaqalekiswe umuntu ongalaleli amazwi okumlaya ngokuwenza.” Ngakho bonke abantu bazakuthi, “Ameni!”

Uba limlalela ngokupheleleyo uJehova uNkulunkulu wenu njalo lilandele yonke imilayo yakhe engilitshela yona lamuhla ngonanzelelo, uJehova uNkulunkulu wenu uzaliphakamisa ngaphezu kwezizwe zonke emhlabeni.

Kodwa-ke, uba lingayikumlalela uJehova uNkulunkulu wenu futhi lingalandeli yonke imilayo yakhe ngonanzelelo kanye lezimiso zakhe engilinika zona lamuhla, zonke leziziqalekiso zizakuba phezu kwenu zilehlele:

Okufihlakeleyo kungokukaJehova uNkulunkulu wethu, kodwa izinto ezambuliweyo zingezethu kanye labantwabethu kuze kube nini nini, ukuze silandele wonke amazwi alo umlayo.

nxa lizalalela uJehova uNkulunkulu wenu ligcine imilayo lezimiso lezo ezabhalwa kule iNcwadi yoMthetho liphendukele kuJehova uNkulunkulu wenu ngenhliziyo yenu yonke langomphefumulo wenu wonke.

Lamuhla nginxusa izulu lomhlaba ukuba ngofakazi bami ukumelana lani ngisithi sengimise phambi kwenu ukuphila loba ukufa, izibusiso leziqalekiso. Khathesi zikhetheleni ukuphila, ukuze kuthi lina kanye labantwabenu libe lokuphila

Lizabuthanisa abantu  —  amadoda, abafazi labantwana, kanye labezizweni abahlala emadolobheni enu  —  ukuze bazizwele bafunde ukwesaba uJehova uNkulunkulu wenu balandele ngonanzelelo wonke amazwi alumthetho.

“Thathani iNcwadi yoMthetho le liyifake malungana lebhokisi lesivumelwano sikaJehova uNkulunkulu wenu, izahlala lapha njengofakazi walokho elikwenzayo. Mina ngiyakwazi ukuhlamuka kwenu lokuba lukhuni kwenu. Nxa kade lihlamukela uJehova ngisaphila njalo ngiselani, kuzakuba nganani ukuhlamuka kwenu nxa sengifile!

Incwadi yomthetho le kayingasuki emlonyeni wakho: cabanga ngayo emini lebusuku, ukuze unanzelele ukuthi wenza konke okulotshwe kuyo. Ngakho uzaphumelela.

Kodwa mesabeni ngeqiniso uJehova, limkhonze ngobuqotho ngezinhliziyo zenu zonke. Khumbulani izinto ezinkulu alenzela zona.

Kodwa uSamuyeli waphendula wathi: “Kambe uJehova uthokozela iminikelo yokutshiswa lemihlatshelo ngokunjengokulalela ilizwi likaJehova na? Ukulalela kungcono kulomhlatshelo, lokukhathalela kungcono kulamahwahwa ezinqama. Ngoba ukuhlamuka kufana lesono sokuhlahlula, lobuqholo bufana lobubi bokukhonza izithombe. Ngokuba ilizwi likaJehova ulalile. Usekwalile njengenkosi.” USawuli wasesithi kuSamuyeli, “Ngenzile isono. Ngephule umlayo kaJehova leziqondiso zakho. Ngesabe abantu ngavumela okwabo.

Ngoba izindlela zikaJehova ngizigcinile; angenznga bubi bokufulathela uNkulunkulu wami. Yonke imithetho yakhe iphambi kwami; angizifulathelanga izimiso zakhe.

Kodwa abalalelanga njalo baba ntamolukhuni njengabokhokho babo, bona abangazange bathembele kuJehova wabo.

“Hambani liyengibuzela kuJehova lensalela yako-Israyeli labakoJuda ngalokhu okulotshwe kulolugwalo olutholakeleyo. Lukhulu ulaka lukaJehova phezu kwethu ngenxa yabokhokho abangazange balilalele ilizwi likaJehova; kabenzanga ngendlela okulotshwe ngayo kulolugwalo.”

Kodwa izithunywa zikaNkulunkulu babezihleka ulunya, beseyisa amazwi akhe njalo beklolodela abaphrofethi bakhe lwaze lwavutha ulaka lukaJehova ebantwini bakhe kungasekho okunganceda.

Ngokuba u-Ezra wayezinikele ekufundeni lokugcina uMthetho kaJehova lokufundisa izimiso zawo ko-Israyeli.

Kwasekusithi wonke lowo owethuswa ngamazwi kaNkulunkulu ka-Israyeli waziqoqa phansi kwami ngenxa yalokhu ukona kwezithunjwa. Ngahlala khonapho ngididekile kwaze kwaba ngumhlatshelo wakusihlwa.

Kodwa bathi kuNkulunkulu, ‘Tshiyana lathi! Kasifisi ukuzazi izindlela zakho.

Angigudlukanga emilayweni yezindebe zakhe; ngiwenze igugu amazwi omlomo wakhe okudlula isinkwa sami sansuku zonke.

Kwathi uJehova wasemphendula uJobe ephakathi kwesiphepho. Wathi: “Ngubani na lowo odunga ukwaluleka kwami ngamazwi okungazi? Ziqinise njengendoda; ngizakubuza, lawe uzangiphendula. “Wawungaphi lapho ngangibeka izisekelo zomhlaba na? Ngitshela uma uzwisisa.

Kodwa ukuthokoza kwakhe kusemthethweni kaJehova, futhi unakana ngomthetho wakhe imini lobusuku.

Njalo amazwi kaJehova kawalamposiso, njengesiliva esicengwe esithandweni somlilo esebumba, sahlanjululwa kakhombisa. O Jehova, uzahlala usiphephisile usivikele ebantwini abanjalo lanini.

Ngoba ngizigcinile izindlela zikaJehova; angenzanga okubi ngokufulathela uNkulunkulu wami.

UNkulunkulu yena indlela yakhe iphelele; ilizwi likaJehova kalilansolo. Ulihawu labo bonke abaphephela kuye.

Umthetho kaJehova uphelele uvuselela umphefumulo. Izimiso zikaJehova zithembekile, zihlakaniphisa abayizithutha. Iziqondiso zikaJehova zilungile, ziletha ukuthokoza enhliziyweni. Imilayo kaJehova isobala, iletha ukukhanya emehlweni. Ukumesaba uJehova kuhlanzekile, kumi kuze kube phakade. Izahlulelo zikaJehova ziqinisekile njalo zilungile ngokupheleleyo. Ziligugu okudlula igolide, okudlula igolide elinengi elicengekileyo; zimnandi kuloluju, uluju olujuluka ohlangeni. Ngazo inceku yakho iyacetshiswa; ukuzilandela kulomvuzo omkhulu.

ngokuba uthando lwakho luhlezi luphambi kwami, njalo kokuphela ngihamba eqinisweni lakho.

Ilizwi likaJehova lilamandla; ilizwi likaJehova lilobukhosi.

Ezandleni zakho nginikela umphefumulo wami; ngihlenga, O Jehova, Nkulunkulu weqiniso.

Ngizakutshengisa ngikufundise indlela ofanele uhambe ngayo; ngizakweluleka ngikulinde. Ungabi njengebhiza loba imbongolo, khona akulakuzwisisa kodwa kukhokhelwa ngamatomu ukuze umuntu kumlalele.

Umhlaba wonke kawesabe uJehova; akuthi bonke abantu bomhlaba bazithobe phambi kwakhe.

Kodwa amacebo kaJehova ami aqinile nini lanini, izinhloso zenhliziyo yakhe kuzo zonke izizukulwane.

Wozani, bantwabami, lalelani kimi; ngizalifundisa ukumesaba uJehova.

Lapho-ke ngasengisithi, “Ngilapha, sengifikile  —  kulotshiwe ngami emqulwini. Ngiyakunxwanela ukwenza intando yakho, O Nkulunkulu wami; umthetho wakho usenhliziyweni yami.” Ngiyafakaza ngokulunga ngisemhlanganweni omkhulu; angizivali izindebe zami, njengoba usazi, O Jehova. Ukulunga kwakho kangikufihli enhliziyweni yami; ngikhuluma ngokuthembeka kwakho lokusindisa kwakho. Kangilufihli uthando lwakho leqiniso lakho emhlanganweni omkhulu.

Kodwa kwababi, uNkulunkulu uthi: “Lilelungelo bani ukukhuluma imithetho yami kumbe liphathe isivumelwano sami ezindebeni zenu na? Liyazizonda iziqondiso zami, lilahlela amazwi ami emuva kwenu.

Dala phakathi kwami inhliziyo ehlanzekileyo, uvuselele ngaphakathi kwami umoya othembekileyo.

UJehova walikhupha ilizwi, kwaba labanengi kakhulu abalimemezelayo:

kabasigcinanga isivumelwano sikaNkulunkulu, bala ukuphila ngomthetho wakhe.

“Kodwa abantu bami kabangilalelanga; u-Israyeli wala ukungithobela. Ngakho ngasengibayekela ngezinhliziyo zabo zobuqholo ukuthi balandele lokho abakufunayo. “Aluba abantu bami bengangilalela, aluba u-Israyeli engalandela izindlela zami, masinyane nje ngingazibhuqa izitha zabo ngiphakamisele isandla sami ezitheni zabo! Labo abamzondayo uJehova bangatshotshobala phambi kwakhe, kuthi isijeziso sabo sibe ngesaphakade.

Ngifundisa indlela yakho, O Jehova, ukuze ngihambe eqinisweni lakho; ngipha inhliziyo engaxamalazanga, ukuze ngilesabe ibizo lakho.

Enhlanganisweni yabangcwele uNkulunkulu uyesatshwa kakhulu; uyesabeka kulabo bonke abahlezi laye.

Wathumela umnyama wenza ilizwe laba mnyama  —  kanti angithi babewahlamukile amazwi akhe?

ngoba babewahlamukele amazwi kaNkulunkulu beyisa iseluleko soPhezukonke. Ngakho wabathwalisa umsebenzi onzima; bawa kodwa kungekho ongabasiza.

Wathumela ilizwi lakhe labasilisa; wabahlenga engcwabeni.

Imisebenzi yezandla zakhe ithembekile, ilungile; zonke iziqondiso zakhe ziyathembeka. Zimi kaziguquki nini lanini, zenziwa ngeqiniso langobuqotho.

Ukumesaba uJehova kuyikuqala kokuhlakanipha; bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.

Dumisani uJehova. Ubusisiwe umuntu owesaba uJehova, othokoza kakhulu ngemilayo yakhe.

Kungcono ukuphephela kuJehova kulokuthemba umuntu. Kungcono ukuphephela kuJehova kulokuthemba amakhosana.

Babusisiwe labo abandlela zabo zingelansolo, abahamba ngomthetho kaJehova.

Lapho-ke ngeke ngibe lenhloni nxa ngikhumbula yonke imilayo yakho.

Ijaha lingaphila njani impilo ehlambulukileyo? Ngokuphila ngendlela yelizwi lakho.

Ngikudinga ngenhliziyo yami yonke; ungangiyekeli ngiphambuke emilayweni yakho.

Ilizwi lakho ngilifihlile enhliziyweni yami ukuze ngingenzi isono kuwe.

Ngezindebe zami ngiyayibala yonke imithetho ephuma emlonyeni wakho.

Vula amehlo ami ukuze ngibone izinto ezimangalisayo emthethweni wakho.

Umphefumulo wami uhugekile ngokulangazelela imithetho yakho ngezikhathi zonke.

Uyabakhuza abaklolodayo, abathukiweyo abaphambukayo emithethweni yakho.

Ngivikela ezindleleni zenkohliso; woba lobubele kimi ngokomthetho wakho.

Ngikhethile indlela yeqiniso; sengibeke inhliziyo yami emithethweni yakho.

Ngipha ukuzwisisa ukuze ngigcine umthetho wakho ngiwulalele ngayo yonke inhliziyo yami.

Ngizahlala ngiwulalela umthetho wakho, okwanini lanini.

ngoba ngithokoza ngisemilayweni yakho ngokuba ngiyayithanda.

Ngithukuthela ngife ngenxa yababi, asebedele umthetho wakho.

Ngizaphangisa ngingaphuzi ukulalela imilayo yakho.

Kwakukuhle kimi ukuthi ngihlutshwe ukuze ngifunde izimiso zakho.

Umthetho ophuma emlonyeni wakho uligugu kimi okudlula izinhlamvu zesiliva legolide eziyizinkulungwane.

Ilizwi lakho, O Jehova, kalipheli lanini; limi liqinile emazulwini.

O he, ngiwuthanda kangakanani umthetho wakho! Ngikhumbula ngawo ilanga lonke.

Amazwi akho anambitheka kamnandi kimi, amnandi kulezinyosi emlonyeni wami!

Ngiyazuza ukuqedisisa emithethweni yakho; ngakho ngiyayizonda loba layiphi indlela engalunganga.

Ilizwi lakho liyisibane ezinyaweni zami liyikukhanya kwendlela yami.

Inhliziyo yami izimisele ukugcina imilayo yakho kuze kube sekupheleni.

Sukani kimi lina benzi bobubi, ukuze ngikwazi ukugcina imilayo kaNkulunkulu wami!

Uyabalahla bonke labo abaphambuka ezimisweni zakho, ngoba ukukhohlisa kwabo kuyize.

Sekuyisikhathi sakho sokuthi wenze okwakho, O Jehova; umthetho wakho uyephulwa nje.

Imifula yezinyembezi iyajuluka emehlweni ami, ngokuba umthetho wakho kawulalelwa.

Ukutshiseka kwami kuyangicoba, ngoba izitha zami kaziwananzi amazwi akho.

Loba ngingumuntukazana ngiseyiswa, angiyikhohlwa imithetho yakho.

Ukulunga kwakho kumi laphakade njalo umthetho wakho uliqiniso.

Amehlo ami alala ekhangele ngemilindo yonke yobusuku, ukuze ngicabange ngezithembiso zakho.

Wonke amazwi akho aqinisile; yonke imithetho yakho elungileyo ngeyaphakade.

Ababusi bayangihlupha kungelasizatho, kodwa inhliziyo yami iyaliqhuqhela ilizwi lakho.

Isithembiso sakho siyangithokozisa ingathi ngumuntu othole impango enkulu.

Ngilangazelela insindiso yakho, O Jehova, ngoba umthetho wakho uyinjabulo yami.

Ngizakhothama ngikhangele ethempelini lakho elingcwele ngidumise igama lakho, ngenxa yothando lwakho lokuthembeka kwakho, ngokuba uphakamise ngaphezu kwezinto zonke ibizo lakho lelizwi lakho.

Ukwesaba uJehova kuyikuqala kolwazi, kodwa iziwula ziyakweyisa ukuhlakanipha lokuzithiba.

“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na?

Ngoba babeluzonda ulwazi kabaze bakhetha ukwesaba uJehova, ngoba kabavumanga iseluleko sami, badelela ukukhuza kwami, bazakudla izithelo zokuhamba kwabo basuthiswe ngezithelo zamacebo abo.

uvule indlebe yakho izwe ukuhlakanipha unikele inhliziyo yakho ukuthi izwisise, njalo uma ucela ukuqedisisa ukhalela kakhulu ukuzwisisa, futhi ukudingisisa njengokudinga isiliva ukuphenye njengento eligugu efihliweyo, lapho-ke uzakuzwisisa ukumesaba uJehova njalo uluzuze ulwazi lukaNkulunkulu.

Akungasuki kuwe loba nini uthando lokuthembeka; kubophele entanyeni yakho, ukubhale egwalibeni lenhliziyo yakho.

Themba kuJehova ngenhliziyo yakho yonke, ungathembi okwakho ukuzwisisa;

Zuza ukuhlakanipha, zuza ukuqedisisa; ungawakhohlwa amazwi ami, kumbe ugudluke kuwo. Ungafulatheli ukuhlakanipha, kuzakuvikela; kuthande, kuzakulinda.

Ndodana yami, zwana lokhu engikutshoyo; lalelisisa amazwi ami. Ungawasusi emehlweni akho, agcine enhliziyweni yakho;

Khangelisa amehlo akho nta phambili, uwathi nhlo amehlo akho kulokho okuphambi kwakho. Lungisa izindlela ukuze izinyawo zakho zinyathele kuhle, uhambe ngezindlela eziqinileyo kuphela. Ungaphambukeli kwesokunene loba kwesokhohlo; Ugcine unyawo lwakho lunganyatheli okubi.

Ngoba imilayo le iyisibane, imfundiso le iyikukhanya, leziqondiso zokuzithiba ziyindlela yokuphila,

Ukwesaba uJehova yikuzonda ububi; ngiyakuzonda ukuzazisa lobuqholo, ukuziphatha kubi lenkulumo ebolileyo.

Ungakhuzi isiqholo ngoba sizakuzonda; khuza ohlakaniphileyo uzakuthanda.

“Ukumesaba uJehova kuyikuqala kwenhlakanipho, njalo ulwazi ngaLowo oNgcwele luyikuqedisisa.

Ukumesaba uJehova kungumthombo wokuphila, kuvikela umuntu ezithiyweni zokufa.

Kungcono kangakanani ukuzuza ukuhlakanipha kulegolide, ukukhetha ukuzwisisa kulesiliva!

Ungakhulumi lesithutha ngoba sizakweyisa inhlakanipho yamazwi akho.

Loba ngubani ongawulaleliyo umthetho, lemikhuleko yakhe izakuba yisinengiso.

“Wonke amazwi kaNkulunkulu akalamposiso; uyisihlangu kulabo abacatsha kuye. Ungengezeleli emazwini akhe, funa akukhuze akwenze umqambimanga.

Manje-ke konke sekuzwakele; Nansi isiphetho sendaba; Mesabe uNkulunkulu ugcine imiyalo yakhe, ngoba lo yiwo wonke umlandu womuntu.

Ngakho-ke, njengalokhu umlilo utshisa izinhlanga, utshani obomileyo buphelela phakathi kwamalangabi, ngokunjalo izimpande zabo zizabola. Lamaluba abo aphephuke njengothuli; ngoba bawalile umthetho kaJehova uSomandla balidelela ilizwi loNgcwele ka-Israyeli.

Wasesithi, “Hamba uyetshela abantu uthi: “ ‘Zwanini kokuphela, kodwa lingaqedisisi; bonani kokuphela, kodwa lingabonisisi.’

Emthethweni lakubo ubufakazi! Uma bengakhulumi ngokumayelana lelizwi leli, kabalakho ukukhanya kokusa.

Hamba khathesi nje, ubalobele khona esibhebhedwini, kulobe emqulwini, ukuze kuthi ezinsukwini ezizayo kube yibufakazi obungapheliyo. Laba ngabantu abangabahlamuki, abantwana abangabakhohlisi, abantwana abangafuniyo ukulalela imfundiso kaJehova. Bathi kwabayizanuse, “Lingabe lisahlahlula futhi.” Kubaphrofethi bathi, “Lingasitsheli imibono ngalokho okuqondileyo. Sitsheleni izinto ezinhle, liphrofethe inkohliso. Tshiyani indlela le, phambukani kulo umkhondo liyekele ukuzisisezela ngoNgcwele ka-Israyeli!” Ngakho okutshiwo ngoNgcwele ka-Israyeli yilokhu: “Njengoba lilalile ilizwi leli, lathembela ekucindezelweni, lagwaba ngokukhohliswa, isono lesi kini sizafana lomduli ophakemeyo olomkenke njalo ohlephukayo odilika masinyane, ngesikhatshana nje.

Utshani buyabuna, amaluba ayakhithika, kodwa ilizwi likaNkulunkulu limi kuze kube nininini.

Ngubani olikholiweyo ilizwi lethu, njalo amandla kaJehova abonakaliswe kubani na?

“Ngoba imicabango yami kayisiyo eyenu, lezindlela zenu kayisizo ezami,” kutsho uJehova. Njengomkhathi uphakeme kulomhlaba, ngokunjalo izindlela zami ziphakeme kulezindlela zenu, lemicabango yami iphakeme kulemicabango yenu.

linjalo lelizwi lami eliphuma emlonyeni wami: kaliyikubuya kimi lize, kodwa lizafeza engikufunayo liphumelelise lokho engilithume khona.

Lapho usukhalela ukusizwa, iqoqo lezithombe zakho kalikuhlenge. Umoya uzazithatha zonke, lokuphephetha nje kuziphephulele khatshana. Kodwa umuntu owenza mina isiphephelo sakhe ilizwe lizakuba yilifa lakhe lentaba yami engcwele ibe ngeyakhe.”

“Mina lesi yiso isivumelwano sami labo,” kutsho uJehova. “Umoya wami okuwe, lamazwi ami engiwabeke emlonyeni wakho akuyikusuka emlonyeni wakho, kumbe emilonyeni yabantwabakho, loba emilonyeni yezizukulwane zabo kusukela ngalesisikhathi kuze kube nininini,” kutsho uJehova.

Isandla sami kasizenzanga lezizinto ukuze zibe khona na?” kutsho uJehova. “Engimbukayo ngulo: lowo othobekileyo ozisolayo emoyeni, olesabayo ilizwi lami.

ngakho-ke lami ngizakhetha ukubaphatha kalukhuni, ngibehlisele lokho abakwesabayo. Ngoba kwathi lapho ngibiza, kakho owasabelayo, lapho ngikhuluma, kakho owalalelayo. Benza okubi phambi kwami, bakhetha okungicunulayo.” Zwanini ilizwi likaJehova lina elilesabayo ilizwi lakhe. Uthi, “Abafowenu abalizondayo, labalixwayayo ngenxa yebizo lami, sebethe, ‘Kadunyiswe uJehova ukuze sibone intokozo yenu!’ Kodwa bazayangiswa.

Awu Jehova, amehlo akho kawadingi qiniso na? Wabatshaya, kodwa kabezwanga buhlungu; wabahlifiza, kodwa bala ukuqondiswa. Benza ubuso babo baba lukhuni kulamatshe, bala ukuphenduka. Ngacabanga ngathi, “Laba ngabayanga nje; bayizithutha, ngoba indlela kaJehova kabayazi, lemilayo kaNkulunkulu wabo.

Zwana, wena mhlaba: ngiletha umonakalo phezu kwabantu laba, izithelo zamaqhinga abo, ngoba kabawalalelanga amazwi ami njalo bawalile lomthetho wami.

kodwa ngabanika umlayo lo othi: Ngilalelani, njalo ngizakuba nguNkulunkulu wenu lina libe ngabantu bami. Hambani ngezindlela zonke engililaye zona, ukuze kulilungele. Kodwa kabazange balalele kumbe banake; esikhundleni salokho, bona balandela inkani yentando yezinhliziyo zabo ezimbi. Baya emuva hatshi phambili.

Abahlakaniphileyo bazayangiswa; bazakwesaba bathiyeke. Njengoba belalile ilizwi likaJehova, balenhlakanipho bani na?

Kodwa uma lingalaleli, ngizakhalela ensitha ngenxa yokuzigqaja kwenu; amehlo ami azalila kabuhlungu, ageleze izinyembezi, ngoba umhlambi kaJehova uzathunjwa.

Ekufikeni kwamazwi akho, ngawadla; ayeyintokozo yami lenjabulo yenhliziyo yami, ngoba mina ngibizwa ngebizo lakho, wena Jehova Nkulunkulu Somandla.

UJehova uthi: “Uqalekisiwe lowo othemba umuntu, othembe ukuthi amandla akhe asenyameni, onhliziyo yakhe ihlamukela uJehova.

Kodwa kabalalelanga loba banake; izintamo zabo zazilukhuni njalo kabalalelanga kumbe bamukele ukulaywa.

“UJehova uSomandla, uNkulunkulu ka-Israyeli, uthi: ‘Lalelani! Ngizakwehlisela kulelidolobho lasemizini elizungezileyo wonke umonakalo engawutshoyo, ngoba izintamo zabo zilukhuni njalo bayala ukulalela amazwi ami.’ ”

UJehova uSomandla uthi: “Lingalaleli okuphrofethwa ngabaphrofethi kini; balenza lithembe amanga. Bakhuluma imibono evela ezingqondweni zabo, engaveli emlonyeni kaJehova.

“Ilizwi lami kalinjengomlilo,” kutsho uJehova, “lanjengesando esidabula idwala libe yizicucu na?

Lanxa uJehova wathumela zonke izinceku zakhe abaphrofethi kini njalonjalo, kalilalelanga njalo kalinakanga.

Tshono kubo uthi, ‘UJehova uthi: Uma lingangilaleli lilandele umthetho wami engalibekela wona, njalo uma lingalaleli amazwi ezinceku zami abaphrofethi, engabathuma kini njalonjalo (lanxa lingalalelanga), ngizakwenza indlu le ibe njengeShilo ledolobho leli libe yinto yokuthukwa phakathi kwezizwe zonke zomhlaba.’ ”

Ngakho lungisani izindlela zenu lezenzo zenu lilalele uJehova uNkulunkulu wenu. Ngalokho uJehova uzadeda angabe esalehlisela umonakalo abememezele ukuwehlisela kini.

Ye, uJehova uSomandla, uNkulunkulu ka-Israyeli uthi, “Lingavumeli ukuthi abaphrofethi labahlahluli abaphakathi kwenu balikhohlise. Lingawalaleli amaphupho elibakhuthaza ukuthi bawaphuphe. Baphrofetha amanga kini ngebizo lami. Kangibathumanga,” kutsho uJehova.

“Isikhathi siyeza,” kutsho uJehova, “lapho engizakwenza khona isivumelwano esitsha lendlu ka-Israyeli kanye lendlu kaJuda futhi. Kasiyikuba njengesivumelwano engasenza labakhokho babo lapho ngababamba ngesandla ukubaholela ngaphandle kweGibhithe, ngoba bephula isivumelwano sami, lanxa ngangingumyeni wabo,” kutsho uJehova. “Isivumelwano engizasenza lendlu ka-Israyeli ngemva kwalesosikhathi yilesi,” kutsho uJehova. “Ngizafaka umthetho wami ezingqondweni zabo, ngiwulobe lasezinhliziyweni zabo. Ngizakuba nguNkulunkulu wabo, bona bazakuba ngabantu bami. Umuntu kasayikufundisa umakhelwana wakhe, kumbe umuntu afundise umfowabo esithi, ‘Yazi uJehova,’ ngoba bonke bazangazi, kusukela komncane wabo kusiya komkhulukazi,” kutsho uJehova. Ngoba ngizabathethelela ububi babo, ngingazikhumbuli futhi izono zabo.”

“Kodwa lina lithi, ‘Indlela kaJehova kayilunganga.’ Zwana, wena ndlu ka-Israyeli: Indlela yami kayifanelanga na?

Kumele bafundise abantu bami umahluko phakathi kokungcwele lokwabantu bonke babatshengise indlela yokwehlukanisa phakathi kokungcolileyo lokuhlanzekileyo.

abantu bami bachithwa yikungabi lolwazi. “Njengoba likwalile ukwazi, lami ngiyalala njengabaphristi bami; ngoba kaliwunakanga umthetho kaNkulunkulu wenu, lami angiyikubanaka abantwana benu.

Maye kubo ngoba bedukile kimi! Akube lencithakalo kubo ngoba bangihlamukele! Ngiyafisa ukubahlenga kodwa bona bakhuluma amanga ngami.

“Izinsuku ziyeza,” kutsho uJehova Wobukhosi, “lapho engizathumela indlala elizweni hatshi indlala yokudla kumbe ukomela amanzi, kodwa indlala yokuzwa amazwi kaJehova.

“Kodwa bala ukulalela; baqholoza bafulathela njalo bagcika izindlebe zabo. Benza izinhliziyo zabo zaba lukhuni njengelitshe kabaze balalela umlayo loba amazwi kaJehova uSomandla ayewathumile ngoMoya ngabaphrofethi bamandulo. Yikho uJehova uSomandla wathukuthela kabuhlungu. “ ‘Ngababiza, kodwa kabalalelanga; yikho labo sebememeza kangibalalelanga,’ kutsho uJehova uSomandla.

UJesu waphendula wathi, “Kulotshiwe ukuthi: ‘Umuntu kaphili ngesinkwa kuphela, kodwa ngelizwi lonke eliphuma emlonyeni kaNkulunkulu.’ ”

“Lingacabangi ukuthi ngilande ukudiliza uMthetho labaPhrofethi. Kangilandanga ukubadiliza kodwa ukubaphelelisa. Ngilitshela iqiniso ukuthi kuze kunyamalale izulu lomhlaba kakuyikususwa lutho eMthethweni, loba libadlana kumbe lichatshana elilotshiweyo, kuze kupheleliswe konke. Loba ngubani owephula owodwa nje wale imilayo emincinyane, afundise abanye ukwenza njalo uzathiwa mncinyane okudlulayo embusweni wezulu, kodwa loba ngubani olandela njalo afundise imilayo le uzathiwa mkhulu embusweni wezulu.

“Kakho ongakhonza amakhosi amabili. Mhlawumbe uzathanda enye azonde enye, loba uzabambelela kwenye azonde enye. Lingazake likhonze uNkulunkulu njalo leMali.

“Ngenani ngesango elincinyane ngokuba likhulu isango lendlela ibanzi eya ekubhujisweni, njalo banengi abangena ngalo. Kodwa lincinyane isango lendlela ilukhonjwana eya ekuphileni, njalo balutshwana abayifumanayo.

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini. Abanengi bazakuthi kimi ngalolosuku, ‘Nkosi, Nkosi, kasiphrofethanga ngegama lakho na, njalo ngegama lakho sakhupha amadimoni senza lezimangaliso?’ Lapho-ke ngizabatshela kakuhle ngithi, ‘Ngivele kangilazi. Xekani kimi, lina benzi bobubi!’

“Ngakho lowo owezwayo amazwi ami la awenze unjengendoda ehlakaniphileyo eyakha indlu yayo edwaleni. Latheleka izulu, izifula zachitheka, wavunguza umoya watshaya phezu kwaleyondlu; kodwa kayiwanga ngokuba yayigxiliswe isisekelo sayo edwaleni. Kodwa lowo owezwayo lamazwi ami angawenzi unjengendoda eyisiwula eyakhela indlu yayo etshebetshebeni. Latheleka izulu, izifula zachitheka, umoya wavunguza watshaya phezu kwendlu leyo yawa yabhidlika.”

Nxa engekho olamukelayo kumbe olalela amazwi enu thintithani uthuli ezinyaweni zenu nxa selisuka kulowomuzi loba lelodolobho. Ngiqinisile ngithi kini kuzakuba ngcono eSodoma leGomora ngelanga lokwahlulelwa kulokuzakwehlela lelodolobho.

“Loba ngubani ongivuma phambi kwabantu lami ngizamvuma phambi kukaBaba ezulwini. Kodwa lowo ongiphikayo phambi kwabantu lami ngizamphika phambi kukaBaba ezulwini.

“Lowo othanda uyise loba unina kulami kangifanelanga; lowo othanda indodana yakhe loba indodakazi yakhe kulami kangifanelanga; njalo lowo ongathathi isiphambano sakhe angilandele kangifanelanga. Loba ngubani ozuza impilo yakhe izamlahlekela, njalo lalowo olahlekelwa yimpilo yakhe ngenxa yami uzayizuza. “Lowo olamukelayo wamukela mina, lalowo owamukela mina wamukela lowo ongithumileyo.

Waphendula wathi, “Ulwazi lwemfihlakalo yombuso wezulu luphiwe lina, kodwa hatshi bona.

Yikho ngikhuluma kubo ngemizekeliso: “Loba bekhangele kababoni; loba belalele kabezwa, kabaqedisisi. Kubo kuyagcwaliseka isiphrofetho sika Isaya: “ ‘Lizahlala lisizwa kodwa lingaqedisisi; lizahlala libona kodwa kungagxili ezingqondweni. Ngokuba inhliziyo yalaba bantu seyaba lukhuni; kabasezwa ngezindlebe zabo, njalo sebawavala amehlo abo. Funa babone ngamehlo abo, bezwe ngezindlebe zabo, baqedisise ngezinhliziyo zabo baphenduke bese ngibasilisa.’ Kodwa abusisiwe amehlo enu ngokuba ayabona, lezindlebe zenu ngokuba ziyezwa. Ngokuba ngilitshela iqiniso ukuthi abaphrofethi abanengi lamadoda ayelungile balangazela ukukubona lokhu elikubonayo kodwa kabakubonanga, lokuzwa lokhu elikuzwayo kodwa kabakuzwanga. “Lalelani-ke lizwe ukuthi utshoni umzekeliso womhlanyeli: Nxa umuntu esizwa ilizwi ngombuso kodwa engabambisisi, omubi uyeza ahwithe lokho obekuhlanyelwe enhliziyweni. Yiyole inhlanyelo eyahlanyelwa endleleni. Lowo owemukela inhlanyelo eyawela ekhetheni ngumuntu olizwayo ilizwi aphange alamukele ngentokozo. Kodwa ngenxa yokuthi kalampande, uma okwesikhatshana kuphela. Nxa kufika uhlupho lokuhlukunyezwa ngenxa yelizwi uphanga akhubeke. Lowo owemukela inhlanyelo eyawela emeveni ngumuntu olizwayo ilizwi, kodwa lisuke landelwe yizinhlupheko zale impilo lenkohliso yenotho, lingabe lisaba lezithelo. Kodwa lowo owemukela inhlanyelo eyawela emhlabathini olungileyo ngumuntu olizwayo ilizwi alibambisise. Uthela amabele andayo ngekhulu, ngamatshumi ayisithupha loba ngamatshumi amathathu okudlula lokho okwahlanyelwayo.”

Waphendula wathi, “Zonke izihlahla ezingahlanyelwanga nguBaba osezulwini zizasitshunwa lezimpande zazo.

UJesu waphendula wathi, “Liyalahleka ngokuba kaliyazi imiBhalo njalo lamandla kaNkulunkulu.

UJesu waphendula wathi, “ ‘Thanda iNkosi uNkulunkulu wakho ngenhliziyo yakho yonke langomphefumulo wakho wonke langengqondo yakho yonke.’ Yiwo oyingqala njalo odlula yonke imilayo. Owesibili unjengawo: ‘Thanda umakhelwana wakho njengalokhu uzithanda wena.’ Wonke uMthetho labaPhrofethi kweyeme kuyonale imilayo emibili.”

Njalo lelivangeli lombuso lizatshunyayelwa kuwo wonke umhlaba njengobufakazi kuzo zonke izizwe, besekufika ukucina.

Izulu lomhlaba kuzadlula, kodwa amazwi ami kasoze edlule lanini.

UJesu weza kubo wathi, “Wonke amandla ezulwini lasemhlabeni aphiwe mina.

UJohane esephoselwe entolongweni uJesu waya eGalile ememezela izindaba ezinhle zikaNkulunkulu. Wathi, “Isikhathi sesifikile. Umbuso kaNkulunkulu ususeduze. Phendukani likholwe izindaba ezinhle!”

Wabatshela wathi, “Imfihlakalo yombuso kaNkulunkulu seliyambulelwe. Kodwa kulabo abangaphandle konke kukhulunywa ngemizekeliso ukuze “ ‘bahlale belokhu bebona kodwa bengaqedisisi, bahlale besizwa kodwa bengezwisisi; funa baphenduke bese bethethelelwa!’ ” UJesu wasesithi kubo, “Kaliwuzwisisi na umzekeliso lo? Pho lizawuzwa kanjani loba yiwuphi umzekeliso? Umlimi uhlanyela ilizwi. Abanye abantu bafana lenhlanyelo esendleleni okuhlanyelwe khona ilizwi. Bonela ukuthi balizwe uSathane uyafika alithathe ilizwi elihlanyelwe kubo. Abanye, njengenhlanyelo eyahlanyelwa ematsheni bayalizwa ilizwi bahle balamukele ngentokozo. Kodwa ngenxa yokuthi kabalampande bema okwesikhatshana kuphela. Kungafika uhlupho loba ukuchukuluzwa komhlaba baphanga bawe. Kunjalo abanye, njengenhlanyelo ehlanyelwe emeveni, bayalizwa ilizwi; kodwa iminqineko yempilo le, inkohliso yenotho kanye lezinkanuko zezinye izinto konke kuyeza kuliminyanise ilizwi, kulenze lingatheli. Abanye, njengenhlanyelo ehlanyelwe emhlabathini omuhle, bayalizwa ilizwi, balamukele, bathele izithelo  —  bedlule okwakuhlanyelwe ngamatshumi amathathu, ayisithupha loba ngekhulu.”

Akaze akunaka lokho ababekutsho uJesu, wasetshela induna yesinagogi wathi, “Ungesabi; kholwa nje kuphela.”

Ngaleyondlela liyalichitha ilizwi likaNkulunkulu ngamasiko enu eliwedlulisela kuzizukulwane. Futhi lenza izinto ezinengi ezinjalo.”

Wasebiza ixuku labantu kanye labafundi bakhe wathi, “Aluba umuntu efuna ukungilandela, kumele azidele athathe isiphambano sakhe angilandele. Ngoba yilowo ofuna ukulondoloza impilo yakhe izamlahlekela, kodwa olahlekelwa yimpilo yakhe ngenxa yami kanye levangeli uzayilondoloza. Kumsizani umuntu ukuzuza wonke umhlaba kodwa alahlekelwe ngumphefumulo wakhe? Loba, kuyini umuntu angakunika kube yinhlawulo yomphefumulo wakhe na? Aluba umuntu elamahloni ngami kanye lamazwi ami kulesi isizukulwane esifebayo lesonayo, iNdodana yoMuntu izakuba lamahloni ngaye nxa isifika enkazimulweni kaYise lezingilosi ezingcwele.”

UJesu waphendula wathi, “Kalilahleki yini ngokuba lingayazi imibhalo loba amandla kaNkulunkulu?

Njalo ivangeli kufanele liqale litshunyayelwe ezizweni zonke.

Izulu lomhlaba kuzakwedlula, kodwa amazwi ami kawayikwedlula lanini.

Wathi kubo, “Hambani emhlabeni wonke litshumayele ivangeli kukho konke okwadalwayo. Loba ngubani okholwayo abhaphathizwe uzasindiswa, kodwa lowo ongakholwayo uzalahlwa.

Abafundi bahamba bayatshumayela ezindaweni zonke, iNkosi yasebenza labo yaqinisa ilizwi layo ngezibonakaliso ezazilisekela.

ukwenzela ukuthi imicabango yabanengi ivele obala. Njalo inkemba izawugwaza umphefumulo wakho lawe.”

UJesu waphendula wathi, “Kulotshiwe ukuthi: ‘Umuntu kaphili ngesinkwa kuphela.’ ”

Bamangaliswa yikufundisa kwakhe ngoba intshumayelo yakhe yayilesisindo.

“Kungani lingibiza lisithi, ‘Nkosi, Nkosi’ kodwa lingakwenzi engikutshoyo? Ngizalitshengisa ukuthi ngonjani oza kimi ezwe amazwi ami enze akutshoyo. Unjengomuntu owayesakha indlu, owagebha phansi watshona wabeka isisekelo phezu kwedwala. Kwathi kufika isikhukhula umsinga wayitshaya indlu kodwa awaze wayizamazamisa, ngokuba yayakhiwe kuhle. Kodwa lowo owezwayo amazwi ami kodwa angakwenzi akutshoyo unjengomuntu owakha indlu emhlabathini kungelasisekelo. Umsinga wonela ukuyitshaya leyondlu yabhidlika yaphela du.”

Wathi, “Ulwazi lwemfihlo yombuso kaNkulunkulu seliluphiwe lina, kodwa kwabanye ngikhuluma ngemizekeliso, ukuze kuthi “ ‘loba bebona, bangaboni; loba besizwa, bangaqedisisi.’ “Nansi incazelo yomzekeliso: Inhlanyelo iyilizwi likaNkulunkulu. Labo abasendleleni ngabalizwayo, kodwa uSathane eze alihluthune ilizwi ezinhliziyweni zabo, ukuze bangakholwa basindiswe. Labo abasedwaleni yibo abemukela ilizwi ngentokozo nxa belizwa, kodwa kabalampande. Bayakholwa okwesikhatshana, kodwa kuthi ngesikhathi sobunzima bagudluke. Inhlanyelo eyawela emeveni imele labo abezwayo, kodwa baqhubeke ngeyabo indlela bakhanywe yizinhlupheko zempilo, inotho kanye lezikholisisayo, bangabe besakhula baphelele. Kodwa inhlanyelo esemhlabathini ovundileyo imele labo abalenhliziyo enhle, elungileyo, abalizwayo ilizwi, baligcine bathi ngokubambelela bathele izithelo.

Waphendula wathi, “Umama labafowethu yilabo abalizwayo ilizwi likaNkulunkulu balenze.”

Wasesithi kubo bonke: “Nxa ekhona ofisa ukungilandela kufanele azidele athwale isiphambano sakhe izinsuku zonke angilandele. Ngoba lowo ofisa ukuphephisa impilo yakhe izamlahlekela, kodwa lowo olahlekelwa yimpilo yakhe ngenxa yami uzayiphephisa. Kumsizani umuntu ukuzuza wonke umhlaba kodwa alahlekelwe loba ancitshwe ubunguye bakhe na? Nxa umuntu eyangeka ngami langamazwi ami, iNdodana yoMuntu izayangeka ngaye nxa isifikile ngenkazimulo yayo langenkazimulo kaYise lezingilosi ezingcwele.

Wathi kwenye indoda, “Ngilandela.” Kodwa indoda yaphendula yathi, “Nkosi, akume kengiqale ngiyengcwaba ubaba.” UJesu wathi kuyo, “Yekela abafileyo bangcwabe abafileyo babo, kodwa wena hamba uyomemezela umbuso kaNkulunkulu.” Kwathi omunye njalo wathi, “Ngizakulandela, Nkosi; kodwa akuthi kengiyovalelisa abakithi.” UJesu waphendula wathi, “Kakho othi angabamba ikhuba elima athalaze emuva owufaneleyo umsebenzi oqondane lombuso kaNkulunkulu.”

Waphendula wathi, “Kungenani, ababusisiweyo yilabo abalizwayo ilizwi likaNkulunkulu balilalele.”

Omunye wambuza wathi, “Nkosi, ngabalutshwana kuphela yini abazasindiswa na?” Wathi kubo, “Zamani ngamandla ukuthi lingene ngomnyango omncinyane, ngokuba ngiyalitshela ukuthi abanengi bazazama ukungena kodwa bazakwehluleka.

“Nxa umuntu esiza kimi kodwa angaze azonda uyise lonina, umkakhe labantwana, abafowabo labodadewabo  —  yebo, kanye lempilo yakhe  —  ngeke abe ngumfundi wami. Lowo ongathwali isiphambano sakhe angilandele ngeke abe ngumfundi wami.

“UMthetho labaPhrofethi kwatshunyayelwa kwaze kwaba yisikhathi sikaJohane. Kusukela kulesosikhathi izindaba ezinhle ezombuso kaNkulunkulu ziyatshunyayelwa, njalo bonke abantu bayazifuqela kuwo. Kungaba lula ukuthi izulu lomhlaba kunyamalale kulokuthi kucitshe ichatshana elilodwa nje loMthetho.

“U-Abhrahama waphendula wathi, ‘BaloMosi labaPhrofethi; kabalalele bona.’ “Sathi, ‘Hatshi, baba Abhrahama, kodwa aluba kusuka umuntu kwabafileyo aye kubo bazaphenduka.’ “Wathi kuso, ‘Nxa bengalaleli uMosi labaPhrofethi, kabasoze bavume loba omunye angaze avuke kwabafileyo.’ ”

Izulu lomhlaba kuzadlula, kodwa amazwi ami akasoze lanini edlule.

Wathi kubo, “Uthi liyizithutha ezinjani, njalo lilezinhliziyo ezithundubeleyo ekukholweni konke lokho okwakhulunywa ngabaphrofethi!

Wasesukela kuMosi kanye labaPhrofethi bonke wabachazela okwatshiwo emiBhalweni mayelana laye.

Wathi kubo, “Lokhu yikho engalitshela khona ngiselani ukuthi: Konke kumele kugcwaliseke okwalotshwa ngami eMthethweni kaMosi labaPhrofethi lamaHubo.” Wasebavula izingqondo zabo ukuze bakwazi ukuzwisisa iMibhalo.

Ekuqaleni wayekhona uLizwi, uLizwi waye loNkulunkulu, njalo uLizwi wayenguNkulunkulu.

Ngoba umthetho walethwa ngoMosi; umusa leqiniso kweza ngoJesu Khristu.

Ngemuva kokuvuswa kwakhe kwabafileyo abafundi bakhe bakukhumbula lokho ayekukhulumile. Ngakho bawukholwa uMbhalo kanye lamazwi uJesu awakhulumayo.

Ngikhulume kini ngezinto zalapha emhlabeni kodwa kalikholwa; pho lizakholwa kanjani nxa ngingakhuluma ngokwasezulwini?

“UNkulunkulu walithanda ilizwe waze wanikela iNdodana yakhe iyiyo yodwa ukuze kuthi loba ngubani okholwa kuyo angabhubhi kodwa abe lokuphila okungapheliyo. Ngokuba uNkulunkulu kathumanga iNdodana yakhe emhlabeni ukuba iwulahle umhlaba, kodwa ukuba umhlaba usindiswe ngayo. Loba ngubani okholwa kuyo kalahlwa, kodwa ongakholwayo uvele uselahliwe ngokuba kakholwanga ebizweni leNdodana eyiyo yodwa kaNkulunkulu.

Ngokuba lowo uNkulunkulu amthumileyo ukhuluma amazwi kaNkulunkulu; yena uNkulunkulu umupha umoya kungelakulinganiswa.

Loba ngubani obeke ithemba lakhe eNdodaneni ulokuphila okungapheliyo, kodwa loba ngubani oyilahlayo iNdodana kazukuyibona leyompilo ngokuba ulaka lukaNkulunkulu seluphezu kwakhe.”

UNkulunkulu ungumoya, labo abamkhonzayo bamele bamkhonze ngomoya langeqiniso.”

“Ngiqinisile ngithi lowo owezwayo amazwi ami amkholwe lowo ongithumileyo ulokuphila okungapheliyo njalo kazukulahlwa; usechaphile wasuka ekufeni waya ekuphileni. Ngiqinisile ngithi, isikhathi siyeza njalo sivele sesifikile lapho abafileyo bezalizwa ilizwi leNdodana kaNkulunkulu, kuthi bonke abezwayo baphile.

njalo ilizwi lakhe kalihlali kini, ngoba kalimkholwa lowo amthumileyo. Liphenyisisa iMibhalo liyihlola ngokuba licabanga ukuthi ngayo lilakho ukuphila okungapheliyo. Yiyo le iMibhalo efakaza ngami,

UMoya unika ukuphila; inyama kayisilutho. Amazwi engiwakhulume kini angumoya njalo ayikuphila.

Ngilitshelile ukuthi lizafela ezonweni zenu; uma lingakholwa ukuthi nginguye engithi nginguye, ngempela lizafela ezonweni zenu.”

UJesu wathi kubaJuda abamkholwayo, “Uma libambelela emfundisweni yami lingabafundi bami ngempela. Ngakho lizalazi iqiniso, njalo iqiniso lizalikhulula.”

Kungani lingaluzwisisi ulimi engilukhulumayo na? Ngokuba liyehluleka ukuzwa engikutshoyo. Lingabakayihlo, uSathane, ngakho lifuna ukusenza isifiso sikayihlo. Wavele waba ngumbulali mdabuko wakhe, kazema eqinisweni, ngokuba uvele engelalo iqiniso. Uthi nxa ewaqamba amanga, akhulume ulimi lomdabuko wakhe ngokuba ungusomangase loyise wamanga. Kodwa kalingikholwa ngokuba ngilitshela iqiniso! Ukhona na kini ongaveza ukuthi ngilecala lesono? Aluba ngikhuluma iqiniso, kungani lingangikholwa na? Lowo ongoka-Nkulunkulu uyakuzwa lokho uNkulunkulu akutshoyo. Isizatho sokuthi lingezwa siyikuthi kalisibo bakaNkulunkulu.”

Ngiyaqinisa ngithi, nxa umuntu egcina ilizwi lami kasoze akubone ukufa lanini.”

kodwa kalikholwa ngokuba kalisibo abomhlambi wami. Ezami izimvu ziyalilalela ilizwi lami; ngiyazazi lazo ziyangilandela.

Nxa wababiza ngokuthi ‘ngonkulunkulu,’ bona labo ilizwi elafika kubo  —  njalo uMbhalo kawephulwa  —

Umuntu othanda impilo yakhe izamlahlekela, ikanti umuntu ozonda impilo yakhe kulo umhlaba uzayilondolozela ingunaphakade. Lowo ongikhonzayo kumele angilandele; lalapho engikhona lesikhonzi sami sikhona. UBaba uzamdumisa lowo ongikhonzayo.

Lokuba uJesu wayeyenzile yonke imimangaliso le emehlweni abo, babelokhu bengakholwa kuye. Lokhu kwakugcwalisa ilizwi lika-Isaya umphrofethi elithi: “Nkosi, ngubani olikholiweyo ilizwi lethu na, njalo amandla eNkosi ambulelwe ubani na?” Ngalesisizatho babengeze bakholwa ngokuba, njengoba esitsho u-Isaya komunye umbhalo, ukuthi: “Uwafiphazile amehlo abo wathundubeza izinhliziyo zabo ukuze bangaboni ngamehlo abo njalo bangezwisisi ngezinhliziyo zabo, loba baphenduke  —  ukuze ngibasilise.” U-Isaya wakutsho lokhu ngoba wayibona inkazimulo kaJesu, njalo wayekhuluma ngaye. Kodwa loba kunjalo abanengi labaphakathi kwabakhokheli bakholwa kuye. Kodwa ngenxa yabaFarisi kabalufakazanga ukholo lwabo besesaba ukuthi bazaxotshwa esinagogeni; ngokuba babethanda ukubukwa ngabantu okwedlula ukubukwa okuvela kuNkulunkulu.

Ukhona umahluleli walowo ongalayo, ongawemukeliyo amazwi ami; lona lelolizwi uqobo engalikhulumayo lizamlahla ngosuku lokucina.

Ngokuba kangizikhulumelanga okwentando yami, kodwa uBaba ongithumileyo wangilaya ukuthi ngithini lokuthi ngikutsho kanjani. Ngiyazi ukuthi umlayo wakhe uholela ekuphileni kwaphakade. Yikho loba kuyini engikutshoyo yikho lokho uBaba angitshele khona ukuthi ngikutsho.”

UJesu waphendula wathi, “Mina ngiyiyo indlela  —  njalo ngiliqiniso lokuphila. Kakho ozayo kuBaba ngaphandle kwami.

Uma lingithanda lizakwenza lokho engiliyala khona.

Lowo olayo imilayo yami, ayilalele, nguye ongithandayo. Lowo ongithandayo uzathandwa nguBaba, njalo lami ngizamthanda ngiziveze kuye.”

UJesu waphendula wathi, “Nxa ekhona ongithandayo uzalalela imfundiso yami. UBaba uzamthanda, njalo sizakuza kuye sakhe umuzi wethu kanye laye. Lowo ongangithandiyo kayikulalela imfundiso yami. Amazwi la eliwezwayo kawasiwami; angakaBaba ongithumileyo.

Uma lihlala kimi lamazwi ami ehlala kini, celani loba yini eliyifunayo, lizayiphiwa.

Kodwa yena uMoya weqiniso nxa esefikile uzalikhokhelela kulo lonke iqiniso. Kazukuzikhulumela yena; uzakhuluma lokho akuzwayo kuphela, njalo uzalitshela lokho okusezakuza.

Ngibaphile ilizwi lakho ngakho umhlaba usubazondile, ngoba bengaseyibo bomhlaba njengoba lami ngingasuye womhlaba.

Bangcwelise ngalo iqiniso; ilizwi lakho liliqiniso.

UPhilathu wathi, “Uyinkosi, phela!” UJesu waphendula wathi, “Uqondile ukuthi ngiyinkosi. Ngeqiniso ngazalelwa lokho, njalo ngalanda khona lokho emhlabeni, ukuzafakaza iqiniso. Bonke abemi eqinisweni bayangilalela.”

UPhethro labanye abaphostoli baphendula bathi, “Simele silalele uNkulunkulu kulokulalela abantu!

Yikho uPhawuli loBhanaba basebebaphendula ngesibindi bathi: “Besimele ilizwi likaNkulunkulu silikhulume kini kuqala. Kodwa njengoba lililahla ngoba lizibona lina lingakufanelanga ukuphila okungapheliyo, khathesi sesiphendukela kwabeZizwe.

AmaBheriya wona ayelesimilo esingcono kulaleso esamaThesalonika, ngoba balemukela ilizwi ngokuthakazelela bayihlola iMibhalo nsuku zonke ukuze babone ukuthi lokho uPhawuli ayekutsho kwakuliqiniso na.

Kodwa abanye babo baba yiziqholo; bala ukukholwa bakhuluma kubi obala ngeNdlela. UPhawuli wasebatshiya bodwa. Wathatha abafundi wasuka wayahlangana labo baxoxisana nsuku zonke esikolweni sikaThiranu.

Ngiyazi ukuthi nxa sengisukile lapha, izimpisi eziphangayo zizakuza phakathi kwenu ziwungenele umhlambi. Laphakathi kwenu kuzavela abantu abazalihlanekela iqiniso ukuze babuyele kubo abanye abafundi. Ngakho lihlale liqaphile! Khumbulani ukuthi okweminyaka emithathu kangizange ngiphumule ukuxwayisa omunye lomunye wenu ebusuku lemini ngezinyembezi.

“ ‘Hamba kulababantu uyekuthi, “Lizahlala lisizwa njalonje, kodwa lingaqedisisi; lizabe libona kokuphela kodwa lingabonisisi. Ngokuba inhliziyo yalababantu isindikindiki; kabasezwa ngezindlebe zabo, njalo sebevale amehlo abo; ngoba bangaqabuka bebona ngamehlo abo, bezwe ngezindlebe zabo, baqedisise ngezinhliziyo zabo, baphenduke, lami ngibasilise.’

UPhawuli, inceku kaKhristu uJesu, owabizelwa ukuba ngumphostoli njalo wahlukaniselwa ivangeli likaNkulunkulu  — ivangeli alithembisa ngaphambili ngabaphrofethi bakhe emiBhalweni eNgcwele

Kangilanhloni ngevangeli, ngoba lingamandla kaNkulunkulu okusindiswa kwabo bonke abakholwayo: kuqala amaJuda, kulandele abezizwe. Ngoba ukulunga okuvela kuNkulunkulu kubonakaliswa evangelini, ukulunga okungokukholwa kusukela ekuqaleni kusiya ekucineni, njengoba kulotshiwe ukuthi: “Abalungileyo bazaphila ngokholo.” Ulaka lukaNkulunkulu luyabonakaliswa luvela ezulwini kukho konke ukungakhonzwa kukaNkulunkulu kanye lobubi babantu abacindezela iqiniso ngobubi babo, ngoba okungazakala ngoNkulunkulu kusobala kubo. Ngoba kusukela ekudalweni komhlaba isimo sikaNkulunkulu esingabonakaliyo  —  amandla akhe angapheliyo kanye lobuNkulunkulu bakhe  —  sekubonakele ngokusobala, kuzwisiseka ngokwenziweyo, ukuze abantu bangabi lasizatho sokuzigeza. Ngoba lanxa uNkulunkulu babemazi, kabamdumisanga njengoNkulunkulu loba bambonge, kodwa imicabango yabo yaba yize lezinhliziyo zabo eziyiziwula zaba mnyama. Lanxa bazenza abahlakaniphileyo baba yizithutha

Pho yibungcono bani obukhona ekubeni ngumJuda, loba ligugu bani elikhona ekusokeni na? Kukhulu ngezindlela zonke. Okokuqala baphathiswe wona kanye amazwi kaNkulunkulu. Kuba njani uma abanye babo babengelakholo? Ukungabi lokholo kwabo kuzachitha ukuthembeka kukaNkulunkulu na? Akunjalo. UNkulunkulu kabe qotho, umuntu wonke abe ngumqambi wamanga. Njengoba kulotshiwe ukuthi: “Ukuze ubonakaliswe ukuthi uqondile lapho ukhuluma njalo unqobe lapho usahlulela.”

Njengoba kulotshiwe ukuthi: “Kakho olungileyo, kakho loyedwa; Kakho ozwisisayo, kakho odinga uNkulunkulu.

Pho, siyawuchitha umthetho ngalokhukukholwa na? Hatshi, akunjalo! Kodwa, okuyikho yikuthi umthetho siyawusekela.

Kodwa khathesi, ngokufela kulokho okwake kwasibopha, sesikhululiwe emthethweni ukuze sikhonze ngendlela entsha yoMoya hatshi ngendlela endala yezimiso ezilotshiweyo.

Ngakho-ke, umthetho ungcwele, lomlayo ungcwele, ulungile njalo muhle.

Kabongwe uNkulunkulu  —  ngoJesu Khristu iNkosi yethu! Ngakho-ke mina, engqondweni yami ngiyisigqili somthetho kaNkulunkulu, kodwa ngemvelo elesono ngiyisigqili somthetho wesono.

ingqondo yesono iyamzonda uNkulunkulu. Kayiwuvumi umthetho kaNkulunkulu, njalo ayingeke yenze njalo.

njalo bangatshumayela njani ngaphandle kokuba bethunyiwe na? Njengoba kulotshiwe ukuthi, “Yeka ubuhle bezinyawo zalabo abaletha izindaba ezinhle!” Kodwa akusibo bonke abako-Israyeli abazamukelayo izindaba ezinhle. Ngoba u-Isaya uthi, “Nkosi, ngubani olikholiweyo ilizwi lethu na?” Ngakho-ke, ukukholwa kuvela ekuzweni ilizwi, lelizwi lizwakala ngelizwi likaKhristu.

njengoba kulotshiwe ukuthi: “UNkulunkulu wabanika umoya wokozela, lamehlo ukuze bangaboni kanye lendlebe ukuze bangezwa, kuze kube lamhla.

Ngoba konke okwalotshwa kudala kwalotshelwa ukusifundisa, ukuze kuthi ngokubekezela langokukhuthazwa yimibhalo sibe lethemba.

Ngiyalincenga, bazalwane, ukuba libaqaphele labo abadala ukwahlukana bebeka izivimbelo endleleni yenu, okuphambene lemfundiso elayifundayo. Baxwayeni. Ngoba abantu abanjalo kabakhonzi Nkosi yethu uKhristu, kodwa izinkanuko zabo. Ngenkulumo emnandi langobuqili bakhohlisa izingqondo zabantu abayiziphukuphuku.

Ngoba ilizwi lesiphambano liyibuthutha kulabo ababhubhayo, kodwa kithi abasindisiweyo lingamandla kaNkulunkulu.

Kodwa siyalikhuluma ilizwi lokuhlakanipha kulabo asebekhulile, belo kungasikho kuhlakanipha kwalesisikhathi loba okwababusi balesisikhathi, asebezakuba yize. Hatshi, sikhuluma ngokuhlakanipha kukaNkulunkulu okufihlakeleyo, ukuhlakanipha obekukade uNkulunkulu akumisela inkazimulo yethu isikhathi singakaqalisi.

Lokhu yikho esikukhulumayo, hatshi ngamazwi esawafundiswa yikuhlakanipha kwabantu kodwa ngamazwi esawafundiswa nguMoya, atsho amaqiniso awokomoya ngamazwi okomoya. Umuntu ongelaMoya kazamukeli izinto ezivela kuMoya kaNkulunkulu, ngoba kuye ziyibuthutha, njalo angeke aziqedisise ngoba zibonakaliswa ngomoya. Umuntu womoya uyazahlulela izinto zonke, kodwa yena ngokwakhe akukho muntu ongamahlulela:

Ukusoka kuyize njalo lokungasoki kuyize. Ukugcina imilayo kaNkulunkulu yikho okuqakathekileyo.

Bazalwane, ngithanda ukulikhumbuza ngevangeli engalitshumayela kini, elalamukelayo njalo eselimi ngalo. Ngalelivangeli liyasindiswa, uma libambelela elizwini engalitshumayela kini. Kungenjalo selikholwe ize.

Uma umuntu engayithandi iNkosi  —  kehlelwe yisethuko. Woza, awu Nkosi!

Ngoba kuNkulunkulu siliphunga elimnandi likaKhristu phakathi kwalabo abasindiswayo lalabo ababhubhayo. Komunye siliphunga elibi lokufa; komunye siliphunga elimnandi lokuphila. Ngubani olingene umsebenzi lo na?

Usiphe amandla okuba yizisebenzi zesivumelwano esitsha  —  kungayisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uletha ukuphila. Uma imfundiso eyaletha ukufa eyayidwetshwe ngamabala elitsheni, yeza lenkazimulo, ukuze abako-Israyeli bangabukhangeli kokuphela ubuso bukaMosi ngenxa yenkazimulo yabo, lanxa nje yayisifiphala, kambe imfundiso kaMoya kayiyikuba lenkazimulo enkulu na? Uma imfundiso elahla abantu ilenkazimulo, pho inkulu kangakanani inkazimulo yemfundiso eletha ukulunga.

Kodwa-ke sizilahlile izindlela zangasese lezilihlazo; kasisebenzisi buqili, loba sihlanekele ilizwi likaNkulunkulu. Kodwa ngokubeka iqiniso obala sizinikela kusazela somuntu wonke phambi kukaNkulunkulu. Lanxa ivangeli lethu limboziwe, limbozwe kulabo ababhubhayo. Unkulunkulu walesisikhathi usenqunde izingqondo zabangakholwayo, ukuze bangakuboni ukukhanya kwevangeli lenkazimulo kaKhristu, ongumfanekiso kaNkulunkulu.

Kodwa ngiyesaba ukuthi njengo-Eva owakhohliswa yibuqili benyoka, izingqondo zenu zingaphanjulwa kancane ekuzinikeleni kwenu kuKhristu okuqotho lokungelasici.

Ngoba abantu abanjalo bangabaphostoli bamanga, izisebenzi ezikhohlisayo, ezizenza abaphostoli bakaKhristu. Akumangalisi ngoba loSathane uqobo uzenza ingilosi yokukhanya.

Ngoba asingeke senze lutho oluphambene leqiniso, kodwa olweqiniso kuphela.

Ngiyamangala ukuthi limdela masinya kangaka lowo owalibiza ngomusa kaKhristu, njalo liphendukela evangelini elehlukileyo elingasivangeli lakancane impela. Kusobala abanye abantu bayaliphazamisa njalo bazama ukungcolisa ivangeli likaKhristu. Kodwa lanxa thina, loba ingilosi evela ezulwini, singatshumayela elinye ivangeli ngaphandle kwalelo esalitshumayelayo kini, kalahlwe kuze kube nini lanini! Njengoba sesivele sitshilo, lakhathesi ngiyatsho futhi ngithi: Uma loba ngubani etshumayela kini elinye ivangeli ngaphandle kwalelo elalivumayo, kalahlwe kuze kube nini lanini!

Kasibavumelanga lakancane, ukuze iqiniso levangeli lihlale likhona kini.

Bonke abathembe umthetho bangaphansi kwesiqalekiso, ngoba kulotshiwe ukuthi: “Uthukiwe umuntu wonke ongaqhubeki esenza konke okulotshwe encwadini yoMthetho.”

UKhristu wasihlenga esiqalekisweni somthetho ngokuba yisiqalekiso ngenxa yethu, ngoba kulotshiwe ukuthi: “Uqalekisiwe umuntu wonke olengiswa esihlahleni.” Wasihlenga ukuze isibusiso esaphiwa u-Abhrahama sifike kwabezizweni ngoKhristu uJesu, ukuze samukele isithembiso sikaMoya ngokukholwa.

Izithembiso zatshiwo ku-Abhrahama lakunzalo yakhe. Umbhalo kawuthi “kwabenzalo,” usitsho abantu abanengi, kodwa uthi, “lakunzalo yakhe,” usitsho umuntu oyedwa, lowo kunguKhristu.

Ngakho umthetho waphiwa amandla okusiholela kuKhristu ukuba silungisiswe ngokukholwa.

Khathesi sengibe yisitha senu yini ngokulitshela iqiniso na?

Ngiyaqhubeka ngicela ukuba uNkulunkulu weNkosi yethu uJesu Khristu, uYise oyinkazimulo, alinike uMoya wokuhlakanipha lokwambulelwa, ukuze limazi ngcono. Ngikhulekela njalo lokuthi amehlo ezinhliziyo zenu makakhanyiselwe ukuze lilazi ithemba alibizela kulo, inotho yelifa lakhe elimangalisayo kwabangcwele,

Ngakho kasisayikuba yizingane, siphoswa emuva laphambili ngamagagasi, siphetshulwa lapha lalaphaya yimimoya yonke yokufundisa kanye lokuhlakanipha lobuqili babantu ngamasu abo enkohliso.

ukuba alenze libe ngcwele, elihlambulula ngokuligezisa ngamanzi ngokusebenzisa ilizwi,

Thathani ingowane yokusindiswa lenkemba kaMoya, eyilizwi likaNkulunkulu.

Njalo umkhuleko wami yilo: ukuba uthando lwenu lwande kokuphela ekwazini lasekuzikeni lokuqedisisa, ukuze lanelise ukubona okuhle njalo lihlambuluke lingabi lasici kuze kube lusuku lukaKhristu,

lapho liqhuba ilizwi lokuphila  —  ukuze ngizincome ngosuku lukaKhristu ngokuthi kangigijimelanga kumbe ngasebenzela ize.

uma liqhubeka ngokukholwa kwenu, ligxile njalo liqinile, lingasuki ethembeni eliliphiwa ngevangeli. Leli yilo ivangeli elalizwayo eselitshunyayelwe kuzo zonke izidalwa ngaphansi kwezulu, mina Phawuli esengibe yinceku yalo.

Qaphelani kungabi khona olithumbayo ngenhlakanipho eyize lekhohlisayo, eyeyame emdabukweni wabantu lakuzimiso zemvelo yakulo umhlaba kungesikho kuKhristu.

Lisikhulekele lathi futhi, ukuba uNkulunkulu avulele ilizwi lethu umnyango, ukuze sitshumayele imfihlakalo kaKhristu, engayibotshelwayo.

Lina laba ngabasilingisayo thina kanye leNkosi; langaphandle kokuhlupheka okukhulu, ilizwi lalamukela ngokuthokoza okuvela kuMoya oNgcwele.

Sasihluphekile ngaphambili njalo sithukiwe eFiliphi, njengoba lisazi, kodwa ngosizo lukaNkulunkulu wethu saba lesibindi sokulitshela ivangeli lakhe lanxa nje kwakulobunzima obukhulu.

Njalo uNkulunkulu siyambonga kokuphela ngoba, ekwamukeleni kwenu ilizwi likaNkulunkulu, elalizwa ngathi, lalamukela hatshi njengelizwi labantu, kodwa njengoba linjalo impela, ilizwi likaNkulunkulu, elisebenzayo kini lina abakholwayo.

alinike, kanye lathi, ukuhlaliseka lina elihlutshwayo. Lokhu kuzakwenzakala lapho iNkosi uJesu isibonakaliswa ezulwini phakathi komlilo ovuthayo ilezingilosi zayo ezilamandla. Izabajezisa labo abangamaziyo uNkulunkulu njalo bengalilaleli ivangeli leNkosi yethu uJesu. Bazajeziswa ngokubhujiswa okulaphakade bavalelwe ngaphandle kobukhona beNkosi lasenkazimulweni yamandla ayo

Lapho-ke lowo ongelamthetho uzabonakaliswa, lowo iNkosi uJesu ezamchitha ngomoya womlomo wayo imqede ngenkazimulo yokufika kwayo. Ukufika kwalowo ongelamthetho kuza kuya mayelana lomsebenzi kaSathane obonakaliswa kuzo zonke izinhlobo zezimangaliso zamanga, izibonakaliso kanye lezimanga, kanye lezinhlobo zonke zobubi obukhohlisa ababhubhayo. Bayabhubha ngoba bala ukuthanda iqiniso ukuba basindiswe. Ngenxa yalokhu uNkulunkulu ubehlisela inkohliso elamandla ukuze bakholwe amanga, ukuze balahlwe bonke abangalikholwanga iqiniso kodwa bathokoziswa yibubi.

Siyakwazi ukuthi umthetho ulungile uma umuntu ewusebenzisa kuhle. Siyakwazi lokuthi umthetho kawenzelwanga abantu abalungileyo, kodwa wenzelwa abeqa imithetho labahlamuki, abangamaziyo uNkulunkulu labayizoni, abangengcwele labangakholwayo; wenzelwa ababulala oyise labonina, lababulali, lezifebe, kanye lezixhwali, abathengisa izigqili labaqamba amanga kanye labafungela amanga  —  kanye lokunye okuphambene lemfundiso eqotho evumelana levangeli elilenkazimulo kaNkulunkulu obusisekileyo, angiphathisa lona.

Lokhu kuhle, njalo kuyamthokozisa uNkulunkulu uMsindisi wethu, ofuna ukuba abantu bonke basindiswe njalo balazi iqiniso.

uma ngiphuzile, ukwazi ukuthi abantu kumele baziphathe njani endlini kaNkulunkulu, elibandla likaNkulunkulu ophilayo, insika lesisekelo seqiniso.

Umoya utsho ngokucacileyo ukuthi ngezikhathi zokucina abanye bazalahla ukukholwa balandele imimoya ekhohlisayo lezinto ezifundiswa ngamadimoni.

Uma lezizinto uziphawula kubazalwane, uzakuba ngumfundisi omuhle kaKhristu uJesu, okhuliselwe phakathi kwamaqiniso okukholwa lemfundiso enhle oyilandelayo.

Zinikele ekufundeleni uzulu imibhalo, ekutshumayeleni kanye lasekufundiseni, ngize ngifike.

Qaphela kakhulu ukuphila kwakho kanye lemfundiso. Bambelela kuzo, ngoba uma usenza njalo, uzazisindisa wena ngokwakho kanye labakuzwayo.

Ngakho ungabi lenhloni ukufakaza ngeNkosi yethu, loba ube lenhloni ngami isibotshwa sayo. Kodwa hlanganyela lami ekuhluphekeleni ivangeli, ngamandla kaNkulunkulu,

uma sibekezela sizabusa laye futhi. Uma simphika, laye futhi uzasiphika;

Yenza ubungcono bakho ukuba uzethule kuNkulunkulu njengohloliweyo, isisebenzi okungaswelekiyo ukuba sibe lenhloni njalo esiliphatha kuhle ilizwi leqiniso.

Inceku yeNkosi kumele ixwaye ingxabano; kodwa kumele ibe lomusa ebantwini bonke, yanelise ukufundisa, ingabi lenzondo. Abaphikisayo kumele ibaluleke kuhle, ngethemba lokuthi uNkulunkulu uzabaguqula izinhliziyo baholelwe ekwazini iqiniso,

behlezi befunda kodwa benganelisi ukwamukela iqiniso.

kanye lokuthi kusukela ebuntwaneni wayazi njani imibhalo eNgcwele, engakwenza uhlakaniphele ukusindiswa ngokukholwa kuKhristu uJesu. IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, ukuze umuntu kaNkulunkulu ayilungisele ngokupheleleyo yonke imisebenzi emihle.

Tshumayela iLizwi; lungisela ngesikhathi esifaneleyo langesikhathi esingafanelanga; lungisa, ukhuze njalo ukhuthaze  —  ngokubekezelela okukhulu langokulaya ngokunanzelela. Ngoba isikhathi sizafika lapho abantu abangayikuyivuma imfundiso eqotho. Kodwa, ukuze basuthise izinkanuko zabo, bazaziqoqela abafundisi abanengi ukuba batsho lokho izindlebe zabo ezilumayo ezifuna ukukuzwa. Izindlebe zabo bazazisusa eqinisweni baphambukele ezinganekwaneni.

Kumele abambelele elizwini eliqotho njengokufundiswa kwalo ukuze akhuthaze abanye ngemfundiso eqotho, njalo amelane lalabo abaphikisayo.

Ubufakazi lobu buliqiniso. Ngakho-ke bakhuze ngamandla, ukuze baqine ekukholweni

Kumele ufundise okuvumelana lemfundiso eqotho.

Ngakho kufanele siqaphelisise lokho esikuzwileyo, ukuze singaduki. Ngoba uma ilizwi elakhulunywa yizingilosi liqinisa, njalo konke ukona lokungalaleli kuthole isijeziso sakho esifaneleyo, pho thina sizaphepha njani uma singanaki insindiso enkulu kangaka na? Ukusindiswa lokhu, okwabikwa kuqala yiNkosi, kwafakazwa kithi yilabo abayizwayo.

Ngakho, njengoba uMoya oNgcwele esithi: “Lamhla, uma lisizwa ilizwi lakhe, lingazenzi zibe lukhuni izinhliziyo zenu, njengelakwenzayo ekuhlamukeni, ngesikhathi sokulingwa enkangala, lapho okhokho benu abangihlola khona bangilinga, babona engakwenzayo okweminyaka engamatshumi amane. Yikho nje ngasithukuthelela isizukulwana leso, njalo ngathi, ‘Izinhliziyo zabo zihlezi ziduka, njalo kabazazanga izindlela zami.’ Ngakho ukuthukuthela kwami ngakumemezela ngesifungo ngathi, ‘Kabayikungena ekuphumuleni kwami.’ ” Bonani, bazalwane, ukuthi kakho omunye wenu olenhliziyo yokona lokungakholwa, ephambukayo kuNkulunkulu ophilayo.

Ngoba ivangeli latshunyayelwa kithi njengakubo; kodwa ilizwi abalizwayo lalingelasizo kubo, ngoba labo abalizwayo kabalihlanganisanga lokholo. Thina esakholwayo siyangena kulokhokuphumula, njengoba uNkulunkulu etshilo ukuthi: “Ngakho ngamemezela ngesifungo ekuthukutheleni kwami ngathi, ‘Kabayikungena ekuphumuleni kwami.’ ” Kodwa umsebenzi wakhe usuqediwe kusukela ekudalweni komhlaba.

Ilizwi likaNkulunkulu liyaphila njalo liyasebenza. Libukhali kulenkemba esika inxa zombili, ingena ize yehlukanise umphefumulo lomoya, amalunga lomnkantsho; lahlulela imicabango lomumo wenhliziyo. Kukho konke okudaliweyo akulalutho olufihlakeleyo emehlweni kaNkulunkulu. Konke kwambuliwe kwabekwa obala phambi kwamehlo akhe yena okumele sizibike kuye.

Akwenzakali kulabo asebake bakhanyiselwa, asebenambithe isipho sasezulwini, asebehlanganyele kuMoya oNgcwele, asebenambithe ubuhle belizwi likaNkulunkulu kanye lamandla esikhathi esizayo, uma behlubuka, ukuba babuyiselwe ekuphendukeni, ngoba ekulahlekelweni kwabo bayayibethela futhi esiphambanweni iNdodana kaNkulunkulu beyethesa ihlazo phambi kwabantu bonke.

Nansi isivumelwano engizasenza lendlu ka-Israyeli ngemva kwalesosikhathi, kutsho iNkosi. Ngizabeka imithetho yami ezingqondweni zabo ngiyilobe ezinhliziyweni zabo. Ngizakuba nguNkulunkulu wabo, bona babe ngabantu bami.

“Lesi yisivumelwano engizasenza labo emva kwalesosikhathi, kutsho iNkosi. Ngizafaka imithetho yami ezinhliziyweni zabo ngiyilobe lasezingqondweni zabo.”

Uma siqhubeka sisenza izono ngabomu emva kokuba iqiniso sesilazi, kawusekho umhlatshelo wezono, kodwa umlindelo kuphela owesabekayo wokwahlulelwa kanye lomlilo ovuthayo ozaqothula izitha zikaNkulunkulu. Owawalayo umthetho kaMosi wafa kungekho sihawu ngobufakazi babafakazi ababili kumbe abathathu. Pho licabanga ukuthi ufanele ukujeziswa kakhulu okungakanani umuntu owanyathela iNdodana kaNkulunkulu ngaphansi konyawo, ophathe igazi lesivumelwano elamenza waba ngcwele njengento engangcwele, lohlambaza uMoya womusa na?

Kungelakukholwa akwenzakali ukuthokozisa uNkulunkulu, ngoba oza kuye kumele akholwe ukuthi ukhona lokuthi uyabanika umvuzo labo abadinga ngobuqotho.

Bonani ukuthi kalimenqabeli lowo okhulumayo. Uma bengaphephanga lapho benqabela lowo owabaxwayisa emhlabeni, koba kuncane kangakanani kithi, uma sidela lowo osixwayisa ezulwini na?

ngoba uNkulunkulu wethu ungumlilo oqothulayo.

Uma omunye wenu eswela ukuhlakanipha kumele acele kuNkulunkulu, obanikayo bonke ngokuphana engadinganga sici, uzakuphiwa.

Ngakho-ke lahlani amanyala wonke lobubi obande kangaka, lilamukele ngokuthobeka ilizwi elahlanyelwa kini, elingalisindisa. Lingalaleli ilizwi nje kuphela, beselizikhohlisa ngalokho. Yenzani lokho elikutshoyo. Loba ngubani olalela ilizwi kodwa angaze enza elikutshoyo unjengomuntu okhangela ubuso bakhe esibukweni kuthi esezibukile asuke ahle akhohlwe ukuthi unjani.

Lina zifebe zabantu, kalikwazi yini ukuthi ubungane lomhlaba kuyikuzonda uNkulunkulu na? Umuntu okhetha ukuba ngumngane womhlaba uba yisitha sikaNkulunkulu. Kumbe licabanga ukuthi umbhalo utsho kungelasizatho ukuthi umoya awenza ukuba uhlale phakathi kwethu ugebela ebukhweleni, kodwa yena usinika umusa owengeziweyo. Yikho nje umbhalo usithi, “UNkulunkulu umelana labazigqajayo kodwa abanike umusa abathobekileyo.” Ngakho-ke zehliseni kuNkulunkulu. Menqabeni uSathane, uzalibalekela. Sondelani phansi kukaNkulunkulu laye uzasondela kini. Gezani izandla zenu lina zoni, lihlambulule lezinhliziyo zenu, lina abangqondombili. Dabukani, lilile, likhale. Guqulani ukuhleka kwenu kube yikukhala, kuthi ukuthokoza kwenu kube yikudana. Zithobeni phambi kweNkosi, izaliphakamisa.

Njengoba khathesi selizihlambulule ngokulalela iqiniso ukuze libe lothando oluqotho kubazalwane benu, thandanani kakhulu, kusuka enhliziyweni. Ngoba selizalwe kutsha, kungasikho ngenhlanyelo ebolayo, kodwa ngengaboliyo, ngelizwi eliphilayo eliqinileyo lika-Nkulunkulu. Ngoba, “Abantu bonke banjengotshani, bonke ubukhosi babo bunjengamaluba eganga; utshani buyabuna njalo iluba liyawohloka, kodwa ilizwi leNkosi limi kuze kube nini lanini.” Njalo leli yilo ilizwi elatshunyayelwa kini.

Njengabantwana abasanda kuzalwa, funani uchago lomoya oluhlambukileyo, ukuze likhuliswe yilo ekusindisweni kwenu,

Kini lina abakholwayo, ilitshe leli liligugu. Kodwa kulabo abangakholwayo: “Ilitshe elaliwa ngabakhi selibe yinhloko yengosi,” Njalo, “Ilitshe elikhubekisa abantu ledwala elibenza bawe.” Bayakhubeka ngoba badelela ilizwi okuyikho njalo abakumiselweyo.

Ngoba kuyisikhathi sokuthi ukwahlulela kuqalise ngabendlu kaNkulunkulu; njalo uma kuqalisa ngathi, isiphetho sizakuba yini kulabo abangalaleli ivangeli likaNkulunkulu na?

Thina ngokwethu salizwa ilizwi lelo elavela ezulwini silaye phezu kwentaba engcwele. Njalo ilizwi labaphrofethi seliqiniswe kakhulu, njalo kuzakuba kuhle kini ukuba lilinake njengesibane esikhanyise endaweni emnyama, usuku luze luse lendonsakusa ize iphume ezinhliziyweni zenu. Phezu kwakho konke, kumele liqedisise ukuthi akukho siphrofetho soMbhalo esavela ngokuchasisa okungokomphrofethi. Ngoba isiphrofetho kasizange sivele entandweni yomuntu, kodwa abantu bakhuluma kuvela kuNkulunkulu beholwa nguMoya oNgcwele.

Kodwa phakathi kwabantu kwakulabaphrofethi bamanga futhi, njengoba kuzakuba labafundisi bamanga phakathi kwenu. Ngasese bazangenisa ukholo lwamanga oluchithayo, baze bayiphike leNkosi yobukhosi eyabathengayo  —  bazilethele ukubhujiswa ngokuphangisa. Abanengi bazalandela izindlela zabo ezilihlazo benze lendlela yeqiniso idumazeke. Ngobugovu babo abafundisi laba bazakwenza inzuzo ngani ngezinganekwane zokuzibumbela. Ukulahlwa kwabo kubengamile, lokubhujiswa kwabo akuzange kukhohlakale.

Uloba ngandlela yinye kuzo zonke izincwadi zakhe, ekhuluma lezizindaba kuzo. Izincwadi zakhe zimumethe ezinye izinto okunzima ukuzizwisisa, okuthi abantu abangaziyo labangaqinanga bazihlanekele, njengabakwenzayo kweminye iMibhalo, okuzaletha ukubhujiswa kwabo. Ngakho-ke, bangane abathandekayo, njengoba lokhu selivele likwazi, qaphelani ukuze lingedukiswa yibubi babantu abangelamthetho beselisiwa ezindaweni zenu eziqinileyo.

Singaba leqiniso ukuthi siyamazi uma silalela imilayo yakhe. Umuntu othi, “Ngiyamazi,” kodwa angagcini imilayo yakhe uqamba amanga, leqiniso kalalo. Kodwa uma umuntu elalela ilizwi lakhe, uthando lukaNkulunkulu luyapheleliswa sibili kuye. Nanku esazi ngakho ukuthi sikuye: Lowo othi uhlala kuye kumele aphile njengokwenziwa nguJesu.

Bazalwane abathandekayo, lingaze labakholwa omoya bonke, kodwa bahloleni omoya ukuba libone langabe bavela kuNkulunkulu, ngoba abaphrofethi bamanga abanengi sebekhona emhlabeni.

Thina singabakaNkulunkulu, njalo lowo omaziyo uNkulunkulu uyasilalela; kodwa lowo ongasuye kaNkulunkulu kasilaleli. Simazi kanje uMoya weqiniso lomoya wamanga.

Sikwazi kanje ukuthi siyabathanda abantwana bakaNkulunkulu: ngokuthanda uNkulunkulu sigcina imilayo yakhe.

Lowo okholwayo eNdodaneni kaNkulunkulu ulobufakazi lobu enhliziyweni yakhe. Lowo ongamkholwayo uNkulunkulu umenze waba ngolamanga, ngoba engabukholwanga ubufakazi uNkulunkulu abunike ngeNdodana yakhe.

Uthando yilolu: ukuba siphile ngokulalela imilayo yakhe. Njengoba uzwile kusukela ekuqaleni, umlayo wakhe yikuthi uphile impilo yothando.

Lowo odlulela phambili angabe esaqhubeka ngemfundiso kaKhristu kalaye uNkulunkulu; lowo oqhubekayo ngemfundiso uloBaba leNdodana. Uma umuntu esiza kini engalethi imfundiso le, lingamngenisi ezindlini zenu njalo lingamamukeli. Lowo omamukelayo uyahlanganyela emisebenzini yakhe emibi.

Lanxa selikwazi konke lokhu, ngithanda ukulikhumbuza ukuthi iNkosi yakhupha abantu bayo eGibhithe, kodwa muva yababhubhisa labo abangakholwanga.

Esandleni sakhe sokunene wayephethe izinkanyezi eziyisikhombisa, emlonyeni wakhe kwaphuma inkemba ebukhali enhlendlambili. Ubuso bakhe babunjengelanga likhanyisa ngenkazimulo yalo yonke.

Ngiyazazi izenzo zakho, lokusebenza kwakho nzima kanye lokubekezela kwakho. Ngiyakwazi ukuthi awungeke ubabekezelele abantu abaxhwalileyo, lokuthi ubahlolile labo abathi bangabaphostoli kodwa bengayisibo, njalo wabafumana bengabalamanga.

Ngakho-ke phenduka! Hlezi ngize kuwe ngilwe labo ngenkemba yomlomo wami.

Ngakho njengoba ubuthukuthuku  —  ungatshisi njalo ungaqandi  —  sekuseduze ukuba ngikukhafule emlonyeni wami. Wena uthi, ‘Nginothile; sengazuza inotho njalo kangisweli lutho.’ Kodwa kawunanzeleli ukuthi uyahlupheka, ulusizi, ungumyanga, uyisiphofu njalo unqunu.

Ngakho umgobho wamthukuthelela owesifazana, wasusuka usiyakulwa impi lenzalo yonke yowesifazana  —  labo abagcina imilayo kaNkulunkulu babambelele lakubufakazi bukaJesu. Umgobho wema ekhunjini lolwandle.

Ngabuya ngabona enye ingilosi indiza emoyeni, ilevangeli elingapheliyo ukuba ilitshumayele kulabo abahlezi emhlabeni  —  lasezizweni zonke, lasezizwaneni, lasezindimini kanye lasebantwini. Ngelizwi elikhulu yathi, “Mesabeni uNkulunkulu limdumise, ngoba isikhathi sokwahlulela kwakhe sesifikile. Mkhonzeni yena owadala amazulu, lomhlaba, lolwandle kanye lemithombo yamanzi.”

Ngubani ongayikukwesaba, wena Nkosi, adumise ibizo lakho na? Ngoba nguwe kuphela ongcwele. Zonke izizwe zizakuza zikhonze phambi kwakho, ngoba imisebenzi yakho elungileyo isibonakalisiwe.”

Amehlo akhe anjengomlilo ovuthayo, njalo ekhanda lakhe kulemiqhele eminengi. Ulebizo elilotshwe kuye elingaziwa muntu ngaphandle kwakhe yena ngokwakhe. Ugqoke isambatho esigxanyuzwe egazini, njalo ibizo lakhe nguLizwi likaNkulunkulu.

Emlonyeni wakhe kuphuma inkemba ebukhali agalela ngayo izizwe. Uzazibusa ngentonga yensimbi. Unyathela isikhamelo sewayini sentukuthelo yolaka lukaNkulunkulu uSomandla.

Abanye babo, babulawa ngenkemba eyaphuma emlonyeni womgadi webhiza, njalo izinyoni zonke zazitika ngenyama yemizimba yabo.

Ngiyabaxwayisa bonke abezwa amazwi esiphrofetho sencwadi le: Uma umuntu ezakwengeza olunye ulutho kuwo, uNkulunkulu uzazengeza kuye izifo ezibaliswe kule incwadi. Njalo uma umuntu esusa amazwi kule incwadi yesiphrofetho, uNkulunkulu uzamthathela isabelo sakhe esihlahleni sokuphila lasedolobheni elingcwele, okubaliswe kule incwadi.