04 – Fakatupu 'o E Mamani

NAE fakatubu e he Otua i he kamataaga ae lagi mo mamani. Bea nae fuofuonoa a mamani mo lala; bea nae fakabouli ae fuga oe loloto. Bea nae oofaki ae Laumalie oe Otua ki he fukahi vai. Bea folofola ae Otua, Ke māma: bea nae māma ai. Bea afio e he Otua ki he māma, kuo lelei ia: bea nae vahi‘i e he Otua ae māma mei he bouli. Bea nae ui e he Otua ae māma koe Aho, bea ne ui ae bouli koe Bo. Bea koe efiafi moe bogibogi koe uluaki aho ia.

Bea nae folofola ae Otua, Ke ai ae atā i he vahaa oe gaahi vai, ke vahe‘i ae gaahi vai mei he gaahi vai. Bea nae gaohi e he Otua, ae atā, bea vahe‘i ae gaahi vai nae i he lalo atā, mei he gaahi vai nae i oluga i he atā: bea nae hoko ia. Bea nae ui ae atā e he Otua koe Lagi. Bea koe efiafi moe bogibogi ko hono aho ua ia.

Bea nae folofola ae Otua, Ke fakataha ae gaahi vai i he lalo lagi ki he botu be taha, bea ke ha mai ae momoa: bea nae hoko ia. Bea nae ui e he Otua ae momoa koe Fonua; bea koe gaahi vai nae tanaki fakataha, naa ne ui koe Tahi; bea nae afio e he Otua kuo lelei. Bea nae folofola ae Otua, Ke tubu ae mohuku mei he kelekele, moe akau iki oku ai hono tega, moe akau oku fua, bea i ai hono tega, o tatau mo hono faahiga: bea nae hoko ia. Bea nae tubu mei he kelekele ae mohuku, moe akau iki nae tubu ai ae tega o hono faahiga, moe akau oku fua, aia nae i ai ae tega o hono faahiga: bea nae afio e he Otua kuo lelei. Bea koe efiafi moe bogibogi ko hono aho tolu ia.

Bea nae folofola ae Otua, Ke ai ae gaahi māma i he atā oe lagi, ke vahe‘i ae aho mei he bo; bea ke fakailoga aki ia ae gaahi faahita‘u, moe gaahi aho, moe gaahi ta‘u: Bea ke hoko ia koe gaahi māma i he atā oe lagi ke fakamāma ki mamani: bea nae hoko ia. Bea nae gaohi e he Otua ae māma lahi e ua; koe māma lahi hake ke bule ki he aho, moe māma jii ke bule ki he bo: bea moe gaahi fetuu foki. Bea nae tuku ia e he Otua i he atā oe lagi, ke fakamāma ki mamani, Bea ke bule ki he aho moe bo, bea ke vahe‘i ae māma mei he bouli: bea nae afio e he Otua kuo lelei. Bea koe efiafi moe bogibogi ko hono aho fa ia.

Bea nae folofola ae Otua, Ke tubu o lahi aubito mei he gaahi vai ae mea moui oku totolo, moe faga manu buna ke buna i he fuga o mamani, i he atā oe lagi. Bea nae gaohi e he Otua ae gaahi tofuaa lalahi, moe mea moui kotoabe nae gaolo, aia ne tubu lahi aubito mei he gaahi vai i ho nau faahiga, moe faga manu buna kotoabe i ho nau faahiga: bea nae afio e he Otua kuo lelei. Bea nae tabuaki‘i akinautolu e he Otua, o behe, Mou fanafanau, mo tubu ke lahi, bea fakafonu ae gaahi vai oe tahi, bea ke tubu ke lahi ae faga manu buna i mamani. Bea koe efiafi moe bogibogi ko hono aho nima ia.

Bea nae folofola ae Otua, Ke tubu mei he fonua ae mea moui i hono faahiga, ae faga manu, moe mea totolo, moe manu oe vao i hono faahiga: bea nae hoko ia. Bea nae gaohi e he Otua ae manu oe vao i hono faahiga, moe faga manu lalahi i ho nau faahiga, moe mea kotoabe oku totolo i he fuga fonua i hono faahiga: bea nae afio e he Otua kuo lelei ia.

Bea nae folofola ae Otua, Ke tau gaohi ae tagata i ho tau tatau, moe tau aga: bea ke nau bule ki he ika oe tahi, moe manu buna oe atā, moe faga manu, mo mamani kotoabe, moe mea totolo kotoabe oku gau‘e i he kelekele. Koia nae gaohi ae tagata e he Otua i hono tatau, naa ne gaohi ia i he tatau oe Otua; naa ne gaohi akinaua koe tagata moe fefine. Bea nae tabuaki‘i akinaua e he Otua, bea folofola ae Otua kiate kinaua, Fanafanau, mo fakatokolahi, mo fakakakai a mamani, bea bule ki ai: bea bule ki he ika oe tahi, moe faga manu buna oe atā, moe mea moui kotoabe oku gau‘e i he fuga o mamani. Bea nae folofola ae Otua, Vakai, kuou foaki kiate kimoua ae akau iki kotoabe oku i ai hono tega, aia oku i he fuga oe fonua kotoa, moe akau kotoabe oku fua aia oku i ai hono tega; koia ia ke mo kai. Bea koe faga manu kotoabe i he fonua, moe faga manu buna kotoabe oe atā, moe mea moui kotoabe oku totolo i he fonua, e kai i he akau‐lau mata kotoabe: bea nae hoko ia. Bea nae afio e he Otua ki he mea kotoabe naa ne gaohi, bea vakai, nae lelei aubito. Bea koe efiafi moe bogibogi ko hono aho ono ai.

NAE behe a hono gaohi o oji ae lagi moe fonua, mo ho na nāunāu kotoabe. Bea i hono fitu oe aho kuo fakaoji e he Otua a ene gaue aia naa ne fai; bea nae tutuku ia i hono fitu oe aho, mei he ene gaue kotoabe aia naa ne fai. Bea nae tabuaki e he Otua a hono fitu oe aho, mo ne fakatabu‘i ia: koeuhi koia ia naa ne tutuku ai mei he ene gaue kotoabe, aia nae fakatubu mo gaohi e he Otua.

Koe tala fakahohoko eni ki he gaohi oe lagi mo mamani, i he aho aia nae fakatubu ai e Jihova koe Otua, a mamani bea moe lagi, Moe akau kotoabe oe fonua i he heeki ke tuu ia i he kelekele, moe akau iki kotoabe oe fonua, i he heeki ai ke tubu: he nae heeki ke tuku e he Otua ha uha ki he kelekele, bea nae ikai ha tagata ke goue‘i ae kelekele. Ka nae alu hake ae vaivao mei he fonua, ke fakaviviku ae fuga kelekele kotoabe. Bea nae gaohi e Jihova koe Otua ae tagata mei he efu oe kelekele, bea ne manava ki hono ava‘i ihu ae manava oe moui; bea hoko ae tagata koe laumalie moui. Bea nae to ae goue e Jihova koe Otua ki he botu hahake i Iteni; bea ne tuku ki ai ae tagata aia naa ne gaohi.

KO eni ae tohi oe hako o Atama. I he aho nae fakatubu e he Otua ae tagata, naa ne gaohi ia i he tatau oe Otua; Naa ne fakatubu akinaua koe tagata moe fefine; bea ne tabuaki‘i akinaua, bea ui ho na higoa ko Atama, i he aho nae fakatubu ai akinaua. Bea nae moui a Atama i he ta‘u e teau ma tolugofulu, bea ne fakatubu ae foha i hono tatau oona, mo ene aga; bea nae ui hono higoa ko Seti:

He nae gaohi e Jihova i he aho e ono, ae lagi, moe fonua, moe tahi, moe gaahi mea kotoabe oku i ai, bea ne mālōlō i hono fitu oe aho: koia nae tabuaki‘i ai e Jihova ae aho sabate o ne fakatabu‘i ia.

Koe fakailoga ia iate au moe fānau a Isileli o taegata: he nae gaohi e Jihova i he aho e ono ae lagi moe fonua, bea naa ne tutuku i hono fitu oe aho, bea fiemalie ai.

Ka e hage koe mooni a eku moui, e bito a mamani kotoabe i he nāunāu o Jihova.

He koeni, ke ke fehui ki he gaahi aho kuo oji, aia nae i mu‘a iate koe, talu ae aho nae fakatubu ai e he Otua ae tagata i mamani, bea fehui mei he botu e taha oe lagi o a‘u ki hono botu e taha, be nae i ai ha mea behe o hage koe mea lahi ni, be kuo ai ha fanogo ki ha mea behe?

Vakai, koe lagi moe lagi oe gaahi lagi oku o Jihova ko ho Otua, ko mamani foki, mo ia kotoabe oku i ai.

Oku ne hiki hake ae majiva mei he efu, o fakahikihiki ae faa kole mei he tuuga veve, ke fakanofo akinautolu moe houeiki, bea ke ne gaohi akinautolu ke nau ma‘u ae nofoa fakaeieiki: he koe gaahi bou o mamani oku o Jihova, bea kuo ne fokotuu a mamani ki ai.

Bea nae ha hake ae tokaaga oe tahi, nae fakahāhā mai ae gaahi tuuga o mamani, i he valokia mai a Jihova, moe uulu mai ae mānava o hono fofoga.

Bea nae lotu a Hesekaia I he ao o Jihova, o behe, E Jihova koe Otua o Isileli, oku ke afio i he vahaa oe ogo jelubi, ko koe koe Otua, io akoe be, i he gaahi buleaga o mamani; kuo ke fakatubu ekoe ae lagi mo mamani.

Oku oou, E Jihova, ae maoluga, moe malohi, moe nāunāu, moe ikuna, bea moe mafimafi: he oku oou ae mea kotoabe oku i he lagi bea moe mamani: oku oou ae buleaga, E Jihova, bea oku hiki hake koe koe ulu ki he mea kotoabe.

Ko koe, io ko koe be, ko Jihova toko taha be: naa ke fakatubu ae lagi, koe lagi oe gaahi lagi, mo ho nau gaahi toko lahi kotoabe, ae fonua moe gaahi mea kotoabe oku i ai, koe gaahi tahi, moia kotoabe oku i ai, bea oku ke fakatologa akinautolu kotoabe; bea oku hu kiate koe ae gaahi toko lahi oe lagi.

Oku ne lulu‘i ae fonua mei hono botu, bea oku galulululu hono gaahi bou. Oku ne fekau‘i ae laa, bea ikai alu hake ia; bea ne tabuni hake ae gaahi fetuu. Oku ne folahi atu toko taha be ae gaahi lagi, bea oku ne haele i he gaahi beau oe tahi. Oku ne gaohi a Aakitulio, mo Olioni, mo Beliatisi, bea moe gaahi botu ki he feituu toga. Oku ne fai ae gaahi mea lahi o tae faa iloa; io, koe gaahi mea mana oku taefaalaua.

Kae fehui eni ki he faga manu, bea te nau ako‘i koe; moe faga manu oe atā, bea te nau tala kiate koe: Bea lea ki he fonua, bea te ne ako‘i koe: bea e fakaha kiate koe e he gaahi ika oe tahi. Kohai oku ikai te ne ilo i he mea ni kotoabe koe nima o Jihova kuo ne fai eni? Aia oku i hono nima ae moui ae mea moui fulibe, moe mānava oe kakai kotoabe.

Oku ne folahi atu eia ae botu fakatokelau i he ataloa, bea ne tautau a mamani ki he atā noabe be. Oku ne ha‘iha‘i ae gaahi vai i hono gaahi ao matolu; bea oku ikai mahae hae ai ae ao. Oku ne taofi atu a hono mua afioaga, o ne folahi ene ao ki ai. Oku ne takatakai ae moana o ai hono gataaga, kae oua ke oji ae aho moe bo. Oku galulu ae gaahi bou oe lagi, bea ofo i he ene valoki.

Nae gaohi au e he Laumalie oe Otua, bea koe mānava oe Mafimafi kuo ne foaki ae moui kiate au.

BEA nae toki folofola a Jihova kia Jobe mei he ahiohio, o behe, Kohai eni oku ne fakabouli‘i ae fakakaukau aki ae gaahi lea oe tae ilo? Koeni, ke ke nonoo ho nootagavala o gali moe tagata; he teu eke kiate koe, bea ke fakamatala mai kiate au. Naa ke ife koe i he eku ai ae gaahi tuuga o mamani? fakaha mai, kabau oku iate koe ae faa ilo. Kohai naa ne ai hono gaahi fuofua oia, o kabau oku ke ilo? be kohai naa ne falo ae afo ki ai? Oku fakamau ki he ha a hono gaahi tuuga oia? be kohai naa ne ai a hono maka tuliki oia; Aia nae hiva fiefia fakataha ai ae gaahi fetuu oe bogibogi, bea kalaga fakafiefia ai ae gaahi foha kotoabe oe Otua? Be kohai naa ne tabuni ae tahi aki ae gaahi mataba, i he ene ba mai, o hage ko ene buna mei he manāva? I he eku gaohi ae ao koe kofu oia, bea koe fakabouli matolu ko hono noo oona. O keli hake ae botu naaku tuutuuni ki ai, o ai ki ai ae gaahi bou moe mataba. Beau behe, Te ke ha‘u ki heni, bea gata ai: bea e lolomi i heni hoo gaahi beau laukau?

Koeni, ke ke vakai ki he biimote, aia kuou gaohi mo koe; oku ne kai mohuku o hage koe faga bulu: Vakai, oku i hono fajiatua a hono malohi, mo ene mafai oku i he bito o hono kete. Oku ne ue‘i hono iku o hage koe sita: koe uoua o hono tega oku fefihitaki fakataha.

O kau ka fakakaukau ki ho gaahi lagi, koe gaue o ho louhi‘i nima, koe mahina moe gaahi fetuu, aia naa ke fokotuu;

Nae toki ha ai ae gaahi tafeaga oe vai, bea fakaha ai ae gaahi tuuga o mamani i ho houhau, E Jihova, i he matagi oe mānava o ho houhau.

OKU fakaha e he gaahi lagi ae nāunāu oe Otua; bea oku fakaha e he atā ae gaue a hono nima.

Kuo hoko e nau fua ki he fonua kotoabe, moe nau gaahi lea ki he gataaga o mamani. Kuo fokotuu eia i ai ae nofoaga ki he laa,

OKU o Jihova ae fonua kotoabe, mo hono mahu oia; a mamani, mo kinautolu oku nofo i ai. He kuo ne fokotuu ia ki he gaahi tahi, mo fakatuu mau ia ki he gaahi vai lahi.

Nae gaohi e he folofola a Jihova ae gaahi lagi; mo ho nau nāunāu kotoabe e he mānava o hono fofoga.

Oku oou ae gaahi lagi, bea oku oou foki moe fonua: ko mamani mo hono fonu oia kuo ke fakatuu mau ia. Kuo ke gaohi ae botu tokelau moe botu toga: ko Teboa mo Heamoni e fiefia i ho huafa.

I he heeki ai fakatubu ae gaahi mouga, bea teeki ai te ke gaohi ae fonua mo mamani, io, talu mei mua o a‘u o taegata, ko koe be koe Otua.

Oku oona ae tahi, he naa ne gaohi ia: bea nae gaohi e hono nima ae fonua momoa. Ha‘u, ke tau lotu mo bunou: ke tau tuulutui i he ao o Jihova ko ho tau tubuaga.

Naa ke ai i he kamataaga ae tuuga o mamani: bea koe gaahi lagi koe gaue ia i ho nima. E auha ia, ka e behe ai be akoe: io, e fakaaau kotoabe ia ke motua o hage koe kofu; bea hage koe bulubulu te ke fatufatu ia, bea e fakakehe ia:

FAKAFETAI kia Jihova, a hoku laumalie. E Jihova ko hoku Otua, oku ke lahi aubito; kuo kofu aki koe ae fakaabaaba moe mafimafi. Oku ke ufiufi aki koe ae māma o hage koe kofu: oku ke fofola atu ae gaahi lagi o hage koe buibui: Oku ne ai ae gaahi utoboto o hono gaahi fale i he gaahi vai: bea ko ene saliote ae gaahi ao: bea oku haele ia i he gaahi kabakau oe matagi: Oku ne gaohi ene kau agelo ke hage koe matagi; mo ene kau faifekau koe afi oku ulo: Naa ne ai ae gaahi tuuga o mamani, ke oua naa ue‘i ia o lauikuoga.

E Jihova, hono ikai lahi a hoo gaahi gaue! kuo ke gaohi kotoabe ia i he boto: oku fonu a mamani i hoo koloa. Bea oku behe ae tahi lahi ni mo laulahi, aia oku ai ae gaahi mea totolo taefaalaua, ae faga ika iki moe lalahi.

Oku lahi ae gaue a Jihova, oku kumi ki ai akinautolu kotoabe oku fiefia ai.

Oku mou monuia ia Jihova, aia naa ne gaohi ae lagi mo mamani. Oku o Jihova ae lagi, io, koe gaahi lagi: bea kuo ne foaki a mamani ki he fānau ae tagata.

Koe aho eni kuo gaohi e Jihova; te tau fiefia bea nekeneka ai.

Oku ha‘u hoku tokoni mei a Jihova, aia ne ne gaohi ae lagi mo mamani.

Ko ho tau tokoni oku i he huafa o Jihova, aia naa ne gaohi ae lagi me mamani.

Koe mea kotoabe nae finagalo ki ai a Jihova, koia naa ne fai i he lagi, mo mamani, i he gaahi tahi, moe gaahi botu loloto kotoabe.

Kiate ia aia nae gaohi i he boto ae gaahi lagi: he oku tologa o taegata a ene aloofa. Kiate ia aia nae folahi a mamani i oluga i he gaahi vai: he oku tologa o taegata a ene aloofa. Kiate ia aia nae gaohi ae gaahi māma lahi: he oku tologa o taegata a ene aloofa: Koe laa ke bule i he aho: he oku tologa o taegata a ene aloofa: Koe mahina moe gaahi fetuu ke bule i he bo: he oku tologa o taegata a ene aloofa.

He kuo ke ma‘u hoku koga loto: naa ke ufiufi au i he manāva o eku fa‘e. Teu fakamalo kiate koe; he oku fakamanavahe mo fakaofo hoku gaohi: oku fakaofo hoo gaahi gaue; bea oku ilo bau ki ai e hoku laumalie.

Aia naa ne gaohi ae lagi, mo mamani, ae tahi moe mea kotoabe oku i ai: bea oku ne tauhi ae mooni o lauikuoga:

Oku ne tala hono lau oe gaahi fetuu; oku ne ui akinautolu kotoabe i ho nau gaahi higoa.

Kuo fokotuu e Jihova ae tuuga e mamani i he boto; bea i he ilo kuo ne teuteu ai ae gaahi lagi.

Nae ma‘u au e Jihova i he kamataaga o hono hala, i muaage i he ene gaahi gaue i mua. Nae fokotuu au talu mei mua, mei he kamataaga i he heeki ai a mamani. Nae fanau‘i au i he teeki ke ai ha loloto; i he heeki ai ha matavai oku fonu i he vai. I he teeki ke tuu mau ae gaahi mouga; nae fanau‘i au i he heeki ai ae gaahi botu maoluga: I he teeki ai te ne gaohi a mamani, be koe botu maalaala, be koe botu lahi oe efu o mamani. I he ene teuteu ae gaahi lagi, naaku i ai au: bea i he ene tuku ae gataaga oe fuga loloto: I he ene fokotuu ae gaahi ao i oluga: i he ene fakamalohi ae gaahi matavai oe loloto: I he ene tuku ki he tahi ene fono, ke oua naa laka mai ia i he mea kuo ne fekau: i he ene tuutuuni ae gaahi tuuga o mamani. Naaku i ai mo ia, o hage ha taha kuo tubu hake mo ia: ko hono fiefiaaga au i he aho kotoabe, bea naaku fiefia mau ai be i hono ao; Naaku fiefia i he gaahi botu o mamani oku kakai; bea nae i he fānau ae tagata a eku fiefiaaga.

Kuo fakatou gaohi e Jihova ae teliga ke fanogo moe mata ke jio aki.

Bea naa na lea fetaliaki, o behe, Oku maonioni, oku maonioni, oku maonioni, a Jihova oe gaahi kau tau: oku fonu a mamani kotoabe i hono nāunāu.

E ikai te nau fakamamahi be fakaauha i ha botu o hoku mouga maonioni: koeuhi e fonu a mamani i he ilo‘i o Jihova, o hage oku ufiufi e he gaahi vai ae kiliji tahi.

Koe mooni ko hoo mou fulifulihi ae gaahi mea e tatau moe umea oe tagata gaohi ibu: he e lea behe koa ae mea kuo gaohi kiate ia naa ne fakatufuga‘i, Nae ikai te ne gaohi au? be, e behe ae mea kuo gaohi kiate ia nae gaohi ia, Nae ikai haane ilo?

E Jihova oe gaahi kau tau, koe Otua o Isileli, aia oku afio i he vahaa oe ogo Jelubi, ko koe koe Otua, io, ko koe toko taha be, i he gaahi buleaga o mamani: ko koe nae gaohi ae lagi mo mamani.

Kohai kuo ne fua ae gaahi vai i hono aofi nima, bea fuofua ae lagi aki ae haga, bea fakakatoa ae efuefu oe fonua i he mea fuofua, bea kuo fakamamafa, ae gaahi mouga i he mea fakamamafa, bea moe gaahi tafugofuga i he mea fakatatau?

Kuo tae ilo ekimoutolu? nae ikai te mou fanogo? ikai kuo fakaha kiate kimoutolu mei he kamataaga? ikai kuo mou ilo talu mei he ai ae tuuga o mamani? Ko ia ia oku afio i he takatakai o mamani, bea koe kakai oku nofo ai oku tatau kiate ia moe faga hee; koia ia oku ne fofola ae gaahi lagi o hage koe buibui, bea folahi ia o hage koe fale fehikitaki ke nofo ai:

Hiki hake ho mou mata ki oluga, bea vakai be kohai kuo ne fakatubu ae gaahi mea ni, aia oku ne lau mo taki kitua ho nau toko lahi; oku ne ui akinautolu kotoabe i ho nau higoa i he lahi o hono mafimafi, koeuhi oku malohi ia i he mafimafi, oku ikai ha taha oku tae ha mai.

Ikai naa ke ilo? ikai naa ke fanogo, ko Jihova koe Otua taegata ia, koe Tubuaga oe gaahi gataaga o mamani, oku ikai bogia ia, bea oku ikai vaivai? oku tae faa ilo‘i a ene ilo.

Oku behe e he Otua ko Jihova, aia naa ne fakatubu ae gaahi lagi, bea folahi atu ia; koia nae mafola atu ae fonua, bea mo ia oku tubu ai; koia oku foaki ae mānava ki he kakai i he fuga oia, moe laumalie kiate kinautolu oku eveeva i ai:

Io akinautolu kotoabe oku ui aki hoku huafa: he kuo fakatubu ia keu ogoogolelei ai: naaku fakafuofua ia, io, naaku gaohi ia.

Oku behe e Jihova, ko ho huhui, bea ko ia nae fakafuofua koe mei he manāva, Ko au ko Jihova kuou gaohi ae mea kotoabe; kuou folahi toko taha be ae gaahi lagi; oku fofola atu a mamani e au be;

Oku behe e Jihova, koe Toko Taha Maonioni o Isileli, mo hono Tubuaga, Fehui kiate au i he gaahi mea e hoko oku kau ki hoku gaahi foha, bea i he gaahi gaue a hoku nima mou fekau mai kiate au. Kuou gaohi a mamani, bea fakatubu moe tagata i ai: ko au, kuou folahi e hoku nima ae gaahi lagi, bea kuou fekau ki ho nau toko lahi kotoabe.

He oku behe e Jihova aia naa ne gaohi ae gaahi lagi; koe Otua be aia nae fakafuofua a mamani mo fakatubu ia; kuo ne fokotuu mau ia, nae ikai te ne gaohi ke tae aoga ia, naa ne fakafuofua ia ke nofo ai ae kakai: ko au ko Jihova: bea oku ikai mo ha toko taha.

Fanogo kiate au, e Jekobe bea mo Isileli, akoe kuou ui; ko au ia; ko au koe uluaki, bea ko au foki koe kimui. Kuo ai e hoku nima ae tuuga o mamani, bea kuou haga ae gaahi lagi aki hoku nima toomatau: o kau ka ui ki ai, oku nau tuu hake fakataha.

Bea oku ke fakagalogalo‘i a Jihova ko ho tubuaga, aia kuo ne fofola ae gaahi lagi, bea ai moe gaahi tuuga o mamani; bea kuo ke manavahe mau ai be i he aho kotoabe koeuhi koe ita oia oku fakamalohi, o hage oku ne teu ke fakaauha? bea kofaaia ae lili oe fakamalohi?

Ka koeni, E Jihova, ko koe koe mau tamai; koe umea akimautolu, bea ko ho mau gaohi koe: bea koe gaue a ho nima akimautolu kotoabe.

OKU behe e Jihova, Ko hoku afioaga ae lagi, bea ko hoku tuuaga va‘e a mamani: kofaaia ae fale oku mou laga kiate au? bea kofaaia ae botu o eku mālōlō? He oku behe e Jihova, koe gaahi mea na kotoabe nae gaohi e hoku nima, bea kuo i ai be ae gaahi mea koia: ka teu vakai ki he tagata ni, io kiate ia oku majiva bea oku loto fakatomala mooni, bea oku tetetete i he eku folofola.

Ka ko Jihova koe Otua mooni, koe Otua moui ia, bea koe Tu‘i taegata: bea e gau‘eu‘e a mamani i hono houhau, bea e ikai faa kataki e he gaahi buleaga a ene tubutamaki. Bea te ke lea behe kiate kinautolu, Koe gaahi otua nae ikai gaohi ae gaahi lagi, mo mamani, e fakaauha akinautolu i mamani, bea mei he lalo lagi. Kuo ne gaohi ae kelekele aki hono malohi, kuo ne fokotuu mau a mamani aki ene ilo, bea kuo ne folahi ae gaahi lagi i he ene boto.

Kuou gaohi a mamani, moe tagata, bea moe manu oku i ho fuga fonua, aki eku malohi lahi, mo hoku nima mafao, bea kuou foaki ia kiate kinautolu oku ou loto ki ai.

E Eiki ko Jihova! vakai, kuo ke gaohi ae lagi bea mo mamani i ho malohi lahi bea moe nima mafao, bea oku ikai ha mea e taha oku faigataa kiate koe:

Kuo ne gaohi ae kelekele aki hono malohi, bea kuo ne fokotuu mau a mamani i he ene boto, bea kuo ne folahi atu ae gaahi lagi i he ene iloilo.

Kumi ia naa ne gaohi ae fetuu e fitu mo Olioni, bea oku ne liliu ae ata oe mate koe bogibogi, bea ne gaohi ae aho ke bouli i he bo: bea oku ne ui ae gaahi vai oe tahi, bea ne liligi ia ki he fuga oe fonua: Ko Jihova hono huafa:

Koia ia oku laga hono gaahi fale fata i he lagi, bea kuo tanaki ene kau tau i mamani; aia oku ne ui ae gaahi vai oe tahi, bea ne huai ia i he fuga oe fonua: ko Jihova hono huafa.

Bea naa ne beheage kiate kinautolu, Koe tagata Hebelu au; bea oku ou manavahe kia Jihova koe Otua oe lagi, aia kuo ne gaohi ae tahi, bea moe fonua momoa.

Koeuhi e fakafonu a mamani i he ilo ki he nāunāu o Jihova, o hage oku ufiufi ae kiliji tahi e he gaahi vai.

OKU behe e Jihova, koe tala mamafa ae folofola a Jihova ki Isileli, koia ia oku folahi atu ae gaahi lagi, mo ne ai ae tuuga o mamani, bea ne gaohi eia ae laumalie oe tagata i loto iate ia.

Kae talu mei he kāmataga i he fakatubu nae gaohi akinaua e he Otua koe tagata moe fefine.

Koe foha ia o Inosi, koe foha ia o Seti, koe foha ia o Atama, koe foha ia oe Otua.

NAE i he kamataaga ae Folofola, bea nae i he Otua ae Folofola, bea koe Otua ae Folofola, Ko ia ia nae i he kamataaga moe Otua. Nae gaohi eia ae mea kotoabe; bea nae ikai ha mea e gaohi kae iate ia be.

Nae i mamani ia, bea nae gaohi eia a mamani, ka nae ikai ilo ia e mamani.

Bea kuo kamata e he bule oe katoaga ki he vai kuo liliu koe uaine, kae ikai ilo ia be koe mea meife: (ka nae ilo e he kau tauhi naa nau fakatafe ae vai;) bea ui ae bule oe katoaga ki he tagata taane, O ne behe ki ai, Oku tomua omi e he tagata kotoabe ae uaine lelei, bea ka lahilahiga lelei ae inu ae kakai, oku toki omi aia oku kovi: ka kuo ke tuku ae uaine lelei ki mui ni.

Oku behe e he Eiki, Ko hoku nofoa ae lagi, bea ko hoku tuugava‘e a mamani: koeha ae fale te mou laga mooku? bea koeha hoku mālōlōaga?

O behe, Ae kau tagata, koeha oku mou fai ai ae gaahi mea ni? Koe ogo tagata be akimaua o hage ko kimoutolu, bea oku ma malaga kiate kimoutolu ke mou tafoki mei he gaahi vaiga ni ki he Otua moui, aia naa ne gaohi ae lagi, mo mamani, moe tahi, moe mea kotoabe oku i ai:

Koe Otua aia naa ne gaohi a mamani moe mea kotoabe oku i ai, oku ikai nofo ia i he gaahi fale kuo gaohi e he nima, he koe Eiki ia oe lagi mo mamani; Bea oku ikai tauhi aki ia ae nima oe tagata, o hage oku majiva ia i ha mea, he oku foaki eia ki he mea kotoabe ae moui, moe mānava, moe mea kotoabe; Bea nae gaohi eia i he toto be taha ae gaahi kakai kotoabe ke nofo i he fuga o mamani kotoabe, bea kuo tomua tuku bau ae gaahi kuoga, moe gataaga o ho nau nofoaga; Ke nau kumi ki he Eiki, o tautaufā ki ai, hei ilo be te nau ma‘u ia, ka oku ikai mamao ia mo kitautolu taki taha kotoabe. He oku tau moui, mo gau‘eue, mo nofo be, iate ia; o hage koe lea ae niihi i hoo mou kau tohi hiva, He ko hono hako foki akitautolu.

He koe gaahi mea tae ha mai aana, aia ko ene mafimafi taegata mo hono Otua, kuo ilogofua ia i hono gaohi o mamani, oku ilo‘i ia mei he gaahi mea kuo gaohi; koia oku ikai ai ha nau haoaga:

(O hage koia kuo tohi, Kuou tuutuuni koe koe tamai ae gaahi kakai lahi,) i he ao oe Otua aia naa ne tui ki ai, aia oku ne fakaake ae mate, bea ne lea ki he gaahi mea koia kuo ikai, o hage kuo ai ia.

Bea koia, o hage nae hoko mai ae agahala ki mamani, moe mate mei he agahala, i he tagata be taha; bea nae behe ae hoko oe mate ki he kakai kotoabe, he kuo agahala kotoabe:

He koe holi lahi oe mamani, oku tatali ia ki he fakaha ae fānau ae Otua. He nae fakamoulaloa a mamani ki he vaiga, (kae ikai loto ia ki ai, ka koe mea iate ia kuo ne fakamoulaloa ia,) i he amanaki lelei: He koeuhi e fakahaofi a mamani mei he ha‘i oe auauha ki he tauataina monuia oe fānau ae Otua. He oku tau ilo, oku to‘eto‘e mo feiga i he lagā fakataha a mamani kotoabe o a‘u ki heni.

He oku tubuga meiate ia, bea oku mau be iate ia, bea e iku kiate ia, ae gaahi mea kotoabe: aia ke i ai ae fakaabaaba o taegata. Emeni.

Ka oku taha be ae Otua kiate kitautolu, koe Tamai, aia oku mei ai ae gaahi mea kotoabe, bea maana akitautolu; bea taha be ae Eiki, ko Jisu Kalaisi, aia oku iate ia ae gaahi mea kotoabe, mo kitautolu iate ia.

Ka oku foaki ki ai e he Otua hono jino, ko ene faiteliha be ia, bea ki he tega taki taha hono jino oona. Oku ikai koe kakano tatau be ae kakano katoabe: he oku ai ae kakano koe taha oe tagata, koe kakano e taha oe faga manu, koe taha kehe oe gaahi ika, moe taha kehe oe faga manu buna.

Bea kuo tohi o behe, Koe uluaki tagata ko Atama nae gaohi ia koe laumalie moui; koe Atama fakamui koe laumalie fakamoui. Ka nae ikai muomua aia oku laumalie, ka koia oku fakakakano; kae toki hoko aia oku fakalaumalie. Koe uluaki tagata, oku mei he kelekele, oku kelekeleia: ko hono ua oe tagata, koe Eiki mei he lagi. Hage koe kelekeleia, oku behe be foki akinautolu oku kelekeleia: bea hage koia oku mei he lagi, oku behe be foki akinautolu oku fakalagi.

He koe Otua, aia nae fekau ke ulo mai ae māma mei he bouli, ko ia kuo ne fakaulo mai ki ho mau loto, ke fakamāmagia akimautolu i he ilo oe nāunāu oe Otua, i he fofoga o Jisu Kalaisi.

Bea ke fakailo ki he kakai kotoabe, ae feohi oe mea fakalilolilo, aia nae lilo i he Otua, aia naa ne fakatubu ae mea kotoabe ia Jisu Kalaisi, talu mei he kamataaga o mamani:

Aia ko hono tatau oe Otua tae ha mai, koe uluaki fanau i he mea fakatubu kotoabe. He nae fakatubu eia ae gaahi mea kotoabe, aia oku i he lagi, bea mo ia oku i mamani, ae mea ha mai moe tae ha mai, be koe gaahi nofoa fakaeieiki, be koe gaahi eikiaga, be koe gaahi bule, be koe gaahi malohi: nae fakatubu eia ae gaahi mea kotoabe, bea nae maana ia: Bea oku ki mu‘a ia i he gaahi mea kotoabe, bea oku tuu mau iate ia ae gaahi mea kotoabe.

Kuo ne folofola i he gaahi aho ki mui ni kiate kitautolu i hono Alo, aia kuo ne tuutuuni ke aana ae gaahi mea kotoabe, aia ne ne gaohi ai foki ae gaahi mama; Koe malama ia o hono nāunāu, moe tatau aubito o ene afio, bea oku ne boubou hake ae mea kotoabe aki ene folofola malohi, bea kuo hili ene fai eia ae totogi i he e tau gaahi agahala, bea nofo hifo ia i he nima toomatau oe Fugani Maoluga;

Bea, Ko koe, e Eiki, naa ke ai i he kamataaga ae tuuga o mamani; bea koe gaahi lagi koe gaue ia a ho nima:

He kuo laga kotoabe ae fale e ha taha; ka ko ia kuo ne laga ae gaahi mea kotoabe koe Otua.

Koe tui oku tau ilo ai nae fakatubu ae gaahi mama e he folofola ae Otua, koia koe gaahi mea oku ilo ni nae ikai ke fakatubu aki ae gaahi mea nae ha mai.

O tomua ilo eni, e ha‘u ae kau manuki i he gaahi aho ki mui, o aeva i he e nau gaahi holi kovi a nautolu, O nau behe, Kofaa koa ae talaofa ki he ene ha‘u? he kuo talu ae mohe ae gaahi tamai, moe behe ai be ae mea kotoabe o hage be i hono uluaki fakatubu. He ko ho nau loto ke nau vale i he mea ni, koe mea i he folofola ae Otua, nae i mu‘a ae gaahi lagi, bea tuu mei he vai bea i he vai a mamani: Aia nae lofia ai ae mama koia aki ae vai, bea auha ia: Ka koe gaahi lagi moe fonua oku tuu ni, kuo fokotuu ia aki a ene folofola be koia, o fakatologa ki he afi i he aho fakamāu moe fakaauha oe kakai agahala. Ka koeni, e kaiga, ke oua te mou taeilo ki he mea ni e taha, koeuhi koe aho e taha oku tatau ki he Eiki moe ta‘u e afe, bea koe ta‘u e afe oku tatau moe aho be taha.

Oku tāu mo koe, e Eiki, ke ke ma‘u ae fakaabaaba moe ogoogo lelei moe mafimafi: he kuo ke fakatubu ae gaahi mea kotoabe, bea nae gaohi ia bea oku kei ai ni, i hoo finagalo be koe ki ai.

Bea ne fuakava iate ia oku moui o taegata bea taegata, aia naa ne fakatubu ae lagi, moe gaahi mea oku i ai, moe fonua, moe gaahi mea oku i ai, moe tahi, moe gaahi mea oku i ai, E ikai kei taofia:

Bea neu mamata ki ha agelo kehe e taha oku buna i he loto lagi, kuo iate ia ae ogoogolelei taegata ke malaga aki kiate kinautolu oku nofo i he mamani, bea ki he buleaga kotoabe, moe faahiga, moe lea, moe kakai, O ne behe aki ae le‘o lahi, Manavahe ki he Otua, bea atu ae fakamalo kiate ia; he kuo hokojia ae feituulaa o ene fakamāu: bea hu kiate ia naa ne gaohi ae lagi, moe mamani, bea moe tahi, moe gaahi matavai oe gaahi vai.